#كسرة_خاطر

#البارت4

ثاني يوم نفس الروتين بالدوام وسولفت لضمياء عن كولشي صار وكولشي حجيته ويه همام واتوكلت ع الله بسالفتي لان حيل خايفه منه وشبه مقتنعه هذا مو زواج عادي هاي كسرة هشم ورد الصاع صاعين اليه يعني ثار 5سنين مضت ولقائي بابن عمي اليوم هو الي يحدد هذا الشي الخايفه منه اني .
همام..خلي اعرفكم بنفسي اني همام عمري 27سنه من 5سنين دخلت كليه عسكريه بعد ماصار بيه موقف هز كياني وغيرلي حياتي خطبت بنت عمي وهي جانت زعطوطه يمكن ميتجاوز عمرهه 15سنه رادو اهلي الم روحي واستقر ويخلوني ابطل سوالف مكسره واتعلم اتحمل مسؤوليه ومجان احسن من بنت عمي الي تستحملني بس بوقتهه من خطبتهه هي رفضتني وموبس هيج لسه اتذكر تخوصرت ووكفتلي وكالت عليه مهتلف وصايع ودلوع الماما وماعندي مسؤوليه بوكتهه كان كلامهه صحيح بس ماتقبلتهه من #زعطوطه مامخلصه ثالث متوسط بنفس الوقت حسيت ع نفسي اني عمري 22سنه رجال مو صغير يعني وجان لازم اكون كد المسؤوليه اهلي الي كبرووا ورادوني اكون نفسي واكون عائله واذا بنت عمي مارضت بيه الغريبه ترضه المهم قررت اسوي حل جذري لنفسي قررت اتغير وقدمت ع كليه عسكريه بعد ماقدمت سادس خارجي ونجحت ولان العسكريه تربي وتقسي عظم الولد وتسويه رجال وتبني الشخصيه القويه المهيوبه ومضت السنوات وتخرجت واول ماتخرجت شدولي نجمه يعني ملازم صرت وصار عندي راتب حاولت ابتعد عن التبذير ومكسراتي القديمه واشتريت قطعه ارض قريبه ع اهلي وراهم بشارعين وبنيتهه ع كيفي والوالد ساعدني اشتري سياره والحمدلله كونت نفسي وجنت ايام نزولي من دوامي اعاون الوالد بمعمل الالمنيوم اوقات ومرت 5سنوات واني عيني من ذيج الزعطوطه بنت عمي الصلفه ام لسان طويل كل اجازه وكل نزول اراقبهه طبتهه وطلعتهه وحته من صارت طالبه كليه ماغابت عن عيني صح لبسهه فري وسافره وتسوق سيارة وعايشه بس هي وامهه بس تربيتهه متعوب عليهه ثكيله ومن صارت حنين مرحله ثانيه كليه تمرضت والدتهه بالمرض الخبيث وراحت لدار حقهه وفتحت ويه اهلي موضوع الزواج من بنت عمي وماجذب عليكم واكول انو خطه زواجي منهه جانت بس لان غيرتي شالتني عليهه لان مبقالهه احد وجانت تبات ببيت اهلهه وحيدهه وماقبلت تستقر ببيت اهلي رغم الحاح اهلي عليهه لذلك قررت اتزوجهه وهم هي اجت والله جابهه يمي ذاك موقفهه ما انساه ابد وجنت مخطط اذلهه واعذبهه واكسرلهه خشمهه ويمكن حقدي يوصل انو حته اتزوج عليهه يعني ذاك الخشم اليابس والعرامه ردت اكسرهه بس مافكرت بضرب لان اني عسكري وعندي اساليبي بالتحقيق والبرود والعذاب النفسي جنت كولش حاقد عليهه وحقدي عاميني..
اهلي راحوو خطبوهه بس موافقت راسا طلبت وقت تفكر بي وطلبت تلتقي بيه لان عدهه شروط..
المهم هي من جهه ذكيه عرفتهه حست من ناحيتي بشي غلط بالموضوع واتوقع جانت متخوفه من سالفه رفضهه السابق اليه قبل 5سنين واللقاء جان جس نبض اليه يمكن راح تعتمد ع حدسهه وياي من تشوفني وردات فعلي ع شروطهه وطريقه تعاملي وياهه واني قررت العب دور ابن العم العاشق علمود تفكر انو موقف قبل 5سنين خلاني اتمسك بيهه اكثر واكون نفسي علمودمن ارجع اخطبهه اكون جدير بيهه..
بنفس الوقت شروطهه كانت راس مال اليه علمود اعرف شنو نقاط ضعفهه ويبدي العقاب والحرب النفسيه الي مقرر اضوكلهياه.

يتبع..

#لهفة_عاشق
#البارت4
،،،،،،،،،،

شفت دفتر حياتي مطرز احزان
وبجيت هواي يوم إلي قريته
أول صفحه بيها اشكال وألوان
قريت الثانيه راح الي هويته
ثالث صفحه دوخه وشدت البال
قريت الرابعه وما كمليته
شمال الخامسه شضمتلي الأيام
قريت السادسه وبيدي طويته
اذاني زماني وعكس وياي
وهمي الغيري والله ماشكيته
انا ادري الدنيا بيها هواي طيبين
زرعت الطيب ولا مره جنيته
،،،،،،،،،،،،،،

اووووف و الله ذبحني الحرمس لابليل نايمين زين ولا الضهر وفوك كل هذا عذراء الغضب اختي الناس كله تجيل بضهريه تنام اله هيه مكانه يم راسي كبال التلفزيون تكرط حلويات وبس صوت الخرخشه بذني زهكتني صحت

عذارء وجع ادري فاره شجاج كرط كرط يعني اله يم راسي

كبر جفلتيني همزين مغصيت انتي مو نايمه شكعدج

وج يانوم والتلفزيون يرطن وانتي تكرطين يم راسي والبك اكلني بس فهميني ماكو مكان تكعدين بي اله هنا

اي غير حتى كبال المبرده شون يعني اموت حر
لا والله ليسمعج يكول مبردتنه تجرش اليكعد كباله هيه وين دتفتر الخاطر الله شوفي البك سشوه بيدي

دسكتي موزين اجتي الكهرباء خليه ضعيفه والمبرده يادوب تفتر بس اقله اسمه كهرباء احسن من الماكو

هم صدك اكوم اعجن احسن طيرتي النوم من عيني

حبابه فدوه سوي عصريه وياج

امشي لج لو تموتين
دندوش حبيبتي اختي الحلوه كلبه مينطيه ترفضلي طلب

عفته وطلعت البيت هدوء الضهريه انام بس هاي الفصعونه متنام شلت النجانه ترسته طحين وجبته بلحولي بيتنه ٣غرف جينكو غرفه كبال غرفه بنصهم حولي طويل ماخذين زاويه منه مسويه مطبخ وكدامه حوش جبير سياجه سعف وبابه برده

ولي ولي لاتصبغين بيه ماتقشمر اني

اني اديان من مواليد ١٩٨٨

مخلصه عداديه

وساكنه بمنطقه زراعيه بشمال بغداد بهذا الوكت وره السقوط واحداث الطائفيه اطلقو على مناطقنه مسمى حزام بغداد
اعيش بهذا البيت ويه عائلتي والدي والدتي اخواني قصي وحازم واخواتي ثنين تماره متزوجه وعذراء اصغرنه بزر الكعده بابا يشتغل فلاح بلبساتين الداير مدايرنه يفلح بيه يصعد نخل وينطوه هل الله قاسمه حازم الجبير متزوج ومنفصل عنده ولد جان ماخذ بنت خالي ومتراهمو هوه وياه دوم مشاكل مشاكل تعبو وتعبو الكل تالي طلكه وزعل خالي تاخرب هوه وامي وعلى اثره خوالي كلهم زعلو على زعل اخوهم الجبير ونقطعت بينهم العلاقه رغم امي اختهم الوحيده وذبو علينه ايهم عمره من عمره سنه روحي صارت بي ربيته وصار حتى ماما يصيحلي هسه اربع سنوات عمره

قصي قبل شهرين تزوج بنيه جيرانه حبه وهيه تحبه لملمنه الاكو والماكو وزجناه وهيه فقيره حيل وتموت عليه راضيه بعيشتنه شون مجان قصي وحازم يشتغلون صياده يوميه المغرب ياخذون الشبج لمنطقه فوك من منطقته بيه شط ينصبو ويضلون اليل كله بايتين هناك للصبح يطلعون صيدهم وشنو الله رزقهم ينزلو للسوك يبيعو ويجون وعلى هاي الرنه عايشن ومستوره
الاوضاع بكل العراق تعبانه بس من وره السقوط كمنا نسمع مصايب واحداث تشيب الرأس ومناطقنه جانت أكثر المناطق المستهدفه كونه ارض زراعيه مفتوحه سكانه الناس الفقره فقط ولان كيعانه مفتوحه وتسهل العبور من منطقه لمنطقه يعتبروه حاضنه للارهاب تعودنه على القصف والتفتيش كل شويه جافتينه لو يوميه مسوين حمله اعتقالات شايلن نص المنطقه كل هذا ومتحملين وين نروح هاي كاع ابويه وارثه من ابوه والعيشه بغداد صعبه والايجار مينراد الواحد يشتغل حتى يعيش وياكل لويدفع ايجار

عمامي ثنين بصفنه كاعدين وعماتي متزوجات محافضات وهم الحال من بعضه هاي عايشين نزرع ونصيد سمج وناكل امي مربيه دجاج مداريته وهوه مدارينه البيض ماله خير من الله ومرات قصي تطبك عنده يغافل امي ياخذ دجاجه يذبحه ونشويه نحطه كبال امي دكول هاي منين يكله من السوك تصفن وجنه تعرف رباه اديه تصرخ
قصي بس لا الدجاجه الكاركه والله العب بيك جوله
ينصي رأسه يضحك يبوسه بلهوه تبرد ملامحه تكول اكلو الف عافيه بس غير دكول واطلعلك اني خطيه هاي جانت كاركه يشيل عينه رافع حاجبه يكله كل عقلج اكلج واني ادري ذني الدجاجات اعز من عدنه عليج

خليت النجانه وبديت اعجن وتذكر سوالفنه صوت قصي ومرته بلغرفه ومداهرهم بذني بتسمت مدنكه اكول لروحي هم يجي يوم اني واياد تجمعنه غرفه تنهدت ضحكت فاطمه بصوت عالي كحيت احسسهم اكو احد بلحولي خاف يجفصون بصوت اعلى هههههه سكتو وهيه دكله قصي كافي تداهر طلعت صوتنه وهوه يكله تعاي لج شمسوي نصيت وبالي راح بغير مكان وتذكرته

اياد لو تخطب لو تفك ياخه مني
اديان شبيج منين اجيب يعني ابوك

هسه اني شطالبه منك شفتني تشرطت هيه خطبه تكف مني الخطابه اليوميه جايه

ماكدر ماكدر تدرين اني بالي هواي أفكار اريد اشتغل اسافر اكون روحي والزواج آخر شي مفكر بي

هااا هيج الحجي لعد شكو خابصني احبج واحبج

قابل مجذب احبج بس الفكر مينراد اهلنه فكوره تريدن نعيش عيشتهم وجهالنه يعيشون عيشتنه

اياد ستغفر ربك شبيه عيشته شو مستوره والحمد الله احسن من غيرنه اكو ناس ميته جوع
دسكتي لخاط

#غصـبوني_آعشـگگ

#البارت4

عمممممه لحكيلي عمممممممممه

ولك فههههههد يمه افتح الباب عليك الله وليدي البنيه راح تتخبل

اصيح وابجي وروحي فرفحت وهوه فوكايه عرفته شيريد يسوي كمت اخرمش بيده لازمه ايده وارفس مثل الطير المذبوح وهوه نكلب وحش يريد بس يوصلي إلى ان احمد كام يدفر بلباب

فهههههههد افتح الباب بالله العضيم راح اكسره فهههههههههههههد كتلك امكسسسسره بلقران
ويدفر بلباب رادت تتشلع هيه لحضات اني صايره جواه بس عبالك سنه فجاه ابتعد وجرني من يم شالي الي نفتح وصار خريطه وكال

وخرووو من الباب ماعندي شي وياه شغله بينه

احمد

والله ماتحرك منا اذا متفتح الباب

احمممممد كتلك ماكو شي روحووووو

ماكو احمد مستمر يدك بلباب وعمتي تتوسل بي
كومني ليم الباب واني ارجف وأمسح الدمعه تنزل عشره وكف سد حزامه وباوع عليه كال بنتر

عدلي نفسج

كمت احط بشال ويوكع وأمسح بوجهي

حضج بااحمد وامي والله جان خليتج اليوم تبوسين حتى رجليه

حجاه وفتح الباب طبت عمتي جيتت بحضنه واحمد يصيح وراه

ووووين تعال شكو شصاير فهههههد
عافهم ونزل مجاوب نزلتني عمتي واني مستمره ابجي كمت اناشغ مثل الطفله كعدتني بلمطبخ واحمد فوك راسي

شبيج قممر احجي مدكليلي شجاه اشو نزل نار كبره شكو

يمه عوفه متشوف شصاير بحاله هسه تهدى وتحجي روح لمحلك ابني

احمد فاتح أسواق بصف البيت هوه خريج خطيه بس اكيد ماكو تعين عاد عافنه وطلع

عمه عفيه اريد اروح للبيت

يابيت فدوه لعينج شوفي حالج بس تشوفج امج مره مريضه بس تشوفج هيج تحط راسه وتموت كومي كومي غسلي
جرتني لسنك فتحت المي وتغسل بوجهي ورجعت كعدتني عل كرسي جابتلي كلاص مي وكعدت كبالي

اشربي بنيتي

اريد الزم الكلاص ايدي ترجف

شبيكم ادري شجاكم انضربتو عين مصار حتى سبوع من نخطبتو شبي وياج

ابجي واحجي عمممه ابنج موصاحي لوتدرين شراد يسوي

ولج عوفي البجي راح يوكف كلبج من الرجيف كليلي شراد يسوي لمعزه
عممه ابنج راد يغتصبتي دتفهمين عليه متت واني ارفس جواه

عزه بعينج فهد ولج خوه مسوالج شي

هزيت راسي بلرفض

ادري ليش غير افتهم

علمود المدرسه البارحه دزلي رساله كلي بعد ماكو دوام واليوم اجاني للمدرسه جرني كدام الطلاب وجابني لهناء

يعني بس هيج
اتذكرت اني كتله بصفتك شنو تحاسبني وهوه تخبل عمه والله جابني سحل حتى الطلاب تباوع والطريق كوله يصيح ويسب ويغلط

جرت نفس وكالت

شوفي بنتي اني مو أدافع لبني صحيح هوه عصبي ومينجرع بس صدكي بالله مراد يسوي وياج لبالج بس ديخوفج لن كتيله هيج ولاتنسين تره انتو معاقدين يعني اذا ميخاف منعدنه من الله هم ميخاف بس هوه اعصاب وانتي الله يسلمج هم ميصير هيج دكوليا يعني هوه قبل ميصير خطيبج هوه ابن عمج يجوز هاي جانت حجه حتى يتحرش بيج ويداهرج ويجج للمدرسه وكلامج ستفزه والشيطان دخل وصار الي صار هسه اهدي ومسحي دموعج وكومي غسلي اتخرتي هسه امج ضل باله وأريد منج شغله هذا الي صار ماريد أحد يدري بي واني من يجي اعرف شلون اتصرف وياه كومي بنتي
مجاوبت ولابيه حيل اجاوب الشهكه مفاركتني كمت غسلت ولفيت شالي زين اباوع لروحي بلمرايه عيوني وارمه من البجي وخشمي احمر وحالتي حاله عمتي لبست عباته كالت اني اوصلج طلعنه ودخلن ساره ورسل هسه حلن باوعن عليه بلبدايه بتسمن من تقربن مني غابت الابتسامه راد يحجن عمتي خزرتهن خطيه ضلن صافنات وحنه طلعنا وصلت بيتنه ودخلنا امي بلمطبخ ستغرب طبت عمتي وياي باوعتلي

شبيج بنتي شنو باجيه عفته وصعدت لغرفتي واسمع عمتي دكوله زعل حبايب هيه وفهد مابيه شي لاتخافين دخلت للغرفه حطيت وجهي بيدي وابجي ابجي وأتذكر الموقف خصوصن من اني جواه لحضه مرعبه روحت نص عمري جوه الكاع طبت امي

يمه شنو هل بجي ليش موته نفسج علمود المدرسه هسه اني حاجيت عمتج كتله الدراسه خط احمر واتفاقنه من البدايه قمر تكمل دراسته غير هذا الشي نفسخ وكلشي يرجع بمكانه شهل زواجه هاي الي من اوله بنتي جتي مفرفحه
مجاوبت بس اهز برأسي بس عرفت من هدو امي مكايلته عل سواه بلغرفه بس كايلتله متعاركين علمود المدرسه رادت انزل اتغده كتله ماريد اريد انام وبس طلعت ودفنت راسي بلمخده ونمت حتى مابدلت للعصر كعدتني سمر

كومي كومي اكعدي يله سولفيلي

وخري مني سمر مابيه حيلج

والله ماعوفج الى تحجيلي يكولون اليوم روميو جاي للمدرسه عل جوليت ومتعارك وياه كعدي حجيلي بتفصيل

كعدت لحيلي يارميو كولي ابن عمج لمخبل الله يأخذه واخلص منه

😲😲😲😲😲عززززه بعينج قمر تدعين عل فهد
اي انتي بس كولي امين وخلص .كمت للكنتور اطلع ملابس وهيه مستمره تحجي

بروح ابويه تسولفيلي والله ماتحمل الفضول كتلني

شسولفلج مخبل ماريد اجيب حتى طاريه عفته ورحت للحمام سبحت ونزلت اكلت لكمه ومر اليوم عاي ثاني يوم الصبح كعدت اريد اروح للدوام بس اريد اشيل جسمي ماكد متكسر ومصخنه نار نزلت كوه

صباح الخير يوم

صباح النور اشو ممداومه
يمه تعبانه

اخاف علمود فهد يمه كولشي ولا دراس