البارت الثاني

ياسمين: حيلي نهد ماما تبجي وخالتي ام مينا تبجي وبابا منزل راسه وعيونه مليانه دموع عمو ابو مينا وسامر ابد ماعافو بابا وضلو ويا وسامر كل شوي يطمن علينه عمامي كاعدين جوا بالبيت صارت ب١ صبينه الغده وايدنه ع كلبنه ماما منهاره وماعرف شسوي تغدو الزلم واحنه محطينا لكمه بحلكنه اني احس الاكل مر لان هيف ماكو جان مياكل الا اني موجوده واني كذلك ماكل الا هو وياي صارت ب٢ونص حضرنه الجاي لان ح يجون اهل الولد وصدك ورا نص ساعه او اكثر اجو وهنا القلق اكلنه
ام ياسمين: ياسو مينو ماما صعدن فوك ولتنزلن ابد
ياسمين: بس ماما
الام: بلا بس بنتي صعدن يله
ياسمين ومينا: اوك
ياسمين: صعدنه فوك اني ومينا فتنه من يم غرفت هيف اندارنه لبعض واثنينه ع نفس البجيه وطبينه لغرفته نبجي ونباوع للغراض لزمت قميص اخويه وصورته
ياسمين: هيوفي حبيبي وينك هسه شحالك شسوولك اوف ياربي ياربي رجعلي اخوي سالم واذا روحي المقابل اخذها مني ياربي اذا حلمي المقابل اخذه بس اريد اخوووويه اريد اخوووووويه صرنه نبجي بقوه اني ومينا
مينا: جنت ابجي ع هيف بس فاجئني صوت ياسمين وهي تكول ربي اذا حلمي المقابل اخذه ورد اخويه خفت ع ياسمين حيل ياسمين جانت مستعده تموت ولا تكول اتخله عن حلمي عدها اولويته تصير طبيبه وهسه قبلت تتخله يعني خلص ياسمين انكسرت مو هي القويه مادام تخلت عن حلمها
طلعنه من الغرفه وياسمين حاضنه الصوره وتبجي واني كلبي يتكطع ع ياسمين وهيف وع اخويه سامر الي الليل كله اسمع ونينه وعتابه لهيف يكوله خويه وين عايفني وماعليك خبر يردون يكتلونك واني عايش
ياسمين: طبعا اهل الولد جانو راكبين راسهم يكولون دم ابنه بدم ابنكم وبيتنه صار فاتحه بلا ميت
فجاه واحنه فوك سمعنا صوت صريخ قوي جوا نزلنه نركض شفت امي متخربطه وخالتي ام مينا تصحي بيها واختي منتهيه تكول ياخوي ياختي ياربي شختار وتصحي بامي تكولها يومه كعدي لاترحين انتي هم يومه نصدمنه اني ومينا من الموقف وغزل شجابها شوكت جتي هاي شديصير نزلنه نركض ع ماما وصوت صريخ الزلم بده يهدي شوي شوي وفجاه سمعت صوت سامر يعيط ويكولهم الرجال ح يموت من وراكم وناده ولج يومه مي مي عمي تخربط هنا اني رجليه حسيتهن وكفن ياربي اخوي وامي وابوي شلون يربي خوفه اكبر من الثانيه يربي دخيلك ركضت للاستقبال نسيت ملابسي وشعري ركضت ع ابويه روحي بهالدنيا لان ماما بدت تصحصح وتهذي تكول بنتي مانطيها اريد بنتي وابني رجعوهم عفت غزل يمها ودخلت من الهوسه نسيت كولشي نسيت نفسي ونسيت اختي غزل المادري شوكت جتي اصلا دخلت ووكعت ع رجل ابويه اتوسل بي يكعد ابوس برجله واتوسل كمت اصحي ببابا وبحكم اني حلمي اصير طبيبه اعرف كم شغله عن المهنه شفت ابويه ميصحه ركضت ع جنطه الاسعافات جبت كولونيا ابوي ماكو لاحس ولانفس قست نبضه جان ضعيف حيل صحه كوه وهو يلهث ويصيح بنتي وابني اريدهم اني من خوفي ع ابوي وامي مادري ليش يكولون بنتي وابني زين يابنيه هو شكو اصلا شفت سامر خلا شال ع راسي وغطاني بسترته انتبهت لنفسي واكفه بين زلم معكله بلا حجاب ودشداشتي نص ردن طلعت للمطبخ شفت امي وجها اصفر واختي تبجي منهاره وخاله تبجي ومينا تتوسل باحد يحجي طبيت للمطبخ نزعت الشال والستره ورحت ع امي
ياسمين: يومه حبيبتي بعد روحي شصاير الله يخليج احجيلي هيف شبي صايرله شي ليش كبت العيطه يومه احجي ابوس ايدج
الام: بنتي مانطيهم بنتي ولا انطي ابني اريد بنتي وابني جيبولي ابني وصارت تعيط حضنتها كتلها يومه شبيه بنتج يومه اني هنا واختي هنا يومه شصاير صدكيني هيف ح يرجع سالم اني احجي ودموعي عشره عشره كتلها يومه بداعت هيف احجي شكو شو امي زادت بالبجي وصارت تبجي وتشهك
خالتي ام مينا احجي حبابه
ام مينا: اوف يبنيتي ياياسو ولج يردون وحده من خوات هيف فصليه حتى يردون هيف ولج شننطي ولج يخيرونه بينج وبين اخوج
مينا: يومه اني اروح يومه ولله اروح فصليه ويردون هيف خاله سهى (ام ياسمين) لتبجين ولله شوفي هاهي ح تنحل اني اروح فصليه بس يردون هيف سالم
ام ياسمين: لج بنتي الفصليه مو هينه ولج شتحجين انتي شلون تضحين بروحج ع مودنه
ياسمين: هنا اني الصدمه وكفتني ضليت فاتحه عيوني وحلكي وساكته حسيت ع مينا تتوسل تروح فصليه ويرجعون هيف صرخت حيل
ياسمين: هششش اسكتو كافي خ نفهم صحت ساامر سامر تعال
اجه سامر
سامر مدنك راسه: ها ياسو
ياسمين: احجيلي شديصير بالاستقبال
سامر ووكعن دموعه: يردون فصليه حتى يرجعون هيف
ياسمين بين صدمه وخوفه وصدمه بقيت دقيقه ساكته صارت كدامي حياتي وعزي ودلالي وحلمي الي ديتحقق بعدين صحيت ع نذري من كلت اتخله عن حلمي ع مود اخوي وجاوبت بتردد وثقه بنفس الوقت: واني موافقه
سامر: ياسو انتي شتحجين ترا هاي مو لعبه كعدي وسكتي خ نشوف حل
ياسمين: كتلك موافقه صيح ابويه خ احاجي
ابو ياسمين: ميحتاج اني هنا
ياسمين: بابا اني موافقه اروح ويرجع اخويه
الاب: ياسو انتي بعدج صغيره والحياه كدامج وعن قريب تصيرين طبيبه شنو موافقه
ياسمين: بابا اني وعدت ربي انو اتخله حته عن حلم

ي ع مود اخويه وربي امتحني وخلالي هالفرصه ديشوفني صدك اوفي وعدي ولازم اوفي اني موافقه
الاب: بس بنتي
ياسمين: بلا بس بابا روح كلهم موافقين
العم علي: هاهي سالم دتكلك موافقه ع يش تصعب الامور
ياسمين: شكد كرهت عمي لان هيج بايعني حتى محاول يدافع عني ولا بكلمه اوف ياربي اوف
دخلو بابا وعمي علي وسامر للاستقبال واني رحت لحضن ماما اشهك وابجي وامي حالها من سوء الى اسوء عبالك عدنه فاتحه الكل يبجي والدنيا خانكتنه صارت الساعه بحدود ال٥ العصر طلعو الزلم وبقو عمامي وبابا وسامر وعمو ياسر(ابو مينا)
دخلنه كلنه للاستقبال
ام ياسمين: ها ابو هيف بشر شصار
ابو ياسمين: الصار يا ام هيف الصار انو هاهي اتفقو ياخذون ياسمين ويردون هيف💔
ياسمين: حسيت كلبي انعصر من كلمه ياخذون ياسمين اني القويه الجبل الطبيبه هيج ينتهي مستقبلي برمشه عين غمضت عيوني ماريد اتندم كولشي يهون لخاطر اهلي
بقو اهلي يبجون عمامي كالو ترا باجر ياخذون ياسمين ويردون هيف جهزوها
كرهت عمامي حيل من شفتهم بايعيني حتى ماكلفو نفسهم يواسونه ابدد صعدت لغرفتي ومينا صعدت وياي واني ابجي احس الدنيا خانكتني حضنت مينا وطكيت بجي وهي تبجي ع بجيتي ونشهك واثنينه بالكاع قويت نفسي باجر ب٨ الصبح اروح ع مود نلحك نوصل لديرتهم قويت نفسي وطلعت جنطه اصفط بيها ملابسي وابجي ومينا هم تصفط بالغراض ومنهاره حضنتها وبقينه نبجي صعدو ماما وخاله لمياء(ام مينا) يبجن كعدن حضنونه و ع فد بجيه اربعتنه كملت غراضي وامي بقت يمي هي ومينا نمت بحضن امي ومينا بصفي لازم ايدها واثلاثتنه نبجي ضلت ماما تقرا ع راسنه وتدعي وتبجي الى ان صارت ب١٢ واني نمت ومينا هم نامت فزيت ع صوت اذان الفجر كمت مينا نايمه وماما ماكو اكيد نزلت جوا رحت توضيت وصليت وكعدت ادعي يارب يارب انت اعلم بحالي يارب اني عبدك لاحول ولاقوه يارب حنن الكلوب عليه واوكفلي وساندني يارب يارب اني بضيجه واليوكع بضيجه يكول يالله يارب ارحم بحالي يارب بقيت اقره قران لحد ساعه ٦ دخلت ماما
الام هي وتبجي: ها بنيتي كاعده
ياسمين: اي يومه كاعده شلونج
الام: شلوني ييومه اني راح اودع ضناي واعرف بي رايح لمكان يتاذه
حضنت امي وبقينه نبجي نزلنه جوا تريكت وعمامي كالو يلا نروح ودعت امي وخاله لمياء وغزل حبيبتي انهارت عليه وبابا وعمو ياسر وسامر ومينا بقت نص ساعه حاضنتني وتبجي بلا وعي تعيط بالشارع تكول اخذوني وياها نروح فصليتين شفتها منهاره هديتها وصعدت بسياره عمي ورحنه طريق طوووويل طويل حيل تقريبا ٥ ساعات بقينا نمشي والطريق ازدحام واني بس ابجي واخيرا وكفت السياره عرفت وصلت وصلت لمقبرتي مسحت دموعي كلت لازم اصير قويه وارفع راس ابوي بتربيتي
..............................................................
يتبع...

البارت الثالث

وكفت السياره عرفت وصلنه
ياسمين: عمو احنه وين
العم: احنه بالبصره يلا بنتي نزلي
ياسمين: اني ادرري انو عمامي هم ساكنين بالبصره واختي غزل هم هنا هي وزوجها ارتاحيت شوي لان عندي اقارب بالمحافضه مو وحيده بعدين تذكرت اوووف منو يكول همه ح يخلوني اشوف اهلي يربيييييي ساعدني نزلت من السياره واني مدنجه سمعت صوت رجال جبير
الرجل: اهلا تفضلو اتفضل ابو حسن
دخلنه جوا بيت جبير جبير عبالك قصررر مو هيج يعني بدون مبالغه يطلع مساحته الف متر او اكثر من عدا الحديقه والزرع والكراج اوي ديله اني شعليه
دخلنه لاستقبال كولش جبير ومابي تخم بس فراش بالكاع اشر الرجل لعمي يعني نكعد كعد عمي وكال كعدي يابه كعدت واني غصب عني دمعتي وكعت من عيني بعدين دخلو ولد ٤ يطلع عمرهم ثلاثينات او اقل ميتعدون ال٣٨ وهيج سمعت الرجل الجبير كال
الرجل: ابني احمد دخل الشيخ وتعالو
الولد: حاضر شيخنا
ورا شوي دخل نفس الولد السمو احمد وويا رجل شيخ طبعا ني ممنتبه عليهم بس اشوف رجلوهم لان مدنجه واسمع اصواتهم
كعد الشيخ كال يله نعقدلهم اني كلبي انعصر وضليت ابجي سئلني الشيخ واني اجاوب وكلبي يوجعني ودموعي موكفن وراها بدا الشيخ يسال الولد عرفت اسمه احمد وعمره ٢٨ اوف ياربي ساعدني اسمع صوته من يحجي خشن اكيد عصبي اوف يربي
..............................................................
احمد...
مرحبا اني احمد عمري ٢٨ خريج هندسه ابن الشيخ مؤيد شيخ عشيره(......) عندي ٦ اخوان و٤ خوات اخواني همه رسول ٤٢ سنه مزوج ومخلف ومحمد٤٠ سنه هم مزوج ومخلف وطه٣٥ سنه مزوج ومخلف ومصطفى٣٢ سنه خاطب بنت عمي وبعدهم اني٢٨ واخوي الصغير صادق عمره ٢١ خاطب بنت عمي عن حب وكاطعين مهر طبعا بيني وبين صادق بنات ٣ الي همه سلمى ٢٧ متزوجه ومريم ٢٥ متزوجه وفاطمه٢٣ مخطوبه وراها صادق والصغيره المدلله ناز حته اسمها يختلف عنه لان هاي مدللت ابوي حيل مدلله مو مثل خواتي ملتزمات بالعادات هي ع هواها لان الشيخ مؤيد مدللها حيل عمرها ١٨ سنه وانوب كملت هالسنه سادس وطلعت معدل يدخلها طب بجامعه البصره وزاد الدلال ع انها الدكتوره مال العيله طبعا ناز حيل محبوبه ونازكه وتضحك الهوا واحنه كلنه نموت عليها وهي مستغله حبنه والدلال بطلباتها اويلي شكد تطلب بس لازم طلباتها مجابه لان نحبها حيل😂 المهم مرا اخوي صادق طالع لبغداد يشتري ملابس وثاني يوم الضهر وصلنه خبر انو صادق مات شنو شلون محد يدري تخبلنه سالنه كالو اندعم ومات تخبلنه اتفقنه وي جماعه عدنه يحجزون القاتل راسا طلع ولد شاب كلت اكيد طايش بس اشوفه اخلي طلقه براسه بس هدوني اخواني المهم اهل الولد كالو تعالو ونتفق ثاني يوم ركبنا سياراتنه والبيت كله يبجي خواتي ونسوان اخوتي وامي اجتمعو ويبجون والعالم رايحه وجايه وصلنه للعاصمه رحنه لبيت القاتل لكينه حالهم اتعس من حالنه كالو شتردون احنه حاضرين كنالهم نريد دم ابنكم تخبلو اخر شي واحد من زلام عشيرتنه كال ناخذ منهم فصليه مره ونفض الموضوع والحال انكلب الاب تخربط واسمعنا عياط من داخل البيت يمكن الام هم تخربطت وبعدها فاجئتنه بنيه مثل الحوريه نزلت للاستقبال وتبجي هي ودشداشتها الحرير وشعرها الاشقر وعيونها وجسمها وطولها كعدت تبوس رجل ابوها واني عيني عليها شهالجمال يربي شنو هاي رغم اني لمحت وجها ثانيه وحده بس كددرت اشوف جمالها صارت تصحي بابوها وميكعد ركضت جابت علبه اسعافات وتشمم ابوها كولونيا ومصحه قاست نبضه وصاحت سااامر النبض حيل ضعيف كلت يجوز دكتوره بس يربي هي حيل صغيره مو مال دكتوره يجوز بعدها تدرس والولد الي اسمه سامر غطه راسها بشال ونزع سترته لبسها وكلها دخلي عيب من الزلم دخلت جوا واني عيني تلوحكها دوهنتني هالبنيه حته وهي غاصه بالبجي حلوه تخبل شفايفها حمرا وعيونها وخشمها حمر وطاكه بجي المهم خلصنه واتفقنه ع فصليه من رجعنه ابوي الشيخ مؤيد كال الفصليه الك احمد اني انصدمت شنو الي شلون اني ماحب هيج امور يربي طول عمري احلم احب بنيه واتزوجها اني مثقف ومهندس شنو اخذ فصليه اوف هذا هم قهر من الدنيا بس شسوي قدري سكتت وقبلت وثاني يوم الضهر تقريبا وصلو هي وعمامها مشفت كولشي منها جانت منزله راسها وبس دموعها توكع جبت سيد ديعقدلنه عرفت اسمها ياسمين وعمرها ١٩ شكد انقهرت عليها خطيه يجوز هي بالكليه جان صوتها مبين مال وحده تبجي وتحجي متت قهر بس سكتت كملنه عقد والشيخ مؤيد كال دخلوها جوا يم النسوان
ياسمين: الرجل الجبير صاح ام حميد ام حميد اجت مرا متوسطه العمر كالتله امر شيخ كالها اخذي البنيه يم النساوين اجتي المرا اني ودعت عمامي ورحت وي المرا الاسمها ام حميد محجينه شي ابد وصلتني يم مطبخ جانت بمقدمته مرا جبيره وبيدها عكازه ووراها كووووومه بنات ونسوان وجهالل عزا هاي شنو صدك اخترعت رفعت راسي واني دموعي تصب صحت بكلبي يارب ساعدني جانن البنات واكفات لاهنه اتقدمن ولا اني فززني صوت المرا الجبيره وهي كالت تعالي هنا واشرت لمكان بصفها واني بتردد رحت يمها ومحجيت اي شي
الشيخه: شوفي ب

نتي اني الشيخه نهله وام رجلج وهذيله بناتي وجنايني سامعتني
اني بس اهز براسي وابجي بلا صوت
الشيخه: فاطمه ناز وينجن تعالن خذن البنيه لغرفتها ترتاح
اني اطمنت كلت اي يارب ماكو مشاكل وكطع فرحتي صوت بنيه وهي تصيح
البنيه: ترتاح مو ترتاح المجرمه بنت المجرمين الله ليوفقج وليوفق اهلج يابنت الزنا حرمتيني من رجلي وحبيبي كبل مانفرح بعرسنه الله لينطيج وليوريج الخير ان شالله واجت بتجاهي وهي كلها نار ولزمت شعري حيل من فوك الحجاب وجرت راسي
البنيه: انتي هنا خدامه يا..... يابنت المجرمين راحه ماكو الج فاهمه ونوم تنامين بالمطبخ عسا ان شالله الله ياخذج اليوم كبل باجر
اني متت من البجي اني المدلله هيج يصير بيه اوف ربي وجان تعيط الشيخه نهله
الشيخه: ولج فرحه شني جنج ماتهابيني ولاتعتبرينلي وجود هدي راس الحرمه لا املص راسج من ركبتج يلا انكشري جوا الله ليبارك بيج امشي
بقيت ابجي بحركه ووكعت بالكاع ابجي اتقدمت الشيخه عليه
الشيخه: بنتي كومي كومي هذي مرت المرحوم اعذريها كلبها محروك ع زلمتها الماتهنت بي عذريها ومسحيها بيه بنيتي لا انتي ولا اخوج الكم يد بالي صار الصار يابنتي قدر واخوج جان الوسيله لتحقيق هذا القدر وابني من مات ما مات مقتول مات مسحوك يابنيتي وانتم مالكم ذنب لاتبجين اعتبرينه هلج فطين وناز ودوها غسلولها يمه يلا
ناز: اي ماما تدللي
يله يبنيه كومي خ نغسلج وجهج وبسج بجي يكولون اليبجي هواي يصير بوجها تجاعيد كومي
ياسمين: فاجئتني البنيه الشالتني جانت تضحك وتسولف ولا جن اخوها ميت لان كالت الشيخه نهله ماما يعني بنتها والشيخه كالت انو الميت ابنها يعني هذن اخوات الميت وحده من الشالني تبجي ومقهوره حقها اخوها بس الثانيه مبينه صغيره جانت عاديه تسولف بس عيونها بيها دموع يجوز متحب تبجي كبال احد اوي اني شعليه
ودني البنات الي هنه فاطمه وناز واني ماعرف ياهي فاطمه وياهي ناز دخلنه لغرفه تخببببل بكل معنى الكلمه وبيها باب كالت البنيه الصغيره يبنيه دخلي غسلي وطلعي ع مود نحجي شوي اني استغربت يربي هالبنيه شو ماجن اخوها الميت؟؟ المهم دخلت غسلت وجهي وطلعت للبنات شفت بس البنيه الصغيره الي تسولف الثانيه الي بس تبجي ماكو
ناز: هلو اكلج اني اسمي ناز انتي شسمج
ياسمين بغصه: يا ياسمين
ناز: الللله اسمج يخبل
ياسمين: واسمج هم
ناز:انتي شكد عمرج
ياسمين: عمري ١٩ سنه
ناز: هااا يعني اكبر مني بسنه اني ١٨ انتي اكيد بالكليه
ياسمين نهاريت ع حجايتها تذكرت حلمي الي تلاشى
ياسمين بغصه وقهر: لا اني عدت تحسين معدل ف هالسنه نجحت من السادس
ناز: ياا يعني اني وياج اثنينه هالسنه تخرجنه من السادس اكولج شطلعتي معدل
ياسمين وهي تبجي بحركه: طلعت طب 😢
ناز: لالاهيج هواي لج حته اني طب هلا هلا دكتورات اثنينن
ياسمين: قصدج وحده لان اني خلص انتهت حياتي
ناز: لتحجين هيج احنه مو وحوش واخويه احمد احم يعني رجلج مثقف وواعي ومهندس معروف والا اسمه واكيد راح يخليج تكملين طب وياي
ياسمي:من سمعت حجيها صراحه شوي ارتاحيت بس بقت غصه بقلبي اريد اعرف شصار لهيف وينه هسه
ياسمين: ناز ممكن اريد جنطتي اريد ابدل بس ماندل وين خلوها
ناز: امم منو شالها؟؟
ياسمين: المرا الدخلتني للمطبخ
ناز: هااا يعني خاله فتوح (ام حميد)
ياسمين: مادري
ناز: اوك فد دقيقه وتوصلج الجنطه ح انزل اكولهم واطقس الوضع واجيج بين متبدلين اوك حب
ياسمين:اوك!
.................................................................
يتبع...

الرابع

جابولي الجنطه غيرت ملابسي ودموعي موكفن ندكت الباب فتحت القفل وفتحتها جانت ناز كتلها تفضلي دخلت للغرفه كعدت ع سرير
ناز: اكولج ياسمين شدعوه هلكد حلوه انتي
ياسمين: اشكرج انتي هم حلوه
ناز: هههههههه اي ادري بيه اخبل
ياسمين: ههه😢
ناز: اكولج كافي قهر شدعوه هو اني اخت الميت مابجيت بكدج لتخافين شبيج اعتبرينه اهلج واني اختج😎بربج عندج هيج اخت حلوه☻
ياسمين: صدك عود ليش متبجين ع اخوج
ناز: اني وصادق علاقتنه رسميه شلونج وشلونك جان يضوج مني لان اهلي مدلليني وحته جان يرزلني ويحجي علي واني ماحب اضوج نفسي وابجي ع مود لتطلعلي تجاعيد 😂
ياسمين: تفاجئت بحجيها بس غلست لان اني شعليه شدخلني بيها واحجي
ناز: اهووو لضلين ساكته احجي شبيج
ياسمين: شحجي يعني
ناز: اممم انتي وحيده بس اخ عندج؟؟
ياسمين: لا عندي اخت هنا عايشه اسمها غزل
ناز: صدك اسمها يجنن
ياسمين: تسلمين
ناز: اي وبعد
ياسمين بقهر: اي وهيف الي ماعرف حاله هسه اهلج هدو لو بعد
ناز: ها يعني هو ال يعني شسمه هو ابو السياره
ياسمين: اي هو😢
ناز: اوف الله يعينكم اني راح اتاكد واجيج اكولج طلع لو بعده
ياسمين: حضنتها شكرا ناز شكرا جزيلا
ناز: دوخري لادفرج تشكرني ام حلك احنه خوات منا وجاي لان اني ماعندي خواتي كلهن مزوجات وفاطمه هم مخطوبه وتزوج وتروح فهمتي ف بعد ماكو هالرسميات فااااهمه
ياسمين: حاضر
ناز: يلا حب باي
ياسمين بقهر: باي
ياسمين: طلعت ناز وبقيت وحدي بالغرفه خفت لتجي هاي البنيه تضربني وفعلا قاطع تفكيري فتحت الباب بقوه والبنيه الضربتني هي فتحتها وتقربت عليه وجرتني من شعري
فرح( مرت صادق) او خطيبته: لج شو كاعده اني مو كتلج انتي خدامه ياحقيره يا.... يا...... يابنت الشوارع....يابنت المجرمين
ياسمين: بقت تضرب بيه واني اعيط واصيح هلست شعري وشككت ملابسي وتضرب بيه وفجاه صارو البنات بالغرفه والشيخه تعيط ع فرح وفجاه صوت مرعب وبنفس اللحضه راشدي وبنفس اللحضه صرخت فرح
انداريت شفت ولد عاط بيهن وضرب فرح راشدي
احمد: اسمعيني لج قسما بمن احل القسم اكسر ايدج اذا مديتيها عليها فاهمه منا وجاي هاي زوجتي تحترميها ورجلج ع ركبتج فاهمه وهي متجاوب صاح فااااااهمه كالت فاهمه فاهمه وراحت تبجي عرفت هذا رجلي اوف يربي شكد عيب شكد خجلت واني هدومي كلها مشككه وشعري مملخ جنت نايمه ع ارض اون من الاذيه جان يوخر البنات ويجي يشيلني من تحت راسي ومن تحت ركبت رجلي وحطني ع سرير وطلع
اني هنا لا اسمع لا ارى لا اتكلم مدري ابجي من الوجع مدري مصدومه من الموقف والبنات متفاجآت ويضحكن
احمد.....
دخلت للبيت واني عاقد ع وحده مشايفها اوف يربي رحت يم الشيخه كالتلي انو صعدت فوك هي وناز نزلت ناز كالت تريد جنطتها كتلها هسه اجيبها وبعدني توني طلعت من المطبخ واسمع صوت بنيه تصيح وتعيط وصوت فرحه تسب وتشتم عرفت هاي فرح تكتل بالفصليه ركضن البنات وركضت وراهن صعدت شفت البنات مبتعدات وفرحه مستمره بالضرب والبنيه تعييط اني صرخت وجريت فرحه ضربتها راشدي بكل قوتي وهددتها وطردتها من الغرفه ونداريت وهنا الصدمه😨 نفس الحوريه الطبت تبوس برجل ابوها بالاستقبال نايمه ع الارض وشعرها مهلس وملابسها مشككه وتبجي وتون ورغم هذا حلوه كسرت خاطري شلتها خليتها ع سرير واني ممصدك هاي الحوريه مرتي تصير لا يالله شمسوي قابل نزلت جوا وحجيت وي فرحه حتى متعيد هذا التصرف
احمد: فرحه سمعيني زين قسما بمن احل القسم احرم عليج فوتت هالبيت هاي الفوك مرتي سامعه لو لا متصير خدامه لاحد
فرح: بس هاي فصليه
احمد: اشش احنه الي نقرر هاي فصليه لو لا مو انتي ترا ساكت عنج لان جرحج جديد ع رجلج ومن حقج بس مرتي معليج بيها
عفتها وطلعت للبستان كعدت يم نخله وصفنت معقوله هاي الحلوه الشغلت بالي ببيت الولد الدعم صادق صارت مرتي تذكرت اسمها ياسمين وعمرها ١٩ خطيه حلوه بس ماعدها حظ
ياسمين.....
بعد الصار ناز وبنات ٣ وياها غسلو وجهي وايدي ولبسوني ملابس نضيفه وكعدت وحده من البنات مبينه اكبرهن تقرا ع راسي لان جنت اون من البجي هي تقرا وتبجي
لزمت ايدها ورفعت راسي كتلهم
ياسمين: ولله اني معليه حتى اخويه هيف معليه اخويه جان ديسوق وصار القدر واندعم اخوكم ومات ولله حتى بابا وهيف ركضو بي للمشفى بس مالحكو عليه كان هذا قدره وقدرنه سامحوني الله يخليكم
سلمى: كسرت خاطري هالبنيه حيلل مالها ذنب وبعدها صغيره ع التعب
سلمى: ولايهمج حبيبتي ندري انتو مالكم ذنب كالتلج الشيخه ترا هو قدر وانتو وسيله لتحقيقه
مريم: اي حبيبتي كافي هدي لتبجين
فاطمه: يلا خ نطلع وانتي نامي وناز ضلي يمها
ناز: بلا متكولين ماعوفها
فاطمه: اوك
ياسمين...
طلعو البنات وبقت بس ناز جانت بريئه وتحاول تضحكني بس مالي واهس
ناز....
اريد اضحكها بس خطيه بس تبجي وتشهك كلت لازم اعرف خبر ع اخوها هيف نزلت جوا وكلت لفاطمه صعدي يمها
ناز: فطيم صعدي يم البنيه اني راح اشغل نفسي
فاطمه: اويلي ربي شحسوين منو ح يبتلي
ناز: لتخافين محد بالعكس داسوي شي لياسمين
فاطمه: اويلي من الاستخبارات الام

ريكيه يلا روحي اني صاعده
ناز: رحت يم الشيخ مؤيد واحمد كاعدين كعدت يمهم اي ياشيخنا
الشيخ مؤيد: هلا بروح ابوها
ناز: هلا بعيون بنته
احمد: احم ياقوم نحن هنا😐
ناز: وشنسويلك
ناز: اي بابا حبيبي شسويتو ع موضوع هيف اخو ياسمين
الشيخ: اي بنتي بس ليش تسئلين
ناز: اه عفا عليك بابا اني نزنوز بنتك هيج تعز علي الكلمه عندك ترا زعلت
الشيخ: ولج شنو اليغله عليج ياعز بنيه بنتي هاهي الولد راح لاهله ليضلج بال بس ليش تسئلين
ناز بمكر😈: لا بس خفت خاف تقتلو وتصيرون مجرمين وبرطمت شفايفي
الشيخ: لا بويه لا مو احنه النقتل يلا كومي بنيتي تا يدخلون الزلام
ناز: تدلل بابا
ناز.....
طلعت ركض بوجهي لغرفه ياسمين دخلت وسديت الباب وبقيت اتنفس بسرعه
فاطمه: عزا العزاج شسويتي انوب
ناز: اوكفي اوكفي خ اتنفس
فاطمه: يلا تنفسي خاتون
ناز: ترا هيف وصل لاهله سالم غانم مثل الحصان ياسمين ليضل بالج
ياسمين: طرت من الفرحه كمزت حضنت ناز
ياسمين: اشكرج اشكرج ياحله بنيه بالدنيا
ناز: ولي زعلت😐
ياسمين: ليشش
ناز: مو كتلج احنه خوات ماريد رسميا
ياسمين: صار ياحله اخت وحضنتها وجتي فاطمه
فاطمه: احممم وانيييي
ياسمين: تعالييي😻
ياسمين.... بقيت ١٠ ايام اني علاقتي كولش رسميه وي الاهل بس فاطمه وناز صارن حيل صديقاتي اما سلمى ومريم كل وحده راحت لرجلها وبيتها واني وفاطمه وناز حته ع الاكل مرات ناكل وحدنه نطلع حجه لان اني استحي اكعد يمهم والشيخه حيل حبابه وياي اما احمد الي هو رجلي ماشفته من يوم الحادثه
الفجر كعدت اريد اتوضه واصلي توضيت وصليت وطلعت انزل اشرب مي وجانت ضلمه ونضربت بصدر شخص حسيته عاري لان شعر صدره لامس وجهي تخبلت صحت انت منو هو كال منو انتيي
ياسمين: انت منوو
احمد: اني احمد يمعوده انتي منو احجي
ياسمين بتلعثم وتوتر وخوف: اااا ااا اني يا ياسمين
احمد بصدمه وتوتر: اها ا اهلا لحضه اشغل الضو
ياسمين: اوك
راح شغل الضو عزا لو ممشغله احسن جان لابس بس البجامه مال تراك وصدره عاري وشعره مبلل يمكن سابح او شي نزلت عيني من عليه بساع حته ماشفت ملامحه
احمد: ها ياسمين خير محتاجه شي؟؟
ياسمين: بس ردت انزل اشرب مي
احمد: اها اوك اني لحضه البس وانزل للمطبخ هم
ياسمين: اوك!!!
احمد بدل واجه بثواني بكلبي كلت شنوو شبساع بس سكتت اتلافيت الموضوع شربت مي وداطع سمعت صوته من ورايه
احمد: بلا امر عليج انتي تعرفين تسوين ريوك؟؟
ياسمين بتلعثم: ها شنو لا اي يعني شسمه
احمد: بس اهدي عادي اذا متعرفين مابيها شي
ياسمين: لا اعرف بس
احمد: بس شنو
ياسمين: ماندل الاماكن
احمد: اني ادليج
ياسمين: اي بس شسويلك؟
احمد: سوي بيض وجاي
ياسمين: اوك
ياسمين: اني احجي ومارفع عيني عليه ابدد
احمد:ها ياسمين كملتي؟؟
ياسمين: بس لحضه
احمد: شنو شدسوين ليش هيج واكفه
ياسمين بخجل: مادري الجاي وين
احمد: ذاك هو فوك بالملحق
ياسمين: رغم اني طويله بس مالحت الجاي واستحيت اكله
احمد: شفتها متلوحه وتستحي اتقدمت اناولها العلبه وطخيت بيها وهي رجفت وابتعدت اني اتلافيت الموضوع انطيتها الجاي ووخرت

يتبع.....

الخامس

ياسمين....
نطاني الجاي ورجف جسمي من طخ بيه مادري يمكن لان اول مرا اكون قريبه من ولد وخاصه بوضعنه احنه
الحمدلله مر شهر والبيت هدوء واني حيل مشتاقه لاهلي ماعرف عنهم شي ابد بس ناز وفاطمه صارن خواتي خطيه فاطمه تاجل زواجها ع مود وفاه اخوها وناز المخبله كاعده تكول ماتزوج الا عن حب ماخذ واحد من ولد عمي الجلح وطبعا الشيخ ميرفضلها طلب ينتضرها تحب وتزوج😂😂 واني مشفت البنيه الاسمها فرح الي هي خطيبه صادق الله يررحمه مجتي بس ياربي اليوم الاربعين مال صادق والكل ح يجتمعون اوف بس لا تجي
ام حميد: بنات بنات يلا ياسو نزنوز كومن ساعه ٦ يادوبك نلحك ع الخطار فضنها يلاا
ياسمين: اي خاله دقيقه ونجي
ناز: اهووو بعد وكت انتو موجودين احنه شباب نريد نام
ياسمين: دكومي لج عيب العالم شتكول اخت الميت ونايمه عايفه الاربعين
ناز: اوي و خ يحجون ميهمني
ياسمين: دكومي اخاف انزل وحدي خاف فرح موجوده
ناز:اهووو اي هاي الصعلوكه اكيد جوا هف ترا ياسو من هسه اكولج اقل حركه اكفشها اني
ياسمين: ناز اجفي الشر وكومي معلينه بيها
ناز: اي ديله كمت وخري
ياسمين.....
طبعا اني وناز صرنه ننام بغرفه وحده والاهل كلهم زينين وياي بس مرات اشوف الشيخ عيونه تدمع من يشوفني هم حقه اخوي دعم ابنه ومات بس خطيه ولا مرا حسسني او سمعني حجايه لا هو ولا الشيخه ولا البنات
نزلنه جوا وعالم هواي موجوده تفاجئت ساعه ٦ صبح ذوله شوكت كعدو شوكت جوي غلست اوي اني شعليه مشينه شوي رحنه صبحنه ع الشيخه وشفت كاعده فرح ويمها مرا شوي جبيره وبنيه شابه كلت اويلي ذن اكيد امها واختها لان يشابهن ثلاثتهن اووف ياربي
التهينه بالشغل والتنضيف والطبخ والعالم صارت تجي وصبينه الاكل دخلت للاستقبال يم النسوان
ام فرح: لج انتي الخدامه الفصليه كومي جيبي مي شو جايه بكل عين صلفه تكعدين يمنه انكشري يلا الله ليبارك بيج مجرمه بنت المجرمين
ياسمين: سمعت حجيها جان عبالك خنجر بقلبي بس سكتت وشفت النسوان تباوع الي بعينها شفقه والي بعينها حقد طلعت جبت مي ورجعت انطي الها
ياسمين: تفضلي خاله
ام فرح: عمه بعينج اي ولله خاله شنو لج كولي شيخه لو اهلج مربوج تحترمين اي اكيد همه المجرمين شيربون وجان تشمر المي بوجهي وانكب كله عليه وكعت دمعتي وطلعت اركض ووكفني صوت الشيخه نهله
الشيخه: ام اسامه شو جنج ماتهابين احد لا انتي ولا بنتج انتي شنو تهينين جنتي كدام الناس وببيتها بيت رجلها هاي جنتي حالها حال اميه وسميره فاهمه لو لا
ام فرح: بس شيخه
الشيخه: بلا بس وما بس اسكتي وكعدي انتي وبناتج
ياسمين: رحت للمطبخ ابجي وناز فوك متدري شكو بقيت ابجي بحركه وجان يجن فرح وميسون (اخت فرح):لج يادب سز امنه تنهان من وراج كدام النسوان ولله لنوريج
وصارن فوكاي وبقن يضربن بيه واني اعيط واجن النسوان يوخروهن عني ونزلت ناز تركض جان تكمز وتجر ميسون وفرح من شعرهن وتضربهن راس براس الا داخن واني مدري ابجي من الالم والموقف مدري اضحك على حركه ناز الي مصدكت وجتي تكتلهن ناز شرسه دفعتهن حيل وكعتهن بالكاع وصارت صيحه بالمطبخ بسببها عم الهدوء وضل بس صوت بجيي مسموع صرخ احمد اي رجلي صرخ حيل كال هاي شنو كامت ناز وهي مبرطمه
ناز بمكر😈: اهئ اهئ شفت حمودي شلون بنات عمك يضربني اني ومرتك حبيبتك اهئ وحضنت احمد واني متفاجئه من حجيها عزا العزاج ناز
احمد: فرح وميسون اقسم بمن احل القسم وهذا اخر انذار ان ماعتذرتن هسه من مرتي ومن ناز مالجن فوته للبيت سامعات لو لا
ام فرح: اه ولك احمد تذل بناتي ع مود فصليه خدامه
احمد وهو صاك سنونه : خاله هذي مرتي اخر مره اكول ترا اشوفكم شي مايعجبكم
ام فرح: امشن امشن نروح لبيتنه بعد مالنه فوته لهالبيت
ناز: ده كان احسن الله وياجن
الشيخه: ناز سدي حلكج
ناز بمكر😈: اهئ ماما شوفي خربن شعري الحقيرات اهئئئ
الشيخه: عسى ايدهن بالكطع يومه صعدي رتبي دنكمل العزا واخذي مريت اخوج وياج بنيتي
ناز: يلا ياسو كومي
سندتني وكومتني واجه احمد يساعدها لان اني اطول منها سندوني واني عضامي متكسره الله ليوفقهن صعدوني لغرفتي
احمد: نزنوز ممكن احجي وياها شوي
ناز: اي اكيد اصلا اني ح اروح اغسل وجهي وايدي
احمد: شكرا حبيبتي
ناز: بالخدمه😝😉😉
احمد: ياسمين اني اسف اعتذر بالنيابه عنهن ولله ترا هنه كلبهن محروك ع صادق لان فرح حيل تحب صادق من وهي طفله
ياسمين بتعب: اي ميخالف الله يساعدها
احمد: يلا عيني اذا احتاجيتي شي لتترددين اني موجود
ياسمين: اشكرك
ياسمين...
تعجبت عليه و ع حجيه صدك طلع فاهم وواعي شلون اجه اعتذر مني
احمد....
مر شهر وياسمين عادي موجوده بس شوي صارت احسن تضحك تسولف مرات تنزل ع الاكل تاكل اني اراقبها بالخفيه مادري ليش ارتاح من اشوفها تضحك اضحك ع ضحكتها مرات اشوفها تبجي بحضن ناز مشتاقه لاهلها انقهر عليها حيل بس ماباليد حيله شسوي وابقه ساكت اتابعها من تساعد خاله ام حميد ومن تطبخ شكد نازكه وحلوه وقلبها مثل القطن ناز حيل مرتاحه وياها وتحبها هو حته اني مرتاح بوجودها وهي اصلا محاجيه وياي عبالك

دوه مال راحه😂😂
ناز....
اراقب نضرات اخوي لياسو حسيته معجب اخذت وعد ع نفسي الا اجمعهم😈 وناز من توعد توفي اني الشيخه ناز الا اجمعهم لا اوي شنو هاي شيخه ناز اني نزنوز😂😂
ياسمين....
خلصت الاربعين ع خير ومر اسبوع اجتني ناز تركض
ياسمين: اويلي شصخمتي هالمرا
ناز: عزااا الحكيلي
ياسمين: لج شكوو
ناز: لج اني نزنوز بعضمتي وجلالتي هيج يصير بيه
ياسمين بصدمه: لج شكووووو
ناز: ضايجه🙂🙂
ياسمين: ناز اطلعي برا
ناز: اهوو ولله ضايجه شبييج
ياسمين: شتريدين اركصلج وسم
ناز: لالا عندي فكره افضل شسوي بركصج
ياسمين: وهي؟؟
ناز بمكر😈: اروح شوي ادلع للشيخ ولرجلج واجي
ياسمين: من كالت رجلج مدري احساس غريب مادري هو رجلي لو مو رجلي بس احساس مادري شنو هو من حجت هالكلمه
طلعت ناز وراحت واني بقيت كاعده
ناز...
ضجت وماعرف شسوي لازم اخلي احمد وياسمين شوي يلتقون ميصير هيج كل واحد بصوب واني متاكده احمد معجب بياسمين
رحت للشيخ واحمد
طبعا نسيت اكولكم اخواني الكبار كل واحد ببيت ف يعني بس احمد الي يدللني ويطلعني ويفرفرني
رحتلهم وكعدت بين الشيخ واحمد
ناز: شوي شوي عيني خ اكعد بين حبايب قلبي
الشيخ: هلا هلا بالزين
احمد: اهو اجتي المصلحجيه
ناز بدلع: اه اه شوف شيخ شوف شلون يحجي عليه كدامك
الشيخ: ولك احمد هذي الحبيبه لو تطلب العين تاخذها
احمد: اي عيني ليش لا
ناز بدلع: اي طبعا
ناز: بابا حبيبي شيخنه العزيز ممكن طلب
الشيخ: عيوني الج كولي بابا
ناز بمكر😈: بابا ضيجانه واريد اطلع افتر شوي واشتري ملابس حباب حباب
الشيخ: غالي والطلب رخيص تدللي العصر ياخذج اخوج احمد
ناز: بس يعني
الشيخ: كولي بنيتي
ناز: خ اخذ ياسمين خطيه نفسيتها زفت ومشتاقه لاهلها بس تبجي بلكي شوي تتونس
الشيخ: اي بابا ليش لا اخذيها
ناز: كمزت ع ابوها بابا الحلو الحباب شكراا
احمد: يمعود شيخنا هاي بس ناز هيج 😑
الشيخ: شعندي غيرها
احمد: جا واحنه مانملي العين
الشيخ: تملوها وليدي بس هاي بنيتي الصغيره المدلله
احمد: يابه شوفها صارت جنها حيطه ياصغيره
الشيخ: شما تكبر تبقه بعيني الصغيره المدلله
احمد: اي ليش لا
ناز: غيووووووور
احمد: ولج عزا بعينج احنه شيوخ يويل احترمي شوي
ناز: اهئ بابا شوووووف ترا حتى اني شيخه ها
احمد: عزا ضاعت المشيخه اذا انتي شيخه😨😨
ناز: مو صوجك اصلا اني فخر للمشيخه الشيخه نزنوز
احمد: بضكه عاليه: شيخه نزنوز مو
ناز: شخصيا😌
احمد: دروحي يلا تجهزو ع مود اخذجن
ناز وهي تكرص بخدود احمد: يومه يومه شيخي الحلو دقايق ونجهز
احمد: دقايق شنو لج ساعه ٣ عودك ب٤ نطلع
ناز: اي خوش🙂
ناز....
رحت ركض لياسمين
ناز: ياسوووووووووو
ياسمين: لج ووجع شبيج شنو طرشه
ناز: بساع بساع حضري ملابسج ح نطلع يله احمد يكول خمس دقايق
ياسمين: لج ساعه ٣ انتي شتحجين بعد وكت ووين طالعين اصلا
ناز: اهووو دكومي خ نتونس
ياسمين: ماشي وخري خ اطلع ملابس
ناز: يلا
بدلنه ونزلنه
ناز: يلا احمد يلا خ نطلع
احمد: لج انتي شنو مو كتلج ب٤
ناز:مو ياسمين كالت خ نطلع من وكت تريد تفتر ضايجه
ياسمين: بس
وعستني ناز ع مود اسكت
احمد: ها اوك يلا لعد تعالو
ناز: هييييي
احمد: وجع ووجع شنو طفله لج كبري شوي
الشيخه: ولك احمد عوف اختك شتريد منها
احمد: اويلي يابه اسفين ولله منعيدها
ناز: احسنلك😈
وطلعنه
..................................................................

يتبع....

هههه..عادي حبي و هي بودرات اللي تنحط وي الماي ..مثل ابو تاج وغيره
هاي تسوي ابيض فدمرة😅🤦‍♀ لو وردي فدمرة

فاخذيلج باودرات مضغوطة..مثل دالي لو جوردن لو كاترس لو نوت ..هذيني زينات ومتنحط بماي ومن تخليهن عل بشرة عبالك طبيعي
بس كون قبل بالبدايه تخلين مرطب وبعده واقي وبعدين باودر🙃

#ملوكه

عيوني اذا حبوب بيضة فهذيني دهنية واذا حمرة من حرارة والاكل وخربطات الجسم

فعادي يرحن ويجن😅🌚 لاتهتمين

#ملوكه

حبي كون تسالين من اللي مختص بالزرع وهالسوالف

لان اني سامعه اكو بيهم يخلون اشويه بالمزهريه لو غسول مال الفم..لو خل ابيض لو اسبرين

هاي رح تمنع البكتريا فبالتالي تبقى لفترة اطول☺️🌸

#ملوكه

حيرة عل القصه🥺🤦‍♀ .ناس تريد بارتات طويله وناس تريد كصيرة
طبعا اني افضل اليارتات الطويله..كلما اطول كلما احلى وكومه احداث بيها

ف رح انوعلكم بالقصص..مرة انزل بارتات كصير ومرة طويل..حته لاتضجون😂

فهسه نزلتلكم قصه جديدة ومن واقعنا😻

#ملوكه

عيوني عادي اي واحد🌚🌺 من هاللونين

وتحددين بيهن عل تقاسيم الوجه..اول شي كون تعرفين شنو شكل وجهج بيضوي او مستطيل ..الخ
حته تحدين تقاسيمهم بالكنتور وتدمجي بالفرشة

عود بليل انزللكم 😻تقاسيم الوجه وتحديدات الكنتور لكل وجه

#ملوكه

عمري يرهم وياه شال هالتدريجيات المأشره عليهن 👇🏻🥰البيج والوردي الوصخي

والحذاء والجنطة البسي فضي او بلون الشال

#ملوكه