#كوني_قوية
امحي ملامح حزنكِ بأحمر شفاه 😍💄

#ملوكه
@stylegrils

✨:#عناية_لبشرتكِ

اخطاء تضر بالبشرة


١- تنظيف الوجه بشكل مستمر يؤدي إلى
اتلاف البشرة 🧼
٢- غسل الوجه بماء ساخن يسبب جفاف
البشرة 🍂
٣- استخدام البرايمر بشكل يومي 📆
٤- استخدام فازلين للوجه يؤدي الى اغلاق
المسام وتراكم الدهون 🧴
٥- ازالة شعر الوجه بحلاوة تؤدي الى ترهل
البشرة وظهور الحبوب 🍥
٦- ازالة الشعر عند وجود الحبوب 🪒
٧- عدم ازالة المكياج قبل النوم يسبب
الشيخوخة المبكرة 👎🏼
٨- تنشيف الوجه بمنشفة عادية تسبب
الحبوب لان المنشفة تتجمع فيها الاوساخ
والبكتريا بسرعة الافضل تنشيف الوجه
بمناديل ناعمة ☁️🌸



#اعادة_توجيـهہ_لصديقتج
#ملوكه
@stylegrils

طريقة اخفاء الشعر الزائد للحاجب🌚 بالكونسيلر

اللي مايكدرون يحفون الحاجب او يشقرون..😻👆🏻فهالطريقة تفيدكم


#اعادة_توجيـهہ_لصديقتج
#ملوكه
@stylegrils

💛🌱☁️

.
"‏سيأتي العوض، العوض الذي لا نعلمُ مداه ولا نتقن حجم تدبيره، فقط نؤمنُ به كيفما كان، وعلى أي شاكلةٍ أتى ..فقط لأنه من الله"💙."
.
.
.
#مساء_الخير 💕🌿 ~


💛🌱☁️

#يسعد_اوقاتكم_بكل_خير
#توقعات_الابراج_ليوم_الاثنين

#الحمل
مهنياً: تتخطى بعض المشاريع المطروحة أو تعدّلها، وربما تستاء من مشكلة لها علاقة بممتلكات أو أوضاع عائلية
عاطفياً: تبادل الأفكار مع الشريك يكون مفيداً، وهذا يمنع أيّ تأويلات مستقبلية في العلاقة بينكما
صحياً: مهما حاولت أن تكون نحيفاً ورشيقاً، فإنك لن تحقق ذلك ما لم تنتبه لنوعية طعامك والقيام ببعض التمارين الرياضية

#الثور
مهنياً: تستعيد قوتك ومركزك في عملك وتثبت وجودك وتتخطّى معظم الحواجز والقيود
عاطفياً: قد تثير الحساسيات مع الشريك أو تتهمه بالبرودة وعدم التعاطف والتعاضد مع قضيّتك
صحياً: لا تحاول أن تتناول الأطعمة الممنوعة عليك بالخفاء، فأنت تؤذي نفسك وتخون من يحبونك

#الجوزاء
مهنياً: حاول أن تبحث عن الأسباب الحقيقية لتأجيل التسويات، ولا تورط نفسك في مشاريع قد تكون مخيبة للآمال
عاطفياً: تسمح لك الظروف بتحديد خياراتك العاطفية وإعادة النظر في بعض الاتجاهات، ويطمئن قلبك لجهة الشريك
صحياً: لا تحاول أن تضحك على نفسك حين توهم الجميع أنك تتبع حمية، بينما أنت في الخفاء لا تترك أي وجبة تفلت منك

#السرطان
مهنياً: عليك استغلال الأجواء الايجابية في العمل الى أقصى الحدود، وخصوصاً أن الفترة المقبلة قد تشهد ركوداً وعدم استقرار
عاطفياً: يبشرك هذا اليوم بفترة جيدة من الحياة العاطفية، وتعد الشريك بمشاريع كبيرة تنفذها
صحياً: راع ظروفك الصحّية لأن طاقتك ضعيفة ومناعتك خفيفة، ومع الوقت يتحسن الوضع

#الاسد
مهنياً: تجد المساعدة المطلوبة من شخص يفاجئك بقدراته، فحاول الاستفادة من الدرس من أجل مستقبل أفضل
عاطفياً: يحاول أحدهم تفشيل علاقتك بالشريك، لكنّه لن ينجح في مبتغاه ولا سيما أنك تعرف مكانتك لدى الشريك
صحياً: عليك التأني عند إنقاص وزنك واستشارة الطبيب أو مطالعة المجلات الخاصة بعمل حمية

#العذراء
مهنياً: إذا أردت الإعلان عن مشروع أو السير به أو عقد المواعيد، فافعل ذلك إذ إنّك تشرق بجاذبية تحت تأثير القمر من برجك.
عاطفياً: يعدك هذا اليوم بأجمل الأوقات العاطفية الجميلة، وبفترات من المتعة والتسلية مع الشريك
صحياً: أنت مفعم نشاط وحيوية، والفضل في ذلك كثرة التمارين الرياضية التي تمارسها

#الميزان
مهنياً: قد يتسبب أحد الزملاء ببعض المشاكل العابرة، لذا لا تتدخل في شؤون الآخرين، واحمِ علاقاتك من التحدّيات والجدالات العقيمة
عاطفياً: حاول أن تستعيد بعضاً من حنانك المعهود، فهذا مطلوب بشدة في المرحلة المقبلة لإبقاء العلاقة كما ترغب
صحياً: خفف من شرب القهوة والمنبهات، وأكثر من شرب العصير الغني بالفيتامينات

#العقرب
مهنياً: لا تتردّد في التعبير عن وجهة نظرك مهما كلفك ذلك، وفي النهاية لا بد من أن تتوضح الصورة فتنال حقك
عاطفياً: عامل الثقة مهم جداً لتحقيق التقدم لك وللشريك، ما عدا ذلك يبقى من دون جدوى ولن تصل إلى النتائج المرجوة
صحياً: إذا كانت صحتك بخير تكون بخير فحاول المحافظة عليها جيداً من خلال القيام بالتمارين الرياضية

#القوس
مهنياً: لا تتورّط في قضية شائكة، راجِع أوراقك ومستنداتك، وانتظر بعض ردود الفعل المتعلّقة بقضية مالية
عاطفياً: يحذرك هذا اليوم من بعض التراجع في حياتك العاطفية، ويشير إلى الضرورة الانتباه إلى كل كلمة تقولها
صحياً: الرشاقة التي تتمتع بها تريحك نفسياً وتساعدك على القيام بكل ما تريد إنجازه براحة

#الجدي
مهنياً: يفتح أمامك هذا اليوم آفاقاً واسعة، إنما عليك التحفظ إزاء أي جديد، وترغب جداً في تحسين وضعك المهني
عاطفياً: المعالجة الهادئة لخلافك مع الشريك أفضل طريقة، ونتيجتها عودة المياه إلى مجاريها
صحياً: يستحسن توفير جهدك للقيام بالعمل المطلوب منك، وعدم التفريط فيه لأعمال سطحية

#الدلو
مهنياً: تفانيك في العمل يؤدي دوراً كبيراً في طرح اسمك لترقية جديدة، وهذا ما يترك انطباعات إيجابية
عاطفياً: إذا واجهتك بعض المشكلات مع الشريك، عليك اللجوء إلى المقرّبين كونهم مرّوا بتجارب مماثلة
صحياً: إضطرابات وتشنجات في المعدة وصداع شبه يومي، سارع إلى استشارة الطبيب

#الحوت
مهنياً: تواجهك صعوبات كثيرة في العمل لكنك تتخطاها قريباً وتتغلب على كل من يحاول عرقلة مشاريعك
عاطفياً: الغيرة غير المبرّرة تجاه الشريك تؤجج النفور بينكما، وتترك انعكاسات سلبية غير متوقعة
صحياً: أنت الوحيد القادر على التخلص من السمنة الزائدة إذا كنت صاحب إرادة قوية

• ﭑلابرآج وﭑلمحآفظة ؛🌱🍟♥️ .

- #الحمل : يحافظون على كرامتهم.💨🔐
- #الثور : يحافظون على طعامهم.💨🔐
- #الجوزاء : يحافظون على فكاهتهم.💨🔐
- #السرطان : يحافظون على عائلتهم.💨🔐
- #الاسد : يحافظون على السيطره.💨🔐
- #العذراء : يحافظون على رأيهم.💨🔐
- #الميزان : يحافظون على سعادتهم.💨🔐
- #العقرب : يحافظون على احبائهم.💨🔐
- #القوس : يحافظون على سيارتهم.💨🔐
- #الجدي : يحافظون على مستقبلهم.💨🔐
- #الدلو : يحافظون على اصدقائهم.💨🔐
- #الحوت : يحافظون على وفائهم.💨🔐

❤️🌺

@stylegrils

** #معلومات تهمك☺️ 🔅🔆
ماهي الأشياء
التي تبقى حية 🌼
بعد موت الانسان؟

القلب...............= 10 دقائق
العقل...............= 20 دقيقة
العيون.............= 4 ساعات
الجلد...............= 5 أيام
العظام.............= 30 يوماً
العمل الصالح...= إلى قيام الساعة.

فاعمل لآخرتك...!

♻♻♻♻♻♻

مادام
قلبك ينبض
❤
فَـــقُــــــل:
لا إلــه إلا اللــه
محمــد رســول الله.

♻♻♻♻♻♻

#اعادة_توجيـهہ_لصديقتج
#ملوكه
@stylegrils

///البارت الخامس عشر///
درب_العشگ🔥
بقلمي_الكاتبة_شمس


ابتعدت عنك .. وتركتك .. ويمكن مانشوف بعض ?!
بس هذا مايعني اني كرهتك .. او شلتك من گلبي ..
لا أبداً..بالعكس أنا أبتعدت عنك لأني أحبك❤
ولأني مااريد اسمع او أشوف شي يكرهني فيك ..
إبتعدت لأختصر الحقائق وكلام الناس ..
إبتعدت حتى ماأخلي الشي الحلو الي كان بينا بيوم يتشوه أكثر…
إبتعدت حتى احفظ مكانة العشرة الي بينا ..
ومحبتك الي بگلبي وال ماراح تخلص ..
وهيج إبتعدنا وماعاد في شي يرجعنا💔

نزل رامي بأتجاهي ..
ذبيت الجنط من إيدي . وحسيت رجلي ماتشيلني بعد ..
ردت اگعد بالگاع من التعب الي بگلبي ..
اجه بسرعة وحظني وشالني ..
گال گومي يبعد اخوج ..
مادام راسي يشم الهوا مااخليج تطيحين بالگاع ..
والي اذاج خلي يحسب امة ماجابته ..

صعدني بالسيارة ..
نزلني المقعد للخلف ..
اتكيت عليه . وعيوني يباوعن البيت صگر .
مااتذكر بي شي حلو .
من اول مادخلتله وگلبي ماراد يدخل وانقبض ..

گمت اون ..
رامي ابد ماسألني .. ولاحجه . بس شفته قابض ع ستيرن السيارة بكل قوته من الغضب ..

نزل ع الطريق كشك يبيع ماي ..
اخذ بطل واجه .
فتحه وغسل وجهي وگال اشربي ..

شربت شويه وگتله كافي ..
صعد ومشينا ..
احس روحي هدأت شويه ..
اخذت غفة من الليل لسا مانايمه وتعبانه ..
بقيت اعاتب بصگر بگلبي ..
ليش صگر .
ليش ..
موگتلي اني مو بس احبج واعشگج هم والعشگ اكثر من الحب بالمعنى..
كلنا نگدر نحب ياهو الجان .
بس مو كل واحد نعشگة ..
مو هذا كلامك الي ..
ليش طلعت تغدر بيه من وراي ..

بين غفوة وصحوة . سمعت صوت رامي يگلي وصلنا ..
نزلت واحس روحي مهدودة ..
كبرت عشر سنين بكم ساعه ..
نزلني وبالگوة امشي ..

دخلنا البيت ..
امي منتضرتنا . وماتعرف السالفه شنو ..
گالت .. يا يمه بنتي .شبيها ..
اشرلها . رامي اسكتي ..

اخذتني هنوده للغرفه . نزعتني الجبه . ونومتني ع السرير وغطتني ..

حاولت انام حتى انسى ..
واني نايمه ..
دگ جهازي .
باوعت صگر مارديت .
بقى يلح بأتصاله ..

تالي دز رساله ..
💬حظري روحج جاي اخذج ..
گتله 💬 لاتجي مااروح…
💬 بكيفج هي . ولاعبالج راضي ع طلعتج من وراي
💬 هههههه ضحتني . ماطلعت وي غريب ..
وبعدين فوگ ماغلطان تحاسب .
💬 وج شغلطان گتلج ماكو شي
💬 جان المفروض تبقى وتوضح الامور گدام الكل مو تلبسني وتمشي ولاعبالك صاير شي ..
وامهاتك يگولن شكل وانت شكل .
💬 شگالن .
💬 روح اسألهن افضل وبعد لاتراسل ولاتتصل.
غلقت الجهاز ونمت ..

بقيت جوه البطانيه ابجي.. ربي ماصار كم شهر من عرفته . وخليتني احبه ورزقتني بطفل منه ..
لو تشيل حبه من گلبي . لو تنسيني وتريح بالي ..

دخلت ماما..
ها ماما گومي اكليلج لگمه انتي حامل واكيد لسا مماكله شي ..

رفيف .. مااشتهي ماما لاتضغطين عليه ..
اجه رامي وراها هو وعبود ..
وهذا المعلاگ الشويته بيدي منو ياكله . عبدووو لو عمته
عبدوووو يگله اني اني .وبالگوه ينطقها ..

ضحكني..
گال اذا تعزيني اكليهن حتى اذا بلا خبز ..
هزيت راسي ..
طلع وبقت ماما وعبدوا يمي ..
عبدو اخذ شيش منهن وگعد ياكل . ويضحكلي عود يقشمرني هههههه ..

اكلت شويه وگلتلها ماما بعد مااشتهي مااريد ..
اخذته واخذت عبدووو وطلعت ..

لسا محد ضغط عليه وسألني واني هم مالي خلگ احجي
رجعت نمت . واحس رجلي متشيلني ..

اتمنى ابقى نايمه حتى انسى ..
واني نايمه سمعت صوت صگر ..
معقوله سواها واجه . لو دااحلم ..

حاولت اسمع.
سمعته يگل الرامي انت لاتتدخل . شغله بيني وبين مرتي ..

گمت ع حيلي . طلعت للاستقبال .
شفت صگر عيونه دم .
ورامي بعد اكثر منه .
وماما بنصهم تهدي بيهم ..

شافني صگر .. گال رفيف يله البسي وجيبي غراضج وتعاي وياي ..
اني بس اباوعله ..
رامي .. قابل تايهه وتجي وياك ماعندها اهل ..
صگر .. رامي لاتخليني اتجاوز گتلك لاتتدخل ..
اتزوج مااتزوج شغله تخصني اني ومرتي ..
رامي .. تتزوج شنو لك اشو متعوف تحجي انطيتك جوهرة تگلي اتزوج ..
اذا انت مو گدها المن تتزوج بنات العالم . واذا تريد مرت اخوك المن تزوجت ..
صگر .. لك انجب مو اني الي اطمع بعرض اخوي .. وراد يضربه لزمة رامي ..
والا شويه تضاربوا ..
گتله صگر كافي روح ..
صگر .. مااروح الا انتي وياي ..
رفيف .. باوع صگر ارجع وياك اذا گتلي انت متفق وياهم تعقد ع زينب قبل او بعد زواجنا لو لا ..
صگر .. امشينا هناك ونحجي ..
رفيف .. لا هنا . جانت عندك فرصه تبرللي هناك وگلت ماعندي شي ابررله .. خسرت فرصتك
وعمتك وامك.. يگولن انت متفق وياهم وعساس تعقد عليها بس انت ردتني وعجبتك وخيروك لو اثنينه لو ماكو
صح لو مو صح ..
صگ

ر .. اي همه شرطوا . بس اني جنت ماقابل .
وردت نتزوج يله اگلهم .
وزينب اصلا مموافقه .. والبارحة حجينا اني وابوي ..
رفيف .. يعني مثل سالفه العبايه هم اتفقتوا وخليتوني امام الامر الواقع .
ولو ماشايفتك البارحة طالع من غرفتها يعني مستغفلني وعاقد عليها ..
صگر .. لا مستحيل . واصلا زينب ماتقبل .

……………………………………… .
رفيف .. خلص صگر كافي يعني هي لو موافقه انت تقبل . ولو ابوك وامك وعمتك ضغطوا عليك جان هسا انت موافق ..
واني ماالي اي قيمه عندكم ..
عانيت من عمتك وكلامها وامك وتصرفاتها مايوم شكيت ودوم اتلگاك بأبتسامه .
وانت تغدر بيه ..
لو جاي ومصارحني ومفهمني ع الوضع . يابه يردون يزوجوني واني ماراضي بس خاف تسمعين حجي لاتضوجين .
وهيج ارتاح لان سمعت منك ..

صگر . وهسا ترجعين لو لا

رفيف .. كالعادة صار ساعه احجي وانت همك الرجعه .
انت صدگ تحبني صگر .
صگر .. ولج انتي روحي بس كافي رفيف ارجعي ولاتشلعين گلبي ..
رامي .. روح خويه روح .. مرة ماعندك يمنا .
الزواج هذا كله من البدايه مامرتاحله . وصار الي خايف منه ..
روح الشيخ منتضرك ويمه السيد روح اعقد ع مرت اخوك ..
رامي استفز صگر بهذي الحجايه .. وصگر مااتحمل ضربه ..
تخبلت من شفته ضرب رامي ..
ردت اصير بينهم .. سحبني رامي .
گال وخري لاتتأذين ..
رجع سحبني صگر .. گال مرتي واخذها مالك حق تمنعني ..
وخرت ايدي منه وگتله روح صگر اني باقية هنا ..

گال اخر حجي هذا ..
گتله .. اي ..

گال هاهي براحتج ..

وطلع .. احس گلبي يركض وراه من طلع ويريده ..
بس كرامتي ماسمحتلي ..
رامي .. رفيف انسي عندج رجل بعد .. واذا على ابنج احنه نصيرله الابو والخال ..

تركته من غير مااحجي ودخلت ابجي والطم ع حظي ..
الى ان هلكت ..

اجه رافد .. وسولفوله تخبل ..
اخذ من خاطري وگال .. خويه الي ترديه انتي يصير ..
شنو الي مقررة تسويه .
ترتاحين كم يوم وبعدين تحجين وي رجلج

رامي .. شبيك رامي احنه متعاجزين منها ونرجعها. لازم ننطيه درس . ماشفتها شلون يحجي بتكبر وشايل خشمه وضربني . شلون نسكتله باجر عگبه يسوي الاكثر ..

رافد .. جا شتريدني اطلگها منه واحرم الولد من ابوه ..
ننطيه درس ونشوف شنوصل وياهم الحل والله كريم ..

رامي . انت شتحجي . ذوله مستقوين وعود لان كلمتهم مسموعه بين العشاير .
بس اني اخذ حقي بالقانون والله..

ماما .. لا ماتوصل للقانون ان شاء الله..
رامي .. والله ماارجعها واذا رجعت تحسب ماعدها اخو بعد انتو ماشفتوا حالتها هناك من جبتها .. وشلون مكسوره .

همه يحجون واني بعد ماشفت بعيني شي ..
وگعت واخذوني للمستشفى..
صحيت بس بعالم ثاني ..
لاأگدر احجي ولاانطق ..
شلون الصدمة بيه ..
بيوم انقلبت حياتي رأسا على عقب .
وخسرت كلشي ..
حتى بالزواج والحب فشلت ..

كنت شبه جثة .. كلها تحجي وياي والي يبجي ..
واني مااگدر انطق .
اسمع بس ماتحجي .
گالوا صارت عندها بداية جلطة وعدت ..
وكانوا حذرين وياي بالعلاج لان حامل ..
حتى الطفل نسيته ..
وصرت بعالم ثاني ..

بقيت كم يوم بالمستشفى .. لو نايمه لو صافنه..
وطبعا اسردلكم وضعي حسب كلام ماما ..

كل اليجي يبجي عليه ويروح ..
طلعوني للبيت بعد كم يوم ..
بس حالتي مااتغيرت ..
ماعندي شهيه للاكل ولااگدر احجي ..
كان النوم راحتي الوحيده ..

اخواني كل يوم يجيبون ممرضه للبيت ..
تخليلي مغذي وعلاج ..
لان لااكل ولاشرب .
ودور طفل ببطني ..
مااعرف حالتي سببها صگر الي ماعرفت شي عنه بعد ولااجه طول هالفترة ..
او سببها اشتياقي وروحي المتعلقة بي وبعد ماابتعدت عنه انتهت راح كلشي حلو وياه..

ايام وليالي واني اتگلب ع مخدتي ..
ولاأحجي ولاالي علاقه بأحد ..
حتى ضعفت حيل وملامحي تغيرت ..

بيوم اجتنا رحيق .. وگابلتني وتبجي من شافت شكلي تالي ماما اجت وطلعتها ..

الظهر جابتلي سوب ..
وجانت تاخذ بالخاشوگه وتخلي بحلگي ..
بس كنت مااستقبله ولاابلعه ..

دور جابت سرنجه مال ابره وتخلي بيها وتزق بحلگي .
كنت احس بي يدخل معدتي بس مااتحمله .
گبل استفرغ. لأن معدتي فارغه ..

للعصر .. گومتني رحيق .. مااگدر اگوم ولااحس برجلي ردت اوگع منها ..
صاحت . رامي . رافد الحگوني ..
اجه رامي يركض شالني ..
گال وين تردين بيها ..
گالتله للحمام اسبحها . قابل تروح هيج للطبيب .
شالني رامي وخلاني ع الكرسي بالحمام.

نزعتني رحيق ع كيفها .وتبتسملي . عبالها احس بشي .
اني اصلا احس روحي بس جسد ميته ..

رادت تفتح شعري لگتها مخبوص ناس ع ناس ماگدرت تفتحها .
راحت جابت مگص . وگصت منه..
ودور بدت تجلف جسمي ورجلي وايدي ..
كانت عضامي توجعني من تضغط عليهن .
بس صوتي مايطلع واگول ااااخ ..

غسلت شعري وكملت . نشفت جسمي ولبستني تراك وصاحت رامي يشيلني ..

نيمني ع السرير . ودار وجهي . وگامت رحيق تمشطلي

رحيق .. من شفت اختي هيج تحبلت ..گلتلهم يعني معقوله راح يصيرلها شهرين وانت. هامليها هيج .
تسولفلي امي بس ماتوقعت هيج ..

رامي .. ماخلينا طبيب كل يوم شكل يگول حاله نفسيه مابيها شي ..
حتى دكتوره ن

سائيه جبنالها وفحصتها وفحصت ابنها وانطتها علاج .

رحيق .. اخذوها الطبيب نفسي ..
رامي .. تحجين صدگ ..
رافد . وشبيها . مو الدكاترة تگول حالة نفسيه .
خلونا ناخذها ونشوف ..

رحيق .. راح اتصل على سوزان صديقتها . وهي تشوفلنا دكتور زين ..

رحيق .. اتصلت على سوزان وگلتلها على حالة رفيف تخبلت .
گالت اني اسأل .
واشوف وباجر اجي اشوفها ..

اخذناها الطبيب وصفوه النا .. هم نفس الحجي
تالي گلتلهم خلي ناخذها البغداد .
ونشوف سيگولون .
خلونا ندخلها ع الامة .
ولكم طفل ببطنها حرام راح يموت من الجوع والادويه ..

ماما .. اي ناخذها وين ماجان واروح للأمة وانام بعتبتهم لمن يطيبون بنتي .. الله لاينطي الي ذبلها بعد ماجانت وردة مفتحه ..

هند .. اگلكم شبعت دويات وهذا الطفل شنو ذنبه ..
مو زين عليه ..
ماما .. مقسوملها مادام عاش كم شهر وامه بهيح حاله . يعيش وتجيبه ان شاء الله وماعليه شي .
بس خلي بنتي تگوم على رجليها ..

………………………………………
رحيق .. لمينا غراضها .. واخذناها البغداد ..
وراحت بس اني وامي اخذ اجازة ..

وصلنا البيت خوالي .. وتخبلوا من شافوها . عبالك مومياء ..
الكل يبجي على حالها ..
وهي بعالم ثاني ولاتگول ذيج رفيف المرحه . معقوله هيج تحب صگر ومن عافها هيج صار بيها ..

بقينا يومين ندور على دكتور زين الى ان وصفولنا دكتور بمدينه الطب مال جمله عصبيه .
رحنا وفحص وشافها .
گال . اعصابها تلفانه . وهي عندها طفل مانگدر ننطيها علاج قوي .
راح ننطيها علاج حسب حالتها .. وعليكم بالعلاج الفيزيائي وانطيها كالسيوم حاولوا تشربوها شلون ماكان ..
ابر مقويات هم راح انطيها ..
ومااوصيكم العلاج الفيزيائي اهم شي ..
ترى تبقى هيج بلا حركه ..
كتبلنا ورقه . وگال هاي بالمستشفى كل يوم اخذوها تسوي علاج ..
ويمر اسبوع وراجعوني ..
بس گال شنو الي وصلها الهيج حاله ..
گلناله صدمه وانتكست بسرعه ..

الدكتور .. ليش مجربتوا تعرضوها ع دكتور نفسي ..
رامي .. هو مقررين بس نرجع للبصرة ..
الدكتور .. وليش لمن ترجعون . اكو هنا دكتور صديقي يفتهم وشاطر .
واستغلوا الفرصه مدام انتو ببغداد ..
عالجوها بلكي تتحسن وتگدر تبدي تقاوم وتستعيد قوتها ..
واذا تردون هسا اتصل واخذلكم. موعد ..
رحيق .. اي دكتور ياليت ..
اتصل الدكتور وحجه وياه وگله دير بالك عليهم ..

گال هذا هو باجر العصر روحوله .. اسمه فراس وانطانا عنوانه . بس گلوله من طرف دكتور اكرم ..

تشكر رامي منه وطلعنا .
اخذنا العلاج من الصيدليه ..
ورحنا للبيت ..
دزيت ع جيرانا مضمد اجه سوالها المغذي وضربها الابر
وبقيت وياها دائما ..
اسولفلها ع مواقفنا .
ومرات اني ورامي نگعد نتذكر ايامنا قبل ..
وشلون نلعب وبابا من يجيبلنا حلويات يعزل علاگة رفيف ويفضلها علينا .
ومن نضوج يگول لا هي لان طفله وانتوا كبار يشجعنا ويقشمرنا بنفس الوقت ..
احنه كنا نضحك ومندمجين .
حتى تبدي ردت فعل ..
من ذكرنا بابا نزلت دمعه منها .
وغمضت سوت نفسها نامت او نامت فعلا ماادري ..

كنت اتلمس ببطنها الي بدت تكبر وبينت .
واگلها حبيبتي تشجعي وصيري قويه الخاطر هذا شوفيه شلون متمسك بيج ومايقبل يعوفج .
ارحميه وارحمي روحج يروحي ..

هي ماتحجي ولا تبدي اي رد فعل بس صافنه وعيونها تدمع ..
عرفتها تسمعنا وتعرف شنحجي بس من قهر گلبها وصدمتها ماتگدر تحجي .
من يومها رفيف حساسه وتنقهر ع اقل شي ..
وكانت تسوي نفسها شجاعه وقويه بس الحقيقه هي رقيقه جدا ..
كانت جنه تجي تبوسها وتتلمس بوجها وتحجي وياها
بس هي ماكو تغمض حتى تهرب من عدنا ..
او من واقعها ..

اخذناها للعلاج الفيزيائي ..
اول جلسه .. والدكتور جان قاسي بحركاته وياها بس هي ماتشكي ولاتحجي ومانعرف اذا متأذيه او لا .

ماما حاجته .. گالتله خاله على كيفك وياها هم حامل وهم ماتحجي وتگول يوجعني ..
گالها .. ماما اني الي اسوي المصلحتها . اعصابها جامده صار فترة ماكو حركه وشبه ميتات ..
والطفل عندي علم بي . ومنتبه الحركاتي متأذيه ..

العصر موعدنا وي دكتور النفسي . بدلتلها بنطرون وقميص طويل ولفيت الشال ع راسها ..
واخذناها بعربانه متحركه ..

دخلوها بالبدايه لان اكو توصيه . ولان حالتهة تخلي الواحد يشفق عليها ..
ردت ادخل وياها گال الدكتور لا . وكان شاب مو كبير بالعمر .
گال اذا سمحتوا استريحوا هنا ..
وخلوني اني ومريضتي وحدنا ..
دخلتها وطلعت ..
وگعدنا بغرفة الانتضار . وندعي كون تجيب نتيجه وتبدي تتعايش ويانا وترجع للواقع ..

بعدك..بقت بس اسم عينان عندي
بقيت بعدك بس جسد
جسد خالي بلاية روح

بقت اسم عينان عندي
لان بطلت بعد ماتشوف
حايرة تبجي وتذرف بالدموع

والكلب دمرني حالة
كاعد يون وينوح...

فراكك نساني الفرح
ومنع عني الابتسامة

بقيت اعرف بس الحزن
لان بس هو اللي مسموح
بقلم_الكاتبة_شمس
يتبع…………

///البارت السادس عشر///
درب_العشگ🔥
بقلم الكاتبة. شمس


صگر ..
رجعت اني وابوي الظهر .. دخلت البيت اهلي .
وصعدت ملهوف للغرفه ..
تندمت لأن تركتها بشك ومكسور گلبها ..
ولو ماشغله ابوي وسفرة ..
جان خليتها گدام الكل وفهمتها السالفه ..

صعدت للغرفة .
باوعت المكانها ماكو انقبض گلبي ..
دورت ع ملابسها وجنطها ماكو .
عرفتها راحت ..

نزلت اركض واصيح يمه يمه .
گعدت البيت كله على صوتي ..

طلع ابوي من الغرفه ..
شكو شبيك تصيح ..

صگر .. رفيف ماهي ..
هيلين .. اي راحت من طلعتوا..
صگر .. وليش خليتنها تطلع شوصيتجن.
هيلين .. والله ياخوي گلتلها وماقبلت وصار حجي بينها وبين عمتي وخابرت اخوها واخذها .

صگر .. حجي شنو ??
امي .. يمه قابل نحبسها . اذا هاي گامت ترعد بالحجي وماخلت حجايه ماحجتها وطلعت . مو گتلك مو من ثوبنا

صگر .. مو من ثوبج مو . من هيج هججتنها . اتفقتي انتي وعمتي عليها مو… .
احجييييييي هيلين شگالن الرفيف وطلعت .

الشيخ… احترمني اني واگف لاتعلي صوتك ..

صگر .. فركت وجهي وگتله يله حلها انت . مو انت شيخي وجبيري ..
حلها .

امي .. يمه شبيك تخبلت انت ماجنت هيج ..
صگر .. يمه ادري بيج مارايدتها . وردتي تخلين زينب براسي بكل الطرق .. وقنعتي ابوي اتزوج رفيف بس بشرط اعقد على زينب ..
لو عمتي الي لزگت عدنا هنا من يوم الي تزوجت . حتى تشرد مرتي وتجبرني اتزوج بنتها .
هذا كله اعرفه وحاس بي .
والي معجبني مرتي الماشكت ولاحجت بيوم ..

زينب واگفه يم غرفتها ..
صحتها تعاي زينب هاي گدام امي .
انتي رايدتني . قابله اعقد عليج .
سكتت ..
احجي خليهم يگطعون الامل ..
زينب .. لا مااريدك انت مثز اخوي . ومستحيل اخلي اسم غير اسم اسد بالجنسيه .ولابحياتي هم ..

صگر .. هايمه سمعتي بأذنج اقتنعتي ..
وعمتي اذا طبت للبيت بعد اني مااطبه .

الشيخ .. زينب خابري على امج خلي تجي ..

اني شلت دشداشتي . وگعدت ع الدرج ..
والكل جان گاعد بالصاله .

شويه واجت عمتي وتتبسم عبالها شردت رفيف .
وصفالها الجو وراح ارافق على زينب ..

گالت .. ها شيخ داز عليه ..

الشيخ .. انتي كم چنه عندج ..

عمتي .. ها اثنين ..

الشيخ .. تقبلين واحد يدخل ببيتج ويگلج طلگي هاي الجنه وزوجي ابنج من هاي . لو يگعد ليل ونهار عندج ويخرب بيتج ويسوي قال وقيل ..

عمتي .. لا. مااقبل ..

الشيخ .. جا من كون ماتقبلين على بيتج وعيالج ..
جايه ببيتي وتسوين فتن وگالات وتخربيه ليش ..

عمتي .. يا يا اني خويه . شعليه بيكم . اني اجي علمود بنتي ووحيدتي لان مريضه ومكسورة خاطر ومالها احد ..

الشيخ .. كافي هالقوانين الي مالها داعي . بنتج مو بالشارع . وحالها حال بناتي معززة مكرمة .
وهي بنات ابني على راسي . وراس صگر من بعدي .
احنه الي متكفلين رعايتهن وراحتهن ..
انتي بعد مالج دخل ..

عمتي .. يا خويه ياتراعوها . مو ام اسد گالت مانعوف بناتنا وراح اخلي صگر يعقد عليها ويخلي باله عليها وعلى بناتها .
تالي خلفتوا الوعد وراح جابله وحده مانعرف منين ..

صگر .. عمه لاتخليني اطلع عن طوري . اذا جبتي طاري مرتي تصير مو خوش. بعدين .

عمتي .. يا هي هاي المرجيه تعلي صوتك على عمتك وتهددها . من كونك هيج رجال ماوفيت بوعدك وريحت اخوك بگبرة ..

صگر .. اني رجال غصب عنج . ولاتشوفيني محترم تستغليني . ماعدنا مره الي تلاسن الزلمه حتى لو جانت جبيره . واني ماوعدتج بشي حتى اوفي بوعدي .
زينب مرت اخوي وامانته واختي وراح تبقى هيج طول عمري .
مو اني الي اخون اخوي بگبرة واخذ مرته ..

الشيخ .. كااااافي ولكم فضحتوني .. وبعدين انتي وام اسد طابخاتها وحدجن لا اني ولاابني الي حجينا .
وحتى ذاك اليوم الصبح من صحتي صگر الغرفتنا وگمتي تتشرطين وتردين تسمعين مرته مارضيت عليج بس ماردت اكسر خاطرج ..
وگلت اختي بس من توصل تحرضين اهل بيتي وتخربين مالج طبه بعد لهنا .

عمتي .. يا هي هاي تاليتها تطردني من بيتك ..
الشيخ .. مااطردج بس اگطع الفتن . وبنتج ترديها خابريها وتجيج تشوفيها وتشبعين منها .

والحجي الام اسد هم .. اعرفج ياعلويه گلبج طيب وحنينه مااتصورتج تقسين على يتيمه ومرت ابنج هم مو غريبه ..

امي سكتت وماحجت . وعمتي طلعت وتبجي .
بعد ماگالت الزينب . لمي غراضج وتعاي البيت ابوج مالج گعده هنا بعد ..

الشيخ .. زينب هذا بيتها وبيت بناتها . بس اذا تريد تروح بناتنا يبقن يمنا ..

زينب .. لا خالي اني مكاني هنا بينكم ..
الشيخ .. اخليج على راسي بنيتي ..

عمتي طلعت وهي شايطه ..
باوعلي. ابوي وگال . روح جيب مرتك . وتعال ..

ركبت السياره وطرت الها .
صحيح ضايج منها لان طلعت من شوري وراحت الاهلها .
بس گلبي يريدها ومايگدر على فراگها ..

وصلت البيتهم ..
فتح رامي وجان وجهه ثگيل ..
سلم ودخلني للاستقبال ..
گتله وي

ن رفيف صيحها خلينا نروح ..

رامي .. رفيف ماتروح وياك . عندك شي گوله هنا وفضها ..

صگر .. رامي لاتتدخل انت . صيح مرتي وخلينا نروح .
رامي .. عود خلي نفهم شسويتولها يله تقرر .
صگر .. گتلك صحيها .. رفيف رفيف ..
رامي .. وحق الله يرفيف ماتطلع من الباب لو على جثتي اذا ماينرد اعتبارها ..
صگر .. ههههههه لاتخليني اتجاوز عليك صحيها مرة ورجال ليش مدخل روحك بينهم .
رامي .. لاتنسى المرة اختي .
……………………………………………
بقينا نتلاغة بالحجي وواحد يرد ع الثاني .
الى ان شفتها گبالي احس روحي ردتلي من شفتها بس كابرت .
عيونها مورمات من البجي ..
گلتلها لمي غراضج وتعاي وياي ماقبلت .
واخوها منا يشمر حجي خبلني ..
فقدت مااتحملت ضربته لأن تمادى هواي ..
گلتلها هسا ترحين لو لا .
گالت لا مااروح ..
گلتلها ع راحتج . وطلعت ..

بالبدايه صدگ ردت اخليها كم يوم بلكي تفكر وتهدئ وترجعلي ..
وضجت لأن اختارت اخوها وكسرت بيه ..

رحت مقهور للبيت وطلعت قهري بأهلي .
كل الي يحاجيني بودي اخنگة ..

حتى امي مااحاجيها .. قطعت صلتي بيهم .
بس انام واگعد اطلع للشغل لو للمضيف ..
كل يوم ابوي يسألني مرتك ليش مااجت .
گتله خلها ترتاح حامل ومالها خلگ ..

مر اسبوع وطگت روحي وهي لارساله منها ولااتصال
كل يوم اگول راح تخابر وتگلي اشتاقيتلك تعال اخذني وماكو ..
رحت ثاني يوم للمستشفى گالوا صار فترة ماتداوم واحنه على اساس نخابرك ونستفسر .
انحرجت جاي اسأل على مرتي شيكولون عليه .
رجال مايدري بمرته وينها ..

گمت سويتلها اجازة مرضيه ورتبتها وي مدير المستشفى اعرفه ..
گلت خاف تنفصل واعرفها تحب دوامها ومستحيل تتركه..

كتبتلها رسائل ماعندها انترنيت ..
رجعت دزيتلها ع الخط ماترد..
گلتلها مشتاقلج ارجعي ..
ماكو كل رد ..
اتصل مغلق ..

بقيت كل ليليه .. ادزلها رسائل صوتيه وفهمتها السالفه واعتذرلتلها وگلتلها ادري بروحي غلطان بس ارجعي وكلشي ينحل .
حلفتها بأبنه ترجعلي .. حتى مره منهن اختنگت وگمت ابجي وطلع صوت البجي بالتسجيل ..

من بعد ماعجزت من المحاولات كلها ..
گلت ماكو غير اخابر اخوتها ..

رامي مااحجي وياه . خابرت رافد .. طول يله شاله ويحجي من ورى خشمه ..

گتلة رافد . اريد ارجع رفيف ..
رافد .. وهسا ذكرت عندك مره بعد مااخذتها وردة مفتحه ورجعتها جثه ..
صگر .. رافد لاتكبرها سالفه صارت وانتهت وجان سوء تفاهم .
رافد .. لو جاي بوكتها الي وحاجي هالحجي كان اقتنعت وقنعت رفيف ..
بس بعد الحاله الي وصلتلها اختي .
ماعندك مرة عدنا صگر ..

صگر .. مو بكيفكم. مرتي واريدها لو اعرف ادخل العشاير والقانون اخذها ..

رافد .. شتسوي سوي . العشاير ماتهمني والقانون من يشوف حالة اختي هو يطلگها منك ..

وسد التلفون بوجهي ..
فار دمي وتخبلت . اني تالي عمري هيج انذل ..
بس الي لفت انتباهي رفيف ..
معقوله مريضه لو الطفل صارله شي ..

رحت للشيخ ومحروگ گلبي . گتله مثل ماتحل مشاكل العالم حل مشكلتي .
سولفتله السالفه وگتله اخوانها مايقبلون يرجعوها ..

الشيخ .. اني اودي طارش العمامها ويصير خير ..

ودة ابوي طارش العمامها ..
ورحنا العمها الجبير حسن .
وفهمناه ..
گال اني اشوف السالفه وارجعلكم خبر ..

اخذولهم كم يوم . وخابروا على ابوي ..
گالوا رحنا وحجينا وي اخوانها والبنيه بسبب الي صار صارت عندها صدمه ولاتتحرك ولاتگوم ..
مثل الجثه . وعايشه ع المغذي . ويقطرولها بالسرنجه بحلگها ..
وصايره جلد وعظم ..

هو ابوي گال هيج تخبلت ..
ركبت السيارة والبيتهم .
وجانت المغرب ..
وصلت الدنيا ظلمت ..
كسرت الباب ..
طلعوا اخوانها ..
گلتلهم خلوني اشوفها ..
رامي .. جاي تشوف نتائج تعذيبك وخيانتك الها .
مستحيل اخليك تطول تشوف اضفرها ..
صگر .. مو بكيفكم والله اشتكي عليكم .
رافد .. صگر منا عالم مانريد فضايح .
حتى اذا شفتها ماتحصل شي . لاهي التحجي وتعرفك ولاانت تاخذها وتروح .
روح وشتريد تسوي سوي .

صگر .. هينه . وركبت سيارتي .
بقيت الف بالشوارع مثل المخبل ..
مااعرف وين اروح ..

ليش هيج صار . ليش مااتوسلت بيها ساعتها واخذتها وياي .. ليش عفتها ورحت .
كله بسببي الي صار ..

رحت ع الشط گعدت وابجي .. مثل الطفل الي امه راحت وتركته ..
گمت ادندن وحدي .. واجت على بالي هاي الاغنيه وفعلا تنطبق عليه ..

خسرتك يا حبيبي…
لكن مو بيدية عفتني الزمن غدار مشيت بلا وصية…
ادور بين الوجوه على الوجه الي احبه...
لكيت الورد مگطوع وذبلانة المحبة ..
گالوا موسمك راح بعد المن تتاني ..
جنت خالي من الهموم بس الهم صفالي .. اااه صفالي ..

رجعت النص الليل للبيت ..
شفت امي منتظرتني ..
باوعتلها ودرت وجهي ..
-گالت غضبان على امك يصگر ..
-گلتلها ..
رايده شي لان تعبان واريد انام ..
-گالت تعال اريد احاجيك ..
-يمه مالي خلگ حجي خلوني بحالي ..
-ابوك سولفلي .. يمه مايصير هيج تبقى تركض وراها وهي ماتريدك .. ادري بيك تحبها بس هي تحبك مثل ماتحبها ..
صگر .. واكثر يمه . محد بحياتي حبني بگد ماحبتني هي يمه تمرضت وگطعت الاك

ل والشرب ويگولون صايرة جثة لاتحجي ولاتگوم ولاتگعد يمه هي تتعذب واني هنا ادور كبرياء وكرامه ..
اذا عندي هيج مرة تحبني شلون مااركض وراها .. ليش اكو واحد حبني بگدها ..
حتى انتي يمه ماحبيتيني مثلها ..
دوووم جنت اسوي كل الي ترديه واموت اذا صار بيج شي وانتي مامهتمتلي .
جنة. نجي من المدرسه تبدلين الاسد وهو اكبر مني . واني تگليلي روح بدل .
تصبيله قبلي واني اروح اصب الروحي .

امي .. ماكو ام تفرق بين اولادها . بس لان اسد جبيري وفتشت عيني . ويمكن گلبي حاس راح يموت ويتركني لهذا دللته ..

صگر .. مو كت العتاب يمه خلوني بروحي منا لمن ارجع مرتي الكم حق تحجون وياي ..

………………………………………
مافقدت الامل وبقيت ادز وادم وناس بس اخوانها ماقبلوا وبيوم طگت روحي ورحت هديت عليهم ببيتهم .
وتضاربت اني ورامي وردت ادخل للبيت بالگوة واشوفها .
بس الناس التمت .. وهمه اشتكوا عليه .
دخلت للسجن يوم وطلعت بكفاله ..
وابوي لعب بيه لعب وگال انسى عندك مرة .
قحط نسوان . وتروح تتعارك وتدخل سجن بسببها ..
مادام اهلها دخلوك السجن بعد اگطع صلتك بيهم .
ولاتگول عندك مرة .
واذا طلعت من شوري اتبرى منك .
احنه سوينا الي علينا ودزينا ناس وردنا نرجعها .
وماقبلوا .
مو الشيخ غالب وسمعته بين الناس ينذل من ورى زعاطيط ومرة ..

ماحجيت وي ابوي ولاگتله اي ولا لا .
صرت مثل المسودن ومايعرف شيسوي ..

رحت قدمت شكوى على اخوانها . وگلت ماينطوني مرتي ..
بس اخوانها قدموا تقرير بمرضها وانگلبت السالفه عليه ..
رفعت القضيه للمحكمه واني الي معارف هواي هناك
وطلبت رفيف البيت الطاعه ..
گلتلهم مستعد اوفرلها بيت وممرضه تراعيها بس ترجع مرتي واريدها ..
القضيه مشت بأستدعائها ..
لكن اخوانها هم قدموا تقارير وگالوا اختهم تتعالج ببغداد وممتواجده حاليا ..
بالبدايه كذبتهم وگلت يحاولون يخفونها عني ..
بس بعدين رحت الصديقتها سوزان وحاولت ادخلها وسيط بيني وبين رفيف ..
كنت متوقع مريضه . بس مامصدگ انه ماتحجي او ماتلتقي بأحد ..

بس للاسف صديقتها اكدتلي هذا الشي .. وخاصه بعد ماراوتني صورتها دازتها رحيق الها .
هنا توقف العالم بالنسبة الي ..
الي شفتها مو رفيف مستحيل تكون حبيبتي ومرتي .
هذي شبه ميته ..

طلعن من المستشفى .. وعيوني تبجي وحدها ..
امشي ومااعرف وين اروح ..
حتى مااندل بيت خوالها واروحلهم .
اريد احضنها واشمها واطيبها بيدي ..
ياناس اريدها اريد مرتييي ..

واني صافن وعيوني مليانات دموع .. ضربت السيارة الي گبالي حاولت اسيطر ماگدرت وبقت سيارتي تفتر بمكانها لان فقدت السيطرة عليها بسبب سرعتي وكنت اسوق بلاوعي ..

يتبع..

///البارت السابع عشر///
درب_العشگ🔥
بقلمي_الكاتبة_شمس

اممممم رفيف .. اسمج ملفت للانتباه ..
تعرفين شنو معناه ..
بحثت بالگوكل هسا ..
الرقيقه ..الخصبة حسنةُ الأخلاق، المحبة للطعام والشراب، الساعية لخدمة الآخرين، الكريمة، العطوفة، المرتاحة، سقف البيت.

الصراحة عجبتني كل المعاني .. بس محبه للطعام والشراب ماادري ..
لان انتي ضعيفه حيل ..
بله تاركة الاكل الطيب كله حتى تسوين رجيم ههعه..
بس دا اتخيلج سمينه شويه يمكن تصيرين احلى بنيه ..

اعرفج تسمعيني لهذا اتمازح وياج ..
هههههه . اني فارس دكتور ومتزوج وعندي بنيه .
وانتي تعتبرين زميلتي بالمهنه ..

عايش حياتي بالطول والعرض ومااخلي احد ينكد عليه .
لان الدنيا فانيه ..
وكلام الناس مايخلص ..
لهذا اواجه العالم بتجاهلي لكل الالسن .
حتى اريح عقلي وعيش بسعاده ..
مع عائلتي الي تحبني واحبها ..

اكثر معنى الاسمج ينطبق عليج .. هو رقيقه . ورقيقه جدا وتكاد ان تكون ضعيفه من الرقه ..

لان الانسان مرات من گد ماضعيف يقرر يختار الهروب ع المواجهه ..
وانتي اختاريتي الهروب من الواقع ولجوء لعالم ثاني يبعدج عن كل الناس الي حولج ..

انتي دكتورة . والمفروض تكونين قويه وصبورة وتتحدين المصاعب ..
لازم ماتوگعين ولاتستسلمين من اول مطب بحياتج ..
محد يستحق تضحين بروحج الحلوه وتتخلين عن عالمج لألجة ..

فكري بأهلج الي منتضرين برة وشوفي خوفهم عليج .
فكري بهذا الكائن الصغير .
الي بداخلج والي ديعيش معاناتج ..
مثل ماهو قوي ديتحدى وضعه وضعفج .
انتي صيري قوي ومديه بالقوه ..
لاتكونين ضعيفه ومهزومه . وتأذيه .
يگولون الطفل يشعر بأمة ..
وكلشي تحس بي هو هم يحس يتألم الألمها ..
ويفرح الفرحها ..

اعرف دوختج بالكلام ..
والمفروض الجلسه اليوم بس تعارف ..
بس لأن حالتج خاصه ..
مارة عليه ناس مصدومه ومكتأبه .
بس ممرت عليه انسانه متجاهله الواقع وداخله بلا وعي ..
حاليا ماراح اضغط عليج اكثر ..
بس اريدج تفكرين بينج وبين نفسج . بكلشي حلو مر بحياتج ..
بطفلج واهلج واحبابج وكل اللحظات الحلوه الي عشتيها وياهم ..

انس الزعل وانسي الهم وانسي الي وصلج الهاي الحاله
واجهي طلعي غضبج وقهرج للخارج لاتكتميه وتخفيه بداخلج ..

ليش نزلت دموعج ..
عبري عن الي بداخلج بالكلام بالابتسامه عيشي واقعج ولاتضعفين .
لاتخلين دموعج وحزنج يصيرون اقوى منج ..

وهسا راح اصيح اختج ..
اريد اشوف من تشوفيها شتحسين بداخلج ناحيتها .
حاولي تعبرين عن احساسج اتجاهه بأي تعبير تگدرين
تبديه ..

رحيق ..
صاحني الدكتور بعد مابقئ لفترة طويله هو ورفيف جوه
دخلت ..
شفتها نازله دموعها .
گال ها رفيف ..
منو هذي ..
بقت صافنه بوجهي وغمضت وفتحت عيونها .
تغيرت ملامحها ..
گال يله .
اليوم كافي هيج ..
اريد اشوفج الجلسه الجايه بغير وضع .
وقويه .
وحاولي تستعيدين نشاطج وحيويتج .
لان كلشي بإيدج .
اسعي للي ترديه وخلي عندج ارادة .

طلعناها .
واجه رامي بوس راسها .. واخذها ..

گال . من رختص اختي ..
تفضل دكتور ..
اريد اعرف زوجها وين هو سبب الي صارلها ..
رحيق .. نوعا ما . اهله رادوا يزوجوه وهي ماتحملت الفكره انهارت ودخلت بصدمه بسرعه ..

دكتور .. هذا دليل على حبها القوي الها . خافت من خسارته ومااتحملت . كانت بين صراع قلبها يريده وعقلها وكرامتها انجرحت ورفضته .
لهذا حاولت تبتعد وتهرب عن واقعها حتى ماتفكر بلي راح يصير او الي صار ..

رحيق .. وهسا شنو تنصحني دكتور ..
فارس .. رجلها وين يگدر يجي . هو يتواصل وياها تشوفه او لا ..

رحيق .. لا صار خلاف بينه وبين اخواني وماااعرف منعوه من شوفتها ..
الدكتور .. زين . اذا عندج صور اله حاولي تذكريها بي خليها تشوفه .
احجيلها عنه .
بلغيها انه دا يجي ويحاول يشوفها والضروف منعته .
كلشي سولفيلها خلي تحس بأمل ولو قليل حتى تتجاوب .
واذا شفتيها تجاوبت وابدت اي رد فعل ..
گوليلي .
ورقمي موجود بالبطاقه .
ونحاول ندخله بجلساتنا ونخليه يحجي وياها .
لان اعتقد هو الوحيد القادر انه يرجعها الحالتها الطبيعيه

رحيق .. بس دكتور اخوي مانع تقربه الرفيف واخاف تصير مشاكل ..
حاولي من غير ميدري اخوج .
واذا شفتي ردت فعل منها من تشوف صورة او من تحجيلها عنه . گوليلي واني اگلج شتسوين .

رحيق .. شكرا دكتور واني راح اسوي اي شي بس كون ترجع الطبيعتها ..

نزلت من العيادة . وشفت رامي واگف يم السيارة .
وين رحتي شگالج الدكتور..

رحيق .. ماگال شي . بس گال سولفوا وياها وطلعوها لاتخلوها بالبيت محبوسه ..

رامي .. اي اني هم مفكر ناخذها للزوراء . بلكي اذا شافت ناس تتغير نفسيتها ..

ماما .. اي صدگ خوش فكره ..

رحنا للزوراء .
واخذناها الحديقه الحيوان .
ونزهناها ..
كانت تباوع وتحس بالناس بس نفس ماهي بلا حركه ..

صار المغرب رجعنا ..
جبنا الممرض خلالها مغذي ..
وانطيناها العلاج .
جبت عصير وگمت اشربها بالگوه ..
خليتها نامت لان. تعبت .
رحت تعشينا واجن خالاتي يمنا .
شافنها وطلعن .

لنص اللي