#للقدر_رئي_اخر

#البارت20


فاهي الليل يمهم حتى مابي لون

ولا بي طيف يرهم عالجفن رسمه

ماصخ مستحاهم وآني مالح طيب

اليتبده وي غيـري بروحي مالمه

بيها آعناد روحي وي الهوى من يفوت

اذا يثـكل علـيّ لو مــوت مــا شمه

ورود::نصدمت واني اشوف سميه فتحت الباب دموعها ع خدهاوخدها احمر عليه طبع اصابع
خزرتني دفعتني ونزلت ركض بقيت ع وكفتي
واني اشوف فهد صاير نار

باوعلي دخلت سديت الباب ....شبيها سميه وشسوي يمك

فهد::مسووي شي ختولي لتهتمين االها

ورود::شنوو ماهتم داخله بغرفتك وطلعت من يمك تبجي شعدها وياك

فهد::كااافي ورود كتلج مااكو شي
ورود::هااا يعني لو شايفني اني وياسر بغرفه وحد....قبل ماكمل ضربني راشدي

فهد::اللللف مره كتلج لاتقارنين
ورود::دفعت ايده ودموعي خانني ونزلن ...وووخررر حقيررر الله يكسر اددددديك وخرررر عني ... اصرخ وهوه يحاول يسد حلكي لان كلهم سمعو صوتي

فهدد::اششش سدي حلكج بت ال...انعل....

ورود:: ابجي بحركه واوخر بايده من حلكي ثنينه كاعدين بلكاع ضهري علحايط هوه مقابيلي وايده ح حكلي ...من حركة كلبي عضيته بايده حيييل غمض اعيونه ومشال ايده
....
ندك الباب واحنه ع نفس كعدتنا ردت اوخر مخلاني كالهم
فهد::روووحو ماكو شي
ام اطياف::فهد شبيها ورود
فهد::ماكوو شي خاله روحي
ام اطياف::فهدد راح ادخل
فهد::خااله كتلج ماكو شي روووحي
ام اطياف::وروح مجبل ماتحرك خلني اسمع صوت البت ولك يمه بس لاكتلتها بيبيتها كلبها غادي نار عليها

فهد::راح اشيل ايدي من حلكج كليلها مبيه شي
ورود::هزيتله راسي ..اي اول مشال ايده صرخت ....رجع سد حلكي

ام اطياف::ووولك فهد
فهد::وعلي بن ابي طالب اذا مارحتي الا انزلها الكم جثه
ورود::سكتت ام اطياف يمكن نزلت ...عيوني بعيونه بلكوه اشوف من الدموع
...سحب المسدس من خصره
فهد::وروح امي ياورود لو عليتي صوتج ماخسر بس طلقتين وحده براسج وحده براسي

ورود::هزيتله راسي بمعنى لا ماحجي وخر ايده من حلكي
باوع عليها صايره حمره من عضتي
جررر شعرري حيل حتى ماعطت لان المسدس بايده

فهد::شكم مرره كتلج لاتعيطين ولاتعلين صوتج عليه
ورود::اكتلني ....رفعت ايده الازم بيها المسدس خليتها بكصتي
ارجف من الخووف ....أكتلني ...يحاول يسحب المسدس ويوخره مني واني مجلبه بيه
وادوس باصبعه ع الزناد

فهد:: عوووفي تخبلتي ووخريي مامأمن
ورود::سحب المسدس حييل وضربني راشدي
فهد::حيووووانه مامأمن شون تسوين هجي
ورود::مو انته تريد تكتلني خلص موتني خلي ارتاح منك
فهد::ووعبالج اذا متي ترتاحين مني وياج بنفس الدقيقه
ورود::اعتقني فهد تعبتت منك
فهد::انتي دتعبين نفسج... الف مره كتلج لاتقارنين ولاتعلين صوتج ليش ماتفتهمين
ورود::مجرد كتلك تخيل ضربتني لعد شون تريدني اسكت واني اشوفها طالعه من غرفتك وتبجي
فهد:: لجج نعالج والله ماردتج دوخين راسج بسوالفها
ورود::بجيت بحركه واضرب ع صددره واحجي شيش بيش
سحبني الحضنه ويمسد ع شعري
فهد::اششش يروحي ولج تموتيني بدموعج
ورود::تمدد ع الارض وسحبني الحضنه هدئت شويه ومحد بينا يحجي تقريب مرت نص ساعه كتله ....ليش مازوجتها

فهد::منو
ورود::سميه
فهد::شنو سميه شبيج مخبله انتي
ورود::موهيه تحبك
فهد::شدتخربطين ورود
ورود::سميه تحبك من زمان وهيه الساعدتني اشرد قبل حتى تبقى انته الها

فهد::شنووو شنووو اكعدي بله

ورود::كعدت وكعد مقابيلي
فهد::احجي بتفصيل
ورود::حجيتله كلشي وكل حجي سميه
فهد::جا شكد غبيه انتي
ورود::ليش
فهد::تدرين بليوم الشردتي بيه جنا سهرانين اني ولولد بديوان واجت سميه تركض كالت شفت ورود تحجي ويا ولد وكالتله انتظرني بلبستان اجايتلك وهسه طلعت ...

ورود::فكيت عيوني ومامصدكه اليحجيه معقووله اكو هجي بشر شردت الخاطرها وهيه اجت فتنت عليه

فهد::بحياتي مشفت بغبائج
ورود::شنو رادت منك هسه
فهد::راح اضوجين اذا احجيلج
ورود::ميخالف
فهد::اول مدخلت الغرفتي نفتح الباب عبالي انتي لتفتت شفتها سميه....ها سميه محتاجه شي
سميه::هاا لا بس اريد اكلك شغله
فهد::احجي شبيج
سميه::ورود
فهد::شبيهاا
سميه::شون مزوجها انته متخاف تعوفك وتشرد مثل قبل
فهد::أكلي خره لا اجي اكسر سنونج بحلكج اطلعي برى
سميه::بس فهد هيه سوتها قبل ولاتنسه ترى حبيبها نفس المحافظه يعني حتى تكدر اجيبه البيتك
فهد::متحملت كلامها ضربتها راشدي ...ولخلقج لو طخين ورود بحجايه امحيج من الوجود ...هيه طلعت وانتي اجيتي
ماردت احجيلج حتى مضوجين وتحقدين عليها

ورود::فهد يحجي واني دمووعي تصب معقووله هاي شبيها شكد جانت حبابه وياي
شبيها هسه ....فهد لتتخيل بيوم اع...خله ايده ع حلكي

فهد::اششش ختولي لتهتمين الكلامها اني واثق بيج

ورود::وخرت ايده لا فهد خلينني احجي...صح حبيت منتظر ..بس والله من يوم العقدنه منتظر انتهاا بنسه الي
انته صرت ماضيي وحاضري ومستقبلي
وحبييي وزوجي يمكن بالاول جنت اكرهك بس والله هسه احبك يكولون الكلب يحب مرره وحده مااعرف الفاات شنو بس اكيد مووحب لان الحب داعيشه وياك

فهد:

روحي ترفه

وليلي بارد

وصدفه مريتي بدماغي

وچان الف شيطان گاعد 😍🙈

،،،،،،،،،،

#ثأر_الضابط


#البارت20

،،،،،،،،،،،،،
لارا،،ثاني يوم كعدت من وكت لان العرفته اخوات راهب جايات هنه واولادهن

كلت خل اساعد ام راهب وفاطمه بالطبخ

عدلت فراشي واخذت ملابس اتراك زيتوني وحجاب ونزلت لگيت بس ام راهب وفاطمه صبحت عليهن ودخلت للحمام اسبح محترة
كملت وفرشت اسناني ذبيت ملابسي بالغساله بين ماكملت تمشيط واني واگفه بالحمام
لفيت شعري وخليت حجابي علئ راسي وطلعت رحت للمطبخ گعدت يمهن

ام احلام،،بنيتي الجاي بعدة حار ويمج صمون وكيمر جيبيهن وتعاي اكعدي اتريگي

لارا،،اخذت شويه كيمر خليته بالصمونه وصبيتلي كوب جاي وكعدت يمها اتريگ

ام احلام،،بنيتي لاتستحين يبعد عمتج ترة صار بيتج هذا والعصر هم يجن اخياتج احلام وزهرة
اريد الاكل من ايدج وايد فطيم

لارا،،حلو اسلوبها يحسسني بالامان وخاصتا اجواء جديدة وحياة جديدة اسلوبها يخليني اتصرف علئ طبيعتي عبالك صار سنين عايشه يمها

كتلها يعني يجن ع الغدة لو ع العشه?

ام احلام،،لابنيتي يادوب يوصلن العصر بالبصرة وبعيدات كل كم شهر يجن كم يوم ويرحن

لارا،،كنه نحجي دخل وهو محمل بالمسواگ

راهب،،اشلونهم

لارا،،اني وامه ماجاوبنه بس فاطمه ردت بصوت ناصي وعينها علينه لان ماجاوبنا
راهب،،ضلي يمه لاتحجين وياي عود الطمي زين من يجيبوني ملفوف بالعلم

ام احلام،،لااول الماتو ولااخرهم بالعافيه عليك اتموت شهيد قابل مثلنه مانعرف اذا انموت نندفن لوتاكلنه الجلاب ومحد يدفنه
راهب،،والله گلبج اسود حجيه بالجذب گولي عمرك طويل

ام احلام،،شگد نريد انعيش تالي نموت وكلنه نروح الذيج الحفرة الضلمه الي ماينفعنه بيها لاولد ولاتلد

راهب،،شسالفه حجيه كالبه الموجه اليوم بس گولي اشلون ترضين حتئ تنفض الطلابه

ام احلام،،شوكت ماتسوي العرس وتستعجل ذيج السااعه ارضه عنك

راهب،،والله دريت ورحت للنجار اشتريت غرفه عارضها للبيع وباجر يجيبوها
والتجهيزات الباقيه يوم واحد يخلصن

لارا،،مابگلبي اي مشاعر عبالك يحجون علئ عرس واحد غريب موعرسنه اني وياه

بقيت مدنكه واكل ماباوعتله ولاحتئ بنضرة وحدة

اسمعه يدردم بصوت ناصي بس ماافتهمت شي
للضهر سوينه نواشف وام راهب ماتاكل دهن اكو مرگه مجمدة گالت احمنها الي واثردنها

گعدنه نتغدة وهو منطلق ويضحك واني مويمه
وحتئ امه تحجي بس وياي

تالي عافنه وطلع للعصر اندگ الباب راح ضرغام يفتحه

سمعت صوت هوسه مال سلام
شويه ودخلن نسوان ثلاثه وحدة شابه واثنين اكبار

سلمن علئ امهن وعينهن مني جنت واگفه علئ صفحه

سلمن عليه من بعيد سلام عادي

رحت للمطبخ حتئ اجيبلهن ماي بارد
سمعت وحدة منهن عاطت

احلام،،منوووو

ام احلام،،مرت اخوج واسكتي لاتسويلج سالفه

احلام،،يمه لاتخبليني شوكت عرس راهب ومعقوله سوة عرسه بدون مايحضرن اخواته?

ام احلام،،يمه توج دخلتي اخذي نفس جايه من طريج بعيد بليل نتعشه واحجيلج

لارا،،اخذت الماي الهن قدمته واثنينهن يباوعلي من فوك لجوة شكيت بروحي لبسي بي شي من نضراتهن
بعدها گامن اجن للمطبخ بس امهن يمنه گعدت ماانطتهن مجال يستجوبني وفعلا شكلهن مثل المحققات يضيكن عيونهن مثل اخوهن اتحس نضراتهن يدرسن بيها الشخص الگدامهن

اني استلمت الزلاطه سويت بيها اشكال حلوة احب اتفنن بهيج سوالف
والفواكه هم سويتهن علئ شكل ورد

كملت وفاطمه رادت اتسوي محلبي گتلها جيببها اني اسويها راح تحبيها اكيد لان كل وحدة من تطبخ يصير طعم الاكل يختلف عن طبخ الثانيه يكولون الاكل يتبع النفس

ردت بس اشتغل حتئ اكسب ودهن مبينات شرانيات كل وحدة اذا اوكف يمها تحطني جوة ابطها

خليت الحليب بالجدر وفوگا النشا وشكر ماكثرت
اجه ضرغام حجيت ويه فاطمه لان فشله اطلب منه كتلها خلي يجيب علبة نيوتلا بالككو ونكها الچكليت

راحت فاطمه حجت وياه وفعلا جابهم واجه انتضرته لمن جابهن اخذتهن من ايدة خليت ربع النيوتلا فوگ الحليب وخاشوكه مال اكل نكها
وخليت ماي خبطت المواد كلهن وخليتهن ع النار بس بقيت واكفه احرك بالجدر وفاطمه يمي
تحجي بس موكلش يعني حد السؤال والجواب

راحت حضرت مواعين صغار بين ماربطت المحلبيه وثخنت صبيتها
ضرغام مااتحمل ايگول الريحه اتخبل اخذ ماعون وهو حار ياكل بي
ضرغام،،يمه بس ضوگي الطعم غير فد شي
قابل مثل محلبيتج امفصفصه ماتعرفها حلقوم لومحلبي لوريحة عطاب طالع منها لاجعه

احلام،،اكل واسكت لاتضل اتعيب

لارا،،ابتسمت علئ سوالفه كملت وخليتهن علئ صفحه وفاطمه طبخت تمن ومرك باميه
وضرغام اخذ اللبن وزعه بالدوالك

حلوة المشاركه اتغيرلك الجو لان نضحك ونشتغل

بعدها الكل كلمن راح اتوضه حتئ يصلي بس هو ماشفته من الضهر

خفتا وراحه حتئ احس روحي مامتقيدة اتصرف علئ طبيعتي

التمينه كلنه ع العشه وهو بعدة ماجاي

اباوع بوجهن مبينه بيهن سالفه من ملامحهن
يردن يعرفن سالفتي فضولهن واضح مثل عين الشمس

اخر شي كملنه وضرغام واخته ريحانه نقلو المواعين
فاطمه جابت الجاي وزعته