#عــشٰــگ_الـشــيـخ

#البارت الثاني والعشرون


بعد ازعاجات زهراء المستمره اتصالات ورسائل
قررت اروح وانهي وياهه الموظوع واشمر عليه ورقته وافض السالفه
ردت اروحله الصبح بس ماقبلت وطلعت الف حجه
ورادت اجي بليل وفعلا رحت بليل
مااكيت احد من اهله استغربت ..بس اني رجله ومامسوي شي
بقيت كاعد يمه وهيه لابسه لبس فاضح ومكياج وبقت تتقرب مني
كلما احجي ويااه واريد افتح الموضوع تسويله شغله
مااعرف شلوون صار الي صار بيناتنه
رجعت للبيت بوقت متأخر واني كاره روحي عله الي سويته
شلون گدرت اسوي هيج واني الي چنت ناوي انهي كلشي
بغلطي هذه راح تجيني هواي مشاكل
تمر الايام واني اشوف عشگ گدامي تروح وتجي وگلبي يرف عليه
وعقلي مشغول بجماله وسوالفه
كلما اريد اتقرب اتذكر السويته اضوج اكثر
ادري جاي اضلمه وياي بس موبيدي
خابرتني زهراء وهيه تبجي
هاا ولج شبيج
صگر الحكلي مصيبه
شكوو شبيج
اني حامل

من گالت هيچ افترت بيه الدنيا حامل ؟. هسه يلا يارب صدك !!

عفت كلشي ورحتله ركض تلگتني تبجي دگول واذا اهلي عرفوا يكلبون
الدنيا

عله شنوو غير مني هوه وغير انه رجلج
يعني حبيبي ... راح ترجعني
عرفت بساعته هااي لعبه منه حته ارجعه شكد غبي اني
وما عرفت خطته من البدايه

گتله اطيني مجال عفته وطلعت وفكره تاخذه وفكره ترجعني
شراح اسوي .. وشلون اتصرف
مايهون عليه اكسر گلب عشگ بس هذه ابني حته لو مااريد زهراء
هوه شنو ذنبه ...
رتبت اموري وكتله باجرر جاي ارجعج
وثاني يوم رحت ارجعه بدون مااحجي لاحد ..بـٰعدني براس
الشارع وشفت شاب طلع من بيتهم ركب سيارته ومشه
استغربته اول مره اشوفه بس يجوز واحد من اصدقاء الولد
دخلت وماا جان اكو واحد من الولد بلبيت
من سألته گالت امي طلعتله ...وحچت وياا
ماعبرت عليه اعرف جماعته اخوته كلهم هذه غريب وماعجبني شكله

اخذته ورجعت ...واني ادري بسوايتي هاي راح اكسر گلب عشگ
بس مابيدي شي
فرق السما عن الارض بين عشگ وزهراء
زهراء مغروره ومتعاليه ومتحب غير نفسه وجنت اشوف نظرته
الحاقده تجاه عشگ بس هيه متهتم اله
يومين بقينه انام جوه ماقبلت ترجع لبيته واصرت تبقه هنا
سايرته علمود حامل وكلت حرام عليه بس لاحضت
شغله ضوجتني تلفونه ماوكع من ايدهه ابد
حاولت اخذه منه اكثر من مره تتحجج وماتنطي
ومن صارت فرصه اخذته لكيته مخليه رمز اصريت تفتحه
كالت صور فلانه وعلانه. بدون حجاب وصور فاضحه وعيب
وحرام ومن هلحچي ..ماقنعتني وخليت عقلي وياهه
وعيني عليهه اتصالاته كثرانه وعيونه دوم بتلفونه
اسبوع وهيه متخليني بليل اطلع من الغرفه الف عذر اطلعلي
والصراحه اني ماردت اروح بيا وجه اشوف عشگ
وحته مابررت اله سبب رجعه زهراء ....

دخلت عليه مره ولكيته تخابر من شافتني سدته بسرعه
ياابه منوو وليش سديتي ... هااا لا مو محد ..لا امي وخلصنه حجي
ومره صرت فوك راسه ....شفت عدهه فيس سحبت التلفون منه
بقت تتلاوه وياي حته تاخذه مانظيته بحث منشوراته حب وغرام
والغريب.
الولد الشفته طالع من بيتهم صديق اله تعليقاته كله طايحه حظ مثله
سالته گالت ماعرفه. بس هوه يزعجني انطيته تلفون رحت لتلفوني
بحثت اسمه
وره شويه صفحته انغلقت واني تخبلت وشكوكي زادت
دزيت اسمه ومواصفاته لولد صديقي وكتله اطلعه من جوه الكاع

بس ماردت ابين هذه لشي لزهراء وحته ابتعدت عنه عشك
حته تشوفني مهتم بس بيهه هيه
اريد اوكع عله علتج يازهراء اني شغله الحمل من البدايه ما دخلت عقلي
بقيت اتغزل بيه. واششاقيه حاولت اقشمره حته اسحب منه
معلومه وبليله نامت وبقيت كاعد
ليش صاير اكره اتقرب من زهراء ؟؟؟ شبيه
كمت بنص اليل سبحت ورجلي اخذتني لغرفه عشك
فتحت الباب نايمه ..اروح فدوه لنومتج
كعدت وشافتني بقينه نسولف ...من عرفت بيه تحبني طرت الفرحه
الدنيا ما وسعتني وصار عندي سبب ودافع احقق بسالفه زهراء
اللهم العن الشيطان بس موبيدي
كلما اشوفه تسمم عقلي بشغله ذوالفقار تصرفاته غريبه ويه عشك
وعشك ظحكه وسوالفه كثرانه ويه ذوالفقار
ماانكر اني ملاحظ تصرفات ذوالفقار بس عشك ادري بيه ماعدهه
شي وياا ....وحاولت ابعد الفكره عن. راسي قدر الامكان
وحذرته ماتحجي شغله حملهه لاحد بلبيت عليهه لان
عرفت وراهه مصيبه ومن اكشفه ماريد احد يتشمت
بس هيه ماسكتت وراحت حجت وخلتني أئذي عشك بوقته
صح غلطت وياهه بس علاقتنه قوت وحبنه كبر
وصارت تتقرب مني اكثر واكثر واحسه بس هيه الي تفهمني
وتعرف شرايد
مرت الايام وكل يوم تجيني معلومه عله هذه الولد واروح
نبشت سجلات البصره نبش حته الكاا ابدد مارتاحيت من شفته
طالع من بيتهم انوب عده صداقه ويه زهراء
وكلمره يكلولي واحد ساقط غاوي نسوان ومشاكل

مره نايم بلدوام هلكان من التعب ..من الصبح خابرتني زهراء

هااا زهراء
صباح الخير حبيبي
هلاا
حبيبي تجي اليووم
ايي ليشش
عندي وياك موظوع مهم
موظوعيش
هااا مو مال تلفون
لعد مال شنو احجي زهراء
هااا ماعرف شلونن
لا تخبليني شكوو احجي
اني جنت دائما اكلك بس متصدك وهسه عندي دليل

شجاي تحجين انتي
حبيبي شفت ذوالفقار طالع من غرقه عشك الف

جر
وبقت تحجي وتسولف كذا وكذا واني صافن اسمع حجيهه
فرتني فر بكلامه والمصيبه من دكلي اكوو شهود واكو ادله
دزتلي صور الهم واكفين اباب الغرفه
وصور هوه طالع من الغرفه خلتني اتسودن نسيت كلشي
عله زهراء ونعميت معقوله ....
رجعت كالت عدهه تلفونه سمعته تحجي بيه اكثر من مره
ماعرف شجاني بذيج الساعه وصرت وحشش
ورجعت للبيت طلقه ...صرت اعصاب نارر وماكمت اشوف شي كدامي
من دخلت للبيت شكدد مشتاقله بس الحجي كله ياكل بكلبي
ظربته وجريته من جوه ليفوك سحل من شعرهه
وكتله اريد التلفونن
الظربه الي عله جسمه تصير بگلبي ...اني الاتوجع اكثر منه
بس ردت ..اسمعه وهيه تنكر ودكول لا وكالت لا ما عندي شي
ورحت للكنتور نبشته نبش مو حته الكه دليل عليه لا بس حته
اثبت لنفشي هاي عشكي مااتخوني هااي رويحتي
لكيت التلفون ....ويمه هديه كل كلام زهراء صح
شكد جنت هادء ومااتعصب بذيج اللحضه الغيره عمتني وماخلتني اشوف صح
فتحت التلفوون وشفتي مصايب وبلاوي
ولاكثر الرقم الي يتراسل وياه رقم اخووي ذوالفقار
زين شلووون ؟؟
دفرته وطلعت ...بساعته حقدت عليه حقد ماصاير
نزلت جوه وخابرت ذوالفقار اجاني بعده بلباب لزمته بوكسيات ودفرات
دميته بس هوه ابد ماقاوم وعبالي يعترف بذنبه وهذه الشي
خلاني ازيدد غضب واظربه اكثر

من سالته كال ايي يحبه بس ابد مااتعده حدوده وياهه
من شاف التلفون نكر وكال لا ...طبعا ينكر قابل يكول يي هذه انه
انعميت وماشفت الحقيقه واللعبه الوصخه الصارت بذاك الوقت
وحته لا ارجع اسامح عشگ صعدت بليل
طلگته ..مانكر گلبي ذبحني عليه وچانت رده فعلهه مبينه بريئه
اخخخخخخ الله يسامحني بس

ثاني يوم اجو عمامه راحت واخذت روحي وياهه
اذا تبقه يمي الله واعلم شسوي بيهه ويمكن مااسوي شي وارجع
الهه شلوون ارجع اله وهيه عدهه علاقه ويه اخوي
واكثر من دليل ....ماردت اسمعه حته لا تظحك عليه
ماعرف ليش تسرعت وظلمته

مرت اربع اشهر واني ماعرف حياتي شلون تمشي
حته شغله زهراء نسيته مخلصه بلدوام وبره كرهت كلشي
غرفته اقفله ومن اشتاگ اروح اشتم بريحته ماخليت احد يدخله
انه الاخاف الله حته شرب شربت ويوميه ارجع سكران
وانام بحظن زهراء ....عبالي هيه
وبيوم من الايام ...رجعت من الدوام بليل ..

مالي خلگ بدايه فلاونزه واخذت اجازه ارتاح وصلت بنص
اليل ..ودخلت زهراء تشخر ماتدري
طبيت سبحت طلعت شفت تلفونه مضوي جوه راسه
جريته ديت الدكمه مابيه قفل واصلته مجموعه رسائل
الي لفت نظري رسائل من رقم غريب ومن محمد ابن عمي
اخذت التلفون وطلعت بره
احتاريت اول رساله اقراهه منو ؟؟ اول صدمه اتلگاهه منين بله

دخلت عله اسم محمد كاتبله..زهراء الفلوس وين
الولد اكل راسي يوميه يخابرني ..مالي خلگ مشاكله

وراجع داز الهه يمعوده جاوبي صكر وصار بس الج ماتعرفين
تاخذين منه جم فلسس چا شو خبصتينه من چانت ذيج المرة يمج
انه وانه

طلعت ورحت عله الرقم ذاك
وياريتني مارحت المحادثات بينهم مقرفه بشكل كلامهم كله عن ال****
وحضرتهه دازتله صور اله بكل الوظعيات المنحطه
لا ودگله ابو ابني ...هذه الجنت خايف منه
واني اقره واشوف مصايب زوجتي المحترمه اشتعلت نار
وماشفت دربي دفرت الباب وهيه نايمه دفرته بظهرهه
دفره وكعته عله الكاع هيه شهگت الربهة
سحلته من شعرهه وجبتله يمي وهيه تصرخ
قفلت الباب حته لحد يدخل خليت التلفون بوجهه وكتله احجي
كامت تبجي وتصرخ ورادت تقشمرني ماانطيته مجال
كلما تتقرب مني ادفرهه
اوكعهه بلگاع لفيت شعرهه بايدي وعطت بيهه تحجين
لااجنزج هناا
ماحجت كتله صارر ....من شعرهه نزلته جووه
والكل كعد عله صوتهه خابرت عمي وكتله هسه ادزلي محمد
منتظره عله نار اول مادخل ظربته نهيته
سحبته ودفعته يمهه وكتله احجي هوه ما كال لا
عرفت منه متفقه وياا علمود يشتريله تلفون ويتراسل من رقم
جديد الي هوه علساس رقم عشك وياخذ تلفون ذوالفقار
بصفتهم بنفس العمر واحد ماين عله الثاني يكدر ياخذ تلفونه
يتراسل من الخطين ويمسح الرسائل من تلفون ذوالفقار ويطي اله
وماخذله فتره هيج يسوي لحد ماا جامع مجموعه محادثات
وصخه مثلهم
وشاد كامرات باماكن بلبيت مامبينه ورابطهن عله تلفون زهراء
تراقب ذوالفقار وعشك بيهن حته شوكت ماتشوفهم سوه تركض
تاخذلهم صوره سوه وتكون حاظره وشاهده عله لقائم
حته بعدين تجي دكلي شفتهم بكذا مكان وكذا ساعه
هوه يحجي واني صافن عله نذالتهم وعله غبائي ضابط
طول بعرض عبرت عليه لعبه مزعطه
شااد كاميرات ابيتي واني نايم ؟؟ لعد شكد اثول
خابرت عله جماعتي اجوني بدوريه سلمتهم محمد كتلهم
ضيفوو يمكم جم يوم اخذو وراحوو رجعت للساقطه زهراء

شغلت جكاره وكعدت يمهه وهيه يم رجليه صارت
كتله عوفج من محمد ومن عشك وعوفج من كل هذه
الطفل لي ابطنج ابن منو
كامت تبجي وتحلف ابنك بلدين بليمين
ظربته وكعت ورجعت تبوس برجليه ابنك هذه والامام الفلاني
والدين الفلاني
رجعت ظربته وجهه صار مينشاف من الدم
والله يازهراء لو اكطعج وصله وصله هنااا ماتطفه ناري
لزمت الجكاره وطفيته بأيده كامت تصرخ بعالي صوته

لزمته مو شعرهه وكتله

اذا ماحجيتي الصدك اروح انبش وراح اعرف
كلشي.... ساعته شايفه هاي الجكاره اخلي اثرهه بكل
جسمج اشوه جسمج بحيث بعد مادكدرين اتباوعين عله روحج
خووش

حچت وياريتني ماسمعت كلمه
متعرفه عله ساقط مثله بلفيس ومقشمر عليه احبج واريدج
يسحب منه فلووس ووو🔞 وهيه بكل غباء مصدكه
والله شنو احبج فتره واجي اخطبج
جانت خووش فرصه اله من جنت رافض اطلكهه مستفاد
علبو ماكدر اتزوجج لان بعدج ممطلكه
لحد ما ححبلت منه ...بقه يتهرب منه وهيه تركض وراه
ومن عرفت ما وراه فايده وظحك عليهه اجتهه شغله
زواجي من عشك عله طبق من ذهب
واستغلتني بابشع طريقه واني بكل غباء وگعت بفخهه
بدون تردد سحبت اقسام المسدس وخليته عله راسهه
وردت ارميهه بس ابوي منعني وبقه يتصارع وياي
حته ياخذه مني وهيه من خوفه هجت بشارع وهيه مفرعه
الصبح واجوني اهله وحجيتلهم كلشي
وكالو اذا ماتكتله انته احنه نكتله ...كتله لا خلوهه يمكم هسه
وبعدين يصير خير

عفتهم وصعدت فووك وانه احس بعد ماعندي قوه افتح عيوني

غبائي وين وصلني ماهامني من هذه بس السويته بعشگ
اخخخخخ يابوويه ...شلون راح اگدر اشوفه بعد
فتحت باب غرفته ودخلت
كعدت عله فراشه ...انه الرجال ضعفت بهاي اللحضه وبچيت
لو اكعد ابوس رجليه منا لسنه ما راح تسامحني

طلكت زهراء وكلت لاهله اذا خليتو اصبع واحد عليه
اخذكم كلكم للتوقيف
ندليت منه مكان صاحبه الساقط ورحت وراه
لزمته طلعت قهري بيه حته نتل نتلته الكلب....
وحبسته كتله تخلص عدة الطلاق مالته يلا اطلعك حته تتزوجه
وانته ويااه ادبرون اموركم بعد
محمد طلعته ....بس ملامح وجهه مختفيه من التعذيب
كلت لعمي اذا محمد عتب شارعنه
اكسروني بعد من العشيره
ذوالفقار...عايش ويانه بلبيت بس اني وياا مانتحاجه
خابرته العصريه بيوم وكتله تعال انه بلشط
وهوه بسرعه اجه عباله بيه شي من شفته حظنته وبست راسه
وكتله تعذرني يخوي ...وحقك عليه
هوه كام يبچي مثل الطفل كسر خاطري
واعتذر مني هم لان الغلط السواه مو شويه حط عينه عله عشگي

عشگي اخخخخ يعشگي وين الگاچ بعد
حاولت وياي شمس حته اروح ارجعه ماقبلت
يوميه تفتح نفس الموظع وانه اكله اكيد هسه تزوجت
من اختنگ واشتاق الهه حييل اركب سيارتي بنص اليل
واسوق من اقرب لبغداد اوكف وارجع
صرت مثل المخبل بلياهه ماكدر اتخيل حياتي من غيره
بس مالي حق اطلب منه العفوو 💔

الله يشهد مرت عليه ايام سوده بلياهه عايش مابين ضميري
الي ذبحني عله الي سويته بيه وبين گلبي واشتياقه اللهه
كلشي بيه يطلبه ورايده بس شسوي وشلون اروح وشحچي من اشوفه
اخخخخ ياربي ...ساعدني ودليني طريقي

رجعت من فصل بغير منطقه وراسي صاير طبل
دخلت للبيت ساعه ١٢ كتلهم ماريد غده بس عوفوني ارتاح
صعدت سبحت وبوجهي للفراش حته ماصليت
بعز نومتي دك تلفوني ....ماجاوبت ثالث مرة يلا وكمت
اسب واغلط من شفت الاسم هذه عم عشگ بسرعه فتحت خط

الوووو ...ها عمي
الله يساعدك عمي صگر
هلاو بيك عمي خير شصاير
هههه هيه هيج الاصول يشيخ صكر هيج تجاوب
لا عمي العفو اعذرني شلونك اخبارك بسس خفت لاعشك بيه شي
ليشش ...بعدك تريده

سكتت وماعرفت شحچ رجع گال

عوفك من هذه الحچي خابرت حته اگلك احنه بلمستشفى
وعشگ بغرفه العمليات

شلووون ليشش ؟ شبيهه ؟؟

لا تخااف مابيه شي ..الدكتوره گاعده تجيبه

يعني شنوو ؟

عشگ حامل يصگر حامل بابنك ..الصراحه ماردت اخابرك بس
المستشفى يردون عقد زواج وانتم ماعاقدين محكمه
لو يردون جنسيتك ..تسوي فضل علينه اذا تجي

سديت التلفون لبست دشداشتي بسرعه اخذت المستمسكات ونزلت
ركض جريت امي من غير مااحجي شكووو
بلطريق يلا سولفتله الطريق شطوله سويته ساعتين
مدري من لهفتي مدري من فرحتي ...عشگي حامل بابني
وتريد تجيب هسه ...وبلعمليات
الافكار اكلت راسي اكل مادري شلون ماسويت حادث

دخلت للمستشفى ...اركض مثل المخبل وامي تركض وراي
سلمت واطيتهم المستمسكات

گالولي مطلعينه بلردهه ..دخلت عليه نايمه بعد روحي
اروحلچ فدوه اخخخ شگد اشتاقيت ..نايمه مثل الاميره
ذبلانه وضعفانه وجهه اصفر عيوني عليه وحته ابني نسيته
من بچه يلا رفعت راسي وشفته
اخذته بحضني وبسته الله يعلم بكبر فرحتي ساعته
بقيت كاعد عله نااار متاني شوكت تصحه

مردت گلبي وهيه تون ودگول... اخخخ يمه ولك يااابه ...

اريد اسحبه واخليه بنص حظني واخذ وجعهه كله
بس ماگدر ...وره شويه فتحت عينه وصارت بعيني
سلمت عليه بس دارت وجه مني ...حقه شما تسوي بيه قلييل

اي احبك
#تريد تقبل ،تريد تزعل
#ازعل يطبك عشگ



يتبع..

#عــشٰــگ_الـشــيـخ

#البارت الثالث والعشرون

كيف أفتح معك حديثًا يُخبرك أني أشتاق إليك دون أن أجرح كبريائي؟

الحمدلله على سلامتچ ام وطن خوفتينه عليچ

مبين حيييل خايف عليه يصگر ووف منك درت وجهي ماردت اشوفه
صح مشتاقتله بس المريت بيه بسببه مو شويه

وطن اسمعه يبچي بس ماعندي طاقه اگوم اخلي بحضني

مره عمي گالت ..يمه عشگ الجاهل كاتله الجوع شدي حيلچ كومي

عمه والله ماگدر حته افتح عيني

حقچ يمه بس خطيه شذنبه هذه
صگر هسه اروح اجيبله حليب وشربنه
ماما لايمه ميصير لازم هيه ترضعه من صدرهه كلش زين اله

ماتشوفين حالته شلوون عود من تصير زينه ترضعه

ماكوو داعي هسه اگوم
بس احتاريت شلوون الوجع ذابحني حركه ماگدر اتحرك
شافني محتاره تقدم عليه وگال اطيني ايدچ اگومچ

ماهتميت لكلامه سحب ايدي ولزمهه حيل والثانيه خلاه وره ضهري
حاوطني بأيده ضعت بحضنه اووف يعطرك دمرني
رفعني شويه شويه حته ماحسيت بوجع وخله المخاد وره ظهري
سندت ضهري عليهن
ماما شالته ...واطتنياا اووي اروح فدوه شگد زغير

گتله بصوت ناصي ياروح ماما جوعان انته ؟؟
وهوه يبچي ...صگر يباوع النه ومبتسم بس مارفعت راسي
اله ابد خلي يعرف بلنسبه اليه لا شيء هوه
هسه شلون ارضعه وهوه فوگ راسي

مره عمي كالت اجي اساعدج باوعتله هزيت راسي
هوه عرف الفلم طلع واخذت راحتي بلرضاعه بقن هنه يظحكن
ويكولن مچلوب هذه من هسه ويشبه صگر كلشش
ركزت بوجه صح يشبه رموشه طوال مثله
نفس دوره وجهه نفس خشمه اهم شي الخشم هههههه
نام بحضني اخذنه مني ..واني رجعت تمددت وغفيت بسرعه
البنج كلشش قوي مادري شوكت راح اصحه منه
اسمعهم وره شويه يسولفون وهوه جاي جايب عشه الهن
وجايب اليه عصاير وكيك ...رادن يكعدني كلهن عوفنه ع راحته
غفيت وصحيت مره ثانيه هدوء ماكوو صوت الهن
باوعت هنه ماكو مامنتبه اله كاعد يمي رفعت ايدي خليته عله عيني
وگلت اخخخخ يمه راح اموت

هااا عشگ ...متوجعه
فززني وخرت ايدي وباوعتله ..لا .. اي شويه

اصيح دكتوره
لا ميحتاج ..شويه وارتاح
باوعت منا ومنا ادور عله مي عطشانه

رايده شي
ايي مي
هسه ...گام طلعلي بطل مي من الثلاجه فتحه واجه گعد يمي
گومني شويه ردت اخذه منه ايدي ترجف ماگدرت الزمه
شربني هوه ...شربت شويه وخرته استحيت عينه عليه
زين ما شرگت بلمي رجع لمكانه ...ويباوعلي

حته متصير عيني عليه درت وجهي اباوع لابني بدون وعي ابتسمت

گال ..ليش ماگلتيلي
سكتت ماجاوبته ...رجع گال حاچيني
اعتقد مالك حق تعرف
ليش غير انه ابوه ..المفروض اول واحد اعرف
باوعتله بطرف عيني وهزيت ايد ...ابووه ههم ...منو يگول انته ابو
انچبي لا تحچين هيچ
لزم ايدي سحبته منه بسرعه
والله حقچ ...شسوين حقچ بس اسمعيني
صگر الله يخليك تعبااااانه مالي خلگ اسكت
صاررر راح اسكت ..بس موظوعنه هذه ماانتهه
شويه ودخلن ماما ومرة عمي وهوه گال راح يطلع لان ميصير يبقه هنا
يشوف مكان يبات بي ويجي الصبح

حاول يحجي وياي ويسألني شرايده مجاوبته وما انطيته عين
اله اندمك والله

طلع رضعت الطفل ونمت مادريت بشي صح اليل كله اتفزز من الوجع
بس البنج هم نعمه بس احط راسي ادخل بغيبوبه 😁
الصبح فتحت عيني شفتهن يصلن صلاة الصبح
الوجع خف احسن سندت نفسي وگمت بس احس الجرح بگلبي
يمه يمووت ...مشيت شويه شويه وضهري ملزوم لان صارلي
هواي متمدده دخلت للحمام غسلت ريحه المستشفى لازگه بخشمي
طلعت لگيته جااي من شافني اجه بسرعه لزمني ...ليش تمشين وحدچ

لازم اتعود امشي وحدي ...لان اظاهر محد راح ينفعني بعد

ليش تخليني اشيلچ هسه واخذچ عدل وگبل للبصره
جريت ايدي منه مات من الظحك وگال دمشي امشي لا توگعين
طلعنه واني جابولي كرسي متحرك كعدت عليه وهوه دفعني
وطن بيد ماما مغطيته بلعبايه
صگر يگله ادري بايگه بوگه ...خنگتي الجاهل

ولك يمه ريحه المستشفى تكتل لا يشتم ريحه ويتمرض
فتح باب السياره لزمني وصعدني مجبوره اعتمد عليه
لان ماگدر اتحرك وحدي وهنه نسوان كبار ميگدرن يساعدني
شگد ضجت وكرهت ضعفي بهاي اللحضه لو جايبه طبيعي
ماچان اعتمدت عليه هسه عباله كاتله روحي اريده ..تحلممم

طول الطريق وهوه يتلفت علينه اني وابنه
مانكر گلبي يدگ كلما تصير عيني بعينه ومانكر فرحانه ححيييل
من شفته هيج اجه بسرعه ومبين من كلامه وتصرفاته متلهف علينه
بس جرحني وحرام بحق نفسي اسامحه بسرعه 💔
وصلنه للبيت ونزلنه تلكاني عمي وسلمنه بقه هوه كاعد يمه
اجوي عمامي للعصر وحجه وياهم وعتذر
مالي خلك بس بالي يمهم خاف يجبروني ارجع
وخاف ميقبلون اعتذاره بقيت محتاره وماعرف اني شرايده
وره شويه اتصلت شمس عله تلفونه ودزه بيد ابن عمي

بس گالت الوووو انوب انفجرت بلبجي
ماتحملت وبجيت وياهه وامي ومره عمي يبجن بختصار كلبناهة فاتحه

شويه وسكتنه بقت تسلم وتسالني وتسولف شكد مشتاقتلي
واني وياههه وظحكنه هواي
نهيت المكالمه ...باوعت لتلفونه مخلي صورته خلفيه
اووف اشتاقيت اباوع بعيونه اشتاقيت لطوله اشتاقيت لكلشي بيه ياربي

٣ ايام ظلو يمنة هوه يجي بس بليل ساعه ويروح ي

كلهم
ابات يم صديق بس يجي محمل خيرات الله كله
من مسواك وحلويات وفواكه ...حته عمامي بقو يسولفون بيه
ويگولون معدل ويعرف الاصول
رادت ماما تروح لان محد بلبيت بس شموسه ومتكدر وحدهه
حيييل ضجت جانت مونستني ومن اشوفه مخليه ابني بحضنه
ومتنزله للكاع وشلون عينه عليه وكل شويه تسألني شلونچ
حسيت نفسي مدللة ومحتاجه هيچ اهتمام
والشغله بيناتنه صح مااشوف صگر ...بس من اشوفه يروح يرجع
افرح واعرف بعده يحبني

قبل لا تطلع ماما دخل عمي وگال صگر يريد يدخل يسلم

طلعن البنات ودخل بقت بس ماما
شالت وطن وخلته بيده يباوعله وعيونه مدمعه الفرحه مبينه عليه
ولا عبالك عنده ابن ثاني
رجعه لماما واجه گعد يمي عله الچربايه وگال شلون صرتي

الحمدلله احسن
الحمدلله ...مامحتاجه شي
هزيت راسي بلا ..رجع گال رايح لان عندي دوام بس اخلص
جم شغله واجي

ليشش تجي ؟؟
اجي اخذكم غير
هههههه ظحتني والله
هاااا. ؟؟ ليش

...تخليت عنه باصعب ايامنه وهسه من امورنه صارت تمام اجيت

يعني شنوو ؟

يعني لا تجي لا اتعب نفسك ...وانسانه اصلا

ياا يمه لا تحچين هيج بس الله يعلم فرحتنه بهذه الوكت حقج تغتاضين
بس اسمعي من رجلج بالاول وبعدين حكمي

خاله ..صكر مو رجلي طليقي وهوه الي وصلني لهنا
وبلنسبه للكلام الي يريد يحچي لا يتعب نفسه ماريد اسمع شي منه

هذه الحجي عوفي عله صفحه نتفاهم بالاول واحجيلج وبعدين يصير خيير خلينه ننسه الصار ونبدي صفحه جديد

اني راح ابدي صفحه جديده بس مو وياك

يعني شنو؟؟

يعني ياا شيخ صكر بس اصير زينه اتزوج شخص من مستوايه العقلي شخص يفهني شخصص مو من اول زله يطلكني
واذا عله ابنك شوكت متريد تعال شوفه ماامنعك

لزمني من ايدي حييل واشوف عيونه صارت نارر گال
والله العظيم لو ما وضعيتچ هاي چان علمتچ شلون تحچين هيج

اييي شبيك ايدي

اسمعي لج ...انتي مالتي تفهمين لوو لا ...خلي تعدي ايامج هاي عله خير
واني اتصرف وياج

عافني وطلعت اجتي ماما باوستني وكالت مو كتلج سمعي منه
وطلعت بقيت صافنه عله تصرفاته ...
رجعت وبيدهه فلوس خلتهن جووه المخده كالت دزهن الج ويكول
جم يوم واجي ..راحوا

بقه كل يوم يخابر عمي يسأل علينه وماما لو شمس يخابرن عله رقم
مره عمي احچي وياهن
بديت اتحسن وكدرت امشي بس حركتي محدوده
الي مصبرني عله الوجع ابني اروحله فدوه يجنن وزغيروني
رحت فتحت خيط العمليه ورجعت امشي واتحرك احسن من الاول
اگوم اغسل ملابسنه اني وياا واشيله اگمطه
وره اسبوعين اجه صگر من سمعت بيه جاي رف گلبي عليه
مشتاقتله حيل ...من گال عمي يريد يشوفكم
انطيته الولد وكتله وديه اله اني ماعندي شي ويااه
وهذه الصح اولا السواه مو قليل اله اندمه وثانيا هوه طليقي
ميجوز اشوفه ماعرف شلون عمي ساكت
راح ورجع گال صگر مصر ويريد يحاچيج امشي يابويه
اسمعي منه لا تعاندين
لبست حجابي ...ورحتله من دخلت كلت السلام عليكم
بس ما باوعت بعينه هوه گام عله حيله والولد بيده
تقدم واطانيا اخذته منه وبسته وگعدت بعيد عنه بس هوه اجه يمي

شلوونچ ؟
الحمدلله
خما بعدج متوجعه ؟
لا صرت زينه
رفعي راسچ ..اشوفچ
ماحچيت ...رجع گال هيچ صايره تكرهيني
هم ماحچيت
والله حقچ بس اطيني مجال افهمچ واحچي ...ماتردين تسمعين
هزيت راسي اي ماريد اسمع
زين رفعي راسچ اشوف عيونج اشتاقيتلهن
ضعفت گدام نبره صوته الهاديه ورفعت راسي صارت عيني بعينه
اوووف شكد مشتاقه لملاح وجه عيوونه حمر وذبلانه
وجهه تعبااان حيل...
خنگتني العبره وعيوني دمعت درت وجهي ماردت اضعف گدامه

شبيچ ليش تبچين ؟
ماابيه شي
باوعيلي شبيچ
مابيه شي بس عوفني
ماعوفچ وهسه دگولين شبيج
يعني كل هذه الي صار وتسألني شبيج ب سهوله تريدني اسامحك وانسه

لا تسامحيني بسرعه بس اسمعي مني
وبده يحچيلي الصار وخطط زهراء وحقارته واني مصدومه
وممصدكه توصل بيه الامور لهنا واني ممسويتله شي اصلا
خلص كلامه ورجع گال ادري هذه مو سبب حته تسامحيني
وادري جرحتج وادري اذيتج كسرت الثقه البيناتنه
بس والله احبچ واموت عليچ ويشهد ربي بلياچ ضعت
كل يوم ادعي الله يدليني طريقي ويخليني اجتمع بيج
ادري مالي حق اطلب منج ترجعين اليه ....اذا مولخاطرنه لخاطر وطن

اكلك شو انته استلمتنه وطن وطن منو كلك اسميه وطن

هاا لعد شنسمي غير وليدي الچبير اسمي عله اللقب الماشي عليه

بس اني ماعاجبني نغيره

نغيره ليش لا كلشي ولا زعلچ ...باسني بخدي

عزا ..شوماتسحتي

شمسوي هيه بوسه بخدج مو زين مااخذت من غير مكان

بس حرام عليك تره انته طليقي

من گلت هيج شفته ضاج ودار وجهه ...شبيك ؟

بداعتي بعد لدكولين هاي الحچايه

بس انته فعلا طليقي

شحجيت هسه ...شبيج انتي

عفته وكمت لان بس ابقه يمه اكثر يجوز اذا كال امشي نروح هسه اروح
وياا

وين رايحه

ابنك وشفته بعد شرايد ومره ثانيه من تجي اترجاك لدز عليه
ماريد اشوفك اطلع من حياتي ...

مو بكيفج والله اجي وتجين يمي غصبن عليج ومااطلع من حياتج
بطيب بلغصب نعقد ونرجع لبيتنه فاهمه

لااا بله ،، نعقد ونرجع لبيته مو هوه بكيفك حته عررس مثل الناس مستخسر تسويلي

وهوه ظحك بصوت عالي ...يعني تردين عرس بسس عرس
چاا غير اسويلج عرس منااا للبصره

لا ماريد عرس ولا اريدك اصلا
تقرب راد يلزمني عفته ومشيت صاح تعاي غلست منه
فتحت الباب عله حيله اشرلي تعااي ويعض بشفته
ظحكت وطلعت عفته وحده يحچي
وين صايره هااي ابنه بحضني وعايشه وياا دورالعاشقه الولهانه
هههههه

يتبع..

#عــشٰــگ_الـشــيـخ

#البارت الرابع والعشرون

# الكاتبه اماني-ياسر


بقه كاعد شويه وراح اخذله جم يوم ورجع
واجه جايب ملابس لوطن واليه وشغلات حلوه ماقبلت اطلعله
شو اخذ راحته حييل يوميه وجاي ماعرف شلون مقشمر عمامي
دخلت مرة عمي ام صفاءوكالت يمه الولد جاي يشوفكم

ايي عمه وطن بدللتله اخذيه اله
انتي سمعتي شحجيت جاي عليكم اثنينكم
عمه سمعت واني ماريد اشوفه اخذيله ابنه وياريت دكوليله
بعد لا يتعب نفسه ويجي يوميه مسوي روحي نشمي

ولجج عيب استحي مهما يكن الزلمه مبين عليه ندمان
وجاي يعتذر عن غلطه والدليل يوميه جاي ورايد يشوفج

اووو عمه فدوه اسكتي وسدي الموظوع

لا والله مااسده ودكومين تشوفينه وتسمعينه ولج يمعزايه
عمج يكول خاطبج منهم وكايل الهم بس توافقين يجيب اهله
كلهم وعمامه ويخطبج وحته يعقد محكمه

خلي الحجي هذه ايفيده

شلون بيج يم راس يابس والله راح تتندمين تعرفين بيه رايدج
لا تبقين تعاندين وكومي شوفي شرايد

طلعت وعافتني وبقيت افكر بكلامه ..عود صاير لوتي هوه
مقنع عمامي وعباله اقتنع بسرعه بسيطه
لبست واخذت وطن وطلعت ...دخلت يمهم سلمت
وكعدت يم يعمي ابوصفاء همه يحجون واني دايره وجهي واحس بعيونه عليه
طلع عمي وبقينه وحدنه گال جيبي اشوفه
اخذته وخليته بحضنه ..انداريت لزم ايدي وكعدني يمه
فكرتي زين
بشنوو
نعقد ونرجع
باوعت عليه وماعرف شحچي بقيت ساكته
بقه يبوس بوطن ويسولف وياا

بابا حبيبي ..اروحلك فدوه انته والخلفتك
اخخ اخخ لو بس ..تحن علينه ...سويت نفسي ماسمعت رجع كال
بعد ابوك انته ثمره حب وتعب سنيني تدري لو لا
شافني ما مهتمه اله كال

هااا بشري
شنوو
هسه اجيبج بضربه عله حلگچ ادميج لا تسوين روحج غبية

ايي يلا اظرب صارت عًـًـًادي عندك مو سويته قبل

اسكتي لا تذكريني ..گوه اريد انسه

مستحيل راح تنسه ..السويته بيه مو شويه

حقج والله بس گليلي شسوي حته تسامحيني وتصدكين بيه انه احبج

ماكو شي يرجع الثقه الكسرته بيه ...ماكلفت نفسك وسمعتني
ولا حته سالتي ماشفت شي بس كلام زهراء

اششش لا تجيبين اسمه ولت وبعد ماترجع ماكو بحياتي بس انتي بعد
ومستحيل تدخل وحده غيرج

سحبني عليه وصرت قريبه منه يشتم بيه ولازم ايدي حييل

اخخخخ يعشگي جاي اموت وماتحسين بيه والله بدونچ ضايع
ليش تشلعين گلبي ...تدرين بيه شكد احبچ غلطه وصارت
وراح ابقه ادفع ثمنه كلما اشوفج وادري بيج تحبيني هم

هوه يحچي واني ضايعه بعيونه ..دوخني بكلامه.
عرفت شكد احبه بهاي اللحضه ...

هسه شگلتي

انطيني وقت ..افكر

ولج شتفكرين ...عاجبج وضعي هيج يوميه مسافر لمحافضه
ومشلوع گلبي والله ماانام انزل من الدوام ابدل واجي ملهوف
عله شوفتكم ...وهناا مأجر بفندق حته ما ماخذ راحتي
حرام عليچ تحرميني شوفتكم

ماجاوبته ..جر نفس وگال ننتظر وامرنه لله سحب تلفون من جيبه
وحطه بأيدي ..هذه شنوو ؟
هذه تلفون وخط الج نتواصل عليه اخابرج واشوفكم شمحتاجين
وهم ادزيلي صور وطن يوميه ... تسوين فضل اذا صورتج
وعض شفته

رفعت حواجبي و باوعتله
ههههههه لا عمي جذب اشاقه وياج تقرب من اذاني وكال
من تجين يمي اشبع شوف واطلع كل ضيم كلبي والاشهر الفاتت
عوود ابقي تعززي عليه هيج
شويه بقه وطلع ...بقيت خدرانه من كلامه ولمساته
اووف كون هسه اخابره واكله تعال نعقد ونروح 😆
بس شلوون اووووف معقوله راح انسه كلشي بسرعه هيج
مايهون عليه اشوفه هيج متعذب بس اسامحه بسهوله صعبه
لليل ..شغلت التلفون مرتب وحلوو فرحت بيه مفتقده هيج شي
تلفون ومواقع تواصل ...خابر مجاوبت خابر مره لاخ هم مجاوبت
دز رساله

يعني هيج ترتاحين بأ ذيتي وشلعان كلبي
رجع اتصل عفته يدك لحد ما سكت دز رساله عله راحتج لا تردين
بس مادريت بيج هيج كلبج حاقد عليه

لا والله يصكر مو حاقد بس انته جرحتني حيل ومو بسهوله يطيب
هذه الجرح ...بقيت اتكلب وافكر بكلامه اذا رجعت وياا
معقوله بعد ميعيد الي سواه ؟؟ وراح يبقه يحبني. وميعيرني بكل
مشكله تصيربيناتنه بفضيحه أمي ؟؟
صح احبه واحس روحي ميته عله شوفته
اووف ماعرف ياربي ساعدني ودليني عله الطريق الصح
مرن يومين وبعد ماتصل ولا دز رساله بقيت لازمه التلفون
منتظرته ...حيل اشتاقيتله بس ماگدر اطي مجال

العصر وصلتني رساله مكتوب اني شمس جاوبي
اتصلت وجاوبته

الوو ها شموسه
هاا حبي شلونج اخبارج
بخير يعمري وانتي ..مشتاقين يول
اني اكثر والله بس انتي ماتحسين
ههههه صرتي مثل اخوج ..
ايي ظحكي شعليج مرتاحه متونسه واني هنا اكل بروحي اكل
ليش شكوو
ماكوو شي لتخافين
شلون ماكوو ..مبين عندج شي احجي
راح احجي بس تره معليه
هسه غير تحجي ذبحتني
صكر راح يخطب
هاا ...تشاقين مو
لا وداعتج مااشاقه صكر كال يريدله مرة عبالنه يشاقه من شافنه نظحك
صاح بينه ويكول بعد شمتاني العمر يمشي بيه لا مرة يمه
ولا ولد يشيل اسمه

هههههه لعد وهذه البحظني شنو ابن الجيران
تردين الصدك شوشه بدون زعل صكر مل من الررحه والرجعه
وهوه موزغير حته يبقه معلك هيج

حته انتي ويا شمس
اني وياج والله ..بس هوه اعتذر منج

وبرر موقفه كافي زعل

لا والله .... كافي زعل شنو يعني هم حاسبه جيته اليه لهنا كم مرة
اعتذار ؟؟ اصلا جاي يشوف ابنه مو عليه والله خووش يريد مره
موو !! بلعافيه عله الراح تاخذه

هسه ليش ضجتي انتي مو ماتردينه
لا ضجت ولا شي والف مبروك مقدما يستاهل الشيخ

گتله وطن يبچي وسديت الخط ماتحملت اسمع بعده كلام عنه هذه
الموظوع
والله زين يحبني ويوميه جاي وخابص نفسه وتالي يريد يتزوج
ماشي خلي يتزوج يستاهل
بقيت ألووب هسه اني مو ماريده شكوو ضجت ونقهرت
اووف
لثاني يوم وهوه مامتصل ماعرف ليش بقيت عله نار ومنتظره اتصال
منتظره يخابر ويگول لا الخبر هذه چذب ...
مرة عمي شافتني مخبوصه وضايجه

شبيج يمه
مابيه شي عمه
شلون مابيج شي وانتي روحج مفرفحه من البارحه شصاير
ذبيت حسره واحسه طلعت من روحي
ياستار ولج شصاير قلقتيني ؟؟
عمه صگر راح يتزوج
لطمت صدره وگال شلووون
اششش عمه صوتج شنو القصه
منو الگلچ ؟؟
شمس خابرتني لبارحه وگلتلي
اي حقه يتزوج
باوعتله يااا عمه شتحچين

ايي والله حقه مرمرتي يوميه جاي مناك لهنا بعد تردين ايبوس رجلج
حته تسامحينه ولج ياماا انكتلنه وياا انسبينه احنه واهلنه
ويااما سمعنه انواع اشكال من زلمنه حته لامهاتنه ماجنه نحجي نضمه بكلوبنه لان نعرف بدون زلمنه نضيع وبعدين رجال طول بعرض
ويشوف ادله عله مرته عدهه علاقه باخوه شتردينه يسوي

ماريده يسوي شي بس ردت منه يسمعني يسألني ويعرف الحقيقه مني
مو مهم يصدگني المهم يسمعني ويخليني ادافع عنه نفسي
ظربني وسبني وهاني وخلال وقت قصير من المشكله طلگني
وكل هذه بصفحه ومن عيرني بأمي بصفحه
ذبحني عمه بذيج الساعه والله ...ايي اعترف احبه واموت عليه
وبس الله يعلم شگد مشتاقتله ..بس ماگدر انسه نظراته اليه بذيچ الساعه
ماگدر انسه نبره صوته الحاقده عليه اخخخخخخ ليش محد يفهمني

والله فاهمتچ ياايمه وحقج بس اطي فرصه ثانيه شوفي سمعي
تفاهمي ويااا ...واذا ماشفتي شلون راح ينسيچ كل السواه
انتي لا عبالج السواه هين عليه جان عمج من يظربني يرجع يبوس راسي
ويكلي الظربه وجعته صارت بگلبي
لا عبالچ يهون عله الرجال من يأذي مرته ويشوفه متوجعه
بس همه كل الزلم هيج اقل شغله يگبون نار ويصيرون وحش
يايمه سمعي مني تلاحگي الزلمه قبل لايروح من ايدج
ولج شيخ وضابط رجال معدل والناس كله تحلف براسه
لا تتندمين بعدين وانتي تشوفين مره ثانيه بحضنه اذا مولخاطرج لخاطر ابنج
اذا يصير عنده ولده منهه ينساج انتي وياا والله

كامت مرة عمي طلعت وبقه كلامه بعقلي ليش لازم اتنازل
ليش وهوه بكل سهوله قرر يتزوج ويشتري غيري هيج هنت عليك يصكر
هذه حبك اليه خلص بكم يوم ومن مليت قررت تبدلني

اخذت التلفون وردت اتصال بقيت اباوع لاسمه ومتردده
اذا تصلت شراح احچي وشگول حته ماعندي حجه اووف
واذا طلعت حجه اكيد راح يعرف متقصده ....لا ماتصل خلي يولي

شمرت التلفون وگمت لليل وطن بدت عنده اعراض مرض
بده يلج ويبجي سخونه عنده قليله مره عمي كالت لتخافينه
طفل كلشي يصير بيه ماكدرت انام واغمض لحضه من وراه
صح هوه يبجي شويه بس ينام قلقتني بجيته يصرخ بعالي صوته
ياربي تحفضه اليه ماعندي طاقه اخسر طفلي مره ثانيه
وجه الصبح يلا نمت كعدت مره عمي وبقت وياه
يمكن غفيت ساعه وكعدتني
عشك عشك كومي

هااا عمه
ولج الولد مدري شبيه
ركضت من فراشي عليه وهوه يصرخ وجهه احمر ومسخن نارر

صرخت يمه ابني شبيه عمه شصار
والله مادري كاعده يمه وجاي اسبح والولد اختنك فجاه وصار احمر
اريد اعرف شبيه ماتلاحگت

شلته وهوه يبجي حبيبي وصاير نار
ركضت مرة عمه كعدت عمي لبست بسرعه واخذنا للمستشفى
دخلنه الطوارء وطبعا كل دكتور يشمرنه عله الثاني والممرضين
تعاملهم احقر من الحقاره واني فرفحت عله وليدي اشوفه يلوع بيدي
وماعوف شبيه
فقدت وكمت اصيح عليهم عمي من شافني هيج تعارك ويه دكتور
عله صوت صياحنه طلع دكتور من غرفته
رجال جبير بلعمرً ومبين من اهل قبل اخذه مني ودخلنه
نيمه وفتح الكماط وبده يفحص بيه وهوه يبجي كمت ماشوف من دموعي
ماحجه شي بس گال لازم نسوي تحاليل واشعه
بقينه نركض يمنه ويسره ونتوسل حته يدلونه عله طريق
المختبر وغرفه الاشعه ...الدكاتره ميرحمون ابد عبالك نازلين من غير كوكب يحجون ويانه بتعالي ومن وره خشمهم
الله رحم بينه وكف بطريقنه مره وابنه جايبين حفيدته تسوي عمليه
اظاهر حافضين المستشفى ومالين من تعامل الدكاتره الحقير ويه المرضى
فيدلون الناس عله الغرف
بختصار للمغرب يلا كدرنه نخلص تحالي واشعه واحنه من
الصبح جايين عمي صعد ضغطه وصار فدمره
ومره عمي مفاصله تعبت حيل كامت متكدر تمشي واني
مابين التعب والخوف والقلق عله ابني ضايعه وماعرف شسوي
بوقت الي طلعت التحاليل الدكتور لكيناه طالع ومحد
قبل يشوفهن اضطرينه نومه بلمستشفى لحد مايجي الدكتور
اجوي عمامي ابومحمدوابوحسين ونسوانهم بقو وراحو عمي وزوجه يرتاحون
ويرجعون ...جابو عشه ماكدرت اخلي لكمه شلون اكل وابني من الصبح
مراضع وبهذه عمره الكانونه اكبر من ايده
بعد حته مابيه حيل يبجي نزلت بلكاع و

خليت راسي يم راسه
وابجي ياعمرري بيه ولا بيك لتعوفني انته هم والله اموت
ياربي ليش تختبرني باعز شي عندي
بقوه يمي للصبح راحو بعد مارجعو عمي ابوصفاء ومرته جايبه ملابس
وغراض النه ..وهوه ميقبل يرضع بس يبجي

انطتني تلفوني وكالت شمس هواي اتصلت بس ماجاوبت

اخذته منه واتصلت عليه

الوو ها شمس
هلوو شوشه وين جنتي ظل بالي ،،،بيكم شي انتي وطن
بجيت وكتله شموسه وطن راح يروح مني وماعرف شسوي
وهيه صرخت يمااا ولج شبيه
مادري بس يبجي وميرضع ومسخن نار ومن البارحه احنه
بلمستشفى ومحد بحالنه من الدكاتره

هيه كامت تبجي واسمع صارت يمه هوسه و صياح جهال
تذكرت اليوم خطبه صگر واكيد هسه ملتمين كرايبهم
سديت الخط وكعدت ابجي انهاريت. ...منين اتلگاهه من ابني
الماعرف علته لو من حبيبي الضاع من ايدي
دخت وثگل راسي وبعد ماحسيت بشي بس اسمع مره عمو تصرخ
يمي استسلمت من التعب صار يومين مانايمه

فتحت عيني اني بغير غرفه ونايمه عله السرير كمت بسرعه
اسم الله يمه عله كيفج
عمه وطن
مابيه شي لا تخافين المهم انتي هسه
شلوون اني المهم ...ابني وينه
ولج يمه مابيه شي والله درتاحي
بيش الساعه
ب١ ونص
حييل هاي كله واني مخموده سوده عليه
باوعت ايدي بيهه كانونه ومغذي

عمه صيحي الممرضه تجي تشيله من ايدي
كامت صاحتله وجتي وخرت بس المغذي كالت لان بعد نخليلج
ضغطج مصفر ولازم ترتاحين عفته تحجي وطلعت
امشي والدنيا تفتر بيه والكاع تهتز جوه رجلي والنفس كوه اجره
وصلت للغرفه ودخلت شفت الدكتور نفسه واكف ويمه واحد
لابس عسكري ماهتميت الهم اريد ابني مشيت وكوه اجر برجلي
رحت يمه لزمني واحد ؟؟ التفت هاي ماما شجابه

ولج يمه شكومج وانتي حالتج حاله
ابني ... ابني شلونه
ابنج زين مابيه شي لا تخافين تعاي كعدي ارتاحي
لا ماريد اريد اشوفه

مشيت اله درت وجهي صارت عيني بعين صكر مامنتبه
اله هلكد ماتعبانه نسيت زيه العسكر ونسيت طوله ونسيت حته عطره
شجابه هناا ؟. هم ماهتميت رحت يم وطن نايم يروحي
الدكتور كال لتخافين مابيه شي نايم

دكتور بس صارله يومين مراضع ومسخن وبس يبجي

ايي بابا طبيعي يصير بيه هيج عنده التهاب امعاء وحمى فايروسيه
هم ترضعينه مميه ؟؟

بس مرتين لو تلاثه شربته من المميه

اضاهر المميه مامعقه زين

لا مستحيل بايدي اني اغسله وبمي حار ..

اني مااشك بيج بابا بس هوه طفل وعمره ايام فاكيد ماعنده مناعه
قويه ويتمرض بكل بساطه ...بس لتخافين يصير زين بمرور الوقت
واغلبيه الاطفال الرضع يصير بيهم

يحجي واني عينه عليه ودموعي تجري ماسيطرت عله نفسي
طلع الدكتور وصكر وياه كعدت يمه وابوس بيه وابجي
ماما لزمتني وكالت ولج يمه مايصلح تبچين يم راسه

انداريت وسلمت عليه وحضنته وبجيت وهيه هم كامت تبجي

دخل هوه وگال صدك چذب گالباته فاتحه والطفل مابي شي
رجعت يم وطن امسح عله راسه تقدم هوه وگف يمي وگال

شلون صرتي ؟؟
زينه
ليش هيچ مسويه بروحچ وطن مابي شي مرضه اله دوه غير
اديرين بالچ عله روحچ

يحچي واني ابچي ماگدرت اسكت رجع گال
مو احاچيچ !! كافي عاد
مسحت دموعي وسكتت ..دخل عمي وهوه راح يحجي وياه
باوعتله عاف الخطبه واجه معبالي راح يجي

اكلچ خاله ...صگر ليش لابس العسكري
والله ياا يمه چان بلدوام ومن نزل ..تلگينا بخبر وطن وبسرعه اجه
بس همزين اجه بيه من شافو الاطباء گامو يتراجفون
وكله اجته تركض

اووف اسكتي خاله خبلونه الدكاتره نتوسل بيهم لبارحه علمود يجي
واحد يشوف وطن وهمه بعالم ثاني المايخافون الله

ايي والله يايمه مايخافون الله حسبي الله ونعم الوكيل عليهم

عمو هاا بويه شلون صرتي
الحمدلله عموو احسن
ياابويه غير اديرين بالج عله روحج ابنج منو اله
هزيت راسي ماعرف شجاوبه ...

مره عمي كالت عشك روحي للبيت تغدي وبدلي ورجعي
لا ماروح خليني ماريد غده
عموو لا ماكو ماتردين كومي كدامي اخذج ترتاحين وترجعين
عموو فدوه خليني كاعده يمه

ولج يمه مادكليلي شنو سالفتج الولد مابيه شي الدكتور
كال فتره ويصير زين ويمكن ايطلعونه اليوم

اذا يطلعونه بعد المن رايحه خلوني
مره عموو لا مانخليج ويلا كوومي

باوعت لصكر اشرلي براسه يعني يلا امشي
عرفته هوه دز عمو عليه ..اخخ منك صكر بست وطن وشميته
اروح فدوه لريحتك وأمنتهن عليه وطلعت
هوه يمشي وامشي وراه العيون كله عليه والدكتورات فصلنه
تفصال بعيونهن هوه يمشي بكل هيبه وثگل طويل والزي لايگ عليه
يمشي ويلتفت عليه گمت اتعثر بخطواتي من وراه
يمشي بسرعه من شافني ارتبكت وگف وانتظرني الحگ بيه
وصلت يمه ومشينه سوه ...طلعنه وصعدنه بلسياره
يسوق ويباوعلي ماتحملت وگتله هااا شرايد ؟؟
وچان يضحك ضحكه بصوت عالي خلاني صافنه عليه

لازم تحچين
غير انته كل شويه وملتفت عليه
غير مشتاقلچ ..مو بيدي عيوني وحدة تروح عليچ
اممم خووش عذر
هسه انتي ليش ضايجه ...هيج نضراتي مضوجتج
ايي وبعد لتباوعلي بلا زحمه
صارر تأمرين أمر ست عشگ
وره شويه رجع يباوعلي درت وجهي للجامه شافني بعد ماهتميت
ضرب بريك خلاني اتحرك باوعتله ...شبيك؟؟
مابيه بس متشوفين هذه الطلع رون سايد
باوعت

ماكو احد والسير ماشي عدل هزيت ايدي

متوب من لعبتك هايه
بعدج تتذكرين من رحنه للنجف
شلون انسه ..
اييي والله ماتنسي روحتنه ذيج بيومه عرفت روحي شگد احبچ
اوف شذكرتني شگد مشتاقه
نروح مرة ثانيه شورانه
لا عيني بعد ماعندك مجال النه صرت مشغول
ليش ياابه ??
سكتت ...ماكدر انطقه واكول مرتك او اكول خطبتك توكف عله لساني
سكتنه اثنينه ...بس بقت تاكل بكلبي ردت اتعارك ويا واصرخ بوجه
رجعت كتله بيش الساعه ؟؟
باوع لساعته وكال ٣ اله ربع
حيييل شوكت تلحك ترجع بعد
باوعلي مستغرب وليش ارجع ؟؟
كتله غير خطبتك اليوم ... باوعتله بطرف عيني وعيب تخلي خطيبتك تنتظر
هوه ابتسم وگال ..هيج هامتج خطوبتي ؟
لا ابد وليش تهمني بس اگول انته رجال مشغول وميصير نزيد اشغالك

يعني ماعندج مشكله اذا وصلتج ورجعت
لا ماعندي تكدر تروح
ايييي والله سويتي فضل ماراح انساه بين مااوصل تصير اليل
بس ميخالف هيه انتظرتني عمر ماتنتظر جم ساعه

باوعتله منوو هيه ؟؟
ابتسم بوجهي بخباثه وگال مريتي غير

من گال هيچ شبت النار بيه شگول هسه اني شورطني وحچيت
درت وجهي منه ..شال تلفونه واتصل ماشفت عله منو
الووو ..الله ايساعدهم ...هاا بشرو ...اييي يرحم والديك
خلصتني من هم شكبره ...لا لا اجي ان شاء الله وداعتك الحگ لو اسويه بنص اليلي

هوه يحجي واحس صخنت حيييل وتمنيت اجر التلفون واشمر

رجع ظحك بصوت عالي وگال والله مبين الطبخ اليوم بده يستوي
ايي وانه اخووك

هذه شيحچي ياطبخ ؟؟

يله صبرنه عمرنه كله مانصبر چم يوم ويباوعلي
خلص كلامه وسد الخط ..جر حسره وگال اخخخخ اخخخخ بويه
ماسكت وعافني بضيمي گال

شنو رئيچ تجين وياي
وين ؟
لخطبتي غير
لااا بله وبصفتي شنوو
بصفتج ام ابني واريد كل الي اعرفهم حاضرين اني تدرين
ماحب اگطع صله رحم احد
اييي حقك والله بس تعذرني شيخ صكر ماكدر
ليشش ؟؟ تعاي غيري جو وتونسي وشوفي شمس ماخسرانه شي

امممم اغير جوو ..لا شكرا مرتاحه هناا

ايي ليش غير اعرف اكوو سبب مانعج تجين

رفعت حاجبي وكتله عوود من انخطب اعزمك عله خطبتي
وبوقته راح تعرف السبب

من گلت هيج ضااج حيل وطبگ حواجبه وگال
والله اليوصل يمچ احسب الله ماخلقه ...خليه ابالچ

من گال هيچ ضوجني شنو من انانيه شايل ماسكتت وعفته

وليششش بله بصفتك شنو منوو زوجي اخويه خطيبي
وكلشي ميربطني بيك بس وطن

سكتي وسدي حلگچ لا دوخيني

لاااا دوختك موو ؟؟اسفه عيني

گتلچ سكتي صوتج مااسمعه لا تحجين

لا والله مااسكت ..مو وقت مايعجبك تحجي وتحجيني وتظحك وتشاقه
وقت مزاجك يتغير لازم يعم السكوت ونسكت اشو مااسكت
وايي انخطب واتزوج يعجبك ميعجبك

ظرب الستيرن بقوه وصاح بصوت عالي خوفني

عشگ تسكتين لا والقران اذبحچ هنااا صووووت مااسمع

يلا اذبحني شمنتظرخايف مستحي اصلا انته ذبحتني من زمااان

رجع صاح عششششگ كااافي گتلچ كافي شتردين اسوي
اعتذرتلج وكتلج اسف واعتذر وحقچ عليه سامحيني نادم والله نادم
بس الله يعلم حالي بعد الصار يوميه اكل بروحي اكل من اتذكر مديت ايدي عليج ماتدرين حجم الضغط الجاي اشوفه بلشغل ومن انزل
اعوف كلشي واجي عليكم كلبي طاير رايد شوفتكم
وكل هذه وانتي ماهامج شي كل الهامج نفسج وبسسس
انعل ر*** دمرتيني دمار وهسه تحجينه بوجهي تردين تتزوجين
لا والله ماحزرتي اطلع گ***اذا مااخذتج هسه
هوه يحچ وصوته زرف طبله اذني ابچي ومخليه اديه عله اذاني
من يتعصب يصير شخص ثاني فر السياره وهيه تمشي بسرعه
رجع وگال

انعل ر***الما ينهي هاي السالفه هسه اذا مااعقد عليج
انه مو زلمه

صگر شتحجي انته ...وين راجع بينه

انجبي وصوتج مااسمعه اشششش

گمت اعيط صگر تخبلت انته ...تعقد عليه بلغصب يااخي ماريدك
افهم البيناتنه انتهى عوفني وروح بحال سبيك

ايييي مو هو بكيفج حته تاخذين راحتج ويه حبيب الكلب
اريد اشووف ياا ساقط وگواد ضاحك عليچ

احترم نفسك اني مو جاهله واغلط وكف السياره اريد انزل

بقيت اصيح واضرب بيه اريده يوكف وهوه مثل المجنون
ينتفض بغضب ويسوق بسرعه

مااسمع اله صوووت سياره وهيه تشخط بلگاع
ويه ماا التفتت للجهه الثانيه ...بعد ماشفت شي


يتبع...

#عــشٰــگ_الـشــيـخ

#البارت الاخير



#اماني_ياسر

سمعت صوت السياره شخطت بلگاع بين مالتفتت اشوف
مصدر الصووت بعد ماشفت شي....

صحيت وره فتره وماعرف شگد مر وقت احس شي نازل عله عيني ماگدر
افتحه حاولت اتحرك صار عندي وجع بصدري موتني
شهگت بصوت عالي زاد الوجع ...صرت گوه اجر النفس
فتحت عيني بصعوبه ....السياره مگلوبه بينه شلون وشوكت مادري
صگر...صگر وينه ؟؟؟ مسحت عيني دم مجروحه براسي
خليت ايدي وضغطت عله صدري حته بس اسند نفسي ماگدرت
رفعت راسي وشفته فاقد والدم مغطي وجهه
بقيت بس اباوعله وعيوني تجري لااكدر احجي ولااكدر حته اتحرك
ورجعت فقدت الوعي

وره ساعات فتحت عيني بلمستشفى ...الوجع بصدري
يزيد ويه كل نفس ماعرف ليش. گلت بصوت عالي صگر
اجتي مره عمي وخاله ام صگر يركضن وهنه يبجن
ومادري شيسولفن مافهمت ولا كلمه كل الهامني هوه

صگر ...وينه

مرة عمي موجود يمه موجوده شلونج متوجعه

صگر

خاله ام صكر وهيه تبجي ولج يمه ...صكر موجود لا تخافين

كلامهن خلاني اخاف اكثر حاولت اتحرك واحس سجينه دخلت بصدري
عطت بصوت عالي من الوجع
رجعني لمكاني وكالن وين كايمه لا تتحركين ظلوعج مكسره
عرفت ليش النفس كوه اجره
بقيت انام واكعد كل شويه وبالي يم صكر شصار عليه وطن
وين وشلون صار بس ماكدر احجي لثاني يوم يله تحسنت

عمه اروحلج فددوه ابني وينه وصكر شبيه

والله يمه ابنج زين ومابيه شي وخالتج يمه هسه واليوم ايطلعونه
وصكر زين بس بعده

شنو بس بعده يعني شنوو

رجله متهشمه من الحادث وشظايا الكزاز داخله بوجه
يعني احتمال اطلعين وهوه يبقه هنا

فقدت وكمت ابجي بصوت عالي واكله وديني اله هسه توديني اله
وين اوديج يمه تخبلتي شايفه حالتج
مومهم اني وديني اششوفه هسه توديني

بعد محاولات حته يقنعوني هيه وعمامي والدكتور اقتنعت وسكتت
وجانت الدموع السبيل الوحيد الي يريحني
للعصر طلعوو وطن وطمأنيت عليه وكالو صكر زين
صحه وحجه وياهم وسائلهم عليه سوده عليه حبيبي كله بسببي
الصار
الوم بنفسي وهنه يسكتن بيه ويكولن قضاء وقدر
لااني الي العاندته اني الغثيه وخليته يضوج ويفقد السيطره
يومين واني ميته من القهر والوجع وجع فراگه وخوفي عله صگر
نساني وجع ظلوعي المكسوره
كتبلي الدكتور خروج گتلهم اروح اشوفه قبل لا نطلع ماقبلو
شكيت هوه الي مانعهم ياخذوني اله ...طلعت وبقت روحي يمه
بس لازم اصير قويه ابني منتظرني
رجعت وخليته بحضني ابوس واشتم بيه اشتاقيتله وعبالك صار
سنين ماشايفته ....اسبوع فات وصرت احسن عله العلاج والابر
بس صكر ماراح من بالي ابد ودائما اتصل واطمن عليه
من خلال عمي يكلولي زين ومابيه شي بس ليش ممخرجينه
اذا زين الافكار تاخذني وترجعني معقوله بيه شي وميقبلون يحجولي
اوووف ياربي بعزتك وجلالك تحفظلي صگر والله اموت بدونه
ونذر عليه اذا صار زين بعد شيگول اگول تم ومااعانده
اليل كله ماانامه عيني ماتاخذ نوم اخاف عله وطن خاف حالته تنتكس
مره ثانيه وبالي يم صگر شلون ارتاح وهوه متوجع
وصلتني رساله من رقم غريب مكتوب بيه

حبيبتي اشتاقيت

بقيت صافنه منو هذه ؟؟ بس گلبي حس هذه هوه ....صگر

دزيتله صگر ؟؟

جاوبني ...يروحلچ فدوه هوه وعشيرته
ماتحملت واتصلت عليه بسرعه بس ماجاوبني

ليش متجاوب خليني اسمع صوتك راح اموت والله

اششش لا دكولين هيج عمري قبل عمرج

مشتاقتلك والله احس ضايعه بدونك اريد اشوفك راح اتخبل

اخخخ مو بكثر شوگي والله ...روحي تلوب عليچ بس شبيدي

ليش مخليتني اجي اشوفك ادري بيك انته منعتهم ليششش
كله من ورايه اني. السبب بلصار

لا تحجين هيج روحي انتي ...انه الغلطان انه نعميت وصرت ماشوف
من كلتي تتزوجين ...ماكدر اتخيلج بحضن واحد غيري
اموتج واموت روحي وراج اذا صدك

ياريت لساني انكص ولا حجيت هيج انته مصدك اختار غيرك
عيوني متشوف بس انته وكلبي مستحيل يدك لغيرك
اني اأسَـٍّفه حبيبي وربي ماحجي شي يغثك بعد
بس ارجع

سكت شويه ورجع دز ...تنتظريني يعشگ اذا طولت

استغربت كلامه وخفت حيلل
شنو قصدك صگر ؟؟؟

ماقصدي شي ياروح صگر بس ديري بالج عله روحج
وطن امانه عندج لحد ماارجع

اتصلت اكثر من مره عليه ماجاوب تهسترت وكلامه خبلني
كمت ابجي والطم ودخلت مره عمي عباله صكر بيه شي
تريد تفتهم شي ماكو ...خابر عمي عله ابو صكر وكايله ماكو
شي بس ماصدكت اعرف اكوو شي بس هوه ماحجالي
عشر ايام مرت صرت مثل السمجه بلا مي لا اكل ولا انام وبس ابجي
احس مضيعه شي روحي رايحه ومالي خلك كلشي ماكدر حته ابجي
النفس گوه اجره رحت للمستشفى وكلولي الاضلع ملتأمه
وظعي تمام وماكو مشكله ورجعت
وطن وضعه تحسن وصار زين ....وصگر وماسكعت عنه خبر

شمس وماما ما نقطعو عني اذا مايجن يخابرني ويسألن علينه
وماما متجي ايده فارغه انواع اشكال الهدايه جايبتلنه
وقبل متطلع تخلي بيدي مصرف من اسأله عله صگر متحچي شي
گمت حته اشك هوه ماات بس ميردون يصدموني
اوو مو ميت بس يجوز وظعه موزين
احاول اهيأ نفسي لهذه الخبر بس گلبي حاس هوه بعد عايش
ومابي شي هوه گال انتظريني وراح ان

تظره

فاتن ٣ اشهر ...وهذه وظعي وطن كبر ونشنش وصار يخبل
نسخه مصغره من صگر بس ابيض وعنده خدود وهوه المصبرني
عله فراگه
وبيوم گاعده وصافنه بعالم ثاني دخلت عمه وگالت خطار
جايين عليج خلي شي عله راسج وتعالي

لبست حجابي وطلعت وطن بيدي دخلت للاستقبال
وشفته ذو الفقار
ماتوقعت بيوم راح اشوفه بعد الصار وحته بعد مارجعت علاقتي
بيهم هوه اخر واحد توقعت يجي لهنا
فرحت من شفته مهما يكن الولد ماشفت منه شي اذاني
ويبقه اخوو الغالي

ذو الفقار ...شجابك
هههه لازم ماتردين اجي
لا مو هذه قصدي بس فاجئتني
اجيت اشوفكم شمحتاجين ...هذه وطن
ايي
اطينيا
خليته بايده اخذه يبوس بيه ويشم وعيونه مدمعه
شلونكم ؟؟
الحمدلله بخير وانته
عايش والحمدلله
ذوالفقار صگر ...وينه
موجود لا تخافين
شلون مااخاف واني ماعرف خبر عليه والله راح اموت

اسم الله عليج والله مابيه شي بس شويه محتاج وقت حته يطيب
ليش هوه شبيه
رجليه اثنينهن متهشمات ...وجان بأيران وقبل جم يوم رجع

يعني شنوو ؟وليش اني اخر من يعلم
هذه السؤال اسألي من يرجع هوه يجاوبج عليه

يعني مابيه شي الله عليك
ههههه والله مابيه شي تعده مرحله الخطر

زين ليش منعني اعرف وليش ماقبل اشوفه

جر حسره وكال انتي ماشفتي وضعه شلون صگر بالايام الفاتت
چان عاجز يعين نفسه الكسر برجيله موقليل
كل وقته كاعد وساكت حركه ميكدر يتحرك ...لا هوه شلل
ونگدر نشيله نحركه ولا هوه كسر عادي ويگدر يتكاء
عله عكازات ويمشي ....تفهمين عليه من اگلچ كاعد وساكت
عااجز

هوه يحجي واني بس ابچي الله وحده يعلم شلون مرت عليه هاي الايام

رجع گال ...امي ماتكدر تجي ودزني اجي اشوفكم

ذوالفقار الله عليك خابرليا اسمع صوته
سكت ماحچه شي
فدوه والله راح اموت ...جر التلفون من جيبه واتصل
فتح السماعه شويه وفتح خط ....وگال الووو ها ذوالفقار
من گال هيج اخذ روحي وانهاريت بلبچي صوته مبحوح ومبين
عليه تعباان سوده عليه

ذوالفقار خله التلفون يمي وطلع بره لزمته وبصوت يرجف كتله

حبيبي ....
بقه ساكت ماحچه شي
شلونك؟؟ ليش ساكت حاچيني....
اسمعه جر نفس وگال ....عشگي
تروحلك فدوه عشگك ....ليش هيچ عفتني
ماعاش اليعوفچ ياروحي انتي بس ظروفي صعبه
حته لو المفروض تخليني اوگف وياك واساعدك واصير قوتك
ليش تعذبني أبعدك عني والله جاي اموت بليوم الف موته
وماتدري بيه

والله ادري ...واعرف بيج متأذيه بس ماگدر اشوف ضعفي بعيونج

وليش قابل اني منوو اني مو حبيبتك اني مو مالتك انته كلته بلسانك
ليش هسه تغيرت

ماتغيرت والله افهميني

ماافهمك صگر ..ماافهمك ..انهاريت وبجيت بصوت عالي
ماتدري شلون مرت عليه الايام ذيج واني كل دقيقه تمر عليه سنه
اتوسل بلرايح والجاي رايده خبر منك ...

لا تبچين كاافي ...تزيدين وجعي بدموعج

سكتت وماحجيت شي رجع گال ...وليدي شلونه؟؟

زين وناقصه شوفتك ..كبر وصار يخبل يشبهك حييل
هوه المصبرني عله فراگك

اخخخخخ محتاجج حيييييل ومحتاج حضنچ اريدچ يمي
مشتاق لعطرچ ولخدودج ولكلشي بيچ

حته اني محتاجتك والله ....شوكت اشوفك

مو هسه ...اطيني وقت اصير زين واجيج امشي عله رجليه واخذج
وبعد مااعوفج تروحين من ايدي لو عله عله موتي

اسم الله عليك لدگول هيچ ..بلياك مااسوه شي والله

بعدچ تحبيني ...

بسس احبك اووووف بفراكك عرفت اني عايشه علمودك وبس
وعرفت انته شنو بلنسبه اليه انته كلشي انته حياتي

بقينه شويه نحجي وقطعت الخط ورجعت التلفون لذو الفقار

بليل اتصل عليه من خط ثاني ...وبقينه نسولف
ودزيتله صور وطن
٤ اشهر مرن واني ويااا مملتقين ويوميه يخابرني نبقه نحجي
بلساعاااات لااني امل ولا هوه
يوميه ابجي لحد ماا راسي ينفجر من الوجع بس ماكدر اكله
شوكت تجي وشوكت اشوفه لان بضعفي هوه يضعف
صار عمر وطن ٧ اشهر وگام يناغي ويظحك وسوالفه تخبل

وبيوم نايمه العصر وغافيه حييل كعدتني بت عمي بس مو بطريقه عاديه
لا خبلتني بصياح وهوسه كومي كوميي

ها ها شكوو
بسرعه امشي ويايه
وينن
امشي ومعليج جرتني من ايدي

لباب المطبخ باوعت من الشباك مجموعه زلم معگلين وياهم جم شاب
دخلووو

منوو ذوله

باوعتلي مبتسمه ستغربت شبيهه هايي
من دخلوو كلهم دخل وراهم صگر ....لابس الدشاشه ولاف الچراويه
عله راسه ومناظره السوده وساعته بايده

اشوفه يمشي واني صافنه هذه حلمم اكيد
ركضت بسرعه لباب الاستقبال الداخي وكفت اتسمع
سلموو وكعدوو وبقو يسولفون
واني كلبي دكاته الف دكه بلدقيقه
عمه شعدهم جايين و ..وهذه صكرر موو

ههههه ايي عمه هذه صكرر ...جاين يخطبونج

دخلن خاله ام صكر وشمس وسلمن عليه ويظحكن لان هسه كاعده من النوم
كالن راد يسويه مفاجأه الج بس هوه راح يتفاجاء من يشوفج هيج

استحيت ورحت سبحت وبدلت وخليت مكياج خفيف
كل هذه واني ممستوعبه الجاي يصير وجسمي يرجف
طلعت وكعدت يمهن وهنه يسولفن اووووف اريد اشوفه
بس بسيطه هاي سوايه ايسويه يدخل هيج بدون مينطيني خبر

طلع عمي ابو محمد وكال وين وطن انطيته اله ودخله
ردت المح طوله بسس ماشفت شي
رجع ابن عمتي دخل وكال ...يريد يحجي وياج

صكر فوتي جوه
كمت ودخلت واني اطكطك اصابيعي
اسمعه دخل للصاله وسلم عله مره عموو عبالك اول مره
اسمع صوته وعطره سبقه وصلني
دك لباب وفات وكال السلام عليكم ماجاوبته بقيت صافنه عليه
ابتسم وكال هيج صاير اخووف

وجهه بيه اثار الشضايا وضعفااان حيييل يمشي بس
مشيته مو عدله ....وعيونه ذبلانه ....
مادري شلون سيطرت عله نفسي ومابجيت

تقرب مني حيييل وطن بيده يصيح.. مما
نسيت حته ابني ...

شلونج يروحي ....وين صافنه
صگر
عيونه وكل هله انتي
ماصدك هذه انته
ولا انه اصدك هاي انتي ...ضعفانه ومتغيره شجرالج يابه
كل هذه الفراگ وتريدني مااتغير
حقج والله ....اشتاقيت
اوووف اني اكثر... بس ليش مكتلي راح تجي
ههههههه شلونه المفاجاء
ياا مفاجاء هاي كارثه ...لو شايف حالتي قبل شويه كعدوني من النوم
وسحولوني حته اشوفك
ههههههه...حرامات ماشفتج ...
تظحك مووو
هههههههههه لعد شسووي فرحان والله
شعندك جاي
هاااا صدك
اييي صدك ...مادام ماخبرتني شعندك جاي

تقرب مني وبصوت ناصي گال ...أجًْـْـْـْيـت اخدچ
بس اني ماريد اروح وياك
والله مو بكيفج تردين ماتردين الله وكيلج هسه اشيلج واصعدج
بلسياره وغصبن عليج ترضين

هههههههه جاي حامي عليه
غير انتي تشلعين گلب اكبر واحد
سلامه گلبك يگلبي انته
اوييييييلي يااابه ....غض شفته وكال ...شلعبتي بحالي

جاي يحجي ودخل عمي فززنه درت وجهي ومتت من الظحك
هوه خطيه وجه صار اصفرر

هاااا بويه عشك شكلتي

شنووو عمووو

موافقه ؟؟

عله شنوو !!

باوع لصكر مستغرب وكله ماكتله

باوعلي صكر مبتسم لا بـٰعدني ...يامحفوضه السلامه
أجًْـْـْـْيـًت اخطبج عله سنه الله ورسوله ...موافقه

بقيت اباوع بوجهه وساكته ماعرف شحجي
عمي ظحك وكال هاي هيه موافقه لعد اخذ صكر وطلع
وكامن هنه يهلهلن ودخلن باوسني وكالوو قرو الفاتحه
شويه وراحوو

لليل خابرني

بله هاي سوايه تسويه
ههههه ليش شمسوي
حرام عليك والله هيج تصدمني
المفروض تتوقعين هذه الشي كتلج بس اطيب اجي اخذج
بس انته اصلا ماكتلي صرت زين تفاجأت من شفتك اجيت تمشي

والله ادوس عله كلبي وانه امشي بس احس روحي مفرفحه عليكم
بعد مااصبر كافي فراك

اووف احبك اموت عليك
مو بكد حبي والله ...

وره ايام اجه وجاب سيد وعقدنه من جديد
كال نسوي عرس بس ماقبلت احسه زحمه مو مال عرس بعد
كتله ابدل والببس فستان ونروح للبيت ماريد هوسه ونااس
ماقبل وزعل بس بقيت مصره عله رئي
ماريد كلشي اريده بس هوه.....خلال شهرجهزت جهاز عروس
واشتريت ذهب ...وعقدنه محكمه ...احلا شهر مر عليه
انام واني فرحانه واصحه فرحانه ماعافني دقيقه اذا ميتصل
يدز رسائل

وفعلا بدلت ولبست فستان ابيض ورحت للصالون سوتلي شعري صبغ وتسريح ومكياج حلوو بس بسيط ماردت شي قووي
وجهزت كل غراضنه اني ووطن
اجه بسيارته ودعت عمامي ولبنات صح فراكهم راح يوجعني
بس صگر راح يسد هذه الفراغ

طول الطريق وهوه مشغل اغاني عرس ويرگص
وطن مخلي بحظنه ويرگص ويااا والناس يباوعون مستغربين
موتني ظحك شكد فشله من العالم بس هوه مااهتم حسيت فرحان اكثر مني
من وصلنه ذبحوو طلي جوه رجلينه
ولكينه كرايبهم تقريبا كلهم حاضرين حته ام صادق البومه
سلمت عليه ولزمت ايد صكر بعناده
واكيد شموسه حضنته وساعه بس نبوس وحده بالثانيه
جرني منه صكر وكال بقيلي جم بوسه حرام عليج
سلمت عله بيبي بجت وبجتني ويااه خطيه وحسن كما هوه
بعده بس يظحك ويحشش وذوالفقار سلم من بعيد وطلع
بليل ماخلتني خاله ابقه وكالت صعدي فووك وهوه جان يم الزلم
صعدت ...صابغ الغرفه ومغير هواي شغلات بيه
الاخشاب كما هيه ممغيره من سألته بعدين گال
ماگدرت اغير الغرفه بيه ريحتچ واثار لمساتج
بس الديكور مغيره ومخلي كنتور زغير
وسرير لوطن ...وملاعيب تااارسه الغرفه
اوووف اشتاقيت لكل شبر بهاي الغرفه
بدلت لوطن بده يبجي يريد ينام دز رساله

خوما نمتي
لا كاعده بس دانيم بوطن
ايييييي نوميه .. اروحله فدوه يحس

ههههه موتني من الظحك نومته وكمت بدلت ولبست فستان مال
عروس
ورتبت نفسي وكلبي يدك بسسرعه عبالك اول مره ابقه وحدي وياا

وره شويه اندك الباب رحت فتحته بقه واكف مادخل
يباوعلي ومبتسم ....وعاض شفته

ادخل
خااف ادخل ويطلع هذ حلم وأكعد منه
بكفك ابقه واكف بره
عفت الباب وانداريت ردت امشي دخل بسرعه وحظنيي من وره وكال
افيييشششش ياريحتج اخخ شكد اشتاقيت جنت مضيع روحي وهسه رجعتلي

انداريت عليه وحظنته ييي والله حبيبي حته اني هسه يلا
رجعتلي روحي

بعد لا تعوفيني

ليش هوه منوو العاف منوو

اوووو. اسكتي والله نسيت من شفتج نسيت كلشي
بعد طلعه من هذه البيت ماكوو ....لو عله گص ركبتي

هااا ليش عيني يعني حته اهلي ماتخليني اروح اشوفهم

ولجج يااهل اني اهلج ..شلون تعوفيني وتروحين تباتين بغير مكان
واني انام بحضن منو

هههههه هسه اني رحت شوو هستوني طبيت

ييي يعني اكلج حته تحسبين حسابج بعد ممنوع تعوفيني

صاار حبيبي الشيخ

اخخخخ الله يروحلج فددوه الشيخ

شالني ...واخذني للجربايه مابقه مكان بجسمي ماترك اثر بوسته عليه
يبوسني ويرجع يكول ماش

بعت اريد ارتوي عوفيني

واني هم مامنعته يسوي شي ذبت بين اديه وظعت بعيونه
خلقنه عالم خااص بعينه بعيد عن كل الناس

احلا ايام عمرري عشته وياا رجال بكل معنى الكلمه
مرت علينه هواي مشاكل وظروف بسبب ضعيفي الانفس
بس مايوم صكر خذلني او انطه بيه دائما چاان هوه سندي وهوه
درعي الي يحميني من الناس جنت اخاف يجي يوم ويخف حبي اله
بس طلع العكس كل يوم يمر قريب مني هوه اوو بعيد عني حبي اله يزيد
وحته هوه مامر يوم ماعبر بيه عن حبه اليه

ذوالفقار صار مايجمعني بيه بس الرسميات صح هذه الشي
مضوجني لمتى نبقه هيج بس هم احسن
شموسه تقدم اله عيسى وصكر كله لو مطول بعد جان اني
جبته وشمرته ابيتك ههههه الفرحه صارت فرحتين
تزوجو وعرسهم يجنن وصارعدهه بنوته اسمه ...بنين
گتله هاي چنتي من هسه محجوزه

وطن كبر وصار عمره سنتين وحملت مره ثانيه
صكر جان يخاف عليه مثل الطفل الزغير واكوله ليش هيج خايف
يكوول ماا انسه لحضه الرعب العشته من سمعت بيج بغرفه العمليات
اريد اعوضج عن كل لحضه بجيتي بيهه وتوجعتي واني مو وياج
وكالولي بيه ولد ..الكل طارر من الفرحه واولهم صكرر
رغم هوه جان متمني تجي بنيه بس كال من تجيبين نسوي بينه
خلاني اتخبل حقه ميدري ظيم الحباله والجيابه

واحله شي من كال يريد يسمي عراق ههههههه
فديته حبيبي وطني جددا
ادعولنه نبقه واحد يحب الثاني للموت ويبعد عنه اولاد الحرام
ويبقه هوه خيمه عله راسي وماانحرم منه ابد

ولهنا وصلنه لنهايه قصه #عشگ الشيخ


■الحكمه ياحبيباتي هيه مو دائما ..الاهل يكونون صح ولا دائما
يتصرفون تصرفات تليق بعمرهم اكوو اهل يكونون سبب بدمار🤦‍♀
حياة واحلام ابنائهم ويفضلون انفسهم وشهواتهم
عله ابنائم مثل ام عشگ الله يرحمه ويغفر ذنوبه
ولابد ما مرت علينه هوااي قصص عن اهل بسبب ضغطهم
تلكين ابنهم او بتهم ينتحر ..لو ميخلونه يتزوج الشخص الي يحبه
بحجه احنه ادره بمصلحتك ناسين مشاعر واحاسيس💔
ابنائهم
ومرات نلتقي ناس منعرفهم واول مره نلتقي بيهم لكن نشوف
بيهم حنيه وطيبه وخوف علينه ماشفناهه عد اهلنه
مثل اهل صگر

ان شاء الله عجبتكم هالقصة..وانتظروني بقصه جديده💋😍

حبي اصبغي احسن من الميش
حاليا لاتميشي🤦‍♀ لان يحرك الشعر

وهالسنة نازل موديل زيتوني ..فهاللون يناسب بشرتج وعندج هاي درجه من جوزي هم تناسبج🥰👇🏻

والعطور القوية هي اللي ريحتهن تضل ..
فهذيني اني مجربتهن..مثل عطر floral
وwhite london..وسمارت..وليلي وck

هذيني اللي ذكرهتهن..تصير متوسطه تركيز..يعني ريحتهن تدوم 6-5 ساعات
واذا تريدين قوية تركيز..كون تلكين مكتوبة عل العلبة Perfume

رح اوجهلج عل منشور ضروري تحفظي يفيدج بالعطور🙃

#ملوكه