‏#الاسد عنده قدرة هائلة على تحمل الآلام العاطفية وبدون ما يشتكي لأحد!.🙃

#اتمنى_ان_افعلها

الحلقة_47

لم يلمس احد قلبي مثلما فعلت انت ... ❤

.......

خالد :- بشّر ؟

- المريضة كعدت و ان شاءالله تعدت مرحلة الخطر

شهكت بقوة بسرعة دموعي نزلو من الفرحة حضنت اختي اثار حيل و هي فرحانة و خالد يضحك :- الحمدلله ياربي الحمدلله، فدوة اكدر اشوفها ؟

- مو هسه فد نص ساعة و تشوفينها

- الحمد لله ربي ، سمعت خالد امي كعدت الحمدالله، يعني راح تتنازل عن اسامة و يطلع و ينحل كلشي يارب

خالد :- الحمدلله على سلامتها ، زين ربي و تعدتها

ديار :- اي راح تصير زينة
شلت الموبايل خابرت على امجد :- الوو

امجد :- هاا

- امي كعدت و تعدت مرحلة الخطر الحمدلله

- زين

- شبيك شنو زين جاي اكلك امي كعدت

- هذا ما يغير من الموضوع شي بالعكس يزيدة

- هاي شبيك انت من صدكك، ما اريد اخرب فرحتي بكلامك ، مع السلامة

سديته و خابرت ابوي :- الو

اسماعيل :- الو خلو ديار

- امي كعدت و الدكتور يكول تعدت مرحلة الخطر

- الحمدلله الحمدلله هيج راح تسهل القضية على اسامة هواي

- يعني راح يطلع مو ؟

- اي يطلع اذا امج تنازلت، يطلع

- الحمدلله ربي ، زين اكدر ازور اسامة اريد اشوفه اطمن عليه

- هسه مو وكتها شوفيلنا امج و خل تحل القضية ما بيه حيل دوخة راس

سديت الموبايل من عنده، التفتت الخالد، كاعد يخابر بموبايله، تقربت منه، نهى مكالمته :- ها

- اذا هاي روح انت بعد هم وراك تحضر نفسك تسافر باجر

- نطمن على امج و بعدها اروح، هسه راح انزل اشتريلكم عشا ، شتحتاجون بعد ؟

- ليش واكف وياي ؟

- شنو ؟

- ليش واكف وياي صارلك يومين ما عفتنا ولا ساعة بينما هم اهلك المعتدين و لازم تصف وياهم

- اني مو بصف اهلي ولا ميعاد ولا رافد، كل الصار ما راضي ومستحيل ارضى بطعن الاعراض حتى لو شما جانت ما اقبل ، بس وكفتي هنا لان محد وياج مو لخاطر امج

- اعرف ، اشكرك هواية

- ما احب كلمات الشكر تحسسني اني شخص غريب

اثار :- اني احبك

ضحكت و ضربتها :- عيب

خالد :- كبري و خلي اخذج و اصفط ٣ زوجات

- لاااا اني اتزوج مهيمن بس انت يعني مثل اسومي

- توكعينة توكعينة الكبلج حطت براسها ووكعته شلون وكعة

ضحكت :- لا هي وكعته من زمان و مشتريلها هدية

- لا هذا سابقنا من هسه، اذا اني ورافد كل واحد اثنين ... فهذا يسجلهم فريق

- الله ينتقم منه

- كل داعي شر اله نصيب من دعائه لا تدعين، اذا جان ظالم الله يجازي

- السواه الشر بذاته ورط اخوي بقتل امي

- هو شاف صور و كل رجال ما يتحملها

- هن فوتوشوب و بعدين شنو انت ادافعله

- اني ما ادافعله و لا ابررله بس ما ارضى تحجين عليه مثل ما انت ما ترضين احد يحجي على امج رغم كل اخطائها !

- اروح اشوف الدكتور اذا يخليني اقوت اشوف امي

-ديار

-التفتت اله .. ها

- اللي بين رافد و امج ما اله علاقة باللي بيني و بينج

- شنو اللي بيني و بينك ؟!

- لربما صداقة!

بقيت اباوعله، اخذت نفس هزيت راسي، دك موبايله راح من كدامي حتى يجاوب، اني رحت اتفق ويا السستر حتى ادخل

تريد مني ٢٥ الف حتى ادخلني بسرعة و كلما اريد ادخلني الها، شلت الها ال٢٥ و انطيتها و دخلتني

تقربت من ماما، الاجهزة بجسمها الاوكسجين على خشمها، مغمضة و جهاز النبض يدك يمها، الوجه متعوب كلش ملبسينها بدلة عملية زركة

دمعت عيوني من شفتها، هذه اللي مسكته العالم بالسانها و لاعبه عليهم لعب هذا حالها ؟
كمت اجر بخشمي و اني ابجي، حطيت ايدي على ايدها ، حركت عيونها

باوعتلي بس ما حجت كلش تعبانة ، كامت دموعي تجري بقوة، ضمت ايدي بأيدها بلا ما تحجي ، تقربت بست راسها و خدها :- الحمدلله ع السلامة ماما

حجت بصوت انين ناصي من الوجع :- دياااار

- ليش هيج سويتي بينا ، اسامة ضاع و انت بهذا حالج ... ليش

غمضت عيونها ، مسحت دموعي ما اريد ازيد عليها لأن واضح هي تعبانة كلش، رحت طلبت من السسترة بس ادخل اختي اثار تشوفها، بالبوكة دخلتها

هسه دا امشيها لامي، هي شافتها و ركضت الها، حضنت ماما و كامت تصرخ بكل علو صوتها

-اتأذت امي بساع نشغت ، جريتها بسرعة من حضن امي :- مو هيج ديري بالج حيوانه غير مسوية عملية

اثار:- اررييييييييد اميييييييي مامااااااا كومي مامااااااا

- ولج اششش لا تلميهم علينا دسكتي

- ارررررررررريد اميييييييي

- هاي كدامج امي بلا عيارة راح يطردونا من وراج

اشرتلي اعوفها، بقت شابكة بطن امي و تون تبجي، جريتها :- يلا خل نطلع

نطقت بصوت ناصي متوجعة :- اسامة وين ؟

-بالسجن سلم نفسه للشرطة

سكتت، اجت السستر كالت :- يلا حبيبتي اطلعي ما يقبلون تبقين اكثر ، باجر الصبح ننقلها للردهة و اشبعي منها و اعتني بيها

بسنا امي اني و اثار و كلنالها :- مع السلامة
و عيونة مدمعة، هي هزت راسها خفيف
طلعنا، خالد واكف برا ، شافنا اجا

:- ها شلون صحتها

-كلش تعبانة

-التعرضتله مو سهل ان شالله تتحسن صحتها ، شوفي ديار ادخلي لهاي الردهة لذيج الردهة و احجزي سرير يناسبج و يناسب امج ،و نامي عليها اليوم انت و اختج لحد ما يطلعون امج من العناية باجر

و هاي جبت الكم صندوك مي و فواكه و دجاج تتعشين انت و اختج، تحتاجين شي بعد ؟

- تسلم ما قصرت

- طلع خمسين من محفظته، حطيت ايدي :- لا اطلع شي شايله وياي تقريبا ١٥٠ الف

- خليهم يفيدونج علاج و بعد امور هواي

- عندي والله زوجتك جايبه ضمهن يفيدنك

حاول وياي هواي ما اخذتها منه، رجع و كال :-شتحتاجين خابريني حتى لو بأردن اني اخابر اللي يساعدونج

- مشكور و ما قصرت الله ينطيك ان شاء الله

- الشكر لله، يلا لعد مع السلامة

- الله وياك توصل بالسلامة ان شاءالله، لا تنسى دزلي صورته ع الواتساب

ابتسم و هو يمشي :- ان شاءالله

راح و اني و اثار مشينا للردهة حجزنا سرير لامي و طلبنا بطانية و نمنا بسريرها للصبح، الصبح غبشت للبيت من ٨ خلست اثار بالمكان و كلت الها لا تتحركين منا لما ارجعلج

رحت لكيت امجد ماكو و عمي و عمتي نايمين، فتحت الباب بالقدرة يلا كدرت ادخل، جبت غطا و فراش و حضرت جنطة لامي من ملابسي و رجعت للمستشفى
اثار كاعدة بمكانها تبجي و تكلي :- ليش عفتيني اني عبالي رحتي بعد ما تجين

كلت الها:- اي مو كتلج ارجعلج بعد شكو تتعايرين

اخذتها ورحنا انتظرنا يطلعون امي، لل١٠ و نص يلا نقلوها للردهة حضرت سريرها و عدلته و حطيتله جرجف نظيف و نامت هي

كلشي ما تكدر تحجي بس نايمة
عذراء مرتين خابرتني و ما جاوبتها ، هسه خابرت رديت عليها سألتني ( ليش ما اداومين )

سولفتلها الصار ويا امي، تخبلت ..
كالت :- باجر احنا يمج و شتحتاجين كولي

بيومها اجا امجد الظهر ،شاف وضعنا و هو واكف ، سألني اذا احتاج مصرف ، كلت اله :- ما اريد
خلا وراح

خابرت بتول حجيت وياها اسال على خالد اذا راح ، كالتلي اي راح بس ديار بعد لا تخابرين لان امي اذا عرفت اني جاي اتواصل وياج تسويلي مشكلة

ما خابرتها بعد ما ردت اثكل عليهة

حالتها ما تسمح تحجي لهذا الدكاترة اجلت قضية التحقيق وياها الى ان تتحسن

حاولت اخذها للحمام، ردت اسند ايدها حتى تمشي ايدها اليسرة ما تتحرك ، تنطيني اليمنة ، باوعتلها :- ليش ما تحركيها

- ما احس بيها من جسمي

بقيت اباوع بوجهه:- معقولة ايدج انشلت ؟

- ساعديني اروح

مشيتها بس انقلقت حيل على حالتها، هي تضايقت ، وديتها ورجعتها ، ما حجيت وياها بس هي بقت مركزة على ايدها

تباوعلها تحاول بس ايدها مشلولة ما تتحرك، اجا الطبيب فحص ايدها كال الها، حاليا نركز على علاج القلب انت نجيتي منها بقوة و ان شاءالله من بعدين نشتغل الها علاج فيزيائي و اذا اراد الله تتحسن

من طلع الدكتور منها بقت تبجي ، تكلي هذا درس اليه ما اسلم ايدي بأيد احد و اثق بيها، هاي تالية الثقة الثقيتها خسرت ايدي

- تصير زينة لا تخافين بس كومي على حيلج انت حتى يحققون وياج و تتنازلين عن اسامة خطية بالسجن حتى ما شايفته

- ما اتنازل عن اي احد

- يعني شنو ؟.

- اذا اني ما عرفت اربي خلي السجن يربيه

- لا مستحيل مو بكيفج كافي راح ضحية زواجاتج ليش تريدين تورطينه بعد

- سدي الموضوع ديار

- لا ما اسده و اخوي تتنازلين عن قضيته والا والله اعوفج و امشي

- عوفي اثار وروحي لبيت رجلج

- ماما لا تسوين هيج تعرفين اسامة ضحية

- كلت لج روحي، ولا تشوفيني وجهج بعد

- ما اروح بس اسامة تتنازلين عن قضيته

داؤت وجهه مني، كمت احجي اريدها تجاوبني بعد ما كامت ترد عليه ، لحيت حتى تفتهم و تتنازل عن اسامة ... ما ردت ولا باوعتلي

اجو يحققون وياه، سألوها اذا يكدرون يستجوبوها ، كالت الهم :- اهلا وسهلا

- الاسم ميعاد فوزي جابر

- نعم

- اسامة اسماعيل طاهر ابنج ؟

هزت راسها

- لا جاوبي حتى تتسجل الافادة

- ابني اي

- شلون صار الحادث

سولفت الهم ان رافد زوجها جانت متعاركة وياه قبل يومين لان بنت بيت و ساعدته بكذا مبلغ و هو لعب عليها و طالبته بالفلوس ورفض ينطيها الفلوس وبعدها جاب صور الي مركبها على جسم عريان و بلقطات مو زينه و كعد يتهمها ان هذه هي

سألها :- اكو صورة ثبتت ان هي مو فوتوشوب حقيقية ويا رجال

- هذا جان زوجي السابق

- زوجج ؟

- اي زوجي

- منو يعرف بهذا الزواج ؟

- عقد.شيخ و اني ما عندي احد حتى يعرف بس جهالي، ابني صغير و بس بتي هاي المتزوجة

- تعرف بزواجج

- اي

بقيت اباوع بعيونها، هي ما باوعتلي، سألني اذا اني اعرف بهذا الزواج، هزيت راسي ، طلب مني اجابة
انوب شهادة زور هسه شحجي ؟ .. كلت اي
شهادة زور ولا يكولون مو زوجها و ننفضح
عود بيناتنا نتحاسب على هذا الما اعرفه منو

رجع سألها ان زوجج المدعو رافد قاسم مطر اقر ان الصور لكاهم على جام سيارته و ان هو سألج و انت نكرتي اللي بالصورة وبعدين اعترفتي

- لا نكرت ولا اعترفت اني كلت اله الصور جذب و الصوره هاي قبل لا اتزوجك بس هو ما جان اباله يصدك هو ناوي على كل ها ليش يصدد و ابني ضاربه قبل يوم ، و هو توعدلنا كدام شهود هواي
ابني و بتي و اخوانه اثنين ..هددنا

-شنو كان صياغ التهديد ؟

حجتله .. اخذوا افادتها و شكوتها على رافد .. كالولها اذا عدها شي اخر تضيفه او شي تحجي

كالتلهم اريد تحقون العدالة على كل اللي اذاني و تاخذولي حقي منهم حتى لو جان ابني.

هنا هم باوعو بوجه بعض ، سجلو افادتها وطلعو

حجيت اني :- انت مو ام ، انت احقر انسان شفته على هاي الكاع، شنو ما كفاج شسويتي بينا بزواحاتج ورغباتج من واحد لواحد لحد ما ضيعتي اخوي و هسه ما تتنازلين

اذا ما تتنازلين عنه اتبرى منح والله و اعتبر امي ماتت وخلصت ، الا اسامة انت الدمرتي يا ما كتلج ابنج فكري بيه حسي بيه و انت اللي ما فكرتي

هي ساكته ما نطقت ولا كلمة ، رجعت حجيت وياها :- اسامه ندتتنازلين عنه و اتبري من عدنا بعدها لا نريدج ولا نريد نعيش وياح و ارتاحي من عدنا و اتزوحي شكد ما تريدين ما اراح امنعح والله بس طلعي اسامة

ما ردت عليه كعدت ابجي بالكاع ، معقوله ينحكم و ينسجن مستحيل، اتخبل غير اشرب من دمها اذا سوتها

ما تحملت ابقى يمها اخذت جنطتي و طلعت من المستشفى و بقيت يمها اثار، رجعت للبيت، امجد جان موجود ، فتت بلا سلام صعدت لغرفتي

كام يصيح وراي ، صعدت ما رديت عليهم اجو الجهال كلهم وراي يبوسون بيه و يحضنون ، وخرتهم من عندي، فات هو :- يكلفج لو سلمتي البيت مو كوترا ادخلين هيج

- ادخل بالطرييييييييقة اللي تعجبني اليعجبه يعجبه الما يعجبه لااااا يشوفني وجهه

ضربني راشدي :- تصيحين على منو انت ، هاااااا

-دفعته حيل من عندي و كمت اصيح حيل :- عوفني وخررر مني عوووووفني بحالي ، دفعته برا الغرفة حيل و طبكت الباب بكل قوة قفلتها

هو كام يضربها قوي، كعدت ابجي بقوة وصوت البجي مالتي مسموع و عالي ، رد حجه :- شصاير وياج احجي

- امشي مني امششششش عوفوووني

بقيت بمكاني ابجي، هو ما دك الباب بعد
بقيت حايرة شسوي و شلون اخلص اخوي من هالسجن اللي تورط بيه ، الاعرفه وسام ابوه محامي قانوني معروف و اله خبره

كلت اخابره اذا يكدر يساعدني لو اعرف ادفع روحي ثمن بس يطلع اخوي من سجنة

خابرته و حسنت صوتي حتى ما يعرف اني باجية بس اول ما حجيت وياه كال :- صوتج مو طبيعي شكو

سولفتله، كال حجت عذراء و التهينا امتحانات والله ما كدرنا نجي و تعذر مني هواي

كلت اله احتاجك اذا ابوك يكدر يساعدنا بهاي القضية فدوة

كال :- صدك جذب هسه اخابره و ابلغه بالموضوع

- حتى اذا يحتاج شكد ما يريد انطي عادي بس خل يساعدني اطلع اخوي

- لا على بختج لا تكولين هذا الكلام باجر احنا يمج

شكرته و قفلت الخط، خابر ابوي رديت عليه، كلت اله هيج و هيج و امي ما تقبل تتنازل

كام يصيح و يغلط :- و بكيفها هي و ابني ينام بالحبوس و تتشوه سمعتي بسببها و بسبب ازواجها و لعبها ، اني اتصرف وياها و شحدها ما تتنازل الا اكمل الما كمله اسامة

خفت من كلامه و تهديدة قفلته بسرعة :- هذا لا يروح للمستشفى و يأذيها، اني شجاني و حجيت، لو باقيه احاول ويا امي اشرفلي

باوعت من جاي النت واصلة رسايل واتساب، خالد دازلي صور ابنه، من شفته ابتسمت لا ارادي، الولد صغير حيل ومصلخ و بالخدج نايم بس الحفاظة بجسمة

راسلته :- ليش مخليله اوكسجين
ما جاوبني، رجعت دزيتله :- يتربى بعزك و دلالك يا رب يسندك و يكون الك عون بحياتك

هم ما جاوب .. عفته و كمت نزلت جوا، امجد طالع ، حجت وياي عمتي؛- شبيج و ليش هيج صوتج طالع اول تالي

سولفت الها بقت اتذم بامي، صح امي مضوجتني و مشيطة دمي بس من اسمع احد يذمها اتضايق

اخذت الجهال سبحتهم نظفت الهم ، صعدت نومتهم، و نمت بسريري صعد امجد ما يحجي وياي ولا اني ادنيت و حجيت ما الي خلك

بس الصبح كعدني كال :- اليوم تروحين للمستشفى ؟

- اي و خابرت وسام زميلي ابوه محامي راح يجي يساعدني اشوف اسامة و يساعدني بقضيته هم

- منو منو منو ؟

.- ابو وسام

-اكسر رجلج بس اطلعين

- تكسر رجلي شنو رايحة اتونس اني غير اخوي كنو عنده غيري ؟

- تالي عمري مرتي تخش مراكز غير الدنيا اكلبها فوك راسح انسي ما عندج اهل لا تفكرين بيهم

- امجد مصارت هاي لا انت تنوب عني و تساعدني بقضية اخوية ولا تخليني اروح شلون كلي

- اكعدي و اسكتي كافي الفضيحة اللاطختنا من وره اهلج تصحى امج تتبرين منهم كلش لا تكولين اهلي ولا ابد، ما اعول تخلص مستشفى انوب مراكز

- اكلك شو من جنت انام مستشفى ويا مها ايام و اسابيع ما كلتلي اريد اخلص ولا كلتلي العالم تتفرج عليج ، هسه ويا امي ظلمتها

- مو قبلت لا تزيديها بعد روحه للمركز ماكو

- تروح انت

- اني شلي علاقة بيهم و الطخ سمعتي، عنده اب و عمام يجون يشوفون قضيته

- يا اب يا عمام اني اعوف اخوي لابوي و عمامي و اترجاهم يساعدونه

- العندي كلته و روحه ما الج

- و اني كلت الك اخوي ما اعوفه و بعد بكيفك

- بكيفي مووو ، اسمعي لعد باب هذا البيت اذا عتبتيه اعتبري روحج طالق

- يكولون الرجل لو ضاع ..موجود ،و الاخو لو ضاع ..مفقود ، اطلع و اللي يعجبك سوي

هز راسه و طلع، اني لميت ملابس الية بجنطة و طلعت للمستشفى، دخلت الردهة اثار يم امي، و امي نايمة
سألتها على وضعها كالتلي :- ما ادري بس البارحه بجت هواي

تقربت منها بست خدها و هي نايمة فتحت عيونها ، باوعتلي :- المن اجيتي

- كافي ماما الله يخليج والله البيه كافيني منا انت و مناك اسامة و من صفحة امجد كال لو طلعتي اعتبري روحج طالق اني المن اصير و يا هم منكم اشيله.

ميعاد :- ليش كالج هيج

- غير ما شفتي الفضيحة الصارت ترا الكل جاي يحجي بسيرتنا و عليج، صرنا علج بحلك الرايح و الجاي، لا تكولين رافد لعبها و هالحجي الناس ما تعترف بيه الكل تكول ابنها و رجلها كتلوها لأن مو خوش مرة.

- اكوم على حيلي و الله كريم

- شراح تسوين

- اول شي نسويه اشيل من البيت و من الدورة كلها ، وبعدها اكعدالهم واحد واحد

- عوفيهم الله ينتقم منهم بس خل نطلع من هالمصيبة سلامات

دك الموبايل باوعته وسام، رديت:- هلو وسام

- هلو ديار، ابوي موجود يمي، انت وين

- اني بالمستشفى

- ابقي بمكانج احنا راح نجي لعد

- زين

انتظرتهم نص ساعة تقريبا و اجو، خابرني ، انطيته المكان صعدلي، انتظرته بالباب مال الردهة من شافني اجا

وسام :- ها السلام عليكم

محمد (ابو وسام) :- السلام عليكم

ديار :- اهلا وعليكم السلام

انطاني وسام علاليك الفواكه و كال :- بشري شلونها الوالدة

- والله بعدها، بس نكول الحمدلله على كل حال

فاتو اثنينهم سلم ابو وسام على امي، امي تنحنحت من مكانها و هي متمددة و كالت اله :- و عليكم السلام اهلا وسهلا عيوني يا هلا و مرحبا

محمد :- الحمد لله ع السلامة ان شاءالله مشافاة

- الله يسلمك هلا بيك

وسام :- ابويه محمامي معروف و اجا حتى يعرف القضية و يطلع عليها

سولفتله امي كل الصار و ان زوجها تعارك وياها وراد يوقع ابنها وياها و سوا هالفلم

اني ووسام واكفين و عمو جبتله كرسي كعد كبال امي و بقى يحجي وياعا و يعرف الموضوع، شفت ابو وسام تعاطف ويا امي لان امي اخذته بكلامها و السانها و طريقتها

حجيت ويا وسام و كلت اله :- اريدة محامي لاخوية

وسام :- يابة احنا هنا اجينا حتى يعني اخوها ، و باوع لابوه

حجه الاب:- الولد مراهق و قتل امه بالخطأ بدافع غسل العار و اتضح ان القضية كذب و المحرض زوج المدام ، و على كلا هي قضايا غسل العار مخفف الحكم بيها حتى لو الضحية فقدت حياتها الحكم ما يتعدى ال٥ سنوات، و بما ان هي بصحتها و هو اخطأ اعتقد نكدر نخفف عليه الحكم

- عمو اني اريده يطلع

- هو اجرم بحق امه، و اني مع الوالدة اشوف انه يستحق بعض من العقاب ، الاقبال على قتل امه قبل ان يفهمي شي ليس بالشيء السهل ابدا

- بس هو ما اله ذنب كله من رافد

- القانون لا يحمي المغفلين لكن مع هذا راح ابذل جهدي بهذه القضية

همست لوسام :- لا تقصر ، فهمه موضوعي فدوة اني استحي منا

- اني احجي وياه لا تخافين

- زين اريد اشوف اخوية يصير

وسام :- عذراء سولفتلي زوجج ما قابل

- هو ما قابل ما قابل بس اني متت صارلي ايام ع الجمر كاعدة اريد اشوفه اطمن عليه

وسام:- تشوفينه بس مو هسه، زوجج اله حق اني لو بمكانه ما اقبل زوجتي تدخل مراكز فلا تخسرين بهالخصوص تخلص القضية و نرهملج زيارة و تشوفينة بحظورة

سكتت.. سلمو علينا و كالو (نبقى ع الاتصال نتفاهم) وراحو

...كعدت ويا امي ساعدتها بالكعدة شوية انطيتها عصير و بسكت تاكل شوية ، و بقينا لليل محد مر علينا ولا احد اجانا

خابرتني ام امجد بالليل :- ولا تخسرين رجلج و قنعي و ديري بالج و من هالكلام التعبت منه
سديته من عدها

شفت اللي بالردهة مسويات لمة وكاعدات يتعللن و كل وحدة مطلعة فاكهة لو حلويات من عدهم و مخلياتها و يسولفن

كعدت اني و اثار وياهم ، و بقيت اسولف وياهن ، طلعت بيهن وحدة تعرف تاخذ خيرة بالقرأن ، و المعروف احنا النسوان نموت على هالسوالف

فكلهن طلبن من عدها خيرة ، اخذت الهن و هنينطنها هاليطلع منهن ، وصلت اليه كالتلي حطي ايدج ع القرأن

خليت وسميت بأسم الله الرحمن الرحيم
قرت هي، و فتحتلي .. امي باوعت كالت :- تقربن يمي

رحنا يم امي و المره تباوع بالقرأن، كالت :- مو زينة

- ليش

- عندج ذنوب هواي بس هم عندج كلب طيب، بس هواي ناس اتأذت منج

- ناس !!

- اي مو هسه ، اعمال قديمة سويتيها اثارها لهسة

- صحيح من جنت صغيرة جنت مشوة و الناس يعيبون عليه و كل اليعيب عليه ابلي بمصيبة

- طاعنتهم بشرفهم ، اكو هنا عندج رمي المحصنات

- اي

- جاي ينطعن بشرفج ؟

- صفنت ... اي

- وراح تنطعنين هواي و بعد كدامج طريق طويل

- ليش

- لان الطعنتي بيهم لليوم يدعون عليج و انت حتى ما مستغفرة و لا طالبة التوبة حتى الله يعفو عنج و يحصنج من دعواتهم

بقيت اباوع بوجهاا

حجت امي :- جانت صغيرة ما تفتهم كل التعرفه اللي يأذيها تأذي

- الاذية احتمال زوجة مطلقة من زوج كانت تحبه او بنية اهلها شكو بيها و زوجها او او او .. هيج اذية تكون متلازمة للانسان لهذا يومنا ويعاني منها و ماكو انسان يأذي انسان ما يلاكي اعماله ولا يلكه الراحة

و من يعمل مثقال ذرة خير يره
و من يعمل مثقال ذرة شر يره
هذا قانون ما يعرف صغير لو جبير من انت صغير و تسوي الشر ترسم طريقك و اتعب نفسك باعمالك لان انت اختاريت لنفسك هيج تكون حياتك
ليش نكول دائما من احد يأذيك كول حسبي الله و نعم الوكيل

هاي الكلمة معناها الله يتكفل الاذاج ، تعرفين شنو يعني الله يتكفلج يعني ما يبقيلج ذرة حق و ما ياخذه من اللي ظلمج

بس لو رجعتي اذيتج للناس لأنهم اذوج، فراح ترجعلج الاذية نفسها .. بس هي هم عدها كلب طيب، اكو كفالة يتيم ، كافلة يتيم انت ؟

ميعاد.:- اي هم ٣ ايتام تزوجت على مودهم

- اي و لهذا الله واكفلها بكل مشكلة تفوت بيها يوكفلها و يساعدها لأن هي هم تساعد الناس
اكو اثنين نسوان احذريهن

- منو ؟

- ما اعرف هم اثنين نسوان و اكو كيد و اكو مشكلة راح تصير وياج

سدت القرأن امي كالتلي :- انطيها عشرة، بس كمليلها

رجعت فتحت الية و اني خليت بحضنها عشرة الاف

كالت :- زوجج هذا ما راح تستمرين وياه زواجكم بالايام و الشهور و تنتهون

عندج حياة بعد ثانية بس اتعبين وراج تعب هواي بسبب دعاوي الناس عليج، ابعدي هاي الدعاوي عنج بالصلاة و الاستغفار و بحيل الله يبعد عنج الشر

رددي ( لا اله الا انت سبحانك اني كنت من الظالمين ) عشر مرات يوميه هاي الاية كفيلة تبعدج من كل شر و كل انسان يريدلج شر و اطلعج من كل مشكلة ، اي مشكلة تواجهج رددي هاي الكلمات اللي طلعت يونس من بطن الحوت الاستجابة بيها مضمونة
والله يوفقج

طبكت القرأن ، امري رادت تاخذ، عفتهن هي و امي وكمت طلعت من الردهة افكر بكل اللي كالته معقوله الناس اللي اذيتهم بصغري لحد هسه يعانون من اذيتي ؟ زين وين الكاهم و اعتذر الهم اذا هم دعاويهم مدمرة حياتي !!

استغفرك ربي و اتوب اليك والله ربي ما جنت بعقلي جان اليعيب على شكلي بودي احركه و اشوهه مثلي حتى يحس بمعاناتي بس كبرت و فهمت و كمت اضم بكلبي و اسكت ما ارد اذية احد

..... مرت ايام
امي بدت تتحسن ، رافد مصر ان مو هو اللي صمم الصور و لحد هسه ما معترف و يكول اني لكيتهم على ماسحة سيارتي

امي حايرة بفد شغلة ، صورتها ويا الرجال اللي بالشقة من وين اجت لرافد، رافد ما يعرف بهذا الرجال ولا يعرفه منين جاب هيج شي ؟
تشك ان اللي مساعدة واحد يعرفها و قريب منها و يعرف بهيج شي

كلت الها منو تشكين بيه، كالتلي :- عندي صديقات اثنين اني اتخاربت وياهن صار اسهر بس قبل جنت اشاركهن كل لحضاتي و طلعاتي و نعرف هواي اشياء عن بعض ، وحده منهن اشك بيها هي اللي جانت ويا رافد بالشقة

- شلون وليش شكيتي ؟

- لان دزت الصور الية لو ما اهمها جان دزت الصور لزوجته الولى و لو تريد تخرب حياته جان دزتلنا اثنينا ، و صورة الية هم واصلة لرافد .. جاي احس نفس الأسلوب .. و الشخص اللي دزلي و دز لرافد هاي الصورة .. هو واحد

-تشكين بمنو ؟

- رباب صديقتي الاجت تتذكرينها ؟

- اي اتذكرتها الوصلتني لما سقطت

- عفية ، هي متزوجة جانت و تخون رجلها و اطلكت من رجلها صار فترة

- ليش شكيتي بيها بالذات

- مرة شفت رقمها بموبايل رافد بس هو تلاعب وياي بالضحك و مشاها رجعت بعدين للموبايل ممسوح سألته ، كال خابرتني مرة طلبت مني اساعدها

وبسبب هالموضوع تخاربنا لأن كلت الها لو رايده شي من رجلي جان خابرتيني ليش تخابرينه من وراية كامت تغلط عليه و على رافد و تك ل اني بحالكم

بس ما اطمنت الها

- و شراح تسوين ؟

- ما اسوي شي اله التأكد منها هي لو لا

- و اسامة

- خبلتيني بأسامة ، اخوج هذا اثول بتحريض من رافد باع نفسه و باعني وورطنا ، خليه السجن يصنع زلم

- قصدج مجرمين ترا نايم ويا زبالة الدنيا شيتعلم و شيصنع بربج

ما قنعت ولا رضت، خابرها ابوي هددها في حال ما سحبت الشكوة اللي على اسامة، اسحب منج اثار غصبا عنج و تحلمين تشوفينها بعد

امي عاندت ما تتنازل، اجا من صدك للمستشفى اخذ اثار وياه و كام يغلط عليها و يصيح، هي انجنت شلون اخذ اثار

كالتلي سجلي خروج على مسؤليتنا من المستشفى و خلي نطلع ، رحت سجلت خروج و طلعنا للبيت
وصلنا ، مقفول البيت
باوعتلي :- المفتاح عد منو ؟

- ما ادري

- شنو ما تدرين كل فلوسي هنا و ذهبي

- ما ادري عنهن جنت ملتهية بيج و باسامة

- امشي للشارع صيحي واحد يكسر القفل

ؤحت ع الشارع ابو انشائية طلبت منه يساعدني، جاب جاكوج و اجا وياي من وصل للباب، عرف احنا البيت الصارت بيه الحادث

بقى يسأل عن الحادث ما جاوبنا لا اني ولا امي، كسر الباب تشكرت منه امي و فتنا ، خابرت ابوية تتصايح وياه على مود اسامة ابوي ساد الموبايل منها

بقيت وياها اني علمود تتنازل عن اسامة و تحل القضية، هي جانت مريضة و مو بحيلها و اثار اكثر وحدة من عدنا هي تعلكت بيها لان الكعدة

وبعد ضغط و معارك و مصايح قررت تتنازل عن اسامة بس كالتلي :-كولي لاخوج لا يجي لهنا ولا يشوفني وجهه اني متبرية منه و احسب روحي ما مخلفة ولد

خابرت على وسام فرحانه طايرة كلت اله بلغ ابوك ان امي راح تتنازل

وسام :- صدك

- اي والله

- اي ع الخير ان شاءالله ما تشوفون مشكلة بعدها

- تسلم

غلقت الجهاز منه و بلغت ابوي ان امي راح تتنازل، كال خل تمشي للمركز و تسحب الشكوى و ارجع الها اثار بس خلي يكون بعلمها اسامة بعد ما يعيش عدها ، يعيش ابيتي

كلت اله :- يعيش يمي ، لا يمك ولا يمها

كال :- اثنينجن ما اخلي يمجن ، يجي عندي و اني اساعده بالشغل و الكاله شغل يناسبه

كلت اله :- هسه خلي يطلع و عود الله كريم هو شيختار بكيفه بس خل يطلع و اشوفه

.... غلقت الجهاز منه
جنت فرحانة كلش بهالخبر،
امجد ما يحجي وياي متزاعلين، حتى اهله ما عاد خابروني ، يومين .. صدك و طلع اسامة

يافرحتي يا فرحتي ما احس برجلية من الفرحة
كال ابوي جبته للبيت، اخذت تكسي ورحت طايرة لبيت ابوي

شفته و دموعي كامت تجري ١٠ .. ١٠ ، حضنته و بس ابجي، ضعفان و سمران و التعب ماكله، شواربه و لحيته مشرذمات

كعدت وياه حجيت وياه، ما يحجي ولا يجاوب بس من احجي وياه يبتسم شوية و يسكت
كلت اله :- تعيش وياي معليك بأمي

-لا ابقى ويا ابوي و ما انساج كل فترة امر ازورج و على الموبايل اخابرج يومية بس بعد ما ارجع هناك ابقى ويا ابوي

بقيت ابجي و هو يواسي بيه، باوعت اثار تباوع النا، اشرتلها تجيني، اجت بستها و كعدتها على رجلي :- شلونج ؟

-زينه بس اريد امي
حجتها و بجت

حضنتها :- لا تبجين هسه نروح لبيت ماما و تشوفينها

اسماعيل :- انت ورجلج شنو مشكلتكم

- شعليك بينا انت ؟

- احجي لا بالنعال

- لا تدخل بحياتي

- ولج انت ليش هيج صلفة جاي احجي وياج عن رجلج ليش متزاعلين

- من صارت سالفة امي هاي و لليوم هو عصبي يريدني اتبرى من امي

- و هو الصحيح امج ما تستحي

- تشبهك
حجيتها و كمت، اسامة همسلي :- لا تحجين هذا الحجي
و هو تولاني غلط و مصايح، باوعت لاثار و كلت الها :- يلا حبيبتي خل نروح للبيت

اخذتها وكف بوجهي :- اثار ما تروح تبقى هنا

- شرايد منها

- هنا محد النا هي اللي ادير بالها علينا

- اثار مدلله لا تعرف تطبخ ولا تعرف اداري احد عوفها

- اثار ما تطلع

- اسمع انت ما الك ذرة حق بأثار ، فأبعد منها ولا تشوفها وجهك، كافي اللي سويته وياي استحي على نفسك شيبك ترس راسك و انت ما تستحي

ضربني راشدي و لزمني من راسي :- بنت الكلب منو هذا الما يستحي

وكف اسامة بعدني منه و يهدي بيه و هو يغلط و يصيح عليه، كلت اله :- اثار ما تبقى يمك افتهمت

هي لازمتني من ملابسي حيل و تكول :- ديار لا تعوفيني فدوة

اسامة :- اخذيها و روحي ديار

اسماعيل :- ما تطلع كلت ما تطلع ، رجعي اثار للغرفة

اسامة:- بس اسمعني يابه افهمك ، ديااار روحي

سحبت اثار و هو يصيح و اسامة لازمة عنه و يحاول يحجي وياه، طلعنا من البيت اثنينا نبجي ، سكتتها و صعدنا تكسي رحنا لبيت امي

وصلنا للفرع، مرة حجت :- عفية نسوان شكد عينهن كوية البارحة غسلو عارهن و اليوم يتمشن بالشارع

وكفتها :- تقصدين منو انت

- مو وياج عيوني

حجتها و مشت، حجيت : صدك ناس ما عدها ذرة مستحة عايفين عيوبهم و مركزين بغيرهم ، فشلة

بقت تحجي وراي، عفتها و فتت للبيت، اسمع صوت امي تبجي، ركضنا اني واثار لكينها جاي تحاول اطلع ملابس العا، جتفها و صدرها يوجعنها و ايدعا ما تتحرك
كاعدة بالكاع من العجز مالتها تبجي بقوة

من شافت اثار حضنتها و كامت تبجي بصوت عالي و اثار تبجي وياها، كومتها من الكاع، كعدتها ع السرير لبستها ملابسها و نومتها

اثار تمددت وياها على طولها غطيتهن اثنينهن، سألتني :- اسامة شلونه

- تعبان وضعه كلش

اخذت نغدفس و تنهدت و هزت راسها و غمضت، عفتهن ينامن و طلعت اتسوك للبيت
فتت من باب بيت امجد و رافد، بس بنات خالد ورافد و فطومة يلعبن بالباب

صحت لفطومة اجتني ركض حضنتني و شلتها على كلبي بستها :- شلونج ؟

- زينه

- بيبي شلونها جدو ؟

- زينين اني مشتاقتج

- و اني هم مشتاقتلج هواية و نشتاقة لحسوني و حساني

- ليش عوفينا ؟

- ما عفتكم بس ماما مريضة ، ان شالله من تصير زينة نرجع ماشي

- باستني بخدي حضنتها، شفت ضحى واكفة تباوع على بناتها

سلمت عليها، ردت السلام، طلعت الف انطيت لفطومة مشيت ع الشارع حتى اتسوك، مرت سيارة امجد من كدامي ما باوعلي ولا وكفلي
و اني هم عفته ما بيه اراضي احد كافي عليه روحي
اتسوكت ورجعت

من رجعت لأن مريت ابيت ابو امجد و هم عدهم راوتر ، اجتني رسائل الواتساب صارلهن قرابة الاسبوع ما ادري عنهن لأن مو كل الناس عدها رواتر كم واحد امي ما مشتريته بس امجد مشتري راوتر فاجت الاشعارات لأن وكفت ابابهم

فتحت الواتساب ، خالد دازلي :- اي مريض بالخدج لان اجا قبل اوانة و متأذي حيل وبعدنا وياه بالمستشفى رغم امه زينه حالتها بس هو ، ادعيله ديار ابني يتعافى

دزيتله :- الله يعافيه خطية فدوة حبيبي الله يبعد عنه كل شر و ما يوجع كلبك بيه ، لا تخاف ان شاءاله ما بيه شي

.. دزيتها بس ما جان عندي نت بقت الرسالة يمي معلكة لليل صار عليها احمر ما وصلت اله

.. اتصلت بيه ع الخط هسه جاي اسلم عليه و اتحمدله بالسلامة ، انكطع الاتصال رصيدي خلص
عاد هو ما اتصل بعد

...من بعد يومين
كمت اروح للجامهة اخاف لا يفصلوني و انطيت الاوراق حتى ينطوني الاجازة ع الايام الغبت بيهن
و التمت عليه الامتحانات من كل جانب
هم زين امجد زعلان عليه جان التهيت بالبيت و ما قريت ، كعدت ابيت امي بس اقرأ
لا نطلع ولا نطب حدي للكلية و ارجع منتظرة امي تكوم على حيلها حتى نلكا بيت ايجار كالت نأجر بالسيدية

... رافد طلع من بعد يومين .. تعجبنا بس هو بمجمل القضية ، هو لا قاتل ولا اكو دليل على ان الصور هو المفبركهن .. الصور واصلات اله
و هذا اللي حجاه .. يعني القضية مو قوية

من طلع .. عرفنا ان الفلوس و الذهب مالت امي عد رافد .. رجعهن الها بأيد بتول .. و كايل الها :- تنسى الدين مالتها ما الها اي دين يمي و طلاك ما اطلك تريد خل تروح هي ترفع دعوة و اطلك و تتنازل عن حقوقها

ميعاد :- يعني يريدها حرب رافد و ما رايد ينهيها على خير ؟ سهلة

راحت بتول، كلت الها :- شتريدين تسوين

- تعرفين بعدين

ما عرفت هي شتريد تسوي ، بس العرفته توعدت اله
ايام و هي لكت النا بيت ثاني ننتقل بيه لان هاي المنطقة ما نكدر نعيش بيها بعد
كلها تباوعلنا بعين الفضيحة و العار
شاعت عليها ابنها كتلها لأن مو خوش مرة محد يدور بحقيقة الموضوع، الناس ادور بس الفضيحة

بهاي الأيام خالد رجع، جايب مرته من سوريا و جاي ، سمعت بيه، بس صادف رجوعه ويا شيلتنا فالتهيت عنه

اجرت عمال ينقلون كل غراضنا ، اتكفلت كل الشيلة لأن امي يا دوب تحرك ايد وحدة و جرحها بعده يوجعها

واكفة اشيل و اناوش العمال، وكف خالد :-، الله يساعدج

- هلااا شلونك، كالو رجعت بس والله التهيت بشرني شلونه ابنك

- بعده مريض و بتي سارة منا مريضة ، جبت ابني و المرة و اجيت لهنا اعالجهم اثنينهم

- شبيها سارة

- عدها فايروس بالامعاء و تشكي من بطنها و كل يوم تخابرني تبجي، كليلي انت شلونج شكو ماكو

- ماشية

- راح تشيلون

- اي والله

- احسن الكم امج شلون صارت ؟

- زينة بس ايدها

- دريت عنها كالتلي بتول

- انت ناخذ الاخبار مسبقا و تسأل

- ههه لا والله اول ما اجيت حجيت سألت بتول عنكم و حجتلي

حجا و التفتت للعامل يفتحله طريق حتى يشيل ، اني دخلت جوا حتى اكمل

طلعت اله امي، كالتله :- كالولي ما عفت ديار وكت الوكعت

خالد :- اكيد مو لخاطرج

ميعاد :- ما ناسيتكم خلوني اكوم على حيلي وكتها يبدي اللعب

خالد :- انت ورجلج اني ما الي دخل بيكم

- تريد تقنعني انت ما الك ايد بالصار

- مو ابالي تقتنعين او لا ، بس الحمدلله على سلامتج ا

ميعاد :- الله يسلمك و يسلم اخوك اذا راح يكدر يسلم

... راح هو و عافنا
شلت للبيت الثاني و اني و اثار هلكنا يلا كملنا البيت خصوصا هي عاشت مدللة مو مثلي امي جانت تعوفني احير بأسامة و بروحي شناكل و شنشرب، هاي تحضر الها الاكل من الليل حتى تجي تاكل و تلكا اكل

المعانات العشناها اني و اسامة ما عاشتها اثار فمايعة كل شوية تتحجج حتى تكعد و امي تصيح بيه :- صدك تعبت عوفيها حاطة كورج وياها

- لعد اني ما تعبت

- تعبتي عوفي ارتاحي و ارجعي

- و الشغل شيكمله
لزمت الماسحة وركضت ورا اثار، اندكت الباب

فتحته ، دخلت ام امجد سلمت علينا و تباركت لامي و تحمدت الها، امي سلامها جان جاف لأن بمشكلتها هاي محد وكف النا ولا حتى كلفوا نفسهم باتصال

اجت تكول:- اريد ارجع ديار و ضالين بالضيم و خطي مرت احمد يوميه تجي تنظف النا و تروح

ميعاد :- وكت المرينا بضيق محد منكم وكف وينا ولا احد كال هاي البنية الله يعينها امها و الميته و اخوها مسجون ، وبدل ما تقنعون رجلها ترجعون عليها رجلج و رجلج، هسه جايين تاخذوها من احتاجيتوها

ام امجد :- لا احنا ما عفناها بس رجلها عاند و الموضوع هم مو سهل رغم هذا عفنا الموضوع لحد ما اطيبين و نرجع نردها

ميعاد :- اعذريني بتي مال الها رجعه يمكم ، من رضت تتكفل جهال امجد و ضحت بنفسها و حياتها لخاطرهم مو يعني هي خدامة بس لان كلبها طيب ما قبلت تترك جهال مها و هي موصيتها بس انتم زدتوها حيل، وكت التمرضت عفتوها ورجعتخا و حذرتكم ووكت الطاحت بمصيبة اتخليتو عنها و هسه جايه تريدين ترجعينها و مو لعيونها لا لان محتاجينها و مرت احمد تعبت و هي تخدمكم كم يوم خطية .. اعذريني بتي ما ترجع

بقت تحجي ويا امي ، امي عاندت على رجعتي ما قبلت

بالليل خابرني امجد يصيح :- طابت امج و شعندج حجة بعد و انت ترديها حجه حتى تخلصين ، و تريدين الطلاك كولي ما واكف عليج طلعت روحي منج ما معتبر روحي متزوج
ومن هالكلام
ما حجيت ولا رديت عليه
كمل كلامة .. كلت اله :- كملت

كال :- اي

- زين لعد مع السلامة
قفلت الجهاز بقى يخابر ما رديت عليه

ثاني يوم داومت جامعة بس لان بعده شغل البيت ما كمل و هواي بالبيت يحتاجله تعديل، خاصه البوراي مي بالقطارة ديجي اشتريت ماطو بس ما عرفت اشده
فكملت اول محاضرة ورجعت

بالطريق خابرني خالد ، يسلم عليه ، كال محتاجة شي
كلت اله لا تسلم، بس الماطور عندي و هسه اخابر اشوف واحد ابو بواري يشدلي الماطور

كال :- انطيني عنوان البيت اني اجي اشده الكم ما يحتاجله شي

:- اني مسافة الطريق من اوصل اخابرك

رجعت للبيت، امي لابسه هي و اثار يريدن يروحن

:- ها وين ؟

ميعاد:- اريد اروح للتربية حتى اكمل نقل مدرستها

- و البواري ؟

- ارجع و الله كريم

- خالد خابرني كال اني اشده الكم

- جوزي من خالد ما اجتنا من وراه بس المشاكل

- هو شعليه ؟ و بعدين من ذوله ناسج و العالم كله محد وكف ويانا غيره

- دوريله تبرير بكل مرة حتى ما تعوفينه و اطلعينه من بالج، اروح اتأخرنا عود من ارجع نحجي

راحت هي و اثار و اني بدلت و بقيت ارتب بالبيت، اندك الموبايل ، باوعته خالد رديت

:- الو

- اني بالشارع الكلتيلي علية انتم بيتكم وين

- بالفرع اللي ع اليسرة مقابيل مرطبات احمد

- ها هذا اي كدامي

فات للفرع :- يا بيت

طلعت من البيت مديت راسي شفته من بعيد ، كلت اله :- جاي اشرلك

اجا هو :- بالعافية خوش بيت مبين

- اي بس تعبني كلش

- الماطور وينه ؟

هذت بالباب ، كعد يم الباب باوعه
طلب العدة درنفيش و ابلايس
انطيته و كعد يشد

:- ابنك شلونه

- اخذته البارحة للطبيب يكلي ما بيه شي بس كتبلي اله حليب طبي

- ان شاءالله خير ،

- اخبارج انت و امجد شنو

- خابرني البارحة يصيح و يغلط يريدني ارجع

- شقررتي

- ما موكفني عن الطلاك غير جهال مها

- الله كريم

- انت وضعك ويا زوجاتك شلونه

- حلوة مال زوجاتي ، عايفهن يضربن ابعض و طالع منها

- صدك والله ؟

- اي والله كافي عليه قهر جهال و هنا لا يوكفهن قهر ولا يكعدهن ضيم ، الف راسي وانام بالاستقبال واعوف امي تفاكك و تشعل بيناتهن

- السورية قابلة تبقى هنا

- هي الرادت تجي هنا وتكابل ضحى تغار

- مبينه تحبك

- اكو مرة ما تحب رجلها ؟

- ايي

- لو اكو ؟

- شتقصد ؟

- اقصد الماطور شديته راح اشغله اصعدي شوفي يوصل مي للتانكي

صعدت للتانكي ماكو مي

نزلت اله :' ماكو

فتح الصوندة :- يربج هذا المي قوي ليش ماكو

- ما يفتح

- اشو اصعد

- محد البيت شلون تفوت

- و قابل شراح اسوي دسويلي مجال

صعد فوك للتانكي ، اندكت الباب
هو بقى يفحص بالتانكي و اني نزلت جوا، فتحت الباب ، امجد كبالي

- السلام عليكم

صفنت بوجهه :- شجابك

- اجيت عليج مو كافي صبرت بما فيه الكفاية مستشفى و خليتج امج و طابت الرايدته بعد شنو

حجاها و هو يفوت للبيت

نزل خالد :- التانكي كملته عيوني جرى بعد شتحتاجين ؟

امجد وكف بمكانه ، يباوعلي و يباوعله.....

☆☆☆☆☆☆

#اتمنى_ان_افعلها


الحلقة_ 48

نزل خالد :- التانكي كملته عيوني جرى بعد شتحتاجين ؟

امجد وكف بمكانه ، يباوعلي و يباوعله، هجم على ٨الد تلازم وياه من ركبته :- شعندك هنا

خالد :- شيل ايييييدك لك

ديار :- اجا بس يسوي الماطور والله، امجد
خالد دفعه امجد، لزمني من راسي :- من هاي ما ترجعيييييين مطببته للبيت موووو ساااقطة

خالد.:- ابعد منها دوووووخر

امجد ضرب خالد بوكس و خالد تلازم وياه و يتضاربون كمت اصيح بنصهم و ابعد بيهم ، امجد دفع خالد ليبرا و اجا لزمني من راسي و يسحل بيه و دفرات على ظهري

خالد كام يضرب بالباب و يصيح

دفعني ع الحايط، لزمني من ركبتي :- احجييييي شعندج جايبته للبيت احجيييي

-طلكنييييييي

- اطلكج و اتلعبين براحتج احجي شعندج وياااااه

دفعته :- ما عندي شي وياه والله وخرررر

كام يضرب براسي بالحايط و اني اصرخ بكل صوتي ، ضرب الباب خالد و فات دفعه مني للكاع و انام فوكاه و كام يضربه

كام امجد من خالد، دفعه
عفتهم اثنينهم و ركضت لبست و طلعت من البيت كله ركض وراي امجد ، اخذت تكسي من على الشارع و صعدت بيه

امجد لحكني للشارع، خالد ماخذ سيارته و طالع، خابرني خالد، انطيته رفض و اني ابجي ، و خابرت على امي، ردت

- الوو

- الو ها ماما

- خير يا ستار شبيج

- رجعي للبيت بسرعة اني رايحة يم اسامة

- شكو شصاير فهميني

- خالد اجا يشد الماطور و امجد اجا و لكا خالد بالبيت و تعاركو ، امجد تبعني بس اني صعدت تكسي و هسه متوجهه لبيت الخنزير ابوي

-من صخام و عزا براسج مو كلت الج ابتعدي من خالد

- ارجعي للبيت بسرعة وبس

سديت الخط اجت رسالة من امجد ( وين تفلتين مني و القران الا اشوهج )

كمت افرك بوجهي :- ربي دخيلك ساعدني لا حول ولا قوة الا بالله العلي العظيم
بقيت اباوع ع الشارع و بداخلي افور ، الجو جان زين بس العرك يصب من كل جسمي

طلعت لحي الجامعة لبيت ابوي، وصلت انطيت لابو التكسي و نزلت، ادك بالباب ، ادك ماكو ، خابرت على اسامة :- الوو

:- ها ديور ؟.

- وينك

-ابيت ابوي غير

- صار ساعة ادك بالباب وينك لعد

- هاا نايمة يلا نازلج

شوية و نزل، فتحلي الباب، فتت و هو يكلي :- شبيج

- ما بيه شي

- كصتج شبيها

- انضربت بالشباك ماكو شي

دخلت باوعت البيت، التفتت اله :- غرفتك وين ؟

اسامة:- فوك

صعدت نمت على سريره ، هو كعد كبالي
:- شصاير

- ماكو شي تحاجينا اني وامي شوية

-ارتاحي نامي بمكاني اني راح انزل جوا

- ابوي وين ؟

-طالع

تمددت ع السرير ، اتصل خالد للمرة ٥ ، رديت عليه
- الووو

- وينج انت وين رحتي

- رحت لبيت ابوي

- لبيت ابوج شتسوين ؟

- اسامة هنا اجيت يمه و خابرت امي ترجع للبيت

- شنو راح تسوين

- راح اطلب الطلاك و بس خلصت صح بالي راح يبقى يم جهال مهى بس تعبت ما اكدر ابقى بهيج موقف صار سنتين اقاوم بكل مرة افشل ، اعترف اني ما كدرت احب امجد ولا كدرت اتقبله

- حياتج لعبة من البادية حركت روحي و اني اكلج لا توافقين و عوفي وراح يسوونج خدامة و محد راح يقدرج ما رديتي

- خالد تعبانة ما الي خلك احجي

- ارتاحي و بالليل اخابرج اطمن عليج

- تعارك وياك بعد

- ما راجع للبيت لحد هسه و اهلي جاي يتصلون

- شراح تكللهم

- شكلهم قابل خايف منه لا اليوم و البارحة اني اساعدج من جنتي بكربلاء و تحتاجين اتعناج و هم يدرون ، شنو تغازلت بيج حبيتج شسويت حتى اخاف

- مراح يفهمون هالكلام

- اي بكيفهم لا يفهمون، كافي اني مقتنع

- شنو سويت بنفسي اني

- ديار اني بالطريق للبيت، بس اريد اسألج سؤال

- كول

- وجودي حواليج يزعجج

- وجودك نقذني من ابوي و ساعدني بكربلاء و قواني لما مات سلمان و خلاني اكمل دراستي، سنة عشت بوجودك جانت هي احلى اسنين حياتي، و تنازلت عنك لان من الاساس مو ملكي ، وما قبلت اشاركك، بس ثمن هالعملة دفعته من نفسي و نفسيتي وروحي .. تعبت كلش و اني امثل ما اهتم ، تعبت و اني احاول اصير زوجة صالحة تعبت و اني احاول .. و بكل محاولة فشلت .. فشلت انسى
وبكل مرة الكا لنفسي حتى اجاوبك لو احجي وياك
اشوف امجد يخوني ما اهتم
بس من تحجيلي عنك ادمر
بالحقيقة وجودك هو اللي ينطيني قوة حتى اتحمل لان كلشي و انت ما موجود يمر ابيض و اسود ما بيه اي روح او فرحة او حتى معنى
اعترف اني فشلت انساك

سمعته طفى السيارة، سكتت، حجه :- كملي

- شأكمل

- هالكلمات و الخواطر جنت كل يوم ارددهن بدفتر مذكراتج نفس هالاحساس و جنت اسأل اللي كتبت هاي الخواطر هي نفسها ديار الخانتني وراحت ؟ و اليوم اثبتيلي انو انت اي نفسج

-سكتت

حجه :- ليش كل هذا ضامته عني، ليش بعدنيني اذا انت هيج، ليش اذيتيني و اذيتي روحج

- اتمنى شغلة وحدة بحياتي

- و هي ؟.

- ارجع لليوم الشفتك بيه و اصححه، لا اتقربلك ولا احجي وياك لو باقيه اباوعلك من بعيد بس حالي حال كل مراهقة تحب الها شخص جان ماتعبت هلكد ويمكن جان لكيت الرجال الاتاقلم وياه و اعيش حالي حال اي زوجة تعيش ويا رجلها
انت خليتني ضايعة

- مفتهمت هسه وجودي يمج يزعجج لو لا قبل شوية تكليلي وجودك مهم و يفرحني

- اي، بس اتمنى ما تقربت لان ما اتأذيت بشي كد ما اتأذيت بيك

- اموت و تخلصين مني ؟

- اسم الله لا تحجي هيج حجي

- القرار الاصح تسوينه اترفعين دعوة و تتطلكين ، خلصي نفسج من اللي انت بيه و اوعدج ما اتقرب، عيشي حياتج و كونيها و صيري انسانة ناجحة .. و اني وياج لو احتاجيتي شي ما راح امننج بغير اشياء ولا راح اتقرب مرة ثانية مثل الاول

- اكدر ؟.

- تكدرين و قربتي تخلصين جامعة مبقى غير سنة وحد، ركزي بيها و ذبي كل جهدج ، انجحي ادخلي بعين كل انسان يتمنالج الزلة بنجاحج
امج الها معارف هواي وراح تكدر تعينج
وراح تكدرين تدرسين دراسات عليا و توصلين

"عوفي الشي اللي يتعبج و اولهم اني"

... فات اسامة للغرفة سكتت ، هو حجه :- الو
الو
الو

ما رديت غلقه من يمه ، درت وجهي نمت على ظهري، باوعلي اسامة :- كاعدة ديار

- اي حبيبي كول ؟

- اريد احجيلج شي

- شنو

- اني ما مطمن لابوي

- ليش ؟

- جاي يتعامل ويا ناس مو زينين

- شنو ذوله الناس ؟

- ما سامع بيهم بس هم تنظيم اسمه الدولة الاسلامية

- ما اعرفهم ، شنو ارهابيين يعني ؟

- اعتقد ، اوت البارحة اجو و عرفني عليهم ابو و عرفهم عليه و كالي اريدك تصير بطل و اعتمد عليك

- معليك بيه لا تدخل بشغله ولا توصل يمهم ابد احنا نعرف ابو ظن لما شردنا منه هو ارهابي شسواه صابط شوصله منعرف هو البلد ضايع فلا تضيع نفسك بنصهم

- جاي ادور على شغل

- و مدرستك ؟

- ما اريدها بطلت بعد تعبت منها

- اسامة عوف الشغل و اذا على الفلوس اني انطيك بس لا تعوف دراستك

- ما تفيدني خل افلح بشغله احسن ما اضل اخلص عمري بالدراسة و تالي ما تالي اشتغل عمالة

-فلوسك عندي مجمعتلك بالمليونين شوف شتفتحلك مشروع

- خل افكر و الله كريم
اتصلت امي، باوع هو شاف امي، كام من عندي ، رديت عليها :- الو

- ابو امجد خابرني عليج و ضل يصيح و حجه حجي بله احترام و اني رديته و سديت الموبايل التردينه شنو بتي ؟

- بأقرب وقت ارفع دعوة طلاق و اخلص

- يعني تطلكين منه ؟

- اي

- احسنلج، عيشتيش عيشتهم من الدوام للخدمة و من توكعين تبرو منج، خل يولون هسه ادزله رسالة و اكله ع الطلاك

- اي

- راح تبقين ابيت ابوج اليوم

- ما ادري بس نعسانة ما بيه حيل اجي، و مطمنه لان اسامة يمي فراح انام

- و شغل البيت ترا اني ايد وحدة اللخ، و اثار ما تعرف

- دبريها شلون ما جان كلت الج نعسان

- دروحي لعد يلا

سديت الخط منها، التفت الي اسامة :- شبيها ؟

- منو هي ؟

- سكت

ابتسمت :- ماكو شي اريد اطلك من امجد و دا تحجي وياي بهالموضوع

- ليش تطلكين ؟

- ما وكفولي جنت اتوقعهم غير ، بمشكلتك وكفولي سيوف لا تروحين ولا تتقربين و اكسبي رجلج و بطلي محد منهم كال اخوها مسجون و امها مريضة

- انت ما تحبين امجد

- يمكن

- امي شلونها

- مو هي الكتلتها بأيدك ليش تسأل ؟

- سكت

- انت و ياها جاي تتعذبون على بعض ليش ما تروح تتعذر منها

- الصورة صحيح فوتوشوب ؟.

- الشرطة اثبتت ان الصور فوتشوب

- سكت

- ظلمتها

- هسه ، بس قبل هي جانت هيج

- هي حبت رافد ووفتله و هو خانها و بدل ما توكف وياها وتاخذلها حقها و فلوسها و تساندها كسرتها متشوف نفسك اذيتها، لو شما تسوي هي تبقى ام و غصبا ما عليك تحترمها

وهذا ابوي اللي تمدح بيه و عايش عنه اسفل من امي و احقر منها بمليون مرة، ع الاقل امي ضرت نفسها باعمالها بس لا تنسى هي من اطلكت من ابونا ما عافتنا و بقت ويانا و ادافعلنا

- ما اعترف بيها ولا اريد اعترف

- انت تكابر ، بالك عليها

- اكابر بس لان ما اتشرف بيها ام ما اعترف بيها ، اعترفي انت بالنسبة الية امي كتلتها و انتهت ماتت

- اذا ماتت شكو تسألني عليها بعد ؟

- بعد ما اسأل

اتصل امجد ، انطيت صامت لما انتهت المكالمة غلقت الجهاز و كلت اله :- ابقى هنا بالغرفة لا تطلع من البيت ، اني راح انام ساعتين و اكعد

- ما اطلع وين حتى ما اعرف احد هنا

لفيت راسي و درت وجهي، بس احس راسي كله يوجعني من الضرب، بقيت افرك بيه لحد ما نمت.طططط

............

بتول :- جنا كاعدين لما امجد ضرب الباب علينا و فات و هو يصرخ :- خااااالد وييييين

كامت امي اله تتفاهم وياه هو جان عصبي يهدد و يصيح و اذبحه و اقتله و يفشر على خالد

نزلت ضحى و يمنا من فوك يريدن يفهمن شصاير، طلع برا و امي طلعت وياه، اجا رافد يفشر و يصيح :- خالد ما يتوب خالد ما ينلزم علعلنا ما يسمع الكلمة ما يحس على روحة مرة متزاعل وياها اني وواصل للطلاك شعده يروح

الافتهمناه امجد رايح لبيت ديار و لاكي خالد يمها ووحدهم بالبيت، اجا ابوي و اجتمعوا عمامي و صارت هوسة و خالد لا يرد على احد ولا يجاوب احد
حتى اني خابرته و ما رد

نسوانه هنا اثنينهن ضاجن، والسورية طنكرت و هي تخابره وما يرد كلش تضايقت، ابنها يبجي و هي عايفته و تخابر عاد اخذت الطفل اشيله عنها و اني اصبر عليها :- لا تخافين هذا طبعه خالد اذا تضايق بعد ميحب يكابل احد

مينا :- مبيمشي معي هالحكي اخوه و ابو عم بيقولو ان لاقوه ببيتا لديار وحدون، شو كان عم بيساوي وحدو هونيك ؟

... حاولت اقنعها و هي بعدها متضايقة عاد عفتها
امي شاط دمها من خالد و هي تصيح :- اني اعرف نهايتي على ايده هالولد راح يخبلنا

للعصر اجا خالد بكل برود طب للبيت لكى ضحى بالمطبخ، كال الها :- سويلي غدا

وكفت كدامه مين :- وين كنت خالد ؟

ما رد عليها، اجا ابوي صاح بيه :- شلون وياك انت رجال شكبرك و جهالك مالين البيت و الشيب طلع براسك و انت ما تجوز من اسوالفك ، شعدك ويا ديار * ابيتها

- شبيك يابه ما يحتاج كل هالحجي، اني خابرتها لان شايلين جديد و سألتها اذا تحتاج شي كالتلي ع الماطور

-كح*** ماكو غيرك يسويلها الماطور انت تريد تورطنا عمامك كلهم اليوم هنا و يتوعدولك و يتحلفون على سوايتك ويا ابن عمك

- اليريد يتوعد يوكف كبالي و ديار اني الاصريت عليها اساعدها مو هي طلبت لو ابن اخوك بيه خير ما يعوف مرته كل هالفترة وما يسأل عنها

مينا :- و انت شو خصك فيون ؟ هي و جوزا يصطفلو انت....... قاطعها

- انت فوتي جوا بعدين نحجي

- لا محزرت انا بدي ارجع ع عمان بدي ابقى هون

ابوي كام يصيح عليه و مرته تحجي من صفحة، باوع لضحى و كاللها :- صعديلي الغدا بالغرفة و لزمي الجهال لأن دايخ

عافهم و صعد و بقوا اهلي يتضاربون ابعض شيحجون وياه ما يرد ولا صغير هو و يطاولون عليه عمره بال٤٠ سنة مو مال ابوي يطاول عليه كدامنا
وباقي بعناده

اجا رافد فات ، كال :- اجا

لزمته :- خوية عليك الله تفاهمو لا تخلي ياخذ مرته و جهاله و يهج

- و هجتهم عساه ما رجع وخري مني

صعد لخالد ، دك عليه الباب قوي، راد يفتحه الباب مقفول ، صاح خالد.:- منو ؟

- افتح الباب كو*** شعندك رايح يم ال*****

خالد :- امشي منا ما الي خلكك ترا

- افتح الباب لكككككككك

فتح الباب خالد :- شتريد.......

قاطعه رافد و هو ينهد عليه لزمه من ملابسه :- اتوب من هاي لو لاااااا

- وكت التزوجت ميعاد و كلنالك عوفها ما رديت على احد و مثل هذا الموقف تلازمنا اني وياك شسويت ؟
رحت تزوجتها و ما سمعت احد ، هسه رايد مني شنو

- ميعاد ما متزوجه ولك سكط هااااااااااي مرت ابن عمك

- و ما نسويلها شي و اعرف بنفسي ما غلطان وياها فشيل ايدك مني لا تخليني تطلع اعصابي وياك و اني ما للي خلك

ضربه كله خالد دمفع و انطاه بوكسي كمنا نتصارخ اني و امي و نسوانه صعد ابوي يفاكك بيناتهم و يصيح و يهد بيهم

الى ان تعب ابو و لزم كلبه يلا اثنينهم سكتو و باوعو لابوي ، امي واكفة تصيح عليهم و تدفع بخالد

خالد وخرها و حجه :- شنو اليوجعك يابه

- انت التوجعني ولك خويلد هديت حيلي بسوالفك منين اتلكاها منك من رافد و مرته لو منين

سحب ملابسه خالد و طلع من عدهم
بعدنا نباوع ابوي و نحجي ويا سمعنا المصايح مال خالد و احمد جوا

ركضنا ....

........

ديار : كعدت بالليل الغرفة ظلمة و الكلوب مطفي ركزت بالغرفة لحد ما عدت ذاكرتي من النوم، اتذكرت اني ابيت ابوي ، فزيت من مكاني

اسامة ماكو !!.

فتحت الباب طلعت برا ، الصالة محد بيها، نزلت جوا ابوي كاعد ع الاخبار :- اسامة وين

باوعلي :- طلع يشتريلنا عشا

ردت امشي، صاح وراي :- رايدة تطلكين صدك ؟.

درت اله ، باوعت بوجهه ، كلت اله :- اي

-و جهال مها ؟

- اني اتزوجت على مودهم بس زواجي من امحد ما راهم لهذا راح اطلب الطلاك

- بعدلج شكد و تتخرجين ؟

- سنة وحدة

- يلا همي نفسج اعينج باحسن مكان بالعراق

-وين الجان يشكك بكتبي حتى يمنعني من الدراسة ؟

- ليوين راح تبقين ثولة الراح راح لا تتذكرينه ذاك وكت و هذا وكت تغير كلشي

- اي تغير كلشي، تخيل اسماعيل السكران صار ضابط

باوعلي :- مو بعينج ولج

سكتت منه ما رديت، رجعت حجيت :- ليش ما اتزوجت هاي الفترة ؟ ليش باقي وحدك

- اتزوجت اثنين وحدة شهر و طلبت الطلاك و الثانية ٦ اشهر و هم طلبت الطلاك

- ماكو مثل امي تحملتك

- شريفة امج

- انت الصنعت منها هيج و كل النعانيه بسببك، لو صاير مثل كل اب طالع تشتغل و مخلي امنا بالبيت يمنا تربينا ما صار بينا هشكل
انت الدفعتها للشارع و هي عمر ١٤ بس حتى تجيبلك فلوس

- الاصيلة اصيلة ما تنحرف

- غير لو تربت ع الاصالة حتى تصير اصيله، هي التربت ابيتك و بالشارع شتريد منها تصير، لو انتم تخلونهن ينحرفن و بعدين تجرخون اسطوانة الاصيلة و ما اصيلة.

فات اسامة، جايب دجاجة مشوية انطانياها و كال صبيلنا

صبيت الهم بالهول و اني اخذت فخذ منها و المقبلات مالتها و كعدت بالمطبخ اكل، صحت على اسامة ينطيني الرمز مال الانترنت

اجا دخله بموبايلي و رجع ياكل، اجتني رسالة صوتيه من خالد كايل بيها ( ما ادري ليش اليوم مرتاح )

كتبت اله ( عسى دوم ) و كمت اكلب بالفيديوهات و اكل.

ثاني يوم طلعت من بيت ابوي للجامعة، استغربوا شكلي لان ما حاطة مكياج و مبين عليه تعبانة كلت الهم :- راح اطلك اني و امجد

وسام :- احسن شي تسويه

عذراء :- صح

مهند:- تريدين الصراحة رجلج كلش ما حبيته و ما ادري شلون متحملته

- هاي ليش هيج

وسام :- انت مقتنعه بهالقرار ؟

- اي

-الله يوفقج و يكتبلج البيه الخير

كملت المحاضرات وياهم ، للظهر ورجعو لبيت امي ، نظفت البيت و كملت الشغل الها و رحت ارتاحيت ، خابرت على ام امجد و كالت الها ديار راح ترفع دعوة طلاك

ام امجد كايلتلها:- احسن مثل ما دخلنا بالمعروف نطلع بالمعروف ما اريد اخسر ولدي بسبب تصرفاتها الطايشة

ثاني يوم من الصبح طلعنا اني و امي للمحكمة و رفعت دعوة طلاك منها ورحت للكلية و امي رجعت للبيت

..... بيومها جان امجد ميدري اني رحت للمحكمة و قدمت على طلاك، بس و هو بالدوام جايته رسالة من رقم مجهول مكتوبله

:- هسه يلا تفتحن عيونك و عرفت علاقة ديار و خالد ؟ كل هالوكت جانت تلعب وياه من وراك، اعرف هي حتى نوم جانت تنام وياه و حتى الطفل السقطته هذا جان ابنه مو ابنك و انت تعرف كلش زين ما جانت تريدة و سوت كلشي حتى تشمرة مو لان مثل ما تكول ما اريد طفل بس خافت تنفضح لما تجيب طفل من خالد و تعلكه براسك فنزلته و بوكتها تتذكر صاحت اريد خالد ما ذكرتك ولا بيوم حبتك لأن هي تحب خالد و بس انت واحد تعالجت براسك وهسه خلصت منك.

... من قاري هذا المكتوب هو جان جنونه ،راكب سيارته و جاي على جامعتي، راد يدخل الحرس ما مخلينة، فطلبني بالاسم

جنت بالسنتر واكفة ويا زملائي، اجاني الحارس يعرفني، كالي :- زوجج بالباب يريدج

- زوجي !!

- امجد مو؟

- اي

- اي بالباب ، ياما ادخلي ابطاقتج او اطلعي شوفي

طلعت اني، عيونه نار و عصبي، وكفت و كلت اله :- رحت اليوم للمحكمة و طلبت الطلاق وراح ننتهي

- امشي كبالي للسيارة

- شكو

- اريد اتفاهم وياج

- على شنو بعد ؟

- اصعدي كلت الج

طلعت وياه و صعدت بالسيارة مشى طيارة بالسيارة
حجه :- اني غبي و اكبر غبي على هذا الكوكب

باوعتله :- شرايد مني احجي الموضوع

- جنت اتوسل كلمة حبيبي و ما تكوليها حتى لا تخونين خالد مو ؟

- شنو ؟

- من حاولت اتقربلج بزواجنا و رفضتي جان السبب خالد مو ؟

- لا

- عذريتج الما صدكت و انت طفلة احد ماخذه و سكتي و ما حجيتي، جان خالد السبب

-بقيت اباوعله

- زوجج سلمان حتى يتمتع بيج براس المسكين سلمان مو ؟

- شدا تحجي انت ؟

- اني المسكين الثاني الزفج اله و تمتع وياج على ذمتي و انت الجنتي تمنعيني لخاطره مووووووو

- لا مو هيج و انت مريض، نزلني و خليني اروح

هز راسه و هو يسوق بسرعة

- نزلني جاي ااااااااااااكلك

- قفل البوب اثنيهن و هو يباوع طريقة، طلعت الموبايل من جيبي ، سحبه من عندي و شمره بالشارع ، تفلش

- انت شرايد من عندي ، طلاك وراح نطلك بعد التريده مني شنو

ما جاوبني، دمعت عيوني :- الكلام الكلته مو صح امجد والله مو صح

- الله كريم نوصل و نشوف صحيح لو لا

وصلني لبيت، جان واكف ابابه واحد، انطاه المفتاح و كاله :- بالهواي ٣ ايام ما اطول

دخلني للبيت ، قفل موبايله و شمره و باوعلي ، الشر يطلع من عيونه :- امجد اعرفك انسان طيب والله ما سويت الكلته والله جذب

- ولان طيب استغليتي طيبتي ، كرمتج و احترمتج و انت شسويتييييييييييي

- ما سويت شي والله

كف ارداناته :- خالد شيعنيلج بدون جذب

- ولا شي

جابني راشدي ، رجعت منه ليورا :- خليني اروح ابتعد مني

- مو قبل لا اعرف كلشي ، خالد شعندج ويااااااه احجي

- انت مخبل كلت الك ما عندي شي وياه ، عوفني اروح وخر من كدامي

ضربني بوكس على وجهي، احس عظام وجهي اتكسرخت، كمت ابجي و اصرخ :- الله ياخذك يا حقير ابتتتتتتعد مني

دفعني للكاع و كعد على بطني قيد اديه و اني اصرخ و حط ايده على حلكي و خشمي، انكطع عني الهوى كمت ارافس جوا ، اختنكت شفت الموت بعيوني، للحضة عيوني رادت تطلع ليبرا على كثر الالالم و اني اشوفه مخنزر عليه و يضغط على وجهي حيل ويخنك

وصلت للحظة حسيت روحي راح تطلع

..........

ميعاد :- طلعنا من المحكمة اني و ديار سوا ، كالتلي اريد اروح للكلية، كلت الها :- شعندج رايحة باجر و عطلة جمعة اخذيلج استراحة عود الاحد داومي

ما قبلت كالت :- لا يزيد عليه الغياب خل اروح

عفتها تروح للكلية و اني رجعت ، دوام اثار ينتهي الساعة ١١، مريت عليها اخذتها من الدوام و رجعنا سوا

وصلت للبيت، ايدي اليسرى ما تتحرك كوة اكلي لاثار و اسويلها اكل، حطيت الاكل كبالها و اتصلت بصديق الية متفقة وياه انطي نص الراتب و يحسبلي الفترة الفاتت اجازة

اثار بقت ع الصينية و تلعب بموبايلي، و اني اكلب بالتلفزيون، باوعت الساعة ب١ الساعة ، تضايقت ما ادري ليش ، كمت من مكاني افتر بالبيت

احس مختنكة حيل، روحي كامت تلوب و اني بمكاني جن واحد و خانكني ما اكدر اتنفس حيل اختنكت

اجت وراي اثار :- ما شبيج

-والله يا ماما ما ادري شبيه صدري مخنوك و النفس ضاك عندي

شبيه ربي شجاني ؟ ديار هسه وصلتها معقوله اسامه بيه شي شو كلبي يوجعني!!؟

انطيني اثار الموبايل خل اخابر هالنقمة اخوج خاف مسويله مصيبة و مبتلي
اخذت الموبايل، خابرت على رقم اسامة ما رد
خابرته مرة لخ ، رد و هو يكول :- الو
وصوت تلفزيون يمه ما بيه شي يعني
سديت الموبايل من عنده ما رديت عليه

كلت خل افوت اسبح خاف متضايقة من ملابسي ، و ارتاح من اسبح ، صحت على اثار تجيبلي ثوب خفيف من خانتي اريد اسبح

دخلت سبحت و طلعت بطرك الثوب حتى ما يضيق نفسي بس بعدني ضوجة عندي ، كعدت ع التلفزيون اباوع

... صدت عيني بالساعة ب٢ الا عشرة ، ديار هسه راح تجي، هذا وكت دخولها للبيت

بقيت اكلب بالتلفزيون صارت ضبط و ديار ماكو
كلت ازدحام .. صارت و عشرة كلت احتمال التهت ويا زملائها و اتخرت شوية

صارت ب٢ و نص ما تحملت بعد، اخءت الموبايل و خابرت على ديار ، موبايلها مغلق شعجب !!
هي تخلص رصيد اي بس تخلص شحن مستحيل كل وكتها موبايلها ع الشحن

خاف طافي اشوف خاف هسه تجي
بقيت كاعدة انتظرها صارت ب٣ و نص و ديار ماكو مستحيل ديار تتأخر لهيج وكت
حتى لو عدها طلعة ويا زملائها جان كالت انطت خبر ، و هي راحت للكلية وياي حتى ما سولفتلي اذا عدها طلعة

خميس اليوم معقولة طلعت سوك

بقيت انتظر انتظر ب٥ صارت و ديار ماكو
اخابر منو و اعرف هي وين ؟ و شسوي حتى اعرف
ما عندي غير خالد اذا وياها او رايحة لبيت ابو امجد كلش كلش اذا هاي اطلب منه يروحلي للجامعة يسالي عنها

خابرت ، اول دكت رد :- الووو

- هلو خالد

- هلا ، كولي شعندج

- ديار وياك ؟

- ديار !! شتسوي ديار وياي ؟

- اخذتها اليوم للمحكمة رفعت دعوة طلاك وراحت للكلية و لهسه ما رجعت

- شنو القصة وين تصير ما خابرتيها

- خابرت و مغلق

-وين راحت

- اني الدا اسأل وينها ، لو رايحة ويا صديقاتها جان انطت خبر متطلع بلا علم احد ، بطريقتك اعرفلي جاي للدورة خاف مارة على بيت ابو امجد ولو شعدها بس انت شوف

- هسه راح اشوف، روحي

خالد :- خابرت على بتول كلت الها شوفيلي بيت ابو امجد ديار عدهم

دزت بتها و رجعت كالت محد عدهم ،
و امجد موجود

سالتها
كالت ...لا

بتول :- ليش شكو ؟

- ديار ما راجعة للبيت و امها ضال بالها

- يا لعد وين رايحة

- ما ادري، روحي
سديت الخط من بتول اخذت سيارتي ورحت للجامعة محد يعرف شي، ما عندي رقم ولا واحد من اصدقائها

رجعت خابرت على ميعاد :- الو ها بشري

- ماكو كل خبر عنها

- زين خط ما خابرتي

- ما عدها خط من شلنا بطلت من خطها القديم جاي تروح تكسيات و فورتات

-وين تروح يعني ، زين خابري ابوها خاف يمهم

- خالد بتي بيها شي اني كلبي هيج يكلي

- لا تتفاولين عليها يمعودة

- جاي اكلك بتي بيها شي اني من الظهر و مختنكة كلبي علمني بيها شي ، وين اروح هسه كلي وين الكاه

- هسه بس دخابري ابوها و اتأكديلي بسرعة

ميعاد ... سديته من خالد.خابرت على اسماعيل :- الوو

- الو ميعاد

- اسماعيل ديار يمك

- لا

- ابيتك

- قبل يومين اجت وراحت

- بتي ماكو اسماعيل

- شلون يعني ماكو

- راحت للكلية و ما رجعت بتي وييييين

- ما خابرتيها

- مغلق موبايلها مغلق بتي ماكو اسماعيل بتي بيها شي

- سدي الموبايل خل ادورها وينها

... سديته منه، اتصل خالد بسرعة :-، مو عد ابوها

- و امجد مو بالبيت و ما جاي لهسه و موبايله مغلق

- شنو يعني

- يعني شغليلي دماغج و فكريلي عدل الاثنين ما راجعين للبيت و الاثنين موبايلاتهم مغلقة

-معقولة يسوي بيها شي

- كلش معقولة

- عزا العزاني
قفلته من خالد بدلت ملابسي كوة و ساعدتني اثار من الهبطة ادية بادو، كلبي كام يلهث صدري وجعني و الالام هاجت عليه

اخذت اثار ورحت لبيت ابو امجد، دكيت الباب عليهم بقوة، طلعلي ابو امجد :- ابنك وين

- شرايدة من ابنه بعد

- بتي لهسه ماكو و موبايلها مسدود ابنك وين وده بتي

- امجد لهسه ما رجع و نخابره ماكو ما ندري عنه

- اطلعولي بت لا و النبي العربي هنا اسويلكم زفة و عرس و اخلي الما يشتري يتفرج

- استحي على نفسج يا مرة احنا ما ندري عنه و لو صدك اخذها فهي مرته و بعدها على ذمته و محد منا يحاسبهم

- مرته ما دورها الفترة الفاتت كلها ولا اعترف بيها و لا ساندها هسه جاية تكلي مررررته

طلع ابو رافد :- انت شوكت تنكسر عينج و تخجلين ما نعرف جاية بطولج واكفة بالمنطقة بلا مستحى

ميعاد :- خليت المستحى الك و لولدك عيوني ، اطلعولي بتي لو اسبيكم سباية والله

رافد.:- صوتج هي * امشي منا يلا

- اسمع لك تشطح من كبال عيني لا ابتلي بدنياك هسه، خليني بعدني ما مفرغتلك دماغي وكت الاتفرغلك انجوم الظهر اشوفكياهن ابعينك

راد يضربني دفعته من عندي و تفلت :- تفووو لو انت رجال يا زبالة الزلم

عفته وراي و مشيت و هو كام يهددو يركض وراي و اهله يلزمونه ، خابرني خالد :- ما عرفتي شي

- بتي ويا امجد ماكو غيرها

- ووينه امجد

- اني ادري وينه نعال ، كلي بالله هسه وين الكاها

.............

مغمى عليه و احس راشديات قوية على خدي كعدتني، فتحت عيني ، شالني من راسي و كعدني :- امجد الله يخليك عوفني الله عليك

-اتعافيتي و تعالجتي براسي موو؟ اخذتي الفلوس مني ورحتي بحضنه موووو

-ما رحت والله ما رحت والله
كمت ابجي بصوت مسموع

طلع الجداحة من جيبة جانت ام الهيتر ، جر ايدي وشغل الجداحة، صرخت :- ااااااااااااااا لا الله عليك ابوس ايدك لاااااااااااااا ايدي ااااااخ

كام يمشي النار على ايديولازمها حيل ، كمت اصرخ بكل علو صوتي لحد ما فلتت ايدي منه و اني اكوم

كمت اشمر بأيدي و اهفي بيها و اصرخ من الوجع ، رجع دفعني للحايط و خلا الجداحة على ركبتي :- تحجين لو لا

- اي اي والله اي شتريد اكول بس عوفني الله عليك

- تحبي

- لاااا

-شغل الهيتر و مشاه من يم الزلف و على شعري كم اصرخ :- اي اااااااااي عوفني اي اااااااااا

دفعني للكاع و حط رجله على راسي و كام يسحك بيه :- تحبيييييي عليه ساقطةة *

- لا والله لا عوفني الله عليك ااااه
كمت اصرخ و ابعد برجله من راسي ايدي كامت تجري دم من الحرك

بعد رجله حط الجداحة على ركبتي و شغلها ابتعدت بسرعة و اني افرك بركبتي احتركت و ابجي

و هو يصرخ :- تعالجتي براسه حتى ترجعيله مووووو

- امجد لا عليك الله عليك رجعني والله والله بعد ما اوصل لخالد ولا التقي بيه بس عوفني الله عليك

- احجي ، نمت ويا لو لا

- لا لا لا

- احجي الصددددك

- والله ما خنتك والله والقران ما خنتك

- متقربلج هو لو لا

- لا

- شغل الجداحة على راسي، اشم بس ريحة الحرك مال شعري زحفت منه و اني ابجي و اصيح :- ياااااااربي ولج ماماااااااااااا وييييييينج

- محد راح ينفج ولا اراح اتركج لحد ما تكليلي الحقيقة كلها، مسويتني الغبي ولج اني تعيشين براسي و تحبين ابن عمي من وراي ، اني تخدعيني

-ما خدعت والله والله ما خدعت

بقى يعذب بيه ، عذاب ما شايفته بروحي
دمرني دمار ، اتمنيت لو مخلي طلقة براسي ولا هذا اللي سواه وياي

هو مو هيج و هءا مو امجد شنو الصار وياه و صار هيج ما اعرف ، لليل ، هو قفل الغرفة عليه وراح
بقيت ما اكدر انام من الالم ، الحروك جاي تحرك بيه ادك بكلي .. تصل صل

اتلوى و الوب بمكاني و اني اصيح ولج ماما وينج الحكيني

ثاني يوم ما ادري شلون غفيت وشوكت ، بس الحسيته هي دبجة رجليه بالممر و هو يفتح الباب

كعدني كباله و هو يكلي :- تحجيلي الحقيقة لو اعيد السويته وياج البارحة

اني لامة روحي منه و اباوعله بخوف:- بس توعدني ما تأذيني الله عليك والله احجيلك كلشي

- احجي

- حبيته من اني و صغيرة و هو ما جان يحبني زوجني لسلمان و بقى يساعدني مثل الاخ ما عندي شي وياه

- صداقة لو علاقة و نوم براس سلمان كح*

- والله العظيم ما جانت عندي علاقة وياه من مات سلمان و صرت بالكلية يلا عرف هو اني احبه ، اجت فترة هو بادلني الحب بس والله العظيم هو جان صديق اكثر من حبيب

- احجي ولا تبررييييييين

- اهله جانو يصيحوني المشوهة و ما يردوني و مها جانت مريضة و مرته تريد ترجعله ، عاد عفته ووافقت على طلب مها بالزواج

هو تضايق من اني سويت هيج، بس فترة و تقبل الموضوع و تعامل وياي مثل قبل كانما صديقته و يساعدني هذا الصار بس

-ما نام وياج ؟

- لا

- الطفل الوكع منج منين

- منك والله العظيم ما خنت وياه والله

- انت جذابه

- والله العظيم والله

تتذكرين شنو كتلج بليلة العرس ؟
كلت الج صارحيني بس انت ما صارحتيني
وكتها كلت الج لو عرفت لعبتي بذيلج او لاعبه من وراي ما راح ارحمج و اسلاحي هو اليتصرف

بس مو بس عليج ابن عمي الخاني و داس عليه و ما حسب احساب القربة البيناتنا يتحاسب وياج

- والله العظيم ما عندي شي وياي وحتى لو اطلكت منه ما ارجعله والله العظيم

طلع اسلاحة من ورا ظهرة كمت ارجف و دموعي تنزل بحرارة

فتح موبايله، خابر على خالد

الو

خالد :- وينك انت شصاير وياك

- تريد تعرف شصاير وياي ؟.

- ديار وين

- كبالي اذا بيك خير تعال اخذها للمستشفى لازمها علاج لان جسمها رجع تشوه

- شسويتلهااااا حيووووان احرك والله لو مسيتها

- انطيك العنوان و تعال احركني بس صير زلمة و تعال وحدك لو كدرت

- انطيني بسررررررعة

انطاني العنوان، كمت من غرفتي اركض ، لزمتني مينا:- لوين رايح

- وخري من كدامي

بعدها وكفت كبالي :- مبروح الا تألي لوين رايح

- انت شنو تحكميني دكلججج و خررررري

ام رافد :-- وين رايح ولك شصاير

بعدتهن من طريقي و طلعت ....

☆☆☆☆☆

#اتمنى_ان_افعلها

الحلقة_ 49

گل الأقدار گانت تدفعك نحوي ؛
حتّى الطرقآت المظلمة كنت تمضي فيها متيقناً بقصر المسافة ؛
وَ أنّ ثمّة نور يضيء قلبينا معاً ؛
نور كافٍ جداً لتعبر هذا الليل معي وتنآم في قلبي .

.......
خابر خالد و المسدس بأيده و طلبه لهنا و انطاه العنوان، اعرف خالد راح يجي، انجنيت مت اصيح :- ما اله علاقة خالد اني الغلطت وحدي تريد تقتل، اكتلني الي و خلصني لا ادخل خالد بالموضوع

امجد :- تخافين عليه سااااااااقطة

اخذ براسي و ضربني للكاع، صرخت بصوت عالي و دفعت روحي ليوره و اني رافعه ايدي منه و اصرخ

- بعدج تحبينه مووووو

- عنده جهال ما اله علاقة بالموضوع اني راضية اكتلني و خلصني ما اريد اعيش بعد اكتلني

اجا سحبني من ركبتي يحجي و هو صاك على اسنونه - اكتله كبالج و اكتلج وراه عبالج اتركج والله ما اعوفكم اليوم

يحجي و ابعد بأيده من ركبتي و اجر نفسي و اصيح :- وخررررر

دك موبايله ، دفعني للكاع و كام باوع جهازه ، رد
ويا ما رد كمت من مكاني ركضت بس اريد اطلع من هذا المكان

كدامي المطبخ و بالمطبخ اكو باب يطلع للحوش ، ركضت للمطبخ بسرعة ركض وراي ويا ما دا افتح الباب لزمني :- وين تشردييييييين مني حتى ا***** ما يخلصج مني كح***

و دفعني ع الكونتر و قفل الباب ، جريت سجينه ع الطباخ

لزم ايدي، عصرها و عصر السجين بأيدي كمت اصرخ بقوة و ادفع بيه و هو يجر بالسجينة و يحجي :- تريدين تكتليني بنت ال*****

سحب السجين من ايديوي و دفعني حيل للكاع، تكسرت حيل كمت اصرخ و ابجي بصوت عالي

لزم راسي و كام يضرب بيه بالكاع حيل، احس غوشت بأيده، ما كامت تصي لي اي ردة فعل، دفعني من عنده

كمت احس الدم ينزل مفن فروة راسي، كمت بس اتقيئ بقوة ، كلبت معدتي كمت اذب من راسي ، الدم ينزل على وجهي عيوني غوشن ما كمت اشوف الحوالية

اسمعه يصرخ و جسمي يهتز، ما اتذكر بوكتها يهتز لان جان يضربني ما جان يضربني، ما اتذكر هاي اللحضات بالضبط بس الاتذكره .... فقدت بعدها بدقايق

.........

خالد:- الووو ميعاد

- عرفت شي عن ديار ؟

- اي و انطاني العنوان و اعتقد مأذيها هواي لان كال رجعت تشوهت، اني هسه بالطريق الهم ، تعاي وراي بسرعة

- انطيني العنوان

دزيتلها العنوان وتوجعت للمكان الكالي علية، وصلت خابرته حتى ينطيني البيت بالضبط:- اني بالمكان البيت ويييين

كالي :- ثاني بيت بالفرع الباب احمر

باوعت الفرع، اندليت، دزيت المكان بالضبط لميعاد حتى اذا صار شي لا سامح الله تندل مو نضيع و محد يدري عنه

مشيت للبيت و اني اعرفه مسلح، يمكن ماشي لمصيري برجلية ، لحظتها تشاهدت :- اشهد ان لا اله الا الله و اشهد ان محمد عبده و رسوله .

ومشيت، وصلت الباب هو كاعد يفتح بيه، ويا ما جر و اني دفرت الباب بقوة برجلي انضرب هو على وجهه و اندفع ليورا

دخلت بسرعة لزم سلاحة .. وراد يكوم لزمت السلاح بأيده ، كام يفشر ويصبح و اني اتلازم وياه ع المسدس كدرت افلته من ايده و اشمره لبعيد

تواجهنا اني وياه هو يضرب و اني اضرب و تكاتلنا بيناتنا ، ضربني للكاع وركض على سلاحة ، ركضت وياه حطيت ايدي على الساح داس ايدي بأيدي الثانية سحبت رجله بقوة وكع للكاع

سحب السلاح نزلت الشاجور كمشته بأيدي، لزمني من ملابسي جابني بوكسيات دفعته ووكعته للكاع و كمت اضرب بيه وواحد يغلط و يصيح ع الثاني و اصواتنا طالعة

فاتت ميعاد :- الله لا ينطيك النذل يالخنيث
تصرخ و هي تركض للبيت ،فاتت و اني وياه مستمرين واحد يدفع بالثاني و نتكاتل

سمعت ميعاد :- يممممممممة بتي
عفته من ايدي وركضت لكيت ديار الوجه مليان دم و الدم بالكاع

تخبلت بعدني اريد ادنك شمرني للكاع :- اليوم اكتلكم يا عاااااار

السايق اللي موصل ميعاد سامع المكاتل مالتنا اني و امجد و ميعاد تصرخ باقي بمكانه ما رايح يتصنت ع الهوسة

من ميعاد صرخت ولحكتها و امجد لاحكني هو فات للبيت ويا ما دفعني امجد ، الولد لزمة :- يابه اهل البيت كولو يا الله

ويا ما لزمة اني دفردته ابطته كعدته للكاع، دفعني الرجال ووكف بيناتنا، و اني اصرخ :- اليوك احركك والله مثل ما حركتها شاربي هاذ مو عليه اذا ما ورمتك اليوم ك****

امجد :- لك عار انا الادفنك والله ما اخليك عايش ادوس عرضي و تلعب ويا مرتييييييييي

ميعاد :- احد يشيل بتييييييي راااااااااح تموووووووت

خالد شلت ديار من الكاع لزمني امجد و هو يجر بيه ميعاد جاره جمجة جانت معلكة بالحايط و كامت تضرب على راسه و الرجال يسحب بامجد مني

دفر ميعاد من يمه و لحكني، خليت ديار بالتكسي و الولد مشبك امجد و يكله :- خوية كولو يا الله صلو على محمد

باوعت للرجال كلت اله تاخذ البنية و امها و للمستشفى اركض بيهم و اني اتصرف وياه

ميعاد :- ايد وحدة حسافة الوكت الكسرني و خلا امجد يدفعني و يضربني و بتي مدماية كمت من مكاني ركضت وراهم خلاها بالسيارة و خالد كال للولد

روح