ﺍﻟﻲ ﺻﺎﺭﺕ ﻫﻴﻪ ﺍﻡ ﻟﺒﻴﺖ ﻣﺎﻛﻤﺖ ﺍﺷﻴﻞ ﻫﻢ ﻣﺎﻣﺎ ﻭﻻﻋﺬﺭﺍﺀ
ﺗﻤﺎﺭﻩ ﺳﺒﻌﻪ ﻣﻦ ﻗﺒﻞ ﻭﺑﻮﺟﻮﺩ ﺭﺟﻠﻪ ﻫﻴﻪ ﺗﺪﺑﺮ ﻭﺩﺍﻳﺮﻩ ﻟﺒﻴﺖ
ﺭﻛﺾ ﺭﻛﻀﺖ ﺑﺮﻭﺣﻪ
ﻃﻠﻌﺖ ﺍﻟﻪ ﺭﺍﺗﺐ ﺭﻋﺎﻳﻪ ﺻﺎﺭﺕ ﻫﻴﻪ ﻭﻣﺎﻣﺎ ﻳﺴﺘﻠﻤﻦ ﻭﺣﺪﻩ ﺷﺎﻳﻠﻪ ﻟﺜﺎﻧﻴﻪ
ﻋﻴﺎﻟﻪ ﻣﻮﺻﻠﺘﻬﻢ ﻭﻻ ﻫﻤﻪ ﻭﺻﻠﻮ ﻟﻴﻜﺪﺍﻡ ﻛﻠﻮﻟﻪ ﻣﺎﻟﺞ ﺣﺼﻪ ﺣﺘﻰ ﺑﻠﺒﻴﺖ ﺭﺟﻠﺞ ﻣﺎﺕ ﻭﺍﻣﻪ ﻋﺎﻳﺸﻪ ﻣﻴﺎﻛﻞ ﺷﻲ ﺑﺤﻼﻟﻨﻪ ﻭﺍﻟﺒﻴﺖ ﺑﺎﺍﺳﻢ ﺍﻣﻪ
ﻣﻬﺘﻤﺖ ﻭﻻﻫﻴﻪ ﺑﺤﺎﻟﻬﻢ ﺍﻭﻝ ﺭﺍﺗﺐ ﺷﺘﺮﺕ ﻣﻜﻴﻨﻪ ﻭﺻﺎﺭﺕ ﺗﺨﻴﻂ ﻟﻴﻞ ﺑﻨﻬﺎﺭ ﻭﺃﻛﺜﺮ ﺷﻲ ﺍﺑﺪﻋﺖ ﺑﻲ ﻓﺮﺷﺎﺕ ﻋﻠﻰ ﺑﺮﺩﺍﺕ ﺻﺎﺭﺕ ﻧﺴﻮﺍﻥ ﺍﻟﻤﻨﻄﻘﻪ ﺭﺣﻬﻦ ﺑﻴﻪ
ﺍﺻﻔﻦ
ﺍﺻﻔﻦ ﻭﺍﺣﻤﺪ ﺍﻟﻠﻪ
ﻭﺍﺭﺟﻊ ﻋﻠﻰ ﻟﻴﻤﻲ
ﻋﻠﻰ ﺷﺎﻟﻊ ﻛﻠﺒﻲ
ﻓﺎﺭﺱ ﺗﺮﻩ ﻣﻴﺼﻴﺮ ﺗﻄﺒﻚ ﺑﻠﺼﻼﻩ
ﺍﺩﻳﺎﻧﻲ ﻭﻋﻴﻮﻧﺞ ﻧﺴﻴﺖ
ﺣﺒﻴﺒﻲ ﺍﻟﺼﻼﻩ ﻣﺘﻨﺴﻲ
ﻭﻝ ﻳﺮﺑﺞ ﻓﺘﻬﻤﺖ ﺑﺲ ﺣﺪﺭﻱ ﺟﺎﻱ ﻳﺎﺑﻌﺪ ﻣﻌﺎﻟﻴﺠﻲ
ﺳﻜﺘﺖ ﺑﺎﻟﻲ ﺷﺎﺭﺩ ﺻﺎﺡ
ﻭﻝ ﻫﻴﻦ ﻫﻴﻦ ﻭﻳﻦ ﺭﺣﺘﻲ
ﻓﺎﺭﺱ ﺷﺘﻬﻴﺖ ﻣﻌﻼﻙ
ﻫﻬﻬﻬﻬﻬﻬﻪ ﻭﻝ ﻳﻔﺪﺍﺝ ﻟﻤﻌﻼﺝ ﻭﺻﺎﺣﺒﻮ
ﻭﺍﺍﺍﺍﺧﻴﺮ ﺷﺘﻬﻴﺘﻲ ﻋﺠﻞ ﻣﻌﻨﺎﻩ ﻭﻟﻴﺪﻱ ﺷﺘﻬﻰ
ﻫﺰﻳﺖ ﺭﺍﺳﻲ ﺍﻓﺮﻙ ﺑﺨﺸﻤﻲ ﻟﺰﻡ ﺍﻳﺪﻱ
ﻻﻳﻤﻌﻮﺩﻩ ﻻﻳﻄﻠﻊ ﻣﻌﻼﺝ ﺑﺨﺸﻤﺞ ﻫﺴﺎﻉ ﺍﺟﻴﺒﻠﺞ
ﻭﻟﺒﺲ ﻋﻠﻰ ﺳﺮﻳﻊ ﻭﻃﻠﻊ ﺷﻜﺪ ﺧﺒﻠﻪ ﺍﻧﻲ ﻭﻳﻦ ﺟﻨﻪ ﻧﺤﺠﻲ ﻭﻳﻦ ﻛﻤﺰﺕ ﻣﻦ ﻟﺼﻼﻩ ﻟﻠﻤﻌﻼﻙ
ﺍﻱ ﻫﺴﻪ ﻣﻮﺩﺍﻗﻨﻌﻪ ﻳﺼﻠﻲ ﻓﺮﺽ ﺑﻔﺮﺿﻪ
ﻳﻠﻪ ﻫﺴﻪ ﻳﺠﻲ
ﺳﺎﻋﻪ ﺃﻛﺜﺮ ﻭﺍﺟﺎ ﺍﺧﺬﺕ ﻣﻦ ﺍﻳﺪﻩ ﻭﺗﻮﺳﻠﺘﻪ ﺑﻌﻴﻮﻧﻲ ﻳﺼﻠﻲ
ﻫﺰ ﺭﺃﺳﻪ
ﺍﻧﻪ ﻭﻳﻦ ﺍﻛﺪﺭﻟﺞ
ﻓﺎﺗﺖ ﻳﺘﻮﺿﻰ ﺭﻛﺾ ﺟﺒﺖ ﻛﻼﺑﻴﺘﻪ ﻭﻓﺮﺷﺖ ﻟﺴﺎﺟﺪﻩ ﻣﺮﺍﺕ ﻣﻦ ﻧﻔﺴﻪ ﻳﺨﺠﻞ ﻳﻮﻛﻒ ﻳﺼﻠﻲ ﻭﺍﻋﻮﻓﻪ ﻫﻮﻩ ﻭﺭﺑﻪ ﺣﺪ ﻣﺎﻳﻨﺪﻣﺞ
ﻗﻄﻌﺖ ﻟﻤﻌﻼﻙ ﺷﻴﺸﺘﻪ ﻭﻣﻠﺤﺘﻪ ﻭﺍﺟﺎ ﺣﻄﺖ ﻟﻔﺤﻢ ﻭﺑﺪﺃ ﻳﺸﻮﻱ ﺑﻠﺒﻠﻜﻮﻧﻪ ﻭﺍﻧﻲ ﻟﻴﻐﺎﺩ ﺍﺳﻮﻱ ﺯﻻﻃﻪ ﻛﻞ ﺷﻮﻳﻪ ﻳﻤﺪ ﺭﺃﺳﻪ ﻳﻄﺒﻚ ﺣﻮﺍﺟﺒﻪ
ﻟﻴﻮﻡ ﻣﻌﻼﺟﻲ ﻣﺸﺘﻬﻲ ﻣﻌﻼﺝ
ﻭﻋﻜﺾ ﺑﻌﻤﺮﻱ ﻣﺤﺒﻴﺘﻪ ﺑﺲ ﻟﻴﻮﻡ ﻣﺪﺭﻱ ﺷﺠﺎﻧﻲ
ﻛﻤﻞ ﻭﻛﻌﺪﻧﻪ ﻧﺎﻛﻞ ﺑﻴﻮﻣﻪ ﺍﻛﻠﺖ ﺑﻲ ﺍﻛﻞ ﺣﺘﻰ ﻣﻦ ﻧﻔﺴﻲ ﺗﻌﺠﺒﺖ
ﻧﺘﺨﻤﺖ ﻭﻣﻴﻠﺖ ﺭﺍﺳﻲ ﻋﻠﻰ ﺻﺪﺭﻩ
ﻓﺎﺭﺱ ﺭﺗﺎﺣﻴﺖ ﺿﻠﻴﺖ ﻣﻌﺎﻟﻴﺠﻲ ﻭﻣﻌﺎﻟﻴﺠﻲ ﻟﺤﺪ ﻣﺨﻠﻴﺘﻲ ﺍﻛﻞ ﻣﻌﻼﺝ ﻋﻠﻰ ﻛﻮﻟﺘﻚ
ﺷﻮ ﻣﻴﻠﻲ ﻣﻴﻠﻲ ﻫﺴﺎﻉ ﻟﻴﺴﻤﻊ ﻳﻜﻮﻝ ﻣﺎﻛﻠﻪ ﻣﺎﺩﺭﻱ ﺷﻨﻬﻮ ﻭﺝ ﻫﻮﻩ ﺍﻛﻮ ﺍﻃﻴﺐ ﻣﻦ ﻟﻤﻌﺎﻟﻴﺞ ﺍﻟﻪ ﺻﺪﻙ ﻭﻝ ﻣﺼﻜﻮﻋﻪ ﺻﺎﻳﺮﻩ ﺑﻄﻪ ﻟﺒﻴﻦ ﻣﺎﺗﻮﻟﺪﻳﻦ ﺣﺘﻰ ﻣﻌﺎﻟﻴﺠﻲ ﻟﻀﻤﺞ ﻳﺒﻴﻬﻢ ﻣﺎﻳﻜﻔﻮﺝ
ﺟﺮﺕ ﻋﻴﻨﻲ ﻣﺒﻮﺯﻩ ﻗﻔﻠﻨﻲ ﺑﺤﻀﻨﻪ
ﺍﺗﺸﺎﻗﻪ ﻭﺭﻭﺡ ﺍﺑﻮﻳﻪ ﺍﺗﺸﺎﻗﻪ
ﻭﻝ ﻣﻮ ﻓﺪ ﺑﻤﻌﺎﻟﻴﺠﻲ ﺍﺿﻤﺞ
ﺍﺿﻤﺞ ﺑﻜﻠﺒﻲ
ﻭﺑﺠﺒﺪﻱ
ﻭﻳﻦ ﻣﺎﺗﺪﺭﻳﻦ
----
ﺍﻧﺲ .. ﺳﺠﻰ ﺍﻟﺴﺎﻋﺔ ﺷﻜﺪ
ﺳﺠﻰ .. ١١ ﻭﺭﺑﻊ
ﻣﻢ ﺗﺮﻩ ﻣﺘﺎﺍﺧﺮﻩ ﺭﺑﻊ ﺳﺎﻋﻪ
ﺍﻱ ﺻﺢ
ﻟﻴﺶ ؟
ﺳﻜﺘﺖ
ﺍﺣﻢ ﺍﺍﺍ ﺍﺳﻒ ﻳﻤﻜﻦ ﺍﻧﻲ ﺩﺍﺣﺮﺟﺞ
ﻻ ﻻ ﻣﻮ ﻫﻴﺞ ﺑﺲ
ﻭﺳﻜﺘﺖ
ﺗﻨﻔﺲ ﻫﻤﺲ
ﺷﺴﻮﻳﺘﻲ ﻟﻴﻮﻡ
ﺍﻣﻢ ﺍﻱ ﻫﺴﻪ ﺍﺣﺠﻴﻠﻚ
ﺩﺣﻚ
ﻛﻌﺪﺕ ﻟﺼﺒﺢ
ﺻﻠﻴﺖ
ﻟﻌﺒﺖ ﺭﻳﺎﺿﻪ
ﺭﺷﻴﺖ ﻟﺤﺪﻳﻘﻪ
ﺗﺮﻳﻜﺖ
ﺍﺧﺬﺕ ﻋﻼﺟﻲ
ﻟﻠﻀﻬﺮ ﻗﺮﻳﺖ ﻛﻢ ﺳﻮﺭﻩ ﻣﻦ ﻟﻘﺮﺍﻥ ﻟﻴﺤﺪ ﻣﺼﺎﺭﺕ ﺻﻼﻩ ﻟﻀﻬﺮ ﺻﻠﻴﺖ ﻭﻧﻤﺖ ﻟﻠﻤﻐﺮﺏ ﻛﻌﺪﺕ ﺍﻛﻠﺖ ﻭﺳﺒﺤﺖ ﻭﺳﺎﻋﺪﺕ ﻟﺒﻨﺎﺕ ﺷﻮﻳﻪ ﻭﻫﺴﻪ ﺟﻴﺖ
ﺩﺍﺗﺨﻴﻠﺞ ﺗﺪﺭﻳﻦ ؟
ﻛﺎﻟﻪ ﻭﻛﻌﺪﺕ ﻟﺤﻴﻠﻲ ﻧﺸﻄﺢ ﺑﻠﻌﻮﻣﻲ ﻓﺎﻛﻪ ﻋﻴﻨﻲ
ﺷﺸﻨﻮ
ﺳﻜﺖ
ﻭﻫﻤﺴﺖ
ﺍﻧﺲ ﺷﻜﻠﺖ
ﺭﺗﺒﻚ
ﻻﻻ ﻣﻮﻗﺼﺪﻱ ﻳﻌﻨﻲ ﻋﻠﻰ ﺟﺪﻭﻝ ﻟﻤﺴﻮﻳﻨﻪ ﺗﺨﻴﻠﺖ ﺷﻠﻮﻥ ﻛﺘﻠﺘﻲ ﻳﻮﻣﺞ
ﺟﺮﻳﺖ ﻧﻔﺲ ﺍﻳﺪﻱ ﻋﻠﻰ ﺻﺪﺭﻱ ﺭﺟﻌﺖ ﻣﺪﺩﺕ ﻧﻔﺴﻲ ﻋﺎﻟﻲ
ﻫﻤﺲ
ﻫﺪﻱ ﺷﺒﻴﺞ
ﺭﺍﺡ ﺍﻧﺎﻡ
ﺟﺮ ﺣﺴﺮﻩ
ﺍﻧﺲ ﺗﺼﺒﺢ ﻋﻠﻰ ﺧﻴﺮ
ﺧﻠﺺ ﻋﻼﺟﺞ
ﺍﻱ
ﻟﻔﺎﻟﻴﻮﻡ ﺫﺑﻴﻨﻲ ﻣﺜﻞ ﻣﻜﺘﻠﺞ ﻟﺒﺎﺭﺣﻪ
ﺍﻱ
ﺟﻴﺪ ﺟﺪﺍ
ﺁﺧﺮ ﻃﻠﺐ
ﻟﺴﻜﺮ ﻗﻴﺴﻲ ﻗﺒﻞ ﻣﺘﻨﺎﻣﻴﻦ
ﺗﺮﻩ ﻧﺎﺳﻴﺘﻪ ﻭﺍﻟﻠﻪ
ﻣﻴﺨﺎﻟﻒ ﻟﺤﺬﺭ ﻭﺍﺟﺐ ﻣﺪﺍﻡ ﺗﺨﻠﻴﻨﻪ ﻣﻦ ﺍﻻﻧﺴﻮﻟﻴﻦ ﻭﻗﻠﻠﻨﻪ ﻣﻦ ﻟﻤﺴﺎﻋﺪ ﻟﻨﺘﻬﺎﻭﻥ ﻳﺒﻘﻰ ﻣﺮﺽ ﻣﻨﻬﻚ ﻟﻤﻨﺎﻋﻪ ﻟﺠﺴﻢ
ﺍﻭﻙ
ﺗﺼﺒﺤﻴﻦ ﻋﻠﻰ ﺧﻴﺮ
ﻭﺍﻧﺖ ﻣﻦ ﺍﻫﻠﻪ
ﺳﺪﻩ ﻛﻌﺪﺕ ﺭﺍﺳﻲ ﺑﻴﻦ ﺭﺟﻠﻴﻪ
ﺷﻜﺜﺮ ﺍﺭﺗﺎﺣﻠﻮ
ﺷﻜﺜﺮ ﺍﺷﻤﺮ ﻫﻤﻮﻣﻲ ﻋﻨﺪﻭ
ﺑﺲ ﺻﺎﺭ ﻛﻢ ﻳﻮﻡ ﻣﺎ ﻋﻠﻰ ﺑﻌﻀﻮ
ﺩﻧﺪﻗﻴﺖ ﻣﻦ ﺟﺘﻔﻲ ﻣﻴﻠﺖ ﺷﻮﻳﻪ ﻟﺒﻨﻰ ﺭﺍﻓﻌﻪ ﺣﺎﺟﺒﻪ
ﺍﻟﻴﻮﻡ ﻣﺎﻛﻮ ﻟﺪﻛﺘﻮﺭ ؟
ﺭﻓﻌﺖ ﺭﺍﺳﻲ ﻟﺒﻨﻰ ﻋﻮﻓﻴﻨﻲ ﺷﻜﻠﻲ ﻣﻜﺎﻋﺪ ﺣﻀﻲ ﺑﻜﻞ ﺷﻲ
ﻟﻴﺶ ﻳﺎﺳﺎﺗﺮ
ﻣﺎﺩﺭﻱ ﺍﻧﺲ ﻣﻦ ﺗﻌﻠﻴﻖ ﺑﺮﻧﺎﻣﺞ ﺗﻮﺍﺻﻞ ﺇﺟﺘﻤﺎﻋﻲ ﺗﻌﺮﻓﺖ ﻋﻠﻲ ﻓﺘﺖ ﺑﺮﻭﻓﻠﻴﻪ ﺷﻔﺖ ﻣﻌﺮﻓﻪ ﺩﻛﺘﻮﺭ ﻧﻔﺴﻲ ﻳﻮﻡ ﺑﻌﺪ ﻳﻮﻡ ﺻﺮﺕ ﺍﺗﺎﺑﻌﻪ
ﻣﻨﺸﻮﺭﺍﺗﻪ
ﻳﻮﻣﻴﺎﺗﻪ
ﻫﻮﺍﻱ ﺍﺳﺘﻔﺎﺩ ﻭﺻﺮﺕ ﺍﻭﺻﻞ ﻟﻤﺮﺣﻠﻪ ﺍﺣﺘﺎﺝ ﻟﺒﻌﺾ ﻣﻌﻠﻮﻣﺎﺗﻪ ﻟﺤﺪ ﻣﻨﺰﻝ ﻓﻘﺮﻩ ﻳﻮﻡ ﺑﻠﺴﺒﻮﻉ ﺳﻮﺍﻝ ﻭﺟﻮﺍﺏ ﻭﻟﻔﻘﺮﻩ ﺻﻌﺪﺕ ﺣﻴﻞ ﻛﻮﻧﻪ ﺩﻛﺘﻮﺭ ﺟﺎﻥ ﻳﺠﺎﻭﺏ ﺑﻠﺘﻔﺼﻴﻞ ﻟﻤﻤﻞ ﻭﺳﺌﻠﺖ ﻟﻮ ﺑﺘﻠﻴﺖ
ﺗﺤﻮﻝ ﻟﺴﻮﺍﻝ ﺇﻟﻰ ﻣﺤﺎﺩﺛﻪ
ﺛﻢ ﻣﻜﺎﻟﻤﻪ
ﻭﺻﺎﺭ ﺍﻧﺲ ﺟﺰﺀ ﻣﻦ ﻳﻮﻣﻲ
ﺟﺰﺀ ﻣﻦ ﻭﺍﻗﻌﻲ ﺍﻟﻲ ﻧﻬﺰﻣﺖ ﻣﻨﺎ ﻭﻣﺎﻟﻜﻴﺖ ﻏﻴﺮﻩ ﺍﻟﺠﺌﻠﻪ
ﺑﺲ ﻫﺴﻪ ﻣﺎﺩﺭﻱ ﺷﺒﻲ
ﺃﻳﺎﻡ ﻭﺍﻳﺎﻡ ﻛﺒﻞ ﻋﺸﺖ ﺑﺤﺮﺏ ﻭﺧﻄﺎﺏ ﺟﺪﺍﻣﻲ
ﻭﻛﺘﻪ ﺟﺎﻥ ﺍﻧﺲ ﻫﻮﻩ ﻟﺪﺭﻉ ﻟﻴﺤﻤﻴﻨﻲ ﻣﻦ ﺍﻧﺴﺎﻥ ﺟﺎﻥ ﻟﻤﻔﺮﻭﺽ ﻳﺤﻤﻴﻨﻲ ﻣﻦ ﺭﻭﺣﻪ
ﻗﻮﺍﻧﻲ
ﻭﻛﻔﻨﻲ ﻋﻠﻰ ﺭﺟﻠﻲ
ﺣﻴﻰ ﺍﻟﺮﻭﺡ ﻟﻤﺎﺗﺖ ﺑﺪﺍﺧﻠﻲ
ﻛﺘﻞ ﻣﺮﺿﻲ
ﻭﻟﻼﻥ ﺍﺗﺠﻬﻠﻪ ﺑﺎﺯﻏﺮ ﻟﺘﻔﺎﺻﻴﻞ ﺑﺲ ﻫﻞ ﻛﻢ ﻳﻮﻡ ﺩﺍﺣﺴﻮ ﻣﺎﻃﺒﻴﻌﻲ
ﻭﻝ ﻣﺜﺒﻮﺭﻩ ﺧﺎﻑ ﺣﺒﺞ
ﺧﻨﺰﺭﺕ
ﻟﺒﻨﻰ ﻓﻜﻴﻨﻲ ﻭﻛﻮﻣﻲ ﻣﻨﻲ ﻳﺎﺣﺐ ﻳﺎﺧﺮﺍﺑﻴﻂ ﺍﻧﻪ ﻛﺎﺭﻫﻪ ﻛﻞ ﻟﺰﻟﻢ ﻟﺪﻧﻴﻪ
ﺗﺮﻩ ﺍﺣﺠﻲ ﺻﺪﻙ
ﺭﺟﻌﺖ ﻏﻄﻴﺖ ﻭﺟﻬﻲ ﺑﻴﺪﻱ ﻛﻮﺭﺕ ﺭﻭﺣﻲ ﻭﻣﺪﺩﺕ
ﻫﺎﻱ ﺷﺠﺎﻱ ﺩﻛﻮﻝ ﻣﻌﻘﻮﻟﻪ
ﻻﻻ ﺍﻧﺲ ﻣﻮ ﻫﻴﺞ
ﺩﺣﻜﺖ ﻟﺒﻨﻰ ﺭﺍﺣﺖ ﻧﺎﻣﺖ
ﺟﺮﻳﺖ ﻧﻘﺎﻟﻲ ﺩﻛﻴﺘﻠﻪ
ﺷﻠﻮﻥ ﻭﻟﻴﺶ ﻣﺎﺩﺭﻱ
ﺟﺎﻭﺏ ﺑﻠﻌﺠﻞ
ﺳﻜﺘﺖ ﻭﺗﻨﻬﺪ
ﻫﻤﺴﺖ
ﺍﻧﺲ ﺍﺳﻔﻪ ﺍﺫﺍ ﺩﻛﻴﺘﻠﻚ
ﻻﻻ ﻛﺎﻋﺪ ﻛﻮﻟﻲ
ﺣﺮﺕ ﻭﺭﺗﺒﻜﺖ ﺷﺮﺍﺡ ﺍﻛﻮﻝ ﺷﺤﺠﻲ ﻗﻮﻳﺖ ﺭﻭﺣﻲ ﺗﻮﻧﻲ ﺍﻧﻄﻖ ﻭﺳﻤﻌﺖ ﻳﻤﻪ ﺻﻮﺕ ﺑﻨﻴﻪ ﺗﺼﻴﺢ
ﺍﻧﺲ ﺍﺍﺍﺍﻧﺲ
ﺗﺨﺸﺒﺖ
ﺻﺮﺕ ﺍﺧﺘﺾ ﻛﺒﻞ ﺳﺪﻳﺘﻪ ﻭﻛﻔﺖ ﻋﻠﻰ ﺣﻴﻠﻲ ﺍﺭﺟﻒ ﻭﺍﺑﻠﻊ ﺑﺮﻳﻜﻲ
ﺍﻧﻪ ﺷﺴﻮﻳﺖ
ﻣﻨﻮ ﻫﺎﻱ
ﻭﻋﻠﻴﺶ ﺩﻛﻴﺘﻠﻮ
ﺍﻧﺲ ﻣﺘﺰﻭﺝ
ﺍﻱ ﻳﻤﻜﻦ ﻣﺘﺰﻭﺝ
ﻧﺤﻨﺎ ﻣﺎﺣﺎﺟﻴﻦ ﺑﺤﻴﺎﺗﻮ
ﺳﺠﻰ ﺟﻌﻤﺞ ﺍﻟﻠﻪ
ﺍﺧﺬﺝ ﺍﻟﻠﻪ
ﻣﻮﺗﺞ ﺍﻥ ﺷﺎﻟﻠﻪ
ﺷﻠﻮﻥ ﺗﺤﺎﺟﻲ ﺑﺲ ﻻﻳﻄﻠﻊ ﻣﺘﺰﻭﺝ
ﻭﻝ ﻋﺠﻞ ﺷﻔﺮﻗﺞ ﻋﻦ ﺧﻄﺎﺏ
ﻟﻄﻤﺖ ﻣﺮﺗﻴﻦ ﻋﻠﻰ ﻭﺟﻬﻲ ﻭﻛﻌﺪﺕ ﻣﻴﺘﻪ ﺑﺠﻲ ﻭﺍﺗﺨﻴﻞ ﻫﺎﻱ ﺣﺮﻣﺘﻮ ﻭﻫﺴﺎﻉ ﻛﻠﺒﻪ ﺣﺘﺮﺝ ﻣﺜﻞ ﻣﺎﺟﺎﻥ ﻳﺤﺘﺮﺝ ﻛﻠﺒﻲ ﻭﺧﻄﺎﺏ
ﻳﺨﻮﻧﻲ

ﻳﺘﺒﺒﺒﻊ

#لهفة_عاشق.
البارت 53

،،،،،،،،،،،،،،،،،،
احيانا نكتب عن الالم
واحيانا نكتب عن الشعور
واحيانا نكتب عن الندم
واحيانا اخرى عن ذكرياتنا
ذلك هو العمر كلما تقدم بك ادركت لكل عمل معنى ولكل فهم مغزى ومازال البحث جاريا عن الدواء
لتلك المشاعر التي تكاد تكتظ بالبكاء على ضياع العمر بين هموم تراكمت واحزان رسمت على وجوهنا

سجى .... كعدت ابجي بحركه لنقال يدك دكه وره دكه ماجاوبت غلقته ولفلفت روحي انام
ليلته عشت احساس حقير
شلون ماجي على بالي
مافكرت
ماسلت يجوز انس متزوج
صح ماعندي شي وياه ولا هوه بادر منو شي بس ابقى طول عمري اكره بيوم ينحط احد بنفس لموقف لنحطيت بي كبل

ساعه ساعتين غفيت بقلق ليثاني يوم كعدت لبيت مخبوص يسولفون برجعتنه للفلوجه
جن الاوضاع هدات وخالو فارس دز على ولد تايرحون يشوفون لبيت
جنت بغير عالم بالي مايمهم
جده طايره فرح وده ترجع بقرب وقت
وبدو يحضرون
سيف ومصطفى راحو لهناك بقى ثامر بين لبيت ولمعمل
لتهيت وعبالك اريد بس اشغل روحي افتح نقالي دقايق واغلقو
فتره مرت كملنه كلشي ورجعنا لبنى ومريم وبثينه ضلو لان عدهم متحانات خاله وياهم وثامر ضل علمودهم
فتنه منطقتنه نبض كلبي
هين ولدنا
هين عشنا احلى ايام
أيام بيضه خاليا من كلشي
ضحكنه ولعبنه
شقانه
رغم حيطان لديره تعبت
تعبت جثير من حرب لحرب بس رجعت عامره بااهله
ادحك لحديقه ميته خلاص
لحشيش اصفر يابس لسنادين مكسره
تمشيت مستنده على حيطان لبيت نثره جديد شكثر يئاذي شحبت عيوني على جام لشبابيك توه مخله جديد بعدو رطب وسرح بالي
خطاب فدوه روح
يولي شمسوي جاي احاجيج
عيونه مركزه بيه يتلفت وانه ميته خوف وكته جان بس يلاحكني بلنضرات
وكبسه خالو فارس متت بدمي كعدت ابجي هساع شفكر شكال عني
صفنت ونعادت كل ذيج لذكريات
معقوله كله جانت جذب ؟
نزلو دموعي
نزويت ودك نقالي
انس
جريت نفس وجاوبت ساكته بلهفه كال

وينج سجى تحجين صدك وين صرتي ليش متجاوبين ليش اتصل مغلق

بجيت
الله يخليك انس عوفني ساعدتني
عالجتني وماقصرت
تحسنت وجزاك الله خير
بعد ماله داعي لكلام حتى خجلانه منك ماجاوبك لان خاف سببتلك احراج بااخر مكالمه
سكت تنهدت همس
سجى شددكولين حراج شنو انتي مريضتي وامرج يهمني خطوه بخطوه اصلا حيل قلقت ومعرفت ليش تصلتي وليش سديتي وختفيتي غير افهم

حقك والله
اتصلت اتشكر منك على كلشي وردت اكلك اني تشافيت وانت مقصرت بعد ماله داعي نتواصل ومن سمعت صوت يمك كرهت روحي مادري رجعت لنفس الاحساس لحقير لجنت اعيشه واني افوت لو اشوف خطاب وهوه يخابر يمكن مرتك عاشت نفس لحضه بذاك ليوم بس بالله ماقصدي شي انت تدري او ما تدري

هوب هوب هوب انتي هواي رايحه زايد وحساسه أكثر من لازم وهذا يوضح انتي بعدج مريضه بخطاب
أولا مو كل اصابعج سوه
موكل لزلم خطاب
تره تعالجتي حتى تدركين هذا لشي
ثانيا منو يكول مرتي منو كال اني متزوج
لسمعتي صوته اختي وان كنت متزوج فئنتي مالج ذنب لو سامعتج مرتي لان لمثلج متاكد اني مستحيل تعيش شخص نفس لعاشته
فالي اريد اكوله هسه الج ياريت ماتحكمين قبل ماتفهمين

سكتت خجلانه شكلي صدك مريضه بخطاب وسوالفه للان
همس وينج هسه
وبديت احجي لصار وياي كل هاي لفتره ونتر

ادري والله بس احسو شبح وادحك بي بكل مكان
هين حجينه
هين جان يدحك بيه
لو يئمر
لو يزحك

بسس تره خطاب ماكو هسه
ادري والله بس احسو شبح وادحك بي بكل مكان
هين حجينه
هين جان يدحك بيه
لو يئمر
لو يزحك

هم صح احاول اتلاشه هاي لافكار

اي وين لمشكله تره مريتي بفتره انتي وياه نفس لبيت وصلتي مرحله مكمتي تشوفي كبالج ليش دترجعين روحج ليوره

عفيه عليج

وهيج مرت الايام
شي بيه رتاح كوني ماريد اغلط الغلط لشفته بيوم بغيري ومريضته على نفسي
بديت تدريجا انسحب من انس بحجه رجعت اقره ورجعت لدراستي بديت انشغل والتهي هواي ونفس لوقت شي بيه احسه ميت شنو مادري
ادياني شكلتي ؟
فارس شكول تحجي كل عقلك
بعد معاليجي لاتعاندين ديرتنه وبيتنه واهلي كبل بعاد وحجتي وياي هساع صار شمره عصه شون اعوفهم
لمنطقه ردت احسن من كبل هناك عيشتي وبيتي من اب وجد شلون اعوفه انه كل هاي لفتره تره مابعدني عنه اله لشديد لقوي

سكتت منصيه داخلي يرتعش تقرب لزم ايدي برطمت طبك حاجبه
اديان مو بلازم بس هاهيه يزي

فارس و الله مو على شي ادري بيتكم واهلكم وكل عيشتك هناك ومن حقك بس اني مداتخيل اكدر اعيش ويه ميسون بنفس لمكان
خنز هد ايدي ندار
اي ميسون يربج تحجين صدك لاتخليني انعل جلاب اهلها الف نوبه كتلج ميسون لبنته وبس وانه الج ومالتج شحدو ليفك حلكو لو يتدكر بيج وخشمي يشتم الهوا

سكتت حايره
شون اقنعه
شون افهمه
مسح وجه يهدي روحه وتقرب لمني بحضنه يمسد على ضهري يحلف
لاميسون ولاكل احد يصير حاجز بينه انه يمج انه ضهرج
والكل يموت عليج لبنوات والحجيه حيل متلهفين تجين يمهم لاتخلين ميسون بالج هينوب

هزيت راسي ساكته باس كصتي يكلي عفيه

بعد اهلي
نصيت بدون كلام الف فكره براسي
كلام ماما هواي هداني
رجلج لاتعاندي
لاتكسريله كلمه
ديرته
اهله
امه شلون يعوفهم
ماما لمره وره رجله وين ميروح لو لااخر لدنيه دامه زين وياج ويحبج
قنعت وسكتت
لملمت ملابسه وقفلنه لشقه متوجه لحياه ثانيه صح احب لحجيه ولبنات بس ميسون مليانه حيره ورهبه منها لمثله متتئمن
وصلنه لفلوجه اول فوتي اله تخبل رغم لحرب مبين عليه بس بناسه ومحلاته وهرجتهم شفته عبالك بغداد
ستقبلونه ولحجيه جمدت عليه تبوس ايده على بطني وتقره ايات وتمسح وتاامن وتبجي حيل قهرتني
لبنات لولد كلهم فد هلا وبتسامه مليانه ترحيب اله ميسون واكفه تخوز وتنفخ مجتفه اديه

معبرته نطونه لطابق لفوك بي غرفتين وملحقات شدو لولد لغرفه وبديت ارتب بيه للعصر نزلت تفرجت لبيت كلش جبير لحديقه واسعه وعلى صفحه بيه بيتين عرفت ذولي لام خطاب وام ثامر لتفتت على لبيت لجبير ونصيت راسي افكر اكيد هذا لبيت لفارس يعني محد بي غير اني ولحجيه وميسون وبنته
قررت اتجنبه حتى اعيش بسلام
وفعلا هذا لصار
انزل اشتغل واصعد ابد مااختلط بيه
ايام وايام كد مااكدر احاول ابعد بس صعب لمتهم طبعهم متنطي مجال لواحد ينطوي
لحجيه من لصبح تصيح
يمه اديان
عيوني عمه
سالمه عيونج حدري جاي يمي
انزل ميسون رافعه تك حاجب انصي وافوت اكعد يم لحجيه
كولي عمه
اكول يمه قيسي لسكر شو حلكي يبس
صار عمه

اقيس ويطلع صاعد كم درجه
عمه شتريكتي
يمه شويه بيض وطماطه
عمه ميصير دهن هذا كله اني اشوف لوبيض سلك افضل ويوم جبن
سكتت
وصرت كل يوم انزل اريكه وهيه تدعي وترجع ليوره لومرات تداهرني واخرب ضحك
اكول اديان فارس جار عدل شسالفتو
عمه الله هداه غير

اها هم صدك قادر ربي بس خاف مهددتو

فكيت عيني
عزه عمه بيمن

و الله مادري لسياره بلا بانزين ماتمشي وفارس بلا مره مايرهم يعني من تكطعين عنوو لمدادات بعد مايندل دروب وهل ساكت وراكد ولا انوب تاشوفو يصلي يعني مداداتو جثير

ضحكت وتقربت تشاورني
وحك الله اول ماشفتج عرفتج صكارتو

ههههه لا والله عمه هوه صكاري بس لرجال بشويه حنان وهتمام يصير مثل ما تردين
فرت ايده
جعهمه الله لعجبه عجل هل مثبوره شبلاهه علت كلبو سنين

توني ارد وصاحت مزنبره
شششبيه عيني شششبيه ابنج سكير وعركجي ونسيواني وكل هذا جان براس ميسون وصابره وساكته
هسه صرت موزينه

الحجيه.. انتي شنو جنتي تتصنتين؟
ولمن هيج محترج دمج جان جريتي عدل تاينعدل هوه هم

والله وربج بكبره ابنج فلا منعدل بس لسحوره عاميتو وانه لو اريد من باجر اخلي يرد لبغداديه منين ماجابه واخلي مثل لمحبس بيدي خاف ماتدرين
والله تسويه عاد انتي سيف لمجرب وكل شي يطلع منج

عجل شعبالج عمه انه ميسون لموكفه لفلوجه على تك رجل لو غيري

تحجي وتغمز رافعه ثوبه تحمحم فارس كمزت وكفت عدل خنست
سلم وكعد عمه نصت تسبح وكمت ليمه مبتسمه

حبيبي الله يساعدك

ويساعد بختج
كاله مبتسم بحيره جنه سمع كلشي وغلس ولا اني لبينت شلت لسجل وغراضه
تبارك جتي كعدت بحضنه تفك بدكم قميصه وتتشاقه وياه رخه جسمه رجعه ليوره ويلم بكذلته يخليه وره اذانه
عفتهم وصعدت
شويه وفات جنت اطلعله ملابس اخذهم من ايدي شمرهم ولازم ايدي يباوع بعيني هايم
رفعت حاجبي
شبيك
تنهد
شكبرو عكلج؟

بتسمت وتقرب شابك اصابعه بصابعي حيل عاصرهم ميل رأسه وره اذني نفسه دغدني ميلت جسمي
وقرب أكثر
همسسس بحححه صوته لمنتهي رايح
ااااااااااحببج

يابه شصار بيه فركت اذني احسه رطبت وعادهه يبعد يباوع بوجهي وريرجع يهمس بذني
نتهيت صرت كوه لازمه روحي
وصلنه لسرير حيل كافه بحضنه
يمسد على شعري واصابعه تمشي على خدي غمضت لامه روحي لحد ماغفينه
لليل كعدنه على دكه لباب تلفلفت وكام فتحه لانه تبارك تبجي ومفرفحه تخبل نخبص جر فانيلته لبسه ونزل وياه اسمع بيهم جوه صوتهم عالي يرزل بلبنات يمكن هنا وياهه ويبررن خالو وخالو حذر وهدد محد اله شغله بيه وصعد فات للحمام شويه وماحس اله فاتت للغرفه تبارك تكلب بعيونه جرت تليفونه كبل فتحته يعني تعرف لرمز
محجيت
مددت على سرير رجل على رجل وصوت لموبايل عالي عفته واللملم وارتب
ابد مهتميت جاهله وماخذته على كد عقله

ومن يومه كمت احسه تتقصد الكعده بغرفتي عباله احجي لو اطرده ومستحيل اسويه هيه تكطع نفسه ولااخلي بكلبه مني

اليوم جانت كاعده بغرفتي بحجه والحجه واضحه لان فارس وماكو بس هاي تدريس ونصايح ميسون واني حيل حذره بس ابقى ولاشي يم ميسون
عزلت لغرفه وكملت شلت ملابسي ورحت اسبح رجعت لكيت لكنتور منفوش نفش مهتميت مطمئه مبي فلوس ولاشي ينشال لملمت وانصدم اورق فارس مال لعقارات وشغله كومه مشككه
فرت فور ادري ليش هيج
نزلت شايتلهم كلمه حجيته لو بتليت
تبوكه حبيبتي منو مسوي هيج بوراق بابا

جرت عينه وكفت متخوصره
واني شعليه

عاطت ميسون
هاا هجامه لبيوت ام لدوابير سويتي سالفه دتبلين بنتي
عمه لحكلي يبنات تعالو شوفو كل هذا حتى تبارك متفوت غرفه ابوها
كطعيه خبيثه

صفنت مصدومه عبالك متحضره

مرديت ابد لبنات وعمه مقصرو
بس هيه حياله دموع وتدك على رجليه برحكه
شفت لوضع تازم خليت وصعدت للمغرب واجه فارس ميت تعب جان بغداد بلمنضمه وكبل حل راح للمحل هسه اله عزل
ركضت بحمامه وملابسه ورجعت داصيحه
واسمع تبارك تبجي يمه
بابا متخليني اصعد فوك واذا صعدت تطفي لشاشه تاماباوع حتى لثلاجه من اريد اشرب مي الكاه مقفوله دحك بابا

وفتحت لثلاجه
صدك مقفوله
عزه بعيني ابد مقفافلته مفتاحه فوكاهه بس مواصلته
ورجعت دكله
بابا شكت اوراق شغلك ونزلت تصيح وتغلط سوت هوسه حتى بس ماصعد فوك بابا انه بعد ماصعد عود اكعد يمك جوه

يسمع بنصات منصي واني صامه حلكي تالي طلعت للباب وصاحه ركضت خلاهه جوه جتفه يكله
باباتي اتركي لمشاكل انتي موتحبيني وانه تعبان لاتسمعين لمج
فكت عينه
خنزر
وطلعت

فتت ابلع بريكي بس لاصدكه بس لا راح يحجي وكف يفك بحزامه مامهتم نصيت شلت لقميص علكته اتحرك الف هم بيه تالي متحملت وكفت لعبره خانكتني
فارس وروح اخوتي وابويه فلا قافله ثلاجه لو طاردته

بتسم لف ايده على جتفي
ايهو طلب حلفانج يولي انه مالي ايدي منج ودروس ميسون مايعبرن عليه

والاوراق لراحولك خوما مهمات
اااخ عضيت اصبعي
صوجي كلي مني شوف محافضت عليهم
بتسم
ول مصكوعه اي اورق ادياني تحجين صدك غيرر يفداج فارس ومعاليجو عاد مو اوراقو وجم نتفه مصنوعات من وصخ لدنيه

حاجهم وحضنته حيل دموعي نزلو يمكن كد
حنيته
كلامه لطيب
لو كد لخوف لخفته قبل شويه

لبنى ... نتقلو اهلنه ونحنا ضلينه نمتحن
حيل ركزت وكل ما اتذكر انه خسرت سنه لجل عمر اموت وانطحن وارد ادرس أكثر وأكثر
بثينه اكثر انسانه تمدني طاقه بدون كلام بس افعال
ادحك حبه لثامر وحبو اله اكول اكو أكثر من هيج حب
حب صامت اغلب الوكات
حب مكتوم
جثير دايسن على رواحهم
ثامر بتعد من ماما لان زعلانه منو وتحجج بشغلو بلمعمل ضل بلشمال لحالو
بثينه مغلسه جنه متريد تفتح جروح قديمه
لتهينه بنقلنه وتحضيراته للكليه اني معدلي دخلني تربيه وبثينه طلعله تحليلات مرضيه
ومرت الأيام
اجذب لو كلت بطلت أفكر بي بس دايسه على روحي
رجع يجي على ولد يتعلل ويه خالو بلديوانيه واسمع صوتو
مداهرو
شقاه
وسكت
التهي مدري اقشمر روحي وارد اصفن ويرن كلامو بذني
احبج والله احبج
سمعته ترس اذني ولليوم مانساهه بس عليش يصدني مادري

داومنه وكلمن التهه بحالو
شتانا هذا بارد جثير
بارد لبرودنه
ماما وخاله وحده ملجومه من لخ
جده تعاين بينه واحد واحد وشغلته بس تدعيلنه
خالو فارس طاير باديان الي فاتت بشهره ويدحك بيه خطوه بخطوه وميسون متبطل مكايد بس اديان تعجبني ياجبل ميهزك ريحك
والكل متعجب بيه
سيف بينه وبين لشمال بلمعمل ومصطفى هل فتره لايب مدري شبي جثير يكعد يمنه لو لتمينه
ويضل صافن وسرحان مدري شعندو

خطاب بس بنقال نعرف اخبارو سوال وجواب ماشايفينو دنعرف شلون ماشيه حياته وكل مادكول ماما كالت ارجع سكت وسده
سجى هيه هيه داوم ومخلصه يومه تقره حتى قليل اشوفه تكضب لنقال
وبثينه وثامر تالي ليل اسمع همسهم ومن تصدف ويجي لابد تالي لليل يتعاركون وتفوت تنام تبجي
شويه ويدك لباب يثني كباله يضل يراضي ويقنع ليحد ماترفع رأسه يكف متخوصر يدحك بلسما وينصي متنهد ويطلع
جم نوبه وانه بلخط المح سياره موغريبه عليه ادحك بيه وارجع اهز راسي
جني تخبلت لو كمت اتخايله
اليوم بثينه ماداومت ماعده محاضرات رحت وحدي وبطريق لرجعه ضهريه الشارع فرغ وأبو لخط يجر بروحه كل شويه طابك يسخت جكاير ومي ويخابر ضلينه بس انه وبنيه ماعرفه ولامن قسمي بس هيه بخطته نص لطريق ونزلت كعدت يمو ضليت صافنه
خايفه
شلون بيه
شويه وطبك على صفحه يتعارك وياهه يتراددون وهيه تبجي
رتعبت وكمت اتوسل عفيه وصلني وتعاركو
فدوه تااخر
افك بلباب مينفتح
حصرتني لدمعه وهمه مو بحالي
لحضات متت بيه خوف
وندفرت لباب لجامه طنت
باوعت
لانه عمر
ابو لخط ضل يتبلعم وعمر يجر بلباب مقفول تلفتت لولد وفكه نفتح ومد رأسه مخنزر نتر
نززززززلي

ركض نزلت وندار ليم لسايق نزله يسحل بي يصيح
صااااايع كواااا******
هاي امانات لعالم
ول كلب ابن لكلب طابك بلنسوان بلضهاري بين لفروع ماتخجل مااااعندك
عررررررض

بجيت صامه حلكي منداره على بنيه
كللللله منج
وهيه ترد منين هذا منين طلع شيصيرلج
تضاربو
السايق تدمه وندار سريع جرني من ايدي صعدني بسيارته ومشى سريع روحي طلعت كمت اشهك لتفتلي مطير عيونه بس شاف دموعي وجهي لمطعون رخت ملامحه
غمض
وفتح
خفف لسرعه
لازم لستيرين بثنين اديه ولاف بفرع فارغ وكف منصي يتنفس سريع واني ازيد بلبجي
تنهد ومد ايده سحب كلينس مدلياه
وفك بطل لمي بصفه ندار نص جسمه قرب ايده بيه لبطل لحلكي شربت شفتي ترجف ونزله قفله وخلاه بصفه
جر حسره ورجه راسه على ستيرين
همس
يتبببع

#لهفة_عاشق

#بارت٥٤
،،،،،،،،،،،،،،،،،،
مااكلك اريدك حتى ترتاح
ولا الفظ احبك حتى بأنفاسي
واخليك بحيره وقلق دوم الدوم
ولا تكدر تفسر ربع البراسي
يحبني مايحبني حرت ويااه
وتسهرلي لكانت تفسر احساسي
مره تكول طيب مره غدار
ومره اناني وبالطبع قاسي
تباوعلي واغلس لمن يمي تكون
وابينلك نسيتك واني مو ناسي
.....................

تنهد ومد ايده سحب كلينس مدلياه
وفك بطل لمي بصفه ندار نص جسمه قرب ايده بيه لبطل لحلكي شربت شفتي ترجف ونزله قفله وخلاه بصفه
جر حسره ورجه راسه على ستيرين همس
لبنى وريتي روحي

ورد عصب يئاشر على رأسه يضرب بعقله

عكل ماضل براسي
ول لو طالع بيكم هل عار
لو مسويلج شي
لو ولو ولو
جان شكتلي
شحجيتي
شلون امنتي شلون

بجيت
والله اول نوبه يسويه هينوب ماشايفه عليه شي ونص لطلاب ممداومه ليوم من هيج ستجلب
ندار يباوع بعيني لم شفته وخله رأسه على حافه ايده لاماده للستيرين مسح خده
نصيت شي بيه برد
رديت اصفن
ادحك بي
وافكر
شجابو
ومن شوكت هوه وراي

حرك ومشى ساكت واني ساكته
ودي اسئله
ودي احجي
بس مو كادره
عقلي بطنش وعيني مركزه بيده لعلكير مكدرت ارفع راسي
لحد فرعنه وخفف
ندارلي
انزلي هين وكولي ذبني لخط براس لشارع وانه اعرف اتصرف ويه هذا لنكس عود احاجي لولد يشوفولج غيرر خط

نزلت وعيني منزلت منه
بس لساني مربط مكدرت حتى اشكره
فتت مهبوطه غلست وكعدت الوم بروحي
عليش سكتت
لو سائلته عليش لاحكني لو حاجين وخالته جدام الامر الواقع
لليل وانه سالفه تاخذني ولخ تجيبني
مره ابتسم من اذكر غيرتو وعصابو من طلعت على ولد ومره ابجي على روحي شلون بلهفه تدحك بي وشلون هوه يدير روحو عني

لبت لبت مددت تانام بس مو كادره دام ادري بي هين وكاعد بيتنه فلا عيني تغمض
رجعت لخرابيطي دورات اهجس روحي اتصرف بلاوعي
من يقرب افصل
وصلت مرحله كعدت لحيلي اعض بصبعي وهدي بروحي
اريد ابقى على وعدي
ماريد اضعف
ماريد اذل نفسي
مرتين مددت وكعدت مفزوعه
كمت للحديقه مخنوكه افتر من باب لديونيه للحديقه وارجع اتصنت على صوتهم
واركز بي بذات
ضحكته
شقاه
حتى طكت لدومنه بيده اعرفه لان يرافقه مداهره
كعدت وره لحايط لنقال بيدي
اراسل
لا
إرسال
لا
واعصر بلنقال حيل
حدما كتبت
عمر اريد احاجيك
بلعجل رد

يربج اركدي

وكفت اكتب وافتر
بس كم كلمه

دز سمايل يضرب على كصته

سديته ولبدت وره لنبكه طلع يكلهم العبو داس افوت للحمام واجي
نصى على نقاله كتب
وينج
طلعت لمحني
تلفت وهم للمغسله فك لبوري ويتلفت اشرلي براسه تعاي
جيت
منصيه
دنك يغسل بيده ويميل راسه
شبيج

انت شبيك

رفع رأسه للسما ورجع دنك حجه بقهر
لساج مافهمتي عليا

هزيت راسي لا
غمض وندار
فوتي جوه لايطلع احد ارد للبيت واخابرج

عليش تتهزم مني ؟
توه يحجي
تحرك باب لديوانيه ركضت وره لنبكه ونتر سيف
وووين صرت
سكت
هيووو
رد

وووجع عليش تجوعر راح اروح للبيت

لابله
انجعم انجعم لاتفلت بعدني ماغاسلك شنو داسين واعوفكم لو انه لو انت

نصى ورفع راسه يرجع بشعره وفات لديونيه دقايق وطلع سويجه ومحفضته بيده طلعو وراه يقشبون وصوتهم ليون وصل ركضت للغرفه كعدت وتخايل شكله
نمت وغطيت روحي
احضر بلكلام
شكول
وشراح احجي
اجمع ويرد يضيع
ليحد مادك وجاوبت بلهفه
الو
وسكتت
سكتت
عمر لاتسكت تحبني سامعته ترس اذني من لسانك

كح وختنك حيل كمت اصيح
عمر عمر
سمعت طبكت باب
ونفسه يلهث

شبيك وين انت

بلسياره كاعد وختنكت
لبنى افهمي علي كتلج احبج بلحضه ضعف بس والله مافيدج
انتي تستاهلين الاحسن مني

ليش
كلته وختنكت
سكت ورد كمل
انه اكبرج بضعاف عمرج
ولاانه من ثوبج
انه شايف وعايف واني ورقه بيضه نقيه

شنو يعني

كتلج ماراح تفهمين علي

فهمني

ستغفر
شوفي يابنت لناس
انه كل عمري عشت حر
مايوم فكرت بحرمه
ولايوم فكرت بعايلتكم بذات
خالج فارس هذا رفيج لدرب وماريد اخسرو

بلعت ريكي كلبي يلكف
اي تخسرو
عليش تخسرو
خالو يحبك جثير
سكت
وبجيت بقهر
عمر عليش ساكت

كلته وصاح كل حسه
كل صوته
لان ااااااااااانه مو نضيف
انه ماناسبج ماارهملج
ماريد اوصخج
شرب ونسوان
وعررررربده
كل هذا خالج شاهد عليه ويعرفو تتصورين ينطيني
ييييييقبل يناسبني
لو راح يردني
واخسرو
واذا خسرتو معناه خسرت روحي تعرفين شنو واحد يخسر روحووو
اسمع فاكه عيني صامه حلكي
وشه صارت بذني
وكلبي خفك
سده وكع نقالي حلكي يبس
شيكول هذا
شيحجي
عود من كل عكلوو
عمر عمر هيج عندو سوالف وخالو يدري بي ؟

____

اديان ... بثينه شو فدنوب متمرين تره منتبه عليج انتي لوحيده لعازله روحج منا بس والله كعدتنه تفوتج مناقصه غيرج

بثينه .... بتسمت مجامله لكلامه ونصيت اخذت كتابي وكمت للبيت فتت
اديان حيل حبابه
جثير مرحه
جتماعيه مونسه لبنات ولابدات بيه اله اني كل ماشفت خاله تكرب منها تتوددله ابتعد
كل مااتذكر خاله تريد اخته روحي تنقبض واضل اتخايل ثامر ينوخذ مني لخته

اموت غير اموت

صافنه سرحانه هايمه بي
ودك نقالي
شفت اسمه بتسمت ورديت روحي مسرسحه
هلاو

مشتاكتلك

ههههه تره يسلمون اول

والله من اسمع صوتج انسى روحي موعاد اكوم اسلم

شونك

اذا انت زين انه زينه

عجل موزين

هبطت
ليش

غير مشتاكلج
ثااامر هبطتني

اموت عليج

متت خجل يربي افصل من يسولف هيج
غمضت اتخايل شكله وهوه يكوله همس
يولي حدري فكي لباب انه جيت

كاله وكمت طايره اكمز وارد ادحك من لشباك اوصل للباب وارد وهوه يضحك تالي شمرت لنقال وركضت للحوش فكيت لباب وفات يدحك بيه وينزل لمناضر شفت عيونه رخت روحي ونصيت ميته شوك ميته لهفه
ليحد مدك هورن قوي فزيت اباوعله اشرالي براسه ردي لباب
وعيت وندرت خربانه ضحك
شكد فطيره نسيت لباب وركزت بي
يومه روحي صارت فراشه ترفرف بلبيت وتفر بروحه
مجرد وجودنه بنفس لمكانه انملي راحه
سبوع بقى
حسيتهم كم يوم بسع بسع طارو
وآخر يوم كبت عركه للستار ويه امه وطلع طاير لازمه خاله ايده نتره وصعد يسب بروحه وهيه عيونه تفر ودحك بيت خالو فارس
خاف سمعت اديان
خاف عرفت
اعرف شتفكر
وكعدت عاجزه اسوي شي روحي ترجف كوه مصبره روحي لازمته

اديان .... أيام وايام مرت مد وجزر
تغلط ميسون واعبر
تتجاوز وارد بادب
تحير شتسوي وماهتم
يجي فارس ابد ماحسسه مع لعلم اسمع همس عمه من يكعد بصفه
فارس حرمتك راح يطك جبده ميسون جاي دوس بمصارينه وهيه بنت اجاويد حتى جدامك ماتبين هيج تربيه ماشايفه

يعصر بصابعه ويتسحب لغرفته
اضل الوب حد ميعله صوتهم
ميسسسون جري عدل

ممسويه كلشي لوتريد حجه علي

راح انعل جلاب اهلج ول يربج اهجعي تراج بزعتيني ليون تضل اديان تعبرلج وماتحجي
طبه طب شكو ترجف عليه تره حرام عليك مو من تالي وكت كمت تصلي عجل ماتعدل بينه

لوووو تموتين
لاتعتقدين بعد ماشفت لخير ارجع للفكر

يعني انه فكر

واكثر وربج بس على عمه عيوني جارعج ولوما تبارك لزتج بلمزبله وانعل ابو ليفزعلج
ول بعيني بعيني شفتج وانتي توصخين بملابسي تاتعاركينه
بعيني شفتج تخربين شكو شغله تسويه ولليوم مافاتحه حلكه وجايبه سيرتج جدامي
ميسيسون وصلت حده عاد احذري غضبي
صارت صنته كبل صعدت وسمعته طبك لباب وصعد ورايه
فتت للغرفه لاجني سمعت ولاجن نجابت سيرتي
كعدت وفات معصب مطير عيونه رافع ايده مهدد
وووول مصكوعه ادري ميته انتي ميته
شكثر جاي دوس بطنج هل جايفه
دافعي لروحج
وكفيها عد حده
لاتخليني افصم راسه وافوت بخطيته

فكيت عيني عليه عيونه دم ركضت للثلاجه فكيته جريت بطل لمي فتحته وقربته اله غمض حيل وتقربت
ارمش خايفه من اعصابه بتسمتله بتوسل
اشرب
بعدني وكعد ايده على رأسه
اديان هاي راح تهدم حياته
ماتجوز بالله ماتجوز
تقربت ثنيت كباله
حبيبي عوفك منه اني مطنشته اعرفك وتعرفني بعد على شنو نغث نفسنا

تنفس عيونه تريد تطلع نتر
وج والله خايف بيوم افوت مالكاج خاف بيوم اخسرج اول ماجينه هيج وعدتج ماتطخج وكدامي تصير ملاك بس اعرفه عكرب وجاي تلدغ بيج وانتي لخاطري ساكته وهذا تصرفج جاي يطحني طحن يخجلني حتى من روحي

نصيت متقربه منه حضنته راسي على صدره جبت ايده تلمست بطني دماراته رجفت رفعت راسي عيني بعينه
بتسمتله بحنان نصى حيل كبال وجهي بهدوء بست حنكه وطولت
غمض ملامحه بردت
كلمه كلمه حجيتهم على كيف
ااااحبك
وميسون وعشره منها ميغيروني عنك

كلته وكعد حيله مهدود كعدت بصفه
ندار بجديه حجه
راح اطلكه
صميت حلكه
الله عليك لاتسوي شي يغضب ربك تره ابغض لحلال عند الله لطلاق
واني صاحبه روح بطني كم يوم وتنور حياتنه منريد نفوت بخطيه ميسون وبنته حتى اذا الهم حوبه متطلع بينا

فك عينه كله
اديان بعد كل هذا لدسوي بيج هيج تحجين

هزيت راسي اي
وتقربت افك دكم قميصه
برد
بس داخله الله ليعلم بي
للعصر نزلنه تبارك كاعده على درج شافتنه متحركت نصى فارس لمستواهه باسه وفات لغرفه عمه رحت للمطبخ وكل شويه امد راسي اباوع تبارك على كعدته وعينه متركزه عليه
حرت ودخت كمت اشتغل كل بالي يمها مع العلم اني متجنبته وابد ماختلط بيه
صبيت وكملت كعدنه دناكل صاح عليه فارس كومه مردت ميلت راسي لكيته مبرطمه
شي بيه شتعل ونسحبت بهدوء ليمه

توته شبيج
رفعت عينه مليانه دمع
تلفتت كعدت بصفه على درج
حبيبتي منو وياج
بجت
تخبلت جريت ايده داصعد بيه فوك افتهم منه شبيه انطيه شي يسكنه
جرت ايدي حيل
خاااله لاتصعدين لدرج
-----
وكفت عيوني مليانه تسائل
حبيبتي بس كليلي شبيج وليش ماصعد لدرج
نصت مغطيه وجه تبجي بحركه تهز براسه
لاتصعدين لاتصعدين
رتعش جسمي لزمت لمحجر وصاحت كل حسه

مااااااااما ماما رشت لدرج مدري شنو وعلمتني ادفعج منو تاتموتين ونحنا نربي لجهال

كالته وكعدت لحيلي مصدومه على صوته طلع فارس
ولحجيه وراه
وهيه مستمره تكمز برجليه تحجي وتبجي
انه ماقبلت لان هذا لبطنج احبو وخاف يصيرلو شي بابا يكول راح يجيج اخو مدري اخت وماما دكول مايخلوج تكضبي وبابا بعد مايحبج يكوم يحبو خل نموت اديان ونحنا نربي
تحجي تحجي

فصلت تخشب جسمي
وكمز فارس جر ميسون لتخوز بتبارك وتعض بشفايفه سكتي
موته كتل آخر شي دفعه على مغسله حيل نلطخت وركضت محنفشه على تبارك بدون وعي جنه وحش خافت لبنيه نرعبت طلعت طايره من لحولي للمطبخ وكبل لبره وهيه وراهه
لحضات مو أكثر ومسمعت غير صوت هز لبيت بصرخه مكبوته
ركضت والكاه فارس كاعد على ركبه يصرخ

للللللللللللللا
وتبارك رأسه مطشر بلكاع وجهه مليان دم مغطه تغطي وأبو لغاز واكف يدك على رأسه
والله مادري موذنبي هيه طلعت تركض جدامي
ودعمته
.يتبببع

#لهفة_عاشق.
#بارت٥٥

،،،،،،،،،،،،،،،،،،،
حركه فارس
صراخ ميسون
لمت لعالم
وبجي لبنات
هد حيلي
منضر تبارك بجه لصخر وهيه بحضن فارس فاكه عينه عليه يموت قهر
تخبل فارس
فقد
جن
لحضات مرت صعب اشرحها لحجيه تخربطت لولد تناوشو تبارك من فارس اخذوه مستشفى نهد حيله منصي لازم لكاع يبجي كل قوته وكل قوتي لازمته
فارس فدوه حتنجلط
والوب
لحضه معفته وامسح بوجه فصل راح بغير عالم واقره واسمي انفخ عليا ولا حس
ميسون نزوت صامه وجه تصرخ لبنات ملخو روحهم خاصه ام خطاب عقله طار صارت تدفع ميسون بدون وعي تصيح كله منج
ام ثامر تدك على رجليه وتاشر بيده
يعمه ملك لموت صاحج وطلعتيله
يعمه بيبانه مشرعه كبالج عليش مافتني ببيوتنه عليش تنحرتي الشارع يابعد عمتج
يمكن هل كلام صفن لواكفين وصار حديث ليوم
كله تبسبس
سبحانك ربي صدك ليش مافاتت بيت عماته شوف شلون هذا يومه
وهذا لموت ميعرف لامكان ولازمان
( أَيْنَمَا تَكُونُوا يُدْرِكْكُمُ الْمَوْتُ وَلَوْ كُنْتُمْ فِي بُرُوجٍ مُشَيَّدَةٍ)
حبيبي هذا يومه
والله لو تضمه بروحك هم مكتوبله هذا ليوم تموت
انت تحبه وهيه تحبك سوايتك هاي تاذيه
هسه تريدك تدورلك
كوم يمها لاخر لحضه
جنت لازمه بيد فارس اهدي واقنع رفع عينه مليانه دمع
متروسه قهر هز رأسه مدلي ايده سنداته وكف على حيله توجه على حايط يمشي ضهره منحني منين ميصد بجي وصريخ فتنه للحولي سجى تغسل بلدرج ينزل سائل كله وغف ودهن
هاي اخره لكره
هذا تالي لحقد
قبض ايده فارس ندار يباوع لميسون جانت متخربطه بحض لجيران شعره مكفوش ثوبه مشكوك
غمض وصعد لدرج صعدت وره حيل لازمه لمحجر لبايات جوايه زلك
واردد الله يسامح
ربي يمسح على كلبج
وارجع اتخيل منضر تبارك وبجيه ابجي أكثر
لبس فارس لف شماغه وشال مستمسكاته وطلع يومه بده لعزه بصدمه
محد متوقع ولا احد يجي على باله طفله بريئه تموت هيج موته
اليل داهمهم لبيت نكلب لكرايب لتمو اول شوفتهم الي واول شوفتي الهم
كله تباوع بيه
الحجيه صحت ميته قهر دموعه مانشفن ولاسبحته نزلت من ايده
نجابو لنعش هل لحضه صرختله كل حيطان لبيت زلم ونسوان كبار وصغار تبجي
فارس وكع من طوله طبه جسمه ركضتني عليا بدون عقل
اكب مي وابجي اتوسل بي يصحه ولكل لتم فوكاه عافو لجنازه ليحد ماصحه اله تنفست اتفقد ايده رجله وجه
خاف نهبط
نجلط
و الله مالي حيل
وكف على حيله بشماغه يمسح دموعه اشرلهم يله وطلع
لمئواها الاخير

تبارك طفله
ان ائذت أو غلطت تبقى مثل لدميه لكبار تحركه
صافنه بملامحه الاخيره
بجيها
لزمه ايده الي وجرت اصابعي وصرخته لاتصعدين ولاراحت من بالي
هسه جانت كبالي
هسه تحاجيني وخايفه عليه
ليش راحت ليش
جان راسي بين رجليه اتذكر وابجي
ونجريت من جتفي وكعت للكاع
رفعت راسي ميسون محنفشه عليه
رفعت ايدي احامي نفسي تهسترت تغلط وتضرب بيه
كله منج
انتي موتيها
انتي اخذتي ابوهه منها
انتي خربتي حياته
تضرب وتملش بيه وكفت ولبنات بينه يجرون بيه
حرف منطقت ولاجاوبته بس ابجي على منضره وحركه كلبه
واكول امه
ام خطاب متحملت دفعته وتلازمن وحده تغلط على لثانيه إلى أن ميسون وكعت مغمه عليه
نزويت مبتعده متحمله كلشي وساكته
ولساني مجلب بس يستغفر
بيت فيصل اجوي كلهم وصار لبيت يغص ويبلع
للصبح على هذا لمنوال ويه أذان لفجر الكل ستسلم ورضخ للامر الواقع رجعو من لدفنه لولد قبل ميفوتون صاحت لحجيه
محذره
وتراب لمرحومه لمانشف بعدو ان فات فارس وحده ولولت لو فكت حلكه لشعل صفحته خلنو بضيمو لاينجلط وليدي وهل نوبه يروح بيه هينوب
كلامها خمش كلبي وعيني على باب فات منصي ايده بجيبه
دشداشته مدمره تراب
بس شاف عمه نصى لمستواه حضنه ثنينهم يبجون وتمسح على ضهره تهدي بي تشرلي اخذي يرتاح سندته وصعدنه مدد على جربايه مكنفذ كعدت بصفه امسد على شعره وندار عيونه مليانه دمع
اديان دفنته بيدي
بيدي حطيته جوه لتراب
خنكتني لعبره كوه لازمه روحي
حبيبي يومها هذا وكلنه لهل درب
رجع رأسه على مخده بس جتافه تهتز يبجي بخنيك حسيت حيطك
راح اخسره
راح يصير بي شي
تقربت همست بذنه
فارس ابجي لاتكتم
كلته وعض على مخده لامها لوجه صرخ كل قوته
ليشششش
ماتت ليش
أكثر من مره عاده لحد متعب وغمض
كمت توضيت وصليت جبت لقران واقره يم راسه لما صار لصبح
كعد منتهي عيونه كوه فاكهم ساكت كلمه منطق يتحرك بحيل رخي فات للحمام وطلع مغسل توسلته صلي نصى ساكت فرشتله لسجاده وصلى من وصل لموضع لسجود طول بس جسمه يتحرك عرفته بجى
عفت لغرفه وطلعت
ردته يرتاح
يبجي
يدعي
يفك كلبه
بلكي ينزاح همه والله يمسح على كلبه
لشويه ودخلت لغرفه جان وجه احمر دم واكف يلف بشماغه كسر كلبي تلفلف بي ونزل
نزلت وره واسمع دوي لنسوان
خطيه تخبلت
مديت راسي للستقبال واشوف ميسون تفتر بلنص وبين لنسوان شايله لعابه تبارك تضحك وتغني
اني لبندوره لحمره مزرو

عه بين لخضره تاكل مني لتشبع وتصير خدودك حمره
وتصير خدوووودك حمره

تصفك وتتقرب دكرص بخدود لنسوان
لبنات يريدن يلزمنه تضربهن
لنسوان تبجي على حاله
يابه شصار بيه
كعدت على درج عيوني تهمل كل عشر دموع سوه
كمت اشهك
مغطيه وجهي
ورفعت راسي فارس واكف لازم لمحجر وجهه مطعون كد لقهر
شنو من أيام مرت علينه جانت سوده بمعنه لكلمه
ميسون نتهى عقله
لفاتحه كله تكمز مجمعه لعيبات تبارك بنص لستقبال مره تضحك مره تبجي لحد متتعب ويشيلوه للغرفه
فارس مكام يفوت للبيت اله قليل حيل حتى بليل ينام بلجادر
وكته صابني ذهول من كلشي حولي
رجلي حالته حاله
عمه تمرضت حيل وتون بسم تبارك
ماما وتماره جوي يومين لفاتحه ورجعو ضليت احس روحي ضايعه
ضايعه بدونه
ولخوف كاتلني عليا
فدوه سيف خالك تغده
عفيه مصطفى خالك ماغفه
الله يخليك ثامر فوته خل يرتاح شويه ينام كتله لبرد بلجادر
وهمه يردون ميقبل ولا احد يكدر يحاجي
يوم لثالث جان هوسه بمعنه لكلمه لامه نكلبت ليوم اله شفته احسن
يفر بين لكل يوجه سو هيج و سو هيج
شي بيه رتاح
برد
رغم حزنه
كسرته
بس ديحاول يوكف على حيله
صبو لعشا تعشت لزلم ودنصب للنسوان فات ثامر يدفع بميسون مطير عيونه
تفوووته جوه لا اذبحه والله
فكيت كل عيني شبي هذا وفات فارس يكله شصاير
دك رجله بلكاع بحركه يحجي
خالو لكيته بلحديقه مفرعه مدلعه متربعه وكاعده تاكل وتطشر بلتمن خزتنه لباب مفتوح كلو ولزلم جاي تغسل بلمغاسل كله دحك بيه
نصى فارس هز رأسه
اطلع هساع عوفها
سكت ثامر وطلع شايط
تقرب فارس جر ايده توه يحجي نترته حيل
وووووولي ابو لعرك
هههههههه
كالته وكمز عليه جرهه جتي كله بيده لاحتها كفخه وحده وكلنه كمنا صرنه بينهم
فارس عوفه مو بوعيها
اديان ابعدي انه محمل عليه هاي سوالفه ماتعبرني مسويه روحه خبله بلقران لموته
حضنته حيل مجلبه بي يبعد بيه واحلف بي
فارس منا لناس
فارس بطني
فارس لخاطري
نزل ايده واكف
وميسون تصفك
فارس ابو لعرك فارس ابو لعرك
وفد سوالف قديمه طلعت متنحجي
ام خطاب وام ثامر وبناتهم دفع دفع اخذوه للغرفه قفلو عليه لباب
وكعد فارس ايده على رأسه يرجف يرجف اعصاب
بيومه لانام لااكل ولااني عفته
تئازم لوضع حيل سبوع واكثر لكئابه ترست لبيت ميسون بلغرفه تاكل وتهوس وتضحك
لبنات رجعن لبيوتهن واباوع محد بحالها ابد
لحجيه رجعت عافيته بصلاته وسبحته
بس فارس نطوه
حيل نطوه وموت تبارك كومه اخذ من حيله
-----
لك انت من شوكت صاير رجال شو هينوب ماعندك حترامات
ثامر شمسوي تره لكدامك شاب طول بعرض اخوك انه اخوك عليش مستزغرني

مصطفى يمتى ستزغرتك يعني لو نترت بيك لو نصحتك تسمي ستزغار عجل اعوفك على هواك شنو دخن لاوانوب جدامي وجدام خوالك ولك بعمري ماسويته من قال وقله ادخن ولكل يدري بس لوشفت واحد من خوالي لو عمامي اجعص لجكاره بيدي تجويني ولا اقلل منهم ليش بس انت عندك عادي
لان انه رجال ومامسوي لاعيب ولا حرام وذا دخنت قابل قامت لقيامه لصغر مني أشكال تسوي
بثينه .. ادحك بيهم بلكراج يتراددون مصطفى بشموخ واكف ويجاوب بهدوء ثامر ينتر بي لحد مائيس وطلع
فر ايده مصطفى
نصيت وطلعت شايله لكراسي لجهال تجيب من بره وتطشر شافني تقرب نترهم من ايدي نشخط معصمي بحافه لكرسي مكسور مادري بي بسرعه نفر لشخط دم رفعت راسي مستغربه فك كل عينه بلع ريك تلفتت وجرني للمطبخ
العفو اعذريني مادري
والله مادري بيج تتعورين ولاادري بي مكسور
جعمك الله ثامر شكثر قنقينه
نزلت عيني ندرت بلعجل صار كدامي قدملي لوصله
نصيت همست
ميحتاج
وفتت جوه
كعدت شبي نخبص يرجف عبالك ضربني طلقه مو شخط ايدي
تركته مهتميت ومرت الأيام بلاروح موت تبارك عتم على بيت
ومشاكل خاله ويه ثامر تسكرت لان لوضع مو تمام
خلصت لفاتحه ورجع للشمال لشغله
واني اداوم
بس لتصال بينه
---
لبنى ... من يوم ماصارحني عمر بلي بكلبو واني فكري يودي ويجيب
كلامه يعيد ويزقل براسي
ماناسبج
ولامن ثوبج
انه ابو نسوان وشرب وعربده
وارجع احاجي روحي
هوه روحو بروح خالو فارس يعني خالو جان مثلو؟
وارد ادحك بي شلون مثل
لميل
مثل لساعه هساع ويه اديان
شلون مادري
تعبت تعبت وانه لابيه اعوفو ولابيه انسى لصار وكت لرجعني مادري شسوه وشحجه ويه لولد وجي مصطفى كلي لاتروحين ويه هذا لخط بعد انه شفتلج غيرو وصدك تبدل لخط وبعدني دورات المح سيارته ورايه
ليش هيج يسوي
وليش يكابر مادري
بهاي لفتره بديت اتقرب من اديان
الي صارت النه كلشي وندمجت ويانه بساطه وبدون تكبر
حتى لصلاه لجنه نخاوز بيه ضبطناهه من وراهه
عصريات نكعد سوه اكثر الأحيان تحجيلنه بلديانه ضبط لصلاه
لدعاء
ونصفن جثير شغلات غافيلن منها
عن نفسي روحي صارت بيها
وكل ماردت افتح موضوعي وياهه اتراجع لان اعرف روحي غلط
ادي بروحي هواي ذليت نفسي ونزلته لعمر وهم ارجع اكول
احبو مابيدي
ودورات لقلب يحكم لعقل
كد هدوء اديان
عقله
وركازته
نخجل نصيحه بسمها
خاله جبير عليها
عمه خاف تزعل
تالي شافتنه حا

يرين كالت صيحو باجي
خربنه ضحك ونفتر وراهه باجي وباجي تالي طبكت حواجبه معكضه عباله نقلد على حجي اهل بغداد وكته خنسنه كلشي ولا زعله
ومن يومها انه وراهه وراهه
باجي خالو جان يشرب؟
فكت عينه مخنزره
شلج بهذا لحجي ام لسان

فدوه جاوبي والله بيني وبينج
للللبنى
فدوه باجي بدأعه خالو
نصت ساكته جرت عينه
على اساس متدرين
مو مادري بس مشايفته بعيني
هيج يعني سامعه سمع
اي وليش تردين تعرفين
هيج سوال
لعد لاتخلي بالج حبيبتي هذا شي قديم
يعني تاب
اكيد
زين شلون فدوه علميني
يااا هاي كل عقلج
نصيت حايره ضيكت عينه
لبنى شعندج
سكتت
وتقربت
خالج تعبني وتعب بس بتالي الله هداه
زين شون شون
عوفي عوفي خاف متحبين تحجين
زين بس كليلي هم عندو سوالف نسوان ويسهر ويخابر وو
وووج شجاج شهل حجي
خجلت عزه رحت زايد هواي
عيني مرفعته وكمت منها
عباله زعلت لحكتني حاولت تفهم مني بس ماحجيت ونفس لوكت ماعفته وره أيام رجعت اسئله
باجي شلون صلى خالو
باجي ليحب تتوقعين لجل حبيبو يسوي لبعمرو مامسوي
اي لعد شلون أكبر دليل خالج
شوفي
هيه لهدايه من الله بس الانسان لازم يسعى يعني لنصيحه بمحبه لحنيه لتودد كل هذا يخلي لمقابل يلين
ممم زين واذا مدمن
عزززه منو ولج
يعني يعني هيج اذا واحد مدمن
مدمن على شنو مثلا
يعني شرب وسوالف مكسره
فكت عينه
وج منو هذا
باجي شبيج يعني بلمثل بلمثل
حارت مركزه بيه
وكمت مالي عين احجي
كعدت ويه روحي مستحيل اكدر اصارح احد ولاباجي بذات لان ماراح تقبل عليه
ابد
بس شبه اني هسه فهمت شلون نهدا خالو فارس اكيد بسعي اديان وياه وبحكم حبه اله بدأ يستعدل
صفنت صفنه طويله
ليش ماجرب ويه عمر
لالا
مترهم
قابل اني يمه
أيام وايام مرت كل فكري نشغل بهذا لموضوع وصارت فاجعه تبارك اذتنه كلنه
خالو حيل تمرمر وعمر ماعافه
وعيني بديان
فارس فارس اشرب دواك
فارس توضيت
فارس صلي
فارس اذن
وبليل تلوب بلحديقه من يتاخر اله يجي تاخذه وتصعد للغرفه
جني كاعده بمدرسه واحفض منها واتعلم
قررت اتعب ويه عمر بلكي ينصلح على ايدي
خابرته كم مره هادى ساكت
واني ساكته بس انفاسنه متضاربه تالي نسده
مره خابرته شارب جان شنو صار بيه بوكته ليلي منمته
اي ميفيدني
لاينهدي
اسئل وجاوب روحي
والله خله جنيتي بي
اكوم اكعد مابالي غيرو
من سكوته
من نفسه لمخربط لخترق اذني بلنقال اعرفه يكابر
واقوه اكثر
وصلت مرحله صار عمر بلنسبه اليه انجاز واريد اشوف روحي بي
اختبر قوتي
وكته مادري شجنت أفكر
افكاري راكزه لو افكار مراهقه واني فايته بلعشرين

تعبني جثير وهوه يصدني إلى أن لشيطان لعبني وبيوم من الايام ليتعلل بيهم عدنه
مكدرت انام ابد
وين جان عقلي بشنو فكرت مادري
كمت من فراشي لبست جبتي واني اختض فكرت اسوي شي يخلي يرضخلي ويبطل يكابر
شي يخلي ينحط جدام الامر الواقع
وكته
كلبي لفكر
كلبي لحجه
ولخطط
وكفت اتصنت
عمر ... يولو نعست ثبركم الله شكثر سولفتو سطرتو راسي ينعل خيركم
سيف ..... وين بعد وكت عجل المن عمرت النركيله نوبه ثانيه
اشربوهه انتو وحدر فك شباك لربعه صارت كهوه كد الدخان هساع اهلكم يسبون بينه ويردون ليوره يله تصبحون على خير
وانت من اهلو بروح موتاك سد الباب وراك
انه اسده من غسل لغسك هيج توجبون خطاركم بدل ماتكوم تزتني للباب
ول يربك والله بارده سد الباب سدهه تراك جمدتنه
جنت لابسه جبتي وكاضبه شالي حيل ارجف ارجف صوتهم بلربعه وصوتو بذات يسرسح روحي البيت اضلم وميل الساعه دك ل١٢ رعبني فزيت كلبي يدك خليت ايدي عليه حاضنه روحي شفتي يبست كمت اتنفس سريع واتلفت
انه شدسوي
وين اريد اولي بهذا اليل
ارجع؟
لا ابد لو اموت عجل الخططتو شنو
اطلع ؟
اي اطلع اطلع وليصير يصير
غمضت عاضه شفتي حيل فكيت الباب ماامنه يطلع ومايطلعون وراه حاسبينه من اهلنه
رديت وراي الباب وركضت لبره صرت وره سيارتو باوعت يربي انه واعيه على روحي شدافين ول خبله ارجعي
ارجعي
احاجي روحي وجسمي يختض مثل السعفه عيوني تتلفت على كل مكان وقطرات المطرت بللت اديه لكاضبه يدت الباب
نفكت باب لربعه نصيت راسي نطبكت رفعتو قليل شفته جي يمشي كاضب دشداشتو وماد السويج يفك لقفل
لدكمه جدامي بس صعدت نفكت الباب بيدي كد ماكاضبته قويه
طلع وندار جر باب الشارع لسلايت بيدو كبل صعدت السياره وسديت الباب كعدت منزله كل جسمي جوه تاامبين مكنفذه صامه حلكي احس حتى صوت نفسي راح يسمعو صعد وطبك الباب
يعدل كعتو طك دكمتين صار صوت وحيف وهوا دافي شغل تدفئى رفعت راسي قليل شفتو مندار نص جسمو حاضن الكشن لبصفو عينو ليوره يرجع لسياره نصيت أكثر واكثر ونفسي صار يتسابق ويه دكات كلبي ليحد ماعدل روحو مرجع جسمو زين يسوق بتك ايد والثانيه يفرك بيها ركبتو عدلت روحي كعدت على كشن افرك بيدي حس رفع عينو على جامه لجدامو شافني شطح بريك كد قوتو لطم راسي بلكشن
وكف مندار يتلفت فاك كل عينه مرتين رمش برطمت اعدل بشالي نتر
هاااااي شجابج هين
سكتت صرخ
ول مصكوعه انتي صاحيه ششششجابج

هين
عمر افهمك
والله لنعل صفحه ابو عمر لابو جلاب اهلج اليوم
حجاهه وفك الباب نزل لتاف من يمي تراجعت ليوره يمكن هساع حسيت بغلطه طلعتي من البيت فتح الباب من يمي تايجر ايدي لميت روحي خنزر يتلفت فرك صفحه وجهو بتك ايد ومد رأسه لداخل لسياره عيونه دم بتعب كال
يابنت الناس ياامه الله انتي من كل عكلج وج مهزمه مهزمه من اهلج على مودي يولي اطم روحي ادفنه اشك ثوبي مثل النسوان لاتكفريني بهذا اليل هساع انه شسوي شلون اردج شكول لهلج
عمر هدي سويت هيج من وراك انت السبب جم نوبه كتلك احبك احبك جاي تفهم شمعنى هاي الكلمه لو لا
حبج عزرائيل ان شالله وج شتحبين بيه وج انتي بكد زري وانه بكد ابوج من وعيتي علي يولي ذاك اليوم صرتي يمتى حبيتي وجايه تنهزمين همين
سكتت دموعي جرو صفك الباب حيل وندار صعد يسب بروحه ويغلط وانه خانسه فر السياره تجاه فرعنه كمزت
عمر لاترجعني
انجعمي وسدي حلكج لاابتلي بيج
و الله مارجع توكف هين لو ازت روحي جوه السياره واموته
يززززززززي الله يصكعج ول مثبوره انتي تريدين تبالشيني ويه اهلج ويه فارس بذات وج هذا عضيدي هذا ضلعي شلون اخونو واكسرو شون اخون الزاد والملح وانكر افضالهم عليه واخوتج اخوتج مامنين بيه شنو موقفي جدامهم
مارجع
اااااانجعمي
مااااااارجع... صرخت وبجيت دك على ستيرين مرتين بكل قوته
كااااافي اسسسكتي ثبرج الله ورطج كد مامورطتني هاهيه ارجعج وباجر ادز امي عليكم تاشوف تاليته وياج شلون
سكتت شي بيه برد
وكته يمكن عقلي كلي جبتي لدرب
غلطت اي بس جبتو وخطتي نجحت
هيج جنت اسولف لروحي بصلافه وماخايفه
ادحك بي مزبر فات فرعنه كل سرعتو على نص وكف رفع جسمه قربه لجامه لكباله فكيت عيني
لن لمه جدامه بابنه
خالو فارس ولولد كلهم
ماما وخاله وحتى جده
متت بدمي
عزززه بعيني
حسوو بيه
ليوم هاي
موووتيي
.
.
.
.
.
.
يتبببع
حبايب قلبي هل قصه بذات الابطال بيه همه معترفين على نفسهم انهم مليانين اغلاط ياريت مو بس نقره ياريت نتعض هم
بنتج اختج صديقتج وان كانت متقره القصه بس النصيحه واجبه انصيحها ويوصلج الأجر

يتبع..

لاحبي اشون يصير الزيت يختلف والمرطب يختلف🤦‍♀

المرطب اي مرطب تاخذين حسب بشرتج من جونسون او نتروجينا لو سيرافي او ستافيل ..الخ
ووصفات تبيض الايدين..بارحه نزلت مال الليمون وملح هاي تسخدمي كل 3 ايام وي الاستمرار يفتح الايدين ولاتنسين همين الترطيب🥰✨

#ملوكه

وفف..الله يريح كلبج🥺❤️ واصبري لمن يتسهل امرج ..
ادعولها حبايب🌺

#ملوكه

عيوني..طبعا اغلبية هم ديسألوني عل منشورات الدعم
حبايبي اول شي هاي مو أني اللي دنزلهن
ام الدعم هي دتنزلهن
فمن ددكول اشتركو اصعد ادمن لو اول 3 اطيهم يوزر رباعي
هذيني بس حجي يعني كدعاية واعلان لبقية القنوات😅☺️

#ملوكه

يي حبي زين للتخدير

ونسبة تخديره 5%..فمادري بالضبط اذا المنطقة يخدرها زين
فمن تستعملي عود كللينا عل تجربتج 🙃✨

#ملوكه

عمري المعايدة من اسمها خلي كلمات شي بسيطة وحلوة..يعني مترهم مال عتاب وياه😅

ولاتسوين كوبي بيست..خلي يكون من تعبيرج ومشاعرج احلى🤗❤️

#ملوكه