‏سبب استشارتي للناس هو ارضاء ضميري فقط والا انا بسوي الي براسي ☺️😅
تقولها
#الحوت
#الجدي
#العقرب
#الحمل

طبعا حبايب اعذروني عل تاخير..💔
لأن اليوم كعدت من نوم متأخره والكه جهازي خلصان شحنه ومنغلق🤦‍♀☹️..

فاكثر مسجات عل القصة..فهسه رح انزلها واعوضكم ببارتين اضافي😍
وبقية الاستفسارات بعد القصة ان شاء الله اجاوب عنهن

#ملوكه

#البارت_١٦

اصلي حتى اطلع اصب الغدا ابوي على جيه
يزن : صعدت سبحت وبدلت وصليت ونزلت لكيتهم مخلصين وصابين ومنتظريني
ليان : وين تاخرت يلا تعال نتغدا
يزن : اجيت يلا
تغدينه وسوتلنه ليان چاي مهيل يخبل
يزن : ليان عفيه اذا خلصتي صعديلي
ليان : صار تدلل  بس اخلص واغسل ملابس ابوي واكويهن واجيك
دخلت للحمام خليت الملابس بالغساله وخليتلهن معطر ملابس  وراها طلعتهن ونشفتهن وكويتهن ورحت ع غرفته كتله بابا هاي ملابسك كملتهن
ابويزن : الله يرضى عليج بنتي
ليان : والله يخليك اليه يابه
رحت صعدت ل يزن دخلت الغرفه ماكو
اجه من وراي يزن وفززنييزن كاعد بغرفتي حسيت بخطواتها ع الدرج صرت وره الباب دخلت سديت الباب وحاوطتها
يّـًِـلٍَْـة خلي تراب اغراضك
يزن : رتبتهم قبلج وانتي تأخرتي عليه 

ليان: بعد لاتضحك عليه وتصعدني اذا مرتبهم ليش صعدتني 

#يتبع..

#البارت_١٧
يزن : حتى اشوفج. ياعسل ....... خطيه خجلت اباوعها شلون رقيقه ونازكه كلتلها ليان حظري نفسج باجر نروح نعقد محكمه وراها نسوي حفلة عرس لا صارت ولا استوت 

ليان : شكد فرحت بكلامه وبنفس الوقت خجلت منه يلا اوكي الي تشوفه راح انزل اني ارتاح ليان : ثاني يوم رحنه نعقد محكمه وسوينه فحوصات طولت يومين يوم للفحوصات ويوم خلصت الجناسي وعقدلنه القاضي ويزن خله المهر  15 مليون حاظر و25 مليون غايب . كلي حبيبتي هذني لاشيء انتي اغلى من كل فلوس الدنيا اني هنا طرت من الفرح وصدك عشقته مو بس حبيته محسسني اني فصليه  وصادف يومها ثلاثاء ويزن كللنه موعدكم الخميس  الحنه والعرس امي ام يزن كلتله منلحك كللها معليه حجزت القاعه اني وكملت اموري واذا ع الملابس مومشكله كمليهن وره العرس هسه اشتروا الضروريات . نزلنه اني وامي ام يزن للسوك اشتريت بدلات للحنه وحتى ابدل وي بدلة العرس واخذتلي ملابس وتراكات واخر شي رحنه ع الاساس نأجر البدله بس امي مقبلت كلتلي اشتريها لان يزن كال خلي تشتري البدله حتى تبقى ذكرى وصدك اشترتلي البدله وكانت نازكه وحلوه كولش عجبنتي وثاني يوم الاربعاء  رحت للصالون نضفتلي وجهي ورجعت سوتلي صبغ شعري ونضفتلي جسمي بالشمع وطلع يجنن شكلي امي كلتلي لاتخلين يزن يشوفج قبل العرس باجر يلا يشوفج خلي يتفاجأ صدك رجعنه المغرب سويت عشه وتعشينه ويزن موجود خابرته امي كللها عندي شغله شوي وارجع صدك خليته عشاه ورحت لغرفتي فرحانه باجر عرسي وراح اجتمع بيزن   لل10بليل سمعت صوت سيارته دخلها للكراج مطلعت لان امي كلتلي لاتخليه يشوفج قفلت الباب خاف يفتحها عليه بس شو رأسا صعد ليفوك حتى ممر بيه شوي وخابرني كلي حبي نمتي كلتله لا حبيبي دا احظر اغراضي حتى باجر الصبح اصعدهم بغرفتك كلي الله باجر عرسنه كلتله حبيبي تعشيت كلي اي وي صديقي تعشيت يلا حب روحي نامي واني هم لان كولش تعبان 

#البارت_١٨
ليان : ماشي باي 

صبحت الصبح ع صوت امي تهلهل ونور اجتي هيه وعدي وامها واختها دخلت الحمام غسلت وفرشت اسناني وطلعتلهم سلمت خالة يزن  اول مشافتني صفنت بوجهي وارتبكت وراها سلمت عليه بس حسيت بيها شي هالمره شنو سبب ارتباكها ضل بالي مشغول   وراها كلتلي نور :حبي هم يلا نروح للصالون  

ام يزن : اي يمه روحي هسه قبل لايكعد يزن ويشوفج ونور احنه من تخلصون خابرون نجيكم بالسيارة حتى بالسيارة ناخذكم للقاعه 

نور : صار خاله تدللين ..

ليان .. نور مو بعد وكت ستوها بالعشرة واني معندي شي وجهي نظيف وشعري صابغته نور ... ليش حبي بس انتي عروس اليوم كولنه عرايس اني واختي هم نريد نسوي تسريحه ومكياج 

ليان : لعد اذا هيج يلا كومن  لبست  ورحت لام الصالون راوتني صور شلون اريد  تسريحتي ومكياجي اختاريت مكياج يجنن وراويتها الوان بدلاتي شافتهم ونسقتلي مكياجي عليهم . ووصت نور انه كلما البس بدله تغيرلي حمره بلونها  كلتلها عندها بدله خظرة وذهبي شلون اخليلها حمره خضرة هنا اني صدك ضحكت كلتلها ام الصالون لا خليلها وردي فاتح احلى 

يزن : بليل كنت يم ولد صاحبي محامي شاطر سولفتله عن حالة ليان وحلالها الي اخذوا عمامها وشلون يرجعونه الها وهم مراضين فهمني هوه رجعت محبيت اروح الها للغرفه لان اعرف فال موزين اشوف عروستي قبل العرس  وكنت تعبان كعدت على صوت عدي وولد خالتي بغرفتي يدبجون ويغنون 

يزن : ولكم شوي خلوني انام يمعوديين وراي سهره خلي اشبع نوم 

اسامه (ابن خالة يزن واخو نور ) كوم لك ساعه 11 ونص 

يزن : لابشرفك شنو هالوكت يركض ركض  .. كعدت دخلت للحمام سبحت .. طبعا للعلم اني بيوم عقد المحكمه العصر رحت اني وابوي وعدي اختارينه الغرفه تركيه لونها كريمي حلوة لان اخذت الكتلوك ل ليان  وهيه اختارتها . ومحبيت اطلعها اغار عليها لان من رحنه بالمحكمه الكل يباوع عليها ووقتها كان بودي اخليها بين ضلوعي ومااخلي احد يشوفها ...

ليان : ب 2 ونص خلصنه خابرت ع امي كلتلي هسه نص ساعه ونجيجن صدك اجتي هيه وعدي اخذونه للقاعه دخلتني بغرفه الملابس لبستني بدلتي البيضه وعدلتي امي الطرحه وطلعت ماشاء الله اقارب يزن واهله والمدرسات الي وي امي وصديقاتي اللي بالكليه عزمتهم ونور عازمه اقارب اهلها وكادر تصوي بالقاعه بس نسوان اللي يصورن وولد خالته واقاربه واكفين بره القاعه همه وابوي ابو يزن وعدي . لشوي  شغلوا اغنيه لالاله الالله  الاغنيه الكويتيه ودخل حبيبي يزن يجنن لابس قاط اسود وقميص ابيض ورباط احمر ومسوي تسريحه لشعره ورافعه ليفوك طالع ييخبل .  اجه كعد يمي وباس راسي وبدت الهلاهل والركص وشوي نزلنه ركصنه سلوا وهو كل شوي يهمس باذني كافي ارحميني ولج شنو هالجمال اللي شايلته 
#يتبع..

#البارت_١٩
يزن : دخلت للقاعه وشفت حبيبتي وطبعا طالعه ملكة جمال تخبل كمت بس ابلع ريكي وشوي نزلنه ركصنه سلوا كلتلها كافي ارحميني شنو هالجمال اللي شايلته ... هيه ضحكت بخجل .. كلتلها يمه فديت التخجل والله  ولج اليوم بليل ماارحمج اليوم اخليج بين ضلوعي مااطلعج  .. اكولج حب شفتي منو اجه 

ليان: منو حبي ؟ 

يزن : عمج اجه برة يم الوالد ومرت عمج وبنتها هناك كاعدات مشفتيهم 

ليان : شجابهم  هذولي 

يزن : اني عزمتهم اريد احرك كلوبهم واقهرهم حتى يشوفون المن انطوج  عبالهم يكسروج من انطوج 

ليان : حيل ضجت من شفت مرت عمي وشلون كاعده تباوعلي وتخنزر بيه شوي وشفتها اجت لامي ام يزن تحجي وياها  بس معرفت شحجت وياها بس شفت امي حيل ضاجت وخطيه بتسامتها راحت من وجهها ام يزن : واكفه فرحانه اهلهل بزواج ابني واركص وشوي تعبت رحت كعدت ع طاولتنه اني واختي وجان تجيني وحده سمرة مرتاحيتلها كلتلي الف مبروك ان شاء الله تشوفين اولادهم رديت عليها تسلمين  بس معرفتج بلا زغرن بيج  كلتلي اني مرت عمها للعروس .. كلتلها اهااا اهلا وسهلا بس حيل ضجت منها وجان تنب تكول هههه والله زين تعاملون الفصليه انصحج منها تراها حيه من جوة ليجوه مثل مها اخذت ابوها وطلعت بيه من اهله  وخلت كلب امه محترك عليه اكيد هسه تاخذ ابنج من حظنج وتغيرة عليج اني هنا ضجت من حجيها كلتلها ليان بنتي وصارلها سنتين ونص عايشه وياي ومشفت منها غير الزينه هيه ام بيتي وشايلتني وشايله عمها واذا ع ابني اذا تريد تاخذه حلال عليها اهم شي راحة ابني ..  ورجاء  لاتحجين هالحجي بعد اذا عندج بعد حجي موزين عن بنتي تفضلي من غير مطرود . طلعت وهيه تباوع ع ليان بنظرة حسد .. رجعت اتذكرت ليان شلون سولفتلي عن سكمها وياهم وخصوصا وي مرت عمها كلت الله يساعده هالبنيه شلون كانت متحمله هيج وحده خبيثه. 

ليان رحت ع غرفة التبديل ابدل البدله اجتي امي ام يزن بدلتلي بدلتي سالتها يوم شرادت منج مرت عمي كلتلي لايومه خلي تولي وحده حاسده لضوجين روحج بهيج نماذج الليله ليلتج 

ليان : بدلت بدلتي البيج وسماكي نفش وتخبل وخليت حمرة حمرة قريبه ع لونها نور سوتلياها وطلعت...و خلوا كدامنه الكيكه والحنه والياس حبيبي خله الحنه بايدي واني هم خليت الحنه بايده ولبسني الذهب وكصينه الكيكه وطكينه صور وضليت كل شوي اروح البس بدله شكل  وراها خلص العرس رجعنه بالسيارة للبيت وصعدنه للغرفه دخلت للغرفه  بدلت وانطيته عباتي صلى عليها واني هم صليت وراها دكت الباب امي جابت النه العشه 

ام يزن : يمه يزن لو رايحين بشقتك حتى تاخذون راحتكم لو ساكن بشقتك وحدك انت ومريتك ( اتعمدت اشوف ليان شتسوي اشوف كلام مرت عمها صدك اخاف تاخذ بني

#يتبع..

#البارت_٢٠
يزن : والله يمه كلتلها ليان خلينه نسكن بشقتي بس هيه مقبلت كلتلي مااريد اعوف امي  وابوي وحدهم منو يداريهم 

ام يزن : يمه حبيبتي ربي يرضى عليج ولايحرمني منج 

ليان : حبيبتي امي انتي حسستيني بالحنيه والامان شلون ترديني اعوفج 

ام يزن : يلا يمه اخليكم على راحتكم 

طلعت امي وتعشينه

يزن : حبي انتي ليش هيج حلوة ليان : ثاني يوم صحيت واني بحضن يزن گعدت العب بلحيته الي تجنن وامشي ايدي بالخفيف عليها ونزلت العب
يزن : حسيت بيها تلعب بلحيتي كلتلها
لزمتج تحرشين بيه متخافين ؏ اخوتج. تتحرشين بالي ناس😂
ليان : يمه فززتني حبيبي صباح الخير اجتي امي ام يزن صبحت علينه وگلتله يلا نزلوا تريكو ا ابوج جاب گيمر وكاهي وصمون حار وسويتلكم شاي مهيل كتلها صار يمه شوي وننزل
يزن : طلعت من الحمام لگيت حبيبتي واكفه لابسه فستان ابيض طويل وحاله شعرها على طوله واللون الرمادي لايگ لشعرها وجمالها يخبل من الصبح كلتلي يلا ننزل نتريك ابوي جايب گيمر وكاهي
يمه انتي الكيمر هنا يمي شسوي بذاك الكيمر اذا انتي يمي آكلج أكل هسه
ليان : يمه حبيبي الله لايحرمني منك .
نزلت تريكنه وصبحت على ابوي ابو يزن وبسته براسه
ابو يزن : الله يرضى عنج بويه بنيتي انتي
يزن : هااا يابه تره اغار يعني شنو المحبه صارت لمرتي
ابو يزن : هههههه يابوك ليان وردة هالبيت ومحبتها من محبتك لو تمرضنه شكد تمرضت اني وامك وهيه شلون دارتنه وبارتنه ووگفت ويانه ومقصرت
ليان : يابه الله يخليك ويطول بعمرك
ابو يزن : بوية يزن بعد شوي اريدك وياي بالديوان انت وعدي لان زحمه شيوخ راح يجونه على الغدا حتى يتباركولك بعد انت ابن الشيخ وان شاء الله تلزم الشيخه من بعدي
يزن : والله بويه شوف عدي يدبرها اني رجال ماادبرها لان دوام وسفر ف مالحك دووم اضل گاعد بالديوان وطلابة جاية وطلابه رايحه
ابو يزن : بس يابعد ابوك انت الچبير وبچري
يزن : الله كريم بوية عمرك طويل ان شاء الله منا لذاك الوكت يحلها الف حلال ... بويه عندي فكره .. عمي ابو سلام  يدبرها خلي يصير شيخ  وهو اولى بيها
ابو يزن : يصير خير وانه ابوك ...
يزن:   اجتمعنه بالديوان وتغدينه ... وبعد الغدا ابوي فاتح عمي ابو سلام بالموضوع ... وعمي وافق ... وره يومين عمي ابو سلام صار الشيخ وديوانه صار مفتوح للطلايب والمشاكل .. وابوي بعد ميتحمل الطلايب العشائريه ...
#يتبع..

#البارت_٢١
ليان : مرت ايام گضيتها احلى ايام عمري الناس جايه رايحه علينه وتسلم عليه ويتباركون اليه . احلى شعور حسيت نفسي صدگ متزوجه وبطريقه جميله محسيت نفسي فصلية ابداً .
وطبعاً حلالي وحصتي من اهلي رجعتلي  بيتين بأسم ابوي بغداد وبيت بالناصريه وعمارة بالبصرة .. وطبعا البيت الي گاعد بيه عمي فرحان لابوي ومقبل يرجع حلالي اذا مو يتسجل البيت بأسمه طبعة وافقت .. لان وين يروح هو وجهاله.... وحتى وان اخذته منه تبقى اليه بيه ذكرى سيئه .
بيت عمي فرحان صاروا عائله مشتته ... أمل دخلت معهد تقني .. وابتهال مرت عمي صار بيها سكر ومنتظر تزوج ومرته مراويه ابتهال الويل  ... وخلت منتظر دائما يتعارك وي امه .. الله يمهل ولا يهمل ... وعمي فرحان شكل عنده سكر وضغط .. وزياد سافر وتزوج وماصار عنده اطفال ...
________________
ليان : نمت بليل من وكت ..گعدت ب ١٢ يزن دخل باسني بگصتي وراح بدل واجه نام بصفي
ليان :حبيبي تأخرت ؟
يزن : اي حبيبتي يم الشباب رحت شوي اغير جو ..
ليان : يزن شكد صار علينه متزوجين
يزن : ليش حبي ؟؟
ليان : لاعفيه گولي
يزن : حبي شبيج صارلنه ثلاثة اشهر من اتزوجنه ليش
ليان : حبي اريد اروح دكتوره علمود حمل
يزن : حبيبي  باجر اخذج للدكتورة تحللين وتفحصج
ليان : ثاني يوم گعدت غسلت ونزلت سويت الريوك وگعدوا ابوي وامي
ام يزن : يمه يزن ماكعد
ليان : يمه البارحه رد متأخر واستخطيته اكعده من وكت
ام يزن : يمه الدوام مباقيله اسبوع ويبدي وانه وابوج نبدي نداوم ... بعد مااوصيج البيت بيتج
واني وابوج هالايام حجزنه نروح لايران ..
ليان : اي والله يمه اندعيلي وياج من تروحين للامام الرضا
ام يزن : ان شاء الله
ليان : شوكت تروحون ؟
ام يزن : عگبه ان شاء الله نروح
ليان : ترجعون بالسلامه ان شاء الله
اكول بويه اني اليوم العصر اروح للدكتورة وي يزن .
ابو يزن براحتج يابعد ابوج الي تشوفيه .
ام يزن : بصوت خافت خيرج يمه .. شتحسين ؟...
ليان : مااحس بشي  ام يزن : ولج خاف حامل
ليان : مااعتقد يمه .. لان الحمل اله اعراضه غير
ام يزن : الله كريم روحي اليوم وفحصي وبشرينه .
ليان : ان شاء الله
.. خلصنه وبديت احظر للغدا ابوي اشتهى سمچ
سويتله مطبگ سمچ .
وطلعت للطارمه نظفتها ونظفت البيت ..
وبديت احظر بالسمچ .
ب ١١:٠٠ نزل يزن ستوه گاعد من النوم
ليان : صح النوم حبيبي
يزن : حياتي انتي صباح الفل والياسمين
سويلي ريوك حبي .
ليان : صار تدلل .. بس مو تشبع نفسك وراك سمج ع الغدا
يزن : مااشبع من طبخج مااشبع
ليان : دريت ابوي وامي عگبه يرحون  لايران .
يزن : وهل تخفى عليه خافيه 😆
ليان : يعني تدري ومحجيتلي
يزن : حبي البارحه حجزتلهم ومن رجعت تعبان محجيتلج . گلت الصبح اسولفلج بس معبالي السالفه سبقتني 😄
ليان : تفضل تريگ وراك تاخذني للدكتورة
تغدينه وكملنه .. ونظفت ورة الغدا البيت ودخلت سبحت وحظرت نفسي حتى اروح للدكتورة .
يزن : حبيبي ستوها ب ٣ بعد وكت
ليان : حياتي دكتورة النسائية ازدحام عليها يصير هم يلا نحجز وراي تحاليل تسويلي وسونار وتعرف سوالف الدكتورات
يزن : انتظري ابدل واجي وراج .
ليان : نزلت يم امي لگيتها ستوها گاعده من النوم وجاي طالع مسلسل .. يمه راح اروح للدكتورة تحتاجين شي؟
ام يزن :لايمه  ربي يرضى عليج وبلكي افرح بيج وتجيبيلنه نونو صغير .
ليان :آمين يارب
..
يزن : يلا حب خلصت اني ... اخذت ليان ورحت للدكتورة دخلت هيه واني ضليت انتظرها دزيتلها مسج گتلها اروح اخلص شكم شغله من تخلصين خابريني اجيج .
ليان : دزلي يزن مسج گلي من تخلصين خابريني اروح اخلص شكم شغله .. دزيتله تمام
گاعده واباوع النسوان الحوامل والي جاي تعالج معندها طفل والي مسقطه مشاكل مشاكل النسوان .
شوي واجتي بنيه كانت صديقتي بالاعداديه تشتغل بالعيادة .. سلمت عليه ..
استبرق : لج ليان هاي انتي .. شلون شخبارج
ليان : حبيبي انتي شلونج شجابج هنا
استبرق : والله اشتغل بالعياده تدرين خلصت معهد طبي واتعينت بالمستشفى الصبح والعصر بالعياده وي الدكتورة
ليان : بالتوفيق حبي
استبرق : شجابج هنا لج
ليان : والله تزوجت واجيت افحص
استبرق : لعد امشي ادخلج من وكت مضلين تنتظرين ... تعاي يولو شوكت تزوجتي . اني سمعت انطوج فصليه
ليان : ماكو هيج حجي  اتزوجت اني ع سنة الله ورسوله .. وانتي منين جبتي هالحجي
استبرق : مرت عمج والله . گالت لامي وحتى انصدمت .
ليان : ( مااعرف شصار بيه من سمعت كلامها حيل ضجت حبيت اغير الموضوع ) لج يلا دخليني مو لا اتأخر عفيه .
استبرق : صار تدللين .. رحت على ام علي الي كاعده ع الباصات گتلها دخلها .. وفعلا دخلتها
ليان : دخلت على الدكتورة ... السلام عليكم
الدكتورة : وعليكم السلام اهلا وسهلا  حبيبتي
استبرق : دكتورة هاي صديقتي ديري بالج عليها
الدكتورة : من عيوني اسو .  تدللين انتي وصديقتج . ( الدكتورة وهيه تلاوع ع ورقة الدخول لليان )
اي ليان سولفيلي شنو تشكين

#يتبع..

#البارت_٢٢

ليان : دكتورة اني متزوجه من ثلاثة اشهور وصارلي
الدكتورة : محسيتي بأعراض مثل الغثيان .. دوخه .. لعبان نفس .. الالام بالبطن او بالظهر
ليان : لا دكتورة  محسيت
الدكتورة : راح اكتبلج تحليل حمل  واذا ماكو انطيج علاج انزلها الج
ليان : طلعت من الدكتورة ورحت سويت تحليل  ام التحليل اخذت مني دم وكلتلي انتظري ٥ دقايق ... طلعت انتظر .. ولكيت مريه تبجي سألتها گلتلي جايبه بنتها وياها تاخذلها سونار بتها عندها ثلاث بنات وتريد ولد واخذت سوناى وطلع بيها ولد بس يافرحة ماتمت طلع الطفل ميت .. گتلها خاله ممقسوم الها . واثناء مامندمجه وي المريه صاحت اسمي ام التحليل ...
صاحت اسمي ام التحليل
گمت كتلها نعم بشري .. 
مبروووك انتي حامل 
ليان انصدمت بس بنفس الوكت فرحت لان ممتوقعه ولان اعراض حمل ماكو
رجعت للدكتورة .. اخذتلي سونار يمها وكلتلي ممعقوله شهرين عمر الطفل محسيتي بشي ..
گتلها لا الله دكتورة
الدكتورة : مرات اكو نساء متصير عندهن اعراض حمل ولا نساة .. وانتي منهم . راح اكتبلج مثبتات وعلاج وفيتامينات وفوليك اسد تستمرين عليه لل شهر ال٤ يلا تگطعينه
ليان : ماشي دكتورة
الدكتورة : بعد شهر تعالي حتى نچيك نبض الجنين . .. لا تشيلين ثگل ولا تسافرين
ليان : تسلمين دكتورة
طلعت فرحانه خابرت يزن واجاني
يزن: رحت لولد صاحبي علمود اهلي وروحتهم لايران  . اتصلت ليان ورحتلها
ليان اخذت العلاج وشوي واجاني يزن صعدت السيارة .
يزن :حبيبي شگلتلج الدكتورة
ليان :، خربطة ماكو ... حبيت اخليها مفاجأه
ليان : يزن اني خايفه ميصير عندنه طفل والنوب تتزوج عليه
يزن : بربج اعوف الجمال هذا واتزوج عليج مشايف بجمالج دوو م.. حتى اذا مصار انتي بنتي واني ابنج 😉 .. وبعدين ربج كريم
ليان : يزن بعد مااكدر اضم عليك لعد
يزن : احجي خوفتيني ... خفت خاف تطلع متجيب اطفال او ميصير عندها اني نقطة ضعفي الاطفال حيل احبهم
ليان   : يزن اني ..... اني ..
يزن : احجي ولج خوفتيني....
ليان : ني حامل .....ليان : اني حامل 😄
يزن : بربج الله عليج كولي والله
ليان : والله حبيبي شبيك وصارلي شهرين ومو حاسه اني
يزن : يافرحتي لج احلى خبر اسمعه  امشي اخذج احسن مطعم اوكلج مشاوي
اخذتها للمطعم وعشيتها واخذت وياي عشه لامي وابوي ..
ليان : رجعنه للبيت ..بشرت امي وابوي وفرحوا هواي
ثاني يوم راحوا لبغداد يزورون الكاظم راها يطلعون لايران من مطار بغداد
وبقيت اني ويزن ولا خلصت من سوالفه كل شوي يتحرش بيه على ابو  بس احنه والبيت فارغ محد بيه .
يزن : ضل البيت فارغ ومفاركت ليان ارجع من الدوام ومااطلع اشوف احتياجاتها وهيه حامل متكدر
ليان : مرت ٥ أيام ع روحة امي وابوي ...
يزن متخابر ابوي تشوفهم شخبارهم .. من البارحه بليل من اتصل والصبح مخابرنه
يزن : حبي هسه اتصل شوفي جهازي ..  وچان يرن الجهاز
شفتي ابوي عمره طويل هو خابرنه .
يزن : فتحت خط هااا يابه عمرك طويل هسه اجيت اتصل عليك ......
ابو الحمله : السلام عليكم ابني اني ابو الحمله مو ابوك
يزن : اهلا بس ابوي وين
ابو الحمله : ابني البقيه بحياتك والدك ووالدتك عطوك عمرهم .. . مگدرنه نتلاحكهم
يزن : انت اكيد جاي تشاقه شلون ووين وشصار
ابو الحمله : ابني طلعنه من الفندق اكو منطقه يم الفندق بيها اعمار وطاحت عليهم حديده ثگيله من الرافعه وهمه من ضمن الي تووفوا  والدك بساع مات بس والدتك قبل ساعه توفت اثر النزف .
يزن : انصدمت متت احس كلبي يوجعني ممعقوله اهلي
ليان : يزن شبيك يزن احجي امي وابوي بيهم شي
يزن: افرك بوجهي واباوع ليان تدك وتلطم
ليان امي وابوي ماتو
ليان : اوووووووويلي يمه وينج ليش تيتميني مره ثانيه يمه مالي غيرج ... ضليت ابجي واصيح التموا عليه الجيران يزن خابرت اخواتي وعدي وكتلهم باجر نروح للمطار يجيبون الجثث
وصدگ اخواتي وصلوا قبل لاتوصل الجنازه بساعه وليان خليتها بالبيت مااخذتها وياي لان حامل .. اخذناهم وغسلناهم وعدي يدك ويلطم
عدي : ليش هيج يابه ليش تعوفنه منو النه يابه ... بالاول كرم هسه انتو
سليل وسميه : يبجن ..
وراها طلعنه بيهم للامام الكاظم شيعناهم ولكربلا للامامين وتالي للنجف شيعناهم ودفناهم وللمغرب رجعنه
ليان : ضليت اني ونور بالبيت نصبنه مأتم لارواحهم واجتي المله تقرا وتنعى واحسها طاحت على جروحي  ضليت الطم بدون وعي .. بنات خالة يزن وبنات عمامه لزموا الفاتحه من جاي وماي وتنظيف وابو سلام عمه  رجع سووه مأتم بالحسينيه الي يمنه .... للمغرب رجع يزن تلگيته ابجي  هايا يزن دفنتهم   دفنتهم واني ماشفتهم شلون انطاك گلبگ جاوبني امي وابوي يتموني مره ثانيه يزن
يزن: تلكتني ليان حالها يفطر الكلب شبگتها وضلينه نبجي  وعدي يبجي ويانه واخواتي هم خواتي من شافن ليان تبجي بجو وياها .. لان منظر ليان وهيه تعاتب يبجي الصخر
ليان وسلمت على اخواته . وهنه هم سلمن عليه ويبجن ..
وراها  جابوا العشا محد اكل يزن صعد ليفوك سبح وبدل وصعدت وراه سبحت ولبست دشداشة سودة

قصيرة ربع ردن وعيوني مورمة

#يتبع..

مساء الخير حبايبي❤️

اعذروني جهازي من بارحه بليل عطل😭..وقبل اشويه يله كمل تصليح

طبعا بالي جان كله يمكم..كلت اكيد كله ديفكرون بالقصة😂🥺..والبوت مليان استفسارات فوك 30 مسج

فهسه رح انزلكم القصة..وان شاء الله عل باجر انزل كل استفساراتكم💋💜


#ملوكه

#البارت_٢٣
يزن صعد ليفوك سبح وبدل وصعدت وراه سبحت ولبست دشداشه سودة فانيله قصيره وربع ردن وعيوني مورمه
يزن : شنو هاي ليان شبيهن ازنودج
ليان : بجيت من اللطم ليش الصار هين  يزن انت سنتين عفتني وهمه صارولي ام واب ... م  سنتين عمر هذني شگد كنت متشوقه اشوف امي من اجيب طفلي شلون راح تفرح .. بس هسه شلون اجيبه وامي مو يمي
يزن : بجيت وياها ... ليان هذا امر الله .. خلي ايمانج قوي
تعالي تعالي يمي خذتها لحضني ونومتها
..........
سميه : سليل شفتي ليان شلون كاتله نفسه بالك هيه بنتهم
سليل : لاتنسين امي شوگفت وياها اذا مكتلت نفسها عليهم عليمن ترديها تلطم وتبجي ..
سميه : زين مغزر وياها . بس تدرين اني حيل متندمه متوقعت ارجع للعراق بفاتحة اهلي كنت ناويه ارجع وي رجعتهم من ايران مشتاقتلهم صارلي هواي مشفتهم ... وضلن يبجن البنات
ليان : ثاني يوم گعدت ب ٥  صليت ونزلت حظرت الريوك وي نور والبنات وكعدوا الولد يزن وعدي والبنات واجتمعنه تريكنه وراها كمنه نظفنه البيت قبل ماتجي النسوان وتعزي
صارت ب ٩ اجت المله سوينالها ريوك . وب ٩ ونص بدت تقرا والنسوان يدخلن يصيحن واني والبنات نور وخالة يزن وسميه وسليل و نسوان عمامه واكفين بسره واحد والنسوان تعزينه ... طبعا نعي المله يوگع ع الجرح فقدت باللطم والصياح مدريت بنفسي اخر شي دخت طلعني من المجلس گللي انتي حامل ميصير هيج تسوين بنفسج .
النسوان : شفتي چنتهم شلون تلطم بناتهم مو هيج باردات .. والله يكولون هيه چانت شايله البيت ام يزن الله يرحمها تحمد بيها تسميها ام بيتي . لا ويگولون همه ربوها لان اجتهم صغيرة بعد مافصلها عمها الظالم ...
ليان : صعدوني لغرفتي  وانهاريت بالبجي اباوع هنا چانت تصعد يمي وتسولف وياي امي  وهنا ابوي وكف ل يزن حتى يروح وياه للمضيف ... رحت لغرفتهم طلعت قطعه من ملابس امي وضليت اشم ريحتها وشماغ ابوي الي چان يلبسه . خذتهم ضميتهم يمي حتى من اشتاقلهم اشم ريحتهم
___
خلصت ايام الفاتحه ... نزلت لگيت بناتهم يردون يلمون ملابسهم وينطوهم للفقراء
ليان : وين وين ملاب

سهم متنشال والغرفه مالتهم تبقى نفس ماهيه وريحتهم تبقى بالغرفه
يزن : حبيبي شبيج ننطي ملابسهم للفقراء اثوب
ليان : بجيت ... يزن همه راحو مابقه شي منهم تردون حتى ملابسهم الي بيهن ريحتهم تحرموني منهم .. 😭😭😭
يزن : سميه سليل مينشال اي شي من غرفة امي وابوي وليان على حق لازم تبقى ريحتهم بالغرفه . وراح تبقى غرفة امي وابوي مثل ماهيه ماتتغير
سميه : صار خويه مثل متشوف
سليل : اي عيني صار ... لج شفتي شلون كلمتها مشت
سميه : شعلينه احنه .. يومين ورايحين والبيت باقي الها
.ليان : صعدت لغرفتي ضليت ابجي شوي وصعد ورايه يزن يهديني
يزن : حبي اهدي موزين ع البيبي هيج تسوين بنفسج
ليان : يزن هذولي اهلي همه الي عوضوني حنان الاب والام الي ماعشته....

#يتبع..

#البارت_٢٤
يزن : خلصت أيامنه حزن والبيت صار فارغ علينه گمت احس بالخنگه من ادخل والگي امي مموجوده وابوي هم ... والگي مرات ليان گاعده بغرفتهم وتبجي ... طبعا اخواتي وازواجهم راحوا سكنوا بشققنه هنه وازواجهن واولادهن ..حتى ياخذن
مرت الايام وصار يوم الاربعين الي لازم نروح للنجف .. اجتمعوا اقاربنه خالتي وعمي ابو سلام عدي وزوجته وبنات خالتي وبنات عمي واخواتي وازواجهن ولد عمي واجرت كوستر .. ليان بقت بالبيت هيه ونور لان نور متكدر تمشي علمود ابنها وليان لان حامل رحنه زرنه
ليان : راحوا للاربعين مااخذوني وياهم شگد چانت روحي تريد تزورهم بس خالة يزن گلتلي ميصير انتي حامل وهاي مقبرة موزين عليج وعلى طفلج ...
نظفنه البيت اني ونور وكملنه لان باجر راح نسوي مجلس ثواب لارواحهم
يزن : وصلنه النجف وشفت قبر ابوي وامي ... صعب فقد الاب والام مهما كان عمرك راح تبقى انت بحاجتهم وبحاجة سندهم الك ...
خبصنه الزيارة .. رحنه تغدينه بمطعم ورحنه للكوفه زرنه وراها رجعنه وصلنه بليل ساعه ٨ .... دخلت للبيت هدوء عدي راح لكه زوجته نايمه هيه وابنها بغرفة ليان القديمه ... اني صعدت للغرفه فوگ لكيت ليان نايمه .. دخلت للحمام لگيتها محظرتلي ملابس .. سبحت وكملت اجيت نمت بصفها اباوعلها شلون ذبلانه ووجها اصفر ضليت اتمعن بيها الى ان غفيت ..
ليان : صحيت لكيت يزن. گعدته حبي شوكت وصلتوا؟ ...
يزن : اممممم حبي شوي حبابه اريد انام شوي
ليان : ههههههه اوكي نام حياتي .. رحت توضيت وصليت وراها نزلت حظرت الريوك وشوي وكعدت نور هيه وابنها
نور: صباح الخير ليلو
ليان : صباح الخيرات .. يلا تعالي نتريك حتى نكمل شغلنه العصر عندنه مجلس وقبل لاتبظي الناس تجينه ...
نور : بس اغسل ل كرومي ارضعه واجيج
ليان : اوكي انتظرج اني
شوي ونزل يزن
يزن : يتريك الحلو بدوني شلون ينطيج كلبج
ليان : مو شفتك تعبان گلت اخليك نايم
يزن : فديت مرتي والله
عدي : صباح الخير
ليان ونور ويزن : صباح الخير
عدي : اني كولش جوعان شنو ريوگكم
ليان : سويت مخلمه وبيض وجاي وجبن اذا تريد خيرات الله
يزن : عاشت ايدج يلا عفيه ع ريحة المخلمه بعد مااتحمل جعت والله هذا اكلنه من الغدا
ليان : ليش متعشيتوا
عدي : لا اني ويزن متعشينه ... بس نزلنه بمطعم بالديوانيه الي ويانه تعشوا واني ويزن منشتهي .
ليان يلا نور ماخلص كرومي ..
نور اجيت خلص مميه يلا حبي
ليان : يلا سموا بسم الله
......._________________
ليان : خلصوا ريوگ
گمنه ع البيت اني ونور نظفنه ورتبنه الاستقبال
وحظرنه الختمه وصينيه بيها حلويات وياس وبخور وشموع وصورتهم قبل لايتوفون بالامام الرضا .. ...
صارت ساعه ب ٢ ونص ... يزن وعدي طلعوا
اجن البنات سميه وسليل و ام نور واختها وبنات عم يزن وامهم والجيران والمدرسات الي وي امي ام يزن واقاربهم ..
واجتي المله وبدت تقره ... وماوگفت عن اللطم والبجي والصياح ..
____
بليل ساعه ب ٨ گاعدين ع العشا ...
ليان : اليوم تعبت حيل
سليل : ليان ديري بالج انتي حامل تره ميصير هيج
يزن : والله شگد احجي بس ميفيد
سميه : خويه صدك باجر نسافر ب ٩ الصبح طيارتنه صارلنه هواي هنا
عدي : شنقصه ششفنه منكم
سليل : لا منكدر نضل ازواجنه وشغلهم هناك
ليان : توصلون بالسلامه ديروا بالكم ع نفسكم
سميه .. الله يسلمج حبي
ليان : حسيت بألم كولش قوي بمنطقة حالبي
اه ااااااااه اااااااااااااه الحگني يزن
الكل : خير شبيج
ليان... آااااااه الحگوني بطني راح اموت
يزن :: شلت ليان وخليتها بالسيارة ورحت للمستشفى گبل
الدكتور ه...خير شبيها ؟؟
ليان .. دكتورة راح امووت الحگيني
الدكتورة .. انتي حامل ؟
ليان .. اي
بساع للفحص
الممرضات دخلوني للفحص واجتي الدكتورة سوتلي سونار وشافتني
الدكتورة : تدرين لو مجايبيج هسه يمكن الطفل يسقط
ليان.. لادكتورة سوي اي شي .. طلعت الدكتورة
الدكتورة .. وين زوج المريضه ليان
يزن .. نعم اني
الدكتورة .. همزين تلاحگنه زوجتك والطفل .. لان مهدد بالاسقاط كتبتلها مثبتتات واريدها ترتاح متشيل ثگل او تتحرك او ومقاربه ماكو منا لشهر وتضل نايمه وترفع رجليها .. وحركتها حد الحمام وبس .. واهم شي الحاله النفسيه
يزن : ان شاء الله دكتورة
اخذت ليان للبيت شفتي حبيبي شلون تأذيتي واذيتيني وخوفتيني عليج
ليان : حياتي اسفه .. والله بس تعرف انت الي مريت بيه اني
يزن : عادي حبي تحملي ...
__

ليان : مرن ٩ أشهر على حملي ودخلت بشهري
واني لابسه اسود وكل يوم ادخل غرفتهم انظفها واعطرها واگعد اطلع صورهم وابچي
يزن : كنت كلما اشوف ليان شلون تبجي ومتعذبه اتعذب ازيد وياها ... قررت اطلع من بي اهلي ونسكن بيت ثاني حتى تنسى
ليان : مااعرف بليل جاي اسوي عشه مااعرف اجتني طاقه سويت العشه وتعشينه اني ويزن وگمت غسلت اماعين ونظفت البيت كوله والحمامات وطلعت للطارمه وللكراج غسلتهم وسقيت الزرعات الي بالحديقه ويزن ساعدني
يزن .. حبي شنو شبيج اليوم 😂 الطاقه

#يتبع..

#البارت_٢٥
زايده عليج
ليان .. اي حبيبي احس نفسي خفيفه واريد اشتغل
يزن.. ياخفيفه ولج شوفي بطنج شكبرها بعد تصير
خلصنه شغل صارت ساعه ب ٣ ودخلت اسبح وحظرت ملابسي وملابس البيبي لان على اي ساعه اطلگ واجيب لان عندي الالم خفيفه عرفت نفسي عندي ولادة
يزن ... تعالي حب خلصتي
ليان .. اي.. نزلت
يزن.. نزلت ليان
فرشت بساط وخليت كرزات وعصير وكيك وگعدت بالطارمه على ضوه الگمر
ليان ... اوووف يابه شنو هاي .
يزن.. ساعه ٤ مابيها نومه بعد .. نصلي ونتريك ونام
ليان .. اي والله الجو يجنن
يزن.. ليان اني لسه متشوق اعرفه ولد او بنيه ..
ليان .. الي يجي من الله حياه الله
ليان .. خلي اكللكم اني من جنت اراجع علمود الطفل وصحته ونبضه حلفت الدكتورة متگولي جنس الجنين . اريده مفاجأه
ليان .. صارت ب ٥ اذن وصلينه اني ويزن وسويت ريوك وتريكنه جاي اغسل المواعين وحسيت الم كولش قوي خلصت بساع وصحت على يزن
يزن ... صعدت اريد انام ومنتظر ليان تصعد وماحسيت الا هيه تصرخ نزلت الها بساع
شبيج اباوع عليها واگفه والدم بين رجليها نزل
ليان .. راح اجيب حبي بساع عباتي وحجابي واغراضي فوگ بالجنطه محظرتهم تلگي جنطه زرگه وابيض هاي للبيبي وجنطه جوزي كبيرة هاي اغراضي
بسرعه رحت جبت جنطتها وخابرت خالتي ونور يلحكنه
صعدتها بالسيارة مشيت اعلى سرعه وصلت للمستشفى ونزلتها اخذوها للصاله وشوي واجتي خالتي دخلت وراها وانطيتها فلوس گلتلها خاف يردن فلوس ..
شوي وطلعت خالتي وجهه ميطمن ..
يزن.. خاله احجي شبيج شلونها ليان ؟
خالتي گالت الحمد لله بس بعدها مجابت تعسرت ولادتها ..
والدكتورة راح تحولها عمليات بأسرع وقت
ويردون موافقتك وتوقيعك
يزن... اذا ليان تكوم بالسلامه اوقع اهم شي هيه
رحت وقعت ع العمليه ودخلوها وره ساعه تأخروا طلعت الممرضه وين الي جاين وي ليان
يزن.. احنه
الممرضه .. نريد ملابس للطفل
يزن.. يعني زوجتي جابت
الممرضه اي جابت بس هسه هيه بالافاقه لان وضعها صعب
يزن.. والطفل ..
الممرضه .. راح ندزه للخدج لان شارب مي من بطن امه ومختنگ
دزو الطفل للخدج ورحت شفته طلع وليد ضليت ابچي ابوي الله يرحمه چان يحلم بيه يشوف جهالي
خالتي ... شنو تسميه خاله
يزن.. اسميه رضا خاله ابوي من راح لايران خابرني گلي يابه اندعيتلك الله يرزفك بوليد وسميه رضا بويه ... كان حاس مراح يشوفه
شوي وطلعنه
انتظرنه ليان بين ماتفيق
ومااشوف الا الدكاترة تركض على غرفة العمليات
ضليت مصدوم
عدي لزم ممرض كله شكو شبيكم
الممرض .. وحده من المريضات بالافاقه حالتها حرجه مختنگه وماتت ......

#يتبع..

#البارت_٢٦
يزن : من سمعت هيج الدم جمد بجسمي معرفت شلون اتصرف .. اباوع لخالتي تبجي ..
وعدي منصدم ..
رحت يم غرفة العمليات طلعت سستر سألتها ..
منو ماتت شنو اسمها وشبيها
الممرضه ..
بنيه خطيه ستوها والده مخليها بالافاقه والممرض الي ويانه منطيها ابرة بالغلط مموالمه جسمها واختنگت ..
يزن .. شنو اسمها ..
الممرضه..
مااعرف والله  بس هسه راح نطلع بقية المريضات الي فاقوا
ليان ..
صحيت من البنج بطني توجعني حيلل ضليت اصيح بطني توجعني  اجاني ممرض انطاني ابره هدء الالم  وراح لبنيه يمي هم انطاها ابره مهدء لان هم تصيح من الالم .. شوي واختنگت اباوعلها صارت زرگه ضليت مصدومه وخايفه وشوي وصفر الجهاز واجو الممرضين والدكتورات والدكاترة  وحددوا ساعة الوفاة واخذوا الممرض يحققون وياه .. حتى ضليت اسمع عياط وصريخ بين الدكاترة والممرضين
ليان .. اجتي الممرضه .. وياها وحده ثانيه سحبني حولني لغير سرير .. وبدوا يطلعوني
.. يزن
گاعد وضليت ابجي كل وعقلي ليان ماتت
وخالتي تكولي خاله خلي نتأكد منها
شوي واجن سسترات صاحن ليان وين اهلها تعالوا استلموها ..
يزن ..
اني هنا كل حيل بعد مابيه اريد اشيل نفسي من الگاع بعد مااكدر رجليه ثكلن
راحت خالتي
ليان..
اجتني خالة يزن گلتلي يمه ليان انتي عدله ممتي يمه گلبنه وگف عليج حبيبتي
عدي ..
لج ليان شوفي يزن راح يموت گعد بالكاع يبجي كل عقله متتي انتي لان كالوا وحده ماتت
ليان ..
عفيه صيحوا ليصير بيه شي
يزن ..
اجاني عدي لزمني هزني گلي ولك ليان عاشه كوم راح ياخذوها لغرفتها
.
يزن ..
رحت ركض الها شفتها دخلوها بالمصعد بسرعه ركضت ع الدرج حتى التلگاها .. وطلعوا من المصعد وشفتها ضليت ابجي وهيه هم ..
دخلوها غرفتها واجيت ..
ليان ..
حبيبي زيوني خفت عليه ؟
يزن..
لج مو بس خفت الا ردت اموت حسيت گلبي وكف اني حبيبتي وام ابني
ليان ..
صدگ نسيت ابني وينه وشلونه
يزن ..
زين بس بالخدج شوي طلع مختنك فد ساعتين ويجيبوا الج
.....................
ليان وره ساعتين اجتي الممرضه وجابت ابني وخلته بحظني گلتلي لازم ترضعينه
اباوعله يجنن ابيض بس لسه ممبين يشبهني لو يشبه يزن .. هنا تذكرت امي ام يزن وابوي .. ضليت ابجي اتمنيت يشوفون ابني
خالة يزن ..
خاله ليان لاتبجين مو زين ع الجاهل هيج وبعدين نزعيه الاسود ميصير تضلين بيه وانتي نفسه.. وبعدين الاسود ميرجعهم ..
ليان... بكيفج خاله الي تشوفيه . ..
طلعنه ثاني يوم رجعت للبيت استقبلتني نور لگيته محظرتلي الحمام دخلت وياي غسلتلي جسمي وشعري ..  بس غلفت العمليه بنايلون حتى ميوصلها مي
ورضاوي بس يبجي حبيبي ويزن طاير من الفرح بأبنه..
يزن... مااوصف شلون شعوري فرحان بليان ورجعتها سالمه مبيها شي ..
طلعت رحت اتسوگت للبيت جبت خبز واكل جاهز وجبتلها معلاك .. ل ليان .
ليان .. نور صعدتلي غداي والحمد لله تغديت
ورضعت رضاوي شوي وصعدلي يزن
ليان .. هلا ومية هلا بحبيبي الي صارلي هواي مشبعانه منه
يزن .. على كيفج حياتي اول البارحه احنه سهرانين اني وياج ..
ليان .. حبي مااشبع منك
يزن ... ليان حبيبي صايرة حلوة كلما جايج تحلوين
ليان 😊😊😊
يزن ...
تعاللي
ليان .. على كيفك حياتي بطني د تأذيني
يزن ...
يمه الحلو يدلع ...
ليان .. حبيبي اريد اگص شعري  جاي اتبهذل بالسبح لان منا عمليتي مااگدر اطول بالحمام
يزن ...
مستحيل متگصينه ليان ... كله شكم يوم تطيبين وتصيرين زينه وميعذبج..
ليان ... صار تدلل حبيبي
يزن....
الي كان يخليني اعشق ليان ..من اكوللها شغله تطيعني ابد متعاند ولايوم عاندتني او عصتني وكل هذا عاقله وفاهمه تعرف شلون تتفاهم وياي من اعصب وتمتص غضبي ..
مرات ادخل للبيت عصبي بسبب ضغوطات الدوام وهيه تضل صافنه عليه واني محترك دمي وادردم ... اباوعلها الگيها صافنه اسألها شبيج تكولي انت حلو من تعصب تخليني انجبر اضحك وانسى عصبيتي كولها ...
ليان ...
مرن ١٠ ايام رجعت للدكتورة شالتلي الخياط ورحنه اني وخالة يزن ويزن ..
ورجعت للبيت...
طبعا نور ابد متركتني حيل مداريتني
خالة يزن ...
يمه ليان اني اليوم اروح لبيتي اعتقد بعد متحتاجيني وياج ..
ليان .. خاله تعبتج وياي ماانسالج وگفتج هاي ان شاء الله بعرس اسامه اوكفلج هالوگفه
خالة يزن بعد امج دوومج طيبه ... على امج . وخوالج ..طلعين خو مو على عمامج
ليان .. بأستغراب خاله انتي تعرفين امي ..

#يتبع..