#البارت 30

شبيج لازكه يم الجامهةترة مناكل بشر احنه ..ماهتميت لكلامه بقيت مبتعده وراسي ع الجامه وغمضت عيوني ..
ريمه بالحضانه؟
اي.
منو اخذهه انتي ؟
لا الخط اجه عليهه اجدادهه يرجعوهه الظهر .
ليش منو خبرهم ؟
اني اتصلت ع خالتي خاف نتاخر الظهر بالدائرة .
هاا زين سويتي..
رجعت راسي ع الجامه منتظرة الطريق يخلص ونوصل ..واحس راسي مسطور وبلاعيمي توجعني ماكدر ابلع ريكي عرفت اني انشلت وهاي بدايه فلاونزا يعني منا للظهر اصخن ميخالف صخونه بس خلي يروح الم بلعومي لان الشعور بالحكه ببلعومي كولش مزعج هيج جنت احاجي نفسي بداخلي ..
طلعني صوت همام من صفنتي ..يله وصلنه نزلي ..اي ..وصلنه ب 10الصبح..متاخرين صح بس لل2خلصت المعامله سقطنه شهاده الوفاة مال همام وبلشنه بمعامله جديده حته يطلعوله جنسيه جديده وبهاي المعامله ميحتاجني وبقت شغله الاملاك الي باسمي هم شغلتهه سهله بس لان الجنسيه الجديده مال همام يرادلهه بعد الواسطات ودفع شكم فلس تحت العبايه مثل مايكولون فد اسبوع ياله تطلع يعني لازم ننتظر اسبوع علمود ارجعله املاكه باسمه ومن بعدهه يسوي معامله للوزارة علمود يرجع لوظيفته وكولهه شغله شهر ع الاكثر ويرجع بس هم يرادلهه واسطات ورشاوي واصعد وانزل ..المهم مثل ماتوقعت صخنت وصرت خامله بس اريد انام .
رجعنه من دائرة الجنسيه ورحنه ع بيت عمي بس همام شافني تعبانه رجع بيه للبيت من بعد ما اخذنه غده سفري من برة بطريقنه وكال عود المغرب يروح يجيب ريمه خليهه يم اجدادهه علمود اني اشبع نوم ..فتت للبيت وبدون كولشي ذبيت جنطتي وتدثرت بفراشي ونمت ..بس جنت اريد انام الفلاونزا تريد نوم .
همام..فتت للغرفه بعدما قفلت السيارة لكيت حنين نايمه ..كعدتهه ماكو ..شبساع غفت ..عفتهه..طبيت سبحت وطلعت للمطبخ خليت لروحي لكمه ميت من الجوع ماكعدت حنين خليتهه براحتهه باوعت ساعه ب3 مو مال انام ساعه لان الشتا النهار قصير وبسرعه يلاكينه الليل وسيارتي عطلانه واني محتاجهه باجر خو مو هم اخذ سيارة الخاتون ام لسان طويل قفلت الباب ودفعت السيارة مالتي طلعتهه والمصلح قريب علينه جبته شافهه شبيهه ودفعنه السيارة لمكان شفله لان قريب براس الشارع وبلش يشتغل بيها واني ساعه اتفرج وساعه ايدي وياه ونتناقش ع العطل البيهه لان كتله مستعجل عليهه ولازم يخلصهه اليه اليوم علمود ارجع بيهه للبيت وحيل تعبتني صار الليل ولسه نشتغل بيهه..
حنين ..حسيت الغرفه ظلمه كعدت ع حيلي واحس جسمي كوله مكسروعظامي كولهه توجعني عرفت الصخونه واصله لعظامي كمت كوةعليه فتحت ضوة الغرفه اباوع ساعه 7بالليل ..حييييل 5ساعات اني نايمه ومحد مكعدني ولا حاسه بالوكت اصلا شبسرعه هالكد مر ..طلعت من غرفتي البيت هدوء صنطه صحت همام همام ماكو ..طلعت الباب الخارجي مقفول ..كبريائي ماسمحلي اتصل ع همام فاتصلت ع عمتي ..هاعمه شلونج ..
....
اي الحمدلله ..
.....
خوما تعبتج ريمه ..
......
اي خوش ..
.......
هاا جدهه اخذهه للملاعيب ..
.......
اي خليهه تتونس ..

اكول عمه همام مامر عليكم ؟
......
لالايظل بالج يجوز طالع ويه جماعته ..
رحت ع باب المطبخ فتحتهه سيارته ماموجوده تذكرت سيارته عطلانه من الصبح ..
ها عمه همام بالتصليح سيارته عطلانه..
......
اي اوك ماشي بعيني عمه ..
......
لعد خليهه تبات يمكم اليوم .
....
يله مع السلامه الله وياج.
سديته من عمتي ورحت للمطبخ كوة عليه بس ميته من الجوع سويت شوربه خفيفه سهله بس احطلهه مي تفور واطفيهه ريمه تحبهه شعيريه بالدجاج اشربهه علمود زينه لبلعومي وشويه يفك لان دياذيني حيل دمرني ماكدر ابلع ريكي شربتهه ..
البيت يصفر صنطه مو حلو هيج متعوده ع هوسه ريمه وبالجديد تعودت ع صوت ضحك خشن صوت همام من يلعب ويه ريمه لو يركض وراهه يسوون حس بالبيت ..
اشتاقيت لريمه اليوم تبات يم بيت جدهه بيبيتهه طلبتهه لان مشتاقيلهه هي مو شغله مشتاقين لحفيدتهم هي بين يوم ويوم يمهم اذا مو يوميه بس عمتي عود تريد تخلي الجو اليه علمود اتفرغ لهمام متدري همام البارحه جنزني من الكتل والراشديات ..
المهم قررت اليوم انام بغرفه ريمه وهمين احسن ريمه مو يمي لان خطيه خاف اعديهه مابيه حيل تتمرض بنيتي ..
سويت العشا تشريب دجاج وبعدين طلعت الدجاج وكليته وبعد تعبت مابيه اطبخ شي ثاني بعد خلي يحجي خاف ميعجبه خلي يسوي ثريد شو شنو موزين مني كمت وطبخت رغم ماصاير راسي طبل من كثر مامسطورة هاي من غير حرارتي ونفسيتي الزفت لان من اتمرض اتنحس حيل وتصير عندي رغبه بالبجي بسبب او بدون سبب اريد ابجي ..
صارت ب 9بالليل اجه همام مبين تعبان ومتروسه ملابسه وايديه دهن ودخل سيارته همزين مصلحهه دخل للمطبخ جنت موجوده اسوي زلاطه باوعتله ودرت وجهي وهو هم بوجهه دخل للحمام ..ربع ساعه واجه للمطبخ وكعد ع ميز الطعام الموجود..
ميت جوع..
هسه اصب..
كمت صبيت وجهزت سفرة وشفته ياكل بنهم مال واحد صدوك جوعان ،اني اكلت ع مهل
ع مهل من ورة بلعومي رغم جنت جوعانه ..
كملنه اكل شلت المواعين ولملمت وغسلتهن واخذت مبايلي ع الشحن جان

وفتت لغرفه ريمه .
شويه وشوغفيت ماحسيت ع نفسي ..
همام ..استغليت وجود حنين بغرفه ريمه وعرفتهه ناويه تنام هنانه اليوم صرت اعرف سوالفهه وما سالتهه ع ريم لان اتصلت ع اهلي وكالولي تبات عدهم ..هههههههه ..يفرغولنه الجو ميدرون مرتي شارده مني بغرفه بتهه ..رحت لغرفتي وجريت الدفتركعدت اقرة صارلي فترة عايفه ماقاريه ..
قريت شصار بينهم اول ليله حاجيتهه بالتفاصيل.
رقتهه واسلوبهه وهدوءهه تعكسه بالكتابه عرفتهه تعشق همام مو بس تحبه بعدين قريت جفصه همام خرب غيرتك وخرب بعقلك خاطبهه من عمرهه 15سنه ورافضته وكايلتله مهتلف دلوع الماما..ضحكت من كل كلبي من صغرهه لسانهه طويل بنت الاوادم وتزوجهه ديكسر خشمهه يرد الثار الهه اويلي وماكرهته ..وهوهم يحبهه تصرفاته وكلامه مبين يحبهه ويكابر ..اووف غزالتي ..
خابرت صديقي خالد شويه وسديته منه اباع الساعه 1بالليل شبسرعه ..باجر هم عندي روحة لدائرة الجنسيه اطلع جنسيه جديده كمت شفت غزالتي نايمه بغرفه ريم مثل ماتوقعت وهم رحت شلتهه ببطانيتهه ودثرتهه بغرفتي بفراشنه بدون متحس مدري حست وغلست واني هم تعودت واحب هاي الفقرة ماريد الزعل يبعدهه عني احس نفسي تعودت عليهه حتلو مة بحضني بس المهم اعرف هي يمي بفراشي بغرفتي ونتنفس نفس الهوا هاي شديصير بيه انعديت هاي حمى حب حنين لو شنو الموضوع ..
نمت وحسيت بالليل ع احد حضني حنين ماكو غيرهه الظاهر بردانه بدون وعي كملت نومي جنت حيل تعبان ونعسان ..ماجنت ندمان ع الشي السويته وياهه البارحه بس ضجت حيل يمكن لان مديت ايدي عليهه بس مقتنع تستاهل حيل تجاوزت عليه وماسمح لهذا الشي يتكرر خليهه كرصه اذن الهه ..
ثاني يوم الصبح كعدت ب 7ماكعدتهه خطيه ماكو داعي لروحتهه وياي وريمه يم اجدادهه ماشفت داعي اكعدهه سويت لكمه لروحي متعود اخدم نفسي تريكت وطلعت بسيارتي لدائرة الجنسيه ..
مرت ساعات وخلصت كل شغلاتي ورجعت كبل للبيت ..
مامريت ع ريمه كلت العصر عود اجيبهه واهلي مكيفين عبالك شهر عسل عدنه ..
دخلت للبيت صنطه هو دوم نظيف فما عرفت حنين موجوده لو لا..بس شفت كدورة ع الطباخ ارتاحيت نوعا ما لان ميت جوع وماترهم اطلع اجيب سفري ميت تعب ..

طبيت غرفتي واشوف حنين ع نفس نومتهه..
تعجبت فتحت ضوة الغرفه وكعدت يمهه ع الجربايه وخرت الغطه..
هاي شنو هم نايمه ؟
كوة مفتحه عيونهه من كثر النوم والضوة بعيونهه تفتحهن وتسدهن ..
هاي شبيج الله ذاب عليج النوم ..
حاجتني بس صوتهه مطبك..
لا والله كمت سويتلي شكم شغله ورجعت لفراشي ماعندي شي .
شبي صوتج مطبك؟
مابيه.
خاف مريضه ؟
مديت ايدي ع كصتهه ..ولج كصتج نااار مصخنه ..
اييي ادري .
شنو تدرين خرب يومج غير تحجين ..
وهي كوة تجاوبني بصوتهه المطبك حرف اسمعه من الكلمه و10لا..
انت ماجنت موجود ع طول طالع.
خابريني كولي صخمي لطمي.
صرت عصبي وهي خافت شفتهه جرت الغطه عليهه ولمت رجليهه لصدرها وباقي جسمهه وتغطت ..
كومي اخذج للطبيب..
صار كلامهه كوله همس مطبك .
ماكاعد الطبيب هسه ..العصر وديني .
راح اسبح واحضرلج الغده علمود تبدلين واخذج من وكت بلكي نحصل حجز قريب .
اني احضرة.
لا ..اكعدي انتي لاتروحين توكعين عليه مابيه حيل اشيلج واركض بيج للمستشفى.
ابتسمت .ظميت ابتسامتي ردت اداهرهه بس شو هاي برطمت والهمس المطبك مالتهه يضحك .
زعلانه ع مبرطمه ع مدمعه وتحجي ..
اني مو ثكيله .
همي بخف الريشه لاتزعلين بس لاتتحركين من مكانج ..اسبح وارجعلج .
احضرلك ملابسك ..
نترت بيهه صدوك ضوجتني ومن شوكت هيج مدللتني ..
يابه لخاطر ربج ماريد شي حرارتج واصله 39يمكن.
شفتهه سكتت ورجعت نامت كمت للحمام سبحت بسرعه ورحت للمطبخ حميت الاكل ولكيت تشريب دجاج من البارحه بالثلاجه هم طلعته حميته الهه زين لبلعومهه وهي مسويه تمن ومركه فاصوليه صبيت الاكل ورتبت صينيه محترمه بس اكيد مو مثل ترتيبهه ورحت بيهه للغرفه وكعدت ع حيلهه.

يتبع...

#البارت 31

يله ياعيني مدي ايدج..
باوعلي بمكر ..لوتريدين اني اوكلج ..
لاقابل اديه مكسرة ..اني اكل .
باوعلي صفح ..عبالي ادللج ..يله سمي وهاي التشريبه الج شربيهه دافيه زينه لبلعومج اكيد هسه ياذيج .
انت سويتهه ؟
لاوين اعرف اطبخ بس لكيتهخ مضمومه بالثلاجه وحميتهه كلت تفيدج.
اي مشكورة.
اشربج اني ؟
لالا اكدر وحدي ..انت اكل اكيد جوعان .
اي والله .
كملت شغلتك ؟
لاوين بعد فد اسبوع اقل باجر هم راجعلهم بس خل اطمئن عليج اول ونشوف شبيج.
صفنت عليه منين جتي هاي الحنيه مو انت الي بعز البرد حبستني بالحمام..ومن وراك تمرضت صافنه عليه واحجي بداخلي.
ليش هالاهتمام والمداراةوالدلال الزايد ..شنو تخاف عليه ؟
وليش مادلل واهتم واخاف مو مرتي؟
ضحكت باستهزاء..مرتك؟
شوفته شفتي المشكوكه وشوفته خدودي الحمر من راشدياته وشوفته مكانات بجسمي مزوركات بس من قوة لزمة ايده.
لعد هذني منين ياوحش؟؟
ضحك باستهزاء ..وحش اني ؟
هذني علامات ملكيه انتي مالتي وعلمود تتعلمين بعد متصديني ولاتتجاوزين عليه.
يعني ماضميرك انبك ع الي سويته بيه؟؟
نسيتي شلون تجاوزتي ؟منو المو رجال ؟مو هيج كلتي ؟من غير باقي الغلط ..ضميري؟..لاهاي مابيهه ضمير ..تتجاوزين تنضربين واكسرلج راسج همين اذا عدتيهه ..
ظليت صافنه عليه وهو هم سكت وظل يباوع عليه مد ايده ع وجهي وتلمس شك شفتي بابهامه اني ابتعدت خايفه..
لاتخافين ..مراح اسويلج شي .
ساكته وبس..وهو كمل..
تدرين الي تصد زوجهه حرام عليهه يغضب رب العالمين عليهه .
ضحكت باستهزاء واضح ..
شنو تستهزئين حضرتج؟
اشو انت من جهه تشرب وتجيني ومن جهه ثانيه تكول حرام عليه اذا اصدك لعد والشرب مو حرام لومتدري.
لا ادري بي حرام بس الحرام عليه مو عليج اني وربي .
هااا هيجي.
يله كملي اكلج .
الحمدلله شبعت.
ردت اكوم كعدني ..ماكلتي شي.
مالي نفس بعد.
هاا زعلتي؟
سكتت صدوك كلامه فور دمي يعني ميانبه ضميرة لان ضربني ولان تمرضت من وراه لا ومستعد يعيدهه اذا تجاوزت بعد والاحلى من هاي يدور حرام وحلال وياي وصاير شيخ براسي ..يووه واني ليش هيج تجاوزت هم الغلط مني اكو وحده تكول لرجلهه انت مو رجال اووووي تعبني التفكير.
بشنو كاعده تفكرين؟
مدا افكر بشي .
لعد بشنو صافنه؟
اريد اكوم اغسل .
بس ما اكلتي.
موجوعانه.
ليش ضجتي؟
لان اني مو حيوانه علمود تضربني وفوكاهه تتوعد بيه تعيدهه.
لعد اكو وحده تكول لرجلهه انت مو رجال؟
دنكت ..اسفه.
واني هم اسغ وهاي راسج ابوسه.
وصدوك كام باسني من راسي ..يله عيني كومي غسلي علمود تبدلين وماوصيج اريد ملابس مستورة وعريضه.
اي ماشي.
امداني اي والله قشمرني بحجايتين وفوكاهه فرحانه لان راضاني وشركت حلكي مترين.
بدلنه ورحنه للطبيب وحصلنه حجز من وكت وطلع عندي فلاونزا بالعظام وحرارتي 39الطبيب مستغرب شلون واكفه ع حيلي بس همام حضني من اكتافي وضمني لصدرة وكال للطبيب سباعيه مريتي.
طوني دوة كبسول وابر واني تخبلت من شفت الابر لاوحده ولا 2مطيني 6ابر مع اني وصيته لهمام من تروح للصيدليه اذا اكو ابر بالوصفه لاتجيبهن ترة ماضربهن همام رجع وبيده الدوة والوصفه كولهه ابر ..
همام هاي شنو مو كتلك لاتجيب الابر ماضربهن .
ياعيني غير علمود تطيبين .
ماه ماضربهن.
دلغمت وبرطمت وكلبت وجهي وظليت ساكته طول الطريق الى ان وصلنه للبيت.
نزلنه ..طبينه للبيت وكبل لفراشي تدثرت بي حته هدومي مانزعتهن طب ورايه همام باوعلي كال :
لازين طبنه ..
والله بردانه .

ياعيني هاي من الصخونه .
همام ؟
همممم
اشتاقيت لريمه ..
شوي بعد نروح نشوفهه بس ها منجيبهه ويانه.
ياا ليش والله مشتاقتلهه.
واني همين مشتاق للفصعونه بس انتي مريضه والطفله يرادلهه مداراة وانتي صارلج يومين نايمه بالفراش وخطيه هم خاف تعديهه .
اي ريوم نحسه من تتمرض اسم الله عليهه.
اي شفتي شكلنه طيبي ونجيبهه هههههه .
شبيك ليش تضحك؟
اهلي عبالهم عدنه شهر عسل مبقين الطفله يمهم ميدرون اني اداري بالمرة.
يوووه مو مريضه حته من اني مريضه ماترحم.
لاعيني نرحم ليش منرحم هسه احنه شكايلين واصلا حجيتهه السالفه بضحك.
اي عبالي.وبعدين من وراك تمرضت لونسيت؟؟
يوووه مو اعتذرنه راح تظلين بكل مناسبه تفتحين الموضوع .
لاء بس دا اكولك يعني خاف تنسه .
ضحكت لان خليته يعصب وضميت راسي جوة اللحاف واسمعه يخرخش بالعلاكه مال الدوة وخرت الغطه اباوع هذا سوالي ابرة جهزهه كعدت ع حيلي..
يمه شنو هاي ...
ابرة شنو قابل مشايفه ابرة.
المن ؟؟
لابوي ..الج طبعا .
كمزت من الجربايه وكمت اكمز ..حرارتي وعظامي المتكسرة من الصخونه مدري منين اجاني الحيل ..
ماه ماه معليه ماضرب ابرة.
ولج مو مصخنه علمود تطيبين والله.
ماااه معليه ..بعدين من شوكت انت تعرف تضرب ابر.
من زمان امي تمرضت وتعلمت .
عفيه لا ماريد.
وظليت اركض بالغرفه وحته قفل الباب عليه..
وج فضيهه راح تفسد الابرة.
عليك الله لاماضرب عوفني .
اثبتي ولج.
بداعه ريمه لا ..همام عفيه

كمت ابجي ..والله بعد ماحجي وياك همام والله والله.
لعد شلون هسه ؟
ذبهن الابر ماضرب ولا وحده .
زي

ن احطلج كانوله ؟
لا الله يخليك ..شبيك اليوم قافل عليه .
ولج حرارتج 39موزين لسه مانشمرتي وكاعده تطربكين مثل الحصان مو جان هسه ضاربتهه للابرة وخالصين.
اخاف والله.
لعد نحطلج كانوله.
ماه.
ماكو ماه جكه وحده احسن من 6 جكات مطيج 6ابر رب الحلو وهسه هاي تلفت وحده.
البسي شالج وامشي يله.
وين؟
نروح للمضمد يشدلج كانوله.
همام ماه.
والله لواعرف اسحلج.

شفته عصب حيل خفت منه وكمت غصبن ماعليه لبست شالي ورحنه للمضمد خفت حيل وهمام لازمني ووجهي ضامته بصدرة حاضنته حيل وهو لازمني ماريد اشوف شديسوي المضمد عبالك طفله عمرهه 6سنوات حته المضمد كام يضحك عليه وماحسيت بس بالجكه شويه وبعدين بسرعه كولشي خلص .
ظل همام يضحك عليه وصعدنه بالسيارة اخذنه لفات ورحنه لبيت عمي واول ماوصلنه تلكتني ريمه تركض وتحاضنه فدوة حياتي بعد كلبي وحاولت ماتنفس بوجهه وعمتي وعمي شافو الكانوله وسولفلهم همام عليه وظلوا يضحكون وهو شاورني ..
اني مزوج زعطوطه..
ضربته بخفه ع كتفه ..وتعشينه يمهم وهم مااخذنه ريمه ويانه ورجعنه للبيت وهمام طاني الدوة ودواي بي نسبه نوم فدقايق ورحت بسابع نومه.

يتبع...

حبيبي هذا مقشر..واذا شفتي والمج فضلي عليه🌚🌺

ومن تستعملي مرة بالاسبوع واذا بشرتج دهنية فمرتين بالاسبوع🙃

#ملوكه

هههه...يمعوده عل كيفج😂🤦‍♀..هسه بقيه البنات يصير بيهن قلق من التفكير

عيوني بهج شي..ميفيد تحجين لان متستفادين
يعني اله اخوج يكول مااريدها ويحظرها ذاك وكت تعوفه

بس مدام ديراسلها فهو هم متمسك بيها ويريدها..فكون تشوفين اخوج شنو قراره النهائي☺️

#ملوكه

عمري المكياج بالتدريب اشويه اشويه تتعلمين🤓
يعني اي فيديو تشوفين عل يوتيوب او اني انزل فيديوات عن مكياج..فانتي كبل كون تطبقين نفس الفيديو حته ايدج ياخذ وتتعودين🥰✨

وقنوات رجيم..متلكين حبي هج قناة ببلاش ..يعني اذا ينشر بالقناة مجرد معلومات بسيطه من يوتيوب
اما الانظمة الخاصة وتعديل الجسم ..يكلج تعاي عل الخاص ويقط فد جم فلس🤦‍♀

اذا تريد بت عمج ببلاش خل تابع يوتيوب..بس تكتب فد سؤال يطلعلها كومة فيديوات اشكال.. خل تطبقهن وتلتزم بأكل صحي وتقلل من دهون ونشويات وتشرب عصاير وديتوكس

وللخلفية عيوني..كون تلعبين رياضه حته عضلة تتعدل وتنرفع..فهاي رياضه طبقيها يوميا😇👇🏻

#ملوكه

مشاهدة "5 دقائق | حركات " السكوات " لتكبير المؤخرة" على YouTube
https://youtu.be/rLid3oTA8UI

ههههه..فدوةة الج😻والله زين سويتي

والماسكات بعد انتي بكيفج كل اسبوع طبقي شكل مدام عطلة وكعدة بالبيت..🙃💜فالتهي بهالسوالف العنايات


#ملوكه

حبي رأيج صح🙃..بس كون هج شكل مزهرية مزخرفة وموساده..فعادي تكدر تخليها بدون ورد

بس مدام سادة..فكون تخلي ورد حته يصير بيه حركة ويطلع احلى🙈❤️..وفدوةة لكلبج

#ملوكه

عيوني هالعسل جذب🤦‍♀💔 وبس دعاية لايسمن ولاشي...دايما العسل لاتاخذين هج علب..من الكوزمتك

لانو العسل الاصلي ميجي بالكوزمتك..وتكون بي كل فوائد واحسن من هذيني باهواي

#ملوكه