الشيء الجميل الذي يميزهم عن باقي الأبراج " #الروح "♥️✨
#الجدي
#الحمل
#الدلو
#الثور

قۣۗـۙصۣۗـۙصٍ 📖ۆبۣۗـۙسۣۗ 💯

#غصـبوني_آعشـگگ

#البارت7

الكاتبة رفل الكناني

دك أكثر من 8 مرات مجاوبت داغلقه ودكت سمر جاوبت

الووووووو

اذا سديتي قسم بالله اجيج للبيت لو مو مصوب

شتريد

بس خل افهمج

ماريد افتهم ولا اريد احجي وياك كل البينه خطبه كدام الناس باجر ادز الذهب وكلشي يرجع بمكانه

اندمج والله
كافي تهدد تعبت منك ومن اسلوبك وتصرفاتك

شتردين اسوي من باجر نعقد

لو تموت بعدنه متزوجنه وتخوني من نتزوج شسوي وينني من هذا كوله هذا معناهه اني ولا شي بنضرك

انتي كولشي

كذاب

والله العضيم صارت كعده مال شباب وصار الي صار إلى اكولج جنت اتخيلج

هههههه هاي الجذبه صارت قديمه وسامعيه هواي ياهو ليخون يبرر جنت اتخيلج تقبل انام ويه واحد واكولك جنت اتخيلك؟

بنت الكلب بنت القندره اجي اطيح حضج وانعل والدي............. مخليته يكمل سديته وقفلت التليفون وشمرته

خليت راسي بين رجليه وبجيت بحركه شوف الدنيه البارحه ابجي عليه واليوم ابجي من وراه والله لو ميت ولا هيج مسوي شكد ماجنت أكرهك قبل كمت أكرهك أضعاف بيومه للصبح منمت منا اني نايمه للصبح جنت بس صافنه واتكلب للسبعه الصبح إلى غفيت ونمت 4العصر كعدت نزلت جوه امي توه جايه
يمه وين جنتي

بيت عمج وديت الذهبات وسولفت العمتج بماء انزلت وكتله هايه كلمن يروح بدربه واجيت

ماسلته شكالو ولا هيه حجت ماريد اسمع كولشي عفته وكمت للمغرب اجتي سمر وصله احمد وراح كعدنه سوه كالت

ولا تهتمين خيولي همزين الله بينه من البدايه مدام عنده هيج سوالف لاتصدكين يعوفهن وره الزواج هيج نماذج هاي السوالف تمشي بدمهم بعدين انتي الف واحد يتمناج شجابرج مشايفه منه وجه حلوو وممهتملج ويخونج وتتزوجي شنو قابل انتي بايره باجر يجيج اليسوه راسه
رتاحيت لحجي سمر جنت خايفه اخاف دكولي راح تثرين عليه او تخربين علاقتنه بيت عمي بس صار العكس شفت اختي محترك كلبه عليه دنحجي وندك الباب عمي وعمتي كتله سمر

راح اصعد فوك ماريد اواجه أحد ولا اريد انزل سمعتيني يمه انتي تصرفي عفتهم وصعدت لهناك وصعدت عمتي اني قافله الباب دكته دكته مفتحته

بنيتي قمر افتحي الباب بس احجي وياج وعمج جوه يريد يحاجيج يمه خل نتفاهم موهيج احنا اهل وهوه شاب وسافر وغره الشيطان وداعتج تنسيه وتصير سوالف والله تتزوجون وتملين عينه انطي فرصه والله عفته مريض ويون من صوابه واجته هاي السالفه تعوذي الشيطان ونزلي وياي يم عمج فدوه لعينك والله مابي يصعد الدرج يحاجيج لخاطر وكفتي هاي كدام الباب افتحي
سديت اذاني ماريد ماريد اسمع واضعف خليني هيج احسن كافي إداري خاطر هذا وذاك واني محد يداري خاطري لاتفتحين الباب قمر ابقي مصره عل قرارج همه كم يوم وينسون بس انتي اذا تزوجتي متنسين هذا الموقف

حجت حجت لحد ماتعبت وراحت وره ساعه اجتني سمر كالت افتحي الباب راحو فتحته كتله اي شي لاتحجيلي ولادكولين شسولفو ماريد اسمع خلص همه راح يضلون يجون ويحجون وماريد اسمع اي شي وفعلا يومين ضلو يجون يردوني بس اطلع مطلعت وره سمر كالت عمي كال عوفوه بعد هايه لاتجبروه تره يتيمه وعده حوبه خليه عل الله جوز مالهم قسمه سوه بس تعارك هوه وفهد وصارت للضالين وفهد تعرفي مخبل كام يشيل ويكسر لحد ما طك الخياط لبجتفه وكام ينزف وأخذه احمد خيطو من جديد
كافي سمر الله عليج لاتجيبين طاريه بعد لاهسه ولامن تجين بلجايات راح امسحه من حياتي واعتبر مصار كول هذا وارجع قمر القديمه الحره الي باله صافي وبس بل دارسه وبس

بس الواحد وين يكدر هذا عقل مو اله لازمه بيدك ومن اطفيه ينتهي كلشي افتح الكتاب واقرأ اقرأ هناك ويدور الصار بالي وأذكر هواي كلمات متوقعته يحجيهن وحجاهن بلوقت الضايع

تخيلتج انتي

او

شتردين اسوي

او
من باجر نعقد

او

انتي كولشي

كلمات ضلت تنبش بكلبي كمت احمس بروحي لمن اذكرهن بس ادوس عل كلبي

ومرت الايام وامتحنت وكعدت انتضر النتيجه وأول مره اخاف منه لن ادري بروحي بالي مو مثل كل مره وانتضر وانتضر والحمدالله نجحت بمعدل مقبول صحيح مو الجنت احلم بي بس اهون موزين جبت معدل يدخلني كوليه وهاي المصايب فوك راسي سرى صديقتي نجت وياي وقدمنه سوه عل كوليه
علاقتنه بيت عمي طبيعيه الحمدالله مخربت يجونه دائمين مثل قبل ويتعللون بس اكيد مو فهد يعني عمي عمتي ساره رسل احمد وسمر يوميه يمنه

رقمي غيرته وحتى الفيس وكل البرامج اخاف يدك عليه ومتكده ميسويه لن سمعت سمر وامي يسولفون عود اني كلت ماريد اسمع طاريه بس من سمعتهن بقيت اسمع للاخير كايللهم طبه مرض اني هم بعد ماريده لو يصبوه كدامي ذهب

(قندره تروح وقندره تجي )

اكثر كلمه قهرتني من سمعته متندمت ولا لحضه لن عفته وايقنت انو قراري صحيح وبمكانه

اليوم السنه مال ابويه وامي متعوده كل سنه تسويله عشه وتعزم بيت عمي هاي العده مبطلته من 10 سنين وتوزع عل روحه لجوارين هم فسوينه الثواب واجوي كلهم عده فهد جنت لابسه تراك زيتوني وشعري لافته بسيط بس حافه علمود الكليه حافه كامله وجهي طالع يشع لن جنت

ماشيل حواجبي بس احددهن هاي أوامر الوالده طبعن بس هسه لا سمحتلي فطالعه غير شكل واكفه عل سنك وعمتي تطبخ ويه امي وسمر تنضف الخضره هيه ورسل اجتني ساره من وره حضنتني

هاي شنو عيني هيج ليروح للكوليه يصير حلووو

هههه عيونج حلوه وتشوفيني حلو حبي

عمي موبس حلو وصايره متفحه ومربره هنياله لينام هناء

وتلزم بصدري

وخري سخيفه شنو هل حجي طالعه عينج ولج

هههههه اروح فدوه للثكيل ولكم شوفو خدوده صار حمر
لتفتت كلهن يضحكن بس عمتي عينه مدمعه ادري بيه شكد تحبنه وتقريبن ربتنه ويه امي يامه ويامه أتذكر من تمشطلنه وتبدلنه من جنه صغار وتتمرض امي قهرتني هاي اللقطه عفتهم وطلعت لحد مكمنه انصب ونوزع وفرشنه سفره النه دانقل بلاكل وعمي كاعد يباوعلي ويبتسم ويحجي

عفيه بعد عمج

لو

فدوه ليدج

حبيبي عمو اموت عليك

وانتي عزيزتي واني كايلج

ههههه ادري بيك بعد روحي

الله يحفضج واشوفج دوم تضحكين هيج
لتمينه كولنه عل سفره واحمد يحشش

والله الاكل بشده عاشت ايدكم بس كون ذني المزعطه ماحطن اديهن بي طبعن عده مرتي أقصد قمر وساره ورسل

جاوبته

اي والله محطينه ايدنه هذا طبخ مرتك النادره الخلصته بس تمشي وتاكل واقلدله عليه

شوفو موكتلكم بعد شعبالكم عمي مرتي وبس ولاتهون امي وعمتي
كالت ساره

اي كل قرد بعين امه غزال هيه مرتك وين حركت نفسه

فديته المرتي اني كتله لاتعبين نفسج حبيبتي

تلاثنته نعيبله لاتعبين نفسج حبيبتي هستوك سويته منال العالم

ههههههههه ولكم غير اني ماحجي 😂😂

عمي كال
كافي دوختونه اكولو واسكتو احترمو الزاد

كله خنست كملنا وسوينه جاي ولمنيه المواعين وووووهوسه سمر كالت الامي يمه اريد اروح للدكتوره ضهري ذابحني كلتله امي تعالي باجر واواديج

المهم كملنا وراحو للبيت واني صعدت نمت ثاني يوم راحت امي ودت سمر وجابتلنه خبر يخبل

سمر حامل

اجتي فرحانه خابرت احمد واجاه بشرته طار من الفرح باركنالهم
هاااا بعد شتريد راح تصير اب بلكت تعقل

ولج قمر اني مخبل طاح حضج ولج مو سويتج خاله

يابه ليش تزعل أقصد كبرت كبرت

دسكتي اسكتي هاي دتكحليه عميتيه الله يعين إبني عل خالته المعقده

هههههه ماحاجيك اليوم انت فرحان بس اكولك مضغوط 😂

يايابه خل اسكت هذا قصف في منتصف الجبهه
اي اي احسلك

مرت الايام وداومت كليه الكليه غير عالم شباب وبنات وختلاط اني وسرى نفس القسم خليت خط يودينه ويجيبنه نفس خط ساره لن ساره مرحله 3 بس بغير كوليه فيمر فيذبه وبعدين يودينه فمره بلجيه ذبه يم الباب وجان فهد واكف يم سيارته فاتح البنيد من وكف الخط بتعد ضل يباوع للسياره اجتي عيني بعينه راسن صديت بصفحه ومشى الخط سره بصفي كالت

لادكوليلي هذا فهد اني شايفته بس من زمان
اي هوه

عزه بعينه شهل شخصيه يجيب التايهه

انلصمي وصلت بيته يله باي

الله وياج يلعميه اجزم انتي عميه مدام عايفه هذا الصاك

خزرته ونزلت

هاي اول مره اشوفه بعد الي صار نضرته اليه جانت بغضب ونفس وجه المعقوج مدري ليش ضجت من شفته عبالك ذكرني بلصار بيومه حيل تعكر مزاجي جنت ناسيته ومرتاحه نضرته عبالك دكولي اني اعلمج اووووووو اني من شنو خايفه شي صار وانتهى شيريد يسوي قابل ميخوف جلبي

مر اليوم وثاني يوم داومت جنت ماختلط بااحد غير سرى فاء بهل فتره تعرفنه اني وياه عل شاب كولش إنسان خلوق ومحترم بنفس مرحلتنه اسمه مازن اجه شكم مره استنساخ محاضرات منه فصرنه أصدقاء مرت نكعد ندرس سوه بلكافتريه منسولف شي غير الحاضرات والدراسه وهوه حيل ذكي من نحجي بلمحاضره يشرح كنما يشرح الأستاذ فكمنه هواي نكعد مره هوه ينزلنه شي نشربه مره احنا

فديوم كملنا محاضره ودنتمشى اني وسرى كال قمر اريد اكولج شي مادري انتي منتبهتله او لا

شنو سرى كولي

مازن

شبي

مادري بس اشوف هايم بيج

شنووووو لا انتي متوهمه بلكوليه كوله ماكو بأخلاق مازن
لعد اني ليش كتلج

مستحيل اني لو أحس بي هيج مااحجي وياه نهائي

وليش يعني

شنو ليش اني هناء جايه ادرس مو اسوي علاقه واتمعشك

والله مادري أنتي من يا كوكب جايه بس انتبهي عليه وهسه تصدكين كلامي

سالفت سمر شغلت بالي لا لا مازن ابد موهيج معقوله لهل درجه اني غبيه وممنتبه شدعيلج سرى خلت هاي السالفه بالي

الايام البعده كمت تركز عل مازن اريد اعرف كلام سرى صحيح ومن دققت عليه من نكعد الكاه صافن بيه لو يباوعلي ويبتسم ومره أخذت منه دفتره هذا نكتب بي ملاحظات من ندرس سوه فمن داكلب بي اقرأ واكو بي ورق من فوك مطوي هاي تصير بكل الدفاتر فااقره والعب بيهم بحركه لا اراديه اعدل بيهم اجتي عيني عل كتابه بداخلن ففتحتهن والكه اسمي مكتوب بخط أشبه بلشخبطه قمر قمر قمر بأكثر من ورقه

جمدت بمكاني بس لاحجي سره صحيح ضليت موهوه الى ان مره داومت وجنت بلمحاضره واليوم سره ممداومه طلعت امشي وحدي واجه مازن يتمشى

هلووووو قمر

هلو مازن

اشو ماكو سرى اليوم

اي ممداومه

هااااا تعالي نكعد بلكافتريا

لا والله مازن عندي استنساخ اريد اوح

مااخرج دقائق

يله امشي
يله

مشينا كعدنه بلكافترياء

شتشربين

تسلم والله ماشتهي

بقينه ساكتين شويه بعدين هوه حجه

قمر بدون لف ولادوران اريد اكولج اني معجب بيج وباخلاقج ومن اول متعرفت عليج دخلتي بكلبي واني ماريد احمد نفسي بس الله شاهد ماعندي سوالف هاي الشباب مال حب وتليفونات فجيت كبل كتلج واني سأل عليج وأعرف كولشي عنج حتى أعرف مخطوبه لبن عمج وفاسخين هذا الشي ميهمني الي اريد اكوله الج اني اريد اتقدملج عل سنت الله ورسوله لاتجاوبين هسه فكري والج كل الوقت وراح أتقبل اي قرار منج ......

يتبع...

قۣۗـۙصۣۗـۙصٍ 📖ۆبۣۗـۙسۣۗ 💯

#غصـبوني_آعشـگگ

#البارت8

#الكاتبة رفل الكناني

هوه يحجي واني صافنه حيل حرجني

مازن الصراحه فاجتني ماعرف شكولك

لا دكولين شي اخذي وكتج وفكري زين ورديلي خبر

شلت جنطتي وكتله من رخصتك عندي محاضره

اخذي راحتج الله وياج

عفته ومشيت بس كولش ضجت يعني مازن محترم واني شايفته زميل لااكثر ولااقل من طلب هل طلب حسيته ستغلني

رجعت للبيت مسطوره اريد أحد اشكيله ويرشدني وينصحني أحد اكعد وياه واوضحله اني مشايفه مازن غير زميل امي ماكد احجيله استحي ومالي جره عاد خابرت سمر كتله تعالي اريدج بشغله كالت هسه اخلي احمد يجيبني للعصر اجتي

التهينه ويه امي كعده وسوالف وسوينه عشه سويه بعدين صعدنه الغرفتي وحجيت السمر عل مازن كالت

مادري والله قمر انتي شنو رايج

اني متفاجه يعني مازن ممتوقعه منه هيج جراء

بس تره مبيه شي والولد مبين شاريج

شلون؟
يعني مثل مكلج لالف ولا دار اجاج عدل وكبل وكلج اريد اتقدملج

والحل ؟

اني اشوف تفكرين بلموضوع لن عل حجيج مو يوميه تجيج قسمه مثل مازن وتره العمر ديمشي وكتنه تعبان فبنضري شاب مثل مازن صعب تلكين بهل وكت شباب هسه كله خفيفه وحبيات وموبايلات وبعد انتي بكيفج

بس سمر اني مشايفته غير زميل يعني ماكد اتخيله غير شي
حبي بعد شتسوين تقدملج خلي نفسج امام الأمر الواقع وفكري عل مهل والشي الي تقتنعين بي سوي وتره هسه اني اذا كعدت وياج لصبح واكعد اكولج
مازن

زين

و
أخلاق
و

محترم

و

وسيم

ووووو إلى آخره مااكدر اغير من الصوره الي راسمته اله انتي بالج اكعدي ويه نفسج وشوفي وإذا اله نصيب فربج أعلم
دخت دخت منين طلعلي مازن كولش مووكته

لادوخين ولا ابد نامي ورتاحي والكاتبه ربج يصير اني راح اروح احمد ديدك عليه

روحي حبي

نزلنا سوه اجه احمد وهذا واني قفلت البيت وصعدت الغرفتي مكدرت افكر ولا دقيقه أفكاري مخربطه لفيت راسي ونمت ثاني يوم مداومت مادري يمكن انهزمت من مواجهت مازن بس وين اولن واخيرا هوه ينتضر جوابي دكتلي سرى عل ليش ممداومه كتله تعبانه ماكدرت اداوم جان يوم خميس وبعده الجمعه والسبت خلصته بلبيت وفكرت بمازن من كل الجوانب لكيت نفسي ممقتنعه ماكد اتخيله خطيبي أو زوجي كل متجي هل فكره بالي اهز راسي يومين اني بالي مشتت واخيرا اجزمت اني مموافقه بي كل عيب مبي العيب بيه اني ممتقبلته خابرتني سمر
هااااا قموره شلونج

هلوووو سمسم الحمدالله شخبارج

تمام وانتي

الحمدالله

يستاهل الحمد شسويتي بلموضوع الحجينه بي

راح أرفض

ليش ؟

ماكد سمر فكرت من كل النواحي مكدرت
وكتله ؟

لا الخميس مداومت وجمعه وسبت ان شالله باجر اكوله

هههههه جبانه يعني الخميس الهزمتي من المواجه

موبس الهزمت بس حتى أفكر زين وماضلمه وياي

يله الله كريم انتي اعرف بعد تصبحين عل خير

وانتي من اهله

الصبح داومت شفت سرى بس مكدرت احجي وياه الخط هوسه ومن وصلنا دخلنه محاضره فمن كملت طلعنه سوه اجه مازن وسرى كالت راح استنسخ واجيكم وراحت
شلونج قمر

هلو مازن انت شلونك

الحمدالله

اكدر احجي وياك شويه

اي عادي تعالي نكعد

رحنا للكافتريا وطلب 2 عصير واجه الطلب واثنينه ساكتين واني حايره شلون اكوله كسر الصمت هوه وكال

اشربي وين صافنه

هاااا والله ممشتهيه

زين شبيج اشو مو عل بعضج

مازن ماعرف شكولك

عل شنو قصدج عل موضوعنا

هزيت راسي

قمر تره اني كتلج أتقبل منج اي شي فعادي كولي لا تنحرجين

مازن انت بصراحه فاجتني بطلبك صحيح انت إنسان محترم وخلوق وألف بنيه تتمناك بس اني اكولك اسفه اني مموافقه
اكدر اعرف السبب؟

والله هواي أسباب أوله اني طالعه من تجربه خطبه فاشله من أقرب الناس اليه فااحس نفسي ممستعده لهيج خطوه

ثاني شي اني هسه كل همي دراستي ماريد اشغل بالي بغير شي وفكرت الارتباط والزواج شايلته من بالي نهائي

زين انطيني فرصه اثبتلج حبي

شلون يعني؟

يعني نرتبط

اعذرني ماكدر اضلمك بعدين اشلون انطيك فرصه واني رافضه الفكره

اوكي اني اسف وأعتذر واعتبري نفسج مسمعتي مني هل طلب ونبقى أصدقاء وزملاء هذا الشي ان شالله ميثر علينه واني احترم قرارج ووجهت نضرج انسي الموضوع وكنو مصار

من رخصتج عندي محاضره

باوع على ساعته وكام ردت فعله صدمتني جان يحجي طبيعي صدك خجلني اجتي سرى

هاااا ولج لعد وين مازن
بالي مويمه

الووووو نحنو هناء يمعوده

ووجع شبيج طرشه اني شكو تصيحين

لا عمي صدك جذب سمعج 100/عل 100والدليل صار كومه كبالج الغي وانتي مويمي

سسسسسرى شكد تحجين لخاطر الله

ولج شبيج هسه عفتج كولشي مبيج

سرى كلامج طلع صحيح مازن ذاك تقدملي

هلا هلا هاي شوكت اشو مكتيلي

انتي جنتي ممداومه وثاني يوم اني هم مداومت وأراه عطله يومين واليوم ال شفتج

اي وتالي شكتيله

رررفضت

شنوووووو الله ياخذج رفضتي مازن

اي
ووجعي لج راح تخلص السنه واني سحلت نفسي سحل عليه ونضره وحده منطاني وانتي يتقدملج وترفضي 😡😡😡

قايل اكذب عليه اني ممتقبلته

عمي والله الع

ضيم انتي عندج قصر نضر وعوق بلمشاعر

ليش يعني

شنو ليش يعني فهد ابن عمج بس شخصيته وهيبته ومنصبه توكع اكبر وحده وحضرت جنابج عفتي
ومازن نص بنات الكوليه يتمنن نضره منه واني منهن وانتي بكل برود دكولين رفضته وين عقلج من كل هذا
سرى شبيج انفتحي كر كر كر هذا زواج مولعب يعني عشرت عمر شعليه من شخصيت فهد ومنصبه وهوه أخلاقه زفت

زين ومازن

شعرف عن مازن مجرد زميل تردين اوافق والله شنو بنات الكوليه ساحلات نفسهم عليه اني ممتقبلته شعليه بلبقيه

يعني صدك صدك تصرفاتج تنرفز وانعل اهله ليلوم فهد عليج اطفشين اكبر واحد بسلوبج البارد

هههههه شبيج راح تبجين ولج اشو صايره مستويه

اااااااخ ولج مستويه شويه اريد واحد مثل مازن او فهد غير اعوف الدنيه كوله

يمه يمه منج ولا يهمج هسه اطلبلج واحد مثلهم يجيج دلفري

ولي انوب تحشش كومي كومي بدت المحاضره الله ياخذج واخلص منج

تمشي وتعيب عليه دددلفري ام حلك بس شكول احضوض

ضحكتني سرى خطيه طيبه وعل نيته وبسيطة وماعده سوالف البنات مخابرات وعلاقات احسه مثل تفكيري فمجلبه بيه

بيومه رجعت للبيت احس هم ونزاح من صدري ماريد اغلط غلطتي ويه فهد وأوافق واكول عود اتعود بمرور الايام نفسي واعرفه من تقفل عل شخص بس جنت خايفه من الايام الجايه اخاف اخسر صداقت مازن

بيومه العصر امي كالت يومه اشو دايخه وعيوني تغوش كتله كومي نقيس الضغط يم المضمد كالت يله رحت لبست جبتي وشالي وطلعنه الوقت مغربيه وتريد تليل كايدته ونمشي بلفرع من بعيد شفت فهد واكف بابهم وبيده الجكاره من وصلنه بعد كم بيت عنه باوع عليه الضاهر عباله جايين عليهم ذب الجكاره وداسه برجله واكد عل هل حركه وخل الأسواق احمد لبصف البيت عرفت قصده بهاي الحركه عود اني هيج دستج برجلي

وطبك مرض علساس اني ميته عليك تعدينه بابهم وطبعنا لنهايه الفرع وسمعت صوته ورانه

هااا عمتي وين رايحه

لتفت امي واني بقيت عيني عل شارع كلتله

هلوو ووو يمه

هلو عمتي شلونج

وباسه من رأسه

هلا بيك عمه والله للمضمد اشو دايخه

وليش للمضمد امشي اجيب السياره واخذج للمستشفى
ذات شعبية الآن في عشوائي
هاااا يله لعد امشي

مشى كدامنه جان لابس بنطرون كوباي وتشيرت ابيض والشحاطه تلمع والموبايل بيده هوه والسويج والمسدس بصفحه شكد أنفه عبالك ميمشي عل كاع يمكن يحس بنفسه طاير بسما ومحد مثله وصلنا المضمد وقاس الضغط طلع هبوط كولش كله هسه اسووله شراب نومي بصره وتأخذ علاجه وان شالله ماكو شي

طلع فهد محفضته دينطي فلوس
كله

عل بختك ابو نمر قابل شسويت صدك جذب افضالك مغركتني

هلا انوب يسمو ابو نمر هذا راح ينفجر من كد النفخ

تشكر منه وطلعنه همست لمي

يمه خل ناخذ من هذا المحل لبصف الصيدليه نومي بصره

يله لعد

طبينه للاسواق كدامه وهوه ورانه اخذنه لردناه وكم حاجه وياه الي نساتل وكذا وجبت العلاكه خليته كدام ابو الأسواق كله فهد احسبهم اني دافتح جنطي واطلع فلوس هوه نطاه قلبي رفعت راسي مد العلاكه الي وخزرني
كبر حتى كبر هسه احنا جينه وحيدنه انت شكو
طلعنه وكف كال

هاااااا عمه للبيت

اي يمه هاهيه ماعدنه شي تعبناك

عليمن قابل شعندي يله لعد اني اروح وانتو روحو للبيت

بقى واكف لحد مطبينه للفرع ورجعنه للبيت سويت الامي الشراب وراه العشه حتى تأخذ الاعلاج وكمت نضفت البيت اجتي سمر هيه وعمتي كالت

شبيه امي

منو كلج؟

فهد كال لعمتي روحي شوفي عمتي مريضه خلاني ماندل دربي وفوكه رزلني كلي شبيج بابا كتلج ضغطه قابل كتلج متخربطه كلبتيه مناحه

هههههه حتى انتي مخلصتي من السانه

اي لعد هوه منو خلصان اصلن وجوده بلبيت إنذار عوفج منه شسويتي عل مازن

كعدت وحجيت وياه وهوه تفهم وكال انسي كلشي
ياعيني هذا شكد مودب الله يرزقه بنت الحال

امين يارب امشي نكعد يم امي

يله

بقوه شويه وراحو واني كمت قفلت البيت ونمت ثاني يوم داومت وانصدمت بتصرفات مازن جان كولش طبيعي ومثل يوميه عبالك مصاير شي ولا حاجين والأيام البعده نفس الشي اصلن تصرفاته واضحتلي شكد انسان راقي ومثقف ومتفهم بس اني ماكد كمت أخذ عل نفسي واكول اخاف صدك يحبني ويضم بكلبه واخلاقه متسسمحله يبين هل شي كمت انسحب تدريجين لو ابقى بلقاعه لو اروح للمكتبه المهم مابقى بمكان واحد وياه

ومرت الايام وسمر بشهرها وجهزت للنونو وطلعت بنوته منتضرته عل احر من الجمر اريد اكرطه

بهل فتره اصادف فهد بس قليل لومن من نجي الخط نوصل ساره لو من اطلع للسوك ويه سمر وامي بس ماروح لبيتهم نهائي

اليوم اجتي سمر بس كولش تعبانه تقريبا راح يخلص شهرهه صايره تضحك جنه دكبله كوه تمشي تعشت يمنه وراحت واني لملمت البيت وصعدت لغرفتي هيه راحت 9 تقريباء واني صارت 1 توني دانام دك احمد

الووووو هاء قمر

هلووو احمد خوماكو شي

اكلج يمكن سمر عده ولاده كعدي عمتي راح امر اخذه ونروح للمستشفى

اي اي هسه اكعده خومه متذيه سمر

والله قمر تبجي وصايره فدمره الله عليج بسره حضري عمتي كون اجي الكاه بلباب

ماشي ماشي هسه راح اكعده باي

نزلت ركض امي نايمه خطيه كعدته عل كيفي اخاف تفز

يمه يمه حبيبتي كعدي

هااا يمه خير

خير يمه خير بس احمد خابرني سمر يمكن عده ولاده راح يجون عليج ترحين وياهم

يمه بنتي سوده عليه ربي سهل عليه عرفته من وجه اليوم تجيب بسرعه ناوشيني جواريبي وعباتي

كمت عل سريع نطيته الجواريب وطلعت حجابه وهيه خطيه نخبصت لبست عباته وصلت لباب المطبخ احمد دك هورن طلعنا جان عمي بصدر واحمد يسوق وعمتي وسمر ليوره سمر مشفته زين لن ضلمه سوده عليه بس لا متوجعه واحمد الخوفه واضحه عليه فدوه لكلبه يموت عليه امي يم الباب ولتفتتلي

يمه شلون تضلين وحدج والله اخاف عليج

يمه روحي والله ماعليه شي هسه اقفل وانام

لا يمه شلون

حجه احمد

عمه هسه فهد جاي ورايه راح يأخذه يم البنات تبات

اي يمه روحي لاضلين وحدج يضل بالي عليج

اي يمه اي بس روحي شوفي سمر دتلوب

راحو واني قفلت دطبيت يممممه صدك خفت البيت صنته يخوف شلون ممنه من امي بلبيت عبالك رجال وبلبيت الله يحفضج يمه ولايحرمني من نفسج بلبيت رحت كعدت بفراشه سوده عليه فراشه دافي دامدد سمعت صوت الباب الخارجي اكيد فهد هوه يمد ايده من فوك ويفتحه كمت اندكت باب المطبخ

منووو

اني فهد فتحي الباب

فتحته

هااا شلونج

هلوووو

يله بدلي داوديج يم البنات

ميحتاج تره راح اقفل وانام

اكولج تره تعبان اليوم إنذار وهاي جيتي من الدوام فبدلي وانتي ساكته وخل نروح تره مابيه حيل احجي
باوعتله صفح هذا شبي اشو جاي بلمانيه صعدت ابدل وادردم يعني سمر متجيبين ال بنص اليل خليتي هذا الحقنه يتعيقل برأسي نزلت جان بلمطبخ فاتح الثلاجه ويمكن دياكل زيتون سمع خطواتي ندار

هاااا كملتي

اي

يله امشي

قفلت البيت وطلعنا الشارع اضلم شغل جكاره وصار بس لمضت الجكاره مبينه يمشي بصفي بهدوى بحيت من ينفخ دخان الجكاره عبالك يتقصد ينفخه صفح حتى يجي بوجهي موبايله مابطل يدك وهوه يرفضه قبل بيتهم بكم بيت جاوب
هاااااا بنت القندره شجلبتي مو دنطيج رفض

سكت شويه وبعدين كال

خرررره بحبيبج بنت المصموط غير جنت إنذار طرنه انتي من دكين وماجاوب اتجلبين

بهل أثناء احنا وصلنا البيت يحجي ويفتح بلبوب آخر شي كاله

اذا دكيتي بعد انعل والديج اني اخابرج من افرغ

غمضت عيني وأخذت نفس الحمد الله من عفتك اثاري ذيل الجلب مينعدل وبعده على سوالفك لمكسره
طبينه بس ساره كاعده رسل ماكو يمكن نايمه بوستني وطبينه للهول كالت سمر دخلتنه إنذار خطيه احمد لبس تشيرته بلبدايه مكلوبي

سوده عليه ان شالله الله يسهلله ودكوم بسلامه باوعت عل حولي شفت فهد صعد الدرج يمشي ويحجي

ساره غسلي بدلتي واكويهه الصبح عندي دوام وامسحي البوت وإذا أخذتني نومه كعديني

كلتله صار

خابرت عل امي كالت سمر ستقبلوهه وان شالله بس تطول جوز للصبح لن بجر سلتني وين انتي كتله بيت عمي كالت همزين هسه رتحت يمه نامي ولا يضل بالج من تجيب اخابرج كتله خوش لعد

ساره راحت غسلت البدله مال فهد وجففته وحابت المكوى وكلكته بي ومسحت بوته واني كاعده اباوع عليه

اكولج ساره هاي يوميه هيج

اي والله يوميه

كلت بكلبي الله يساعد مرتك عليك شكد قنقينه لعد

كملت كالت يله امشي انام بغرفتنا فوك

دنصعد كالت اصعدي هسه بس اجيب مي والحكج

صعدت وصلت آخر بايه فوك الحولي الفوك مطفي الضوه ماله وبس اكو ضوه خفيف من جوه البوب مال الغرف نطخيت بفهد وهوه بلشورت والفانيله جان يريد ينزل من ثولي صرت ويه لحايط وصار جسمي عل جسمه........
.
يبتع...

قۣۗـۙصۣۗـۙصٍ 📖ۆبۣۗـۙسۣۗ 💯

#غصـبوني_آعشـگگ


#البارت9

الطابق الفوك مطفي الضوه ماله وبس اكو ضوه خفيف من جوه البوب مال الغرف لازمه لمحجر واصعد آخر بايه نطخيت بفهد دينزل ولابس بس شورت والفانيله راسن دنكت وصرت من جهت الحايط صار ويايه وحصرني عل حايط وجسمي عل جسمه يايابه شصار بيه أطرافه نملت وجسمي رجف عيونه تباوع بعيوني ومن الضلمه ما شوف بس لمعتهن ضليت لازمه الحايط عبالك اريد اطب بي

لزمني من خصري بيد واليد الثانيه بعد بيه شالي الجان محطوط عل ركبتي ماحسيت بس عل نفسه الحار وشاربه من لامس ركبتي باسني بهدوء وهمس بذني وهوه يعصر خصري وكال

ليش هيج سويتي بينه ؟

هناء اني وعيت عل نفسي خليت ايدي بصدره ودفعته رجع دفعني للحايط داحجي وسمعنه خطوات عل درج اكيد ساره دتصعد خزرني ونزل واني دخلت ركض لغرفت البنات وارجف ارجف طبت ساره
ياء هاي شبيج قمر اشو ليهسه منازعه الجبه

مجاوبت

ولج شبيج شكو واكفه بس لا من صعدتي عل هل وكفه شنو انتي غريبه لو تستحين

لا ساره لا بس جنت منتضرتج

دتعاي تعاي بدلي ونامي

نزعت جبتي وساره تسولف مواضيع مختلفه بس اني بالي مويمه كعدت عل سرير اباوع ايدي ترجف عصرت اديه ايد بيد اريد اوخر هذا الرجيف وريكي يابس

قمر هاي شبيج مو داحجي وياج

ساره بالي يم سمر كولش راح انام حتى مافكر بيه

اوك براحتج تصبحين عل خير

وانتي من اهله

مددت ودرت وجهي للحايط خنكتني العبره مدري ليش هذا فهد لو مو فهد شديصير وليش هيج سوه وشنو معنى كلمته

ليش هيج سويتي بينه
معقوله فهد يحبني لا لا مستحيل بس هوه اناني يريد يمتلكني بس حتى يكسر خشمي ويذلني مثل مكلي اول مخطبني والدليل بعده عل سوالف النسوان قمرر انتي شدتفكرين مو قبل كم ساعه سمعتي شلون يحجي وياه البنات انسي انسي الي صار وشيلي فهد من بالج

ندكت الباب كالت ساره منو
فهد

ساره اريد شاحنه

كامت فتحت الباب ونطته الشاحنه اني عل نومتي متحركت رجعت سدت وطفت الضوه شويه وندكت

اوووو فهد شجاك اليوم

تحجي بصوت ناصي

هااا عيني

نزلي جيبلي مي

هاك هذا المي هسه جبته من صعدت

رجعت نامت وحجت

قممممر

مجاوبت

قمر نمتي تره ادري بيج كاعده
لتفتت عليه

قمر تره فهد ميريد لا شاحنه ولا مي اخويه ديحوص عليج

رجعت لنومتي

قمر لاتتهربين جاوبيني تره اخويه وأعرف شكو بعيونه نطي مجال يحجي وياج تره انتو مكعدتو ولا حجيتو والله العضيم فهد يحبج

كمت بهمه وكعدت

يحبني ههههههه والله ضحكتني اخوج يحب بس نفسه يحبني ويكولي

إلى ازوجج واخليج تبوسين رجلي

يحبني وهوه يكومني بنت الكلب ويكعدني بنت القندره

يحبني وهوه يسافر ومادري ومن يجي اشوف بس قذارت النسوان عل جسمه

حرام عليج ساره خلي نفسج بمكاني ترضين؟

والله العضيم مارضه بس هوه فهد هيج طبعه شويه قاسي بس والله كلبه طيب مولن اخويه والنبي بس هذا الصحيح
وانتي كلتيه طبعه قاسي واني ماتحمل هل طبع وكلبه طيب بس اني مالي مكان بي

متوهمه لوشايفه عيونه شلون جانت دورج بلغرفه قبل شويه جان مكلتي هيج

ساره رجاء هذا الموضوع سدي فهد بلنسبه اليه انتهى ورقه وطويته من حياتي اذا تعزيني خل انام

براحتج براحتج

خليت راسي عل مخده وعل كعده وحده للصبح سمعته الصبح يخابر يم الباب مدري دينزل الدرج

يمعود والله جاي هسه مسافت الطريق اي اي راحت عليه نومه صم حلك دقائق واكون بلموديريه

عرفته راح للدوام كمت فتحت البرده شويه طل عل كراج والشارع شفته بزي العسكري فتح الباب الريسي وطلع السياره ورجع نزل والجكاره بحلكه سد الباب وشغل السياره وطلع راقبت كل هاي الحركات ورحت بعيد رحت يم البارحه والصار من تذكرت شفايفه من لامست ركبتي غمضت عيني وهزيت راسي قوي اريد امحي هذا الموقف بي طريقه كمت طلعت بره صارت غرفته بوجهي تمشيت ليم الباب اباوع على كل زاويه بيه وعيوني تدور على ملابسه الشامرهن عل جربايه من مبدل والابتوب عل ميز يم راسه ونفاضه الجكاير الي يمكن بيه شارب باكيت قليل العطر والمشط الي عل ميز مشمور والخاولي لعل كرسي لكيت نفسي اباوع عل ادق التفاصيل عاد نزلت جوه شفت عمي نايم بغرفته والباب مفتوح يعني راجع من المستشفى تذكرت سمر رجعت اركض فوك عل تليفوني باوعت الساعه 7 الصبح طلعت رقم امي ادكيت عليه
صباح الخير يمه

هلا حبيبتي صباح النور

بشري جابت سمر

اي يمه الفجر جابت

اي الحمد الله ليش مكتيلي

والله كلت خطيه نايمه هيه تكعد وتخابر

اي وشلونه هيه والبنوته

والله زينه الحمد الله والبنوته تخبل

ياااااي فدوه لله شسموه

رهف

حياتي فدوه يمه شوكت ترجعون

ان شالله العصر انتي روحي للبيت حضريله غرفتي

ان شالله ادللي

يله حبيبتي الله وياج
سديته وضحكت الحمد الله من جابت اريد اشوف شكله شلون صارت ومتشوقه اشوف البنوته

رجعت خابرت سرى كتله ماداوم اليوم وراه نمت يمكن ساعتين وكعدت ساره ورسل هم كعدو وهم ضربو الدوام اليوم حجت رسل

هاي شنو قمر يمنه وانوب بايته لالا خل ارجع انام اخاف داحلم

جاوبته سار

ه

لا عيني مدتحلمين قمر بايته يمنه وسمر جابت واني الدنيه طشت ورشت وانتي متدرين ادري جنتي نايمه لو ميته

ياااااااي سمر جابت صدك تحجون لهل درجه جنت نايمه عمي هاي غيبوبه مو نومه الصايره بيه كل هل الأحداث واني مادري

ههههههه صدك غيبوبه تدرين ساره اني هم تعجبت يعني طبيت للغرفه بلبدايه وبعدين اني وياج شكد سولفنه وهيه نايمه

لج اي قمر هاي تنام مثل اهل الكهف

كامت تضرب بينه بلكوشات وطلعتنه نتراكض عاد نزلنه جوه عمي ديرش بلحديقه رحت يمه
صباح الخير عمو

هلا هلا شنو هل صباح بعد عمج تدرين لوكل يوم أصبح بوجهج ابوس ايدي وجه وكفه

دنكت عرفت شنو قصده ردت اغير الموضوع

حبيبي عمو فدوه الكلبك شوكت اجيت

والله الفجر من جابت واطمنيت عليه وعفت احمد يمهم واجيت

مبروك حبيبي صرت جددددو

ههههه الله يبارك بيج وانتي هم صرتي خاله

حضني وباس راسي ويلعب بشعري

صاحت ساره تعالو تريكو دخلنه جوه وتريكنه سوه وساعدتهم شويه بعدين كتلهم راح اروح للبيت أحضر لجيت سمر بدلت ووصلني عموو اني ورسل كالت اروح وياج رجعت نضفت البيت تنضيف كامل وفرش سرير امي لسمر وسويت شويه حركات نشره عل نفاخ وره السرير يعني لمسات بسيطه وانتضرتهم للعصر وحضرت العشه من وكت حتى ميحون والتهي للمغرب ال جوي دخلو سمر خطيه صايره الحلقه الاخيره وتون بوسته وسندته ويه عمتي وامي جانت شايله الطفله كعدناه عل سرير وهيه تصيح
احممممممد بطني

عيون احمد كلب روح احمد والله لويندار الوجع بيه ولا هيج تونين

اجاه صوته بذني وهوه يكول

لك اثكل حيوان شتريد تجيب بمكانه قابل

غير لو ترهم يخوي

هههههههه طاح حضك اي والله

خويه فهد غير اني مااحجي😂

لتفتت فهد يمكن هوه جايبهم لن عمي الصبح من رجع راجع بسياره رحت عل بنوته بحضن امي

يمممه نطيني ياه فدوه شلون حلوه

هاج بس عل كيفك

فدوووه حياتي هاي شكدوته يممممممه أريده عفيه بعد مانطيكم ياه

ياااااااي شنو هل أدين الناعمات وابوس بيهم كالت امي

نطيه شويه العمه خل يشوفه
نطيه شويه العمه خل يشوفه

ماما ما يمه والله تخبل مانطيه لحد

رفعت راسي لكيته يباوعلي وينصي

ولج كافي ذبيه راح تتعلم عل حضن

يمممه شبيج والله متنعاف اريد اكرطه

ولك احمد بنتك راح تروح بيد قمر

عمه كولشي ماريد لابنتي ولا كولشي اريد بس سمر تطيب دتون بكلبي

ولج يمه سمر تره خبلتي لوليد من البارحه واليوم هسه هيه هاي العمليه تحملي يومين وتنسين

يمممممه بطني احمممممد بطني

هههههههههه والله سمر شكلج يخبل بهل منضر الله شوفي شلون داضحك عليج

قمممممممر اسكتي بطني ماببه حيلج

كامت عمتي وكفت يمي وصاحت فهد تعال شوفه

كام وكف يمنه صرت اني بنص ورهف بيدي وعمتي منا تلمس خدوده بديه
شيله يمه اذا تريد

لا يمه عل بختج هاي الزعطوطه خاف تكوم تبجي متقبل تنطيه ويباوع عليه وينصي عل رهف وعمتي تبتسم كتله

هاك شيله

لالا عمي ماريد شبعي بيه

خزرته

بتسم

وكال يله اني رايح تردون شي

حاوبت امي والله محد يطلع الى الكل تتعشه هاي بعد حلفت يله قمر صبي العشه بساع

يممممه ورهوف

ولج تخبلتي ذبي لبنيه وامشي

طب عمي عاد هنا اختلف الوضع كتلهم هسه راح اذبه يم جده

عموووو انطيكياه بس بشرط أكمل عشه واخذه
ههههههه جيبي جيبي اخذتيه طابووو

اي معليه شتكول موافق

اي بس جيبي

نطيته ورحت اصب العشه طلع هوه عبالي راح يروح كتله

تره صبيت

مرايح اهنا داشرب جكاره

هااااا

فرشت السفره وصبيت ورسل وياي تساعدني لتمينه عل سفره كولنه بس احمد مكابل سمر هاي فركاس مينكاس انوب شكو بطنه خبلته لحمد ساعه ينومه ساعه يكعده حتى متعشه كملنه ولميت السفره والجاي وهاي السوالف داغسل مواعين ورسل تخض طلع فهد وراح وراه بيت عمي هم راحو حتى احمد امي كلتله روح للبيت ارتاح انت منايم من البارحه وإذا ضليت مكابله تره تخبلك روح اني يمه عاد راح واني استلمته سهره لصبح

بقت سمر يمنه 10 أيام بس حيل تعلقت برهف خلصته الصبح بدوام والضهر بين سمر وبنته والبيت وبليل سهره ويه رهف الي صوته مله علينه البيت عمتي والبنات يجون بستمرار واحمد مرتين بات يمنه وره رجعت سمر للبيت كولش ضجنه يعني مادري شلون هيج تعودت عليهم هيه ورهف حتى دمعت وامي تضحك عليه دكلي والله انتي جاهله
اشو سبوع وجتي سمر تبجي ذبه احمد من الباب وراح ولج هاء ماتحجي بس تبجي كعدنه نهدي بيه شويه شويه إلى حجت طلعت متعاركه هيه واحمد تكول

يممممه اني من جبت نفسيتي تعبابه مادري شبيه

اي يمه كل وحده غير مال النفاس وشكو

يمه رهف بس تبجي ماعرف اسكته شلون اشيله ارضعه انزله يم عمتي البنات يشيلوه ماكو لاجه خبلتني وبليل سهره لصبح

اي يمه كل جهال هيج لعد انتو شلون صرتو طلعتو تمشون وتركضون قابل واحمد شبيج وياه

يمه النهار كله بلمحل وبليل يلف راسه وينام

لعد شتردي يسوي غير رزقه اذا يكابلج ويكعد شتاكلين انتي وبنتج

يمه ميساعدني عليه

عزه لعزاج ولج شيساعدج يرضعه لعد انتي شلون ام

يمه تعبت تعبت

موكتلكم انطونياه مار