كمت وي خاله وهوه عدل كعدته لان كلهم تباركوله اول مانزل عرفتني على عمامهم تلاثه همه ونسوانهم سلامهم حلو واخوته كمال الجبير مزوج وعنده جهال كبار مرته مبينه مو هلكد من سلامهه ومهند اخو ثاني هم مزوج بس عنده طفله وحده جانت بحظن امهه بعدهه زغيره فدوه شحلاتهه ونصير هم مزوج وعنده جهال مبين علي متدين كلش حتى مارفع راسه عليه ومن سلمت علي جاوب بكل هدوء مرته هم مبين من لبسهه حتى جواريب لابسه بلبيت ومعاصم وكب وشال اووف شدعوه هيج خانكه روحهه الااعرفه همه كلهم كاعدين بنفس البيت محد طالع بيهم يعني هذا لبسهه للبيت سلمت عليهم كلهم ورجعت كعدت يم الفندي شفته يتراسل وي جماعته شويه ودخلو ولد عمهم همه وعوائلهم هم تباركولنه وكعدو اجة مرت نصير اشرتلي بهدوء استغربت ليش ماتحجي هنا شبيهه كمت وياهه طلعنه من الاستقبال جان تكول

لبنى.اني اعتذر منج والله لان طلعتج هيج بس نصير يتخبل اذا وحده من عدنه بقت كاعده يم زلم واشرلي كال خل تطلع واني مااكدر احاجيج كدام مصطفى لان مايصير ادنك احجي وياج وهوه قريب عليج

سمر.انتي تحجين صدك لو ناصبه عليه

لبنى.لاوداعت جهالي فدوه لادخلين ترى اني الاتاذه لان مايحجي وياجن بس يفرغ حركته بيه 😢

سمر.لااا لاخلص ماداخل لاتبجين عفيه بس اذا مصطفى صاحني شلون

لبنى.لا همه يعرفون طبعه ماراح يصيح عليج كدامهم

سمر.تمام هسه اكو مكان معين لازم نكعد بي لو عادي

لبنى. سمر عن الاستهزاء عفيه ترى مااقبل علي

سمر . واني ماكلت شي ليش تاخذينهه بغير نظره قصدت وين لازم ننجمع حتى ميحجي شي

لبنى.مبين عليج طيبه وحبابه يستاهل مصطفى الله يسعدكم

سمر.تسلمين حبي

مصطفى. سمر وين رحتي

اباوع مرت اخو طفرت بسرعه بس طلع مصطفى يااا هاي شبيهه صدك عود ضليت فاتحه عيوني على وسعهن مامصدكه خاصه من طلع نصير وره مصطفى وماشافهه رجع دخل انتبهت علي يضحك باوعت علي كال

مصطفى. هههههه هااا بلشوا نصير ومرته وياج

سمر.عفيه عود صدك يحجون ذوله

مصطفى. شرادو منج بالله

سمر.طلب اطلع لان كاعدين ولد جوه ومايصير ابقى يمهم

مصطفى. هااا

حسيته ضاج لان حتدة ملامحه كلش هسه اني شحجاني بالله غيرة الموضوع سالته

سمر.مصطفى هم خابرت على اثير شنو اخبار رهف

مصطفى. انتظري هسه راح اخابره لان قبل شويه دكيت وماكو ماجاوبني

سمر.عفيه اتصل والله كلبي نار عليهه

مصطفى. هم مايرد هسه اشوف عمر لان هوه يمه بلمستشفى والله لو ما هاي العالم جا ماعفته وحده بهيج وضع

سمر.خل تخف الهوسه ونروحلهم شتكول

مصطفى. وين تردين للمستشفى لو لهلج

سمر.ثنيهن لااهلي اريد اشوف مرت عمر تعبانه والمستشفى علمود رهف

مصطفى. خليهه بعدين نتناقش بروحة اهلج مو هسه

سهى.شهل عصافير يربي فدوه تخبلون سوه

مصطفى. ههههههههه خل يسمعج نصير هسه

سهى.لايمه راح اسكت توبه

مصطفى. همس باذني .شنو عاجبتج الكعده بحظني هيج حلوه حظني

سمر.طفرت مخروعه جنه كاعدين على القنفه وحاط ايده على كتفي يعني شبهه بحظنه كاعده ونسولف مامنتبهين للمكان وسهى كاعده يمنه وخرت راسا رجع مصطفى لاستقبال واحنه بقينه كاعدين اني وسهى واجت شهد طبعا بس ذني اخوات مصطفى ماعنده بس اثنين اخوات خلصناهه سوالف وضحك وتعرفت عليهن وكل شويه وحده كامزه بسؤال صار وقت الغده صبوا لزلم وحد ولنسوان وحد هيج ضليت انقش بالاكل استحيت منهم وهم نفسيتي مسدوده خلصنه كمت اريد الم الاكل وياهن عيب كاعده بس ماخلتني الحجيه وخاله ماقبلن رحت غسلت ورجعت كعدت بعدين كمنه لغرفة شهد كالت تعالن نكعد هناك وطبعا كلهه جمعت بس البنات والجناين النسوان الكبار ضلن كاعدات وحدهن خلصنهه دك تحشسش تنجبر تضحك صح جنت اضحك وياهن بس مثل الغصه عندي بسبب حالة رهف راحت شهد جابت كيك وببسي لمتهم كلش حلو لدرجه شتاقيت للبنات وياي اووف احنه حتى كعداتنه كلهه بواجي خاصه رهف انتبهت على سهى تحجي وياي

سهى.سموره يلا كومي اجوي علينه خطار روحي جهزي نفسج

سمر. سهى ممكن شويه تجين وياي

سهى. اي عادي حبي امشي

رحنه للغرفه دخلنه طبعا اني رتبتهه قبل لااطلع منهه فتحت شالي ذبيته لان مامتعوده علي وهيه هم كعدت
متناسيه العلامات البركبتي سمعت صوتهه ضحكت درت عليهه

سمر . شبيج شو ضحكين

سهى.اكول مصطفى شلون متحمل من صبح لسه ماسحلج للغرفه

سمر.هااا

سهى.ههههههه شبيج ولج اشاقه وياج اي ماكتيلي شردتي

سمر.اريد اخذ فكره مختصره عن البيت علمود اعرف شلبس هسه اقصد احنه عدنه العروس تلبس وتكشخ براحتهه بس مااعرف انتو شلون ...

سهى.فهمت عليج حبي لاالبسي براحتج اليعجبج بس لبسي فوكه بشت او جبه ولفي شال لااحتياط ومن دخلين يم نسوان ذبي

سمر.هاا ماشي فهمت عليج شكرا حبي

سهى.ولو بس عجبتيني سمر تصرف كلش حلو منج انو تستفسرين عن هيج شي وهسه اعوفج تبدلين واني اطلع

سمر. ماشي هسه البس واجي وراج

طلعت سهى رحت طلعت فستان قصير احمر هوه مال مناسبات يصير حمالات من فوك وصدر مالته تووول ونفش وصيت علي من نت كولش عجبني فتحت شعري سرحته ومكيجت مكياج بسيط بس الحمره خليتهه طوخ شويه بحيث برزن شفايفي طلعت الجبه وشال لبستهن وطلعت رحت الاستقبال استحيت ادخل اجة مرت مهند من شافتني واكفه ضحكت

نيفين.هااا يحلو مدخلين هههههه

سمر.استحي والله تعالي وياي

نيفين.اي بلخدمه تعاي يروحي

دخلنه اني وياهه نزعت الجبه ورتبت ملابسي اباوع هاي صافنه عليه كتلهه

سمر.شبيج

نيفين. اللهم صلى محمد وال محمد طالعه كيكه ربي يحرسج من العين

سمر.يعمري تسلمين

دخلنه سلمت على نسوان جانوا كرايبهم وياهه جناينهه وبناتهه دخل تجي ماما وعمه نوال يشوفن احنه حتى من يجيهن واجب مايخلنه ندخل نسلم ضليت بس اوزع ابتسامات لحد ماحجة وحده الي من اجت لسه بس تخوزر بيه

اي سمر شلون شفتي مصطفى زين لو لا

سمر.عفوا مافهمت قصدج شنو

شبيج قصدت على ليلتكم شلون جانت

سمر.ماأعتقد هذا شي حلو انو ينحجي بي مهما يكون هاي خصوصيه واكيد مصطفى مايرضه انو ينحجي بهيج مواضيع كدام الكل

هههههههههه والله ضحكتيني عيني رجلج مامخلي ساقطه تعتب علي هسه مايريد واحد يعرف خصوصياته وهوه جان يحجي وياهن كدامنه

سمر.رغم نرفزتني بس اني طبعي مااعرف اسكت لازم ارد. بعيد عن لفظ لفظتي بحق زوجي بس هم شفتي مره خابرني لو حجه وياي وانتي كاعده يمه

صراحه لا

سمر.معناتهه اكيد فهمتي قصدي حبيبتي جان يطلع وياهن شي واني شي ثاني بلنسبه اله فلا تقارنين رجاءا

اوووي عمه هاي جنتكم لسان وماتنجرع من اولهه هيج

خاله.ليش شو جاوبتج بكل ادب وحجيهه صحيح عيب تدخلين بينهه وبين زوجهه وخاصه انتي بعدج بنيه شمدريج بهاي سوالف كلهه

ياقابل شكتلهه هسه اني هيج مجرد فضول لااكثر ولااقل

الحجيه.اثكل مريود بس بهذا وكتنه البنات ستخفت شو

بقوا وحده ترفع وحده تكبس العجيب امهه ابد ماردتهه بلعكس تبتسم الهه فوكاهه كاعده وتخازر بيه والله لوما اكول عيب وبعدني جديده اله اكوم اسحلهه هسه اتخبل من واحد يباوعلي بهاي نظره كوه صبرت روحي لحد ماطلعوا ردت اطلع وكفتني الحجيه

الججيه.اوكفي يمه امسحيهه بوجهنه هاي البت دومهه رعنه وماتعرف تصرف لاتشلين بكلبج عليهه

سمر.بكلبي لاوالله حجيه مو رعنه هاي وراهه شي بس يلا لابد ينعرف فد يوم رديت بكل هدوء عكس الضوجه البداخلي ... لابيبي لعفوا على شنو اضوج عادي والله

خاله.الله يكملج بعقلج ماما يلا بنتي روحي بدلي ملابسج وكت عشا وسمر خاله حطي حجاب وضبطي على راسج لان الولد كلهم يلتمون

سمر.انشاء الله خاله

عفتهه وطلعت هذا اكيد ابنهه كايللهه يلا اساس حتى مصطفى مايخليني اطلع بلا حجاب رحت للغرفه اريد ابدل دخلت لكيت ضوه مشتغل وملابس دوام على جربايه شامرهن وباب الحمام مسدود يعني ديسبح استغليت الفرصه طلعتلي ثوب مال بيت وشال ذبيت جبه وشال واريد البس بس مديت ايدي فتحت السحاب طلع من الحمام راسا سديتهه حتى كرصتني لكفت الملابس وركضت للحمام حتى مارفعت راسي علي قبل لاوصل للحمام سحبني عليه نلزكت بصدره جان لاف المنشفه على خصره وثانيه ينشف بيهه شعره مااكدرت ترفع راسي من الخجل وخرني عنه وخذ نظره من فوك لجوه كال بصوت خافت

مصطفى. هاي هيج جنتي يم نسوان

سمر.أمم

مصطفى. سمعيني صوتج عوفي الامم هاي

سمر . حجيت بارتباك من نظراته .اي

مصطفى. شنوووو اي وشلوون طلعين من الغرفه هيج صدك تحجين انتي بالله شافج واحد بهذا المنظر

سمر.لااا لا موهيج جنت لابسه جبه فوكهن وشال والله مطلعت هيج شوفهن ذنيج على جربايه

مصطفى. اووف جريت نفس برتياح .تدرين لو طالعه هيج واحد شايفج جا نسيتج حليب امج اليوم

سمر.مم مكن توخر خل اروح ابدل بلحمام

مصطفى. وليش تبدلين خليج هيج هوه منو اكو غيرنه اني وياج بلغرفه

سمر. بفهاوه ..هاا

مصطفى. انتي جبتيهه لروحج تعاي 💋💋

سحبني علي مد ايده غرسهه بشعري ورفع راسي لفوك وهجم على شفايفي جان هادى ورقيق لاأبعد حد ضليت جامده مو كارهه هذا شي بس شعور ماادري شنو اوصفه غريب حسيت جسمي كله رجف تحت لمساته جان يصرف بطريقة واحد محترف رفع اديه وحطهن على ركبته وهمس باذني

مصطفى. خلي ايدج بشعري وحركيهه

ماادري ليش نفذت كلامه بدون مااعترض احسه مسيطر عليه بهيج لحظات دنك على ركبتي وصار يتنقل بيهه من جهتين هنا وهنا حسيت شويه وراح افقد توزاني وفعلا حسيت نفسي راح اوكع حظني اكثر وسحبني لجربايه كعد وخلاني على رجله ومستمر حسيته بده يتقرب شويه وايده ماخذه راحتهه المصيبه مااكدر ادفعه مدري شبيه انوب الفستان قصير طفر بلزايد اول مانزلني على جربايه ندك الباب وتلفونه هم دك بنفس توقيت صاح عليهم واخذ تلفونه يخابر وفتح الباب و هوه بس المنشفه لافهه عليه استغليت الفرصه وشردت للحمام سديت الباب وكعدت احس جسمي كله يرجف اخر شي فتحت المي علمود اهدى شويه سبحت وبدلت ملابسي وطلعت مالكيته توقعته طلع لان ملابسه ماموجودات نشفت شعري جنت متوضيه كعدت اريد اصلي انفتح

الباب ورجع دخل باوع عليه اجه كعد يمه بلكاع راسا دنكت فد فشلانه من موقفي قبل شويه وياه

مصطفى. اني راح اطلع تقريبا بلعشره ااصبح فوك العشره تلكيني هنا تلفونج يمج اي شي تردي بس دكي عليه تمام وهسه تردين طلعين يمهم تردين اوصي شهد تجي هنا تعشن انتي وياهه

سمر.لا فشله شنو اكل وحدي هسه اطلع يمهم مايصير

مصطفى. ابتسم. ماشي يلا اني رايح ومثل ماوصيتج موتنسين

سمر.اي تمام الله وياك

طلع واني كملت صلاتي ولبست حجابي ضبطته كانوا طالعه من البيت ورحت يمهم لكيت البنات جاي يصبن بالاكل ردت اساعدهن ماقبلن كعدو كلهم اباوع كلمن زوجته وجهاله يمه اشرتلي شهد اجيت كعدت بينهه وبين سهى هيج تنقش رغم جوعانه بس استحي اكل رفعت راسي صدفه لكيت نصير خازرني يمه والله شكله يخوف شبي هذا دنكت اباوع لنفسي حجابي مضبط وثوبي عريض همست لسهى كاعده يمي

سمر.اكول سهى هم بيه شي غلط لو طالع شي مني

سهى.لابلعكس مقبطه بلبس شدعوه لافه شال هيج يخنك يمعوده لو خاف ركبه مخرمشه 😉

سمر.ههههههه اذا هيج معناتهه ليش اخو.....

نصير . سمرررر انتي مو طفله حتى تحجين على الاكل احترمي نعمه لو تكومين هذا مو مكان دك سوالف

احس الهوه كام كوه يدخل لصدري من الفشله التفشلتهه هذا شلون يحجي وياي هيج شنو طفل كدامه وبعدين اني غريبه عليهم موعيب علي يجاوز هيج كمت بكل هدوء كتلهم

سمر.اني اسفه مجان قصدي عن اذنكم

ابو مصطفى. تعاي عمو كملي اكلج مااكلتي شي

الحجيه.خايب شمالك فشلت البت شسوت هيه احترم مرت اخوك مو هيج

نصير.واني شحجيت يعني شدعوه عليهه ماتتحمل حجايه هسه لو مصطفى مرزلهه ومطيح حظهه مجان زعلت بعد عليش هلغوه هاي

سمر.ماكدرت اتحمل اكثر من هيج عفتهم ورحت لغرفتي حسيت دخان كام يطلع من اذاناتي من الحركه الاكلتهه ضليت رايحه جايه بلغرفه بس اريد اهدء دكيت على مرح وسحر حجيت وياهن شويه طبعا مالاحظن تغير بصوتي لان اني صارلي فتره هيج من كد البجي البجيته سديته منهن وكعدت اجة خاله تتعذر نيابة عنه ماحجيت اي شي ولانطيت اي ردة فعل جنت مقرره احجي وي الافندي مالتي واشوفه شسوي بس بعدين تراجعت اول ماطلعت خاله قفلت الباب وراهه بدلت ملابسي وطفيت الاضويه باوعت لساعه بلعشره ونص هسه شينومني اني من وكت بالله شو اول ماحطيت راسي على المخده غفيت من تعب كعدت صبح على صوت تلفون مرح بشرتني رهف كعدت كمت راسا توضيت وصليت صلاة شكر لبست وعزلت الغرفه بقيت متررده شلون اطلع تالي شجعت شويه وطلعت يمهم صبحت عليهم باوعلي مستغربين يمكن مامتوقعين اطلع يمهم بسهوله بعد صار البارحه كعدت يم خاله بس شربت جاي كمت اريد اساعدهن ماقبلن يكولن لحد سبعه وراهه عود اشتغل وياهن ضليت كاعده يم الحجيه بعدين رحت لغرفتي طكت روحي ملل موطبيعي باوعت لساهه بثنعش صارت ومصطفى لسه ماكو نغزني كلبي على رهف اتصلت على مرح راسا وجان تصدمني بهلخبر والله رجليه بعد مااحس بيهن الله يكون بعونج يارهف على هاي المصيبه 😭😭😭😭😭😭😭😭😭😭.

...................................

رهف.شكد حاولو يكعدوني يحجون وياي بس اني ماكو اي ردة فعل تطلع مني لحد مااجه الدكتور وكال تكدرون طلعون اجت عمه نوال هيه واثير كوموني رادني اكعد على كرسي بس رفضت هزيت راسي بلا طلعنه على كيف واني شلون جثه صرت يجيبوهه منا ترد منا ماانطقت بحرف واحد وصلنه لبيت جدو يعني مااخذونه لشقه يلا مو مهم كلهه نفس شي نزلنه عمه ساندتني عمامي وجدو وبيبي واكفين استقبلوني وذبحوا على سلامتي اباوعلهم شلون متلهفين ويسلمون سبحان الله طلعت منا للمستشفى بسبب ضلمهم وجبروتهم ورجعت لهنا بنفس ضلم واكثر هم دخلوني جوه رادو اكعد استندت على الحايط وعفتهم ورحت لغرفه اجت مرح ساعدتني هيه وسحر ذبيت الحجاب وحطيت راسي على المخده ودرت وجهي ماحجيت وي اي واحد بيهم لحد ماغفيت البنات ماحجن وياي اي شي لحد ماحسيت اكد يكعد بيه فتحت عيوني بيبي

بيبي.يمه رهوفه كعدي اكليلج لكمه يروحي مايصير هيج يبيبي

عمه نوال.يلا ماما لخاطر بيبيتج لاترديهه

عفتهم ورجعت غمضت عيوني بقوا يحاولون وياي بس بلا نتيجه البشر من يفقد الإحساس بلحياة صعب يكدر يرجع يتعامل وي البشر خاصه بعد ضلم شفته من اقرب ناس اليه بقن يحاولن وياي بس بلا فائده ليل دخلو كلهم عليه وكل واحد عنده رئي شكل

مرح.فوفه الله عليج لاتردينه علمود علاجج

سحر . فيفي بروح امج احجي اي كلمه بس سمعينه صوتج الله يخليج

رهف.😢 اشرت براسي لا ومسحت دمعتي راسا

جد.بويه لازم تاكلين علمود علاجج لاتخلينه نجبرج

عمه سعاد. احد يفهمنه ليش ماترد علينه مو حجت وي دكتور لو اني غلطانه عمر

عمر.لاحجيه حشاج اي حجت وحاجت اثير هم ورا ماكعدت

عمو محسن.هوه وينه وين دايح وعايف البت تصارع هنا

عمر.يابه عنده خفر اليوم مايكدر مايجي واني هم طالع هسه حتى مصطفى هم اجه اليوم عدنه انذار

عمه سعاد. ياااا مصطفى جا غير عريس!!

عمر.هاي بعد اجا نداء مايكدر يغلس عليهه عقوبه

عمو محسن. والحل تبقى بدون اكل لحد مايرجع شلون بس هوه يكدرلهه وتسمع حجايته

جد.حاولن تجبرنهه على الاكل علمود العلاج

مرح.تعاي سحر جيبي الاكل رهف بروح عمي

جبرني مرح ورهف كوه اكلت شويه شوربه ودفعت الاكل اخذت علاجي ودرت وجهي ونمت حتى مارديت عليهن سويت روحي نايمه سمعت تلفوني دك اسمع مرح تحجي وي اثير سولفتله كلشي نمت من اثير العلاج ماحسيت بشي ثاني يوم نفس الحاله تكررت عندي المشكله اني مااريد احجي وياهم همه عبالهم خاف بيه شي ليل كاعده مرح وسحر بس يردني احجي شي والكل مجمع بلغرفه بعد ما جبرتني عمه نوال اكل واخذ علاجي شفته دخل باوعت عليه ودرت وجهي ماانكر احساسي رجعلي من شفته دخل للبيت

أثير. السلام عليكم

الكل.وعليكم السلام

عمه.هاي شصاير بيك يمه شوف حالك

أثير.جانت عدنه مهمه وستونه خلصنه متنه من تعب هدو حيلنه

مرح.احظرلك الحمام

اثير.ياريت والله لان مابيه حتى اوكف هسه

مرح.هاي طالعه كدامك

اثير.شلون صارت رهف

عمو .والله هاي كدامك واسألهه لان عجزنه نحجي وياهه وماترد علينه

اثير.بستغراب..ليش ماتحجي يعني رهف سمعيني

بيبي . خلونه نطلع خليهم وحدهم هسه هوه يحجيهه الملعونه ماتأمن بس برجلهه احنه كلنه هيج عدهه بس اثير متربع وكاعد ههههههه

الكل.هههههههههههه

اثير.لاخليكم مالهه داعي والله

جد.يلا بويه اطلعونه

طلعوا الكل ضلينه وحدنه اباوعله سد الباب واجه كعد يمي باس راسي ولزم ايدي شبكهه بيده

أثير.حبيبتي عمري مريتي لحمد الله على سلامتج

رهف.لارد

اثير.رهف ترى كلبي خلصان ومالي طاقه اتحمل شي بعد احلفج بروح عمي تحجين وتسمعيني صوتج

رهف.لارد

اثير.زين شبيج اكو شي يوجعج اشريلي لاتحجين

رهف.😥😥

اثير.اوعدج اسويلج اي شي تردينه وتطلبينه بس احجي اي شي

رهف.اثير 😭😭

اثير.ياعمر وكلب اثير وروحه كولي

رهف.طلكني اثير

.
.
يتبع

البارت 34____35

البارت الرابع والثلاثون

( الرتبه والحشمه )
...............
ويبقى
الهدوء أفضل عتاب لكل
من خاب ضني فيهم ..........

...............................................
طلعوا الكل ضلينه وحدنه اباوعله سد الباب واجه كعد يمي باس راسي ولزم ايدي شبكهه بيده

أثير.حبيبتي عمري مريتي لحمد الله على سلامتج

رهف.لارد

اثير.رهف ترى كلبي خلصان ومالي طاقه اتحمل شي بعد احلفج بروح عمي تحجين وتسمعيني صوتج

رهف.لارد

اثير.زين شبيج اكو شي يوجعج اشريلي لاتحجين

رهف.😥😥

اثير.اوعدج اسويلج اي شي تردينه وتطلبينه بس احجي اي شي

رهف.اثير 😭😭

اثير.ياعمر وكلب اثير وروحه كولي

رهف.طلكني اثير

أثير.شنوو شتفضلتي مدام

رهف.اثير صدكني هذا افضل حل النه ثنينه اني بعد ماافيدك ليش تحرم نفسك من انو يكون عندك طفل تفرح بي طلكني واخذ وحده تناسبك وتسعدك

اثير.هااا اهنا الحجي يعني هذا سكوت والخبصه علمود سالفة الاطفال لجج بابا فتحي مخج شويه انتي بعدج بنيه شلون كدرو يعرفون

رهف. مافهمت شلون يعني

اثير.تعاي اكلج

دنك عليه شاورني رغم بس احنه بلغرفه خلاني فاتحه عيوني على وسعهن خرب يومك

رهف.😱😱 انته شلون تحجي وياي هيج

أثير.هههه هاي حجي وهيج صوفرتي اذا تطبيق شلون 😉

رهف.كافي اثيررر لاتطبيق ولاهم يحزنون احنه نتهينه

اثير.وتالي راح نبقى ندور بنفس المكان طلاك ماكو وانتهه الموضوع وهسه رايح اسبح لان واجي لان انتي سالفتج تعبانه

رهف.صدك عود غير جاي نتناقش وين رايح

اثير.هذا نقاش مامنه فائده وجهزي نفسج بس طيبين نزوج ونفض هاي سالفه

عافني وطلع بدون مايخليني ارد علي دخلن مرح وسحر وراه

سحر.ها شلونج هسه

مرح.احجي ولج لاتسكتين هسه سمعتج تحجين وي اثير

سحر.والله ترتاحين

رهف.شتردني احجي تعرفن شنو احساسي واحد مذبوح هذا احساسي

سحر.اووف يعمري الله يساعدج

مرح.سحر عمر يريدج بره

سحر.اي رايحه هسه ارجعلجن بنات

مرح. اي فوفه بعدج متوجعه

رهف.اي شويه دخت من العلاج حنام تصبحين على خير

مرح.وانتي من اهله حبيبتي اجمعين

درت وجهي لجهه ثانيه ادعيت نوم لان مالي خلك اناقش كولش تعبانه ونفسيتي مزفته سمعت صوت سحر رجعت والعرفته من حجيهه هيه ومرح اثير رجع للمركز .
................................

سحر.طلعت اشوف عمر عبالي بره طلع صاعد فوك دخلت للغرفه مالكيته سمعت صوت دوش يعني جاي يسبح حظرتله ملابسه مال دوام وذني خليتهن على جه حتى اغسلهن طلع هوه ينشف بشعره

عمر.ها حبيبي شلونج اليوم احسن

سحر. اي احسن شويه بس نغزات بسيطه تجيني

عمر.خو مجاي تشتغلين وتعبين نفسج

سحر.لاوالله اصلا لاعمه سعاد ولاعمه نوال يخلني اشتغل شي بس مرح خطيه واكعه براسهه

عمر.ليش هدى وندى وين

سحر.اسكت وخليهه بالله هدى حقهه تؤم شالعين كلبهه اله ست ندى معتكفه بحجت حماتهه مو هنا فما تشتغل

عمر.ماعلينه عوفج من سوالف نسوان مااحب ادخل بيهن امج ماتواصلت وياج سألت عن وضعج

سحر.ههههههه والله ضحكتني المهم لا ماخابرت ولاسألت حتى لاهيه ولا السيد الوالد

عمر.الله كريم الله يهديهم انشاء الله

سحر.امين هاي ملابسك حظرتهن تريد شي ثاني

عمر. اي اريد

سحر. شنو شتريد

عمر. اريدج انتي ماترحمين بحالي مشتاقلج سحر حسي بيه شويه

سحر.بس مايصير انته تعرف وضع الطفل كولش زين مااكدر اجازف بي

عمر.لا ماعلي شي اني استفسرت من دكتورتج وكالت عادي

سحر.😯😯 شلون يعني حجيت وياهه بهذا الموضوع

عمر.اي وشكو بيهه ترى عادي

سحر. صدمتني صراحه ماتوقعت سوي هيج وتسالهه على هاي شغله

تقرب سحبني لحظنه ويحجي همس وياي بحيث نفسه يضرب على وجهي

عمر. مو مشتاق ومااتحمل بعد فسألتهه عن وضعج

سحر.وو وخر عمر خل اروح اشوف البنات

عمر.اششش كافي سحر مابيه صبر بعد والله

سحر.بس عمر

ماانطاني مجال احجي شي دنك على ركبتي واستلمهه شالني خلاني على جربايه ماادري شلون تفاعلت وياه ماحسيت اله على صوت الباب يندك رفع راسه عمر وهوه يلهث كوه طلع صوته وصاح منو

عمر . منووو

اثير . ادري نمت يلا فضهه تاخرنه ترى

عمر.خررب روحك هسه وكتك انته

اثير.يمعود خاف على ابنك وتعال لاتلوص الدنيا مابينه حييل مستشفيات هسه

عمر.لاياااا ساقط جايك بس انزل مو فضحتنه

اثير.ههههههههههههه طالع كدامك لسياره يلا

عمر.اشتعلوا اهلك اثير على هاي طلعه هسه

سحر.يااا شلون تشتم على عمو

عمر.مو كطع عليه اهم لحظه شتردين اسويله اطكله تحيه

سحر.يلا كوم البس عيب منتضرك جوه

عمر.خل اكوم هذا ماعنده مانع يصعد مره ثانيه

اول ماكام عمر شهكت وغطيت وجهي هوه ضحك

عمر.ههههههههههه ها شبيج من اكلج واصلين اهم مرحله تكليلي كوم

سحر.روح البس الله عليك

عمر . ماتكومين انتي تلبسين اول شي لاارجعلج هسه

فتحت عيوني من حجه هيج اباوع باقيه بس بداخليات عزززه هاي شوكت احنه وصلنه لهنا سحبت الغطا وغطيت روحي بي سمعته يضحك بدل كمل اجه وخر الغطا باس راسي وباس بطني اخذله صفنه شويه فرك وجهه وطلع اني هم كمت وراه لبست ونزلت يم البنات عيب كتلهن هسه ارجع نزلت لكيت رهف نايمه وبس مرح جنه كاعدين اني وياهه ودك عليهه وسام الحقيره عافتني كاعده وكامت تخابر بي عفتهه ورجعت صعدت فوك عزلت الغرفه من الملل وين اروح تالي طلعت فلم بلتلفون وكعدت اتفرج علي لحد ماانعس .

...................................

سمر . خلص اليوم ومصطفى مارجع للبيت رغم كال صبح يجي صار وقت الغدى ماطلعت خليني هنا احسن هم يمكن اتفهموا الوضع محد طلب مني اجي اكعد وياهم شويه وندكت الباب اجة شهد سحلتني سحل للمطبخ بدون ماتنطيني مجال دخلت لكيتهه محظره اكل وكاعده هيه وسهى

سهى. يلا سموره ترى طكنه جوع

سمر . والله ماله داعي ليش عفتوا مكانكم علمودي

شهد.اليسمعج يكوول مكانه فد شي يعني سو دتعالي كعدي وخلصينه

سمر. أنجبرت اكعد وياهن نتغدى من كملنه شلت الامواعين علمود اغسلهن ماقبلت شهد هيه غسلتهن بلشن البنات يجيبن الاكل كمت اني سويتلهم جاي وصبيته واخذته شهد لان اني مااريد اطلع ضليت كاعده يمهن شويه وكلهه تفرقت اني هم رجعت لغرفتي دكيت علي كلت خل اشوفه خاف صاير شي بس مارد عليه خابرت على مرح

مرح.ياهلا بلعروسه شلونج

سمر.الحمد الله انتي شلونج رهف شلونهه

مرح.لازينه الحمدالله قبل شويه اخذت علاجهه ونامت

سمر.الحمدالله بعدهه ساكته ماتحجي

مرح.اي والله بعدهه وهاي منتظرين اثير يجي يشوفهه بلكي يطلعهه من هاي الحاله

سمر.ليش اثير وين

مرح.اول ماطلعوا من المستشفى عافهه وراح ولسه مابين بعد

سمر.هاا

مرح.اي مصطفى شلونه وياج تقبل موضوع اياد لو بعده

سمر.والله ماادري شكلج

مرح.شبيج احجي صاير شي وياج زين انتم كملتوا لو شنو

سمر.مرح ماينفهم طبعه غريب كل شويه شكل ساعه تلكي هادء وطبيعي شويه ويتحول بارود ماتكدرين حتى تججين ويا

مرح.انتي هم قدري وضعه ياسمر اكيد الولد صعبه علي يتقبل الموضوع هم خربو علي يوم عرسه وهم مرته نخطفت كدام عينه ومن منو ابن عمهه وحبيبهه ترى زين من عنده ولازم اعصابه لحد الان

سمر.بس هذا ماينطي الحق يستفزني بهذا الموضوع كل شويه

مرح.سمر الله عليج اضبطي لسانج وياه موهيج حبيبتي ترى ينفر منج وهاي احلى ايام حياتكم استغليهه وخلي ياخذ انطباع حلو عن شخصيتج مو مكابلته وبس العرك

سمر.والله ضحكتيني هو اني وين شايفته حتى اتعارك ويا شو طلع من البارحه المغرب ولسه ماكو

مرح.ياااا عافج وانتي عروس وطلع معقوله وين راح

سمر.لدوام عنده دوام على اساس يرجع صبح بس لسه ماكو

مرح.اي صدك حتى عمر واثير لسه مارجعوا بس هوه عريس يعني غير لازم ماخذ اجازه

سمر.والله ماادري يجوز عدهم شغل مهم

مرح.والله ماادري اكلج صدك حظري نفسج اجوكم ماما وبيبي وعمه اجن عليج

سمر.صدك والله وستوج تحجين

مرح.ههههههه نسيت والله دكومي جهزي نفسج راح يوصولكم هسه

سمر.يلا باي خل بليل اخابرج اريد اكلج على شغله راح تخلبني

مرح.هاي اذا مااجه مصطفى مو ههههههه

سمر.هههههههه اي اذا بقيت وحدي اخابرج

مرح . مااوعدج لان وسام يستلمني بليل مايقبل انشغل عنه يزعل

سمر.صدك شلونه وضعكم انتي ويا

مرح.عسسسل فديته هوه وين اكو منه وسومي يربي احببببه احبه

سمر. وسم واني شعليه زرفتي اذني ماترحين تكليله حتى يهجم عليج هسه مدام والبيت فارغ هههه

مرح.لا عيني احنه مؤدبين مانسوي هاي سوالف بس حبجيات وبتلفون هم حبيبي كلش محترم مو مثل زلمجن ههههههههه

سمر. اي هوه بس انتي طفرتي بينه والانفس نسخه العد رهف عدي الله وكيلج هههههه

مرح.ههههههههه الله يساعدجن

سمر.يلا اطفري خل البس

مرح.يلا باي سمسم

سمر .باي

سديته منهه وكمت بدلت لبست قفطان مغربي عندي لونه ذهبي وابيض عفت شعري مفتوح وخليت مكياج طوخ شويه علمود يبرز وي ملابسي لبست حذائي اندكت الباب دخلت شهد

شهد.اوووو شهل اناقه والكياته

سمر.عيونج الحلوه حبي

شهد.لاجد طالعه تملخين وين اخوي عنج يجي يشوف الجمال العنده

سمر.خليه مكابل المركز احسله

شهد.أشم ريحة عركه بطريق ياستار يا ربي

سمر. ههههههههه كلشي توقعي مني اذا طكن عندي

شهد.بعد كلبي انتي هم عندج خيط خبال ويطك مثل رجلج

سمر.الله لايراويج اخبصهه كلهه وياي هناك اخليهم بس يردون يرضوني بأي طريقه

شهد.ماتعلميني بالله بس هسه اجيت اكلج اهلج هنا يلا تعاي

سمر.اي لحظه بس اجيب شالي

طلعنه اني وشهد بعدما أصرت تصورني بهذا الفستان وطبعا بتلفوني وصلنه الاستقبال سحبت شهد شال من راسي ودخلت اول ماشفت ماما ركضت لحظنهه

سمر.ماما شتاقيتلج ونبي

ماما.يبعد عمري ولج البيت وحشه عليج متعودين على سوالفج وضحكتج تارسه البيت حتى قتيبه يكول البيت فاهي بدون سمسم وسوالفهه

سمر.مو بكدي والله طك كلبي عليهم ولاتكول تلث ايام

بيبي.ها سمسمه شلونج

سمر. الحمد لله بيبي انتي شلونج جدو شلونه

بيبي.بخير الحمدالله أم كمال شلونه سموره وياكم

خاله.يا ورده سموره وين اكو منهه صوتهه ماسمعنا لسه

بيبي. عفيه بنيتي هيج اريدج

عمه. شلونج حبيبتي

سمر.عمتو الحمد لله انتي شلونج

عمه . الحمدالله بعد عمتج شلونج مصطفى شلونه

سمر.الحمدالله زين

ماما.وينه رجلج ماما ماصحتي خل نباركله

سمر.هااا

باوعت على خاله دنكت والحجيه هم دارت وجهه

سمر.ماما مصطفى بدوام ماموجود

ماما.هاا اي صدك حتى اخوتج هم من امس طلعوا ولسه ماردو يكولون انذار عدهم

خاله. شغلتهم صعبه لانوم مثل الاوادم ولااكله بوكتهه

ماما.اي والله خو اثير سوده عليه لان يطلع نهلك هلاك اشو من عمر الكاعد بمكتبه

خاله.الله يساعدهم شنسوي

بقوا كاعدين قريب ساعتين وطلعوا قبل المغرب علمود رهف مايكدرون يعوفوهه جلبو بيهم على عشا بس ماقبلوا اول ماطلعوا رجعنه الاستقبال اجو بيت عمهم لفيت شال على راسي وبقيت كاعده وهوه دخل

مصطفى. السلام عليكم

الكل.وعليكم سلام

العم.شني بويه هذا حالك وين جنت

مصطفى. والله حجي عدنه شغل وهسه يلا فرغت

العم. غير عريس وتاخذ اجازه

مصطفى. مارضوا يطونه اجازه بسبب الضرف الصاير عدنه بلمركز هسه

خاله. دكعد يمه ليش واكف

مصطفى. لا والله تعبان كلش بس اسبح وارجعلكم

العم.براحتك ابوي احنه خطار قابل

الحجيه.روحي يمه وره رجلج خاف يريدله شي

صدك طلعت وره لكيته جاي ينزع ملابسه التفت عليه ورجع يكمل تبديل اخذت ملابسه الشمهرهن بلكاع فرغتهن علمود اغسلهن وهوه دخل يسبح مانطق بحرف واحد نزعت حجابي ورتبت شعري وردت اطلعله ملابس بس ترددت مااعرف شيلبس هسه صافنه و اندك الباب واجة خاله

خاله.ها يمه وينه رجلج

سمر.جاي يسبح تفضلي جوه

خاله.ياا هيج بسرعه طب للحمام شجاه حتى عيب من بيت عمه عافهم وطلع شيكولون هسه

سمر.ماادري يمكن لان تعبان ماشفتي شصاير بي خطيه

خاله.ههههههه يعمي هنياله اذا مرته هيج تخاف علي

سمر.هههههههه

طلع هوه من الحمام وكلعاده مايلبس بلحمام من شاف خاله استغرب

مصطفى. سمر طلعيلي البدله الثانيه اليمج مال دوام وهاي اغسليهه

خاله.شني راح ترجع

مصطفى. اي والله حجيه راجع اصلا كوه اطوني اذن اسبح وارجع

خاله. شني سالفه ادري انته مامقدم اجازه مال زواج

مصطفى. اكيد قدمت بس الضرف حاليا مايسمح

خاله.ولك يمه فشله عايف مرتك وانتم بعدكم عرسان اصلا شافت منك وانته مخلصهه بلمركز والله مساع استحيت من اهلهه من سألوا عليك

مصطفى. وشبيدي قابل اني غير شغلي هذا وين رايح يعني اكو**** شوفت عينج ماكل تبن

خاله.انته ماجوز من الفشاير شوكت توب

مصطفى. حاليا مستعجل حجيه وداعتج من رجع انشاء الله نتناقش بهذا الموضوع

خاله. يلا خل اعوفك وي مرتك شويه خطيه البت شافت منك من ليلة العرس وطفرت

مصطفى. هههههههههههههه والله عدج سوالف حجيه وصلت لطرف لساني وردت الحجايه

خاله.ههههههههههههه

طلعت خاله سديت الباب وراهه هوه كام يبدل دار عليه بعد بس بلفانيله

مصطفى. شلونج

سمر.الحمدالله

مصطفى. مرتاحه هنا احد ضوجج سمعج حجايه

سمر.لا ماكو هيج شي مرتاحه الحمد لله

مصطفى. الحمدالله اي شي تحتاجي اتصلي عليه او طلبي من امي هيه يمج

سمر.ليش انته جاوب حتى اتصل عليك

مصطفى. ادري اتصلتي بس جان الوضع مايسمح ارد فسويته صامت رجعت دكيت عليج وراهه جان مشغول

سمر.اي ردت اشوفك انته كلت ترجع صبح وصار العصر ومابينت من ماجاوبت اتصلت على مرح

مصطفى. بس اني ماسألتج ويامن تحجين

سمر.سكتت مارديت علي كمل لبس وتعطر واجه تقرب عليه رفع راسي بيده ضل صافن عليه بعدين حجه

مصطفى. ليش مثكله بلمكياج اليوم

سمر.مو علمود وي البس لابس.......

مالحكت اكمل جملتي اقتحم شفايفي اول نبت سنونه بيهن حسيت بلهفه بطريقته مو مثل قبلهه يعني شلون واحد مشتاق فزيت على الحركه سواهه شهكت هوه باوع عليه

مصطفى. شبيج هو لزمت * لو غير شي شسوين 😉

سمر.انته فاجئتني بحركت ايدك

مصطفى. لوما ولد الكلب ذوله جان عرفت شلون افاجئج من صدك

سمر.انته موتكول مستعجل زين ترجع لو لا

مصطفى. ترديني ارجع لو مرتاحه بدوني بلغرفه

سمر.لارد

مصطفى. ههههه ماشي ضلي مستحيه براحتج بس هوه حتى اذا اريد افلت بليل اخوتج كاعديلي هو اثير تكول يطلبني بثار

سمر.حلوه علاقتكم انته واثير حسيتكم اقرب من الاصدقاء

مصطفى. اني واثير عشرة عمر من جنه بلمتوسطه ولحد هذا اليوم احنه سوه ماتفرقنه

سمر.الله لايفرقكم انشاء الله

مصطفى. يلا تعاي خل نطلع لو تبدلين

سمر.لاخل ابدل هسه الولد موجودين

مصطفى. بس خففي الحمره وحطي شال على راسج وتعاي عيب من بيت عمي كاعدين بره

سمر.مو خاف شسمه

مصطفى. شنو سمر انتي ضامه عليه شي

سمر.لا موهيج فهمت غلط بس اكول خاف اخوك يكوم يحجي هسه اذا شافني مكيجه ومبدله

مصطفى. اخوي يحجي منو بيهم

سمر.نصير

مصطفى. ونصير شنو علاقته بيج حتى يحجي سمعج حجايه لو شسوالج

سمر.بس انتظر هنا اغسل وابدل ملابسي ونطلع سوه

مصطفى. سمر شبيج خايفه جاي اكلج بس حطي شال على راسج ليش تبدلين

سمر.يربي شكله هسه هذا اني لو مخليته يطلع وطالعه وراه

مصطفى. هاااا وين صفنتي ترى من غير شي تعطلت امشي يلا

سحبني وطلعنه اني مو خوف من نصير بس خايفه خاف مصطفى يسويله مشكله لان مبين ماعاجبه وضعه وصلنه الاستقبال سمعت صوت الولد لزمت ايده بسرعه افتر عليه

سمر.اسويلك عشا قبل لاتطلع

مصطفى. هوه اصلا راح يصبون عشا تعاي اكعدي يمي لاحكه على شغل

سمر.بس البنات جاي يشتغلن

مصطفى. على حد علمي بعدج عروس مو مال شغل صح بس شكل بس المهم

سمر.شنو قصدك بس شكل

مصطفى. يعني اقصد من اني وياج فهمتي هسه صيرين عروس كامله

سمر.😱😱😱😱😱

مصطفى. ههههههههههه يلا تعاي اكعدي يمي واحسبي حسابج طول مااني بلبيت تبقين يمي ماكو شغل مفهوم

ولارديت علي ذبيتهه على صامت من وره حجيه عززه هذا ماعنده شي اسمه عيب زايع المستحه فد مره دخلنه كعدنه كعدت يمه وبنات عمهم فد حبابات التهينه بسوالف كامن البنات ينكلن بالاكل ردت اكوم لزم ايدي وشاورني كدامهم

مصطفى. وين تردين اني شحجيت

سمر.بس عيب ابقى كاعده وهمه يحطون الاكل كدامنه

مصطفى. هاي كملن صب شعندج كايمه بعد لاتخلين واحد ينتبه علينه كل شويه طافره

سمر.هنه كملن بعد وين اكوم بس ها جايك عليه اليوم اني اسويلك قبل لاتطلع

مصطفى. يدلل الحلو اصلا ماكو اطيب من جاي تسوينه بربج شكد تحطين هيل كرهت جاي من وره الهيل تحطينه

سمر.يااا شمدريك اني احط هيل

مصطفى. جنج ناسيه سهراتي وي اخوتج بيتكم وانتي جنتي جيبين جاي ودردمين هم تارسته هيل وهم ماراضيه

سمر.يعني انته ماتحب الهيل وتحجي عليه مو بعيني اله حتى بلماي احطلك هيل مو تدلل

مصطفى. اي حتى **

سمر.يااا انته شنو هاي الفاظك والله عيب لاواحد يسمعك ترى مرتك اني مو صاحبتك

مصطفى. متاكده انتي مرتي شواخخخخخ

جنه كاعدين بنهاية الاستقبال ومنطلقين بلحجي لحد ماصاح مصطفى طلعت الحجيه ضربته بلعوجيه على رجله وهوه طفر باوعنه كلهم عينهم علينه شكد عيب احس روحي راح اوكع خررب وهوه ولايمه كاعد عادي وتقدم على الاكل كاللهم

مصطفى. يابه اعذرونه بس اخذتنه سوالف

العم.براحتك وليدي اكيد مشتاق لمرتك صارلك يومين ماشايفهه

مهند.والله عمي حقك شلون متحمل ماادري هوه هذا احلى اسبوع وراهه يبلش طيحان الحظ هههههههههه

مصطفى. لا اني اختلف عنك راح اجدد الاقامه فد سبوعين ههههههههههههه

مهند.ههههههههههههه احترم لاتبلش اكو بنات كاعده

مصطفى. سمر كلاص جاي على سريع اريد اروح

خاله.هسه انته شكلت دكمل عشاك

مصطفى. لاوالله شبعت الحمدالله

خاله.شهد كومي انتي سوي لخوج جاي خلي مرته تتعشى

سمر.لاخاله اني رايحه عليمن

خاله.هوه انتي حتى غدى ماتغديتي اكعدي على الواهس وخلي شهد سويله

نصير.وشهد ماتتعشى يعني بس سمر تتعشى خليهه هيه تكوم تخدم رجلهه ماعدنه نسوان يسفطن ويكعدن بس لسوالف والضحك

اباوع لمصطفى خززره خزره اني من يمي شردت رحت للمطبخ سويت جاي وحطيته على نار انعتت ايدي فرني عليه بعصبيه

مصطفى. شمسويلج نصير امس احجييي

سمر.ماسوالي شي شبيك ايدي مصطفى اذيتني

مصطفى. شلون ماسوالج مو مصيح عليج ومرزلج امس على العشا

سمر. شوف اسفه والله احنه هناك نختلف عنكم عادي عدنه اي ثنين يكعدون يحجون سوه على الاكل ماادري انتم ماترضون بهذا شي

مصطفى. ماشي بسيطه اني اعرف شلون اصرف وياه وانتي هاي اخر مره واحد يحجي وياج وماتكليلي

سمر.افهمني اني مااريد تصير مشاكل بسببي فلا تتوقع اجي اكلك هيج صار وهيج صار وياي بلبيت

مصطفى. استغفر الله لو ما شغلي هذا طلع هسه جا عرفت شسوي ويا المصيبه بيت عمي هنا مااكدر احجي كدامهم

سمر.لاتهتم ماصار شي والله لاتضوج نفسك عادي يمون هوه بحساب اخوتي هوه جاي يفهمني على العيشه هنا بس طريقته غلط

مصطفى. ماشي هسه صبي من هذا الاكل الموجود وحطي بصينيه

سمر.المن موكلت شبعت

مصطفى. حطي سمر مالي خلك اناقش من البارحه صبح من كعدت لحد الان على فد جره

سمر. الله يساعدك تخلص انشاء الله

حطيت الاكل مثل ماكال صار جاي صبيتله كلاص هم اخذني ورحنه للغرفه كال

مصطفى. يلا هذا الاكل كله تخلصي وعندج الحمام عود غسلي الاماعين بعد لاطلعين منا لمن يرحون كلمن لغرفته مفهوم

سمر.مفهوم

مصطفى. يلا ديري بالج على نفسج وخابريني ماادري شوكت يصير عندي مجال واجي مره ثانيه

سمر.الله وياك

طلع واني رحت ذبيت ملابسي لبست ثوب مال بيت خفيف وقفلت الباب خاف احد يدخل فجاءة لان يدرون بي طلع وشغلت تلفزيون وكعدت اتعشى اجذب اذا اكول مارتاحيت اصلا شعور يخبل وين لاكيته الغرفه جنن وجاي اتعشى وحدي ونت فول يمي مسلطنه وعلي والاهم مصطفى ماهوه يعني اخذ راحتي على الاخيرر.

...................................

رهف.مر سبوع بديت اتحسن شويه خاصه اليوم راح اشيل الخياط يعني اكدر اتحرك براحتي بعد اليوم عازمين سمر وعيالهه على الغدى طبعا سمر صارلهه عشرة ايام من زوجت بس اليوم يلا فرغ رجلهه علمود يجون على الغدى جنت واكفه الف بحجابي لان ايد وحده حيل مضايقتني جنت لابسه ثوب تسعين لونه وردي فاتح وبي رود ابيض باوعت على تلفوني اثير كل يوم هيج وقت يدز رساله شلونج هم يوجعج شي غير ذني سؤالين ماكو وحتى للبيت مااجه طالع للبصره كملت لف شال وكعدت على جهه لان تعبت من حالتي شوكت اكدر ارجع مثل قبل انفتح الباب ودخلت سمر تركض عليه

سمر.فوفه يعمررري شلونج شلون صرتي

رهف.حبيبتي الحمدالله انتي شلونج الزواج شلونه وياج

سمر.يازواج يمعوده هوه اني شايفته صارله اسبوع مجاي للبيت و هسه اجانه من الباب حتى ما نزل

مرح.سمر مبين عليهه راح تنفجر من القهر

سمر.لاوالله مو قهر بس هوه خطيه لو شوفي هسه حتى مابي حيل يحجي ذابهه على صامت

رهف. الله يساعده صارلهم عشرة ايام بس يركضون هسه لو يحجون شبيهم

سحر.ياهوه اليحجي يمكن لوما سبح حتى للبيت مايرجعون

سمر.اي والله صدك احنه وصلنه مرحله يدز مهند علمود هدومه ويجيب ذنيج لوصخات وهيج مخلصيهه

رهف.حتى تلفون ماكو بس رسائل

سحر.اسكتي اني لعبت نفسي من هاي الحاله ذاك اليوم خابرت عمر كتله اريد موطه عبالي هوه يجي يطلعنه تالي دز بيد واحد وياهم وطلع قتيبه اخذهه منه

رهف .واكلتيهه لو لا اهم شي

سحر.طبعا اكلتهه شتدرين بيه اقاوم كدام الموطه اني

سمر ورهف.ههههههههههههههههه

رهف.كافي ولج مااكدر اضحك

سحر.ياا شبيهن ذني شكو ياااا حمسس اي والله وين شطح مخجن عابت بنات طالعه عينهه كلش واني احجي على فطاريتي

مرح. والله اني الفطيره الوحيده بيجن لان كلشي مافهمت

سحر . روحي لوسام يفهمج احنه مانفيدج صارلنه عشرة ايام بجفاف اني ماخايفه بس من شغله وحده

البنات.شنيه شكو

سحر.شراح يسون بينه من يرجعون اني بالله ابني يشفعلي شويه اخفف ورهف بعدهم ماواصلين لهنا بس سمسم راح تاكلهه مدبسه بعد بيتي راح يطلع بيج ضيم شغل كله وكولي سحر كالت ههههههههه

سمر. انجبي ولجج لوتني بطني من وراج

سحر.عليمن يمه لوتج بطنج عادي اكليهه واسكتي نصيحه من الج

رهف.ولج سحر عوفي البنيه شوف شصار بيهه صوفرت من وراج

سحر.ياا سمر شبيج تستحين لو صدك خفتي

سمر.اني راح اشوف ماما وعمه خاف يردن شي

سحر. شردي وين ترحين طيرين

رهف.كافي ولج طلعتي روحهه للبنيه

سحر.هههههههه وانتي شبيج صافنه ست مرح

مرح.مامصدكه رهف رجعت اليوم تحجي وتتشاقه ويانه مثل قبل

سحر.اي والله الحمدالله وهسه يلا كومن خل نطلع يمهم عيب بقن وحدهن بلمطبخ

كمنه طلعنه كلنه للمطبخ يم عمه بعدهم مصابين الاكل ودخل اثير

اثير.يابه الله يساعدهم شلونكم

عمه سعاد. يابعد عمري هله بيك يمه يمته وصلت

دنك باس راسهه هيه وعمه نوال وبيبي ورجع حجه وي عمه

اثير.والله حجيه هاي جيتي كبل اجيت لهنا لان صاير فلم من تعب مابيه حيل حتى اوكف بعد

بيبي.الله يساعدكم يمه دروح اسبح واكعد يم نسيبك كاعد بالاستقبال

أثير. مصطفى عدنه اليوم خو ما كو شي

عمه . لاماكو شي غير عازمينهم على الغدى لسه ماسوينالهم عزيمه

اثير.لاصدك ليش مو صارلهم هواي

عمه.يا غير الولد هم ملتهي مثلكم وين بعد نعزمهم

اثير.اي صح متعاونين هوه وعمر هنا وبعد وياهم جم ضابط

سحر.اثير جا عمر وين مايجي

اثير.لاجاي وراي هسه خابرته كال بطريق

مرح.البيت وحشه بدونكم والله

اثير.متاكده وحشه علينه لو ماخذات راحتجن

جان يحجي وي مرح وتقدم عليه اجه دنك عليه كال بهمس

اثير. شلون صار حبيبي

رهف. بخفوت . الحمدالله

أثير. اليوم تفتحين الخياط مو

رهف.اي اليوم

اثير. تكدرين تكومين وحدج لو لا

رهف. اي اكدر ليش

اثير.تعاي هناك اريدج بشغله

رهف.خير صاير شي

اثير.كل خير بس كومي ترى شعلتي شيب الخلفني بهذا صوتج هسه

رهف.يااا اثير صوتك بعدين شوف شلون عينهم علينه وخر عيب منهم

اثير.حجيه صدك عيب اذا سالتهه شلون صارت كدامكم عيب احجي وياهه

بيبي.ياا خايبه عليمن العيب ماتخلين الولد ياخذ راحته مو رايحه روحه من تعب

اثير.رحمه الله والديج حجيه وهاي بوسه من راسج فهمي هاي اليمج مو كل شغله وثانيه وكالت عيب

بيبي.ولك انته هم على كيفك وياهه تستحي

اثير.وداعتج على كيفي وياهه بس اكثر من هيج ماترهم عدي ههههههههههه

بيبي.مايلام جدك من يكول عليك ساقط دفوت اسبح وعوف البت مريضه خل طيب واشبع عود

اثير.هههههههههه مااضن حجيه حظي واعرفه هسه تطلعلي شغله عوجه

عافنه وطلع صدك صعد سبح ورجع يمهم بالاستقبال خلص الغده والتمينه كلنه سوه مثل قبل شويه ودزلي اثير رساله كال تحظري حتى تروح لدكتور صدك لبست مساعدت البنات لان مااكدر بايد وحده كملت وطلعنه مصطفى راح وعاف سمر يمنه بطلب من جدي ماكدر يحجي شي طلعنه وتفاجئت بجدو كاعد بسياره وعمه نوال هم واثير يسوق وصلنه للعياده نزلنه اني وعمه حجزتلنه عد دكتوره نسائيه هيه راح تفتح الخياطات

اليه هوسه متنه من تعب وماكو سرانه هواي بعدله تالي دخل اثير حجه وي هذا الولد الكاعد بلباب مدري شكاله انوب صاح بااسمنه اباوع النسوان اكلنه بعيونهن وهو مامتهم كمت قبل لاادخل كتله

رهف.اطلع بره انتظرنه لاتبقى هنا

اثير. ليش شو الاجواء تخبل دخلي انتي واني منتظرج هنا

رهف.اثير ترى والله ماادخل روح منا شوف شلون يباوعن عليك حباب اطلع منا

اثير.هههههه رايح لاتضوجين وها احجيلهه كلشي لاتستحين حتى نفهم تمام

رهف.تمام

راح واني دخلت وي عمه بلشت تفتح الخياط جنت متخوفه وشايله هم بس الحمد لله ماحسيت بيهن جنت متردده بس لازم احجيلهه تالي عمه هيه شرحتلهه الحاله

عمه.يعني هسه دكتوره نريد نفهم هم ياثر عليهه بلمستقبل لو لا

د. اصعدي ماما خل افحص واشوف وبعدهه نقرر

عمه.اذا تحتاج سونار بره هسه نطلع نسوي ونرجعلج

د. لاميحتاج اني عندي السونار الملون تفضلي ماما

صعدت اول مافحصتني راسا وخرت ايدهه

د.انتي بعدج بنيه

رهف.اي بعدني

د.غير تحجين ياامي شلون تخليني افحصج جان سببتلج كارثه بدون وعي مني

رهف.اعتذر موقصدي بس مانتبهت

د. طلعي بطنج خل نشوف

صدك بلشت سوي سونار يمكن بربع ساعه هيه صعد وتنزل بي اخر شي كالت

د. كومي ماما

رهف. خير دكتوره طمنيني

د. انتي مزوجه مو لو لا

رهف.اي مزوجه بس خطوبه

د. يعني زوجج موجود ويعرف بحالتج

رهف.اي دكتوره يعرف

د.تمام معناهه اسمعيني زين وركزي بكلامي راح اكوله حتى اعرف شتسوين

رهف.اكيد دكتوره يس عفيه ترى خفت لهدرجه حالتي ميؤس منهه

د. شوفي ماما انتي لازم .......
.
.
يتبع

البارت الخامس والثلاثين

( الرتبه والحشمه )

........................................

لاعاد الصبر يلجم مصب العين

ولا مثل الخلك بدموعنه نمثل !

.....................................💔💔💔

عمه.اذا تحتاج سونار بره هسه نطلع نسوي ونرجعلج

د. لاميحتاج اني عندي السونار الملون تفضلي ماما

صعدت اول مافحصتني راسا وخرت ايدهه

د.انتي بعدج بنيه

رهف.اي بعدني

د.غير تحجين ياامي شلون تخليني افحصج جان سببتلج كارثه بدون وعي مني

رهف.اعتذر موقصدي بس مانتبهت

د. طلعي بطنج خل نشوف

صدك بلشت سوي سونار يمكن بربع ساعه هيه صعد وتنزل بي اخر شي كالت

د. كومي ماما

رهف. خير دكتوره طمنيني

د. انتي مزوجه مو لو لا

رهف.اي مزوجه بس خطوبه

د. يعني زوجج موجود ويعرف بحالتج

رهف.اي دكتوره يعرف

د.تمام معناهه اسمعيني زين وركزي بكلامي راح اكوله حتى اعرف شتسوين

رهف.اكيد دكتوره يس عفيه ترى خفت لهدرجه حالتي ميؤس منهه

د. شوفي ماما انتي لازم باسرع وقت تزوجين لان حاليا مانكدر نقرر شنو حالتج اله بعد ماتزوجين

رهف.بس دكتوره كتلج اني مزوجه

د.لاماما اقصد العلاقه الزوجيه من تعبرين مرحله ثانيه راح نعيد تحاليل كلهه وسونارات وساعتهه بس نكدر نوكع على العله

عمه.يعني دكتوره هسه مامبين عندج اله يتمم زواجهم يلا

د. اي نعم وياريت بااسرع وقت ممكن يعني خلال هذا سبوع لازم ترجعيلي نعيد تحاليل بس بعد ما تصيرين مره كامله

عمه. بس دكتوره همه بعدهم مامقررين شوكت يزوجون ولامجهزين نفسهم شلون يلحكون خلال سبوع

د. والله مااعرف بس اني جاي احجيلج بطريقه علميه شنو ممكن تكون نتائج وهاا اذا مستعده لهذا شي حتى اشرحلج شنو لازم تسوين اثناء العلاقه الزوجيه حتى نجنب الاخطاء

رهف.تفضلي دكتوره اسمعج

د. شوفي ماما ********** هسه فهمتي عليه

حتى صوتي بعد مايطلع عود اني اكدر احجي وي اثير هيج يمه خررب والله متت من يمي على الحجي زين اذا صارت صدك شلون ومنو يكول اثير يقبل يستعجل بهذا الموضوع

عمه.رهف شبيج رهف

رهف.هااا عمه اعتذر ماسمعتج

د. ترى بعدنه بس حجي شبيج انخطف لونج

رهف. اعتذر منج دكتوره بس الموضوع مو سهل عليه

د.مابيهه شي هذا مجرد اجراء طبي واذا تستحين منه خلي والدتج تحجي وي بس افضل انو انتي توصليله الفكره

عمه.انشاء الله دكتوره يلا احنه نستأذن وانشاء الله من نرجع نسمع الاخبار زينه

د.انشاء الله ماكو شي اهم شي تتلزم بتعليمات الكتلهه عليهن

طلعنه من يمهه واحنه نصفن اني وعمه بس شافنه اثير اجه بتجاهنه وجدو جان وياه لان تاخرنه ضل بالهم راد يحجي اشرتله عمه من نوصل لسياره صدك صعدنه وحرك سأل جدو

جد.ها بشرونه شلونهه عمليتهه

عمه . لاالحمدالله زينه وجرح ناشف بس هم كالت دير بالهه

جد.هم كتبتلهه علاج

عمه.لاكالت بس تعقيم خل تنظفهه لمدة يومين وتعوفه واحنه عدنه بلبيت ماجبنه مانحتاجه

اثير.اذا هيج عمه شبيهه رهف شو مصوفره كلش

عمه.مو سألنه دكتوره على وضعهه ثاني

جد.اي شكالتكم

عمه.كالت لازم نعيد تحاليل وسونار

اثير.اي جا ماسويتوهن ليش طلعتوا

جد.يعني حولتكم على غير دكتوره

عمه.لاما حولتنه هيه نفسهه نرجعلهه

اثير.زين شوكت لو ارجعكم هسه تكملوهن

عمه.لا مو هسه ولاتسألني شوكت خلي رهف تفهمك

جد.ماتحجين انتي ماشوفينهه رهف

عمه.بويه هيه تشرحله وحدهم احسن شكالت دكتوره

اثير.يعني الموضوع يخوف عمه

جد.لابويه كمل سياقه من نوصل للبيت عود افتهم من مرتك كافي سدو الموضوع

محد فتح الموضوع بعد لحد ماوصلنه للبيت تلكني البنات مجمعات بلمطبخ دخلو اثير وجدو وهنه ستلمني

سحر.هااا بشري شكالتلج

رهف. تكول العمليه زينه وناشفه ونظيفه

البنات.اي الحمد الله

مرح. جا شبيج بعد مبوزه

سمر.سألتيهه على موضوع الخلفه مو

رهف.اي سألتهه

سحر . اي وشكالت

رهف.تكول مانكدر نحدد وانتي بعدج بنيه لازم ..

مرح.لازم شنوي احجي

رهف.شبيجن اقصد يعني لازم ازوج يلا وساعتهه يبين بس

سحر.يعني قصدج أثير يشوف شغله موو هههههههههه

رهف.حمسسس صوتج لايسمعوج هسه

سحر.اوووي عيني ستحت زين هوه شكال الله عليج

رهف.بعده مايدري شكالت دكتوره

مرح. وشوكت ناويه تكليله

سمر.من يصعد لغرفته حتى ينفذ بسرعه ههههههههه

مرح.سمر وسحر اسكتن خل نفتهم سالفه شبيجن مو كله تحشيش

رهف.اكيد لازم احجي وياه بااقرب وقت اساسا انطتتي مهله اسبوع

سحر.بس سبوع شتلحكون بي اقصد شلون تلحكوم جهزون للعرس بهاي المده القصيره

رهف.يمعوده ياعرس انتي ثانيه اول شي خل اتاكد من وضعي وبعدين عود نقرر لو نزوج لو لا

سمر.قصدج تخلي يتقربلج بدون عرس وهوسه مو

سحر.رهف نصيحه لاتحجين هيج كدام اثير ترى يتخبل عليج انتي هسه ماجاي تفكرين عدل بس طلبج هذا مستحيل بلنسبه اله

رهف.ماادري فدوه لاتخوفني بلزايد اصلا اني شايله هم شلون راح احجي وياه بهذا الموضوع

مرح.سلمي امرج الله واقري سورة لام البنين على نية تسهيل امر وهيه تفرج وحدهه لاتخافين

رهف. أنشاء الله خل اروح اصلي وره العشا احجي ويا

سحر.شعجب عمه سعاد مااجت تسألج وهيه كاعده على نار

رهف.اكيد عمه نوال حجتلهه كلشي هسه

مرح.يعني عمه دخلت وياج للدكتوره

رهف.اي دخلت وياي

عفت البنات ملتهيات بلعشا ورحت بدلت وصليت لان فايت وكت على صلاه كملت لفيت شالي وطلعت يمهم اليوم كدرت ارجع احرك ايدي مثل قبل اوف يمه تكول جبل شايله متني كعدت وياهم بس ابد ماشاركت بلججي شايله هم لجاي شلون والاهم اثير والله استحي شلون احجي وياه رفعت راسي شفته يباوع عليه دنكت راسا كمت اول وحده حطيت جاي على نار على ما بلشن سمر ومرح يلمن بسفره صبيت جاي وانطيته لسمر تاخذه ورجعت لنفس مكاني رجعن البنات كعدنه كلنه اني كمت وي مرح اغسل بالاماعين وسمر وسحر كاعدات

مرح.ست سمر اليوم عايشه دور البنيه من تجي لهلهه وره العرس

سمر.ليش ولج مو لميتلج سفره هسه

مرح.وليش متعبه نفسج عيني

رهف.عوفيهه ماشوفينهه اليوم الابتسامه منوره الوجهه الحلو هذا

سحر.وعلى اساس سمعتج هسه ولجج سمر شتباوعين

سمر.ولجج شبيج وكعتي كلبي بس هاي وحده ناشره على الفيس مسويه مقلب برجلهه وعجبني صراحه

سحر.شنو بالله

مرح.خو انتي كيفتي حتى طبقين براس اخوي مو

سحر.دسكتي انتي اي سمر شنوه

سمر.هاي وحده تكول زوجي يفتر عليه يومين واني مريضه كام يصيح عليه ويتعارك لان مااخذ اليريده فأني شسويت بيومهه بدلت وحظرت نفسي تكول عروس ماخليت شي ماسويته تكول هوه اجه وشافني هيج تخبل عليه ضليت اتعزز عليه لحد ماعتذر مني على صايح والغلط مال ذاك اليوم اني كتله خلص سامحتك وراهه كمت طفيت ضوه وتلفزيون ورحت تغطيت علمود انام وغمضت عيوني وكتله تصبح على خير جان يكول هاي شنو كتله اعذرني عليه الشهريه تكول الله لايراويجن شسوه بيه بس مانتلني بلكهرباء تالي تعوذ من شيطان ونام بس اني صارلي يومين كل مااشوفه ابند من ضحك هههههههههههههههههه

مرح.الله يطيح حظج وحظهه على هيج مقلب

سمر.والله عجبني اذا مااسوي لااضرب منه بمصطفى مااسمى سمر

رهف.صدك تحجين عود

سحر . هههههههههههههه ولج بطني وعلي مااكدر اسكت بس اني مايفيدني يحظي بس انتي تستفادين اما رهف فهاي اصلا بس تريده ي**********

رهف.عزززززه بعينج سحر ولج شلون تفشرين انتي مثل الولد

سمر.ولج علينه المهم الله يقوي اخوي عليج انشاء الله ويحبلج بتؤم من اول ليله

سحر.حتى تاكل تبن غير هوه اني وأحد وطاح حظي بي عود بعدني بلدايه

مرح.يممه عوذه مو بنات صايرات فد مره لعبتن نفسي تدرن

سحر.ماشوفين ماذكرتج انتي وسام يجوز تخلصونهه تصلون وتقرون قرءان بليلة عرسكم

مرح. ياريت وين اكو هيج والله تبقى ذكراهه احلى بهواي من صخام الوجه الحجيتنه هسه

سمر.يلا بنات اني راح يصخم وجهي هههههه اقصد اجاني مصطفى

رهف.ماتباتين هنا يعني

سمر.لاوين ابات اليوم مصطفى ناوي يحرر القدس يحظي ههههههههههههه

البنات.ههههههههههههههههههه

سحر.حقه عيني صارله عشرة ايام واصلا هوه شاف منج خلصهه بس خفر

سمر.بعدد احبطيني بزايد عابت لهلوجه كومي ولي يم رجلج شوفي مكابلتني وكاعده

سحر.يااا عززه صعد وكال لحكيني بكلاص جاي واني نسيت وكعدت خررب حظي

مرح.هاج هذا جاي اخذي وروحي بس لاصعدين بسرعه موزين عليج وهوه اصلا يخاف عليج بعد شبيج

سحر.جيبي يلا باي سموره عود اخابرج الصبح اريد اعرف مخلفات الحرب شنيه وانتي فوفه الكفج صبح بس اصبري حبيبتي مو ترحين انتي جفتين على الولد وتغ******* ههههههههههه

رهف. عابت اي والله

راحت سحر صعدت وسمر هم اجاهه مصطفى ومرح دخلت للغرفه تخابر جنت واكفه اغسل الاستكاين مال الجاي وحسيت نفسه يضرب بركبتي راسا طفرت

رهف.يمههه

أثير. اني شبيج هههههههه

رهف.نززتني والله

اثير.جاي سوين انتي موتعبانه

رهف.هاي خلصت مابقى شي والحمدالله صرت زينه

اثير.بعدهه تأذيج العمليه لو زينه

رهف.لاالحمدالله زينه

اثير.زين ماصار الوكت تحجيلي ترى على اعصابي كاعد اريد اعرف شصاير وياج اليوم

رهف. وين نكعد لان سالفه طويله ويطول شرحهه

اثير.نصعد فوك لو بلحديقه نطلع

رهف . لاوين بعد مااكدر اصعد بعدما نكشفت علاقتنه صارت صعبه خلينه نطلع للحديقه

اثير.تمام يلا تعاي خل نطلع

نشفت اديه وهوه منتظرني حط ايده على متني واحتظني بايده ثانيه وطلعنه وكلعاده مكانه المعزول كعدنه بي بس هلمره على كرسي مو بلكاع علمود عمليتي ضليت صافنه بوجهه شلون احجيله هسه شكله اوف يربي والله استحي منه

اثير.ها حبيبي ترى خوفتيني شكالتلج دكتوره وهيج متردده تحجين

رهف.مو شسمه هيه كالت ماتكدر تحدد شنو الحاله اله بعد ما ...

اثير.بعد ما شنو

رهف.مو لان بعدني بنيه و.

اثير.و شنو احجي شبيج كوه طلعين الحجايه

رهف.مو هوه اوو أثير افهمهه شبيك مااكدر احجي بلقلم العريض

أثير. هسه شفتهمت اني مو شسمه وموهذا والله دوختيني احجيهه هيج جره وحده حتى افهمج لاضلين تماطلين بلحجي

رهف.مو لازم يتم زواجنه يلا تعيد الفحص

اثير.ههههههههههههههه من اول مره شبيج طلعتي روحي

رهف.تريد تقنعني انته مافهمتهه

اثير.لا ليش جذب من طلعتي من دكتوره عرفتهه طلبت منج هذا شي من وره عيونج تتهريين مني من اباوع عليج

رهف.صدك والله وصارلك ساعه ناصب عليه ليش هيج اثير انته ادري بيهه صعبه عليه شلون تسوي هيج

اثير.اريدج شيلين هذا الحاجز البينه وبطلي مستحه كافي

رهف.بس بعد اكو شي

اثير.شنو بالله خو موماكو شي يخوف

رهف.والله بلنسبه اليه يخوف بلنسبه الك ماادري بعد

اثير.هااا اي احجي

رهف.لاعيني جيب تلفونك بس لحظه

اثير.شسوين بتلفوني

رهف.بس جيبه

اثير.وهذا تلفون اي اسمعج ست رهف

اخذت تلفون منه وكتبت الكالته دكتوره كله برساله ومديتله التلفون بس قبلهه حلفته

رهف.الله عليك من تقراهه لاتعلق غلس حباب

اثير.هههههههه خبال غير اني كاعد كبالج ماتحجين عود شو جيبي

رهف . اطيته اله قراه وضل صافن على تلفون فتره بعدين رفع راسه وحجه بشكل جدي

اثير.على هذا الحجي لازم نستعجل بزواج يعني بس اسبوع واحد

رهف.اي صح بس شنو هسه الحل شنو

اثير.الحل من باجر نبلش بتجهيزات العرس ونهاية الاسبوع نزوج مالهه غير حل ترى

رهف.بس اني مااريد ازوج هسه

اثير.شلون وضحي اكثر لان مجاي افهم قصدج

رهف.يعني اقصد بدون مااتاكد من نفسي مبيه شي يلا ساعتهه اكدر اكمل حياتي وياك

اثير.والمعنى تردين انام وياج بدون عرس وهوسه

رهف.اثيررر شبيك شلون تحجي هيج كدامي عفيه انتبه الالفاضك

اثير.عوفي هذا الخرط هسه وسمعيني زين انتي كل اعتقادج يعني اخذج وراهه اذا ماطلعتي تخلفين اطلكج وادير وجهي عنج وعيش حياتي عادي صدك تحجين

رهف.ماعدنه غير هذا الحل اني مااتحمل اضلمك وياي واساسا تاخير مو بصالحنه تجهيزات عرس وخبصه واني مالي نفس لهاي السوالف كلهه

اثير . انتي شبييج واعيه لهذذا الكلام بابا ترى هذا زواج مو لعبه عد حظرت جنابج حتى بكيفج تقررين

رهف.يعني شسوي اني اذا حتى بهاي ماعندي حظ مثل البنات افرح واحظر زواجي من حبيبي لازم اخلصه بواجي ولطم هوه هذا حظي اني ماتنلام مرت عمي من تكول عليه فكر 😥😥

اثير.كافي لاتبجين والله لسويلج عرس كلهه سولف بي واخليج طلعين احلى عروسه وتحقيين كل لبالج جم رهف عندي اني

رهف.يعني مصر على قرارك

اثير.ابد لاتحاولين تناقشيني بهذا الموضوع رهف مستحيل اتقرب منج بدون مااعلن زواجنه كدام العالم ولاقصد بي الاشهار زواج المهم باجر نروح نعقد لان كلفت واحد صاحبي دبري الامور كلهه وراهه نبلش بتجهيزات العرس

رهف. زين انته مو لازم تبلغهم بموعد العرس

اثير.بلغتهم قبل شويه ومحد اعترض وعلى فكره حبيبي هيه يوم وأحد هيه حنه هيه زفه شتكولين لو تردين يومين انتي بكيفج

رهف.هوه ردت اكلك يوم واحد وخفت تفهمني غلط ساعتهه

اثير.لاماراح افهمج غلط يعني معناتهه الخميس راح يكون زواجنه

رهف.بس بعد تلث ايام وين نلحك وباجر راح يخلص بلمحكمه يعني بس يومين شنلحك نسوي بيهن

اثير.نلحك لاشيلين هم وداعتج اله اخليهم يركضون ويرجعون لوره اله اوكفهم على تك رجل علمود عرسي هم اخوتي وهم جماعتي ههههههههه

رهف.اثير متاكد مراح تتندم

اثير.اشش كافي كل شويه راجعين على نفس الموضوع بس هم راح اجاوبج حتى ترتاحين اذا اكو شي ممكن اندم علي فهوه اتقبل فكرتج واتقربلج قبل العرس

راسا حظنته وبجيت يربي دخليك لاتحرمني منه بس هوه بقالي بهاي دنيا لاتخليني اخسره بيوم من الايام

اثير.شنوهاي جني راح اتراجع مرتي نكديه وتحب البواجي ههههههههههه

رهف.لاعيني بعد ماكو تراجع الكلب بصملك وبلعشره انو انته سبب نبضاته وكل دكه يدكهه راجعه الك

اثير.ياعمري انتي الله يقدرني واسعدج ومااخلي دمعه وحده توكع منج بعد كافي بواجي مو

رهف . مااوعدك بهذا شي لان على كولت سحر ام دميعه اني

اثير.على طاري سحر هاي البت صايره فد مره عادي عدهه تذب الحجايه وين ماجان

رهف.ههههههههههه نفس طبع عمر شبيك يفشلون الواحد كوه

اثير.هسه عوفج منهم تعاي اراويج هاي صور واختاري وحده

رهف.شنو هاي مال غرف

اثير. اي شوفي منيه تعجبج حتى اروح اشوفهه واخذهه لو ترحين وياي بعد احسن

رهف.لااروح وياك احب هيج تفاصيل مااريد تروح عليه

اثير.ههههههه هيج اريدج حبيبتي خلي كلشي وره ضهرج وانسي وركزي بس بهاي الايام لان ماتتعوض وعيونج

رهف.حاضر سيدي مثل ماتريد هههههههه

اثير. هههههه عفيه هيج صيري مطيعه ولاشلعين كلبي تمام حبيبي

رهف.تمام يروحي

اثير.وهسه ترحين تنامين علمود ورانه كعده من صبح راح تعبين ذني اليومين بس نتيجه تستاهل بالاخير من احطج بحظني ونخلص من هذا الهم العايشين بي صارلنه سنه ونص

رهف.انشاء الله يلا حبيبي تصبح على خير

اثير.هوه هيج الواحد يكول تصبح على خير

رهف.امم فهمت تصبح على خير حياتي 😘

أثير. وانتي من اهله يروحي 💋

رهف.هههههههه

اثير.تعلمي هيج تبوسين مو طفل يمج وتبوسيني بخدي

رهف.اطيني مجال اتعود

اثير.علينه لجج شحال لو ما عابرين هاي المرحله نسيتي لو اذكرج 😉

رهف.لا مانسيت تصبح على خير

عفته ودخلت ركض لكيت مرح بعدهه تخابر رغم همه بنفس البيت بس شو مايكعودون سوه ضالين على تلفون ههههه ذكرت حجي سحر خرب يومج حطيت راسي ونمت راسا صح اكو خوف بداخلي من جاي بس كلام اثير طمني فعلا راح انسى هاي الفتره واعيش حياتي ذني اليومين ثاني يوم رحنه عقدنه بلمحكمه الحلو جدو جان موجود ويانه وعمو محسن وقتيبه وعمر بس اني بنيه بينهم كملنه العقد وطلعنه كلهم تباركولنه طبعا صارلنه تلث ساعات واكفين هنا وصلنه للبيت والكل تلكونه بلهلاهل وجكليت صدك بيومهه ضحكت ومن كلبي هم حسيت نفسي طايره واني اشوف نضراته عليه كلهه شوك ولهفه تقربن البنات وكفن يمي ويحجن همس

سحر.مبروك فوفه ربي يجعل ايامكم كله سعاده وفرح

رهف. يعمري انتي تسلمين ربي يكومج بسلامه انتي ونونو

سحر.الله يسمع منج بعد عمري

مرح.فوفو الللف الف مبروك يكلبي ربي يسعدكم طالعين تخبلون سوه

رهف.حياتي ميمي ويسعدج وي وسومي هههه

سحر.بس اكلج شغله اليوم اثير مسيطر بحيث ماشال عينه عنج ابد ولامهتم للموجودين يمه

رهف.رفعت راسي علي من حجت سحر راسا غمزلي وذني استلمني

سحر.ههههههههههه العب ابن عمي واكع وكعه معدله وعلي

مرح.اول مره اشوفه هيج يضحك وعيونه تلمع بفرح

رهف.لاتركزين على عيونه لج

سحر.عود تغار ام دميعه هههههههههه

رهف.طبعا اغار عليه شعبالج

مرح.الله يديمهه عيني

اثير.يلا حجيه كومي تاخرنه يلا رهف

رهف.وين رايحين

اثير.دمشي هسه يلا عمه ترى بس اليوم ماخذ اجازه لاتكيفن عليه

عمه سعاد. هوه انته ماخذنه علمود جهاز مرتك بعد عليمن مان علينه روح شغلك واحنه نطلع وحدنه بتكسي شتكولين رهف

رهف.هاا

عمه نوال.هههههههه لاهاي هيه ربحت امشي عيني ام قتيبه مدام بيهه ها يعني لاتحل ولاتربط كدامه شيكول تنفذ بسكوت

اثير.وهوه هذا المطلوب عمه لو عندج غير راي

عمه نوال. هسه نشوف تبقى هيج لو تنكلب الايه وتصير انته تخاف على زعلهه وتسمع كلامهه

اثير.اخاف على زعلهه شي وامشي بكلامهه شي ثاني لايغرج ام وسام ترى مو كل خيال خيال اني مهرتي اعرف شلون اروضهه مو رهف 😉

رهف.يمه احس وجهي راح يطك من المستحه شكول عليك اثير اله يحطني مواقف محرجه اخذنه للمعرض مال اثاث علمود غرفة نوم بقينه نفتر وكعت رجلينه من مكان لمكان سابع واحد يلا لكينه وحده تعجبنه اتفق وياهم اثير على سعر وتوصيل طبعا طلعنه لسياره ورجع يتفاهم وياهم ماادري ليش ماحاسب كدام عمه وامه بقينه بربع ساعه كاعدين بسياره وعمه نوال وعمه سعاد يتفاهمن على تفاصيل العرس اجه اثير وطلعنه اخذنه لصايغ ولد صاحبه اشترينه حلقات واخذلي تخم مرتب كولش حلو شفت موديل مال ميداليات جديد الحرف بالنكلش وبنص ثنين متخاضنين ضلت عيني علي اثير انتبهلي اجه وكف يمي وهمس

اثير.عجبج

رهف.كولش نازك بس يمكن غالي لان ستوه نزل على فيس شفته

اثير.مرخصتك نزلنه هاي الموديلات

اي تفضل هاي موديل جديد ستوه وصلنه إيطالي بس درجه اولى

اثير.شكد سعره بلا زحمه

حسب شكله تختاره انطيك سعر

اثير.اختاري منو العجبج

رهف.حبيبي خاف غالي ليش ناخذه

اثير.لاتكولين حبيبي ونصي صوتج واختاري يلا ومعليج بلباقي

رهف.بس هذا هم احلى واحد وهم احرفنه بي

اثير.تمام خويه اطينه هذا من يمك

اي تفضل وبلنسبه لسعر (( ))

رهف.عزززه اثير كلش غالي عوفه شنسوي بي هاي اخذنه التخم وحلقه

اثير. مو كتلج صوتج مااسمعه ليش تعاندين يعني

سكتت شريد اكله اخذ رغم غالي راد ياخذلي سوارات ويا بس رفضت صار هواي شنو سالفه فوك الغرفه الاخذهه بذيج الحسبه طلعنه من يم الصايغ جان تكول عمه سعاد

عمه سعاد. وهسه تروح تضل ويانه احنه راح نروح نشتري جهاز العروسه

اثير.لااروح شكو باقي يمكم ومن تخلصون دكو عليه اجيكم ماشي

عمه سعاد. ماشي الله وياك يلا عيني تحركن ورانه سالفه طويله

اثير.تعاي شويه

رهف . ها ردت شي

دنك شاورني وراح

اثير.توصي ملابس نوم مااريد مستور كد مابيج جيبيهن مشلحات وكصار مو طوال ماشي 😉

ضليت صافنه علي من راح يربي هل رجال ولايستحي عينك عينك يحجيهه انسحبت من ايدي عمه نوال رحت وياهن وبدة رحلة التسوق التهد الحيل.

......................................

سمر. من اجه جابني الاهلي طول طريق ماحجه اي شي بس سلام عادي وصلنه الاهلي والتهيت وي البنات من خلص الغدى اخذتله جاي ورحت جان كاعد وي اخوتي

عمر.اي سمسم شلونه مصطفى وياج شلون شفتي

سمر.الحمد الله

عمر.هسه شفهمت منج اني انتي عرفتي سؤالي لو لا

مصطفى. عوفهه عمر تستحي لاتلح وياهه

عمر.خاف ماتقبل غير اختي أنته شدخلك بينه كشش بره بره يالله ههههههههههه

مصطفى. شنو شعليه كو** كدامك غير رجلهه

عمر.وتفشرهه كدامهه عادي والله زين

اثير.عمر ماتعوفه هوه بيا حال هسه غير صاله عشرة ايام ويانه بعد وين لحك يشوفهه ويتعرف عليهه لاضل جفص من يمك

مصطفى. هنا الحجي تسلم ضلعي

عمر.اي هم صح فاتتني هاي اعذرنه ابو شباب

سمر.اني رايحه يم البنات تردون شي

مصطفى. يلا اني تعبان اريد بس اوصل للبيت

عمر.ماتخليهه هنا اليوم وبليل تعال عليهه

من حجه عمر عرفت سحر كالتله علمود ابقى

مصطفى. هااا تبقين واجيج بليل شتكولين

سمر.بكيفك

اثير.تصدكين ماعرفتج شهل هدوء هذا وطاعه منيلج ولج ستكان جاي كوه احصل من وراج بشفاعات ههههههههه

عمر.مبين مغسوله الاخت ولك مصطفى شسويتلهه وهيج كلبت خاف لعبت بالاعدادت ههههههههههههه

مصطفى واثير.هههههههههههههههههه

مصطفى. لك كو****** ليش تحجين مو اختك كاعده وكوه لازم لساني عنك اله تخليني اجفص

عمر.ههههههههههه وهاي شني كرزات الحجيتهن هسه

مصطفى. اكول اكوم اولي احسن مامكابل جهرتك زفره هاي

اثير. ولك خال العيال لاتحجي علي

مصطفى. سوده ومصخمه اذا ابني طلع عليكم

اثير.ليش ولك مانعجب صرنه

مصطفى. عمي اذا على شكل الواه يطلع عليك بس لااخلاق لاوالله اخلاقكم زباله خل ياخذ اخلاق قتيبه ارحم بهواي

عمر. شو انته ماخذ راحتك وتغلط بكيفك مونبطل عليك وناخذ اختنه

مصطفى. وين تاخذهه لاتخليني احجي بلقلم العريض

اثير وعمر.ههههههههههههههه

اثير. ولاتهون ابو صوف هوه اكو اعز منك

مصطفى. غالي ياصاحبي وانته هم بس هسه مرخصتكم لان منتهي من تعب والله

اثير وعمر. الله وياك

طلع طلعت وراه باوع عليه ورجع كال

مصطفى. ها محتاجه شي

سمر.لا سلامتك

مصطفى. يلا معناهه بليل اجيج بس ادكلج اطلعي تمام

سمر.تمام

راح واني التهيت وي البنات بليل دك عليه رحت سلمت على اهلي وطلعتله طلع وياي أثير وقتيبه سلموا علي وبقوا شويه بلباب ورحنه طريق كله قريب نريد نوصل وهوه ساكت بادرت اني وسألته

سمر.بيك شي مصطفى

مصطفى. لاليش سألين

سمر.هاا مو اكول شو مبين تعبان

مصطفى. جنت نايم من رجعت من عدكم لسه وهسه كوه فاتح عيوني من نعاس بس اريد اوصل والله

سمر.ليش طلعت جان كتلي خليت واحد من اخوتي يجيبني او ابات وصبح تجيني

مصطفى . اول شي اخوتج هم تعبانين واثير ملتهي وي مرته و ثاني شي تباتين هوه اني شفتهمت منج حتى تباين عد اهلج

سمر.شقصدك يعني

مصطفى. قصدي شريف وداعت ابويه ههههههه

سمر.هههههههههههه

مصطفى. ضحكتج حلوه تدرين

سمر.لا ماادري دائمآ اخوتي يعيبون عليه من اضحك فخلوني استغرب اذا واحد كالي ضحكتج او صوتج احبطوني ههههههههه

مصطفى. انتي ليش هيج صريحه

سمر.شلون يعني

مصطفى. يعني ماتصنعين على طبيعتج شيجي بالج تحجين

سمر.مااعرف هاي طبيعتي بعد

مصطفى. يلا نزلي وصلنه

نزلنه سلمنه على الكل جانوا مجمعين بلهول كعدنه يمهم شويه سألتني الحجيه على اهلي

الحجيه. ها يمه شلونهم اهلج شخبارهم

سمر.الحمدالله حجيه بخير ويسلمون عليكم

الكل . الله يسلمهم

مهند. ابو صوف شبيك شو لازم راسك

مصطفى. دايخ كلش لو ادري مانايم كوه فاتح عيوني من نعاس هسه

عمو.هاي لان مانايم ومن نمت طلع عليك تعب كله

مصطفى. اي والله سمر كومي سويلي جاي راسي راح يطك

شهد . موشربت كلاصين كبل لاتطلع بعد شتريد

مصطفى. وانتي تحاسبيني شنو

شهد.لابلعافيه بس لان موزين عليك

عفتهم يتناقشون ورحت سويتله جاي لكيتهم ستوهم مخدرين جديد حميته وصبيت جديد بي طبيعه كون الكلاص متروس يلا ياخذه وديته اله جان كاعد وكعدت يمه حجيت بهدوء

سمر.اسويلك مساج حتى ترتاح

مصطفى. ياريت هسه من نروح للغرفه

سمر.يصير اروح كدامك لان استحي كاعده بعباتي هنا بسبب ملابسي مو مناسبه

مصطفى. قصدج بنطرونج مو مناسب ضاب **** ضب

سمر.الله عليك بطل فشاير والله عيب عليك شبيك

مصطفى. لاتتنعوصين بلحجي لج ترى جدي مشتعل من وراج احجي عدل احسلج

سمر.هههههههه مالك جاره والله

الحجيه.ها يمه ليش كاعده بعباتج

سمر . هاي رايحه للغرفه مر خصتكم

نصير.مصطفى ياريت تنبه مرتك وتنتبه اكو عالم كاعده يمكم موكاعدين بنصنه وتتهامسون

مصطفى. مااضن جنت ادخل بيكم وبنسوانكم حتى تعلق على كل شغله سويهه سمر واذا حجت وياي هذا شي خاص اعتقد مو من حق واحد يدخل بيني وبين مرتي مرخصتكم اني تعبان واريد انام تصبحون على خير يلا سمر امشي

الكل. اجمعيين

راح للغرفه حتى جايه ماشربه خرب يومك شكد غثيث وماينجرع يعني جاي شوفه تعبان اله تنكد علي وهوه مرته بصفه كاعده وكل شويه مدنك عليه حلال علي وحرام علينه دخلت وراه للغرفه لكيت ملابسه مشمره والفراش مخرب ضحكت صدك هوه افتر عليه مستغرب

مصطفى. شبيج

سمر.ادري جنت نايم داخل حرب هاي شمسوي بلغرفه

مصطفى. غير انتي ريحتج تارسه جربايه شعلتي ابو ابويه منا لمن غفيت ضليت تصارع وي روحي وهذا حال جربايه كدام عينج يعني لو جنتي يمي اله اخليج تعرجين على شوطه الاكلتهه الضهر

دنكت ولارديت علي هذا شبي اليوم شو صاير كلش

مصطفى. تعاي سويلي راسي خل انام مسطور سطر

سمر.بس خل ابدل واجي

مصطفى. تعاي عدلي الفراش خل اتمدد

رحت رتبت الفراش مال جربايه وهوه شمر ملابسه وتمدد شلت هدومه ورحت للحمام بدلت بدشداشه خفيفه بعد ما خضيت جسمي بمي بارد شويه وطلعت لكيته كاعد ولازم تلفوني بيده وصافن علي شال راسه عليه شافني اباوعله مستغربه شبي قبل شويه جان مابي شي هسه ملامحه كلهه مكلبه صفن عليه وحجه بهدوء مثل ميكولون الهدوء اليسبق العاصفه

مصطفى. اكدر اعرف شنو معناته هاي رساله !!
.
يتبع

باعي عيوني ..المسامات😣 كل بنيه تعاني منها..ماكو شي يزيليهن فدمرة ..بس اكو اشياء تسويهن فالمسامات تصغر اشويه

اول شي ☺️ بالثلج..فاول ماتكعدين الصبح جيبي فد مكعب ثلج ولفي بوصله ومرري عل وجهج..فد 3 دقايق
واذا تجمدين ماي الورد🌸 وتسوي مكعب بعد احسن

وعندج ماسك التمن .اني جربته شفت فرق انو هم يبيض البشرة وهم المسامات تصغر
وماسك بياض البيض بالأسبوع مرتين استعملي..يزيل المسامات بالانف

والميك اب ميبقى..يجوز لأن بشرتج دهنية ومنا حارة فيسيح..فكون أخير شي تبثتي بلوس باودر او باودر..وكل ساعتين هم تخلين منه

#ملوكه