حبي اني كل برامج نزلتهن وجربتهن...واذا يرجعه صور تكون مشوهة🤦‍♀فماكو برنامج مضبوط يرجعهن

اله يجوز أبو موبايلات يخترق جهازه😅💔 ويرجعهن..
اما من سوك بلي متلكى برنامج زين

#ملوكه

جمعة مباركة 🥰علينا وعليكم

عمري سوي هالخطوات👇🏻

#ملوكه

حبي من اعدادات المحادثة..انزلي لأخر شي وتلكين حفظ بالمعرض🌚🌺..

فدوسي عليها..وبعد أي شي من صور وفيديوات مينزل وحده بالاستديو

#ملوكه

فدووة لكلبج🥺❤️ تسلمين

وهسه رح اكملها✨ حبي

#ملوكه

#رقم_جديد

#بارت٤٦

٣ ايام وطلعت من المستشفى جنت بحلم جنت بامل مولود من جديد. دراستي كمت اقراها بواهس فرح واكتب اسمه. بكل صفحه احفضها. اسينات كانت خليلتي. حجيتلها كلشي وكانت دوم تصفن
يولو شون تنجمعون سوه وهو مجرم وابن حرام
معليه هو شنو ذنبه
اسينات- جنت مرتاحه لوضع كوني مدرسه. لضل. براتب. احسن من المنيه والعيب والشعدج هناك. يوميه
سلام كان يومين خفر يومين دوام عادي يومين استراحه.

جنت وي ضل من الضهر رجعتنا من الدوام لليل وكت يرجعني الخط
سلام وكت اليعرف بيه موجوده نيوصل بيته ينام بصاله بيتهم

امه خطيه تدز الغده. لهناك.
جنت بالبدايه. ابقى بيت خالهم بالغرفه السووها النا اني ول بس رقيه مكعدت كلما تنزل تسمني

لو تجيب بنت خالتها الرايده سلام يطبون يمنا
ويكعدون يضحكون علينا من ادرسها ذيج جانت مدرسه. متوسطه. كلما احجي تصيح
غلط بابا تدرييييسج غلط
واني البس وضل تباوع بالوجوه
مره مرتين ماارد عليها تجرات كامت كفختني بالكتاب ونترت موداحاحيج. سكطتي البنيه. تعاي خاله اني ادرسج. على راسي
متحملت انتفضت اصيح. والزيد سباعيتي وجود سلام ببيته

كمت ارجف عصبيه

مالج حق تتدخلين تفضلي طلعي بره اريد اكعد وحدي وياها جاوبت رقيه

لا والله صددوك حتى خوش تجرلج اخبار سلومي. مووو بعد عاشرتي. تربايه ال—

وتخبلت طلعت من الغرفه البس بحجابي بعصبيه والتلفون بيدي تقصدت احجي يم باب بيت سلام

الو ها عمو تعال عليه. لالارماريد ابقى تعبت من المشاكل

طلع سلام من بيته عاكد حاجبه صفن عليه همس
شكو

نترت
انت لو تخلي حد للمشاكل ولكرامتي. لو تعذرني اني شبببعت تره. تستغل فرصه عدم وجود خاله وتحيب بت خالتها تحير شتسوي بيه

بقه صافن بوجهي واني اتنفس سريع ميته نار طب راسن

للبيت بهدوء صاح ضله بابا

نعم بابا
جيبي جنطتج وكتبج وتعاي
طلعت وراه
هلو سلام شونك
هله هله بت عمتي

اخذ الجنطه من ضل واتي جريت عيني كالت
وين ماهذها تدريسها غلط هو غمض عينه ولزم رلسه همس
بله امر عليج. ضل مرتاحه هيج
سلام عيوني انت ضل. تخسر مستقبلها هيج

نتر
يللله ضللل
جمدت حتى اتي اخترعت من رعده صوته طبت ضل ببيتهم همست
اسونه ندرس بيتنا ونقفل الباب
هزيت راسي
طبيت لبيت فريده وهي تفور
شفت سلام فات لبيت اهله
ادرس ضل وبالي يمهم نار صارت بكلبي لان يمهم
لزمت راسي اكلب بملازمي بعدما كملت ضل دراستها ودترتب غرفتها كدامي واني اوجه

شلت التلفون خابرته مدري شداسوي

دك دك دك رد بتعب وصوته مال نوم
الو
الو هلو ابو ضل
هله كولي
اا ممكن اخذ ضل يمي
ليش
مو شوي دتضوج وبنت عمتك هنا شكلها حتبات وي. رقيه
جر نفس همس
شسويلها يعني انتي شوكت تروحين

اذا هاي هسه اروح كملنا دراسه
دخليج لليل تكدرين حتى تنام ضل فد نوب
سكتت
الو
اي اوك
محتاجه شي
لالا هاهي
سكت وسده
ارتاحيت انه مو يمها نايم
بقينا اني وضل نسولف ونضحك سويت حلويات اني وياها وهي مكيفه

هسه. خلي النوتيلا عالكيك
كلها اسونه
اي كلها حتى نقسمه
اييي ههه شوكت نكدر ناكلها
تبرد فد ساعتين وباجر الصبح اكليها بالريوك
اييي كالتها مكيفه مسحت النوتيلا عالكيك مكيفه. اندكت الباب لبست حجابي. ضل صاحت
تعال بابا
طب ابوها وجهه مطبع مال نوم عاكد حاجبه

هاي شنو الريحه

باوع بابا كيكه. سوينا اني وسونه
بابارجايبيها تدرسج البنيه لو تسويلج كيك
بابا كملنا
نصيت راسي عيونه صارت عالكيكه ودار وجهه همس
السايق بالباب تره اذا تردين تباتين
لالا مليكه خابرت عشرين مره

ضلوله غسلي ايديج
باوعلي ودار وجهه
دنتعبج
لا ماكو تعب ضل تفرش اسنانها وتباوعلي
باوعت لسلام يباوع ويحك بطرف حنكه وينصي
ضل طلعت ورايه متعلمه تاشرلي باي
واني اشيل بملازمي
دااطلع همس
ااسينات
التفتت نعم نصه راسه
همس
بحنكج نستله حتطلعين هيج

راسن وكفت عالمغسله غسلته فشلانه. وطلعت وضل شالت ملازمي. وتشاورني
كولي لبابا اجي وياج يم مليكه حبابه

التفتت عليه ابتسم

عادي اخذها والله باجر نرجع
نتر
لااااا وخزر ضل عرف هي كلتلي
رجعت ليوره مبوزه
صعدت بالسياره ااشرلها باي وطلعت السياره
ثاني يوم طبيت جان هو طالع. راسن طبيت بيت سلام وطبكت سياره بنت عمتهم راسن قفلت الباب علينا
ضل توها تنزع حذاءها شافتني ضحكت وخلت ايدها على حلكها

سديت البرده وطبيت. بدلت وسبحت وجتي يمي تحجيلي عالصار بالمدرسه

كملت وسكتت همست
جوعانه
ضحكت من كلبي هسه يجيبون اكل
همست
اني وبابا الصبح اكلنا الكيكه فتحت الثلاجه واتفاجا نص البايركس طاير
ضل شكد اكلتي
والله اسونه بابا كمل هذا اني بس مربعات ثنين
ابتسمت رجعته وجابو الصينيه
توني اقفل الباب رقيه جفتت
غمضت عيني بتعب بنفاذ صبر

كالت

ايي شونه حمودي وال—
مجاوبتها

نترت
خرس كون خرس
تجيني نوبات ا تمنى احرك كلبها بسالفه انه رجلها متزوج بس استغفر الله واسكت
بت خالتها طبت وجرت نفس

ضلوله تعاي شوفي شجبتلج
تقدمت ضل مرتبكه طلعتلها لعابه وضل فرحت انغزت من يمي تشاورها

تكولها من يجي بابا شوفياله

واني نار وتشب بيه
نترت
يله ضل تعاي تغدي

رقيه- انتي ليش بله كرامه تحبين تذلين نفسج النوبه جايبتلي حجايه. على ابو اختها تدرس ضل ويتصدقون عليه بجم فلس خطبه يتيمه. متستحين.

مجاربت وضل تباوع بالوجوه

تره الدترسمين عليه عالي عليح كالتها بنت خالتها باوعتلها ابتسم

هزيت راسي وقريب عليج مووو جريت عيني
كالت بعصبيه
حبيبتي ابن خالي مو غريبه واتلطش بي بحجه ادرس بنته عيب عليج شكو عليه رجال يتونس ويشمرج ويرجع النا. متجيبين غير سمعه اخوتج وابوج. بالكع

مجاوبتها والملم بغراض ضل مال مدرسه
كالت لرقيه
باع هاي شايفه روحها بت عمته هي هم على ابو اختج من ابوج. بطرانه

مهتميت ضل لسان جاوبت
خاله بابا ميقبل هيج تحجين
ونترت بيها بقسوه
معللليج انتتي عيييب حجي مال كبار
التفتت عليها مزنبره. صيحت عليها اطططلعي بررره. ودفعتها. هي ضلت صافنه
وخري لجج
انتي التوخرين وتطلعين. منا يللله دنريد ندرس شهاللزكه

صدك متستحين صدك ماعدج ام تربيج. واخوتج ي—
احترمي نفسسسسج زين وخليلج كررامه. حتموتين. عليه. وممهتملج

ضحكت من كلبها منو ممهتم عزيزتي. هههه دفعتني بقسوه وجهه انكلب
سلام الي ولتتصورين. تكدرين تاخذي. العشيره كلها ويايه. وانتي خليج وي حمودي

جاوبتها بثقه هل نشوف
بقو صافنين بوجهي رقيه همست بنصر
شكتلج مو كتلج طموحها اكبر من التدريس وضل

وطلعو
بقيت صافنه ارجف وضل صافنه قفلت الباب ووكفت لازمه راسي شحجيت اني شخرطت هيج مداسيطر على روحي. حسيت بيد ضل تجرني
اسونه تعاي ناكل
هزيت راسي
كعدنا تغدينا شوي وسمعت صوت خاله ام سلام فاتت للبيت الجبير بقيت بمكاني واعصابي ترجف شحجيت اني شخرطت

ضل انتبهت عليه ضايجه كلسا وتسولف وتمسح بوجهي
ندرس
كملنا دراسه شوي صافنه همست
نسري فد شي طيب
هزيت راسي ميخالف شنو تريدين اعدل بشعرها وقاقه حيل من الراح يحجو ومن الحجيته

كالت بيتزا مثل من سوينا بيتكم
هزيت راسي فتحت الثلاجه مبيها مواد راتبي قبل كم يوم استلمته وخليته بالجنطه
باوعتلها امشي نجيب شغلاتهاكيفت ضل
طلعنا راس الفرع سوبر ماركت جبير واخذت كلشي نحتاج. ورجعنا

بقت الخنكه براسي والقلق اشتغل وفكري طايش همست ضل

اسونه اذب اللهابه بالزباله
التفتت عليها ليش حبيبتي
لان انتي ضجتي ماحبها ختولي
كيفج
طلعت ذبتها بالحاويه ورجعت تبتسم ضحكت على سوالفها

قفلت الباب ووكفت يمي
اني اخلي الجبن
اني اخلي الزيتون
وخليتها براحتها ابتسمت
هاي انتي سويتيها مو اني
ضحكت باحر اني وبابا ناكلها
هزيت راسي حضنتها احساسي انه دااستغلها ارضاءإ لابوها كلش اذاني حضنتني بصوره اقوى مني همست
تحبيني
هزيت راسي كلش
كملنا وتنتضر بالفرن على اعصابها حدما استوت اكلت مثلث واحد وفرشت اسنانها
صارت ب٩ ونص همست
تاخر بابا
اني حروح ضلوله
تعوفيني
بيبي هناك
هزت راسها اريد انام بغرفتي حضرت هدومها ولبست دااطلع اندكت الباب
توقعت السايق
فتحت البرده وفتحتها سلام صار بوجهي

راسن كال
ها تباتين اروح لاهلي عادي
لالا داروح بس تاخرت انت وضل ضلت تنتضرك
اي والله ازدحام يله الله وياج. نامت ضله
اي
ماشي مشكوره
اهلا

طلعت سديت الباب وصعدت بالسياره جنت كلش شايله هم اكيد حيكلوله. اكيد حيحجون غمضت وذبيت همومي على الله. بعد جفصت
حجيت لمليكه كلشي

استغربت من همست
اذا شفتي يحبج ورايدج. راغبلج تمسكي بخبج لتضيعي اسينات تره تندمين

مليكه غلطت غللطت. من حاولت استغل ضل لصالحي
مستغليتيها انتي مراعيه الله بيها وموبيدج من حبيتي ابوها
غطيت وجهي بتعب وتمددت

وره كم يوم من رحت طبيت من وكت فتحت باب بيت فريده. ضل توها نزلت من الخط صاحت
اسووونه عشره من عشره
عفيه بالشاطره
طبينا نضحك واتفاجا بسلام نايم بهول بيتهم بطرك الشورت الكابوي على بطنه

جانت اول مره الي اشوف جسمه ارتبكت درت وجهي وضل تضحك باسته رفع حواجبه ثنينهن
همس بتعب
ها ببا جيتي
خجل من شافني واتي الغبيه اباوع وادير وجهي
رفع تك حاجب
وجر تيشرته
همس
رايح بيت اهلي اهذو راحتكم
طلع واني كعدت عالقنفه كلش كارهه نفسي ضل اخذت طابع راسن قفلت الباب وجتي تركض تسولف شون المعلمه اثنت عليها واني صافنه سكتت جان تكول
اسونه اليوم الصبح حمينا البيتزا بالمايةرويف وصارت تخبل منهاي التجر كملناها كلها حتى بابا كلي اطيب من مال مطعم كتله اني سويتها
ضحكت وحضنتها فرحانه جانت كلش وبلشنا دراسه واعدت نفسي اركز على دراستها
فتره مرت واحنا بهالحال سلام اكثر من السلام ميكول وكام يوميه يسال ضل شتريدون احيب لتطلعون للسوير ماركت عيب تشتري من فلوسها
وهي تحضر شنو تحب ومن نكمل نسوي اني وياها
لعبتها المفضله كانت
وصلنا نص السنه.
بالعطله. هم مستمره اجي وكامت نوبات تبات يمي

فجاه يوم من الايام خليل موجود ببيت خاله وطبت ام سلام لبيت فريده. جننا نغسل مواعين اني وضل وضل ترجع وتسولف. نوبات صديقتها. تجي. يمها وتكون قبل بيوم مسويين كيكه وهي كلش تكيف

طبت همست
هلاو اسونه.
هله خاله بوستها وضل مكيفه

همست
بيبي ضله. تعوفينا نسولف حجي مال كبار صفنت. ضل
وهزت راسها اي كالت
اسونه حروح يم عمو خليل العب باللعبه مال تلفونه
اوك حبيبتي
كعدت يم ام سلام وبدت تحجي عن سلام وبهذلته. وتعبه وحزنه على مرته
واني صافنه

شساف منها ٣ سنين توه. متعين. وكله خفارات عود من استقر. وتعلعلت المسكينه. وكضاها من طبيب لطبيب من دوله لدوله مفتهم منها شي

واني اهز راسي كلبي يدك سريع
تلمست شعري تتبسم
يمه اني ماريد تخجلين مني ادري بيج حلوه وصغيره. وتنحبين وكليه بس ابني والله ميتعيب ورده

نصيت راسي ايدي ترجف
همست
يمه اقبلي بي وصيه فريده هاي وخلي يرتاح. فدوه والله اخاف عليه من الحرام ولو هو ميدوسه

بقيت منصيه

اذا متقبلين كيفج ماريد احرجج فكري شكد متكدرين اني حجيت وي خليل. كلي لو عدي بنيه. مافوته وكتله عليج صفن كال اسالوها

هزيت راسي

باوعتلها
شكلتي انتي بس وافقي والباقي عليه

بقيت اباوع بوجهه شكد بي حنيه. محجيت ساكته وسمعت صوت سلام بصوته الخشن
يا الله
راسن حريت حجابي ووكفت اباوع لامه مرتبكه همست
فوت يمه
طب رفع زوج حواجبه باس راس امه

همس
اليوم يمنا
جيت اشوفهم خاف محتاجين شي
باوعلي ورد باوع لامه رافع تك حاجب
ضلوله وين

همست
يم خليل تلعب بفونه
شعجب؟ باوع لامه وباوعلي نصبت راسي وترهصت اشيل بغراضي
همس
معليج مني داخذ هدوني واروح لاهلي يم اخوج

االالا داروح بعد
براحتج

يحجي ويباوع لامه. طلعت اعصابي ترجف خابرت السايق ورجعت

لليل خابرت امه

يمه اسونه اني حاخذ ضل اطلع لكربلا وي عمج ابو سلام فكري هاليومين من اجي رديلي الخبر
ماشي خاله
لتزعلين مني
لا خاله ماازعل
سدته وحجيت لمليكه ومليكه تنك
وافقي وافقي ثوله تندمين

لج اخسه ابد مويمي

حتلو مصيره يحن واذا ميحبج يكوم يحبج لج وافقي

تنهدت بيومها اجه حمزه هم حجه ويايه خاله فاتح موضوع وياهم اخذني حمزه لغرفه قاسم وهو وقاسم يحاجوني ويحمدون بي

حمزه- اني قبل كتلج. سلام ميتفوت صح لو لا

هزيت راسي صح
قاسم- اسينات والله ذهب سلام لامكسرات لاشرب سيده. والكل تخاف منه. وتهابه
هزيت راسي ونصيت
انتي كيفج بعد
بقيت اباوعله لحمزه فهمتي
هنس
معليج من رقيه وبت عمتي تره ذنه بخرطن لروحهن

اخاف منهم
مالج دخل شحده اليفك حلكه

هزيت راسي ونصيت
انتي عدجً اعتراض عليه عن حياته عنه كرجل
لالا والله
هو وبن اكو من سلام كالها قاسم وباوعلي والله غير تعيشين ملكه
هزيت راسي
حمزه- هاا
اسينات- هاهي كيفكم
قاسم- اخابر خالي يعني
كيفك خابره
حمزه- مرت خالي تنتضر فون مني
كمت وطلعت من غرفه قاسم كعدت يم مليكه احجي وبجيت مدري ليش ومليكه حضنتني تضحك
دك تلفوني ابو ضل كلبي رجف مليكه صافنه واتي صافنه وتردد
جاوبي جاوبي

رديت الو مرتبكه
الو هله اسينات
ههلو ابو ضل
رايد منج خدمه
كول بلعت ريكً توقعت على ضل

كال. الموضوع الحجت بي اني وياج. رفضيي من يمج نهااائي. لان طلعت روحي صار يومين هي وابويه

جفلت صافنه حلكي نشف واحس قطره دم ماكو بجسمي
دتسمعيني رفضي وخلصيني

سكتت همس
يله فيماللا
واني ساكته
اسينات نتر
ها
فيماالا
اي
سده ولطمت علىًوجهي حجيت لمليكه صفنت كالت هسه تحجين لاخوتج كوني بسع
كمت طبيت لقاسم جان ديسولف وي خاله ومرته لخاله. وحمزه كاعد بصفه. مفتوح سبيكر

وصوت مرت خاله كالت
لك يمه هو يريد بس يكول البنيه متريد خاف متقبل ليش اضلمها

باوعولي وابتسمو كال قاسم
كوليله موافقه. بكامل ارادتها هو وين اكو من سلام

صفنت شحجي بعد طلعت مخبوصه حاولت اخابره مكدرت اخجل. طلع حمزه الفجر من الغرفه ديروح شغله واني منمت لزمته حجيت كلشي
لزم راسه صافن هاي شون قضيه بله

همس
هاليومين ارتاحي لتروحين بيت خالي واذا اصرت مرت خالي كوليلها تدز ضله يمج خوش
اوك
حدما نشوف شون دافكر احجي ويا ووي مرت خالي. اكولهم ضغطنا عليها. لو هو يحجي بس الضاهر حاجي وامه. لجت وابو وهو تعب وكلج من يمج
يمكن
لتضوجين كلبي هو انتي منو يرفضج انتي واخد يتمنى منج الرضا
فدوه لعينك حمزه الله ومحمد وعلي وياك—-
مليكه- احمد يوميه يخابر. كم مره. ويسال ويتطقس دتدرسين تخضري مبقه شي عالتمهيدي.
اي والله جاهزه
يله اجي الخميس وابقه تردين شي اجيبلج
لالا
ماشي كلبي امنت بالله ورسوله و١٢ امام
الله وياك
جنت اقره هواي وعيوتي عالشباك اسينات التدري. قهري وتشجع
اقري حتى تنجحين وهو اذا يحبج يجيج يجيج
راح يبين متاكده

انشاء الله
ابو الماطور فتره اختفى ورد رجع كل يومين يمر مره واني بس اسمع صوت الماطور افز ابقه انتضر وهو ركبته تنلوي عالبيت يثككل ويروح ويرجع يفتر ويروح
كم مره شفته سال ولد يوكفون بالطرف اشرلهم على بيتنا واحد منهم كال
ليش عمي تريده بشي
جارب صوته سمعته
والله عدي صبغ اريد يصبغلي
جاوبو سافر للعماره
وهز راسه وطلع
بس لا عباله اني وياه
بس لا عباله سافرت وميجي بعد
كملت عطله اسينات ورجعت تداوم
اسينات- اربع ايام مرحت بيت خالهم واخابر حمزه مغلق قاسم ممر بعد خجلت اخابر اسال شسوو علاقتي بس بحمزه كلش قويه
تالي خا

بر خليل رديت راسن
الو
ها اسونه شونج
هلاو انت شووك زين اني الحمد لله اكولج راح امر عليج
ها
اي بدلي وهاي حتى شسمه نروحلهم
اوك
بدلت راسن وكشخت واسولف لمليكه اللي بس صافنه

نزلت بدكه تلفون خليل
طب للبيت سلم على امه وديطلع شافتني نترت
وين رايحه انتي
يمه ويايه
وين غير اعرف
اوهووو يوم لبيت خالي دزتني مرت خالي
معيب ترووح وهمه خاطبيها ورافضين
صفن خليل عليه تقدم صدك لج المن رفضتي سلام مو قاسم كال قبلت
ااا بعدين افهمك طلعت طلع ورايه ومرت ابويه تصيح
عيب خليل عيب توديها عيب بركبتك يمه. ميصير هسه يكولون يدللون باختهم
وهو يهز راسه
عود الله يسهل يوم لا مااخذها
لعد وين مووليه وياك
يبوووو ولطم على راسه باس ايد امه
ابوس ايدج ابوس راسج حلي عني داوديها للطبيب. داوديها. للسوك داوديها للعزه بس عوفينا

وطلع وجهه احمر يخرب ضحك
صعدت بالسياره وطلع راسن جر نفس همس
باعي هسه احنا حنروح لمدرستها دوامها ضهري وو شسمه وعود نلاكيها بالطريق واني اكولج هاي وانتي تحايلي عليها اصعد ويانا نوصلها ونروح للبيت خوش
عفيه خليل اخجل والله عيب
ها عيب لعد شون
باوع اذا تريد حتى تشوفها ابقى واكف بالباب حد وكت جيتها وشوفها وراها طب لامها خوش

اي زين خوش حجي تنهد مبتسم.
وكفنا براس فرعهم وعيونه عالجامه الجانبيه مضيقها ساكت ويجر نفس وره نفس يعدل بشعره وياخته طلع عطر من الجكمجه وتعطر ورد كعد عدل طبو جهال للفرع لابسين صداري باوعلهم وباوعت اني بس همست
خاف بت خالتها و—
قاطعني
لالادوامها صباحي ذيج
اصابعه عاى شفته وينتضر تعب وباوع للساعه نتر
اي ساعه وحدده خاف رجعت ومشفناها
خليل من ساعه ١٢ وثلث هنا احنا
ها يعني بعد وك— وسكت
صفن عالجامه ونفسه تسارع همس
اسونه هاي

التفتت
لتندارين لتندارين

اوك كعدت عدل
فاتت من يمنا بثكل شون كشخه لبسها احسن صداري الموسم واحسن بوتبن واحلى قميص وارقى جنطه تلممع منصيه. راسها وهووبس نفس خنسهمس
خليل
هو فاك حلكه صافن
نترت
خليل حتطب ومتلحك تشوفها
مثل الفز راسن فتح الباب مال سياره تعدتنا بكم خطوه هي
وكف حتوصل للبيت نزلت اني هم همست
انتي زمرد
التفتت عاكده حاجبها. همست
نعم
وارتبك خليل
شافته فكت عينها ووجهه انصبغ احمر
خليل ابتسم يفتح ايده ويسدها يبتسم كلسا يريد يحجي ويسكت
باوعتلي وباوعتله
هنس
اختي هاي
هزت راسها تبتسم همست
تفضلو
فدوه تخبل تقدمت وراها والتفت لكيته بمكانه رفعت رجلها حنجلت خطوتها مو صحيحه بي نوع المن الكزل بس كلش بسيط التفتت هو صافن عليه
فتحت الباب رجعت كالت
تفضلو صاحت
يوم
عاد طبينا الطرمه التفتت عليه
خليلو شوي قوي روحك
هه تطشرت
ميصير عيج ياعيني المره تحب النجر
مو بله يحجي وعيونه عليها من دتطب المطبخ رجعت طلعت مالت
اسفه اني طالعه ماكو فيروز تكول بالسوك

تعالو تفضلو
طبيت وهي هم طبت من باب الصاله الكعدنا بيها قبل فتره جانو مبدلين الاثاث وخليل وجهه حيطك فرح
كعدت بهدوم المدرسه كالت بس اقدملكم شي
نتر راسن ووكف
كلشي ماريد تعاي زمرد بس حجايتين واروح
وكفت تبتسم ميته خجل وتباوعلي
نزع سواره يبتسم
هاي الامانه وصلت
تقربت اخذتها منه رجعت باوعتله تلاشت ملامح وجهه الابتسامه راحت همست
انطيك الاسود لان هذا جلح ونزعت من ايدها سوار ناعم حيل بلك اسود بسيط مثل اللاستيك بي بقه يباوع لايدها ويباوع بوجهه
اخذه ولبسه
ههه اقلها منبين ناعم ههه مانزعه بعد
واني بعد مانزع هاذ
ولبست سوراه
رجعت تلاشت ملامحه من اباوعله هي مسيطره اكثر منه وهو يباوع بعينها دايخ عاكد الحاجب ومضيق عينه وجهه احمر

كالت بصوت ناصي
الف شكر الك لولاك نضيع
بلع ريكه ويمسح عركه
ونصه رد كال
ياصف خامس
لالا سادس امتحنت بدور الثاني وياهم ونجحت
ابتسم هز راسه
وباوعلي مثل التذكر اني هنا
كال
ااا اسينات اختي سنه اولى تربيه بنات
باوعتلي كالت
امي هم تريد اصير مدرسه
جاوب تصيرين انشاء الله
طبت امها كالت
هلا هلا هلا شونك يمه اليوم عدنا خطار والله متطلع اذا متتغده هله يمه اسينات ليش مجبتي ضل وياج
نصيت شكد واحشتني الله يدري مجاوبت اشرت لبنتها بعينها وارخصت وعيون خليل عليها

شوكت جيت
توني اكول صار نص ساعه نط خليل
تونا
تونا. حجيه شونج انتي وباوعلي رافع حواجبه
ابتسمت

وبقت تسولف وخليل مرتاح حيل صبو الغده. زمرد مطبت بعد كملنا وطلعنا واني ماخذه. طريقه الكبه منها تخبل مسويتها

الطريق كله يغني ويضحك

ها نمشيلك عليها خليلو

باوعلي يضحك وهز راسه

خل تكمل السنه واكعدلها عالدرب كعود
ههههههه حبيبي الله يهنيك.
يخليج الي اسونه كليبي احببببج احبببج
ههههههههه
وصلنا بيت خاله
وين شو هنا
مرت خالي تريدج ويهز ركبته
صفنت عليه خليل
شش نزلي معليج بامي نزلي
نزلت بخجل لمحت سلام وضل جاييين مشترين هدت ايد سلام وجتني تركض
وتصبح باسمي
سلام بقه يباوعلي صافن بلعت ريك خايفه وطبينا للبيت

همس سلام
السلام عليكم
جاوبت ونصيت خليل يضحك ويجق اصبعتين
وين جنت يمصخم لتكولها والله خزيتنا

شبيك سيدي شبيك كلبي لك غير اني وب

اسه اموت على ربك ورجع بايه اموت على مذهلك عمامه عمامه ورجع باسه

دفعه
دوخررر عاد اوكف عدل لتتموع لك
سلام تره احنا بالبيت مو بالواجب والللله

احجي وين جنت
يابه رحنا ادينا الواجب وتغدينا عدهم هيج يعني تعارف ومذا
صخم الله وجهك ولك اثثكللل
اكولكم شنو السالفه هاي تكول اثكل انت تكولي اثكل ششفتوني شسويت عمي شمسوي يابه

لايابو احجي شفتهاا
ايييييي لك اي اي اي.

من طاح حضك
فر بايده باوعلي رافع تك حاجب وضل حاضنه رجلي
خليل - فوتي يم مرت خالي تريدج
سلام- خير كالها ويباوع لخليل ويباوعلي
خليل- ماعرف كالت جيب اسينات احاجيها
اسينات- طبيت للبيت وضل ويايه داسد الباب شفت عيونه عليه يباوعلي بشك

طبيت يم خاله
هلت ورحبت بكل هدوء بيه
وبدت تحجي والله ابني ماكو منه وهيج جان مدلل فريده وهيج جان يسوي يسفرهمً رغم ممنوع عليه السفر

واني خانسه كالت
انتي وافقتي وراها رفضتي
باوعت بعينها
ميلت راسها كالت
تدرين اني شكد مار عليه تجارب هزيت راسي تدرين كمت افهم الصادق من نضره عيونه
نصيت راسي
هو خابرج مو هو كلج لتوافقبن مو
بقيت منصيه
جرت نفس
ضل صارلها كم يوم بس تتنحس وتبجي ويرزل بيها تنام تبجي ويصيح يكول عوفوها
يمه انتي يتيمه مثلها راعي الله بيها وصيه امها نفذيها
هزيت راسي
ماكدر خاله عذريني
هزت راسها تنهدت ماشي بس ضلي وياها نفس قبل مو طمعو بيها واستغلوها علمود الاب واني لو اموت ماخلي وحده منهم تدخل فريده تختلف عنهم الا البقيه كلهم نفس الطاس
نصيت راسي
متقبلين
باوعتلها
اذا هو طلب مني اجي غيرها مستحيل عزه نفسي متتحمل خاله افهميني
حقج يوم حقج
واجه صوته
يووم
ها يمه وباوعتلي بس دقيقه
طلعت وضل بحضني نايمه وتلعب بموبايل بيبيتها
شوي ورجعت طبت كالت
خومتاخرت عليج
عادي خاله مغريبه اني وكفت ضل جلبت تتوسل بهمس
حبابه ابقي الله يخليج ابقي
وتباوع عالباب خاف ابوها يجي
وطب سلام
كال
اخوج ينتضر خزر ضل وضل خاتله ورايه
باوعتله بتوسل
عفيه خل اخذها يومين واجيبها
جر عينها بقسوه نتر
لاا لتعلميها عليج

فكيت عيني اعلمها عليه بقيت اباوع بعينه يباوع بعيني ويباوع للمطبخ خاف امه تجي

يعني شنو قصدك عيني دمعت فكيتها على وسعها بغضب
شنو قصدك بهالحجي مدري شون كدرت احجي

رفع تكً حاجب كال
تره سمعت حجيكم انتي ورقيه وبت عمتي وعرفت نيتج
بهتت ملامحي فاكه حلكي بلعت ريك وهوويباوعلي باتهام جر ضل بنتره وباوعلي جر عينه وطلع

رخت رجلي
ليش اني كلت بقيت اراجع روحي وتذكرت حجايتي

ابن خالي نياهذ غيري واني حاوبتها
نشوف

ضربت على كصتي واعض بشفتي طلعت ركض لخليل ورجعت للبيت اححي لمليكه واضرب على فخذي
مليكه بس صافنه بوجهي

همست
الف من يتمناج شيلي من راسج ويطبه طوب
دموعي نزلت وامل بروحي بخجل

نترت بيه
شكد ماخذه منه رواتب
باعت ريك مجموعه بالديلاب
تلميها كلها وتدزيها بيد حمزه وتحجين كلللشي كلشي اله. فاهمه
هزيت راسي

نزل حمزه وكعدت وياه. حجيت كلشي وميته بجي. وهو حضنني و
وعليمن البجي اسونه عمري وملازم. خلي يولي ماريد حتى فلوسهم
تعبج هذا ماله علاقه بهالشي
لخاطري خل ارتاح
هاهي اوديها
والله موقصدي شي بس غثوني وجاوبت

هز راسه ميهم ميهم حضنتي يضحك وطلع للهول مليكه تراجع واحمد ياشرلها تحل الاساله

كال
متطلعون شوي اختنكت تره
احمد رفع راسه عكد حاجبه شبيها سونه
ماكو شي تدلل على اخوها وباس راسي ها تطلعون
مليكه- باوعلي احمد نطلع
اي اي
هه كامت تحب التخايم العينتين

بيومها طلعنا تونسنا حيل لان سوه من دنرجع. خال حمزه خابر عليه راد باتري لسيارته

اخذله حمزه وباوعلي همس
مننزل اذب البطاريه واطفر
هزيت راسي اوك
وصلنا لبيتهم واكفين بالباب وطبك سلام من احقر الصدف جانت نزل احمد سلم عليه ورجع صعد
لح علي تفضلو واحمد يرد مستعجلين والله
والتفت عليه يباوع راسن باوعت كبل رافعه راسي همس
شونج اسينات
مرديت عليه
نغتني مليكه بصفي
جاوبت من دون ماباوعله
اهلا
والصدفه الاحقر من طبكت سياره بت عمته ونزلت منها رقيه
التفتت على احمد ابتسمت
لبسها
الراقي وكشختها والعلاليك الشايلتها ومليكه فكت حلكها رقيه مشافتها. بس شافت احمد صاحت
هلاو حمودي
كال
هله هله رقيه
باوعت لمليكه همست
جذذب هاي رقيه. والله وكت والله فاكه حلكها صافنه طلع حمزه وسلام بعده واكف سلم على حمزه حمزه سلم من وره خشمه جلب بايده سلام
شنو زعلان لك
لاعليمن ازعل وباوعله رافع تك حاجب الميسويلي قيمه وحساب احسله مموجود

سلام صفن صعد حمزه
سلام نتر
شنو قصدك تعال تعال

اخسبها شون متحسبها فيمالللا اطلع ابو شهاب
وطلع احمد
بقه يباوعلي ويباوع لسلام
همس
الصاهر الوضع مشحون
حمزه- شوي اسكت
مليكه باهته غير عالم بصدمتها بشوفه رقيه
واني احس كرامتي انردت الي
يتبع..

#رقم_جديد

مريم السعدي

#بارت٤٧

اسينات- رجعنا. ومرت كم يوم حمزه رجع التحق وبلشت امتحانات مليكه.

كعدنا الصبح لكيناها محضره صدريتي تكويها وصافنه بابتسامه. عليها اني واحمد بس نتاملها
لبست وطلعت خجلانه
باوعتلنا
هنست
مبينه جبيره هواي عالمدرسه
مو

احمد- اصلا عبالك طالبه متوسطه. شون صارت على طولج
فكيت الكفه
كالتها وتباوع عالصدريه
اكلت وتباوع للساعه واحمد يوصي
تطبين ارل شي تدورين اسمج وين. هويتح ومحفضتج بديج لتخافين
لالا مسيطره
انشاء الله

يله كومي
كامت تلف بالحجاب. وتباوع لروحه بالمرايه تنهدت وباوعتلي
حلوه
تخبلين

هزت راسها همست
ادعيلي
انشاء الله
وطلعو
بقيت بالبيت ارتب واركب وبالي يمها

لل٩ ونص

جان بيومها عدي اوف
دك تلفوني. من اباوع ابو ضل

ترددت ارد تركته كملت دكتين ودز رساله
ردي عدي حجايه وياج

رجع دك كم دكه. مرديت

بعد مدك
طبت مليكه هي واحمد يضحكون وصوتهم عالي يسولفون
ها بشري
كلش زينه وتضحك تحجي وتسولف على ابسط تفصيل. ومرتبكه. وتضحك

احمد فات نام وهي طلعت اقره. بالادب بهمه.
يوم وره يوم امتحاناتهم شارفت تنتهي
حمزه خفر
وسلام متصل بعد حتى والدته متصلت
ابراهيم عرفت من قاسم خيتزوج واخذ الصاله. عالغرفه سواها سويت محد اعترض وهو كيفه يتصرف وامه مماشيته

نزل حمزه خطيه اول يومين يكضيها نايم. بس يسبح يطب ينام يومين يله يطلع يعوض نوم
كملت مليكه امتحانات واحمد رجع للناصريه كومه وصاها وهي ترد باي اعرف ميخالف
راح
داسوي. بالعشا وتسولف ويايه هي
تلفون حمزه دك
رحت ركض عليه مردته يكعد جبته شفت مكتوب
ابن الخال
سويته صامت
معرفت نسيم لو سلام
وكملت شغلي
مره مرتين اربع مرات
ورسايل تندز
مفتحتها خاف يصير مراي
داكلي والباب اندكت
مليكه باوعت من الشباك هنست
سياره سلام هاي
كلبي رجف طفيت الطاوه حمزه كعد فرك وجهه
همس
اسون
ها يابه

تعاي شوي
رحتله باوعلي عاكد حاجبه
منو هاي بالباب
يمكن سلام
عبس حلكه ودار وجهه وكف جر تيشرته همس
بي ريحه هذا
اخذته منه جبت الثاني لبسه وغسل وجهه وصل للدرج رججعت الباب تندك قوي
صاح من عالدرج
اي ايييي شنو مداااهمه

جاوبه
اي مداهمه افتح يلللله
قزرقط همس حمزه وصل للباب فتحها
داباوع عليهم
دار وجهه
سلام نتربي
شنو زعلان بعد —
لتغلط تره راسي مسطور
لا يابه هه صدك عود
شرايد عليمن جاي عمتك ذيج وينها روح فوت
وحمزه اتجه للدرج

نتر سلام
تعال تعال جاي عليك اغبر

وكف حمزه واندار عليه
تعال اصعد فوك تعال
صعد وراه طبو للهول
صاح حمزه
خطار يمي
اني ومليكه بالعرفه الله وحده صافنه بوجه اللخ
بقينا نتصنط
سلام بلش حجي
اي شبيك يابه لابس جينكو النوب حتى بالواجب ميحاجيني.
ميعجبني
ولا يعجبك طبك طب
بقه حمزه ساكت
وسلام جررنفس
احجي غرد نسوان توكع بيننا جان استحيت
والله ذوله النسوان اختي يعني. اهم شي بحياتي يعني امانتي. وانت. ماشاء الله عليك هنتها وهنتني

تره محجيت شي
باوعله حمزه رافع تك حاجب واندار تكتف ودار وجهه جر نفس
كالً شوف ابو ضل

اني صح جبتها عدكم وكتله لخالي خليها عدكم امانه بس مو معناه. خادمه
اني اعتبرتها خدامه هاي شبيييك
خل اكمل
اني بيوم العفتها عدكم جان عدي اسبابي عمتك وكفت هالوكفه الا تزوجها وواخد الدنيا زايعته على مرتاح متزوجً وعده ٣ جهال ومطلك
دراستها حاربتها بيها

خبلتها للبنيه عفتها عدكم ارتاحت رغم رقيه افندي مكعدت. قصرت ري المرحوووومه كلي؟
همس سلام
لا خشاها
قصرت وي بتك طلع منها شي
لا
جاوب وباوع للسكف يجر نفس الجكاره
اي لعد ليش هالاهانه ليييش تدري. اتي القنعتها بيك وهي رفضتك تدري كعدت اعدد بخصالك الحميده. طلعتك شريف عفيف. ابن المومن. لو لا. قبلت لان اني وقاسم وابو الخل قنعناها ويمكن تاثير ضل

يحجي حمزه رسلام مبعد عينه عنه ويهز راسه بموافقه

حتى من ردت تدرس ضل كتلي براتب مقبلنا. وانت الحددت وانت ميت مره. كتلي صح لو لا
صح
تره احنا ممتعاجزين من اختنا سلام بس تعرف الصوج بيمن الصوج بيه اني. اني الجبتها بيدي لبيتكم وقللت من قيمتها. عبالي. تتفهمون

كافي عاد حمزه سويتها بله مللح تره
اي لعد شنو يابه اكولك انت ششايف روحك
حمزه تجاوزت هواي
والله يا ابو ضل احنا اكثر من اخوه رابين سوه. واعتقد ميانتنا. تخولني بهالتجاوز

استغفر اللله نتر

وكف حمزه همس
دقيقه هسه اجي
وين داروح
اي دووكف
طب للغرفه وطلع بيده جزدان الفلوس

كعد عالقنفه جر نفس
هنس
كم شهر مشيت رااتب
سلام رفع راسه راسن
عكد حاجبه

وحمزه جر نفس الجماره وفتح الحزدان مضيق عينه حسب حسب حسب وسلام صافن عليه بغضب

كال
ست شهور مو
كافي حمزززه صيح هاي شعليها بهاي هذا تعبها

متريد يابه متريد تكول خسيت احساس موحلو مازيد الفلوس ولا اصرفهم. اذا مياخذها اذبها بالزبل

وكف سلام
صيحها احاجيها
ليش يابه هي كوه نست المغثه ارد النوب اكعدها كبالك. مخبللل عاقل. بعد متوصل بابا
حمزه لتتشاقى هالشقه ضل محتاجه الها. تره
اي جان قدرت لعد عقج وجهه بلعبان نفس
شوفلها خدام

اختي عدها دراسه مو خلك اسراء ام الكوفيهات ولا اختها اختي شبعانه ضيم ابو ضل من كفخه لكفخه وانت الخاتمه. ضيعت كل تعبها

اباوع سلام عيونه جمرت على حمزه
حمزه خله الجزدان يم تلفونه همس
اخذه وياك
مااخذه شسوي بي تعبها هاي
انطي لفقيره انطي لاحد محتاج ماعرف

ودار وجهه
سلام نتر
اني ردت اوصللها انه محلوه حجايتها.

حجايتيش تره غثوها وكالتها لاعبالك ميته بدباديبك
سلام جر نفس
سمعت كلشي بس موحلوه حجايتها تثبت على روحها شي غلط خل تلبسهم موتجيب لروحها حجايه على هيج كالت

هسه شتريد
حمزه جاي عليك اني
اي هاهي اخذها للفلوس وكانما كلشي مصار
شالها سلام وخلاها بجيبه بجزدانها

ارتاخيت
اي
ديله حروح اني يعني صفت
اي شعدي قابل

الله يهديك وليدي
ابقى تعشى
لا ماريد ضل تنتضرني متجي يمنا
امم الله وياك لالا شيجيبني هذا زواجه الخميس وعدي هواي عطلات جوه
بيها الخير من تحتاج شي كلي كاعد سبوع
خوش
فيماللا
طلع
اسينات- روحي ارتاحت رغم رجفه كلبي تعبت من نقاشهم حيل المهم تصالحو تعشينا وحمزه رجع نام
مليكه- بعدني عالشباك انتضر اشاره لخ وهدات الحركه
مرت الايام تاجل عرس ابراهيم واني مستمره بدراستي واسينات خطيه تعاونني
مرتين هابرت ضل من تلفون ببيتها ساعتين. ضبط تسولف وي اسينات وويايه. فتحنا كامره وتضحك وتسولف وتفتر بالبيت مالتهم وتدرس ويانه. وتشوف لاسينات وتعلم بيها اسينات

بكل حرف تنطقه كلبي يدك واتذكر نضره عيونه على شفايفي. من انطق الحرف يبلع ريك

عابس ركز
مركز واللا كد ما بيا قوا
شسمه
وووو
عفيه

يجر نفس مبتسم ويكولي
عيد ي باللا نسيتا
اغمض واسافر الكه روحي حاضنه الكتاب وغافيه. وحضن الذكريات الدافي

بذر فتح داخل كلبي وطلع ورد شون اكدر انساه شون اكدر اعيش دونه. معايشه اني والله معايشه

حلم وواقع وياه بخيالي

وهووشنو ميتذكر سوالفنا

وتعدي الايام

و

اسينات تمتحن الامتحانات النهائيه. واني انتضر النتيجه حان الامتحان اصعب بهواي من التمهيدي
حمزه. بقه يرتب وضع البيت هو وقاسم كم مره اجه ابوهم وسلام ونسمع ضحكهم

تصالحو ام قاسم وابو سلام
بهالايام. حمزه ديبات جوه علمود عرس اخو وتحضيراته وترتيباته

اسينات - باخر يوم امتحان. الي دااطلع. وحمزه صاحلي
سونه
ها عيني عبالي نايم
لالاكاعد ها رايحه
اي ادعيلي اخر يوم اليوم واح اخلص

يا الله اكلج شايله فلوس عدج
اي اي عدي
منيلج
مو خليلو طاني ومصرفتهن

ها زين هو اليوم ينزل دروحي لعد الله وياج

باي
طلعت امشي سريع وتفاصيل الماده. تفتر براسي
سياره ثكلت بصفي واني مهتنيت سرعت مشيتي اريد اطلع عالشارع. الخط راح يجي من صوت المحرك
عرفتها سياره سلام

مثل الثوله التفتت مخروعه
نزل الجامه بقيت اباوعله نزل نضارته الشمسيه.

هلو كلتها ونصيت
مرد عليه وطلع بسرعه من يمي
وسرعت مشيتي كارهه روحي
شكو سلمتي
شكو لغيتي

حدما رجعت اعصابي ترحجف حجيت لمليكه غمتني واني غميت روحي

باجر حنه ابراهيم
ومرت ابويه حتى مصاحت عليه

واتي موكلش اريد انزل بالذات اصيل ماريد اشوف جهرتها لاهي ولا رقيه

بقينا اني ومليكه نتفرج عالعرس من الشباك المطل عالخديقه ونقلد باع هذا وباع ذاك
جنت اشوف خليل يضوي بينهم ضحكته. العاليه وتصنيفه. وتحشيشه. يخرب ضحك
لابس قميص زيتوتي وبنطرون ابيض كتان وحذاء سبورت زيتوتي وقيطانه ابيض

هاكد شيك وانيق
وقاسم رغم سماره وعيونه الحاده السوده وخاحبه الثخين. بس طوله. يرد الروح
وحمزه حبيب اخته وسندها لابس قاط بله. رباط. لونه. بيجي. مكحل سماره هلكد يشبهه ابويه.
ابراهيم جان حلو بس اني احسه خنثه. احسه ناعم بالنسبه الهم
وطب سلام

لابس قاط كامل
اسود
والقميص رصاصي والرباط رصاصي واسود

مدري شصار بيه
كلها تركص خليل الكلب الشارع بالركص يخبل ركصه
اله سلام
احمد اجه بنهايه الحفله وهم جره حمزه وقاسم. ركصو ويضحكون. مليكه جانت تباوع وتتنهد تبتسم باوعتلي

باعي اسينات
ها
باعي مكان بابا وعمي هناك فارغ
التفتت على تاشيرتها كراسي ثنين بصدر الحفله. فارغه عبالك صدك مكان ابو العريس المصادفه افتر ابو سلام وكعد على واحد منهم يباوع للولد مكيف

تخيلي فرحتهم لو عايشين ولو اخوج ميستاعل بس الولد مكيفين
اي
تتوقعين بابا عايش
مليكع- جريت نفس لا اسينات مرتاح يم امج

هزت راسها عيونها دمعت
ساعه خلصت وابو سلام حناه لابراهيم جان طاير والهلاهل جوه تركع خفله نسوان جوي من بيت العروس

كاعدين نتفرج
وحسينا الباب تندك
فزت اسينات تفتحها متوقعه احمد لو حمزه تلبس الحجاب وتباوعلي يعني لبسي
خليت الحجاب وفتحت الباب
وانصدم
برقيه وبنت خالتها
اصيل

اسينات باوعتلهم وباعت ريك

واني ابتسمت اباوع لرقيه لابسه لبس. بعد شوي تتصلخ وبت خالتها هم

باوعتلها اصيل لاسينات كالت
هاااا مو كتلج. انتي التخسرين

اسينات جرت عينها
واني متبسمره عيني علىً رقيه ومكياجها وشعرها شو كلش طريل تقربت بس الله يدري شكد داخلي مهزوز

وكفت كبالها

كالت
هااا ههه شونج ههه. اصيل اقدملج بت عمي. المهزومه. اللي سحل

ت سمعت اخوتي
حجايه كملت واني متحملت
راسن حريتها من شعرها وسحلتها عاطت وكمت اجر بشعرها

محد يسمع صباحنا
واني اصيح
منووو المهزومه بت ال—- منو موامج. طردتني بت ال—— ام —-
روخي شوفي رجلج جم وخده عده.
واغلط ويصيحون
واني احرزيمنه ويسره بشعرها شو وكع بيدي طلعت باوركه تلزكه ومخليه دتنهزم وجريتها من ثوبها انشك. ووكعت بالكع جواريبها انسلتت
مثل المخبله. مصل الغيرانه ميته غيره. وكعدت على خوانيكها اسينات تحر بيه. متمدرلي اصيل تجر بيه متمدرلي.

خنكتها ولغمطت مكياجع. الرمرش وكعت والعدسه تخركت خفته عبالي عبنها انقلعت
وخرت راسن

عدلت العديه وتركف
ممخبله

دتريد تنزل تنهزم وتباوعلي ترجف

واني شي بيه تكسر وبرد

قفلت اسينات الباب ترجف صافنه عليه
انتجت وطكتها بضحكه من كلبها واتي هم ضحكت
لج عبالي عينها انقلعت شو مدري شون صارت طلعت عدسات
تهز راسها واضحك

جرت نفس وباوعتلي
ارتاحيتي
اي كلش
خال تكول لاحد
ختكول هي الصعدت احنا منزلنا دفاعا عن النفس

تنهدت براحه ورجعت اسينات تباوع من الشباك سارحه
تره انتي تحبي
باوعتلي ودمعت عينها
هو مشايفني مليكه شايفني مربيه لبنته

اي صح
تمددت انام تعبت اعصابي حسيت بيها بليل جتي اخذت تلفوني من الشحن

وطلعت
عرفت حتخابره
لحكتها بهدوء
شفتها تدوس بالدكم متردده

ودكت اتصال خلته عاى اذنها وغمضت حيل

اسينات- رد راسن لان كم مره صار اهابر من رقمها واضرب بلوك وارجع افتح اخابر وارجع اضرب بلوك

الو

احجو
المن مخابربن لعد
وسكت
كليشه كل يوم

بقه ساكت
ودكت ساعتنه. تعلن وصول ساعه ١٢ كل ساعه ضبط. تدك هيج نضامها

بقيت اذني استمع خرخشه صوته وضل يمه تطنطن

غمضت ثنينهم مشتاقه الهم. شحابني شورطني

همس
غبيه مو شخصتج.
فكيت عيني بلعت ريك
انتبهي عاالاصوات اليمج
محجيت بلعت ريكي
ساعتكم غلط بالمناسبه
سديته راسن واضرب بكصتي
خرب خرب. شون نسيت شون. دكت الساعه امن اجه بيتنا

بحيت واعض باصابعي مليكه همست
ليش البجي سمعتي صوته هاهي

وج عرفني

شون

من الساعه
عبست حلكها باوعتلها وباوعتلي. نص بغداد عده منها حضري وتعاي ناني واياج تخابري كرامه ماعدج
شون فهميني مداكدر
ضغطي على روحج ولا ترجعين تحسين هالاحساس

هزت راسها وترجف
كوه نامت بيومها

سبوع وطلعت نتايجي
ناجحه
جانت احلى فرحه احمد جابلي. شسوار هديه وخطبه حمزه عزمنا على عشا
جنت انتضر مباركته جنت اتخيل يعرف كلشي عني
بس
خاب ضني وتعبت منزالانتضار وبديت اايس

الايام تركض. حمودي اخذ محل سر قفليه بالناصريه. وبديت الح عليه تزوج. وتاهل وحمزه يباوعله يشجعه وهووينتر
شيلوني من راسكم

زين اخذ وخده من الناصريه
حمزه- بربك اييي واخذلي اختها ولك يكولك يخبلن
انجببب ماعدك غيره
يابه موعليها على اختها انت شعليك مباوع على مرتك اني

مليكه- عليمن تحجون
حمزه- على مرت احمد المستقبليه

مليكه- باوعت لاحمد خربان ضحك باوعت لاسينات. تره احنا بينا خيط
حمزه — هههههه اي بعرضي
احمد - ملىيكه شناويه هسه
علوش
متدرسين سادس مدام نجحتي
لا تعبت عزه ماريد
حمزه- دورلها وضيفه
ضفنت باوعت لاحمد
احند-ثالث حمزه منو يوضفها
حمزه- اكول لخالي يشوفلها
مليكه- واكوم اطلع من البيت واروح للشغل
احمد- لعد تضلين محبوسه
اخاف اني
ولشوكت شي ثاني. خط من الباب للباب

اسينت- مليكه كافي تره صار سنتين متعلمتي
اذا خط اي اوك
حمزه- هسه اشوف خالي فد شي بسيط. بس انتي ه خلي بالج عالسادس تره المتوسطه. راتبهم قليل ومينطون تعيين همه متخرحين جامعات وبله تعيين

احمد- عود الله كريم هسه
يله عيني اكوم انام باجر ورايه طريق
وباوع لحمزه واروح اصادق مرتك المستقبليه.
عوفها لاااك

اسينات- استمرت علاقتي بضله. بيوم الينزل متخابر وبيوم اليلتحق نتخابر ونسولف ساعات. اشتغل والكامره مفتوحه هي ترتب بغرفتها وغراضها واني ارتب ببيتنا
مرحعت تجيب سيره. انه تعاي يمنا ولااني الكمت اسال. سيره سلام انغلقت

لحد مافد مره.

دابدل وخابرت كامره

رديت واني اشيل بشعري
هلو ضلوله راح بابا شتاقينالج اليوم
واجاني صوته
اسينات مو
خنست سديت الكام ساكته
الو
االو هله ابو ضل
هله بيج جر نفس اني. عبالي مو وياج توقعت صديقتها ووشفت المكالمه اربع ساعات انصدمت فداشوف منو

اني همست

امم اعتذر اذا ازعجتج وتره مشفت راسن درت شاسه الفون
بقيت ساكته
تنهد كال
شتحجي وياج اربع ساعات واني اكول همزين مدتسال وتلح.
مجاوبته بقيت ساكته
الوو

نعم
تنهد هنس
هاهي مع السلامه
هلو
سده وذبيت الجهاز مليكه صفنت عليه
هسه يحير شيسوي بيها
خلي يطير اعلى ما بخيره يركبه. ابن الزفره
لالا لتحجين على امه خطيه
بده العام الدراسي الجديدوضلولهزصارت ٢ واني هم٢ جامعه ومستمره ضلوله كل يومين تتصل تشوفلي هدومها وترتيب غراضها اعلمها شون تسوي شغلات تخبها وام سلام وياها تسلم وتهلي خطيه مكيفه

منكطعت عنها ابد

وداومت
حمزه ملتحق
واحمد بالناصريه

ومليكه رجعت بقت وحدها قفلت الباب ورايه وطلعت

مليكه- رجعت نمت وراها بذاك اليوم
او

ني اغفه
واندكت الباب اللي عالدرج
تفاجات كوم صار محد وصل وكفت يم الباب

تلفونً اسينات دك سمعت صوته
الغبيه ناسيته

داشوف منو شفته قاسم

ورجع دك الباب لبست الحجاب وفتحت الباب ردت اوجه خوفي ردت اشوف بعينه اعتذار ردت اشوف شون عايش

فتحتها
فتح عينه ورجع خطوه ارتبك تلفت يمنه ويسره عالدرج

همس
بس ردت اسينات

باوعتله التفت باوع بعيني باوعت لسلاحه وبسطاله ونصيت
موهنا
ها داومت تلفونها داخابر دك سمعته
التفتت ناسيته
هز راسه وفات لغرفته
سديت الباب مطبكتها بقيت اباوع من الزرف شفته طب بدل ونزل بالفانيلا والبجامه
يمكن توه جاي نازل

نزل الدرج وبقه باب غرفته مفتوح

فتحت الباب شفته نزل وحجه وي امه
يوم جوعان كلش
اي يوم هسه اسويلك
مشيت بالممر وطبيت لغرفته اول مره اطب
تلفتت غرفه حديثه. تركيه بسيطه بس مرتبه معلك عالزاويه سلاحه ومشموره بدلته بالسله. يم الزاويه ريحه مال حذاء بالغرفه تكتل

مشيت للزاويه لزمت سلاحه وتذكرت نبض كلبي

عابسي. فلتبتسم دنياك لاجلي

اتلمس بالسلاح بالجلده مالته واتذكر من لزمته وفز
شتسوين ولج
ابتسمت غمضت اشتاقبت حتىً لريحه الرصاص من ينضفون الاسلحه الفجريه شميته والباب انسدت فزيت

جان بالغرفه هو شوكت صعد مادزي صوت خطوه مسمعت

ارتجى عالباب وجر نفس مميل راسه يباوعلي بتعب

بقيت صافنه منحرجه حيل شبرر شكول

مشه باتجاهي اربع هطوات نصيت راسي واعدل بالحجاب

اريد اطلع وارجع لبيتنا شطلعني

وواجهت روحي اذبحه اذا كاس شعره مني اذبحه اشرب من دمه

رفعت راسي واتنفس بقوه
عكد حاجبه وضيق نضره
لزم السلاح من ايدي وداره عليه خلاه بصدره وجر معصمي وحدد لزمته باطراف اصابعه فوك هدومي برقه خلاها
عالانطلاق

اول كلمه كالها

ارتاحي ضربيني وارتاحي ريحي كلبج وبردي اضربي اذا هذا يريحج

دمعت عيونه ويباوع بعيني يمنه ويسره

كل الصار مني ويقدم فوهه السلاحه اكثر لصدره

من ورايه طبيتي بعالم اسوود. اسسود. رجال ميحمله موعاد طفله.

بلعت ريك

غمض قوي ونتر
احجييي ششفتي من ضيم من ورايه.
ميل راسه يحجي
بلعت ريكي هزيت راسي راحت بعد وواني مرتاحه ممحروك كلبي اصلا نسيت

جنت احجي بثقه مهزوزه. تفاجات بكونه تعبان اكثر مني
غمض عينه براحه وارتفع صدره يتنهد حك حاجبه. هديت السلاح اريد اطلع

خليج حجايتين وهاذ هو
وكفت افتروكف كبالي
شلونج
زينه هزيت راسي والله زينه نسيت كلشي اني

هز راسه
ووانت موبس ذنبك امك غلطت اكثر ضلمتني اكثر
هز راسه يباوع بعيني بحيره
مليكه؟
نعم

بلع ريك
مليكه تحسين بيه. شديصير

كالها بتوسل وياشر على صدره
نصبت راسي معليه بيك وطلعت ركض لبيتنا قفلت الباب اربع قفلات من خوفي

غمضت وكعدت بلكع
ماريد اي احد افكر بي غيره ماريد ماريدد

التهيت لهيت روحي بالكوه. اعرف قصده واذا فك خلكه اذبحه

جتي اسينات محجيتلها راحت غسلت بدلته. ورجعت خابرتها ضل سولفت وياها ساعه ونص ودرستها كتبو وكملت سدته

وهيج مضت ايامنا

حمزه. منزل هالاسبوع. كله لاخميس ونزل
بقه يسولف وياها بهدوء الليل كله عفتهم

حمزه- بعدج تحجين وي ضل
اي ماكدرراعوفها

بعد كل الصار سكد كلبج فطير اسونتي
حمزه فدوه حاجي يجيبها مو تصالحتو
جر نفس وابتسم خله كدلته وره اذني همس شتاقيتيلها
والله العضيم اي

هليكم عالفون كلبي مترهم

اوك يعني صعبه عليك
ماريد انزل من قيمتج واكوله جيبها

هزيت راسي وتنهدت
سولفيلي شكو ماكو بالحامعه صايره سكوتيه

كلشي ماكو الولد الذيج مره حجيتلك عنه بعد موصل من حاجته. صديقتي

زين
وهاهي
والولد اللي يباوع وين متروحين وتعارك وي ابو الخط لان تاخرتي

مادري مداشوفه
احسن
وتنهد اخسن اصلا مومن جامعتج هو
شون عرفت
سالت عنه مو عده سياره افيلون
اي
اي مومن جامعتج جاي ضيف
كالها وعقج وجهه امم وانتي
شكو اني شبيه
تنهد وابتسم تدرين خالي رد فتح موضوعج
عزه شكتله
كتله اله ابنك يجي بتقدم. ويتوسل يله. اختي عزيزه عليه

ابتسمت اله ونصيت
اذا رجع تقدم توافقين
معليه انت اعرف نام يله

تعاي فركي رجلي ولج
اهو مو صار ساعه افركها تعبت ايدي

انطيج عشره عالساعه
هههه خوش صفقه

دار وجهه ونام همس
غطيني وطفي الضوه
اوك
داطب لغرفتي همس
اسونه
ها عيني
الله لايحرمني منج كلبي

اباسمت فدوه لحلكك
طبيت مليكه فاتحه خلكها وفرت بايدها
شبيج لج
شنووهذا اخوج ويع رومانسي وعاطفي ولاجن جان عالساتر

هو هذا حمزه. معوده حان يطب ويطلع يحضنني وبابا يطير
همزين احمد ماعده عالسوالف جان كفخته

هههه

اسينات- نمت والصبح حسيت على جقجقه حمزه. وريحه الجاي. ديدنذن.

اغنيه. زرع بيه العشك خوف يعني ابطل مااشووف

طبيت اضحك منيه هاي الزرعت خوف بيك

ضحكت تتريكين
اي هل اسوي بيض
لالا جبت جبن

واندكت الباب

اسونه البدله
تعال لاااك
هذا بعده مرايح
بال١١ اطلع تعال

خليل اصعد حمزه فوك
هله هله كمل فوج سلام

دكو الباب صاح فوتوو

طبو كلهم وخليل جاب كرسي ويا خلصت كراسينا بوست خليل صار شهر مشايفته

وصاح
اسونه كلب اليومرحضريلي روحج ولم اص

ابعه الخمسه باسها وشمرها نتر حمزه
هههيي اكعد راحه عوف اختك. سوالف الك— بعيده عنها عيبب
يول غير هي صديقتها صارت مو سونه
تدلل خطيه حمزه خل اروح
كللت لااا عيب بابا تجيج حجايه

اهوووو حيعممها مثل ذاك ماريد ماريد شنو هاي بس هذا الجبن عدك ويصيح وتعالوو النوب الملاص الصغير اني الجبير انفضه اسونه فدوه. من جوه كلاص الحبن عالميز بوكي وصعدي

حمزه وقاسم صاحو
وييين تنزلل هيي
هاي شبيكم تلفت يضحك شكو ههه ياكلوها جوه

حمزه-سونه سوي بيض حبيبي

اوك
سويت مكيفه. بيهم اسري والتفت الكاه هلصان. وارجع اسوي اسع بيضات وطارت حمزه كال
لج كافي تره احنه منشبع طالما نسولف وناكل تعاي كعدي

وبقينا يسولفون ويصنفون وخليل يحجي مكانه اخطر من قاسم وقاسم يسولف. وحمزه. هم يحجي همس
هالاسبوغ بقطاع سلام انزل فوجنا كله انضم الهم

خوش تسخت وي سلام تاخذ راحتك

قاسم اني نازل البي واجبي وادرس نفس الوكت مو استغل رتبه ابن خالي

خليل-هلوووو ابو الوطنيه اكولكم عيني. حضرو روحكم اريد اعرس

قاسم- يا الله يله ووين تكعد
ااجرلي يم بيت خالي مشتمل يم عمار والله يسهل بس هلي تصير

اسينات- هههه الله شون حلو

حمزه- لج شوفيلي وحده اني هم اريد اعرس
اسينات- خرب لك مو تدلل

خليل- همس
ششش سونه
ها قربت راسي
مليكه شونها
قاسم دفره من جوه الميز
ضحك نصه حك حنكه

اسينات- زينه تريد تشتغل
قاسم- شتشنغل وين
اسينات- ايتسمت واخوتي حمزه وخليل يباوعوله ضامين الضحكه.
مادري احمد كال اشوفلها اي شغله. بسيطه

قاسم- هذا المجمع مال عيادات البارحه شفت اعلان مال موضفات مطلوبين بي
حمزه- وين هذا راس الفرع
اي اي الجديد اروح اساللها اذا يردون
بعد الخير ومامدت ايده وهزله حاجبه
كال بسيطه
سكتو ويدخنون حجو بامهم شوي وسكتو وتفاجات انه يعرفون بنسيم متزوج وعده جهال ومغلسين وكامو يشكون من رقيه لبسها وطبتها وطلعتها واختلاطها بنات خالتها خليل نتر
اذا الرحال الشهر نصه باربيل شتريد يابه تحبس روحها
حمزه- زين ليش مراجعت بعد على طبيب

كلتلها رحمج تعب من الاسقاطات ومن عده مديصير وكعدت وسةتت

يوو سالفتهم مكيسه كال حمزه اقلها طفل تلتهي بي تكرص بالبيت

بقو كاعدين مليكه مطلعت
لل١١ وتسحبو كلمن لمكان تسالمو وتواعدو شهر اللخ انه يوحون يخطبون لخليل

حمزه بدل ويوصي مثل كل مره
اسونه كلبي من ترجعين شتحتاحبن هذا خلف البكال اخذي منه اتي تسوكت لحم ودجاج واحمد جايب اربع سمجات من الناصريه يعني ممحتاجين شي واذا احتاحيتي اخذي من الدخل بس فدوه لتطلعين هواي
انشاء الله لا بس جامعه والله
فدوه لكلبج تلفون بمج حتى نتخابر مو تعوفي يدك يضل بالي
لالا راسن ارد
حبيبه كلبي بوسني وطلع نزل الدرج نصه ورد صعد يبتسم
ها
نسيت تلفوني عالشحن
نزل مره لخ طب لامه ودعته مثل كل مره وطلع بالشارع يمشي بالفرع شافتي واكفه عالدرج ابتسم شال ايده باي
اشرتله وطبيت

حمزه— وصلت بيت خالي وطلعت وي سلام التحقنا
جانت اول مره التحق بفوجه
سنطه المنطقه. رغم كثره الاوكار الارهابيه بيها اربع ايام بقي

وبليل خابرت اسينات
اسينات- هلو حمزه
هله حبيبه شونج
زينه باوع. خل اكولك
كولي دااسمع
باوع بنيه ويانا بالقسم
اممم
اي كالت اخويه. مكمل جامعه ومعيد وويريد شسمه يتزوج. اهلج ينطوج. ادز اهلي كلش عجبتيني وامي شافت صورتج كالت عليج حلوه
وانتي ليش متصوره. خرب يوومج
لا والله صور مال عقود مال جامعه الاضبارات مو اخوها. عدنا. يشتغل بنفس جامعتنا فالاضبارات ماخذها يدققها

هاا اوك
اي ف كتلها اخوتي من ينزلون ماعرف اني
عفيه عليج
يعني شون استقبل امها وحدي اخجل وومليكه تكول شحجي يعني بالعاده ام البنيه تستقبل وواني مداعرف شسوي حتى كتلها لتجون ماعدنا احد
لا كلبي اني اجيب مرت خالي ونستقبلهم ولا تحيرين. كوليلها الخميس خلي يتفضلون حتى الولد هم خلي يجي اتعرف علي كوليلها اخويه كال هيج
اوك انت الخميس تنزل
الاربعاء قمري الاربعاء
زين ماشي يعني اكولها الخميس خاف عيب عبالهم ذابحه روحي

حبيبي من تجي تسال كوليلها الخميس تفضلو اخويه كال
هاها خوش اوك
ديله لتفكرين نامي سلمي على مليكه
اوك وصل
سلام- ويامن دتحجي عبالي نايم طلع كاعد
هلا بابن خالي اي كاعد اااخ.
شبيك شو تتحسر
ههه ماكو شي والله انشاء الله كل خير
شبيك شو حاير

اشرب اشرب ويايه جبير هذا الكوب
ماحب جايك مرر دافع البله تكول ويسكي
سلام-اليسمعك يكول ضراب للاخير
ههه اووف
شبيك ووجع خنكتني عود جيت اسولف
ماكو شي خايف على اختي
شبيها ياستار
كالها منصي عينه
مبيها. جاييها ناس وحاير سوده بجهي حتى متعرف شون تستقبل تكولي شكول لاام عدها التعلمها ولا اخت جبيره بس ولد واني عزلت روحها بعد شكد حاولت اتوصل لحل مقبلت تكولي ختولي
بقه صافن بوجهي
شبيك صافن تره الموضوع انسد مالتك سلام احجي اخذ واحتك
ابن عمك مو رايدها
احمد شفتيتلي احمد كلبه بيد وحده ارمله مدوخته اب١٢ دوخه
يعني مابينهم شي
هاي شبيك خو لو يريدها جان من وكت ابويه بس ماله نفس بيها شتيفهت اخته

امم وم

نو متقدم
ولد معيد بالجامعه اختها وياها واني استغفر الله ربي اختنكت
شبيك يول عادي هي البنيه خطار عد اهلها
يول منو يرضى بوحده ميصير عدها جهال
منو هاي اسينات لا بشرفك
اي والله لعد مو كتله لخالي عبالي كلك
لا والله حتى امي متدري
خالي كلبه حنين
اي كلب سمجه شون عرفتو ميصير عدها
من صغرها شايلين تك مبيض والثاني ضامر خامل
اوو والله قهرتني

هاي قسمتها هسه جايبها ناس زين تحي تكوللها تموت قهر احجي وي الولد على صفحه راح يطفر مراح تكول ليش طفر
اي والله حيره زين هي متدري
لا ناسيه طفله جانت وعمليه ببطنها شمدريها شنو
امم الله يساعدها
كون انطيها من راحتي وخليني متعلعل اني بس داريدها تتخرج وتتوضف متحتاج احد خاف يصير علينا شي واحنا ٣ بالساتر
سكتت صافن علي عيونه حومرت

تنهد
اني موصي خالي بيها كايله خاف يصير علينا شي بس عينك عليها

سلام-تنهدت. بتعب محد مرتاح بحياته خليها متدري تره تاذيها ومن تتخرج. وتتوضف نوعا ما متحتاج احد اسهل شوي
اي هو احمد يدري. بالسالغه كايله ابويه. ومفتح مووضوع على انه اني ابن عمها اريدها ابد ومره حجينا عالزواج والخوات كال محاسب روخي عدي وحده عدي خوات ثنين

واني والله لو مليكه شوي اصغر مني الا اخذها وامن عليها. بس هو ميفكر هيج ابد
براحته
اي لا عليج جابره احنا موحودين ٣ لاواحد وااثنين وابراهيم ولو خارج قوس بس يتسمى اخوها
امم اذيتني والله النوبه تخب الجهال وتعرف شون تجيبهم
اي خطيه هي متكره احد تره

متدري جوز احد يقبلها باللي هي بيها جوز الولد المتقدم تعجبه. ويعوف سالفه الجهال
منووهاذ هاي شبيك هوواحد المن متزوج غير علمود الجهال
ماعرف شكولك والله دكوم نعل شرفك عود جيت اغير جو كمت نفضت بنطروني وتمشيت

شوي لمحت اضويه من بعيد

وكف حمزه ونزل للوادي بتسرسح

واني طبيت للمعسكر

توني
اطب
واسمع صياح حمزه

يووولد قناااص. انتبهووا

طلعت راسن منصي صحت
حممممزززه اررجع

يولد قناا—-

يتبع...