ك منكعته بحليب) تفاجئة بجيتي
بوسته هي وحمودي كالت منو رجعج سولفتله

يااا شماله قتيبة مخلاج على الاقل شوفين ناس تتعرفين على بشر

.... عمى ذاك ابنج وحاجي والله على شوية ابجي من كلي ترجعين وية خالتي

يله يمه رجلج وخايف عليج وتعرفي هوه غيور وميقبل تطلعين بلا علمهه

.... هوه سكتت لان نسيت اكله خالو اخذني وياا وهو منا ميتحاجون   انزع بملابسي العبايه والحجاب بلهول

مدرة راسهه عمتي يااا يااا ولج نبيه لمي هوستج

دخلت للغرفه طلعتلي دشداشه خفيفة صح برد من الطريق عركت ضجت جسمي ديحك بيه كتله بصوت عالي

...عمى خلي مرة وحده بحياتي ازعبل شنو بس الملم واعزل طلعت كعدة يمه

يمه ليش ملابسه هدوم هسه تتمرضين

.... مااعرف حرانه وتعبانه كلش

دكومي صبيلج ماعون تمن مسوية برياني وروبة

.... شنو انتي طبختي صدك كمت شفته طابخه برياني بلدجاج

اي كاعدة من وكت وين اروح كلت اطبخ على الاقل التهي

.... التفتت ع باب الهول والمسعدة شنو شغلة

اكعدي و استري علينه لسمعج وتكوم تلعلع واني مااتحملهه

....عمى راح انام تعبانه من اكعد الملم البيت

روحي ارتاحي البيت نظيف

صدك نمت محسيت على روحي كعدة  باوعت على فوني الساعه ب ٨ بليل اووو شكد نمت جسمي امكسر مطيت روحي  اووف تعابنه حيل الغرفه ثلج الفراش دافي الأجواء مساعد على الكعدة رجعت لفيت راسي   مفزيت غير ثاني يوم ساعه ب٦ الصبح شلعت روحي شلع من الفراش لفيت روحي بروب قديفه 

طلعت البيت هدوء وبارد شعلت صوبة الكهربائيه بلمطبخ رجعت على الهول هم شعلت الصوبه

دخلت الغرفتي شعلت التدفئه كوه اتحرك بعد بيه نعاس

طلعت تراك قديفه ومنشفات اسحل بنفسي سحل دخلت سبحت وطلعت البيت شوية دفااا

كعدة كدام الصوبة النفطيه خاليه بلهول نشفت شعري
وكمت نشفته بلشسوار ضفرته وطلعت سويت جاي وحضرة ميته جوع بحيث سويتلي لفه جبن متحملت على مااسوي  ريوك الي والعمتي  طبيعته تكعد الفجر اصلي وترجع تنام تكعد ب٨ مراة ب٧

صدك شوية وطلعت صبحت عليه كالت يمه شبيج ميته البارحه ذابه روحج جنازه

.... هههه من كعدة كلت شعجب عمتي متفقدتني

كعدتج ردة يمعوده ام الغيرة يمه نبأ ماكو تكعدين وترجعين تنامين نوب عفتج شفتج تعبانه

.... اي والله احسبي من الموكب منايمه انوب اخذني خالي  طريق وبلحسينية يمكن نمتلي ساعتين وخابرني قتيبه

... يمه ادعيلة بلهداية هوه مجان هيج من زغرة مرافك خالو جان متعلق بي ليش علاقته قوية بجماعت خاله لان من زغرة وياهم تعلم على سوالف الكباريه لهذا شوفي ايريد يثبت وجودة بأي طريقه ويكون نفسة يحاول يقلد خاله

دسولف واني اسوي ريوك سمعت فتحت الباب واشوف خالو كدامنه سلم وكعد
انوب الطباخ والسنك صاير مقابيل ميز الطعام وين اضم روحي همزين طويله بلوزة التراك ضامه منطقة الورك  ضليت مثل وحده معاقبته المعلمه باوعت علية رفع راسة باوع علية فصلني عكد حاجبه ودار على عمتي وسأله على حمودي رجعت كملت علسريع طفيت النار  طفرة دخلت لبست روب القديفه عريض وثبته بدنبوس من الكدام

عمتي كالت خالج مماكل كثري بلبيض سويت طاوه جبير كعدنه ناكل مارفعت راسي ضليت اكل وامدنكه طبيعته اكله بطيء مياكل بسرعه وميحجي والسفرة ممدوده

شوية وكام كال عاشت ايدج يابه

راح غسل وكل للعمتي رايح ارتاح

يمكن دقيقتين وصاح عليه كال اخذي  حمودي وكلي من سديت الباب فز

اخذته ورة شويه نزلت نهلة كالت هااا عاش من شافج عدالنه متي

... ضحكت ليش اموت بيش طالبتني

يمعوده اسكتي غير ننده بيج ماكو انتي والميت سوه تحجي وتشرب مي

.... ماادري اول مره يصير بيه هيج لان تعبانه وطريق وصارلي يومين مشايفه النوم

ليش مو رحتي للحسينيه چان نمتي

....وين اكو مكان  وحتى لو اكو قتيبة مقبل كال ترجعين ويه خاله نجلاء

ياااعشتو نجلاء رجعتج لو كايله القادره يخلقلج مكان تنامين بي

استغربت حجيهه باوعت على عمتي زمخت بيه كالت نهلة كضي لسانج لعبالج كل الناس مثل تفكيرج والشيطان العندج تفكيرج الوسخ بطلي

نهلة ... شحجينه لو مافاهمه قصدي صح متحجين هيج لو تحبين التستر على الناس

عمتي نطت عيونه كامت وتأشر بيده
دكله وحق هذا المصاب والمحنه البيهه لو مااتعبان وادري بي يشوهج لخليته يسويلج حد لهنا حدج اصعدي فوك واستري على نفسج

كتله عمى اوكفي مفتهمت شي شتقصد نهلة

نهلة ... حبيبه مااقصد شي بس عمتج البعبة صخل يمعمع عوجت حلكه وراحت

التفتت على عمتي عمى شبيه

كالت مالج دخل وحده تمسلت ضايجه لان خالج مااخذه الكربله

... واني شعليه غير كال ارجعج انوب طلعله شغل وميلحك يرجعني

يمه مالج خص هاي قصده عليه تريد تغثني

سكتت ومااعرف افسر كلامهه

رجعت غسلت حلك حمودي لملمت الهوسه مر اليوم عادي
قتيبه خابر يتأخر يلم الموكب وياهم وره الزيارة يبقه اقل شي ٥ ايام

خالو كعد شرب جاي وطلع نهلة نزلت تغدة وصعدة صارت ب ٨ بليل سويت عشه بورك وزلاطه ولبن وكبود سويته وخليته على صفحه نتاني خالو خابرنا كال اكلو بلعافية عندي شغل صحت على نهلة  نزلت

ناكل واوكل بحمودي عمتي كالت ام احمد عيني ايدج ويه البنيه متلحك وفوكه ابنج عليهه

كالت ليش هيه مشتكيه من الشغل وشعده هنه غرفتين قبل طالعه عماله

كتله عمى ماعندي شي متعوده على التنضيف

خزرتني وكالت انتي لاتدخلين

نهلة ... ليش تخزريه هي متعودة وحمودي شوفت عينج ميتقبلني

عمتي... ليش انتي متقربتله محاوله وياا شتلي مجرد مشفتي بجه عفتي وضليتي تنافخين  مثل ماهيه چنه انتي هم چنه
العليج عليه

نهلة ... عيني ام قتيبه اني مابيه انظف تعبانه وشوكت مااشوف هذا بيتي عود انظف مكاعده هنا مكاني فوك عود شوكت مشفتي مكاني وصخ الج حق تحجين  وبعدين منو اليوصخ غيركم قابل اني

عمتي... نهلة انتبهي النفسج لتفوتين زايد ترة ورقتج طايحه بعينه شوفي انتي تغيرتي مو كاعدتلي عدنه فندق  ابنج تقربيله هاي من اجت يشرد منه ميقبل شويه شويه تقبلهه

نهلة .... اني هذا العندي وابني اعرف اتصرف ويااا

عمتي .... انتي عليمن رجعتي وتعرفين تصرفين مو علموده شمسويه كله براس هلمكروده

كامت نهله كالت شنو تعيروني بأبني لان اعتنت بي كم يوم شو جيبي وجرته من حضني خلته يفرفح  شمحصله منكم لو من رجلي الشفيه بيت مثل النسوان ممخليلي  تصعد الدرج ودردم

....  عمى فدوه ليش هيج سويتي هذا ميسكت

عاطت مالج دخل بأي شي لو اعوف الوضع هيج يسيب  تريد تمشينه على مزاجه لهذا الج الصافي اني اعرف شسوي

..... دسمعين صوت بجي حمودي

اي خليه مو كالت ارجع علمود ابني خلي نشوف شسوي  سكتت والوب عليه كأنو ابني

مرة ثلث ساعه كتله مااتحمل اصعد اجيبه

صعدة شفته شايلته ودك على ضهره عود سكته دضربه حيل

جريته جرته كالت وخري شصعدج

.... دشوفي خطيه مفرفح يريدني

مالج خص اريد اعوده عليه روووحي

.....نهلة فدوه مو هيج بلعكس يكوم يخاف منج

طبه مرض عوفي هدي اكللللج

منشوف غير خالو دخل عاط بينه

شكو شصاير هناا ليش احمد يبجي

نهله سوت روحه تتبجي شوف قادر دااعلم ابني عليه وهنه ميقبلن لان يبجي اكلهن شويه يبجي وبعدين يسكت

.... كتله خالو والله موهيج مجرد شفته يبجي صارله ساعه وهي متقبل حتى فحط وموزين عليه

خالوو ... نبأ اخذي وانزلي

اخذته هي كالت

الله لاينطيجن شمسوياتله ومخلياته ميريدني اني امه

مااشوف اله خالو زمخ بيه صوتج للللج

نزلت ركض عمتي كاعده وتسبح كالت اووف من لسانهه هسه عود تسكت متسكت مدمغه على الكتل

كتله عمى سمعتيه شحجت

كالت اي حسه عالي 

يبووو هسه يكتله عمى فدوه اصعدي لتخلي يضربه

اصواتهم عاليه

يمه والله كلبي خلصان منين اتلكاهه من رجلج لو اخويه المكرود مااشوفه مرتاح لازوجه لا اطفال اخخخخ يااكلبي شيتحمل

بس اصواتهم عاليه مسمعنه صوت ضرب بعد نص ساعه نزل خالو مشتعل نار

بوجهه طلع مجرد كال هااي الكلبه مااريد احد يصعدله

هذا بحضني نام والنشغه بصدره سوده عليه يربي شايل جمال وبرائه ميكولون امه نهلة

مر يومين الهدوء تام  خالو من الدوام يطب يسبح يصلي ياكل ياخذله ساعه ينام ويطلع للمعرض قتيبه اليوم راجع بليل

حضرتله طرشانه عمتي علمتني يحبه  كملت اجه ب ٨ سبح وتعشه وطب نام حتى مااحجه هواي كال ميت تعب حتى فونه غلقهه 

نايم واباوعلة اوووف ياقتيبه شمااحاول اصلح وضعنه ترجعني لنقطة الصفر شسويلك واستقر صافنه وافكر بعلتي الزيارة ومشاكل البيت شغلتني عنك وعن رحاب الاهي الصبر الصبر

الدنيا تمطر حاولت انام مااكدر شوية وطفت الكهرباء الغرفه بارده وهاي صار يومين الحساسيه هايجه عليه ومتروح كنت اخذ علاج هسه مااعندي  اسبح بمي يارد تخفف شكد راجعت كالو متروح بلدم

كعدة ب١ متحملت طلعت اسبح  البيت اضلم وبس صوت المطر اطك سن بسن  شفت ضوء انخنست

كلت منو انت نهلة كالت اني لا تخافين نازله اسبح استغربت تسبح بهلوقت 

كتله نهلة فدوه الحساسيه هايجه اسبح بمي بارد ارتاح

كالت ولج دهر صابج تتمرضين بهلبرد

.... متعوده يم اهلي هيج اذا مااعندي علاج هوه اصلاً الدكتور كال عادي

عادي انتضرج اني هم جوعانه اكلي لكمه

همزين مزعلانه كالت يوو نبأ جهازي خلص شحن ششوف

اني هم مااشوف زين خلي بس احضر الحمام وانطيج الجهاز

حضرة الحمام طلعت انطيته الجهاز طلعت للمطبخ سوت لفه

كل مرة من اطب اقفل الباب هلمرة مسديته البيت اضلم والكل نايمين مجرد رديته بس واحد يدفعه بيده ينفتح

اول ماسبح بمي دافي بعدين شويه شويه اسد الحار يمكن ١٠ دقايق اني جوه الماي حسيت ايدين على خصريي فزيت بعدني معايطه خله ايده على حلكي عرفته قتيبه يمكن فز مشافني يمه على الجربايه  وخر ايده خله  وكصته على كصتي ثنينه جوه الدوش  نزل على شفايفي بهيج لحضات انسه الزعل وكلشي سوااا اندمجت وياا لحد منكطع نفسنه حضني حيل وايده تفتر ع تقاسيم جسمي وخر همس يم اذني شنو ضعفانه   تردين حقج راح نطيجياا مربع بغرفتنه وهنا  

سمعت صوته مو صوت قتيبه فزيت دفعته صرت على الحايط جمدة بمكاني

كال بصوت ناصي  شبيج هسه كمتي تتعززين البارحه منو كال اني مرتك والي حقوق وحقي اريده منك

اريد ا

حجي مااكدر الساني انعكد اريد احد ينقذني تمنيت اخترق الحايط واطلع

راد يحجي كتله اني مجرد منطقت حسيته جمد بمكانه ثواني وسمعت ركعت الباب كعدتة ارجف ومصدومه شلون ماحسيت مو قتيبه فرق الطول  اعضعض بأصابعي وابجي يربيييي  شون اطلع رحت لفيت روحي وطلعت اركض دخلت للغرفه شعلت الايت قتيبه على نومته اتهسترت كمت ابجي واملخ بروحي بلا صوت ارجف من اذكر كل شويه اكول حلم هذا واضرب روحي والتفتت على رجلي وارجع ابجي   منمت صار الصبح واني كاعده كومه شغلات اجن بالي عيوني اباوع عليهن بلمرايه مورمات

راسي ثكل كمت رحت لفراشي خليت راسي دموعي اصب لحد هسه اتخيل المنضر وابجي نمت محاسه بنفسي كعدة اوون جسمي مكسر واحس واحد يسويلي كمادات فتحت عيوني عمتي

كالت يمه شجاج اكو واحد يسبح نص اليل والدنيا تكص متحملت دموعي نزلان

مستحيه بشكل شسويت شوداني وسبحت لو احك جسمي بسيم ولا رايحه ثكل راسي وجسمي سوه عندي سبات

كعدة شفتهم يديرون بيه عمتي ونهله

ردة احجي مااكدر بلاعيمي ملتهبات كوة طلعة مني شسوون

عمتي ... يمه صايره نار كبرا هاي ابر تنزل حرارتج اليوم كله نايمه وتونين

مابيه ارد عفتهم رغم اني الابر عدوي عمري مضربت ابره من اتمرض اضل نايمه اسبوع بلفراش ولا اضرب بهاي حالتي خلاني انسه حتى خوفي

كوه شربت خاشوكتين شوربه

دخل قتيبه كال هااا ولج انتي چنچ صل متتمرضين

عمتي ... اسم الله يمه بيش طالبه ولك بدال متكللهه الحمدالله ع السلامه

اجه يمي ع الجربايه تقرب باسني من راسي

يمه شعندي غير ام النون لو تعرف شكد مشتاقله صارلي سبوعين محروم منهه

عمتي ... اياااا قليل أدب ولك عيب متكول امي كاعده

اهووو يمه عاد هسه ابويا مجان يتغزل بيچ

عمتي ... ولك صاير فد نوب نازع المستحه

واذا تردين حتى لباسي انزعه

عمتي ... يااا يااا عزه العزاك الناس تروح تخدم الحسين يصلحه اني يرجعليه زايد مناقص

يمه شهل حجي ناقص شنو شفتيني اركض وراا الكحاب

عمتي... يمه هي بس العاده مسويته همزين طلعتلي على خالك متحبون تعاشرون النسوان

صافنه عليهم وبالي مويمهم وراهه عمتي انطتني علاج وراحت وقتيبه بدل وطلع الساعه كانت ب ٩ ليل

نهلة معافتني طول اليوم تجي تنطيني علاج وتوكلني اريد انسه ابجي واستغفر من كد مااحرك بروحي الأكل استفرغه واني مماكله هواي 

ثاني يوم الصخونه مفكت مني  اكعد على ألم بمعدتي استفرغ  اشرب مي  ارجع انام

عمتي تخبلت كلساع تكعدني تنطيني عصير لو شوربه لو دوه

الدوخه ولعبان نفس طاقه مابيه كوه كعدتني 

اجه قتيبه من الشغل وهي كاعده تقسلي ضغطي ٣ طلع  كامت تكمز هوه شافني هيج بسرعه لبسني واني دميه لاأيد ولا رجل اجت نهلة لفتلي الشال سندني يطلعني دنيا مغوشه عندي حتى وكفه ماكدر بعد متحملت غبت عن الوعي

كعدت اسمع اصوات غريبه وصوته وصوت قتيبه وايد لازمتني

فكيت عيني نهله لازمه ايدي وهوه دايره وجه يحجي ويه دكتور قتيبه شافني فاكه عيوني اجه خله ايده على راسي

كال شلون صرتي هزيت راسي داحس لساني ثكيل ماكدر انطق

كال الحمدالله خوفتينه

نهله... يمعوده الحمدالله على  السلامه 

يحجون وياي وعيوني ادورهن مااريد التفت بعد ماا خلص كلامه ويه الدكتور نضرته اقل الثانيه ونزل راسه

كال بنتي الحمدالله ع السلامه

حتى منتضر ردي كال خالي اني طالع المعرض محد بي انت اذا زوجتك تحسنت طلعه جو البيت انقه من جو المستشفى

سلم وطلع

ان العشق ليس بالشئ السهل او حتى الهين انما العشق هو امتلاك قدرة غير عادية على ان تحب شخصا بكل اوتيت من قوه دون ان تفكر ان العشق هو اسمى مرحلة يمكن ان يصل لها المتحابون فالعشق هو درجة التقاء الأفكار وتبادل المشاعر الخلابه فالعشق هو شعور جميل وليس بالهين وصعب ان تعشق وذلك لان العشق يتطلب وقت وجهد كبيرين يجب أن تكون لديك معرفة أن العشق ليس مثل بدايات الحب التي يمكنها أن تجعلك تقع في شباكها بسهولة  العشق ليس مثل اي شئ بل انه من اصعب الاشياء الممكنه الحدوث واذا حدثت تجعل دنيتك مضاءه بالجمال والكمال

يتبع.....

#نصائح💆‍♀😎


1_ لاتمشطين شعرج وهوه مبلل لأטּءٰ هلشي ☹️راح يخلي يتقصف ويتساقط

2_فتحي شعرج مـٰـٰטּ تنامين حته يتنفس ويطول🌸

3_اذا تردين صوتج يصير ناعم 🙊✨اشربي يانسون بين يوم ويوم لأטּءٰ في هرمون الاستروجين

4_ اذا جربتي كريم الاساس 🙂؏ ايدج وطلع غامق بدرجه_هوه اليہۦ يكون مناسب لبشرتج ❤️

5_اذا انتي مـٰـٰטּ البنات الي شعرهن يتشابك ☹️هواي جيبي شامبو للشعر الجاف راح يخفف من تشابك الشعر



#اعادة_توجيـهہ_للفائده
#ملوكه

بنوتات..اللي 🤓رادت العناية بالشعر وبالتفصيل..فمنا 👆🏻تلكون كلشي شارحة عنه🌚

عندج حفلة لو عرس وحايرة☹️💔 شتسوين بشعرج..لو شتلبسين
ف يمي الحل 😎تابعي وياي👇🏻

#ملوكه

هالتسريحات تفيد العرايس🙊

#ملوكه