متى تصبح ﺂلابراج ڪسولة؟😴✨

#الحوت #الاسد #الميزان
ڪسوليـنּ ٲمام شيء لايحبونه ولكنهم
يصصبحون بقمة حماسهم ونشاطهم
فى شيء يستمتعون به 💚✨

#الحمل #الثور #العذراء #العقرب #الجدي
ڪسوليـنּ ان ڪانوآ بحالة حزن
او غضب ويتحولون للعڪس
بحالة السعادة والارتياح💙✨

#الجوزاء #الدلو #السرطان #القوس

#ليسوآ ڪسوليـنּ .. هم شعلة نشاط
لڪن بالنوم والتجول بالمطاعم ♥️✨

• قوي جداً كالجبل ‏مستحيل تنزل دمعته قدام اي شخص‏ صبور لحد ما تتوقعه! ثقته بنفسه كبيره و مايهمه كلام الناس، ذوقه في الملابس عالي جداً💚✨

- ‏⁧ #الدلو ⁩، ‏⁧ #القوس ⁩، ‏⁧ #الاسد ⁩ ⁩،
- ‏⁧ #الميزان، ⁩ ‏⁧ #العقرب ⁩، #الثور،

• تستطيع لفت الأنظار إليها حيث تعرف بأنها مليئة بالأنوثة، وناعمة ويفضل ان تكون صريحاً معها لانها بالعاميه ما تحب اللف و الدوران💞✨

- ‏⁧ #الجوزاء ⁩، ‏⁧ #العذراء، #الاسد،
- ‏⁧ #الميزان ⁩، #الحوت، #العقرب،

• حساسين جداً.. و يكابرون
ومن قوة شخصيتهم ممكن يعبرون
عن حزنهم وهم مبتسمين🥺💛

- #الميزان، #العقرب، #الثور،
- #الاسد، #الجدي، #القوس،

حبايبي رح اكمل القصة🌚.. وان شاء الله يقوة نت ..وانزل كل استفساراتكم وتدللون☺️❤️

#ملوكه

#فصليه واني صغيره

#البارت_11


درر : ههههه لا لا توبه بعد مااكدر بس اني متعودة اكول عليك عبيسان ☺☺
عباس: لا عادي كوليها بس بيناتنه ... ياحلاتها من حلكج ..ابتسمت وباوعت عليها ضاعت كدامي هاي ام لسان الطويل احمرت من الخجل وكامت متعرف شترد عليه وطبعا صارت احلى واحلى وهي خجلانه .. حاولت ابسط الموضوع واطيح الميانه بيناته ... درر ماطول تكوليلي عبيسان اني رح اكولج بزونتي وبعد عقوبه لخ راح اكل وياج
درر: بزونتي ؟؟؟؟
عباس : بزونتي لا واحلى بزونه بعد ☺☺
درر : كلامه كان كلش حلو ويدخل الكَلب بسرعه هو يحجي واني متبسمه وميته من الخجل .... اوك هل المرة رح اخليك تاكل ويايه بس مو تتعود اول مرة واخر مرة زين

عباس : صار شيخه درر
درر : لا لا عفيه خلينا على بزونتي احسن ... يي حرام عليك راح اغير نضرتي عنك من ورة هل الكلمه وضحكنا اثنينا على كلامه بدينا ناكل ونسولف هو حجالي هوايه شغلات عن حياته واني طبعا دوخته من كثر ماحجيت وسولفت عن حياتي وعن طفولتي حجيتله عن علي وعلاقتي بي وسوالفنا.. طبعا كلما اكول علي احسه يضوج ويتغير لونه واني اتقصد كل شويه افتح سالفه جديده واذكر طاري علي حبيت نضرة عيونه والغيرة .. اخير شي متحمل الموضوع
عباس : شوفي بزونتي انتي هسه مرتي ميحتاج كل شويه اذكرج لازم تنسين حياتج القديمه وتتغيرين اعرف انتي بعدج صغيرة ومستمتعتي بحياتج بس وعد وعد راح اخليج تحبين حياتج ويايه وتعيشين كل لحظه بيها ..صح اني اخذتج فصليه بس اني كلش ماافكر بهيج مواضيع شوفي يابنت الناس هسه انتي مرتي وشايله اسمي وبمرور الوقت انشاالله تتعودين عليه وتتعلمين على اطباعي اني كلش مو عسر بسيط واحب البساطه بس اهم شي عندي صوتج ميعلى نهائيا وكل تصرف تتصرفي بحكمه ..اما بالنسبه لتصرفاتج ويايه بينا ولوحدنا الي يعجبج سوي والي تحبي كولي بس كدام اي شخص كان من يكون اني الشيخ عباس رجلج الي احترامه واجب متفقين؟؟؟؟؟ ..
ها واهم شغله هذا علي تنسي ومتفتحين طاري بعد ابد زين يابزونتي 😉😉 ... كولي صار
درر : صار ياشيخ عباس
عباس : لا لا حبيت عبسيان ازيد
درر : هههههههه صار عبيسان
عباس : حسيتها تضحك ومرتاحه حبيت اتقرب منها اكثر لزمت ايدها رده فعلها كانت غريبه سحبت ايدها حيل وتحججت نعسانه
درر : بمجرد مالمس ايدي شعوري صار غريب سحبت ايدي وحجيت بضحك يله ممكن تطلع من غرفتي اريد انام
عباس : محجبيت افرض روحي عليها وانزل من كرامتي اذا هي متريدني مستحيل اتقربلها .. ماشي تصبحين على خير بزونتي
درر : وانته من اهل الخير انتبهت ع الساعه صارت ب 4 الفجر يايمه محسيت بالوقت ابد وياه حطيت راسي ونمت بدون مااحس على روحي

عباس : بعد مارجعت لغرفتي بقيت صافن شويه بيها اني دائما كنت اسمع عن درر بنت الشيخ ضاري الي كان مضروب المثل بدلالها وهسه صارت مرتي وحلالي دعيت ربي يقدرني حتى اسعدها وافرحها بديت افكر حتى اسوي عرس وفرح مااريدها تحس بشي نقص او هي تختلف عن باقي البنات بقيت بصفنتي وفرحتي بيها لحد ماطلع الضوة موبايلي دك رديت عليه ... كان واحد من زلمنا وصيته يروح يسأل ع الشيخ ضاري .. كان فعلا مثل مسمعت حيل مريض وناقلي للمستشفى بس الي خلاني اتفاجىء ليش درر ماعدها خبر بهذا الشي انوب بقيت بقلق مكدرت انام اريد يطلع النهار حتى اشوف شلون رح اطلع بعد شويه نزلت للحديقه لكيت ابويه كاعد .. سلمت عليه صباح الخير شيخنا ... يابه السالفه كذا وكذا والشيخ ضاري مريض ونايم بالمستشفى ... انته شنو كَولك
الشيخ : عباس الرجال داس عتبتنا واحنا من اخذنه بته نسينا الخلاف الي بينا لزوم نروح ونزوره حتى تقوى علاقتنا بيهم

عباس : شورك وهدايه الله بس يابه بنته ترة متدري وماعدها علم بطيحه ابوها اذا علمت امي علمها لاتكول كدام درر
الشيخ : خوش حجي .. انطيهم خبر خل يحظرولنه ريوك حتى نتوكل
عباس: صار يابه تركينا ونبهت ع الي بالبيت محد يوصل لغرفه درر ولا يكعدها لان نامت متاخر كتلهم بس انتبهو عليها اذا تكعد حظرولها ريوك ( لان اعرف بزونتي كل همها الاكل )
وبعدها طلعنا نزور الشيخ ضاري بالمستشفى طبعا كانت حالته كلش تعبانه شفت ايهم وادهم هناك ايهم اسلوبه وتعامله كان راقي بمعني الكلمه اما ادهم حسيته محاب وحودنا عدهم بالمستشفى بس ميكدر يكول شي
طلبت من ادهم ادخل اشوف الشيخ واسلم عليه حتى نرجع .....دخلنا اني والوالد سلمنا عليه كان مابي يتكلم وشكله تعبان حسيته يسال بعيونه على در ر ..حبيت اطمنه عليها ... كتله عمي درر زينه وتسلم عليك حيل لايضل بالك عليها ترة بعيوني ... كان وقت الزيارة كلش قليل .. رحت على ايهم حتى اسأله هم ليش ضامين الموضوع على درر وبنفس الوقت الشيخ يسأل عليها لكيته متفاجئء من الموضوع

ايهم : شلون شنو هذا الحجي واني عبالي عدها خبر وانت مانعينها من الجيه لعدنا
عباس : لا خويه شنو هل الحجي بتكم ماعدها خبر ويوم الي تريد تجي لعدكم اني براسي اجيبها شنو هل الحجي
ايهم : كفو منك متقصر والله ابن اجاويد
رحت على ادهم سالت ليش محد ناطي خبر
ل

.. رد عليه خليها خطيه هي بعدها عروس واحنا مكلنا كدامها ... خلاني اتعصب عليه وك انته شتحجي وشلون تفكر ابويه يتحسر على شوفتها وميه سؤال سال عليه واني مااعرف شرد كل ضني هم مانعيها من الجيه وانته تكولي مكَلنا كدامها
عباس : يله شباب مصار شي ايهم ماكو داعي للعصبيه هسه اني راجع للبيت اجيب درر ويايه وارجع

يتيع ...

#فصليه واني صغيره

#البارت_12

عباس : رجعت للبيت واني مااعرف شكوللها ...سالت عليها كالو لسه نايمه ... صعدت فوك للغرفه بقيت متردد بين افتح الباب بين لا بس لازم اكعدها حتى اخذها لاابوها الرجال حالته تعبانه خاف يموت وانوب ابقى اكل بنفسي .. تالي دكيت الباب مره مرتين ماكو صوت ... صحت درر درر ... اذا كاعده لاتغلسين عليه ... هم ماكو صوت تالي فتحت الباب على كيفي اني ادري بي مفتوح لان عفته مفتوح وطلعت ...تقربت عليها شفتها نايمه ..مردت احرم نفسي من شوفتها وهي نايمه مثل الملاك بقيت اتأملها دقايق بعدين صحت عليها بزونتي ..بزونتي اكعدي
درر : كعدت من النوم على صوت عباس وهو يصيح بزونتي ... فتحت واني طافيه كوه فتحت عيني ... ها عباس شبيك شكو ليش انته هنا
عباس : صباح الخير ..يله ياكسلانه كافي نوم
درر : صباح النور
عباس : يله كومي لبين ماتغسلين وتغيرين ملابسج رح اكوللهم يحطولج ريوك حتى حتى نطلع
درر : وين اروح من الصبح
عباس : كومي ياكسلانه ياصبح اني اصلا منمت يله تحظري حتى اروح ... ها ومااحب الي تتأخر خلي بعلمج بس تتاخرين اغير رأيي .. يله بسرعه عفتها وطلعت ونزلت كتلهم حضرولنا ريوك ..وبعد شويه نزلت اميرتي وهي لابسه البنطرون والبدي والشعر المسبسب يخبل يبوووو ولج وين رايحين وانتي لابستلي هيج وج الاتخبلت يله اعوفج اطلعين هيج .... اذا نسوانه هيج صافنات عليج لعد الزلم شراح اسوي .
درر : نزلت راسي يم اذنه وشاورته عبيسان لعد شتريد البس

عباس : ههههههههههه ضحكت بصوت عالي بحيث الكل انتبه على ضحكتي ... طلبت من اختي تنطيها فستان او اي شي منها حتى تلبسه لان مستحيل اطلعها بهل اللبس هذا ..
ام الشيخ : شفت عباس وضحكته الحلوة من زمان مسامعه هاي الضحكه فرحت من كل كلبي عرفت كلبه رف ..
درر : غيرت ملابسي لبست فستان لونه بنفسجي فاتح ورفعت شعري فوك ونزلت حتى اتريك كعدنا ع الريوك وطول الوقت عباس يباوع عليه كلما ارفع عيني الكاه يباوع عليه
عباس : ياربي هم تنكرط بهل اللبس هذا شلون بيه هاي وين اوديها لو بأيدي اضمها من عيون البشر كلها بقيت طول الوقت اباوع عليها ... يله كومي عاد تأخرنا شكد تاكلين 😉😉
درر : هههه يله خل اروح الصراحه اموت واعرف وين رايحين
عباس : ههههههههههه ضحكت بصوت عالي بحيث الكل انتبه على ضحكتي ... طلبت من اختي تنطيها فستان او اي شي منها حتى تلبسه لان مستحيل اطلعها بهل اللبس هذا ..
ام الشيخ : شفت عباس وضحكته الحلوة من زمان مسامعه هاي الضحكه فرحت من كل كلبي عرفت كلبه رف ..
درر : غيرت ملابسي لبست فستان لونه بنفسجي فاتح ورفعت شعري فوك ونزلت حتى اتريك كعدنا ع الريوك وطول الوقت عباس يباوع عليه كلما ارفع عيني الكاه يباوع عليه
عباس : ياربي هم تنكرط بهل اللبس هذا شلون بيه هاي وين اوديها لو بأيدي اضمها من عيون البشر كلها بقيت طول الوقت اباوع عليها ... يله كومي عاد تأخرنا شكد تاكلين 😉😉
درر : هههه يله خل اروح الصراحه اموت واعرف وين رايحين

عباس : احنا نمشي والطريق كله اريد تطلع مني كلمه حتى اكوللها ابوج مريض وبالمستشفى بس ماكو مااكدر انطق كلمه وهي كذالك محجت شي
درر : بقيت ساكته انتضره يكولي وين رايحين بس هو ساكت .....تالي متحملت اسكت اكثر .. اكولك احنا وين رايحين ترة بعد مابيه اتحمل
عباس : بزونتي راح اكولج بس مااريد اي انفعال
درر : عباس احجي ترة وكفت كلبي ... كول بسرعه
عباس: شيخ ضاري شويه مريض وماخذي للمستشفى
درر : عباس بابا مريض شلون وشوكت واني ليش ماادري بدون تي شعور بدت دموعي تجري واكوله عباس استعجل .. ليش تمشي على كيف
عباس : درر اهدي ده امشي سرعه مااكدر اسرع اكثر من هيج مابي شي اني قبل شويه كنت يمه
درر : عباس انته كنت يم بابا واني مااعرف ليش ..ومنو كالك
عباس : اني اليوم الصبح سمعت وانتي كنتي نايمه رحت اني وابويه زرنا واطمأنينا عليه ... وهل جيت صحيتج وماخذج هسه اله .. مقصرت بشي ياعيوني ليش هل البجي وهل وصلنا المستشفى مبقى شي ... وصلنا للمستشفى نزلت بسرعه حتى بدون ماتلتفت عليه او تنتضر انزل وياها تصرفها ضايقني حيل حسيت اني مو مهم عدها بس رجعت عذرتها حقها وهذا ابوها
درر : دخلت اركض للمستشفى مشفت احد كدامي سالت على غرفه بابا ..عرفت رقم الغرفه رحت اركض عليه لكيت بابا حالته كلش صعبه وجسمه كله مربوط على اجهزة ... حجيت وياه فتح عينه وباوع عليه شفت فرحه بعيونه بشوفتي وياها نزلت دمعته ... بابا بابا ياروحي انتي ونفس البصدري ليش هل الدمعه ياعيوني من عمري على عمرك بابا اني اموت بلياك انته الي اليه بهاي تعرف . تعرف اني مالي احد غيرك بابا تعرف مو ... احجي واني متهستره ابجي ومااعرف شكول ... حسيت بابا يحرك بايده ويريد يحجي رفعت غطاء الاوكسجين منه حتى يحجي
الشيخ ضاري : (وبصوت كلش تعبان ونغس متقطع ) درتي ليش تأخرتي عليه جنت انتضر شوفتج
درر : ياروح درر انته اني هنا موجودة يمك بابا والله مااعرف بيك مريض مااعوفك بعد باقيه هنا يمك بابا لاتعوفني .. لزمت ايده بابا

لي وعد مااعوفج درتي بابا احجي ليش ساكت ... خلال هذا الكلام بدت الاجهزة كلها تصدر اصوت وجهاز الكَلب وكَف النص ..دخلو الاطباء والممرضات وسحبوني برة الغرفه واني ابجي واصرخ بابا لاتعوفني ..طلعوني برة لكيت ايهم وادهم كدامي بديت اصرخ عليهم بابا من شوكت هنا واني مااعرف ليش محد كالي
ايهم : درر تاذت حيل ومتعرف شتحجي حضنتها حيل كافي ياعيوني ابويه رح يصير زين لاتخافين عليه
درر : بابا من شوكت هنا وليش محد كَالي
ايهم : ابويه طاح ..من يوم طلعتج من البيت بس الله شاهد عبالي عندج علم بس رجلج مانعج من الجيه لهنا ...
درر : اني اعرف ومااجي اشوف بابا ..طلع الدكتور رحنا نركض عليه ..كال اطمنو نعشنا الكَلب بس يحتاجلهراحه ورجاءا لااضغطون عليه وممنوع اي احد يدخل عليه ..سمعت هذا الكلام بعد ماحسيت على روحي
عباس : بقيت واكف بعيد محبيت اتقرب بس من شفت طلع الدكتور رحت تقربت عليهم الدكتور بعده ممخلص كلامه وشفت درر حالته غريبه لونها اصفر وكانما رح تفقد وفعلا بعدني موصلت يمها وهي وكعت وفقدت الوعي

يتبع ...

#فصليه واني صغيره

#البارت_13

عباس جاي من بعيد رحت ركضت عليه حسيت روحي مشتاقتله وفاكدته ... عباس بابا صحى وحجيت وياه والحمد لله صار احسن
عباس : الحمد لله الف حمد الله ع سلامته .. حسيت كَلبي وكف بمجرد مالزمت ايدي بايدها
درر : بشعور لاارادي قربت ايدي ولزمت ايده وهمست انته شلونك اني اعرف مقصره وياك ....
عباس :( بصوت مخنوك ولهفه واشتياق ) هوايه مقصرة يادرر مكانج خالي
درر : ابتسمت ... انشاالله ارجع لمكاني بس خل تعدي كم يوم بعد ...
عباس : اصبر شسوي ماعندي غير حل مجبور اتحمل ... كانت بعدها الزيارة كلش قليله وشبه ممنوعه ع الشيخ وكفت ع الشباك الي كانت مكابلته بزونتي مع العلم حاقد عليه اكثر متتصورون واتمنى اكسرة ... سلمت ع الشيخ من بعيد حتى ارجع .... وبعدها صارت عندي ضروف وانشغلت حيل ..مكدرت اروح للمستشفى كنت دائما انتضر اتصال درر بس هي ماكو واني ماعندي رقمها بعد يومين رحت للمستشفى ملكيت احد سالت عليهم عرفت مطلعي للشيخ وماخذي للبيت من يومين .. اشتعلت بنار معقوله هيج اني مو مهم عدها اغيب يومين تمسحني من حياتها ولاكانما موجود ...اعصابي ثارت محبيت ارجع للبيت واني بهاي الحاله رحت للبستان وبديت اكطع بالشجر ذبيت قهري وحركتي كلها بالشجر واني اعصابي صايرة نار رغم كل مشاعري وحبي الها بهاي اللحظه احس كرهتها وتمنيت يمي حتى اعلمها شلون تحترم زلمتها ... بقيت بالبستان للغروب لحد ماهديت رجعت للبيت واني دشداشتي كلها وصخ وتراب تلكتي امي ... هايمه شنو هاي وين جنت .. انته مو جنت يم درر ليش هيج هدومك

عباس : اي درر ... عوفيني يمه عوفيني رحمه لااهلج رايح لغرفتي ولااحد يطب عليه والي يسأل عليه كولوله مهنا .. صعدت لغرفتي وبقيت افكر بيها هي ليش هيج اسوي ويايه اني حتى مأاذيتها بشي
درر : طلع بابا من المستشفى ورحنا للبيت واني بالي يم عباس مكدرت اكوله احنا طالعنا لان طلعتنا صارت ع السريع بعدها رحنا للبيت وهوسه انشغلت عنه شويه بس هم كل شويه انتبه على موبايلي انتضره يتصل بس ماكو استغربت من الموضوع
عباس : عدت عليه كم يوم واني على هاي الحاله عيني ع الموبايل واذني يم الباب انتضر منها خبر وبنفس الوقت غروري وكبريائي ميسمحلي اروحلها او اسال عليها وهي ممسويتلي اي قيمه وحتى مالي وجود بحياتها
درر : مليت من الانتضار معقوله عباس ميسال عليه .. رحت لاايهم .. ايهم بالي يم عباس شو من طلعه لا مر ولاحتى سأل
ايهم : والله مااعرف يجوز مشغول الرجال هو خطيه مقصر ويانا بالمستشفى انتي مكتيله احنا طالعين
درر : لا مصارت فرصه اكوله
ايهم : درر انتي شنو هل اللامبالاة الي عندج الرجال يوميه يجي للمستشفى انتي شلون متكوليله احنا طالعين ... لازم نتصل عليه فشله منه
درر : شلون نتصل عليه واني ماعندي رقمه
ايهم : عفيه ي المعدله .. خل اشوف ادهم بلكت عنده الرقم
درر: اوك انتضرك .. ايهم ايهم ممعقوله زوجه ادهم ماعدها الرقم .. اكيد عدها رقم اخوها
ايهم : هم صح .. همزين انتبهتي هنيالي ...
جبت الرقم مال عباس واتصلت عليه مرة مرتين وهو ميفتح خط
عباس : كنت نايم رن موبايلي باوعت شفت رقم غريب مالي خلك ارد .. مو مهم بعد ماخلصت الدكه انتبهت خرب يجوز هاي درر ... شلون مرديت عليها يعني انتبه شبيك .. رقم غريب اكيد .. رجعت اتصلت ع الرقم ... رد عليه شخص عرفني عن نفسه كال اني ايهم وتعذر مني لان مبلغوني عن طلعتهم اني اجاوزت الموضوع عادي وسويت نفسي ممهتم كتله عادي مصار شي المهم الشيخ هسه احسن ... سمعت صوت درر يمه حجت كالتله انطي اسلم عليه كَلبي دك بالدقيقه الف دكه من سمعت صوتها
درر : كنت متلهفه اسمع صوته اخذت الموبايل من ايهم وحجيت وياه سلمت عليه وطبعا من طولة لساني مااكدر مااعتب عليه مع العلم ادري اني مقصرة وياه .. كان رده كلش ثكيل عليه حسيت روحي شكد غلطانه بحقه بس معرفت شكوله ايهم عزمه ع العشا حاول يتعذر وكاله عندي شغل بس ايهم اصر عليه جاوبه اذا خلصت شغلي اجي ..اخذت الموبايل وبعدت شويه عن ايهم
عبيسان تعال مشتاقه اسمعك تكول بزونتي
عباس : لا ماكو داعي مو اله اجي سمعيها هسه بزونتي
درر : مو حلوة من تكولها واني اباوع عليك تطلع احلى ... عباس اني اعرف غلطانه بحقك وهوايه موشويه .. امانه اعذرني ولاتاخذ على خاطرك مني
عباس : انتي مو مقصرة اني مالي اي وجود بحياتج يله من رخصتج تعبان واريد انام شويه
درر : هي صارت عباس .... تريد تنام
عباس : يعني تعبان ماانام
درر : لا نام .. بس قبل لاتنام كولي تجي لو لا
عباس : الله كريم خل انام ومن اكعد يصير خير ... سديت التليفون ..ولج يا مااجي واني كَلبي مفرفح عليج مشتاق لطفولتج وخبالاتج ...مشتاق لكل كلمه تطلع منج . بلحظه وبكلمتين منها نسيت اهمالها واللا مبالاة مالها وحسيت لهفه بكَلبي اريد اطير عليها ... بقيت انتضر يخلص النهار وبلهفه احس الوقت صار شطوله وميمشي . .. ... صار المغرب لبست احلى لبس طبعا اني كشختي بدشداشتي وغترتي البيضه عطر وترتيبات .طلعت شاب انيق 😉
وعكب كل الكشخه وا

لتحضير ويطلعولي بشغله صفح ...

صايرة مشكله بين اثنين اخوان وجايين الزلم حتى نحل المشكله ولكم هسه وكتكم واني انتضر يخلص النهار بطلعان الروح ..حاولت اطفر من الشغله ابويه كان مموجود واني بابطبيعي الي انوب بمكانه مكدرت اخلص من الموضوع وتورطت بحله المهم مشى الوقت وبسرعه اني النهار كله انتضره يمشي صار شطوله النهار هسه لان اريده يتاخر الساعه كامت المهم تاخرت على درر

يتبع ...

#فصليه واني صغيره

#البارت_14

درر : فدوة لكَلبك دومك واكَف بصفي وسندي انته ابويه الثاني ..هذا احساسي تجاهك
ايهم : ياعيوني انتي تربيتي ولج انته درة ريحه امي الغاليه
درر : بقيت انتضر عباس اطب واطلع للبيت واني لسه بقلق كلما يمر الوقت اقلق ازيد ..عباس اذا مجا للعزيمه يعني زعلان مني وراح تكبر المسافه بينا ..دخلت للمطبخ عود يعني معدله اشوفهم شمسوين امي نجمه كانت تطبخ كلشي معرفت درت وجهي وطلعت المطبخ ..شفت شجرتنا اني وعلي كدامي طلعت رحت عليها لكيتها احسن طريقه حتى اكضي وقت من زمان مقاريه الي مكتوب عليها ... بديت اقره لكيت هوايه كتابات اني مقاريتها ... من يوم الي طلعت من هل البيت وعلي كل يوم يكتب شي جديد كاتب تفاصيل دقيقه عن درر حسيتها انسانه مااعرفها واني اقره كتابات علي عنها خلال مااني اقره جا علي ... حط ايده ع الكتابه حتى مااكملها ... صحت بي وخر علي لااصير مكروه خل اخلص قرايه لبين ميكضي الوقت
علي : لا درر ممسموح تقرين كتابتي هاي الشجرة صارت خاصه بيه

درر : هاي الشجرة تخصنه اثنينا

علي : لا متخصج اني الي كاتبها وانتي مكاتبه حرف بيها

درر : بس كل حرف مكتوب اليه وهذا الي احنا متفقين عليه والدليل اسمي مكتوب ع الشجرة وبكل مكان
الشيخ عباس : الحمد لله والشكر راحووو ماكو وقت ادخل للبيت تاخر الوقت كلش حتى ماكات لشخص اني وين رايح صعدت السيارة بسرعه فتحت الجكمجه مال السيارة طلعت مشط وعطر اني بكل مكان احط مشط وعطر رتبت شعري شويه وطلعت ...مشيت سرعه مو طبيعيه حتى اوصل بسرعه والحمد لله وصلت باقل من نص ساعه.. نزلت كانو زلمهم بالباب .. محبيت ادخل واسبب احراج طلبت احد يصيحلي الشيخ ايهم والي لفت انتباهي الشباب واحد يباوع ع الثاني ويسال منو شيخ ايهم ..
جاوبت ابن الشيخ ضاري ... ها تقصد الاستاذ ايهم ..جاوبتهم اي هو صاحووو اليه طلع الرجال للباب الخارجي
ايهم : وسفه خويه صدك جذب انته من اهل الدار تدخل بدون أذن .. صحت بالشباب الي ع الباب ولكم انتو متستحون عايفين الشيخ عباس ع الباب
عباس : لا ياخويه مصار شي اني محبيت ادخل واسبب احراج
ايهم : اتفضل خويه اتفضل ... درر من زمان تنتضرك من العصر وهي تروح وتجي خبصنتنا
عباس : دخلنا للبيت واني طاير من الفرحه من عرفت درر تنتضرني يس مادامت فرحتي ... تقريب مندخل لمدخل البيت مااعرف شلون التفتت ع الحديقه شفت درر واحد مع شخص ... ايهم من رخصتك دقيقه .. هذا منو ويا درر ها هذا علي هم رابين سوه
عفته ورحت على درر واني صاير نار وهذا الشخص اني اتخبل منه بدون مااشوفه

درر : بقينا نتناقش اي وعلي اذا يحقلي اوكف يم الشجرة ولا لا حسيت كلام علي ونبرة كلها خشونه واول مرة يعاملني بهاي الطريقه ويكولي مرة الشيخ مو درة ... تعصبت منه حيل خلال هاي الاثناء حسيت اكو شخص ورايه وخلي ايده على جتفي من ورة درت ضهري شفت عباس بوجهي الدنيا مسايعتني من الفرحه .. ضحت بوجه حاولت احظنه بس هو بعدني عنه استغربت لموقفه
عباس : دخلي جوة وبعدين نتحاسب
درر : عباس شبيك
عباس : صحت بيها بصوت عالي كلت دخلي جوة ..انتضرت درر تروح ولزمته من ياخه دشداشته ... باوع .. درر مرتي واذا شفتك مرة ثانيه تفتر داير ميدورها ثق بالله متلوم الاروحك شايف هاي الشجرة الي انته مسوي دفتر ذكريات وربك اعلكك عليها وبنص بيت الشيخ ضاري .. اني نبهتك بعد ..عفته ومشيت واني عيوني تجدج نار اريد اخذها واطلع من البيت بسرعه بس مترهم مااريد احد يعرف بالشغله
علي : هددني وراح الشيخ واني مااكدر اكول ولاكلمه هو وين واني وين وهو حقه درر هسه مرته وحلاله ومن حقه يخاف عليها مني لان اعشكها واعشك كل حرف باسمها .. انداريت ع الشجرة وسحبت خنجري مسحت الكلمه الي جنت ضامه بأيدي عن درر كلمه احبج يابنت الشيخ .. كتبتها بيوم الي اخذوها فصلي واني جرت نهر عليها .. مسحتها وكون اكدر امسحها من كَلبي
درر : طول الوقت وطول مااحنا كاعدين عباس مرفع راسه ولاباوع عليه عرفته عصب لان شافني ويا علي بس هو حتى مسال هذا منو شلون يعصب بدون ميعرفه طول الوقت اني انتضره يباوع عليه وهو ولايمه
عباس : طول الوقت اني كاعد على اعصابي والكل انتبهعلى هذا الشي شكد محاولت اضم واكثر من مرة سالني الشيخ ضاري..... بويه محتاج شي واني اكوله مصدكت خلصنا اكل ..كمت غسلت ايدي وصحت على درر يله مشينا
درر : عباس وين اروح
عباس : لبيتج لو حلتلج الكعده هنا يابنت الشيخ ضاري
درر : اني مقصدت شي بس الوقت نتأخر خل نبات هنا والصباح رباح (عرفت عباس حيل ضايج مني من كالي بنت الشيخ معناها ضايج ومعناها رجعنا لنقطه البدايه )
عباس : تاخر الوقت .. سحبتها من ايدها حيل كتلها دقايق والكاج بالسيارة
درر : همست بصوت ناصي محبيت احد يحس على طريقه معامله عباس اليه ويكبر الموضوع عباس ايدي .أاذيتي ..صار بس انزل غراضي واسلم على بابا ونطلع

عباس : انتضرج بالسيارة 😒😒

درر : طلبت من امي نجمه تنزل غراضي لبين مااسلم على بابا ع السريع سلمت عليه وطلعت لكيت عباس بالسيارة

بيده جكارة استغربت من الموضوع اول مرة اشوفه يدخن واني حتى ممشتمه بي ريحه جكاير ..خفت اسأل ع الموضوع بمجرد ماصعدت بالسيارة عباس تحرك وسرعه موطبيعيه .. واني اصيح عباس على كيف عباس ليش هيج سرعه .. عباس خفف والله اخاف من السرعه .....
وهو ولايمه الموضوع
عباس : اسمع درر تحجي بس كلش بالي مو يمها فقدت السيطرة على اعصابي بقيت امشي سرعه لان بمجرد مااخفف او اوكف واسمعها تحجي راح اضربها ومااريد هذا الشي يصير بده صوت درر يعلي وصراخها يزيد واني ازيد سرعه السيارة لحد سمعت صوت بالسارة وطفت بيه بنص الطريق وابساتين وعرة بين قريتنا وقريه الشيخ ضاري ... بديت اضرب ع السكان واصيح ارتاحيتي هسه ارتاحيتي
درر : وكفت السيارة وعباس يصيح عليه واني ميته خوف من السرعه الي كان يسوق بيها ... فتحت السيارة ونزلت منها اركض .. كانت ضلمه والطريق كله وصخ مكدرت امشي خطوتين
عباس : شفتها نزلت من السيارة الطريق خطر نزلت اركض عليها ... تعاي وج وين رايحه لاتروحين بعيد تعاي ركضت بسرعه عليها
درر : وخر معليك انته ... ليش جبتني تريد تموتني ع الطريق اني اعرف تكرهني وتريد تأذيني
عباس : وانتي تردين تبقين يم اهلج ويوميه تقرين ذكرياتج ع الشجرة ها احجي لزمتها من ايدها حيل وهزيتها
درر :اضربني عباس اضرب حتى ترتاح هاي مو اول مرة اسويها ودرر هم تعلمت عليك من اول راشدي اخذته منك

عباس : شنو قصدج ..كلامها اثر بيه حيل ... احجي شنو قصدج اني همج ومتوحش وماتعامل غير بالضرف احجي درر لاتسكتين ....

درر : بقيت ساوكته وميته خوف منه ..... اخاف اكول اي كلمه استفزه بيها ويضربني
عباس : ولج والله متت ..من شفتج واكفه ويا ذاك الزباله ولج اني بشر وابن حموله وعندي غيرة على عرضي درر ليش واكفه وياه درر جاوبيني انتي رايدته ... اذا رايدته هسه اخذج بأيدي لمضيف ابوج ..درر لاتسكتين باوعي بعيوني واحجي
درر : بقيت ساوكته وميته خوف منه ..... اخاف اكول اي كلمه استفزه بيها ويضربني
عباس : ولج والله متت ..من شفتج واكفه ويا ذاك الزباله ولج اني بشر وابن حموله وعندي غيرة على عرضي درر ليش واكفه وياه درر جاوبيني انتي رايدته ... اذا رايدته هسه اخذج بأيدي لمضيف ابوج ..درر لاتسكتين باوعي بعيوني واحجي

درر :عباس هاي نضرتك اليه واني كضيت النهار واني انتضرك

عباس : شلون تردين نضرتي واني شفتك واكفه وياه ويم الشجرة ..درر شمكتوب ع الشجرة ... بنضره وحده على هل الشجرة شفت مكتوب احبج يابنت الشيخ

درر : صدكني ماكو هيج شي وانته غلطان علي مثل اخويه ومامكتوب هيج شي ع الشجرة

عباس : اني شفته بعيوني ... درر . درر تعرفين شنو معناه هذا ..بلحظه واني بعدني احجي انفتحت عليه جبهه مال اطلاقات ناريه من كل مكان مااسمع بس صوت الرمي ضميت درر بحظني مااعرف شلون ابعدها عن الرمي ..سحبتها حيل وصرنا ورة السيارة ... السيارة مسدودة حاولت افتحها حتى نصعد وخرت درر من حظني ثواني بعدت ايدي عنها سمعت صوتها صرخت اخ عباس ...
اباوع عليها كل شي مااشوف ضلمه ... درة درة عمري شبيج خوما نصبتي ... مااسمع صوتها من صوت الطلق ... فتحت الباب وسحبتها بسرعه للسيارة نزلت راسها ليجوة ونزلت وياه احجي وياها درر احجي شنو تصوبنتي
درر : صوت الطلق بكل مكان واني بحضن عباس واصرخ ميته من الخوف اول مرة اسمع هيج اطلاق حسيت بشي ضربني ابطني تأذيت حيل صرخت بعلو صوتي بعدها اريد احجي من الوجع مابيه صوتي كلش ناصي اسمع عباس يصيح عليه ارد عليه بس هو ميسمع واني الوجع اكلني وبديت احس بدوخه
عباس : وكف صوت الاطلاقت خلال لحظات عرفت الي كانو يرمون انسحبو فتحت ضوه السيارة وسحبت درر ع المقعد شفتها متصوبه ابطنها وماخذها نزف ... نزعت غترتي ع السريع وضغطه ع الجرح وهي تون من الوجع ... تحملي ياعيوني بس دقايق انوب ادور ع التليفون ماكو من الخبصه هو كدامي واني مااشوفه ..اتصلت بسرعه على زلمنا كتلهم الحكولي صار عليه هجوم ومرتي اصوبت اني بنص الطريق شمرت الموبايل بعد ماادري بي كل فكري يم بزونتي
درر : حسيت روحي تعبت حيل اريد اسحب نفس ماكو كان كل همي اكول لعباس اني احبه واني مااحب احد غيرة ... عبيسان شكلها هاي النهايه ودرر اليوم اخر يوم وياك
عباس : اني ابجي ودموعي تجري اول مرة اصير بهيج موقف عرفت اني شكد احب درر حسيتها رح تروح مني ..ااش اش اسكتي بس خل يجون واروح للمستشفى وبعدها احجي الي تردين تحجي
درر : خاف مالحك اكول الي اريده
عباس : اسكتي وج عيوني اسكتي لاتسوين هيج بيه .. وج روحي تعلكت بيج المن تعوفيني
درر : عباس ثق بالله اني ماكو شي بيني وبين علي والكتابه الي حجيت عنها اني مقريتها
عباس : اعرف اعرف والله ياعيوني لاتحجين هيج (احجي واشهك وابجي حسيت صدك هاي النهايه وهذا اخر يوم النا سويه تمنيت يرجع بيه الوقت حتى ماامشي سرعه ولا يصير الي صار ... ليش هيج سويت) ياربي رحمتك بينا
درر : عبيسان ..اني احبك وحيل مو شويه
عباس : ياروح عبيسان وكَلبه واني اموت عليج من اول لحظة شفتج بيها درر درر ... ده اسمع

يني درر بقيت اصيح عليها فقدت الوعي بدون متسمع الي كلته

يتبع ....