#اخي_ماذا_تفعل 🔞 ((جريئه جداا))

قصه حقيقيه على لسان صاحبتها 💯💯💯

#كاتبتكم_مها_المندلاوي

♤♤♤♤♤♤

#اخي_ماذا_تفعل

#بقلم مها المندلاوي

#بارت الثاني عشر

♤♤♤♤♤♤

عاد عاط بيهة حسن اخو ياسر عمره 29 ....

;سحاب احترمي نفسج وعرفي شنو الي دتحجي اول وبعدهة احجي .....

;ليش اني من اشوكت احجي شغله ومامتاكده منهة غير سمعت هلكلام باذني من امك وخوك البارحه يريد يوديهة باجر اشوف اهلهة اسم الله كولي اريد اشوف عشيقي .....

باوع عليه حسن مصدوم من الحجي بلحظتهة تمنيت الله ياخذني ويخلصني من هلنضرات نضرات قرف وشمئزاز عفت كلشي بايدي وطلعت من المطبخ وعيوني تجري دموع من الي ديصير بيه بسبب شي مو اني سويته طبيت للغرفه واني اشهك بلبجي لميت اهدومي بجنطه وخليتهة على صفحه ضليت حابسه نفسي بلغرفه لحد منفتحت طب ياسر جان يصيحه حسن .....

;ها حسن ....
;تعال اريد احجي وياك .....

رجع سد الباب ومباوع عليه ضليت كاعده نص ساعه وسمعت اصياح خليت الشال على راسي وطلعت واكف ياسر بصاله وحسن واكف كدامه بضخامته ويصيح على ياسر .....

:شني انه كاعد بهلبيت طرطور انهزمت بيهة من اهلهة وكلت ميخالف سد الموضوع ماطوله هاويهة عاد موتطلع كحبه وماكو واحد ملاعب بيهة شنو انته مافكرت بخواتك منو راح يزوجهن من يعرفون بخوهن مزوج وحده كحبه وساقطه لا وفوكهة حامل الله اعلم هذه ابن منو .....

:بس حسن تجاوزت حيل على مرتي مرتي شريفه والي صار وياهة مو برضاتهة واذا عرفت شنو راح يصير تكعد تتحكم بحياتي اطلك وزوج احلم اطلكهة وناس شدراهم بمرتي بت منو مزوج وشنو صاير وياهة .....

ماشوف غير حسن ركع ياسر بوكس دكييت على صدري وعطت عمتي والبنات واكفات ومابيدهن شي يسونه عاد ياسر من شاف اخو ضربه تخبل بلزايد وكعدو يتعاركون واحد يرفع وواحد يكبس اخر شي رحت اركض على ياسر اجر بي ومرته سحاب واكفه على الدرج ولا نزلت وفكرت برجلهة واكفه وتتشمت بخراب علاقت الاخوه جريت ياسر من ايده .....

:عوفه ياسر الله يخليك لا يصير بيك شي مالي غيرك بهلدنيه عوفه ربك يجازي على الي ديسوي ....

بلكوه يالله اتفاككو جريت ياسر واني امشي وراه عاد عاط حسن.....

:هاجر لو عندج ذرت احساس قنعي رجلج السكط يطلكج لان مناقصنه مشاكل ووجع راس عدنه بنات ممزوجات ونتي ماضيج شلون يشرف بلكواده وحنه عدنه ناس وعالم اذا سمعت بيج سالفتنه حتصير على كل السان ......

واكفه وسمع كرامتي اشلون دتنهان ماحس غير ياسر دفعني وكعت بلكاع وطفر على اخو حسن خنكه من ركبته ويعيط عليه واني واكعه بلكاع اخذني وجع بظهري ومااكدر اكوم كمت ابي وعض بشفتي اتحملت الوجع ونتجيت على القنفه اريد اكوم والصياح ماخذ الدنيه هم اصياح ياسر وحسن وعراكهم ومنا اصياح امهم عليهم والبنات خايفات بكل حيلي انتجيت على القنفه وكمت اول مكت اجالي الم بظهري اقوه من القبل لزمت بطني من جوه وظهري رفعت راسي صارت بوجهي رغد .....

:بجاه الحبيب محمد تموتين ونخلص منج من دخلتي لهلبيت واني كلبي يلعب منج لحد مشعلتي بين الاخوه ....

مالي حيل اردهة من وجع ظهري وبطني ودموعي الي تنزل لزمت يدت القنفه وعصرتهة نزل سائل بين رجليناتي راسن عطت بعلو صوتي يالله صار البيت سنطه اجه عليه ياسر يركض ....

:هاجر شبيج شنو يوجعج ....
:اااه ياسر حموت وجع اااه وجع ابطني وظهري موتني الحكلي اااااه .....

:يمه شسوي حتموت ....
:يول البت دجيب ....
:يوم شجيب وهيه بعدلهة شهرين ....
:شيلهة طببهة للغرفه خلي اروح للقابله القريبه علينه ....

اجه عليه راد يشيلني وعطت لان زاد الوجع ضل مخبوص اخر شي شالني ومهتم لعياطي مددني على الجربايه وضل كاعد يمي ويبوس بايدي .....

:فدوه هاجر استحملي هسه جايه القابله ....
:ايي ايي ياسر حموت والله من الوجع البيه اااخ يمه وينج عني ااااخ .....

اصعد بجسمي ولازمه بطني روحي تلوب من الوجع اشوي وطبت مره للغره مخبوصه وصيح .....

:اطلع بره الغرفه بس امك خل تبقه يمي اخاف احتاجهة....

طلع ياسر وهوة يتلفت عليه كعدت المره يم رجلي رفعت رجليناتي وثوبي دخلت ايدهة وضلت تفحص بيهة....

:مامه شنو اجاج الوجع غفله لو من البارحه....
:لا خاله اااااخ وكعت وجه الوجع اااخ فدوه خلصيني حموت ....
:يمعوده شتموتين الطفل واصل حده بكم دفعه وينزل منزل عليج مي .....
:اااخ اااخ اي وكع عليه ....

كامت وطلعت اصيح ....

:ام حسن لحكي نجانه بيهة مي حار بسرعه ....

خمس دقايق وجتي فردوس جايبه طشت مي حار والدخان يطلع منه بدت معانات الجيابه ضليت اعيط والوب وهاي القابله كل اشوي وصيح عصري وعصري لحد ماتعبت من التعصر وهديت .....

:يول شجرالج الطفل راسه طلع لا تخنكي اعصري ....

جريت الفراش وضليت اعصر بي وعصر بكل قوتي لحد مسمعت صوت الطفل والقابله تصلي على النبي .....

:الله هم صلي على محمد وآل محمد جبتي ولي يتربه بعزكم ....

اني انتهيت سمعت اخر كلمه منهة وتخربطت فتخت عيوني واني احس بضربات على خدي واني اسمع صوت القابله ....

:يمه شدي حيلج هذه هو جبتي وخلصتي كومي اكليلج كم تمرايه ورضعي اوليدج جوعان .....

اجت عمتي انطتني تمر اكلتلي كم وحده وجابتلي الطفل اصغير وناعم طلعت صدري وخليته يم حلكه هوة راسن اخذه ويمص بي عافتني عمتي وطلعت هيه سدت الباب وسمعت حسن ....

:خلي تكوم تلم هدومهة وترجع لهلهة ....
:يمه حرام عليك البنيه توهة جايبه ونفسه خلي تضل يوم يومين وعود اخوك يطلكهة وتروح لهلهة....

:منا لباجر اذا لكيتهة اهنا وحك الله اطردهة من البيت متهمني لا جايبه ولا نفسه والطفل تاخذو منهة. ....

ضليت ارضع بطفل وابجي اااخ منج يادنيه اني اخر وكت ييجيلي واحد مثل حسن يطردني من البيت بعد ماجنت معززه مكرمه ابيت اهلي شدعي عليك ياسهيل اخذت نفس وذبيت الطفل على الجربايه حركت نفسي الم ابطني بس شسوي استحمل على مود كوامتي الي انهانت ونسحلت سحل فتحت الباب صار بوجهي حسن ....

:ارتاح حسن تكعد الصبح متلكاني بس خليهة ابالك ماردت لا اخرب بيت ولا علاقتك باخوك بس كل الي رته ستر رجال يسترني ويخلصني من الظيم الي جنت اعيشه وماالومك انته اخ وعندك اخوات وخايف عيلهن وعلى سمعتكم بس اطلب منكم طلب مدكلون لياسر باجر حروح ولا تحسسو بهذه الشي ....

كملت حجيي وطبيت للغرفه ماانكر وكول ماعندي ذرت حب لياسر لان احترمني وقدرني وماطولي عايشه وياه مايوم عيرني بشي او قلل من قيمتي كدام اي احد طبيت خليت الجنطه على صفحه لبسي لحد هسه هوة هوة على البناطير والقمصان خليتلي على صفحه اهدوم ورجعت لبني ياسر ماعرف وين راح لان من طلعت ملكيته نمت يم الطفل وضليت اباوع بملامحه شنو ذنبك تنولد بهيج دنيه طايح حظهة بسته من راسه وخذت حسره باوعت عليه ....

:اسميك كيان لانك من اول مشفتك صرت كيان روحي ونبض كلبي ....

اشوي ونمت لليل حسيت على صوت الباب انفتحت كمت مخروعه شفت واكف بلباب حسن ....

:يالله هاجر كومي ياسر فوك يم مرته ....

اتخبلت من جرئته شلون يدخل هيج للغرفه ردت احجي رفع ايده 🤚....

:اششش ولا كلمه يالله كومي بسرعه ....

كمت طلعت اهدومي من الكنتور باوعت عليه .....

:ممكن تطلع اريد ابدل ....

هز ايده وباوعلي بستهزاء طلع وسد الباب بدلت على السريع وطلعت جنطتي من الكنتور وشلت كيان فتحت الباب على كيفي لكيت حسن كاعد بلصاله اجه اخذ من الجنطه وطلع باوعت هذه اشديسوي طلعت وراه محضر السياره مالته وخله الجنطه ليوره باوع عليه ....

:يول شمنتضره تعالي ....

رحت صعدت يمه بلصدر واني لامه كيان لصدري صح اكو الم ابطني وبظهري بس شسوي اتحمل حرك السياره من اكبال بيتهم ضلينه الطريق كله ساكتين ولا واحد نطق بكلمه دخلنه لبغداد بل5 وصلني للكراج .....

:انطيني عنوان اهلج ....
:بمنطقه ال..... ..
:ابقي اهنا اخذلج تكسي واجي ....

درت وجهي عنه وسكتت هوة نزل وراح يوكف تكسي دقائق ورجع ....

:يالله نزلي ....

فتحت الباب ونزلت هوة نزل الجنطه وراح صعدهة بلتكسي رحت وراه واني اشوف اعيون الناس تاكل اكل الصبح ووكت دوام كلهة ولد وقليل تلكه بنات بلكراج واني منا طالعه مفرعه بلبنطرون والشعر بدون شال صعدت ليوره وصعد السايق رجال جبير بلعمر باوعت على حسن دار وجهة ورجع لسيارته بدون ميباوع عليه نزلت دمعتي مسحتهة راسن ابو التكسي حرك السياره نص ساعه ووصلنه لمنطقه اهلي اخذت حسره ونزلت نزل ابو التكسي ونزل جنطتي صعدت اليده مال الجنطه وتمشيت لبيت اهلي وصلت للباب وبلعت ريكي خايفه من القاء شنو ردت فعل اهلي من يشوفوني دكيت الجرس دقائق ونفتحت الباب طلعتلي مره غريبه عليه اول مره اشوفهة ....

:وين سمير ...
:عفون اختي ياسمير ....
:سمير صاحب هذه البيت ....
:ها اخاف قصدج ابو البنيه الي انهزمت من اهلهة ....
:اي وينهم ....

حجيتهة بغصه والدمعه بطارف عيني ....

:باعو هذه البيت وطلعو خارج العراق وحنه كعدنه بي جدد....

احس الكاع تفتر بيه من الي سمعته..

يتبع...

عمري سيروم الكولاجين هو عادي يعني لايفيد البشرة ولايضرها شي عادي

بس الاضرار تجي او تصبغات..من تصنيعها للشركه ..كل شركه تختلف عن ثانيه

وطريقة استعمال أي سيروم🌚🌺..بليل قبل نوم تخلين نقطين عل بشرة وتوزعي لكل مكان

#ملوكه

حبي حسب المعهد المتخرجه منه يعني معهد لشنو؟
الافضل روحي للكليه بقسم التسجيل واستفسري منهم..حته يكلولج باللي يناسب معدلج☺️🌸

#ملوكه

هذيني حبي👇🏻🙃 الزخرفات عل قبعات تخرج

#ملوكه