☁️🌿📮


‏-كُونوا لُطفاء كالغيُوم تُمطر خيراً وتمضِي بسلام🌿⛅


☁️🌿📮

#مساء-الخير

يسعد أوقاتكم بكل الخير
#الابراج_اليومية السبت 19 أيلول (سبتمبر) 2020

#الحمل
مهنياً: يركّز هذا اليوم على ضرورة الانتباه إلى عملك وقد يزفّ إليك خبراً سارّاً.
عاطفياً: مهما سمعت من انتقادات بشأن تصرّف الشريك معك لا تعرها آذاناً صاغية، أنت وحدك الأدرى بمعالجة الأمور.
صحياً: حاول أن لا تهتم لكلام الآخرين بشأن عدم جدوى ممارسه الرياضة يومياً، الأيام ستبرهن لهم خطأ كلامهم.
#الثور
مهنياً: تركّز على زوايا مالية ومادية، وتُقبل على عملية تقويم لأوضاعك المادية وتشعر ببعض الارتباك.
عاطفياً: لا تحاول استفزاز الشريك، فذلك قد يخلق لك بعض المشاكل معه ويوتر الأوضاع بينكما.
صحياً: تبدو حالياً في قمة صحتك، فلا عجب إذا كنت حريصاً للمحافظة عليها.
#الجوزاء
مهنياً: ترتفع المعنويات ويهدأ المزاج فتعوّض عن الوقت الضائع وتنجز مشروعاً لتبدأ آخر.
عاطفياً: على الرغم من المشاكل التي تواجهها مع الحبيب فإنك لا تستطيع الابتعاد عنه يوماً واحداً.
صحياً: تبذل قصارى جهدك للمحاقظة على صحة سليمة، وتنجح في ذلك وتشجع الآخرين على التمثل بك.
#السرطان
مهنياً: تواجهك تحدّيات شتى غير أنك واثق بقدراتك وبأنك على مستوى المسؤولية.
عاطفياً: اذا شعرت بأن وضعك العاطفي غير مريح، عليك أن تبادر إلى إجراء تعديلات جذرية لتخطي ذلك.
صحياً: أنت من أصحاب الإرادة الصلبة، وتحصل قريباً على النتائج المرجوة والمبتغاة صحياً في أسرع وقت.
#الاسد
مهنياً: يوم ملائم جداً ويفتح أمامك أبواباً مغلقة أو يسهّل الطريق، انتبه لأوضاعك المالية فقد تتعقّد الأمور.
عاطفياً: لا تتراجع أمام أول فشل، في الحياة مطبّات وعراقيل كثيرة والبقاء فيها لصاحب الإرادة الصلبة.
صحياً: لا تترك الأمور تصل إلى مرحلة لن يعود بوسعك إيجاد الحلول الناجعة على الصعيد الصحي.
#العذراء
مهنياً: يضع هذا اليوم حدّاً للإشكالات، ويشكّل طالعاً جيداً ويتحدث عن شراكة قد تنمو.
عاطفياً: تتغير مقاييس كثيرة عبر تجربة مررت بها وتعلّمت منها درساً في الحياة.
صحياً: فكّر في مستقبلك إذا أردت المحافظة على صحة رشيقة، ولا تدع السمنة تسيطر عليك.
#الميزان
مهنياً: الوقت مناسب جداً لتنفيذ الخطوات الضرورية والمساعي من أجل تثبيت موقعك، أو الحصول على منصب يليق بك.
عاطفياً: الرومانسية هي الطريق الأسهل الى قلب الشريك، فهي تذلّل المصاعب مهما بلغ حجمها.
صحياً: إذا كنت من أصحاب الهمم والأنشطة المتعدّدة، فالوقت مناسب للقيام بها.
#العقرب
مهنياً: يتحدث هذا اليوم عن أخبار مربكة تتعلق بمصداقية أحدهم أو بحياته المهنية.
عاطفياً: متغيّرات متواصلة تدفعك إلى إعادة النظر في أمور مهمة، وهذا يساعدك لمزيد من التطور والتقدم.
صحياً: كن منفتحاً على العلاجات الطبية والغذائية السليمة، وتقيد بالإرشادات المطلوبة.
#القوس
مهنياً: يخبّئ لك هذا اليوم مفاجأة سارّة ويجعلك تتفهّم بعض التفاصيل الماضية، ويساعدك في مجال إعلاني أو ترويجي.
عاطفياً: يسهل عليك هذا اليوم التواصل البناء ويولد جواً عذباً من التفاهم مع المحيط.
صحياً: استمر في تطبيق الإرشادات الصحية بحذافيرها، ولا تهمل واجباتك الصحية.
#الجدي
مهنياً: يهدّد هذا اليوم ببعض القطيعة والجفاء، إحذر الانتقادات والشكاوى المتكررة عنك، وواجه المنتقدين والمشككين بالحقائق الدامغة.
عاطفياً: تحقق اليوم ما كنت تخطط له منذ مدة طويلة، الشريك يصارحك برغبته في مساعدتك لتكون حاسماً في قرارات مصيرية.
صحياً: استفد من شهر أيلول للقيام برحلة أو بنزهة في أحضان الطبيعة للترويح عن النفس.
#الدلو
مهنياً: يرطّب هذا اليوم الأجواء المهنية وتجد ملاذك بالقرب من بعض الزملاء، ومن الممكن أن تحقّق أمنية.
عاطفياً: يبادلك الشريك اليوم المزيد من العطف والحنان، وأنت بدورك لا تستغل طيبته لأنك تعشقه.
صحياً: الانضمام إلى أحد الأندية الرياضية والقيام بحمّام بخار يوماً بعد آخر يريح أعصابك تماماً.
#الحوت
مهنياً: تشرق قريباً شمس أحلامك، فيصبح المستقبل مثمراً، وهذا بفضل دعوات المقرّبين الراضين عليك وعلى تصرفاتك مع الآخرين.
عاطفياً: كن مستعداً لما سيطرحه الشريك، فهو قد يفاجئك بما يجول في خاطره من أفكار رائعة.
صحياً: لا تعرّض نفسك لأشعة الشمس كثيراً، لأن مخاطر ذلك كبيرة أكثر مما تتصوّر.

اعرف نقاط قوه كل برج :)
قوة #الحمل 😉💪🏼
1- لا يخشى التحدي
2- لبق في تعامله مع الاخرين
3- ناجح في الاعمال
4- جذاب
5- حساس

قوة #الثور 😉💪
1- ناجح في المجلات كثيرة
2-شجاع
3- انيق
4-جذاب
5- صامد

قوة #الجوزاء 😉💪🏼
1-الرقه
2-الاستقلال
3- طول البال
4- الجاذبية
5- الذكاء

قوة #السرطان 😉💪🏼
1-قوي الارادة
2-مقدام
3-محب للحياة
4-متحمل
5-صبور

قوة #الاسد 😉💪🏼
1-سريع التعلم والاستيعاب
2-واقعى ذكي
3-التملك
4-الصراحه
5-الشجاعه

قوة #الميزان 😉💪🏼
1-العدل والحكمة
2-كثيرا مايكون حمامة السلام
3-يقيم علاقات طيبة
4-متأنى في قراراته
5- ذكي

قوة #العذراء 😉💪🏼
1-المثابرة و الاجتهاد
2- قوي الملاحظه
3- التركيز الفكري
4- لفت الأنظار
5- الحيله

قوة #العقرب 😉💪🏼
1- صلب الارادة لا يتحطم ولايضعف بسهولة
2-صبور
3-شجاعته الفائقة مضرب الامثال
4-لطيف في تصرفاته وسلوكه
5-صامد

قوة #القوس 😉💪🏼
1-ذكى وقوى الملاحظة ولماح
2- صبور
3-كتوم
4-نشيط
5-متفهم وحساس

قوة #الجدي 😉💪🏼
1-الثقة بالنفس
2-الصلابة فيالمواقف والاراء
3-الاحساس بالواجب
4-الحكمة والفطنة
5- دقة الملاحظة

قوة #الدلو 😉💪🏼
1-متفائل
2- صادق في المشاعر وغير مخادع
3-متمسك بالحرية وبالاستقلال الشخصى
4-لديه قدرة على التميز بين الصح والخطا
5-جذاب

قوة #الحوت 😉💪🏼
1- حنون
2-جذاب
3-قوى التخيل
4- مبدع
5- صريح وواثق من نفسه

@stylegrils

بعــض ألامــور الجميــله عــن ألابــراج

#الحمل : افضل مرافقه تجدها معه
#الثور : نصوح ويعرف ماهو الافضل لك
#الجوزاء : هو حساس مع الآخرين
#السرطان : هو حنون ودافئ
#الاسد : يعيش حياته ومتحرر
#العذراء : يقدر الامور الصغيره منك
#الميزان : هو رومانسي جدا
#العقرب : هو صريح وصادق
#القوس : هو حذر على اصدقائه
#الجدي : هو يساعد ويحافظ على من يحب
#الدلو : هو قادر على المسامحه والبداية من جديد
#الحوت : يحترم غيره

@stylegrils

#عــشٰــگ_الـشــيـخ

قۣۗـۙصۣۗـۙصٍ 📖ۆبۣۗـۙسۣۗ 💯

#البارت العشرون

نزلت جوه احضر الغده نزلت هيه وعيونه اليه مااهتميت
صبينه الغده وكعدنه نتغده وهيه مستمره ضوجتني حييل
العصر صعدت فووك ...دخلت ولگيته فاتحه باب الكنتور
وماعرف شتسوي

زهراااء ؟؟؟ من گلت هيچ هيه گمزت وسدت لكنتور بسرعه

هااااا

شعندچ هناا ؟؟
وانتي شعليج
لااا بله غير غرفتي
ايي وشنوو وغرفه رجلي خاف نسيتي
لامانسيت ...بس اتوقع مالج حق تدخلين الهه شرايده
هاااا ....لا......مارايد بس اكوو دشداشه صكر وصاني اغسله واجيت ادورهه
يعني الدشداشه يمي وصگر طلب منج انتييي تغسلينه ؟؟
اييي ليشش اكوو شي
لا حياتي ماكوو شي سلامتج
اششو وخري من طريقي وطلعت ....شكد صلفه ركضت فتحت الكنتور
خااف ماخذه شي باوعت كولشي موجود وحته ملابسي كما هيه
سديته وحيل استغربت امرهه
نزلت وهيه نضرانه جددا غريبه اليه الله يستر شناويه هلمصيبه
بليل كاعده ودخلت شمس كالت صگر يتصل

الوو ...هااا حبيبي
اخخخ بويه ..اروح فدوه لهصوت ..
ههههه شخبارك عمري
انه صرت زين من سمعت صوتج وانتي
ابدد مو زينه
هااا ليش ياستار شبيج مريضه
لا حبيبي بس مشتاقتلك حيل
خرب بليسج هبطتيني حسبالي مريضه
يي وربي مريضه بفراگك شوكت تجي
ههههه ولج بطلي سوالفج ...احاول انزل الصبح و تردين الصدك
انه هم حييييل مشتاگ
اذا هيج تعال هسه ؟؟
لا حبيبتي ميصير واجب وشغل لراسي
ماشي انتظر وامري لله بس هااا تجي گبل يمي
ههههه يمچ طبعا ....جوعان واريد اشبع
شتشبع ؟؟
مالچ شغل ..الچ الصافي ههههههه
هههههه صگر ..كافي
فداچ هوه واهله
يعمرري انته ...دير بالك عله نفسك
وانتي هم تصبحين عله خير

اووف ياربي شراح يصبرني لباچر خلصت نص اليل سوالف ويه
شموسه بلكي اتعب وانام ...وغفيت يمه كعدت الصبح هاي شوكت نمت ؟؟
ولا ادري ....غسلت ونزلت جووه ريوك وشغل كالعاده
بس كلبي ناار شوكت يجي حبيب عمري
نزل ذوالفقار مبدل يريد يطلع

صباح الخير
هلاو صباح النور
اكلج لبارحه وين جنتي
شوكت
بليل
يم شمس
ساعه ب ٤ الصبح يم شمس
اييي مو نمت يمهه ليشش
لاا بسس ،،وكام يرفع بشعره ليورى
شكوو ذوالفقار ؟؟؟ خوفتني
ماكو شي بس جتني رساله علساس منج وكلتي تعال اريدك ظروري

من كال هيج بقيت صافنه بوجهه شگاعد يگول

لا مستحيل متوهم اصلا اني ماعندي تلفوون
مو هيه هاي المشكله ادري ماعندج تلفون بسس ...مادري والله
عله العموم ليظل بالج ..يلا اروح اني

الله وياك ....رساله مني لذو الفقار ؟؟. شي غريب صراحه

جاي اغسل بلمواعين وبعد شويه للأذان شفت لباب انفتح
دخل صگر ...واجه يمشي بسرعه بس تعابير وجه ابد موطبيعيه

هلاا حبيبي ...نور البيت
بعدني ممخلصه كلامي ....اجاني راشدي منه ثولني ثوول
وگعت بلگاع ...دخت حيل ردت اكوم ماكدرت

شمس يااا صكر شبيك
اششششش انتي اطلعي منهه
شمس شطلع منه شبيك

رجع جرني من ايدي حييل وعاط بيه هاي تاليته يعشگ هاي تاليه حبي وثقتي بيچ

واني كوه اجر النفس ودموعي تجري صگر شبيك ؟

شبيه ؟ گولي شنو المابيه تسوين روحج ماتعرفين

صكرماعرف والله ليش ظربتني شبيك

صاح بصوت گح** سا*** اسمي لادكولينه عله لسانج
لا اگصه هسه ....ليشش فهميني ليشش

بس كلي شكوو شصار

اسكتي ماا طايق اسمع صوتج

يحجي بعالي صوته وصياحه رج البيت رج اجتي ماما تركض

اسم الله الرحمن يمه صكرر شبيك

قبل لا تحجين شي وين جنتي عنهه ؟؟ انه مو موصي تخلين عيونج عليهن

شبيك يمك شمسويه دعوف البنيه

مااعوووفه اليوم موته عله ايدي

ولك يمه شمسويه

باوع بوجهي وجرني من شعري حيييل هسه اطلعين التلفون

اخخخ صكر شعري ياتلفونن

كتلج اسمي لا تلفضينه التلفون الي دگو*** بيه وينه احجي
والله ماعرف شجاي تحجي ياتلفون والله ماعرف
احجي وجابني بلراشدي الثاني شفتي گامت تجري دم والدم ترس حلگي

اييي حرام عليك ياتلفوون والله ماعرف شدكول

بقه يظرب بيه بكل قوته وماما وشمس يحاولن يطلعني من جوه ايده
طلعت بيبي عله صوت عياطي وصياحه والكلبه زهراء
لازمه بطنه وتظحك من بعيد

مااطلعينه مووو اني الجج

جرني من شعري وراه يسحل بيه واني اطلب العفو عله شي.
مامسويته
صعدني فووك ودفعني بلغرفه وكعت بلكاع واحس روحي تريد تطلع

گومي سا** طلعي بسرعه

واني ابجي بصوت عالي هوه شنوه والله مااعرف شجاي تحجي

ليش تخليني احفر گبر وادفنج هناا اطلعينه بلطيب لو اطلعه بطريقتي
مارديت عليه بقيت ابجي واشهگ واني ممصدگه هذه صگر نفسه

ركض فتح الكنتور ...شمر كل ملابسي لكه هديه ذوالفقار
والصدمه الاكبر لكه جهاز تلفون صخام الصخمني

شمس خلت ايدهه عله حلگه من الصدمه واني بقيت بس اباوع
لازمه صكر وصافن عليه بتردد فتحه بقه يگلب بيه ونظراته
متتفسر

اني بعالم ثاني ماگدرت استوعب صگر وظرباته اليه
ولا التلفون وشجابه هنااا ؟؟ شلوون مال منوو

شويه وصاححح زهراااااءءءء

اجتي تركض هاا حبيبي

احچي

هاا حبيبي شحچي
زهرراااء تحچين لولا
صار حبيبي ...اني ماردت احجي شي لان اخاف من الله
والله والله چنت اشووف واسكت بسس بعدين كلت انته متستاهل كل هذ

ه

شمس عاطت بيهه لج زهراء شتحجين انتي

صكر شمسس سكتي ولا نفسس ..احجي زهراء

بلبدايه جنت اشوفهم يسولفون سوه بس ادير وجهي اني شعليه بيهم
واشوفهم دائما وحدهم بلمطبخ سويه اكول عاادي اخوان
بعدين شفتهم بغرفت حسن سويه وسادين الباب وكتلك بوقته تتذكر
موو
المهم كلما ابعد الشيطان من راسي همه يصيرون كدامي

ماما ولج يمه زهراء نعلي الشيطان هذه البراسج شكاعد تصخمين

صاح صكر يماااااا قسم بالله اذا ماسكتي
ورجعت زهراء تحجي واني صافنه عليه وكل كلامه احسه يطحن گلبي طحن

بعدين ...شفته من انطاهه الهديه بلمطبخ من شافني كال لا لحبيبتي
كلت يجوز صح
ثاني يوم عمه ام صادق سمعتهم وسوده عليه بقت تاكل بروحه
دكول شنو ذنب هلمسيكين صكرر بله ذوالفقار زعطوط ويغلط
وتباوعلي وكانما تقصد اني الي ظاحكه عليه
ورجع كالت ....كتله عمه احنه مالنه شغل بس المهم صكر ميتاذه

عاط بيهه صكرر زهراااء التمسلت هذه كله مااريد اسمعه
اشفتي بعد

هااا حبيبي ...بيوم الي اجيتني بهنا قبل لاتلتحق شفت ذوالفقار
يمه بلباب والصبح شفته طالع من غرفته وهيه طلعت وراه
وجه احمرررر دم. وو ...ووو بعدين

زهراءءء

اليوم الفجر دخلت للحمام ولكيت ذوالفقار طالع من غرقته
الساعه اربعه الصبح بلىضبطططط

واذا ممصدكني حبيبي هااك شوف صورته وركضت انطته التلفون
ورجع كالتله وخابر عمه ام صادق وهيه تحجيلك السمعته
لان مقبلت تسولفلي

هيه تحجي واني بحاله صدمه وبس دموعي تجري اشوف صكر
صار وجهه احمر وعيونه تقطر غضب حييل خفت منه
كل هذه واني ماعرفت شنو الي صار وشنو الي جره

صااح يمههه ذوالفقار وين

ولك يمه استهدي برحمن لازم اكوو شي غلط
يمه لاتشلعين كلبي ذوالفقار وييييين
ولك يمه ماعرف والله ماعرف وينه

شمس خويه اروحلك فددوه احجيلنه الصار اكيد اكو سوء فهم

باوعلي بنظره كله كره وكال سوء فهم مووو واجه دفرني برجله
نگطع النفس بسبب ظربته حته ماكدرت ابجي بقيت بس اشهك
طلعهن كلهن وقفل الباب ماعرف جم ساعه مرت واني
عله بجيه وحده والوجع ياكل بگلبي
ياربي شسويت بحياتي وهيج دتعاقبني
ياربي لييش بس گلي ليش هسه غير افتهم شنو الصار
ابجي والطم عله وجهي ...ولج يمه شدعي عليج ولك بابا
تعال شوفي حالي علاوي خويه

شويه واسمع صياح جووه گلبي گام يوجعني وردت اوكع من طولي
وماما وشمس يصرخن وصوت ظرب عرفت صگر
لازم ذوالفقار بعد ماحسيت بشي فقدت الوعي

وعيت عله شمس مخليتني بحضنه وتبجي وتصحي بيه
عشك ،؟،،،عشك اكعدي شجرالج

طفرت بسرعه ولش شمس شصار. شسوه لذوالفقار

وهيه تبجي ليش ماكلتيلي اخوي يحبج ليش سكتي
شمس انتي مصدكه بزهراء
لا تخليني اكوم انعل والديهه يازهراء ...ليش سكتي
جان حاجيت اخووي وخليته يبعد عنج

هيه تبجي واني ابجي وحالتنه حاله نقهرت علينه احنه الاثنين

بس كليل شصار

صكر خابر لذوالفقار ومن اجه استلمه ظربه لحد ما نها بيده
ومن عرف ذوالفقار بكلام زهراء كال ايي جنت احبه وراحت مشاعري
وكل الي حجته زهراء ماصار و فعلا جاب هديه بس حالج من حالي
والتلفوون من شافه بقه مصدوم ويحلف ماصار هيج شي
بس صكرر بعد انعمه وماكام يشوف شي كدامه

وهسه

هسه ذوالفقار طلع من البيت طرده بابا وصكر ..كلي اصعد اشوفج

وهوه وينه ...
طلع قبل شوويه
بقيت كاعده وبس دموعي تجري وماعرف شسوي وشلون راح
اقنع صكر كل الي شافه كذب وزهراء تريد توكعني
والتلفوون بعمرري ماشفته

لليل اني كاعده فووك دفر الباب ودخل جرني من شعري

اخخ صكر بس خليني افهمك
شتفهميني ...هاا شتفهميني صخام وجهج لو صخام وجهي
هاي تاليته يعشك

الله يخليك بس اسمعني والله وروح ابويه مامسويه شي
هاي اكيد لعبه من زهراء

اششش لاتحجين اسكتي عوفي زهراء عله صفحه مو هذه الدليل بيدي

وطلع التلفونن ولج دكليله اريدك واحبك وتعال اشوفك
وتعزمينه عله روحچ ....هان عليچ صگر يعشك وهيچ تذلينه

صكرر والله مو تلفوني واول مره اشوفه والقران
ظربني وصااح

والهديه ؟؟

الهديه اطانياهه وجنت اريد اشمرهه

لااا ليش تشمرينه خليهه من حبيب الكلب شلون تنشمر

فدوه اروحلك حبيبي بس خليني احجيلك والله ماكو بيناتنه شي

شمرني عله الجربايه وكال ...احنه البعد ماكو بيناتنه شي

يعني شنوو ؟؟

يعني يعشگي ...منا ورايح تنسين صكر وبعد مالج كعده هنا

شتقصد ؟؟

انتي طالگ بلثلاثه ..ومن غبشه اهلج يجون ياخذونج
اخخخ يعشگ ياوسفه وياحسافه حبي الچ

يحچي وصافنه بوجه شيحچي ؟؟ شيسولف صگر طلگني
وتخله عني ماانطاني مجال ابرر عيونه مليانه وجع وقهر
عافني وطلع وللصبح اني مثل السمچه الي بلا مي مانشفت عيوني
دقيقه وكلبي احسه صار الف قطعه
طلع الصبح واني نفس كعدتي دخلت شمس وعيونه مورمه اكثر مني
كالت ماقبل صكر اجي يمج وهسه كلي احضر غراضج

تبجي واجتي حضنتني ولج شوشه ليش هيج يصير بيج
شمس صكر طلكني ....صكر مااطاني فرصه احجي

كامت لمت ملابسي والغراض الي اجيت بيهن واني اتفرج عليه
شويه وعرفت عمامي اجووي
لبست ونزلت والعيون عليه ماعرفت اذا مصدكين بيه او لا
او شيحسون ماعرفت وماگدرت احجي واشرح موقفي ح

ته
باب المطبخ زهراء مبتسمه

سويتي البراسج ياخبيثه
كالت والله اني كتلج من البدايه صكرر اليه وبسس
حسبي الله ونعم الوكيل ..ولاتظنين حوبتي تتعداچ اذا ماتطلع بيج
بلي ابطنج
بقت هيه تهز بأيدهه وكلامي ماعجبهه
من شفت عمي ركضت حضنته وبجيت وهوه هم حظني

عمووو والله ...والله ممسويه شي

مو هسه عمو خلينه نروح ويصير خير
طلع بابا سلم عليهم وبقو يحجون وصكر ماشفته
جروني وحته ماسلمت عليهم طلعت مادري احس بخجل
لو بقهر طلعت وحته ماعرف افسر المشاعر الي بداخلي
طلعت الباب وصار صگر بوجهي اخخخ يصگر

سلم عليه عمي وكله ...حق بتنه ماراح يضيع يشيخ صگر لاتظن ننساه

جاوبه صگر ..وحگ گلبي ماراح يضيع يعمي احمد ربك مافضحته
مثل فضيحه امهم

من گال هيچ سچينه ودخلت بگلبي
باوعلي وبذيج الساعه ماشفت بعينه بس الحقد عليه وعرفت مالي مكان بگلبه بعد

تعيرني بأمي ياصگر ...انته تعيرني ياحبيب گلبي

بدون كلام ولا سلام عبر من يمي ودخل وسد الباب
بقيت واگفه واحس روحي راحت وراه ..جرني عمي ودخلني السياره
طول الطريق وهمه يحجون عليه ويغلطون ويسبون
واني بعالم ثاني ...حته دموع مابقت عندي ابجيها..

يتبع...

#عــشٰــگ_الـشــيـخ

#البارت الواحد والعشرون


طول الطريق ماسمعت بس الحچي والسب والشتم من عمامي
وكل كلامهم مااهتميتله ولاهزني
صگر ليش هيچ ..ليش ماسمعتني ..ليش ماطيتني فرصه احچي
ياااااربي ليشش

وصلنه لبغداد اخخخخ ..بعدالصار تمنيت مارجع بس رجعت
وياريتني ميته قبل لاارجع
نزلت ودخلت لبيت عمي وتلگاني عمي الزغير
عبالي راح يسلم عليه وصل يمي ظربني براشدي ...ماهتميت
چفوف صگر لهسه بوجهي رجع جرني ودخلني جوه وشمرني
رادت مره عمي تگومني وخرهه ورجع ظربني

وسمعت منهم كل انواع الحچي والمسبه اليه ولاهلي
بعد مابيه حيل حته ابچي بقيت ساكته وهمه يردون ياكلوني
لليل اجه عمي الچبير وگال احچيلي الصار ...سولفتله واني بعد ميهمني
اذا صدكوني اولا ...وياريت اذا يموتوني وارتاح
٣ايام مرت واني بحاله لصدمه لا اكل ولااشرب ولاانام ولا احجي
قسم من عمامي صدگوني والقسم الثاني لا گالو الادله قويه عليچ
مره عمي وبناته خطيه مكابليني ويبجون فات اسبوع هدأو شويه
وتقريبا نسو الموضوع
محد عرف بالسالفه من الاقارب والجيران لان جنت بغير محافضه
يوم عن يووم الدنيا تسود بعيني

هيچ هانت عليك عشگ يصگر ...وحبك وكلامك وين ؟؟
نظراتك الچنت تريد تاكلني بيهم ليش تغيرن ..
بكل سهوله گدرت اطلگني من غير ماتسمع مني حرف
كل ساعه تمر اعصابي تتعب اكثر واحس بروحي جاي تنهدم
كل دقيقه تعدي اكره صگر اكثر واكثر ....اذا هيج بمشكله وحده
داس على كل حبنه جوه رجله
هسه تأكدت حبه لزهراء اكثر من حبه اليه ويمكن ماحبني اصلا
چنت نزوه چنت جسم حلوو بنظره
اخخخخخ ياصگر حطمتني

مرت عليه ايام اتعس ماا يمر على الانسان
من تحس نفسك عاله او ثگل عله الناس وتحس مالك قيمه
ماكوو خيمه تحميك ماكو اهل يسندوك ماكو شخص يمد ايده ويگلك گوم
من توگع بمشكله ماكو احد يگلك لا تشيل هم
ايام ابد مااتمنى ..لبنت تمر بيه ايام حسيت بيه بابشع المشاعر
القهر ..الظلم ..اليتم ..كسره الخاطر كسره الگلب واسوء شعور
كره حبيبك الك .....
ايام واوقات صعبه تعرضت بيهه لابشع معامله ماريد اذكر التفاصيل

راح توجع گلبي وتوجع گلوبكم ويايه...ايام سوده بكل معنى
الكلمه من تتحاسب عله ذنب انته مارتكبته
اگوم واگعد عله الرزايل والسب ع امي ومصيبته وعن
المشكله الصارت
چنت ْ؏ـايشة وياهم بس عله اقل شغله اسمع كلمه جارحه من عمي
اكل واشرب صح بس شي قليل ... اشتغل ويه البنات حته التهي
نسيت شي اسمه نووم
وكل تفكيري بصگر شصار بيه وشسوه لذو الفقار
اكييد هسه نساني والتهه بزهراء
بعد شهرين من هاي الاحداث صرت فلاونزه رغم الدنيا حرت
وحيييل تأذيت اخذتني مره عمي لمضمده حته اظرب ابره
كعدنه يمه ...بقت تسولف ويه مره عمي وهيه تسولفله عليه
وخطيه المره نقهرت وبقت تدعيلي يارب ينصرج وياخذ حقج منهم
انتي يتيمه واليتيم مايضيع حقه يم رب العالمين

حظرت الابره وكمت حته تظربني رجعت باوعتلي وگالت
ما فايتچ الشهريه موو ؟؟
صفنت بوجه ...اصلا ناسيته گتله
هاااا مادري ..
مره عمي گالت عشك تذكري يمه خاف فايتج
رجعت احسب وگتله اييي فايتتني شهرينا تقريبآ

هنه ابتسمن اثنينهن وراحت ركض جابت تحليل الحمل المنزلي
وگلتلي سوي ودخلتني جوه ابيته

دخلت للحمام وسويته وانتظرت
معقوله حاامل ؟
لا شوو ماحسيت بشي ،،بس يجوز بسبب الصار و نفسيتي تعبانه تأخرت
حامل ؟
بأبن صگرر ....الفكره خلتني ابتسم شنو راح تكون رده فعله اذا صح

بس الذكريات البشعه الي صارت بذاك اليوم رجعت لعقلي
وطيرت الابتسامه من وجهي
اخذت التحليل وطلعت كعدت يمهن ...كالت ننتظر شويه

بقن هنه يسولفن واني گلبي يدگ بكل قوته
شويه وگالت اريد البشاره .... وهيه مبتسمه
مره عمي گامت حظنتني وباركتلي

كتله شنوو قصدج ؟؟

ياا خاله حامل الف مبروك بعد گلبي ..ان شاء الله هذه الطفل
سبب برجعتج وسبب برائتچ من الصار كله

شويه وطلعنه وطول مااحنه نمشي اني ايدي عله بطني
ابن صگر هناا ؟؟
معقوله ....شگد فرحت بس خفت يمكن محد يصدگ هذه ابنه
يمكن هوه نفسه مراح يصدگ وطلبت من مره عمي تسكت
هيه خطيه ماگالت لا سكتت....وگامت الايام تمر
واني يوم عن يوم اتعب اكثر وخوفي يكثر وشوقي اله يزيد
اشتاقيت لغرفتي وللبيت ولبيبي ولشموسسه
اوووف ماعرفت شصار ماصار عليه هيه وعيسى
ماكلف نفسه بعد وسأل ولا خابر ...بس هوه طلگني شلون يخابر
توقعت بعد مايهدأء راح يراجع حساباته وراح يجي يسألني
ويعرف الحقيقه
والمسكين ذوالفقار شصار بحاله هسسه

بعد فتره عمرة عمي خبرت عمي بحملي ...هوه بلغ عمامي
گاعده ودخل عمي الزغير وجرني من شعري ذبني بنصهم
بالاستقبال
طلع المسدس وحطه عله راسسي

گال ولچ ادبسز حامل منين
سكتت ماحچيت
ظربني برجله مواحچي ويااچ ساكته معناهه حامل من الكلب حماچ
رفعت راسي باوعتله بطرف عيني وهزيت ايدي اجه يظربني
صاح بيه عمي عوووفه وكلكم طلعوو بره

طلعو وبقينه بس اني ويااه ..سولفيلي
شسولفلك عمو ؟؟
عله كلشي البطنج ابن منو ؟؟

هذه البطني ابن صگر محد لمسني غيره ...وذ

الفقار
گال علساس يحبني بس اني اعرف مشاعره مخربطه ومتوهم
لايحبني ولا شي ....وابد ماصار بيناتنه غير الرسميات
حته كلامنه قليل ...هذه كل الموظوع

جر حسره عمي ورجع گال ...اني مصدگچ بس عمامچ مامصدگين
وگالو نخابر عليهم يجون يحلفون وانتي وياهم تحلفين

من گال هيچ تخبلت وگمت احچي بصوت عالي

احلف عله شنوو وليشش ؟؟ يعني معقوله هيچ اني بنظركم رخيصه
وتردون تخابرونهم والله اذا عرفو واجوي بعد وجهي متشوفونه

جرني وگعدني يمه وگال لا تصيحين ..مو تردينهم يصدگون
اذا بريئه تحلفين

عموو احلف ماعندي مشكله ...بس ماريدهم يعرفون

ليشش ؟؟

سكتت شويه ...احسن

المفروض انتي اول وحده تروحين تخابرينه

هههه شتحچي عمو اذا انتو اهلي ..ماصدگتو هذه الطفل منه
تريده هوه يصدگ بعد الي شافه وسمعه

حته لو بنيتي المفروض دگعدين وياا وتسولفين وتشرحين موقفچ

لا اشرح موقفي ولا هم يحزنون ...صگر من اول مشكله
تخله عني ...وعيرني بأمي .... ماكلف نفسه يسمع مني الله واعلم
اذا صارت مشكله اكبر شيسوي بيه

والله ياعمو ماعرف شگلچ بعد ..هذه بيتچ وحالچ من حال بناتي
وابنچ الراح يجي احطه بعيوني ...

عافني وطلع بقيت گاعده ...اذا گلت لصگر معقوله يصدگني ؟؟
اخخخ ياگلبي شتتحمل بعد

فاتت الاشهر وكبرت بطني وعرفت حامل بولد فرحت حيل
وحسيت الله عوضني بولد من يكبر يصير سندي بعد ما الكل تركني
التعب بدأ يبين عليه وصحتي تراجعت جدا
كل يوم اتخربط ويبقون يبجون فوگ راسي ...ماجنت اسوي
شي بس ابقه نايمه واحس نفسي حيل تعبانه

دخلت الشهر الثامن وچان حيييل صعب اخر ايامي بيه
بده يصير عندي وجع قوي اذا اكوم من مكاني ضهري يلزمني
واگعد اصرخ من الالم

قبل مادخل شهري بأيام قليله صار عندي ولاده ساعه ب ٦ الصبح
لزمني الوجع من اليل وماكدرت اغمض
بس الصبح بعد ماتحملت اخذوني للمستشفى واني املخ نفسي من الوجع
حاولت الدكتوره ويايه حته اجيب بس جنت تعبانه والطفل مانزل
للضهر گالت لازم عمليه قيصيره لان الطفل راح يموت
واني تأذيت حيل

وطلبو حضور الزوج ...من گالت هيچ بقينه وحده تباوع للثانيه
اني ومرة عمي
بعدين گالت حته لو بس جنسيته ....زين عقد الزواج
گلتله مرة عمي هيه مطلقه ...رجعت گالت زين واحد من اهله
ام اخت ...اب ...قوانين المستشفى صارمه زين حته لو مطلقه عقد
زواج ماكوو ؟؟

انهاريت بلبچي ماعرف من الالم لو من القهر
من شافتني هيج گالت راح ادخلچ لغرفه العمليات هسه وبعدين يصير خير
اجتي السستر لبستني وحضرتني للعمليه
اخذوني ودخلوني ....الاسم بحد ذاته رعب غرفه عمليات
والغرفه بارده ثلچ والادوات بيه تخوف السرير اشوفه سرير موت مو
سرير ولاده
تمددتت عليه ودخلو باقي الاطباء

بقه طبيب التخدير يسألني شنو اسمج شگد عمرچ شگد اطفال عندج
مره @alqess اجاوب ومره لا الخووف ياكل بگلبي
لفتت نظري الدكتوره تحجي ويه الباقين ويمكن گالت حالتي
مو زينه او هيچ شي
غمضت عيوني ودموعي تجري
ياااارب اذا كاتب تاخذ عمري بهذه اليوم بحق حبيبك محمد
خليني اشوف طوله لاخر مره

وبعد مادريت بشي ؟؟؟؟
صحيت عله صوت الدكتوره وهيه تصحي بيه وتضربني راشديات
خفيفه ...

يحلووه يلا اصحي صار هواي نايمه ابنج خبص الدنيا بلبجي

ماگدر احچي شي بس اوون ...جسمي كله خدران اصبع ماگدر ارفع
رجعت نمت
واني نايمه اسمع اصواتهم يمي يسولفون وليدي يبچي ياروحي انته
بس ماگدر احرك جسمي ...ياربي هذه عطر صگر لو
اني احلم ؟

جريت نفس اقووو ايي هذه عطره اووف شگد اشتاقيت
حاولت افتح عيني واحرك جسمي شويه تحركت بعدين سمعت صوت
خالتي ام صگر ؟؟ معقوله جايين
وهذه الشي خلاني اصارع حته افتح عيني واحرك جسمي
بعد فتره گدرت افتح عيني واحرك راسي
واول شي صارت عيني عليه ...حبيبي صگر

يباوعلي ومن شافني فتحت ابتسم بوجهي گاعد عله كرسي قريب مني

شفته راد يحچي بس مره عمي اجتي بسرعه

هااا يمه گعدتي الحمدلله على سلامتچ خوفتينه عليج
وباوستني

وجتي ماما وهيه تبجي وباوستني ...الحمدلله على سلامتچ يمه
شلونچ بعد گلبي

من شفته تبچي ماتحملت وبچيت ....

شنو السالفه يمه ..البنيه هستوه طالعه من الموت وانتي تبچين يم راسه

مو بيدي يمه ..هاي بنيتي

گام عله حيله وتقرب مني وگال
الحمدلله عله سلامتچ ...ام وطن ...خوفتينه عليچ

هوه يحچي واني ذايبه بعيونه ياربي شگد اشتاقيتله وشگد احبه
بسس شگد اذاني ..ماجاوبته ودرت وجهي منه

مساء العسل حبايب قلبي ...شلونكم 😘😘
يجوز راح تلاحظون البارت قصير ..والسبب لغيت بعض الاحداث
ماتكلمت عنه بطلب من صاحبه القصه ..
احداث صراحه جدا تقهر وظالمه بحق عشگ وهذه الشي يمكن
يسبب مشاكل لهواي ناس ..فكتبت الكم الشي المهم
والباقي عشگ تحتفض بيه لنفسهه عسى ولعل يجي يوم
ويطيب جرح گلبه ..💔

يتبع...

#عــشٰــگ_الـشــيـخ

#البارت الثاني والعشرون


بعد ازعاجات زهراء المستمره اتصالات ورسائل
قررت اروح وانهي وياهه الموظوع واشمر عليه ورقته وافض السالفه
ردت اروحله الصبح بس ماقبلت وطلعت الف حجه
ورادت اجي بليل وفعلا رحت بليل
مااكيت احد من اهله استغربت ..بس اني رجله ومامسوي شي
بقيت كاعد يمه وهيه لابسه لبس فاضح ومكياج وبقت تتقرب مني
كلما احجي ويااه واريد افتح الموضوع تسويله شغله
مااعرف شلوون صار الي صار بيناتنه
رجعت للبيت بوقت متأخر واني كاره روحي عله الي سويته
شلون گدرت اسوي هيج واني الي چنت ناوي انهي كلشي
بغلطي هذه راح تجيني هواي مشاكل
تمر الايام واني اشوف عشگ گدامي تروح وتجي وگلبي يرف عليه
وعقلي مشغول بجماله وسوالفه
كلما اريد اتقرب اتذكر السويته اضوج اكثر
ادري جاي اضلمه وياي بس موبيدي
خابرتني زهراء وهيه تبجي
هاا ولج شبيج
صگر الحكلي مصيبه
شكوو شبيج
اني حامل

من گالت هيچ افترت بيه الدنيا حامل ؟. هسه يلا يارب صدك !!

عفت كلشي ورحتله ركض تلگتني تبجي دگول واذا اهلي عرفوا يكلبون
الدنيا

عله شنوو غير مني هوه وغير انه رجلج
يعني حبيبي ... راح ترجعني
عرفت بساعته هااي لعبه منه حته ارجعه شكد غبي اني
وما عرفت خطته من البدايه

گتله اطيني مجال عفته وطلعت وفكره تاخذه وفكره ترجعني
شراح اسوي .. وشلون اتصرف
مايهون عليه اكسر گلب عشگ بس هذه ابني حته لو مااريد زهراء
هوه شنو ذنبه ...
رتبت اموري وكتله باجرر جاي ارجعج
وثاني يوم رحت ارجعه بدون مااحجي لاحد ..بـٰعدني براس
الشارع وشفت شاب طلع من بيتهم ركب سيارته ومشه
استغربته اول مره اشوفه بس يجوز واحد من اصدقاء الولد
دخلت وماا جان اكو واحد من الولد بلبيت
من سألته گالت امي طلعتله ...وحچت وياا
ماعبرت عليه اعرف جماعته اخوته كلهم هذه غريب وماعجبني شكله

اخذته ورجعت ...واني ادري بسوايتي هاي راح اكسر گلب عشگ
بس مابيدي شي
فرق السما عن الارض بين عشگ وزهراء
زهراء مغروره ومتعاليه ومتحب غير نفسه وجنت اشوف نظرته
الحاقده تجاه عشگ بس هيه متهتم اله
يومين بقينه انام جوه ماقبلت ترجع لبيته واصرت تبقه هنا
سايرته علمود حامل وكلت حرام عليه بس لاحضت
شغله ضوجتني تلفونه ماوكع من ايدهه ابد
حاولت اخذه منه اكثر من مره تتحجج وماتنطي
ومن صارت فرصه اخذته لكيته مخليه رمز اصريت تفتحه
كالت صور فلانه وعلانه. بدون حجاب وصور فاضحه وعيب
وحرام ومن هلحچي ..ماقنعتني وخليت عقلي وياهه
وعيني عليهه اتصالاته كثرانه وعيونه دوم بتلفونه
اسبوع وهيه متخليني بليل اطلع من الغرفه الف عذر اطلعلي
والصراحه اني ماردت اروح بيا وجه اشوف عشگ
وحته مابررت اله سبب رجعه زهراء ....

دخلت عليه مره ولكيته تخابر من شافتني سدته بسرعه
ياابه منوو وليش سديتي ... هااا لا مو محد ..لا امي وخلصنه حجي
ومره صرت فوك راسه ....شفت عدهه فيس سحبت التلفون منه
بقت تتلاوه وياي حته تاخذه مانظيته بحث منشوراته حب وغرام
والغريب.
الولد الشفته طالع من بيتهم صديق اله تعليقاته كله طايحه حظ مثله
سالته گالت ماعرفه. بس هوه يزعجني انطيته تلفون رحت لتلفوني
بحثت اسمه
وره شويه صفحته انغلقت واني تخبلت وشكوكي زادت
دزيت اسمه ومواصفاته لولد صديقي وكتله اطلعه من جوه الكاع

بس ماردت ابين هذه لشي لزهراء وحته ابتعدت عنه عشك
حته تشوفني مهتم بس بيهه هيه
اريد اوكع عله علتج يازهراء اني شغله الحمل من البدايه ما دخلت عقلي
بقيت اتغزل بيه. واششاقيه حاولت اقشمره حته اسحب منه
معلومه وبليله نامت وبقيت كاعد
ليش صاير اكره اتقرب من زهراء ؟؟؟ شبيه
كمت بنص اليل سبحت ورجلي اخذتني لغرفه عشك
فتحت الباب نايمه ..اروح فدوه لنومتج
كعدت وشافتني بقينه نسولف ...من عرفت بيه تحبني طرت الفرحه
الدنيا ما وسعتني وصار عندي سبب ودافع احقق بسالفه زهراء
اللهم العن الشيطان بس موبيدي
كلما اشوفه تسمم عقلي بشغله ذوالفقار تصرفاته غريبه ويه عشك
وعشك ظحكه وسوالفه كثرانه ويه ذوالفقار
ماانكر اني ملاحظ تصرفات ذوالفقار بس عشك ادري بيه ماعدهه
شي وياا ....وحاولت ابعد الفكره عن. راسي قدر الامكان
وحذرته ماتحجي شغله حملهه لاحد بلبيت عليهه لان
عرفت وراهه مصيبه ومن اكشفه ماريد احد يتشمت
بس هيه ماسكتت وراحت حجت وخلتني أئذي عشك بوقته
صح غلطت وياهه بس علاقتنه قوت وحبنه كبر
وصارت تتقرب مني اكثر واكثر واحسه بس هيه الي تفهمني
وتعرف شرايد
مرت الايام وكل يوم تجيني معلومه عله هذه الولد واروح
نبشت سجلات البصره نبش حته الكاا ابدد مارتاحيت من شفته
طالع من بيتهم انوب عده صداقه ويه زهراء
وكلمره يكلولي واحد ساقط غاوي نسوان ومشاكل

مره نايم بلدوام هلكان من التعب ..من الصبح خابرتني زهراء

هااا زهراء
صباح الخير حبيبي
هلاا
حبيبي تجي اليووم
ايي ليشش
عندي وياك موظوع مهم
موظوعيش
هااا مو مال تلفون
لعد مال شنو احجي زهراء
هااا ماعرف شلونن
لا تخبليني شكوو احجي
اني جنت دائما اكلك بس متصدك وهسه عندي دليل

شجاي تحجين انتي
حبيبي شفت ذوالفقار طالع من غرقه عشك الف

جر
وبقت تحجي وتسولف كذا وكذا واني صافن اسمع حجيهه
فرتني فر بكلامه والمصيبه من دكلي اكوو شهود واكو ادله
دزتلي صور الهم واكفين اباب الغرفه
وصور هوه طالع من الغرفه خلتني اتسودن نسيت كلشي
عله زهراء ونعميت معقوله ....
رجعت كالت عدهه تلفونه سمعته تحجي بيه اكثر من مره
ماعرف شجاني بذيج الساعه وصرت وحشش
ورجعت للبيت طلقه ...صرت اعصاب نارر وماكمت اشوف شي كدامي
من دخلت للبيت شكدد مشتاقله بس الحجي كله ياكل بكلبي
ظربته وجريته من جوه ليفوك سحل من شعرهه
وكتله اريد التلفونن
الظربه الي عله جسمه تصير بگلبي ...اني الاتوجع اكثر منه
بس ردت ..اسمعه وهيه تنكر ودكول لا وكالت لا ما عندي شي
ورحت للكنتور نبشته نبش مو حته الكه دليل عليه لا بس حته
اثبت لنفشي هاي عشكي مااتخوني هااي رويحتي
لكيت التلفون ....ويمه هديه كل كلام زهراء صح
شكد جنت هادء ومااتعصب بذيج اللحضه الغيره عمتني وماخلتني اشوف صح
فتحت التلفوون وشفتي مصايب وبلاوي
ولاكثر الرقم الي يتراسل وياه رقم اخووي ذوالفقار
زين شلووون ؟؟
دفرته وطلعت ...بساعته حقدت عليه حقد ماصاير
نزلت جوه وخابرت ذوالفقار اجاني بعده بلباب لزمته بوكسيات ودفرات
دميته بس هوه ابد ماقاوم وعبالي يعترف بذنبه وهذه الشي
خلاني ازيدد غضب واظربه اكثر

من سالته كال ايي يحبه بس ابد مااتعده حدوده وياهه
من شاف التلفون نكر وكال لا ...طبعا ينكر قابل يكول يي هذه انه
انعميت وماشفت الحقيقه واللعبه الوصخه الصارت بذاك الوقت
وحته لا ارجع اسامح عشگ صعدت بليل
طلگته ..مانكر گلبي ذبحني عليه وچانت رده فعلهه مبينه بريئه
اخخخخخخ الله يسامحني بس

ثاني يوم اجو عمامه راحت واخذت روحي وياهه
اذا تبقه يمي الله واعلم شسوي بيهه ويمكن مااسوي شي وارجع
الهه شلوون ارجع اله وهيه عدهه علاقه ويه اخوي
واكثر من دليل ....ماردت اسمعه حته لا تظحك عليه
ماعرف ليش تسرعت وظلمته

مرت اربع اشهر واني ماعرف حياتي شلون تمشي
حته شغله زهراء نسيته مخلصه بلدوام وبره كرهت كلشي
غرفته اقفله ومن اشتاگ اروح اشتم بريحته ماخليت احد يدخله
انه الاخاف الله حته شرب شربت ويوميه ارجع سكران
وانام بحظن زهراء ....عبالي هيه
وبيوم من الايام ...رجعت من الدوام بليل ..

مالي خلگ بدايه فلاونزه واخذت اجازه ارتاح وصلت بنص
اليل ..ودخلت زهراء تشخر ماتدري
طبيت سبحت طلعت شفت تلفونه مضوي جوه راسه
جريته ديت الدكمه مابيه قفل واصلته مجموعه رسائل
الي لفت نظري رسائل من رقم غريب ومن محمد ابن عمي
اخذت التلفون وطلعت بره
احتاريت اول رساله اقراهه منو ؟؟ اول صدمه اتلگاهه منين بله

دخلت عله اسم محمد كاتبله..زهراء الفلوس وين
الولد اكل راسي يوميه يخابرني ..مالي خلگ مشاكله

وراجع داز الهه يمعوده جاوبي صكر وصار بس الج ماتعرفين
تاخذين منه جم فلسس چا شو خبصتينه من چانت ذيج المرة يمج
انه وانه

طلعت ورحت عله الرقم ذاك
وياريتني مارحت المحادثات بينهم مقرفه بشكل كلامهم كله عن ال****
وحضرتهه دازتله صور اله بكل الوظعيات المنحطه
لا ودگله ابو ابني ...هذه الجنت خايف منه
واني اقره واشوف مصايب زوجتي المحترمه اشتعلت نار
وماشفت دربي دفرت الباب وهيه نايمه دفرته بظهرهه
دفره وكعته عله الكاع هيه شهگت الربهة
سحلته من شعرهه وجبتله يمي وهيه تصرخ
قفلت الباب حته لحد يدخل خليت التلفون بوجهه وكتله احجي
كامت تبجي وتصرخ ورادت تقشمرني ماانطيته مجال
كلما تتقرب مني ادفرهه
اوكعهه بلگاع لفيت شعرهه بايدي وعطت بيهه تحجين
لااجنزج هناا
ماحجت كتله صارر ....من شعرهه نزلته جووه
والكل كعد عله صوتهه خابرت عمي وكتله هسه ادزلي محمد
منتظره عله نار اول مادخل ظربته نهيته
سحبته ودفعته يمهه وكتله احجي هوه ما كال لا
عرفت منه متفقه وياا علمود يشتريله تلفون ويتراسل من رقم
جديد الي هوه علساس رقم عشك وياخذ تلفون ذوالفقار
بصفتهم بنفس العمر واحد ماين عله الثاني يكدر ياخذ تلفونه
يتراسل من الخطين ويمسح الرسائل من تلفون ذوالفقار ويطي اله
وماخذله فتره هيج يسوي لحد ماا جامع مجموعه محادثات
وصخه مثلهم
وشاد كامرات باماكن بلبيت مامبينه ورابطهن عله تلفون زهراء
تراقب ذوالفقار وعشك بيهن حته شوكت ماتشوفهم سوه تركض
تاخذلهم صوره سوه وتكون حاظره وشاهده عله لقائم
حته بعدين تجي دكلي شفتهم بكذا مكان وكذا ساعه
هوه يحجي واني صافن عله نذالتهم وعله غبائي ضابط
طول بعرض عبرت عليه لعبه مزعطه
شااد كاميرات ابيتي واني نايم ؟؟ لعد شكد اثول
خابرت عله جماعتي اجوني بدوريه سلمتهم محمد كتلهم
ضيفوو يمكم جم يوم اخذو وراحوو رجعت للساقطه زهراء

شغلت جكاره وكعدت يمهه وهيه يم رجليه صارت
كتله عوفج من محمد ومن عشك وعوفج من كل هذه
الطفل لي ابطنج ابن منو
كامت تبجي وتحلف ابنك بلدين بليمين
ظربته وكعت ورجعت تبوس برجليه ابنك هذه والامام الفلاني
والدين الفلاني
رجعت ظربته وجهه صار مينشاف من الدم
والله يازهراء لو اكطعج وصله وصله هنااا ماتطفه ناري
لزمت الجكاره وطفيته بأيده كامت تصرخ بعالي صوته

لزمته مو شعرهه وكتله

اذا ماحجيتي الصدك اروح انبش وراح اعرف
كلشي.... ساعته شايفه هاي الجكاره اخلي اثرهه بكل
جسمج اشوه جسمج بحيث بعد مادكدرين اتباوعين عله روحج
خووش

حچت وياريتني ماسمعت كلمه
متعرفه عله ساقط مثله بلفيس ومقشمر عليه احبج واريدج
يسحب منه فلووس ووو🔞 وهيه بكل غباء مصدكه
والله شنو احبج فتره واجي اخطبج
جانت خووش فرصه اله من جنت رافض اطلكهه مستفاد
علبو ماكدر اتزوجج لان بعدج ممطلكه
لحد ما ححبلت منه ...بقه يتهرب منه وهيه تركض وراه
ومن عرفت ما وراه فايده وظحك عليهه اجتهه شغله
زواجي من عشك عله طبق من ذهب
واستغلتني بابشع طريقه واني بكل غباء وگعت بفخهه
بدون تردد سحبت اقسام المسدس وخليته عله راسهه
وردت ارميهه بس ابوي منعني وبقه يتصارع وياي
حته ياخذه مني وهيه من خوفه هجت بشارع وهيه مفرعه
الصبح واجوني اهله وحجيتلهم كلشي
وكالو اذا ماتكتله انته احنه نكتله ...كتله لا خلوهه يمكم هسه
وبعدين يصير خير

عفتهم وصعدت فووك وانه احس بعد ماعندي قوه افتح عيوني

غبائي وين وصلني ماهامني من هذه بس السويته بعشگ
اخخخخخ يابوويه ...شلون راح اگدر اشوفه بعد
فتحت باب غرفته ودخلت
كعدت عله فراشه ...انه الرجال ضعفت بهاي اللحضه وبچيت
لو اكعد ابوس رجليه منا لسنه ما راح تسامحني

طلكت زهراء وكلت لاهله اذا خليتو اصبع واحد عليه
اخذكم كلكم للتوقيف
ندليت منه مكان صاحبه الساقط ورحت وراه
لزمته طلعت قهري بيه حته نتل نتلته الكلب....
وحبسته كتله تخلص عدة الطلاق مالته يلا اطلعك حته تتزوجه
وانته ويااه ادبرون اموركم بعد
محمد طلعته ....بس ملامح وجهه مختفيه من التعذيب
كلت لعمي اذا محمد عتب شارعنه
اكسروني بعد من العشيره
ذوالفقار...عايش ويانه بلبيت بس اني وياا مانتحاجه
خابرته العصريه بيوم وكتله تعال انه بلشط
وهوه بسرعه اجه عباله بيه شي من شفته حظنته وبست راسه
وكتله تعذرني يخوي ...وحقك عليه
هوه كام يبچي مثل الطفل كسر خاطري
واعتذر مني هم لان الغلط السواه مو شويه حط عينه عله عشگي

عشگي اخخخخ يعشگي وين الگاچ بعد
حاولت وياي شمس حته اروح ارجعه ماقبلت
يوميه تفتح نفس الموظع وانه اكله اكيد هسه تزوجت
من اختنگ واشتاق الهه حييل اركب سيارتي بنص اليل
واسوق من اقرب لبغداد اوكف وارجع
صرت مثل المخبل بلياهه ماكدر اتخيل حياتي من غيره
بس مالي حق اطلب منه العفوو 💔

الله يشهد مرت عليه ايام سوده بلياهه عايش مابين ضميري
الي ذبحني عله الي سويته بيه وبين گلبي واشتياقه اللهه
كلشي بيه يطلبه ورايده بس شسوي وشلون اروح وشحچي من اشوفه
اخخخخ ياربي ...ساعدني ودليني طريقي

رجعت من فصل بغير منطقه وراسي صاير طبل
دخلت للبيت ساعه ١٢ كتلهم ماريد غده بس عوفوني ارتاح
صعدت سبحت وبوجهي للفراش حته ماصليت
بعز نومتي دك تلفوني ....ماجاوبت ثالث مرة يلا وكمت
اسب واغلط من شفت الاسم هذه عم عشگ بسرعه فتحت خط

الوووو ...ها عمي
الله يساعدك عمي صگر
هلاو بيك عمي خير شصاير
هههه هيه هيج الاصول يشيخ صكر هيج تجاوب
لا عمي العفو اعذرني شلونك اخبارك بسس خفت لاعشك بيه شي
ليشش ...بعدك تريده

سكتت وماعرفت شحچ رجع گال

عوفك من هذه الحچي خابرت حته اگلك احنه بلمستشفى
وعشگ بغرفه العمليات

شلووون ليشش ؟ شبيهه ؟؟

لا تخااف مابيه شي ..الدكتوره گاعده تجيبه

يعني شنوو ؟

عشگ حامل يصگر حامل بابنك ..الصراحه ماردت اخابرك بس
المستشفى يردون عقد زواج وانتم ماعاقدين محكمه
لو يردون جنسيتك ..تسوي فضل علينه اذا تجي

سديت التلفون لبست دشداشتي بسرعه اخذت المستمسكات ونزلت
ركض جريت امي من غير مااحجي شكووو
بلطريق يلا سولفتله الطريق شطوله سويته ساعتين
مدري من لهفتي مدري من فرحتي ...عشگي حامل بابني
وتريد تجيب هسه ...وبلعمليات
الافكار اكلت راسي اكل مادري شلون ماسويت حادث

دخلت للمستشفى ...اركض مثل المخبل وامي تركض وراي
سلمت واطيتهم المستمسكات

گالولي مطلعينه بلردهه ..دخلت عليه نايمه بعد روحي
اروحلچ فدوه اخخخ شگد اشتاقيت ..نايمه مثل الاميره
ذبلانه وضعفانه وجهه اصفر عيوني عليه وحته ابني نسيته
من بچه يلا رفعت راسي وشفته
اخذته بحضني وبسته الله يعلم بكبر فرحتي ساعته
بقيت كاعد عله نااار متاني شوكت تصحه

مردت گلبي وهيه تون ودگول... اخخخ يمه ولك يااابه ...

اريد اسحبه واخليه بنص حظني واخذ وجعهه كله
بس ماگدر ...وره شويه فتحت عينه وصارت بعيني
سلمت عليه بس دارت وجه مني ...حقه شما تسوي بيه قلييل

اي احبك
#تريد تقبل ،تريد تزعل
#ازعل يطبك عشگ



يتبع..

#عــشٰــگ_الـشــيـخ

#البارت الثالث والعشرون

كيف أفتح معك حديثًا يُخبرك أني أشتاق إليك دون أن أجرح كبريائي؟

الحمدلله على سلامتچ ام وطن خوفتينه عليچ

مبين حيييل خايف عليه يصگر ووف منك درت وجهي ماردت اشوفه
صح مشتاقتله بس المريت بيه بسببه مو شويه

وطن اسمعه يبچي بس ماعندي طاقه اگوم اخلي بحضني

مره عمي گالت ..يمه عشگ الجاهل كاتله الجوع شدي حيلچ كومي

عمه والله ماگدر حته افتح عيني

حقچ يمه بس خطيه شذنبه هذه
صگر هسه اروح اجيبله حليب وشربنه
ماما لايمه ميصير لازم هيه ترضعه من صدرهه كلش زين اله

ماتشوفين حالته شلوون عود من تصير زينه ترضعه

ماكوو داعي هسه اگوم
بس احتاريت شلوون الوجع ذابحني حركه ماگدر اتحرك
شافني محتاره تقدم عليه وگال اطيني ايدچ اگومچ

ماهتميت لكلامه سحب ايدي ولزمهه حيل والثانيه خلاه وره ضهري
حاوطني بأيده ضعت بحضنه اووف يعطرك دمرني
رفعني شويه شويه حته ماحسيت بوجع وخله المخاد وره ظهري
سندت ضهري عليهن
ماما شالته ...واطتنياا اووي اروح فدوه شگد زغير

گتله بصوت ناصي ياروح ماما جوعان انته ؟؟
وهوه يبچي ...صگر يباوع النه ومبتسم بس مارفعت راسي
اله ابد خلي يعرف بلنسبه اليه لا شيء هوه
هسه شلون ارضعه وهوه فوگ راسي

مره عمي كالت اجي اساعدج باوعتله هزيت راسي
هوه عرف الفلم طلع واخذت راحتي بلرضاعه بقن هنه يظحكن
ويكولن مچلوب هذه من هسه ويشبه صگر كلشش
ركزت بوجه صح يشبه رموشه طوال مثله
نفس دوره وجهه نفس خشمه اهم شي الخشم هههههه
نام بحضني اخذنه مني ..واني رجعت تمددت وغفيت بسرعه
البنج كلشش قوي مادري شوكت راح اصحه منه
اسمعهم وره شويه يسولفون وهوه جاي جايب عشه الهن
وجايب اليه عصاير وكيك ...رادن يكعدني كلهن عوفنه ع راحته
غفيت وصحيت مره ثانيه هدوء ماكوو صوت الهن
باوعت هنه ماكو مامنتبه اله كاعد يمي رفعت ايدي خليته عله عيني
وگلت اخخخخ يمه راح اموت

هااا عشگ ...متوجعه
فززني وخرت ايدي وباوعتله ..لا .. اي شويه

اصيح دكتوره
لا ميحتاج ..شويه وارتاح
باوعت منا ومنا ادور عله مي عطشانه

رايده شي
ايي مي
هسه ...گام طلعلي بطل مي من الثلاجه فتحه واجه گعد يمي
گومني شويه ردت اخذه منه ايدي ترجف ماگدرت الزمه
شربني هوه ...شربت شويه وخرته استحيت عينه عليه
زين ما شرگت بلمي رجع لمكانه ...ويباوعلي

حته متصير عيني عليه درت وجهي اباوع لابني بدون وعي ابتسمت

گال ..ليش ماگلتيلي
سكتت ماجاوبته ...رجع گال حاچيني
اعتقد مالك حق تعرف
ليش غير انه ابوه ..المفروض اول واحد اعرف
باوعتله بطرف عيني وهزيت ايد ...ابووه ههم ...منو يگول انته ابو
انچبي لا تحچين هيچ
لزم ايدي سحبته منه بسرعه
والله حقچ ...شسوين حقچ بس اسمعيني
صگر الله يخليك تعبااااانه مالي خلگ اسكت
صاررر راح اسكت ..بس موظوعنه هذه ماانتهه
شويه ودخلن ماما ومرة عمي وهوه گال راح يطلع لان ميصير يبقه هنا
يشوف مكان يبات بي ويجي الصبح

حاول يحجي وياي ويسألني شرايده مجاوبته وما انطيته عين
اله اندمك والله

طلع رضعت الطفل ونمت مادريت بشي صح اليل كله اتفزز من الوجع
بس البنج هم نعمه بس احط راسي ادخل بغيبوبه 😁
الصبح فتحت عيني شفتهن يصلن صلاة الصبح
الوجع خف احسن سندت نفسي وگمت بس احس الجرح بگلبي
يمه يمووت ...مشيت شويه شويه وضهري ملزوم لان صارلي
هواي متمدده دخلت للحمام غسلت ريحه المستشفى لازگه بخشمي
طلعت لگيته جااي من شافني اجه بسرعه لزمني ...ليش تمشين وحدچ

لازم اتعود امشي وحدي ...لان اظاهر محد راح ينفعني بعد

ليش تخليني اشيلچ هسه واخذچ عدل وگبل للبصره
جريت ايدي منه مات من الظحك وگال دمشي امشي لا توگعين
طلعنه واني جابولي كرسي متحرك كعدت عليه وهوه دفعني
وطن بيد ماما مغطيته بلعبايه
صگر يگله ادري بايگه بوگه ...خنگتي الجاهل

ولك يمه ريحه المستشفى تكتل لا يشتم ريحه ويتمرض
فتح باب السياره لزمني وصعدني مجبوره اعتمد عليه
لان ماگدر اتحرك وحدي وهنه نسوان كبار ميگدرن يساعدني
شگد ضجت وكرهت ضعفي بهاي اللحضه لو جايبه طبيعي
ماچان اعتمدت عليه هسه عباله كاتله روحي اريده ..تحلممم

طول الطريق وهوه يتلفت علينه اني وابنه
مانكر گلبي يدگ كلما تصير عيني بعينه ومانكر فرحانه ححيييل
من شفته هيج اجه بسرعه ومبين من كلامه وتصرفاته متلهف علينه
بس جرحني وحرام بحق نفسي اسامحه بسرعه 💔
وصلنه للبيت ونزلنه تلكاني عمي وسلمنه بقه هوه كاعد يمه
اجوي عمامي للعصر وحجه وياهم وعتذر
مالي خلك بس بالي يمهم خاف يجبروني ارجع
وخاف ميقبلون اعتذاره بقيت محتاره وماعرف اني شرايده
وره شويه اتصلت شمس عله تلفونه ودزه بيد ابن عمي

بس گالت الوووو انوب انفجرت بلبجي
ماتحملت وبجيت وياهه وامي ومره عمي يبجن بختصار كلبناهة فاتحه

شويه وسكتنه بقت تسلم وتسالني وتسولف شكد مشتاقتلي
واني وياههه وظحكنه هواي
نهيت المكالمه ...باوعت لتلفونه مخلي صورته خلفيه
اووف اشتاقيت اباوع بعيونه اشتاقيت لطوله اشتاقيت لكلشي بيه ياربي

٣ ايام ظلو يمنة هوه يجي بس بليل ساعه ويروح ي

كلهم
ابات يم صديق بس يجي محمل خيرات الله كله
من مسواك وحلويات وفواكه ...حته عمامي بقو يسولفون بيه
ويگولون معدل ويعرف الاصول
رادت ماما تروح لان محد بلبيت بس شموسه ومتكدر وحدهه
حيييل ضجت جانت مونستني ومن اشوفه مخليه ابني بحضنه
ومتنزله للكاع وشلون عينه عليه وكل شويه تسألني شلونچ
حسيت نفسي مدللة ومحتاجه هيچ اهتمام
والشغله بيناتنه صح مااشوف صگر ...بس من اشوفه يروح يرجع
افرح واعرف بعده يحبني

قبل لا تطلع ماما دخل عمي وگال صگر يريد يدخل يسلم

طلعن البنات ودخل بقت بس ماما
شالت وطن وخلته بيده يباوعله وعيونه مدمعه الفرحه مبينه عليه
ولا عبالك عنده ابن ثاني
رجعه لماما واجه گعد يمي عله الچربايه وگال شلون صرتي

الحمدلله احسن
الحمدلله ...مامحتاجه شي
هزيت راسي بلا ..رجع گال رايح لان عندي دوام بس اخلص
جم شغله واجي

ليشش تجي ؟؟
اجي اخذكم غير
هههههه ظحتني والله
هاااا. ؟؟ ليش

...تخليت عنه باصعب ايامنه وهسه من امورنه صارت تمام اجيت

يعني شنوو ؟

يعني لا تجي لا اتعب نفسك ...وانسانه اصلا

ياا يمه لا تحچين هيج بس الله يعلم فرحتنه بهذه الوكت حقج تغتاضين
بس اسمعي من رجلج بالاول وبعدين حكمي

خاله ..صكر مو رجلي طليقي وهوه الي وصلني لهنا
وبلنسبه للكلام الي يريد يحچي لا يتعب نفسه ماريد اسمع شي منه

هذه الحجي عوفي عله صفحه نتفاهم بالاول واحجيلج وبعدين يصير خيير خلينه ننسه الصار ونبدي صفحه جديد

اني راح ابدي صفحه جديده بس مو وياك

يعني شنو؟؟

يعني ياا شيخ صكر بس اصير زينه اتزوج شخص من مستوايه العقلي شخص يفهني شخصص مو من اول زله يطلكني
واذا عله ابنك شوكت متريد تعال شوفه ماامنعك

لزمني من ايدي حييل واشوف عيونه صارت نارر گال
والله العظيم لو ما وضعيتچ هاي چان علمتچ شلون تحچين هيج

اييي شبيك ايدي

اسمعي لج ...انتي مالتي تفهمين لوو لا ...خلي تعدي ايامج هاي عله خير
واني اتصرف وياج

عافني وطلعت اجتي ماما باوستني وكالت مو كتلج سمعي منه
وطلعت بقيت صافنه عله تصرفاته ...
رجعت وبيدهه فلوس خلتهن جووه المخده كالت دزهن الج ويكول
جم يوم واجي ..راحوا

بقه كل يوم يخابر عمي يسأل علينه وماما لو شمس يخابرن عله رقم
مره عمي احچي وياهن
بديت اتحسن وكدرت امشي بس حركتي محدوده
الي مصبرني عله الوجع ابني اروحله فدوه يجنن وزغيروني
رحت فتحت خيط العمليه ورجعت امشي واتحرك احسن من الاول
اگوم اغسل ملابسنه اني وياا واشيله اگمطه
وره اسبوعين اجه صگر من سمعت بيه جاي رف گلبي عليه
مشتاقتله حيل ...من گال عمي يريد يشوفكم
انطيته الولد وكتله وديه اله اني ماعندي شي ويااه
وهذه الصح اولا السواه مو قليل اله اندمه وثانيا هوه طليقي
ميجوز اشوفه ماعرف شلون عمي ساكت
راح ورجع گال صگر مصر ويريد يحاچيج امشي يابويه
اسمعي منه لا تعاندين
لبست حجابي ...ورحتله من دخلت كلت السلام عليكم
بس ما باوعت بعينه هوه گام عله حيله والولد بيده
تقدم واطانيا اخذته منه وبسته وگعدت بعيد عنه بس هوه اجه يمي

شلوونچ ؟
الحمدلله
خما بعدج متوجعه ؟
لا صرت زينه
رفعي راسچ ..اشوفچ
ماحچيت ...رجع گال هيچ صايره تكرهيني
هم ماحچيت
والله حقچ بس اطيني مجال افهمچ واحچي ...ماتردين تسمعين
هزيت راسي اي ماريد اسمع
زين رفعي راسچ اشوف عيونج اشتاقيتلهن
ضعفت گدام نبره صوته الهاديه ورفعت راسي صارت عيني بعينه
اوووف شكد مشتاقه لملاح وجه عيوونه حمر وذبلانه
وجهه تعبااان حيل...
خنگتني العبره وعيوني دمعت درت وجهي ماردت اضعف گدامه

شبيچ ليش تبچين ؟
ماابيه شي
باوعيلي شبيچ
مابيه شي بس عوفني
ماعوفچ وهسه دگولين شبيج
يعني كل هذه الي صار وتسألني شبيج ب سهوله تريدني اسامحك وانسه

لا تسامحيني بسرعه بس اسمعي مني
وبده يحچيلي الصار وخطط زهراء وحقارته واني مصدومه
وممصدكه توصل بيه الامور لهنا واني ممسويتله شي اصلا
خلص كلامه ورجع گال ادري هذه مو سبب حته تسامحيني
وادري جرحتج وادري اذيتج كسرت الثقه البيناتنه
بس والله احبچ واموت عليچ ويشهد ربي بلياچ ضعت
كل يوم ادعي الله يدليني طريقي ويخليني اجتمع بيج
ادري مالي حق اطلب منج ترجعين اليه ....اذا مولخاطرنه لخاطر وطن

اكلك شو انته استلمتنه وطن وطن منو كلك اسميه وطن

هاا لعد شنسمي غير وليدي الچبير اسمي عله اللقب الماشي عليه

بس اني ماعاجبني نغيره

نغيره ليش لا كلشي ولا زعلچ ...باسني بخدي

عزا ..شوماتسحتي

شمسوي هيه بوسه بخدج مو زين مااخذت من غير مكان

بس حرام عليك تره انته طليقي

من گلت هيج شفته ضاج ودار وجهه ...شبيك ؟

بداعتي بعد لدكولين هاي الحچايه

بس انته فعلا طليقي

شحجيت هسه ...شبيج انتي

عفته وكمت لان بس ابقه يمه اكثر يجوز اذا كال امشي نروح هسه اروح
وياا

وين رايحه

ابنك وشفته بعد شرايد ومره ثانيه من تجي اترجاك لدز عليه
ماريد اشوفك اطلع من حياتي ...

مو بكيفج والله اجي وتجين يمي غصبن عليج ومااطلع من حياتج
بطيب بلغصب نعقد ونرجع لبيتنه فاهمه

لااا بله ،، نعقد ونرجع لبيته مو هوه بكيفك حته عررس مثل الناس مستخسر تسويلي