ببدايه هالفيديو ..🙂عن ماسك بياض البيض

وبنهاية الفيديو استعملت صفار..فاللي تحب تستعمله عادي هم زين ينظف من البشرة من البكتريا والالتهابات...

بالنسبة الي الصفار ابد ماحب استعمله لانو بي ريحه زفارة😂💔 .
اما من ناحية الفائدة زين للبشرة وهم للشعر كولش زين كبروتين..يقوي


#ملوكه

ههه..ان شاء الله عيوني💜

وكعب قديفة طبعا مينلبس هسه واصلا مو مال هالجو😅وشي اكيد اذا عندج مناسبة فيدققون بلبسج بكل تفاصيله
فهالكعب ينلبس بس بالشتة والخريف

#ملوكه

عمري ميفيد أي منحف وطبعا شامية هم تسمن لان بي دهن
اعتمدي عل أكل صحي بدون دهونات ولاسكريات ..سوي جدول للرجيم وبنفس الوكت لازم تلعبين رياضة

فبس هذيني الاثنين اذا تلتزمين بي منا لشهر شهرين او 3اشهر حسب وزنج وعمرج.. فتشوفين نتيجة🥰✨


#ملوكه

يي حبي منتجات سوسكن☺️🌸 زينات للبشرة

#ملوكه

اول شي الله يرحمه ويسكنه فسيح جناته🤲🏻🌺

ولاتقيدين نفسج بس خميس اذا تكدرين تطبخين يوميا بعد احسن هالشي يفرحه ويرتاح أكثر
هو بشكل عام كل الايام تكدرين توزعين بس الخميس والجمعة هذيني بعد اثوب

فحبايب أبد لاتبخلون عل الميت وحسب استطاعتج يعني حتى تكدرين تسوين شي بسيط وسريع وتوزعي مثل حلاوة ،محلبي، زردة، تمر ..الخ
او ماعندج مقدرة توزعي للجوارين..فماكو مشكله الطبخة اللي تطبخيها بالبيت اهدي باسمه وخل أهل البيت من ياكلوها يقروله فاتحه وهكذا
وهمين اقريله سورة يس ودعاء كميل كل خميس و صليله ركعتين
فأي شي تسوين هم انتي تحصلين ثواب وهم هو رح يفرح ..لأن الميت يحزن اذا يشوف محد يروحله او محد يذكره ..


#ملوكه

صدك جذب عليمن هج ضعيفة يمعودة
صيري قويه واخذي حقج
اول شي لاتثقين بجماعة الفيس والبيجات لان هذولة كلهم مزعطه وبس همبلة ويقطون بيج

سكرني المحادثة لو اي شي يدل عل الاذية بحقج
أخذي أحد وياج وبطاقتج الوطنية وروحي للأدارة الامن الجنائي فرع مكافحة جرائم المعلوماتية
فد دكتين بالحاسبة رح يحصلون كل معلوماته وسكنه ورقمه وجهازه
رح يلعنون سلف سلفاه ويخلو يتوب فكلشي تكدرين تسوين تريدين ترفعين عليه دعوة وينسجن أو يوصلون لجهازه ويفرمتو ..فحسب مشكلتج

فلاتسكتين وأخذي حقج👍

#ملوكه

ووف من الكهربا موتتنااا🤦‍♀💔 الله يساعد الجهال والناس الكبار والمرضى اشون رح يتحملون☹️

#ملوكه

عمري صح كلامج فيجوز اذا عدها أحد ميانة وياه مثل اخوها او ابن عم او ابن خال فيتكفل عنها بهالشي
وعاشتيدج عل النصيحة 💋✨بعد انتي فهمي البنوتة وان شاء الله يصير خير

#ملوكه

هههه..فدوة الج💞

وحبي القصص موجهتهن قبل وهسه هم اوجههن ☺️🌸

#ملوكه

منا وليجوة اغلب القصص👆🏻😇

ومنا وليجوة بقية القصص🙃👆🏻