قۣۗـۙصۣۗـۙصٍ 📖ۆبۣۗـۙسۣۗ 💯

تْوَاتْرَ الُقًدِرَ (هہلُ احُبّبّتڴ)
البارت الخامس

تعرف غلاتك لوبعد
احتاج ابينهه اكثر
يالبيك لهاني العمر
ماركزت بي من مر
يمكن إذا گتلي
اشگثر تهواني راح اتحير
الليل اعد امحبتك
بس باچر اتزود اكثر
الادري بي من تبتعد
مدري شأحس ابحيرتي
صدري حفر بي خنجر
مگطوع شريان ابهر
يندفع شباچ الجفه
وبالروح شي يتكسر
اشتاگلك ...

همس بأذني أششششش اني حسن

هدئة من سمعت صوته
دارني عليه وقربني
يباوع عليه بلهفه

شطالعه بنت العم شهل العيون اموت واحيااا بيهن
استحيت ودفعته

...عيب حسن شنو هلتصرفات
كام يتقرب رفعت راسي ...فدوه حسن لاتقترب لا يجي احد

واذا اجه احد اكلهم حبيبتي

..هنا دوروني ماتلكوني يحجي وواصابعه تمشي ع خدودي وشفتي صافنه عليه وعيونه ذبلت
تقرب خله شفته على شفتي

انفتحت الباب بقوقه اني وياا فزينه وبتعدنه عن بعض
من الخوف لزكت بلحايط

شفت رحاب صافنه علينه اني جمدة كالت يردوج اهلج
عيونهه بيهن غضب

دارة وجهه وراحت اني طكيته بركضهه حتى الدرج سويته بايتين دخلت كبل الغرفت مرة عمي طلعت الرداء والحجاب لبستهن
ل
كيتهم بينتظروني بيت عمي حيدر رايحين وعماتي

....اخ اخ شبيج

وسم وين جنتي ادور عليج ماكو

...سم بطنج جنت يم البنات

لاجذبين رحت يمهن مالكيتج

....اهووو شيخلصني منهه كتله ماادري يجوز لابده جوه الجربايه

اجت علا ورفيف
سحبت علا ..كتله والله لوما اهلج جان نتفتج اتنتف
باوعتلي بطرف عينه انتي ومال واحد يصدق عليكم

...ولج ياصدقه غير رحاب لكفتنه

فكت عيونه عليج الله

....اسكتي كله منج ومن اخوج

كامت تضحك بله شلون لكفتكم

....انجبي علا بطني تلويني من الهبطه لهسه بيه

يمعوده ختولي لاشيلين همهه بس كليلي لكفتكم شسوون

.....بربج علا هذا الهامج

صوت امي تكول يله يمه

بوست علا وكتله جيسي نبضهه بلكت تنسيه تبرريلهه
كالت امشي ولي خايفه من هاي السعلوه

....ميخالف فدوه خاف تشهرني والله امي تذبحني
كالت اطمأني اني اسد السالفه
بوست البنات وعمتي وطلعت
ركبنه ورجعنه للبيت

عدة فتره والوضع صنطه من رحاب اطمأنيت ياما مالحكت اشوف شي لو شافت وغلست

التهيت دراسه وحسن متركني خطيه يضغط ع روحه بفترة الأمتحانات ميحاجيني لو يجي يشوفني ساعه ويروح بدون تلفونات مرات يخابرني دقايق يسمع صوتي واني مااتحمل اكله خلي نسولف يزمخ بيه ويكلي انجحي بعد مااتحمل اريد اخطبج واني اخذ كلامه مرات اصفن ع روحي شكد احبه مااكدر بدونه

سارة هاي الفترة احسه تراقبني مره سمعتني اسولف ويه حسن وسالتني كتله علا بس مامشت عليه وحذرتني ادكول الأمي اذا طلع صدك وكته انخرط بوشي كمت اردم

سارة تختلف عني شكل وطبع قويه احسه نسخت امي الثانيه متقبل ع الغلط وتعاقب بس حنينه اذا شافت دمعتي تنجن تحقق اله تعرف شنو اليبجيني ترزلني وتحجي عليه بس متقبل احد يجيني بلطاري متناقضه
الحلو بيهه مطيعه الأمي

اجت فتره ع سارة اتغيرت بس تصفن ومتعاركني اجت فجئه كسرة تلفونه ولغته حتى امي بوكته حجت عليه لان نحتاج نطمأن عليه بلدوام عندت وكالت تلفون مااشيل عفناهه

سارة بس كليلي منو الوياج اكو وحده متريد تلفون عدهه اشو اني احسه طفلي ميفاركني

سارة :نباء عوفيني رحمه الوالديج

كتله سارة اول مره اشوفج هيج شبيج
مقبلت تحجي عفته ع راحتهه

رحت لأمي كالت غسل الهدوم راح يخيسن
ماحاجيتهه حطيت وجبه وكعدة ادرس بلهول الداخلي قريب يم الغساله حتى اسمعه من تخلص الوجبه
من 4العصر لل6خلصت غسل الملابس وقريت واجب
شفت سارة طلعت من الغرفه وعيونهه مرمه من النوم

خلصت اخر شي طلعته من المجفف
شفته دخلت للمطبخ تحمي الأكل

شلت سلت الملابس وحطيته كدامهه كاعده كدام ميز الطعام

رفعت نضرة وباوعتلي بمعنى شكو
كتله عليج الشرر

دارة وجهه بعدم المبالا عادي يايوم كملتي شغلج
وضعهه ماعاجبني

دخلت للغرفه سمعت جهازي ماسكت شفته رقم غريب عفته لان حسن محذرني ارد ع اي رقم مااعرفه واخاف اجاوب ويطلع هوه وشيفكني منه

كعدة ادرس انفتح الباب رفعت راسي سارة رجعت اكمل

نبأ خابرت علا ع امي ادكول ليش مترد ع جهازهه
شفتهه واكفه تعزل ميز المرايه وتحجي
كتله ماادري شفته رقم غريب

طلعت الجهاز من جوه المخده شفت 7مكالمات من ضمنهه علا متصله 3مرات

رمشت ماعندي رصيد خليته عام وحطيته يمي ورجعت اكمل اريد اخلص من وكت حتى انام من وكت اتعب اذا اسهر ودوام

وره ربع ساعه دكت علا اتريد اروح يمهه وره الامتحان الأخير ع مود تشتري النيشان

...ماادري اشوف امي واردلج خبر

علا كالت انجبي نبأ ضروري تجيني تدري ذوقي زباله ويفشل وامي متعرف ورفيف زعطوطه

....اي ولج شكلت قابل اكلج اي وامي متدري يجوز متقبل

لا لا تقبل لااسديه بوجهي

....هههه ان شاءالله يله ولي اريد اكمل امتحان

كبر شكد اسلوبج زفر

....هههه الساني عسل فوديتني

لا نبأ صدك قنعي عمى وتعالي اعتمد عليج

....علا شبيج متوتره كتلج انطيهه خبر واجيج قابل حتعارض

امي وتعرفيه من يمجاً مأمنا

خوش حبي يله اني هم اروح اقره بااي

...باي كلبي

........ ......... .......... ........ ........... ......... ..........

كملت امتحانات
مدري شلون قنعت ماما اروح وياا علا نجهز نيشانهه
وقررنه نروح اني وياهه وامهه بس فجئه عمى أمتثال كالت اروح وياكم (أم العريس) اني وعلا وحده تباوع ع الثانيه

رحنه اشترينه مكياج وكم نفنوف ودشاديش نوم قصيره وكم قطعه للطلعه بيني وبينكم عمى امتثال

طلعت عينه القطعه ال 25تريده ب15 وخطيه علا ضاجت مخلتهه تختار براحتهه لان تحاسب ع السعر ومتشتري الحاجه اذا متكلبهه مية تكليبه ومرات

متشتريهه تعوفه وتخلي ابو المحل ينافخ ومرات يحجي مجنت اعرف بهذا طبعهه

شفت وجهه علا مكلوب ومبرطمه تريد تبجي من الأحراج وماشترت التريده

كلتلهه خلي نرجع وبعدين نشوفلنه حجه نطلع وعلى راحتنه نختار يله شويه فكتهه

...عمى خلي نرجع وبعدين نشتري اني وعلا تعبنى

عمى امتثال... بعد وكت خلي نشتري الوازم حتى منضايق مضل شي ع العرس

علا ... عمى خليه باجر صدك تعبت

عمى امتثال .... لاعمى خلي نكمل نص وباجر عود نص

هاي شيفضهه وياا عمى بعدين اجتني فكره
شاورة عمتى خطيه فتحت عيونهه

يااا عززز بعينج ياا عليااا شلون متاخذين حتياطاتج

خطيه علا انصدمت وضلت فاكه حلكهه شبيه عمتي

امشي نشتريلج ونشوفلنه محل ادخلين اتبدلين

رادة تحجي علا سبقتهه

كتلهه لاعمى شتبدل غير بطنهه موتتهه اذا اتخربطة علينه هسه وين نوديهه وبنص السوك واحنه بس نسوان وعلا طبيعتهه تتخربط بسرعه

كالت امشن خلي نرجع مابيه حيل تتخربط وابتلي

صدك رجعنه وعلا طول الطريق تهمس تندس بيه وتكلي شكلتيلهه وهيج تحجي عليه وقبلت نرجع
كتله بلبيت اكلج لاتسمعنه وعمتي كاعده بصفي اني بلنص حطوني

رجعنه التهينه انعزل ونصفط بلجنط كلنه المرت عمي على عمى أمتثال ماقبلت وكالت عيب شكللهه وهي عده الفلوس

هناا علا كامت تحجي ماريد منهم افلوس اكو وحده مينطوهه افلوس نيشان وامه هي التشتري ع مزاجهه

مرة عمي ..علا صمي حلكج واسكتي عيب عمتج هاي وبعدين انتن زعاطيط ومتعرفاً تصرفاً بلفلوس تكضنه خركتين اجيبن وتجن بلفلوس كلهه

علا كامت تبجي وكالت بعد نيشان ماريد حتى زواج مااريد شنو هيه غير اني الألبس لوهنه وعافتنه وصعدة
والثوله من عصبيتهه خابرت رسول ادكله كول العمتى لاتجي باجر بعد ميحتاج اشتري العندي كافي خلي الباقي يفدنكم بلعرس وسدته حتى مخلته يحجي

..علا اسويتي مخبله شلون ادكليله مااريد نيشان

نبأ رحمه لبوج عوفيني البيه مكفيني

...ولج هوه شكو ع مود كم قطعه دجاوبي رسول يتصل عليج

شمرت التلفون ماأريد عوفيني نبأ ماريد شي
تغطت وحتى راسهه واسمعهه تبجي
عفتهه ونزلت مااريد اضغط عليهه مخبله

سوينه عشه اني ورفيف وعمتي تقره قرأن ومرة محمد يم اهلهه ومحمد بلشغل هوه وحسن وعمي
بيت عمو عدهم محلات وقسم مأجريهن ومحل لحسن واحد ل محمد وعمي عده محل عقاري بغير مكان

يرجعون ب 12بليل هيج

سوينه ملفوف بيتنجاً وزلاطه وكلينه كبه لكيت روبه حامضى سويتهه لبن حسن ميدري اني يمهم ويخابرني وماارد زعلانه لان باخر فتره بحجة الأمتحانات ابتعد واني ضاله احرك بدمي يوم وره يوم

اجه عموواسماعيل سلم ودخل الغرفته ايبدل

مرة عمي :يمه مشوفين هاي وين ولت

....اتقصدين علا

اي العله مالتي

....ماادري صعدة رفيف تكعده حتى تنزل تاكل

رجع عمي هاا يابه شلونج

...الحمدالله زينه

ام محمد وين عشاكم جوعانين

....هسه البنات يصباً

كمت حميت الأكل خليت الزلاطه بمناكيس بين ميحمى وخليت الكبة طبيعت بيت عمي ياكلون بليل خفيف ميثكلون

حضرت كلشي رحت فرشت السفره ضميت للولد ع صفحه احتمال يجون بلكت يجي حسن ويضوك طبخي شكد كلبي شايل عليه بس احبه مو بيدي

نكلت الاكل نزلت رفيف كالت ليش مصحتيني اساعدج

...شنو السالفه هوه بس صبيت ونقلته عمتي كالت وين اختج شنو مكعدة المسعدة

لايمه متقبل ادكول مااشتهي
كالت عمتي عوفيه ياكل النفسه مو الاحد
كعدنه ناكل وعمي سوالفه حلوه ساعه ينكت ساعه يسألني ع وضعنه خطيه متركنه من وفات بابا الهسه حتى مصرف شهري يطي لأمي مع العلم امي متاخذ بس يحلفه بروح بابا وكوه تخاذ واحنه مامحتاجين لان تقاعد بابا وايجار الشقق يجينه وحتى شمس خطيه يوديلنه

شلنه السفره وغسلنه المواعين اني ورفيف نسولف ونشتغل ومحسينه بلشغل صاح عمي ع جاي سوت رفيف واني كملت تعزيل المطبخ بدالهه

عمي كال بابا رفيف طالعين اني وأمج لبيت عمج حيدر
كلت الرفيف شكو بيت عمي حيدر

ماادري بس يمكن ع مود الحج لان ثنينهم يردون يقدمون بعد مراحو دخلنه بلهول نباوع مسلسل
درة وجهه شفت علا تنزل الوجه معفوس والشعر مكفش

كتلهه منو نهزم

كالت شنو منو نهزم

كتله بلعركه الدخلتي بيه شعرج يحجي حجم الخسائر
غمتني ودخلت للحمام

رفيف ..ههههه ولج هاي اذا رسول شافهه يشرد بجلده

....يمعود سكتي لاسمعج وشيفكج منهه

رجعت كعدة وصاحت رفيف كومي سويلي سم متت جوع

...هه

هههه ولج خبله شكو هلكد معفوسه

كامت تبجي هئ هئ راح اموت اذا عمتي من هسه هيج لعد شلون اعيش وياهم

.....شنو الجديد عمتي من زمان هيج بس الشي الجديد النضاف هي جلف من ناحية الفلوس

انجبي نبأ بدال متواسيني وتخففين عليه ازيديهه

.....ههههه خبلتيني اكعدي اكلي وانجبي لاضلين تتنعوصين عليه هله ياالله هزيت ايدي جديده عليه عمتي وستوهه اكتشفت المتخبي

اكلج بعدين انت ورسول موتحبون بعض كالت اي

لعد اتحملي قابل هيه لعبه تردين كلشي ع مزاجج

عاطت بيه كافي نبأ والله كوه متحمله شمدريني بيه

كتله علا خلي نكون صريحين عمتي صح عصبيه ومتسكت عن الغلط مثل امي ليكول خوات بس طيبة كلب وتحبج وشفتيهه شلون تركص بلخطوبة ودكول

هاي فرحتي ل علا مو رسول لان علا بنتي قبل رسول وجابت ذهب ع ذوقج وغرفة اخشاب من الزينه الشي الوحيد الي ادخلت بي هي النيشان لان عرفت امج

متكدر تفتر هواي تتعب ومتريد اذبين لفلوس هنا وهنا والله اني هيج حسبتهه وتدري بيج لا أبالي وزغيره هيه جبيره وأفهم

شفتيهه من رحنه تندل محلات عمري مطابتله حتى من اروح اني وامي مانندلهن وهيه تندل لان جبيره وتعرف الزين من الموزين

كالت مو شفتي تريد ع مزاجهه حتى اذا عجبني شي متقبل اله هي تقتنع

كتلهه علا حبي تره الزواج مو لعبه لازم تتحمليهه وتتحملين بيت عمتي ع مود حياتج تمشي قابل هي بس لبس ويوم يومين تخلص مراسيم العرس وتبدي حياة ثانيه زوج وعيال وراهه طفل

كالت لا اني مااسوي اطفال هسه

غميت كصتي خرب حضي هسه لفتهمتي من كل الحجي بس الطفل

كامت تضحك وكالت لاوالله كلامج صحيح قابل الملابس اهم من اتحمل عمتي لخاطر رسول

كلتلهه همزين فضة المعركه اكلي حتى انكوم انسوي ماسكات الخلقتج الزفره هههههه

كامت تاكل وتضحك رفيف فاصله عن العالم بعالم التركي وصافنه وتبتسم ع صورة ممثله المفضل

اشرة ال علا بمعنى حروح اخرب عليهه

اجيت من وره ع كيف وسويت عطت بعلو صوتي رفيييييييييييف

اني وعلا انمطلنا بلكاع من الضحك خطيه طفرة والريمونت طار ورجع ع راسهه
وهي خاله ايدهه ع كلبهه وجهه اصفر
ضلت صافنه علينه

بعده بعالم الصدمه اشو هاي عكدت حواجبهه وراحت للمطبخ ورجعت ونشوف النعال بيدهه

اني اعلمجن حقيرات
واني من الضحك مااكدرة ادفع عن نفسي
وعلا شردة فوك
كوه وخرت منهه
خطيه بجت من الهبطه

كعدة فحطانه وهي راحت تشرب ماي ودردم علينه درة راسي ع باب الصاله الداخلي واشووفه واكف طفرة

..........يتبع

قۣۗـۙصۣۗـۙصٍ 📖ۆبۣۗـۙسۣۗ 💯

تْوَاتْرَ الُقًدِرَ (هہلُ احُبّبّتڴ)
البارت السادس

يافكة اعيون الگلب
ياميزتي البيهه انغر
مو رايدك واتنفسك
لا يانفس شي اكبر
ياروح ماتطلع مثل
روحي التموت من اكبر
انا اعرف ابزعلك گبل
ماتزعل وياي اكدر
والنوم يتركني وقت
ماتنوي عينك تسهر


كتله يمته اجيت كال من انكتلتي بلنعال

....ههههههه

من يمته انتي هناا

....اوووو من الصبح
اجت رفيف

حسن شوف ذني كمزني اجيت اموت

كال ليش كمزتنهه

علا ماده راسهه كالت شلونك ابو السوس يله نبأ تعالي سوي ماسكات الي

صعدة ركض وعفت رفيف تشتكي

كعدنه نسوي ماسكات وتقشير لحد ساعه ب 1
علا خطيه تعبت نامت والمقشر ع وجهه عود كالت انجطل لحد مينشف الماسك غطت بلنوم

اني هم تعبت نمت ع جرباية رفيف لان رفيف زعلت وراحت تنام يم حسن

تلفوني ماسكت من حسن وكلساع يكلي تعالي يمي لو ليش اتصل ومتردين واني مغلسه

واحس الباب ينفتح وينسد ادري بي هوه يحوم
عفته ونمت

كعدنه الصبح نزلت لكيت زوجت محمد راجعه من الصبح وسوي ريوك بوستهه وتعجبت لان اول مرة ابات بيت عمي بتت بزواجهم وهسه الثانيه وهمه صارلهم 4سنوات مزوجين

مرت عمي كاعده وتگلم بانيه صبحت عليهه ورة شويه نزلت علا كالت بعد ساعه تجي عمتي

التمينه ناكل وطفرنه على سريع نبدل صدك ساعه واجت عمتي وهلمرة رسول يوصلنه من شافته علا غمت نفسهه كتلهه شبيج كالت ولج من دون الأيام اليوم ممعتنيه بروحي كلت منو يشوفني سوك وهوسه ويه حضي الافندي يوصلنه

كتله مابيج شي تخبلين صعدت وسلمت وهوه حلكه شاكه من الأذان للأذان الاخ

طول الطريق هوه ينكت ويضحك وعمتي نفس الشي
مدري شعجب مااخذ على حجي علا البارحه وماضاج بلعكس طاير

نزلنه يم مول كال احسللكم من السوك ودوخته صدك اني مااحب السوك وفرتهه والمول كلشي بي وهم يريحج من عجاجت الناس البلسوك

ارتاحينه بلمول لان هلمرة عمتي ماادخلت هواي صح تعامل بس تاخذ اليعجب علا وعلا منطلقه مخلت شي مشترته ورسول التكوله يكلهه بلي اخذي اليعجبج

نوب تعبنه صعدنه للطابق الثالث كان مطعم طلبنه اني وعلا بيتزه ورسول كباب وعمتي صاج متريد اثكل موزين عليهه

كملنه ونزلنه رجعنه كملنه باقي الشغلات عمتي كالت الرسول يمه كعدني بأي يمكان وروحو كملو بعد مابيه اتحرك

كلناله خلي نرجع ماقبل جان عنده صديق محله بلمول خله عمتي يمه واحنه كملنه صح اكو نقوصات كالت بعدين اكملهن لان صدك تعبنه من 9لل 5العصر نفتر من مول المول

رجعنه عمتي مقبلت تنزل كالت تعبانه واريد ارتاح

التهينه اني وعلا ورفيف تعزيل الغراض ونصفطهن بلجنط وراهه بيوم اجن نرجس ورحاب بطرف عينهن يباعن ع النيشان

خابرة ساره تجي اساعدنه مقبلت امي كالت بليل تجين خابرة عمج كال اجيبهه

علا سمعت وكامت تحجي وشلون بيه واني ماالحك مرة عمي كالتلهه رفيف يمج ومرت اخوج بعد شبيج

صدك بليل رجعني عمي دخلت ودخل عمي وياي لكيت بيبي وامي يشرب جاي بوستهن

دخلت للغرفه لكيت سارة كاعدة وتتصفح بتلفون ماما
كتله

هلو شلونج ذبيت الرداء وطفرة ع جربايتهه بستهه

هيه كمزت
ضربتني ع راسي ثوله اكو وحده هيج تكمز لو طايحه عليه

كتله عادي فدوه الي

ضحكت وكالت شلونهم بيت عمي

...زينين

كملت علا التجهيزات تحجي وتكلب بلتلفون

....تقريبن بعد شي قليل صدك الكل يسلم عليكم وخصوصاً مرة محمد وصتني ابوسج

صفنت عليه وبعدين كالت الله يسلمهم

....عمي يم امي وبيبي مطلعين اسلمين عليه

كالت مابيه حيل

...بكيفج

نزلت رحت ع جربايتي طلعت تلفوني وضليت اراسل حسون

لحد مانعست نمت وعفت الجهاز مفتوح ماادري بي

كعدة الصبح باوعت سارة نايمه دورت ع الجهاز ماكو
خرب وينه... لكيته صاير يم رجليه لان نومي عبث العب كراتيهه

فتحته لكيت حسن مخابر 5مراة ونفس ذاك الرقم هم متصل عكدت حاجبي شكو باوعت شفت wi-fi مفتوح خرب شكد غبيه هسه عباله سهرانه وماارد عليه موديلي مسجات

ويامن مشغوله

خرب ......ليش متردين

نبأ اذا متردين وربج هسه اجيج
بسيطه لاتردين

استغربت هذا شبي لزمت كلبي حسن مو عوايده هيج يحاجيني

صح خفت وضليت قلقه باوعت الساعه ب7 نزلت رحت للمطبخ لكيت القوري ع النار اكيد امي كاعده شفت ماما وبيبي مخليات صينية الريوك صبحت عليهن ودخلت اغسل طلعت صاحت امي طفي الجاي وجيبي جبته واخذت كوب اتريك وياهم أكل وبالي يم حسن شصاير

امي وبيبي يسولفن ع خالي حيدر يريد يسافر
بيبي كملت وامي ضلت تشرب جاي انتضرته اتكمل
شلت الصينيه وغسلتهن

ورحت يمهن بيبي صاحت جيبيلي دواااي امي رفعت راسهه عليه

يمه الشمس منين طالعه شعجب كاعده هلوكت
كتله ماادري شبعانه نوم

كالت انتي اشبعين نوم ساعه المباركه

عفته اصنف عليه انطيت بيبي علاجه ورجعت للغرفه فتحت تلفوني اخابره لا

كلت اخابره وافتهم منه شكوو بعدين اذكرة سارة موجود لاتسمعني

طلعت وصعدة فوك دخلت بغرفة نائل كعدة ع الجربايه

اتصلت وكلبي قابضني اول مرة هيج اخاف اتصل بي
دك مرة مارد مرة ثانيه رد

اجاني صوته الوووو

...كتله صباح الخير

نبأ احجي مفارغلج

.....حسن شبيك لان نمت وعفتكوالله ماادري بروحي

امشششي ولي لج موهسه حسابج بس افرغ البضاعه واتفرغلج وسده

اذاني انزرفت من صوته يحجي بعصبيه ويزمخ عيوني انملن دموع ليش هيج وياي حرام واحد ينام

خلي انزل لايحسون ع غيابي مسحت عيوني ونزلت

من القلق كوه مر الوكت سارة تسألني شبيج خلقتج انكلبت البارحه اضحكين ودكمزين

بليل حوالي ب9امي صاحت علينه نائل مخابرهم

طفرة ركض اخذة التلفون من ماما
يمه من شفته كمت ابجي

شافني ابجي كال خبله ليش تبجين

....مشتاقتلك احجي وابجي

والله اني اكثر شلونج نونه كافي لج

....ههههه الحمدالله انت شلونك

بخير من انتو تكونون بخير

.....نائل شوكت ترجع

ان شاءالله ماضل شي بس بقه التجميل نونه وترتيني من فرتج انتبهت افتر واحجي ويااا وخطيه سارة من لهفتهه تفتر وياي متدري بروحهه

......ههههه ماادري ضليت اسولف ويااا عن وضعه وعن شمس وعن عملياتهه صارله تقريبن شهر ممحاجي لان جان عنده عمليه وره عمليه وشمس ميقبل يصور حالته يخاف ع امي

نائل مدري شلون عاش معجزه من طلع من الغيبوبه وره الحادث طلع عنده نزيف بلدماغ ويأثر عليه لازم يفتحون الجمجمه ويسحون الدم وعنده كسر بفخذه وكسر بعضم الحوض ورضوض بأيده اليمنه

شمس من شاف وضع مستشفى كال اذا يضل هنا لو يضل مقعد لو انسان يعرج عضم الفخذ متأذي هواي حسب كلام الطبيب

طلعه ويااا وطول ذيج الفتره نحاجي شمس بس ميكللنه ع وضع نائل بلمضبوط ونحاجي نائل بفتراة بعيده

ودائماً يكول لامي نايم لو ماخذ علاج يخلي ينام
اني وساره حاسين ضام علينه شي

لحد مامره امي كالتله اذا مشوفني نائل اموت بحسرتي ودالنه صور نايم وأكرع بس من قريب بس وجهه

سارة تحجي ويااا وتناشغ رجعنه التلفون الأمي
نسيت حسن وضعه

رجعت للغرفه شلت تلفون لكيته متصل 3مرات

يبووو هسه يكوم القيامه عليه
كلت خلي اخابره
خابرته

استقبلني يعيط وين جنتي وليش متردين

.....حسن شبيك جنه نحجي ويااا نائل

متعرفين تنطيني خبر يحجي بعصبيه

...شلون انطيك خبر واني جنت كاعده وصاحوني احجي ويااا

اي نبأ خانم ويامن جنتي البارحه تحجي

....حسن اني ممحاجيه احد نمت وعفت الجهاز مفتوح

زمخ ولج شنووو نمت كم مره اتصل يطلع مشغول

.....استهضمت منه كتله تريد اصدك اولا بكيفك اني ممخابره احد

سكت ورجع كال زين تلفونج اخذه احد غيرج

....كتله لا

فهميني منو لعد جان يخابر بي اذا انتي مطموره ومحد لاعب بي

....اهووو حسن تره زودته مثق بيه مو لازم

اسمعه يسب بصوت ناصي وسكت رجع كال روحي نبأ لا ربج اشوفجيااا وسده

بجيت بحركه ليش هيج يصرف شمدريني منو مخابر بعدين اذكرة الرقم فتحت الجهاز طلعت قائمة

الأتصالات طلعت المكالمات الفائته طلعت الرقم شفت ساعات الأتصال طلع الفرق بين مكالمات حسن والرقم دقايق قليلهه

هسه افتهمت الرقم يتصل ومن يتصل حسن يطلعله مشغول
فرحت حسيت هم وراح ردت اتصل بحسن وأفهمه
رجعت اذكرة كلامه وشلون يشك بيه

دخت حسن اول مرة هيج يشك ويتصرف
غلقت الجهاز شمرته وطلعت

لكيت سارة واكفه تحضر بلأكل وامي كاعده تثرم زلاطه كعدة يم ماما اخذة ثرمت خيارة وكتلهه

....ماما نائل مناوي يرجع

لا ماما موهسه يرجع خلي يكمل كل عملياتهه اهم شي يطيب
.....اكلج يوم خلي باجر نروح نشتري فساتين للعرس

خليه موباجر وراهه باجر عندي مراجعة بيبيتج للطبيب

....اي عادي نروح سوه انتي تنزلين يم الطبيب واني وسارة ننزل بلمول من نخلص نجيكم للعياده

باوعتلي بطرف عينه كالت نبيااا (دلع مدري غلطه ) طالعه عينج وصايره جريئه يايوم خليتجن اطلعن وحدجن

كالت سارة شكو بيه نفتر نشتري ع راحتنه

امي ضلت تثرم زلاطه ورجعت حجت شوفن انتي وياهه اخاف شفتن نفسجن كبرتن وخصوصن انتي سويره ودكومن اشرقن وتغربن وعلي اذبحجن بهاي السجينه احترمن نفسجن واني اخذجن للسوك تشترن

سارة باوعت بنضرة عاديه مابيه تأثير بكلام امي اني خفت من كلامهه حسيتني مسويه جريمه

انطتني ساره سفرة افرشهه فرشت ونقلنه الأكل اني وياهه

اكلنه وكمنه لملمنه السفره واني غسلت المواعين سارة راحت للغرفه كالت عليج الغسل اني حضرة العشهه

مر هذا الأسبوع بصعوبهه فراك حسن خله عندي ملل والأيام متمشي بسرعه ووهوه طول بزعله كان يزعل يوم ثاني يوم نرجع ميكدر ع فراكي

صادف قبل زواج علا ب 3 ايام ماما اخذتنه نشتري فساتين كان المحرم ع ابوابه جانت المولات والمحلات عارضه اغلبية الملابس سود اني اخذتلي فستان ضيق طويل بدون ردن والصدر مربوط بلركبه بتور والضهر بس الأكتاف عاريه والثاني للعرس تصميم سمجه مستور لان مالبس فوكاا شي
ساره اخذة للحنه فستان قصير بس بي اردانات حلوو نازك
وبلوسط احزام من اقماش ستن وللعرس اشترة بس قميص شيفون حلو مرتب مقبلت تشتري تنور كالت عندي مااحتاج احذية مااشترينه سارة عده كومه للجامعه

رجعنه هلكانين امي مدري شعجب هلمره مادردمت ع الفره ولو مادورنه هواي

اني وعلا ع تواص

ل اتوسلت بأمي اروح وياهه تختار البدلات ماقبلت بليل كعدة اسوي ماسك الوجهي كعدت اخلط بلمواد سمعت جهاز

صحت سارة جاوبي من يمج نسيت يمكن حسن يتصل

اجت سارة تباوعلي بطرف عينهه شمرة عليه التلفون
عطت بيهه ....شبيج لو متفلش الجهاز

كالت ويطبه طوب

.....والله لومااكبر مني

هاااا اي عيني شسويلي تحجي ومتخوصره

.....عفته ولمزت الجهاز وفتحته باوعت و بلعت ريكي رفعت راسي بعده ع نفس وكفتهه بس نضرته مال وحده تتوعدلي

كالت وهيه رافعه اصبعه

نبأ حذرتج وحرجع اعيد بطلي هاي السالفه وعوفيه متفيدج وانتبهي ع دراستج مصيرج دراسه وبس لاادخلين بأحلام ماتاخذين منهه بس القهر والدموع انتي مو بعالم وردي وراج ام تؤمن بمبادئه وبس

اباوع على سارة اول مرة هيج تنفعل وتحجي بهيج لهجهه وحركه مفتهمت منهه شي عافتني صافنه عليهه وراحت

رجع التلفون يدك باوعت حسن جاوبته بلهفه

....الووو

وين جنتي صار ساعه ادك

....ضحكت اشتاقيت حتى العصبيته كتله جنت اسوي ماسك ويمي ساره مكدرة ارد

هيج فراكي حلو عليج حتى مكلفتي نفسج تعتذرين اتصالحيني وطالعه ومكايلتلي نبأ خيرج يابا صايرة تصرفين من راسج

...يحجي واني بودي ادخله واحضنه خلي يرزل يغلط كلشي يسوي بس لايبتعد حلكي ما نسد من فرحتي صاااح

الوووو

.....هااا وياك

وجعا شبيج ساكته احجي ويامن

....حسن

هااا

....احبك

سكت واني كلبي ينطق 1000دكاته

سمعته يكول اوووف
واني شلون بكلبي الي يحبج وميت بيج وكل السويتي واكول هاي كلبي اموت بدونهه

.....ههههه حسن والنبي ممخابره احد قاطعني

اشششش كافي عوفي الموضوع شلونج

....الحمدالله وانت

هسه صرة احسن

...ماعرفت شرد كال

اي نونه شلون اطلعين ومتنطيني خبر هاي وحده شي لخ تذكرين اتفاقنه

....يااتفاق

اني موكايل شماصير بيناتنه مشاكل وزعل مطلعين بدون علمي من اجيتينه عبرتهه لان يمنه بس فرت السوك متتعبر

....شلون انطيك خبر انت زعلان عليه صدك شمدريك اني طالعه للسوك

وديت امي وعلا يحجزن بدلات وشفتكم طالعين من مول علاءالدين

اريد اكمل حجي وسمعت باب الشارع انفتح باوعت من الشباك شفت بيبي وخالو حيدر دخلو كتله حسن بعدين اخابرك اجت بيبي سديتهه طفرة اخذة كاست الماسك حطيتهه ع ميز وشلت المواد

طبت بيبي بوستهه وخالي حضني كال شلونج باباتي
كتله الحمدالله طببتهم للهول رجعت للمطبخ

حضرةالجاي وطلعت كعك

رجعت للهول لكيت سارة وماما كاعدة

امي كالت حضري الجاي كتله سويت بدوو يسولفون عن نائل خالي مخابرة ويكول ماضل شي ويجي

سارة راحت صبت الجاي وقدمته وراهه ب ساعه ترخص خالي وراح

بهاي اليومين التهيت بتحضيرات نفسنه اني وسارة
بيوم الحنه رحنه من الصبح ب11لكينه علا ماخذيهه للصالون عمتي امتثال جايه وعمتي امال رايحه ويه علا ورفيف وياهم ورحاب خالات علا جايات وبناتهم كلهن ازغار

البيت صار روضه ههههه اريدهم يكعدون ماكووو واني وسارة وحدنه نفتر ويه مرة محمد

نكعدهم مناا نروح نحضر بلصواني وتعزيل البيت من هوستهم

صارة ب 2صعدنه نحضر نفسنه لبست وجنت لافه شعري بم فليته تانيت ساره تكمل وسويلي شعري وسوته الي وشالته من كدام كلش حلو صار

ساره رفعتهه وسوته طوبه ونزلت كذله
تغير شكله امي من اجينه انطتنه تعليمات مكياج وركص ممنوع خليت بس حمره بناتيه لونهه حني وساره هم


نزلنه بعدهم مواصلين امي من شافتنه اجت تقرة معوذات وتنفخ علينه انوب رجعت شربت مي وخلتهه بحلكهه احنه صافني وحدة تباوع للاخ اشو امي تقربت وسوت تف تف تف

ويييعع يمه شنو هاي

سارة:خرب يوم وكتج ساره تمسح بوجهه وبودهه تتقياء واني رحت غسلت

خالات علا من شافن امي طكن من الضحك

10دقايق اجة الجهال تتراكض اجت العروس اجت العروس وهذا ابن خالهم لازم المنشفه ويهوس خرب حضج علا الجهال اكثر من الاكبار

طبت علا للمطبخ والكل ملتم عليهه وبدة الهلاهل
وعمى امال لازم عبايته وتهوس بهوستنه المشهوره
(صلو على نبينه والعين ماتجينه )

هاي الراده وهاي التمناهه بنت الشيخ لبن الشيخ جبانهه كللللللللوووووووششششش كللللللوووووووشششش

بلمنه طك بلمكم يهل العماره وابنه يريد بتكم يهل العماره

اخذن المطبخ والهول كله هوسات ويدبجن مدري شلون كعدة علا

ردت اوصل الهه ومريت من بينهن راسي اتفشخ من الجكليت

....اللهم صل على محمد وآل محمد شطالعه

كالت يروحي تعالي هفيلي متت

شغلو السستم وبدة الركص التهيت اسولف وياا علا

رفعت راسي واشوف بنيه حلوه خاله مكياج طوخ بس مرتب ولابسه نفنوف فوك الركبه نص من الزر لمن ركزت وطلعت رحاب شلاعبه بروحهه تخبل مااعرفتهه لو مااركز اشرتلي سارة اجي اوزع وياهن

حضرنه الصينيه الكبك كالت شروق(زوجت محمد) فدوه كملن بين مااروح اشوف ابني

شلت الصينيه اوزع وساره شايله صينية القواطي ببسي وصلت النص هول

ونسمع صراخ شروق اباوع النسوان كله طفرة شي تردم بشي علا تباوع عليه وخايفه عفت الصينيه ع الطبله كوه دحست روحي ارجف ارتف الصريخ مرة عمي

........يتبع

شكل الحواجب وترتيبه🙂يأثر على الوجه

فتابعو الخطوات..من اول خطوة لأخير شي👆🏻..رح تشوفون فرق كلش جبير🌚❤️

#ملوكه

بس مسكارة وقلم للحواجب..صار تغير باللوك..وأحلى🌺😎

#ملوكه

طريقة تحديد حاجب..

عجبني هاللوك واوو😍..شكل هالحاجب بسيط ونازك يناسب كل انواع العيون ❤️

#ملوكه

‏طريقة تكبير وإبراز الشفايف😍
‏
‏اهم خطوة أنو تحددين بلون غامق ويكون مقارب من لون الروج💄💋

#ملوكه

يجننننن😍❤️

#ملوكه

_ أنتِ بيدچ كُلشي🙂 ، خليچ اقوى من
تفاهات 💔هالـزمن أعتمدي على نفسچ شكد
متگدرين سويلچ شي بي خير وينذكر
لتظلين لازمه تليفونچ وتفترين بالفيس 👎
_ كعدي الصبح مبتسمه حتى لو ابو الغاز
يدگ يم غرفتچ تريگي عدل بدون
تليفون ، أكلي براحتچ واستمتعي
بهالنعمه♥️
_ أدي واجبچ بالمكان اللي أنتِ بي
ولتنسين حصة روحچ من الراحه
بتواصلچ ويه رب العالمين بمكان هادئ
وأنطلقي بالسعاده اللي حتغمرچ 👑
_ من حقچ تچقچقين بالفيس بس لتظلين
بصفحات مالها معنى ومتطور منچ ولا
شويه 🙏
_ أشتغلي ، ضروري تشتغلين أذا متگدرين
تطلعين فـ هوايه اشياء ممكن تسويها
بالبيت 🌸
_ فكري ي بـ شي يكون صدقه جاريه ألچ
وحتى تكونين ناجحه لتعتمدين على أحد
أبداً أبدأ 👍
_ لتنكسرين لتنهزمين ، لتظلين تبچين ،
لتكتأبين ، تواصلي ويه الناس ولتگطعين
وابد لتنسين تقرين ، القراءه ممكن تزودج
بأكثر الاشياء اللي ذكرتها 👏
عيشي وانتعشي العمر مره 👌

#سوالف ..#نصائح
#ملوكه