ه وكامو عيالي يسون مشاكل
بحجه ''آني لاشغل ولاعمل بس ملتهيه بلبنيه
وكثرت المشاكل سنين وحنه عله هلوضعيه الا ان قرر رجلي نطلع ابيت
استقرينه بلبيت وجنت مرتاحه راسي بارد انام وكت ميعجبني
واصحه وكت ميعجبني صح زوجي بقه نفس وضعه بس حاولت
اتجاهل مشاعري وغرائزي في سبيل راحه بالي
بعد اشهر من السكينه وراحه البال صادف بيه الدنيا بارده ثلج
اندكت الباب حيل بـٰـ۶ٰــدنٰـْيہٰ بس كمت اريد اشوف
اندكت مره لاخ مالحكت اخلي شي عله راسي تكسرت تكسر
فتحت لباب ونصدمت من شوفه علي واكف
وعيونه ناطات
كتله وصوتي يرجف علاوي خويه شبيك خرعتني
گال بصوت مخنوك ...شـٍلونج عشق
شنوو
علي يصيحلي باسمي. اول مره تصير
كتله لحمدلله من صدمتي نسيت حته ماكتله فوت
هوه دخل لوحده
طب جوه وكعد واجيت ورجليه ترجف اخويه وظعه مو طبيعي
كعدت بصفه وكتله علاوي شبيك
بق ساكت فتره ورجع كال مابيه بس جيبيلي كلاص مي بارد
ركضت للمطبخ اجيبله مي قطره دم مابقت بجسمي ساعته
علاوي موطبيعي ادور عله كلاص ماكو نسيت مكان الكلاصات
ماعرف شلون لكيته ترسته مي ورجعتله ركض
لكيت مخلي ايده عله وجهه والايد الثانيه جكارته لازمه
انطيته اله شربه مره وحده
اخذت لكلاص وخليته ع صفحه ورجعت كعدت
ممتعوده اشوفه بهلوضعيه جان كلما يجي يخلصه ظحك ولعب ويا رهف
يخبص البيت خبص ويطلع
هلمره حته ماسأل عنه
بلعت ريگي وكتله علي حاجيني راح امووت شبيك
باوع عليه وعيونه مكسوره رجع دنگ وعينه للكاع
نزلت يم رجله واني روح مابقت بيه
علاوي ابوس رجلك حاجيني اهلي بيهم شي انته بيك شي

علي ..راح اسألج سؤال واذا ماعندج جوابه انسي اني جيت لهنا اصلا

عشق يي اسأل ؟؟

نزل يمي بلكاع وگال بنبره حاده امچ هم تعرفين صديقاته

من گال امج احوالي كله تخربطت علي بهذه عمره وهوه يصيحله ماما

شوق اعرف شكم وحده بس ماعندي علاقه بيهن قويه تعرفني ماحب صديقاته
جرنفس قوي ومسح وجهه بايده حيل وگال

هذه الي ذابحني هالاشكال منين تعرفه

لزمت ايده وكتله علاوي فدوه اروحلك ارحمني احس روحي راح تطلع بس فهمني شبيك

باوعلي وبقه صافن بوجي مايعرف يشكول راد يحجي بس تراجع
بعد سكته طويله گال

باجر تجين علينه وتحاولين تعرفين هالاشكال التعرفهن شنو نوع علاقتهه وياهن

گتله ليش

من غيبير ليش گالهه بصوت عالي

خلص ولا يهمك اجي واشوف
گام وراح يطلع كتله وين ابقه تعشه
اندار عليه وباس راسي كال مشكوره بعد اخوج
ولا يظل بالج بس رايد اتاكد من شي

طلع واني بقيت واكفه بمكاني ماكدر اطلع وراه رجليه كامت متمشي
كعدت بلكاع واحس كلبي يريد يطلع من مكان هلكد ميدك سريع
ومعدتي كامت توجعني
والف فكره براسي اجت
خلص اليل واني عيوني ماشافت النوم
شيطلع الصبح واروح
ماعرف شلون مشه الوقت وخلصت شغلي ورحت الهم
اول مادخلت لكيته يمهه نسوان اكيد صديقاته
من زمان واني ماارتاح الهن لان عدهن تصرفات مال مراهقات
ابد موثگيلات ولا عبالك اعمارهن اربعينات وخمسينات
مدري شعاجب امي بيهن
صح مااطيقهن وكلمره يجن مااسلم بس هلمره لازم اتقرب
اريد اشوف شنو سبب عصبيه وسؤال علي
دخلت وسلمت وكعدت وياهن ظحك وشقه اغلب سوالفهن
عن العلاقات الجنسيه والرجال
مع العلم هنه متزوجات تقززت منهن يسولفن سوالف ابد ملايقه
بس مضطره ابقه
وره شويه اجتي وحده كعدت يمي وشكلهه استغفرالله ابد موراحه
كالت شكوماكو
كتله ماكوو شي وابتسمت بوجهه
كالت شكم واحد وغمزتلي
باوعتله باستغراب

يعني شنوو ؟؟
يعني شكم حبيب
فتحت حلگي مصدومه هاي شدتحچي

بس اني متزوجه

يي وشنو يعني الي تتزوج مثل تدفن روحه وهيه ْ؏ـايشه
فلازم شويه اكو وسائل ترفيه وظحكت ظحكه مال وحده كلش شريفه

صخام صخمني هاي شدتتحجي شدصخم
العفوو بس هلكد مبين عليه موخخوش كلته واني رافعه حاجبي

كالت لا حشاج بس ممعقوله كل هلجمال ماكو اله معجبين

كتله من رخصتچ وكمت
طلعت جسمي كله كزبر وماتحملت ابقه ثانيه يمهم
دخلت جوه واني صافنه عله رخص بعض البشر دك تلفوني
رحتله ركض عرفته علي

ها علاوي

ها شوشه وين انتي

ابيتكم ...ليش

كليلي شصار وشعرفتي لان سمعت الشله مجتمعه

والله ماعرف شكلك بس هذه النسوان ابد مارتاحيت الهن
وسوالفهن اعوذ بالله

مااسمع اله شي اشمر ونكسر وعلي ماله صوت
علاوي وينك علاويي
وعلي مامنه جواب لطمت عله خدي كلت شصارله
انسد الخط واني بقيت الوب شسوي وشحجي
ساعه مرت اني يمكن بيني وبين الجلطه شعرايه
وره شويه رجع اتصل
الوو علي وينك شصار !؟!؟

ماصار شي لاتخافين ليظل بالج شويه واجي وسده
بقيت يمهم طول اليوم اظحك واسولف واني بالي ايودي ويجيب
اباوع لامي واتذكر صديقاته
يربي معقوله الي افكر بيه صح
لليل يلا اجه علي صعد لغرفته وصعدت وراه ركض دخلت
كال سدي الباب وفوتي سديت لباب
وهوه كاعده عله جربايه
علاوي فدوه اروحلك والله راح اموت حاجيني شبيك
كال اسمعي
الموظوع الي حجينه بيه
تنسينه خلااص ولا كأنو انحجه وتشيلينه من بالج

يعني شلون ؟؟

يعني انسي وسدي الموظوع وليظل بالج

صار مثل متريد

طلعت من غرفته

ورجعت للبيت ومرت ايام واني اضرب اخماس باسداس
فكره تاخذني وفكره ترجعني
مرت اشهر ونسيت ورجعت لوضعي الطبيعي بس
علي ابد مارجع لوضعه الطبيعي
ماخليت بالي ويا كلت يجوز اباله سالفه غاثته

لو ادري تاليته هيج يصير جان بقيت الح واعرف شنو السالفه
عسى ولعل نوصل لحل ولا نوصل لهنا 💔


#يتبع...

#عــشٰــگ_الـشــيـخ

#البارت الثاني

فزيت الصبح عله صوت المؤذن
الله واكبر الله واكبر
رفعت راسي الصوت جاي من الشباك شعور حلو تحس بالطمأنينه
وانته تصحه عله ذكر رب العالمين
غمضت عيني بس اني صاحيه واستمع للأذان
بعد ماخلص ...گمت توضيت واجيت اصلي
لبست شالي واجيت ادور عله مصلايه
فتحت الجراره الي بميز المرايه ماكو مالكيته
رجعت للجراره الي يم الجربايه لكيت مصلايات وسبح وترب وكتب قرأن وادعيه
اخذت مصلايه وقرأن واجيت مديته وصليت
بعد الصلاه نويت اقره شكم صفحه من الكتاب الكريم عسى ولعل ارتاح شويه
فتحت الكتاب وعيوني كامن يجرن مشاعري اوجاعي كله هاجت
ماكدرت اسيطر عله نفسي
امسح دمعه تنزل مكانه عشره سديت الكتاب واني مقاريه حرف
بس حسيت براحه وحسيت رب العالمين واگف وياي وساندني
كمت ورجعت المصلايه والكتاب مكانهن
ورجعت كعدت يم الجنط الي أجًْـْـْـْيـًـًـًـًـًت بيهم من بغداد
فتحت اول وحده وتذكرت زوجه عمي ام صفاء وهيه تخلي ملابسي واغراضي بلجنطه بس تبجي ولاحجت حرف
واني اباوعله بكل برود عبالك هيه الي راح ياخذونه
من دون كل زوجات عمامي هيه كلش احبه من جنت زغيره دائما هيه تسبحني وتوكلني وتعتني بيه

گتلهه هسه ليش تبجين؟؟

اشو هاي انفجرت بلبجي وكامت تصرخ
رغم بشاعه الموقف الي احنه بيه بس ماكدرت الزم نفسي من شفت ردة فعله
وظحكت
كالت وشلون ماابجي واني اشوف بنيتي تروح مني
أذتني من گالت هيج
صحيت من افكاري عله ريحه چاي اويلي يابه چاي
يعني العشق انوب شلون ريحه ترد الروح مبين الي مسويته معدله
گمت وفتحت الباب عله كيف وچان تكفخني ريحته
يبوووو حسيت نفسي خدرت امووت عله الچاي من زغري
يوميه اني وبابا نشرب ٥ او ٤ گلاصاتً
احس روحي فرفحت وتريد تروح جوه
ترددت ورجعت
ماادري شنو جوه وشراح يتلگاني شنو الناس الي جوه
يربي انطيني القوه اول وتالي راح انزل اذا مو ليوم باجر

گلت انزل وخلي شيصير يصير
رفعت وجهي للسما وكتله عليك ياربي
سميت باسمه وخليت رجلي عله اول بايه
نزلت
واني انزل اباوع للبيت ماشاء الله شنو من بيت قصر
كلشش جبير وكلشش فخم اثاثه كله ملكي
وستايله خليجي نفس البيوت الي نشوفه بلمسلسلات الكويتيه
ماحسيت بنفسي واني انزل لان جنت مشغوله اباوع للخير هذه
نزلت راسي وشفت مره واگفه تباوعلي
تجي تقريبا بكد امي او اكبر
جمدت بمكاني وكلبي انعصر دخيلك ياربي اباوعله وعيوني تريد تطلع
استجمعت شجاعتي وكلت اله
صباح الخير

وجان هيه تبتسم ابتسامه شكبرهه عبالك جانت تنتظرني احجي
گالت
صباح العافيه❤️ يبعد العافيه
هلا بيج يمه تعاي تعاي نزلي
نزلت واني ممصدكه الي جاي اسمعه
معقوله ؟؟؟؟؟
وصلت يمه وجان تحظني وتبوسني شمتني وگالت افييشش ياريحه هلي
باوعتلهه وعيوني غورگت بلدمع

كالت انه امك يا صگر
تبچين يمه ليش تبچين حظنتني وكالت لايبعد امج مايصلح عروس ومصباحيه عرسج تبجين فشله
تعاي يمه تعاي گادتني من ايدي واخذتني للمطبخ
طبت قبلي واشوفه تحجي ويه حجيه جبيره بكد بيبي
اوووف بيبي اريد اشوفه
كالتله يمه شوفي ياهي هاي
الحجيه باوعت عليه وكالت هاي بتنه الجديده
يي يمه هيه
يابعد گلبي تعاي جده تعاي احبج وهيه تباوعلي
رحت يمه وكعدت وحضنته وهيه هم حضنتني وباستني وتشم بيه شم
وخرت منه وجرتني كعدتني بصفهه كلش
باوعتلي وكالت صلاوات عله محمد
يمه شهلحسن كله ورده ومفتحه
كالتله ذيج المره الثانيه
ايـــ يمه شفتي بتي الجديده شكد حلوه عين الحاره بارد
بقن يسولفن واني ممستوعبه الي بيه معقوله اكو ناس بهلبساطه
معروف الفصليه من تدخل لبيت عياله تنذل وتصير خدامه
بس اشو هسه ديعاملوني مثل بتهم
ممصدكه اكيد هذه حلم
بهلاثناء. اسمع صوت رجال ورايه گال
هاي البت ياهي ؟؟
التفت وشفته رجال جبير ينزلن بردانه اضاهر جان يتوضه
يباوعلي مبتسم
كالتله المره هاي بتنه الجديده
كال ياا صدك هابويه شلونج
بقيت اباوع عليه مستغربته
جان يظحك
كال يلا بعدج جديده وتستحين

خرب شكد عيب فشلت
كمت ركضت عليه اخذت ايده وبسته وبست راسه
كتله شلونك عموو
هلا يبعد عمج شلونج انتي

بخـًٍـًٍير الحمدلله

ان شاء الله دومج بخير ... بس بعد لادكولين عمي
باوعتله كتله لعد

كولي بويه بابا بكيفج ابي عله كوله شميسه وظحك

ابتسمت وكتله ان شاء الله
رجعت كعدت يم الحجيه واجه كعد يمي هوه
سحبتني الحجيه عليهه وشاورتني وكالت
انه حبوبتج لاتستحين اذا تردين شي كليلي
كتله فدوه لگلبج بيبي تسلمين

بعد ابوج چا شمكعدج من الصبح

والله عمو تريد الصدك ريحه الچاي جذبتني واشتهيه

يايمه سوده عليه جوعانه صخام صخمه هاي شميسه كتله روحي ودي العشه للبت ما مااستحي
وبقت البت بلا عشه
ظحكت لاخاله خطيه اجتي وجابتلي عشه وتعشيت الحمدلله
مجوعانه والله بس اشتهيت الجاي كولش احبه من زمان

يمه بعد كلبي چنج عله جاي هسه احطلج جاي وكيمر عرب وسياح

بنصهم حسيت بالامان شعور انك وسط عائله تهتم بيك
فقدته من زمان ونسيته اخخخ يگلبي شتتحمل بعد
ظلو يحجون ويسولفون وياي اني استحي لوا

جاوب كلمه لوماكو
وخالتي كل شويه وصاحت ولج شميسه تكعدين لولا
الدنيا ضهر
وعمو يكله دعوفي البت نايمه يياضهر بعده الصبح ماصايره
وتعاركو بسبب شمس اضاهر عمي يحبه حيل
اباوعله واظحك ايونسون كولش
الي فهمته هاي المره خالتي سعاد امه لشمس وامه لصگر الي هوه زوجي
والرجال ابوهم واسمه محسن
والحجيه تصير امه بيبي غزاله اسمه حلوه وهيه هم حلوه عيونه ملونه وبيضه كلش

جاي اسولف ويه بيبي واسمع صوت واحد اجه يمشي ويگول

ياربي اخذني وخلصني ياربي هاي موعيشه
التفتت عليه
شفته شاب بعده زغيره ومبين هسه كاعد من النوم
مغمض عيونه ويحجي

خالتي ومرض شمالك من الصبح تدعي عله روحك

اسألي روحج صارلج ساعه سميچه ياسميچه من كال هيج خربت ظحك
قصده عله شمس

شايفه حسج شعلوه وصل لراس الشارع وهوه يحجي
صارت عيني بعينه
بقه يباوعلي واني هم
التفت لامه وكاللهه يمه هاي منين

خالتي ومرض منين شنهي

يي جا شني
هاا ياهي هاي

هاي مرة اخوك صگر

رجع باوعلي وابتسم كال ياهلااااا نورت البصره بت بغداد

بابتسامه جاوبته شكرأ تسلم

اجه وكعد بصف بيبي ومد راسه يباوعلي
استحيت منه كولش ونزلت راسي
گال انه ذوالفقار اخو صگر الزغير

اهلا وسهلا بيك

وبيج اكثر بعد اخوج

سكت ورجع كال ان شاء الله مرتاحه

الحمدلله
جابت خالتي الريوك وخلته وهوه كل شويه يباوعلي استحيت وبسببه ماعرفت اكل لگمه
اعرف مو قصده شي بس اضاهر صار عنده فضول
خلصنه ريوك ورادت خالتي تشيل الصينيه اخذتهه منه كتله اني اشيله

يايمه فشله شلون انتي تشيلينه

خاله شنو القصه هيه صيينيه

ميخالف يمه بعدج جديده

زين انتي موكلتي اني بنتج شلون هسه دكولين بعدج جديده

ظحكت وكالت ياملعونه

اخذت الصينيه منه وخليته عله المائده فرغت الغراض الي بيه
ورجعت كولشي لمكانه من جانت تحضر الريوگ
عيني عليه وعرفت منين طلعت الغراض
غسلت المواعين ورتبتهن ورجعت كعدت يم بيبي

ذوالفقار والله عيب تخلون البت تغسل مواعين وهيه لبارحه اجت

والله عادي مصار شي هنه مواعين قابل شنو

ميخالف الي يشوفج تغسلين يكول ذول ًمايعرفون الاصول

لاحشه ماعاش اليكول هيج انتو اهل الاصل وعله راسي

عمي:سالم راسج يبعد راسي والله انج معدله وبت اصل وتعرفين تحجين

من طيب اصلك عموو ماحجيت بس الحقيقه

هاا احنه شكلنه ماكو عمو

ههههه ماشي .....بابا

ايي بعد ابوج هيج طيحي الرسميات بيناتنه انتي منا وغاد بنيتنه
لاتستحين
يلا انه اترخص وراي هواي شغل

الله وياك
طلع وراحت خالتي وراه صار هواي ماكلت كلمه بابا
وهسه احسه ثگيله هلكلمه وتوجع خنكتني العبره وكوه سيطرت ع نفسي
ذو الفقار جانت عليه واضاهر عرف ضجت

اگلج
رفعت راسي باوعتله
ماتخلينه نروح نگعد سميچه

ههههههه يلا

هذه الولد مبين من اهل الله نفس طينه سميچه عله گولته
كام وطلع قبلي طلعت وراه
صعدنه واخذني لغرفه شمس واني امشي اباوع للبيت
ماشاء الله شكدمااحجي قليل بيه
وصلنه للغرفه وجان يدفر الباب
بقيت ابوعله مصدومه

كال لتخافين هسه لو صاروخ يوكع يمه ماتكعد
فتحت الباب ودخلنه وفعلا شمس بسابع نومه
ظحكت عليه نايمه هنياله ماكو بكلبهه هم
جر الغطه منه وهيه عاطت

اهووووو امشي ولي منا

ومرض وصمخ كومي تدرين بيش الساعه

دروحً منا لا وعلي اصيح ابوي

وبقه هوه يجر بلغطه وهيه تغلط عليه واني ميته ظحك عليهم

كعدت يمه وكتله يكسلانه كومي
بسرعه رفعت راسه
تباوعلي مصدومه فركت عينه وكالت
انه احلم لو صدك

عشگ هاي انتي

ييي اني ليش ؟؟؟

كامت عله حيله وفتحت حلكه مبتسمه بهبل

لا عليج الله نزلتي صددك والله انج سبعه

ضربته عله جتفه وكتله وج شنو قصدج ''آنۣۗہـــ
جبانه يعني

لا لا موهيج قصدي بس گلت بعد شهر لو تزلين لو لا
وبهلمناسبه راح اكوم هسه. بس هيه بيش الساعه
باوعت عله الساعه جان تعيط
شنوووون ب٦ ونص لا والله مگعديني ب٦ ونص
بقت تعيط وتحجي واحنه نظحك عليهه
نزلنه وطول اليوم بقت شمس تسولفلي عله اهله وعله گرايبهم
وعله كلشي يخصهم
والي عرفته انو ابوهه چبير اخوته وعنده ولد اكبر من صگر
توفه من زمان وهذه الولد جان متزوج وعنده طفل
لاكن بعد وفاته زوجته تركت الولد وراحت لاهله
بحجه انو مراح تكدر تتحمل مسؤليته
وبقه الولد وتربى ويا صكر وذو الفقار وشمس على انو هوه اخوهم
هوه يعرف بلحقيقه بس يعاملهم كأخوانه
واسمه حسن وهوه طالب علوم سياسيه
سنه ثالثه بس يشتغل ويه صديقه بمحل
وذو الفقار خريج كليه هندسه ويشتغل ويه شركه المانيه
هوه مندوب الهم هنا وبنفس الوقت عنده شركه زغيره
ايديرهه
عجبني استقلالهم واعتمادهم عله انفسهم رغم همه اصحاب خير
عمي عنده معارض سيارات بلبصره
وبلعماره وبغداد
وعدهم شركات انتاج البقوليات
ناس متمكنين
حچتلي عله كولشي وعله كل شخص تعرفه
اله شخص واحد .....صگر
ماعرفت عنه اي معلومه حسيته متريد تتدخل بخصوصياته وتحجي
واني ماحبيت احرجه واسأله
بس بداخلي فضول قوي ردت اعرف ايي شي عنه
عله الاقل اعرف شنو الشخص الي اتعامل وياه
خلص اليوم واحنه نسولف ونگرگر اني وشمس وخالتي وبيب

ي

احس نفسيتي تغيرت وكلبي ارتاح وعقلي صفه شويه
من شفت الناس الي راح اعيش وياهم .....
ناس بسطاء جدا وجودهم نادر بهذه الوقت
رغم الهم مكانه بين الناس
صارت الدنيا ليل وصعدنه للغرفه اني وياهه
لغرفته هيه
كالت راح اجيب حبشكلات نتعلل بيهه ونسهر وخلي تلفوني يمج
وطلعتلي الصور الي عدهه صورهه وصور اقاربهه

ونزلت الساعه تقريبا ١١
التلفون بيدي
واجاهه اتصال مكتوب عيسى
انتظرت الخط انقطع ورجعت اگلب بلصور رجع اتصل
لحمدمااخلصت المكالمه
ومره لاخ اتصل تقريبا اربع مرات
هوه يتصل
سكت التلفون وره ثواني وصلت رساله

ومرض ليش متجاوبين

يربي هذه شبيه لطش دروح يمعود
ورجع اتصل مره ثانيه
يبوو

عفته يدك وسكت وحده
رجع دز

يابه وروح امي اذا مجاوبتي اجي انعل والديج

عزا هذه شبيه هيج يحجي

طفيت التلفون وخليته عله الجربايه
دخلت شمس وبيده الصينه مخليه انواع اشكال
كتله اليوم احنه نرحل للمستشفى بعد كل هذه الاكل

اوو يمعوده دكلي الف عافيه هنه كرزات وحلويات قابل باچه

اخذت التلفون وفتحته واحس لونه انخطف ونكلب وجهه
وسكتت
سويت نفسي ماشفته شي مديت ايدي للصينه
واخذت حب گالت قريتي موو ؟؟

گتله بنبره الا مبالا ماردت اضوجه

شنو ؟؟

المكالمات والرسائل؟

يي شفت بس هذه الشي ميخصني وماكو داعي تبررين اليه اي شي

ماحسيته اله حضنتني حييل وباستني

شمس:انتي منين اجيتي اكيد من الجنه
انتي موبس صرتي اختي لا روحي هم

عشق:هههههه وج من الجنه شنو اني بشر حالي حالج

شمس:لاوالله ملاك موبشر ...تدرين جنت اتمنى يصير
عندي صديقه واسولفه كلشي يخصني واحجيله
اسراري صح عندي بنات عمام بس ماحسيت بالامان لوحده بيهن مدري ليش حسيت وياج بالراحه انتي تخبلين

عشق:كرصته من خدهه وكتله وج انتي الي تخبلين والله
عسل وتنگرطين ماعرف ربي شكد يحبني وخلاج بطريقي

شمس :زين هسه احنه موواخوات

عشق:اخوات ونص

شمس:تسمعيني اذا اسولفلج

عشق :عيوني الج

شمس :تسلم عيوني وجج احس كلبي راح يطگ

عشق :سلامه گلبك ياحلوو

وگعدت شمس تسولفلي
عيسى يصير ابن عمه الي ازغر من ابوهه وهوه صديق صگر الروح بروح رفيق دربه ميتفاركون والكل تشهد عله صحبتهم

شمس:جنت اضوج منه اكرهه كره مصاير مغرور وشايف نفسه
واني واني خابصنه
كلما يشوفنه يكعد يفيك علينه اني وبقيه بنات عمامي
من صار عٍّــمـٍّـًــّرَّيٍْ ١٨حبيت واحد من منطقتنه
هوه اعترفلي واني ماكلت لا بقيت ويا سنتين كلما اكوله شوكت تتقدملي يتحجج بالف حجه
بس اني احبه حب عمياوي
رغم كل سيئات ...مثل ميگولون القلب ومايهوى
ماچنت اشوف بيه كل عــًّيب وغلط
وبيوم من الايام عيسى استأذن من ابوي ياخذني وياه نفتر
رحت ويا وكلبي ناغزني
اخذني لمكان بعيد مدري وين ولهسه ماعرف وينه
دخلنه لبيت واني ارجف
من طبيت شفت ذاك الحقير سابح بدمه
كمت الطم وعرفت عيسى يعرف بكلشي .... كتله عيسى ابوس رجلك
لا يموت وتبتلي عوفه يولي شتريدني اسوي
و بس لا تخبر اهلي
كلي اني ماجبته حته اموته
ولا حته اذلج جبته وجبتج حته تعرفين حقيقته

كعد ذاك الكلب يحجي ويعترف جان يستغلني بحجه الحب حته ياخذ مني فلوس
واني الغبيه مصدكته
بليل رجعني عيسى للبيت بدون مااحجي كلمه صعدت لغرفتي وقفلته
بجيت ولطمت ودكيت وكلشي سويت
اسبوعين واني مريضه وماطلعت من غرفتي
وبيوم جانو عمامي ملتمين هنا
نزلت وشفت عيسى بس مو نفسه عيسى جان متغير
مدري اني كمت اشوفه تغير
ماكام يحجي وياي ويشاقه مثل قبل. واني هم ماكمت احجي ويا
استحي احط عيني بعينه
مرت الايام وكام يجي عيسى تبقه عيني عليه
مدري ليش حله بعيني
كمت الوم نفسي شبيه جنت مغمضه ليش هسه كمت اشوفه
زلمه من صدك
واكل بروحي اكل .....ومره گاعدين كلنه
جدتي كاتله خايب يعيسى ماناوي تعرس المثلك ابنه بطوله
عيسى باوعلي بطرف عينه وكاله
ايي يجده اني هم اگول هيج دشوفيلي وحده عله ذوقج

من سمعته گال هيج اختنكت وضاگ صدري خنگتني العبره
مدري ليش
وكمت بسرعه طلعت للحديقه ادور هوه
ودموعي تتطافر منا ومنا
ماحسيت اله واحد وراي

عيسى .... شبيج شمس

مابيه

شلون مابيج ليش تبجين

ومنو گالك ابچي ... بس عيوني تحرگني

اممم علينه

عليك مو عليك هسه انته شعليك شكد تلح

اتقرب مني واني منطيته ضهري وهمس يم اذاني

اشتاقيت ... لمناگرنه وعركنه اشتاقيت لصوتج وصياحج عليه

باوعتله واني فاكه عيوني واحسس صخنت ونار تطلع من كلبي

عفته وردت ارجع بس هوه لزمني من ايدي
وگلي

زعلانه لان راح اعرس

واني شعليه عرست بقيت ...علواه تعرس واخلص منك

ها هيج اني مضوجج

يي گاعد عله گلبي خانگني

اووف ..صدك والله هيج اني مبخوت واكعد بكلبج

عيسى شتريد من الاخير ؟؟؟

اريدچ ..يبعد عيسى وهله

يعني شنوو ؟؟

يعني يابعد طوايفي احبج وميت عله اهلج
حسبالي تحسين من وحدج بس انتي ماكو قالب ثلج وحاطينه

ومن ذيج الساعه بدت علاقتنه وحبنه
كمت اشوف عيسى كلشي بدنيا اهلي وابوي واخوي وحبيبي
يحبني ويغار عليه بجنون واني اتنفس هواه والله
صح يوميه نتعارك ونتكافش ...بس ماكدر

بليا

اباوع لشمس تحجي وعيونه مليانه حب
لا عبالك نفسه سمش الخبله .... هيه تحجي واني مستمتعه بلقصه
جذبتني شخصيه عيسى وصار عندي فضول اشوف الشخص الي
متحمل هبل شمس

باوعتلي وگالت وهسه شدگولين ؟؟

عشق :صراحه ماعرف شگول قصتكم حلوه وتجنن خلتني احس باحساس حلوو صراحه
الله يهنيكم ويخليكم لبعض
بس شعجب لهسه ممتقدملج

جرت حسره وكالت ....عيسى صديق صگر الروح بالروح
شكد يحبني بس يحبه اكثر مني
يخاف لا يصارح صگر ويرفض ...واضيع اني من ايده وصگر

عشق:بسس ليش ًالمفروض اخوج يفرح بهلشي
ويعرف انو مراح يلكه احسن من صديق عمره يأمنه عليچ

شمس: لان عيسى صح ابن عمي بس مو من مره عمي هاي
عيسى من غير ام امه من الانبار يعني مره من غير ديرتنه
بختصار جانت حبيبه عمي صح تزوجه
بس جانت الثانيه ....واخذهه غصبن عله اهله
ماجانو موافقين بيهه بعد ماماتت عمي جاب عيسي ويه باقي ولده
صح محد داس لعيسى على طرف ولاضايقه
بس هوه دائما ....يتحسس ويحسب نفسه غريب بينهم
ولهذه السبب يخاف يخسر صگر

عشق :خطيه قهرني والله اكيد هذه الولد ديعاني بينه وبين نفسه

باوعتله وكتله زين وانتي شنو شعورج وشنو الافكار التجي ابالج

شمس:اوووف اسكتي يعشگ راح اموت صارلنه ٣سنوات ونص سوه واحس اريد اموت شوكت اصير اله وبعد مااخاف
لاحد يشوفنه سوه او يسمعني احاجي مادري
كل يوم اموت الف موته بس شبيدي ماگدر اضغط عليه
وانه ادري اذا عيسى يخسر صگر يموت مايبقه

عشق : اسم الله يمعوده لدكولين هيج
ان شاء الله تنحل وماكو شي يبقه عله حاله منعرف شنو ضام النه المستقبل

شمس :ايي الله كريم

مسكينه شموسه واني الحسدتج وكلت ماعدهه هم اثاريج
تنامين من ضيم گلبج

شمس: هسه انتي سولفيلي

عشق :شسولفلج ولج

شمس :كلشي يخصج اليوم انه مابقيت احد ماكتلج عليه
هسه دورج

صفنت بوجه اوووف يشمس شحجي وشسولف منين ابدي وبيمن انتهي
گطعت صفنتي وگالت ولايهمج

شوكت ماتردين تفضفضين انه موجوده
حضنته وشكتله شكرآ

شلون بنيه جوهره فدوه لگلبه تفهمني من نظره

بقينه كاعدين لحد اذان الصبح نسولف ونظحك صلينه ونمنه
بقيت نايمه يمهه ماردت اعوفه حسيت يمهه
براحه ،،،،،،

يتبع.......

عمري تغيير لون العين ماله علاقة بالأكل او أي شي

هي لااردايا الانسان من يكبر..فيتغير بالصبغات والهرمونات

فلون قزحية العين لبعض الاشخاص تتغير وسببها صبغة الميلانين☺️✨

#ملوكه

حبي..أي حبوب اذا تخلين كون لاتفوري ولايصير بماي حار☹️💔
لأنو بالحرارة ..اغلب الحبوب تتفاعل لو تروح فوائدها
فعلمود هج من تاخذون الادويه او بعض الحبوب..مكتوب عل العلبة يحفظ بدرجه حرارة الغرفه الطبيعية او الباردة

فاذا تخلين.. بماي القرنفل تعوفي اشويه يبرد وبعده تضيفين
وأني سامعه عن حبوب المانع..أنو زين للشعر..عدنا جماعه جربو وشافو نتيجة..🌚


#ملوكه

حبي من تاخذين غسول..اخذي الغسول المشهورة واللي اهواي طلب عليه

مثل غسول ستافيل وسيرافي ونتروجينا وكلين كلير ونتروجينا ولوريال وغسول شجرة الشاي...الخ
هذيني مشهورات واكثريه ديستعملو فمايسبب أي تصبغ

أما الغسول..اللي شكلهن وأسماىهن عجيبة غريبه..لاتاخذيهن ..لأنو متدرين بمكوناته😑💔

ونشرت قبل عن الغسول هسه هم اوجهن

#ملوكه

منا وليفوك تلكين الغسول لكل البشرات☺️

#ملوكه

حبي الشب من فوائده يقلل من البكتريا والفطريات

واللي متزوجه وجابت وتريد تضيق المهبل احسن من تستعمل كريمات ومااعرف شنو
فالشب مطحونة كلش تفيدها

وهمين اللي يعانون من سواد بالابط والمنطقة الحساسة فاستعملو الشب مطحونة تلكونة يم العطار
وكون يوميا تستعملي..🥰✨

وطبعا قبل كلشي لازم اشويه تجربي..عل ايدج حته اذا ماعندج حساسية تستعملي

#ملوكه

ومنا طريقة الشب للمتزوجات لتضيق المهبل.🌺

#ملوكه

عيوني هاي مو غسول..مثل جل او منظف للبكتريا يكولون زين لحبوب الجسم
بعد مادري اذا صدك يزيليهن مامجربته😕✨


#ملوكه