14

احمد....
متت خوف ع ياسمين ووحجي الدكتور خوفني اكثر صار الليل كتلهم رجتو للبيت
احمد:يابه اخذ امي والبنات ورجعو للبيت اني ابقه
الشيخ:اي ابني يلا بنات كومو نروح
ناز:ماتحرك اني
الشيخ:ناز بنيتي كومي ميصير هيج
ناز:بابا ماططططلع ماعوف ياسمين ماكددر
الشيخ:بس بنتي
احمد:هاهي يابه عوفها يمي
الشيخ:ماشي ابني اذا صار شي اتصلو
احمد:صار يابه
ياسمين....
جنت كاعده فوك وي ناز وصار صياح جوا واجن البنات كالو احمد يريدني جوا سندني ونزلنه جوا وشفت فرح وميسون مدمايات بالكاع واسامه اخوهن يكولهن احجي وحجن مخططهن وشلون فبركو صور ومحادثات الي محسيت ع شي بس عيوني سودت والدنيا تفتر الاصوات تجمعت براسي وجسمي ثكل راسي ماعادي وي جسمي حسيت ع صيحت احمد عاط ياااسمين وراها مادري شكو حسيت اني بمكن مو بالبيت فتحت عيوني بثقل لكيت نفسي بغرفه كلها اجهزه متصله بيه وريحه مال مستشفى كل مكان بجسمي يوجعني راسي ضهري بطني ايدي اريد اتحرك ماكدر حسيت اصوات صارت رالغرفه وعيوني سودت كلت هاهي اني داموت كلت بكلبي اشهد ان لا اله الا الل وراها محسيت ع شي
احمد...
بقينه بالمشفى اني وناز ناز نامت واني بقيت افكر بياسمين وشلون ضلمتها متت قهر بس مابيدي شي منو يكول ياسمين ح تسامحني وفجاه ساعه ب٣ الفجر صار صوت الجهاز الي بغرفه ياسمين يطلع اصوات ركضت ع دكتور المناوب ع مود ياسمين لان المشفى كلها تعرفنه ركضت عليه واجه عليها كال وضعها ابد موزين حالتها خطره لازم تاخذوها لمشفى احسن حسيت الدنيا ضاكت وردتي تبذل واني مابيدي شي وماكو يمي احد بس ناز ونايمه فزت ع صوت الدكتور وكمزت مخروعه
ناز:شمو شنو ياسمين شبيها شنو ماتت ماتت مو احجو
احمد:اسس اهدي عايشه بس وضعها خطر
ناز:احمد الله يخليك اخذها لغير مشفى سوي اي شي خ نسافر ها مو يصير يلا احجز خ ناخذها لغير دوله
احمد:اهدي نااااز ع كيفج اسس
ناز تهسترت كامت تحجي بلا وعي من سمعت الدكتور كال ممكن باي لحضه نفقدها بقت تحجي وتعيط وتبجي شي تذب اللوم عليه شي تدعي ع فرح شي تتوسل بيه اجت ممرضه انطتها مهدئ ونامت وبقيت حاير بزماني ماعرف شنو ح يصير منا ياسمين ومنا ناز هم وكعت انصلت ع اخويه طه لان اخواني الباقين مموجودين كلتله يخابر صديقه دكتور بمشفى خاص ببغداد خابره وازعجنا ب٥ الصبح كله هيج حالتها والولد خطيه كال جيبوها باسرع وقت وصار الصبح ناز كعدت مخروعه وخايفه
ناز:طه انت هنا شصاير شنو ماتت ياسمين حباب لتكول ماتت
طه:اسس ناز بنيتي اهدي شبيج هسه راح نطلع بيها لبغداد بس لتخافين هيج راح ارجعج للبيت
ناز:ولله رجلي ع رجلكم اموت ومتاخذوها وحدكم
طه:ناز ميصير
ناز:مستحيييييل
احمد:هاهي طه اخذها للبيت خ تجيب ملابس الها ولياسمين وكولو لاهلنه ونروح
طه:ماشي وانت اخذ فريق من المشفى ويانه ترا طريق طويل
احمد:صار
ناز....
رجعنه اني واخويه طه للبيت واني بلا اي كلمه ركضت فوك طلعت جنطه خليت بيها ملابس الي ولياسمين ومادري شاخذت غيرت ملابسي وماعرف شنو لبست لفيت شالي ونزلت جوا ع اهلي
ناز:يله طه خ نروح
الشيخ:انتضري بنتي وين
ناز:بابا حباب لتكولي كعددي مستحيل اعوف ياسمين وحدها
الشيخ:ماشي بنتي بس ديري بالط ع نفسج
ناز:ماشي يلا طه
طلعنه وويانه سياره اسعاف وياسمين وضعها سيء منعرف السبب بس اني متاكده من ضرب احمد واغتصابه الها ولان موديناها دكتور اخصائي تراكمت عليها اوف يربي شحجي وصلنه لبغداد بعد عناء طويل ودخلنه ياسمين للمشفى
ناز:احمد لازم نكول لاهلها يجون
احمد:مالي وجه
ناز:بس ميصير
طه:اي صح احمد حقهم يعرفون
احمد:بكيفكم
احمد...
رحت لبيت اهل ياسمين
هيف:هلا احمد هلا خويه شلونك
احمد:هلا هيف شخبارك
هيف:بخير الحمدلله شنو الاهل مووياك
احمد:لا ولله بس هيف اهلك هنا
هيف:لاولله بس خير صاير شي
احمد:خويه بدل وتعال ترا ياسمين بمشفى(....) وحالتها موزينه
هيف:شنووووو شتحجي انت شلون شبيها اختي
احمد:بس تعالو ويصير خير
هيف:بس اخذ ويانه مينا
احمد:ماشي
.......................................................
يتبع....

15

احمد...
اخذت هيف ومينا ورحنه للمشفى ومينا طريق كله تبجي وتسئل وهيف كال
هيف:احمد خويه احجيلي كلبي وازني من موضوع ياسمين قبل كم يوم جيتو مابيها شي شصاير
احمد:........ حجيتله الموضوع وهو ومينا مصدومبن
مينا:الله لوفقهن ان شالله يتلكنها بعافيتهن ليش هيج
هيف:حسبنا الله ونعم الوكيل امي صارلها اسبوعين تكول كلبي يوجعني ع ياسمين ولله حست
احمد:هيف اني اسف
هيف:انت بالذات رجاء اسكت لان انب كوه متحمل وياسمين بعد مترجع وياك
احمد:هيف خلي نفسك مكاني
هيف:امشي هسه الله كريم
احمد:ونعم بالله
وصلنه المشفى وتوجهنا لمكان ياسمين شفنا ممرضات مخلين ناز ع سديه وهي لا ايد ولا رجل وطه اخويه يمشي وراهم
هيف...
جنت كاعد وحدي بالبيت امي وابويه راحو زياره لبيت خالتي لان مريضه واندكت الباب طلعت شفت احمد زوج ياسمين بالباب تسالمنه ومقبل يدخل كال ياسمين بالمشفى وحالتها حرجه كتله ناخذ مينا ونروح وبالسياره حجالنه الصار وليش هي بالمشفى تخبلت ولزمت اعصابي كووه تذكرت اني كاتل اخو وحاولت اهدي نفسي تذكرت امي من جانت الايام الفاتت تبجي تكول كلبي واجعني ع ياسو ع بنتي ومينا مابطلت بجي طريق كله وتحجي ع فرح والثانيه مدري شسمها السون هيج بياسمين اما اني فكري كله يم امي الي اذا سمعت بالخبر تتخبل وابويه الي اذا سمع ينجلط وبتفس الوقت عندي فرحه صغيره بداخلي من كال احمد انو ناز اخته بالمشفى ماظري من شفتها قبل فتره من جوي هي متروح من بالي ودائما اطردها من عقلي من اذكر نفسي انو اني قتلت اخوها واكيد مستحيل تفكر بيه بس كلبي ماكدر يمكن نعجبت بيها بس هيج حب لازم ينلغي قبل لايبدي وصلنه المشفى وتوجهنه لمكان ياسمين ونشوف الممرضات مخلين ناز ع سديه ويمشون وهي محاسه ع شي وولد لازم السديه وي الممرضات ومدنك راسه اني راسا كلت ياسو ماتت قاطعني احمد راسا عاط
احمد:طه هاي شكووو شبيها ناز ياسمين شبيها شصاير احجي طه
عرفت ان هذا الولد اسمه طه
هيف:احجوووو شكووو ياسمين وين
طه:مو ياسمين ياسمين مابيها شي بس ناز وكعت من طولها صارلها ٣ ايام مماكله شي يجوز لهالسبب وكعت
احمد:استغفرلله من ناز شكد تعاند مو كتلك ياطه وكلها
طه:احمد صوتك شبيك قابل ناز طفله
مينا:ولكممم احجوووو ياسمين وين
طه:مناك خيتي بذيج الغرفه
رحنه ركض اني ومينا ع غرفه ياسمين نباوع عليها من الشباك نايمه ورابطيها باجهزه مينا وكعت بالكاع تبجي تكول ياسمين ح تموت نزلت حضنتها اهديها
هيف:اسسس مينا لتحجين هيج خلي املج بالله جبير
مينا:هيف شدتحجي انت لك شوف ياسمين الورده شلون ذبلانه لك ليش هيج صار كله من وراكم الله لينطيكم حرمتوها من حلمها ومن كليتها المفروض باجر اني وياها نداوم الله لينطيكم وكامت مينا باتجاه احمد وكوه لزمتها هديتها وبقت تبجي وتدعي ع احمد واهله اجه طه وعرفنه احمد
احمد:هيف اخويه طه طه الولد هيف اخو ياسمين وهاي مينا صديقتها
طه:اهلا وسهلا
هيف:هلاخويه
طه:احمد ترا ناز كعدت ومعنده تريد تجي كوه الممرضات لازماتها هسه تعال عليها
ناز:لاميحتاج اجيت اصلا
طه:لج ناز شبيج
هيف:كال طه ان ناز كعدت كلبي رف وصار طبل من سمعت طوتها الناعم كالت لا ميحتاج اجيت بلا شعور انداريت عليها شفتها ذبلانه وضعفانه ووجها اصفر اجه احمد كعدها صارت بصفي
هيف:شلونج ناز
ناز:....😐لارد
الممرضه:سيد طه اسفين بس مكدرنه عليها معنده الا تكوم وفصلت المغذي لازم تاكل
طه اجا اتصال ضروري وطلع كال ساعه وارجع
احمد:ان شالله هسه اخليها تاكل
ناز:ماكل الا تكعد ياسو
احمد:ناز امشي للمطعم
ناز:ماتحرك منا
احمد:ناا
قاطعته هيف:احمد لحضه تسمحلي
احمد هز راسه بمعنى اي
هيف:ناز ليش متاكلين
ناز:شلون اكل وياسمين هيج حالها
هيف:وصحتج
ناز:ماريد لاتضغطون عليه
هيف:ناز اسمعيني شوفي اني مو اخوها وكضت عمرها وياي بس لازم اقوي نفسي حتى تستمد القوه مني هي
ناز:بس
هيف:بلا بس يلا امشي
ناز:اوك
الممرضه:سيد احمد ممكن دقيقه يم الدكتور يريدك
احمد:اوك جيت هيف بلا امر عليك بلكي تاخذها للمطعم
هيف وبقلبي ممصدك:اوك تدلل
احمد:بس ديربالك عليها
هيف:بعيوني ان شالله يلا كومي ناز
ناز:اوك
هيف....
اخذت ناز للمطعم وطلبتلها اكل وكعدت تاكل بهدوء واني اراقب هدوئها تاكل شوي وتنزل دموعها
هيف:ناز ليش هالدموع
ناز:متعلمه اكل وي ياسو
هيف:اممم زين اكلي وي شخص من ريحتها
ناز:ههه يعني شلون
هيف:يعني ناكل اني وياج
ناز:ولله ياريت لان ماعرف اكل وحدي
هيف:اوك خ اطلب اكل الي اني هم جوعان
ناز:اوك
طلبت اكل واجا وبديت اكل بهدوء
ناز بتردد:ه هيف
هيف:رفعت راسي اول مرا اسمع اسمي بصوتها
نعم
ناز:شلون تكدر تكعد بهالهدوء وياسمين هيج حالها علمني
هيف:ناز قابل اني ممقهور عليها اني داموت بس لازم اقوي نفسي ع مودها المريض يحس بالناس الي يحبهم اذا يشوفهم مكسورين راح يزيد عليه مرضه واذا شافهم اقويه ومؤمنين انهم ح يصحون صدكيني يخف مرضه
ناز بابتسامه:صدك
هيف... شكد بريئه:اي ولله
ناز:لعد راح ابقه اضحك واقوي نفسي مثلك
هيف...ضحكت ع طفوليتها وشلون تاخذ الكلمات ع الحرف وتكول

اصير مثلك
ناز:شكرا هيف
هيف: ع شنو
ناز:ع وكفتك وياي مانساها
هيف:لا ولو شسويت واجبي
ناز:اكولك هيف
هيف:عيوني
ناز بخجل وتلعثم:اااا شسمه الدكتور ناده احمد خاف صاير شي
هيف بتلعثم:اااا شنو ها مادري هسه نروح نشوف
ناز:اوك يلا
كمنه باتجاه المشفى
هيف:ناز اسف
ناز:ااا ع شنو
هيف:كتلج عيوني ولله لتفهميني غلط بس ولله اني متعلم هيج احجي شفتج ضجتي يمكن
ناز بخجل:لا يعني عادي مصار شي ليش اني ماستاهل تكولي عيوني مو 😂
هيف بكلبي ضحكت ع طفوليتها وبرائتها شكد حلوه يربي متدري هي انطيها قلبي هم عبالها عيوني اغله منها
هيف:لالالا فهمتيني غلط بالعكس متغله عليج
ناز:هههه اوك كافي لدوخني خ اروح اشوف شصار
هيف:اها اسف
ناز:هااا شوف يعني انت موصديقي
هيف:شنو
ناز:ضجت لان كتلك لدوخني لو متقبلها بروح رياضيه جان اعتبرتك صديقي
هيف:ناز اسئلج سؤال بس متعصبين او تفهمين غلط؟؟
ناز:اكيد كول
هيف:متعصبين؟؟
ناز:اصلا اني اخاف ع بشرتي وماعصب
هيف بضحكه:ههه اوك لعد ح اسئل
ناز:اوك
هيف:ناز انتي ليش تحجين وياي براحتج وجيتي وياي لمطعم وحدج وتكولين صديقي ومتحرره تفكير يعني لتفهميني غلط وخاصه انتي بنت جنوب وبنت شيوخ يعني حتى اسمج يختلف
ناز:ههههه انت ماخذ نضره محلوه ع بنت الجنوب والشيوخ عبالك ح تجي وحده اسمها جاسميه ام اللبن مو
هيف:لاموهيج بس سؤال
ناز:هيف احنه مثقفين اخوتي كلهم خلصو احسن الاقسام باحسن الكليات وتربينه ع احترام الراي والمراه ولهالسبب ابوي صار شيخ واله اسمه وهيبته وخواتي صح ماعدنه بالبصره بنات يكملن دراسه وخاصه بنات شيوخ بس ابوي مامنع خواتي من دوام وخلاهن يداومن وخلصن اقل شي سلمى خلصت تمريض واني ح اكمل طب بس تكوم ياسمين ان شالله يعني احنه مو همج مثل متتخيل
هيف:والنعم منكم ومن تربيتكم
ناز....
يربي شعور يخبل مادري ليش من حجيت وي هيف ارتااااحيت كولش وفرحانه نساني حزني ع ياسمين وقواني ودردشت ويا
هيف:ااا ناز هسه احنه اصدقاء موو
ناز:بالضبط شو كفك
هيف:ضربت كفها بكفي وتكمز مثل طفله
ناز:لحضه خ انطيك علامه صداقه
هيف:شنو هي
ناز:تعال جاي
هيف:تقربت منها وعستني من خدودي حيل وهي تضحك طار عقلي وبقيت صافن بوجها هي حست وخجلت ابتعدت عني واني حسيت ع نفسي
هيف:ااا شنو جنج نستي ياسو
ناز:لالا يله خ نشوف احمد وين يم الدكتور
هيف:اوك يله
رحنه باتجاه غرفه العنايه البيها ياسمين ولكينه احمد ورحنه يم احمد وسئلته ناز شكال الطبيب
احمد...
جنت واكف داخذ ناز للمطعم والدكتور ناداني كلت لهيف ياخذ ناز ورحت للدكتور
الدكتور:استاذ احمد انت زوج المريضه ياسمين
احمد:اي دكتور خير
الدكتور:استاذ احمد مرتك متعرضه لحادث اوشي
احمد:ااا لا دكتور شصاير
الدكتور:جسمها بي نزيف باكثر من مكان وبالكوه سيطرنه عليه ومن خلال الفحص تبين ان النزيف نابع من اماكن ضيقه كولش ومن فتره
احمد:اااا اي دكتور هي قبل فتره وكعت من الدرج
الدكتور:اي ممكن ع عموم هسه هي بخير ان شالله ساعه وننقلها لغرفه خاصه
احمد:اشكرك دكتور
طلعت ادور لناز وهيف ماكو شفت مينا صديقه ياسمين تباوع لياسمين وتبجي رحت اطمنها
احمد:مينا
مينا:ها
احمد:ترا الدكتور كال صحتها زينه وساعه ويطلعوها لغرفه خاصه
مينا:صدكككككك😨
احمد:ولله
مينا صارت تكمز وتضحك واني هم فرحان حيل كعدنه شوي واجو ناز وهيف يمشون باتجاهي وجان واضح القلق بوجوهم
ناز:ها احمد شبي الدكتور
احمد:لتخافون كال وضعها زين ساعه ويطلعوها لغرفه خاصه
ناز صارت تكمز وتضحك وتصفك تخبلت وسوت حركه صدمتني شوي بس سكتت كلت من فرحها متدري شسوت وهي بس انتبهت عليه شهكت ووخرت
ناز....
سئلت احمد ع الدكتور شكال وكالي ان دكتور كال وضعها زين ساعه ويطلعوها لغرفه خاصه من الفرح صرت اكمز واضحك واصفك وبلا وعي انداريت لهيف وحضنته واكمز وبكمزتي انتبهت احمد يباوع عليه شهكت ووخرت شكد فشلت
هيف...
كال احمد لناز ان ياسمين صارت زينه وحيطلعوها لغرفه كامت تكمز وتضحك وحضنتني حيل اني مادري شصار باحوالي وهي شهكت ووخرت من شافت احمد يباوعلها اني احساسي تلخبط ورحت لمينا حضنتها وكومتها جانت تبجي من الفرح وتباوع لياسيمن ورا ساعه تقريبا اجوي الممرضات طلعو ياسمين بس جانت نايمه ودوها لغرفه خاصه وورا ساعتين تقريبا كعدت وناز ومينا ركضن عليها ناز تبوس بيها وتبجي ومينا تبجي ولازمه ايدها وهي مثل المصدومه
ياسمين....
جنت افتح عيوني بثقل واغمض ماحس ع شي ورا فتره طويله او قصيره مادري المهم فتحت عيني اني بمكان مو بالبيت هاي غرفه مشفى وشفت ناز ومينا ركضن عليه يبجن ناز تبوس بيه ومينا لازمه ايدي وهيف يباوعلي ويضحك ووكعن دموعه درت وجهي لاحمد جان مخلي ايده يجيوبه وفرحان بس عيونه بيهن ندم ودموع درت وجهي لناز وبجيت وحضنتها هي ومينا وبقينه بالمشفى اني عندي الم بس مو قوي ومتيها كولشي مادري شكو واني وين واحنه شوكت بيا سنه بيا شهر شديصير يربي دك تلفون هيف وطلع برا
هيف...
اتصلت امي عرفت رجعو للبيت ياربي شحكلها
هيف:الو يمه
الام:هيف يومه وين انت
هيف:يومه اني بالمشفى
الام:عزا بعيني يو

مه وليدي وين شعندك ليش بالمشفى
هيف:يومه روحي لخاله لمياء وتعالو لمشفى (....)
الام:لك ابني انت بخير صايرلك شي
هيف:لا يومه اني زين بس
الام:بنتي بنتي ياسمين شبيها ياسمين مووو
هيف:اي يومه بس لتخافين ولله هسه هي زينه بس تعالو حتى تشوفكم وترتاح
الام:روح يومه احنه مسافه الطريق ونوصل
.............................................................
يتبع....

ههههه...حبي طبعا كعدة البيت اثرت عليج😅
فمن تكعدين يصير عندج خمول ومابيج حيل..ومالج خلك تطلعين وتفترين

فعادي هو من تطلعين يوم يومين..عود تتغير نفسيتج...
وهسه بعد منا لنهاية شهر دوام ف رح تكضي كل طلعات بين سوك وبين دوام فد يومين🌚💔

#ملوكه

اللي تعرف بهج معاهد بكربلا..فخل تفيد هالبنوتة🙃🦋

#ملوكه

هذيني حبي صالونات بالبصرة ومراكز تجميل🥰👇🏻

#ملوكه

هذيني حبي👇🏻🌚

•المطر يثير فينا حزناً وشجناً لأيام مضت ولن تعود.🥀

•كن كالمطر أينما وقع نفع، ألا تعلم أنه لا يميّز حين يتساقط بين قصور الأغنياء وبيوت الفقراء.🙃💔

•ربي أسألك طمأنية تريح قلبي❤️ وتسعد نفسي

•إن الذي أمر السماء ف أمطرت...
س يغيث قلباً يُبسه قد طال🌸

•اللهم اجعل لنا مع كل قطرة مطر سعادة ورزق وعافية واستجابة لكل دعوة🥺🤲🏻

#ملوكه

حبيبتي هي رووس سود ماكو شي يزيله نهائي للابد☹️💔
فهذيني كل اسبوع يطلعن من دهون الوجه وتراكمات مكياج
فلازم كل اسبوع تسوين عنايات..فرووس سود يخفن..من بياض البيض والتقشير

#ملوكه

عيوني كون تلعبين رياضه مخصصه للارادف حته تشوفين فرق..فهسه ادزهن
وهمين الركص🙃✨..هم رياضه للارادف

#ملوكه