-والله عمه كلشي سويتلهه ومتسكت

اخذتهه من حضن غاليه وكعدت بالكاع فتحت كماطهه وصرت افركلهه ايدهه ويم ركبتهه برهاوه وبعدين نومتهه على بطنهه وضليت اطبطبلهه مبين عدهه غازات ماذيتهه
البنيه تناشغ بالبجي وغاليه تبجي وتصيحلي ..
- يمممه البنيه حتموت من البكي شسالفتهااا والله ماشويتلهه شي غلط كل شي مثل معلمتيني
- دكولي يالله شبيج بنتي
هي هاي الجهال تبجي كل ساعه تتعودن على هالسالفه عيني لا تخافون
مابيهه شي البنيه مضايقه من غازات بطنهه منفوخه
- وشسويلها !! شلون تروح ؟
- هسه تروح هسه بس انطي صبر

ردت اشيلها واتمشى بيهه بس مابيه حيل
صحت لاسامه ..
- اسامه عفيه تعال شيلهه وضل طبطب على ظهرهه واتمشى بيهه شويه

كبل اجه اخذهه واني عدلتهه على جتفه وضل يتمشى بيهه بالغرفه وهي شويه شويه بدت تسكت ..
وصيتهه تنومهه بدون كماط دترتاح شويه
طلعت شفت الشيخ كاعد ويسبح
بوست راسه وصبحت عليه .. كالي..
- نامت مِزنه
- هسه دتنومهه
- شلون صرتي ياعيني
- الحمدلله حرارتي زينه وصار بيه حيل
- الحمدلله عجل تريكينا من ايدك الطيبه اليوم
-ادلل

حضرت الريوك واكلنه وبعدها طلع واني صرت انظف وبثمانيه حطيتلهم ريوك اكلو وطلع اسامه يم الولد .. اخذت غاليه غسلت
شعرهه وساعدتهه تلبس وهي ضلت تتمكيج
رتبت الغرفه وغراضهم واخذت الي احتاجه النه فوك خليته وساعه عشره اجتي صفيه
ولل ١٢ مناسك وعيالها وصلو

صارت هالمره لمت الغدا بيتي
حطينه للولد وحدهم بالاستقبال واحنه النسوان بالهول ..
غاليه جانت متمدده على القنفه يمنه بالهول
وتسولف ويه عماتهه ..

ضلن البنات اليوم كله يمنه ووكت ماصار وكت النوم راحن لبيت الشيخه ..
جراح اشترى جربايه ابيض ووردي
للبنيه وشدها هو واسامه والشيخ اشترالها
شباحيه ذهب وبيهه زراك وصاهه من تكبر شويه تلبسهه
اسامه ثاني يوم كضاها يفتر هو و اسر يدور حفاظات وشراب غازات

صار الخميس وحضرت بي الدولمه لحسين
لان اكثر من مره راسلني يكولي مشتهيها
ضليت انتظر بي بلهفه وهو اول ما دخل من الطرمه يصيح ...
- ول انتو ما تعرفون الاصول ابنكم راجع وماترحبون بي على الاقل اكفولي بالباب
لا تفرشولي سجاده حمره بس اكفو سلمو

تلكيته بالاحضان وهو يكولي ..
- اشمها والله من ريحتها اتخيلها لينه مدهنه
حمره
- بالضبط والله شلون خشم ماشاء الله
- صبي يمه صبي بين مادحك بنت النباتيه شلونها عودها اخضر اصفر

عافني وراحلها ويصيح ..
- ول غااااليه كبرتي يولوووو بعد ماضربك
صرت احترمك اليوم والله

هي جانت غافيه وضلت مطنشته رحت حطيت الاكل واسمعه يناغيلهه ..
حسين من اسمع صوته وهرجته بالبيت احسن بكل الراحه وكأني املك الدنيا بوجوده بينا

خابرت على اسامه حتى يجي يتغدا وهو اجه ووياه جراح هسه راجع من الشغل والتمينه نتغدا ..
حسين بعد ماشرب الجاي واخذله فره بالمنطقه ورجع يريد ينام .. اجاني واني كاعده يم غاليه كبل جر ايدي ويكولي ..
- صار وكتي يمه كافي مدللـتهم بغيابي وحضوري اليوم الي خلي بالك بس الي
- صار يمه صار ادلل

رحت وياه لغرفته وهو تمدد وحاط راسه بحضني صار يكولي ..
- يمه تعرفت على بنيه
- ياااصلاه على النبي اخيراً
- هههههه ماقلتلك راح اخطب تعرفت بس تعرفت
- منين هاي
- هي ويانه بالكليه صارت بينا كروبات وهي ويانه اشتغلنه كم شغله سوا والبنيه فطيره يمه
بس احكيلها يولو هين دحكي تخرب ضحك
و وين مانكعد هي تحدر ويه صاحبتها تسلم
وتروح بس تضل تدحكلنا من بعيد
- هااا زين زين شنو مواصفاتهه
- حنطيه و رشيقه يعني حلو جسمها
محجبه ودايماً تخلي حمره بيجيه
-هههههههههههههه عزاا بعينك شلون منتبه ولك هم طلع بيك البله
- عجل يمه اعمى انا مادحك وجهها هي حاطه هاللون ماتغيرو وحكيتلك
- هههه زين يالون صبغ اظافرهه
- تصبغ الاحد وردي لو ماروني ومن الاثنين للخميس اسود لو نيلي
- ههههههههههه لهدرجه يعني مدقق بيهه وحافظهن
- هاا وبس من محسبه لطلعه ويه صاحباتها تلبس كعب وباقي الايام رياضي ابيض او اسود
- وبعد
- لبسها مرتب مستور بس مشكلتها تطلع حجل رجلها من البنطرون و نوع رجلها من الكاحل صايره مربربه يمه مال عض والله
- ولك استحي شبيك شجاك حسين
- مغروووووم
- هههههههه يااا يمه وليدي واكع بالحب
- لا بعدني بس معجب واراقب
- شسمهه ويا مرحله
- اسمهه ورود مرحله ثانيه
- زين بيهه يعني كل المواصفات الي جنت تكولها لو تغيرن هسه
- والله بيهه بعد بس شعرهه مادري بي
بس عدهه مثل خصرج صغير
- انزول عليك وعلى علينك
-ههههههه حتى جتافهه صغيره ومتاكد كل قياسهه ٣٨ بس بيهه الحلو رجلهه عدله وكاحلها مربرب اويييلي يمه يسطر ويه البوتين الاسود العالي ولازك عليه حد البنطرون من ترفعه يملللخ يمه يسطر
- ههههههههه يمه ولك حرت شكول وشحجي
نروح نخطب !
- انا اخطبها واحطها بالتكسي واحدر هين اعضعض لحد مااشبع
- يمه ابني مفلفل على الزواج مطيرات عقله البنيات
- هذا صاحبي من يدحك وحده تسيح الكلب من حلاها يضل يحكي... فلك طرها كون

وراح اضل تاذيهه مدامهه ممرتاحه وبكلبهه حسره ونار تضل تاذيهه وتاذي اسامه والطفله وكل واحد مرجعه لبنتي
لا تخليهه تضل هيج الله يخليك
اني مااكرهه للمره ولا جايه اريدك تروح تعاقبهه وتمد ايدك عليهه هذا مو حل القسوه و مو حل
حاسبهه على الصار بس تغير وياهه الله يخليك تره انته قسوتك وياهه هي تعكسهه علينه واذا تضل هيج اني ماخلي بنتي بعد تكعد وياكم لو اعرف اني اشتريلهه البيت واطلعهه من هناك بس ماخليهه بخطر واضل لازمه كلبي خاف ساعه الساعه تندك بيهه

جان داير وجهه عني وساكت كلتله ..
- مبين اذاهه للمره والله مبين
ماكو احد يأذي اذا مو متأذي
الله يخليك حل الامور بينكم هي تكرهنا بسببك ولا احنه ممأذيهه بشي ولا واصلين يمهه
الله يخليك ايوب غير تفكيرها علينه وخلي الكل تعيش براحه
ماضل بالعمر شي خلي تذكرك وتذكرنا بالطيب تفاهمو وعيشو براحه حتى الكل ترتاح
- هسه انتي تريدين بيت لبنتج
صار منا لشهر ارتبلهم بيت وادزهم يكعدون بي

- انته سمعت شحجيتلك ! ليش ركزت بس على البيت

- شتريدين بعد شسوي يعني مو تريدين بيت لغاليه هاي اطلعهه بيت

- واسامه شتكوله ليش طلعتهم ؟

- اكله اهلهه يردون البيت وطلبهم تنفذ

- بس اني ردتك تحل الموضوع مو تفكك العايله ... ادري انته متعلق بيهم وتصعب عليك طلعتهم

- اي متعلق بيهم اسامه واهله وبنته هسه من ساعه ما شفتهه روحي صارت بريحتهه
بس انتي طلبتي ويجرالج

- ليش متحاول ايوب ماريدك تضل وحيد
انته ليش تبعد نفسك من الكل وكلشي عندك تحله بالفلوس

- هذا اني وهاي حلولي الي تطلبيه ماكدر عليه البيت سهل يتحضر هالشهر

- استغفر الله .. عوف البيت هيج حجيتهه بعصبيه انساه
كلها ماترضى يطلعون وانتو اصلا بيتكم فارغ وشكبره عوفهه هالسالفه اعتذر عليها بس من حركه كلبي وخوفي عليهه حجيت

- لا خلينه على البيت احسن انطيهم حصتهم
من فلوسهم المضمومه وخلي اسامه ياخذله بيت معدل ويستقر بي

- وانته والحجيه شلون تضلون وحدكم
مو زين صارلكم حفيد تتلهون بي هالعمر
وبعدين حتى لو طلعت غاليه من هالبيت ماترجعله يعني فد يوم وتتلاكى الوجوه !
كلتلك حل المشكله لا تفكك العايله اجمعها بمحبه حنن كلب على كلب لا تفرق بينهم وانته جامعهم كل هالعمر
ماريد بنتي تصير سبب تفرقه بينكم افهمني
انته بيدك الحل بس طيب خاطرهه وفهمها الافكار الي بالهه ماكو حسسهه بمكانه زينه
وهي راح تعوف هالحقد الله يخليك افهمني اني داحجي لمصلحه الكل ماريد بس راحه بنتي ايوب دتفهمني لو لا

- هالفهم متأخر طلبه واكطعي نفسج منه
كلتلج فلوسهم انطيهم وياخذون بيت باي منطقه تعجبهم ويكعدون غير هذا اني ماعرف اسوي

- انته كلشي صاير عندك بالفلوس شايل الشعور ومخلي خزنه فلوس ياهو الي يحجيلك شي تكوله هاك هلكد اخذ وروح
هيج تحل مشاكلك وعبالك الفلوس كل شي تحل

- ايييييي اني هيج اني شايل كلبي وحاط خزنه الفلوس هاي والي يريد من كلبي شي يلكى ورق بيده ولا تسأليني ليييش لا تسألين ولا تعتبين ولااااا حتى تنصحين وتعلميني شسوي
مو مراهق اني وباول شبابي واكعد اغير اطباعي اني رجال خريف عمري طويل مشيت بي و كلشي عندي تيبس وانتهى
والفلوس هي الخلتني عايش ويه اهلي لليوم
لاااا تطلبين شي انتي ماتعرفين المستور منه

- صح صح والله صح
اني تعديت حدي هواي بس ردت لمره وحده مااشوفك وحيد والبرود مالي حياتك
واعتذر هواي اعتذر
لكل مطلب طلبته منك
انته حر والي حجيته اعتبره مانسمع وانساه
اني اسفه مافهمتك وتعديت حدي

- لو مره وحده مباوعه لعيني جان فهمتيني وما نوصل للاعتذار

ضليت مكابره مااباوعله واحرك عيني لكل مكان عداه وضليت هيج دقايق وتنازلت
ماكدرت الا ما باوعت لعينه ..
شفت نفس اللمعه بيهه ونفس ذبول الوجه
الي اخر مره شفته بي
خفيت كل فضولي بي وكلتله ..
- اني ماحط عيني بعينك مو خوف بس احترام للي واكف بعيني

حسيت بقرف من نفسي واني اجذب باكثر شي طاهر عندي .. انداريت لان دريت دموعي راح تخوني هالمره .. مشيت خطوتين جان اسمعه يصيح ..

- وتسااالين لييش ماعندك شعور يولي لو بيج الي بيه ما توكفين على رجلج يومين وحك الرفع السمه بلا عمد

رجفت ايدي واني امسح وجهي انداريت عليه وكلتله ...

- كلمن اخذ نصيبه من التعب محد عبر هالسنين بدون كسره ظهر والعز للي يضل شامخ تالي العمر

- بنتج راح ابعدهه عني وعن هالبيت
اني ادري بكل وكتي اذيه بعمرج
بس تطلع اريعين الطفله اخليهم ينتقلون بيت جديد وخلي بنتج هالوكت يمج داريهه واعذريني على التقصير وياهه
لا تضلين تعتبين عليه اني الي بيدي اسويه
وحكها اخذه و عهد عليه ما تبدر هالاذيه من احد بعد تجاه بنتج او عايلتهه
ومو رجال الي يخلف بالعهد
بنتج اضل عايشه اميره مدام راسي يشم الهوا

- ان شاء الله

مشيت وعفته ولكيت نفسي ادورلي مكان اكعد بي وحدي وامشي من ممر لممر
وتالي طلعت بره .. شفتلي مكان فارغ يم الزرع وكعدت ..

ردت ارجع توازني احس كل جسمي يوجعني
وراسي راح يطك ..
متندمه ليش هيج سويت !!!

- هههه وهسه هاي فلك طرها لورود
- فلك طرني انا يمه اناا تصخمت وتعزيت بيهه
- ههههههه اسم الله عليك يمه اسم الله
هسه عاجبتك بس بجمالهه خاف تشوفلك غيرهن احلى واطير بعد
- لااا مدحك هواي بس هاذي عجبني عفويتها
وروحهه مرحه من ساعه ماتدخل الكليه لحد ما تطلع هي تضحك يمكن الي يدحكها من بعيد يحسبها خفيفه وبنت سهله بس هي على نياتهه والله تضحك للهوا
انا مبحوش وراهه لحد ما مليت
واعرفها زين
- اكيد تعرفها زين اذا انته لون حمرتهه حافظه بعد شبقيت
- هههههههه وازيدك بعد سالفه
عدها استكماتزم بعينها وتلبس عدسات طبيه لونها نفس لون عيون غاليه عسليه وكل ما تكف وتصير شمس بعينها تغطيها بالدفتر
وراح تسوي عمليه بالليزر بالعطله بس نخلص امتحانات
- ههههههه حاجي وياهه وجايب كل صغيره وجبيره والله ابني مو هين ملعب
- بس للاعزاز يمه ابنك تطلع مواهبو
- هم عندك رقمها
- لا بس متابعهه انستا وضايفهه بالتلي مره تراسلنه على مشكله صارت بكروبنا وهي دخلتلي وحكينا
- زين احسن بعد ماتصرف رصيد
- يمه قلتلك بس معجب انا يعني ما تعمقنا بتفاصيل حكينا على الماشي
- يمه هاي الماشي مالتك اني سبع سنين وابوك يلا عرفهن بيه
- يمه انتم من العصر الجليدي احنه هسه
كلشي نعرف والله حتى ابو خطها اعرفه منين اصله وفصله وكم بنيه وياهه ويامناطق يروحون
- هاا وبعدك بس معجب ؟
- اي يمكن مادري انتي شنو رايك !
- امممممم كلبك يرفرف يمهه لو بس عقلك وعيونك تتطاير وراهه
- يمه انثول الا احكيها الك هالشكل
- ههههههههههههههه لعد مبارك عليك الحب
- والله حتى ركبتي بيوم تنكسر من كد ماوصلها بعيني من الباب للباب
- ههههههههه ديربالك لابيوم تنضربلك بفد باب
- تعثرت مرتين بس لحد هسه
- هههههه هم تتأنقلها
- ههه موقت التلفون ساعه سته الا ربع
حتى الحك اشسور شعري وارتبه كبل ما يصير هجوم عليه ويثولوني
و كل اسبوع اروح احدد اللحيه وانظف الوجه واصبح الاحد المع لمع وهي هم تنثول من ادحكني مراقبها
- والله عمي زين لعد شوكت ناوي تحاجيهه
- هييي هين المشكله يمه
-شكو !
- يمه استحي
-ههههههه
- والله الدم يصعد بوجهي ويكلبني احمر واضل بس اتبسم مثل الاثول الفاهي
- ههههههه يايمه يايمه وليدي يستحي ابو لسان يستحي ههههه تشجع يمه تره تروح من ايدك
- يمه برايك اراسلها مو احسن من الوكفه وجه بوجه ؟
- هههه اتحداك تكتب رساله معدله تعترف بيهه
- وووولييييييه يمه شسوي عجل شسوي
- مادري حير بنفسك بس تعرف اتبصبص
لعد
- زين ادزلها بنيه لااا صارت قديمه هاي
ادزلهااا اغنيه لو فد مقطع يعبر مو احسن
شويه افتح مواضيع يعني
- خوش فكره بس انته تحسها تبادلك الاعجاب يعني لو مو يمك
- مادري والله يمكن اييه ويمكن لا
- اخاف تستعجل وتطلع بالهه يم غيرك
-لااااااااا شنو يم غيري ماكو احد بحياتهه
مدور وراهه واعرف
- زين هي من يا منطقه
- همه نازحين من كركوك وكاعدين ايجار
بالقاهره
- هااا زين زين وعدهه اخوان كبار
- اييي اثنين عدهه وبعد اخت عدها هالسنه بالسادس
- يمه منين تجيب هالسوالف عنها ؟
- الكطهن يمه لا ادوخي نفسك انتي بيهن بس فهميني شلون اصارحها يمه راح تصير العطله وعدها عمليه لازم اطمن عليهه
- هي اصلا اذا سوتهه بعد متلزم تلفون
- هممم صدك يالله شلون راحت من بالي
مو قلتلك منثول ما تصدكين
- ههههههههه مصدكه يمه مصدكه
ابدا لمحلها شويه بمثل ماكلت منشور واغنيه وبعدين تراسل وياهه
-يمه يعني كبل احكيلها احبك لو شلون
-هههههه لااا كوللها حجي مرتب يعني رتبلك جملتين براسهن خير وكوللها رايدج زواج
وشوف اذا اهلها من نوع يقبلون يزوجوهه هسه وينطون للانبار حتى نروح نخطبها
واذا مينطون لاتعب نفسك من الاول انسحب
- غصب عنهم ينطون يمه
-ماكو بالغصب هنا ابني كلشي بالعقل
لا تخلي كلبك يركض بيك ركض وتالي يعوفك بنص نار ماتنطفي
امشي بهداوه وحكم عقلك زين حبيبي
- اي يمه زين راح اضل افكرلها وادحك ايمتى تصفى
- واحجيلي شيصير بنفس اليوم
-ايي اكيد
- يلا نام خلي انزل اشوف اختك خاف تريد شي

عفته يتصفن ونزلت واني اضحك كلبي طاير من الفرح ابني حسون صار يحب
دعيت ربي ييسرهه اله اذا بيهه صالح
واذا مو بصالحه يعوضه بالي تسعد كلبه

مشت الايام بسرعه وغاليه فتحت خيط العمليه
واجاهه اسامه يشوفهه وحجالهه على طلب ابوه يريدهم يطلعون بيت وحدهم
وهي ما رضت تطلع كلتله سد هالسالفه
اني ماحب اعيش وحيده اريد اكعد بين عايله
اداريهم ويداروني
شفت الفرحه بوجه اسامه من طلع وهو ماخذ هالكلمه منها ..
خابرها ايوب ديقنعها بسالفه البيت وهم عادتله نفس الحجي وتفاهمت وياه على سالفه ام سالم
كلتله لابد نتفاهم بيوم وماحب علمودها اضيع عشرتكم واريد بنتي تربى بين اجدادهه ..

انسدت هالسالفه بعد والولد خلصو امتحانات
ورجعو وهنا تحدد عرس رماح وغاليه ضلت يمنه مارجعت حتى تحضر كل التفاصيل

الشيخ بيوم حنه رماح جاب المطرب والجوبي الحديثي المعدل ويه دكه الدمام انباوعله من السطح وهمه بالحديقه

وعشاهم ليلتين بالحنه شوالهم سمج صار كل اثنين بوحده والعرس صارت الذبايح والرمي
واخذوهم من البيت زفوهم للمصور وبعدين للفندق ...

رماح جان مبين يحبها عيونه تلمع لمع بشوفتهه ويركض ركض بكل تفاصيل عرسه
حتى رباط الحنه اختاره ذهبي بلون بدلتهه
وبالعرس وردي ويه لون المسكه جانت منسقه الابيض والوردي بيهه .. والي يقهر انهم مالتقو ولا مره بخطوبتهم ولا طلعو ولا تشاوفو بس بيوم العقد وبيوم الحنه
هو يستحي من اخوتها ودوامه لكاه حجه
وضل كل اسبوع يكول الاسبوع الجاي العرس وتطلعله سالفه صفح ويأجل لحد ما ختمهه بالعطله ....

وصارت عدنه جنه بالبيت .. بنوته هادئه وثكيله عينها ماترفعهه ويه الي يحاجيها
وكلشي ينطوها ترضى بي وماطلبت شي لا قبل زواجهه ولا بعده كلشي على امر رماح والي باله يصير ..

الولد اول ايام يستحون منهه يجون يتغدون ويتعشون يمي وما يكعدون بالبيت الا بالليل يروحون تالي صار الشيخ يجمعنا بسفره وحده وخلاهم يتآلفون سوه ..

غاليه وره سبعتهم رجعت لبيتهه واني استغليت فتره وجودها وخبصه العرس
ونسيت الشيخ سالفه الدكتور صايره اخاف من فكره عمليه ثانيه واحس حيلي مو مثل اول واتحمل كلشي هسه اني يومين زينه وباقي اكضيهه بالكوه امشي ..
رجلي دتورم بين فتره وفتره تفش وترجع تورم ومعدتي دائماً مخربطه ماحس صحتي زينه لهيج عمليه ...

حسين كدر يتواصل ويه البنيه ويعترفلها
وطلع محاجيها مكالمه مكادر يعبر بالكتابه
وقبل ميخابرنا كالي اذا ماقبلت اني احول مسائي ولا اضل بوجهه واتفشل
بس البنيه كلتله افكر واشوف اهلي يلا
وهو مكيف وضل اسبوع ينتظرها وقبلت بالاخير بس كلتله اكمل عمليتي لعيني يلا نخطب ...
وضل هو ينتظرها بس العصر تخابره
من يطلعون اخوتهه يحاجيهه عشر دقايق
ويسده ويضل لثاني يوم ينتظرهه لان متكدر تراسل ...

وبيوم هو كالي اريد اروح سفره ويه جماعتي لدهوك وسليمانيه وراح اطلعلهم لبغداد للقسم نلتم ومن الصبح ثاني يوم نطلع ..

حضر غراضه وسلم علينه وطلع العصر
وياه عباس وصكر هم رادو يطلعون سفره
و للمغرب اتصل بي مغلق واخوته يتصلون هم مغلق كلهم تلفوناتهم مغلقه
كلبي صار يرجف رجف واروح واجي على الشيخ وهو احتار المن يخابر ..
تالي اجانه رماح ويكول ..
الولد بمستشفى الكندي ضاربه سيارتهم تريله

كبل وكعت وضليت اصيح ..
- ولك يممممه حسييييييين
.
.
.
يتبع

حبي التنت يعني مثل مورد للخدود والشفة وسعره تقريبا 4_5الاف
ومابي اصلي وتقليد

وعل الزيت اللي سألتني عليه تلكي يم العطار وكوليله اريد بس زيت جوز الهند وبدون اضافات☺️🌸

#ملوكه

عمري طبيعي هالشي اني اعرف جماعة هم يعانون نفس الحالة تعرق زايد
فهاي سببه خربطه هرمونات اللي يفرز زيادة..
كون تراجعين دكتور مضبوط ويطيج ادوية لتنظيم هرمونات
لاتسوين غلق مسام ابد لان بي ضرر🤦‍♀💔 اهواي ومستقبلا تصير امراض
فالافضل بس تاخذين حبوب منظمه

#ملوكه

أكل واكل وأكل 🌚💔 وشراب حليب الموز يوميا

#ملوكه

ووف..اشكد اضوج من هالحالات🤦‍♀💔

عيوني انتي..اكو واحد خبير بهالشي ويكدر يرجعهن..بس كون الحساب مأكدته برقمج أو ببريدج مال الجهاز
فاذا واحد منهن مسويته يكدر يرجعه وغير هالطريقة ماكو

واذا مكدر يرجعه فالافضل خل يبنده حته ينسد الحساب

#ملوكه

عمري هاي بس اعلانات اللستة فبين قوسين كلاوات😅💔

#ملوكه

حبي هو خلطة الشوفان معروف يبس الحبوب وماسك الكركم هم زين لحب الشباب يسحب التهابات البشرة
وغسلي بصابون ديتول ولاتلعبين بالحبوب حته لاينتشر ورطبي بشرتج

ومكياج سوي نفس👇🏻🥰 هالفيديو يناسب فستانج واذا تريدينه بسيط فبدون رموش

#ملوكه

مشاهدة "مكياج زهري ناعم وسهل للمراهقات 💕" على YouTube
https://youtu.be/cYOC9vH62jE

حبي هذيني 👇🏻😇بدلات بكركروك

#ملوكه