باعي حبي..اهلج الهم حق يرفضون
لأنو خايفين عليج مو كل شخص طلك مرته وراد يتزوج ثانيه رح يسعدها ..هالتفكير غلط☹️💔
يجوز ياخذ ثانيه..حته يحرك كلب الأولى

هسه يكلج..عندي مشاكل وياها ومقصرة
وموزينه وطلكتها..منو يكول هالحجي صح؟؟
يجوز هو موالزين او يجوز من نوع اللي يحب يغير بالنسوان او يجوز يحب يتزوج اثنين وثلاثة..واللي ماعاجبها تتطلك🤦‍♀
او يجوز منا اتزوجج ومنا انحلت وضع وي الاولى واتصافو وراد يرجعها..او هي تسوي سحر وترجع غصبا عن الكل

اهواي اكو امور...مخفية عنج ..فالبيوت اسرار ..متدرين بداخل البيت اشديصير
طبعا مرح يكلج بمساوءه ويحجي بس الزين حته كبل تقبلين بي

دايما الانسان من يريد يقرر بشي كون يفكر بالأسوأ💔..حته واحد يعرف شيتصرف ليكدام ولاينصدم باجر عكبة

فبالزواج ينرادلج تفكير وتعمق..لانو هاي حياة رح تعيشيها طول عمرج..مو فد نستله حته تكدرين تبدليها
فكري بعقلج وعوفي عواطفج👍

#ملوكه

#عــشٰــگ_الـشــيـخ

#البارت الثالث عشر

كعدت الصبح هوه ماكوو باوعت ملابسه العسكريه مموجوده
نزلت جوه وماما گالت التحق ضجت حيل ...دائما يلتحق واحنه عله خلاف
خلصت ريوك ونزلت شمس بدينه تنضيف اني وياهه
نسولف ونظحك يخلص الوقت شويه انسه واجتي ماما گالت
يلا يمه همن ايدچن جاينه خطار

شمس منو يمه
يمه بيت عمج ابو صادق
ليش ؟؟
مادري يايمه ابوج كالي حسبي حسابهم
عشك كولهم ؟؟
ايي
وفعلا خلصنه التنظيف وبدينه بلغده وهمه دخلوو
سلمنه عله عمه ام صادق وراهه بتهه البومه وجنته زوجه صادق
وبلباب واكف محمد اهووو هذه شجابه درت وجهي ماردت اسلم
بس هوه احرجني وگال شلونچ خوويه بصوت عالي
اضطريت التفت وارد السلام

عشق؛ شمس فدوه اذا صكر عرف بيه مسلمه عليه يذبحني
شمس ؛عوفي كلشي وصعدي فووك مالج شغل
توجهت للدرج ردت اصعد وصاحت ام صادق وين ؟
بسم الله تونه طبينه وشردتي ،،اهووهاي شلون شغله
ردت احجي وشمس جاوبت لاعمه موشردت بس خطيه تعبانه
تدرين بيهه مريضه وايدهه لهسه مطابت

هااا مريضه وشبيهه ايدهه بله؟؟
بقينه اني وياهه وحده تباوع بوجه الثانيه ردت ماما
خطيه
جاي تسوي چاي لرجلهه وتزحلگت وگعت عله الگلاص
يااا شمالج ماتشوفين
ياااربي هاي المرة شغلته بالحياة بس تذب سم عله الناس
شمس: لاعمه بس لان عدهه فقر دم قوي اتدوخ بسرعه
ياا فقر دم حسبالي حامل
گالته بستهزاء ضوجتي حيل شمس دفعتني وأشرلتي صعدي فوگ
صعدت واني دمي فاير اموت واعرف شبيهه وياي ليش هيج معاديتني
دخلت ودفعت الباب بس ماطبكته رتبت الغرفه ومسحتهه
لزمت الريمونت ونداريت لتلفزيون افتح قناة قرأن راح تصير الصلاه
وضهري للباب خليته الريمونت والتفتت وشفت محمد واكف بلباب
عزه العزاني طفرت من شفته وروحي راحت هذه شيسوي هنا
وحجاب ماكو عله راسي بقيت جامده بمكاني يباوعلي ومبتسم
تجرأت وگتله تفضل رايد شي ؟؟

لاا بسس جنت افتر هناا وكلت اشوف غرفه ابن عمي بعدهه كما هيه
لوتغيرت من تزوجج ،،،اووف صددك المرة من تدخل الغرفه
تصير تختلف واحلا الواحد يتمنه بعد ميطلع منه وغمزلي

ياادبسزز شلون يحجي ماكدرت انطق كلمه وعرفت ليش صگر
ذاك اليوم عصب من شافني ويا

جسمي كوله صار يرجف خفت حيل منه بصوت يرجف گتله
بلا زحمه اطلع بره

ههههه ليشش هيج اخووف اني

عفييييييبه اطلع بره

واذا ماطلعت گاله وعض شفته تقززت منه حيل شكد طايح حظ

بهلحضه صار الي ماچنت متوقعته صگر واگف وراه ويباوعلي
بقيت واگفه بلا حركه حته النفس گطعته من شفته

محمد شعندك هنا
من سمع صوته فز وتوتر
هاا لا مااسوي شي بس جاي اروح لغرفه ذوالفقار ونسيت وين مكانه
ودخلت ولكيت بت العم وسألته مجاوبتني
هوه يحجي واني احس روحي بادت اذا يمرني الهوى اوگع
دخل وصار گدامه وگاله من شوكت صارت بت عمك شومادري
وغرفه ذوالفقار ذيييج تشوفه من رخصتك اريد ارتاح
طلع بدون كلام وصگر سد الباب عله كيف وقفله والتفت عليه
عيونه تطلع ناار

صگر ‏ ..بس بس اسمع
خلي اشرحلك
اسولف ويا وهوه يتقدم عليه خطوه خطوه وعيونه تريد تفترسني
صار قريب عليه دنگت وبعد ماحچيت
يي فهميني بله ؟؟
ماحچيت شي احس الكلمه متطلع وعيوني كامت تجري
موو احچي وياچ ؟؟
ماگال شي فدووه بس اهداء
عاط بيه بصوت رج البيت احچيييييييي ؟؟
والله واگفه هنا وهوه دخل ويگول اريد اشوف غرفه ابن عمي

بعد الزواج وبسس
وبسسس؟؟ عليه هذه الحجي كملي وبعد
ما م ماكوو بس هذه وغم ..... وسكتت تلاحگت نفسي لزمني من ايدي وجرني
غمزلج موو وبعد شسوالج ؟؟ عيني بلگاع وابچي بلا صوت
توقعت راح يموتني بعد مابيهه مجال من شافني ماحچيت ترك ايدي بقوه
وراد يطلع عرفته ناوي شرر ركضت عليه لزمته
فددوه صگر الله يخليك خلي يولي

عوفينييي
مااعوفك لحد ما تهداء خلي يولي عييب منا عمه ام صادق
احچي يااا واحسس جسمه ينتفض من عصبيته
سحب ايده بس ماعفته صگر ابووس ايدك الله يخليك
مااحسس اله دفعني حيلل وصاح گتلچ عوفيني رجعت اليوره
وگعت عله الگاع وتلگيته بأيدي المجروحه
حسسيت روحي طلعت من الوجع وشهگت حيييل
وماگدرت احرگ ايدي هوه من شافني هيچ انصدم واجاني يركض

شبيچ شبيچ ؟؟
الوجع احسه بگلبي رفعت ايدي وشفته كوله دم عرفت الخياطات انفتحت
جر ايدي بسرعه وفتح اللفاف منظر ايدي ابد موحلوو
هوه من شافهه هيج تخبل گومني وگال لبسي شي بسرعه
امشي للمستشفى ....ماكدت اتحرك وحسيت راح اوگع
گعدني عله الجربايه وصاحح لشمس صعدت هيه تركض
من شافت ايدي لطمت عله صدرهه يمااا شبيه ايدج
بدوون حجي زايد شمس لبسيهه عبايته لبستني واديهة ترجف
نزل هوه قبلنه ولزمتني ونزلتني چانو كاعدين بلأستقبال محدشافنه فتح
باب السياره وصعدت وركض صعد هوه وطار بينه للمستشفى
دخلنه والاطباء من شافو صگر بلزي العسكري كولهم ركضو علينه
شرحلهم حالتي نريد ندخل جوه وشافنه الدكتور الي سوالي العمليه
اول مره وبقه يحچي علينه ويلوم ويگول ليش هيچ
دخلت بغرفه العمليات اووف ياربي هم اعيد نفس التجربه
صگر اصر يدخل وياييه

كعدت وظربني الدكتور ابر البنج وبلش يشتغل بيهه بسرعه
لان تنزف

هواي بعده البنج مماضي بأيدي
من يسحب الخيط القديم احسه يسحب روحي
ومتت من شافني صگر متأذيه اخذ ايدي ولزمهه
صرت من اتوجع اضغط عليهه شبعت بچي بين ماخلص
ولفهه ورجع عاد نفس لحچي وشدد عليه وگال احتمال چبير يبقه اثر
تشوه لان الجروح ابدايه الشفاء وصار تمزق
طلعونه للغرفه وشكلولي مغذي وابر كالعاده بده مفعول البنج يقوه
والالم خف حيلل تمددت شويه وگعدت استحيت منه لان عينه عليه

مخلاني اخذ راحتي لح حته اتمدد ماقبلت كتله مابيه شي
تلفونه ماسكت ابد لاكن هوه ماجاوب كل مره ينطي رفض
خلص المغذي وكتبلنه الدكتور علاج وطلعنه
صعدنه وحرك السياره وكل شويه يلتفتلي لازمه ايدي ومدنگه
استحيت حيل تذكرت شلون ابچي مثل طفل زغير گدامه
وصلنه للبيت شمس بقت تحجي وتلوم بصكر لان مجاوبه وطمنهه
ماما ظلت تسال ليش انفتحت من جديد ام صادق من شافت صگر

شلون معصب مانطقت كلمه صعدت فوگ وذبيت العبايه
وگعدت اباوع لأيدي وابچي عيوني گمت ماگدر افتحهن هاجت جروح
گلبي مو بس ايدي تمنيت ارجع لاهلي تمنيت اهج مناا
دخل هوه مسحت دموعي وسكتت گعد يمي واخذ ايدي
بعدهه توجعج ؟؟
ششويه
شربي علاج ونامي
اممم
رفع راسي بأيده وگال موكافي بچي راح تموتين
من گال هيچ انفجرت بلزايد وخليت ايدي عله وجهي
تقرب مني وحظني اشششش كافي بسس ...
خليت ايدي عله صدره شويه وهديت
گال هذه محمد انه اعلمه....رفعت راسي بسرعه
لاعفيه خلي يولي

معليج انتي اني أئدبه بطريقتي يتوب بعد ميتعده عله حرمه غيره
رفع الغطه وكال تمددي اسبح واجي
تمددت وتلفونه دك جاوب وطلع اتصال من الدوام كالهم مااجي ليوم
عندي حاله طارئه
دخل يسبح وطول بلحمام غفيت مادريت بنفسي
گعدت واحس بثگل عله بطني فتحت عيني وشفته نايم يمي
ومخلي ايده جوه راسي والثانيه عله بطني
بقيت اباوع لوجهه انجذبتله حيل رفعت ايدي وتلمست خده
لحيته طويله نسيت نفسي وتلمست شفايفه
فتح عينه وابتسم من الفشله انطيته ضهري وغطيت وجهي
هوه سحبني وقربني منه
انتي لوتيه گعدتيني وطفرتي
مووقصدي والله
مالي شغل تحملي العقاب
خله وجه برگبتي وباسني دار وجهي عليه ...دگ تلفونه
مد ايده اخذه تغير شكله طبگ حواجبه وگام من الفراش
انطه رفض رجع دگ انطه رفض وصلت رساله قراهه وگال
استغفر الله گام طلعله ملابس يبدل
بقيت اباوعله ماعرفت شبيه
اتصال من الشغل
لاا
لعد؟؟
باوعلي وگال ليظل بالج ماكوو شي طالع بشغله
شلون ميظل بالي شايف وجهك شلون تغير طلع بسرعه
صعدت شمس
شلون صرتي
الحمدلله احسن
ليش انفتحت ايدج
حچيتله عله الصار وعصبت حيل بقت تغلط عله محمد
وگالت لتنزلين صگر گال خلي تبقه فوگ بين ماارجع
نزلت شمس وبقيت وحدي فوگ شلون شغله تعبانه منين طلعلي محمد انوب
اسمع صوت ظحكهم وسوالفهم جوه ردت انزل بس خاف اشوفه
لهيت نفسي بلتلفزيون صارت الصلا كمت صليت وشمس صعدتلي
العشه بقت شويه ونزلت صارت ١٠وهوه ماكوو
شسوي حته تلفون ماكو اتصل عليه
گلت اطلع اروح لشمس اخليه تتصل عليه واطمن
باوعت محد موجود مشيت باوعت من الدرج وصحت
شمس ماسمعتني شمسسس ؟؟ چان يطلع محمد من الصاله
مبتسم هااا رايده شي ؟؟من شفته خفت ردت ارجع چان يدخل
صگر شافه يباوع فوگ بس مشافني
ركضت للغرفه وقفلت الباب وگعدت وگلبي يدگ
سمعت صوت صياح جووه ،،يمه بس لا تحاچه وياا
فتحت الباب شويه واسمع صوت صگر يرج رج
ماتستحي ادبسزز هاي اخرته هيج تسوي بيه ويضرب بيه
وماما تصيح عليه
وعمه ام صادق هم وصارت هوسه
ام صادق اكيد هاي الحيه مرتك وزتك اليوم اجينه وهيج استقبلتونه بعد اسبوع شيصير
عمه بلا زحمه لبنيه لدخلينه بنص شوفي ابنج شمصخم
شمسوي هلمسكين كاعد وساكت بلبيت سوده عليه محمد منين تتلكاهه
ماما ولك يمه صگر عوف الولد لاتموته وحاجيني شمسوي
كولي شنو المامسويه اني تالي عٍّــمـٍّـري تجيني شكوه بلمركز
من ولد عله ابن عمي ويكول متهجم ماعرف معتدي عله بنيه

ام صادق صخام صخمني ياهو هذه المقدم شكوى
شمعرفني دسألي ابنج الشفيه كل خير مابيه لاشغل ولاعمل
مخلصه يلاحگ وره بنات الناس
بقو جوه يتحاجون شويه واجه بابا صاح بصگر وام صادق تبجي كامت
وماما تهدي بيهم دخلت وقفلت الباب
ابتسمت فدوه لگلبه صگر اخذ حقي بس بطريقته مثل ماگال
ماعرف ليش فرحت حيل واخذني الحماس كمت غسلت وجهي
وطلعت دشداشه قصيره وحلوه لبسته مشطت شعري وتركته مفتوح
مكياج خفيف خليت تعطرت وگعدت انتظره شويه وندگ الباب
مسحت الابتسامه من وجهي وسويت نفسي متوجعه
فتحت الباب مباوعت بوجه ورجعت لنفس مكاني اباوع لايدي
هاا شبيج
مابيه بس ايدي اذتني حيل
اخذتي علاجج تعشيتي ؟؟
هزيت راسي
هسه شويه تصير احسن طبيعي توجعج مثل اول مره
لان يعتبر جرح جديد
امممممم
نزع ملابسه ولبس دشداشه
شنو الصوت الجوه
ماكوو شي
شلون ماكو شي وصوتك يجيب التايه
صدگي ماكوو شي
اجه وگف گدامي رفعت راسي وگتله تعشيت ؟؟
بقه يباوعلي وماحچه شي استحيت بس گلت مانزل عيني
ابتسم وگال طالعه حلوه
عبست وگتله يعني اني موحلوه
ههههههه لا مو هيچ قصدي بس وسكت
بس شنو ؟؟
لتهتمين واي تعشيت واجه گعد يمي

وگال بعد لتنزلين جوه
لحدما أجي من الدوام بيت عمي باقين عدنه چم يوم عدهم بناء ابيتهم وابوي
گايللهم يجون هنا انتي ابقي ارتاحي علمود ايدج
الله ستر اليوم وعدت عله خير
وهذه محمد معليج بيه وبابج يبقه مقفول تردين شي تصيحين لشمس
ماشي ؟؟؟ تمام
اسألك سؤال بس متضوج
اسألي يابه
منو هذه الجاي يتصل بكثره وكلمره تضوج وتطلع
من گلت هيج ضاج ودار وجهه
هذه واحد هسه يلا صحه عله زمانه چان نايم
التفتلي ورجع گال هيج يبين عله وجهي

حييل
لا گولي انتي مركزه بوجهي ههههه
يعني ميصير اباوع بوجهك ؟؟ حرام
بقه يباوعلي مصدوم ماعرف ليش ضجت ونقهرت حسيته محاسبلي حساب
گمت ردت اروح للحمام جرني وگعدني وتقرب يمي
باسني بخدي
يصير ونصً تقدم وباسني بشفتي دفعني عله الجربايه وتمدد يمي
ورجع باسني تجاوبت وياا شعوري ويا يخبل ذبت بيده
بيده يمرر عله جسمي ولمساته جريئه
صار يلمسني من كل مكان
شويه وگام من يمي ؟؟؟
اخذ تلفونه وطلع واني مستغربه من رده فعله شبيه ؟ليش هيچ سوه

يتبع...

#عــشٰــگ_الـشــيـخ

#البارت الرابع عشر

بين الحلم والواقع وگعت اني بمنطقه الحيره والصدمه
اكو شي بيه ضوجه ؟؟ وگام بسرعه الف فكره صارت براسي
شعور مقرف ومزعج الي احس بيه حاليا
وعيت عله صوت شمس وهيه دگول شوشه وين صافنه
هاا شموسه
شبيچ وجهج اصفر متوجعه
لا بس صگر جوه
لا طلع ليش
اريد اگلچ شي
گعدت يمي وگالت احچي
سولفتله كولشي ماعندي حل ثاني غير شمس احچيله بلكي هيه
تعرف شنو مشكلته بس ماعرفت منه شي
مرت ايام واني وياه بينه السلام وبس يأذيني من يتجاهلني
الصوچ بيه المفروض ماتوقع منه شي هوه وين واني وين
بيوم دخل يسبح وترك تلفونه وكالعاده ماسكت ابد صار عندي فضول
وگمت شلته وقريت محادثااات مطوله ويه رقم غريب ومبين الشخص الثاني
بنيه زوجته اكيد كلام غزل وحب من طرفهة بس رد صگر طبيعي
رحت لاخير المحادثه وعرفت تريد ترجع بس هوه ممجاوب

شسوين ؟؟
فزيت من سمعته گال هيچ وعيونه خازرتني
عفت التلفون ودرت وجهي بدون كلام رجع گال
مو احچي وياااچ ..بصوت غضب
مااسوي شي
ليش لازمه تلفوووني
التفت عليه وعيني بعينه گتله ممكن اعرف شنو مشكلتك ؟؟
تتقرب مني وفجأه تتركني وتطلع اكثر من مره سويت هيچ
شتريد مني لوين تريد توصل انته شمعتبرني هنا
ماحچه شي لبس ملابسه وطلع واني بقيت بمكاني ماعرف شسوي
بليل رجع وبيده علاگه حلويات وفواكه خلاهن يم رجليه
جنت متمدده اباوع تلفزيون وگال تعشيتي لو لا مجاوبت
اخذ الريمونت وطفاه ورجع گال موااحجي وياج ؟؟
باوعتله بطرف عيني وهم ماحچيت ...دفع الغراض وگعد وگال
شبيچ ؟؟ مابيه شي ،، ليش متجاوبين لعد
يعني من تسألني لازم اجاوب بس من اسألك تسكت موو
دار وجهه وگال استعفر الله
يبت الحلال تره واصلنه لهنا ويأشر عله خشمه لتزيدينه عليه
ليش اني شسويت انته منتبه لنفسك هاي الفتره شلون تعاملني
اني شنو بلنسبه الك موقعي بحياتك شنوووو فهمني حته اعرف اتصرف
گام وباسني براسي وگال انتي زوجتي والج حق بيه حالچ حال الاولى
بسس انطيني مجال اصفي دماغي ذب ملابسه ونام وكأنما ماكو شي
بقيت الليل كوله گاعده احترك وحدي محد يدري بحالي اختنگت
نمت الصبح .....وگعدت متأخره صار هوه ريوك هوه غده
كلامه بليل خلاني بحيره وحاسه عنده شي وراه مصيبه والله يستر
ساعه ب٤العصر گاعده واسمع صوت هلاهل جووه تفاجأت شكوو
طلعت بره واسمع صوت ام صادق دگول مبروك يمه الف مبروك
عفيه عليك زين سويت من البدايه ورجعهه وحل المشكله
وبته دكول هسه نور البيت يحبيبه مشتاقين والله
بس ماسمعت لاصوت شمس ولا ماما منو هاي ؟؟؟؟
گلبي نغزني وعرفت هاي زوجته بس ماردت اصدكك اله اسمع منه
لوااشوف بعيني
رجعت وقفلت الباب وكأنما ماريده يجي ويصدمني
اندگ الباب ....بس الدگه صارت بگلبي گمت عله عمه عيوني وفتحته
صگر شافني رفع راسه وابتسم ....الله يستر من الراح اشوفه
گال لبسي حجابج وتعاي ويايه
ويبين ؟؟؟
امشي ومعليچ
لبست ونزلت وياااا واحس ماخذني للاعدام جسمي كله يرجف
نزلنه واخذني للاستقبال وگفت بلباب ماگدر افوت خله ايده وره ضهري
ودفعني دخلت وهوه ورايه
ماما وشمس وبابا وام صادق وبته گاعدين كلهم ماشفتهم
عيني راحت عليهه ...گاعده بنصهم احس ريگي يبس
لابسه دشداشه ربع ردان وفاتحه شعرهه اصفر وعيونه خضر
والمكياج فوووول كولش حلوه تباوعلي بطرف عينه وتهز برجله
گال صگر فوتي ...مشيت وياااا بدون كلام
اشر عليهه وگال هاي زوجتي زهراء
يمكن بذيج الساعه اذا انذبح قطره دم مايلكون بيه بسبب الموقف الي بيه
ورجع باوعله وگاله هاي عشگ ...هزت راسهه
كالت ام صادق دتعاي بوسيه سلمي عليهه شبيچ واگفه تمثال
حرجتني ونجبرت اتقدم واسلم عليه وطبعا هيه مكلفت نفسه وكامت
باوسته وهيه گاعده انداريت اشرتلي شمس تعالي يمي
تقدم عليه وبعيوني اگوله شنو الي ديصير ؟؟؟؟
گعدت يمه لزمت ايدي حيييل وگالت ...خرب حظج
ماعرف شلون سيطرت عله نفسي ومابچيت بده عمو يحجي
بابا زهراء بابا عشگ انتن هسه صرتن اخوات واثنينحن بناتي
ابيع صگر واشتريجن واعرف انتن حبابات وماعدجن سوالف موزينه
كبرن عقلجن بويه وتركن كل المشاكل عله صفحه ...هذه بيتجن وانه ابوجن
صگر ساكت بس يدخن جگاره اباوع ام صادق لازمته وتبوس بيه
ماما مدنكه راسه وعرفته مراضيه بلوظع وهيه تباوع للكل بتعالي
مبينه من نضرته مغروره
رجع بابا گال واكيد صگر راح يعدل بينجن ليله بيته وليله هنا
ردت هيه من يمه لا عميي احنه راح نعيش هنا
من گالت هيج الصدمه بانت عله وجوه الكل عيني صارت عله صگر
ماعنده رده فعل معناهه متفقين عله هذه الشي ...سكت عمي شويه
ورجع گال هلا بيكم البيت بيتكم وطلع من الاستقبال
وطبعا ام صادق وبته استلمنه مباوس ومحاضن عبالك هنه امهات البيت
ماما باركت الهه بس احسهه مفرحانه حيل شمس بس تباوع الهم
گام صگر طلع وهيه گامت وراه
ام صادق زين يسوي صگر من رد مرته ...مريته وام بيته اوله بيه
ماما :الله يهديهم ويستر عليهم شنريد احنه
يباوعن اليه بستهزاء والضحكه ماليه عيونهن شنو هلحقد الي عدهن
شمسويتلهن وهيج شايلات عليه ؟؟
عفت كولشي وصعدت

فوگ ولگيتهم گدام الغرفه يتجادلون
من شافتني گلتله غير غرفتك واني اول وحده اوله بيهه
رد عليهه گتلچ انتظري افرغ غرفه ذوالفقار واجيب لغرفه ذيج وتگعدين
بيهه ...اني مو حچيت هيج وگتلج اطيني جم يووم

تقربت عليه وحضنته ...يعني شسوي اذا مشتاقتلك وانته حارمني منك حرام عليه اشتاق لزوجي واريد قربه

لا حلال بس عشگ گاعده بهاي الغرفه صار اشهر ميصير اطلعه منه

گتله عاادي خلي تاخذهه الغرفه واني اروح يم شمس
التفت عليه وخزرني ..باوعتلي بطرف عينه وگالتله شووف هيه موافقه

هذذذه اخررر كلام عندي ترجعين لبيتج بين مااجهز هاي الغرفه
عافنه ونزل بقت تباوعلي من فوك ليجوه عفته ودخلت
هسه يلا توظح اليه سبب ابتعاده عني كل مره يتقربلي
اصلاا عادي المفروض اتوقع هيج من البدايه زوجته من خمس سنوات
وحبيبته .....💔💔💔

بقيت بغرفتي يومين مانزلت جوه ولا هوه صعدلي راح للدوام جان كل شويه يسألني
عله ايدي هسه أنسيت ...ماعرفت خلال هليومين هيه وين بقت
من تصعد شمس متحجيلي ولا اني اسأل
كل دقيه تمر احترگ واموت الف موته شبيه گمت اغار من زوجته
هيج حبيته بسرعه ؟؟؟
ثاني يوم صعدت شمس الضهر وگالت ذوالفقار جوه يگول صگر مخابره
حته ياخذج يفتح خياط ايدج
ظحكت وهزيت ايدي گالت شكوو

اخووج چان ميخليني اوگف يم ذوالفقار وهسه دازني بيده للدكتور
تطور عجيب

يجوز مشغول ،،

لامشغول ولا شي بس هسه بين هوه شنوو واني شنو بالنسبه اله
قبل لتجي زوجته چنت بعينه مجرد مرة يريد يخلص وقت ويايه

ليش هيج تكولين انتي متعرفين شنو مشاعره وشنو اباله

مبينه ذيج هيه شموسه ماكوو داعي اعرف شي

زين احجي وياا سولفيله

وليش هوه ميحجي ويسولفلي ليش لازم اني اتنازل

ماعرف شگلج شوشه اني حايره اكثر منج ليش رجعهه وليش بهلوقت
وشنو هالتغير المفاجاه بعلاقتهم مادري ديله لبسي حته ترحين

لبست ونزلت جوه وصوت ظحكهن هيه وام صادق واصل لبره
طلعت وشفت ذوالفقار منتجي عله السياره يتصفح تلفونه شافني وكال
هلاااا والله

هلاوو ذوالفقار شلونك

الحمدلله شلونج انتي ....ويييييه
ويأشر براسه لجوه

هههه ماكوو شي سلامتك

ان شاء الله ماكو شي ..يلا عيني نمشي

يلا

صعدت وهوه هم حرك ومشه ..شويه وكال ايي عيني الشيخ صكر
عاف الفصل وخابرني مخصوص حته اجي اخذج افتح الخياط
بعد شتردين ..

يعني هوه خابرك ؟؟
لعد شلون اجيت اخذتج شمعرفني اني
اممم ،،،تسلم
لايمعوده عله شنو قابل شمسوي ..
وصلنه والدكتور فتح الخيط وانطاني مجموعه كريمات حته يخف الاثر
ورجعنه بالطريقه
ذوالفقار كل شويه يلتفتلي واني صافنه افكر بالي صار وحيل ضايجه

يمعوده هونيه وتهوون
هاااا
ههههه بالج وين
هه مادري
هههه حقچ والله الصار موشويه ومبينه شغله غيره
هيج اني حلوه وشخصيه مهمه حته تغار مني وتقرر ترجع بعد كل هلوقت

عله فكره تره الجمال مو كلشي وايي انتي شخصيه جدا مهمه
واذا قررت ترجع فاكيد حست بتهديد من طرفج
ووو ..انتي حلوه بس ماعندج ثقه بنفسج

شكرآ هذه من ذوقك
لا ذوق ولا شي تره احچي الصدك
ذب حسره ورجع گال لو انتي زوجتي قسم بالله لضمج بغرفه حته محديشوفج وابيع الدنيا علمودج

عزه شيگول ؟؟
من كلامه توترت ماعرفت شگول بس اذا ابقه ساكته عباله راضيه
بالي يحچي

ان شاء الله تلگه وحده تليق بذوقك
بس اني ماريد اي وحده.... هيه وحده واخذت عقلي
شنوو قصدك
مبين قصدي يعشگ ...
ذوالفقار الله يخليك
انتي الله يخليج اسكتي ولاتعارضين اذا ضايقتج بيوم ساعته اعترضي
عوفيني عايش حلم ادري بيه مراح يتحقق ...هذه الشي موبيدي
اتمنه متلوميني

ماتجرأت اباوع بعينه احجي وياه وعيني عله الجهه الثانيه كلامه خله
گلبي يدگ
لمت نفسي لان عجبني الي گاله بس اني بنيه وبعدني زغيره
محتاجه حنان رجال وكلام حلووو مو كافي العشته بزواجي الاول
رغم هلشي ضميري أنبني لان ارتاحيت لكلامه
بقيت ساكته ماحجيت خاف تطلع مني كلمه ويفهمه خطاء
قبل لنوصل بشويه گال
مراح اگلج انسي كلامي ولا راح اگلج خلي هلشي ابالج
الي تحسين بيه احچي اليه وصارحيني اترجاج

حسيته عرف الي بداخلي وتمنيت الكاع تبلعني صدمه وره صدمه
جاي اعيش هلفتره
دخلنه الفرع ومن بعيد لمحت عيني صگر واگف بلباب وشكله ضايج
شكوو انوب
وكفت السياره فتحلي الباب ونزلت.
بـٰـ۶ٰــدنٰـْيہٰ ممسلمه گال ليش تأخرتو جاوبه ذوالفقار
غير مستشفى وازدحام يعني شنسوي
چان رحتو للدكتور رأسآ وهوه يدخلكم

صگر مستشفى ابوي هوه ؟حته لو نروحله غير عده مراجعين غيرنه
كلام ذوالفقار صح بس ميگدر يسكت زمخ بيه فوتي جوه
فتت بدون كلام ...هوه هذه المحصلته اذا تغار شكوو توديني وياا
تلگتني شمس وگالت هااا شبيج ادردمين
اخووج مريض
ههههه عفيه انتو بله ايدج اشوفه
ايي زينه الحمدلله بس بيه اثر

ايي انطاني الدكتور كريمات للاثر

طلعت زهراء تتمشه وشامره الشال هيج عله شعرهه وراحت بره
شافه وصاح بيهه فوتي جووه وين طالعه
عفتهم ودخلت صعدت بدلت ونزلت لان محمد صار كم يوم ماكو
اكيد صگر مراح يحچي ..وطبعا استلمتني ام صادق بسامير
عفته ودخلت للمطبخ ويه شمس نسوي عشه

خلصنه ودخلت وديت لبيبي عشه جرتني وكعدتني يمه اتعشه
گالت حته لا تضوجين من كلامهن الصراحه احسن كيفت
وبقيت يمه شويه ودخل ذوالفقار گعد گال انه هم اتعشه يمجن
بيبي گالتله هلا بيك
بقيت اكل گوه وهوه وبيبي يسولفون ويظحكون
انفتح الباب ودخل صگر من شاف ذوالفقار گله ليش كاعد هنا

ادري وين گاعد بحمام نسوان يم جدتي ومره اخوي
ليش ماجيت هناك يمنه؟؟
بعد صارت
ورجع يكمل عشاه اني اللگمه وگفت بزردومي
وهوه واگف خازرني ادري شعليه اني قابل اطرده
شويه وطلع سحبت ايدي انسدت نفسي انتظرت خلصو
اخذت الصينيه وطلعت تلگتني ام صادق
شبينه عيني ماتاكلين ويانه نبزز
لا خاله بس بيبي وحده خطيه وگلت اگعد وياهه
طلع ذوالفقار
باوعتله مستغربه ورجعت كالت بيبي ضايجه موو ايي والله صدك
راحت غسلت ورجعت خليت الصينيه ذوالفقار كال معليج بيهه
هزيت راسي بأي
سويت چاي وخليته
وشمس تشيل المواعين واني افرغ وارتب عله السنك
اجتي زهراء وگفت بلباب وتباوع علينه
غسلنه المواعين خدر الچاي حضرت الستكاين
وجاي اصب چان هيه تجي وتاخذ القوري عوفي اني اصب
هاي شبيهه عفته ونداريت صار صگر بوجهي اممم عُلم السب
رجعت اغسل ويه شمس
حسيت ايدي وجعتني ...شويه شمس كالت عوفي الباقي ونشفيهه
گتله اي ....اخذت الخاولي وانشف بايدي گال هوه شبيهه ايدج
مابيه بس شويه وجعتني احجي وعيني ع ايدي
تقدمت هيه وانطته چاي وگالت وشبيه هيچ مجروحه ؟؟
شجاوبهه ياربي
گاله صگر وگعت عله الگزاز ونجرحت
امممم ..اششوف بله
رفعت ايدي بوجهه هاي گلبت وجهه وگالت ايييععع هاي شنو شصاير
بيهه نصيحتي الچ روحي سويله تجميل
ردت عليه شمس عله كيفج عيني هوه جرح

واذا هاي لوااني چان سويت عمليه تجميل لو تصير مليون
هايي انتي مو شوشه
صاح بيهن صگر كافي شمس رجعت تغسل وهيه گاله مو صبيتي چاي
ودي لايبرد
طلع واخذت الصينيه وركضت وراه

شموسه مماكو داعي تحچين وياهه هيج علمودي
لج انتي سمعتي شلون تحجي عبالك بيج اعاقه دائمه
عوفيهه ليش تخلينه تكرهج
ههههه علساس هيه تحبني دخليني ساكته يمعوده
شفت ماكو شي بعد صعدت فوگ نضفت الغرفه ودخلت للحمام
بس طولت عبالك صار سنه مسابحه بسبب ايدي
خلصت لبست البرنص وطلعت بعدني انشف شعري ممبدله ندگ
الباب گلت منوو؟؟؟ انه صوت صگر
فتحت الباب ومديت راسي عبالي ميدخل
افتحي الباب ...ليش ؟؟
ههه دفتحي اريد افوت
موو ..موو ممبدله بـٰـعدني
ميخالف افتحي
اضطريت افتحه واصير وراه البرنص قصير
دخل يباوعلي من فوگ ليجووه عبالي عندج شي هسه انتي خاتله
علمود هذه
ماحچيت ...
ركز بوجهي وگال ليش عيونچ حمر ؟؟ چنتي تبچين !!
لا يمكن لان طولت بلحمام
گعد عله الچربايه وگال اكو ستره وبنطرون رصاصي
بلكنتور اريدهن
بقيت واگفه اذا امشي يشوفني
مواحاچيج !! هاا. اي صار
مشيت بسرعه للكنتور وهوه ماشال عينه فتحته وطلعتهن ونداريت مديتهن
اله من مكاني
خووش تحترمين جيبيهن لهنا
اهووو ...خليتهن عله جسمي غطيت بيهن رجليه ورحت اله
اخذهن وخلاهن يمه گال هسه انتي خجلانه مني علمود رجليج طالعه
ماحچيت ...لزم الحزام مال البرنص وراد يسحبه صحت هااا
هههه وجعا ... مواحجي شبيج ساكته
اي اي علمود رجليه گام وتقرب مني وگال يعني ذاك اليوم مااستحيني
لمن .....بس هسه استحيتي
دنگت وهم ماحچيت
تحچين لو افتحه وانزعج والله ...شنو شتريد ؟؟
جاوبي
مو ...ذيج...المرة انته...مانطيتني مجال....حته استحي
هههههه وهسه

هوه يحجي واني اشتعلت نار اريد احضنه بس بنفس الوقت شايله
بگلبي عليه بقيت بس اجر حسرات وهوه يحچي حته ماعرف شجاوبه
اخذ ايدي وباوع بيهه رجع
رفع راسي وباسني بخدي اشتم رگبتي وهمس يم اذاني
تره ....اشتاقيت
يمكن سمع دگات گلبي هلگد ما صوتهن عالي

چان تصيح زهراء صگر ...صگر وينك
وهوه بدون تردد عافني وطلع حته ترك الملابس يمي

يتبع...

#عــشٰــگ_الـشــيـخ

#البارت الخامس عشر

رجع وره شويه اخذ الملابس ماسألته لان اعرف مراح يجاوب
نمت والصبح گعدت عله صوت هوسه وحچي لبست وطلعت
الهوسه بغرفه ذوالفقار

صباح الخير شموسه شكوو فوگ
صباح النور حبي ولد جاي يشدون بغرفه المدام
اممم
دخل ذوالفقار شايل صينيه بيه استكاين جاي فارغه حطه عله السنك
وگال صباح الخير
صباح النور
اخذوهه غرفتك
شنسوي حكم القوي
هههه
دخلت زهراء وگالت ذوالفقار ماخلصوو شطلعت هيه غرفه
جاوبه همه قبل ربع ساعه دخلوو اطيهم مجال شويه

اووف كلت لصكر خلي اخوتي يجون يشدونه مقبل

وطلعت وهيه تنافخ باوعله وهز ايده وصعد فوك
تريكنه وبلشنه شغل وهيه طبعا مثل الضيفه متمد ايدهه ابد
بس تباوع بعيونه احسهه تجسل الي اسوي ماعرف ليش او تراقبني
ام صادق وبته البومه راجعات لبيتهم يجيبون غراض ماصار بيت
قصر عبالك وچنتهه يم اهله
خلصنه الغده ويه ماما ولولد خلصو وطلعو مقبلو يتغدون
هيه ركضت فوك وبعد مانزلت حته من تغدينه

الضهر صاحلي ذوالفقار وگال ساعديني ارتب غراضي
بغرفه حسن ماردت ابقه يمه وحدي بس ماگدر ارفض
صعدت وشفت الغرفه مگلوبه گلاب مخلي بس كنتوره ابو نفر
وجربايه وباقي الاخشاب معصدهه بلمخزن
بس الملابس والكتب تارسه الگاع ....انقهرت عليه شلون يلمهن
وگعدت ارتب وياا بقه ساكت ماحچه شي واني هم وماباوعت بوجهه
وره شويه گال
تعبتچ ويايه
لا عادي
شنو اخر الاخبار ؟؟
يااخبار!
انتي وصگر
ماكو شي ...
يعني راح تبقون هيج
شتريدني اسوي اصبر والله كريم
حرام عليچ تضيعين نفسج هيج ..
يعني شنو الحل برئيك
جرحسرهً وگال المشكله ماكوو حل يرضي جميع الاطراف
ذوالفقار عفيه كافي ليش تخرب علاقتنه
ليش شمسوي اني ؟؟ حرام احب
حب محد لازمك بس مو الي ابالك ماكو داعي اكولك تصرفك غلط
انته مو زغير

بس موبيدي هذه الشي بأمر من گلبي
سكت شويه ورجع گال ما صحتلچ هنا حته اسمعج هذه الكلام
بس ردت اگعد وياچ شويه
ابتسمت وهزيت راسي
شويه وفتحت الباب زهراء وگالت انتي هنا واني ادور عليج
هاا ؟؟
عفيه تعالي ساعديني بلغرفه شويه ماريد يجي صكر وهيه هوسه
وراحت قبل ماتسمع الجواب
ذوالفقار :ههههه والله خووش
اروح وامري لله محتاج شي بعد
ابتسم وگال سلامتچ
طلعت بسرعه صراحه نقذتني زهراء اذا ابقه بعدماعرف شراح يحچي
واتورط وياا
دخلت الغرفه هوسه اخشابه تـٍخبل وكولش چبيره وفخمه
گتله
شعجب ماكو ملابس هوايه وغراض
جبت نصهن والباقي بقه بلبيت بعدين اجيبهن
اممم هسه شسوي ؟؟
صفطي وانطيني اخلي بلكنتور
ماشي
گعدت اصفط وانطيهه تخلي ملابسه كولهه قصيره ودلعه
وملابس النوم انواع اشكال
ونصهن بعدهن بعلاماتهم مملبوسات بس حلوات
وطبعا هيه ماسكتت كل قطعه تاخذه دكول هاي جابهه اليه من راح لفلان مكان
هاي اشتريناهه من طلعنه لفلان مول وهاي هديه بفلان مناسبه
تحجي واني اسمع بدون جواب والنار تغلي جوه گلبي
خلصنه الملابس بقه المكياج وغراض ناعمه وهيه مستمرة
هذه هديه وهذه عطيه من يمي حلگي تعب
عرفته تريد تضوجني وتحرگ گلبي وفعلا نجحت بهذه الشي
ماردت ابين نفسي ضايجه ابتسم واگولهه بلعافيه
خلصنه المغرب ضهري انكسر من غرفه ذوالفقار لغرفت ست الحسن
ردت اطلع گالت اوگفي التفتت عبالي تريد تشكرني
گالت اني صحت عليج تساعديني بس مو معناهة
تقبلتج ولاتحلمين صگر يباوعلچ
اني وبس عنده مستحيل يبدلني بكل الدنيا مكانج هنا لاشي
صح زوجته شرعا بس لا هوه معترف بيچ ولااني المهم... شكرآ
ودارت وجهه

شگد احتقرت نفسي صدك لوگالو زين لتسوي شرمايجيك
شگد حقيره ومغروره تاركته سنه كامله وهسه اتذكرته
عفته وطلعت واحس راسي راح ينفجر سبحت وصليت وتمددت
مادريت بنفسي وغفيت مااحس اله الباب اندفرت فتحت عيني جرني
صگر من الفراش
گتله شبيك
اشششش صوتج مااسمعه شسوين بغرفه حسن انتي وذوالفقار
هااااا
وجعااا احچي
مااسوي بس رحت اساعده
وماكوو غيرج يساعده
انته منو كلك
مومهم المهم ليش انتي
صكر شبيك شمسوين كاعدين بلغرفه نرتب بيهه شمس عدهه شغل
ماصار شي لاطار نصي ولا طار نصه

هااا كاعدين ترتبون والظحك والسوالف زهراء دكول صوتكم واصل لاخر البيت

هااا يعني زهراء كالتلك جنت ويه ذوالفقار بس مكالتلك انكسر ضهري وياهه
بغرفته و سمعتنه نظحك بس ماشافت شلون الغرفه هوسه
نرتب بيهه

سكت ماحچه شي بس يباوعلي بغضب
شو سكتت ...لهدرجه تحبه وعاميه عيونك بحيث اجيتني هيج شايط
والله واعلم شسويت ويه ذوالفقار

مرة الثانيه ماشوفچ ويه ذوالفقار وحدكم تره تصير موخووش
عاف ايدي وطلع ماحجه شي
بس حيل خفت معقوله شاك باخو عنده شي
استغفر الله ربي لبست شالي ونزلت جوه گعدت يم شمس

شبيج
مابيه
شايفه وجهج
تدرين صكر شكد يحب زهراء
هههههههههه شنوو
ههههه شبيج تظحكين
انتي الشبيج حلمانه ....
يي جنت حلمانه بس هسه صحيت
ﺷٍّــــٍّْــكوٍّ شصاير
ماصاير شي ...بس ضوجه شيصير لونطلع شويه
شوو هاي من گلت هيج الابتسامه شگت حلگهة
وگال نطلع ليش لا نخابر عيسى ياخذنه
ايييي هاي التردينه
هههههه لج گلبي طاگ عليه صار شكد مشايفته مشغول اووف
سلامته

گلبك يحلوو ..
هسه اخابره واخلي يحاجي صگر لان اكيد راح يرفض
خابرته وگلتله ضايجه وهوه خطيه مگاله لا وخابر صگر وگله تعال ويانه
بس گايله لا روحوو انتوو
ماما گالت روحو تعشو بره واني اسوي عشه لابوجن وبيبي
بدلت وخليت مكياج خفيف احس نفسيتي حيييل تعبانه ومحتاجه اطلع
لبست عباتي ونزلت
يم شموسه ننتظر عيسى وصل وطلعنه لكينه ذوالفقار بره
هاا وين
شمس : ضوجه رايحين نغير جوو ...
عيسى: هاا يبن العم
هلا عيسى شلونك
بخيردامك بخير ..تعال ويانه
والله هيه ضوجه انتظروني ابدل واجي
اني وشمس ضجنه هيه تريد تاخذ راحته ويه عيسى واني اعرف ذوالفقار راح يقيدني
صعدنه ورى
اني سلمت عله عيسى بس شمس استلمته حچي
ارتاحيت هسه ليش عزمته غير نريد نسولف نشاقه
هههه سولفي اشاقي منو لازمج
لابله
هسه ليش ضايجه
اهوووو
شويه واجه ذوالفقار ورحنه صح متوتره منه بس سولفت وظحكت
تغيرت نفسيتي حيييل احس الهم عله گلبي خف ورتاحيت
دخلنه لمطعم بقه عيسى بره كعدنه واجه كال خابر صكر ويكول
جاي وراكم انتظروني
شيريدجاي انوب
بقينه ننتظره
وصل ويا ست الحسن لازمه ايده وتتمخطر
شمس گالت اييي عرفنه هسه ليش اجه ورانه
اباوع لذوالفقار ضاج حيييل واني اكثر منه يمكن عيسى الوحيد الي مااهتم
بينه
وصلوو هوه سلم عله عيسى وهيه گعدت حته الاصول متعرفهه
گعد هوه يمهه وصار مقابيلي من هسه انسدت نفسي
اني بين ذوالفقار وشمس وزهراء بينه وبين ذوالفقار وهوه يمه عيسى
طلبنه الاكل اني وذوالفقار صار طلبنه لفات همبرغر
موقصدي ولاقصده بس صارت بعد
من التوتر ماشفت البقيه شطلبوو احس عيونج صگر تريد تاكلني
لان شاف ذوالفقار ويانه
وطبعا زهراء ماسكتت هذه هيج واحب ذاك واكره هذه
واريد ومااريد شگد تحچي وتعلق وتنتقد
شمس شاورتني اموووت واعرف
شحب بيهه عله شنو تعلق بيهه امداني
ابتسمت ودرت وجهي منه وصارت عيني بعين ذوالفقار وهو هم ابتسم
عباله ابتسمت علموده رفعت راسي صگر خازرني
يبووووووو
ماعرف شلون اكلت وخلصت

گالتله حبيبي خلي نروح نفتر شويه عله المحلات
مو هسه زهراء
الله عليك شويه ونجي
گام وگلي ترحين ويانه خاف محتاجه شي ؟؟
هزيت راسي بلا
راحو
خرب بيج ليش مارحتي حته تغثينه
عله شنو يمعوده
امداج متفتهمين
عيسى اخذ شمس وراحوو بقينه اني وذوالفقار لازم القدر يجمعنه
سويه بكل مره ويخليني بحيره
...
دخلو عائله ويه طفلهم زغيروني هستوه يمشي
وگع گدامنه گمنه اني وذوالفقار سوه ولزمناه هوه بقه بس يباوع
واحنه نگوم بيه ونظحك اخذوه اهله وتشكرو من عدنه
بقيت اباوعلهم مبتسمه بدون قصد شگد حلوين
ذو الفقار صافن بوجهي مبتسم
درت وجهي عله الجهه الثانيه

هيچ نضرتي الچ تزعجج
جددددا
اه
يعني شتريدني اگوول ايي والله تعجبني وشكرا لاعجابك بيه

عله كيفچ ... ماكو داعي هيج تتعصبين

ممتعصبه ذوالفقار بس ياخوفي نهايه هذه الشي راح يأذينه
ويأذي صگر

ايي گولي هيچ صگر

ذوالفقار شنو قصتك رغم كولشي هوه يبقه رجلي وانته اخوه
وبمكانه اخوويه شتريدني اسوي

كلشي لتسوين بس لتمنعيني منچ لدگولين تزعجني نضراتك
ولا دكولين لتحبني انسه ...موبيدي
سكتت بعد ماتناقشت وياه اضاهر النقاش ضايع جدا

وره فتره رجعوو صكر وزهراء وطبعا من شافنه سوه طبك حواجبه
وكال ليش وحدكم
ذوالفقار :شمس وعيسى راحو يفترون وبقينه احنه
التفتلي وكال وليش مارحتي وياهم
ضهري يوجعني ماكدرت امشي
ليش شبيه ضهرج ؟؟ نروح للمستشفى
لا ميحتاج بس شويه تعب ماكو شي
اكييد ؟؟
ايي
اباوع لزهراء شايله علاليگ هواي صرت مثل الطفل الي يشوف امه
مشتريه لاخوه وناسيته أجًْـْـْـْيـًـًـًـًـًت ابجي اني مو زوجته هم
لو ممحسوبه
خابر عله عيسى وكله يلا نروح
ماقبل اروح وياهم واصر اصعد وياه بسيارته ماردت اصعد بس جبرني
احس نفسي مذلوله اشوفهم كاعدين بلصدر واني وره
طبعا هيه ضايجه والطريق كوله مطنگره ماحجت
وهوه بس يشرب جگاير عرفته ضاج علمود شافني ويه اخوه
بس يستاهل لعد بس هوه يحرك كلبي
وصلنه نزلت هيه بسرعه وطبكت الباب حيل
نزلت بس هوه بقه باوعتله گال فوتي هسه اجي
طبيت سلمت وصعدت فووك وضهري اذاني حييل
بدلت وتمددت ...وره شويه فاتت شمس وبيده علاكه ادويه كالت صكر
دزهم الج
راد يصعدلج بس زهراء لاحه عليه علساس تريده بشغله
اخذتهن منه وشربت اجني بلوقت الصح
نمت ومادريت بعد بشي ....بنص اليل حسيت واحد يمسح
عله راسي
فتحت تك عين شفته صگر گمت بسرعه عبالي اكو شي

صگر اكوو شي

ههههه اذا اريد اجي اشوفج لازم اكو شي

ياربي هذه الرجال خبلني اصفه عله رأي اترجاك

لاعادي
شربتي علاجج
ايي وصرت احسن
الحمدلله
گام وراد يروح گتله وين رايح
باوعلي وابتسم ورجع گعد يمي وباس راسي
وگلي بس انطيني وقت ....وطلع ماعرفت شيقصد
ثاني اليوم الساعه ....بسبعه نزلت ولگيته يتريك لابس العكسري
يريد يروح همزين لحكت
خلص ريوكه وطلع وصاحلي وراه
غير روحي طارت قبل رجليه ماعرف شبيه صايره اتوسل
الكلمه منه وهوه ولا معبرني
طلعت وراه
هاا
رايح محتاجه شي
......سلامتك
طبگ اصابيعه اثنيهن وباسهن وخلاهن عله شفايفي تلمسهن
ا

بتسم وگال يلا مع السلامه وطلع
بقيت مكاني سكرانه مو من البوسه من الموقف الي خله گلبي طبل
اووف ياربي احبه
تريكت وخلصت شغلي ...
يومين صگر بلدوام وهيه بس متمدده
ودگول مشتهيه هيج واريد هيج
وبطني كبرانه وضهري يوجعني

معقوله حامل بس شوكت ؟؟؟ هيه جانت زعلانه صارله شكم يوم
رجعت
يعني صگر چان يروح يمهه بيت اهله ؟؟

من اتخيل قربه منه اموت الف موته مالومه حقه زوجته وحبيبته
بس اني شنو ذنبي مكتوب عليه القهر شبيه حبيته هيج بسرعه
رجع العصر ورجعتلي روحي بس طبعا ماصارتلي فرصه
اشوفه واحجي وياا استلمته هيه
بليل يله نزلو ...واكفه بلمطبخ وهوه دخل گال
شلونهم الجماعه
ابتسمت وكتله تمام
شمسويه عشه بله ومد ايده يفتح الجدر وصار ورايه
وتقرب مني حييل ...گطعت النفس
ردت اوخر خله ايده عله خصري ولزمني بصوت ناصي كتله

عوفني
ليش
ليجي واحد ويشوفنه هيج
وشنو يعني ...مرتي
باوعتله بطرف عيني ...منو يگول
ههههه اني اگول
دفعته وخرت بقه هوه ياكل من الجدر
دخلت زهراء رافعه حاجبهه كلتله شعندك هنا
باوعله واللكمه بحلكه متشوفين جاي اكل
اذا هيج جوعانه ليش من كتلك نطلع نتعشه ماقبلت
وليش نطلع العشه وجاهز بعد شكوو
بس اني مشتهيه غير شي
مو اليوم تعبان والله
اهووو
لزمته وكلتله عندي وياك حجايه تعال وجرته بس هوه باوعلي وغمزلي
واني العوبه فرحت من كل كلبي يقشمر عليه وفرحانه امداني
خلصنه العشه همه بقو كاعدين ماتحملت اشوفه قريبه منه
صعدت بحجه راسي يوجعني بليل
فتحت عيوني گوه وشفته هووه اووف فديت طوله
عبالك حرامي يجي بس توالي اليل

بقه يباوعلي مبتسم ياربي من اشوفه انسه كلشي
لفت نظري شعره مبلل يعني چان يسبح
معقوله چان وياهه ،،،،،،لا
اموت هسه يمكن ماشوف زين مديت ايدي
ولمست شعره مبلل فعلا وجع صار بصدري اختنگت
انداريت للجهه الثانيه وغطيت راسي وعيوني ماسيطرت عليهن
جر الغطه بس ماانطيته اله بقه يسألني شبيج مااجاوبه
ابچي بدون صووت
تعصب وصاح حيل هم مااحجيت جر الغطه بقوه خليت ايدييه عله عيوني
نسيت نفسي وصوتي عله واني ابچي
هوه تخبل عباله بيه شي
وخر اديه من عيوني بقه يباوعلي مصدوم شلون ابچي

شبيچ لخاطر الله حاچيني
مابيه شي ،،،،،احجي واناشغ مثل الطفل

شلون مابيج وهذه البجي كله المن
عوفني تعبانه
من شنوو غير اعرف
بصوت عالي گتله منك

مني ؟؟ ليش
كل هذه وتسألني ليش ...
گعد عله الجربايه وصار قريب مني وكال بصوت هادء
ياعيني غير تفهميني شبيج احجي ويايه راح تموتيني
انته الراح تموتني والله
هههه اسم الله عليج يظحك ويمسح دموعي
كوليلي شبيج
كولشي بيه ... وسكتت ماحجيت بعد
حاچيني ؟؟ لتبقين ساكته
هيچ هامتك اني
اوووف والله لوتعرفين غلاتچ
چذاب
اه هههههه هيچ
ايي هيچ
مدنگه راسي وبس دموعي تجري نزل راسه يباوعلي مبتسم
دفعت وجهه بأيدي ظحك واخذ ايدي باسهه وگال هسه تحچين
لولا

شگد چنت خجلانه بس گلت اذا ابقه ساكته اني الي راح اتأذه
يعني شتريدني اسوي من اشوف حبيبي نايم يمه وحده غيري
احچي واني مدنگه وهوه ماسمعتله صوت رفعت راسي وشفته يباوعلي
مصدوم
ماتحملت وظحكت شكله يظحك

حبيبچ ؟؟؟
ايي حبيبي انته مو گلت اني زوجتك وحلالك معناه انته حبيبي
لو ميصير احبك

تقرب مني حيييل وگال تحبيني يعشگ ؟؟
ليش مالي حق ؟؟
اوووف انتي اكثر وحده الهه حق بيه والله
لعد ليش هيچ تعاملني ليش تأذيني وتجرحني
اني جرحتج ؟؟ اذا صـــدك موبقصدي والله بس ماتعرفين وظعي

لتجذب عليه كولشي مابيك عايش حياتك ومرتاح متونس
اني ماكلتهه

جر حسره وكال ماتدرين الي هنا ويأشر عله گلبه
ماتعرفين شلون عايش ..بليوم اموت الف موته والله دماغي راح ينفجر

ليشش .. شكوو

اكو هواي شغلات صارت وماگدر احجيهه وانتي اكثروحده
الماريدهه تسمع ماريدج تتأذين اكثر

لعد اذا هيج شكوو جاي هسه
ظل بالي عليج واجيت اشوفج
امم ظل بالك ... مبين من شعرك المبلل
هههههههههههههه خرب يومچ ....وحق الله بس جسمي وياهه
بالي وگلبي يمج هنا خليهه ابالچ

وليشش بله ؟؟
مو من البدايه گتلچ ممبين عليه بس انتي ثوله ماتشوفين
يعني انته هم تحبني ؟؟
همس يم اذاني وذوبني ..اعشگچ مو بس احبچ
چذاب
هههه ولج شو اخذتيني حاصل فاصل جذاب وجذاب موشفتيني ساكت

ايي جذاب لوتحبني ماجان رجعته
انمسحت الظحكه من وجهه ....لو بيدي ما رجعته بس موبيدي

خووش لعد مادام موبيدك المن جاي يمي روح يمهه
عفته وتمددت وانطيته ضهري رفع الغطه ونام يمي وحظني
وخررر ..ماوخر
اريد انام روح
نامي منو لازمج
جاي تزعجني
ميخالف
اهووو وخر روح يم مرتك
هسه اني يم مرتي
اممممم
اممممم ونص ...هاي گتلچ احبچ وهيچ گمتي تدللين عليه
لو اشوفچ دلالي شسوين
باوعتله بطرف عيني وگتله دلال ؟؟؟ خلي دلالك لمرتك
هههههه فديت الزعلان
ماحچيت بقيت ساكته هوه هم وره شويه گال
هسه شنوو
شنوو ؟؟
تبقين زعلانه
بس اني موزعلانه
علينه ...
ايــي عليك اصلا ازعل عله شنو !!لان تحبني وساكت لو يوميه ممحصله منك
بس الحجي والصياح وعله شنو مادري لو لان رجعت زوجتك
واني حالي حال الحايط كلشي مادري

مد

ايده جوه راسي وسحبني عليه وحضني حيل وخله راسه برگبتي
حبيبتي والله تعبان لتصيرين انتي والدنيا عليه متعرفين شجاي يصير وياي

زين سولفلي
شسولفلج شحچي اووف ...منين ابدي
من حبچ الدمرني هنه چم شهر وخبلتيني والله لو من الدنيا الجاي عله
كلشي تعكس وياي

انداريت عليه وگتله ....معقوله هيه السبب ؟
خلي يولي هذه الموظوع
لا ميولي وهسه تحچيلي حرام عليك هيچ معلگني لا انته اليه
ولاانته عليه ...تعاملني حالي حال الغربه ماچنت هيج ليش تغيرت
يوميه تكسر خاطري الف مرة ومهامك شي

عشگ...حبيت زهراء حب مصاير تخبلت عليهه وهيه هم حبتني
بس مو مثلي خطبته ونفذت كل طلباته كل الي تأمر بيه اگول تم
خمس سنوات وياهه مايوم عله صوتي عليهه مايوم اذيته او رفعت ايدي وهيه يوميه تجرحني جرح واگول ميخالف
خمس سنوات ماعندي طفل انحرمت من الخلفه وهيه السبب
وماحچيت ولا بينت الهه هذه الشي ....عافتني بيوم وليله
بدون سبب بست الرجلين حته ترجع مارجعت
كرهته وكرهت كلشي يربطني بيه بس ماتنازلت مادري ليش
يمكن لان ماهانت العشره لو ماهان عليه گلبي التعذب بحبه سنين
وگعت وگعه بس ربي يعلم بيهه اخخخخخ
اجيتي انتي ويشهد الله اول ماشفتج جذبتيني
صح ماجنه نحجي ونسولف بس حبيتج ......
مشغول بالي بيج ليل ونهار اريد بس المسچ واشتم عطرچ
بس متصير فرصه
لحد ماا صار الصار

هوه يحچي واني مرگزه عله عيونه شگد بيهن وجع يحچي بس مبتسم
مابين ألمه اليه ....ماعرف افرح بهذه الكلام لو انقهر لان سمعته
بوقت متأخر ...لهنا وسكت ماشرحلي ليش رجعهه
وماضغطت عليه يجي يوم ويحجيلي كولشي
تقربت منه وخليت راسي بحضنه

خليك هنا شويه
حاوطني بأديه وباس راسي لحد ما غفيت بحضنه

يتبع.....

#عــشٰــگ_الـشــيـخ

#البارت السادس عشر

گعدت الصبح وهوه ماكوو اكيد رجع يمه
المهم عرفت مكانتي بقلبه شنو گممت وكلي نشاط
فرحانه حييل ...صگر يحبني اكوو امل ابدي حياة سعيده من جديد
طلعت من الغرفه صار هو بوجهي طالع من غرفته
ابتسم بوجهي واني هم.... بقيت واكفه اجه يمشي وصار قريب
بصوت ناصي ...صباح الخير حبيبتي
صباح النور
بسسس صباح النور
هههههه صباح النور حبيبي
آٍويـٍـٍـلي يابه
نزلت قبله وهوه ورايه والابتسامه عله وجوهنه احنه الاثنين
شافتنه ماما وشالت ايده تدعي الله يهدي سركم ويبعد عنكم العين والحسد
تقدم عليه هوه باسه من راسه وگله امين يالغاليه
صبحنه عله بيبي ورحت احضر الريوك وهوه گعد يمهه
وين ماامشي عينه عليه من التفت اله الگاه مبتسم بوجهي
طلع جگاره وشغله وهوه يسولف ويه بيبي ...
وحت وجريته من حلگه بقه مصدوم خطيه ههههه گتله جكاير من الصبح
حرام عليك نفسك
جرني من ايدي وهمس يم اذاني ...حرام عليچ انتي ....ارحميني
شكد عيب خجلت من بيبي وماما بس هنه سون نفسهن مشافن شي
جريت ايدي ورجعت لمكاني مباوعت ابد عليه
دخل ذوالفقار وكعد يمهم ...خلصت الريوگ وخليته يمهم
هوه ضايج منه
گعدت يمه وقريبه عليه حيل بلكي يشيل الافكار السوده من راسه
بس هوه قفل عليه يياكل وعينه عله ذوالفقار
الله يستر اذا عرف بمشاعره وكلامه اليه
خلصنه طلعو همه ....بقيت جوه خلصت شغلي شموسه مانزلت
ساعه١١ نزلت زهراء تفرك عيونه عله الدرج كلتله بيبي بعد وكت يمه

ههههههه شسوي بيبي صگر ماخلاني انام الليل كله

هزت ايده بيبي وراحت لغرفته فاتت هيه بدون صباح الخير
شمسوين ريوگ
گتلتله ماما گولي شمسوين غده يمه
هههه ايــ والله صح ...بس صگر وين توجه سؤاله لماما

ابتسمت بوجه وگتله تريگ الصبح ويانه وطلع
گامت تباوعلي بغضب ؟؟ عافتنه وطلعت
خلصت البيدي وصعد لشمس لگيته متلفلفه مثل الدولمه

هههههه شموسه شمسويه بنفسج
اممم عوفيني مطموره
ليشش ...كومي اليوم الريوك مدري شلونه بدونج
ميخالف
لج دكومي عندي الج كومه سوالف
سولفي
البارحه صكر بليل اجه يمييييي ووو
رفعت الغطه وكامت بسرعه وكالت وشنوو بعد
انتبهت عليه عيونه حمر

شبيهن عيونج
مابيهن
جذابه ليش حمر ؟؟ صاير شي
كولي شنو الماصار
ياستار وج شكوو
عيسى
شبيه ؟؟
مابيه شي ..بسس باسني بليل و ....
هااا
وجعا اكله باسني دكول هاا
يعني شنوو
يعني متعرفين البوسه شنو
لااعرف بس لان باسج هيج مسويه بروحج
ليش هوه قليل السواه
اـيـــي وبعدين
احجيلج قصه
هههههههههه الحمدلله والشكر عبالي صاير شي بوسه تبجين من بوسه
امداني اني ادور بوسه وهاي تبجي منه

هههههه دولي يمعوده
عافتني ونامت رفعت الغطه وتمددت يمه ..ايـــ وبعد

ماكوو شي بعد بس اليل كله يتصل ويدز مسجات ومااجاوب
اممم ..شوفي شكد يحبج
لا ميحبني مدام سوه هيج بلحرام
بس هوه رايدچ بلحلال ويحبج يعني هيه بوسه شبيچ
بس اني ممتعوده عله هيج شي
بهالاثناء اتصل عيسى مقبلت تجاوبه اخذته وجاوبت اني
الووو شموستي
ها عيسى هاي اني
ها خويه شلونج
هله بيك خويه شلونك انته
الله يسلمج ...شمس وين
شمس يمي ... بس شويه مالهه خلگ
اشبيه مريضه
لا مبيهة شي بس ماخذه عله خاطرهه منك
هيه سولفتلج
ايي
سكت شويه ورجع گال
اني اعتذر ..ماجان قصدي يمكن انتي هم تاخذين نضره عليه
اعتقد ماكو داعي تعتذر اليه هذه الشي خاص بيكم هاي شمس ويااك
انطيته اله التلفون واجبرته تحچي ويا
عفتهم وطلعت رحت لغرفتي ...دخلت انطبگت الباب وطفه الضوه
عطت خله ايده عله حلگي وگال ههششش هذه انه
جر نفس وگال افيشش ياريحتچ ترد روحي
انداريت عليه وحظنته حييل وهوه هم رفعت راسي الغرفه ظلمه
تقدم وباس شفايفي وانوب باس خدي ونزل لرگبتي بوسات رقيقه
ذبت بين اديه ورجع گال اشتاقيت ليش تأخرتي

حبيبي چنت يم شمس ... بس انته مو طالع شوكت رجعت
قبل شويه رجعت وگبل صعدت هنا قبل متشوفني زهراء
من گال هيچ ضجت وابتعدت عنه ..
شبيج وين رايحه
مرايحه موجوده يمك
ليش وخرتي من حظني
ماكوو شي
شلون ماكوو مبين عله وجهج
احنه نبقه هيج... لو تجيني تالي اليل لو بلختله حته وجهك مشفته مطفي الضوه
مو گتلج انطيني مجال
يعني شنو انطيك مجال.. عشاق احنه وانتظرك تجي تخطبني
رجلي وحلالي مرتك وحلالك ...
دگ تلفونه رفعه مكتوب زهراء
صگر روح
ماروح
صكر عفيه روح
غير اعرف ليش
خليك بعيد احسن .. شنو فائده قربك وماگدر اخذ راحتي بحظنك

جرني لحضنه وگال ماروح وباقي يمچ .. غصبن عليج
رجعت اتصلت ..هوه ضاج حيل وخرت منه ونزلت جوه
صبيت الغده همه نزلوو سوه ..
اكلت شويه وكمت نفسي مسدوده
رحت اسوي الچاي دخل ذوالفقار غسل اديه وگال العصر رايح لبغداد
تردين شي مناك

من گال هيج اووف راحت روحي مدينتي اهلي ناسي

گتله لا تسلم
متأكده
ايي...بس شعندك هناك
شغل كالعاده ..واكيد ناخذ يوم استراحه نفتراذا تردين شي
اتصلي عليه

وچان يدخل صگر سمع بس هاي الكلمه درت وجهي منه بسرعه
كعد وكام يدخن ...ذوالفقار بقه واكف يتصفح تلفونه
الجو متكهرب بوجودهم واني كمت ارجف صكر سمع الكلا

م
واكيد ذوالفقار يريد حجه حته يتعارك ويه صكر واني الواكعه بينهم
ماعرف شلون صبيت الجاي وقدمته الهم وطلعت
انطيته الهم ولميت المواعين ودخلت لگيت صگر واگف قريب
عله ذوالفقار ورافع اصبه بوجه وكأنما يحذره او يهدده
من دخلت طلع ذوالفقار التفت اليه وكال بحده مره ثانيه اذا
دخل ذوالفقار تطلعين منا متبقين ويا بغرفه وحده ومااشوفج تحجين ويا
ليش؟؟... بدوون ليش افتهمتي ...ماشي
للعصر خابرو عليه والتحق ..كاعدين بليل عله التلفزيون
نزلت زهراء مثل الاذان منشوفه بس الضهر وبليل
كعدت وبدت تتشكه اخ ضهري اخ بطني
ماما كلتله شجاج يمه شصايبج روحي للدكتوره
ايـــ عمه رحت وكلتلي ديري بالج عله نفسج
لازم ترتاحين
چا يمه انتي ٢٤ساعه نايمه بغرفتج شنسويلج بعد ؟؟
اووف عمه مو بس اريح جسمي لازم حته بالي يرتاح
وتباوعلي صفح
سويت نفسي مااسمعه اصلا..رجعت كالت هيه الدكتوره كالت هيج
حته تمر هاي الاشهر بسلام
كانما تريد واحد يسالهه حته تحجي وجنت خايفه من شي واحد

ماما ماسكتت وكالتله ليش يمه جاانتي شبيج
هههه يااا عمه ممبين عليه
لا والله يايمه
هههه عمه غير اني حامل
من كالت هيج اني وشمس وماما انصدمنه صدمه العمر
خصوصا اني ماهمني خبر الحمل ...بس الي سببلي صدمه
شلوون وشوكت

شافت الكل مصدوم وكأنما ممصدكين رجعت كالت شنو شبيكم
ليش مصدومين الله كتبلنه نصير اب وام بعد سنين
كامت ماما باوسته وباركت الهه ..وكالت هسه اخابر عمج وابشره
وراحت بقينه اني وشمس باماكنه منعرف شنسوي
باوعت النه وكالت ..شدعوه لا مبروك لا بلخير گتله
الف مبروك الله يگومچ بلسلامه
شكرإ
وطبعا شمس ماحچت وهيه هم مااهتمت راحت لغرفته
التفتت عليه شوشه سمعتيهه
مارديت ...عشك مواحاجيج حامل ..زهراء حامل
ايي جنت حاسه هسه عرفت ليش صكر جان يتصرف وياج هيج
حامل لالا اكوو شي غلط شلوون

شمس تحجي واني احس نفسي الصدمه شوشت عله كل حواسي
صگر چان يروح يمه وهيه هناك ...وحبلت منه وهيه هناك
يعني جان يتقرب مني حته يسكتني بس ميگدر ويعوفني ويطلع
عبرت ١٢ وماكدرت انام ماهمتني زهراء بس هوه شلون هيج يسوي
وليش محچالي شي مو يحبني
دگت شمس الباب وجابت تلفونه صگر متصل يريدني
اخذته منه وهيه طلعت

الووو
فديت الصووت..لج شمسويتلي وهيج صرت اشتاقلج بجنون
سحر
هههههه يمكن ..شلونج
زينه
شبيج هيج تحچين
ماكو شي
شكو احچي
ليش ماگلت زهراء حامل
سكت مجاوب
جاوبني
شلوون عرفتي
هيه گالت
نعله عله والديها شلون تحجي
ليش يعني ؟ ليش متريده تحچي لمتى تبقه ضام هلموظوع
لا ظامه ولا شي بس مو هسه مو وكت هيج خبر
وليشش حد محد يسألكم شلون صار هذه الطفل حته متتفشل شيخ صكر
عشك احچي عدل
حاچيه عدل صكر بس انته الموًعدل ولا تعرف العدل
تتذكر لو اذكرك شلون جنت تتقرب مني وتتركني بلحضه وتطلع
بس اسمعيني
ماريد اسمع منك شي صكر
سديت الخط بوجه رجع اتصل ماجاوبت

يتبع...

نصيحة وحده من بنوتات☹️💔اللي مارة بهالتجربة

اووف..الله يساعدج ويبرد كلبج..صح اهواي متندمه..بعد شتسوين ماعندج غير الصبر والدعاء🌹🤲🏻

#ملوكه