هي مصارلها غير سنه وحده ع وفاة احمد دخلت للبيت وتلكاني ادم جدو جدو وفرحت بي وبسته هلا بهالريحه هلا بوليدي
دخلت للبيت جابو العشه البنات وسيناء كاعده يمي وخلصو كوتلهم ابقو ع نفس كعدتكم عندي موضوع وياكم
نور واسماء ..باوعنه بأستغراب خير بابا
الولد صاحب الكهوه طلب ايدج للزواج ويتكفل ب ادم وبيت وحدج
سيناء… هنا اني انصعقت شنو بيت شنو زواج هاي الارمله يوميه جايها واحد مره حموينها مره اقاربنه ع شنو ..
نور ..اني هنا فهيت بس ال هاا تطلع مني بابا شنو زواج انت نسيت شعانيت اني
ابو نور ..بابا محد يكدر يخلصج من مكر حموينج ونسوانهم غير هذا الولد فكري بنتي ورجعيلي جواب اني مااجبرج البيت العشتي بي قبل تعيشين بي هسه انتي وابنج معززه مكرمه
نور… هه باستهزاء اي معززه ويه مرتك بكلبي وطفرت والدمعه بعيني اي نور ظليتي ملطشه بيد اليسوه والميسوه 😔
شويه واجت اسماء ..كالت حبي نور ترا كلام ابويه مابي شي وانتي لاتسوين شي غلط ولاحرام الولد اجه من الباب ولايعرفج ولاتعرفينه حته تفكرين بسوء جائز ديفكر بتأنيب الضمير ويحس هو سبب بموت احمد الله يرحمه
نور.. بين اقتنعت بكلام اسماء وبين خوفي ع ادم وبين سيناء وحمويني ونسوانهم اوووف ياربي دوامه واني بيها ساعدني ياالهي ساعدني بديت افكر ب ادم ومستقبله والي صار ضحيه اهل ابوه الهمج وفززني ضحكة اسماء وهي تدغدغ بيه يلا سويلي مجال وراج يمعود موحعنس ع قلبج
نور… ههه ضحكت تلقائيا ع خبالات اختي وكوتلها ترجع خبر لبابا بالموافقه بس ع شرط اشوفه واحجي وياه واتفق وياه ع شروط
راحت اسماء وبلغت والدي بهذا الحجي ومااحس اله ابويه متصل بي وكايله بهذا الحجي
غيث… يابه عندي موضووع وياكم
ام غيث ..يي يمه كول
ابو غيث… احجي ابني
غيث ..اني اريد اتزوج وشفت بنيه بنت اوادم وحبابه وحلوه وهي…. قاطعتني الوالده
ام غيث… يمه صدك تحجي شكد اتمنه يجي هذا اليوم يمه فرحتي متنوصف
غيث… يمه خليني اكمل البنيه ارمله وعدها ولد
ام غيث… شنو بصدمه ليش شبيك شناقصك حته تتزوج هيج وحده والله لو ع جثتي متاخذها
غيث… يابه احجيلك كلمه طبعا والدي انسان متحضر وميقيدني ويخلينه نختار حياتنه براحتنه
ابو غيث ..بابا اذا انت تعرف البنيه ورايدها اني ماعندي اشكال لاعيب ولاحرام
غيث… كلام والدي ريحني يعني افهم من كلامك موافق
ابو غيث ..توكل ب الله وليدي
ام غيث… شنو شنو بكيفك مستحيل اني اقبل واذا سويتها ياغيث لااني امك ولااعرفك ولاتعرفني ومن هاللحظه مااريدها تجي بيتي وانسه الك ام وبيت هنا بعد ونترت بيه وطلعتني من البيت
اجاني اتصال من ابو نور وبلغني بشرط نور واني وافقت ورحت العصر عليهم ..
اسماء.. اجه غيث وانصدمت بي صدوك يلوك لنور وتستاهل هيج واحد رحت ع نور ابلغها بجيته لكيتها نايمه
كعدتها..
نور… كعدتني اسماء كعدي حبيبتي اجه الامير مالتج باع هايه اسماء عوفيني نايمه نعسانه
اسماء .. والله احجي صدك شبيج وبابا دز عليج يكول خلي تجي
نور ..كمت لبست صايه وفوكها شال واريد اطلع مااحس اله ايد سحبتني ..هوب هوب وين عيني وين طالعه هيج كلنه ارمله بس ترا هذا حيصير خطيبج مو لهالدرجه اسماء مالي خلگ سوالفج ترا وخري لااتاخر ع بابا
اسماء ..من كل عقلج اخليج هيج تروحين طلعتلها فستان اسود وهي جسمها يخبل ومتناسق وشال وجبرتها تلبسه وراحت
نور.. اخذت بيدي صينيه الگهوه ورحت دكيت الباب فتحته وفتت بس مارفعت راسي وكلت مرحبا
غيث… دخلت علينه وبيدها صينيه اني استحيت اباوع بس شفت ابوها عينه بالصينيه رفعت عيني وياريت مارفعتها فصلتها تفصال شنو العيون العليها شنو الوجه بريئ وطفولي والهدوء الجامعته بوجها وشخصيتها عجيب ارتبكت بصراحه اخذت الصينيه من ايدها وهي ابدا مرفعت عينها…
نور… ااني بطبعي ماارفع عيني ع شخص مااعرفه بس العطر مالته تارس البيت كلت مبين نازك من عطره
غيث… بعد احس انثولت لازم احجي حته اطلع ارتبكت مااعرف شسوي اي نور شنو شروطج من رخصه عمي ابو نور
ابو نور.. اني راح اخذ الصينيه واخليكم براحتكم تحجون
نور ..رفعت عيني ع غيث اريد احجي وسكتت عزا هذا شلونه شنو خلقه بس مبينت اهتمامي اني مو مشايفه اختصرت
واريد انطق وجان يقاطعني صوته… .يتبع

أّلَيِّتّيِّمَهِ وِ أّلَثّلَأّثّيِّنِيِّ
#بارت 3

قاطعني صوته
غيث… حسيتهه مرتبكه بس بنفس الوقت جريئه ومينخاف عليها
كولي نور اني اريد اسمع شروطج
نور… فززني بصوته كوتله اول شي احنا نكون زواج بس ع الورق لحد مانفسيتي تهده واتعود ع الوضع اني ممتقبله احد بحياتي بس مستقبل ادم هو الي خلاني اقبل بهذا الزواج
وادم مااريد يبعد عني لان حياتي بدون يعني الموت
غيث… سمعتها للاخير وكوتلها تأمرين بشي ثاني بعد
نور… يي ومااريد لاهوسه ولامشيه نكدر نحل الامور بينه مالها داعي هاي الامور
غيث.. بعد عندج شي تردين تكولي
نور… مااعرف شبيه فهيت وكتله هاا لا ماعندي شي
غيث ..سمعت شروطها وكوتلها ماعندي ماانع وباجر اجيب ابويه والسيد والشهود ونعقد وراها نكمل اجراءات المحكمه عندج اعتراض
نور… لاماعندي خير ان شاء الله وكمت دااريد اطلع جان كال انتي الخير كوله غلست جني مسمعت لان حرجني
بديت افكر شلون واهل ادم ذوله اذا سمعو والله ياخذو ل ادم
ابو نور.. شفت نور واكفه باب الاستقبال وصافنه عرفت تفكيرها بابنها الضنه مو سهل واحد يعوفه محجيت وياها رجعت لغيث
غيث.. دخل عليه ابو نور وفتح موضوع ادم… كال احنه لازم ننطي اهله خبر حته ليعاندون وياخذو منها كوتله واعتبر هايه محلوله
اخذت ابويه ورحت ومصطفى لاهل احمد وعرفتهم بنفسي وحجيت بالموضوع صلاح انسان عاقل يطلع بعمر مصطفى ابن عمي ورزن بس هذا اسعد ظل يكمز واحنا اوله بيها وابنه مننطي وصلت وياهم لحل هم سكتو كتلهم انطي ل ادم حصه بالكهوه ويصير شريكي وانتو اوصياء هذي الحصه موافقين هم سكتو كال هاي هي ناس تموت ع الفلس مبينين
نرجع لبيت ابو نور
ابو نور ..بابه نور اليوم العصر يجي غيث ويجيب السيد وياه تعقدون بابه جهزي نفسج
نور ..احس قلبي مااعرف شصار بي ومعدتي تقلصت اكيد انتو مارين بهذا الشعور وتفكيري كوله ب ادم وقاطعني صوت ابويه
ابو نور… بابه غيث حل موضوع ادم وبعد ميكدرون ياخذو منج
نور… اني فرحت اهم شي عندي ابني هو الي محلي كول دنيتي افكر بمستقبله وشلون راح يكبر ويدرس ويتعلم واعوضه عن كلشي اني انحرمت منه افكر ونزلت دمعه بطرف عيني وحسيت ب ايد مسحت هالدمعه اختي اسماء وحضنتني وكالت كومي وبلا دلع عروستنه ضحكت ع خبالاتها وضربتها بخفه ع راسها
هنا اجه دوري اسماء خلي اعرفكم عن نفسي
اسماء ..عمري 23 سنه طولي شويه اقصر من نورحنطاويه ع سمار عيوني كبار ورموش كثيفه طالعين ع الوالد جسمي متناسق مهتمه بنفسي احب الاناقه والترتيب تنطيني طاقه ايجابيه طالبه جامعيه مرحله اخيره ابد مسويت علاقات
لان اختي نور جانت هوايه تنصحني واجتماعيه كولش واحب
الخير للكل شكد رادو يحاولون ويايه مقبلت
الا ان فد يوم ..اجانه استاذ جامعي نقل من ذوله الشباب الجدد شغل بال كل البنات واني الوحيده الي لحد الان مشفته
قيصر ..27سنه اسمر وطويل مهتم بنفسي احب الرياضه السنه تعينت جديد بعد تعب دراسه ومعاناة احب الهدوء والسفر وتلفت انتباهي البنيه الهادئه وحكيمه بتصرفاتها وطبعا هالشي الي لفت انتباهي ب اسماء
فد مره من المرات صارت عدنه حفله تعارف باوعت صايره الجامعه عباره عن مهرجين بنات وشباب اني مالي بهاي الهوسه كولها والاساتذه همات محتفلين كلت خلي اطلع للمكتبه احب الهدوء ادور ع كتاب بلكي الگي هنا
اسماء.. شيرين مالي خلك وتصوير والصور تضيع عفيه احتفلنه بقاعتنه كافي والله تعبت وراسي يوجعني من الهوسه اني رايحه للمكتبه واذا كملتو صيحوني يلا باي وبستها وهي مطنكره لان مبقيت
دا اتمشه بالمكتبه اني احب الكتب عندي بالبيت مكتبه نقره بيها اني ونور نعشق القراءه اني واختي ولفت انتباهي كتاب سحبته وحسيت الكتاب دينسحب الرف جان عالي وبالكوه الوح تعوذت من الشيطان وخفت كلت هاي المكتبه فارغه اني شدخلني انرعبت بس متركت الكتاب
قيصر ..اي واخيرا لكيت الكتاب سحبته واذا الكتاب دينسحب شنو الموضوع اسحب وينسحب تأففت ونترت وتالي بس بهدوء
رفعت عيني ومااشوف بس عيون وسبحان الله من خلقهن ظليت صافن وهي من الخوف جمدت بمكانها تركت الكتاب ورا الصفنه كالت عفوا ..ياريتها ماحجت سجين ودخلتها بكلبي هدوئها فضيع متتنعوص لامبينه طبيعيه
قيصر… اخذي
اسماء ...لاشكرا اخذ غيره
قيصر… لحد الان بس عيون اشوف كدامي ..لاعادي اخذ غيره
اسماء… بس هذا النسخه الوحيده هنا
قيصر ..عادي اخذه غير مره
اسماء ..اوك شكرا ومشيت واني ارجف صوته رجولي وخشن يمكن طالب عدنه جديد مشايفته واحتمال من غير قسم بس هو مرتب ويجذب
قيصر ..دنمشي نطلع حته نكعد ع طاوله كعدت قبلها وشفتها بيدها كومه كتب دخيل الله فز كلبي قبل عيوني شنو الطول الجسم المشيه مالتها رغم لبسها جان محتشم ومعقول الا هي تخبل ومكياجها هادئ هو والماكو سوه
كوتلها تفضلي اكعدي هنا ..
اسماء.. داامشي اريد اكعد اقره واشوف شنو اخذ من هاي الكتب واسمع نفس الصوت تفضلي اكعدي كوتله عفواا ..!ورفعت حاجبي
قيصر ..ياريتني ماحجيت تورطت ورطه
اسماء.. شوف عيني اني هاي س

والف الطلاب مااحبها ترا اني مو من نوعك المفضل هاي البنات اشكال والوان كدامك لااتفضل ولامااعرف شنو انت طالب حالك حالي خلينه نحترم الكتاب الجينه ندرس ع موده وراح انسه انك حجيت شي .
قيصر ..اني ظليت فاتح حلكي ومبتسم حسيت بلذه انتصارها وافكر بيني وبين نفسي معقوله اكو بنيه تفكر هيج بعد ههه لا وعبالها طالب هي صارت ع جهه واني ع جهه ساد الصمت بالمكتبه لاكثر من ساعه بس لاحاجيتها ولاحاجتني وبعدها رجعت كتاب واحد واخذت الباقي وياها وانتهى هذا اليوم رغم التعب لكن صار ويايه احله موقف
اسماء.. رجت مسطوره من الدي جي مال الحفله رغم ماشاركت وخلصتها بالمكتبه بس لازم تصير هوسه رجعت لفيت راسي ونمت بدون غده كعدت المغرب كعدتني نور يلا حبيبتي اكعدي صلي وتعالي تعشي لان انتي بدون غده
وفعلا مثل مكالت اختي سويت وسالتها شصار ويه غيث
سكتت ..وتنهدت وكالت ..
نور... باجر يجيب والده ونعقد شيخ وراها محكمه
اسماء ..جنه كاعدين وحدنه وحضنتها وباركتلها وكتلها حبيبتي انتي لامسويه شي غلط ولاحرام ترا ع سنه الله ورسوله وكدام الناس طلبج
نور.. الله كريم حبيبتي خلي اشوف ادم يلعب ويه جده
يوم جديد.. صباحا
اسماء ..كعدت كالعاده بدلت ورتبت نفسي اني مااخلي اساس وهاي السوالف اخلي كحل بداخل عيني وماسكاره وشويه حمره بناتيه وطلعت للجامعه ولازم ارجع من وقت لان اليوم عقد نور
دخلت اول محاضره واذا بالمفاجئه وظليت فاتحه حلگي وبين خجلانه وبين خايفه ومااعرف شسوي وعيت ع نغزة شيرين
شبيج يمعوده جمدتي بمكانج هذا الاستاذ الجديد بمكان استاذ فائز راح ياخذنه حقج تصفنين بنات الجامعه كولها صفنها
اسماء.. باع هايه شتسولف واني وين اسولف بمصيبتي وفشلتي السويتها وياه دنكت راسي وسكتت
قيصر… دخلت شفتها كدامي ضحكت بس مخليت احد ينتبه خطيه اباوعلها نصدمت جان عبالها طالب زاحف ههه متوقعت هيج اني استاذ كلت خلي اكسر حاجز الخجل اعرفكم بنفسي اني استاذ قيصر ورزكت عليها اجيكم بفلان ماده بمكان استاذ فائز..
اسماء… يبو شكد عيب وين ادفن نفسي يربي وشيخلصها اليوم المحاضره حسيتها اطول محاضره بعمري كوله
ابو نور.. يلا بنيتي اجه الشيخ وغيث واهله
نور..حسيت بطني تقلصت مااعرف ليش شعور ممريت بي قبل لبست فستان وحجاب وعقدت ورا شويه اجاني بابا كال غيث يريد يحجي وياج روحي لغرفتج وخلي اسماء تطلع لان الاستقبال بيها ناس
اني ترددت بس بابا بعد لزم الامر عليه
غيث.. دخلت لنور شطالعه تخبل ماشاء الله رغم هي لامكياج ولاذبت الاسود بس شكلها حلو وجسمها بعد احله جبتلها موبايل حديث ورقم كوتلها هذا نتواصل بي بالبدايه مقبلت تاخذه بس بعد اصرار اخذته
نور ..جابلي موبايل كولش حديث وكال نتواصل بي بس اني استحي شراح احجي وياه اخ ياادم شكد راح اقدم تنازلات ع مودك واخذتني الصفنه ونزلت دموعي وطلعتني من شرودي صوت بشع وكوله حقد وكراهيه
سيناء… صدك فار دمي هاي يوميه رجل والحظ شلون جابلها واحد بالاحلام محد لاكي صحت عليها يلا عيني لتسوين نفسج حزينه اليجيها هيج واحد شتريد بعد وجهه الفكر مو مال نعمه
بس هو ينطي جوز للماعنده سنون
اسماء.. اني ابد مااقبل ع تصرفات امي شفتها عايطه بنور رحت عليها وكفت بوجه امي وكفتها ع حدها
وحضنت نور وسكتتها لان انهارت بالبجي وضحكتها شويه وحجيتلها عن الموقف الصار البارحه واليوم الصبح ضحكت.. واخيرا شفت اسنانج اللؤلؤ ست نور ضحكنا ههههه
نور.. باليل كاعده اسماء منزلتلي برامج وخليت رقم بابا واسماء وصديقاتي 2 وبس خليت الواي فاي مفتوح وخليت الفون يم راسي ودااريد انام واجاني مسج ع الوات فتحت المسج رقم غريب
🕐 هلاو شلونج
نور… ظليت متردده بين ارد وبين لا بعدين كلت خلي ارد يمكن وحده من صديقاتي جاوبت اهلا منو ..؟
غيث… من بعد ماجبتلها فون كلت لازم اتعرف عليها الى متى يبقه هذا البرود بينه من يوم العقد لاشفتها ولاحاجيتها دزيت هلاو ..بس تأخرت بالرد الا ردت بس شنو حسيت گلبي انشلع من مكانه بردها كوتلها غيث… وهم تأخرت بالرد
نور… هلو بيك معرفت الرقم اسفه
غيث… لاعادي حقج غير رقم غريب واني نسيت محفظته الج بالفون
نور.. اي صح
غيث ..شنو !
نور.. انت محافظه لذلك معرفتك… رديت برود عادي
غيث.. اي شلونج اخبارج
نور ..الحمد لله بخير وانت شنو اخبارك
غيث ..بخير اذا اشوفج بخير
نور.. شكرا
غيث ..ليش تشكريني
نور… لعد
غيث ..نور شوفي هاي الرسميات شيليها اني خطيبج مو غريب
مااريد شكرا ومن هالرسميات
نور ..ان شاء الله
مر ع الخطوبه 3 اسابيع وبهالاسابيع كثرت المراسلات بينه بس كلام عادي مجرد يتعرف عليه واتعرف علي واتصالات قليله وهم رسمي مااكدر احجي شي وياه كلبي مديميل اله
وبعدها اجه غيث وكال لازم نتزوج قبل لا عيالي يسوون مشكله
وفعلا اجه يوم الزواج
وطبعا اني شارطه ماكو لازفه ولاهوسه اطلع من بيتنه لبيته وهو وافق ع هالشي....يتبع

أّلَيِّتّيِّمَهِ وِ أّلَثّلَأّثّيِّنِيِّ
#بارت 4

نور… اليوم بدايه يوم وحياة جديده لازم انسى كولشي وابدي ابني مستقبل ادم لان ع موده قدمت هالتنازلات وافقت ع هالزواج ..بديت اجمع بغراضي الي اشتريتهم طبعا اني مااشتريت اشياء خاصه بالمتزوجات داخليات وهيج سوالف فقط تراكات دشاديش قصيره وطبعا فرضتهم عليه اسماء مع العلم غيث مقصر بالفلوس وعطور ومكياج بسيط وبديت اجمع بالغراض لان لازم اليوم اروح وادخل عش الزوجيه وضحكت بيني وبين نفسي باستهزاء هه
اسماء.. اليوم اختي تودعنه ولازم اكمل محاضراتي من وقت وارجع ونور وصتي ع كم كتاب هي عدها شغف بقراءه الكتب ولازم اروح للمكتبه
قيصر ..اني مااكعد ويه الاساتذه احسهم تفكيرهم غير تفكيري لو انفرد بالنادي لو بالمكتبه جنت كاعد اقره ورفعت عيني ورجعتها بالكتاب صفنت يمكن لمحتها رجعت رفعت عيني اي
هي وهاي فرصتي البنيه بقت ابالي مدااكدر انساها
اسماء ..داادور بالكتب وماحسيت الا مرحبا
درت وجهي لكيته هو الاستاذ عزززه واني خجلانه وخايفه ومرتبكه ومااعرف شسوي بس صافنه صفوف المكتبه كولش رفيعه تسع شخص واحد فقط مكان ضيق
رديت بارتباك مممرحبا
قيصر ..تقصدت احجي وياها ردت اشوف ردة فعلها مثل ما بالاول لو مجرد حجي وتبيع بطولات
شلونج
اسماء.. بارتباك الحمد لله وانت
قيصر ..بأبتسامه الحمد لله
اسماء…اني اسفه جدا تصورتك طالب ويانه اعتذر عن ذاك التصرف وياريت متدخله ع المستوى العلمي واي نوع اعتذار يعجبك اعتذر
قيصر.. هههه ومنو كلج اني هيج راح اسوي اني مطلبت منج تعتذرين بديت اتقرب عليها عطرها هدوئها كلامها رقيق جدا بنيه مميزه مشايف مثلها هي خطوه وحده ماكو مجال ترجع اكثر انحصرت رادت تطلع خليت ايدي
اسماء… وجهه صار كولش قريب عليه بحيث اشعر بانفاسه حرگت وجهي وكلبي يدك يريد يطلع من مكانه ستجمعت قوتي وكلت ..استاذ قيصر اني اعتذرت منك وارجع اعتذر مره ثانيه بعد اكو شي ثاني
قيصر… اوووف شوف الثقه حسيت نفسي تماديت بس شنو الي يدفعني الها مااعرف ..اه لا واني قبلت اعتذارج
اسماء ..ركضت ركضه اسرع من طرزان شافتني شيرين الهث ومااكدر احجي بيدها مي شربت البطل كوله بلا وعي ماعرف شصار بيه
رجعت للبيت كالبه خلقتي لاكتني نور
نور.. شمرت الكتب بحضني مو عادتها اخ شبيج
اسماء.. بسبب كتبج حبيبتي اليوم جان انجلطت وكعدت احجيلها الصار كوله
صارت س 5 ونص اجه غيث طلعنه سلمنه عليه بس نور مطلعت بقت تجهز بنفسهه
رجعت لنور لكيتها تلبس صايه وشال سحبتها هوب هوب وين ياحلوه
نور.. اهو اسماء عوفيني مالي خلگ سوالفج
اسماء ..من كل عقلج اعوفج واليوم زواجج طلعتلها قميص طويل اصفر لان هاللون يجنن عليها وجواه جينز اسود وشوز رياضي اصفر بالگوه قنعتها اني وابويه تذب الاسود ومكياج بناتي وبالگوه عليها طلعت ولازمه بيدها ادم
نور… طلعت امشي وعيوني مغورگه اكثر شي يوجعني فراگ اختي وابويه ..طلعت واني رجليه احسها ترجع ليورا افكر شلون اذا الناس شافوني بدون اسود وافكر بغيث شلون راح اعيش وياه هوايه سوالف ابالي اجت
غيث… شويه ونزلت نور احنا كاعدين بالصاله والدرج بنص الصاله اباوعلها والله اميرة وتمشي ع نبضات كلبي گلبي يريد يطلع مااعرف شبي البنيه حلوه حيل وذابه الاسود ماكو هيج جمال رجعت وحده عمرها 20 براءة وجهه حالها حال ابنها متفرق هي بريئه فززني من صفنتي صوت ابوها وليدي بعد مااوصيك بالامانه ..
لاعمي ..بعيوني اغطيهم خلي بطنك قالب ثلج وامن طبعا ادم كولش يحبني خلال فتره الخطوبه ظلينه نطلع واخذه للالعاب وتعلق بيه كولش اول مشافني ركض عليه
اخذتهم ورحت لبيتنه
نور.. اني جنت كاعده بالصدر ..مشغل اغنيه هادئه كولش ل اليسا في عيونك لعز واسرار ورا شويه حسيت يقصدني بهاي الاغنيه حبيت نوصل بسرعه واذا يطبك يم بيت كولش حلو يسحر من بره دخلت ماشاء الله الاثاث يخبل وكامل من كلشي بس مو نظيف مبين متروك دخلت ظل يدليني بالغرف طبعا بالطابق الجوه اكو غرفتين وحده النا وحده ل ادم مسويها تخبل جايبله غرفه اله والعاب ومسويه غرفه اطفال وسرير واحد ع شكل سياره
غرفتنه كولش حلوه والالوان هادئه الواني المفظله بيج وبني
دخل الجنط واخذت ملابسي وغيرتهم لبست ثوب طويل وذبيت الحجاب ورفعت شعري لان خلص هذا واقع لازم اتقبله طلعت من الغرفه اني من النوع احب النظافه والترتيب واحب الطبخ كولش اتفنن بي
غيث… اني جنت بالمطبخ دااشرب مي وتركتها تاخذ راحتها وبقيت اكلب بفوني ع ماتخلص ..وشويه ودخلت اااففف شنو هاي اكيد تريد تموتني هاي شلون اخلصها وياها هيج وشلون الزم نفسي عنها وشلون اقنع الشيطان هي قافله وبقت افكار تاخذني وتجيبني قطعت تفكيري وتعوذت من الشيطان
كوتلها شتحبون اجيبلكم عشه
نور.. ماله داعي ليش تطلع وتعب نفسك الوقت متأخر والجو بارد راح اسوي الموجود
غيث… حبيت الفكره اكل من ايدها وبنفس الوقت اخليها تتعود ع البيت وع هوايه شغلات سالتني شنو احب كوتلها اي شي من ايدج طيب
نور ..هو كال هيج واني خجلت بس مح

بيت يبين عليه خدودي فضحتني سويت سلطه تونه وسويت شيش طاووق اشياء سريعه ومقبلات ثانيه سريعه وصاح ادم بالمطبخ وتعشينه والجو جان كولش بارد
حسيت بالبرد سديت باب المطبخ هو لاحظ هالشي
غيث… باجر يجي ابو الصيانه يشغلج تدفئه البيت كولها لان ملحكت هالايام اجيبه وانتي تعرفين صار الموضوع بسرعه بسرعه
نور ..هزيت راسي بهدوء وكوتله اوك
ادم غسل وراح لغرفته كولش فرحان بيها وبالالعاب وبقينه بس احنه كلي عاشت ايدج نفسج بالاكل كولش طيب
شكرته وكمت دا اريد اغسل المواعين واذا ايدي تنسحب
غيث… صار لازم احجي وياها لان برودها موتني سحبتها من ايدها كوتلها ممكن تكعدين نحجي شويه
نور.. باوعت بصدمه تفضل
غيث.. اكعدي بالاول وعوفي المواعين
نور.. كعدت ع الطاوله ورجعت المواعين
غيث.. شوفي نور اني لاعندي مصلحه وياج ولاعرفج ولاتعرفيني اني كل ماهنالك وكف بعيني ادم امانه ابوه وموقف انتي مريتي بي هو الي كسر كلبي وحسيت نفسي سبب بي لذلك يابنت الناس اني زوجج وسندج بهاي الحياه اي شي تريدي او تحتاجي او تحبين تسوي اتاكدي اكو احد ساندج وادم اعتبري ابني واكيد مراح اقل عن حبج اله ومراح اضغط عليج بيوم من الايام واجبرج ع شي شوكت متحبين وتشوفين نفسج جاهزه اني راح اكون جاهز ومرحب بيج
نور… شكد تغيرت نظرتي اله وافتهمت شكد هو انسان ناضج وفاهم وشكد ريحني كلامه هسه اطمأنيت
مرت تقريبا 3 اسابيع ع الزواج واحنه حياة طبيعيه نمر بيها هو يطلع ورا الغده لان الصبح يبقه نايم واني انام ع الجربايه لو مرات يم ادم وهو بالكاع مخليتله فراش وحياتنه طبيعيه نضحك ونتشاقه بس بهدوء ولاحظت شكد يحب ادم ومدلله دلال ومن اطبخ هوايه يمدح بأكلاتي واني احب التزيين وهاي السوالف تنطيني طاقه ايجابيه
غيث ..فد يوم من الايام اجيت للبيت العصر جنت ناسي موبايلي ومااكدر ادز عامل يجيبه لان نور متكدر تطلع تفتحله الباب رجعت للبيت دخلت من باب المطبخ لكيتها كالبه البيت ع البطانه تنظيف وادم ماكو صاعده ع الدرج تنظف بالبنكه وتمسح ومااشوف الا رجلها زلگت وكعت بس اني رأسا لكفتها
نور… كعدت العصر كلت خلي اسوي حمله تنظيف وبلشت بالمطبخ داانظف بالمطبخ لبست ثوب قصيرارتاح اشتغل بي ومتاكده هو ميرجع الا بالليل وكع سطل الزاهي وبلل الدرج اني حافيه زلگت خفت وعطت وغمضت عيوني مااعرف ليش احنه البنات نسوي هاي الحركه من نوكع نغمض ههه فتحت عيوني بحضن غيث كلت ديتهيألي اكيد لان هو برا
غيث.. الصمت في حرم الجمالِ جمال ُ…ساد الصمت بينه واني شايلها اليكول لعابه ولابسه ثوب قصير وحافيه وشعرها نازل ع وجهه فتحت عيونها وساكته واني اخذني الشوگ لعيونها تعمقت بيهم نومتني مغناطيسيا وماوعيت ع نفسي الا ع صوتها تكولي غيث نزلني
نور… شالني غيث وماوكعت الا بين ايدي عطره موتني حضنه شكد دافي بي حنيه عجيبه وجاذبيه اباوع بعيونه صفن بعيوني واني هم فهيت وماحجيت ودي ميتركني وصح حرام عليه الي دااسوي بي بس لازم اكتشف معدنه شنو غيث لحد الان مشفت منه غير الخير حسيت حيغمه عليه ريحته عجيبه مخدر من نوع ثاني حسيت ع نفسي وكتله غيث شكرا الك نزلني… نزلني وجان اتزحلگ بس لزمته وجنت ادفعه بدون وعي صرت فوكاه وهو مسيطر ع توازنه وكعنه اثنينه بالكاع ماحسيت الا ..
غيث… اباوع ايدي صايره ع فخاذها وثوبها مرفوع فوگ والضيم كوله طالع مااتمالك نفسي بعد خو موحجر اني لزمتها بقوه وكلبي صاير نار وشعرها انفتح بوجهي وريحته اخ ياريحته لو انفاسها الصارت بوجهي ودي اكلها اشمها اعضها اصير مصاص دماء بهاللحظه وبلا شعور اشم واعض لحد مااشبع ولو ماينشبع منها فقدت ماحسيت بنفسي الا ماخذ شفايفها وامتصهم بقوه بشغف مال اشتياق مغمض عيوني ومستمتع واديه دخلن من جوه الثوب ترسم كول تفاصيل جسمها وتتحسسهم ترافه ماتنوصف ماحسيت الا دموع نزلت ع وجهي وعيت ع نفسي ..تركتها
نور.. بعد ماغيث باسني وهو جان واعدني ميتقربلي الا برغبتي ماكدرت احجي شي بس حسيت بدموعي تنزل واناشغ من تركني
غيث… اسف اسف اسف والله مو قصدي والله ماانتبهت ومااتحملت انتي بحضني نور اعذريني مجان قصدي وهي تناشغ اوعدج ميتكرر هالشي
نور.. اني الي اسفه ممنطيتك ابسط حقوقك وحسيت بايده ع حلكي
غيث ..اشش نور لتحسسيني بالذنب اكثر فدوه مو قصدي الي صار ومستعد كولشي اسوي حته تقبلين اعتذاري واخذت موبايلي وطلعت شكد كرهت نفسي بهاللحظه حسيت ثقتها كولها تزعزت
نور.. اليوم غيث تأخر يوميه هو ب11 ونص يكون بالبيت وهسه ب1 وهو ماكو بقيت كاعده وصارت 2 وهم ماكو وصارت ونص وهم ماكو انشغل بالي عليه اخذت الفون اتصل ميرد
غيث… شكد كرهت نفسي وبقيت حاس مثل الواحد الي مسويله مكسوره مع العلم حقي ومرتي بس شسوي والله موبيدي ياناس ياعالم فكرت ماارجع للبيت لان بياوجهه اباوعلها بس بعدين تذكرت نور تخاف وحدها وشلون اخليها وحدها وهي مثل الورده رجعت للبيت لكيتها منتظرتني…

يتبع

أّلَيِّتّيِّمَهِ وِ أّلَثّلَأّثّيِّنِيِّ

#بارت 5

نور ..تاخر الوقت واني بين اطمأن ع ادم وبين اجي للمطبخ اباوع من شباك المطبخ بلكي يجي وجو بارد كولش كعدت ع ميز الطعام وماحسيت ع نفسي غفيت وغيث يكعد بيه فزيت
غيث ..دخلت بهدوء كلت هسه اكيد نايمه وتسمع صوت حركه وتفز لكيتها غافيه بالمطبخ مثل الطفل وخصلات شعرها نازله ع وجهه مااعرف شنو من شعور يراودني احس اعشقها ودي حته ماافاركها وخرت خصلات شعرها وتلمست باطراف اصابعي خدها الناعم وتعوذت من الشيطان كلت اذا فزت وشافتني تظن بيه سوء كعدتها حته تروح لفراشها
نور.. ها غيث اجيت واني بالكوه افتح عيوني باوعتله خطيه متندم والخجل مالي وجهه ميكدر يخلي عينه بعيني
غيث.. اي جان عندي شغل وتاخرت اسف
نور.. لاعادي بس انشغل بالي لان مرديت ع اتصالاتي
غيث ..ها اي جان فوني سايلنت
نور..ماشي تصبح ع خير واكو اكل بالمايكروويف اذا جوعان.
اسماء..كعدت ضايجه بعد العطله هم راح اروح للكليه ونظرات استاذ قيصر متفاركني اووف شيخلص السنه واخلص كعدت بدلت ورتبت نفسي واخذت تفاحه اكلها بالسياره
شيرين..هاي وين ست اسماء ليش مبينتي اليوم من وقت
اسماء..اخذتني النومه يمعوده
شيرين..ممم اخاف تتهربين من شي وغمزتلها 😉
اسماء.. توترت ششقصدج شيرين ترا انتي صديقتي المقربه معقوله اضم عليج
شيرين.. متضمين بس انتي معقوله محاسه بي
اسماء.. اني ماارفع عيني ومتجاهلته مااريد انزل لمستواه واصير حال حال الذابات نفسهن ويني وين هاي السوالف اني
قيصر..صرت احب الدوام لان اشوف بيها احله عيون وحته نظراتي الها فضحتني الا ان قررت اليوم اصارحها اي لتستغربون صرت مثل الطلاب والمراهقين بنيه شلت تفكيري صار عباره عن اسماء خاصه من بعد ماسالت عنها وماسمعت عنها بس الخير والاخلاق العاليه
اسماء.. جان عدنه ثاني محاضره قيصر اي واخيرا خلصت المحاضره بس بقه هو يلم بأشيائه واني بقيت الم بالكتب واريد اطلع جان كلي انسه اسماء ممكن دقيقه ههه تخيلو دااطلع ويجي صوته من ظهري اريد ادور وجهي مااكدر صرت محرجه من الطلاب وخاصه من طلب ابقه وحدي بالقاعه نشف دمي خدودي جمرت كلت بتوتر نعم استاذ. طلعو الطلاب
قيصر..عندي موضوع وياج واتمنى متفهميني غلط ليش دائما تحاولين تتجاهلين نظراتي الج وتسوين نفسج مشايفتني وتضوجين من المحاضره
اسماء.. استاذ اني.. قطع كلامي وخله ايده ع حلگي هنا اني انشليت
قيصر..اششش خلي اكمل كلامي وياج وبعدين ناقشي
اسماء. .اني هنا بعد حالي حال السطل لااخذ ولاانطي ايده مليانه عطر مخدر كأنما صارت ع خشمي سكتت ومجاوبت شي
قيصر.. شوفي اسماء اني عرفتج انتي شنو وسالت عنج مو من النوع التسوي علاقات ولحد الان كولها شادت باخلاقج ومدحت بيها واني معجب بيج هوايه ياترى راح تتقبلين اعجابي او لا ورانه هوايه تفاصيل لازم نكعد ونتعرف ع بعض اذا صار نصيب كان بها مصار يادار مادخلج شر
اسماء.. هنا اني الحياة وكفت بيه هذا ديحجي صدوك لو يريد يستغفلني لو شنو رديت عليه لاتعارف ولاشي اذا معجب بيه ومثل متكول عندي اهل وتكدر تحجي وياهم ولميت كتبي واخذت جنطتي وصلت للباب اريد اطلع خله ايده ع الباب
قيصر..عجبتني ثقتها بنفسها بس استفزتني من عافتني وكامت
رحت وراها لان كلبي مفتون بيها حته رقمها مكدرت اخذه حاولت امنعها تطلع لان عافتني وراحت تقربت عليها حاوطتها بأديه تقربت عليها عيونها تلمع وشفايفها ترجف من الخوف وكعت كتبها من ايدها وجسمها كوله ظل يرجف ههه حبيت اتقربت عليها اكثر شميت عطرها الهادئ وصوت انفاسها العاليه ورجفتها خليط من المشاعر اجتاحني همست باذنها باجر اني يمكم بلغي السيد الوالد وخرت عنها لان احسهه حتفقد الوعي
اسماء.. تقرب مني واني شبه الميته من الخجل والخوف من سمعت كلي بلغي الوالد تفاجئت هذا اكيد ديتشاقه وشفته ابتعد اني ماصدكت فتحت الباب وطلعت واباوع كولها تباوع عليه وتاشر موقف ماحبيت امر بي ركضت لشيرين اشرلها فحطانه والهث اريد مي جابتلي مي شربت تنفست شهيق زفير حته اهدء واستوعب الي صار وكعدت احجيلها الصار كوله
رجعت للبيت صعدت لغرفتي لازم ابلغ نور تشوفلي حل شلون افتح الموضوع ويه بابه
نور.. اتصلت اسماء الظهر مو عوايدها منايمه هسه كلت خلي اجاوبها جان غيث بالبيت بعده مطالع وكاعدين دنسولف يريد يدخل ادم روضه شاف الفون كلي ردي وبعدين نكمل
اسماء ..هلو حبيبي شلونج نور واكعتلي بمشكله
نور.. ياساتر خير سومه شبيج حبيبتي قلقتيني
اسماء..هذا استاذقيصر يريد يجي يخطبني واني مارديت عليه حجيتلها الصار كوله
نور.. سومه حبيبتي انتي بنيه حبابه وحلوه ليش متصدكين هالشخص معجب بيج ويريد يخطبج واذا استاذ ماكو واحد اقل من واحد بس باخلاقه وتربيته حبيبتي وخلي ثقتج بنفسج عاليه انتي مقاصرج شي وفاتحي امج بالموضوع وتفاتح بابا واحنا باجر يمكم والف مبروك مقدما
كعدت احجي لغيث كول الصار وكال باجر الصبح اكعد واوديكم لاهلج وابقه لحد متم الخطوبه ع خير
كولش فرحت تستاهل اختي وخاصه من

بعد مااجاها شخص يحبها ويقدرها
غيث.. شكد كبرت بعيني نور لايهمها فلوس ولامركز مفكرت بشي غير الاخلاق والتربيه هنيالك ادم ع هيج ام منين ماجان معدله
اسماء.. ماما اريد احجي وياج بموضوع
سيناء.. شعجب لازم اختج اليوم ماعبرتج ومن فرغ وجهج اجيتيني
اسماء.. حسيت امي ماخذه ع خاطرها ومعتبره نور اقرب منها هي صح اختي قريبه مني وتعرف كلشي عني لان امي عمرها ماحاولت تكون قريبه مني نور جانت كولشي اليه بس مهما يكون تبقه امي
سيناء.. احجي اسمعج
اسماء.. ماما اني اكو واحد يريد يتقدملي
سيناء.. هااا بتعجب صدوك يمه والابتسامه شاكه الحلك لو تشاقين ويايه احلفي تحجين صدك
اسماء.. بخجل اي والله ويايه ولد استاذ فاتحني اليوم بس مو يروح بالج بعدين ترا لاعندي شي وياه ولاهم يحزنون
سيناء.. هو انت وجه علاقات مبوزه وكاشه بوجه الشباب والاقارب ..هسه معلينه شوكت يجون
اسماء ..باجر
سيناء..لعد منلحك ع شي لازم نحضر من هسه
اسماء.. ههه ماما قابل باجر شحيصير هو مجرد تعارف لتخبصين نفسج يالغاليه وبوستها وصعدت
الليل كوله مكدرت انام افكر ديحجي صدوك لو يتشاقه
يصير نصيب لو ميصير تقريبا نمت ساعتين لااكثر كعدت اليوم جمعه ونور راح تجي هي وزوجها وادومي فدوه ابو خدود شكد مشتاقتله
نور.. كعدت سبحت سويت ريوك مرتب لان غيث اليوم يتريك بالبيت ورحت كعدت ادومي سبحته وبدلتله ورجعت كعدت غيث واني دااكعد بي
غيث.. فتحت عين وحده شفت وجه نور كدامي وشعرها مبلل ولابسه بس المنشفه وطالعه جنها ملاك توقعت دااتحلم كوتله ممم وهي دتكعدني ابتسمت بوجهه واني عبالي حلم كوتلها تعالي حضنتها وخليتها ع صدري وراسي كوله برگبتها ريحه الصابون مااعرف شنو عطر غريب برگبتها غفيت بلا شعور واني محاوطها فززتني بصوتها غيث شبيك خنكتني هاي ليش هيج سويت فزيت كبل تركتها اسف توقعت دااحلم
نور.. لا دااكعدك حته تتريك لان نريد نروح لاهلي
غيث.. ماشي عيني هسه ابدل واجي وراج اووف واني اكول الريحه الباقيه بخشمي شنو ريحتها وانوبه سابحه ياربي صبرك بعد مااتحمل
رحت للمطبخ اباوع ميز الطعام عليه ريوك ملوكي واووو شنو هذا ام ادم كوله ع شرف سيادتي ههه حاولت اضحكها بعد الدكه السويتها😅
نور.. ابتسمت اي طبعا غير حضرتك ضيفي ع الريوك اليوم وابتسمنه اثنينه
تريكنه وبدلنه ورحنه لبيت اهلي كولنه جنا كاعدين وعين الله علينه وجانو اسماء وغيث ديسولفون وحدهم لان اسماء كولش تحبه وتحترمه وتعتبره اخوها الجبير لدرجه خصوصياتها عنده وهو يعلمها شلون في بعض الاحيان تتصرف
طبعا.. سيناءمتكعد اذا متذبلها حجايه تنهدت وكالت شنو شعجب ماكو شي عدكم صارلكم 4 شهور من تزوجتو
نور..اني هنا جمدت بس تظاهرت بالقوه ورديت عليها بابتسامه عدنه ادم مالي علينه البيت مو غيث حبيبي
غيث.. ههه دااتحلم لو كالت حبيبي صنفت هسه شردها..اكيد حبيبتي وشوكت ميقرر ادم نسويله اخ او اخت كلام طلع مني بدون وعي وشعور حبيت يكون منها طفل اليه وهي امه اذا اني اتمناها ام وحبيبه وصديقه وزوجه هنياله الطفل عنده مثل نور
نور.. اني خجلت بس ماردت ابين لاي شخص الا اسماء تعرف بكولشي وغمزتلي اكوم
اسماء.. نور الى متى ترا حرام عليج هو لاجبرج ع الزواج ولااذاج ليش هيج تتعاملين ويه غيث الى متى تكونين اله زوجه وتنطي حقوقه الشرعيه حبيبتي التفتي لبيتج وزوجج ترا محد يفيدج بهاي الدنيا غيره قبل ماتجي وحده تلكفه منج
نور.. بحجايتها الاخيره حسيت،انغز كلبي مااعرف ليش وتوقعت ممكن هالشي يصير واحتمال صاير والا شنو الي يخلي غيث يصبر عليه هالشهور كولها
قيصر.. اني ماعندي عائله فقط والدتي ابويه انفقد باحد الحروب والدتي موظفه وهي الي الها الفضل للمكان الي وصلتله وخالتي انسانه مثل امي واكفتلنه بالصغيره والجبيره
جبتهم واجيت لبيت اسماء طبعا اني اندلهم لان اجيت وسالت عليهم بالمنطقه ومدحولي هوايه باخلاقهم ومااوصفلكم شنو فرحتي اني والدتي
دكينه الباب طلعنه ولد شاب مبين مثقف وناضج ورحب بينه دخلنه لكينه رجال كبير بالعمر اتضح والدتها جان انسان مضياف جدا
نور.. يلا حبيبتي خلي اللمسات الاخيره تأخرتي ع الناس
اسماء.. التوتر موتني نور خايفه وجسمي يرجف متوقعت يسويها
نور..وليش ميسويها انتي تستاهلين كل الخير حبيبتي عوفي الكلام وانزلي يلا تاخر الوقت
اسماء ..لبست فستان زيتوني مرتب كولش ع جسمي بس مو ضيق لان غيث موجود وشال بيجي ورهمت كعب بيجي ورحت للمطبخ لكيت امي فرحانه حيل وحته متعرف شتسوي
نور.. اول مره اشوف بعيون سيناء الفرحه الحقيقه حقها هي ام اااخ تمنيت هسه امي ويايه
اسماء.. اني اعرف نور اكثر من نفسي باوعتلها افتهمت شبيها رحت عليها وكتلها اختي ام ادومي رتبيلي الضيافه وعوفي الصفنه بغيوثي هههه ضحكت وضربتني بخفه ع جتفي
نور.. لبست فستان اسود وبي من الظهر ذهبي ورهمت وياه شال
وكعب واخذنه الضيافه ودخلت اسماء اول شي
اسماء.،
اسماء.. دخلت واني حته مااعرف امشي جسمي يرجف والصينيه ترجف بيدي سلمت ع امه اول شي ومره والنعم منها سلمت عليه سلام حار وبع

دين خالته كولش تشبه امه وحبابه مبينه هو اليوم مجرد تعارف ويفتحون الموضوع لذلك مجايبين اي احد غريب وياهم وصلت اله قدمت الضيافه واديه ترجف لزم الصينيه كولها يريد ياخذها عيونه بعيوني وايدي صارت ع اديه بعد اني هنا مااحجيلكم الصارت اول مره شخص يلزم يلامس ايدي خوف فرح ارتباك تخلاجت كل المشاعر الا ان تنحنت نوز ورايه جايبه صينيه لاخ انتبه قيصر
قيصير.. من شفتها لابسه ومرتبه طبعا جمالها يفوق الجامعه بالنسبه للاناقه والترتيب انسطرت من شفتها حسيت نفسي بس اني وياها بهالمكان شكد تمنيت اضمها ع صدري وبدون شعور ماحسيت الا اديه تلزم ايديها فززتني من صفنتي اختها ماشاء الله جميله بشكل وتقريبا نفس العيون بس اطول وجان زوجها موجود انسان جدا راقي وارتاحيتله كولش ومثقف جدا
اخذت الصينيه من اسماء ونور تركت الصينيه الثانيه ع الطاوله وكعدنه وفتحنه الموضوع
ام قيصر.. خويه ابو نور انت عرفت سبب جيتنه هنا شنو واحنا منريد نطول الموضوع انتو ناس والنعم منكم ومن اخلاقكم وقيصر انعجب ب اسماء واخلاقها العاليه وحب يدخللها من الباب لان اسماء بنيه مختلفه وهذا مااثار اعجاب قيصر
قيصر.. عمي اني استاذ جامعي يعني صارلي سنه تقريبا من تعينت ومااحب اطول السالفه عليك اريد اطلب ايد بنتك ع سنه الله ورسوله طبعا من بعد موافقتكم وشوكت ماتحبون نجي نجيب المشيه اني حاضر اني الله مفضل عليه وامي موظفه وبس هي اليه بالدنيه والله يقدرني واسعدها
ابو نور.. وليدي والنعم منك ومن امك سماههم في وجوههم امه مبينه فقيره وحبابه واعيه مو همجيه وليدي الله يقدم بي الخير واني اذا عليه موافق واالتفتت ع اسماء بابه شنو رايج
اسماء.. خجلت وحسيت بفخر بنفس الوقت ..منزله راسي جنت وكوتله بابه الراي رايك
ابو نور.. شايفين كل الخير لعد والله يسعدكم ويوفقكم
قيصر ..كمت بست راسه وشكرته وشكرت امها جانت كولش فرحانه وترخصنه واتفقنه بعد يومين تجيهم المشيه والشيخ وسلمنه عليهم وطلعنه ..
اسماء.. كعدت الصبح بدلت وتريكت ع السريع وطلعت للجامعه
وجانت اول محاضره قيصر ..وهنا كلبي ظل يركص فرح خوف خجل وشيرين بس تكرص بيه حسيت خاصرتي انثقبت طبعا بعد ماحجيتلها الصار وفرحت حيل
قيصر.. دخلت انطي محاضرتي تفاجئت ب اسماء مداومه فرحت كولش من شفتها ابتسمت بوجهه وكملت المحاضره وطلبت منها تجي للمكتبه عندي حجي وياها
اسماء.. رحت للمكتبه لكيت قيصر كدامي كاعد وبيده كتاب منتظرني كعدت بهدوء كوتله مرحبا رد السلام.. كوتله ليش طلبتني كالت اريد اشبع منج اني هنا خجلت
قيصر. شكد تمنيت اعرفها من زمان اخذت رقمها وكالت باجر مااداوم لازم احضر نفسي كوتلها ماشي وبقينه ع للاتصال
واجه يوم الخطوبه...يتبع

عيوني اللي صار غلط🤦‍♀..يعني طلك مرته علمود ياخذج؟ هاي مو منطق

شنو ذنب مرته وطلكها..هاي ظلم🥺💔.فهج نوع من البشر ابد لاترتبطين بيهم ..لأن الدنيا الدوارة..يعني مثل ماطلك مرته وانعجب بيج
يجوز باجر عكبه يطلكج وينعجب بوحده لوخه

ومن ناحية ثانية الناس.. رح يذبون سبب طلاك بيج
يكولون هاي مرته الثانية اخذته بالسحورة وخلت يطلك الاولى
وتدرين بحجي الناس اللي ميرحم..ومنا متدرين باجر عكبه اشرح يصير يجوز رجع مرته الاولى..فبهج حالة انتي تقبلين تصرين ضرة ؟، فاهواي مشاكل تصير مستقبلا وانتي متدرين

فأحسن شي..كوليله للولد أهلي مايقبلون اتزوج مطلك..لان شنو ذنب مرتك وطلكتها
وكوليله اني بعدني صغيرة اريد اكمل دراسه واروح جامعه واشوف حياتي..فمامستعده للزواج هسه..فبهالحجي حاجي وحظري بعد لمن يمل ويروح👍

#ملوكه

نصيحة من هالبنوتة🥰

يي صح حبي العلج والليمون هم زين

#ملوكه

#Sleepless

تدور أحداث الفيلم حول ضابط شرطة يدعى فنسنت داونز يعمل في لاس فيجاس، والذي يتورط في عملية سرقة مخدرات من عائلة نوفاك بإيعاز من شريكه الفاسد، ونتيجة لما فعله داونز، يتم اختطاف ابنه مقابل أن يعيد المخدرات التي سرقها من جديد، لكن المسألة ليست بهذه البساطة مطلقًا.

@stylegrils

Tomb Raider (2018)

التقييم: 6.3 ⭐️
التصنيف : #خيال - #مغامرة - #اكشن

القصة : ينضم والد (لارا كروفت) لعداد المفقودين بعد ذهابه للتنقيب عن خنجر (زيان) الأثري؛ فتنطلق هي لتبحث عنه على جزيرة صينية مجهولة. وتُجنِّد (لو رِن)، صديق والدها القديم ليكون مرشدها على سطح الجزيرة، لكنهما يصطدمان بعواقب رحلتهما الكارثية ويجدان أنهما في محاولة للبقاء على قيد الحياة.
@stylegrils

Arthur & Merlin: Knights of Camelot (2020)

التصنيف:- #اكشن #مغامره #تاريخ

قصة الفيلم :- عاد الملك آرثر الأكبر سنا إلى الوطن بعد محاربة الإمبراطورية الرومانية. ابنه غير الشرعي أفسد عرش كاميلوت.
@stylegrils