#مشاعر_مبعثره
...نازك الحمراني...
الجزء السابع

صرخت أطلع من عندي مثل الحلم كل يوم افز منه
برغم صارلي اسبوعين..من طلعت من المستشفى
وكتلهم مااريد اشوفه...اكرهه...احجيها بلسان
بس كًلبي ينزف..بحبه
احبه زوجي"وروحي"ودنيتي
هو بيتي المهدم بس يبقى بيتي
بيتي الي حيطانه تنكت تراب..
ترابه يعمي العين...بس يبقى بيتي
اذا أتركت بيتي مكاني الشارع....
فجان مصيري بيتي أرحم الي ..
هذا احساسي واني كاعده أبيت أهلي..واسمع الكلام المسموم
كلام من كل شخص بيت اهلي ..يجوز بس امي..ساكته
برغم صحتي موزينه بس اشتغل بلبيت حتى ارضي الكل
اخبز واني مريضه ..اريد افك من شر ساميه
شر من اختي تقى تحب كمال وتراسله..
ساميه الي هي مثل عمها...بلشر..والحقاره
.........
احبه سامي بس أذيته ألي وصل حدها
اسبوعين... ويوم اثكل من يوم..عشر ايام
يله استعاديت صحتي
اذكر الحظات الي أغمى علي بيها...
وشلون احرروه اطيح من عندي..برغم الحرور
وكفت وبالي أنهزم من عنده...ذلاني..اذاني
هاني بطريقه وحشيه...
من بدت خطواتي تنزل الدرج...جنت لابسه.صايه.سوده
ضبابيه على عيوني بسب النزف
شفته جان هو جوه كاعد اكو مثل الكرويته
مقابيل الدرج من نزلت جاي أوصل..
دخت طحت عل كرويت ..وهو شافني..
شلون دخت شالني وركض بيه للطبيب
ومن فزيت كاعد على كرسي مقابيلي..
هو يبوس ايدي...ويتوسل..
بجيت..جريت أيدي من عنده...أطلع..مااريدك
نهض وعيونه كلها دموع كتله ضجت منك. مااريدك بس....اريدك تطلع مجرم.. مريض
شنو ذنبي وهيج دمرتني
أقترب ونضراته الي تسكت ألساني...وكال
-عصفورتي يابنت ساعتةعصبيه اني حبيبج
يمي مريه عجوز نايمه كالت لا خاله يحبج.زلمتج
ماتركج ابد..هو هذا الزلمه شعبالج..يكسر ويجبر
بي زين وشين.لا بنتي مايجوز تحجين علي
درت وجهي منها...
دخلت الدكتوره..وهي تتلمس أيدي وتنظر للساعه
-لا الحمد الله زينه بس أثار على رقبتج..متعرضه لعتداء
سكتت مااكدر اشتكي علي..زوجي.صعبه
بينا عشره وسالفه ماهان علي اكلها هو
-لا دكتوره وكعت
كالت طرحتي وتعدتي مرحلة الخطر...
ممرض.يمنا طلع أبن عم سامي واكف على راسي
وبدو يعنونون بلفايل..
وزور انو حادث عرضي اسقاطي...مو سبب الضرب
طلعت..كتله اريد أمي...
-لا ليان اريدج اليوم يمي اداريج وتصيرين تمام
واخذج الاهلج..سكتت مابيه حيل اجاوبج
بعدها ركبني السياره...واخذني..للبيت
وهو طول الطريق يكلي احبج أسف..مااوديج لهلج
تردين اتركيني.وصلنا للبيت عمتي تبجي علي
وتحجي عليه وسبه..وصلنا للدرح.شالني..وصعدني الغرفتي...بقى يداريني
وسهران وياي..واني أفكر كيف أخلص منه
اليوم اسقطت طفلي باجر..يموتني..
ثاني يوم صحيت...جنت على السرير فزيت على صوته
كاعد كبالي وهو يغلط كله منها حقير كل...منها
هي خلتني اسوي هيج...نهض يفتر بلغرفه
ضل يضرب بيده بلحايط..حقيره..منار
كعد..للكاع دمرتني هي ..وذيج..خاينات
انقهرت علي لأن يبجي..كومت روحي كوه كعدت
..ارد حاجي
-اشبيك سامي أحجي منو هيه....كلي الخاينه الخاينات
-اي منو احجي ترى اروح الاهلي.. تعبتني وكفني على علتك
على سرك لازم اكو سبب احجي والكلام كوه يطلع مني
بس لازم اعرف نفسي بيمن تورطت لان
كامت تظهر عند سامي شغلات
ماكانت ضاهره من سنتين
اندار علي
-لا حبيبيتي لا تركيني...ولج اسف قسم باالله مااقصد
احبج أنتي ياعصفورتي..نار كلبي ماتخمد
احجيلج الوجع الي يدمي كًلبي
-اي أحجي..راسه بين رجله ومنزل راسه جر حسره.. كلي
جنت طالب بلكليه حبيت طالبه اسمها عذراء
حب قوي..... من بدايه الكليه الحد رابع سنه
حبيتها الحد العشق
جانت دلوعه وحلوه من المنصور..عشقتها عشق قوي
صرت اكره اليوم الي مااشوفها بي..
من المحها واكفه كًلبي يخفق ..وجي يحمر.
بس عرفتها ماديه
غركتها هدايه ذهب افلوس...حتى تحبني
برغم اعرفها مصلحجيه..بس لان احبها
هيج أصرفت على هواها
تخرجنا من الكليه اخطبتها مجرد تلبيس حلقات
لأن تشرط علي ..واني قابل لأن احبها
وبيوم جاي نعقد عقد سيد.جان أسعد يوم بحياتي..
والدي اطا ني محلاته...واني عصبي من زمان تعاركت
وي واحد وانسجنت سنه ونص...واني ابعثلها رسائل
مترد ودز عليها بلكن تجي..مااجت
خرجت من السجن وا اول طلعتي البيتهم
دكيت الباب طلع أخوها كالي اختي انخطبت وزوجت
تعاركت وياه وضربته واني اجر خطوات ثكيله
تركته يعني .... مزوجه ماانتظرتني..
بديت اشرب..اسكر اروح ملاهي
اريد انساها..ماكو
وبيومها طلعت للحديقه وي جماعتي ..والكاها
هي وصديقي بلكليه....مزوجه صديقي..الي كان
شاهد على حبنا...جانت حامل وفرحانه
تركتها بس جمره بكلبي مشتعله...كلبي أذاني
رجعت للبيت كسرت غراض اهلي..وبجيت عليها
مثل اليتيم...حسيت ضاعة من عندي...
لج ليان اول حب هي عشقي..المايموت
.....
حب الأول مثل نبته زغيره...يكبر بلكلب
الى أن يصير شجره...مااينتهي..يكبر يطغي..علي حب
بس يبقى بلعقل ويعشعش ..الحب الحقيقي هو الاول
.........
بيومها قررت انتقم من كل البنات..اصادق ابنيه
ابقى وياها شهر بس احسها تحبني أتركها.
واحس انتصرت على عذراء
اص

ادق ابنيه طبات طلعات...بس أتحبتني اتركها..
حبيت هل شي..وكلهن بوكتها..الوحده منهن تجي تبجي
بس ارجعلها حتى لو بس كلام مو الا زواج..
واني من يبجن اضل اظحك وفرحان
الا ان جاي افتح المحل..مال عقارات اجتي مريه
جبيره بلعمر اسمها أم منار.وياها بنتها منار
عرفت من كعدتهن للمحل
.وجانت منار تنطي روعه المشيت عذراء.
. نعجبت بيها لان تشبه عذراء ..خطبتها وزوجتها
بقيت...اشوف بيها عذراء..اضربها اجنزها كل يوم
اتندم ارجع اغازلها..وتقربلها..بيومها سافرت..
طولت سفرتي..رجعت.مشتاقلها ...بس لكيتها
متغيره..كلش وبارده من يمي..صار عندي كمال
وراها رؤى...هم سافرت جديد..ورجعت من السفر
فتحت باب بيتي بهدوء واني اسمع صوت ظحكتها
وسوالفها...و والكاها نايمه على سريري
وياها رجال....ضربتها وجنزتها وضربته
شردو أثنينهم..دورت عليهم .
الجهال يمي..بقو....الحقير طلع عدها عشيق
من اروح اسافر ..اجيب عشيقها ابيتي...شردت وراحت
الامها دورت عليها..طلع عشيقها ضابط بلامن
دارو القضيه..عليه..وطلعوني أرتكبت عليها
هاي خيانه ثانيه الي كرهت النسوان..وحقدت عليهن
كلهن حقيرات انتي غير..والله غير
انتي طاهر مثل الصلاة طاهر مثل مي زمزم
بس من اشوفج اسكتين أذكر هدوء منار اضربج
...........
أسمعله وعقلي..وكف شنو هل أشياء الي دا اسمعها
خيانه وغدر...كتله اي كمل..هل فضايح...كال
المحكمه لأن هو ضابط أمن وهل كلام بتسعينات
والضابط اله حوبه غدروني..واجو يغتالوني
حركت كلبها..اخذت الجهال..وشردت..المصر
واني حاقد..عليها ولساتها عايشه الحقيره

زين هي خانتك..وذيج تركتك اني شكو
خسرت أبني خسرت نفسيتي..
بقى يمسد على شعري..ضربلي ابره مهداء نمت
ماكعدت الا الصبح..طلع يجيبلي علاج
واني خابرت أمي.. إجت خذتني..
يعني عنده عقده ويفرغها بيه..لازم اتركه
خذتني امي واني من اسبوعين بعيده عنه..اشتاقيتله
وشتاقيت الروحي الي متعلقه بي
أبوي شايل خشمه علي رامي ضايج لأن اليوم عرسه
واني موجوده عند اهلي
لأن سوزان اختي أنخطبت..وعرسها بعد يومين
أني ثكيله..عليهم بعلاجي.وتعبي..سامي يدز ناس
دز اقربائه..ماارجعت...مااريد أرجعله
بقيت أتحمل كلام الجميع خواتي وابوي
رائد اجاني بيومها...واني توني جايه من الكليه...كلي
-خويه زوجك رح يجي اني أتكلم معاه
-براحتك خويه شسوي...سوي
واني أفكر بكلام رامي كلي...بعد مااوصلج..
لان رامي ياخذني للكليه..
.بس اشوف سامي وسيارته
ودي يجي ويحظني...مشتاقتلته
بيومها أجى وكف بلباب ودخله... والدي
كله شلون هيج اسوي بنتي مو أمأنه..
فوك ماجبير...ونطيتك ياها...مااعرف بعدها شصار
دخلت مااريد اسمعله أضعف..بس سمعت أصياح
طلع اخوي رائد بيده سجين...راد يضرب سامي
لأن متلاسن وي والدي...امي تتكلم انتي السبب
ساميه ادكلي اخوج الجبير رح يروح برجلين بسببج
صعدت للسطح..مااريد اسمع شي الفون يمي
كمال ابن رامي يتصل ارفضه..
باوعت من سياج السطح واشوف سامي
..يدافع هو ورائد..رجعت كعدت ابجي..رجعت اباوع
حرك سيارته..مر اليوم كوه..واني اقاوم كًلبي
يدز رسائل غزل ..اروح للكليه يراقبني
دز ساده وشيوخ...واخذو تعهد ميضربني..رفضت
بس والدي موافق صار عرس رامي اخوي
وبيومها اجى للعرس شفته بلباب.واكف وهو متكشخ
سديت البرده واسمعه بأسلوبه الحلو وكلامه المعسول
الي يستخدمه من يحتال
يسلم على اخوي رائد وطاح على والدي
واجوني بوكتها قنعوني أرجع..رفضت
بيومها اجا كمال ابن سامي..للكليه..وهو يريد يقنعني
وكفت يمه ويسولفلي عن والده شلون متاذي بفراكي بقيت رافضه بس الحجي....والكلام الزايد من اهلي
وموقفهم الخجل..وجيت عمتي..وهي مريه جبيره
....وكلام سامي وغزله رجعت
واجى كمال اخذني..للبيت..وبيها رجعت واول
دخلتي للبيت.....سامي على درج..اجاني متلهف
وحضني وابنه واكف خجلت بعدته
وصعدت الغرفتي اكو مشتمل خارج البيت
مال سامي باوعت من الشباك مال غرفتي
سمعت بي صوت مره..والشبابيك مفتوحه
يتبع...

#مشاعر_مبعثره
....نازك الحمراني...
الجزء الثامن

مر يومين واني ماطلعت البيت اشوف هل مراه منو
لأن ألتهيت
عمتي مريضه كلش وداريها..ومتحاناتي قربت
ورؤى امتحانات اعداديه عدها أقريها.وساعدها
بس الي عرفته عن المريه
كال سامي أجرنا المشتمل..الي ورى بيتنا
والمراه فقيره..وعدها اربع أطفال..بس اني كًلبي يلعب
سامي رجع بهل فتره إحترام ودلال..وطلعات ونسات
بس أكيد مو وحدنا لازم رؤى وكمال معانا...
تمنيت بوقتها أن نطلع فقط اني وياه..او نسولف وحدنا
أولاده بغرفتي على طول...حتى مااخذت راحتي بلبس
تلث سنوات وياه وي اهله..اعتاديت هل تفاصيل
بيومها خابرتني ساميه..أمي مريضه متخربطه
واني أشكر بيها سهير واكفه ذبت حجايه واني طالعه
بس جنت مستعجله كلش مادرت بال...الها
اخذت كمال بن سامي ورحنا
ماما من مشاكل بابا وخواني..تخربطت
صاير عدها ضغط وسكر اخوي رامي ماخذ راتبها
يريد يشتري موبايل راقي ألزوجته..
وهو مصارله هواي مزوج..
بابا صاير مع رامي ضد ماما
وصلنا للمستشفى...وامي كوه تتنفس
بقيت تحاليل وابر وطولنا وبقينا اني وتقى وكمال
يم ماما وتالي طلعناها...وصلنا للبيت
مددت ماما بغرفتها...اتصل سامي علي وخبرته
اني وكمال طلعنا ناخذ ماما للطبيب لان مريضه وهسه نرجع
طلعت أدور على تقى .. ماكوساميه بغرفتها
رائد بشغل...رامي وزوجته طالعين يفرفرون
بابا بمحله
أذكرت تالي تقى منزلت معاي بقت بسياره يم كمال
طلعت واسمع ضحك تقى وكمال
رحت للطرمه.جان ألكاهم يسولفون
وكمال كامش أيدها...يكلها
-تخرجت من معهد التكنلوجيا مابقى شي واخطبج
بس قنعي أختج...حتى تتكلم مع والدي.. ..هي دكله
-مالك علاقه هسه أقنع الكل مو بس ليان
اني الكعده والمدللهه مو شوي..عند اهلي
صفنت على كلامهم هسه ذول منين طلعولي فوك مشاكلي سويت روحي ..اكح ..حتى يسمعوني
وهنا أبتعدو عن بعض..وتركو أيدهم
اجتني تقى...وجريتها تدخل...وكتلها
-لج شدا صخمين جنت أشك بيكم اسمع أغلس
ليش هيج تورطين روحج..لج اني أتحمل.انتي لا
ذول عائله عجيبه..أبو مجرم بلضرب.لو ماوكفت أهلي ضدي جان أطلكت منه. أبنه اكيد مثله
...أبتعدي منه ياحب ياضيم
لساج أزغيره وميت واحد يتمناج.....تعصبت....وكالت
-سامي يحبج يموت عليج لا تكذبين وتشيعين علي
واني أحب كمال مستحيل أتركه على ركبتي
هو الشهر الجاي يخطبني هاي مكان مساعديني
حاولت اقنعها رفضت..
.طلعت واني قلقه من الي جاي
ركبت السياره..وكتله..
كمال ليش هيج اتوكع اختي..كلي
-باجي والله اختج احبها موت..وترى صارلنا سنتين
اي سنتين نحجي مع بعض وحبيتها..انتي قنعي بابا
باجي ليان انتي مكان ماما..حتى لو نفس العمر اني وياج
-كمال اشتحجي لك خاف مثل والدك وتأذي اختي
-لا والله اني اختلف والدي عنده عقده بسبب الخيانه
اني اختج أول حب الي وانشاء الله الاخير
قنعي بابا لا تنسين..
-مااعرف ياكمال نزلت واني بين قلقه على ماما
بين محتاره بخطوبت تقى وكمال..وقريب نوصل
شفت مريه اسوق سياره..نزلت سهير من عدها
بس هل مريه شكلها مو راحه ابد...بس بوكتها مااهتميت
نزلنا السياره..ودخلنا لكيت سهير واكفه...تظحك..عليه
انداريت عليها اي سهير ظحكينا وياج...كالت
-اظحك على سذاجتج...تشكرين ساميه..هههه ورحتي
لج اني صريحه من كتلج أكرهج...وماانسى بسببج
ضربني زوجي وللموت ماانسى.. بس ساميه
هي سبب زواجج من عمها...وهي تعرف طبعه
-شدكولين سهير كعدت على كرسي..عفيه انتي شنو
قاصه مال أسرار..كل يوم اصدميني بسر...هسه شعندج

-شوفي يا ليان..أني الكل بلكل بلبيت هنا..أجتني ساميه
كالتلي اريد منج خدمه..مادامج تعرفين بسحر
اجيبلج قطعة قماش..وكاويه مال شعر. هديه والمقابل
.بس قنعي عمي
قنعي يخطب حماتي ليان..مستفزه وتحرك الكًلب
وشتردين طلبي..بوكتها راوتني صورتج..كتلها
-هاي زغيره وين تقبل مو بس زغيره لا ناعمه...كالتلي
-معليج اني اقنعها واقنع عمي وعمتي ورائد
عليج انتي قنعي سامي. لان يحترمج
وصدك اخذت صورتج ورغبته بيج.. وهي راحت للكشافه ..سوت عمل الج والاهلج وانتي غبيه حبيتي
وهو للأمانه سامي يحبج...بس العقده الي عنده سبب
هسه هي رتاحت منج...بس ذبتج علي..واني محتاره
شلون انسى زوجي رزاق ضربني بسببج...
-صدك سهير تحجين..انتن شنو من نسوان متخافن الله
خلي بالج شي الله اقوى منج ومن ساميه
وليش تعترفين الي بله فهميني...
-ليش اعترف حتى يحترك كًلبج هل شي يريحني
لأن اشوف سامي يحبج عمتي رؤى كمال..واني
رحت بلبيباي بسببج..
-شوفي سهير حاطه الله وياج وي كلمن يأذيني

-ههه أذيج بعدني حبيبه ممسويه شي...انتظري
-كافي سهير....صعدت الغرفتي..واني افكر
شنو هل ناس الي متخاف الله ..حلم اني علم
هسه عرفت المثل الي يكول(عيش وشوف)
جنت اكول شنو معناه.هسه عرفت
.دخلي سامي
وهو فرحان..ومتكشخ..سئلته وين كنت...
جان دائمآ مبرراته وياه.يقتربلي بغزل كامل
ينسيني الي اريده..عنده اسلوب عجيب
من اكله على شغله يجيبها...يذلل كلشي صعب بأسلوبه
حاولت اتلافه اتجادل وياه لأن مرتاحه وياه
بس الي قلقني هل فتره كعداته وي ساميه واخو
ما

اكدر اشاركهم بلكعده لأن ادري سهير أتغار
وحماي رزاق يتقيد يتكفى شرها..اني بس احوس
.بيومها اجاني سامي انطاني فلوس سئلته ليش
-شوفي روحج ليش تأخرتي وماكو حمل
-رزق بيد الله شوكت ميجي
-ضغط على أيدي يعني متردين أطفال مني
احجي مو اني مو بعينج حقيره..متحبيني مو
-لا سامي احبك والله اترك أيدي جاي اتأذيني
مو وعدتني ماتضرب ايدي صرخت من الوجع
ضربني راشدي باطراف اصابعه ..وضل يغلط...ويسب
-لا عندج شي انتن كلجن هيج حقيرات..اكوه وحده
صار مزوجه تلث سنوات متفكر باطفال.. جاوبته
-منو كال ماافكر بس لان عندي كليه ودراسه
بدا يفتر بلغرفه..يفتح الباب ويسده حيل..خفت
رجعت اذكرت موقفه خاف يضربني بعد.اقترب مني
جر شعري..من ورى
-تكرهيني احجي..تكرهيني.دفعني كعدت للقنفه
.كعد مقابيلي خلى راسه بحظني
اريد منج طفل يله أتاكد من حبج ....ليان عصفورتي
-اي حبيبي انشاء الله اروح واحلل بس لا تتعصب
تركني وطلع مرت الايام هيج وي سامي
يتعصب بلا سبب يتغزل بلا سبب..اروح الاهلي
زوجة رامي...احقر من ساميه..كلما نتفق اني وخواتي
نجي نزور اهلي اسوينا مشاكل ونطلع زعلانين.
.ارجع البيت سامي
-كلام سامي بدا اشوي يتغير
واني اولاده اخذو وقتي..وهو اخذ وقتي..
نسيت المشتمل..والمريه..مرت ايام..احاول اتلافه
اي شي يسوي مشكله بيني وبينه...
التهيت بلدوام وامتحنت كوه علي..
الايام تمشي وسهير كلامها كل يوم يأذي
بقى عندي متحانين..كعدت أقرا بليل..
نزلت جوه اسويلي كهوه..واسمع..رؤى تحجي العمتي
-بيبي بابا كل يوم يروح البيت صبا..ليش هيج يسوي
باجي ليان حلوه وزغيره...ليش يروح الهل مرعبه
لا تعرف باجر.. عكبه وتزعل وهي مداريتنا اني وياج
وتعلمنا عليها.. شلون بيبي حاجي

...انسطرت واني اسمع هل كلام منو صبا
وشنو وليش...اني اكيد بي شي كلما اريد اروح انسى
خاف صبا هاي الي بلبيت....لا يجوز هاي الي بسياره
بدات الافكار تروح بالي..وتجي..نزل سامي.وراي مامهتملي
وهو لابس دهداشه بيضه ومتعطر..بلا ملابس....دا

صحتله..وين طالع..واني امشي بورا..التفت.علي
-أسكتي ولا كلمه..لا جيبين الاهانه الروحج
سكتت من عنده تعبت من كلشي
...كعدت فتحت الملزمه
ما قريت مكدرت بقيت انتظره واني اروح كلساع للباب
سيارته لساتها بلكراج..نمت بصاله..الحد الفجر
.أذن الفجر صليت تعبت من روحي..وين اروح
اهلي وضعهم صعب صار. .دخل ويغني..صعدت وراه
سبح. من طلع أتعاركت وياه ميحجي نام ودفعني بره الغرفه
من التعب والبجي..نمت كعدت
صعدت الغرفتي لكيته مموجود بدلت اخذتلي تكسي للأمتحان وصلت متاخره
اريد اذكر الي قريته..انطيت الورقه فارغه..
رجعت للبيت مقهوره واني مخليه بالي اجيب معدل
طلعت من الكليه
مانزلت للبيت..رحت للمشتمل دكيت الباب
..ودخلتني ابينه هيج بلحدعش سنه.عمرها
صاحت الأمها واجتني عمرها يطلع بلخمسه وتلاثين.
منمشه بشكل فضيع
وجهه كله كلف..وسمينه مكورشه..بس بيضه.كلش
مسويه تاتو حواجب..هي الي جانت اسوق وي سهير
كالتي أتفضلي...حبيبتي..كتلها
-انتي صبا مو....
-اي عيني صبا الحافوفه تفضلي....كتلها
-شوفي لا عبالج زوجي واناقته وكشخته وسيارته
ادكولين سعيده وياه...ترى متعذبه وياه..فلا تنغرين
وابتعدي عنه..بناتج ماشاء الله بطولج..فكري بيهن
وتوقعتج فقيره وقبلت بيج بلمشتمل..بس عندج سياره
وذهبج مالي ايدج..تركتها وطلعت..وسامي جان بسيارته..شافني طلعت من بيتها نزل وراي..صعدنا للغرفه
كتله شوف لا تكذب وتخدعني عندك شي وياها
اتعصب وشمر سويج السياره حيل بلكاع...كلي
-ان رحتي الها اكسر رجلج..شنو عندي شي
لج تردين تنكتلين كتلج ابتعدي عن خصوصياتي
بعدها انتفضت الروحي..لازم أثور النفسي
كل مره اسكت...اشرتله باصبعي .شوف سامي
......
احبك اي اموت عليك اي ضربتني هنتني ذليتني
فوكها كلامك جارح...متحبني انت مجرد راحه
دائمآ ادكلي وتكرر
.........
الحب الأول مثل النبته يكبر يصير شجره..
والشجره تصير ورق أخضر....الورق يصير اصفر بلخريف يرجع يخضر..هل حب.ماينسي..ابد
حتى لو تكطع الشجره يبقى جذرها بلكاع
مدكول هلكلام يجرح زوجتي...شوف اني اقوى منك
........رح اكلك لا
الجذر ينقلع والحب الاول يروح
تدري شوكت من ماالكى مقابيل حبي احد يقدر..بعد مااسكت
انت مجوز من طبعك..تلث سنوات تعبتني.
تحييني وتموتني...تعطشني وترويني
دمرت كلشي حلو كان مخليته ابالي الك..لهينا وكافي
سامحتك هواي...
ضل صافن على كلامي..تقرب الي
-ليان اخر مره بعد مااروح لا تركيني احبج
شوفيني اذا رحت..بذاك الوكت شسوين سوي.
هي غرتني...هي..السبب واني رجال..
انتي وين وهي وين..والله هي مطلكه مرتين
شتتوقعين أخذها لا ابد
انتي.. الاصل..لا تتعصبين كعدي..
سكتت مااحب اطول وياه...مر اليوم..بيها فات موعد
دورتي.طلعت وياه وي اولاده ..العصر
مريت على العياده حللت طلعت حامل

يتبع....

مشاعر_مبعثره
....نازك الحمراني...
الجزء التاسع...

شعور متناقض ابكلبي بين الفرحه...بين الحزن
الحمل بعد تلث سنوات فرحه قويه...بس من سامي..؟
وهو وجنونه كلت بكلبي بلكن يغيره هل طفل
هيج ازرع امل من تحت اليئس
سامي.كلش فرح والفرحه ماسايعته
حتى بيها..قلل كعداته بغرفتي هو وابنته وابنه
..لان نساوتي صارت براسي..بس أنام..
خلاني على راحتي.. من يتعصب يتركني
مر ألأسبوع وسامي يكعد وياكل بغرفة أبنه وبنته وامه
مثل الفرحانه وحتى ميقربلي..واني تخلصت من مرضه...
ورى فتره رجع صعدلي ضايج..ومقهور..سئلته اشبيك...كلي
-البيت الي بنيته على اساس اربح كم مليون خسرت
محتاج سيوله اكمل المحل وضل كاعد ضايج..
متعلم عل الفلوس وهسه هلفتره بدا يخسر كلشي
هو جابلي بلخطوبه ذهب زين نطيته اله.....كلي
-اعوضج باحسن من عنده.بيها مشاكله وي ابنه كثرت
علمود موضوع خطوبت كمال من تقى اختي..
جنت رافضه مثله لان متخوفه منهم...اني هادئه
بس اختي تقى متتحمل وضعهم. دلوعه .رحت الاهلي
اتفقنا اني وسوزان اختي كل جمعتين اروح..
كعدت سوزان تسولفنا عن زوجها شلون تحبه..بس
تغار من زوجته الأولى..ومشتاقه البناتها تركتهن عند ابوهن
من زوجت تنازلت عليهن
دخلت زوجة رامي اخوي..كالت
-اي شعبالج ادخلين على شرج وترتاحين..حيل بيج
تستاهلن شنو انتن وحدتجن كلها مشاكل..يوميه تزعلن
مو اني وياجن..هلبت أزعل أشكي.... موتنا
اخوجن رائد عزل هو وساميه..بسبب مشاكلجن
واشتره راحته وطايح الضيم عليه...وعلى رامي
اختي سوزان عصبيه..ردت عليها تعاركن.
صوتهن على ..اجى رامي
بيده الماسحه وجنز اختي سوزان جنز...علمود زوجته
اجيت افاككهم واكله اختك الكبيره عيب
عركة نسوان لا تدخل ضربني بوكس على حلكي..
وصار صياح وطردنا من البيت..ويدفع بينا
والدي كاعد..يأركل
ماادخل....ولا تكلم.. وامي اصيح..مكدرتله حتى دفع أمي..كال
-التحجي على زوجتي هذا عقابها وأكثر...
بعد تجن تحترمن نفسجن وذا ماتجن أحسن
وانتي ليان أياج تجين زعلانه..موتينا
كل يوم جايه زعلانه..افتهمتتتتتتي
طلعنامن بيت أهلي او بلأحرى شردنا..واحنا مشيتنا بيها ركض أنخاف ننضرب بعد
شردنا اني وسوزان وطلعنا اني وااختي بكتله مرتبه
اجرنا تكسي..البيت سوزان يمها مضمد دخلتها وهي تبجي لأن ايدها مفسوخه..عالجها..المضمد وصلتها..البيتها...واجرتلي.تكسي
اريد ارجع البيت سامي غسلت حلكي من الدم..
بس بقى الورم جبير..لأن ضربني بوكس قوي
..من رجعت سامي واكف يم سيارته.حاولت اغطي حلكي بلكنلس...ادري بي يشمت
اتلكاني سامي وهو يباوع الحلكي مورم....
دخلت للبيت وصلت للطرمه وهو اجى وراي
عت أيدي حتى طاحت الجنطه بعده ماسئلني رأسن كتله
زلكت واني اساعد امي بلمطبخ وكعت على حلكي..كلي
-كذابه تردين اسقطين الطفل..احلفي وكعتي ممتعمده..
صعدت للغرفه..وبدا يلح..واكله وكعت صدك اشبيك
ضربني راشدي
وهو يجر شعري بكل قوته ويأشرلي.باصبعه ..كلي
-رح اصدكج أبمزاجي بس اذا صار بحملج شي
متعرفين شرح أسوي بيج..سوالف نسوان اعرفهن
خدي ورم من ايده...وحلكي ورم من اخوي رامي..
منين الكاها..واني أذكر كلام جدتي...قبل من جانت
أ ضوج تكعد تنعي
جانت تكعد ودكول...
..أيام الهم والحزن صارت طويله
لاهو شهر واكضي ولا هيه ليله

صدك تعبت..من اهلي الي مسندوني من سامي
مااعندي شي أتقوى بي...واقوي روحي
مر اليوم أثكل من السنه..
نزلت يم عمتي..بس هي تبردني...دخل سامي
بيده ترمز مال مي ...اخذه وصعد..كلت خاف لأن حاره
جاب ثلج هيج تفكيري..سمعت صوت أغاني عاليه
صعدت للغرفه ورى ساعه ارد اشوف شكو...
والكاه مصفط قواطي وكرزات..ويسكر تعصبت من عنده طفيت التلفزيون..واني اصيح..تشرب
ولك من أشوكت وليش هسه...بينت..من حملت
الله لا ينطيك..لك حرام ليش هيج..بغرفتي .هنا أصلي
ليش..كام وهو السكر ماخذه.
جر أيدي .يريد يركصني وياه
دفعته..شوف سامي..اسكت على خبالك.عادي
.اسلوبك أفوتها اكول ينعدل
بس مال تشرب الهنا وكافي..
صار عصبي.جر سنسله طويله جانت مركبها أ بنطلونه بيها مفاتيح... محله
.وضربني..واني أدفعه..جيت أشرد من عنده جر شعري
ودفعني للجربايه .وهو يقتربلي..بحالت غضب
مااكدرتله..لأن تعبت من مقاومته ..كام من يمي
طلع وأخذ ترمزه الي بيه ألقواطي
واني..البجي الشي الوحيد الي مصبرني..
ليش هسه بين على حقيقته سكير...ويشرب..وين جان
ضليت أضرب ابروحي أملخ شعري..
تهسترت شكيت حتى ثوبي من الأنهيار اضرب بوجي
اسمع صوت ضحك..وصوت شرب
والتفت للباب واني بحاله هستيريه على حظي
الكا سامي كاض بيده كامره ديجتال
ويصور بيه..ويظحك فرحان
ماكدرت اكوم ..اعاركه لان رجلي اذتني..من مقاومته
يصور..بأيد. ويشرب قوطية عركه بأيد..

تركني وطلع..خابرت تقى اختي كتلها رح اجيكم زعلانه
كالت لا تجين لأن رامي متحلف بيج وبسوزان
تحملي منا لمن يهداء رامي..سديت التلفون سبحت
صليت ركعتين..الربي..بلكن أهداء شوي..واني افكر
بدت شغلات تظهر بسامي ماكانت موجوده..
ليش من حملت..لا اهل لا رجال.. بقى الصبر هو الحل
نمت والدموع ترست مخدتي

أدموعي والمخده صاحبات بس احط راسي عيوني
بدموعها تعانق مخدتي صارن مو بسى صاحبات صارن ولف
ثاني يوم
نزلت اسويلهم أكل..كوه مكدرت من رجلي...من الألم
حضرتلهم الريوك لان رؤى متحرك ايدها.
وهو حذرني كلي بنتي متشتغل
أن شفتها كاضه عود واحد متلومين بس نفسج
وعمتي مريضه..وسهير عزلت أكلها ومطبخها..بس بنفس البيت عزلت مطلعت
كملت الريوك وصعدت الغرفتي.
افكر بطريقه اتخلص من سامي...
اهلي طريق مسدود بعد...دار عجزه أشتغل بيه
جنت مخليه الفكره عند هدى صديقتي تسألي
اتصلت عليها وسئلتها يقبلون بيه اجي اخدم العجزه
كالت لا ميقبلون الا تعهد وامور طويله..لأن يخافون
هواي بنات يجنهم ويستقبلوهن ويطلع وراهن بلاوي
.بقيت كاعده بغرفتي..خابرت ساميه متشيله..حقيره
حيه سوتها وطمت راسها
بعد كلشي انسد بوجهي أتحمل عسى يتغير
جيت أنام واسمع اصياح سامي نزلت
على صوتهم...يجادل وي كمال
لان ابنه كمال يريد يخطب أختي...وهو رافض
وصار اصياح بينهم طلع أبنه زعلان..من البيت
اجيت أكعدت يم عمتي الي تهدي بيه...
ودكلي صبري يمه ...اجى قترب مني واني خايفه..كلي

-شوفي أن صار وا ازوج كمال و أختج ماأريدهم هنا بلبيت فاهمه...كتله
-اني شعلي اصلآ مقابله بهل قسمه الأختي..
لدخلني الي يسمعك اني مرتاحه وياك
حتى اخلي اختي تقبل بيكم عائله عجيبه
ماعدكم حتى جبير يلمكم وا اروح اشكيله..شنو من بشر
بيها جاي يطلع من الغرفه عصبي اندار علي....بعصبيه
-بنت ابو رائد العطار صاير خوش تلاسنين..من شوكت.
-ها تريد تعرف من شوكت ...متأخر..كلش..
والسبب أنت..خليتني اجرد من نفسي وكًلبي الطيب
قتلت الانثى داخلي ...جر أيد حيل يريد يكومني
ضغط بكل قوه وبايده الثانيه ودا يضربني بس امه
صاحت عليه دفعني ....و طلع..
عمتي اصبر بيه
مابيدها شي المرض ماكلها....
دخلت سهير..تتمظحك
-الله اشكد حلوه كوشتن على عائله كلها...وحده الاب
والثانيه الأبن..لج أنت سحرجن بلا سحر...يمشي
نهضت اريد اردها طلعت من يمي.
دخلت الغرفتي.اخذت فوني
اتصلت على تقى اختي سولفتلها علي صار..بلكن ترفض
كان موقفها مصر وتحب كمال...اتصلت على والدتي
افهمها الوضع كالت أني أساعدهم بزواج
أذا والده رافض
اختج رح تموت من البجي...على كمال.وهي الزغيره
لازم توكفين وياها...وبقت امي تقنعني..ميصدكون بسامي
هيج يتصرف ويهين
بيومها اجتني سوزان أختي..للبيت وبقينا أنسولف
اجتني تبجي وتشكي...لأنه من اطلكت من زوجها الاول تنازلت عن اطفالها لأن والدي كلها تطلكين وذبيهم
مااتحمل مسئوليتهم ...هي وافقت
فمن جايتني شايفه اطفالها بسوك...
دايرين وجهم من عدها...واجتني تبجي..سويتلها كهوه
كعدنا أنسولف هدأت...اشوي من فضفضت..
سولفتلها على سامي وابنه..ليش تعاركو..كالت
-بلعكس قنعي زوجج..يقبل بتقى أنتي مرت ابو
احسن يجيبلج غريبه...وتطلع حيه ام راسين
وبقت أتقنعني..الى ان راحت..وبقيت أحضر بلعشاء
واجى كمال للمطبخ وهو ضايج ويدخن....كلي
-باجي ليان ارجوج احب اختج..والله.مااستغنى عنها
طولت فترت دوامي ماحلت بعيوني بنيه..بس اختج
قنعي بابا..ساعديني..وان جان علبيت أو واين اعيش
اليوم والدتج كالتلي لكتنا بيت أول خمس اشهر
الاجار عليها...الى ان الكالي شغله..
حتى لو اشتغل سايق المهم ارجوج ساعديني
-شوف كمال اني مو ضد زواجك اني بس والدك
كلي مااساعده ولا انطي اي شي..يعني أنت تشتغل
بمحل نص نهار..شلون رح تعيشون..اختي متطلبه
لا تتوقعها مثلي تقى دلوعة ماما...والزغير.....كلي
-انشاء الله الاكدر علي اسوي بس قنعي بابا...كتله
-انشاء الله هسه روح اخذ من خاطره...والباقي علي
صعدت الغرفتي...واشرت السامي يجي...
بقيت متوتره كيف ابدي وياه..وهو متعصب...كتله
-سامي عزيزي ليش متقبل بزواج ابنك..هو رايد
بس موافقتك.وماما من راتبها رح اساعده...شدكول
-مااكول شي لج محلي خسر مابقى عندي شي
السيارات بعتهن ..وهسه هذا البيت رح أبيعه
واقسم حصصنا اني ورزاق واختي ناديه..
حتى الكيعان الي جنت اراوح بينهن خسرتهن
وهذا ابني عجوزي...مو مال شغل..
وثانيآ الاب ماخذ اخت..والابن اخت..هل شي يضوجني
ويجوز الناس..يقارنون بينا...اضوج من هل فكره...كتله
-لا ضوج لأن ماخذتك كبير بلعمر هل شي ميهمني
بكد متهمني معاملتك وياي..طريقة كلامك..رفع راسه
-يعني انتي مقتنعه بهل زواجه....جاوبته
-براحتهم احنا شعلينا...كلي
-بس مااتحمل العواقب فاهمه..
ثاني يوم راح سامي وكمال البيت اهلي
وخطبو تقى اختي..والدي وافق..والدتي بيها لاكيه بيت
زغيره بس غرفه ومطبخ..اجرته بمبلغ بسيط..
واشترت شغلات للبيت.. وصارت الخطوبه..
وهو سامي ليشوفه فرحان بلخطوبه بس يمي
يتكلم غير شكل..
سهير كسبت رؤى ضدي..ويطلعن سوه
وضلت رؤى تاخذ كلام سهير بكلشي..
بس بيوم حنة أختي..سمعت سهير تقلد على رؤى
لأن جانت أدكدر أبفستان وتعيب عليها
وهي شوي ضخمه رؤى على والدها..
وسهير دكله شنو هلسمن وانتي أبنيه شنو كرشج
وهواي عيبت....دخلت على اعصابي يمهم
وساعدت رؤى تلبس الفستان ومدحتها
-شلون حلو عليج يخبل طالعه كيكه....تركتهن
وتعاركن سوه ...
بداء

سامي فترت حملي اسمعه يتراسل..ويظحك
وياخذ ترمزه. ويسكر..ويحجي وي بنات كلام فاحش
يوم عن يوم يتمرد..تظهر حالت عجيبه بيه..
من يسكر يكعد يم امه وابنته...وينكت ويظحك
لو يراويهم مقطع مالتي من أملخ روحي
صار جنونه قاطات بس شوكت ظهر من حملت.
بيومها صار زواج أبنه واختي..
أبنه يشبهه بس بريعان شبابه...يعني وسيم
واني عتنيت ابنفسي وكشخت..واكص صور
بدا يغار مااهتميتله ابد
بدات مشاعري تهبت مو مثل كبل
هو احسه بدا يقارن نفسه..بأبنه لأن ابنه نفس عمري
هل شي ضايقه...طول فترت العرس
خلصت الزفه..رجعنا للبيت وبعدها
كرهت روحي بأسلوبه المتغيير ..الي يفرضه عليه
وكلامه الخبيث..وهو يتهمني ..و
-انتي السبب بزواج ابني من أختج..
تردين تحسسيني بفارق العمر....وتكسريني
اني اكسرج..ماانكسر..
دخلنا للبيت ..بدلت نزلت جوه ادور علي
مالكيته شفته بلباب طلع..عصبي ماكلمته
أنتظرته وانتظرته بقيت الوب وين راح وشيسوي..
انتظرته..الحد التلاثه بليل..تعبت الحمل.
وعرس اختي..بقيت أفتر وأروح..بنته تعرف اكيد
هي مو زغيره
دخلت الغرفتها لكيتها تبجي ...سئلتها اشبيج....كالت
-بابا رجع الصبا وزوجة عمو رزاق هي دنتله واهس
سمعتها تحجي وي صبا ودكلها
حماي سامي خوش رجال بس تعب من زوجته
وهو بس دنيله واهس يزوجج هو يحب المريه
الي داري وتعتني بيه وهواي حجي...باجي ليان
اني لأن احبج خبرتج...جنت وياهن طابكه
لأن صبا كالتلي انتي صرتي بلعداديه..أزوجج الأخوي
وضلت أتقنعني حتى أقنع بابا يزوجها...
بس من سمعت كلامهن عليج وعلي..وهاي خطه
حتى اقنع وكذابات..اثنينهن..
رجعت للغرفه...شريد أسوي يعني حلفه كذب
حسيت بروحي مثل محصوره بغرفه ضلمه
الكل داير ميدور الغرفه اصرخ بس محد يسمعني
بس أسمع صدى صوت يرجعلي..
رجع مثل كل يوم سكران ضم جنطه سوده..بكنتوره
بعدها صار الصبح اخر أمتحان أتأجل رحت للكليه
وهناك أنفجرت يم هدى وصديقتها لان صديقتها
زوجها سابها بلا ميضربها..زعلت واهلها سوولها كرامه
وطلعو حكها من عين السبع..واخوها والدها
هددو .زوجها وأمها رافضه ترجع بنتها الى بعد اربع اشهر ذلو زوجها يله رجعت..انفجرت وابجي ليش
اني هيج اهلي..سكتتني هدى وكالت
-ليان تركي تحملي أخوج ولا مهانته..أو ترحين تعاركيها
لا سكتين هاي صبا تاخذه منج كوه
خلص الدوام رجعت..للبيت واجى بالي الجنطه السوده
بس بلحظتها دخل سامي مالحكت اشوف الجنطه
بيومها العصر طلع سامي بنته للحديقه وطلعت وياهم.
هناك اطاني الكامره كلي صوري رؤى من تركب مرجوح
اخذتها واني فرحانه لأن اول مره يطيني ياها
ضليت اصور ونداريت والكاه يسولف وي صبا
سلمت عليها وهي كوه ردت..فوك حقارتها
جريت أيده وكتله خل نرجع..رجعنا للبيت.
وهناك بقى يدردم مو عيب خليناها وحده..وليش
سكتت من عنده. كتلها بعد طلكني وشيصير يصير
تعبت منك من خيانتك من طغيانك من حقارتك
كعد يتوسل وايذلل روحه..تركته صعدت الغرفتي
وهو كعد بلكراج الي بطارمه يكسر قواطي
مااعرفت أشبي وليش.ثاني يوم
.رحت للطبيب العصر ..وياي سهير..او رؤى
وبطريق وكفت سهير وي مريه سمره بس حلوه
وشكلها تارس ملامحها كلها ناعمه..عمرها بلأربعين
اسالمن وتباوسن بقآ يحجن
اندارت سهير وهي دكلها منار هاي زوجة سامي
بقيت صافنه يعني هاي زوجته الخانته...
تقربت علي..كالت مو حرامات بعدج زغيره..اضيعين
شلونه المخبل وياج بله سولفي..
ماادري حتى ماتشفى بيه سهير مدري غرت...كتلها
-شوفي ترى هو زوجي وانسان عاقل مو مخبل
وراء كل رجل امرأه عظيمه ليش مصبرتي علي
بلكن يهداء يعقل ذبيت أطفالج انشاء الله على ايدي يتغير
أنتي هم محسبه روحج أم والده..وفوكها خنتي.
مو حرام يعني ذنبين ذنبتي ....كالت وهي تظحك
-خنته ومثلت خنته لأن تعبني وردت أتخلص منه
سبع سنوات تعبني خيانه وضرب وذل شموازيني
أمي مقبلت أتحمل وضعه...انتي اشلون متحمله
سكتت بكلبي صح كلامها...اندرات البنتها..رؤى شردت
وهي منار ادكلي..شوفي حتى الاطفال كبرهم علحقد
تركتنا وراحت بيدها ولد عمره عشر سنوات ابنها
رجعنا للبيت وجان مموجود استغليتها فرصه
رحت على كنتوره فتحتحته وطلعت الجنطه السوده
بيها الكامره فتحت الشاشه مالتها...جان تطلع صور ومقاطع..

#يتبع...

طبعا اعذروني حبايب عل التاخير☹️💔

ردت انشر العصريه..مصارلي مجال
لان طبخنا ثواب ووزعنا..وان شاء الله هسه انزل كل استفساراتكم🙃

#ملوكه

عيوني أي غسول يوميا ينغسل بي..صبح اول ماتكعدين من نوم استعملي

فهالغسول مكتوب انو مناسب لكل البشرات وانو يغذي الجلد ويرطبه

فانتي حسب بشرتج..شوفي اذا ماسببلج تهيج واحمرار..فمعناه موالمج وزين لبشرتج☺️🌸


#ملوكه

حبي اي ماسك تستعملين او غسول او مقشر..ضرورري بعده ترطييب☹️

خاصه يم منطقه الفم..اذا متترطب تتمشك ويصير سواد..فلازم ترطيب حتلو باليوم مرتين او 3 هم زين
وكثري من شرب ماي. ..لانو بشرة مثل الزرع😅💔او الورد
اذا ماتسقي بالماي رح يبس ويسود ونفس الحال بشرتنا
وهاي العصارة يي زينه للتحسس

#ملوكه

يي حبي خل تلعب رياضة يوميا
وخل تكثر من شرب الماي

وهسه ادزلج فيديوات خل تستمر عليه يوميا تسويهن..لمدة شهر..وخل تقيس بالمتر حته تشوف فرق🥰🌸

#ملوكه