البارت 30____31

البارت الثلاثون

( الرتبه و الحشمه )



..............................................

وحين اشتاق الييك
أرسمك لوحه في مزاد قلبي
وأشتريك الاف المررات
وأشهد ان الهواء في غيابك غير قابل لشهيق ❤

..............................................

تلازموه عمر واياد وماما صرخ اني ماتقربت اخاف على طفلي دخلو امجد وقتيبه على صوت يردون يفكونهم ماكو فجاءة حسيت بشي دافى وكع عليه راسا لزمت بطني وصرخت اجاني عمرر يركض

سحر.عمرر لحكلييييي لاااااااااااا

عمر . شنوو شبيج

سحر.ماادري شنو وكع عليه عمر الله يخليك سوي شي

عمر.يوم تعاي شوفيهه

عمه. اطلعوا خل اشوفهه

طلعوا كلهم حتى عمر اخذتني عمه للحمام وطلعت باوعت واكع عليه دم لو تخبلت لايربي مااريد اخسره والله روحي صارت بي طلعت عمه اول ماشافتني ابجي لطمت على وجهه وحجت

عمه.ولججج بس لاطاح 😱😱

سحر . 😭😭😭😭😭😭

عمه.عوفي البجي وكليلي شطايح عليج بلكت نلحك علي

سحر.دم عمه واكع عليه دم 😭😭😭😭😭

عمه.هواي لو شويه يعني نزف لو نكاطات

سحر.لا مو نزف

عمه.دتعاي اكعدي ولك عمرررررر تعال

عمر.ها يوم

عمه.تعال شيلهه نزلهه خل نروح للمستشفى بلكت نلحك علي كبل لايطيح

عمر.يعني بعده ماطايح

عمه.لابعده يلا استعجل تعاي خل البسج

لبستني عمه جبه على سريع ولفتلي شال اجه عمر شالني ماخلاني اتحرك خطوه نزلنه لجوه استحيت منهم كلهم موجودين وهوه شايلني طلع بينه كبل لسياره خلاني انام بلوره وعمه كعدت يمه بصدر رغم كلشي بس تمنيت ماما موجوده وياي خاصه واني اشوف عمه شلون تدعي وتهدي بعمر مانشفت دمعتي ولالحظه وعمر جان طاير بسياره وصلنه للمستشفى رغم دنيا ليل بس تفاجائت بدكتورتي موجوده اكيد عمر هوه اتصل عليهه دخلوني كبل لردهه مال الولاده اجة هيه دكتوره من شافتني كالت

د. اني شكلت سحر ليش تخسرينه ماما والله حرام هاي روح

سحر.دكتوره والله موبيدي عزلت نفسي رغم دنيا محتركه بلبيت بس هم ماخلصت كليلي شسوي شون احمي طفلي 😭😭😭😭😭

د. لاحول الله اهدي ماما طفل موجود مابي شي بس صاير عندج فطر بلجاره يعني راح تنامين على ضهرج لحد مانشوف شوكت يتسقر وضعج واحتمال تبقين هيج للولاده

سحر.مستعده انام على ضهري والله بس يبقى بخير مرايده شي ثاني

د. هسه ضربتج ابره مثبت وحده توكف نزف عندج ارتاحي شويه حتى نطلع لعمر لان مبين راح يتخبل

سحر.تمام

بقيت قريب نص ساعه نايمه على ضهري وهيه عدهه حاله لحد مادك تلفونهه اول ماخلصت مكالمه دارت عليه تضحك

د. هههههههه هذا مؤيد يكول عمر متخبل بره لان تاخرنه علي

سحر.ههههههههه اكدر امشي مو

د. اي بس بهداوه اطلعيله انتي واني جايه وراج بس اشوف هاي المريضه واجي

سحر.اي ماشي

صدكت كمت على كيف لفيت نفسي زين وطلعت اول مافتحت الباب اجاني يركض مبين علي ماكل الهبطه لكدام ابتسمت بوجه ضل صافن

عمر.ها بشريني

سحر.هيج خايف علي

عمر.لابربج لاتكولينهه راح مو

سحر.لا مابي شي طالع عنيد على ابوه متمسك بلحياة

عمر.الله عليج يعني تمام

عمه.يمه تعاي اكعدي لاضلين واكفه وفهمينه

رحت كعدت وهمه واحد منا واحد منا

عمه.شكالولج ليش نزفتي

سحر.عمه تكول صاير عندي فطر بلجاره هوه سبب هذا نزف

عمر.اي والحل شنو

د. اكثر من مره فهمتك شنو لازم تسون بس انتم مجاهلين كلامي

عمر.لاوداعت الخوه البينه مو هيج بس صار غصبا عني والله العظيم ماجنت رايدهه تتاذه بكد شعره بس مابيدي شي

د. عموما حمد الله على سلامتهه مؤقتا اني فهمتهه شنو لازم سوي بعد انتو احرص على طفلكم مني مو صح

سحر.اكيد دكتوره هلمره لواعرف احبس نفسي هم اسويهه ولااعرض طفلي للخطر

عمر.هسه علاجهه الوحيد الراحه مو صحيح

د. اي نعم اهم شي راحه النفسيه قبل جسديه فاهمتني سحر وتغذيه شي اكيد لاتنسيهه

عمه.لاهاي هيه لنوب اكابلهه واكعد لحد ماتجيب وتكوم بسلامه

د. وهاي الولده تبرعتلج داريج بعد شتردين انتبهي على نفسج وعلى طفلج لاتزعلين مني اني واجبي كدكتورتج انصحج لان خايفه عليج وعلى طفلج بس بقت يمج بعد

سحر. لاتمام وعد ماراح شوفيني اله مراجعه بس موغير شي

د. اتمنى هذا شي اني وهسه لازم ترتاحين ماعندج غير العافيه حبيبتي

سحر. الله يعافيج شكرا دكتوره تعبناج ويانه

د.لاشنو هذا الحجي هذا واجبي يلا اترخص منكم لازم اطلع

عمر.انتظري اني اوصلج الوقت متاخر

د. ههههههههههه لاتخاف عيني ليش مؤيد يخليني ارجع هيج وقت وحدي

عمر.يعني سحبهه منج شنو هههههههه

د. هههههههههههه اي وره ثمانيه ياخذ سويج خاف تجيني حاله طارئه واطلع شفت بالله عبالك مراهقه ويخاف عليه بعد هذا العمر كله

عمر.حقه يخاف دنيا ماتتأمن انتن ماتدرن احنه شنشوف وشتجينه مصايب

د. الله يساعدكم يلا عيني تاخرت مؤيد ديتصل

عمر.جاي وياج يلا حبيبتي تكدرين تمشين

د. لا شيلهه مبين عاجبتك سالفه كلش كل ماجيبهه شايلهه هههههههههههه

عمر.وانتي ليش ضايجه هيج

د. راح اروح اتعارك وي مؤيد من وراك اليوم هههههههههههه

عمر.هههههههههههههه ولاجوزين من سوالفج والله

وصلنه عمر لسياره وراح يمهم قريب ربع ساعه ورجع رجعت لنفس وضعي تمددة بسياره بقه يسولف وي عمه مااحس اله على ايد خفيفه تضرب على وجهي فتحت عيوني عمر واكف فوك راسي باوعت عليه مستغربه شبي

عمر.صح نوم عيني ننزل لو لا

سحر.شنو جنت نايمه اني والله ماحسيت

عمر.عادي حياتي يلا كومي خل ننزل

نزلت على كيف صعدنه لغرفتنه مكلوبه كلاب اليكول احنه متعاركين موهمه نزعت جبه ودنكت اريد الم الهوسه راسا رفعني عمر من خصري وشالني لجربايه تمدد وحطني بحظنه مصدومه اول مره يتقرب مني واحنه كاعدين صارلنه شهرين من زوجنه ولامره تقرب مني وخر ايده كام قفل الباب وطفه الضوه نزع ملابسه ورجع كمت على كيف راسا كال

عمر.ها وين تردين

سحر.بس ابدل ملابسي واجي

عمر.على كيفج لاتتحركين بسرعه

سحر.اي تمام

رحت بدلت بشي خفيف ورجعت جان صافن ومبين باله حسبه جبيره على الصار اليوم صراحه خايفه لايسألني وساعتهه لازم اخرطهن كلهن اله بس شلون

عمر.يعني ماسألتي على اهلج شخبارهم

سحر.عمر تعبانه اريد انام ممكن نأجل الحجي لصبح

عمر. اي براحتج تحبين اوخر عنج

سحر.لاخليك محتاجتك 😥😥

عمر.عمري شبيج ليش تبجين

سحر.مخنوكه كلش شفت موقف ماما

عمر. اشششش تعالي بحظني كافي

سحبني لحظنه خلاني شبعت بجي مسح دموعي وباس راسي وحجه همس جنه كلش وجهي بوجه اول مره نصير بهذا تقارب حتى بليلة زواجنه ماتقرب من وجهي اصلا اووف مااريد اذكرهه

عمر.كافي حبيبتي ترى موزين على نونو هاي البواجي كلهه شكلنه قبل شويه

سحر . موبيدي والله يعني اني هسه مجرد اكو طفل ينبض بداخلي مطيني امل بهاي الحياة ومستعده اسوي كلشي علمود احافظ علي وهو بعده قطعه حمره شلون ماما يطيهه كلبهه سوي بيه هيج واني بتهه المفروض اكثر وحده توكف وياي هيه مو العكس عمر مو العكس 😭😭😭😭😭😭😭😭

عمر.عمرري شكلت اني كافييي يلا محد يستاهل هاي دموع وداعتج وامج هسه بس تبرد شويه تلكينهه اول وحده واكفتلج علمود تهتم بيج

سحر.مااتصور راح تحن عليه بيوم من الايام هيه هاي ماما طول عمرهه هيج بس شكول الله يهديهه

عمر.الله كريم كلشي يتصلح ماكو شي يبقى على حاله يلا نامي موزين عليج البجي كافي يروحي

غفيت بحظنه بدون مااحس تعمدت مااسال عليهم مااريد انصدم بيهم كعدة صبح على شي يدغدغ وجهي فتحت عيوني لكيت عمر ثاني نفسه عليه ويبوس بوجهي بهدوء اول ماشافني ابتسم

عمر.صباح الخير حياتي

سحر.صباح نور

عمر.شلونج اليوم

سحر . ماادري خل اكوم واشوف

عمر . تعالي شويه 💋

تقرب وباسني بدون سابق انذار بس جان هادى بيهه لااقصى درجه وخر باوع بعيوني ماشاف رفض نزل على ركبتي مااعرف شنو صار لو ليش يمكن لان هادى جان او لان هذا عمر حب طفوله المامعترفه بحبي اله حتى بيني وبين نفسي فجاءة لكيت نفسي اتفاعل وياه وحاوطت ركبته باديه هوه راسا رفع راسه باوع عليه وهجم على شفتي ادي ماثبتن مكان مشاهن على كل جسمي حان يصرف بتملك كانو هذا شي راجع اله مو اليه حسيته بدة يفقد كلش ومال اوكفه مابيهه مجال مستحيل يوكف هنا بعد حجيت وياه ردت قفل اخر شي همست باذنه

سحر.عمرر طفل مايصير

عمر. ادري ماناسي بس اشتياقي الج تغلب عليه

سحر.يعني جنت تسمعني من احجي وياك

عمر.هههههههه اي اسمعج وهسه خل اكوم لان مااضمن نفسي بعد

سحر. اجهزلك ملابسك

عمر.خليج مرتاحه هسه ادزلج مرح تبقى يمج وشوف شتردين ممنوع تتحركين من مكانج مفهوم سحر حدج للحمام

سحر. والله ولااتحرك وين لاكيتهه هذا دلال اني ههههههه

عمر.هههههههه ادللي عمري ولايهمج اهم شي سلامتكم

راح دخل للحمام سبح وبدل وطلع كمت لحمام غسلت ورجعت اندكت الباب دخلت مرح جايبه ريوك ضلت تسولف وياي وهيه تنظف بلغرفه ماخلتني اتحرك مخبل اياد يريدني اوكف وياه ضد اخواتي وهيج خلص سبوع جنت على تواصل وي رهف وسمر انجبرت استخدم تلفون لان طكت روحي من الكعده بلغرفه عمه سعاد ابد ماعافتني كل شويه تجي تتفقدني ومرح خطيه تكفلت بأكلي والغرفه وملابس عمر حتى عمر انتبهت عليه كام مايشمر يرجع كلشي مكانه بعد مايوكع شعر على لساني يلا ماما واياد طلعوا من البيت كاعدين بيت خالي بس امجد ماطلع اصلا ماعاجبه الوضع كله عمر ابد ماحاول يتقرب مني بعد بس من ينام يحظني يلا اليوم جنت منتظرته علمود زواج سمر باجر اختصروهه يوم واحد هيه حنه هيه زفه وبلقاعه كاعده وادعي كون عمر يوافق لان اطك من القهر اذا ماحظرت العرس غير.

.............................

رهف . كعدت ثاني يوم صبح احس نفسي ميته من جوع باوعت على مكان اثير ماهوه يعني طالع ردت اطلع وتذكرت امس احنه نمنه سوه هنا اووف شكد عيب هسه شلون اباوع بوجهه عمتي وسمر بالله سمر مكدور عليهه بس عمتي يلا خل اغسل واطلع الله يسهلهه كمت غسلت وطلعت لكيت عمه سعاد هنا جايبهه وسام سلمت وردت اطلع لان توقعت مستحيل تتقبلني بعد صار كله

سمر.وين رايحه تعاي تريكي ويانه

رهف.لاالف عافيه مااشتهي

عمه سعاد.خاف لان اني هنا ماتردين تكعدين يمنه

رهف.لالعفوا عمه مو هيج والله

عمه نوال. تعاي يمه اكليلج لكمه وراج علاج انتي حتى نمتي بلا عشا

كعدت وياهم هيج كوه بس احس العيون كلهه عليه لحد ماحجت عمه سعاد

عمه سعاد. اكلج نوال شو جنتي بعدهه من اولهه ماتريدني اجيهم

رفعت راسي متفاجى بكلامهه عمه نوال ضحكت

عمه نوال . ههههههههه نزول عليج يسعاد ولج البت صوفرت عبالهه ماتردينهه

عمه سعاد. ياا مااريدهه وين الكه هيج جنه تنحط بلكلب مثلهه والاهم ابني كاتل روحه عليهه بعد شيفيد الحجي

رهف.عمه اسفه والله 😢

عمه سعاد. لايمه ماكو داعي تتاسفين اشاقه وياج الله يسعدكم انتي ورجلج بجاه كلمن عنده جاه ويريحج من ضيم والقهر شفتي بحياتج

سمر.الله على هاي دعوه ام قتيبه نيالج رهف لوهيج العجوز لو ماتراد

عمه.يطيح حظج سويتيني عجوز ادور

رهف.لالج سمر شنو عجوز ست البنات والله حتى مبينه ازغر من عدنه

سمر.ها رهف كمتي دكين ناعم مو ههههههههه

وسام.اكسبي عمتي حتى تأمنين وضعج ترى اثير ماله امان هههههههه

رهف.لا ليش تكول هيج يعني قصدك مو ثقه

وسام.لاعمي ماكلنه هيج شيخلصنه منه هسه هم كاعدين بيته وهم نحجي علي

رهف.دير بالك ترى هوه من واحد يحجي علي يحس بي راسا هههههههههه

وسام.ههههههههه قصدج اطفر منا يعني

رهف.هههههههه لامو هيج لعفوا منك ماقصدت والله

وسام.شبيج خفتي اشاقه وياج ترى ههههههه

سمر.اعذرهه وسام مامتعوده على شقه كله بوكسيات عدهه ههههههههههه

وسام.اسكتي ولج لاتحركينهه بلزايد

رهف.لا عادي مااهتم للحجي لان دائما المفاجئات لاتعد ولاتحصى

عمه سعاد. الله يساعدج يمه خبالاته اني امه مااتحمله من يطكن انتي شلون تفلتين منه

سمر.بعدما تاكلهه كتله زينه تكدر تفلت

رهف.وتالي وياج انتي اليسمعج يكول ماخذه الحمل الوديع شو خببل بعد عليمن تحجين

سمر.احجي براحتج حبي اهم شي اسمعج تحجين على اخوي

رهف.لوتموتين مااحجي علي كدامج 😛😛

سمر.هههههههههه الله يديمهه عمي شريد نكول

بقينه كاعدين لحدما طلعت عمه سعاد هيه وسمر متفقات وي اهل مصطفى يتلاكون بسوك بعدين طلعت مصطفى اجه اخذهم من الباب صار ليل واثير ماكو لحد مانمنه فزيت على صوت سويج مالته من يتحرك يطلع صوت باوعت لساعه بلوحده بليل ردة اكوم احاجي بس استحيت من عمه رجعت كلت صبح احجي تالي من كعدت لكيته طالع وهم نفس الحاله مارجع غير لنص ليل تخبلت اريد اعرف وين يروح اربعة ايام نفس الحاله خامس يوم تعمدت انتظره اريد اعرف وين يروح عمه تكول يخابر عليهه ويسأل عليه ماادري ليش ابتعدت فجاءة جنت كاعده بصاله منتظرته وصدك نفس توقيت اجه انصدم من لكاني كاعده منتظرته اجه كعد يمي وحظني باس راسي وباوع على وجهي وابتسم بتعب

اثير.اليوم مريتي منتظرتني شكو

رهف.همزين تذكرت عندك مره

اثير.افاا ليش اني ناسي حتى اذكر

رهف.لااصلا مايحتاج تسال عليه بخير الحمدالله هيه طلقه قابل شبيه اني

اثير.هههههههههههه اووف بويه ضاهر كلش مثكل اني وماادري بروحي

رهف . اريد اعرف ليش ابتعدت فجاءة شصاير بدر مني شي زعلك

أثير. مو على اساس زعلانه عليه وتردين تطلكين شو بسرعه حنيتي ههههههه

رهف . تدري موصوجك لاوالله صوج كلبي اليرجف على طاريك

اثير.هنيالي عمي على هذا الحب لج فديت الكلب وراعيته ورجفته 😉

رهف.اثير لاتقشمرني بهاي سوالف هسه اريد اعرف وين تروح من صبح للوحده يلا ترجع

اثير.شغل وروح عمي شغل ماالحك احك راسي تدرين لسه بلا اكل بس جاي

رهف . وليش هيج متعب نفسك شعدكم

اثير.غير ذاك ساقط ماخذ اجازه علمود عرسه وبركسهه براسي

رهف.هههههه تحملهه هاي اهم مرحله بحياته

اثير.اي يوم الاالي انشاء الله كولي امين

رهف. مااكول ههههه

اثير.كولي ولجج

رهف.مااكول لاتطلعلي وحده صفح هسه وتكسب ثقة جدك حتى يزوجهه الك

اثير.ليش جدي خو امي هههه

رهف.لامامنه عمتي ماتغدر بيه

اثير.ها تصافيتوا شني

رهف.اي ومن ثاني يوم هم

اثير.صدك اي الحمدالله الله يديمهه انشاء الله

رهف. امين .

اثير.شنو شكلتي ماسمعتج

رهف. امين

اثير. وهاي خليتج تنطقيهه ههههههه

حسيته بده يتقرب شويه شويه وهوه يحجي وياي اول ماصفن بوجهي طفرت

رهف.تصبح على خير اني رايحه انام

اثير.ههههههههههه شبيج طفرتي ترى مااسويلج شي

رهف.هاا لامو نعست وتدري باجر ورانه يوم طويل وصدك صبح تفرغ روحك اريد اشتري فستان للعرس

اثير.صار يدلل حبيبي بس باجر وين ترحين مني راح نبقى وحدنه بشقى عود هم شردي

رهف.ليش عمه وين تروح

اثير.راح يرجعون لااربيل 😉

رهف.منا لباجر الله كريم يلا تصبح على خير

اثير.وانتي من اهله يروحي

طبع بوسه سريعه على شفايفي وراح اني هم رحت نمت لان ورانه يوم متعب.

...............................

سمر.مرة لاسبوع ركض ركض بين تجهيز وصالون متت تعب اريد الحك ماكو مصطفى مختفي بشكل نهائي لايتصل ولايدز رسائل ابد وهذا شي خله كلبي يرجف من الخوف واني مااعرف على شنو ناويلي جنت كملت كل احتياجاتي ومابقى شي طلبت من مرح وسحر يجن بس عمر ماخله سحر تجي والحقيره حرضت عمر على مرح علمود تبقى يمهه رهف كاعده بره منتظره اثير اليوم ناويه عليهه لان يتاخر جنت متمدده مااكدر انام واني الف فكره بالي والف سيناريوا سويت بس مافاد دك تلفوني رساله طفرت راسا توقعت مصطفى اريد شي يطمني ويهدء هاي الافكار بالي بس نصدمت برساله الوصلتني خلت تلفون يوكع مني من صدمه والرهبه

💌 أياد. عبالج اخليج تتهنين ويا باجر الماحصلته اني منج مااخلي غيري يتهنى بي وداعت حبج البكلبي باجر لو جنازته تطلع لو جنازتج واذكريني ساعتهه تصبحين على خير يابت كلبي .
.
.
يتبع

البارت الواحد والثلاثون

( الرتبه والحشمه )

.......................................

سمر.مرة لاسبوع ركض ركض بين تجهيز وصالون متت تعب اريد الحك ماكو مصطفى مختفي بشكل نهائي لايتصل ولايدز رسائل ابد وهذا شي خله كلبي يرجف من الخوف واني مااعرف على شنو ناويلي جنت كملت كل احتياجاتي ومابقى شي طلبت من مرح وسحر يجن بس عمر ماخله سحر تجي والحقيره حرضت عمر على مرح علمود تبقى يمهه رهف كاعده بره منتظره اثير اليوم ناويه عليهه لان يتاخر جنت متمدده مااكدر انام واني الف فكره بالي والف سيناريوا سويت بس مافاد دك تلفوني رساله طفرت راسا توقعت مصطفى اريد شي يطمني ويهدء هاي الافكار بالي بس نصدمت برساله الوصلتني خلت تلفون يوكع مني من صدمه والرهبه

💌 أياد. عبالج اخليج تتهنين ويا باجر الماحصلته اني منج مااخلي غيري يتهنى بي وداعت حبج البكلبي باجر لو جنازته تطلع لو جنازتج واذكريني ساعتهه تصبحين على خير يابت كلبي .

شهكت واني اقره الكلمات شنو يعني هذا شناوي يربي اخذت تلفون وطلعت اركض من الغرفه لاكاني اثير طالع من الحمام بس شافني بهاي الحاله ابجي والوجه مصوفر اجه يركض عليه

اثير. سمر شبيج شصاير

سمر.هاك شوف اياد شدزلي رساله هسه

اثير.اياد شوي جيبي

اخذ تلفون قراهه ضل مصدوم بعده صافن على تلفون دك مصطفى اني اعرف نهاية رقم بس ماخازنته بتلفون هوه ضل صافن عليه فتح خط بعده مكايل الو وجان اسمع صوته عاط بصوت عالي اثير فاتح سبيكر بس صوت عالي كلش

مصطفى. هاااااي وييييييينج لججججج

اثير.منو وياي

مصطفى. منو اثير

اثير.ها ولك ليش صيح على اختي هيج

مصطفى. ليش انته جاوبت وينهه هيه

اثير.تلفون بيدي واشتبهت بلرقم من دك فجاوبت اني

مصطفى. اشتبهت شنو ليش الخاتون ماخازنه رقمي يمهه

اثير.هههههههههه والله جنك طلعت بوخه وماتخوف حتى رقمك ماخازنته ماتوقعتك هيج ياصاحبي

مصطفى. أنجب لك بوخه شنو على الاقل اني باجر ماخذ راحتي بعد محد اله شي يمي اله انته مبين راح ضل طول عمرك تركض علمود تسكت جدك عنكم احتمال اخلي احفادي يحضرون عرسك انته ورهف ههههههههههه

أثير. هيج صارت مو أرد اشوف ياكواد يخليك تاخذهه باجر عود ابقى زامط بلحجي مثل هسه

مصطفى. تلسمهه بيدك وانته الممنون وداعتك لان شتكول للعالم مااطي اختي بيوم العرس بس علمود .........

اثير.لايانذلل ساقط وتبقى طول عمرك ساقط مو واكفه يمي حسن صورتك شويه كدامهه

مصطفى. موجديده سامعهه منك هواي وإذا عليهه اني اعرف شلون احسن صورتي كدامهه انته اطلع منهه هسه اسمعني اثير تشوفلك حل الابن عمك لااحطلي طلقه براسه باب بيتكم واخلص منه وتدري بيه اسويهه

اثير.شسوالك

مصطفى. يزطط ساعه يراسل ساعه يجيني للبيت ثق بالله لو مااخوتي لازمينه قبل شويه جان وديته الكم جنازه والله ولك الكووواد يجاوز على مرتي بنص شارع اريد اعرف هذا ماعنده غيره ماعنده ناموس مو هم تنحسب عرضه وراجعه الكم

اثير.خلي عليه اني راح اعرف شلون اتصرف وياه بس انته اسمع مني ودير بالك على نفسك يعني خلي عينك مفتوحه عشره على عشره دير بالك من الغدر ياصاحبي مااريد اخسرك من وره واحد تافهه مثل اياد

مصطفى. شو احس بكلام اكو شي تعرفه بس ماجاي تحجي اثير سمر بيهه شي

اثير.لامابيهه شي

مصطفى. لابروح عمك خو ماصاير وياهه شي

اثير.ولك شبيك كتلك هاي واكفه كدامي بس خايفه وترجف حاليا الوجهه صاير عباره عن لوحه فنيه مخلوطه بدموع

مصطفى. معناتهه صاير شي احجي يمعود خلصني

اثير.ارتاح انته ولايضل بالك كلشي تمام وداعتك

مصطفى. متاكد اثير ماكو شي لازم اعرفه

اثير.ههههههههههه ولله انته ماتفك ياخه اله تعرف شصاير

مصطفى. اثير بلا زحمه عليك بس اطيني سمر ترى بديت اشك هيه يمك مابيهه شي

اثير.انته شو ماتستحي ولك شلون تريد اطيك اختي

مصطفى. هههههههههه اكلك انته نهار كله بلمركز ماتروح تكابل مرتك وتكعد وتطيني مرتي احجي وياهه

اثير.هاك عمي هاي مرتك طيح بلعين بس بسيطه ترجع لدوام لو لا اله اطلعه منك هاي اخليك دربك ماتندله ههههههههههههه

مصطفى. لا كلشي ولازعلك ابو نسب شعدنه غيرك احنه وعموما عمي تصبح على خير وسلمنه وياك

اثير.هسه جريت عدل وانته من اهله الله وياك

صدك سواهه اثير وسده بوجهه باوعلي وضحك اجه باس راسي لزم تلفون مدري شسوه بي واطانيا وراح لغرفته رحت للغرفه فتحته اريد اشوفه شسوه طلع حاضر اياد ورجعه اليه حاولت انام بس عبث ذكرت اثير شسوه بمصطفى شبعت ضحك يارب كون تبقى علاقتهم هيج دائما وماتخرب بسببي بيوم من الايام..

..........................

سحر.ثاني يوم من صبح كعدة قبل عمر رتبت الغرفه بس على البطيى حظرت ملابسي واحتياجاتي بجنطه زغيره ولبست وعمر بعده نايم طلعت رحت على كيف كعدة شو هذا طفر مخروع حتى اني خوفني وياه

عمر.هاااا شبيج اكو شي يوجعج

سحر.ابتسمت وجهه . ههه لاسلامتك بس ساعه ثمانيه راح صير شوكت تروح لدوام

عمر ..لاصدك شلون اخذتني نومه هيج ماحسيت والله

سحر . دكوم غسل حضرتلك ملابسك

عمر.اي كايم

طفر راسا للحمام ضليت اعدل بلفراش رتبته طلع هوه الخاولي بيده جاي ينشف باوع عليه من فوك لجوه وكال

عمر.خيير انشاء الله وين العزم شو لابسه

سحر.غير اليوم عرس سمر شنو نسيت شبيك

عمر.لامانسيت بس انتي وين تردين من صبح لابسه

سحر . غير اروحلهه قابل اعوفهه بهيج يوم مايصير

عمر.احنه موتفقنه امس اني اخذج بيدي وارجعج بيدي حتى ماتعبين

سحر.اي صح بس شنو المخالف لقانون هسه

عمر.المخالف شكو رايحه من صبح وتبقين ليل غير لازم ترتاحين شبيج سحر شنو كل شويه نعيدهن احنه

سحر. مو اهم شي كالت دكتوره الحاله النفسيه صح لو اني غلطانه

عمر . اي صح خاتون وين تردين توصلين بالله

سحر.واني اذا مارحت هسه لسمر اطك من القهر وانته تتحمل ذنبنه اذا صار بينه شي اني وابنك.

عمر.هههههههههههههههه وربي خبله يعني اني غير علمودج انتي خاف تعبين موزين عليج تعب

سحر.والله مااتعب روحي عفيه عمر وديني يمهن الله يخليك حباب

عمر.ماشي اوديج بس بشرط

سحر . موكتلك والله مااسوي اي شي بس مجرد موجوده يمهن لاتخاف احتمال حتى ابقى متمدده هناك

عمر.مو هذا شرطي لان ادري بيج تخافين علي اكثر من روحج

سحر . شنو شرطك

عمر.تعاي بوسيني بوسه صباحيه تطيني طاقه ونشاط من صبح

سحر.🤣🤣🤣 هههههههههه صدك تحجي

عمر.قابل مجذب عليج يلا تردين ترحين سوي الكتلج علي

غصبا عليه بس مجبوره اطاوعه علمود سمر تقربت ودنك شويه لان مااكدر ارفع روحي اله بسته بخده على سريع وخرت شو ضل صافن بوجهي وبعده مدنك

سحر.ها يلا بعد شمنتظر مو نفذت شرطك

عمر.والله لو ادري هيج سوين فلا شرطت هيج شرط شنو ولج جاي تبوسين طفل كدامج

سحر.والله هذا الموجود غيره لاتتوقع مني استحي اسويهه والله

عمر. تستحين مني جا هذا البطنج منين إذا تستحين

سحر. تحب اذكرك شلون صار هذا البطني

عمر.لا ماله داعي تعاي اني اذكرج شلون صار

تقرب شالني وراح لجربايه حطني وصار فوكاي حطيت اديه على صدره علمود ابعده عن بطني حجيت بتوسل لأن مبين قافل فد مره

سحر.عمر حباب راح نتاخر على البنات

عمر.واني اريدج هسه وبهاي لحظه ومابيهه نقاش

سحر.لاانته ماوعدتني هيج موكلت اخليج براحتج ليش غيرت رئيك

عمر.لشوكت ابقى انتظرج بس كليلي لمن تولدين يلا وساعتهه اصير اب واني مانايم وياج غير بس مره وحده

سحر. بس حاليا وضع طفل بخطر ودكتوره منعتني عن هذا شي لان مو زين علي

عمر.بعد ماكو شي عندج سديتيهه بوجهي فد مره

سحر. هههههههههه اي عندي تاخرت على دوامك شوف ساعه بيش صارت

عمر.لاااااا خررب راح الوكت يلا كومي كملي بسرعه حتى نطلع بعد ماالحك

صدك كام بسرعه يلبس ويستعجلني كملت لبسي لان ادي ماتثبت خرب ملابسي كلهه طلعنه ردت اشوف مرح طلعت رايحه هيه وعمه سعاد ماخذهن وسام طلعنه بسياره وعمر طريق كله تلفونه ماسكت فجاءة شميت ريحة الكباب ذكرت اني مامتريكه خرب بلحظ راسا لزمت ايده لان مشغول يخابر مايسمعني

عمر.ها شبيج

سحر.جوعانه ماتريكت

عمر.هسه تلكين امي هناك وتريكي وي البنات مستعجل

سحر.ماشي بس انزل جيبلي كباب حباب ريحته ترست خشمي

عمر.ولج شني ابنج مفجوع كل مانطلع يضل يشم بريحة الاكل

سحر.والله لوتحجي لصبح عليه لو علي المهم عندي تروح جيب قبل لااحك وتطلع بي وحمه

عمر.مثل وحمة امه يعني 😉

سحر.عزززه وين شفتهه انته الوحمه مالتي

عمر.شهل سؤال سخيف حياتي هههههههههه

سكتت عنه ماحجيت شي خررب ماكو شي مامنتبه علي شو اني مااذكر لمحت اي شي بجسمه نزل جاب الريوك واجه وصلنه لشقه مالت اثير بس وصلني للباب فتحته مرح وهوه راح مادخل جوه سلمت عل عمه نوال والبنات وكعدنه نتريك كلنه سوه بعدين كمنه كلنه تحظرنه حتى نروح لصالون وياهه بس اني بطلت بااخر لحظه لان سمعت رهف راح تطلع وي اثير وترجع لهنا وبعدهه تروح لصالون كتلهه اروح وياج خليني متمدده هنا هسه وهنه نصبن عليه لان صايره عجوزيه بس اكل ونوم بسبب الحمل .

..............................

رهف. اجن البنات من صبح ولتهينه وياهن كلعاده اثير طالع من صبح كمت وي عمه رتبت المطبخ هيج على الخفيف صح ايد وحده بس كدرت انظفه وصلتني رساله من اثير علمود اتحظر لان راح يجي غسلت واريد اطلع من المطبخ جان يدخلن عمه نوال وعمه سعاد كعدن على ميز مال طعام وسحبني بنصهن يمه شكو

عمه سعاد. حبيبتي انتي موتكولين سمر مثل اختج وفرحتهه من فرحتج

رهف.لاشنو مثل اختي سمراختي واعز والله شاهد شلون فرحانتلهه هسه

عمه نوال. معناتهه لازم تلبين رغبتهه وتنزعين الاسود

عمه سعاد. كافي حزن ماما انتي بعدج زغيره البسي وتهني لاتخلصينهه كله حزن بحزن

عمه نوال. وانشاء الله من تذبي تذبين همومج كلهه وياه وينفتحلج طريق جديد لسعاده واراحه طول عمرج

عمه سعاد. بس وي ابني اكيد ههههههههههه

عمه نوال . اكيد وي ابنج هوه احنه نكدرله حتى نفكر بغيره هههههههههه

عمه سعاد. ها ماما شو ساكته احجي شي

مرح.رهف كبل لاتحجين ترى احنه من طلبنه هذا شي علمودج والله مانريد نشوفج طامسه بالاسود وانتي بعدج مثل الورد

رهف.والله صعبه مااكدر شلون

سمر.لخاطري رهف انزعي الاسود اليوم وافرحي وانسي كلشي صار وياج حتى لو ليوم واحد بس

سحر.ولج خبله نزعي وحفي وسوي شعرج وخل نشوف اثير شيسوي بالله الله عليج

مرح. ولج انتي طالعه عينج صدك

سحر. انتي كلشي مانحصل منج مخلصته علينه عيب وخصوصيات عابتلج

سمر.صدك والله مرح مو جنتي تحجين على هاي ثوله لان ماتحجي شو صرتي مثلهه

رهف.رحم الله والديج ليش محترمتني هيج

سمر.يلا ولج انتي ثانيه كومي خلصينه لايجيج الافندي وماتلحكين تنزعي الاسود

رهف.ياجماعه والله صعبه عفيه قدرو موقفي

عمه سعاد. لامانقدر و هسه راح امشي عليج دور العجوز على كولت سمر كومي وي البنات وخل يساعدنج تنزعي

سحر.سمعتي يلا كومي لاضلين صافنه راح الوكت ترى

رهف.بس بنات

مرح.شو تعاي سمر هاي مو مال احترامات لا والله

سحلني سمر ومرح واخذني للحمام وسحر لازمه دشداشه قصيره لونهه زيتوني بجيت من صدك توسللتهن بس ولاجنهن عبالك احد مسلطهن عليه والله اول مانزعني تراك جان صوفر سحر كلنه التفتنه عليهه عبالك شاب وكاعد يمنه مو بنيه خرب يومج

سحر. أضرررب خررب يومج ولج شنو هذا جسم العندج بت لذين صدك طلعتي حاته ههههههههه

رهف.لجج ديري وجهج انتي صايره كلش

مرح.تعاي خيه خل البسج لاتغتصبج سحر هسه خطيه طاكهه جفاف ههههههههههه

سمر.ولج سحر بعدكم لسه كلشي ماكو

سحر.اي وداعتج شوي بعد اكله خويه راح نتخاوه اني وياه على كد ما علاقتنه جامده

رهف.عمت عينج تتخاوين وهذا البطنج منين اجه من الهوه ههههههه

سمر.يلا بلعافيه حبي انشاء الله ماتشوفين الحزن بحياتج جايه

مرح. امين الله يوفقج بكليتج ويسعدج وي اخوي هههه

سحر.بلعافيه يروحي انشاء الله ماشوفين لاسود ولاغيره ضلين بدون هدوم بحضن ابن عمي ههههههههههه

سمر ومرح .🤣🤣🤣🤣🤣🤣🤣

رهف.عابتلج كافي ولج شبيج اليوم

سحر.من ضيمي يختي شريد اسوي

مرح. تعالن خل نطلع يلا اكلج فوفه ماكو داعي تطلعين تشترين ملابس احنه طلبنالج ويانه تعاي قيسيهن وشوفي

رهف.والله ماله داعي ليش كلفتن على نفسجن هيج

سمر.امشي ولج لاترحين للغرفه تعاي لصاله خل نشوف صدمة اثير الله عليج هههههههههههه

سحر.هسه يضل يبلعم شلون يلزمهه وكلهه واكفه يمه ههههههههه

مرح.هههههههههههه هوه هذا المطلوب امشن يلا

رهف.ولا امشي شو متقفات على رجلي خطيه وين يطي وجهه لايروح يخوني حتى ابتلي بيجن غير

البنات. 🤣🤣🤣🤣🤣🤣🤣🤣

ضلن البنات يضحكن من طلعت رحت راسا للغرفه اباوع على نفسي صدك مغيرتني الألوان نعصر كلبي على ماما وطاحت دموعي غصب عني لان جانت دوم تكلي ماما البسي الوان زاهيه تلوكلج لاضلين مكبره روحج واني جنت اغلب ملابسي جوزي ونيلي جنت صافنه مااحس بدموعي لحد ماحسيت ايد نمدت ومسحت دموعي رفعت راسي عمه سعاد سحبتني لحظنه وحطت ايده على راسي كانوا بهاي الحركه كالت فرغي البكلبج كله واني ماصدكت نهديت لحد ماسمعت صوته يحجي وي عمه

عمه . كافي يمه سوده عليه شجاج جا انتي ماعندج غير دموع

أثير. هاي شكو شبيكم

عمه.ماكو شي هيج اختنكت ورادت تبجي

اثير.خاف لان راح تعوفنه اليوم ها ولج

عمه.هههههههههههه ولك هاي مو سمر

اثير.جا منو مستقبلين ضيف جديد هنا شو خل نشوف وجهج حلو لا

راسا رفعت راسي من حظن عمه وباوعتله بخزره هوه طكهه ضحكه

أثير. ههههههههههههه هسه رفعتي راسج مو

عمه.عوفهه ضايجه لاتزودهه عليهه بسوالفك تعبانه

اثير. اكول يوم شو صافه وياهه عليه المفروض العكس غير اني ابنج

عمه. وهيه بتي ماكو فرق ابد بيناتكم

أثير. هاااا بعد شتردين طلعت اخوج منو كدج بعد

رهف.هههههههههه

عمه.ههههههههههههه ولك استغفر ربك اخوهه شني

اثير.استغفر الله هسه يلا خاتون تاخرة ترى وراي شغل كومي

رهف.لاماكو داعي البنات موصياتلي على فساتين وياهن ماادري بيهن هسه ردت اتصل عليك بس مالحكت

اثير.شوكت وصن ومنو جابتهن الج

رهف.مرح جابتهن

اثير.هاااا عود اني اشوفهه يلا طالع اني تردين شي يوم

عمه.اي وصلنه لصالون وياك

اثير.ديلا استعجلوا ترى متاخر كلش والله

عمه.يلا يمه كومي البسي على مااشوف ذنيج

رهف.اي عمه كايمه

اول ماوكفت وجان اسمع اثير يصوفر وكدام عمه متت من المستحه نسيت دشداشه قصيره وربع ردن جانت عمه مغطيه عليه مامبينه لمن وكفت يلا راسا رجعت كعدت خررب يومك اثير اله يفشلني

أثير. خاااالي لك شنو هاااي هذا الجمال كله مالتي 😉

عمه.هههههههههههههه دطلع خلي البنيه تبدل يلا

اثير.موتكولين اني ابنج ماتحنين عليه وتخليني يم هذا الكيك

عمه.ههههه ولك كافي البت صارة طماطه من وراك

رهف . عمه اني رايحه يم البنات ابدل

عمه.روحي يمه هذا بعد ماينشلع من الغرفه ههههههه

طلعت اركض من يمه لزم ايدي وسحبني علي شاورني

اثير.اليوم ماتفلتين مني لو عمي يطلع من كبره اني اعلمج

حجه هيج وهدني راسا طلعت رحت يم البنات لبسنه وطلعنه هوه وصلنه لصالون وراح .

....................

سمر.اليوم اهم يوم بحياتي حلم كل بنيه بهذا اليوم تنجمع وي شخص التتمناه بس اني عكس مااريد الساعات تمشي حتى لاانجمع بي لان ماادري شناوي عليه الخوف منه ومن مصيري المجهول ويا سلبن مني فرحت اهم يوم بحياتي جنت صافنه حتى مامنتبهه للبنات يحجن وياي ماشاء لله كل وحده تميزة بجمالهه وفستانهه بس كل وحده عدهه هم شكل ومصيبه شكل خايفه منهن اباوع على نفسي مابيه اي شي يدل على اني عروس لالهفه العندي ولالمعة عيوني كعدت البنيه جاي تسوي باضافري ودك تلفوني جابته مرح فتحته وحطته على اذني مصطفى اول مره يحجي وياي بهدوء هيج

الو

مصطفى. الو ها شلونج

سمر . الحمد الله زينه

مصطفى. شبيج صاير شي سمر

سمر.لاليش تكول هيج ماكو شي انته صوتك تعبان

مصطفى . سمر سمعيني من طلعين لحد مااجيج للقاعه خليج وياي على الخط لان هذا سكط مناوي يعديهه على خير

سمر.اني اهلي داير مدايري ماعليه شي بس انته دير بالك على نفسك الله عليك

مصطفى. اني من أمن عليج ودخلج لبيتي يلا اكدر اجر نفس وارتاح

سمر.مصطفى

مصطفى. ها سمر كولي اسمعج اكو شي بس متردده تحجينه

سمر.اي اكو البارحه وصلتني رساله من اي...

مصطفى. لاجيبين اسمه على لسانج مفهوم

سمر.اي مفهوم بس ردت انطيك خبر عن رساله حتى تكدر تحمي نفسك هذا اهم شي

مصطفى. شكاتب بيهه الرساله

سمر.راح ادزهه الك اقراهه احسن لان مااكدر اقراهه الك اني

مصطفى. شكايلج انتي ......................

سمر.هااااي شمدريك أثير كالك

مصطفى. يعني كلتي لااثير مو

سمر.اي بلغته راسا وكبل لاتحجي شي ردت اتصل عليك بس انته تصلت وحجيت وي اثير من سديته استحيت اتصل عليك بعد

مصطفى. تمام لاتخافين ماكو شي هذا بوخه كلشي مايطلع منه اهم شي سمعين كلامي بدون ماتخالفين مفهوم

سمر.اي مفهوم

مصطفى. هسه خلصتوا لو بعدكم

سمر.لاخلصنه ومنتظرين واحد يجينه

مصطفى. ها خل اشوف اثير اجاكم لو لا

سمر.ماشي هذا اتصل على البنات راح نطلع

مصطفى. ماشي مثل ماكتلج خليج على تواصل وياي

سديته من عده ولبسني البنات وطلعنه لان اثير كال اجه طلعنه طبعا مااشوف اي شي اول ماطلعت من صالون مااحس اله شي نبت بخاصرتي رفعت راسي اياد ومنبت مسدس بخاصرتي اباوع اثير اجه يركض علينه

أثير. وروح عمي ادفنك هنا عوفهه ولك

اياد.احسلك تبتعد عن طريقي ترى ماأتردد لحظه اكتلك لاتجربني يكون احسلك

اثير.لك نذذذل تريد تاخذ اختي وتروح وابقى اباوع عليك

ماسمع لكلام لااثير رمى طلقه قريبه على البنات صرخن ركضلهن أثير ماادري منو بيهن صوبت رجع ضرب مره ثانيه سمعت البنات صرخن

مرح وسحر. لاااااا رهففففف اثير الحك ررررهف

اثير.عمررر مصطفى تعالوله بسرعه صار المتوقعينه

هوه استغل الفرصه سحبني لسياره شمرني بيهه وقفلهه رمه طلقه لفوك وصعد وشغل سياره اباوع من جامه رهف واكعه والبنات ملتمات عليهه واثير ركض ورانه ضل محتار بيني وبين ورهف شفته صعد سيارته ولحكنه صاح عليه بس باوعتله مدري شرش بوجهي بسرعه فقدت الوعي بعد ماادري شصار

.
.
يتبع

البارت 32___33

البارت الثاني والثلاثون

( الرتبه والحشمه )

...........................................................

حين احببتك ادركت انك انت وحدك الصوابي

الذي بحثت عنهه طول سنين ❤❤

.................................................

اياد.احسلك تبتعد عن طريقي ترى ماأتردد لحظه اكتلك لاتجربني يكون احسلك

اثير.لك نذذذل تريد تاخذ اختي وتروح وابقى اباوع عليك

ماسمع لكلام لااثير رمى طلقه قريبه على البنات صرخن ركضلهن أثير ماادري منو بيهن صوبت رجع ضرب مره ثانيه سمعت البنات صرخن

مرح وسحر. لاااااا رهففففف اثير الحك ررررهف

اثير.عمررر مصطفى تعالوله بسرعه صار المتوقعينه

هوه استغل الفرصه سحبني لسياره شمرني بيهه وقفلهه رمه طلقه لفوك وصعد وشغل سياره اباوع من جامه رهف واكعه والبنات ملتمات عليهه واثير ركض ورانه ضل محتار بيني وبين ورهف شفته صعد سيارته ولحكنه صاح عليه بس باوعتله مدري شرش بوجهي بسرعه فقدت الوعي بعد ماادري شصار .

..........................

مرح.حالنه صار يصعب على الكافر اني وسحر واكفين باب العمليات منتظرين رهف بعد ماعافنه اثير وراح وره اياد اجوا مصطفى وعمر مصطفى راح وراهم وعمر جابنه للمستشفى ودنيا مخبوصه اجو جدو وعمامي والكل جمع يمنه مناك ماما وعماتي حايرات بااهل مصطفى وناس الحاضره بلقاعه علمود سمر اخخخ ياسمر الله اعلم بحالهه هسه وين وداهه هذا الحقير شفت اثير اجه يركض وشحاله صاير سأل عمر راسا مجاهل وجود جدي

اثير.عمرر وينهه

عمر.بعدهه بالعمليات انشاء الله ماكو شي

اثير.هذا الوكت كله يعني محد طلعلكم ابد

عمر.لامحد طلع بشرني شصار وياك لكيتهه لولا

أثير.اي واخذناهه كبل للقاعه العالم منتظره هناك

عمر.خو ماماذيهه

اثير.مالحك يسوي شي حاصرناه بنص الطريق لكيناهه مخدره لحد الان ماصحت

عمر.شسويتله لو صار حصت مصطفى

أثير.بعدين اكلك هسه اخذ مرتك ومرح تكول امي خل يجن حتى العالم ماشك بشي رهف محد راح يفتقد وجودهه

عمر.شلون اعوفك واروح خل واحد من الولد ياخذهن

اثير.عمر وديهن وتعال مالي حيل اناقشك هسه

عمر.ماشي يلا كومن كدامي

مرح.شلون نعوفهه بهاي الحاله ونروح والله مااكدر

اثير.مرح روحن هاي احنه يمهه بس سمر محتاجه الجن اكثر من رهف

عمر.يلا كومن حتى اوديجن وارجع لهنا

ماكدرنه نحجي لان وضعهم مو مال عناد ابد طلعنه وي عمر وصلنه للقاعه دخلنه كبل لغرفة تبديل لكينه ماما وعمه نوال كاعدات يم سمر ويصحن بيهه لكيناهه ستوهه تفتح بعيونهه

سمر.اني وين ماما رهف كتلهه والله شفتهه سابحه بدمهه 😭😭😭😭

ماما.اهدي بنتي اسمعيني زين انشاء الله رهف مابيهه شي بس هسه لازم تكومين وياي نسكت هاي العالم

سمر.ياعالم اني وين ومنو رجعني شلون خلصتوني

ماما.ماادري شصار شلون بس رجلج جابج لهنا وكال مااريد اي بشر يدري بصار من الموجودين جوه يجوز يقصد اهله

سمر.شلون تردوني احظر وافرح بزواجي وكانوا ماصاير شي

عمه . كومي يمه العالم منتظره راح تنوكل وجوهنه اذا مادخلتي هسه

مرح.كومي سمر يلا عيب لاتطلعنه سالفه جديده هسه

ماما. اي صح حتى هوه كال مايطول شويه ويستعجل زفه حتى تخلص هاي الهوسه

عمه.اووف سوده عليه شني من حظ حظكم خطيه الولد وجهه طافي عود اليوم عرسه وانتي شحالج صايره

كوه قنعناهه وكامت ويانه عدلنه مكياجهه وطلعنه اشتغلت القاعه بلهلاهل واصوات ديجي بقينه كاعدين حتى ماشاركنه ماما تحججت اني استحي وسحر حامل ماتكدر بس همه ماشاء الله كلبوا العرس كلاب بدلت سمر مرتين بس كوه عليهه ثالث بدله لبستهه هم حبيره جانت طالعه تخبل بيهه كالو راح يدخل العريس بهاي الاثناء دك تلفوني عمر طلعت اركض بلكي خبر عن رهف طلعت للمر وجاوبته

الو

عمر.ها مرح اكلج بلغي امي والكل يمج رهف طلعت من العمليات

مرح.والله زين شنو وضعهه هسه

عمر.بعدهه ماكعدت حاطينهه بلعانيه المركزه خل تكعد ونشوف انشاء الله ماكو شي

مرح.اوف انشاء الله اكلك عمر هيه وين اصابتهه

عمر.بطنهه هلمره ولان وكعت بسرعه انفتح جرحهه القديم وهم رجعوا خيطوا الهه هاي البت ماادري وين نايم حظهه

مرح.اي والله المصايب توكع ركع فوك راسهه واثير شخباره

عمر.هذا موجود شخباره يعني كاعد منتظر رحمة الله

مرح. الله كريم حباب عمر اول مايصير شي خابرني الله عليك

عمر.اي ماشي اكلج سحر شخبارهه خو ماتعبت شي

مرح. لامابيهه شي بس عمر شو ساكته ولاتنطق بحرف واحد حتى من احجي وياهه ماترد عليه

عمر.خليهه لاتحجين وياهه اني ادري شبيهه بس انتي عينج عليهه مرح مااوصيج بعد

مرح.لاتوصي اكيد عيني عليهه هاي اذا عافتهه امي بلتهه بلوه كل شويه جايبتلهه شي ساعه مي ساعه عصير ساعه اكل

عمر. واكلت لو لا

مرح.اي اكلت تكدر ترد ايد امي

عمر.تمام يلا بعد مااوصيج وسمر هم انتبهيلهه ترى صار وياهه اليوم موسهل ابد

مرح.انشاء الله

سديته منه ودخلت لكيت مصطفى طالع هاي شبسرعه دخل شبسرعه طلع الله يعينج ياسمر شراح يسوي اليوم من وره اياد ودكاته الماتخلص .

........................

سمر. كعدت لكيت نفسي يم ماما وعمه وسعاد شلون كدرو يخلصوني منه ورهف شخبارهه لحوه عليه هواي طلعوني للقاعه غصبا عليه مارايده هذا شي ابد بس مابيدي شي بدلت مرتين بثالثه دخل مصطفى خفت كلش مااعرف شنو راح تكون ردة فعله ضليت مدنكه حتى مارفعت راسي علي من كد خوفي كعد يمي اجة امه كالتله حنيهه اخذ ايدي وحط بطرف الاصبع ومسحهه دنك عليه همس

مصطفى. بيج شي

سمر.ماادري 😥

مصطفى. اشش امسحي دمعتج لاواحد ينتبه علينه

سمر.انته شلونك خو مبيك شي

مصطفى. لامابيه شي هاي كدامج تمام

سمر.عفيه شنو صار وي رهف

مصطفى. طلعوهه هسه من العمليه وانشاء الله خير

سمر.والله مااسامح نفسي اذا صار بيهه شي

مصطفى. كافي سمر شبيج عدنه غير وقت ونحجي براحتنه هسه لازم اطلع منا فد نص ساعه وتجي زفه لاضلين تبجين حتى محد ينتبهه وبعدين افهمج ليش تمام

سمر.تمام

طلع ورجعن علكنهه وانوب لبست البدله مال زفه علمود الجلوه هلكت بس ابد مافرحت ولامرت الفرحه عليه بهذا اليوم رغم تفاصيل أكثر من روعه بس الصار اليوم موشويه صدك نص ساعه مرت واجة زفه دخل هوه وأخوته ضليت خايفه اهلي محد منهم يكدر يجي كلهم يم رهف شلون بس تفاجئت بجدو وبابا وعمر وقتيبه واكفين همه سلموني اله بس اثير ماهوه الله يساعدك ياخويه على مصيبتك اجه جدو لزم ايدي وحطهه بيد مصطفى وكاله

جد.بويه هاي امانه عندك كون تحافظ عليها وتحطهه بعيونك مااريدهه تجينه بيوم مهضومه لو متكدر خاطرهه خليهه دوم رافعه راسهه بيك ورافع راسك بيهه انشاء الله لان احنه واثقين من تريبتنه فهمتني بويه

مصطفى. بعيوني لاتخاف عليهه جدي

بابا.هاي شمعت بيتنه مصطفى لاتنسى هذا شي

عمر.ههههه يلا ابو شباب بعد مايخلوك تطلع لصبح

جد.ههههههه يلا توكلوا بويه

طلعنه بعد ماحجه وي جدو ماطول هواي بزفه حتى ماودعت اهلي لان ماشفتهم تكيد راحوا وي عمر لرهف وصلنه للبيت بعد معاناة لان بالي كله يم رهف شصاير وياهه هسه دخلنه للبيت جانت لأجواء لاتقل عنه من يصير عدنه عرس تفاجئت ماما وعمه نوال جايات وياي يالله شكد رتاحيت من شفتهم بقه كاعد يمي شويه وطلع بقينه تقريب ساعه وكالت امه خل تصعد ترتاح فوك صدك صعدن وياي امي وعمه واخواته ثنين ماعافنه ابد رغم شكد ردت احجي وياهم وحدنه بس استحيت ابينلهم هذا شي كعدنه جابولهن عشا بس مااكلن ماما كل شويه متصله وماكو خبر بعدهه ماكاعده صارت تقريبا بثمانيه وكالوا راح يزفون العريس طلعنه ماما وعمه بعد مابوسني وصني كومه توصيات الي من وره توصياتهن بطني موتتنني من الخوف دخل مصطفى سلمن علي بلباب ونزلن طب هوه وقفل الباب وانزع ستره وربطه شمرهن على جربايه وطلعله بطل مي جابه بيده وكعد على طرف مال جربايه شرب منه وضل لازم راسه اني على وكفتي رفع راسه باوع عليه بس عيونه بيهن نوع من الحزن غريب كال

مصطفى. ماسمعتي شي على مرت اخوج

سمر.بعدهه لسه ماكعدت 😥😥

مصطفى. اثير يتخبل اذا صارلهه شي ولاأني الاكدر اسامح نفسي

سمر.ليش انته شنو علاقتك

مصطفى. اثير طلب نسجنه على مايخلص العرس بس اني رفضت لان هذا شي مخالف للقانون شنو بكيفنه نسويهه بس والله لو ادري هيج جان سجنته بيدي وماترددت لحظه وحده

سمر.عمري كله ماتوقعته توصل بي لهنا 😭😭

مصطفى. سمر تحبي

سمر.ابدا مستحيل احب هيج شخص ماعنده ذرة رجوله طول عمره نذل وعملته اليوم اكدتلي اني ماغلطانه من ماامنت بواحد مثله

مصطفى. شنو الجان بينكم بلظبط

سمر.ابد مجان بينه شي خاص بس اني جنت الوحيده بلبيت اختلط وياهم وي اخوتي واي شي يردو يصيحون عليه وهوه جان من ضمنهم عادي حاله حال اخوتي بمرور لايام لاحظت نصراته تغيرت عليه وتصرفاته كأي بنيه مراهقه اكيد تعجبهه هيج شغلات بس جان اكو حاجز كلش جبير موجود بداخلي يمنعتي اتقبل اي تصرف منه ماانكر بادلته الاعجاب بس هسه طلعت غلطانه حتى الاعجاب شي وهمي صنعه خيالي التافهه من كد اهتمامه بيه اخر شي من شافتي مانطيته وجهه لاتلفون الأرضيت اكعد او اوكف مكان ونحجي وحدنه ابتعد من كيفه لحد مامره سمعته يخابر تقربت للمكان ولكيته فاتح كام وي بنيه ساعتهه تاكد انو هذا شخص عمري ماحبيته ولادك كلبي اله لان اليحب يسامح يغفر لحبيبه بس اني كلبي مات من يمه من ساعتهه وراهه بفتره سافر عادي عندي اصلا ارتاحيت خلصت من همه بس سبب خباله من سمع انخطبت بس لان مايريد يخسر راد هوه يزوج واحظر عرسه بظنه يكسرني وبعدهه عود اني ازوج

مصطفى. هههه وتكولين مااحبه وهيج محروك كلبج منه لان خانج هذا كله سويتي سمر لان خانج لو جاي ومعتذر منج جان غفرتيله مو ويمكن حطيتيني هدف حتى تخلينه يرجع ويتمسك بيج

سمر.لا والله موهيج انته فهمتني غلط شوف راح اكلك شغله وحده بدون مااكعد افسرلك وانته افهمهه عمري ماخفت على احد مثل خوفي اليوم لايصيرلك شي

مصطفى. وشتسمي هذا حب لو احساس بذنب

سمر. كتلك فسر على كيفك والايام تثبتلك اني شنو وترجعلك ثقتك المهزوزه هاي

مصطفى. اي خل نشوف راح ترجعين تكسبين ثقتي لو لا

سمر.الله كريم

مصطفى. يعني ماسألتي شصار بي لو وين وديناه

سمر.مايهمني حتى اسأل

مصطفى. متاكده سمر يعني ماراح سألين اثير علي

سمر.لا مااسأل وعلى طاري اثير تكدر تتصل علي تلفوني باقي عند مرح

مصطفى. لاهذا تلفونج اطانيا عمر من طلعنه

سمر.صدك انطينا خل اتصل عليهم والله كلبي نار

مصطفى. اني راح اتصل انتظري

صدك اتصل عليهم حجه شويه وي اثير من خلص باوع علي وابتسم

مصطفى. حمدالله على سلامت مرت اخوج

سمر.الله عليك صدك تحجي رهف كعدت

مصطفى. اي ستوهه كاعده بس بعدهه تعبانه

سمر.هيه وين صوبت

مصطفى. بطنهه جايه طلقه هل حالتهه خطره هيج

سمر.اوووف سوده عليه بعدهه ماطابت من ذاك صوابهه 😭😭😭😭😭

مصطفى. وتالي تخلصينهه بجي اليوم يلا العالم منتظره بره فضينه

سمر.شنو يعني شتريد مني

مصطفى. يعني عريس برئيج شيريد من مرته بليله عرسهم

سمر.بعد كلشي صار تريدني

مصطفى. هذا شي لازم يتم بس مومعناتهه رايدج

سمر.يعني اسقاط فرض شنو

مصطفى. عفيه هيج بلضبط

سمر.واني مامستعده لهذا شي عود من تتقبلني ساعتهه يصير .....

مصطفى. كملي ساعتهه شنو

سمر.انته فهمتهه بعد

مصطفى. ههه لاتخافين كومي بدلي وتعاي خل نصلي وامني اني مالي مزاج اتقرب منج مو لان حظرتج ماتردين وحجيت هيج ارد اشوفج شتكولين

من حجه هيج ضحكت بكلبي ذكرت رهف من كالت اثير مسويلهه اختبار بالله ذوله صدك يحجون الحمدالله وشكر كمت اخذت سيت نوم مجبوره خاف احد يدخل حاولت افتح البدله بس ماكدرت لحد ماحسيت بادي على ضهري ويفتح بلبدله حجيت بهدوء

سمر.خليهه اني افتحهه

مصطفى. معناتهه صلاة الفجر صير على هاي سالفه

ماحجيت شي فتحهه اليه ودار وجهه راسا ورجع لمكانه دخلت للحمام نزعتهه وعلكتهه راسا لاتوكع بلمي غسلت المكياج وتوضيت وطلعت خليت البدله مكانهه السيت جان القطعه الجوه قصيره كلش وفوكهه روب طويل مااكدر اكول علي مستور لاوالله تورطت لان لبسته فضيحه هوه جان مدنك على تلفونه ركضت للكنتور اريد شي مستور البسه هسه يكول بس تريدني اتقرب منهه على هذا لبس اول مافتحته سده بايده وباوعلي من فوك لجوه بجمود كانوا شي غريب كدامه حجه بعد مادار وجهه

مصطفى. كتلج خل نصلي ماكتلج تعاي انام وياج هيج لابسه

سمر.مامتقصده البس هيج بس لبسته خاف احد يدخل علينه

مصطفى. سمر اسكتي بدال ماتكحلينهه عميتيهه يعني اني مااريد اشوفج هيج اخلي غيري يشوفج شبيج بابا فاصله الفيشه عندج اليوم

مارديت علي رجعت فتحت الكنتور وطلعت تراك ورجعت للحمام لبسته وطلعت لفيت شال على راسي وصليت وراه لان ماعندي جادر مال صلاه صلينه وكملنه اجه حط ايده على راسي وقره الدعاء مال المزوجين من كمل راح كعد على طرف جربايه واتصل على مدري منو من اهله كلهم شنو مادزولنه عشا اليوم صدك ثواني وندك الباب اشرلي يم الكنتور رحت وكفت بهاي جهه يعني ماابين

نهى.وينهه عروستك شو مامبينه بس لااكلتهه ترى هيه قابله للكرط

مصطفى. هههههههه نهى اطفري منا موكت شقاج الماصخ هذا

نهى.هههههههههههه ها بعدنه من اول يوم طردتني هيه هاي الخوه مع الاسف

مصطفى. ههههههههههههه وتالي شتردين هسه

نهى.حرك جيبك يحلو والا كل دقيقه ادك الباب ومااخلي جاهل بلبيت مااخلي يدك عليك الباب

مصطفى. ولج مو صبح قطيتيني بعد شتردين عموما اوكفي خل اجيبلج

نهى.خل ادخل وياك حباب والله مااسولف شفت بغرفتك وداعت الخوه البينه

مصطفى. ههههههههههههه طلعي بره لج انتي ماسولفين غير برنامج الاذاعه حظرتج

نهى .ماشي رايحه بس سمر باجر عود اخذ منج ألااريد اعرفه موتنسين هههههههه

مصطفى. ها بلشنه نهى شكتلج اني

نهى.شبيك غير اجيس نبضهه اشوفهه تستقبل شقى لا

مصطفى. واذا طلعت لا شسوين

نهى.أخليهه تتعود عليه وصير اضرب مني وداعتك ههههههههه

مصطفى. لاهاي هيه ربحت يلا ولج ولي ثلج الاكل لااصيحلج الحجيه هسه سحلج

نهى . لافدوه كلشي ولاهيه رايحه ههههههههه

طلعت اخته وسد الباب واجه كعدت على جربايه اشرلي على الاكل مارديت عود مايحجي شيسموهن ياشر رجع كال

مصطفى. ماتجين مو اطمنه على رهف بعد شبيج

سمر.الف عافيه اكل انته اني مااشتهي

مصطفى. حجي يفيدج هذا تعاي يلا لااجي اشيلج ترى

سمر.لاااا جايه خلص

كعدت هيج انقش بالاكل مسدوده نفسي كلش حتى هوه مااكل شويه وكام غسل لميت الاكل وحطيته على جهه من طلع كتله

سمر.انزل الاكل واجي مايصير يبقى بلغرفه

مصطفى. لايابه وين تنزلين شني سالفه غير الامه مكلوبه جوه هسه عود خلي بثلاجه وبعدين نزلي

سمر.اي مثل ماتريد

بهاي الاثناء دك تلفوني رحت شفته سحر راسا جاوبت لان خايفه عليهه وجهه اصفر كلش صار

الو

سحر. ها سموره شلونج

سمر.الحمد الله انتي طمنيني شلونج النونو شخباره

سحر.لازين اليوم رغم انهبطت على خالاته بس الحمد الله ماكو شي

سمر.يمه فدوه اله ولخالته بس ولج اني عمته مو خالته

سحر.انجبي ولج غير من جهتي يعني خالته لاتناقشين ومرح هم خالته

سمر.ههههههه ماشي لاتعصبين شيخلصنه من عمر صدك وينه عنج اليوم اكلتيهه

سحر.يم اثير بلمستشفى راح يبات يمه مايرجع

سمر.سوده عليه هم حجيتي وياهه

سحر.يا وين يكول عمر كوه تنطق مابيهه حيل حتى تحجي

سمر.اووف مالحكت ترتاح عود فرحانين بيهه اليوم

سحر.اي والله وجنت ناويه اخبث عليهم اليوم ونبات يمهم اني وعمر بس صار كلب كل الموازين

سمر.يلا الحمدالله شنريد نكول بس تدرين خفت عليج لان وضعج خطر

سحر.يمعوده يتعلم على صكعات من هسه حتى مايستغرب من يجي لدنيا

سمر.ياا اسم الله حظه حلو انشاء الله

سحر. اكلج رجلج يمج لو لا

سمر.اي موجود ليش سألين

سحر.عززه شكد عيب طولت وياج اني بس ردت اطمأن عليج والله

سمر.لايروحي عادي شبيج

سحر.يلا عيني خل اسده بكرامتي لايسبني هسه

سمر.ههههههه الله عليج اي شي سمعي عن رهف بلغيني بي

سحر.انشاء الله يلا صبحين على خير

سمر.اجمعين وانتي من اهله

سديته منهه باوعت مصطفى لكيته متمدد على جربايه ومكنك بحياتي ماتخيلت اول ليله بزواجي هيج راح تكون بهل برود ضل كاعد هيج واني نعست وماعندي شي اسوي سمعته كال

مصطفى. نعستي شنو

سمر.يعني بس دخت لان هدوء

مصطفى. اول مره اشوف واحد يدوخ من الهدوء

سمر.اي اني لاتستغرب هيج

مصطفى. بويه شكد لسانح طويل اله تردين الحجايه يلا ترتاحين

سمر.هسه اني موكاعده وساكته انته الحجيت وهاي حتى تفض راح انام تصبح على خير

مصطفى . انتي عاجبج اسلوبج هذا اكو وحده تحجي وي رجلهه هيج بأاول يوم الهم

تمددة وسكت ماحجيت شي بس شنو بطرف جربايه يعني حركه وحده الطش بلكاع

مصطفى. ههههههههه ادري ماتنامين عدل قابل راح اكلج

سمر.لاهيج مرتاحه شكرا

مصطفى. والحجاب شنو معناته هذا راح تنامين بي

سمر.اي هم مرتاحه بي خليني هيج عفيه لاتعلق على كلشي

مصطفى. هوه شنو المااعلق على تراك لابسته لو على الحجاب سمر شبيج ترى هاي اول ليله النه

سمر.وانته كلت مااريدج بعد شنو هذا الحجي هسه

مصطفى. يجوز اغير رئي بأي لحظه شمدريج وانتي عليج طاعه وبس

ردت احجي سكتني بيده لان تلفونه دك سمعته يحجي وي اثير لان قريبه عليه سمعته

مصطفى. اثير لاتحاول مااكلك المكان اله نروح سوه

اثير.يمعود انته عريس خليك يم مرتك واني اتصرف وداعتك

مصطفى. بلا عريس بلابطيخ ليش هوه خله بيهه عرس بعد

اثير.تمام انته ماراح تقتنع يلا فضني خل نروح حتى ارجع للمستشفى

مصطفى. يلا طالع كدامك من اوصل اوديلك الموقع

سده منه باوع عليه جنت متمدده من شفته هيج يباوع عليه راسا طفرت وكعدت عدل هوه عافني وكام بدل ملابسه نزع القاط ولبس بنطرون وتشيرت وطلع وصل لباب ورجع عليه

مصطفى. تعاي كومي قفلي الباب وراي واي واحد يدكه من اهلي لاتفتحي مفهوم واذا لحوا كلش كليلهم مصطفى نايم همه يرحون تمام

سمر.زين انته وين رايح هسه وشلون تطلع مايشوفوك

مصطفى. لامحد يشوفني اعرف شلون اطلع من البيت وساعه ب١١ هسه خفت الهوسه جوه

سمر.مصطفى لاتخوفني وين تريد بهل ليل

مصطفى. مااتاخر لاتخافين اقفلي الباب ونامي ومن ارجع ادك عليج عود تمام

سمر.تمام

عافني وطلع كلبي ناغزني والله شلون شغله هاي اكيد راحوا على المكان البي اياد متاكده لان ثنينهم متفقين ضليت كاعده منتظرته تاخر كلش ماادري شلون غفيت يمكن لان الغرفه بارده كعدت على صوت الموبايل يدك لان بيدي طفرت راسا جاوبته

الو

مصطفى. فتحيلي الباب بسرعه

كمت راسا فتحت الباب دخل وقفله وراه فتحت ضوه راسا طفه دكمه ماخلاني افتحه راح للحمام رحت وراه اريد اشوفه شبي فتح الضوه مال الحمام شهكت هدومه كلهن دم ركضت علي بدون وعي

سمر.عزززه مصطفى وين جنت شنو هذا دم

مصطفى. اششش لاتخافين ماكو شي واحد زباله ويرادله تربيه

سمر.كتلته مصطفى صدك والله

مصطفى. شنو خايفه علي بعد كلشي سواه

سمر.لاماخايفه علي يطبه مرض بس انته شلون تورط نفسك وياه

مصطفى. اكول احد كلج اني ابيع عطور ومكياجات ترى اني ضابط تعودي شوفيني بهاي الحالات حتى ماينخطف لونج هيج

سمر.واثير وين

مصطفى. اثير صاير مثل المخبل كوه سحبته وطلعته لبره اله شويه جا خرطه من فوك لجوه

سمر.يمه عززززه معقوله اثير يكتل مااصدك

مصطفى. ههههههههههه اثير يكتل اكو شرايط تسجيل هنا بلكنتور شوفيهن حتى تعرفين اخوج يكتل لو لا

سمر.زين اذا ماكتلته هذا دم منين

مصطفى. هههههههههه تلذذة بي وداعتج تحاسب على كل دمعه طاحت منج بسببه واثير اخذ حكه منه وزايد هم

سمر.هاي جزات الينسى اصله وربه اهم شي

مصطفى. هسه شنو اريد اسبح تبقين يمي لو طلعين

سمر.لاااا لا طالعه

عفته وركضت كعدت على كراسي جانو خاليهن بطرف الغرفه جسمي كله يرجف من منظر دم بس ابد ماحن كلبي علي يستاهل هوه جاب الاذيه لنفسه على هاي كعدتي وطلع مصطفى من الحمام لاف المنشفه على خصره وصدره عاري وينكط مي شعره حسيت الحراره صعدت عندي فوول من المستحى راسا درت وجهي عنه بس هوه خبيث اجه وكف كدامي ورفع راسي بيده وضحك

مصطفى. شبيج شنو ستحيتي مني

سمر.مارديت علي دنكت رجع كال

مصطفى. تعودي سمر مااحب البس بلحمام لهذا سبب اكو حمام موجود بغرفتي وهسه علمود يضيع هذا الخجل كومي طلعيلي هدوم

سمر.بس بب بس اني مااعرف شتلبس من تنام حتى اطلعلك

مصطفى. اطيني بس برموده وفانيله من يمج

كمت كوه لزمت ملابسه طلعتهن اله حطيتهن كدامه شو هذا لزم ايد علمود ماادير وجهي وخر المنشفه راسا غمضت ضحك فتحت عيوني على كيف طلع لابس وناصب عليه اخذ بس الفانيله لبسهه ونشف شعره وهوه ميت من ضحك

مصطفى. يلا يحلو طفي ضوه وتعاي خل نام لان تعبان مو شلون ماجان

سمر.اني ستوني كعدت ماجايني نوم نام انته تصبح على خير

مصطفى. هههههههههههه تعاي نامي مااسويلج شي شبيج يلا سمر لاشلعين كلبي لااغير رئي هسه

صدك طفيت ضوه الحمام بس انتبهت ملابسه بسله ردت ادخل اغسلهن صاح عليه مدري شلون عرف شريد اسوي

مصطفى. تعاي عوفيهن لاتغسليهن

سمر. مو خاف ينطبع بي الدم مايوكع بعد

مصطفى. صبح حطيهن بجيس زيل وذبيهن مااريدهن بعد

سمر.مثل ماتريد

طفيت ضوه ورحت نفس مكاني سحبني عليه جانت الغرفه ضلمه بس فجاءه طفر حجه بصوت غاضب

مصطفى. شنو معناتهه تنامين وهذا الصخام على راسج

سمر.شنوه صخام

مصطفى. هذا وهاي اخر مره سوينهه مفهوووم

سحب الحجاب من راسي بحركه سريعه ونتر بيه دار وجه لجهه ثانيه ونام حطيت راسي على المخده وكعن دموعي على حالي وعلى كسرة اجمل يوم بعمر كل بنيه 😭😭😭😭😭.

................................

رهف . كعدة على الم فضيع بطني صرخت بصوت اجو اسمع صوتهم بس مااكدر افتح عيوني مغمضتهن حييل من الالم سمعت صوت اثير يحجي وياي كوه كدرت افتح عيوني واجاوبه من الالم

اثير . رهف سمعيني ردي عليه

رهف.اثير بطني راح اموت من الوجع نار تطلع منهه 😭😭😭

اثير.اهدي حبيبتي هسه اصيح كتور يطيج شي اهدي

رهف.عفيه استعجل بعد مااتحمل 😭😭😭😭

طلع اثير بقن يمي عمه سعاد وعمه نوال يهدن بيه بس اني جنت مثل طير المذبوح بس اريد اخلص شويه ودخل اثير هوه ودكتور شافني منهاره ماحجه شي راسا صاح للمرضه ضربتني ابره بلكانونه بقه يفحص علمود يلهيني عن الوجع صدك قريب ربع ساعه بلش يخف شويه هوه جان يحجي وي اثير وعمر واكفين بعدين افتر عليه اجه يكمل اسأله

د. ها بابا هسه احسن مو

رهف. اي شويه احسن

د.تمام هاي لان ستوج كعدتي على العلاج انشاء الله تتحسسنين لاتخافين المهم ديرين بالج من المي والبروده لان خطرات عليج ثنينهن

اثير.دكتور يعني هسه تمام ماعليهه اي اضرار

د.حاليا ماكو اي اضرار الحمدالله بس بقت شغله لازم تتاكدون منهه

اثير.خير دكتور خوفتنا

د.انتم عدكم اطفال لو لا

اثير.لا ماعدنه

د.زين اكو اشكال طبي مانعكم لو انتو ماتردون

أثير.لااحم احح احنه مزوجين جدد ومامقررين نسوي خير دكتور

د.معناتهه لازم اول ماطيب زوجتك تعرضهه على دكتوره نسائيه يكون افضل وهيه طمنكم

رهف.ليش دكتور شنو بيه اني

ياريتني ماسألت ضل دكتور عيونه تتنقل بيني وبين اثير اول ماحجه نزل الخبر مثل الصاعقه على راسي اباوع اثير فاتح عيونه على وسعهن وصافن على دكتور وعمه سعاد لطمت على وجهه 😱😱😱

د.جزء من الرحم متهشم بسبب الاصابه الي تلقتهه زوجتك واحتمال هذا شي يسببلهه عدم القدره على الانجاب يعني يكون مثل العجز يعيق الامومه عدهه .

.
.
يتبع

البارت الثالث والثلاثون

( الرتبه والحشمه )

.............................................
كل مااكول تهون يثكل حملها
يربي اني مو ايوب حتى اصبرلها 🙏
............................................

عمه سعاد. يمممه عززه العزاك يااياد حرمت ابني من الخلفه 😱😱😱

عمر.يمه اهدو موهيج الحجي انشاء الله ماكو شي
عمه سعاد. ولك يممه شهدء دشوف اخوك وجهه صار كركم ومرته هل صكت مكانهه شلون تريدني اسكت

عمه نوال.عمه رهف سمعيني لتضلين ساكته هيج

احس لساني نعكد لابجيت ولانطقت بحرف واحد اذا جان الي امل واحد بلميه اعيش حياتي بأمان وي اثير فهسه فقدت هذا الامل

عمر.اثير شبيك ماتحجي شي شوف رهف عينهه عليك لاتخوفهه بلزايد

أثير.خليك يمهم هسه ارجعلك

قتيبه.ها الله يساعدهم بشرو شلونهه رهف

عمر.الحمدالله هاي كاعده

اثير.اني طالع خليكم يمهه

قتيبه.اثير وين رايح شبيك وضعك موطبيعي

اثير.ماكو شي هسه ارجع مااتاخر

عمر.اثير بروح عمي لاتتهور ادري بيك وين رايح لاتخلي غضبك يسيطر عليك

أثير. عمرر وخررر عني مااريد اجاوز عليك

قتيبه.فهموني شكو شو ضاربيني عرض الحايط ولاجني اخوكم الجبير واحجي وياكم احترموو عاد

عمر.قتيبه امنعه اذا طلع معناتهه رايح لااياد واكيد يكتله لامحال

قتيبه.يروح لااياد شسوي عايف مرتك ومسافر وراه اكعد وسكت يلا ادبته انته وذاك واخذتوا حككم وزايد منه بعد خل يولي عوفه لاتوصخ ايدك بي

أثير.اووكف شكلت انته شنو يعني سافر !!! شلوووون سافر ومنو طلعه واطلق سراحه لاتكلي انته عمررررر احجييييي

عمر.لامو اني طلعته ولاادري بي مسافر هم

أثير.احجي صدك عمر لان مصطفى مستحيل يطلق سراحه اله انته ماعدك شي وياه

عمر.ماعدي شي ويا !! شلوون بالله ليش الشوه سمعتهه وانخطفت مو اختي وهاي المضروبه مو بت عمي ومرت اخوي هيج اني ماعندي غيره برئيك اذا هيج عليش صارلي تلث ايام ماكل تبن وياك هنا حتى للبيت مااروح بس هاي لهنا وخلص مشكور ياخوي وماتقصر من طلعتي ناقص غيره

اباوعله رغم عمر يحجي بحركه واثير هم متعصب وقتيبه يجر بهذا ويرجع على هذا اله اني ولاجن صاير شي كدامي اباوعلهم بجمود اخذهم قتيبه وطلع اجن كعدن عمه نوال وعمه سعاد غمضت عيوني مدعيه نوم مااريد اتواجه وياهم بس ضلت بالي حجاية عمر تلث ايام يعني صارلي تلث ايام نايمه هنا ريتني متت ولاصار وياي هذا اووف ربي اختبارك شوكت يخلص وياي مو تعبتتتت استغفرك ربي الهم لاجزع بس ربي دخيلك ارحم بحالي وكعن دموعي واني نايمه لجهه ثانيه حاولت امسحهن بس حتى هاي مااكدلهه احس جسمي كله متصلب ومااكدر اتحرك 😭😭😭😭😭😭😭 .

..................................

سمر.كعدت ثاني يوم صبح على صوت الباب يندك او يتكسر فتحت عيوني اريد اتحرك اكو شي مقيدني ركزت شويه هاي شنو!! مصطفى حاضني ورايحين بسابع نومه زين هوه مو دار وجهه ردت اكوم بس ماكدرت اتحرك مقيد حتى رجليه برجلي عززه بعينج سمر ادري ميته ماحسيتي بي من حظنج ونام همست بهدوء لان الباب تكسر وهوه ولاكانو عادي عنده

مصطفى اكعد

مصطفى. خليني نايم شتردين من ٠صبح

سمر.الباب تكسر خل اكوم اشوفه عيب

مصطفى. ماتكومين منو لازمج يعني

سمر.بس وخر اديك عني

مصطفى. كومي بس لاتفتحي وبدون نقاش مالي خلك

مارديت علي وخر ايده وكلب على بطنه ونام مبين علي كلش نعسان كمت اشوف الباب اباوع لروحي شعر مفتوح وملابسي مخربطه هذا شمسوي بيه صحت بهدوء

سمر.منوو

احنه عيني صار ضهر العالم منتظرتكم يلا فضوهه اطلعوا

سمر.اي خل اكعد مصطفى

ماتفتحين الباب ليش تحجين من جوه عود

سمر.اي بس لحظه

مصطفى. سهى روحي هسه جايين وراكم

التفت علي مصدومه هذا مو جان نايم شكعده بس ليش مايريد افتح الباب عود همست بهدوء

سمر.صباح الخير

باوعلي من فوك لجوه بنظرات ماعرفت افسرهن ورجع كال

مصطفى. صباح نور عيني

عفته ورحت للحمام اريد اغسل حتى البس بعدين ذكرت رجعت للغرفه طلعت فستان كريمي عندي خليت شال على جربايه ورحت للحمام جاي ابدل وصارت عيني على المرايه ركبتي وصدري بيهن علامات زرك استغربت شنو هاي توقعت ممكن يكون تحسس لان مره صارت بيه بس ذنيج حمر مو زرك طخت بالي لايالله هذا مستغل نومي وماخذ راحته عززه بعيني اذا طلع مكمل زواجنه ادري ميته شبيه اني لبست بسرعه وطلعت فايره منه لكيته كاعد مكنك وكفت كدامه رفع راسه شافني معصبه رفع حاجبه وكال

مصطفى. خير شرايده واكفه على راسي

سمر.اشرت على ركبتي وحجيت بنبرة غضب...اكدر اعرف شنو هاي

مصطفى. بعدم مبالا....صوتج لاتعلي عليه لااهفج بلطمه على حلكج هسه

سمر.لاوالله فوك مغلطان جاي تحجي هيج شيسموهه هاي هاا

مصطفى. استغفر الله بابا شتردين من صبح ترى هذا هيج تنقش مادخلنه بلمفيد وبعدين اذا انتي تمبل مال نوم وماحسيتي شسويلج يعني

سمر...بس مو من حقك تتقرب مني وانته نافرني بهاي طريقه

مصطفى. لاحقي وشريد اسوي بيج اسوي مزاجي الج شي عندي

سمر.شنو احد كلك اني عبده عد حظرتك

مصطفى. لا موعبده بس غير شي وملك حصري بس اليه يعني الي مطلق الحرية اسوي بيج للاريده لاالله يحاسبني ولااهلج فخليني محترمج لاكمل البديته وانتي بكيفج بعد وبلنسبه اني نافرج او لا هذا شي راجع اليه يعني شوكت مايطخ بالي انام وياج تنجبين وتسكتين مفهوووم

سمر.اباوعله مصدومه هذا صدك يحجي عود شاييف نفسه على شنو اجيت ارد عليه بس اندك الباب اباوعله كام لبس دشداشته وراح فتح الباب دخلن امه واخواته واني افور من الغضب همزين لحكت ارتب وجهي بلحمام قبل لاابدل

خاله.اللهم صلى على محمد وال محمد مبروك عليكم ماما زواجت الدهر انشاء الله

مصطفى. الله يبارك بيج حجيه ويخليج خيمه فوك روسنه

سهى.مبروك ابو صوف مبروك سموره شلونهه خباثتي قبل شويه على باب 😉

سمر.كوه ابتسمت بوجهه طالعه روحي من وره اخوهه

شهد.صوفي شو مرتك ذابتهه على صامت خيرهه

خاله.تأدبي ولجج انتي شعندج جايه لغرفة أخوج اني مو كلت ممنوع دخلين غرفهم

سمر.لا ليش خاله شتردين منهه

خاله.لاحبيبتي مايصير هيه بنيه وتدخل غرف المزوجين كلشي بيهه

مصطفى. يمه والله مكبره الموضوع شدعوه بعدين خليهه يم سمر على الاقل تبقى يمهه من اطلع خفر

سهى.لاتكلي اليوم تروح للمركز

مصطفى. اي والله بليل لازم اروح

خاله. بس بعدك عريس يمه شلون تعوف سموره وحدهه خاف تستاحش

مصطفى. ههههههههههههههههه لاتخافين حجيه اشبعهه واطلع حتى تنام جفي لمن ارجع يلا

خاله.يااااا عززززه بعينك ولك انته زايع المستحه كلش اخواتك واكفات ومرتك استحي شويه

مصطفى. حقج عليه حجيه يلا ولجن حطن ريوك طكني جوع

خاله.ياا سوده عليه جا ماتعشيت يمه

مصطفى. خاف احجي وتكولين ماأستحي هذا هم سؤال حجيه اي تعشيت ولا يهمج

خاله.يمه الله يساعدج علي لسانه مزروف اسم الله

مصطفى. هههههههههههههه تسكتين عني لو اغرد عليج مثل كل مره واطفرج

سهى.ههههههههههه لاطالعين اسكت خطيه مرتك صارة طماطه من وراك

خاله اخذت البنات وطلعت اباوعله رجع لبس وجهه مكلوبي مثل قبل شويه

مصطفى. يلا تعاي اريكي حتى ننزل

سمر.مااشته...........

مصطفى. بلا لغوه زايده تعاي زقنبي خل ننزل

سمر.شهل اسلوب هذا مصطفى

مصطفى. والله هذا الموجود عندج اعتراص ست سمر

سمر.استغفر الله اللهم طولج ياروح

مصطفى. اي اني اريدهه طول حتى اعرف ادبج زيين

سمر.سكتت ردت اعبرهه بس شلون كوه لزمت روحي صبيتله جاي واليه هم شربته بس جاي ماحطيت لكمه بحلكي هوه خلص قبلي كام غسل ورجع مشط وتعطر وعدل روحه واني شلت الاكل لفيت شالي عدل وخليت عطر هوه صار وراي دنكت اشيل صينيه سواله حركه اجت توكع من ايدي راسا باوعت عليه ابتسم

مصطفى. بخبث . شبيج تباوعين هيج

مارديت علي شلت صينيه علمود ننزل اول مافتح الباب جان صير شهد كبالنه

شهد.اوووي سوده عليه عروستنا شايله لااكل لا عيني ارتاحي انتي جيبي عنج

سمر.شنو سالفه اني اخذهه شبيج

شهد.اي حتى امي هسه تشمرني من فوك بعدين يحلو انته ناس كلهه منتظرتج تنزلين شايله صينيه لومتعصبه بلحجاب بعد احسن ههههههههههههه

سمر.هههههههههههه لاهاج خلصيني يمه شهل لسان هذا

شهد.شبي لساني

سمر.عسسسل وربي فديتج

شهد.اني الفديتج مرت اخوي الورد

مصطفى. وتالي اليوم ننزل لو لا ماخلصت فقرة الغزل مالتجن

سمر وشهد.هههههه

نزلنه جوه جانو اهلهم موجودين اخذني مصطفى واشرلي على الحجيه

الحجيه. على الخير يمه منك المال ومنهه العيال انشاءالله

مصطفى. بوجودج ياشمعة بيتنه انتي

الحجيه. يمن فدوه رحتلك على هذا لسان الحلو ويكلك ليش تحبينه

مصطفى. مو اكلج يغارون من علاقتنه وداعتج هههههه

الحجيه.خايب اسكت مو راح تبلش وانته لسانك زفرر

مصطفى. افااا حجيه اني لساني زفر وداعتج هيه جكاره وستكان جاي ماماكل زفر اليوم ههههههه

الحجيه.ولك انته الشرطه طيحت حظك حتى نسيتني ابارك لمرتك تعاي يمي يمه

تقدمت كعدة يمهه متفاجئ من مصطفى ليشوفه يضحك وينكت مايشوفه قبل شويه فوك لابس وجهه مكلوبي كعدت يم الحجيه بوستني وتباركتلي و دنكت شاورتني

الحجيه. هااا يمه خو مااذاج هم عدج نزف شي احجي بيبي شبيج ساكته

اباوعله صافن عليه يمكن افتهم شرادة الحجيه سوه روحه يحك بلحيته واشرلي حط اصبعه على شفته بمعنى اسكتي درت على الحجيه لكيتهه صافنه علينه حجت همس لان احنه قريبين كاعدين يمهه يعني محد يسمع

الحجيه.ولك بس لامادبرتهه واخذتهه صخام صخمني اذا صدك

مصطفى. منين جيبين هذا الحجي حجيه شنو مادبرتهه صدك تحجين

الحجيه.وعليمن ضجت وصرت عصبي ومرتك حتى راسهه ناشف احجي ولج خلصت شغلتكم لو لا

سمر.هسه شكلهه شلون ورطه هاي دنكت واحس وجهي راح يطك ضحكت هيه

الحجيه.ياااا شوف البت غدت طماطه ترى سألتج اني ماكتلج أذكري شسوالج بليل

سمر.عزززه هاي شنو .هاا لاوالله موهيج بب بس

الحجيه. انته حاجيني مرتك راح تموع روحهه شلون شفتهه

مصطفى. ههههه كلشي تمام حجيه هذا الاكدر اكوله الج هسه

الحجيه.اوووف ريحتني ضل بالي من شفت مرتك تخورست عبالي طلعت عاطل

مصطفى. لا وداعتج حجيه تووب الحمدالله

خاله.شعدكم خانسين شسولفون

الحجيه.ماعدنه شي جاي يعرفني على مريته

خاله.تعاي سمر ماما تعرفي على أهل زوجج واهلج صارو هم