تْوَاتْرَ الُقًدِرَ (هہلُ احُبّبّتڴ)

الُڴاتْبّهہ سِجْى الُطِائيـﮯ

السادس والثلاثون

طفرة شنو شنو شتكولين

گالت والله هسه عمتج خابرة امي ادك وتلطم وحالته خطرة

ماعرف شسوي عيوني اصب ربي دخيلك ربي عفوك الاهي لاسوي بي شي الاهي لاتخذ بداعائي مو من كل كلبي ربي اوكف وياا نجي امه ماله غيرة تموت والله لو صاربي بي شي اني مسامحته خلي شيسوي خل يسوي بس لاتاخذه

سارة تهز بيه نبأ شبيج تخبلتي شهل دعاء تصفطين من يمج استغفري ربج هوه هيج اليدعي كومي توضي وادعيله من مفاتيح الجنان طلعي بلكت ربج يلتفتله

ماصبرة كمت لبست وطلعت حتى مااعرف شلبست شافني ساره وندى وامي ركضن وراي كتلهن التلزمني احط نار كلبي بيه عوفني اروح اندل

امي كالت تعالي يمه هسه رايحين اصبري اخوج على جيه

ندى كالت انتظري صدكي هسه نائل على جيه وياخذوج

كتله ندى مااتحمل كاعدة على نار عوفوني اروح لحد تمنعني

كالت سارة ولج على كيفج ويه نفسج انتي حامل

امي عاطت ادخلين لا اتخليني اضربج وانتي بهلكبر

كتلهن اني رايحه طلعت وهنه يصيحن ولج نبأ شلون وحدج اصبري ماضل شي ويجون الولد هااي هسه خابرناهم بلطريق عفتهن يحجن وامي تعيط وتحجي وطلعت على الشارع شفت سيارات هواي تمشي اجرة واحده صعدة كتله المكان حرك ودموعي اصب عشره عشره شلون بيه ربي لطفك رحمتك ياارحم الراحمين

كال السايق خويا بيج شي محتاجه شي كولي بخدمتج

خفت منه رغم سؤاله اطمأنان ماعرف من زوجت ولحد الان محاجيه ويه رجال غريب كتله لا خويه ماكو شي

كال خويه اذا واكعه بمشكله محتاجه شي ركبتي سداده

كتله ماواكعه بمشكله وماكوشي

كال عمي شون ماكو شي ومن صعدتي تبجين وحك العباس ابو فاضل مااسويلج شي احجيلي قصتج يمكن اكدر اساعدج عسى ولعل

رغم الولد عرض مساعده مكدرة احجي اكثر كتله خابروني عيالي زوجي مسوي حادث وخطر وهسه رايحتلهم

كال استغفرالله لااله الله كولي ياالله كلشي بيد ربج اذا كاتبله عمر يعيش ياخويا بعدج زغيره وينج وين الزواج وشلاع الكلب والله من صعدتي تبجين كلت راسبه وتخاف من اهله لان هسه بداية داوم النصف الثاني من السنه لااله الاالله والله ضلم وين عايشين بعدج بعمر الورود شجابج على الزواج

مرديت عفته كلبي ممرود وهذا بطران كتله هنا هنا وصلت انطيته كروه كال لا عوفيه عليه مقبلت انتطية ونزلت بلركن ماريده يندل البيت وصل قريب على البيت التفت رايح دخلت واسمع عياط عمتي كلبي كمشني دخلت الكل ملتم شبسرعه هن شافني وكام ينوحن شفت عمتي الدشداشه شاكته
ركضت عليه شافتني حضنتي اني ابجي وهي تبجي

شفت خالاته يبجن اجة زهراء باستني سألته منو راحله كالت اغلب ولدنه راحو كعدة حضنتني مكدرة اسكت

مرة نص ساعه ودخلت امي وبيبي تلكن عمتي كعدن يمهه يهدئاً بيهه وهي صايره مثل الطير المذبوح ساعه تبجي ساعه ادك على رجليه وصدره

البنات وخالاته كلساع متصلات وماكو اي خبر بلعمليات الضربه براسه قويه هذا الفتهمنا من مخابرين خالو

مرة ساعات ترقب صار اليل ومرة على عمليته ١٣ ساعه

عمتي تون خالاته قسم يقراله قرأن قسم يصلي صلاة حاجه اني مربطه بس الدموع تنزل مني واباوع بعيوني امي متركتني كوه توكلني

كل النتصل بيهم يكولون بعده ٣ عمليات بيوم واحد ومحد من الدكاتره يحجي شي

صارة ب١١ بليل عمتي متحملت خابرة خالو ميرد ضلت تتصل ماكو رد وحده من البنات اخت عابد كالت اني راح اخابر عابد

صدك خابرة ونطت التلفون العمتي حجة ويااا نفس الكلام نسمعه كالتله انطيني خالك

سمعته يكللهه جوه بلصالة اني برة المستشفى ميقبلون ندخل تلفون ممسموح

سدته وهي تفور الانتضار مميت كمت دخلت الغرفتي ارتاح تعبت من البجي مجرد حطيت راسي على المخدة كلشي صار كدام عيني معقوله قتيبه هسه بين الحياة والموت واني هنا ابجي عليه البارحه خابرني ومرديت رجع ودالي رسالة اعتذار وهوه راجع ويريدني بلبيت
كلبي يوجعني من اتخيل نفقدة رغم المعانة العانيته منه وكل الشفته كلبي مينطيني اتمناله الموت تبقى ايام ولحظاة حلوه جمعتنه فترة من الفتراة شوفني حنيته مووذاك قتيبه الاعرفه مشفت غير الحب ماانساهن شكد جنت ادعي يتغير والله يهدي وبلفعل تغير وصار تقارب بيناتنه كلبي حس انو هلتغير من كل كلبهه لوماا اعترافه الاخيره خلتنه نرجع بعلاقتنه بعد خطوات ورجعتني لنقطة الصفر لو ما ذيج اليله يمكن اني سعيدة بحياتي

اسمع صوت البنات وهنه ينظفن ويشيلن الفراشات ويفرشن قطع ومدات ختنكت من وضع البيت ذكرني بوفات بابا هيج چان الجو نزعت الدشداشه لبست غيره مختنكه حتى من الملابس

شويه ودخلت امي شافتني ابجي كعدة يمي كالت يمه صلي على نبيج هسه انتي مفاولتله بلموزينه ميصير ادعيله ربج يطلعه من هلمحنه

...مااكدر صعبه عليه وبنفس الوقت مخنوكه حيل لو صار عليه شي ومات هذا البطني شنو ذنبه يجي للدنيا بلا اب والله كلبي يتكطع من افكر بي ينولد يتيم

يمه عيوني هسه انتي بسرعه موتي الرجال الاعمار بيد الله ربج كريم ورحيم على عبادة لفته من لفتاته ينجي ويرجعلكم سالم

صيري ق

ويه ولا ضعفين شوفي امه المكروده مذبوحه عليه وتلوب من ذاك الصبح الهسه المفروض توكفين وياهه وسنديه هيه تحبج ومن شوفج هيج ضعفيه ومكسوره هي تضعف

... يمه هو اني بعد بيه حيل للقوه اشو من مصيبه المصيبه اطلع من وحده واكول هسه ارتاح اطيح بلأقوه منهه مااعرف رب العالمين دينتقم مني لو يعابيني لو يختبرني

لا أمي انتي شلج بهل حجي هذا كفر ربج ميعابي احد يكلج المؤمن مبتلى وهذا ختبار لصبرج دكومي وياي غسلي وكعدي يم عمتج لحد هسه متعرف خبر حملج

... ولادكليله هي بيا حال اذا عرفت نوب زيد مواجعهه

سكتت واخذتني غسلتلي ورجعتني بدلت لبستني شتائي بعده الجو بارد نهاية ال ١٢ شغلت التدفئة

صار اليل والكل تعشى اني كوه اكلت لكمتين وكعدة يم عمتي هي هم مااكلت تكلهم اكل سم وابني مااعرف حاله شلون
سكتن محد لحت عيله يعرفنهه شكد تحبه

شويه وطفرة كالت بعد مااصبر اروحلهم خابرولي قادر المصيبه خالو قادر محد يحصله زوجة سالم خابرة كالتله هيج حالة خالتك وراح تجيكم خطيه تلوب على ابنهه

والله ماكو دقايق ودك خالو على رقم عمتي جاوبته
تحجي وتبجي لحد معاطة

قاادر تريد تخبلني ابني شبي لاضم عليه

....................

شنو زين وهوه بلعمليه ياعمليه من الصبح الهسه لاتلوعني خويه ابوس ايدك كلي قتيبه بي شي مامعقوله عمليته ١٥ ساعه وبعده مطالع

....................

احلفك بروح امك طلعتو مابي شي

شويه واخذته خالة نجلاء حجت كم دقيقه وسدته كالت يكول ماكو شي الدكتور مطمنهم هسه تحت العنايه من تستقر حالته يله يطلعو

هناا النفوس هدئة وراهه بساعه اجه شمس اخذ امي وبيبي سلمن وطلعن

ثاني يوم كدة من وكت لكيتهن بلمطبخ كمت ويا البنات كانت بايته خالتهم ام عابد(سليمه) ام سجاد(نجلاء) وجنتهه زهراء وام زينه (سهيله) عاونتهن سوينه ريوك وراهه نظفنه لحد مصارة ب١٢ الظهر

شكد عمتي حاولت تروح من تخابرهم خالو يضل يعيط لحد يجي بعيد وميندلون وشعده جايه احنه يمه وممقصرين

لحد مطكت مرارته خابرته واول مرة اشوف عمتى عصبيه وتحجي بصوت عالي بوجه خالو كالتله

... قادر راح اجي اشوف ابني هذا ابني عليمن خايف عليه حديثه وتخاف عليه من العيون مرة رجليه بلكبر

كاللهه خيتي موشغلة اخاف عليج جيتج ماله داعي شسويله واحنه زلم كاعدين يمه وشيردون نجيبله جيتج ماله فايده خليج بلبيت تعرفين فلوسنه واوراق الشغل كلهن بلبيت وذني فاهيات مااعتمد عليهن والبيت عليه رجل

...كالتله شون تربطني بلبيت واني كلبي مفرفح وين انطي وجهي على الاقل من اشوفه يهدالي بال وليدي كدامي

ام قتيبه اخذيه مني بس يجاوز هلمرحله بيدي اجيبج واخليج يمه صبرج عليه خيتي عينيني وعيونج منايم وحتى سبح مسابح خست

..كالت هاي هيه خويه على رائيك اصبر واخلي عيني بعين الجليل

قفلته

حاولت اشتغل مقبلن مكدرة اضل كاعده شويه وصاحتني عمتي بصوت عالي اخذة كلبي رحت ركض للغرفه وراي زهراء ومرة عابد شفته تدعي وتبجي فتحتلي ايديه

تعالي يمه تعالي رحتله حضنتي وتبجي خفت عبالي صار شي القتيبه وخرة كتله عمى شكو

كالت يمه حبله ومتكليلي اللهم صلِ على نبيك يمه بلمبارك تكمل فرحتي من اشوف وليدي شايل حفيدي ذاك الوكت نذر عليه اذب الأسود والبس احمر واحني بابكم

كتله عمى منو كلج

كالت هسه امج خابرتني تطمأن عليج وصتني اعتني بيج كالت متاكل ولازم تتغذه موزين على الطفل

كانت يمه ام عابد وام سجاد باركلي والبنات يضحكن على عمتي

موخرتني منهه كل شويه وسألتني الدكتورة شكلتلج وليش محاسه على حملج والج هواي حبله وشنو كالت تاكلين

وره ساعه خابرة خالي كالتله قاادر من يكعد قتيبه من العنايه كله مرته حبله

سمعته يكله رحمتك ربي يجوز هلخبر يخلي يفتح عيونه ويستعيد وعيه

للعصرة واحنه نتصل واي خبر يفرح ماكو كنت كاعده يم البنات بلهول نسولف ركضنه على عيطت عمتي
لازمه التلفون وترجف اهز بيه عمى فدو شبيج منو الخابر

كالت قتيبه راح منحس عليه غير خرطت خدوده وتعيط

مصدكت البيت انكلب صريخ ولطم اخذة التلفون من يمه فتحته لكيته رقم مكتوب ابوسيف(عابد)

اتصلت مطول رد وصوته مخنوك كال ها خاله كتله ابو سيف صدك الكالته عمتي

كال اي صدك قتيبه راح من ايدينه بس دموعي تنزل اباوع خالاته وامه ملخن نفسهن كعدة وكورة نفسي وبس عيوني تجري ممصدكه جذب ممات مااعرف شكد ضليت لحد محسيت وحده كومتني وكعدتني يم عمتي

متحملت عطت بصوت طلع من صدري ليش يااربي موهذا الردته شكو حركه بكلبي طلعته بلطم والعياط

شكدر مر الوقت ماادري محسيت غير عمتي تكمز وتعيط شنو ميجوبو للبيت ولكم ابني هذا وحيدي هذا عزوتي هذا سندي بطيحتي يمه وليدي يمه سم الله على طولك يمه بيه ولابيك عيوني انت بسرعه ودعت ماكلت شون اعوف امي

ساعه مرة والكل اجمع بلبيت الجيران الاقارب ياهيه التطب تعيط ولطم ويتلكن عمتي خلهنه ملخت روحه الوجهه مخرط والدشداشه مشكوكه والصدر دم ينزف

شويه وكومنهه خواته كتلهن وين كالن ياخذوه الولد للنجف
كتلهن اروح كالن يله روحي بلعجل لبسي عبايه وحجا

ب مع العلم مااعرف شوكت لبسني اسود هاي الدشداشه منين مااعرف ماعرف منو انطتني عبايه طلعت ردة اطلع هواي زلم ملتمه عمتي شافتني كالت وين كتله وياج كالة ردي وين طريق وانتي حبله موزين

عندة ردة اروح عاطت بيه بصوت عالي كالت ارجعي بس هذا ضلي من الدنيا وتردين تموتينه بلطريق ردي لتخليني افرغ حركت كلبي على وليدي بيج

الكل ساكت جرتني خاله سهام كالت خاله عيوني موزين علة الطفل وبعدج اول اشهر ماثابت لاسقطين وهوه بس هذا ضل من ريحت قتيبه

كلهن يحجن ويطيبن خاطري سكتت وعيوني ودموعي تحجي حالي كتدني بلهول يم خالاته والنسوان يجين مستمر صبو غده مااكلت نفسي مسدوده وحالي مومال اكعد اكل

لليل ب٨ كالو دفنو هناا كلبي نمرد كمت اعيط واضرب على رجليه هم ضلمتني وهم ضلمت ابنك ورحت شنو ذنبه يجي ماعنده اب خالاته كابلني وينعن ويلطمن زدة بلطم ميهون عليه موته كلبي موحاقد كلشي مر بيه بالي وكل السواا وكلبي شفعله

ابجي وكلبي وتفكيري كله يم ابني شنو حياته وحياتي اذكر وابجي

صبو عشى عشوو الموجودين لل١١ واحنه كاعدين صحت زهراء كتله فرشي الخالاتج خطيه من ذاك الصبح وهنه على فرد بجي ولطم

مكالت شي فرشتلهن مقبلن يناماً منتظرات عمتي وخالي والولد

لل٣ يله كالو واصلين صدك ماكو دقايق وطبوو كله طلعت تتلكاهم طبو للهول خالو ولد اخته وخواته التمن داير مدايرهم

اباوع على خالو الوجهه احمر ولاف راسه بشماغ ودشداشته متربه
عمتي منتهيه وجهه كله شخوط الكل يبجي واني واكفه بس عيوني تجري ولد خالته ينحبون مثل النسوان يحبوو ممفاركهم غير لمن اشتغل بلشركه

ثلاثة ايام عباره عن لطم وبجي نسوان جوكه تجي وجوكه تطلع كل عيطة وحده تاخذ كلبي ازيد مواجعي

امي وبيبي وحتى سارة وندى ماعافن الفاتحه يوميه يجن يكضنه يمي لليل يرجعن شكد يقنعن بيه على الاكل كاطعته كوه اكل زوجت عمو اسماعيل وحيدر وزوجة خالو حيدر وعماتي اجن ثالث يوم الفاتحه مثل الغريبات عزني اني وعمتي وأدن الواجب وراحن

علا اجت وره الفاتحه عذرته بتهه منتهيه مريضى حلفته متجي بعد

الكل متعاون بلفاتحه ولد خالته متركو الفاتحه ساعه وحده كانو يجيبون اكل للنسوان وكت الغدة والعشى

هوسة الفاتحه خلصت لكن ضلت الناس تجي وتروح الي ماكنت حاسبتله حساب هوه العدة لازم الزم عدة هذا الخلاني مااطلع من غرفتي بوكت جيت خالو بليل يكعد يسولف وياا عمتي على الفاتحه ومخاسيرهه وهواي امور وجود چناين وبنات خالته هنه عوض مكاني اطلع وكت جيت نسوان يعزن عمتي ويعزني

شمس ونائل يوميه يطمأنون عليه ويشوفون خالو شمحتاج ويرجعون

كضت الايام واجه الاربعين واني مااطلع من غرفتي واذا اطلع البس بوشيه نهله جيبلي الاكل واشوفه تبجي على بجينه جانت علاقته طيبه ويه قتيبه مره كاعده ودخلت بيده صينية الاكل

باوعت مسويه مخلمت لحم كالت جان قتيبه كل ماايجوع قبل ليزوجج يخبصني اله اسويلي مخلمه واضل اتعاجز واسويه اله مقابل علاكة حلويات

اسمعه ودموعي نزلن هي تبجي واني ابجي سكتت كالت اسفه بس من شفته كلبي عصرني وذكرته

كتله جان يحترمج ويحبج شكد خالو يقسه وياج هوه ميقبل مرة كلي الله ديعاقب قادر لان طايح للمسكينه ضرب

اتنهدة ودنكت راسه كالت ادري اني من زوجت خالج جان عمره ١٥ وكان وكح يوميه مسويله مشكله ونضل انضمضمله اني وعمتج لاقادر يسمع ويضربه

البيت مفرغ الي يجي يعزي خالو واليجي يعزي عمتي اضطريت البس صايه عريضه من نهلة وبوشيه واعونه محد ضل من البنات ولازم نقوم بواجب الخطار

خلصت الاربعين وره مرجعنه ب٣ ايام اجت امي وبيبي ومرة عمو اسماعيل وخواني شمس وعمو اسماعيل وخالي حيدر

استغربت جيتهم كلهم الزلم بلصالة والنسوان بلهول كعدنه امي وبيبي من شافن لبسي حسيتهن مراضيات امي بلأيام الاخيرة شفته تلوب على وضعي ودائماً

اسمعه تكول شون بيج وانتي بعمر الورد ترملتي وفوكاهه حامل يمه انتي دون خوانج شالعه كلبي ماارد عليه لا الوقت يسمح والاالضرف يسمح

قدمتلهم جاي ومي نهلة التهت بحمودي تغيرله بعد ساعه بيبي فتحت الموضع

كتلت ام قتيبة احنه جايين ومترردين نقدم رجل ونأخر رجل بس تعرفين هاي عاداتنه وتقاليدنه منكدر نطلع عنهن ودينه ميقبل نعرف معزة نبأ عندج ومن زوجت لليوم مااجت واشتكت ولاكالت عمتي موزينه وحاشاج من الموزين واتمنه تفهمين موقفنه نريد بتنا ترجع ويانه تعرفين تعتبر ارمله ولازم تلزم عده وانتو عايش وياكم اخوج وتحل عليه وهذا ميصير بدينه

عمتي كالت ام حامد (خالي الجبير شهيد بحرب ايران ) اعرف احنه تعرفينه كلش زين مانطلع عن دينه واذا على اخويه وداعت وليدي ماايجيبه بس اليل وهوه حسبت خاله والنهار ساتره روحهه بهل عباية والبوشيه وصوته مينسمع منا لحد متطلع العدة وهوه منو عدنه بس اني وزوجة قادر

كالت بيبي ادري ام قتيبه نعرفج ونعرف اخلاق ابو حمودي ومشهودله بس ميصير هي هم خطيه مصايرة تفتره وتشتغل بلبيت وهي منقبه ولافه روحهه والرجال هم بيته وميكدر ياخذ راحته يطب يطلع

كالت امي والله اني لو عليه وعلى امي نخليه يمكم ورا

سنه بارد بس هاي الاصول البنت لو ترملت ترد لبيت اهلهه وتلزم عدته هناك

كالت عمتي اني روحي بيهه وهذا الجاي بلطريق مااكدر على فراكهم ابني وضوه عيوني بلمحة بصر وبيوم وليله راح مني الي فنيت عمري وتعبي لجل اشوفه مرتاح ومستقر وجهاله وهوه داير مدايره اصبح دافنته وارد اني اوليد ابني مااتنازل عنه اريده يمي اربي مثل مربيت ابوو تحجي وتبجي اني ابجي امي وبيبي ومرة عمي يبجن

كالت بيبي محد يحرمج منه دموعج غاليه عيوني ام قتيبه بس تعدي فترة العدة انا بيدي اجيبلجيا ياام قتيبه انتي سيد العارفين مانريد الناس تاكل وجهنه على ابو عايفين بنيه حديثه يم رجال تحل عليه اني

وامه ومرة عمه وانتي نعرف شنو ابو حمودي بس الناس تحب الگال والگلت تريدله سالفه تعلج بيه صدكي اخوهه على نار كاعد من ورة الفاتحه راد نجيبه كوه قنعنا هوه اخ ويعرف الناس وطبعهم ويعرف معزته عندج بس خوفه عليه وميرد تجيهه حجايه لوعلينه منحك راسنه والله

كالت امي ربي يلهمج الصبر الضنه عزيز وماكو شي يعوضهه بس ربج اله بيه حكمه من زرع هلطفل بأحشأهه لاتجزعين الله يساعد مولاتنه زينب الي فقدة اخ وابن واطفال اخوهه وبنات اخوهه وعافتهم جسد بلا روس وفوكاهه سبي وشوف الشماته بعيون الناس بعد مجانت عزيزة قومه صارة سبية آل محمد السوته وكفت صامده لاشكة ثوب ولاخرطة خد لان تعرف مترجعهم خلي عينج بعين ربج وهوه ينطيج الصبر

بعد كلام امي سكتت عمتي بس عيونه تجري شويه وصاح خالو على عمتي دقايق وصاحتني

كالت امي يمه بوشيتج جنت ماشيه بتجاههم وناسيه البوشيه مرفوعه نزلته وصلت الباب المطبخ الداخلي هوه جان واكف يم عمتي قريب على السنك دكيت الباب انطي اشارة وجوده شافني ودنك رغم مطالع مني غير عيوني

حجه بصوت عالي وهادئ حتى يسمع اهلي كال بويه انتي حسبت بتي اليوم اهلج اجو ياخذوج تعرفين لازم تلزمين عده يمهم وهاي الاصول اني مااعله على الاصول بس الاريده منج شتحتاجين الخيط والابرة لو كنتي بعازته تنطيني خبر تخابرين عمتج توديلي رساله الاريد تنتبهين على ابنه او بتنه هاي صارة من مسؤليتي ماريد ينقص حاجة اعرف اهلج ميقصرون والنعم منهم بس يبقى البطنج ابنه ومن مسؤليتنه هسه  روحي حضري روحج

رجعت والدمعه بعيني مااعرف رغم جنت اتمنه ارجع بيت اهلي والحياتي السابقه بس هسه طلعتي خمشت كلبي مرتاحه بيت عيالي شفت حريتي اكثر لليوم عمتي ممنعتني من شي ولا كالت عيب السوي او ميصير عكس امي كلشي كان عنده ممسموح حتى النظرة اتحاسب عليه من اني وزغيرة منعتني العب ويه الولد وفهمتني ليش خلت بيه خوفه منهم كبرت واني حذره الشي الوحيد السويته بحريتي هوه علاقتي بحسن شكد تمر مواقف بالي اذكرهه اكول امي معقدة انسانه عده العيب وحجي الناس اهم مني ومن مشاعري معلمتني باسلوب حنون ولا كفت بصفي من اغلط وتنبهني وينتهي الموقف كانت دائماً اذكرني بأغلاطي وتأنبني عليهن اكبر مخاوفي  وجودي يمهم تفتح جروحي وذكرني بغلط قتيبه وساعة انفعال ابوح بكلشي بكلبي كاعده الم بملابسي وافكر

اخذة الضروريات وبعدين الباقيات لليوم عمتي مداخله غرفتي لحد الان كنتور قتيبه على وضعه محد فتحه ولا اني كدرة شكد خالاته كالن اثوبو بملابسه عمتي مقبلت كالت غرفته اضل مثل ماهيه ولا غرض من غراضه يطلع بوكتهه كالتلي اذممج ليوم الدين لو عود شخاط من غراض طلع بدون علمي

واني سويت مثل مرادة كلشي ضل على وضعه قفلت البيبان ماخذة غير بس الملابس طلعت امي ومرة عمي شافني كامن بيبي طلعت كدامي وكفت بلمطبخ عمتي عيونه مدمعه اعرف فراكي ميهون عليهه ذبيت الجنطه ورحت حظنتهه

كمت اناشغ من البجي وهي تبجي تكلي يمه انتي عزيزة قتيبه انتي الي اكل راسي حتى اخطبج وليدي راح ومااتهنه بيج ولاببنه

وخرة منهه بسته براسهه كتله عمى انتي صرتي امي من ازوجت قتيبه حالليني اخاف فديوم ضوجتج او لاسنتج لو عليت صوتي بساعة عصبيه

كالت لا يمه الله شاهد دوم اكول الله نطاني بنيه مو من بطني واعرفج حس عالي وكلب خالي محاللهه وموهوبه مااوصيج بالج على اكلج وعلى البطنج اذا صدك حاسبتني حسبت امج بالج على هلطفل ماضلي من هلدنيا غيرة بشوفته اشوف قتيبه ولاتكطعين بيه خابريني واني هم مااكطع بيج بين فتره وفتره امرلج

كتله عمى لاتوصين طالعه واني كلبي يمج انتي هم صحتج اهم اريد الطفل يجي للدنيا يشوف بيبيته قويه ومابيه شي حتى تربينه وياي

ابتسمت وكالت يايمه الله يكملج بعقلج ويحفظج لحفيدي محله كلمت بيبي لو اجه للدنيا ويكبر كدام عيني ويكلي بيبي هيج الي طولت عمر واشوفه

كتله عمى ان شاءالله عمرج طويل هااا قبل ماانسه هذني مفاتيح الكنتور اخاف تردين شي منهه

كالت لالالا يمه عوفيهن يمج حتى باب الغرفه قفلي مااريد لااطب ولاشي هم الي عين اطب واشوف غراض ابني والله اموت مجلوطه

عفته على راحتهه طلعت خالو واكف يم شمس وخالو حيدر بلطرمه يسولفون عمي اسماعيل ماخذ زوجته وطالع كدامنه بيبي وامي يسولفن ويه نهله يم باب المطبخ الخارجي هي كانت داخل المطبخ بسد الحايط متنشاف

بوست نهله وحم

ودي بس خطيت خطوتين شافني اريد اطلع بجه بسرعه طلعت للشارع طلع خالو ورانه بعد مطلعنه كلنه شمس سلم عليه وصعد ليكدام جانت سيارة خالو حيدر مبينه اكبر سلمت عليه باسني براسي وكال اصعدي اني اخلي الجنطه بلجيب صعدة امي وبيبي اليوره بصفي كتله شمس بسرعه لايطلعهه خالو وحمودي  ويبقى يبجي بس يشوفنه

كال دسلمي شبيج تصلين كتله والله نسيت شلونج

شمس: لابعد وكت

نبأ :الماسلمنه ماقبلت والسلمنه بعد وكت حيرتني وحتاريت

شمس:عمي بكيفج اني اكدر على لسانج

نبأ :موهذا متعرفه ميريد احد بس اني وابوو

كال شنو السالفه امهه شنو دوره

دنسولف وخالو صعد بعد مسلم على خالي قادر

كتله هي ممقصره وياا بس جانت زعلانه سنتين كبر وهي مويمه واني من اجيت ضليت اراعي وشويه شويه تعود عليه

خالو حيدر كال عليمن اسولفون

كتله على حمودي ابن خالو قادر

كال اي خطيه سمعته يبجي شبي هوه اشو قادر هواي منطي اهميه

سولفتله على حالته وامي وبيبي هم سولفله

مرة على وجودي بيت اهلي اربعة اشهر حالين اني بشهر السابع
بطني بدة تكبر من دخلت بلخامس عمتي متركتني اسبوعين يمي وجيب وياهه حمودي ومراة تجي نهلة تخليلي مصرف مااقبل وشكد اعاند اذبهن عليه وتطلع ادكلي مو الج للبطنج كمت مااعاندهه اضمهن بديت اجهز جهاز طفل من ملابس وحفاظات ومميات ووو عمتي ائماَ تكلي البطنج ولد لحد الان ماماخذه سونار شكد ندى وامي يحجن عليه مااقبل عايفته على الله علا تجي اشوفه

شمس ماادراكه ماشمس شكد يحاول يعوض مكان بابا بحياتي ساندني بكلشي هوه ونائل رغم اشوفه قليل ملتهي جامعه ونادي لليل يله رجع

مددت بلهول وايدي على بطني اتحسس حركته وضرباته رغم تأذي بس وجوده معوضني شعور احمل طفل بأحشائي يخليني انسى كل المريت بي امي

وبيبي كاعدات بلكاع ويباوعن مسرحيه قديمه ويذكرن الممثلين رغم شايفاتهه بس مستمتعات كأنو اول مرة يشاهدنهه ندى يم اهلهه شويه وسمعنه صوت الجرس سارة كانت تقرة بلمطبخ امي صاحت عليه تفتح الباب

وره دقيقه دخلت علينه زوجت عمي اسماعيل وعمتي امتثال رحبنه بيهن ضلن يسولفن جابنه من شماله لجنوبهه وره ساعتين

مرة عمي كالت اني جاي استرخص منكم وخصوصاً من نبأ

استغربت حجيه شكو كالت اريد اسوي عرس حسن وصارله ٤ شهور خاطب ومكملين غرفته والعروس مكمله أمورهه باقي على الحنه والزفه ماريد يصير بخاطركم ومااكدر اسويه سكتاوي شاب واول زواج اله اريده يفرح بزواجه

امي كالت ام محمد عيوني مرخوصين ميحتاج تترخصين من نبأ زوجهه المرحوم لامن كرابتنه ولا يعودنله بشي وانتو ماقصرتو مر على وفاته هواي سويله عرس وافرحو خلي الشباب تفرح وتتونس

بيبي أيدت وعمى امتثال هم حجت كالت ابو محمد مقابل لان خال الولد صديقه وبيناتهم معرفه قديمه انوب هسه بيناتهم نسب ورحاب هم عروس وفرحانه ومن خطوبته جهز وحاير شسوي حتى صواني الحنه سوتهن بيدهه

امي كالتله اني احاجي واقنعه لاتشيلون هم

اسمع حجيهم واتكرضم صارة صدك موحبن بحسن لا هذا الانسان كلبي مات من ناحيته قتل كل المشاعر البداخلي من انطاني كلمه وضليت أسبوعين اني عايشه على أمل هلكلمه اني اقنع ابويا واخطبج وماأتخليج ترحين لواحد غيري

كمت كتله عمى مبروك مقدماً وشايفين كل الخير بس من هسه انطيكم علم تعذروني مااكدر احضر العرس اشوفيني حزينه ومطالعه من الحده لحد مااولد  وموحلوه بحقي زوجي مصارله ٥ اشهر من توفه واني اطلع بلأعراس وان شاءالله هدية زواج حسن توصله

عفته حتى مسمعت ردهه

اجت وراي ساره سدة الباب كالت ليش هيج اسوين والله عيب عمه امتثال فشلت من باركتي بس مرة عمو

كنت ممددة وخاله ايدي فوك عيوني كتله عادي لاحكه على الفشلات وصخام وجهه

حسيت بيه من كعدة يمي كالت ليش نبأ شبيج حاقده هلكد متوقعتج لحد هسه ضامه بكلبج هوه لو يحبج صدك ماعافج

قاطعته اششش سارة لاحاقده ولا ضامه بكلبي ثنينهم ميهموني بس تعرفين طبعي رحاب ماحبه ولااباركله

كالت يعني حتى وره عرسهم مترحين وتباركيله

...لا مااروح بس مااباركله يجي يوم اباركله بس مو هسه

كالت انتي وضعج معاجبني وحاسه ضامه علينه وراج مصيبه

ضحكت على تفكيرهه اتوقعي مصايب مو مصيبه وحده

ختمته عابت خلقتج شكد صايره مكروه والكلام كوه يطلع منج عود حامل وتعبانه غمتني وطلعت مبوزه عفته مالي خلك اخذ وانطي صايره بس اكل وانام كلساع مسويتلي شغلة

مرة الايام واجه  وقت زواج حسن امي وسارة وندى راحن ضلت بيبي يمي ضلو يومين هناك علا شكد خابرة ورادة اجي اعتذرة منه  وهي اتفهمت وضعي وعذرتني

الايام تمشي عادي بين البيت وبين عمتي تجي زورني ومراة تاخذني غصب للدكتور جيك وضعي لحد مدخلت بشهري

كاعدين عادي مثل اي يوم بلهول وقت عشويه دخل شمس مدخن من الاعصاب اول مكال ندى سويلي زقوم خطيه من خوفه كامت تردم اني من يمي خفت ولزمت كلبي امي سألته شبيك عصبي

كال مابيه شي ويمه رحمه الموتاج لاسأليني كلساع ادري بيج اذا متعرفين تموتين لهذا لاتعبين نفسج مابيه وحتى اذا بيه مو قته احجي

كالتله دهر هو اني شحجيت وا

كلتني وشربتي طبك طوب فوك مااسال شبيك داخل جنك مدرعه تريد تقصف

كال اي ويجي يوم اقصفكم واحد وره ثاني ابويا عافلي حيتان مو ناس بس تاكل بيه

كالت ولك شبيك ماتحجي عدل هم كدامك بشر وعنده فضول يعرف

كال اطمأني ماكو سالفه عوجه وصاحبه اعوج وكلب ابن سطعش كلب صوجي أمنت بي عبالي مرضعه خرة عليمن يطلع على ابو الطماع

امي ضلت تتكرضم تريد تعرف وهوه عصبي منطاهه مجال

ختمه كال يام بروح ابويا لاسألني من سالين وتلحين تخلين اعصب بلزايد واذا طكن عندي  اسوي شي اندم عليه بعدين

كالت لا يمه على راحتك وسكتت عافته 

من ذاك اليوم وشمس بقى عصبي ومحد يعرف السبب ويعارك ذبان خشمه حتى نائل مستغرب وضعه

لحد مااجه يوم كاعدين بلغرفه اني وسارة هي تقرة واني كاعدة اكل مسويتلي تشكيلة فواكه

سمعنه صوت شمس عالي ذبيت البيدي وطفرة فتحت الباب وصلت للهول امي وبيبي واكفات يردن يدخلن للصاله الضاهر هوه بلصاله

زاد الصوت سمعنه صوت مو غريب ويكله تحلم انطيك سارة

بسرعه التفت على ساره اشوفة بس عيونه تجري

. ......... يتبع

#نصائح..😍❤️

1- اذا لبستي عدسات وعيونج كامت تدمع👀 فلحل هو تغسلي وجهج بمي بارد وراح متدمع عيونج 😉

2- اذا خلصت المسكارا وعندج طلعه مستعجله😞 خلي المسكارا بمي حار 5 دقايق حتكدرين تستخدمينه 👍

3- اذا معندج اللوس باودر تكدرين تاخذين بودرة اطفال وتستخدمينه لخبز الوجه وداعتج احسن من اللوس باودر 😁 وارخص

4- خلص عندج ايلاينر وعندج طلعه اخذي بالفرشة لاينر شويه من المسكارا وارسمي عيونج 😉

5- ممتوفر عندج 🤓مثبت المكياج عادي بدون متصرفين وتشترين بس جيبي علبه بخاخ فارغه وخلي نص مي مقطر والنص الخ مي ورد واستخدمي بعد متخلصين الميكاب،،،،

#اعـاده_توجيـــہ_لتنسون
#ملوكه

ألوان العدسات😎👇🏻 من ماركة لورنس

#ملوكه