يعمري💜

حبي هاي جهاز فوريو..وي غسول تستعملي☺️
هسه اسويلج توجيه اله

#ملوكه

منا جهاز فوريو..وجواهن غسولات لكل بشرة🌚👆🏻
فتاخذين الغسول اللي يناسب بشرتج

#ملوكه

حبي كون ترحين للدكتور ويشوف درجه الكلف .ويطيج كريمات

فاذا جان كلف خفيف..بللليمون يروح..يعني يوميا تمسح عل منطقه بالليمون..فمنا لشهر يقل

بس اذا درجه كلف كلش غامقه..فالافضل روحي للدكتور☹️

#ملوكه

اللي سالت عل👆🏻 صلاه بعد الغسل من الدورة
مجرد ركعتين فتحصلين منهن🌺❤️ اجر عظيم

#ملوكه

حبي القرطيفه حله بس زيت الزيتون وقص الاطراف..
واذا عندج اهواي قرطيفه.ضروررري...كصي الاطراف كل اسبوعين ..لانو اذا تهملي شعرج قرطيفه تصعد☹️💔

وكل 3ايام خلي زيت زيتون..اني احجيلج عن تجربتي بس مرة وحده جربت زيت الزيتون..فمن سبحت وسشورت.....مدري شكلج شعري صار سرح 😍❤️ويجنننن عبالك رايحه صالون ومسويتله كرياتين😂

فاذا تستمرين عل زيت كل 3ايام..تشوفين نتيجة روعة🌚

#ملوكه

حبايب اذا وحده بيكم من الانبار خل دزلي معرفها حته تساعد هالبنوته باسئلتها❤️

#ملوكه

حبي رح اوجهلج..الخطوات الاساسية لتطبيق الميك_اب

ولازم همين تعرفين شنو نوع بشرتج. حته تاخذين كريمات تناسبها☺️🌸

#ملوكه

منا شارحه الخطوات🌚👆🏻 ..بالتفصيل
فانتبهي عل الشرح وشوفيهن بالصور..رح تحفظيهن بسع🙃

#ملوكه

مصطلحات الميك_اب😇👆
#ملوكه

ومنا ليجوة تلكين الكريمات الخاصه بكل بشرة🙃🌸

#ملوكه

......الباررررررت السسسسابع عشررررر.....

طلع كميل لابس قاط اسود
ومسوي كذلته
وبيده سبحه
محمد شافني واكفة فرفع راسه وباوعني
وكميل انتبه على محمد
فندار وكف وجان يرفع
راسه
وبقى يباوع عليه واني جانت دموعي تنزل
بقيت اباعه لحد ما دار وجه ومشى وصل يم سيارته
وجان يوكف وهم رد اندار وشافني
اني بقيت اباع بعدها سحبت البردة
ورحت على الجربايه كعدت ودموعي جانت جمر تنزل
وشويه ونفتحت الباب
ودخل كميل
كمت وكفت بسرعه
هو وكف كدامي
باوعته شكد جان حلو وانيق مثل ماتعودت اشوفه
كلي
.....بان
مسحت دموعي وكتله
....هلا بالعريس
...شبيج
...مابيه شي فرحانه كلش وباع كلبي من الفرح راح يطك
...اي
،....كلي شتريد ليش اجيت
.....اشوفج
....ليش
....يعني خاف محتاجه شي
....هههههه ضحكتني
... ضحكيني وياج
....تحبها طلعت وراح تزوج لعد ليش سويت هيج بيه
ليش خليتني اتعلق بيك وعفتني كميل
ليش سويت هيج ليش دتأذوني
....هيج احسن
....انت موطبيعي ابدا وكلبي ركض وراحلك
وطلعت بس كلام لسان
ليش نوبات من تحجي ويايه ابقى ادمع من المحبه
انت شتفرق عن سعد
كلي ليش هيج لان اني فقيرة حال هيج سويت ويايه
كلي ليش ساكت وبس تباوع عليه وعيونك مادري شكو بيها كلي
...الوكفه الي وكفيتها هسه بالشباك وباوعتيني
اني مجرب شعورها
وجعج جان بكلبي جبير جان كلبي يدكطع من اشوف المحبس بيدج يلالي
ومن صرتي حامل وبطنج كبرت ومن جبتي يوسف
وشفتج وشفته
تعرفين شنو الي جنت احسه
...لامااعرف لان ماجنت اعرف بيك
...اذن اني حتى لمن جنتي بعيده حميتج من بعيد
....اي كلش حميتني ماريدك بعد ماريد تلمسني
....اني بكلشي اجبرج بس هذا الشي لا
....روح لاتتاخر على عرسك عيب انطيت كلمه
بس كلمتك ويايه تنزل للكاع الف مرة
.....اني مااحجي حجايه وماااسويها لو اموت
سمعتي
....بس ويايه
...بالذات وياج
....كذاب
سكت وصار عصبي
....اني مااكذب
....انت واحد اناني متحب بس روحك
وتتصرف ماادري شلون ماخجلت مني من نمت بحضنك
وانت توعدني بجنتك وانت دكلي لاتباعين على غيري
وابتلي بيج وهوايه حجي
ماخجلت ترد تباع بعيني
....لا ماخجلت
وداو وجه وطلع من الغرفه
واني كمت اصيح بصوت عالي
....الله ينتقم منك على هالوجع الي داحسه
كون اشلع كلبي من مكانه
ماهتملي ولارجعلي
وبعدها سمعت صوت السيارة
ردت ابني يوسف
كمت اصيحه من الدرج ماكو
نزلت جوه
دخلت للمطبخ ماكو ام ياسين والبيت فارغ
طلعت وفتحت الباب البره وصحت على الحرس اجاني واحد منهم
كلي
....أمري
....يوسف وينه
....وياام ياسين
....وين ام ياسين
...راحت ويافيصل
دخلت جوه وبقيت اروح واجي واجتي عيني على الغرفه
الجوه
رحت وكفت بالباب وخليت يدي على الباب وجانت مفتوحه
دفعت الباب على كيفي
ودخلت وجانت مسدودة الاضويه
فتحت الضوة
ورحت وكفت بنص الغرفه
الغرفه حلو كلش وحاطين فرشه بيضه
وبالتعلاكه حاطه سيت مال نوم ابيض وبي روب
رحت كمشته وشفت معلكه يمه بجامه
سحبتها وخليتها على وجهي بس مجان بيها
عطر كميل لان جانت جديدة
كعدت على الجربايه
ومشيت يدي على الفراش
ونار شابه بيه كون افتح كلبي واجيب
مي بارد ثلج واذبه على كلبي
بلكي هاي النار تطفى
شويه وكمت طلعت وكعدت على الدرج
وبعدها كعدت بالصاله
وراها
دخلت للمطبخ سويتلي جاي
ودورت دوه ردت حبايه
مال وجع راس ومالكيت
ورديت صعدت لغرفني
لان روحي لايبه مداكدر اكعد ولاداكدر انام
ولاداكدر اسوي شي
بقيت بالغرفه لحد ماسمعت صوت سيارات وصوت طلقات صارت
ركضت على الشباك
باوعت سيارات واكفه بالباب ونزلو العروسه
ولد شباب جانو
وكميل نزل وجان هو ديسوق
وكف واشر بيده
وكام يباوع على البيت وعلى الشباك بس اني سحبت نفسي بسرعه حتى لايشوفني
وبقو شويه وبعدها صار صوت هلاهل
ودخلووو جو
وكميل ماكوو
وبعدها كامت السيارات تروح وصعدت ام ياسين وصعدت يوسف
وكالتلي
...شويه واجيج
...اي
راحت واني اخذت يوسف غسلتله
ونومته
لان جان تعبان من الصبح لحد الان ماكاعد
مكيف بعرس رجل امه
وجتي ام ياسين
وكعدت يمي وبقت تحجي وتحجي
واني اهز براسه بس ماسمعت
كلمه منها
كتلها
.....دخل كميل لغرفته
...لا
...لعد وينه
...بالحديقه كاعد
... ها وهاي المسلوعه
...كلبت وجهها ودخلت للغرفه
...بعدها مشايفه شي من كميل هسه يلعب بيها لعب
.....كميل ولايمه ولاباع بوجهها
ولادار بال
....هو هيج طبعه
...لا هو عيونه من تشوفج تلمع لمع ويا هاي عيونه مابيها احساس
......حجي وعيونج ياام ياسين عادي بعد مااهتم بس مخنكه
....دتعاي نزل للحديقه شويه
...لا مااريد
...دتعاي هسه كميل دخل جوه
جنت محتاجه اشتم هوى
خليت شال على جتفي
ونزلت جوه
وياام ياسين وماشفت احد بطريقنا
طلعت للحديقه جان كميل ماكو
ومحمد واكف غادي من عدنا وديحجي ويا فيصل والحرس
ويأشر
على الشارع
كعدت على الكرسي وام ياسين هم كعدت بصفي
واني بقيت ساكته ومااحجي
وكتلها
لان لاام ياسين
...باجر نرجع للبيت
...براحتج
سمعت محمد من بعيد

يكلي
...هاي شنو صايرة ثكليه انتي بالبيت وشتاقينالج
....اي ثكيله
....اي شونج
...الحمدلله
...هاي ليش هيج عيونج ليش هلكد باجيه
....مابيه شي
...لتنقهرين وداعت يوسف
ابتسمت ابتسامة مكسورة
...ان شاءالله
كللها محمد لاام ياسين
...نريد من يدج الحلوة الي تخبل جاي
...اي بعيني
...وسوي لفيصل هم
وراحت ام ياسين
ومحمد صاح فيصل
كله
....فيصل تعال
اجى فيصل
وسلم عليه
وكعد وبقى يحجي ويا محمد واني بالي مو يمهم
لحد مااجتي ام ياسين
وبيدها الجاي وكعدت نفتحت الباب الخشب
وطلع كميل وبعده بالقاط ماله
وظل يباوع من بعيد
ومحمد اندار وشافه
وجان يكله لفيصل بضحكه
....كميل بعده بالقاط ههههه
....اي ههههه
وام ياسين تباوع عليه
ودخل كميل
وكتلهم
....اني راح اروح انام نعست
محمد كليً
....روحي ارتاحي
وباوعت على فيصل وكتله
...باجر وديني الصبح للبيت
فيصل باع على محمد
ومحمد هز راسه لفيصل وكلي
فيصل
...ميخالف تدللين
...يله تصبحون على خير
...وانتي من الخير
محمد هم كام
وكال
...اني هم تعبان اروح ارتاح
وتمشى ويايه ومن وصلنا للدرج
شاف ضوه بالصاله
كلي
...هاي يمكن كميل هنا شديسوي
راح وفتح الباب واني لحكته
ودخل محمد وخله يده على الباب وكف
...كتله
....شكو
...تعاي
كميل جان كاعد على الكرسي ومصعد رجله على الميز
وديشرب وفاتح الشباك الي كدامه
محمد كله
...شدسوي
...كاعد
....موانت عريس هاي الليله
،....ههههه
ندار وجان يشوفني
كلي
...تعاي
ماتقدمت منه ولاخطوة
..محمد كله
...كميل روح نام شكلك كلش تعبان
...دائما اني تعبان
نزل رجله من الميز وكام وكف
كلي محمد
....شوفي هسه يذب الي بالكلاص
بالكاع
صدك وكف كميل وجان يكمش الباقي وذب كله بالكاع
ورجع الكلاص على الميز
باوعت على محمد وضحك
...موكتلج هو ميشرب هاي صارله فترة وبس من كلش كلش يصير عصبي يعني كل شهرين كل ثلاثه اشهر مرة
بس شيسوي يخلي بالكلاص ويكمش الكلاص
ويشرب منه شويه كلش والباقي يذبه بالكاع
ههههه
....ليش عود
....هههههه ماكدرت اوصل لنتيجه ليش هو هيج يسوي
محمد كله
....كميل
...شتريد
...متنام
...اريد اصعد انام
.....غرفتك جوه كميل
....ترة اني مسكرت تعرف اني اصلا مااشرب حتى اسكر
....لعد جنت تشرب
....مي وردّ وشبيك اليوم محمد ترة ضايج لطلع عصبيتي
....متعلم على هذا الخبال
...شكلت
....لاماكلت شي
....بس داكلك العروسه بالغرفه الجوه
....اي وشنو يعني
...يعني لازم تدخل للغرفهً
....اريد انام بغرفتي الفوك وخلص
....غرفتك نايمه بيها بان ويوسف
...اعرف بس الجربايه جبيرة تكفي
...صدك جذب كميل.
باوع على محمد وكله
....اليوم انت يامحمد تريد اضوجني بس متعرف شلون كم مرة كتلك من احجي خلص
مااريد نقاش
....يابه براحتك
...اي هيجي من البدايه جان وفضني
كتله لمحمد
.....خلي اصعد انام
كلي كميل
....وين رايحه ست بان
...انام
...لاوالله
تمشى واجى وكف يمي وكلي
....يله
محمد دخل للصاله
واني كتله لكميل
.....والله لو تموت زين روح يمها واني من الباجر الصبح رايحه منا
وتركته وصعدت فوك للغرفه وسديت الباب
ورحت على الجربايه وحضنت يوسف ونمت
والصبح بالغرفه مانزلت
وصعدتلي ام ياسين
كتلها
...كولي لفيصل حتى نروح للبيت
.....هسه اكله تعاي تريكه
....مااريد اريد اروح يله انتي هم تحضري
راحت ام ياسين ولبست وخليت الملابس الي جبتها ويايه بالجنطه الصغيرة
ونزلت
جوه
وشفت كميل وهاي المسلوعه
مبدله ومكيجه ولابسه حذاء عالي وتفتر ورا كميل
ماهتميت لوجودهم عفتهم وطلعت وكفت برة
ماشفت فيصل
اظاهر طالع
ام ياسين اجتي
كالتليً
....ترة فيصل ماموجود
....محمد موجود
....لا هم طالع
...شلون سالفه هاي دلبسي هدومج حتى نطلع ناخذ تكسي
....يله دقايق
اجى كميل ويا هاي وكلي
.....وين تروحين
....للبيت
...ماموجود فيصل
.....اعرف هسه ناخذ تكسي
.....تاخذين تكسي
...اي
....ومن شوكت مرت كميل تركي تكسيات
المسلوعه باعت عليه وضاجت
كتله
....وليش اني مرتك
....ليش طلعتي مو مرتي هسه
...شنو الي يثبت اني مرتك
....كلامي
...ها
....كلامج كدام كلامي
ندار على شيرين
وكاللها
....جيبي مفتاح السيارة
.....ليش
...وانتي شنو دخلج
...تروح توديها لعد اجي وياك
....حجي زايد مااريد روحي يله
راحت للغرفه ورجعت وبيدها المفتاح ورافعه حواجبها
عبالك شيطان
وتهز برجلها
باوعلي
......يله
طلعت ورايه ام ياسين ويوسف وصلنا لحد سيارته
وباوع على ام ياسين
وكاللها
....ام ياسين انتي ابقي هنا ويا يوسف
....لعد مراح نروح للبيتً
.....لا
كتله
...شنو شتريد تسوي
مجاوبني وكال لاام ياسين
....يله دخلي ولتعوفين يوسف ابقى يمه
....ميخالف
واخذت يوسف ودخلت جوة
كتله
.....شتريد
...اريدج
.....هو انت بكيفك يوميه تجي دكلي اريدج
وبعدها دكلي روحي مااريدج
.....اني وياج مثل المي ويا المي
....شنو يعني
....يعني اني كلشي داسوي علمودج اني خايف عليج
ومااريد يكسروني بيج مااريد يلوين يدي بيج
واني دخلتج ب

العبه مالج دخل بيها
....شنو الي دتحجي فهمني
....يعني اني ازوجت علمودج انتي
....شنو عيني ازوجت علمودي
...اي علمودج
.....هاي جديدة والله ازوجت وجبت وحدة وكضيت الليله
كلها بحضنها وعلى والله اني ازوجت علمودج
.....تغارين
....شنو
...تغارين لان نمت بحضنها
....واني شنو الي دخل قابل اني مرتك
....انتي مرتي غصبن عليج اذا رضيتي لو مارضيتي
وضحك وكمش خدي شوفووو الغيرة والعيون
المورمه من البجي
...وخر يدك شنو دتقشمرني
.....والله مالمستها
....ليش
....مالي نفس بغيرج الحضنه ماتحلى اذا مو وياج
والسهرة الي مابيها كمرج
شلي بيها
.....كافي لتكذب عليه
...اني مااكذب عليج اني ازوجت حتى احميج مااريد احد يعرف انتي مرتي
لهذا السبب مازوجتج بالمحكمه
مااريد احد يأذيج
وخليت شيرين بالوجخ
...وهي تعرف
....لا
....ليش هيج كأنما قشمرتها
.....ههههه شيرين هاي عبالها تلعبني
متعرف اني ولاميت مره تكدرلي
...شبيها
....شيرين تعرف كلش زين انو اني خطبت وحدة قبل واخذت فلوس من عندي ونهزمت واني ماسويتلها
شي ولاحاسبتها ولان تقربها مني مجان طبيعي ولان عدها اهداف ويايه
.... زين شمعرفها
....اني كتلها
....حتى اكشفها
.....كشفتها
.....اي اكيد
...شعرفت عنها
...هذا الشي مراح اكوله ابدا وهذا شي راح احتفظ بي
.....ليش
...احسن
.....لعد شلون قبلت تزوجها
....حتى حسابها يكون مضاعف وبعيدا عن كل هذا اني خليتها بالوجه و هسه هما عبالهم هي مرتي
لان لو مزوجج مااعيش وياها قصه حب كدام عينج
وازوجها واسويلها حفله واجيبها يعني خطه
....انت صدك تفكر تفكير خطير
......ههههههه
.....الحياة وياك صعبه
.....اعرف وكلش صعبه لهذا السبب اريد ابعدج عن حياتي لان اني تعلمت اعيش هيج وضع دائما
....اني هسه معليه بهذا كله كلي هاي الجوة شنو
....موكتلج
....مداصدك
.....صدكيني منا لفترة وتروح لحد ماارتب كل وضعي
....ليش ماكلتلي وخليتني هيج اتعذب
.....ماردت شي يخرب
......شلون عايش هيج سافر وابتعد واخلص
....مااكدر
....واني مااكدر اشوفها وياك وتدخل وتطب وتكمشك
وفوك كل هذا مداصدك لان ميدخل بعقلي ازوجتها علمودي
....كلشي اسوي على مودج
...زين ليش محمد مكلي
.....لان مايعرف محمد الي جنت اريد اسوي هيج
درت وجهي
وشفت المسلوعه واكفه وتباوع عليه درت وجهي عليه
......كميل
.....ها
......كل الي خليتني اعيشه هذاموصحيح لو هسه الي اني بي موصحيح
ضحك كلي
....... تعاي نطلع اني وياج ونروح لااي مكان
.....لا
.....مداصدك ولاكلمه من الي حجيته
.....شبيج بان
....لان الي دتحجي ميدخل عقل انت واحد تحب تاخذ كلشي من اخذتني من سعد وصرت مرتك
ارتاحيت لان ملكت شي واخذت وحدة كاعد تعذب بيها وهي غبيه
تصدك كل حجاياتك
وبعدها شفت هاي شيرين
وكلت اخذها واخذتها وهسه حتى لااعوفك
دكلي علمودج اني مامقتنعه بلي دتحجي
....ممصدكه بيه
....اي
.....براحتج لصدكين بس هذا الي سويته اني وعلمودج
.....اي علمودي ملبسها بدله مال عرس ولابس قاط
والسيارات والدنيا كل هذا كذب
....عادي ليش مستغربه اني اسوي الي اقوه من هذا الشي
....لا شكلك وياها مو كذب مداصدك
...كتلج ماكمشتها ولاراح المسها لاهي ولا اي وحدة
دخل محمد
وشافنه دنحجي
واجى كال
.....شكوووو
كام يحجي كميل بعصبيه وبصوت عالي
ويكل
.....هاي ثوله مدتستوعب الي داسوي علمودها
واقسم بالله راح اضوجني وراح اعوفها وبعد مااباوع بوجهها
محمد كله
......على كيفك انت الي اسوي محد يكدر يستوعبه
....اي طبعا لان انتو عقلكم وين واني وين عقلي
كتله اني لمحمد
...جذاب
باوع كميل عليه وعيونه اشتعلت بغضب
....لج لدكولين جذاب ترة اني هوايه كبرت راسج بس والله لااكص لسانج الطويل
والتاف وصعد بسيارته
ودك هورن للحرس فتحوله الباب
اشرلهم محمد
كلي محمد
....بان فدوة لعينج على كيفج
.....يكلي سويت هيج وازوجت وكل هذا الفلم
حتى احميج
....مدام كلج هيج معناته صحيح
....محمد مداصدك
....شوفي اخذيها مني واقتنعي بيها هاي الحجايه
كميل ميكذب لان هو ميهتم لااحد وميجامل حتى لويأذي بكلامه
لهذا السبب هو لو راديدها جان كلج اني اريدها واحبها وازوجتها
هذا الي اكدر اكوله
....ليش دائما ادافع عنه
....لان احبه ولان كميل انسان طيب بس عيبه
القوة الي مغلف نفسه بيها
لتخسرين كميل بهاي تصرفاتج انتي متعرفين تصرفين وياة
احتوي اعتبري طفل مشاكس
واشر على البيت
وهاي الي بالبيت مطول وتروح وتصيربن انتي الكل بالكل
تصيرين مرت كميل الاولى والاخيره بس فهمي زين
انتي ماعندج احد وماعندج احد يسندج
والدنيا ماترحم وانتي وحدج والدايرج وحوش
اذا راح تبعدين عن كميل راح ادمرين نفسج
من كل الاتجاهات ولتخلي يملج
وهذا كلامي فكري بي زين قبل متصرفين
اي تصرف مو محسوب وغلط
....تريدني اسكت واصدك هذا الكلام
.....لا متسكتين اريدج تصيرين بدريه
مرات يابدريه نكدر نقاتل علمود شخص نحبه
ومرات نبقى ومانكدر ناخذه ويبقى احساسنا بكلبنا سجين
بس لمن الدنيا تنطينا فر