عالم البنات🙈🎀

#ثأر_الضابط

#البارت 29 -

كان يطيل النضر اليها وهي تتحدث
كما لو ان عينيه هما اللتان تسمعان

،،،،،،،،،،

لارا،،اا اتركني
راهب،،والله محتاجج صيري احسن مني لترحين
لارا،،اترددت ردت انهض لزم ايدي حيل
راهب،،ينطيج كلبج تعوفيني مريض وتگومين?
لارا،،بقيت ساكته وجهي بوجها قريب مني كلش نفسه صاير نار
مخلي راسه علئ اثنين امخاد سحب وحدة حطها بصف الثانيه اشرلي بمعنئ نامي
راهب،،لتخافين وغلاتج مااسويلج شي بس نامي
لارا،،ابتعدت عنه نمت بالنهايه ع الطرف جبت غطه الي اتغطيت انطيته ضهري ونمت بس گلبي من سرعته احسه سمع دگاته
اتمنيت اعرف رغم كل الاذيه والضرب ليش ماجاي اكرها ?
معقوله اكو هيج حب الدرجة الشخص ياذيك ويشك بيك ويعذبك وانته بعدك ثابت علئ موقفك بحبه?
اتمنيت اطلعة من گلبي حتئ ارتاح
نمت الفجر ماگعدت غير ااصبح حسيت ثگل علئ خاصرتي انتبهت وجان اشوفه عايف افراشه ونايم يمي متغطي بغطاي حاضني ونايم
انخبصت ردت اگوم شو هذا قافل ايدة علئ خصري فزيت من سمعت صوته وهو نايم
راهب،،لتحاولين ماتگدرين
لارا،،اتركني اريد اگوم
راهب،،خليج شويه
لارا،،راااهب
فتح عيونه دفعني بخفه وصار نص جسمه فوگي
ايدة المجروحه يم راسي والثانيه لازم بيها ايدي
ضليت صافنه بوجها جر نفس
راهب،،احلئ صباح والله
شگد جنت غبي بالسويته بيج حسيت خسرتج ردت اتخبل عفت امي والناس والكل واجيتج شايط
لارا،،وخر عني اريد اگوم
راهب،،وغلاة امي عندي رايد نفتح صفحة جديدة انطيني فرصه وحدة اعوضج بيها كل الصار فرصه موااكثر
لارا،،غوشت عيوني گتله مااگدر صعب
راهب،،والله انتضرج لو اضل طول عمري انتضر اتسامحيني هم اگول عندي امل يخليني مرتاح
لارا،،مااعرف شحجي الساني اتخيط
گتله جسمي يوجعني من ضربك بس وخر عني
ميل جسمه شويه جر ايدي باسها بهدوء
صار كل مايشوف اثر يبوسه
دفعته وگمت جسمي يختض باوعت بالمراية غميت روحي غبيه تحبين المهانه بعد كل ذاك الضرب وبعدج تضعفين كدامه

الساعه ب 7اجه قاسم جايب ريوگ وياه استحي اكل وياهم صبيتلهم واجه راهب اخذ الصينيه حالته احسن ابتسم غمزلي وطلع
كعدت بالمطخ شربت جاي اكلت لكمتين
وطلعت لبست حجابي لفيته عدل وعباتي اخذت جنطتي دخل راهب گال ياالله انتبهت ماماكلين شي بس شاربين جاي
طلعو كدامي طلعت وراهم قاسم راح صعد بسيارته واحنه رحنه السيارة راهب فتحت باب كشن الورة وصعدت قبل ليتحرك عدل الجامه الجهتي
راهب،،تعاي يمي
لارا،،شكرا اهنا مرتاحه
لبس نضارته شغل السيارة وانطلق قاسم يمشي گدامنه
صارت الساعه 9ونص وصلنه لنهاية الحلة قريب الكفل دگ موبايله
راهب،،ها ولك
اي شوفلنه مطعم خل ننزل كلنه نتريگ
لارا،،نهئ المكالمه شويه وانتبهت القاسم صف سيارته گدام مطعم وراهب صفها وراه
نزل
راهب،،انزلي نتريگ
لارا،،مااشتهي اتريگت
راهب،،انزلي بويه السيارة حارة تبقين بيها
لارا،،فتحت الباب ونزلت وراه دخلنه الجناح عائلي
گعدنه كلنه سوة قاسم عدل الكرسي الجهة راهب بحيث منطيني نص ضهرة يعني وجها مو للميز گاعد صفح خاف استحي اكل گدامه
جابو الاكل مشاوي مااكلت
راهب،،اكلي
لارا،،شبعانه
مد ايدة سوالي لفة انطاها الي استحيت اردها وافشلة اخذتها ابتسمت علئ كلام قاسم عبالك عندة عيون يمنه
قاسم،،ياصلاتك يامحمد اليوم الاجواء ورديه الله يستر
راهب،،بس لااطگنه ابعين من غبشه واحنه مابينه شي جفيني شرك
قاسم،،هههههههه والله اخاف منك ماتنحزر ساعه ترعد وساعه تسوي لفات
راهب،،انجب زمال اذا مرتي ماتتحملني منو يتحملني غيرها
قاسم،،شريد غير الله يهديك عليها
راهب،،اطلع من السالفه وماعليك
لارا،،رجعو يتناگرون واني مبتسمه علئ سوالف قاسم نفس خطيبته اثنينهم اسبورتيه
كملنه ردنه نطلع طلع قاسم كدامنه واني وگفت ردت اخذ جنطتي وگف گدامي رفعت راسي اباوعله مد ايدة عدل حجابي ابتسملي
راهب،،شعراتج طالعات من الحجاب
لارا،،عافني ومشه كدامي طلعت وراه ردت افتح الباب الورة ماانفتح كاعد ومقفل السيارة
خزرته افتح الباب
راهب،،البيبان الورة عطلن تعاي اهنا

لارا،،عرفته مقفلها مد ايدة فتح الباب اليمه الجو حار انصگع راسي من الشمس فتحت الباب وگعدت يمه
راهب،،نسوان ماتجي اله بالعين الحمرة
لارا،،حجاها وطگها ضحكه
بدة يسوق شال ايدة المتصوبه حطها بحضني
ردت اوخرها
راهب،،صارت تاذيني عوفيها هيج احسن
لارا،،اشلون حيال. گتله وخرها
راهب،،حاطها بحضن حلالي ماعليج انتي
لارا،،موحلالك حجيتها بدون قصد
راهب،،انه اخوك جا حلال منو انتي?
لارا،،عضيت شفتي علئ جفصتي

245 views17:29