ر الله شمستوره مدكللي موطكت روحي وقميصي حمض اغسله والبسه ماعندي خمس الاف اشتري غيره

من ايدك غير دشتغل ياعيني لعد انت كاعد وتريد تجيك فلوس

ششتغل وشنو الشغل ليجيلي الفلوس الزينه ويحقق احلامي عماله لو صياده مثل اخوتج

وشبيهم اخوتي عيني اشو زلم مفديوم حتاجينه احد وهمه موجودين يعني شون انت لو قميصك يحمض على حجايتك لو تريد بيوم وليله تطك

لعد اسمعني عيوني منا وهيج اي خطابه تجي اني اوافق

اي والله هذا لعندي
لعد اسمعني عيوني منا وهيج اي خطابه تجي اني اوافق

خنز عليه بغضب وعافني وراح سكتت ادري بي كل مره احنا هيج يومين ويجي يراضيني اياد ابن عمي عارف الازغر من ابويه من وعينه على الدنيه احنا بيت واحد بس بلفتره الأخير صارت بينه نضرات وبعدين تحول حب من كامت تجيني الخطابه ويجي طاير يكلي ارفضي بديت احبه وانام افكر بي شكد ما حلو وشخصيه بس عيبه الوحيد موقنعوع متبطر دومه يباوع ليفوك ويفكر ويخطط اسوي هيج اجيب هيج اشتري هيج بس الزم الفلوس همه ومهمومه وشغله الشاغل الفلوس

شهر صار مشايفته من راح مافكرت اسئل عنه وهل شي سببه كل مره يصير بينه زعل اني لصالحه مشتاقتله صحيح بس خلي حتى بلكت يتوب ويصحى من اوهامه وأحلامه البعيده الانسان لازم يسعى حتى يحصل ليفكر بي موكاعد ويريده يجي يمه
نفتحت الباب رفعت راسي بابا سوده عليه فات ضهره منحني موس التكريب على جتفه(ادا لقص النخل)
ونطاقه بضهره كوه يمشي كمزت رديت العجين مرتين وغطيته غسلت ايده وركضت سلمت عليه بسته نطاني شماغه وفك نطاقه خلاه بيدي فات للحمام رفعت الشماغ شميته ااااه يا ريحه محنتك تسوي عطر الدنيه الدنيه كله

وليدي اتمرض اني متعلم يوم لماطلع لزرع اتوجع خلوني براحتي من اشوف روحي ماكدر وداعتك ماطلع

علكت النطاق بلمسمار وكفت عل سنك خضيت الشماغ وشريته طلع قصي من الغرفه تلاكاه بابا طالع من الحمام حضنه يكله
يابه ليش متعب نفسك بهذا الحر ادري مودنكلك اكعد
وليدي اتمرض اني متعلم يوم لماطلع لزرع اتوجع خلوني براحتي من اشوف روحي ماكدر وداعتك ماطلع

هاهيه يابه كيفك بس والله انقهر عليك فاطمه فاطمه

عيوني

حبيبتي سوي لكمه لعمج وجاي جديد

صار من عيوني

فتنه كعدنه بلغرفه بابا يتغده وامي بصفه يسولف اله يوميه فاطمه تكنس بلحولي يوميه هذا وكته وايهم قصي طلع روحه عنده خدود متولي يكرص بي وهذا يعيط واني كلبي يحترك واذا وصلت يمه ينطيني دفره آخر شي لزمت رجلي جان لابس برموده
وخري بس خل اتعصر بخدوده

قصي لوتهده لو اشلع شعر رجلك والله

قصصصي حرام عليك شوفهم صار دم بابا حاجي

كافي ولكم اني دايخ كومو خل نام والف امكم بحضني ساعه من الصبح ماشايفه

غطت امي وجه دكله ياااا عيب يارجال ولدك بطولك وهوه يرده لابوهم لابو طولهم شمسوي اني غير مرتي

طلعنه نضحك شلت الصينه ولايد الثانيه لازمه ايهم خاتل بضهري قصي وراه يخاف من شقاه كعدته بلمطبخ صبيتله ماعون تمن وفوكاه مرك اوكله معودته يوميه من ينام ويكعد اوكله فات قصي يكله اكل اكل وانتي جيبي وزقي بي حتى خدوده ينفخن اكثر يصير العض احلى
برطم جريته شربته مي
اكل امي اكل يغارون من خدودك ضحك وعذراء مخنزره عليه
خير
وين العصريه
دولي لج
اي اني ولي ابنج تتربعين وتكعدين توكلي
طبعا هذا هيمه انتي منو
اديان فدوه والله جوعانه شبيج كبر
ههههه ابجي ابجي ام بطن
لافدوه ديله سويلي اكلتي المفضله وانوب من ايدج الله عشق

اخذت ايهم غسلتله وشغلت فلام كارتون كعدته ورحت كشفت العجين كصيت منه وسويت قطع قطع صغار حميت الطاوه وخليت الزيت يحمه ارتاحو القطع سويتهم اقراص وكليتهم هاي اكلت عذراء المفضله احنا نسميه خبز بلدهن
خدرت جاي مهيل ورتبت الصينيه كعدنه ناكل والخبله تجيب شكر وتدير فوكاه علمت ايهم ولاص روحه كفخته لعبتي نفسي وكمت غسلتله وبدلتله لملمت هيه وفاطمه نضفو المطبخ واني كعدت شويه على تلفزيون وقت مسلسلي المفضل حريم السلطان اباوع وافكر بالخبز ختمر فار طلع من النجانه بس شون اعوفه السلطان سيلمان صاحت امي

اديان

هااا ماما

وج فار العجين والدنيه غوربت يمتى تخبزين يادوب تكملين

يمه بس هاي المشهد فدوه

عذراء .... لاحول لله بابا انتي شاخطه عشرين تلاثين مره عادو هذا الجزاء ادري تخبلتي تشوفي من تطلع وبلاعاده خوما تخبلتي
مجاوبت مندمجه بهيام وشلون السلطان يباوعله وعيونه تريد تاكله

عززززه لا انتي تخبلتي رسمي راح اطفي والله

خنزرت محذره بيدي لبيه لريمونت اذبحج والله

ادري شعاجبج بي هذا الشايب اشو خلصان ولحيته بيضه

وانتي شعرفج بالحب وج همه ذوله لحيحبون صدك مو جيل هسه لمحفحف ويخلي خبطات لوجه ديصير حلو امر منج

ها هيج صار الحجي لعد دروحي ان شالله الله يرزقج بواحد بكد هذا السلطان كم سنه ويحط رأسه ويموت
ليش الموت بلاعمار قابل

مو بلعمار بس لبكد السلطان تلكي بي أمراض الدنيه كله وعلاكه الدوه يم رأسه

عوذه منج شكد تنقطين اكوم اخبز احسن عود اشوفه بليل بلاعاده

ذبيت الريمونت لكفته دارته وكلبي يم

السلطان ااااخ لوخابزه بعز الضهريه ومنسلخه بلحر ولامضيعه لقطه كعدت كطعت وفاطمه تساعدني عل نص عفته تكمل وتلثمت وطلعت اشجر التنور نخبز على الطين اوفر من صرف الغاز واطيب والحطب متوفر داير مدايري اكسر واحط لابسه قميص حازم فوك الدشداشه كدري حرامات تحترك

هده التنور بللت وصله ومسحته جابت فاطمه الصينيه وفاتت اخبز وحدي ماحب احد يمي يشدهني ويلهيني ضبطت المخده وبديت اطرك طلعو حازم وقصي كواني الشبج على ضهرهم راحو للصيد صاح الله اكبر بكلبي اصلي عل نبي واستغفر وادعي بلستر والعافيه كملت اول شجار شجرت مره ثانيه منتضرته يهدى مجتفه ايدي اباوع للسما النجم توه يطلع عيوني تزرزر احسب بيهم كلهن كلهن ثلاثه لواربعه وبعدني ادور تعبت عيوني فرت داير مداير الساحه فارغه بيبان بيت عمي مسدده والكم بيت لموجودات هم رفعت رجليه مرتجيه على حافه التنور للمزرعه لكبالنه ميبين شي بس كصب نجويت اااااخ شجاني نسيت روحي
هزيت ادي منزله للثام اهفي على الجوبه رفعت راسي متوجعه لمحت اياد طلع يتلفت شايل سلاح رمشت عيني مرتين هاي شنو الداشوفه صدك لو عيوني سوربت يمشي سريع ويتلفت ملثم سلاحه جبير مشايفته كبل مو رشاشه حديده وبيه مثل الصاروخ خاله عل جتفه وفات بنص الكصب

رجفت ابلع ريكي واتلفت ايدي كامت متاخذ خبز وحيلي يرجف نفضت ايدي فتت اركض حلكي يابس لاكيت امي تشر دشداشه بابا على حبل شافتني

ها يمه كملتي

سكتت ارجف

اديان شبيج

جريته من ايده لان باب الحولي كبالنه والبنات ديسون عشه
جريته من ايده لان باب الحولي كبالنه والبنات ديسون عشه

وج يمه شبيج

نزلت لثامي اهفي عل وجهي واسولف لا امي ضربت ايده.... عزه بعينه هذا شديسوي بروحه وهوه وحيد اهله راح يموت امه ناقصه عمر بعدين وين وله بس لا يشتغل ويه ذوله الدوله الاسلاميه مدري مجاهدين والله مادري شيسموهم شو هيه ضاعت

مادري يمه شون اني خفت عفت حتى الخبز

امشي اني اوكف يمج امري لله شنسوي بعد اياد اوامثاله ميخلون المنطقه هادى ومن وراهم يوميه قاصفينه حسبي الله على من جان السبب بلحرب وصل العراق لهاي المواصيل
طلعنه اكمل وكلبي ينفض كلشي بيه تخربط بلشفته لحضات مو هواي وصارت الدنيه نهار قصف وعصف عمانه وكعنه على وجهنه نعيط اني وامي وصوت جام البيوت تكسر عياط الناس وصوت بابا يصيح اااااديان حليمه وينكم صراخ ايهم والتراب لفوكانه خلاني جثه هامده

وامي تصيح سترك ربي احضرنه ياابو خيمه الزركه
شكد مرت علينه حروب اني واعيه عليه وقصف مثل قصف اليوم مشفت قويت روحي وكمت والرمي صار اضعاف بابا بلبيت يريد يطلع عذرا وفاطمه مجلبين بي لاتعوفنه مشيت امي تسحل بروحه حافيه شفافه ترجف مهبوطه وهيه عده سكر يم الباب ونجريت من بابا والبنات فوتونه والجام مطشر بلكاع يكلبون بينه والبيبان تترادم تحس شباك ينفتح وينسد من عصف الضرب ووقوته
كل هذا صار بدقايق مر علينه عبالك دهر لميت ايهم حيل بحضني يشهك يصيح بابا عبالك وعانه وذكرنه بلولد لطمت امي يمه ولدي وبابا يباوع عل سكف الجينكو صوته مرعب تحسه عبالك راح يطبك عل كاع ويجعصنه دموعي نزلو ليش هذا الرعب الاحنا عايشن بي ليش العراق هلكد ديعاني وليوين راح يضل؟

شويه شويه خف القصف كعدنه شبه هدينه وبعده الخوفه بينه اريد اكوم الم الخبز ماكدر خطيه فاطمه طلع وياهه بابا لملمت وجابت نعمه الله لكته مطشره دكول حتى صينيه طايره والعجين بلكاع ساعه اكثر اقل ونفتحت الباب فات قصي وجه مليان خوف كال

وين حازم وصل لو لا

وكفت لحيلي مطروكه ... لا مااجه شنوو وينه مو وياك
تحجون صدك شون مااجه اول مصار القصف دزيته واني وراه لميت الشبج واجيت مشي بين الكصب

نهض ابويه خايف ... يعني حازم اجه بلدراجه كبلك لعد وينه وليش مجيتو سوه

توسل بيه واني ماقبلت اجي كتله اللم الشبج اله اجي

وشتصخم بشبج انتو مو تنصبو للصبح يوميه جان عفته واجيت وياه اخوك شون ضليتو كلمن وحد وهسه محد يعرف بثاني وين

يابه الصياده كالو لمو كلشي تبين السالفه هل مره جبيره وراح يفنون المنطقه على هذا القصف يابه انت ماشفت البساتين شون صارت رماد هل مره قصف بطيران مو مواجهه عاديه وحازم خاف عليكم واجاكم
ضلينه بقلق على حازم وبيت عمي فلاح الجبير اجه هوه ولده كالو خل نطلع اكيد راح تصير عتقالات ابويه رفض كلهم خل يعتقلوني رجال جبير اني شيصخمون بيه وقصي طنش الوضع كلهم كله متهمني بالي يم اخويه طلعو وعافونه واحنه واحد يردم بثاني قصي جرب يطلع يشوفه ساعه ورجع كال ماكو كل بشر الطيرات تفتر والمنطقه تطوقت كله

خفنه ازيد لبنسه حجابات وبجايم لفلفنه روحنه تلفلف خاف تصير الأكثر لاتعشينه ولاضكنه الزاد بابا الجكاره مانزلت من ايده ولانزل التليفون من اذن قصي يتصل على حازم مغلق

وصار الجنه خايفين منه بلعشره وعشره داهمو الجيش كل المنطقه وفاتو علينه سحلو ابويه وقصي واحنه نعيط مجلبين بيهم ماسمعولنه كالو متاااكدين وعدنه معلومات صحيحه ١٠٠/١٠٠اكو مسلح طلع منا كلامهم صحيح هوه اياد واكيد عدهم عيون تراقب وتشوف بكل مكان

والفقير فوك النخل وعضه الجلب حضنه جابهم علينه وماتصور اياد هم اخذوه لان عمامي الماعدهم شي طلعو قابل ابو الجريمه يبقى
راحو ابويه وقصي وهم لمو شباب من المنطقه ضلينه نلوب ونبجي وماعدنه احد يروح وراهم ولايسئل عنهم ونسوان عمامي شتغلونه ملامه ليش مطلعو ويه الولد وليش مطلعو لحد مصرخت امي وين يرحون واحنه عدنه بعد واحد منعرف وين صفه بي الدهر

اصعب ليليه مرت علينه ثنين محبوسين واحد مصيره مجهول طلع الصبح واجه الضهر والعصر وكل خبر ماكو غير المنطقه مسدوده ومطوقه فاطمه تبجي حاضنه فانيله قصي وامي كل شويه متخربطه عذراء منطويه تبجي بخنيك وايهم مجلب بهدومي ساعه بابا ساعه جدو للعصر صاحت الصايحه بيتنه اجه بابا طالقين سراحه مثل مكال رجال جبير شيسون بي مجلبين بقصي بعدنه ننحب ونبجي على هاي المصيبه وكعدت فوك راسنه الاكبر حازم لكوه جثه محروكه بنص البستان ودراجته صايره قوطيه بصفه هاون مدري صارخ واكع عليه هاي جانت القاضيه على كل العائله
صعب اشرح المرينه بي بذاك اليوم واعجز اوصفه راح
الجبير
الحنين
الاب
الهيبه
تيتم ايهم مرتين من الام لتزوجت وعافته ومن الأب العافه مدى الحياه
كبرت اضعاف عمري وصرت اني المسئوله على ابويه لنكسر ضهره وكع طريح الفراش منعرف علته لااكو دكتور ولااكو مستشفى طريق ماكو اصلا امي السكر معلك والضغط وامرغل روحي ابوس واتوسل حتى تشرب دواهه نكسرنه كلنه فاتحه ماسوينه وبالف يالله كدرنه نطلعه وندفنه بلبسان امناه جان الحصار قوي حيل على منطقه وماخلص لابيوم ولا بسبوع لحدو ماطفح الكيل بابا وهوه يكتم بكلبه وكع مغمه عليه

طلعت بدون عقل افزع بلعالم واتوسل جيرانه هم رجال جبير مااخذو حطينه بسياره وكل سيطره نفوته نتوسل يمررونه ولما وصلنه المستشفى طلع بابا ضاربته جلطه مسببتله شلل بكامل اطرافه وفقد النطق تماما
أيام وايام اني وياه بلمستشفى ورجعته على كرسي متحرك هذا آخر المطاف واخر حل بيوم وليليه نكلبت حياته فوك حدر حتى قصي ضاعت علينه سالفتله لبسته تهمه باطله ترحل لسجن الحوت وياهو ليسمع يكول الله وياه بعد متشوفو هذا مثل سجن بوكا ليفوتله ميطلع منه

المنطقه صارت عباره عن مدينه اشباح بيوت محركه كهرباء مكطوعه مي يجي كم ساعه بليوم ويوميه بليل يشتغل القصف علينه وفديوم اياد ماشيفته من النهار الروح بي اليوم اجه اياد ثاني لحيه عاليه ولاف روحه بلشماغ من شفته تمنيت اشب عليه املخه تذكرت طلعته بذيج المغربيه هوه وسلاحه اتخيله هوه سبب الكوراث الصارتلنه وكف وخر شماغه عيونه تريد تاكلني

اديان شونج
بتسمت بستهزاء .... اديان شونج مو بعد وكت ليش كلفت روحك خاف سوينه عليك زحمه

مسح وجهه يمتمت ...اديان مو شفتي الوضع شونه اعذريني والله

رفعت حاجبي بغضب مخنزره.... يا وضع تحجي عليه هااا ياوضع ليش هوه منو سببه غير انت وامثالك منو سسسببه كلي على شنو جاي تعتذر
على موتت حازم الي مالكه احد يسويله فاتحه مالكه احد يسويله جنازه
مالكه احد يدفنه مثل العالم دفناه بلبستان حتى مو بلمقبره هذا من ورامن مو من وراك

اني ... كاله مااشر بصبعه على روحه

هزيت راسي مزنبره ... اي انت ولاتغشم روحك انت الجانو يدورون عليه ومالكو هزمت ولد عمك ولهزمت واخذو قصي عمك نشل وتخليتو عنه كلكم واحنه باامس الحاجه الكم ليش قصي بذات جلبو بي ليش زلمكم لهزمو ليش وليش وليش كل هاي اليش انت وامثالك مسولين عليه
اديان هذا الحجي مو وكته اني راح اطلع اهلي وبيت عمي فلاح امشو انتو هم ويانه

وين نروح واخويه المسجون والثاني المدفون بلبستان وابويه المكرم وامي المريضه وهذا اليتيم ايهم وبنت الناس فاطمه ذوله كلهم شنو ذنبهم بلدسو ليش كل ماتهده دكببوه

اديان لاتحجين حجي أكبر منج متعرفين معناه مو وكت تفسلف امشي ويانه واسكتو

اياد جفينه شرك

طبج طب موتو هنا

تلثم وطلع غمته امي طلعت سامعه كلشي تنفست حيل روحي ترجف لو بيدي اطلع كلبي الارعن واركعه بلقندره هذا شون بيوم من الايام حبك مادري
وفعلا اقل الاسبوع عمامي صفو كلشي وكالو طالعين للشمال ودعونه واحنا بدون هتمام بادلناهم السلام بردنه من ناحيتهم وحقنه اذا هاي اكبر محنه مرينه بيه مشفنالهم دور بشنو نمر بعد حتى يوكفولنه
ضليت اركض بين امي وابويه الناس المرضه وكل يوم نفس المعاناه والخوف تسئل يكلولك تطهير المنطقه من خلايه نايمه بين البساتين حرق البيوت والحصار وانقطاع الكهرباء والماء والقصف العشوائي كل هذا تطهير والناس موجوده

الناس كامت تخاف والمنطقه شبه خلت اهل فاطمه قررو يطلعون وفاطمه تبجي عين علينه وعين عليهم وطبعا اهله اوله امه ابوه اخوانه همه اوله منه وهم ضغطهم عليه خلاه تستسلم وتروح وياهم صار الوضع مينطاق بيوت عمامي كبالنه صارو تراب وطلعنه احنا هم بليه ضلمه للمجهول لأعم ولاخال تماره تخابر تعالو يمي وماعدنه غير حل طلعنه برواحنه بطرك هدومنه والمستمسكات
ستقبلتنه تماره دك ولطم نصبناه عزه على حازم لجمرته مشتعله بكلبنه جان لقائنا حزين وكئيب اول يوم مابطلنه بجي وكل شويه مت

ذكرين موقف لحد ماتعبنه وسكتنه وكالت احاجي رجلي يسئل على قصي وصدك وره يومين سئل مالكه اثر حتى اسمه بسجن الحوت ماكو

تماره كاعده بمشتمل بحديقه عياله غرفه وصاله اول ايام عادي كعدتنه ويوم وره يوم صارت ثقيله رجله شال خشمه كام حتى بلبيت ميكعد واذا تواجد يضل يرزل بيه كدامنه ويغلط عليه منغير عياله والكلام التسمعه وتكتم بكلبه حته احنا كمنه نسمع ام زوجه توكف وره الحايط تبسمر ابني مريض ضهره مكسور عماله ميستحون مكابلي وكاعدين ابني مماخذ راحته

مرتين تماره تتعارك حمواته لسان يضلن ناس تغلط عل ناس امي تبجي تسكت تماره وبابا بس يفر بعيونه من ميكدر يحجي ومن شاف هيج دموعه نزلو اني ولبسه دشداشه همس
اديان بعد مانبقى هنا

وكفت دموعي جرو بابا حجه من ضيمه من قهره حضتنه ابجي واصيح بابا حجه بابا حجه لتمينه يمه هوه زاد بلبحي
يعني زاد الهم
زاد القهر
زاد التعب
وكلمته تردن بذني
بابا مانبقى هنا ضليت أفكر وافكر ساعه اكول اشتغل اائجر ساعه اكول البيت ميردله غراض لاجره ومنين ادفع يجار اصلا

بيومه بليل كاعدين عل تلفزيون وطلعو اوضاع العراق والنزوح الناس شلون عايشه بلخيم همه يطلعون إنجازات الدوله أكثر ميطلعون المعاناه جان التقرير يحجي عن بدايه افتتاح مخيم للنازحين وطلعهموهم يوزعولهم مساعدات مواد غذائيه بطانيات صفنت وصفتني طولت وصوت عرك تماره ورجله واصل ليون ندفعت ورتديت للخلف ايهم رتمه بحضني خايف من قيصر رجل تماره رفعت راسي جره من حضني دك جلاليق روحي شتاطت
برطمت ... هاي ليش هيج

قيصر ... طبه مرض شكد وكح نزل ويدبج على السطح هم لفو وهم يكتل بجهالي

سكتت جريت ايهم بحضني وهوه يخرط رجال بيبتي مارتاح مانام اريد اخذ راحتي شنو ملجى خوما ملجى

باوعت لماما

ماما باجر منبقى

هزت رأسه اي ثاني يوم خلينه تماره نايمه وطلعنه امي كالت نروح بيت خالج

يمه شوفي ايهم شكبره صار سنين منحاجيهم

ميهم امي ميهم يبقون اهلي ميذبوني
كيفج يوم

بطريق نزعت التراجي من اذاني وعذراء هم بعناهم يفيدونه كراوي اخذنه تكسي لبيت اخوالي همه هم بفد منطقه الجبير جد ايهم مستقبلنا رغم امي رتمت بحضنه تبجي تستسمح منه رافع خشمه يفر بسبحته ساكت حتركت حرك

جريت امي وطلعنه دنفوت بيت الثاني قبل منوصل لاكانه كالب وجهه يسلم بثكل واحنا واكفين امي تسولفله الصار بينه مكال تفضلو ابوبه منصي راسه وخالي بتكبر كال
اي اجرو بيوت هواي بس مو هنا هنا المنطقه غاليه شوفولكم منطقه على كد حالكم نترت عربانه بابا حيل ودرته عذراء ورايه وامي بعده تسولف وياه متامله بلكت اكو غيره براسه تالي لحكتني تصيح

اديان اديان وين موليه دصبري بلكت يلكانه حل
نترت... يمه تمشين لو احرك روحي بنص الشاع متشوفين اهلج شون شايفين نفسهم علينه

سكتت تمسح دموعه بطرف عباته مشينه لراس الشارع وكفت يم محل فتت جبت بطلين مي وشتريت الايهم غسلت وجه بابا وشربته اذن الضهر ضاكت بيه الدنيه كعدت على رصيف امي هم تعبت كعدت بصفي وعذرا تفتح الحلويات مال ايهم قفل الرجال محله وندار علينه

خيرر يابه محتاجين شي

وكفت خجلانه ماعرف اتعامل ولاعمري شلت مسئوليه حتى تصير عندي قدره اواجه العالم عاد سوال علينه رديت امتمت

عموو احنا مهجرين وماعدنه احد لهزمنه من القصف والاوضاع بمنطقتنه نكدر نلكه بيت اهنا
صفن شويه ورد كال .. انتو منين

خفت احجي ماعرفه ولااعرف المنطقه واحنا ثنين حديثات والوضع تعبان سكتت نصيت راسي عبالك فتهم هز رأسه كال

عادي تكعدون شويه بين ما اروح للصلاه واجي وهم احاجي شيخ المسجد بلكت يساعدكم

امي كيفت تشكرت منه كالتله منتضريك اصلا ماعدنه مكان نروحله ترخص ورجعنه كعدنه همزين في والمحل قمريته عريضه ربع ساعه واجه وياه رجال طاعن بلسن يمشي بعوجيه وكفنه سلمنه ابويه لسانه ثكيل أو بلاحره ميكدر يحجي كلمتين تلاثه سوه امي حجتله كلشي كال

بلمنطقه ايجار متلكون واذا لكيتو على هاي حالتكم ماتصور تكدرون تدفعون اكو غرفه مال حارس المسجد راح اخلي يبات بلمسجد وانتو اكعدو بغرفته بين ماشوف حل وندبر حالكم
تردد وتخيلت الغرفه وسط المسجد شون بله بس ماعندي حل بديل مشو واحنا وراهم وصلنه المسجد والغرفه بضهره اجه شاب ملتحي مدنك فتحه كال الشيخ ادخلو رتاحو ونشوف شون تصفه الغرفه عباره عن مترين بمترين يمكن بيه سرير اول شي سويته نيمت بابا مددته وكعدنه حايرين والافكار براسي تتصارع ايهم جوعان خلفه على هذا الشاب جاب صينيه اكل بيه تمن ومرك وخبز تغدينه وهيج مر اليوم جان من يذان المسجد دموعنه تنزل صوته عالي حيل يقشعر البدن يهيج المواجع دكينه كل البيبان محدد ضيفنه اله بيت الله ماردنه

يوم يومين سبوع بهاي الغرفه حمام مابيه جنه نضطر نستخدم حمام المسجد بليل فقط من يخله من المصلين والاكل يدزه الشيخ كم مره اني وماما فكرنه نطلع مكدرنه وخفنه من الشارع اقلاه بيت الله اامن
وره الاسبوع اجه الشيخ ويه شاب مرتب لابس يلك احمر مكتوب عليه الهلال الأحمر ومعلك باج الوضيفه بركبته اخذ من عدنه معلومات كامله

ومستمسكات مستنسخه الشيخ تكفلنه وفهمنه راح ياخذنه لمكان لمهجرين لملمنه كلشي وتوجهنه بسيارته الشيخ ويانه وصلنه منطقه فارغه بيه كرفان وكم خيمه نزلنه فتنه الكرفانه بي مجموعه تشبه لبس الولد الجابنه وهم كعدنه نحجي الاحداث والله صرت حافضته من كد ماعيده سين وجيم وستفسارات كومه حتى ينطونه خيمه وبعد يوم طويل من التعب ودعدنه الشيخ متشكرين منه وكعدنه بخيمه ابسط وسائط العيش مابيه

جنت على أعصابي كلي كلي متشنج ويرجف بس امي وكلامه يطفي كل نار بيه
اديان فرشي هاي البطانيه
اديان عذراء يمه نعمه احسن من الماكو
خير وبركه
نعمه من الله
اهون من الماكو
اسكت وداخلي ينترس قهر
سلمونه فراش وبطانيات وكراتين غذائيه سئلت على سوك او مكان نجيب حتياجاتنه منه دلوني بس بعيد تعب وكراوي اخذت امي ورحت جبت جوله على كم ماعون وحاجات ضروريه وبلشنه نتاقلم عل عيشه هنا صعبه بس اهون من الذل بميه مره

الكرامه وعزه النفس فوك كلشي
طول هاي الفتره تماره تخابر تتكرضم واني انطيه الاحداث اول باول واطمنه واغلب الاحيان ابينله احنا بخير بين فتره وفتره كامت تجي عوائل مو هواي ثنين تلاثه بشهر جنت اصفن اكول ذوله امر من حالي خلصنه رمضان بضيم صيام والحر قاتل مرات تصدف توصل مساعدات النه من متبرعبن يصير كاتل ومكتول والناس حقه منين تجيب هاي الكارتونه لبيه ابسط الأشياء تمشينه سبوع واكثر
تعبت وصحه بابا بلنازل صارت حتى من يتخربط ماعرف وين انطي وجهي صرت ميته كلب توصل بيه الدرجه من يتوجع واني عاجزه اسويله شي بودي اطلع اصرخ احنا العراق العضيم ليش هيج حالنه شنو ذنبنه شسوينه بيت ياوينه مانملك كاعدين جوه لايلولنه والسياسين كاعدين بقصور يا دين يرضاهه يامنطق داخلي ينزف وارجع اسكت اكول المن اكول المن احجي منو يسمعني اصلا
صرت اسكت واسكت وبس دموعي تجري من يون بابا من المرض

المخيمات لبصفنه ناس متواضعه بسيطه مرات نكعد العصريات كدام المخيم كلمن يسولف ضيمه واني ضيمي ميتسولف حتى قصي صرت ماكدر اوصله وكل همي هسه بابا احس راح اضيعه راح افقده رجال جبير موحمل تعبت وحر وسموم هاي الخيمه وفديوم كاعدين وحده كالت كل مره من يجون يجيبون مساعدات تره تجي وياهم فرق طبيه او همه ذوله اصلا من المنضمه ليش متحجين حالت والدج بلكت يلكوله حل
فكرت بكلامه وصرت انتضر يوم يوم جيت ذوله اهل الهلال الاحمر وبيوم الجوي صارت هوسه عليهم بابا جان حيل تعبان كومته كوه حطيته بلعربانه واخذته ادفع بي اريد اوصل احاجي المسول الديوزع محد ينطي مجال اوصل اوصل وتجيني دفعه ترجعني ليوره

كرهت نفسي وكرهت العوز والفقر والدنيه الغبره لتوصل الواحد لهاي المواصيل محد بحال احد كلمن همه يوصل ياخذ حصته اباوع بابا العرك مله كصته والشمس دك بي العربانه عصت تنرفتز موكته ابد حسيت احد يحاجيني بالي مو يمه او بلاحره مافهم عليه مدري ممركزه

رفعت راسي شفته رجال آخر كشخه والعطر يفوح مبين فايخ من ذوله البدوله انوب لطشه سحب بابا مني عود ديسوي خير ضجت أكثر نافخين نفسهم على الفاضي وكت الصدك منلكاهم مشيت سريع وهوه يحاحجي الولد ليوزع يكله نزل سله
دقيته حيل من جتفه لتفت واني مخنزه نترت بي
منو كلك اريد سله اصلا منو سمحلك تاخذ بابا

يولو هاي فوك زينيتي دحكت الرجال تعبان موحمل هذا السره وانتي موكادره تطلعي من الهوسه العربانه مجيمه جبتو تايقرب سراه ماعرف اذا بنضرج سويت غلط

فتح عيونه تراجع نتر مدري شون حجيه

فرت فور يقرب السره شنو اني جايبه بابا والعرك ينضح من كصته علمود سله لو يجي واحد مثل هذا يعطف علينه جريت بابا حيل درته عليه وزمخت بي

وانت منو كلك احنه ميتين على هاي السله لتجيبوهه عشتو عشتو على حورهن الله لايعوزنه عليكم انتو الدوله هوه هذا الي الله كدركم عليه مكعدينه بهاي الخيم بهاي الجوله وجايبيلنه بطل زيت وطحينات تعتبرون نفسكم مسوين زين ولكم احنا السويناكم احنا الجبناكم انتخبناكم حتى تسوونه تالي صرتو وكلشي ماشفنه منكم
صفن فاك عينه جنت احجي منفعله تقرب يتلفت كال بهدوء يفشل

كبل لادكبيحن ويه العالم اعرفي حدودج مو كل اصابعج سوه يابه تره الناس الخيره جثير انه لابلدوله ولا من ذوله لتحجين عنهم انه رجال شالتني الغيره ردت اساعد هذا الشايب وبس

خجلت فتت بنص هدومي ندار راح يم السياره وكفت اباوع شسويت شخربطت اني شبيه جان رزن كلامه وشكله مرتب شخصيه هيبه حيل وينكرط نضافه حتى يم التوزيع ماوصل ولا لابس يلك مثل هذا ليوزع يعني صدك مو منهم

ركزت حيل عليه وهوه كل شويه يدري عينه تجي بعيني ادنك انوب لبس نضاره ونزل راسه طلع فون من جيبه يكلب بي وبعد ماصد عليه حسيت روحي سويت جريمه وماعرف شون اطلع منه
وزعو للكل والناس كفت نزل الولد سد السياره مشه واني وره منصيه وصل يم الولد كله

هااا ابو الفوارس تعطلت عليك والله

لا يابه كضيت شغلك

اي الحمد الله

عجل حدر نروح هبابني اصل تارد للفلوجه

تقدمت يمهم تحمحم نزع نضارته طبكه حطه بجيبه لتاف يصعد ويحجي

عمر كمل شغلك انه بلسياره

جاعد

اديان ... اشكرك بس اني عندي والدي مريض مثل مدشوف وكالو بلمنضمه يساعدوج بعلاجه بلكت تكدر توصل صوتي

عمر ... تفضلي خيتي
عمر ... تفضلي خيتي

اديان ... اشكرك بس اني عندي والدي مريض مثل مدشوف وكالو بلمنضمه يساعدوج بعلاجه بلكت تكدر توصل صوتي

ابشري يختي انطيني اسمو الكامل وعمرو وشنو مرضو وانه انطي المعلومات للمنضمه

اي رحمه والديك سجل يمك

سجل كلشي ورفع راسه مبتسم ...تاامرين شي بعد

لاتسلم بس عفيه شوكت يوصل الرد خوما مثل المساعدات كل شهر نشوفكم

والله ماعرف انه على نقليات الي اكدر اسوي اوصل الرساله وان شالله خيرر

اشكرك.. درت بابا رجعته وهمه حركو السياره وطلعو
اشكرك.. درت بابا رجعته وهمه حركو السياره وطلعو

عمر ...الكووو يابه

فارس ...هلا هلا

افا يول شو هلا خيرك

ماكو شي اطلع اطلع

فارس على عمر يول اعرفك ازيد من روحي عليش كاعد الحاجب

هاي المصكوعه شترطن وياك كل هل وكت

منو عليمن تحجي

يول خبل انت خبل لوو تغشم روحك توك واجف ويه هاي لبنيه شتسولف
وانت عليش مدخن

انه

عجل أنه

دحكته صلفه كبل لاتجي كربت أساعده ضلت تخربط بلكلام

فارس هينه اشكال تشوف هينه شابعه الناس شابعه ضيم وطالعه رواحه

سكتت درت وجهي ضايج عيونه جنهم عيون مهره مدري عيون ساعه وكلبي ضل يدك جنه طبول وهيه تخرط جدامي

زتني عمر جدام سيارتي اخذته ورحت لبيته وصلت ويه الغدا مسوين خيرات الله تذكرت المهجرين الجهيل والرجال الشياب جريت نفس الله يعين الناس على مابلاه كالو تغده كتلهم مو مشتهي صعدت سبحت وجيت انام مددت الفراش جمر احسو يحركني نمت نومه معلعله ساعده وكمت مخنوك نزلت كاضب راسي صحت ميسون تسويلي جاي جابتو شربت نصور لو روحي طلعت كضبتي معدتي وكفت بلمغسله اتقيى ميسون فوك راسي
هاي كلو من هذا لتشربو شوف شسوه بيك

انجعمي مو وكتج حدري جيبي الخاولي

وكفت اتنفس كوه نشفت واباوع عليه ردته مدري شجرالي تكربت نطيته الخاولي همست عل كيف

حدري للغرفه اريد اسبح

هزت رأسه تضحك صعدت وجت وراي ونعاد نفسو الصار كبل جم يوم شلت روحي وطريته بلكاع وهيه ساكته دخنت نص الباكيت وناري ماطفت احترك احترك وهيه لبست ونزلت

كضبت راسي وادي افجرو كد القهر البيه علاج الجلطه والضغط كلو فرغتو بلحاويه افكر خاف منو السبب رديت سبحت ونزلت جي بالي اروح دكتور عليش كاعد على روحي تبارك تحاجيني بالي مو عده شدكول اكله اي باباتي طلعت ميسون وام ثامر بلمطبخ سلمت كالت ام ثامر
خيرك يخوي عبالك وجعان وجهك تعبان

كضبته بست رأسه... سلامتج يلغاليه بس جنت بغداد وجيت تعبان

سلامتك لعدوينك يارب

يسلمج ان شالله محتاجين شي

ميسون كامت تعدد من تشوف البنوت واجفات لوعده كلشي تضل جيب وجيب اعرفه تبينلهم هيه تدلل علي بس همه يعرفه تتباهه هزيت راسي اي وطلعت وصلت السياره ورديت ناسي ساعتي وصلت باب المطبخ توني اخطي تافوت واسمه دكول

مو تعبان يربج اخوج طكو الكبر صار موفالح حتى براحتو

ام ثامر .... ميسون اكضبي لسانج ليسمعج يكول فارس فات بلعمرين هوه كل عمرو ٣٥سنه
عيوني هيه بلعمر غير انه مرته واعرفو اخوج من يوم الجلطه وهوه كلشي ماكو

وانتي عليش فاضحتو هاي اسرار مره ورجال عليش مطلعته

عجل اضل ساكته وانتو ساعه الي يصير شكال بيني وبينو تكولولو نزوجك هساع تاشوف شلون تزوجو

فارس اسمع والدم صعد لراسي وروحي وصلت لهامتي زكحت ميسسسسسسسسسسون ندارت وره ام ثامر فاكه عينه تكربت موشايف بعيوني وماكو غير كلامه يعيد ويزقل
براسي
.
يتبببع

#لهفة_عاشق
#بارت٥

،،،،،،،،،،
ﻣﺎﻋﻮﻓﻚ ﺑــــــﻌﺪ ﻣﺎﺧﺬ ﻋﻬﺪ ﻋﺎﻟﺮﻭﺡ
ﻭﺃﻗﺒﻞ ﻟﻮ ﺣــــــــﻄﺐ ﻋﺎﻟﻨﺎﺭ ﺗﺮﻣﻴﻨﻲ
ﺃﺗﻨﻔﺲ ﻫــــــــــﻮﺍﻙ ﺑﺰﺣﻤﺔ ﺍﻟﺪﺧﺎﻥ
ﻭﺃﮔﻮﻟﻦ ﻫﻢ ﻳﺤــﻦ ﮔﻠﺒﻪ ﻭﻳﻄﻔﻴﻨﻲ
ﻣﻮ ﺛﻮﺏ ﻭﻳﻨﺰﻋﻚ ﺟﺴﻤﻲ ﺣﺘﻰ ﺍﺭﺗﺎﺡ
ﻭﻻ ﻛﻞ ﻳﻮﻡ ﻃـــﺒﻌﻲ ﺑﺜﻮﺏ ﺗﻠﮕﻴﻨﻲ
ﻣﺎﺩﻭﺭ ﮔـﻤﺖ ﻋـــــــــﺰﺓ ﻧﻔﺲ ﻭﻳـﺎﻙ
ﺑﺲ ﻳﻨﺠﺎﺏ ﻃﺎﺭﻱ ﺍﺳـــﻤﻚ ﻳﺒﭽﻴﻨﻲ
ﻣﺤﺘﺎﺟﻚ ﺣﺒﻴﺒﻲ ﺑﻜﺜـــﺮ ﻣﺎ ﻣﺤﺘﺄّﺝ
ﻭﺍﺣﺪ ﻳﻔـــﺘﻬﻢ ﺣﭽﻴﻲ ﻭﻳﺤﺎﭼﻴﻨﻲ
،،،،،،،،،،،،،،

ﻓﺎﺭﺱ ...... ﺍﺳﻤﻊ ﻭﺍﻟﺪﻡ ﺻﻌﺪ ﻟﺮﺍﺳﻲ ﺭﻭﺣﻲ ﻭﺻﻠﺖ ﻟﻬﺎﻣﺘﻲ ﺯﻛﺤﺖ ﻣﻴﺴﺴﺴﺴﺴﺴﺴﺴﺴﺴﻮﻥ ﻧﺪﺍﺭﺕ ﻭﺭﻩ ﺍﻡ ﺛﺎﻣﺮ ﻓﺎﻛﻪ ﻋﻴﻨﻪ ﺗﻜﺮﺑﺖ ﻣﻮﺷﺎﻳﻒ ﺑﻌﻴﻮﻧﻲ ﻭﻣﺎﻛﻮ ﻏﻴﺮ ﻛﻼﻣﻪ ﻳﻌﻴﺪ ﻭﻳﺰﻗﻞ ﺑﺮﺍﺳﻲ ﺟﺮﻳﺘﻪ ﺧﺎﻧﻜﻪ ﻭﻫﺪﻳﻪ ﺑﻴﻨﻪ ﺻﺎﺭﺕ ﺗﺮﺍﻓﺲ ﺷﺤﻄﺘﻪ ﺍﺻﻌﺪ ﺑﻴﻪ ﺍﻟﺪﺭﺝ ﻣﺠﻠﺒﻪ ﺑﻠﻤﺤﺠﺮ ﺗﺪﻓﻊ ﺑﻴﻪ
ﻫﻬﻬﻬﻬﻬﻬﺪﻧﻲ ﺑﺎﻟﻠﻪ ﺍﻋﻴﻂ ﺍﻟﻠﻢ ﺍﻟﻨﺎﺱ ﻛﻠﻪ ﻋﻠﻴﻚ ﻋﻠﻴﺶ ﺷﺎﺣﻄﻨﻲ ﺷﻤﺴﻮﻳﻪ ﺍﻧﻪ ﺷﺸﺸﻤﺴﻮﻳﻪ
ﻟﻨﻌﻞ ﺍﺑﻮﺝ ﻻﺑﻮ ﺍﻟﻨﺎﺱ ﺍﻟﻴﻔﺰﻋﻮﻟﺞ ﻳﻮﻟﻲ ﻣﻠﻴﺖ ﻣﻨﺞ ﻭﻣﻦ ﺟﺴﺎﺭﺗﺞ ﻭﺣﻴﻮﻧﺘﺞ ﺍﻧﻪ ﺗﺎﻟﻲ ﻋﻤﺮﻱ ﻭﺣﺪﻩ ﻣﻠﻜﻮﻓﻪ ﻣﺜﻠﺞ ﺗﺤﺠﻲ ﺑﺴﺮﺍﺭﻱ ﺟﺪﺍﻡ ﺍﻫﻠﻲ ﻋﺠﻞ ﺍﻧﺘﻲ ﺷﻜﺪ ﺳﺎﻓﻠﻪ ﻭﻣﺎﻋﻨﺪﺝ ﻏﻴﺮﻩ ﻋﻠﻴﻪ ﻭﻻﻧﺎﻣﻮﺱ
ﻭﻋﻠﻴﺶ ﺗﺴﻤﻊ ﻋﻠﻴﻨﻪ ﺍﺣﻨﺎ ﻧﺴﻮﺍﻥ ﺑﻴﻨﻪ ﻧﺴﻮﻟﻒ ﻭﺟﺜﻴﺮ ﻧﺤﺠﻲ ﻟﻮﻣﺎ ﺣﺎﻁ ﺩﻭﺑﻚ ﻭﺩﻭﺑﻲ ﻣﺠﺎﻥ ﺗﺴﻤﻌﺖ ﻭﻭﻭﻭﻭﺧﺮ
ﺍﻟﺤﺠﻴﻪ ... ﻓﺎﺭﺱ ﻻﻫﻴﺞ ﺑﺮﻭﺡ ﻟﻤﺎﺗﻮﻟﻚ ﻳﻮﻝ ﻫﺴﺎﻉ ﺗﻤﻮﺕ ﺑﻴﺪﻙ ﻭﻧﺒﺘﻠﻲ ﺑﻴﻪ ﻳﺴﻮﻭﻫﻪ ﻣﺮﻩ ﻓﺎﺭﺱ ﺍﺳﻤﻊ ﻣﻨﻲ ﺍﻧﻪ ﺍﻣﻚ ﻭﻟﻜﻢ ﻟﺤﻜﻮ ﻭﻟﻴﺪﻱ ﻃﺎﺭ ﻋﻜﻠﻮ ﺻﺎﺭ ﻣﻮﺷﺎﻳﻒ ﺟﺪﺍﻣﻮ
ﺟﻨﺖ ﻓﺎﺻﻞ ﻣﻮﺳﺎﻣﻊ ﻟﺤﺪ ﺧﻠﻴﺘﻬﻢ ﻭﺭﺍﻳﻪ ﻭﺻﻌﺪﺗﻪ ﺍﻟﻐﺮﻓﻪ ﻗﻔﻠﺖ ﺍﻟﺒﺎﺏ ﻭﻓﻜﻴﺖ ﺣﺰﺍﻣﻲ ﺿﺮﺑﺘﻪ ﺑﺪﻭﻥ ﻭﻋﻲ ﻭﻛﻞ ﺿﺮﺑﻪ ﺗﺸﻴﺦ ﺍﻛﺜﺮ ﻋﻤﺮﻱ ﻛﻠﻮ ﻣﺎﺷﻒ ﺣﺮﻣﻪ ﺑﺮﻋﻪ ﻟﻴﻬﺬﺍ ﺍﻟﺤﺪ ﺍﺿﺮﺏ ﺗﻐﻠﻂ ﺍﻏﻠﻂ ﺗﺮﺩ ﻧﻬﻴﺘﻪ ﻭﺳﺎﻝ ﺍﻟﺪﻡ ﻣﻦ ﺧﺸﻤﻪ ﺑﻌﺪﺕ ﺭﻭﺣﻲ ﻛﻌﺪﺕ ﻛﺎﺿﺐ ﺭﺍﺳﻲ ﺗﻌﺒﺎﻥ ﺯﻫﻜﺎﻥ ﻋﺠﺰﺍﻥ ﻣﻨﻬﺎ ﺭﻛﻀﺖ ﻓﺘﺤﺖ ﺍﻟﺒﺎﺏ ﺗﺼﻴﺢ
ﻫﻮﻩ ﻟﺒﻌﺒﻮ ﺻﺨﻞ ﻳﻤﻌﻤﻊ ﺍﻧﺖ ﻋﺮﻓﺖ ﺭﻭﺣﻚ ﻣﺮﻳﺾ ﻭﻛﻤﺖ ﺗﺰﺕ ﻋﻠﻴﻪ ﺣﺠﺞ ﻭﺑﻼﻭﻱ ﻭﺍﻟﻠﻪ ﻣﺎﺍﺳﻜﺘﻠﻚ ﻫﺴﺎﻉ ﺍﺣﺮﻙ ﺭﻭﺣﻲ ﻭﺍﺑﻠﻴﻚ ﻳﺎ ﺍﻟﻤﺎﺗﺨﺎﻑ ﺍﻟﻠﻪ
ﻛﻤﺖ ﻟﻠﺒﺎﺏ ﻟﺰﻣﻮﻩ ﻧﺼﻢ ﺣﻠﻜﻪ ﻧﺰﻟﻮﻫﻪ ﺗﺒﺠﻲ ﻓﺎﺗﺖ ﺍﻣﻲ ﻛﻌﺪﺕ ﻛﺒﺎﻟﻲ ﺗﻮﻩ ﺗﺤﺠﻲ ﺭﻓﻌﺖ ﺍﻳﺪﻱ .... ﻳﻤﻪ ﻭﻟﻴﺮﺣﻢ ﺍﻫﻠﺞ ﺗﺮﻛﻴﻨﻲ ﺑﺮﻭﺣﻲ
ﻓﺎﺭﺱ ﺍﻧﺖ ﻣﺎ ﺗﺨﺎﻑ ﻋﻠﻰ ﺭﻭﺣﻚ ﻣﺘﺨﺎﻑ ﻋﻠﻰ ﻧﻔﺴﻚ ﻣﺎﻋﺮﻓﺖ ﻣﻴﺴﻮﻥ ﻣﻦ ﺫﺍﻙ ﺍﻟﻴﻮﻡ ﻟﻠﻴﻮﻡ ﺷﻮﻥ ﻳﺎﻭﻟﻴﺪﻱ ﺗﻜﻀﻲ ﻋﻤﺮﻙ ﻛﻠﻮ ﻣﻜﺎﻭﻥ ﻭﻳﺎﻫﻪ ﻣﺎﻣﻠﻴﺘﻮ ﻣﺎﺗﻌﺒﺘﻮ
ﺣﺠﻴﻪ ﻫﺬﺍ ﺍﻟﺤﺠﻲ ﻛﻮﻟﻲ ﻟﺮﻭﺣﺞ ﺍﻧﻪ ﺭﺟﺎﻝ ﺟﺎﻥ ﺭﺍﺳﻲ ﺑﺎﺭﺩ ﻣﻦ ﺫﻳﺞ ﺍﻟﻨﻮﺑﻪ ﺣﻠﻔﺖ ﻋﻠﻴﻪ ﻣﺎﺗﺼﻴﺮﻟﻲ ﻣﺮﻩ ﻛﻤﺘﻲ ﻭﺣﻄﻴﺘﻲ ﺩﻭﺑﺞ ﻭﺩﻭﺑﻲ ﻣﺮﺗﻚ ﻭﺣﺮﺍﻡ ﻭﺧﺎﻑ ﺍﻟﻠﻪ ﻃﻠﻌﺘﻴﻨﻲ ﻛﺎﻓﺮ ﻫﺎﺝ ﺷﻮﻓﻲ ﺗﺎﻟﻴﻪ ﺍﻓﻮﺕ ﻏﻔﻞ ﺍﻟﻜﺎﻩ ﺗﺤﺠﻲ ﺑﺴﺮﺍﺭ ﻏﺮﻓﺘﻲ ﺑﺴﺮﺍﺭ ﻓﺮﺍﺷﻲ ﺟﺪﺍﻡ ﺍﺧﺘﻲ ﻫﻢ ﻛﻮﻟﻲ ﻋﺎﻳﻞ ﺑﻴﻬﺎ
ﻭﺍﻟﺘﺎﻟﻲ ﺷﻮﻥ ﺍﺣﻨﺎ ﻧﻀﻞ ﻳﺎ ﻓﺎﺭﺱ ﻳﺎ ﻣﻴﺴﻮﻥ
ﺍﻧﺘﻮ ﺍﻃﻠﻌﻮ ﻣﻨﻪ ﻋﻮﻓﻮﻧﻪ ﺍﻧﻪ ﻭﻳﺎﻩ ﻧﺘﺠﺎﺯﻩ ﻻﺗﺪﺧﻠﻮﻥ ﺑﻴﻨﻪ ﻣﺮﻩ ﻣﻮﺭﺍﻳﺪﻩ ﻻﺗﺨﻠﻮﻧﻲ ﻓﺪﻳﻮﻡ ﺍﻓﻮﺕ ﺑﺨﻄﻴﺘﻪ ﻭﺍﻣﻮﺗﻪ ﻫﻴﻨﻮﺏ ﻭﺍﻧﺘﻮ ﺍﻟﺴﺒﺐ
ﺳﻜﺘﺖ ﻭﻧﺰﻟﺖ ﻣﺪﺩﺕ ﺩﺣﻜﺖ ﺍﻟﺴﺎﻋﻪ ﺭﺍﺡ ﻭﻛﺖ ﺍﻟﺪﻛﺘﻮﺭ ﻧﺰﻟﺖ ﺗﺒﺎﺭﻙ ﻋﻠﻰ ﺍﻟﺪﺭﺝ ﺗﺒﺠﻲ ﺟﺮﻳﺘﻪ ﺟﻮﻩ ﺟﺘﻔﻲ
ﻋﻠﻴﺶ ﺍﻟﺒﺠﻲ ﺑﺎﺑﺎﺗﻲ
ﻏﻄﺖ ﻭﺟﻬﻪ ﺑﺼﺪﺭﻱ ... ﺑﺎﺑﺎ ﺍﻧﺖ ﻣﻦ ﺗﻌﺼﺐ ﺗﺨﻮﻑ ﻋﺒﺎﻟﻚ ﻣﻮ ﺑﺎﺑﺎ ﻟﺤﺒﻮ
ﻭﺍﻧﺘﻲ ﻋﻠﻴﺶ ﺗﺼﻴﺮﻳﻦ ﺟﺪﺍﻣﻲ ﻣﻮﻛﺎﻳﻠﺞ ﻭﻛﺖ ﺃﻋﺼﺎﺑﻲ ﻓﻮﺗﻲ ﻏﺮﻓﺘﺞ ﺣﺘﻰ ﻻﻳﺘﻜﺪﺭ ﺧﺎﻃﺮﺝ
ﻣﺎﻛﺪﺭ ﻭﻣﺎﻣﺎ ﺗﺼﺮﺥ ﺑﺎﺑﺎ ﺑﻄﻠﻮ ﻣﻜﺎﻭﻥ ﻭﺍﻟﻠﻪ ﺍﻧﻪ ﺍﺧﺎﻑ
ﺑﻄﻠﻲ ﺑﺠﻲ ﻣﺎﺭﻳﺪ ﺍﺷﻮﻑ ﺩﻣﻮﻋﺞ ﺣﺪﺭﻱ ﺍﺷﺘﺮﻳﻠﺞ ﻭﺍﻧﺴﻲ ﺍﻟﺼﺎﺭ
ﺭﻛﻀﺖ ﻏﺴﻠﺖ ﻭﻃﻠﻌﺘﻪ ﺑﺴﻴﺎﺭﻩ ﻓﺮﻳﺘﻪ ﻭﻧﺰﻟﺘﻪ ﻟﻠﻤﺤﻞ ﺷﺘﺮﺕ ﻭﺭﺩﻳﺖ ﺯﺗﻴﺘﻪ ﺑﻠﺒﺎﺏ ﺗﻮﻧﻲ ﺍﻃﻠﻊ ﻭﺟﺖ ﺳﻴﺎﺭﻩ ﻓﻴﺼﻞ ﻓﺎﺕ ﻛﺒﻠﻲ ﺍﺷﺮﻟﻲ ﺍﻛﻒ ﻻﺗﺮﻭﺡ ﻃﺒﻚ ﻭﻧﺰﻝ ﺟﻲ ﻳﻤﻲ ﺳﻠﻢ ﻳﺤﺎﺟﻴﻨﻲ ﻋﻠﻰ ﺍﻟﺸﻐﻞ ﻭﺍﺟﺎﻭﺑﻮ ﻛﻮﻩ ﻋﻜﺪ ﺣﺎﺟﺒﻮ
ﻓﺎﺭﺱ ﺷﺒﻴﻚ ﻭﻳﻦ ﺑﺎﻟﻚ
ﻓﺮﻛﺖ ﻛﺼﺘﻲ ﻣﺘﻨﻬﺪ ... ﻓﻴﺼﻞ ﺗﻌﺒﺎﻥ ﺍﻧﻪ ﺗﻌﺒﺎﻥ ﻭﺍﻟﺪﻧﻴﻪ ﻃﺎﻟﻌﻪ ﻣﻦ ﻋﻴﻨﻲ
ﺍﻧﺰﻝ ﺍﻧﺰﻝ ﺣﺪﺭ ﻟﻠﺒﻴﺖ ﻧﺴﻮﻟﻒ ﺗﺒﻴﻦ ﺍﻟﺴﺎﻟﻔﻪ ﺟﺒﻴﺮﻩ
ﺗﺮﻛﻨﻲ ﺧﻮﻳﻪ ﺭﻭﺡ ﻟﺒﻴﺘﻚ ﻣﺎﻟﻲ ﺧﻠﻚ ﻭﺍﻟﻠﻪ ﻣﻮﻛﺎﺩﺭ ﺍﻓﺘﺢ ﻋﻴﻨﻲ ﺭﺍﺳﻲ ﺍﺣﺴﻮ ﻫﻞ ﻛﺒﺮﻭ
ﻋﺠﻞ ﺭﺍﻳﺢ ﺗﺸﺮﺏ ﻣﻮﻭﻭ
ﺳﻜﺘﺖ
ﻳﻮﻟﻮ ﻫﺬﺍ ﺣﻞ ﺍﻧﺖ ﺻﻐﻴﺮ ﺳﺎﻋﻪ ﻣﺎﺿﺎﻛﺖ ﺑﻴﻚ ﺍﻟﺪﻧﻴﻪ ﺭﻛﻀﺖ ﻟﻬﺬﺍ ﺍﻟﺴﻢ ﺷﺮﺑﺘﻮ ﺣﺪﺭ ﻭﻳﺎﻱ ﺍﺷﻮﻑ ﺷﺴﺎﻟﻔﺘﻚ ﻭﺍﻟﻪ ﺑﻠﻘﺮﺍﻥ ﺍﺯﻋﻞ ﻭﺍﻧﺖ ﺗﻌﺮﻓﻨﻲ
ﺣﺠﺎﻩ ﻭﻧﺪﺍﺭ ﻟﺒﻴﺘﻮ ﻗﻔﻠﺖ ﺍﻟﺴﻴﺎﺭﻩ ﻭﻧﺰﻟﺖ ﻭﺭﻩ ﻓﺘﻨﻪ ﻭﺻﺎﺡ ﺍﻡ ﺣﺴﻦ ﻋﻠﻰ ﺍﻟﺠﺎﻱ ﺟﺎﺑﺘﻮ ﺑﻠﻌﺠﻞ ﻧﺼﻴﺖ ﺭﺍﺳﻲ ﺍﻗﺎﺭﻥ ﺑﻴﻨﻪ ﻭﺑﻴﻦ ﺣﺮﻣﺘﻲ ﺍﻭﻝ ﻣﺎﻓﺎﺕ ﻓﻴﺼﻞ ﺗﻠﻜﺘﻮ ﺑﺎﺱ ﺭﺍﺳﻪ ﻭﺍﺧﺬﺕ ﻏﺮﺍﺿﻮ ﻣﻦ ﺍﻳﺪﻭ ﻛﻌﺪ ﻭﻛﻼﺹ ﺍﻟﻤﻲ ﺑﻴﺪﻩ ﻓﻮﻙ ﺭﺍﺳﻮ ﺍﻟﺠﺎﻱ ﺍﺟﻪ ﻟﻴﻤﻨﻪ ﺑﺪﻗﺎﻳﻖ ﻭﻛﻼﺑﻴﺘﻮ ﻛﺎﺿﺒﺘﻪ ﻛﺎﻟﻪ ﻫﺴﺎﻉ ﺍﺑﺪﻝ ﻋﺎﻓﺘﻪ ﺑﺼﻔﻮ ﻭﻧﺼﺖ ﺷﺎﻟﺖ ﺍﻟﺤﺬﺍﺀ ﻃﻠﻌﺘﻮ
ﺍﺗﻔﺮﺝ ﻣﻮﺣﺴﺪ ﻻﻛﻦ ﺗﺤﺰ ﺑﺪﺍﺧﻠﻲ ﻟﻴﺶ ﺍﻧﻪ ﻣﻮﺷﺎﻳﻒ ﻫﺎﻱ ﺍﻟﺮﺍﺣﻪ ﻟﻴﺶ ﻣﻮﻋﺎﻳﺸﻪ ﻣﺜﻞ ﺑﺎﻗﻲ ﺍﻟﻨﺎﺱ ﻣﻮﺣﺎﺱ ﻋﻨﺪﻱ ﺣﺮﻣﻪ ﻣﻦ ﺍﻻﺳﺎﺱ
ﺩﻙ ﻓﻴﺼﻞ ﻋﻠﻰ ﺭﺟﻠﻲ ﺭﻓﻌﺖ ﺭﺍﺳﻲ ﻣﺪﻳﺖ ﺍﻳﺪﻱ ﺑﺠﻴﺒﻲ ﺍﺩﺧﻦ ﻭﻛﻌﺪﺕ ﺣﺠﻴﺘﻠﻮ ﻛﻠﺸﻲ ﻫﺰ ﺭﺃﺳﻪ ﻣﻘﻬﻮﺭ ﻛﺎﻝ
ﺗﺰﻭﺝ ﺧﻮﻳﻪ ﺗﺰﻭﺝ ﻭﺗﺮﻙ ﻋﻨﻚ ﻫﺎﻱ ﺍﻟﺨﺒﻠﻪ ﺍﻟﺠﺎﻧﻴﻪ ﺑﻴﺘﻚ ﻻﺗﺮﻭﺡ ﺗﺨﺒﻠﻚ ﺍﻧﺖ ﻫﻢ
ﻓﻴﺼﻞ ﺍﻧﺖ ﺟﺎﻱ ﺗﻔﻬﻢ ﻋﻠﻴﻪ ﺍﻛﻠﻚ ﺻﺎﺭ ﺟﻢ ﻣﺮﻩ ﻓﺎﻗﺪ ﻛﻞ ﺣﺴﺎﺱ ﺑﻴﻪ ﻻﺩﻛﻠﻲ ﻣﻦ ﺍﻟﺸﺮﺏ ﺍﻧﻪ ﺟﻨﺖ ﺍﺟﻲ ﺷﺎﺭﺏ ﻏﺎﺩﻱ ﻃﻴﻨﻪ ﺑﻴﻪ ﻛﻞ ﺍﻟﺤﻴﻞ ﻭﺍﺯﻭﺩ ﺣﺘﻰ ﻣﻦ ﺻﺎﺣﻲ
ﻋﺠﻞ ﺍﺧﺬ ﻋﻼﺟﻚ ﻭﺭﻭﺡ ﻋﻠﻰ ﺩﻛﺘﻮﺭﻙ ﺍﺧﺎﻑ ﺍﻟﺴﺒﺐ ﻣﻨﻮ
ﻣﺎﺿﻞ ﻛﻞ ﻋﻼﺝ ﻃﺮﻳﺘﻮ ﻛﻠﻮ ﺑﻠﺤﺎﻭﻳﻪ
ﺗﺼﺮﻓﻚ ﻣﻮﺻﺤﻴﺢ ﺟﺎﻳﺰ ﻣﻨﻮ ﺍﻟﺼﻮﺝ ﺩﺍﻛﻠﻚ ﻟﺤﻚ ﺭﺟﻌﻮ ﻭﺑﺎﺟﺮ ﺍﻋﺮﺿﻮ ﻋﻠﻰ ﻃﺒﻴﺒﻚ ﻭﻧﺸﻮﻑ ﻭﻳﻦ ﺍﻟﻌﻠﻪ
ﺳﻜﺘﺖ ﺑﺎﻟﻲ ﻣﻮ ﻋﻨﺪﻭ ﻛﻤﺖ ﻣﺘﺮﺧﺺ ﺭﺣﺖ ﻟﻠﻤﻜﺎﻥ ﻟﺸﺮﺏ ﺑﻲ ﻛﻞ ﻳﻮﻡ ﻛﻌﺪﺕ ﻭﺷﺮﺑﺖ ﻟﻴﺤﺪ ﻣﺎﻧﺴﻄﺮ ﻭﺭﺩﻳﺖ ﻟﻠﺒﻴﺖ ﻛﺒﻞ ﻧﻤﺖ ﺑﻬﺪﻭﻣﻲ ﻟﻴﺜﺎﻧﻲ ﻳﻮﻡ ﺳﻮﻳﺖ ﺍﻟﻜﺎﻝ ﻋﻠﻴﻪ ﻓﻴﺼﻞ ﻣﻦ ﻗﺬﺍﺭﻩ ﻣﻴﺴﻮﻥ ﺣﺘﻰ ﺍﻟﺤﺎﻭﻳﻪ ﻣﺎﺗﺬﺑﻪ ﻭﻛﺖ ﺑﻮﻛﺘﻮ ﺗﺠﻤﻌﻪ ﻃﻠﻌﺖ ﺍﻟﻌﻼﺝ ﻟﻤﻴﺘﻮ ﺑﻌﻼﻛﻪ ﻭﺍﺧﺬﺗﻮ ﺧﺎﺑﺮﺕ ﺍﻟﺪﻛﺘﻮﺭ ﺣﺠﺰﺕ ﻭﺭﺣﺖ ﻭﻟﻮﻣﺎﺭﺍﻳﺢ ﺍﺷﺮﻑ ﺻﺮﺕ ﻣﺎﻟﻲ ﻋﻴﻦ ﺍﺣﻄﻪ ﺑﻌﻴﻦ ﺍﻟﺪﻛﺘﻮﺭ ﻭﻫﻮﻩ ﻓﺎﻙ ﻋﻴﻨﻮ ﻣﺘﺴﻌﺠﺐ ﺯﺕ ﺣﺘﻰ ﻧﻀﺎﺭﺗﻮ
ﻓﺎﺭﺱ ﺍﻧﺖ ﻣﻨﻴﻠﻚ ﻫﺬﺍ ﺍﻟﻌﻼﺝ
ﺩﻛﺘﻮﺭ ﻏﻴﺮ ﺍﻧﺖ ﺳﺠﻠﺘﻮ ﻭﺍ

ﻧﻪ ﻛﻞ ﺷﻬﺮ ﺍﻋﻴﺪﻭ ﻋﻠﻰ ﻛﻼﻣﻚ ﺧﺎﺻﻪ ﺣﺒﻮﺏ ﺍﻟﻀﻐﻂ ﺃﻛﺜﺮ ﺍﻟﻮﻛﺖ ﺍﺧﺬ ﻣﻨﻪ ﺍﻧﺖ ﺗﻌﺮﻓﻨﻲ ﺍﻋﺼﺎﺏ
ﻓﺎﺭﺱ ﻫﺬﺍ ﻣﻮ ﻋﻼﺟﻚ ﻫﺬﺍ ﻋﻼﺝ ﺛﺎﻧﻲ ﺑﻌﻴﺪ ﺗﻤﺎﻣﺎ ﻋﻦ ﺍﻟﺒﻴﻚ ﻭﺍﻟﺴﺠﻠﺘﻮ ﺍﻟﻚ
ﺷﻮﻥ ﻳﻌﻨﻲ ﻣﺎﻓﻬﻤﺖ ﻋﻠﻴﻚ ﺩﻛﺘﻮﺭ ﻭﺿﺤﻠﻲ ﻳﺮﺣﻢ ﺍﻫﻠﻚ
ﻓﺎﺭﺱ ﻫﺬﺍ ﻋﻼﺝ ﻳﺴﺒﺐ ﺿﻌﻒ ﻋﻨﺪﻙ ﻭﺑﻲ ﺃﺿﺮﺍﺭ ﻫﻮﺍﻱ ﺣﺘﻰ ﻋﻠﻰ ﻗﻠﺐ ﻭﺍﻟﺠﻬﺎﺯ ﺍﻟﺘﻨﻔﺴﻲ ﻳﺎﺍﺛﺮ
ﺻﻔﻨﺖ ﻣﻮ ﻣﺴﺘﻮﻋﺐ ﺷﻴﺤﺠﻲ ﺯﻏﺮﺕ ﻭﺻﺮﺕ ﺑﻨﺺ ﻫﺪﻭﻣﻲ ﻣﻦ ﺍﻟﻔﺸﻠﻪ ﻭﺩﺍﺧﻠﻲ ﻧﺎﺭ ﻭﻣﺸﺘﻌﻠﻪ ﺷﺎﻝ ﺍﻟﻌﻼﻛﻪ ﻃﺮﻩ ﺑﻠﺤﺎﻭﻳﻪ ﺑﺼﻔﻮ ﻭﺩﻧﻚ ﻳﻜﺘﺐ ﺑﺮﺍﺟﻴﺘﻪ ﻣﺎﺣﺠﻪ ﻭﺍﻋﺮﻓﻮ ﺷﻜﻠﻲ ﻣﺎ ﻳﺴﺎﻋﺪ ﺍﻟﻮﺍﺣﺪ ﻳﺠﺎﺩﻟﻨﻲ ﺑﻠﻜﻼﻡ ﻃﻠﻌﺖ ﻭﻫﻮﻩ ﻣﺒﺘﺴﻢ ﺑﺸﻔﻘﻪ ﻳﻜﻠﻲ ﺗﺎﺍﺍﻛﺪ ﻣﻦ ﺍﻟﺼﻴﺪﻟﻲ ﻟﻴﺼﺮﻓﻠﻚ ﺍﻟﻌﻼﺝ ﻟﻴﻜﻮﻥ ﻋﻨﺪﻭ ﺷﻲ ﻭﻳﺎﻙ ﺍﻭﺣﺎﺏ ﻳﻀﺮﻙ
ﻫﺰﻳﺖ ﺭﺍﺳﻲ ﺍﻱ ﻭﺩﺍﺧﻠﻲ ﻳﻜﻮﻝ ﺑﺎﻟﻠﻪ ﻳﺎﺩﻛﺘﻮﺭ ﻣﻮ ﺍﻟﺼﻴﺪﻟﻲ ﻭﻣﺎﻛﻮ ﻏﻴﺮ ﺍﻟﻌﻜﺮﺑﻪ ﻟﺒﻴﺘﻲ ﺟﻨﺖ ﻫﺎﺩﻯ ﻟﺪﺭﺟﻪ ﺍﺳﻮﻕ ﻋﻠﻰ ٢٠ﻣﻦ ﻫﻮﻝ ﺍﻟﺼﺪﻣﻪ ﺍﻟﻴﻮﻡ ﻏﻴﺮﺕ ﻋﻼﺟﻲ ﺑﺎﺟﺮ ﺗﺤﻄﻠﻲ ﺳﻢ ﻭﺗﻤﻮﺗﻨﻲ
ﻟﻠﻴﻞ ﻣﺎﺭﺩﻳﺖ ﻟﻠﺒﻴﺖ ﺭﺩﺕ ﺍﺻﻴﺮﺭ ﻭﻳﺎﻫﻪ ﻭﺣﺪﻧﻪ ﻣﺎﺭﺩﺕ ﺍﺣﺪ ﻳﺪﺧﻞ ﺑﻴﻨﻪ ﻻﺗﻌﺸﻴﺖ ﻭﻻﺭﺩﻳﺖ ﻋﻠﻰ ﺗﻠﻴﻔﻮﻧﻲ ﺍﻟﻤﺎﺳﻜﺖ ﻓﻴﺼﻞ ﺧﻄﺎﺏ ﺍﻟﺤﺠﻴﻪ ﺗﺮﻛﺖ ﺍﻟﻜﻞ ﻭﻛﻌﺪﺕ ﺍﺧﺬﺕ ﻗﺮﺍﺭ ﻣﺎﻣﻨﻮ ﺭﺟﻌﻪ ﻫﺪﻳﺖ ﻭﺭﺩﻳﺖ ﺟﺎﻥ ﻣﺎﻛﻮ ﺍﺣﺪ ﻛﻠﻤﻦ ﺑﻴﺘﻮ ﻓﺘﺖ ﻏﺮﻓﻪ ﺍﻣﻲ ﺟﺎﻋﺪ ﻫﻴﻪ ﻭﺍﻣﻲ ﻭﺗﺒﺎﺭﻙ ﺷﺎﻓﺘﻨﻲ ﺭﺍﺩﺕ ﺩﻛﻮﻡ ﺗﻄﻠﻊ ﺍﺷﺮﺗﻠﻪ ﺧﺎﺯﺭﻩ ﺍﻛﻌﺪﻱ ﺗﺒﺎﺭﻙ ﺗﺒﺎﻭﻋﻠﻲ ﺑﺨﻮﻑ ﺑﺘﺴﻤﺘﻠﻪ
ﻃﻠﻌﻲ ﺷﻮﻳﻪ ﺑﺎﺑﺎﺗﻲ ﻋﻨﺪﻱ ﺣﺠﻲ ﻭﻳﻪ ﺟﺪﺗﺞ
ﻃﻠﻌﺖ ﻭﻗﻔﻠﺖ ﺍﻟﺒﺎﺏ ﻛﻌﺪﺕ ﺍﻣﻲ ﺗﺒﺎﻭﻋﻠﻲ ﺑﻘﻠﻖ ﻭﻣﻴﺴﻮﻥ ﺩﺣﻚ ﻋﻠﻴﻪ ﺑﺨﻮﻑ ﺍﻣﻲ ﺻﺎﻓﻨﻪ ﻭﺍﻧﻲ ﻣﻄﻮﻝ ﺍﻟﻨﻀﺮﻩ ﺑﻮﺟﻪ ﻣﻴﺴﻮﻥ ﺗﺎﻟﻲ ﻛﺘﻠﻪ
ﺳﻤﻌﻴﻨﻲ ﻳﺎﺑﻨﺖ ﺍﻟﻨﺎﺱ ﻫﺎﻱ ﺟﺪﺍﻡ ﺍﻣﻲ ﻳﺎﺑﻪ ﺍﻧﻪ ﺭﺟﻠﺞ ﻟﻮ ﻋﺪﻭﺝ
ﺭﻣﺸﺖ ﻋﻴﻮﻧﻪ ﺗﻔﺮﻙ ﺑﻴﺪﻩ ﺗﺒﺎﻭﻉ ﻻﺍﻣﻲ ﻧﺘﺮﺕ
ﺍﻧﻪ ﻣﻮﻭﻭ ﺍﺣﺠﻲ
ﺵ ﺵ ﺷﻨﻮ ﻓﺎﺭﺱ
ﻣﻦ ﻳﻨﻌﻞ ﺷﻴﺐ ﺍﺑﻮ ﻓﺎﺭﺱ ﺳﺌﻠﺘﺞ ﺍﻧﻪ ﺭﺟﻠﺞ ﻟﻮ ﻋﺪﻭﺝ ﺑﻴﻤﻦ ﻣﻘﺼﺮ ﻳﺎﻳﻮﻡ ﻣﺌﺬﻳﺞ ﺣﺘﻰ ﻫﻴﺞ ﺗﺎﺍﺫﻳﻨﻲ ﺍﺫﺍ ﺿﺮﺑﺘﺞ ﻭﺟﻲ ﻳﻮﻡ ﺻﺮﺕ ﺿﺎﻟﻢ ﺑﻨﻀﺮﺝ ﺗﺮﻩ ﻛﻠﻮ ﻣﻦ ﺍﻳﺪﺝ ﻻﻳﻮﻡ ﺣﺴﻴﺘﺞ ﺣﺮﻣﻪ ﻣﺜﻞ ﺍﻟﻨﺴﻮﺍﻥ ﻭﻻﻳﻮ ﺭﺍﻋﻴﺘﻲ ﺍﻟﻠﻪ ﺑﻴﻪ ﺟﺴﺮﻩ ﻭﺻﻠﻔﻪ ﻭﺷﺎﻳﻠﻪ ﻟﺴﺎﻥ ﻣﺎﻳﻨﺤﻤﻞ ﺳﻨﻴﻦ ﻭﺍﻧﻪ ﻣﺘﺤﻤﻠﺞ ﻻﻳﻮﻡ ﻋﻴﺮﺗﺞ ﺑﻀﻨﻪ ﻭﻻﻳﻮﻡ ﻓﻜﺮﺕ ﺍﺣﻂ ﻣﺮﻩ ﻋﻠﻰ ﺭﺍﺳﺞ ﻫﺴﺎﻉ ﻭﺑﻌﺪ ﻛﻞ ﻫﺎﻱ ﺍﻟﺴﻨﻴﻦ ﺗﺒﺪﻟﻴﻦ ﻋﻼﺟﻲ ﺧﺎﻃﺮ ﺗﻄﻠﻌﻴﻦ ﻋﻴﺐ ﺑﻴﻪ ﻟﻮ ﻣﻴﺖ ﻟﻮ ﻭﺍﻛﻒ ﻛﻠﺒﻲ ﺷﺪﻛﻮﻟﻴﻦ ﺍﻟﺮﻭﺡ ٦ﺍﺳﻨﻴﻦ ﻛﻀﺖ ﻭﺍﻧﻪ ﺑﺤﺼﺮﻩ ﺍﻟﻀﻨﻪ ﻣﺎﻳﻮﻡ ﺫﺑﻴﺖ ﺍﻟﻮﻡ ﺑﻴﺞ ﺍﺗﻤﺮﺽ ﻭﻭﺍﻛﻊ ﺑﺒﺘﻼﺀ ﺗﺮﻭﺣﻴﻦ ﺗﻐﻴﺮﻥ ﻋﻼﺟﻲ ﺗﺨﻠﻴﻨﻲ ﻋﺎﺟﺰ ﺣﺘﻰ ﺗﻔﻀﺤﻴﻦ ﺑﻴﻪ ﻳﻮﻟﻮ ﻓﻬﻤﻮﻧﻲ ﺣﺠﻴﻪ ﺑﺮﻭﺡ ﻣﺤﻤﺪ ﻓﻬﻤﻴﻨﻲ ﺍﻧﻪ ﻣﺘﺰﻭﺝ ﻣﺮﻩ ﻟﻮ ﺷﻴﻄﺎﻥ
ﺣﺎﻃﻪ ﺧﻮﺍﺗﻲ ﺗﺴﻮﻟﻒ ﺑﻴﻪ ﻭﺍﻟﻠﻪ ﻟﻴﻌﻠﻢ ﺍﻟﻤﻦ ﻛﺎﻳﻠﻪ ﺍﻧﻮﺏ ﺟﺰﻋﺖ ﻣﻨﺞ ﺍﻧﻪ ﻣﻴﺴﻮﻥ ﻭﺭﻭﺣﻲ ﻣﻠﺖ ﻟﻴﻬﻴﻦ ﻭﻃﺮﻳﻘﻲ ﻭﻳﺎﺝ ﻧﺘﻬﻰ
ﻣﻮﻛﺎﺩﺭ ﺍﺗﺤﻤﻠﺞ ﺍﺯﻳﺪ ﻣﻨﺎ ﻭﻏﺎﺩ ﺍﻧﺘﻲ ﺑﺪﺭﺑﺞ ﻭﺍﻧﻪ ﺑﺪﺭﻱ ﺍﻧﻪ ﻭﻳﺎﺝ ﻭﺍﻣﻲ ﻧﺪﺭﻱ ﺑﻬﺎﻱ ﺍﻟﺴﺎﻟﻔﻪ ﻭﺍﻥ ﺭﺩﺗﻲ ﻏﻴﺮﻧﻪ ﻳﻌﺮﻑ ﻓﻜﻲ ﺣﻠﻚ ﺣﺘﻰ ﺍﺷﻜﻮ ﻭﺳﻮﻱ ﻭﺻﻠﺘﻴﻦ ﻻﻋﺒﺎﻟﺞ ﻣﻴﺖ ﻋﻠﻴﺞ ﺑﺲ ﻛﻠﻮ ﻟﺠﻞ ﻋﻴﻦ ﺑﻨﺘﺞ ﺍﻟﺤﺮﺍﻣﺎﺕ ﺍﻧﺘﻲ ﺍﻣﻪ ﻭﺍﻟﻒ ﺣﺮﺍﻣﺎﺕ
ﻧﻬﻀﺖ ﻭﻫﻴﻪ ﻛﺎﻣﺖ ﺗﻘﺪﻣﺖ ﻋﻠﻴﻪ ﻣﺸﻴﺖ ﻟﻠﺒﺎﺏ ﺍﻣﻲ ﺳﺎﻛﺘﻪ ﺗﺴﺒﺢ ﺟﻠﺒﺖ ﺑﻴﺪﻱ
ﻓﺎﺭﺱ ﺷﻨﻮ ﻫﺬﺍ ﺣﺠﻴﻚ
ﻓﺎﺭﺱ ﺗﻌﺮﻓﻨﻲ ﻣﺎﻋﻨﺪﻱ ﻏﻴﺮﻙ ﺩﻭﻡ ﺍﻏﻠﻂ ﻭﺗﺴﺎﻣﺤﻨﻲ
ﺍﺧﺎﻑ ﻣﻦ ﺣﺎﻟﻚ ﻭﺍﻧﺖ ﺑﻬﺬﺍ ﺷﻜﻞ
ﻓﺎﺭﺱ ﺷﻜﻮ ﺑﺮﺍﺳﻚ ﻓﻬﻤﻨﻲ
ﻧﺘﺮﺕ ﺍﻳﺪﻩ ﻣﺨﻨﺰ ﻗﺮﺑﺖ ﺭﻭﺣﻲ ﻳﻢ ﺍﺫﻧﻪ ﻫﻤﺴﺖ
ﻋﻤﺎﻳﻠﺞ ﺭﺍﺡ ﺍﺳﻜﺖ ﻋﻨﻪ
ﻣﺎﺭﺍﺡ ﺍﻓﻀﺤﺞ ﻭﻛﺘﻠﺞ ﻟﺠﻞ ﻋﻴﻦ ﺗﺒﺎﺭﻙ ﻭﻟﺠﻞ ﻣﺎﻃﺶ ﺳﺎﻟﻔﺘﺞ ﻭﺗﺼﻴﺮ ﻋﻠﻰ ﻛﻞ ﻟﺴﺎﻥ ﻣﻴﺴﻮﻥ ﻋﻴﺸﻪ ﻭﻳﺎﺝ ﻣﺎﻟﻴﻪ ﺑﻌﺪ ﻛﻔﻲ ﺭﻭﺣﺞ ﻣﻨﻲ ﺍﻧﺘﻲ
ﻃﺎﻟﻠﻠﻠﻠﻠﻠﻠﻚ
ﻛﻠﺘﻪ ﺑﺼﻮﺕ ﻭﺍﺣﺪ ﺟﺎﻥ ﻣﻜﺘﻮﻡ ﻋﻠﻰ ﺍﻧﻔﺎﺳﻮ ﺍﻣﻲ ﻓﺘﺤﺖ ﻋﻴﻮﻧﻪ ﺗﺴﺘﻐﻔﺮ ﺗﻬﺰ ﺑﺮﺍﺳﻪ ﻭﻣﻴﺴﻮﻥ ﻧﺠﻨﺖ ﺗﻠﻄﻢ ﻭﺗﻀﺮﺏ ﻭﺟﻪ ﻃﻠﻌﺖ ﻟﻠﺒﺎﺏ ﺟﻠﺒﺖ ﺑﻴﺪﻱ ﺗﺒﺠﻲ ﻧﺘﺮﺕ ﺍﻳﺪﻩ ﻣﻐﻤﺾ ﻭﻫﻴﻪ ﺗﻬﺰ ﺑﻴﻪ
ﻓﺎﺭﺱ ﻟﻴﺶ ﻫﻴﺞ ﻟﻴﺸﺸﺸﺸﺸﺶ ﺍﻟﻤﻦ ﻃﻠﻜﺘﻨﻲ ﻭﻳﻦ ﺍﻭﻟﻲ ﻭﻳﻦ ﺍﻧﻄﻲ ﻭﺟﻬﻲ ﺣﺮﺍﻡ ﻋﻠﻴﻚ ﺍﻧﻲ ﺍﺩﺣﻚ ﺍﻟﻠﻪ ﻭﺍﺩﺣﻚ ﻋﻠﻴﻚ ﺍﻟﻒ ﻧﻮﺑﻪ ﻛﺎﻟﻴﺘﻪ ﺍﻟﻚ ﻳﺎﻣﻪ ﻏﻠﻄﺖ ﻭﻏﻠﻄﺖ ﻣﺎﺟﻲ ﻋﻠﻰ ﺑﺎﻟﻲ ﺗﻄﻠﻜﻨﻲ ﻟﻴﺶ ﻓﺎﺭﺱ ﻟﻴﺶ
ﺿﻠﺖ ﺗﻨﺤﺐ ﻭﺗﺒﺠﻲ ﻟﻤﺖ ﺍﻟﺒﻴﺖ ﻭﺧﻮﺍﺗﻲ ﺍﺟﻮ ﻣﻦ ﺑﻴﻮﺗﻬﻢ ﺍﻣﻲ ﻣﺎﻧﻄﻘﺖ ﺍﺍﺍﺍﺑﺪ ﺧﻠﻴﺘﻬﻢ ﻭﺻﻌﺪﺕ ﻻﺑﺮﺭﺕ ﻭﻻﻧﻄﻴﺖ ﻣﺠﺎﻝ ﺍﻻﺣﺪ ﻳﺠﺎﺩﻟﻨﻲ ﺧﺎﺑﺮﺕ ﺧﻄﺎﺏ ﻛﺘﻠﻮ ﺍﻟﺼﺒﺢ ﺗﺰﺗﻪ ﻋﺪ ﻛﺮﺍﺑﺘﻪ ﺳﺪﻳﺘﻪ ﻭﻃﻠﻌﺖ ﻓﻠﻮﺱ ﻛﻠﺖ ﺍﻧﻄﻴﻬﻢ ﺍﻻﺍﻣﻲ ﺍﻟﺼﺒﺢ ﺗﺎﺍﻃﻠﻊ ﻣﻦ ﺧﻄﻴﺘﻪ ﻫﻴﻨﻮﺏ ﺍﻡ ﺧﻄﺎﺏ ﻣﺎﻋﻔﺘﻨﻲ ﺩﻙ ﺑﻠﺒﺎﺏ ﻭﺗﺘﺼﻞ ﻣﺎﺭﻳﺖ ﺍﻡ ﺛﺎﻣﺮ ﺗﻌﺮﻑ ﺍﻟﺴﺒﺐ ﻣﺎﺣﺠﺖ
ﺳﻨﻴﻦ ﻭﺍﻧﻪ ﺍﻛﺘﻢ ﻭﺍﻛﺘﻢ ﻋﻠﻴﺶ ﺷﺠﺎﺭﻳﻠﻲ ﺳﺎﻛﺖ ﺿﻠﻴﺖ ﺍﺩﺧﻦ ﻭﺍﺣﺮﻙ ﺑﺮﻭﺣﻲ ﻛﻞ ﻣﺎﺍﺻﻔﻦ ﺍﻛﻮﻝ ﺷﻮﻥ ﺍﻧﻪ ﺟﺎﺭﻋﻪ ﻛﻞ ﻫﺎﻱ ﺍﻟﺴﻨﻴﻦ ﺷﻮﻥ ﺣﺎﻣﻠﻪ ﻛﻞ ﻧﻮﺑﻪ ﺍﺳﻜﺖ ﻭﺍﺳﺎﻣﺢ ﻭﺩﺍﺭﻱ ﺧﺎﻃﺮ ﺗﺒﺎﺭﻙ ﻭﺧﺎﻃﺮ ﺍﻣﻲ ﻭﺧﺎﻃﺮ ﺍﻟﺒﻨﻮﺍﺕ ﻭﺧﺎﻃﺮ ﺍﻟﻨﺎﺱ ﻭﺍﻧﻪ ﻣﺤﺪ ﻳﺪﺍﺭﻱ ﺧﺎﻃﺮﻱ
ﻟﻠﻔﺠﺮﻳﻪ ﻏﻔﻴﺖ ﺳﺎﻋﺘﻴﻦ ﻭﻛﻌﺪﺕ ﺑﺪﻟﺖ ﻭﻧﺰﻟﺖ ﺧﻠﻴﺖ ﻓﻠﻮﺱ ﺑﻴﺪﻱ ﺍﻣﻲ ﻟﻤﻴﺴﻮﻥ ﻛﺘﻠﻪ ﺍﺟﻲ ﻣﺎﺭﻳﺪ ﺍﻟﻜﺎﻫﻪ ﻫﻴﻦ ﻣﺮﻳﺖ ﻟﻠﺸﻐﻞ ﺟﺎﻧﻲ ﻓﻴﺼﻞ ﺣﺎﺟﺎﻧﻲ ﺷﺼﺎﻳﺮ ﻳﺎﺑﻪ ﻛﺘﻠﻚ ﺗﺰﻭﺝ ﻣﻮﺗﻄﻠﻜﻪ ﻣﻨﻮ ﺍﻟﻪ ﺍﻟﻌﺎﻟﻢ ﺭﺍﺡ ﺗﺎﻛﻞ ﻭﺟﻮﻫﻨﻪ ﻭﺑﻨﺘﻪ ﻋﻨﺪﻙ ﻛﺘﻠﻪ ﺧﻮﻳﻪ ﻳﺮﺣﻢ ﺍﻫﻠﻚ ﺍﻃﻠﻌﻮ ﻣﻨﻪ ﺍﻧﻪ ﻃﻠﻜﺖ ﻭﻧﺘﻬﺖ
ﺻﻔﻴﺖ ﺟﻢ ﺷﻜﻠﻪ ﻭﻧﺰﻟﺖ ﻟﺒﻐﺪﺍﺩ ﻟﻠﺸﻘﻪ ﻛﻀﻴﺖ ﻧﻬﺎﺭ ﻛﺎﻣﻞ ﺑﻴﻪ ﻟﻠﻴﻞ ﻭﺟﻲ ﻋﻤﺮ ﺷﺎﻓﻨﻲ ﺗﻔﺎﺟﺎﻩ ﻓﺎﺕ ﻳﺪﺣﻚ ﻳﺸﻮﻓﻨﻲ ﺷﺎﺭﺏ ﻟﻮ ﺻﺎﺣﻲ ﺯﻛﺤﺖ ﺑﻲ ﺣﻴﻞ ﻛﻌﺪ ﻳﺤﺠﻲ ﺑﺪﺟﺪﻳﻪ
ﺷﻜﻮ ﺭﻭﺣﻚ ﻃﺎﻟﻌﻪ ﻳﻮﻝ ﻏﻴﺮ ﻣﺘﻔﺎﺟﻰ ﻣﺎﺩﺭﻱ ﺑﻴﻚ ﻫﻴﻦ
ﻋﺠﻞ ﺍﺧﺬ ﺍﺫﻥ ﻣﻨﻚ ﺳﺎﻋﻪ ﻟﺮﻳﺪ ﺍﺟﻲ ﻟﺸﻘﺘﻲ ﺷﺠﺮﺍﻟﻚ ﺟﻨﻚ ﻭﺍﺣﺪ ﻋﺎﻣﻠﻮ ﻣﺼﻴﺒﻪ ﻭﺧﺎﻳﻒ ﻣﻨﻪ
ﺣﻚ ﺭﺍﺳﻪ ﻭﻧﺰﻉ ﻳﻠﻜﻪ ﺿﺤﻚ ﺧﻔﻴﻒ ﻛﻠﺒﻲ ﺣﺲ ﻋﻨﺪﻭ ﺷﻲ ﻭﻛﻔﺖ ﻛﻀﺒﺘﻮ ﻣﻦ ﻳﺎﺧﺘﻮ
ﻋﻤﺮ ﺍﻧﻪ ﻓﺎﺭﺱ ﻣﻮ ﺟﺎﻫﻞ ﻛﺒﺎﻟﻚ ﺍﺣﺠﻲ ﺷﻀﺎﻡ ﻋﻠﻴﻪ ﻳﻮﻝ
ﻣﺎﻛﻮ ﻛﻠﺸﻲ ﺷﺒﻴﻚ ﻋﻠﻴﺶ ﻣﻄﻴﺮ ﻋﻴﻮﻧﻚ ﺗﺤﺴﺴﻨﻲ ﻣﺴﻮﻱ ﻋﻤﻠﻪ ﻭﻣﺎﺩﺭﻱ ﺑﺮﻭﺣﻲ
ﻋﺠﻞ ﺷﺒﻴﻚ ﻧﺨﻄﻒ ﻟﻮﻧﻚ ﻣﻦ ﺷﻔﺘﻨﻲ ﻋﻤﺮ ﻛﻠﺒﻲ ﻣﺎﻣﺮﺗﺎﺣﻠﻚ ﺣﺪﺭ ﻧﻜﻌﺪ ﺳﻮﻟﻔﻠﻲ ﺷﻌﻨﺪﻙ
ﻛﻌﺪ ﻳﻀﺤﻚ ﻣﺪ ﺭﻭﺣﻮ ﻛﺎﺿﺐ ﻧﻘﺎﻟﻮ ﻳﻐﻠﺲ ﻋﻠﻰ ﺍﻟﺴﺎﻟﻔﻪ ﺷﻠﺖ ﻟﻴﻠﻚ ﻃﺮﻳﺘﻮ ﻋﻠﻰ ﻭﺟﻬﻮ ﻭﺳﺘﻠﻤﺘﻮ ﺭﺯﺍﻳﻞ ﻭﻏﻠﻂ ﻋﺮﻓﺖ ﺷﻌﻨﺪﻭ
ﻃﺎﺡ ﺣﻀﻚ ﻳﺎﻋﺎﺭ ﻭﺩﻭﺭﺍﺕ ﺻﺎﻳﺮ ﺑﺮﺍﺳﻲ ﺷﻴﺦ ﻭﺗﻜﻌﺪ ﺗﻨﺼﺢ ﺑﻴﻪ ﻻﺗﺸﺮﺏ ﺣﺮﺍﻡ ﻭﻣﻮﺯﻳﻦ ﻋﺠﻞ ﻣﺎﺗﻨﺼﺢ ﺭﻭﺣﻚ ﻳﻮﻝ ﻳﺮﺑﻚ ﻫﺴﺎﻉ

ﻳﺠﻲ ﻳﻮﻡ ﻭﺗﺘﻤﺮﺽ ﻣﻦ ﻫﺎﻱ ﻟﺸﻜﻮﻝ ﺍﻟﺠﺎﻳﻔﻪ ﻟﺘﺠﻴﺒﻬﻢ ﻫﻴﻦ ﻭﻛﻮﻝ ﻓﺎﺭﺱ ﻛﺎﻝ
ﻳﻤﻮﻋﺪ ﺣﺠﻲ ﺷﻴﺦ ﻣﻮﻻﻧﻪ ﻋﻠﻰ ﻛﻴﻔﻚ ﻻﺗﻜﺒﺮﻩ ﺗﺪﺭﻳﻨﻲ ﻣﻮ ﺩﻭﻡ ﺍﺳﻮﻳﻪ ﻫﻴﻪ ﺟﻢ ﻧﻮﺑﻪ ﻭﺍﻟﻴﻮﻡ ﺟﻨﺖ ﻧﺎﻭﻱ ﺭﺑﻚ ﻣﺎﺟﺒﺘﻪ ﻭﺍﻧﺖ ﻫﻴﻦ ﺟﺎﻥ ﻓﻴﻨﺖ ﺣﻀﻲ
ﺍﻧﺠﻌﻢ ﺍﻧﺠﻌﻢ ﺑﻠﻘﺮﺍﻥ ﺳﻮﻳﻪ ﻧﻮﺏ ﺑﺸﻘﻪ ﻭﺷﻮﻑ ﺷﻴﺠﺮﺍﻙ ﻳﻮﻝ ﺗﺰﻭﺝ ﻋﻠﻴﺶ ﻫﺎﻱ ﺍﻟﺮﻋﻮﻧﻴﻪ ﺣﺘﻰ ﺍﻟﺸﻘﻪ ﺭﺍﺡ ﺗﺼﻴﺮ ﻣﺸﺒﻮﻫﻪ ﺍﻧﻪ ﺍﺷﺮﺏ ﻭﺍﻧﺖ ﺗﺠﻴﺐ ﻧﺴﻮﺍﻥ ﻋﻠﻰ ﻳﻮﻡ ﻳﺎﺧﺬﻭﻧﻪ ﺑﺘﻬﻤﻪ ﺍﻟﺪﻋﺎﺭﻩ ﻭﺳﺎﻋﺘﻪ ﺷﺪﻭ ﺭﻭﺳﻜﻢ ﻳﻜﺮﻋﺎﻥ
ﺍﻱ ﺯﻭﺍﺝ ﻳﻤﺼﻜﻮﻉ ﻫﻮﻩ ﺍﻧﺖ ﺷﻤﺤﺼﻞ ﺗﺎﺗﺤﺼﻞ ﺍﻧﻪ
ﻭﺍﻧﺖ ﺷﻌﻠﻴﻚ ﻣﻨﻲ ﺍﻧﻪ ﻭﺍﺣﺪ ﻓﺎﻳﻦ ﺣﻀﻮ ﺍﻧﺖ ﺷﺒﻴﻚ
ﻋﺠﻞ ﻏﻴﺮ ﺻﺎﺣﺒﻚ
ﻧﻄﻢ ﻭﺍﺳﻜﺖ ﺣﺬﺭﺗﻚ ﺑﻌﺪ ﻻﺩﻛﻮﻝ ﻣﺎﻛﻠﻲ ﺍﺗﺮﻙ ﻋﻨﻚ ﻫﻞ
ﻣﻮﺿﻮﻉ ﺳﻮﻟﻔﻠﻲ ﻋﻠﻰ ﺷﻐﻠﻚ ﺷﺴﻮﻳﺖ ﻣﺎﺳﻮﻳﺖ
ﺍﻟﻪ ﺻﺪﻙ ﺑﺎﻟﻠﻪ ﺫﻛﺮﺗﻲ ﻳﻮﻝ ﻓﺎﺭﺱ ﻣﺎﺗﻼﻡ ﻣﻦ ﻛﺘﻠﻲ ﻋﻠﻰ ﻫﺎﻱ ﻟﺒﻨﻴﻪ ﻏﻴﺮ ﺑﻠﻮﻩ ﻃﻠﻌﺖ
ﺍﻱ ﺑﻨﻴﻪ
ﺧﻮﻣﺎ ﻧﺴﻴﺖ ﺍﻟﺒﻨﻴﻪ ﺍﻟﺘﺪﻓﻊ ﺍﻟﺸﺎﻳﺐ ﻋﺮﺑﺎﻧﻪ ﺍﻟﻴﻮﻡ ﻭﺩﻳﺖ ﻣﺘﺒﺮﻉ ﻳﻮﺻﻞ ﻟﻠﻤﺨﻴﻢ ﻣﺴﺎﻋﺪﺍﺕ ﻭﻛﻀﺒﺘﻨﻲ ﻧﺎﺯﻟﻪ ﻋﻠﻴﻪ ﺩﻭﺳﻪ ﻭﻧﺺ ﺟﺪﺍﻡ ﺍﻟﻌﺎﻟﻢ ﺧﻠﺘﻨﻲ ﻣﺎﻧﺪﻝ ﺩﺭﺑﻲ
ﻓﺎﺭﺱ ..... ﺳﻮﻟﻔﻠﻲ ﺟﻨﺖ ﻣﺪﺩ ﺗﺮﺑﻌﺖ ﺧﻠﻴﺖ ﺍﻟﻤﺨﺪﻩ ﺑﺤﻀﻨﻲ ﻣﺮﻛﺰ ﻭﻳﺎﻩ ﻳﺴﻮﻟﻒ ﻭﺍﺗﺨﻴﻞ ﺷﻜﻠﻪ ﻭﻋﻴﻮﻧﻪ ﺣﺠﺎﻟﻲ ﻫﻮﺍﻱ ﺷﻮﻥ ﺯﺍﻣﺨﻪ ﺑﻲ ﻣﻦ ﻛﺎﻳﻠﻠﻪ ﻧﺴﻴﺖ ﺍﻭﺩﻱ ﺍﺳﻢ ﺍﺑﻮﺝ ﻟﻠﻤﻨﻀﻤﻪ ﻭﺍﺷﺮﺡ ﺣﺎﻟﺘﻮ ﺭﺍﺡ ﻣﻦ ﺑﺎﻟﻲ
ﺩﺍﺧﻠﻲ ﺻﺎﺭ ﻳﻔﻮﺭ ﻧﺘﺮﺕ ﺑﻲ
ﻳﻮﻝ ﻛﻞ ﻋﻜﻠﻚ ﺣﺮﻣﻪ ﺗﺴﻮﻱ ﻫﻴﺞ ﺑﻴﻚ ﺟﺪﺍﻡ ﺍﻟﻌﺎﻟﻢ
ﻓﺎﺭﺱ ﺷﺴﻮﻱ ﺷﺒﻴﺪﻱ ﻫﺎﻱ ﺍﻧﺖ ﻛﻠﺘﻪ ﺣﺮﻣﻪ ﺷﺘﺤﺎﺟﻲ ﺣﺮﻣﻪ
ﻭﺗﺎﻟﻲ
ﺗﻌﺬﺭﺕ ﻣﻨﻪ ﻛﺘﻠﻪ ﺑﺎﺟﺮ ﺟﺎﻱ ﻣﺨﺼﻮﺹ ﺍﺧﺬ ﺍﺑﻮﺝ ﻟﻠﻤﻨﻀﻤﻪ ﻳﺸﻮﻓﻮ
ﻃﺎﺡ ﺣﻀﻮ ﻟﺸﺎﺭﺑﻚ ﺷﻮﻥ ﺗﺨﻠﻴﻪ ﺗﺴﻮﻱ ﺑﻴﻚ ﻫﻴﺞ
ﻋﺠﻞ ﺍﺧﻠﻴﻪ ﺗﺮﻃﻦ ﻓﺎﺭﺱ ﻣﺎﺗﻨﺠﺮﻉ ﺩﻛﻮﻝ ﺭﺟﺎﻝ
ﻣﺪﺩﺕ ﺍﻓﻜﺮ ﻭﺍﺗﺨﻴﻞ ﺟﺴﺎﺭﺗﻪ ﻟﻮ ﺟﺪﺍﻣﻲ ﻳﻤﻜﻦ ﺍﺟﻌﺼﻪ ﻛﺒﺎﻟﻲ ﺻﺎﺡ ﻋﻤﺮ
ﻳﻮﻝ ﻫﻴﻦ ﻫﻴﻦ ﻭﻳﻦ ﺣﺪﺭ ﺍﻟﻤﺪﻟﻠﻮ
ﻭﻳﻦ ﻣﻮﻟﻲ ﻳﻤﻚ ﻫﻴﻦ ﺟﺎﻋﺪ ﻋﻠﻰ ﻛﻠﺒﻚ ﻣﻨﺎ ﻭﻏﺎﺩ
ﻻ ﺑﺮﺑﻚ ﻋﻠﻴﺶ
ﻃﻠﻜﺖ ﺍﻟﺤﺮﻣﻪ
ﺑﺮﻭﺡ ﻣﺤﻤﺪ ﺗﺤﺠﻲ ﺻﺪﻙ
ﻋﺠﻞ ﺍﺟﺬﺏ ﻫﺎﻱ ﺍﻟﺴﻮﺍﻟﻒ ﻣﺎﺑﻴﻪ ﺷﻘﻪ
ﻛﻠﻠﻠﻠﻠﻠﻠﻠﻠﻠﻠﻠﻠﻠﻠﺶ ﻳﺮﺑﻚ ﻏﻴﺮ ﺩﻛﻮﻝ ﻏﻴﺮ ﺗﺤﺠﻲ ﻭﺷﻜﺪ ﺣﺎﻣﻲ ﺩﻣﻚ ﻳﺎﺑﻮﻟﻐﻴﺮﻩ ﺷﻜﺪ ﺣﺎﻣﻲ ﺩﻣﻚ ﻳﺎﺑﻮ ﺍﻟﻐﻴﺮﻩ
ﺷﺘﻌﻞ ﺷﻴﺐ ﺍﺑﻮ ﺍﻟﺨﻠﻔﻚ ﻓﻀﺤﺘﻨﻪ ﻣﻨﺎ ﺍﻟﻌﺎﻟﻢ ﺗﺼﻨﺖ ﺷﺠﺎﻙ ﺗﺨﺒﻠﺖ ﺍﺛﻜﻞ ﻳﻠﺨﺒﻞ ﺍﺛﻜﻞ
ﺍﻱ ﺍﺛﻜﻞ ﻳﻮﻟﻮ ﺍﻧﻪ ﺍﻟﻔﺮﺣﻪ ﻣﻮﺳﻴﻌﺘﻨﻲ ﺟﻨﻲ ﺍﻧﻪ ﻣﺒﺘﻠﻲ ﺑﻬﺎﻱ ﺍﻟﺤﺮﻣﻪ ﻭﻫﺴﺎﻉ ﻃﻠﻜﺘﻪ ﻫﻢ ﺣﺎﺳﺐ ﺭﻭﺣﻚ ﻣﺘﺰﻭﺝ ﻓﺎﺭﺱ ﻻﺗﺰﻋﻞ ﻣﻨﻲ ﻟﻮﻛﺎﻳﻠﻲ ﻣﺰﻭﺟﻚ ﺍﻣﻲ ﻭﻻ ﺍﻡ ﺗﺒﺎﺭﻙ
ﻫﻬﻬﻬﻬﻬﻬﻬﻬﻪ ﻭﺍﻣﻚ ﻣﻨﻴﻠﻪ ﺭﻭﺡ ﻫﻴﻪ ﺿﺎﻟﻪ ﻟﺤﻠﻘﻪ ﻟﺨﻴﺮﻩ
ﻏﻴﺮ ﺍﻧﺖ ﻣﺎﺗﺪﺭﻱ ﻳﻮﻝ ﺍﻟﺤﺮﻣﻪ ﻣﻦ ﺗﺴﻤﻊ ﺑﻄﺎﺭﻱ ﺍﻟﺮﺟﺎﻝ ﻟﻮﻋﻤﺮﻩ ١٠٠ ﻳﺮﺩ ٥٠ ﻟﻴﻮﺭﻩ
ﺍﻟﻠﻪ ﻳﺼﻜﻌﻚ ﺷﻮﻥ ﻋﻨﺪﻙ ﺳﻮﺍﻟﻒ ﻛﻮﻡ ﺳﻮﻳﻠﻲ ﺟﻮ ﺍﺭﻳﺪ ﺍﺷﺮﺏ
ﺷﺴﻮﻳﻠﻚ ﻣﺸﻌﻮﻝ ﺍﻟﺼﻔﺤﻪ ﺍﺷﺪﻟﻚ ﻭﺻﻠﻪ ﻭﺍﺭﻛﺺ ﺑﺲ ﻣﺎﻛﺴﺮ ﺧﺎﻃﺮ ﺍﻟﻴﻮﻡ ﺍﻧﺖ ﻣﻨﺴﻢ ﺿﻞ ﺍﺿﺮﺏ ﺑﻠﻨﻜﻮ ﻭﺩﻋﻴﻠﻲ ﺍﻗﻨﻠﻌﻠﻚ ﺍﻣﻲ ﺑﻠﻜﺖ ﺗﻘﺒﻞ ﺑﻴﻚ ﻫﻢ ﺍﺧﻠﺺ ﻣﻨﻚ ﻭﻫﻢ ﺍﺧﻠﺺ ﻣﻨﻪ
ﺷﻮ ﻛﻮﻡ ﻣﻨﻲ ﺍﺑﻦ ﺍﻟﻄﺮﺍﻙ ﺳﺘﻠﻤﺘﻨﻲ ﺣﺎﺻﻞ ﻓﺎﺻﻞ ﻭﺗﺮﻳﺪ ﺗﺰﻭﺟﻨﻲ ﺍﻣﻚ ﺷﻜﺎﻟﻮﻟﻚ ﻋﺎﻳﻒ ﺭﻭﺣﻲ ﻟﻮ ﺗﺸﺮﺏ ﻭﻳﺎﻱ ﻟﻮﺗﻨﻜﻠﻊ ﻣﺎﺭﻳﺪ ﺗﻌﻜﺮ ﻣﺰﺍﺟﻲ
ﺷﺎﻝ ﺍﻟﻴﻠﻚ ﻳﻔﺮ ﺑﻲ ﻭﻳﻬﻮﺱ ﻓﺎﺕ ﻳﻨﺎﻡ ﻭﺍﻧﻪ ﻣﺜﻞ ﻛﻞ ﻳﻮﻡ ﺍﺷﺮﺏ ﻟﻤﻦ ﺍﻧﺘﻬﻲ ﻭﻧﺎﻡ ﻣﺎﺩﺭﻱ ﺑﺪﻧﻴﻪ ﻭﻳﻦ ﻳﻮﻣﻴﻦ ﺗﻼﺛﻪ ﺍﺧﺎﺑﺮ ﺍﻫﻠﻨﻪ ﻣﺎﺟﺎﺑﻮ ﻃﺎﺭﻱ ﻣﻴﺴﻮﻥ ﺣﺘﻰ ﺗﺒﺎﺭﻙ ﺳﺎﻛﺘﻪ ﻣﺎﺗﺤﺠﻲ ﻏﻴﺮ ﺑﺎﺑﺎ ﻣﺸﺘﺎﻛﺘﻠﻚ ﺷﻮﻛﺖ ﺗﺠﻲ ﻓﺪﻳﻮﻡ ﻋﻤﺮ ﺟﻲ ﻣﻦ ﺍﻟﺪﻭﺍﻡ ﻏﺮﺍﺿﻮ ﻋﻠﻰ ﻣﻴﺰ ﻭﺟﻴﺖ ﺍﺷﺤﻦ ﻧﻘﺎﻟﻲ ﺷﻠﺘﻬﻢ ﻋﻠﻰ ﺻﻔﺤﻪ ﻭﻛﻌﻮ ﻧﺼﻬﻢ ﻣﻦ ﺍﻳﺪﻱ ﺗﻄﺸﺮﻭ ﺑﻠﻜﺎﻉ ﺩﻧﻜﺖ ﺍﻟﻤﻬﻢ ﻣﺠﻤﻮﻋﻪ ﻣﺴﺘﻤﺴﻜﺎﺕ ﺳﺘﻨﺴﺎﺥ ﺻﺎﺭﺕ ﺻﻮﺭﻩ ﻟﺒﻨﻴﻪ ﻟﺸﻔﺘﻪ ﺑﻠﺨﻴﻢ ﻛﺒﺎﻟﻲ ﺑﻨﺺ ﺍﻟﻔﺎﻳﻞ ﺍﺧﺬﺗﻪ ﻭﻛﻌﺪﺕ ﺍﻛﻠﺐ ﺑﻲ ﺷﻔﺖ ﺍﻟﺒﻄﺎﻗﻪ ﺍﻟﺘﻤﻮﻳﻨﻴﻪ ﺍﺳﻤﻪ ﻭﺍﺳﺎﻣﻲ ﺍﻫﻠﻪ ﺿﻠﻴﺖ ﺍﻛﻠﺐ ﻭﻋﻴﻨﻲ ﺑﺼﻮﺭﻩ ﺍﺯﻳﺪ ﺷﻲ ﻋﻴﻮﻧﻪ ﻳﻮﻛﻌﻦ ﺃﻛﺒﺮ ﺯﻟﻤﻪ ﺍﻧﻮﺏ ﺍﺳﻤﻪ ﺍﺩﻳﺎﻥ
ﻃﻮﻳﺖ ﺍﻟﻔﺎﻳﻞ ﺧﻠﻴﺘﻮ ﺑﻤﻜﺎﻧﻮ ﻭﺣﺎﺟﻴﺖ ﻋﻤﺮ ﻛﺘﻠﻪ ﺍﺭﻳﺪ ﺍﺭﻭﺡ ﻟﻠﻤﺨﻴﻢ ﺍﺳﺎﻋﺪﻫﻢ ﺻﻔﻦ ﻣﺘﻌﺠﺐ ﺗﺤﺠﻲ ﺻﺪﻙ ﻛﺘﻠﻪ ﺷﻜﻮ ﺑﻴﻪ ﺍﻟﻠﻪ ﻣﻔﻀﻞ ﻋﻠﻴﻪ ﻋﻠﻴﺶ ﺍﺑﺨﻞ ﻋﻠﻰ ﺍﻟﻨﺎﺱ ﺍﻟﻤﺤﺘﺎﺟﺔ ﻓﻬﻤﻨﻲ ﺍﻟﻤﺴﺎﻋﺪﻩ ﺗﺼﻴﺮ ﺍﺗﺒﺮﻉ ﺑﻤﺒﻠﻎ ﻭﺍﻟﻤﻨﻀﻤﻪ ﺗﺠﻬﺰ ﺍﻟﻤﻮﺍﺩ ﺍﻟﻐﺬﺍﺋﻴﻪ ﻛﺘﻠﻪ ﺍﻟﻴﺮﻫﻢ ﺳﻮﻱ ﺑﺲ ﺍﺭﻳﺪ ﺍﺭﻭﺡ ﻟﻠﻤﺨﻴﻢ ﺍﺷﻮﻑ ﻟﻬﻔﻪ ﺍﻟﻨﺎﺱ ﻭﻓﺮﺣﺘﻬﻢ ﻳﻮﻡ ﻭﺛﺎﻧﻲ ﺿﺒﻂ ﻋﻤﺮ ﻛﻠﺸﻲ ﻭﺭﺣﻨﻪ ﻫﻞ ﻧﻮﺑﻪ ﺑﺴﻴﺎﺭﺗﻲ ﻫﻮﻩ ﺭﺍﺣﻮ ﻭﻳﺎﻩ ﺭﺑﻌﻮ ﻭﺻﻠﻨﻪ ﻟﻤﺨﻴﻢ ﻟﻨﺎﺱ ﻋﺒﺎﻟﻚ ﺃﻛﺜﺮ ﻣﻦ ﻛﺒﻞ ﻧﻔﺲ ﺍﻟﻮﻛﻔﻪ ﻧﻔﺲ ﺍﻟﻬﻮﺳﻪ ﻭﻧﻔﺲ ﺍﻟﻠﻬﻔﻪ ﺭﻭﺍﺣﻬﻢ ﻃﺎﺭﺕ ﺑﻠﻤﺴﺎﻋﺪﺍﺕ ﻛﻞ ﻭﺍﺣﺪ ﻳﺮﻭﺡ ﻣﺮﻩ ﻭﻳﺸﻮﻑ ﺍﻟﻔﺮﺣﻪ ﺑﻌﻴﻮﻧﻬﻢ ﻭﺩﻩ ﻳﺮﻭﺡ ﻛﻞ ﻳﻮﻡ ﺍﻟﺒﻨﻴﻪ ﺷﻔﺘﻪ ﻭﺍﻛﻔﻪ ﺑﺴﺮﻩ ﺍﺧﺬﺕ ﺣﺎﻟﻪ ﺣﺎﻝ ﺍﻟﻌﺎﻟﻢ ﻭﻋﻴﻮﻧﻲ ﻣﺸﺖ ﻭﺭﺍﻫﻪ ﻟﻴﺤﺪ ﺍﻟﺨﻴﻤﻪ ﻓﺎﺗﺖ ﻭﺍﻧﻪ ﺍﺩﺣﻚ ﺑﻴﻪ
ﺷﻨﻮ ﺍﻟﻄﻮﻝ ﺷﻨﻮ ﺍﻟﺠﺴﻢ ﻣﺼﻔﻮﻙ ﺻﻔﻚ ﻭﻟﺮﻣﻮﺵ ﻧﺎﺯﻟﻪ ﻋﻠﻰ ﺍﻟﻌﻴﻮﻥ ﺗﻐﻄﻲ ﺫﺍﻙ ﻟﺒﺮﺩﺍﻥ ﺑﻌﺰ ﺷﺘﻴﻰ
ﻧﻬﺎﺭ ﻟﺮﺟﻌﻨﻪ ﻣﺎﺷﻠﺘﻪ ﻣﻦ ﺑﺎﻟﻲ ﺻﺮﺕ ﺍﺳﺌﻞ ﻋﻤﺮ ﻋﻨﻪ ﻛﻠﻲ ﺍﺑﻮﻩ ﻣﺸﻠﻮﻝ ﻭﻋﻨﺪﻭ ﺃﻛﺜﺮ ﻣﻦ ﺟﻠﻄﻪ ﺭﺍﻳﺪﻟﻪ ﺭﺣﻠﻪ ﻋﻼﺝ ﻃﻮﻳﻠﻪ ﻭﺑﻌﺪﻩ ﺍﺫﺍ ﺳﺘﻘﺒﻞ ﺟﺴﻤﻮ ﻳﺴﻮﻭﻟﻪ ﺟﻠﺴﺎﺕ ﻋﻼﺝ ﻃﺒﻴﻌﻲ ﺭﻭﺣﻲ ﺻﺎﺭﺕ ﺑﻬﺬﺍ ﺍﻟﻤﺨﻴﻢ ﻛﻤﺖ ﻛﻞ ﻓﺮﺻﻪ ﺍﻟﻜﺎﻩ ﺍﺭﻭﺡ ﻭﻳﺎﻩ ﻋﻤﺮ ﺍﻛﺜﺮ ﻣﻦ ﻧﻮﺑﻪ ﺗﺒﺮﻋﺖ ﻳﺸﻬﺪ ﺍﻟﻠﻪ ﻣﻮ ﺑﺎﻟﻲ ﻏﻴﺮ ﻓﺮﺣﺖ ﻫﺎﻱ ﺍﻟﻨﺎﺱ ﻭﺍﻟﻀﺤﻜﻪ ﺑﻮﺟﻪ ﺍﻟﺠﻬﻴﻞ ﻣﻦ ﺗﺸﻮﻑ ﺍﻟﻜﺎﺭﺗﻮﻧﻪ
ﺍﻟﻤﻨﻀﻤﻪ ﻣﺎﺗﻔﻮﺕ ﻭﺍﺣﺪ ﻣﺜﻠﻲ ﻳﻌﺘﺒﺮﻭ ﺷﺨﺺ ﻣﺘﻤﻜﻦ ﻳﻤﺘﻰ ﻣﺎﻃﻠﺒﻮ ﻣﻨﻮ ﻣﺎﻳﺮﺩﻫﻢ ﻭﺍﻧﻪ ﻣﺎﺑﺨﻠﺖ ﺣﺒﻴﺖ ﻫﺎﻱ ﺍﻟﺸﻐﻠﻪ ﻭﺑﺲ ﻛﺎﻝ ﻋﻤﺮ ﻓﺎﺭﺱ ﺗﺼﻴﺮ ﻋﻀﻮ ﻣﺘﻄﻮﻉ ﺑﻠﻤﻨﻀﻤﻪ ﺑﺪﻭﻥ ﺗﻔﻜﻴﺮ ﻭﺍﻓﻘﺖ ﻛﻤﺖ ﺍﺭﻭﺡ ﻟﻠﻔﻠﻮﺟﻪ ﻭﺍﺭﺩ ﻟﺒﻐﺪﺍﺩ ﻣﻴﺴﻮﻥ ﻣﺎ ﺷﻔﺘﻪ ﺍﺑﺪ ﻭﻻ ﺳﺌﻠﺖ ﻋﻠﻴﻪ ﺍﻃﻮﻝ ﻭﻛﺘﻲ ﺻﺎﺭ ﺑﻐﺪﺍﺩ ﺍﻟﺤﺠﻴﻪ ﺟﺎﻧﺖ ﺗﺸﺠﻌﻨﻲ ﻭﺗﺪﻋﻲ ﻭﺗﺮﺩ ﺗﺒﺠﻲ ﻣﻦ ﺍﺳﻮﻟﻔﻠﻪ ﺣﺎﻝ ﺍﻟﻤﻬﺠﺮﻳﻦ ﻃﻠﻌﺖ ﻣﺒﻠﻎ ﺑﺜﻮﺍﺏ ﺍﻟﻤﺮﺣﻮﻡ ﻋﺪﻧﺎﻥ ﻭﻓﻴﺼﻞ ﺟﺎﻧﺖ ﻧﻬﺎﻳﻪ ﺳﻨﻪ ﺟﺎﻣﻌﻴﻦ ﻭﺍﺩﺭ ﺍﻟﺸﻐﻞ ﻃﻠﻊ ﻣﻨﻮ ﺻﺪﻗﻪ ﺟﻤﻌﺘﻬﻢ ﻭﻋﺮﺿﺖ ﻋﻠﻰ ﺍﻟﻤﻨﻀﻤﻪ ﻧﺠﻬﺰﻫﻢ ﻫﺎﻱ ﺍﻟﻨﻮﺑﻪ ﻓﺎﺭﺵ ﻓﺘﻨﻪ ﺑﺸﺘﻰ ﻭﺍﻟﺠﻮ ﺻﺎﺭ ﻣﺎﻳﻨﺤﻤﻞ ﺑﺪﺍﻳﻪ ﺷﻬﺮ ﺍﻝ١١ - ٢٠١٣ ﺍﺧﺬﻧﻪ ﺳﻴﺎﺭﻩ ﺟﺒﻴﺮﻩ ﻣﺤﻤﻠﻪ ﺑﻄﺎﻧﻴﺎﺕ ﻭﺧﻴﻢ ﻣﺸﻤﻌﻬﻢ ﺍﻗﻮﻩ ﻻﻥ ﺧﻴﻤﻬﻢ ﺍﻟﺤﺮ ﻭﺍﻟﺸﻤﺲ ﻫﻠﻜﻪ
ﻭﺻﻠﻨﻪ ﺿﻬﺮﻳﻪ ﺍﻟﺪﻧﻴﻪ ﻣﻐﻴﻤﻪ ﺗﺮﻳﺪ ﺗﻤﻄﺮ ﺟﻨﺖ ﻓﺎﺗﺢ ﺑﺎﺏ ﺍﻟﻴﺴﺎﺭﻩ ﻭﺟﺎﻋﺪ ﺍﺳ

ﺠﻞ ﺍﺳﻤﺎﺀ ﻳﻤﺮ ﻣﻦ ﻳﻤﻲ ﺍﺳﺠﻞ ﺍﺳﻤﻮ ﻭﻳﺮﻭﺡ ﻳﺴﺘﻠﻢ ﻣﺪﻧﻚ ﻣﻨﺪﻣﺞ ﻭﺍﻟﻬﻮﺳﻪ ﻧﺎﺱ ﺗﺪﻓﻊ ﺑﻨﺎﺱ ﺗﻮﻧﻲ ﺳﺠﻠﺖ ﺍﺳﻢ ﺣﺎﺯﻡ ﻓﺎﺿﻞ ﻋﺒﺎﺱ ﺟﺒﺮ ﻭﺭﺩ ﻧﻔﺲ ﺍﻟﺼﻮﺕ ﻧﻌﺎﺩ ﺑﺬﻧﻲ ﻓﺎﺿﻞ ﻋﺒﺎﺱ ﺟﺒﺮ ﺭﻓﻌﺖ ﺭﺍﺳﻲ ﻟﺒﻨﻴﻪ ﺍﻡ ﻋﻴﻮﻥ ﻛﺒﺎﻟﻲ ﻛﺘﻠﻪ
ﺧﻴﺘﻲ ﺍﺿﻦ ﺍﺳﺘﻠﻤﺘﻮ ﺑﻬﺬﺍ ﺍﻻﺳﻢ
ﺳﻜﺘﺖ ﻭﺭﺩﺕ ﻛﺎﻟﺖ ﺑﻨﺘﺮ .... ﻣﻼﺯﻡ ﻗﺤﻂ ﻣﻨﺮﺭﻳﺪ
ﺧﻠﺘﻨﻲ ﻭﻣﺸﺖ ﺷﻨﻮ ﻫﺎﻱ ﺍﻟﻜﺒﺎﺣﻪ ﺷﻮﻥ ﺗﻨﺘﺮ ﺑﻴﻪ ﻫﻴﺞ ﺍﺷﺘﻐﻞ ﻋﺪ ﺍﻟﺨﻠﻔﻪ ﺍﻧﻪ ﻭﻛﻔﺖ ﻛﻀﺒﺖ ﻋﻤﺮ ﺍﻟﺴﺠﻞ ﻳﻜﻤﻞ ﻭﻣﺸﻴﺖ ﻭﺭﺍﻩ
ﻳﻮﻝ ﻫﻴﻦ ﻫﻴﻦ ﺍﻛﻔﻲ ﺍﻛﻔﻲ ﻭﻳﻦ ﺭﺍﻳﺤﻪ
ﻧﺪﺍﺭﺕ ﻣﺨﻨﺰﺭﻩ .... ﺧﻴﺮ ﺷﻜﻮ
ﻋﻠﻰ ﻛﻴﻔﺞ ﻳﺎﺑﻪ ﺍﻧﺘﻲ ﻋﻠﻴﺶ ﺗﻨﺘﺮﻳﻦ ﺍﻧﻪ ﺳﺌﻠﺘﺞ ﻣﺎﻛﺎﻭﻧﺘﺞ
ﺷﻨﻮ
ﺍﻧﺘﻲ ﻣﺎﺗﺴﻤﻌﻴﻦ
ﺍﺣﺘﺮﻡ ﻧﻔﺴﻚ
ﻋﺠﻞ ﺍﻛﻠﺞ ﻣﺎﻛﺎﻭﻧﺘﺞ ﺩﻛﻮﻟﻴﻦ ﺷﻨﻮ
ﻭﺍﻧﻲ ﺷﻌﺮﻓﻨﻲ ﺍﻧﺖ ﻣﻨﻴﻦ ﻛﺎﻭﻧﺘﺞ ﺷﻨﻮ
ﻭﺍﻧﺘﻲ ﺷﺪﻋﻮﺍﺝ ﻣﻌﺼﺒﻪ ﺗﻬﺪﻱ ﻳﺎﺑﻪ ﺗﻬﺪﻱ ﻻﻳﻄﻜﻠﺞ ﻋﺮﺝ
ﺍﻧﺖ ﻭﺍﺣﺪ ﻗﻠﻴﻞ ﺍﺩﺏ ﻭﻣﺘﺴﺘﺤﻲ ﺷﺎﻳﻒ ﻧﻔﺴﻚ ﻫﺎﺍﺍﺍ ﻻﻋﺒﺎﻟﻚ ﺗﺬﻟﻨﻪ ﺑﻄﺎﻧﻴﻪ ﻃﻮﻟﻪ ﻭﻋﺮﺿﻪ ﻣﺘﺮﻩ ﻣﺘﻐﻄﻲ ﺍﺑﻦ ﻧﻔﺎﺱ ﻟﻮ ﻣﺨﺪﻩ ﻻﻫﻴﻪ ﺻﻮﻑ ﻭﻻﻫﻴﻪ ﻛﻄﻦ ﻳﻮﻣﻴﻦ ﻭﺗﻔﺶ ﺗﺼﻴﺮ ﻭﺻﻠﻪ ﻣﺴﺢ ﻭﻓﻮﻛﺎﻩ ﻣﺎﺭﺿﻲ ﻳﻨﻄﻴﻨﻪ ﺭﻭﺡ ﺑﺎﺑﺎ ﺭﻭﺡ ﻻﺧﻠﻔﻪ ﻋﻠﻴﻜﻢ
ﺭﻓﻌﺖ ﺍﺻﺒﻌﻲ ﺑﻮﺟﻬﻪ ﻣﻬﺪﺩ
ﺑﻠﻘﺮﺍﻥ ﻭﺍﻟﻔﺮﻗﺎﻥ ﻟﻮﺟﺪﺍﻣﻲ ﺭﺟﺎﻝ ﻭﺣﺎﺟﻲ ﺍﻭﻝ ﺟﻠﻤﻪ ﻛﻠﺘﻴﻪ ﻟﻜﻮﻥ ﺩﺍﻓﻨﻮ ﻛﺒﺎﻟﻲ ﻭﻧﺎﻋﻞ ﺍﻣﻮ ﻭﺍﺑﻮ ﺑﺲ ﺷﺴﻮﻳﻠﺞ ﺣﺮﻣﻪ ﺣﺮﻣﻪ ﻭﺍﺟﻔﻪ ﻛﺒﺎﻟﻲ ﻫﻮﻩ ﻣﻮﺻﻮﺟﺞ ﺻﻮﺟﻲ ﺍﻧﻪ ﺍﻟﻌﺎﻳﻒ ﺷﻐﻠﻲ ﻭﺟﺎﻱ ﻭﺭﺍﺝ ﺑﺪﺍﻝ ﻣﺎﺗﻌﻠﻤﻴﻦ ﺍﻟﻨﺎﺱ ﺍﻻﺣﺘﺮﺍﻡ ﻋﻠﻤﻲ ﺭﻭﺣﺞ
ﻋﺸﺘﻮ ﻋﺸﺘﻮ ﺷﻐﻠﻪ ﻟﻴﺴﻤﻌﻚ ﻳﻜﻮﻝ ﺻﺪﻙ ﺍﻧﺘﻮ ﻣﺸﺘﻐﻠﻴﻦ ﻭﻣﺴﻮﻳﻠﻨﻪ ﺧﻴﺮ
ﺍﻧﺘﻲ ﻋﻠﻴﺶ ﻟﺴﺎﻧﺞ ﻓﺎﻟﺖ ﻳﻮﻝ ﻳﺮﺑﺞ ﺍﻧﻲ ﻟﻮﻋﻨﺪﻱ ﺍﻟﻪ ﺍﻛﺼﻮ ﻟﻬﺬﺍ ﺍﻟﻠﺴﺎﻥ
ﺍﻧﺖ ﺷﻜﺪ ﺗﻮﺋﻮﻭﺀ ﻟﺨﺎﻃﺮ ﺍﻟﻠﻪ ﻣﺪﻛﻠﻲ ﺍﻧﺖ ﻣﻨﻴﻦ ﺑﺲ ﻻ ﻣﻦ ﺫﻭﻟﻪ ﻟﺒﻠﺨﺎﺭﺝ ﻭﺟﺎﻱ ﺗﺘﻔﻠﺴﻒ ﺑﺮﺍﺳﻲ
ﻋﺠﻞ ﺷﻜﺪ ﻏﺸﻴﻤﻪ ﺍﻧﺘﻲ ﺍﻛﻮ ﻭﺣﺪﻩ ﻣﺎ ﺗﻌﺮﻑ ﺍﺑﻦ ﺑﻠﺪﻩ ﻣﻦ ﺍﺑﻦ ﺍﻟﺨﺎﺭﺝ
ﻭ ﺍﻟﻠﻪ ﻣﺎﻛﻤﻨﻪ ﻧﻌﺮﻓﻜﻢ ﺍﻧﺘﻮ ﺍﻟﺰﻧﺎﻛﻴﻞ ﺻﺎﺭ ﺍﻟﺨﺎﺭﺝ ﻋﺪﻛﻢ ﻣﺜﻞ ﻟﺪﺭﻭﺑﻪ ﺑﺼﻒ ﺩﺭﺑﻮﻧﻪ ﻣﺴﻮﻳﻨﻪ ﺧﺮﻱ ﻣﺮﻱ
ﺑﺘﺴﻤﺖ ﺑﺎﻟﻠﻪ ﻣﻮﻟﺴﺎﻥ ﺭﺷﺎﺷﻪ ﻧﺼﻴﺖ ﻭﺭﻓﻌﺖ ﺭﺍﺳﻲ ﻳﺎﺑﻪ ﺍﻧﺘﻲ ﺑﻨﻴﻪ ﺍﻟﻜﻠﻤﻪ ﻟﺪﻛﻮﻟﻴﻪ ﻣﺤﺴﻮﺑﻪ ﻋﻠﻴﺞ ﻭﻋﻠﻰ ﺍﺧﻼﻗﺞ ﻭﺗﺮﺑﻴﺘﺞ ﺍﻧﻪ ﻣﻦ ﻛﺘﻠﺞ ﺳﺘﻠﻤﺘﻮ ﻻﻥ ﻛﺒﻠﻮ ﻧﻔﺲ ﺍﻻﺳﻢ ﻣﺮ ﻋﻠﻴﻪ ﻫﺬﺍ ﻛﻞ ﻗﺼﺪﻱ
ﻛﺎﻟﺖ ﺑﻬﺪﻭﺀ ﺟﺎﺭﻩ ﻋﻴﻨﻪ ... ﻏﻴﺮ ﻋﺪﻧﻪ ﺑﻄﺎﻗﺘﻴﻦ
ﻭﺷﺼﺎﺭ ﻟﻮ ﻛﻠﺘﻲ ﻫﻴﺞ ﻣﻦ ﺍﻟﺒﺪﺍﻳﻪ
ﺳﻜﺘﺖ ﺗﻨﻬﺪﺕ ﻋﺎﻓﺘﻨﻲ ﻭﻓﺎﺗﺖ ﻟﻠﺨﻴﻤﻪ ﺭﺩﻳﺖ ﻟﻠﺴﻴﺎﺭﻩ ﺳﺤﺒﺖ ﺑﻄﺎﻧﻴﻪ ﻭﺟﻴﺲ ﻣﺨﺎﺩ ﻭﻳﺎﻫﻢ ﺧﻴﻤﻪ ﺷﻠﺘﻬﻢ ﻋﻤﺮ ﻳﺪﺣﻚ ﻋﻠﻴﻪ
ﻓﺎﺭﺱ ﻭﻳﻦ ﺭﺍﻳﺢ ﻫﻤﻪ ﻳﺠﻮﻥ
ﺑﻌﺪﻳﻦ ﺍﻓﻬﻤﻚ
ﻋﺠﻞ ﺍﺟﻲ ﻭﻳﺎﻙ
ﻫﻢ ﺣﻄﻴﺖ ﺭﻭﺣﻚ ﺍﻧﺠﻌﻢ ﺣﻴﺮ ﺑﻠﻨﺎﺱ ﻋﻮﻑ ﻓﺎﺭﺱ
ﻣﺸﻴﺖ ﻟﻠﺨﻴﻤﻪ ﻭﻛﻔﺖ ﻛﺒﺎﻟﻪ ﻃﻠﻊ ﺟﺎﻫﻞ ﻳﺮﻛﺾ ﻋﺒﺎﻟﻚ ﻭﺍﺣﺪ ﺭﺍﻛﺾ ﻭﺭﺍﻩ ﻟﻄﻢ ﺑﻴﻪ ﻭﻛﻊ ﺍﻟﺠﻴﺲ ﻣﻦ ﺍﻳﺪﻱ ﻃﻠﻌﺖ ﺍﻡ ﻋﻴﻮﻥ ﺗﻠﺒﺲ ﺑﻠﺸﺎﻝ ﻛﺬﻟﺘﻪ ﻃﺎﻟﻌﻪ ﺷﺎﻓﺘﻨﻲ ﺭﺩﺕ ﻟﻴﻮﺭﻩ ﻭﻃﻠﻌﺖ ﻻﻓﺘﻪ ﺯﻳﻦ ﺩﻧﺠﺖ ﺭﻓﻌﺖ ﺍﻟﺠﻴﺲ ﻭﻣﺪﻳﺖ ﺍﻳﺪﻱ
ﺗﻔﻀﻠﻲ ﺧﻴﺘﻲ
ﺗﺮﻩ ﻣﺎﻟﻪ ﺩﺍﻋﻲ ﻫﺬﺍ ﻫﻮﻩ ﺍﺧﺬﻧﻪ
ﻳﺎﺑﻪ ﻣﺎﻣﻨﻄﻴﺞ ﻣﻦ ﺟﻴﺒﻲ ﺩﺍﻡ ﻋﻨﺪﺝ ﺑﻄﺎﻗﻪ ﺗﺴﺘﻠﻤﻴﻦ ﻭﺍﻧﻪ ﺍﻟﻤﻤﻨﻮﻥ
ﺗﺴﻠﻢ ﻣﺸﻜﻮ ﺭ
ﻳﺴﻠﻤﺞ ﻳﺎﺑﻪ ﺍﺗﺮﺧﺺ
ﺍﺧﺬﺗﻬﻢ ﻓﻮﺗﺘﻬﻢ ﺍﻟﺨﻴﻤﻪ ﺍﻟﺠﺎﻫﻞ ﻳﻠﻌﺐ ﻟﻴﻐﺎﺩ ﺻﺎﺣﺖ ﺍﻳﻬﻢ ﻟﺘﻔﺘﺖ ﺭﻛﻀﺖ ﺟﺮﺗﻪ ﻟﻬﺰﻡ ﻣﻨﻪ ﻣﺮ ﻣﻦ ﻳﻤﻲ ﻛﻀﺒﺘﻪ ﺷﻠﺘﻪ
ﻭﻳﻦ ﺭﺍﻳﺢ ﻳﺤﻠﻮ
ﻣﺎﻣﺎ ﻣﺎﻣﺎ ..... ﻳﺎﺷﺮ ﻋﻠﻰ ﺍﻡ ﻋﻴﻮﻥ ﻭﻳﻀﺤﻚ ﺑﺴﺘﻪ ﻭﻧﺰﻟﺘﻪ ﺛﻨﻴﺖ ﻟﻤﺴﺘﻮﺍﻩ .... ﺍﺳﻤﻚ ﺍﻳﻬﻢ
ﻻ
ﻋﺠﻞ ﺷﻨﻮ
ﻳﻀﺤﻚ
ﻳﺮﺑﻚ ﺷﻨﻮ ﻫﺎﻱ ﻟﺨﺪﻳﺪﺍﺕ ﺍﻧﺖ ﺷﺘﺎﻛﻞ
ﺻﺎﺭﺕ ﺻﻮﺗﻪ ﻭﺭﺍﻳﻪ
ﻗﻞ ﺍﻋﻮﺫ ﺑﺮﺏ ﺍﻟﻔﻠﻖ ﺍﻣﺸﻲ ﺍﻳﻬﻢ ﺍﻣﺸﻲ
ﺟﺮﺗﻪ ﻭﻣﺸﺖ ﻳﺮﺑﻜﻢ ﻫﺎﻱ ﺧﺒﻠﻪ ﻭﺭﺏ ﺍﻟﻜﻌﺒﻪ ﺷﻮﻥ ﻟﺴﺎﻥ ﻏﻀﺐ ﺍﻟﻠﻪ ﻋﻠﻰ ﺟﻤﺎﻋﻪ ﻣﻴﺴﻮﻥ ﺷﺎﻳﻼﺕ ﺑﻜﻴﺴﺎﺕ ﻣﻮ ﻟﺴﺎﻧﺎﺕ
ﻃﻠﻌﻨﻪ ﻣﻦ ﺍﻟﻤﺨﻴﻢ ﻟﻠﺸﻘﻪ ﻫﻠﻜﺎﻧﻴﻦ ﻧﻬﺎﺭ ﻛﺎﻣﻞ ﻋﻠﻰ ﻭﻛﻔﻪ ﻭﺣﺪﻩ ﻧﻤﻨﻪ ﻭﻫﻴﺞ ﻣﺮﺕ ﺍﻻﻳﺎﻡ ﻛﻤﺖ ﺍﻃﻠﻊ ﺍﻛﺜﺮ ﻣﻦ ﺣﻤﻠﻪ ﺳﺘﻠﻤﺖ ﺑﺎﺝ ﻭﻳﻠﻚ ﺑﺎﺍﺳﻢ ﻣﻨﻀﻤﻪ ﺍﻟﻬﻼﻝ ﺍﻻﺣﻤﺮ ﺻﺮﻧﻪ ﻧﺮﻭﺡ ﻟﻤﻬﺠﺮﻳﻦ ﺟﺎﻋﺪﻳﻦ ﺑﻠﻤﺪﺍﺭﺱ ﻭﺍﻟﺠﻮﺍﻣﻊ ﻭﺍﻟﺤﺴﻴﻨﻴﺎﺕ ﻋﺒﺎﻟﻲ ﺑﺲ ﺍﻧﻪ ﻣﺘﺒﺮﻉ ﻣﻦ ﺗﻌﻤﻘﺖ ﺑﻬﺎﻱ ﺍﻟﺸﻐﻠﻪ ﻟﻜﻴﺖ ﺍﻟﻄﺒﻴﺐ ﻣﺘﺒﺮﻉ ﻳﻌﺎﻟﺞ ﻭﻳﻔﺤﺺ ﻣﺠﺎﻧﺎ ﻭﺍﻟﻤﻌﻠﻢ ﻳﺪﺭﺱ ﻣﺠﺎﻧﺎ ﻛﻠﻪ ﻣﺘﻄﻮﻋﻴﻦ ﻟﻮﺟﻪ ﺍﻟﻠﻪ ﻭﺍﻟﻤﺘﻤﻜﻦ ﻳﺪﻋﻤﻬﻢ ﺑﻠﻔﻠﻮﺱ
ﻛﻞ ﻓﺘﺮﻩ ﻭﻓﺘﺮﻩ ﻧﺰﻭﺭ ﺍﻟﻤﺨﻴﻢ ﻭﻋﻴﻮﻧﻲ ﺗﺪﻭﺭ ﺍﻡ ﻋﻴﻮﻥ ﺍﻟﻤﺤﻪ ﻭﻋﻴﻮﻧﻲ ﺗﺸﻨﻜﻞ‏( ﺗﺒﺎﻭﻉ ‏) ﻋﻠﻴﻬﺎ ﺩﺧﻠﻨﻪ ٢٠٠١٤ﺻﺎﺭ ﺍﻟﻮﺿﻊ ﻣﺎﻳﻨﺮﺍﺩ ﺍﻻﻧﺒﺎﺭ ﺗﺰﻋﺰ ﻭﺿﻌﻬﺎ ﻣﻀﺎﻫﺮﺍﺕ ﻭ ﻋﺘﺼﺎﻣﺎﺕ ﺍﻟﻔﻠﻮﺟﻪ ﺑﺎﻛﺖ ﻃﻦ ﻫﻮﺍ ﻣﻦ ﻛﺮﺑﻪ ﻋﻠﻴﻬﺎ ﻓﻴﺼﻞ ﻗﺒﻞ ﻛﻠﺸﻲ ﺻﻔﻪ ﺷﻐﻠﻨﻪ ﻛﻠﻮ ﺣﻮﻟﻮ ﻋﻠﻰ ﺑﻐﺪﺍﺩ ﻭﺑﻔﻀﻞ ﺍﻟﻠﻪ ﻣﺸﺮﻭﻋﻮ ﻧﺠﺢ ﺣﺘﻰ ﻓﻠﻮﺳﻲ ﺭﺩﻫﻢ ﺍﻟﻔﻠﻮﺟﻪ ﻭﺍﺟﻔﻪ ﻋﻠﻰ ﺍﻟﻄﻜﻪ ﻭﻫﻴﻪ ﻣﺴﺘﻬﺪﻓﻪ ﺣﻜﻮﻣﻴﺎ ﻭﻳﺎﺍﻣﻪ ﻋﺎﻧﺖ ﺻﺎﺭ ﺑﻴﻪ ﺍﻟﺠﻴﺶ ﻣﻨﺘﺸﺮ ﻳﺨﺎﻓﻮﻥ ﺗﺜﻮﺭ ﻭﻳﻪ ﺍﻻﻧﺒﺎﺭ ﻭﺍﻟﻄﻴﺮﺍﻥ ﻓﻮﻛﺎﻩ ﺩﻭﻡ ﺣﺘﻰ ﺍﻟﻄﻠﻌﻪ ﻭﺍﻟﻄﺒﻪ ﺻﺎﺭﺕ ﺻﻌﺒﻪ ﻭﺍﻧﻪ ﺍﻋﺎﻧﻲ ﻻﺑﻴﻪ ﺍﻋﻮﻑ ﺍﻫﻠﻲ ﻭﻻﺑﻴﻪ ﺍﻋﻮﻑ ﺍﻟﻤﻨﻀﻤﻪ
ﻭﺑﻴﻮﻡ ﺧﺎﺑﺮﻧﻲ ﺧﻄﺎﺏ ﻳﺮﻋﺪ ﻣﺎﻓﻬﻤﺖ ﻣﻨﻮ ﺷﻲ ﻛﺒﻞ ﺷﺨﻄﺖ ﺍﻟﺴﻴﺎﺭﻩ ﻭﺭﺣﺖ ﻟﻠﺒﻴﺖ ﻭﺻﻠﺖ ﻛﻠﻪ ﻣﻠﺘﻤﻪ
ﺧﻴﺮ ﺷﺼﺎﻳﺮ ﻫﻴﻦ
ﺧﻄﺎﺏ .... ﺧﺎﻟﻲ ﺣﻀﺮﻧﻪ ﺍﻧﻪ ﺑﻜﻼﻡ ﺍﻟﻨﺴﻮﺍﻥ ﻣﺎﺍﻣﺸﻲ ﻭﺧﺎﻟﻲ ﻓﻴﺼﻞ ﺻﺎﻑ ﻭﻳﺎﻫﻦ ﻣﺎﻟﻲ ﻏﻴﺮﻙ ﻭﺭﻭﺡ ﺍﺑﻮﻳﻪ
ﻳﻮﻝ ﺷﻜﻮ ﻃﺮﻛﺘﻨﻲ ﻭﺟﺒﺘﻨﻲ ﻃﺎﻳﺮ ﺷﺼﺎﻳﺮ
ﺧﺎﻟﻲ ﻋﻢ ﺍﻟﺒﻨﺎﺕ ﻳﺮﻳﺪ ﻳﻌﻮﻑ ﺍﻟﻔﻠﻮﺟﻪ ﻭﺍﻟﻴﻮﻡ ﺟﻲ ﻳﺨﻄﺐ ﺳﺠﻰ ﻟﺒﻨﻮ ﻭﺍﻧﺘﻮ ﻭﻳﺎﺧﺬﻩ ﻛﻠﻜﻢ ﺗﻌﺮﻓﻮﻥ ﺍﻧﻪ ﺭﺍﻳﺪﻩ ﻋﻠﻴﺶ ﺗﻨﻄﻮ ﺧﺒﺮ ﻳﺘﺎﻧﻴﻜﻢ ﺟﻢ ﻳﻮﻡ
ﺍﻡ ﺧﻄﺎﺏ ... ﺍﻧﺖ ﺗﺮﻳﺪﻩ ﺍﻣﻨﻪ ﺑﺎﻟﻠﻪ ﺑﺲ ﺍﻟﺒﻨﻴﻪ ﻣﺎﺗﺮﻳﺪﻙ ﻳﺎ ﺍﺑﻨﻲ ﻫﻴﻪ ﺟﺒﺮ ﺧﻮﻣﺎ ﺟﺒﺮ ﺷﻠﻮﻥ ﻧﻜﺺ ﺭﺍﺳﻪ ﺗﺎﺗﻘﺒﻞ ﺑﻴﻚ
ﻋﺠﻞ ﺍﻟﻤﻦ ﺗﺮﻳﺪ ﻭﺷﺒﻴﻪ ﻣﺎﺗﺮﻳﺪﻧﻲ ﺷﻨﺎﻗﺼﻨﻲ ﻣﺎﺗﺤﺠﻲ ﺧﺎﻟﻲ ﺟﺪﻩ ﻋﻠﻴﺶ ﺳﺎﻛﺘﻪ ﺧﺎﻟﻪ ﺍﻡ ﺛﺎﻣﺮ ﺍﺣﺠﻲ ﺑﻨﺘﺞ ﺷﺒﻴﻪ ﻭﻣﺎﺗﺮﻳﺪﻧﻲ
ﺍﻡ ﺛﺎﻣﺮ ..... ﻭﻟﻘﺮﻋﺎﻥ ﺧﻄﺎﺏ ﺍﻧﺖ ﺫﻫﺐ ﻭﻣﺎﻛﻮ ﻣﻨﻚ ﺍﺣﺒﻚ ﺍﺯﻳﺪ ﻣﻦ ﻭﻟﺪﻱ ﺑﺲ ﻫﺬﺍ ﺯﻭﺍﺝ ﻳﺎﻭﻟﻴﺪﻱ ﻭﺳﺠﻰ ﻣﺎ ﺗﺮﻳﺪ ﺍﺣﺪ ﺣﺘﻰ ﻃﺎﺭﻱ ﺍﻟﺰﻭﺍﺝ ﺗﺘﺨﺒﻞ ﻣﻨﻮ
ﺳﻜﺖ ﻣﺪﻧﺞ ﺍﻟﺴﻮﻳﺞ ﺑﻴﺪﻭ ﻳﻄﻚ ﺑﻠﻤﻔﺘﺎﺡ ﻭﺩﻭﺭ ﻳﻜﺴﺮﻭ ﺟﺮﻳﺘﻪ ﻟﻠﺪﻳﻮﺍﻧﻴﻪ ﺳﺪﻳﺖ ﺍﻟﺒﺎﺏ ﻛﻀﺒﺘﻪ ﻣﻦ ﺍﻳﺪﻩ ﻣﺨﻨﺰﺭ ﻋﻠﻴﻪ .... ﻳﻮﻝ ﺍﻧﻪ ﺷﻜﺘﻠﻚ
ﺧﺎﻟﻲ ﺷﻮﻥ ﻳﺎﺧﺬﻭﻩ ﻭﺍﺳﻜﺖ ﻭﺭﻭﺡ ﺍﺑﻮﻳﻪ ﺍﺳﻮﻳﻪ ﺩﻣﺎﻳﻪ ﻭﺍﻧﻌﻞ ﺟﻼﺏ ﺍﻫﻠﻬﻢ
ﻭﺍﻧﻪ ﺍﻧﻌﻞ ﺷﻴﺒﻚ ﻟﺨﻠﻔﻮﻙ ﻟﻮﻣﺎ ﻛﻀﺒﺖ ﺭﻭﺣﻚ ﺷﺒﻴ

ﻚ ﻳﻮﻝ ﺷﺒﻴﻚ ﺟﺎﻫﻞ ﺍﻧﺖ ﻻﻡ ﺍﻟﻨﺴﻮﺍﻥ ﻭﺟﺎﻋﺪ ﺑﻨﺼﻬﻦ ﺗﻨﻮﺡ ﻋﻠﻰ ﺣﺮﻣﻪ ﻭﻫﻴﻪ ﺗﺘﺴﻤﻊ ﻋﻠﻴﻚ ﻭﺭﻩ ﺍﻟﺒﺎﺏ
ﺍﻧﻪ ﺍﺭﻳﺪﻩ ﺗﺴﻤﻊ ﻣﺎﺗﺴﻤﻊ ﻭﺭﺍﺡ ﺍﺻﻴﺢ ﺑﻌﺎﻟﻲ ﺻﻮﺗﻲ ﻭﻫﺬﺍ ﺍﻟﺒﺎﺏ ﻓﺘﺤﺘﻪ
ﻭﺣﻚ ﻣﺤﻤﺪ ﻭﺭﻭﺡ ﺍﺑﻮﻳﻪ ﻭﻫﺎﻱ ﻛﻠﻪ ﺟﺎﻋﺪﻩ ﺗﺸﻬﺪ ﺳﺠﻰ ﺍﻟﻴﻪ ﻭﻟﻮ ﺻﺎﺭﺕ ﻟﻐﻴﺮ ﻟﺤﻂ ﻃﻠﻘﻪ ﺑﺮﺍﺳﻪ ﻭﺑﺮﺍﺳﻮ ﻭﺣﺴﺐ ﺍﻟﻠﻪ
ﻣﺎﺧﻠﻘﻮﻭﻭ

ﻳﺘﺒﻊ.

طبعا القصة حلووة😍💞 ومبين من احداثه مشوقة

#ملوكه

ادعولها حبايب💜 تنحل مشكلتها

وان شاء الله يارب تنفرج عنج و كل عسر يتسهل🥺🤲🏻 ..ومايصير اله كل خير

#ملوكه

حبي
مكونات الماسك: شوفان وتمن مامطبوخ مطحون ونشا وماي ورد...خلطيهن لمن تصير عجينة وخلي عل بشرة 10 دقايق وغسلي
ومن تكملين رطبي البشرة🌚🌺
وتكدرين تستعملي كل يوم او كل يومين

#ملوكه

عمري🙃 للمنطقة الحساسة اذا شعر خفيف ووبري..فعادي اذا تستعملين شفرة
بس اذا موخفيف..فكون لو شيرة لو شمع

ولاتنسين انو بالاستمرار بالشمع او الشيرة..الشعر يخف وحته يقل
☆واكو معلومة انو وي الاستمرار لفترة طويلة يسوي ترهل فهالمعلومة صح..

فبهج حالة كون تلعبين رياضة كيجل حته ينشد وميصير ترهل
وبنفس الوكت تكدرين تخلين عل منطقة بياض البيض همين يشدها..بس كون تستمرين الماسك مرتين كل اسبوع والرياضة بشكل يومي ..فبهالخطوات اي ترهل مايصير🥰🌸

#ملوكه

مشاهدة "تمارين كيغل - الاشخاص الي عندهم مشاكل في قاع الحوض او الترهلات او فلتان في البول - #علاج_طبيعي" على YouTube
https://youtu.be/q7PoNiJYHt0

تمام حبي..اللي يعرف وعنده معلومة فخل يساعده🌸

#ملوكه