#ثأر_الضابط

#بارت٤٠
واسحگني

الترب من تنسحگ تنباس

ماصخ شوگها الماتعرف من اتحب

واشلع گلبي

شلعان الگلب مريود

الشاعر من يضل مرتاح مايكتب 💔

،،،،،،،،،،،

#ثأر_الضابط ج 2

//////////////////

،،،،،،،،،،
لارا،،جسمي كله يرجف مااعرف شنو اجاوب
فززتني صوت رساله منه
راهب،،دزي الباسورد

لارا،،نفسي يصعد وينزل خاايفه حد الموت اتعجبت علئ روحي ليش هيج خايفه
رجع دزلي

راهب،،ثانيتين الج الگه الباسورد يمي

لارا،،كتبتله ماعندك ثقه بيه مو?

راهب،،عوفي الثقه علئ صفحه
لو اكو ثقه جان مالبسنه الب .........

لارا،،مامجبورة ادزلك لان حضرتك تشوف الناس بعين طبعك عبالك كلها اتشبهك

راهب،،لاتكفرررينييي دززززي

لارا،،لحضات اشبه بالرعب اريد اسيطر علئ رجفة اعصابي مااكدر
همام يدز رسائل حتئ ماشفتهن بالي يم راهب اليريد ينفجر انوب صار يتتصل ومااجاوب

دز
راهب،،والحسين الشهيد اذا الگفج ضامه شي ادفنج وانتي عدله

لارا،،طفيت الشبكه وطلعت من المحادثه مهزومه مااعرف شجاوب تركتهم اثننينهم واكو احساس بداخلي يقنعني همام دازة راهب
اتربع الشك بداخل عقلي
اتملكني خوف موطبيعي
كلشي بيه صار يرجف
صخنت وعرگت بنفس الوقت
حتئ معدتي اذتني كل شويه احس اريد اتقيئ
،،،،،،،،،

راهب،،لازم الموبايل بيدي احس بمجرد كلمة منها تردلي روحي
بس شفتها رفعت الحضر گلبي لعب بااحوالي لعب ماصدكت احجي وياها

مامسيطر علئ مشاعري دوهنتني خلتني لاول مرة ارجع اراهق من جديد

اتمنيتها يمي وبحضني وبين اديه انسئ الكون بحضنها
اتعمدت احجي وياها واعبرلها عن مدئ اشتياقي الها بلكت تحن وتسامح
جنت فاصل وياها عن كلشي تالي فززتني بصفعه قوية خلتني اثور مثل بركان راكد وانفجر
بمجرد مادزتلي اسم رجال سهم حار اخترق صدري

والذبحني اكثر رفضها تنطيني حسابها
خلتني مااعرف شصار بحالي
اثق بيها بس من دزتلي اسم واحد ثاني حرگتني حرگ
اخر شي انهزمت
بقيت الوب ونار تلهب بصدري ماگدرت اهجع اخذت باكيتي وطلعت للحديقه للصبح اتصل بيها مغلق

لارا،،ماكدرت انام ومنين يجيني النوم واني احس مصيبه راح توگع علئ راسي
غير معدتي الي صارت تسعر من الالم والصخونه ذبحتني

ماحسيت بروحي شوكت غفيت اخذتني النومه بعد ماتعبت من القلق والتفكير
فزيت علئ صوت المنبه
گعدت بسرعه غسلت وبدلت بس گلبي مقبوض
حاسه اكو شي راح يصير
راسي احسه شكبرة گوة نزلت لجوة

شويه وسمعت هورن ابو الخط طلعت
طول الطريق ادعي من الله كون مايصير شي
بس اكو ندم بداخلي اتندمت لان داومت اليوم لومجاية احسن وغير كشلي احس مالي خلگ وعلئ ساعه تسوء حالتي واتخربط
وصلت للجامعه اول مانزلت وكفت سيارة راهب بحيث صدر صوت البريك قوي
نزل مثل الاعصار يمشي بااتجاهي
بقيت جامدة بمكاني والطلاب يباوعون

راهب،،امشي اصعدي بالسيارة بدون مااسمع حرررف منج

لارا،،وجها احمر شرايين گصته ناطه يحجي وگوة لازم روحه لاتفلت اعصابه
مكور ايدة مبين بس احجي يتعارك اباب الجامعه ويلم علينه الطلاب

بدون نقاش مشيت وياه بس رجليه من الخوف گوة يمشن وحدة اطگ بالثانيه اول ماصعدت
شخط السيارة بسرعه

يباوع ع الطريق محتار وين يودينه مايشوف دربه من عصبيته
مدلي ايدة

راهب،،جيبي موبايلج

لارا،،ن نسيته
گوة نطقت الكلمه واني فعلا نسيته بلبيت
راهب،،جيبببيي

لارا،،اختنگت وجهي صخن ماعدت اتحمله انهد فرد هدة افشار وغلط ومسبه
تالي مالگيت روحي غير عطت بي

كااافي كااافي كااافي
منوووو انته حتئئئ تحاسبني هااا
مااسمحلك تددخل بحيااتي نهااائيا واعرف حدددك وياااي

ردت احجي كفخني علئ وجهي بگفه ايدة البجهتي
غصب عني نزلن دموعي
لازمة خدي واشهك باالبجي

راهب،،موبس أدخل واشگج شگكككك بنت الكللللب
منووو هذا الماتسمحيلله يدددخل بحيااتج هااا?

ولللج النفسس التاااخذي الي دخل بييي
شمسوويه وخاايفه الهااي الدررجه احجييييي?

لارا،،امسح بدموعي وابجي بخنيگ كتله نززلني اهنااا

راهب،،انلصمي
لارا،،وررروح بابا اذاا مانزلتني اشمررر روحي

راهب،،انهزمي بس والكعبه اليوم انبش الساالفه نبش بس يااويلج اذا طلعتي ضااامه شي
انوووب عليه همااام مدرري انعاال
استچني لا حتئ الكليه احررمج منها ماتدرين اذاا طخت براسي احرمج توصلين باب الحووش وعلي

لارا،،احتار شيسوي ساعه يضرب ع الستيرن بحرگة وساعه يباوعلي وعيونه مليانه غضب
مااخذني للجامعه لگيته مرجعني للبيت
وحتئ لوموصلني للجامعه جان رجعت لان مااگدر اداوم بهذا وضعي عيوني ورمن من البجي واحس طبعة ايده علئ خدي

فتحت الباب ونزلت اركض بسرعه حرك السيارة وراح
دخلت للبيت وبوجهي صعدت اركض الغرفتي
لوحاجيه وگايله زميلي جان ماصار الصار كله
اتخربطت فد مرة من انهض تلزمني دوخه
اخذت علاج بدون ريوگ
للساعه 11 نزلت

امي تفاجئت من كعدت وشافتني وجهي منفوخ وعيوني وارمه من البجي
سعاد،،يااا اصبحنا واصبح الملك لله ولج اشبيهن عيونج?

لارا،،ماحجيتلها واتحججت بعذر گتلها اتذكرت بابا وبجيت
معدتي دوت نار من العلاج لان فارغه ركضت للحمام ااتقيئ روحي طلعت بس استقرت حالتي لان معدتي حسيتها ارتاحت

رجعت للغرفة اتمددت بفراشي
من اذكر شسوة الصبح واشلون جان عصبي لشتي كلها تضل ترجف

للضهر الساعه وحدة ونص تقريبا اتصل بيه يمكن 20مرة تالي دزلي اذا ماجاوبتي اجيج اسحلج للبيت
ادري كلشي يسوي
لذالك جاوبته

راهب،،ريحيني واحجيلي منو همام والله راح اتخبل

لارا،،بدون تردد جاوبت زمييييلي

راهب،،هيج الحجي?

لارا،،اااي هيج وهلمرة ااانته خليها اباالك ماارجعلك لوتنگلب الدنيه لان مااعندك اسلووب ايدك والضررب بدون مااتفهم تضررب
راهب،،لتخبلليييني قندرررتج زميلج شكووو يتراااسل وياااج ب 12بلللليل ?

لارا،،ردت اخلي ينقهر بالزايد لان ضربني
گتله ششششي مايخصك مدخللل روحك بكلشي

راهب،هينه بنت سير النعال بسيطه

لارا، سدة بوجهي

العصر اتصل بيه همام

سالني ليش مامداومه كتله مريضه
هو هم عرفني مالي خلگ احجي مبين من صوتي تعبانه
تالي اترخص ونهئ الاتصال
شمرت الموبايل وطلعت للحديقه گعدت روحي خلصانه اطلگت وماخلصت من شكه وغيرته وضربه وعصبيته

لازم اخليله حد وانهي كلشي لان راهب مستحيل يتغير هذا طبعه
من ينقهر يحرگ الاخضر واليابس وغير ابوي النهار كله يسب بي

بليل ردت اسوي العشه امي ماقبلت گالت مريضه انتي اني اطبخ گتها اذا نمت اتخربط بلزايد خليني اساعدج وهم اتنشط بالحركه سويت العشه اريد بس الهي روحي وابتعد عن التفكير والقلق النفسي
گليت كباب وكبه سويت الزلاطه حضرت كلشي
بس مالي نفس اكل اي شي نقشت وياهم اخذت كببايه اكلتها بدون خبز احس معدتي انترست مدري لان عندي قلق احس بالشبع
بقيت بس كاعدة يم امي ومحمد
كملو شلت المواعين غسلتهن ونضفت المطبخ
اخذت ملابسي ودخلت للحمام
اسبح واجبر عيوني ماتبجي
ليش بعدج خاايفه منه ليييش
كملت سبح لبست بالگوة وطلعت
صعدت الغرفتي
لگيت اتصال من ساندرا فعلا جنت محتاجه احجي وياها

فاجئتني من گالت بعد عناا وانتضار طوويل
بابا وافق علئ مازن
وبعد اسبوع انسافر علئ تركية نسوي العرس اهناك هم شهر عسل وهم هو هيج مخطط ويه الرجال الراح يطلعنه تهريب ع المانيه

صرت اشهگ بالبجي اتمنيتها يمي اشمر روحي بحضنها
خطيه طفيت فرحتها وصارت تحاول تهديني وتفهم مني السالفه

حجيتلها كلشي
ساندرا،،يحبج ويغار ترة حقه لارا
اتركج من موضوع مرته
ترة انتي بنت عمه وعرضه اي شخص بمكانه راح يفهم الموضوع غلط

لارا،،بس مشكلته مايحاول يسالني باسلوب زين بدون تهديد وضرب

ساندرا،،اهدي يعمري وربي سالفتكم تورم الگلب
اثنينكم مخابيل واحدكم اعند من الثاني
بس هسه الرجال اجه للدرب ويتوسل بس انتي رافضته

لارا،،بسبب خيباتي بي رافضته ساندرا
راهب زرع بداخلي خليط من ندم وخوف ورهبه
وخيبات حقيرة وخذلان مؤلم
ماعادت عندي ثقه بي ولو مقدار ذرة

خايفه ارجع ويجي يوم هم يدخل وياه وحدة وموبعيدة هلمرة يجيبها مخلفه

ساندرا،،هههههه مو الهلدرجه ترة هو يعرف غزل قبل زواجكم يعني متورط قبل ميعرفج

لارا،،المهم الثقه ساندرا ماكو عشرة تكمل بدون ثقه وهو دمرها بيدة
غير كلشي اليوم ضربني بدون مايفهم مني

ساندرا،،خلي نفسج بمكانه واثناء المحادثه يغلط ب اسم وحدة ثانيه غيرج شنو ردة فعلج ?

لارا،،سكتت

ساندرا،،ها شو سكتي ترة انتي غلطانه واني ويه راهب مووياج لان يحبج وانتي شالعه گلبه
لارا راهب يبقئ رجل شرقي والرجل الشرقي وخاصتا العراقي بسرعه تحكمه غيرته ماعندة سالفه زميلج او مجرد صداقة
اني اشوف اتركين الماضي وره ضهرج وتسامحي

لارا،،هاي عود انتي شاهدة علئ كلشي تالي هيج تحجين وتنصحين حتئ ارجع

ساندرا،،لارا راهب مبين كلش عنيد ومستحيل يتركج تكملين حياتج بدونه
لو يعرف تبقين طول عمرج عزبه مستحيل يسمحلج تتزوجين شخص ثاني

لارا،،وداعتج علئ حرگة گلبي هسه لويجي شايب هم اقبل بي في سبيل احرگ گلبه
ساندرا،،هههههه عابت التفكيرج شتسوين بالشايب?
وخاصتا اذا واكعه سنونه من يبوسج يشفط حلكج

لارا،،ووووي. عابت اتخيلت الموقف لعبت نفسي

ساندرا،،هههههه ترة الشايب يجيج مخلص شحن

لارا،،ساندراااا طاحضج بعدج ماتزوجتتي استخفيتي

ساندرا،،هههههههههه والله داا اتخيل وبس

لارا،،بعدها صارت تحجيلي علئ تجهيزات خطوبتها اتمنيت اكون يمها بس مااگدر لان دوام

ثاني يوم داومت بگلبي خوفه خايفه يجي للدوام ويفضحني

بعد ماانتهت المحاضرة طلعت للحديقه گعدت وحدي
مدنگه عيني بالكتاب اراجع المحاضرة
رفعت راسي شفت همام اجه بااتجاهي مبتسم

اجه سلم وگعد يمي ارتبكت عيني للباب مال الجامعه خايفه يجي راهب ويشوفنه گاعدين سوة
وساعتها يذبحنه اثنينه
همام،،اشبيج?

لارا،،مابيه

همام،،شو وضعج موتمام تتلفتين عبالك مسويه شي

لارا،،سؤاله خله الشك يزيد وبدون تردد سالته

همام بدون لف ودوران انته دازك راهب مو?

همام،،انتي صدك تحجين?
لارا ثاني مرة تساليني

لارا،،بس جاوب

همام،،صار يابه وداعة امي وغلاتها عندي لادازني ولاحاجي وياي بعد شتردين ?

بس مع الاسف هذا تفكيرج بيه

اسمعيني لارا اكو كلام متردد ابوح بي لان بصراحه مااگدر احط عيني بعيونج واحجي

لارا،،راد يكمل سكت اباوعله ارتبك وعرگت گصته طلع كلنس يمسح بيها نهض من مكانه گال بليل اتصل بيج ترخص وراح
انتهئ الدوام وطلعت للبيت
بليل گاعدة يم امي اتفرج مسلسل موبايلي يمي
شفت رساله اجتني من همام

همام،،لارا هذا حدي مااگدر اضم اكثر
راح احجي وانتي اسمعي

والقران والنزله اااحبج
من اول يوم شفتج بي حبيتج ولتسأليني اي اشي
الله شاهد نيتي شريفه وياج
ومستعد كلمه وحدة منج بس گولي اي من باجر ادز امي تجي تطلب ايدج الي من اهلج

لارا،،وگع الموبايل بحضني من الارتباك مااعرف اجاوب
عفت امي وصعدت الغرفتي

اقرة وساكته ماعندي اي جواب
دزلي

همام،،ادري بيج تقرين ومتفاجئه بس واالله حبيتج وشاريج ومستعد اعوضج عن كلشي صار وياج قبل

لارا،،بس اني مطلگه
همام،،وشنو يعني?
لارا لاااول وحدة ولااخر وحدة انتي تتزوجين مرة ثاني وهلشي طبيعي هاي سنه الحياة
وبعدين اعرف بكلشي صار واعرف شنو اسباب الانفصال
يمكن الله سبحانه وتعالئ خلاني بطريقج حتئ اعوضج عن كلشي صار بالماضي

لارا،،همام ماترهم صدكني اني اعتبرك

همام،،لتكملين الخاطري اسكتي وفكري بكلامي
والله احبج ورايد اكمل عمري وياج

لارا،،همام ماترهم صدكني ماترهم يمكن او مويمكن اني متاكدة انته حتئ ماحاجي ويه اهلك لان مستحيل يقبلون ترتبط بوحدة مطلگه

همام،،لارا اني الاخذج مو اهلي
والحمزة لو توكف الدنيه بوجهي وانتي موافقه هذا كلش كافي

اكو اهواي حجي بگلبي لارا من گتلج اليوم مااگدر احط عيني بعينج صح لان مااقاوم عيونج واتيه الاول والتالي گدامج حتئ الكلام المحضرة الج يطير من راسي وانتي گدامي
فهميني شسوت بيه عيونج ?
مرات اكو مقطع شعر لو اغنية كفيلات ينقلن مشاعرنه للشخص الي انحبه
لان تلكة بيها كلام تعجز عن وصفه بلسانك

راح ادزلج اغنية اسمعيها
اعتبريني حاجي كل حرف بيها

لارا،،شويه ودزلي مقطع من اغنية علي جاسم

الاعمئ رايد بس ضوه
اليختنگ حلمة الهوئ
واني اريد انضل سوه
اني اريدج
من شفتج احلامي غفن
لج گلبي مو وجهي صفن
واني محتااج انحضن
اني اريدج

يتتبع،،،

استعدادات النساء لشهر رمضان":-🌙✨🌕

🌸1. رتبي غرفتك وغيّري نظامها قليلاً و نظفيها .

🌸2. إغسلي ملابس الصلاة الخاصةبك
وسجادتك و عطريهم .

🌸3. هيئي ركناً صغيراً في غرفتك للعبادةومهما كانت الغرفةضيقه وصغيرة يمكنك ذلك.

🌸4. ضعي ملابس الصلاة وسجادتك
ومصحفك في هذا الركن وادعي الله وناجيه من هذا المكان يكفي أنه سيشهد لك يوم القيامة .

🌸5. أحضري حصالة و اكتبي عليها حصالة رمضان وضعي فيها كل يوم مبلغ بسيط واعملي مشروع خير فيها متل مشروع ملابس العيد أو إفطارات أيتام.

🌸6. فكرة حلوة لو شاركتم كل يوم عائلة فقيرة بإفطاركم... زيدوا كمية الطعام قليلاً وأخبروهم أن فطورهم عليكم.

🌸7. اختاري سورة أنت تحبينها وتشعرين أنها قريبة لقلبك و عاهدي الله أن تحفظيها وسيكون لك أجر عظيم في الشهر الفضيل.

🌸8. استغفري كثيراً و عددي نوايا الاستغفار مثلا أن يرزقك الله الذرية الصالحة أو أن يفرج همك..أو..أو.. وكثيرمن الأشياءكان حلها الإستغفار.

🌸9. تبني ثلاثة من إخوتك ( أوصديقاتك ) في الدعاء يعني كل يوم إدعي لفلان و فلان و فلان
واسأليهم أن يدعولك وسترين النتيجة آخر الشهر....يكفي أن الملائكة أعمالكم
لك مثل ذلك.

🌸10. أدي كل أسبوع حجه و عمرة في رمضان
نعم... اختاري يوم في الأسبوع ( أوأكثر من يوم)
وصلي الفجر حاضر وادعي و سبحي و استغفري و اقرئي القرآن إلى شروق الشمس ولك أجر حجه وعمره تامتين .

🌸11. اقرئي قرآن كثيراً إنوي أنك ستختمين ثلاث ختمات لو ما استطعت أخذت أجر النيه الحرف بعشر حسنات فما بالك في رمضان فرصه اغتنميها .

🌸12. خبئي كل يوم مبلغ وكل عشرة ايام تبرعي به لأي يتيم .. مبلغ بسيط يوميا بمقدار معين في الشهرالفضيل و انويهم عن أمنيةتريدين أن تتحقق.

🌸13- اعملي جدول للطاعات بينك وبين نفسك خبيئه لكي عند الله "

*وصايا حلوة ياريت الكل ينشرها ويوجها حتى تكون في ميزان حسناتنا جميعا*🌨
اللهم صلّ على محمد وآل محمد 🌙🍀🌙


#اعـاده_توجيـــہ_لتنسون
#ملوكه
@stylegrils

ماشاء الله الأكثرية 😅💔ناوية عل الخشم

خل اطيكم لكل شي معلومة حته تستفادون:🥰

🔗1_قص المعدة: اذا سويتي كون لفترة معينة متاكلين اي اكل وتكضي كله شوربة وسوائل ولمدة 8اشهر او اكثر أي شي ثكيل متشيلي ابد لان عمليتج ماملتحمة وممكن تنفتح فيخرب الاول والتالي

🔗2_بوتوكس : ماانصح بي اللي بعمر الشباب واللي عاجبها تسوي فالأفضل بعد 40 لان بهالعمر يصير ترهلات وخليها ببالج اذا سويتي مرة وحده كون كل فترة تجددي

🔗3_نحت وشفط الجسم: تقريبا نفس قص المعدة كون لفترة معينة متاكلين ولازم محافظه عل رشاقتج وقياسج بالاكل

🔗4_تجميل الانف: همين بيها تعليمات بعد العملية
لمدة 6اشهر كون تنامين عل ظهرج وتثبتين راسج بمخدات كون ابد ماتنامين لايمنى ولايسرى..لان بهالفترى الانف ماملتحم فأي تغير بالنومة فالانف يميل و ينحرف وبعد سنة من العملية عود يبين شكله الحقيقة
وكون لمدة شهر_شهرين ماترحين يم طباخ ولاتطلعين بالشمس لأن اي حرارة تأثر عليج ولمدة شهر ماتغسلين
ولمدة سنة بعد العملية مايصير تحبلين لان اذا حبلتي والانف ماملتحم ف رح يكبر ويخرب
لان تدرون بفترة الحمل تغير هرمونات ويصير نفخ بالجسم
فالافضل بعد سنة

وقبل كلشي بأي عملية عاجبج تسويها كون تتحملين من ألم 🥺🤦‍♀وتطبقين تعليمات لفترة معينة وكون ترحين يم دكتور مجرب والمجربينه من كرايبج لو صديقات حته تشوفين الايجايبات والسلبيات
وابددد ماانصحكم تسوون شي بالعراق لان الاكثرية فشلت عمليتاهم
فأنصحكم لو بايران لو بأربيل اهناك اكثر دكاترتهم اجانب لو دارسين بالخارج

واذا انتي ماتحتاجين للعمليات ووجهج او جسمج طبيعي فضلي نفس ماأنتي ولاتتورطين🙃

#ملوكه
@stylegrils

💠 #دعاء_اليوم_السادس من #شهر_رمضان_المبارك

💠اَللّهُمَّ لا تَخْذُلْني فيهِ لِتَعَرُّضِ مَعْصِيَتِكَ، وَلا تَضْرِبْني بِسِياطِ نَقِمَتِكَ، وَزَحْزِحْني فيهِ مِنْ مُوجِباتِ سَخَطِكَ، بِمَنِّكَ وَاَياديكَ يا مُنْتَهى رَغْبَةِ الرّاغِبينَ.

@stylegrils

#ثأر_الضابط

البارت 41ج 2

اشعر انني اريد ان اقول لك فقط
احبك
ومن ثم ابكي
ابكي لانها تعبر عن الكثير
ولانها تختصر الكثير
ولأن الاطفال حين يعجزون عن التعبير يبكون
ويرددون كلمه واحدة غير مفهومه ومبهمه 💔

،،،،،،،،


،،،،،،،،،،،،
#ثأر_الضابط ج2

///////♨️♨️///////

،،،،،،،،،،،،،،

لارا،جسمي يرجف موحب وانما مااحبيت اسمعها من شخص غير راهب
مجاي اگدر اشيله من بالي لااني ناسيته ومكمله حياتي ولااني الراجعتله وناسيه كلشي

صرراع بين كرامتي وگلبي
واحد اقوئ من الثاني
كل مايحن گلبي كرامتي توگفه عد حدة وتذكرة باانتقامه وبطعناته. وضربه تخلي غصب عنه يقسئ
كلام همام خلاني اغير نضرتي اله ماصرت اشوفه ك صديق لذالك فضلت الابتعاد احسن اله والي
لان اني نفسي موفاهمه روحي ولافاهمه شنو اريد بالضبط
راهب خلاني عاجزة تماما حتئ لو مفكرة ارجعله مجرد من اتذكر ضربه اتراجع

ثاني يوم داومت اتعمدت ابقئ بالقاعه مااريد اطلع واشوفه

انتهت المحاضرة الثالثه واني بعدني علئ گعدتي اجت بسمه حاولت وياي حتئ نروح للنادي گتلها مالي خلگ خليني هيج مرتاحه

وره كم دقيقه رفعت راسي اتفاجئت بدخول همام للقاعه اكو كم بنيه اباوعلهن صافنات علي من دخل وهو ماشائالله هيبه بكل معنئ الكلمه

وكف فوگ راسي حط ادي ع الرحله دنگت
همام،،هذا جوابج?

لارا،،همام منا بنات رجائا

همام،،جاوبي

لارا،،گلبي صار يدگ سريع ارتبكت مااعرف شجاوب والبنات يباوعلي مااريد كلمه تجيني واني ماناقصه مشاكل

طول سكوتي الساني انعگد

همام،،هذا هو وصل جوابج

لارا، ،تركني وطلع. اتحسه راح ينفجر من العصبيه
صارلي 4اشهر من اتعرفت علئ همام اول مرة اشوفه هيج عصبي
كمل اليوم ماشفته ابد
مرن يومين وهو لايتصل ولاحتئ اشوفه بالكليه
من صدگ افتقدته ك صديق افضفضله بنهاية اليوم الاشياء التغثني
كان متفهم ويشرحني بدون مااحجي كانه دارسني دراسه مفصله

مرتين اتصلت ميجاوب
دخلت علئ بروفايله ناشر مقاطع مال هوسات واهازيج عراقيه لمناسبات مختلفه
ومن ضمنهن قصيدة المرتضئ حرب
كاتب جواها

روحي درب مامسحوگ
وبس المثلي يندلني

اكو صوره اله لابس زي عربي يلوگله اليشوفه يگول عمرة جبير مومال طالب مرحلة رابعه

دزيتله رساله

موعلئ اساس اصدقاء?

بسرعه طلع عندي مرئي يطلعلي جاري الكتابه
بس ماكو كلام يوصلني عرفت يكتب ومتردد يدز كلامه

اخر شي دز

همام،،شتردين لارا?

لارا،،اريد اشوف همام اليضحك دائما

همام،هذا هو يجرالج التردي
لارا،،وليش تحجيها من ورة خشمك?

همام،،لارا اذا تعزيني خليني ساكت مااريد احجي وتالي اخسرج

لارا،،اوك براحتك

همام ،اي اشلونج?

لارا،،بخير الحمدالله انته اشلونك?

همام،،اذا تردين اجاملج راح اگلج زين

لارا،،مااحب المجامله

همام،موزين ابد

لارا،،جريت نفس موناويه اخسرة حلوة صداقتنه
گتله ماافيدك

همام،،وحدج اخذتي هذا القرار وگلتي ماافيدك?
شمدريج باليفيدني انتي?

لارا،،بعدك شاب الف وحدة تتمناك

همام،،واني اتمنئ بس وحدة الي هي انتي ماريد الالف

لارا،،،هم انحرجت مااعرف اجاوبه
همام،،ضلي ساكته احسن

لارا،،ليش ماتجي للدوام مثل قبل?

همام ،ماضل شي وماراح تشوفيني ابد

لارا،،شنو قصدك ?

همام،،ماكو شي مهم
اخذي راحتج لارا

لارا،،تركني ونهئ المحادثه
اتمنيت نبقئ هيج اصدقاء بس هاي لعنتي دائما اخسر الاحبهم
وخاصتا ثقتي دائما انصدم بالشخص الاقدمها اله

ثاني يوم صادف جمعه ضليت نايمه
الساعه ب 4محمد گال حضرن روحجن اخذجن للامام الكاضم عليه السلام

صدگ فرحت لان ماطالعه حدي للكليه وبس
لبست بنطرون وفوگه تيشيرت طويل لفيت حجابي ولبست حذاء افلات

امي لكيتها طالعه گاعدة بالسيارة تنتضرني
اخذت عبايه وياي لان الينطوهن بالامام اكبار اضل اتعثر بيهن

اني وامي دخلنه من جها ومحمد من الجها الثانيه
ردت اشكي همي وحدي بعيد عن امي
رحت گعدت يم الشباك لزمته وبجيت
گتله ياالله بحق صاحب المكان عندك
تشيل حب راهب من گلبي اطلعه نهائيا وتخليني انساه

صرت اناشغ بالبجي گوة احجي
اتمتم بكلام بيني وبين نفسي
كملت الدعاء لگيت الساني يلهج بااسم الله طول ماجنت گاعدة الساني لااراديا يردد اسم الله
ياالله ياالله ياالله

طلعت برة واني اردد الاسم باوعت اكو مرة كاعدة ويمها كم مريه يحجن وياها
عبالي عائله تزور
رحت گعدت قريبه عليهن

المرة صايرة گبالي كل شويه ترفع راسها تباوعلي
بيدها قلم اورقه
كل ماترفع راسها تباوعلي بقهر ادنگ اتهز راسها بااسئ كانه مقهوره عليه
اخر شي اشرتلي بمعنئ تعاي

گمت كعدت كدامها

ابتسمت بوجهي ابتسامه تريح النفس وجها فره مثل منگول من اهل الله مبين عليها انسانه خيرة

سالتني

المرة،،شسمج خاله?

لارا،،دنگت گتلها لارا
المرة،،اسم امج

لارا،،سعاد

لارا،،فتحت ورقه بيضه مابيها خطوط كتبت اسمي واسم امي رجعت سالتني انطيتها مواليدي

كل ماتكتب ارقام وحروف متقاطعه تهز براسها بقهر
طلعت من كل حرف من اسمي حرف ثاني

اخر شي اتكونت كلمه من اسمي واسم امي ومواليدي

شالت الورقه خلتها گدامي گالت اقري

مكتوب جوة الاسماء

عمل شيطاني بفعل البشر

كزبر جلدي گتلها ش شنو هاي خاله?

المرة،،خاله اكو وحدة من المايخافن الله عينها علئ زلمتج وهي المسويتلج العمل بااثر منج

لارا،،و وشنو الاثر?

المرة،،شال من ملابسج ماخوذ منج بدون ماتدرين

لارا،،اتذكرت الشال اللبسته بيوم عقدي اني وراهب
من دخلنه اني وياه للاستقبال جرة مني وشمرة من دخلن غزل والمرة الثانيه الي جانت المفروض اتكون عمتي بعد مالگيته شگد دورت بس اختفه
اي اكيد غزل منو غيرها

المرة،،اي يخاله ماخذة هدمه من اهديماتج مسويتلج بيها عمل شيطاني الله يكفينه شرها
وهلعمل دافنته بالمقبرة
مخليه حياتج معلعله تحجين شي وتسوين عكسه
مثل منگول متناقضه بااتخاذ قراراتج ومامرتاحه ابد

بس اسالج سؤال

انتي شمسويه لبو فاضل وهلگد واكفلج?

لارا،،ارتعد جسمي رجفت واخذني العرگ
گتلها ش شنو يعني?

المرة،،جاي اشوفه فدوة لسمه واگفلج بهواي مواقف ومخلصج من مشاكل
الدرجة اليضلمج اليوم ثاني يوم يسطرة العباس

بجيت مااتحملت كلامها اكبر من استيعابي
منو اني حتئ يوگفلي سيد شباب اهل الجنه العباس فدوة ل اسمه
رجعت سالتني گالت ماجاوبتيني علئ سؤالي شمسويه وهيج واكفلج بالشدات?

حجيت من بين دموعي جسمي كزبر
گتلها من اروح ل لكربلاء وازور
اول ماازور الامام الحسين عليه السلام
ابتسم من اشوف ضريحه تحسين الحسين گلبه بارد ومن تحجين وياه ماتخافين تحجين براحتج ومبتسمه
بس من اروح ازور الامام العباس ازورة مدنگه وخايفه كانه جاي يشوفني
اخاف منه وابقه مدنگه مااگدر ارفع راسي
احبه كلش واخاف منه كلش لان العباس بالحگ مايتفاهم من هذا سمو ابو راس الحار
حتئ من جنت طفله واسمع من اهلي بمعركة الطف
اكو جانت عدنه صور للامامين شفايفهم مفطرة من العطش
جنت طفله فهمي علئ گدي
اترس الگلاص ماي واخلي يم الصورة ع الميز
كانه يباوعولي
احجي وياهم بصوت ناصي
اگلهم جبتلكم ماي اشربو واذا متگدرون اتشربون گدامي اني حطلع واشربو وراي

مرات اجي الگه الكلاص نصه مي افرح واخبص البيت اگلهم شربو بعد مايعطشون
ابوي يگلي بابا والله اني شربته
اگله لا همه شربو لتجذب عليه

صرت احلم بيهم اهواي
كبرت واني اهابهم

المرة،،اسمعي يمه امهات الردة والمايخافن الله اهواي
ويهجمن بيوت غيرهن
اني من زمان اتعلمت شغل الطلاسم من امي العلويه

ماناخذ افلوس لان ناذرين ادينه لوجه الله تعالئ

ماراح انطيج بخور ومن هاي السوالف
راح انطيج علاج اقوة من كلشي

اكتبي سورة (ماجئتم به السحر أن الله سيبطله ان الله لايصلح عمل المفسدين )صدق الله العضيم
ماكو علاج احسن من كلام الله اكتبيها ييمه وشيليها حرز بصدرج وراح ترتاحين انشاءالله
ماعدنه غير الله واهل بيته نستنجد بيهم من اليسون اعمال السوء الله يكفينه شرهن
بس طريقج طويل بنيتي راح اتعبين وتصادفج اهواي عثرات
خلي ايمانج بالله قوي وانشاءالله تتجاوزيهن
لارا،،جريت حسرة گتلها خاله يعني اكو بعد عثرات اكثر من الشفتهن ?
المرة،،گولي يالله بنيتي ربج مايسد باب اذا مايفتح باب وبعدين جل جلاله يگدر بعضمته يقول للشي كن فيكون يعني بدل ذني العثرات الشفتهن راح يخلي بدربج السعادة انتي بس اتفائلي
واذكري قول الله تعالئ
تفائلو بالخير تجدوه

لارا،،ونعم بالله
ارتاحيت بكلامي وياها امي جوة بالامام تصلي لهلها ولبوي
طلعت امي كتلها اني حروح للحمامات اغسل وارجع خليتها تگعد تنتضرني بين ميخلص محمد يضل يصلي لبوي ويهديها اله

رحت للحمام دخلت من ردت اطلع انضربت بمرة بس الصدمني من شفتها

غزل

غزل،،اشلونج لارا?

لارا،، لابسه ملابس مال عماملات النضافه اتذكرت راهب گال تشتغل بالتنضيف بالامام الكاضم عليه السلام
غمضت عيوني بتعب گتلها سؤال

ضميرج مرتاح?

جرتني علئ صفحه حتئ النسوان ماتسمعنه
دموعها بعينها شالت طرف حجابها مسحت وجها

غزل،،لاوالله مامرتاح

لارا،،شالي عندج مو?
فتحت عيونها متفاجئه ماتعرف تحجي
دنگت غمض وهزت راسها بمعنئ اي
گتلها مااذيتج بشي رغم انتي كتلتي طفلي مافكرتي يمكن اموت وياه بااعشابج الجبتيهن
بالعكس صرت ابجي وياج من مات ابنج

وغير كل هذا اطلعين مسويتلي عمل

غزل،،والله هلشي صار من زمان من يوم العقد مالتكم جنت احبه مااتحمل انطي الوحدة غيري
اول شخص واخر شخص لمسني راهب
فتحت عيني علئ عيشه وصخه لاام لااب لااخ يسندني ويحميني انولدت واني صفر بالحياة مالي احد
حبيت راهب حب بس الله يعلم بي ماانكر جان يمي وباله يمج وادري يحبج مايحبني مجرد نزوة لوعلاقه عابرة اني بحياته اهواي حاولت وياه بس مافاد بقه متمسك بيج مالگيت حل غير اتبع طريق الشيطان نسيت الله وعقابه