لفون وفاتحه حلكها وعيونها يزخن وهيف يعيط ويصيح ويكفر وجان اطكها بضحكه عاليه واكولهم عيني ياحلوين الشيخه موافقه وناطرين جواب الشيخ والشيخه اكدتلي انه موافق تكول هو اصلا حيل حب هيف بس شكليات تسئله ناز راسا فتحت عيونها وضحكت وحضنتني وهيف بقه يسب بيه ويضحك وبعدين كمنه نضحك ثلاثتنه وفرحانين وثاني يوم الشيخه كالت الشيخ موافق وصعدت لغرفه ناز جانت نايمه لان ماعدها دوام اليوم كمت اهلها يم اذنها
ناز:الله لاينطيج منو عرس وخري دانام
ياسمين:اي عيني منو عرس حقج متدريني كومي انتي ح تعرسين كومي خابري ع حبيبج صار ساعه ادك عليه نايم ميجاوب سهرانين حضرتكم واني الف منا ومنا ع مود يقبلون بزواجكم عود داخابره نمقلبج الثور طلع نايم كومي
ناز:ياسو شكد تلغين احين من هاللعي كومي شوفي زوجج
ياسمين:مو نايم زوجي
ناز:دعوفيني اني هم انااام
ياسمين:لج بابا كومي الشيخ وافق خابري ع هيف خ يجون باجر شبيج مو نايم ميرد عليه بس انتي اذا دكيتي هسه يكوم مثل الحصان والقران
ناز:لابدينج ابوي وافق
ياسمين:اي وديني
كامت حضنتني وخابرت ع هيف اول اتصال مجاوب رجعت اتصلت رد
هيف:صباح العسل ياعسل
ياسمين:بطل رومنسيات وحضرو روحكم تعالو باطر خطبو ناز
هيف:لحضه لحضه شنو اني داحلك لو صدك كعدت وانتو دتحجون وياي واهل ناز موافقين
ياسمين:هيف بطل فهاوه وحضرو روحكم يله باطر منتضريكم تطلبون ناز مني
هيف:شلون اركعج ببوكس لعد
ياسمين...
ثاني يوم اجو اهلي واهل مينا كلهم حتى سامر وعرفتهم ع عيالي وخطبو ناز ولبسوهم حلقات لان حضرت اخوي مستعجل وهم صايره موده الخطبه والحلقات سوه وراحو لفندق ووراها طلعو لبغداد ومر شهر ع نفس الروتين واحمد صارت حالته زينه يكدر يمشي كم خطوه ويوكع بس اني مساندته وماعفته وموضوع العجز هم ديتعالج
رحت للغرفه دابدل واحمد ع سرير غيرت ملابسي ولبست سيت نوم طبعا اشتريت كم واحد ورحت للسرير نمت بصفه ضل يلعب بشعري ويبوس براسي حسيته ديتغير انفاسه تتغير عليه رفع راسي بيده وقرب وجه عليه صارت انفاسنه سوه غمضت عيوني قرب شفافه ع شفافي وباسني بقينه دقايق هيج الى ان انكطعت انفاسنه ووخر فرحت حيييل يعني ديتحسن همزززين نمنه للصبح
احمد...
مر شهر واني داتحسن وناز نخطبت لهيف وياسمين وياي واني احس ع نفسي موضوع العجز ديتعالج الحمدلله اريد قرب ياسمين بس اخاف اكلها خاف هاي اومها وتفشل هي من ماكدر اسوي شي نامت بصفي ومتحملت بستها من شفافها بداخلي فرحت يعني مداتخيل صح الموضوع ديتعالج نمنه وثاني يوم هم جلست علاج رحنه والدكتور كال هاهي بعد انت بالبيت بس توكف وتمشي الى ان تتعود وصدك مرت اسبوعين واني كمت امشي بس ع عكازه واليوم عرس اختي فاطمه خطيه كل يوم مصيبه ويتاجل عرسها
ياسمين...
اليوم عرس فاطمه حبيبتي واخيرا راح تزوج بعد هالصبر اليوم حنتها بالبيت النسوان وحنه الولد ببيت الولد ويمنا حتى كرايب العريس لان همه نفسهم يعني وبس نسوان ف ناخذ راحتنه باللبس وطبعا مينا واهلي واهلها موجودين حبيبي حمودي صار يمشي بس ع عكازه ميكدر بدونها اشترينه اني وناز ومينا نفس الفساتين مخصره ع جسم وقصيره وبيها تول ونقشات ناعمه تجنن وفطومه طلعت تخبل بس كلنه تغطينه ناز بجمالها طلعت كانما عروس وفرح وميسون وامهن جايات بكل عين صلفه اني غلست تجاهلتهن وصعدت فوك اعدل مكياجي واحمد بالغرفه هم دياخذ اشياء ماعرف شنيه دخلت وبقه صافن عليه تقرب مني
احمد:هاي شنو
ياسمين:شنو شكو
احمد:حاطه حمره
ياسمين:اي ليش محلوه
احمد:لا اريد اخربها
ياسمين:خرب خرع
احمد...قاطعتها واني اكدبوس شفافها وصدك تخربطت حمرتها😂
ياسمين:حبيبي راحت حمرتي
احمد:هاهي حطي غيرها
ياسمين:اي اكيد
راحت ع مرايا تعدل حمرتها حسيت دانجذب لجسمها حضنتها من ورا هي ابتسمت بستها بركبتها
احمد:شلون ح تعدي هالليله
ياسمين:ليش
احمد:اريدج
ياسمين:يعني شنو انت
احمد..قاطعته:اذا مكدرت تسانديني
ياسمين..لزمت ايده:حبيبي اذا متكدر لتضغط ع نفسك
احمد:خليني اجربب ولله احس اريدج
ياسمين:اوك عمري
احمد:يلا اني ح ارروح
ياسمين:اوك حبي
احمد:احبج
ياسمين:اني هم
راح احمد واني نزلت جوا افكر بكلامه يربي اذا مكددر راح ينقهر شلون بالله هالسالفه قاطعني ناز ومينا كوموني دنركص وي فاطمه كمنه نركص ونضحك متونسين واجن فرح وميسون يريدن يركصن ولاعبات لعب بخلقتهن
ناز بصوت خافت وحاد:اقسم بمن احل القسم ان مارجعتن لمكانجن العب بيجن الفلك فاهمات زين مني متحملتجن بالبيت لخاطر عمي والا جان طردتجن سحل
ياسمين:يلا ناز خ نركص شوو وخرن هيج
رجعن ميسون وفرح لمكانهن واحنه نركص ونضحك بعنادهن خلصت الحفله وخلصت روحنه من التعب مينا نامت يم ناز واهلنه راحو لفندق واني دخلت سبحت ورحت لغرفتي انشف شعري وافكر باحمد بعده مجاي الولد مسوين سهره شحيصير شلون اذا مكدر اوووف كافي من يجي يحلها الحلال لبست سيت نوم ومكيجت ولبست روب وكعدت انتضرته ورا ربع ساعه اجه فتح الباب وابتسم ابتسمتله
احمد:الحلو متحضرلي
ياسمين:اي
احمد:اغسل واجي
ياسمين:اوك عمري
احمد...
ياربي اري

دها وخايف ماكدر وافشلها وافشل نفسي شلون بس لالاعندي احساس انو اكدر رجعت بليل شفتها متمكيجه ولابسه سيت نوم فوكا روب خفيف وكاعده وهي بلا شي ملاك متلها اغسل وارجع رحت يم المغسله متوتر وخايف غسلت ورجعتلها غيرت ملابسي وكعدت يمها لزمت ايدها
احمد:ياسمين اذا مكدرت تسامحيني
ياسمين:اذا مكدرت مازعل منك هذا قدرنه
احمد:راح تفشلين واني افشل
ياسمين:مابين الحبايب هالسوالف يكفيني نفسك يمي
احمد:فدوه لكلبج بقيت ابوس بيها من شفافها احس شي يثيرني عليها بس مداكدر موبيدي وهي ساكته متفاعله وياي وياي بس ترجف ادري بيها قلقه بقينه بلا ملابس حاولت وحاولت ذكرت شلون اخذت عذريتها بالغصب منها وحاولت وفشلت مكدرت هي وجها صار احمد عرفت بيها خجلت غطيتها ولبست ملابسي دخلت للحمام بقيت بالحمام ادري يربي تعاقبني لان السويته مثل الاغتصاب بس يارب عقابك دياذينه اثنينه وكعت دمعتي واندكت باب الحمام
ياسمين....
حسيت بي مديكدر يسوي شي بس يحاول واني سويت نفسي عادي بس وجهي فضحني فشلت شوي وانقهرت بس حاولت اتلافى الموضوع هو انتبه غطاني ولبس ملابسه وراح للحمام كلت شوي يهده واروحله وره ربع ساعه دكيت باب الحماك
ياسمين:حبيبي
احمد:ها ياسمين
ياسمين بضحكه:اريد اغسل شنو ماجر الحمام
احمد:دقيقه واطلع
ياسمين:اوك
لبست السيت مال نوم ووكفت طلع هو باوعلي وابتسم ودار وجها دخلت غسلت وطلعت لكيته كاعده ومخلي ايده ع راسه رحت خليت ايدي ع ايده
ياسمين:حبيبي
احمد:عيونه
ياسمين:لتضوج
احمد:ان شالله
ياسمين:ولله ابتسامتك تكفيني
احمد:متتمنين تكونين ام
ياسمين:طبعا اتمنى بس الامومه اذا تمنعني منك ماريدها حضني وكلي
احمد:واني هم امنيتي اصير اب بس يمكن الله مقاسملي
ياسمين:لا ان شالله مساله وقت
طبعا احنه اتفقنه زواجنه وي هيف وناز بس يتحسن وضع احمد ونعقد محكمه سوا ونسوي زفه سوا ومر اسبوعين انتبهت احمد ديتغير صار يباوعلي نضرات مختلفه مثل نضره يوم الحنه كمت اتقرب منه بس هو ميتقربلي يخاف من الصار قبل اسبوعين
احمد...
مرت اسبوعين واني حالي ديتحسن داحس بنفسي كولش زين بس خايف من الصار قبل اسبوعين ماريد افشل
ياسمين..رحت نمت بحضنه وتجرات وبسته من شفافه هو تعجب بس تفاعل وووو صار الصار وثاني يوم احمد راح للطبيب وكله انو وضعه تمام وماكو داعي للقلق والعلاج احمد حيل فرح وقررنه زوواجنه بعد اسبوع ومر الاسبوع كانو سنه والبيت مخبوص بالتحضيرات وصار يوم عرسنه ورحنه للصالون اني وناز تحضرنه واجو هيف واحمد طالعين يخبلون اخويه هيوفي يجنن طالع وناز هم عبالك ملكه من الجمال عرسنه صار بقاعه وللفندق مو للبيت وصارت احله ليله بحياتنه كلنه فرحانين وسعيدين وورا شهرين طلعت حامل شهرين😂 صدك فشله يعني حامل اصلا من قبل مازوج ومادري وحملت بولد ودخلت بشهري وبيوم جنت نايمه بالليل صادفت ناز يمنه زياره حسيت شي يدفر ببطني فتحت عيوني واصرخ من الالم احمد فز ع عياطي
احمد:لج شكووو شبيج
ياسمين:اااااخ الحكلي لك داجيي
احمد:شنووو لحضه اكعد امي
ياسمين:اخذني للللللمشفى ااااااااا
احمد:بس دقيقه
ياسمين..راح احمد واجتني ناز تركض
ناز:لج شبيج
ياسمين:داااجييييييب لج ناااااز اااااا
اجت الشيخه تركض كوموني هي وناز لبسوني عبايه حسيت شي حار نزل ع رجلي عطت ماااااااامااااا والشيخه صرخت اركضو طك مي الطفل واني انتهييت الالم كان اصعب الم شفته بحياتي كمت ابجي واعيط ركبنه السياره اني والشيخه وناز واحمد يسوق الشيخه بالامام وناز يمي فجاخ حسيت ماتحمل بعد كتله احمد اوكف الطفل الطفل بي شي
الشيخه:صل ع نبي يومه
ياسمين:عليه افضل الصلا والسلاااااااااااام وراها راسا حسيت الطفل خرج عطت ابنيييييييي
ناز:لج ماما طلع الطفللللللللل
الشيخه:الله اكبر اللهم صل ع محمد الشيخه ماعرف شسوت ولفت الطفل بعبايتها وطلعنا للمشفى الدكتوره فحصتني اني وابني مابينه شي لحكونه الاهل كلهم واتصلت ناز ع اهلي احم يعني عيالها وكالو من الصبح يجون واختي غزوله اجتني للمشفى واجه فرحه عمري حبيب امه وسيمته (اصف) وصدك اصف ثلثين الولد ع خال نسخه من هيف ومناز خطبه ماصار عدها حمل صار عمر اصف سنه وهم حبلت اني وناز هم طلعت حامل عليها شهر ونص واني شهر كبرت بطنه سوا والشيخه معتنيه باصف هي واني جبت بنوته وناز جابت ولد اني سميت بنتي (ناز) ع اسم عمتها واختي الي وكفت وياي ومايوم نستني وساندتني باصعب مواقفي وناز صار عدها ولد سمته (ادهم) وكبرو ادهم واصف وناز سوا وهسه عمر اصف اربع سنوات وادهم وناز سنتين ونص تقريبا بس ناز ماوقفت انتاج وقبل شهر صار عدها ولد ثاني سمته سمته (كرم) وعشنه حياه حلوه حيل واني هسه مرحله رابعه وناز خامسه لان اني تركت سنه ع مود ضروف احمد والصار ويا بعد الحادث الحمدلله الشيخه دايره بالها ع اصف وناز وقت دوامي ووبيت اهلي امي دايره بالها ع ادهم وكرم وقت دوام ناز وعشنه هيج بحب وسعاده
.........................................................
ودمتم في سلامة
النهاية☺️❤️

فدوةة لكلبج😻🦋..عيوني الشمندر عادي بأي ماسك تكدرين تستعملي..مثلا تهرسين فد قطعه صايرة وتضيفله ملعقة لبن..او تضيفله نشا

ربع ساعه وتغسلي..صح يسوي البشرة كلها وردي😂 بس ثاني يوم عود يروح

وتكدرين للشفة هم تستعملي..بليل قبل تنامين اهرسي فد اشويه منه ومسحي عل الشفة وثاني يوم صبح غسلي


#ملوكه

لاحبي بالعكس شركه سنسوداين كلش زينه وبيها أنواع..اكو لتحسس اللثة و بالجل ..الخ
فأنتي كل فترة جربي كل نوعيات وشوفي ياهو اللي توالمج
وشركة كرست ماانصح بيها وموزينة بكل بضعاتها

وعندج هالنوعيات هم كلش زينه🌚🌺
Signal
Colgate
Pepsodent


#ملوكه

اللي سألو عل الفستان..فالبنوتة مسويته يم الخياطه

تسلمين حبيبتي🥰✨

#ملوكه

حبي رقمتهن حته لاتيهين بيهن👇🏻🙃

1_هاي واقي موفاندوشين ويرهم للكل

2_وحبي هالمرطب للبشرة الجافة..فاذا بشرتج دهنية متوالمج..يعني بسع رح تتزيت

3_4 هالكريمين مثل مبيض للبشرة..فمادري بيهن اذا زين او لا لان مامجربته

5_6_7 هالخلطات دووم احجي بيهن انو موزينات وجم وحده من بنات استعملو وشافن نتيجة عكسية لو طلعلهن حبوب ناعمه لو وي استمرار صار عدهن تصبغ فماانصح بيهن

8_هالمرطب زين ويوالم البشرة الدهنية

9_وماي الورد..هالنوعيه مااعرف عنه اذا زينه
لان اني دايما استخدم النوعيات المصنوعة من ايران..تجي اكثرهن اصلية

10_وهالصابونة عادي تكدرين تستعمليها

11_هالسيروم زين وتستخدمي قبل ماتسشورين او تكوين الشعر

12_وهالبودرة للجسم والايد..وريحته تكون عطرية بالورد

13_وهالكريم الاساس..تستعملي بس للحفلات والسهرات..ويناسب اكثر شي البشرة مختلطه والجافة


#ملوكه

عيوني عادي أي نوعية كلهن نفس الشي الاختلاف يصير بس بالشركة
المهم يكون زيتي حته تكدرين تفتحي وتمسحي عل بشرتج
وتسلمين حبي😻✨ عل هالدعوة

#ملوكه