يج ترة روحي دتفرفح من تحجي هيج شي
ابتسم
.... وداعت بان مااحجي بعد
يله كومي نروح
...خلينه باقين هنا شويه بعد
.....ميخالف
بقينا كاعدين وهو كاعد ويباوع ليكدام وصافن
واني رحت كعدت كدامه وبقيت حاطه يدي
على خدي واتفرج عليه واشوفه شلون يتنفس
وشلون عيونه ترمش
كون ادخل بكلبك ياكميل واشوف شبيك
....كميل
دار وجه عليه
...شنو يهددوك
...عادي شنو الجديد
...ليش لعد باقي هنا
.....مااكدر اطلع برة العراق اختنك احس تلوب روحي
روحي بتابوت بالعراق ولا اتمشى واتنفس واني برة العراق
مااعرف شلون بقيت بلاردن هاي الفترة كلها يمكن
لان انتي هناك
،...بس
.....سدي الموضوع اني اعرف اصرف
......لايصير شي
....اذن خلص اذا صار هذا المكتوب بس خاف يصير شي
انتي راح تسافرين ويا محمد برة العراق سمعتي
هاي الحجايه خليها بالج
وبعد نهائيا مينفتح هذا الموضوع زين
.....زين
..يله عندي شغل اني
كام وراح للغرفه واني هم لحكته بقيت اباعه شلون يلبس
قميصه وراح على المرايا يمشط شعرة
وراح للهول اخذ
الزنجيل ولبسه ورجع للغرفه ودخله جوة القميص
وكل هاي الحركات عبالك لقطات و داريد احفظها
انتبه عليه
وكلي
.....يله شو صافنه عليه
....داباعك حرام قابل
....هههه لا والله موحرام وكون هاي العيون متباوع غيري
ومشى من يمي وطلع من الغرفه
شكد جنت فرحانه وسعيدة بس فرحتي مثل الكزازة
الي وكعت وصارت طشار النجم
عدلت ملابسي وشعري وطلعت
كميل مرتب ملابسه وفاتح الباب. وحاط يده عليها
اخذت الجنطه مالتي جانت على التخم وطلعت كدامه وهو طلع ورايه وقفل الباب
وطلعت وكفت يم السيارة وهو لحكني صعدت
بصفه وبعد ماحجيت شي وياه ولاهو حجى شي وصلني للبيت
ونزلت من السبارة
وعيوني عليه بس هو عينه مو عليه
ولمن سديت الباب
ساق بسرعه وشفت ورا الشارع صار بي تراب
ومن صعدت على الدجه مال باب الشارع
حتى ادخل للبيت
سمعت صوت رجال يكلي
....السلام وعليكم
...وعليكم السلام
باوعته جان رجال متوسط العمر
كتله
...اي تفضل
....شوفي اكلج احنا هنا منطقه محترمه وانتي دتأثرين علينا
....شنو عيني وانت منو حتى تجي تحجي ويايه
....انتي النهار كله سيارات تطبك بابج وماعندج رجال
وضعج بالمنطقه مو مريح
واحنا منريد تشوة ‏سمعة المنطقه
نصدمت من كلامه
كتله
....شكلت بله عيد
....تشوة سمعه المنطقه
....اني مرة مزوجه وهذا الي جنت وياه رجلي
وحجايه زايدة تحجي اخلي يطيح حظك ويدفنك
هنا بالباب صدك ناس بطلت تستحي وتخجل
جاي اذب بلاك عليه
....اني اذب بلايه لو انتي الي صاعدة و نازله
من سيارة شكل
......احترم نفسك سمعت لتخليني اشوفك شي ميعجبك
...كلشي مدكدرين تسوين
حسيت بدريه الي بداخلي كامت تغلي
نزعت الجنطه من جتفي. وكمشتها وضربته على وجه
بيها
وصوتي عله وسمعت باب البيت نفتحت يمكن ام ياسين
سمعت صوتي وطلعت
...انتي متستحين مواني عرفتج مبينه من شكلج
....زين لعد مدام هيج اني راح اشوفك الي يصعدوني وينزلوني شيسوين وين بيتك انت
لو جبان تخاف والله شكلك جبان بس كامشيك كم واحد مابيهم خير وميكدرون يحجون ودافعيك مثل العربانه
.......انتي ماعندج اخلاق
....اني ماعندي اخلاق
....اي
ام ياسين فتحت الباب
....شكو بنتي
...وخري شويه
ودخلت جوه وجبت الماسحه وطلعتله وكمت اضرب عامي شامي ماادري نضرب منضرب يس كام يرجع ليوره ويغلط
ويجاوز
وباوعت جان البيت الي كدامنا واحد رجال واكف بالباب
وديتفرج
كتله
....عمه بعينكم مابيكم واحد عنده غيرة وشرف
كاعدين عبالكم شفتوني مرة تستقون عليه
اني اعلمكم
دخلت واجتي ام ياسين
كالتلي
...شكو شصار
كمت احجي بعصبيه وبعياط
واكللها
....اجاي يكلي انتي يصعدوج وينزلوج من السيارات
وانتي وحده موزينه فيما معناه
....ايا ميستحي كولي لكميل خلي يجي يطيح حظه
....لا مااريد اسوي مشكله هسه احجي ويا محمد
....يله لديرين بال
......شنوماادير بال اشو كضيتها كلها مغثات وحجي فارغ
اتلكاها منين من كميل الي مااعرف شبي
لو من هاي المسلوعه الي جايبها
ولو هسه من هذا الي جايني يكلي صعدين وتنزلين
والله تعبانه وروحي تريد تطلع
ماكو هيجي حاله حتى لحظات الي افرح بيها
تخرب بسرعه
صدك
وين يوسف
....اجى محمد اخذه
...ليش عود
...مااعرف كال ديشتريله غراض ويفره شويه ويرجعه
وهو ماصدك عد بدلتله
وراح
....عجيب شو محمد ماكلي
ولاكميل كلي محمد. راح ياخذ يوسف يطلعه
زين هما شوكت راحو
...قبل ساعتين تقريبا
....استغفرالله
كمت صعدت لغرفتي وغسلت وبدلت
ولبست ملابس بيت
وكعدت انتظر محمد
وكتلها لاام ياسين
...اني ليش ماعندي تلفون صدك اني ماعندي عقل هو بقى احد ماعنده
جان هسه خابرته
....اي والله ضروري
وبقيت انتظر ولحد وين يله اجى محمد
طلعتله ركض لان جنت كلش قلقه على يوسف
فتحتت الباب ودخل للكراج
كمشت يوسف وبوسته وكتله
...ادخل
كتله
....هلا محمد
...هلو بان شونج
...الحمدلله شعجب ماخذ يوسف
...يعني كلت يغير جو شويه اعرف بيج مطلعي هوايه واغلب الاوقات بالبيت

....اشكرك اي صحيح ميطلع هوايه
...شفتي كميل اليوم
....اي شفته
.... يعاند ولايكعد اكله لاتطلع ميقبل
....اني كلش خايفه عليه
....شنو الي نكدر نسوي وهو يعاند هيج وماياخذ كلمه
.....تعال اذا تريد ادخل اشرب جاي
....اي والله يرادلي استكان جاي
....ادخل عيني
دخل محمد وكعدنا نحجي وام ياسين هم كاعده
وبقى كاعد واغلب كلامه جان على كميل
وجان تتفنح الباب مالتنا ودخل كميل بقى يباوع
اني ابتيمت وكمت رحت يمه
ماوكف يمي ومشى وراح كعد
كله لمحمد
....انت هنا
...اي
اني كتله
...مو اليوم محمد ماخذ يوسف ومطلعه وياه
باوع على محمد
كله
....ها وديته لسعد
سكت محمد
واني فتحت عيني
كتله لمحمدً
.....انت وين وديت يوسف
.....لاابو
...شلون تسوي هيج
.....هو اجى وتوسل عليه وراد يشوف ابنه
كميل كله
....اني كتلك لتسوي هيج وحذرتك بس كمت متسمع مني كلمه
....علمودك
...شنو يعني علمودي
...كميل ليش دظل تلعب بالنار انت ناوي على شنو انت الوحيد الي شفته يذب روحه بالخطر ومايهتم لااحد ولايخاف هذوله مجرمين وانت تعرف شيكدرون يسون انت شنو تتحداهم وتوكف بوجهم ودتعيش وياهم دور البطوله انت شعليك
....اني مااعيش دور البطوله لان اني مو بطل
بس اني داسوي الصح
....يابه ترة الدنيا صاير تعبانه
والي بي زود يكعد ويسكت ومايدخل
بقارش وارش
شنو النا دخل
....محمد اكطع
....كميل
....اكطع الكلام ولتصرف بشي من ورايه
ولدخل بان ويوسف بشي
....سعد جبان ميطلع من عنده شي
....خوفك من الانسان الجبان لان لو قوي جان واجة
بس الانسان الجبان
دائما يسوي الاشياء الموزينه ويضم راسه
لتخاف من سروان خاف من سعد
على الاقل سروان ديواجه وديهدد وجه
بوجه
كام محمد وكف وكله
...الكلام وياك مابي اي نتيجه
وطلع
محمد وبقى كميل كاعد اشرلي
بيده وكلي
....اني شكلتلج
...شكلت
...موكلتلج كلامج ويا الكل يصير محدود
ومن ضمنهم محمد لو انتي ماتفتهمين الكلام
الا اعيده الف مرة
....انت شبيك كل شويه بوجة موخبلتني لو تريدني لو متريدني وفضت راحت كل شويه
ومتغير كل شويه وعبالك مو انت
كلما احاول اتعرف عليك واتقرب منك
تتحول
وتصير غير انسان وارجع لنقطه البدايه
كولي شبيك
....روحي نامي من وكت مبينه اعصابج تعبانه
....لدخلوني اني وابني بسوالفكم المكسرة
....ها سوالفنه المكسرة
هيج صارت هسه
...اي هيج صارت ومعليكم بعد بينه
....اي زين
وكف وبقى شويه وبعدين طلع
ومن طلعته هاي واني شهر كامل لاشايفه كميل
ولاشفت محمد ولاشفت فيصل
ومااعرف شي عنهم
جنت اداوم
وام ياسين كامت تسوك للبيت
مااعرف وين الكي الاستقرار بعدي عن كميل بقربي
منه ماادري
هو يوم يقربني ويوم يبعدني ويوم يريدني ويوم ميريدني
يوم اصير جنته ويوم اصير ناره
محد عاش كابوس طويل بكد الكابوس الي عشته حياتي صارت الدنيا غريبه مثل وجودهم بحياتي
واحد حبيته واحد يساعدني
واحد يحبني. ولمن حبيته ستكثر كلبه
عليه وكام يبعدني عنه
لوادري ‏الأمنيه الي تمنيتها بيوم من الايام
تكون بهذا الشكل جانت ماتمنيت ولاحتى حلمت
جفلني صوت الهورن من صفنتي
اجى السايق مال شركه
طلعت بسرعه
وصعدت ليوره
وصلني لشركه واول مانزلت ودخلت
شفت المدير ابراهيم
واكف وجان اكو واحد ديحجي وياه
مشيت ولمن صرت قريبه منهم سلمت على المدير
وكتله
...صباح الخير
...صباح الخير بان لحظه انتظري
باوع على هذا الي كدامه
وكله
...بان
....اهااا اهاااااا
باوعني
وكلي
....هلهلا اقدملج نفسي سروان
ماعرفته وماذكرت اسمه
راح عن بالي
جان رجال يطلع عمرة ب40سنه شعره اسود بس شيبات من الصفاح وجه ابيض ومسوي لحيه خفيفه عيونه جارحه وطويل كلش بحيث ابراهيم يرفع راسه ويحجي وياه ولابس بنطرون قماش وقميص ابيض وليلك
كتله
...هلابيك
...اتشرفت بيج انتي زوجت كميل
باوعني ابراهيم واني كايله لاابراهيم
اني مامزوجه اني منفصله
كتله
.....لا
....اظاهر خربطت
كله ابراهيم
.....قصدك شيرين
باوع عليه وابتسم بخبث
....اي شيرين
كتلهم
...من رخصتكم
.....دربالج لتوكعين من الدرج
باوعتله
وخفت منه ومن كلامه وصعدت لمكتبي وبقيت اريد اذكر هذا وين شايفته بس ماذكرت
زين ليش عبالك سامعه بي او اعرفه بس بقيت
مداذكر
ابدا
وبعدها التهيت بالشغل بس كل شويه يجي هذا الشخص على بالي
ولمن خلص الدوام وجنت دانزل من الدرج
شفت كميل دخل
وراح لغرفه المكتب مالته
طلعت وكفت انتظر السايق
واني بعدني واكفه طلع كميل ومشى من يمي وحتى ملتاف عليه ولاباوعني صعد بسيارته واجتى صعدت هاي المسلوعه وياه ومشى
تمالكت نفسي
ويمكن اصعب شعور هو اجبار ملامحنا تتخذ ملامح عكس الي دتحسها
اجى السايق وصعدت وياه وصلني لبيتي
ولمن وصلت للبيت ودخلت
داريد اكعد ارتاح
دك الجرس
طلعت وجان محمد
كتله
...لو مااشوفكم شهر لواشوفكم كلكم بنفس اليوم
...ههههه شوماكو
...هاي اني ماكوووو
....اي حقج بس جان عندي شغل وجيت اطمن عليكم
....الحمدلله
.....شبيج
.....شبيه غير خيبه وره خيبه وداموت واني ع

لى قيد الحياةشبيه بعد اكثر
...كميل السبب
....كلشي محمد كلشي بحياتي كلشي عشته الى حد الان تعبني وكلشي ديموت شي من روحي
....ماادري شنو لازم اكلج اكلج صبري انتظري
...واني مادري شسوي بي شي ومابيه احس بشي وماحس شي
...انتي تريدين قرب كميل لو بعدةه عنج قرري حتى تكدرين تعيشين
....قربه يأذني وبعدة عني ديأذني بس مدادري ياهو منهم
وجعه اقل
رغبتي ميته بكلشي
....تعرفين كميل راح يزوج اسبوع الجاي
....كلي شي واحد
....شنو
.....كميل طبيعي لو مريض بي شي
...ليش
....لا ن ميتصرف ويايه طبيعي كأنما براسه اكو شي
....ههههه لا صاحي وعقله سليم
ميه بالميه بس هو من الاشخاص الي مستحيل تعرفين شكو براسهم ولاشون يفكرون
.... خلي يزوج بعد ميهمني لان مليت خلي اربي هذا الطفل والتهي بشغلي
....ماادري
....الله كريم. محمد
....يله اني. راح اروح
....صدك محمد
...ها
....تعرف واحد اسمه سروان
فتح عينه
...شمعرفج بي انتي
....اليوم اجى للشركه وجان ديحجي ويا المدير ابراهيم
وكلي انتي مرت كميل وكتله لا
بس شكله مريحني
....مو حجينا كدامج عليه هو هذا الي يهدد
كميل
.....صفنت كلت اي بالله اكول وين سامعه اسمه
موهذ الحجي قبل شهر حتى مابقى بالي
عزة بعيني واني بقيت افر بأاذاني اريد اعرف
هذا شنو سالفته
....خرب اذا صدك هذا بدا هيج يسوي
....ترة خفت اني هذا شيريد ليش اجاي عليه
....اكيد يعرف انتي مرت كميل
...شمدري هو منو يعرف
....اكيد يعرف هذا ا لاسبوع لتروحين لدوام خلي اشوف شنو السالفه واني اكول لاابراهيم
....اوف ان شاءالله
....يله دخلي وسدي الباب ودائما قفلي باب البيت
....مع السلامه
...مع السلامه
دخلت وبقيت كامشه كلبي وكلت هاي سالفه جديدة
هدور طلعنا سروان
هذوله منين ديطلعون
يوميه واحد جديد يدخل لحياتي ورا كومت مشاكل
رحت سويتلي كوب حليب وسويت ليوسف هم وفتحتله التلفزيون يباوع وام ياسين مريضه
بغرفتها
وظليت ويا يوسف لحد مانعست ونمت
والصبح اني نايمه اسمع صوت الجرس والباب تندك
قوي
نزلت وفتحت الباب وصحت منو
كال
...اني فيصل
....دقيقه
اخذت عبايه ولبستها وطلعت فتحت الباب
...صباح الخير
...ها خير من الصبح فيصل شكو
....دزوني اوديكم للبيت كميل
...ليش
...مااعرف بس اكيد اكوشي راح يصير
اني تعلمت على هاي السالفه فكلتله
.....خلي نتحضر
كلي
....جيبي ملابسكم
...اي
دكيت الباب على ام ياسين وكعدت يوسف بدلتله
واخذت كم هدمايه ويايه
ونزلت واجتي ام ياسين وصعدنا بالسيارة
وساق فيصل
وصلنا لبيت كميل
واول ماوصلنا الحرس فتحو باب الكراج
ودخلنا جو
نزلت
ونزلت يوسف
اول مادخلت صارت عيني
على كميل فتح الباب ديطلع برة
مشيت من يمه وماحجيت وياه
ودخلت جوة
وسمعته يحجي ويا ام ياسين ويا يوسف
من دخلت شفت المسلوعه
دتطلع من الغرفه الجوه الي جنت انام بيها
كلتلي
....هاي شعندج هنا من الصبح
مجاوبتها
وسمعت كميل يكللها
...انتي معليج شيرين
اني ضحكت بصوت عالي ردت اضوجهم
ورحت للمطبخ كعدت
وانتظرت اشوف محمد
وشويه واجى محمد
كلي لازم تبقون هنا
لان كلش قلقنا اني وكميل من عرفنه سروان اجاي للشركه وحاجي وياج
يعني هذا قصده اني اعرفج واعرف كلشي عنج
فهنا احنا كلنا موجودين
جنت مابيه حيل اخذ وانطي
كتله مومشكله مومهم
كلي
....هاي الغرفه الجوه راح تصير لكميل يزوج بيها
...اي زين
...انتي فوك راح تبقين بغرفه كميل
...اي عادي
صحت يوسف
وكتله
....تعال ماما ويايه فوك
وصعدت وعفتهم
ودخلت لغرفه كميل وريحة بالغرفه
والجنطه بيها ملابسه
على الجربايه
اخذت قميصه واشتميته
وعدلته ورجعته لمكانه
وشويه ونفتحت الباب قوي ودخلت شيرين
وسدت الجنطه واخذتها ومن دتطلع من الغرفه
كتلها
....والله العظيم اذا مره ثانيه فتحتي الباب هيجي بدون مدكين
الا اكسر يدج
مجاوبت وراحت
وبقيت اليوم كله فوك
كلت يله هو اني تورطت بعد وياهم وراح اغرك هم وياهم
بعد دخلت بطين ديسحبني ليجوه
مراح تفرق اذا هسه جابني وراح يزوج
عادي ماكو شي جديد
وكمت ابقى فوك ماانزل كلش قليل واغلب الاوقات ام ياسين دجيبلي الاكل فوك
وماانزل وجانت تسولف ام ياسين ودكلي
هاي شيرين دترتب جوة بالغرفه
وجابت هدومها ومكياجها
وبدت ترتب بيهن
واني اسمع ماااحجي شي ابد
ومر اربع تيام على وجودي هنا واني ماشايفه كميل ولاهو اجى وشافني واليوم زواجه
ملتهي بعروسته وبعرسه
واني داحس هالروح دتفقد ‏اجزائها
واكو شي بصدري ديذوب مثل الشمعه
كميل ينتجي على كلبي
حتى يحب غيري
واليوم من الصبح مشلوشين الطاب والطالع
وحتى ابني وياهم واني وحدي
بقيت اباع من الشباك
وظليت كاعدخ وماارضى انزل ولاحتى قبلت اكل اليوم
وهي صارت الدنيا ظلمه انفتحت الاضويه مال بيت وعبالك صارت دنيا نهار
وشفت محمد لابس قاط وطلع
ورا فيصل وجابو سيارت كميل حطوها كدام
الباب
وطلع كميل لابس قاط اسود
ومسوي كذلته
وبيده سبحه
محمد شافني واكفه فرفع راسه باوعني
وكميل انتبه على محمد
فندار وكف وجان يرفع
راسه
و

بقى يباوع عليه واني جانت دموعي تنزل
(((اصعب شعور لمن شي يتلاشى كدامنا
واحنا مانكدر نسوي شي
بس نباوع ونظراتنا تتألم بقدر
كلبنا)))
ويبقى سؤال يدور بداخل عقلنا )))((ليش)))
ليش سوا هيج
ليش يوميه كلبي يتكسر هيج
............
هل اكتفيت من عذابي بحبك
هل ارتويت هل دموعي افرحت
قلبك
هل حزني
ضاف لك شيء لماذا زرعت
بي حلم لايتحقق
وجرح ينزف
وبيه حزن يتدفق
ظننتك وتيني
ولكنك كنت سكيني
الذي تذبح
.......
يتبع ....
#الكاتبه#روجمان

حياتي🙈💞..

بالنسبة لتشققات 🌚رح اسويلج توجيه اله

واذا عندج اثار مال عمليه..فأي وحده من هالعصارات..تستعملي ويروح الاثر..فتلكي بالصيدليه☺️👇🏻

1_كونتراكتيوبكس جل
2_ميبو سكار جل
3_سكارميد جل
4_نيوجيل
5_كيتو كت عصار

واذا تريدين تضعفين البطن ..برياضه المعروفه مال بطن..يوميا لازم تلعبيها وتستمرين لشهر..شهرين
حته عضلات بطن تنشد ويروح كل ترهلات

#ملوكه

حضري كرزات..وحبشكلات بليل
حته تسهرين عل القصه😎❤️😂


#ملوكه

يي حبي هاي العصارة ..تفتح المنطقة الحساسة والركب واللي بيهم كلف وبقع

بس اضراره..حسب البشرة اكو يوالمهم واكو ميوالم..
فبشنو يضرهم!؛ لو يسبب تهيج واحمرار
لو يسمر المنطقة بالزايد..ويسوي بقع

فحسب بشرة حبيبي..اكو بشرات طبيعي واكو بشرة متستقبل هالمواد فكبل تتحس☹️💔

#ملوكه

البنوته اللي راددت خلطة عل تشققات☺️👆🏻 ..

#ملوكه

يي حبي كولش 😍حلوة

طبعا اني اتعمد انزل هج قصص..اللي بيها فائدة فهج قصص..كحافز لتشجيع المرأة عل الثقة بنفسها والمراة بلسانها وحكمتها تكدر تواجه كل صعوبات🥰👍

#ملوكه

تسلمين يعمري💋 للجميع

لاعيوني عادي ماياثر عل نمو الشعر
بس حاولي تقللين من ظفر..يعني من كاعد بالبيت لاتظفري بس شدي ..

لانو كثرة الظفر..يسوي الشعر بي ردات قويه يعني مثل متعكر..مادري شتسموه😂

#ملوكه

يي حبي..كل قصه بيها عبرة..فهذيني كولهن يفيدنج من باجر عكبه🌚 ✨تزوجين وتصيرين وي عيال..فيجوز تمرين بجم موقف نفسهن..فكون تعرفين اشون تتصرفين

دايما احنا البنات..شنو اللي يوكعنا هي عواطفنا...فكون وكت الجدية ..نعوف العواطف عل صفحه..ونفكر بالعقل ☺️
#ملوكه

فوائد المشي نصف ساعة يوميًا 🏃🏻‍♀️:

١- تعالج العصبية والأكتئاب 🎭
٢- تحمي من الأمراض 🦠
٣- تقوية الذاكرة 🧠
٤- تقلل من التوتر 📊
٥- تقلل من الوزن ⚖️
٦- تحسن وظائف القلب 💞

لازم تخصصي نصف ساعة يومياً ..رياضة المشي لانها تحسن من النفسية
وتحرق دهون الجسم ،🌸🏃🏻‍♀️💗.
.

#اعادة_توجية_للفائدة
#ملوكه

#كيفية_الاستخارة_بالقرآن

#للإمام_علي_عليه_السلام

بسم الله الرحمن الرحيم

اللهم صل على محمد وال محمد

استخارة الإمام علي"عليه السلام" بحروف القرآن 



عن امير المؤمنين علي بن ابي طالب عليه السلام " من اراد ان يستخيرفي القرآن الكريم يقرأ

فاتحة الكتاب 3 مرات

والتوحيد 3 مرات ثم يقول:

" اللهم أني توكلت عليك وتفاءلتُ بكتابك الكريم ، فأرني ماهو مكتوب في سرك المكنون وفي غيبك المكنون يا ذا الجلال والإكرام"

ثم يفتح القرآن ويحسب 7 ورقات ومن الورقة ال7 في وجهتها الثانية يحسب 7 اسطر وينظر ( للحرف) الذي اول السطر السابع فإنه يدل على ما أضمره ..

#فيما_يلي_الحرف_وما_يضمره


أ ( خير وسعادة وسرورو وتوفيق)

ب( يرى منافع كثيرة ويأمن ممن يخاف)

ت ( انه كان في معصية ويتوب عنها )

ث ( يرزق خير الدنيا والآخرة ))

ج ( يجد منافع كثيرة فيما عزم عليه )

ح ( يرزق حلالاً طيباً من حيثُ لايحتسب


خ ( لا تمضي فان الامر غير صالح )

د ( يحصل على مراده وينال السعاده ) 

ذ ( يقهر اعداءه ) 

ر ( ينصر على قومه ) 

ز ( يقع في خصومة وخطر فاليتصدق)

س ( يرزق السعادة والخير)

ش ( يخاف عليه من الاعداء)

ص ( يقع في امر عظيم فاليتصدق) 

ض ( يكون ذا مال وفير)

ط ( يرى التوفيق في الدنيا والآخرة )

ظ ( يظهر في الامر ما كان خفيا )

ع ( يعان على امره ويوفق)

غ ( يقع في امر شديد فاليتصدق )

ف ( يجمع الله شمله بعد الفراق)

ق ( يكون سعيدا ومقبولا بين العباد )

ك ( يقع في خصومة فاليتصدق)

ل ( يتيسر امره ويقهر اعداؤه ) 

م ( يحذر لئلا يقع في الندامة ) 

ن ( يكون ذا جاه وقبول ) 

هــ ( يتوقف امره قليلاً وتكون عاقبته خيراً)

و ( يرزق مالاً ولايحتاج لأحد)

ي ( يجد بشارة فيها خير) 



#اوقات_الاستخارة 


ورد عن الامام الصادق عليه السلام .. ان الاستخارة تؤخذ على الشكل التالي ..


السبت : من طلوع الشمس الى العصر 

الاحد : من الصبح الى الظهر ثم من العصر الى المغرب

الاثنين : من طلوع الفجر الى طلوع الشمس ثم من الغداء الى العصر

الثلاثاء : من الصبح الى الظهر ثم من العصر الى العشاء

الاربعاء : من الصبح الى العشاء 

الخميس : من طلوع الفجر الى العشاء

الجمعة : كيوم الخميس 


سهل الله اموركم بحق علي عليه السلام جميعاً

#اعـاده_توجيــہ_لصديقتج
#ملوكه

حبايب..اللي رادت الخيره👆🏻

طبعا هالاستخارة..باكثر كتب ومواقع شفتها

فاذا تريدين تاخذين بالبدايه اتوضي وبنية صافية وبنفس وقت انتي محتاره بالامر ..فتاخذين بي خيرة🙏🌹

#ملوكه