مساء الخير حبايبي❤️

اعذروني جهازي من بارحه بليل عطل😭..وقبل اشويه يله كمل تصليح

طبعا بالي جان كله يمكم..كلت اكيد كله ديفكرون بالقصة😂🥺..والبوت مليان استفسارات فوك 30 مسج

فهسه رح انزلكم القصة..وان شاء الله عل باجر انزل كل استفساراتكم💋💜


#ملوكه

#البارت_٢٣
يزن صعد ليفوك سبح وبدل وصعدت وراه سبحت ولبست دشداشه سودة فانيله قصيره وربع ردن وعيوني مورمه
يزن : شنو هاي ليان شبيهن ازنودج
ليان : بجيت من اللطم ليش الصار هين  يزن انت سنتين عفتني وهمه صارولي ام واب ... م  سنتين عمر هذني شگد كنت متشوقه اشوف امي من اجيب طفلي شلون راح تفرح .. بس هسه شلون اجيبه وامي مو يمي
يزن : بجيت وياها ... ليان هذا امر الله .. خلي ايمانج قوي
تعالي تعالي يمي خذتها لحضني ونومتها
..........
سميه : سليل شفتي ليان شلون كاتله نفسه بالك هيه بنتهم
سليل : لاتنسين امي شوگفت وياها اذا مكتلت نفسها عليهم عليمن ترديها تلطم وتبجي ..
سميه : زين مغزر وياها . بس تدرين اني حيل متندمه متوقعت ارجع للعراق بفاتحة اهلي كنت ناويه ارجع وي رجعتهم من ايران مشتاقتلهم صارلي هواي مشفتهم ... وضلن يبجن البنات
ليان : ثاني يوم گعدت ب ٥  صليت ونزلت حظرت الريوك وي نور والبنات وكعدوا الولد يزن وعدي والبنات واجتمعنه تريكنه وراها كمنه نظفنه البيت قبل ماتجي النسوان وتعزي
صارت ب ٩ اجت المله سوينالها ريوك . وب ٩ ونص بدت تقرا والنسوان يدخلن يصيحن واني والبنات نور وخالة يزن وسميه وسليل و نسوان عمامه واكفين بسره واحد والنسوان تعزينه ... طبعا نعي المله يوگع ع الجرح فقدت باللطم والصياح مدريت بنفسي اخر شي دخت طلعني من المجلس گللي انتي حامل ميصير هيج تسوين بنفسج .
النسوان : شفتي چنتهم شلون تلطم بناتهم مو هيج باردات .. والله يكولون هيه چانت شايله البيت ام يزن الله يرحمها تحمد بيها تسميها ام بيتي . لا ويگولون همه ربوها لان اجتهم صغيرة بعد مافصلها عمها الظالم ...
ليان : صعدوني لغرفتي  وانهاريت بالبجي اباوع هنا چانت تصعد يمي وتسولف وياي امي  وهنا ابوي وكف ل يزن حتى يروح وياه للمضيف ... رحت لغرفتهم طلعت قطعه من ملابس امي وضليت اشم ريحتها وشماغ ابوي الي چان يلبسه . خذتهم ضميتهم يمي حتى من اشتاقلهم اشم ريحتهم
___
خلصت ايام الفاتحه ... نزلت لگيت بناتهم يردون يلمون ملابسهم وينطوهم للفقراء
ليان : وين وين ملاب

سهم متنشال والغرفه مالتهم تبقى نفس ماهيه وريحتهم تبقى بالغرفه
يزن : حبيبي شبيج ننطي ملابسهم للفقراء اثوب
ليان : بجيت ... يزن همه راحو مابقه شي منهم تردون حتى ملابسهم الي بيهن ريحتهم تحرموني منهم .. 😭😭😭
يزن : سميه سليل مينشال اي شي من غرفة امي وابوي وليان على حق لازم تبقى ريحتهم بالغرفه . وراح تبقى غرفة امي وابوي مثل ماهيه ماتتغير
سميه : صار خويه مثل متشوف
سليل : اي عيني صار ... لج شفتي شلون كلمتها مشت
سميه : شعلينه احنه .. يومين ورايحين والبيت باقي الها
.ليان : صعدت لغرفتي ضليت ابجي شوي وصعد ورايه يزن يهديني
يزن : حبي اهدي موزين ع البيبي هيج تسوين بنفسج
ليان : يزن هذولي اهلي همه الي عوضوني حنان الاب والام الي ماعشته....

#يتبع..

#البارت_٢٤
يزن : خلصت أيامنه حزن والبيت صار فارغ علينه گمت احس بالخنگه من ادخل والگي امي مموجوده وابوي هم ... والگي مرات ليان گاعده بغرفتهم وتبجي ... طبعا اخواتي وازواجهم راحوا سكنوا بشققنه هنه وازواجهن واولادهن ..حتى ياخذن
مرت الايام وصار يوم الاربعين الي لازم نروح للنجف .. اجتمعوا اقاربنه خالتي وعمي ابو سلام عدي وزوجته وبنات خالتي وبنات عمي واخواتي وازواجهن ولد عمي واجرت كوستر .. ليان بقت بالبيت هيه ونور لان نور متكدر تمشي علمود ابنها وليان لان حامل رحنه زرنه
ليان : راحوا للاربعين مااخذوني وياهم شگد چانت روحي تريد تزورهم بس خالة يزن گلتلي ميصير انتي حامل وهاي مقبرة موزين عليج وعلى طفلج ...
نظفنه البيت اني ونور وكملنه لان باجر راح نسوي مجلس ثواب لارواحهم
يزن : وصلنه النجف وشفت قبر ابوي وامي ... صعب فقد الاب والام مهما كان عمرك راح تبقى انت بحاجتهم وبحاجة سندهم الك ...
خبصنه الزيارة .. رحنه تغدينه بمطعم ورحنه للكوفه زرنه وراها رجعنه وصلنه بليل ساعه ٨ .... دخلت للبيت هدوء عدي راح لكه زوجته نايمه هيه وابنها بغرفة ليان القديمه ... اني صعدت للغرفه فوگ لكيت ليان نايمه .. دخلت للحمام لگيتها محظرتلي ملابس .. سبحت وكملت اجيت نمت بصفها اباوعلها شلون ذبلانه ووجها اصفر ضليت اتمعن بيها الى ان غفيت ..
ليان : صحيت لكيت يزن. گعدته حبي شوكت وصلتوا؟ ...
يزن : اممممم حبي شوي حبابه اريد انام شوي
ليان : ههههههه اوكي نام حياتي .. رحت توضيت وصليت وراها نزلت حظرت الريوك وشوي وكعدت نور هيه وابنها
نور: صباح الخير ليلو
ليان : صباح الخيرات .. يلا تعالي نتريك حتى نكمل شغلنه العصر عندنه مجلس وقبل لاتبظي الناس تجينه ...
نور : بس اغسل ل كرومي ارضعه واجيج
ليان : اوكي انتظرج اني
شوي ونزل يزن
يزن : يتريك الحلو بدوني شلون ينطيج كلبج
ليان : مو شفتك تعبان گلت اخليك نايم
يزن : فديت مرتي والله
عدي : صباح الخير
ليان ونور ويزن : صباح الخير
عدي : اني كولش جوعان شنو ريوگكم
ليان : سويت مخلمه وبيض وجاي وجبن اذا تريد خيرات الله
يزن : عاشت ايدج يلا عفيه ع ريحة المخلمه بعد مااتحمل جعت والله هذا اكلنه من الغدا
ليان : ليش متعشيتوا
عدي : لا اني ويزن متعشينه ... بس نزلنه بمطعم بالديوانيه الي ويانه تعشوا واني ويزن منشتهي .
ليان يلا نور ماخلص كرومي ..
نور اجيت خلص مميه يلا حبي
ليان : يلا سموا بسم الله
......._________________
ليان : خلصوا ريوگ
گمنه ع البيت اني ونور نظفنه ورتبنه الاستقبال
وحظرنه الختمه وصينيه بيها حلويات وياس وبخور وشموع وصورتهم قبل لايتوفون بالامام الرضا .. ...
صارت ساعه ب ٢ ونص ... يزن وعدي طلعوا
اجن البنات سميه وسليل و ام نور واختها وبنات عم يزن وامهم والجيران والمدرسات الي وي امي ام يزن واقاربهم ..
واجتي المله وبدت تقره ... وماوگفت عن اللطم والبجي والصياح ..
____
بليل ساعه ب ٨ گاعدين ع العشا ...
ليان : اليوم تعبت حيل
سليل : ليان ديري بالج انتي حامل تره ميصير هيج
يزن : والله شگد احجي بس ميفيد
سميه : خويه صدك باجر نسافر ب ٩ الصبح طيارتنه صارلنه هواي هنا
عدي : شنقصه ششفنه منكم
سليل : لا منكدر نضل ازواجنه وشغلهم هناك
ليان : توصلون بالسلامه ديروا بالكم ع نفسكم
سميه .. الله يسلمج حبي
ليان : حسيت بألم كولش قوي بمنطقة حالبي
اه ااااااااه اااااااااااااه الحگني يزن
الكل : خير شبيج
ليان... آااااااه الحگوني بطني راح اموت
يزن :: شلت ليان وخليتها بالسيارة ورحت للمستشفى گبل
الدكتور ه...خير شبيها ؟؟
ليان .. دكتورة راح امووت الحگيني
الدكتورة .. انتي حامل ؟
ليان .. اي
بساع للفحص
الممرضات دخلوني للفحص واجتي الدكتورة سوتلي سونار وشافتني
الدكتورة : تدرين لو مجايبيج هسه يمكن الطفل يسقط
ليان.. لادكتورة سوي اي شي .. طلعت الدكتورة
الدكتورة .. وين زوج المريضه ليان
يزن .. نعم اني
الدكتورة .. همزين تلاحگنه زوجتك والطفل .. لان مهدد بالاسقاط كتبتلها مثبتتات واريدها ترتاح متشيل ثگل او تتحرك او ومقاربه ماكو منا لشهر وتضل نايمه وترفع رجليها .. وحركتها حد الحمام وبس .. واهم شي الحاله النفسيه
يزن : ان شاء الله دكتورة
اخذت ليان للبيت شفتي حبيبي شلون تأذيتي واذيتيني وخوفتيني عليج
ليان : حياتي اسفه .. والله بس تعرف انت الي مريت بيه اني
يزن : عادي حبي تحملي ...
__

ليان : مرن ٩ أشهر على حملي ودخلت بشهري
واني لابسه اسود وكل يوم ادخل غرفتهم انظفها واعطرها واگعد اطلع صورهم وابچي
يزن : كنت كلما اشوف ليان شلون تبجي ومتعذبه اتعذب ازيد وياها ... قررت اطلع من بي اهلي ونسكن بيت ثاني حتى تنسى
ليان : مااعرف بليل جاي اسوي عشه مااعرف اجتني طاقه سويت العشه وتعشينه اني ويزن وگمت غسلت اماعين ونظفت البيت كوله والحمامات وطلعت للطارمه وللكراج غسلتهم وسقيت الزرعات الي بالحديقه ويزن ساعدني
يزن .. حبي شنو شبيج اليوم 😂 الطاقه

#يتبع..

#البارت_٢٥
زايده عليج
ليان .. اي حبيبي احس نفسي خفيفه واريد اشتغل
يزن.. ياخفيفه ولج شوفي بطنج شكبرها بعد تصير
خلصنه شغل صارت ساعه ب ٣ ودخلت اسبح وحظرت ملابسي وملابس البيبي لان على اي ساعه اطلگ واجيب لان عندي الالم خفيفه عرفت نفسي عندي ولادة
يزن ... تعالي حب خلصتي
ليان .. اي.. نزلت
يزن.. نزلت ليان
فرشت بساط وخليت كرزات وعصير وكيك وگعدت بالطارمه على ضوه الگمر
ليان ... اوووف يابه شنو هاي .
يزن.. ساعه ٤ مابيها نومه بعد .. نصلي ونتريك ونام
ليان .. اي والله الجو يجنن
يزن.. ليان اني لسه متشوق اعرفه ولد او بنيه ..
ليان .. الي يجي من الله حياه الله
ليان .. خلي اكللكم اني من جنت اراجع علمود الطفل وصحته ونبضه حلفت الدكتورة متگولي جنس الجنين . اريده مفاجأه
ليان .. صارت ب ٥ اذن وصلينه اني ويزن وسويت ريوك وتريكنه جاي اغسل المواعين وحسيت الم كولش قوي خلصت بساع وصحت على يزن
يزن ... صعدت اريد انام ومنتظر ليان تصعد وماحسيت الا هيه تصرخ نزلت الها بساع
شبيج اباوع عليها واگفه والدم بين رجليها نزل
ليان .. راح اجيب حبي بساع عباتي وحجابي واغراضي فوگ بالجنطه محظرتهم تلگي جنطه زرگه وابيض هاي للبيبي وجنطه جوزي كبيرة هاي اغراضي
بسرعه رحت جبت جنطتها وخابرت خالتي ونور يلحكنه
صعدتها بالسيارة مشيت اعلى سرعه وصلت للمستشفى ونزلتها اخذوها للصاله وشوي واجتي خالتي دخلت وراها وانطيتها فلوس گلتلها خاف يردن فلوس ..
شوي وطلعت خالتي وجهه ميطمن ..
يزن.. خاله احجي شبيج شلونها ليان ؟
خالتي گالت الحمد لله بس بعدها مجابت تعسرت ولادتها ..
والدكتورة راح تحولها عمليات بأسرع وقت
ويردون موافقتك وتوقيعك
يزن... اذا ليان تكوم بالسلامه اوقع اهم شي هيه
رحت وقعت ع العمليه ودخلوها وره ساعه تأخروا طلعت الممرضه وين الي جاين وي ليان
يزن.. احنه
الممرضه .. نريد ملابس للطفل
يزن.. يعني زوجتي جابت
الممرضه اي جابت بس هسه هيه بالافاقه لان وضعها صعب
يزن.. والطفل ..
الممرضه .. راح ندزه للخدج لان شارب مي من بطن امه ومختنگ
دزو الطفل للخدج ورحت شفته طلع وليد ضليت ابچي ابوي الله يرحمه چان يحلم بيه يشوف جهالي
خالتي ... شنو تسميه خاله
يزن.. اسميه رضا خاله ابوي من راح لايران خابرني گلي يابه اندعيتلك الله يرزفك بوليد وسميه رضا بويه ... كان حاس مراح يشوفه
شوي وطلعنه
انتظرنه ليان بين ماتفيق
ومااشوف الا الدكاترة تركض على غرفة العمليات
ضليت مصدوم
عدي لزم ممرض كله شكو شبيكم
الممرض .. وحده من المريضات بالافاقه حالتها حرجه مختنگه وماتت ......

#يتبع..

#البارت_٢٦
يزن : من سمعت هيج الدم جمد بجسمي معرفت شلون اتصرف .. اباوع لخالتي تبجي ..
وعدي منصدم ..
رحت يم غرفة العمليات طلعت سستر سألتها ..
منو ماتت شنو اسمها وشبيها
الممرضه ..
بنيه خطيه ستوها والده مخليها بالافاقه والممرض الي ويانه منطيها ابرة بالغلط مموالمه جسمها واختنگت ..
يزن .. شنو اسمها ..
الممرضه..
مااعرف والله  بس هسه راح نطلع بقية المريضات الي فاقوا
ليان ..
صحيت من البنج بطني توجعني حيلل ضليت اصيح بطني توجعني  اجاني ممرض انطاني ابره هدء الالم  وراح لبنيه يمي هم انطاها ابره مهدء لان هم تصيح من الالم .. شوي واختنگت اباوعلها صارت زرگه ضليت مصدومه وخايفه وشوي وصفر الجهاز واجو الممرضين والدكتورات والدكاترة  وحددوا ساعة الوفاة واخذوا الممرض يحققون وياه .. حتى ضليت اسمع عياط وصريخ بين الدكاترة والممرضين
ليان .. اجتي الممرضه .. وياها وحده ثانيه سحبني حولني لغير سرير .. وبدوا يطلعوني
.. يزن
گاعد وضليت ابجي كل وعقلي ليان ماتت
وخالتي تكولي خاله خلي نتأكد منها
شوي واجن سسترات صاحن ليان وين اهلها تعالوا استلموها ..
يزن ..
اني هنا كل حيل بعد مابيه اريد اشيل نفسي من الگاع بعد مااكدر رجليه ثكلن
راحت خالتي
ليان..
اجتني خالة يزن گلتلي يمه ليان انتي عدله ممتي يمه گلبنه وگف عليج حبيبتي
عدي ..
لج ليان شوفي يزن راح يموت گعد بالكاع يبجي كل عقله متتي انتي لان كالوا وحده ماتت
ليان ..
عفيه صيحوا ليصير بيه شي
يزن ..
اجاني عدي لزمني هزني گلي ولك ليان عاشه كوم راح ياخذوها لغرفتها
.
يزن ..
رحت ركض الها شفتها دخلوها بالمصعد بسرعه ركضت ع الدرج حتى التلگاها .. وطلعوا من المصعد وشفتها ضليت ابجي وهيه هم ..
دخلوها غرفتها واجيت ..
ليان ..
حبيبي زيوني خفت عليه ؟
يزن..
لج مو بس خفت الا ردت اموت حسيت گلبي وكف اني حبيبتي وام ابني
ليان ..
صدگ نسيت ابني وينه وشلونه
يزن ..
زين بس بالخدج شوي طلع مختنك فد ساعتين ويجيبوا الج
.....................
ليان وره ساعتين اجتي الممرضه وجابت ابني وخلته بحظني گلتلي لازم ترضعينه
اباوعله يجنن ابيض بس لسه ممبين يشبهني لو يشبه يزن .. هنا تذكرت امي ام يزن وابوي .. ضليت ابجي اتمنيت يشوفون ابني
خالة يزن ..
خاله ليان لاتبجين مو زين ع الجاهل هيج وبعدين نزعيه الاسود ميصير تضلين بيه وانتي نفسه.. وبعدين الاسود ميرجعهم ..
ليان... بكيفج خاله الي تشوفيه . ..
طلعنه ثاني يوم رجعت للبيت استقبلتني نور لگيته محظرتلي الحمام دخلت وياي غسلتلي جسمي وشعري ..  بس غلفت العمليه بنايلون حتى ميوصلها مي
ورضاوي بس يبجي حبيبي ويزن طاير من الفرح بأبنه..
يزن... مااوصف شلون شعوري فرحان بليان ورجعتها سالمه مبيها شي ..
طلعت رحت اتسوگت للبيت جبت خبز واكل جاهز وجبتلها معلاك .. ل ليان .
ليان .. نور صعدتلي غداي والحمد لله تغديت
ورضعت رضاوي شوي وصعدلي يزن
ليان .. هلا ومية هلا بحبيبي الي صارلي هواي مشبعانه منه
يزن .. على كيفج حياتي اول البارحه احنه سهرانين اني وياج ..
ليان .. حبي مااشبع منك
يزن ... ليان حبيبي صايرة حلوة كلما جايج تحلوين
ليان 😊😊😊
يزن ...
تعاللي
ليان .. على كيفك حياتي بطني د تأذيني
يزن ...
يمه الحلو يدلع ...
ليان .. حبيبي اريد اگص شعري  جاي اتبهذل بالسبح لان منا عمليتي مااگدر اطول بالحمام
يزن ...
مستحيل متگصينه ليان ... كله شكم يوم تطيبين وتصيرين زينه وميعذبج..
ليان ... صار تدلل حبيبي
يزن....
الي كان يخليني اعشق ليان ..من اكوللها شغله تطيعني ابد متعاند ولايوم عاندتني او عصتني وكل هذا عاقله وفاهمه تعرف شلون تتفاهم وياي من اعصب وتمتص غضبي ..
مرات ادخل للبيت عصبي بسبب ضغوطات الدوام وهيه تضل صافنه عليه واني محترك دمي وادردم ... اباوعلها الگيها صافنه اسألها شبيج تكولي انت حلو من تعصب تخليني انجبر اضحك وانسى عصبيتي كولها ...
ليان ...
مرن ١٠ ايام رجعت للدكتورة شالتلي الخياط ورحنه اني وخالة يزن ويزن ..
ورجعت للبيت...
طبعا نور ابد متركتني حيل مداريتني
خالة يزن ...
يمه ليان اني اليوم اروح لبيتي اعتقد بعد متحتاجيني وياج ..
ليان .. خاله تعبتج وياي ماانسالج وگفتج هاي ان شاء الله بعرس اسامه اوكفلج هالوگفه
خالة يزن بعد امج دوومج طيبه ... على امج . وخوالج ..طلعين خو مو على عمامج
ليان .. بأستغراب خاله انتي تعرفين امي ..

#يتبع..

#البارت_٢٧
خالة يزن .. اي خاله اعرفها ليش منو ميعرف سراب الي الكل چان يسولف بجمالها باخلاقها بطيبتها .. بس جان معندها حظ ..
ليان .. سولفيلي خاله شتعرفين رحمه لخالتي ام يزن
خالة يزن. بتعجب ... ليش متذكرين امج متذكرين ابوج محد مسولفلج من عمامج
ليان ... خالة شيسولفولي ... اذكر بس بيبي واني ابجي بليل تگولي امج وابوج ماتوا راحو بعد وابتهال تكومني بضرب تگعدني بضرب وتكولي بنت الفگر ..
خالة يزن ..  اني هسه اسولفلج ... وعدلت كعدتها ..
يمه سراب الي هيه امج جانت صديقتي وجيرانه چنه نداوم سوه بدار  المعلمات وهيه جانت شاطره .. من جنه نروح ونجي ابوج جان يوكفلها بالطلعه وباوعلها وهيه هم صار بينهم حجي شلون مااعرف بس هيه گلتلي اني احبه وهو هم ويريد يخطبني .. عاد ابوج مچان قاصره شي رجال وهيبه. وشهاده  وجمال والمدلل عند جدج ... وجان جوارينه على بعد بيتين عنه ومعروفين اهله ...
ابوج راد يتقدم لامج بس بيبيتج رفضت رفض تام گلتله اذا تاخذها لا أني امك ولااعرفك ..لان رادت ابتهال لابوج ابتهال تصير بنت خالة ابوج .. وچانت تحبه بس من ما اخذها ..خطبوها لفرحان على اعتبار الحجي جان بين النسوان انه ابتهال ل ريسان وريسان لابتهال بس جدج بعدين غير رأيه ..وفرحان اصلا جان يحب ابتهال ومن مصارت لابوج فرح هواي ...
ليان ... وشبيها حلو ويحبها
خالة يزن .. هيه جانت زينه حليوه بس حقدها خربها
ليان .. شلون
خاله يزن .. اسمعي ولاتقاطعيني ..
جدج هدد بيبيتج گللها اهم شي سعادة ابني يعجبج يعجبج ميعجبج ذاك الباب يوسع جمل
بيبيتج هنا خافت وسكتت .. راحوا خطبو امج وصار زواجهم وبدت بيبيتج تحب امج من شافت طيبتها وحنيتها .. كل الي بالبيت حبوا امج وصارت امج هيه ام البيت ابوج من شاف محبة اهله لامج عشق امج عشق اعمى ومرت سنه يلا حبلت امج وجابت ولد سمته مرتضى وكلش حلو وكل الي بالبيت حبوا كبر مرتضى
صار عمره سنتين وچان نادر وبيبيتج عشقته حيل ... وقرروا يزوجون ابتهال لفرحان وتزوجت ابتهال وجانت مليانه حقد على امج ودائماً امج جانت تشكي منها لان ابتهال تباوع على ابوج بنظرات وصخه مو حلوة ولا كأنها متزوجه وعندها رجال .. امج ملتزمه چانت حجابها بالبيت گدام عمامج ويحترموها حيل اما ابتهال ف حيل جانت وكحه وجريئه ومحد يحبها وبيبيتج اتندمت لانها اخذتها لفرحان معبالها هيج .. حتى عمج فرحان بده يضوج من تصرفاتها.. ... چانت تتبلى على امج بحجي .. وراوتها الويلات لو متشتغل وامج خطيه عليها الشغل .. بيوم من الايام جانت امج تغسل الطارمه وابتهال تطبخ  ومرتضى چان يلعب يم بيبيتج اجه يم ابتهال چان تضربه وطلع بره يمه امج يبجي امج كلتلها اول واخر مره تضربين ابني وبده المصايح گامت ابتهال ضربت امج واثناء ميتعاركن هيه تعمدت شافت مرتضى واگف ضربته بالحايط مرتضى صرخ وهيه صرخه وهيه سكته
امج انصدمت .. وابتهال وكفت سوت نفسها مصدومه لگت اخوج واكع ومضروب راسه بالحايط من وكع اكو واير كهرباء طالعه اسلاكه تكهرب مات بسرعه لان ماي وكهرباء ...
امج تخبلت ملشت ابتهال ورادت تكتلها ابتهال شردت لغرفتها .. امج شالت ابنها وتركض للمستشفى .. متلاحگوه لكوه ميت ... اجه ابوج وانصدم من الشافه وجدج تمرض وبيبيتج ضلت تبجي وتنوح لان جانت متعلقه بأخوج ..ابوج يصبر على امج من رجعوا من الدفن امج شافت ابتهال كدامها وحطتها كتلتها لمن وكعت ابتهال بين اديها .. .. كلهم سكتوا عن امج محد فك ابتهال من ايدها حتى عمج فرحان تكتر لان ابتهال غلطت . رجعوها لاهلها وراد يطلكها بس من سمعوا بيها حامل رجعوها .. ابوج اخذ امج وراح بيها لبغداد يم اهلها لان جدادج بعد زواج امج انتقلوا لبغداد ..
وهناك ابوج اشتره بيت واستقروا .. بعد فتره
جدج توفى وعمامج الكبار باعوا البيت وانطوا حصص لكل واحد ابوج جان مهندس وخير من الله اخذ حصته واشتره هنا مزارع وبيوت وعمارة وعمج فرحان بعد ولادة مرته خسر فلوسه وراح لابوج يتوسل حتى يأجرله بيت  من بيوته ..
ابوج جان حاقد على ابتهال ...بس بيومها امج بشرته بالحمل وجانت حامل بيج ..
هو هنا انطاه هذا البيت الي هسه گاعد بيه  وشرط عليه من يكون نفسه يطلع هو ومرته..
بعدها امج ولدتج وجانت تراسلني وترسلي  صورج  بأيد مرت خالج ..
كبرتي وصار عمرج ٩ سنوات وبيبيتج رجعت هنا حتى تشوف عمامج وترجع رجع عليها ابوج وامج وانتي كنتي وياهم ..
وبالطريق بالرجعه لبيبيتج سووه الحادث ..
طبعا بيبيتج متحملت وره ٣ ايام الفاتحه ماتت لان حيل جانت متعلقه بابوج وبامج .. جانت وين متروح تمدح بأمج وتكول عنها ام بيتي .. نسوان عمامج وبالاخص ابتهال جانن يغارن من امج ..
اجيت بالفاتحه لگيتهم منيميج بالمخزن .. طبعا خوالج طالبوا بيج هوااي ورادوج يمهم .. بس الحقير فرحان مقبل خاف تصير بيها شغلة ورث ويطلعوا من البيت .. بس ابوج ذكي ثلاث ارباع املاكه سجلهم باسم امج وخوالج مضلموج گالوا من تكبر ننطيها حلالها ومن راحلهم يزن  وتاكدوا منج متزوجه رجعوا حلالج وعمامج هم عبالهم يطلعلهم ورث

#البارت_٢٨
اخوهم بس مربحوا ..
وفرحان مقبل ينطي حصتج الا تتنازلين عن البيت ..
خوالج طلبوا من يزن يجيبج الهم وتروحين تشوفيهم بس يزن يخاف عليج ... ومنتظر يحجيلج بهالموضوع بس وفاة الغوالي والفاتحه وسفرهم نساه كولشي ..
ليان ... اني انصدمت من خالة يزن سولفتلي عن امي وحيل حقدت ازيد ع ابتهال ...
حسيت نار وتاكل بگلبي ...
خالة يزن .. ابتهال بيوم عرسج گالت لام يزن كلمه ضوجتها گلتلها هسه تاخذ ابنج منج مثل مااخذت امها ابوها من امه .. الجذابه ..
ام يزن الله يرحمها خافت تسويها صدگ من سولفتلي ضحگت عليها وحجيتلها كولشي
ليان .. يعني حتى امي ام يزن جانت تعرف ومگلتلي ..
خالة يزن ..
اي يمه مرادت تضوجج والتهت بسالفة حملج وفرحته جانت متنوصف وسافرت  ومرجعت ..
ليان ..  ضليت ابجي ..
راحت خالة يزن لبيتها نور هم رجعت لشقتها ..
ويزن اجه يمي بليل سولفتله شگلتلي خالته .. وگلي ان شاء الله طلعي من الاربعين اوديج لخوالج تشوفيهم
نمت بليل مرتاحه وعرفت شي عن امي ..
بليل حلمت اني گاعده وبحظني رضاوي ويزن بصفي .. واجت بنيه اخذت يزن مني ضليت اصيح اريد ارجع يزن منها .. اصيح على يزن حتى يوخر عنها بس هو لاحول ولاقوة .. ضليت ابجي گتلها انتي منو وشتردين گلتلي اني كابوسج .. اريد رجلج ليش متنطينياه ..
وراها قريت ايات بوجه يزن وصحت حيل بكل صوتي يلا صحه وگام دفعها وهيه اختفت ورجعت حظنته ..وفزيت من الحلم على بچية رضاوي ..ليان ... طلعت من الاربعين ورحت لخوالي يزن اخذني الهم .. وتعرفت عليهم وحبيتهم حيل واخذت ارقامهم وضليت على تواصل وياهم .

الى ان مرت ست اشهر  واني مرتاحه وي يزن بس ياراحه متدوم ..
بهذا اليوم المنحوس ١٣ /٩ اندكت الباب الصبح طلعت لابسه تراك سود وردي رياضي وشعري حالته وشايله رضاوي ولگيت بنيه واكفه بالباب گلتلي مرحبا استاذ يزن موجود .. گتلها منو حظرتج شوهاي صافنه عليه گلتلي كوليله شروق اجت وهو يكولج منو اني ...
اني حيل ضجت ...منها ومن اسلوبها ... دخلت واعصابي صايرة نار گتله يزن وحده تريدك كلي دخليها للبراني .. دخلتها للبراني وهاي تباوع للبيت .. تكول مشايفه بيت ابد ..
شروق .. اعرفكم اني طالبة ماجستير جان عندي بحث وكلولي يزن يساعدج رحتله شكم مره وساعدني بس اني تعلقت بيه وعرفت متزوج وزوجته حامل بشهر السادس .. حيل ضجت كلت لازم اخذه والشرع حلل ٤ .. وراها سمعت زوجته ولدت وهو گطع وياي ميساعدني بالبحث وشكم مره حاولت اتحرش بيه مقبل ينطيني مجال قررت اشوف زوجته الي هيج هو ..وفي الها .. لا وزوجته جانت فصليه ..
رحت دگيت الباب وطلعتلي وحده تجنن شعرها لركبة رجلها وشايله ابنها يجنن .. والبيت الي هيه عايشه بيه يخبل .. تحلفت بيها متضل متنعمه بيه .. اني مطلكه وحالي حال الضيم ومحرومه من كلشي وهاي عايشه بنعمه النوب دخلتني ضليت صافنه على النظافه معقولة معندهم خدامه .. بس هيه تنظف ..
قاطع تفكيري دخول يزن ونظراته المتفاجأه
يزن ..
شرووق!!! شجابج وبعدين متجين لبيتي اني مو خلصتلج البحث شجابج
شروق ..
استاذ يزن رحت الك للمكتب ملگيتك وسألت عنك ماكو .
يزن.. اي بس ما يجبرج تجين لبيتي
شروق .. اسفه استاذ اعتبرها طرده !!!
يزن ..
بس البيت مو مكان عمل او دراسه
شرووق .. استاذ اني اجيت اسأل عنك لان كلما اجيلك السكرتيربالمكتب ميدخلني واروح للجامعه يگولولي ممداوم ..
يزن ... واني  احب اشكرج على سؤالج ... ونريد نطلع اني وزوجتي هسه
شروووق .. شكرا استاذ مع السلامه  . ..
بيني وبين نفسي گتله اني اعلمك اذا مخليتك تطلب رضاتي وانت الي تتوسل اليه ابقى يمك اني مو شروق ..
_
ليان طلعت شروق من البيت واني النار مشتعله جوايه .. اريد اعرف منو وليش يزن دائماً ميسولفلي شيصير وياه بالدوام ..
دخل يزن للمطبخ لگه ليان جاي توكل رضاوي شوربه ..
ليان ... منو هاي يزن !!؟؟
يزن ... شوفي راح احجيلج كولشي اذا صار شي حتى انتي كولشي تعرفين
هاي طالبه تدرس ماجستير حقوق وعندها بحث .. فالاساتذه دزوها اليه اساعدها .. ماكلت لا .. اجتني لمكتبي بالجامعه بغرفة الاساتذه بديت وياها بالبحث اساعدها .. قربت اخلص بحثها بدت تسوي حركات مو حلوة مثلا تلزم ايدي او مرات تجي توگف وراي من اشتغل على الحاسبه بحجة تشوف البحث .. وتضل تلزم متني المهم اخر مره كملت البحث انطيته الها .. للعصر اجتني للمكتب بالشركه تفاجأت گلتلي البحث بيه اخطاء من اجيت شفته مابيه شي .. بس مجرد تريد تسولف عرفتها وحده مابيها حظ تريد مجرد رجال غني وتكوش عليه .. ف وصيت السكرتير يطردها يكوللها عندي اجتماع .. بس عجب صارلها هواي مجايتني گلت فكه خلصت منها .. وهسه طبت لبيتي طردتها .. اني حيل خايف منها هاي شرانيه
ليان ... وانت ليش مگتلي عليها من البدايه ليش هسه يلا حجيت
يزن .. اسف حبيبي .. بس التهيت وياج حمل وولاده كان عندج .. محبيت اضوجج بموضوعها .. لان اني احبج ومستحيل افكر بغيرج ..
ليان .. حياتي اني واثقه منك بس ضجت اخاف تاخذك مني ..
#يتبع...

🔮خمسة أشياء كلنا نريدها ونحاول الحصول عليها

1-وجة جميل
2- فلوس بالملايين
3-صحة قوية
4-اولاد شاطرين وفالحين
5-نوم عميق من دون مهدئات

سهلة جداً وبوصفة سحرية
تستغرق 15 دقيقة يوميا
وهي


اقامة الصلاة في أوقاتها☺️❤️


#اعـاده_توجيـــہ_لتنسون
#ملوكه
@stylegrils

★افضل عشر أطباء في العالم🌚👇🏻🌺

1-كثرة شرب الماء
2-اشعة الشمس
3-النوم الكافي ليلا
4- الهواء الطلق النقي
5-المشي نصف ساعة يومياً
6- الغذاء الصحي المتوازن
7- تلاوة القرآن وهو غذاء للروح لا يمكن الاستغناء عنة
8- العسل
9- الحبة السوداء
10- القناعة والرضا بالقدر خيرة وشره


#اعـاده_توجيـــہ_لتنسون
#ملوكه
@stylegrils

تعلمي طريقة التصوير الصحيحه👇🙃🤍

@stylegrils