يي حبي اذا نوعية هالغسول بشجرة الشاي..فزين وعادي يناسبج🥰✨

وهالغسول همين يناسب بشرات الدهنية..واللي يطلعلهم حبوب وحب للشباب

#ملوكه

عمري هاي العصارة مو لحب الشباب
هاي لتفتيح المكانات الغامقة بالبشرة والحروق☹️💔

واذا تستعملي بس بليل..مايصير تخليها بالنهار و تطلعين للشمس
ومن تستعملي شوفي يناسبج لو تتحسسين منه

طريقة استعماله..تخلين يوميا بليل..عل بس مكانات غامقة ..لمدة ربع ساعه وتغسلي

#ملوكه

حبي شوفي شنو مكوناته؛:
لان تدرين اكثر خلطات مثل برغ وكنزة ومبيض فوري..الخ

هذيني مواد اللي ضايفلها يسوي بشرة بياض ورة جم يوم من تركي يطلع حبوب لو تصبغات ويخرب البشرة🤦‍♀💔
اهواي بنات جربوهن وشافو نتيجة سلبية

فهالخلطة مادري بيها..لان اول مرة اسمع بيها☹️..فاذا رح تستعملي..جربي عل فد منطقة صغيرة لمدة اسبوع كامل..واسبوع اللي بعده اتركي وشوفي يأثر ويسوي تصبغات..


#ملوكه

عيوني اي ماسك..تستعملي☺️🌸 ويزود خلي بالثلاجه ..فحده بس لثاني يوم ...
اذا صار اكثر من يومين لاتستعملي


#ملوكه

حبايب اللي مجربة مشد كيم فخل تنصح هالبنوتة🙃💜

#ملوكه

اللي يسألون عل القصة اشوكت تخلص..
من توصل بارت 75 يله تخلص😂💔

فمدام يوميا دانشرلكم 5..فان شاء الله منا لنهاية اسبوع اخلصها

وتدللون هسه رح انزلها😻💓


#ملوكه

#رقم_جديد

بقلم مريم السعدي

#بارت٢٦

احمد- كبت نار النخله يابه. خابرو الاطفائيه
المنطقه كلها طلعت وتتراكض واني بالشارع اصيح اللي ديصور واللي ديخابر واللي يصبح
معوديت راح تاخذ طفوها

كل الواكفه شباب وزلم ولا واحد تحرك عجبوني مني وبيه احترك دمي

واحد منهم طلع مطفايه الحريق ويرش من يمه
لا بله صدك تحجي والناس كامت تصيح
ست. نور اطلعي ويدكون بابهم معود راح يحترك بيتج.
اخذتها منه مطفاي الحريق. وهمه ابتعدو السعف من وحدها وكعت احتركت وحده وره اللخ كمزت عالحايط وكعدت عليه وكمت ارش وكفت وارش والله وبدت تطفى بس اللبه من فوك دتوجر وتنزل شرار

طلعت وحده من داخل البيت تصيح. هاي شكو. من اباوع طرمه طويله تنتهي بباب مطبخ مثل اغلب البيوت العراقيه الحبيره ام مساحه ال٣٠٠

الناس تصيحها اطلعي اطلعي
لبست عباتها فوك حجابها جان حجاب تلبيس طويل وطلعت بحجاب اسلامي

بقيت ارش خلصت وحده وناوشوني. الثانيه

وكملت رش على غفله. وكعت. من النخله. جمره جبيره باتجاهي واتكربس من الشارع من السياج للكع انهزمت منها. ورجلي. تملخت

كلها صاحت

الله الله وجروني علما وصلت الاطفائيه رجلي راحت اريد اوكف مااكدر جروني عالرصيف والولد من المنطقه جابو عده الطبابه وكعدو يضمدون ويعالجون

رفعت راسي اسم النسوان وابو البيت اللي اشتغل عده. بسيارته

ست نور امشي ويايه قفلي بابج وارجعي الحريق يطبون شكول شكول وينباك البيت

لاعمو بس خلي يطفوها. النخله هو بالبيت الاجهزه كلها عطبت دخان طلعت منها
اخر شي طب. الرجال لبيتها قفل البوب وطلع
بيتها مليان والاطفائيه تطفي بي

واني اسمع. صوتها ملمحتها. توصوص من تحجي ناعم صوتها
واني اسمع. صوتها ملمحتها. توصوص من تحجي ناعم صوتها

الهوسه كدامي تضمدت رجلي وكفت كوه.

اول مره بحياتي اصير فضولي لهل حد صوتها سمعته اريد اشوفها شنو هالهاجس بداخلي شنو هالفضول. الصار عدي

وكفت ولمحت صفحتها ايدها على حلكها وخايفه وتباوع عالبيت وتحجي وي نسوان المنطقه بهدوء

صفنت عليها
هاي اول مره يصير عدي هيج

لاول مره احس روحي ذكر لاول مره. يعجبني بشر من فوك ليجوه.

ماكانت فاتنه حيل
بس طبت بكلبي كبل
ماجانت لابسه وكاشخه لا بس كلبي تربع على قالبها
التفتت على صفنتني وعكدت حاجبها مضيقه عينها همست بعد صفنه شويه

واني ناسي روحي مضيق عيني واتاملها

كالت
الولد مو من المنطقه مو
جاوبها ابو البيت
لالا خطيه هذا سمكري
يحجي وهي عيونها عليه مستغربه نضرتي واني نضرتي تخزن كل تفصيل بيها
دارت وجهه رافعه تك حاجب

الرجال كال

هو الصعد عالسياج مالتح ست نور
باوعتلي ورفعت تك حاجب واني مدري شجاني مشلت عيني بقت تباوعلي عاكده حواجبها ومضيقه نضر عينها ودارت وجهه
كلمه شكر مكالتلي ولااني الانتضر منها

ساعه وراحت الاطفائيه والناس طشت كهرباء الفرع كلها مطكطكه

ضلمه
الرجال تعذر مني ونطاني كروتي ورجعت تواعدت وياه على ثاني بوم وتركته

امشي واباوع حد ما وصلت لبيتها فتت من يمه ووعيوني دخلت تتفحص الطرمه الفاتحين بابها رجال واكف بالطرمه ومشغل لايت السياره ويشيل بالسعف وينضفون بالطرمه

يمكن يكون زوجها نصيت راسي وصعدت بالكراوي السياره تدك ورجلي تدك براسي وجعها واني دايخ باوصافها

كانت بيضه حيل وخدودها من الخوف والهبطه حمار انترست
عيونها ناعسه متوسعه من نهايه جره عينها وجه ناعم صافي خيل اصفى من حياتي
جمالها مو مفرط بس شفتها اجمل حواري الارض
اول مره بحياتي. هيج تاخذني الصفنه بمره هوو اني ششفت منها شعرفت

غمضت اتعوذ من الشيطان واسكت ماريد يروح شكلها من راسي

ثاني يوم خابر الرجال رحت راسن وهم مشيت من يم بيتها اباوع بلكن الله وتفتح الباب صبحيه جانت تقريب العشره

وصلت ل بيت الرجال ابو السياره وكمت اصلح بيها والرجال هطيه يتشكر مني عالبارحه
واني ساكت حدما اندكت الباب كهربائي جاي. لان الفرع كله وايراته تحركت

كام الكهربائي عالميرانيه والجوزات يشغل واني اشتغل وعيني عليه صار

بقيت صافن شغله مخربط تقربت منه هاي فيز التبريد
اي. هذا تبريد مو نضام ثري فيز

هاي شون هالواير محمله على هالفيز مو ميتحمل
لا ليش اني ببيتي مخلي
لايابه يحترك اصلا لازم معزول
تعلمني بشغللي هه والله يابه تالي وكت
كيفك براحتك

رجعت للسياره خليت راسي بيها اباوع ابو البيت يباوعلي ويباوعله تقرب مني
عمي انت كهربائي لا عمي بس اعرف. اسس كهرباء بنه سابقا اني
زين اذا كتلك تاسس من جديد تسويلي
جان يهمس ويباوع للرجال الكهربائي
هزيت راسي عمي خاف كسر ارزاق
يابه مراين دزيت عليه لان كرايب المره والله العام سبلت كنتوري احترك وذاك السعر ماخذه لان تاسيسه غلط بس شسوي ماعدي غيره
كيف عمي
لعد خل اكوله ماريد واسرحه شوف شون
مالي دخل عمي

رجعت راسي بالسياره كملتها واشتغلت رتبت كهربائها والدهن وطبكت البنيد الرجال ابو الكهرباء جان طالع داامسح بالدهن من ايدي وتقربت من المفسله البره اغسل
والتفتت شفته حايب صينيه الغده
لا عمي زحمه والله داروح تاخرت

يابه شنو السالفه
والله عمي ورايه طريق

ابد وكت غده تفضل ويايه شوي عالبروده دنتفاهم عالكهرباء همات وانت تاكل
خوش عمي تدلل
وطبيت ويا ذاك الغده الزين وبده يسولف واني بس استمع وببالي بس اريد اطلع بلكن من امر من يم بيتها المحها

واتعوذ من الشيطان

الرجال كال
سوي تاسيس جديد شكد تامر عليه
عمي كهربائك دفن يراد تفليش
ميخالف يابه نفلش لان الكهرباء دتجي كومه ويكلولي عطل عدك شي ديسحب هواي واني متعاجز اسويها

اي هاهي لعد
شوكت تجي
هسه اذا اكول للاسطه يحير شيسوي بيه ابتسم كلي
كوله داروح كم يوم سفره كربلا نجف وكملها الي الله يرضه عليك
خوش حجي عمي هاذ هو
باجر تحي يعني فدوه مو الكهرباء ماكو وضلمه وحاره
لالا هذا هو باجر الصبح عدك اني
وشتريد حاضر
لا عني العفو اني مشتري وجوه
كملت اكل اخذت الفلوس وطفرت مشيت من يمهم وهم مسدوده بابهم. شكد بطات هاي مفاد قابل راح تطلع. ورحت كبل للاسطه نطاني حصتي والبغشيش الرجال الخلاه بيدي خوش بغشيش

طلعت بيومها للسوك اخذت تيشرت وبنطرون كابوي مرتب
وزينت ورجعت للمحل جنت مبلغ الرجال انه راح اغيب كم يوم وابو البيت كلي اذا صارت اكثر من يوم متلحك بفد يوم بات عدي لان فهمته ماعدي مكان ابات بي اذا كلت للاسطه مسافر ميكولي لعد شون بايت

وصدك ب٧ اني ببيت الرجال
ابو صادق

وبلشت حضرلي كل المواد الاحتاجها وهوويمي يسولف واني خانس احب من اشتغل اكرص مااحجي

من اباوع الوايرات الدفن كلها مطبكه افلش واجر الرجال صفن عليه
باوعتله حكيت حاجبي
عمي من الاخير لو اشتغل لو لا

الرجال صفن
عمي هاي الوايرات كلها مطبكه من تشغلون سخان متتكهربون
اي نوبات تصير نتله خفيفه

عمي هذا كوله شوف رايح طابك حار وبارد
جر نفس وباوع للحايط كال
فلش يابه
وجنت اجره كله بقوتي والحايط من يطلع الواير منه يتحفر كمت اكص وابدل وارتب

كابينه وجوزات. جديده. اسست
من الصبح للسبعه بليل روحي طلعت كملت نص الشغل بس
وكعدت بالكع كال
هسه بعد لازم اكل
ضحكت ونصيت راسي
الضاهر اهل البيت مطلعهم بره اللي جايب اكل من بره واكلت حدما تبنتها ورجعت كمت
كال
ارتاح يابه باجر كمل

مدام اكو بلاجكتر ومشغلي عالسياره واني بعد منعسان عمي روح اذا تعبت
لا يابه متعبان شعدي داسولف وكاعد وانت تشتغل

وصعدت عالدرج اكمل شغل لحد ال١٢ بليل كملت الكهرباء كلها والبيت صار يلهب النفس باوعتله
هاي باحر لازم تطلع عماله
ابتسم
متعرف تبني
طكيتها بضحكه ونصيت
اي عمي اني بنه سابقا. بس مواد ماعدي كلشي

كال
شتريد سجل هسه ادز الولد ابو الانشائيه حتى باجر تتحضر الها وتسوي ها لو تعبان
لا هذا هو عمي تدلل
انطيك هلكد
نصبت راسي عمي اني مجبت طاري فلوس شتنطيني نعم الله كتلك ادور وجوه اني
والله عني ذهب انت نيال ابوك عليك
تخربطت ملامحي مو طاير باحساسي الجديد الا اتذكر نصيت همست
الله يرحمه
الف رحمه على روحه والنعم من رباته
هزيت راسي والم بكشور الحايط التفليش واذبها
ونطيته قائمه للمواد وجابوها رتبتها وفكر شسوي افتر واباوع سمعت صوت ابو البيت يحجي وي رجال بالشارع

وطب
كال
عمي تلزم غير بيوت لو مترهم بعد كالها مبتسم
صفنت عليه جاوبت شكو منها
كال
والله انت ابن حلال هذا جوارينه. هو واخو كهربائهم مثلي كال علواه يسويها ويصلح التفليش ونداري
هذا هو
شوكت
خل اكمل شغلك وتدلل انت وجارك

الله يسلمك وليدي هل اروح اكوله

راح ورجع
حانت باب الهول اللي كاعد بيها مقفوله على داخل البيت بس بيها باب عالطرمه تطلع مفتوحه بيومها بتت بالهول والرجال هطيه بات ويايه

عرفت عده خمس بنات وماعده ولد
جنت اسمع ساكت سكت وحجيت
عمي وهاي المره اللي احترك بيتها خو ممماخذ بيتها من الكهرباء
ست نور هو دزت على كهربائي سوواها الها
ها وسكتت شسال غير لو يحجي بيها نور اسمها هذا العرفته والله من بعد سكوت حجه
هاي خطيه وحدها وابن رجلها كل فتره يجي يطل عليها و ىيروح
جانت ضلمه واني بكلمسامه بيه اسمع

خطيه هاي ضلموها اهلها من هي صغيره نطوها لابن عم ابوها رجال عجوز وهي بت ال١٧
وهووب٥٠
تالي حط راسه وراح وهي بقت العشيره متقبل تتزوج وهي ترملت بعمر
ال٢٢
كضاها وياها معلعل مكيف قبل عرسه عليها خبصنا اهذت حديثه ونطوني خديثه عمي حرام عليم تضلمها لا واني شبيه بعدني بحيلي
تالي عافها وراح

ولاهي التكدر تتزوج يكرعون راسها عمامها
وبقت وخدها لاطفل ولاسند

كلبي وجعني ارمله وكمل كلام

بس هي خطيه كلش على نياتها هاي بناتي بالسادس هي درستهم وبنات اختي مدرسه مال كيمياء وكلهم يطلعون معدلات مو هيج
نمت عمي
ها لالا عمي وياك
بيانك سكوتي
لا هه دااسمعك زين ماعدها اخوه
عدها متعاركه وياه. قبل سنه واجه ابن رجلها طرده
ثاري يريد يبيعها البيت يكولها بيعي البيت وطيني فلوسه وتعاي كعدي عدي
هو من وراه صارت قسمتها حشه براس ابوها ينطوه لابن عم ابوها تكول ذنبي بركبته وصارتلك هوسه
اخوها سلابات مجلوب حشه اليسمع وبس يريد ياكل فلوس

البيت هذا باسمها مسمي رجلها ودزت عاد على ابن رجلها هذا هم خوش ادمي و

كفلها وطرده هو هذا الجان موحود بيوم الحركه
امم

دوختك اني
لا عمي العفو سوالفك حلوه
الف رحمه على روح ابوك شمكمل انت صلوات كلشي تعرف

والله عمي خريج ثالث متوسط وسةتت
شعجب مكملت اشوفك سبع وتذب روحك
جريت نفس الدنيا حضوض
اي والله يابه صح نام عمي نام وراك شغل وانت تعبان واني دوختك
تصبح على خير عمي
تلفلفت بفراشي ناعم ومرتب ونضيف وغفيت بهدومي النضيفه مو ببدله العمل

—-
مليكه-
شهر مر دقيقه منسيت المنضر مغربيه مغربيه اختنك حييل وابحي واركض. خايفه لصلاتي اصلي واطول من اامن يله اكوم
شهر مر واني اخاف اقترب من الشباك الا نادرا
الطيور توكف يم الشهط وتباوعلي واني اتلمس منكارها واتخيل روحي الزمه
تخبل جانت
جنت من اباوع من الشباك المح الهودج يداريها وينضف مكانها ويوكلها

يعصرني كلبي

شهر مر واني ساكته هادئه مااتحمل اي طاري للدم والقتل

هالشهر كله الشباب هادئه. لااشتغلو لا طلعو ابد

وابو قبضه موصل بعد حتى ميباوع للشباك ولااني الاريد يوصل من اتذكر روحي غفيت بخضنه اتخبل
من اتذكر اكوله لتعوفني اكره روخي بس كون يفهم انه ماريد يعوفني حتى ميروح يقتل من ورايه

ويكولي لا شون اعوفج

ماعرف سون امنت وهو رايسهم رغم مافدديوم شفته قتل واحد للموت بس يبقى مجرم

بيوم من الايام طلعت من الحمام ومنصيه راسي بالغرفه داانشف شعري والف الخاولي عليه ورفعت راسي

صار بوجهي واكف وكفته العاديه مفتوحه رجله بزاويه حاده. بفتحه بعد وحده عن الثانيه قدم ونص فزيت ورجعت ليوره
فتح حلكه ديحجي وسده عبسه وبلع ريك

شتريد همست بنتره

باوع لانحاء الغرفه وتكتف ورجع باوعلي بوجهي غطيت ركبتي رغم منزلت عينه عن وجهي

رحت للمندر . نترت
روح اريد انام وطبيت للفراش اتصرف بعصببه

وهو على وكفته يهز رجله ومكتف لم شفته لداخل حلكه تغطيت والخاولي براسي
طفي الضوه نترت

تقدم طفاه وكعد عالرازونه مال شباك يباوع

بقيت صافنه عليه

شنو حتبقه
التفتت ضيق عينه احس يشفق عليه

شبييك شبييك شعدك جاي روح
هز راسه وتنهد ودار وجهه عالشباك
واني نطيت ضهري اله خاف عباله يستغل الفرصه خاف يكول نامت بحضني اليوم اطبلها لفراشها دااقتل روحي

شفته عيونه بس عالشباك ويهز برجله

واني صافنه هذا شبي
صار حجي بالفرع وهو مكتف لان شفته ويهز رجله متوتر
يمكن عباله غفيت بس المكان الكعد بي هو حاي ضوه من بلوجكتر الفرع فصاير بالضوه واني بالضلمه مديشوف عيوني من تراقبه.
وهو يباوع للفرع نضراته تعبت احس
شي عدي وربط
ليش جاني
وليش كاعد هنا
وليش مطلع ومهتم من كتله روح
والكفها
خاف صبحو لزمو
وكمت من طكه عضامي التفت ووكف شال حواجبه ثنينهن وغطه الشباك بضهره من شافني تقدمت اباوع الديباوعله
وخر داشوف كلتها ارجف

كال بتهديد
رجعي نامي

عكدت حاجبي وكع الخاولي من راسي شنو لزمتو
تلاشت ملامحه ورمش مرتين بلع ريك تنهد ودار وجهه صفح عابس حلكه

لزمتو حتكتلو داريد ادفعه من الشباك دفعني وكعت عالمندر خزرني

لتتقربين حتى متتاذين

كلبي احس نقبض حييل حيل

كمت اتنفس سريع التفت هو عالشباك عض شفته وكمت راسن اريد اشوف وتلازم ويايه

دفعني ورديت رجعت ادري بروحي لحوحه لو اعرف اصيح حتى ينتبهون ويوقفون قتله

ماريد ينقتل من ورايه

وخر وخر وخرررر
توه صوتي يعلى وسد حلكي صمه بايده ورجع راسي على على صدره. ضهري بصدره وشعري مفلول ينكط مي
يردد شفافه يم اذني
اش. اش. اش
مقطعه
كمت اضرب بعكسي ببطنه وسمعت صوت الهودج. كال بصوت مسموع.
لو اكدر اطلع اني بيدي الزمك واقتلك بحضن اخوك مثل مااخوي انقتل بحضني. هدات اسمع كل كلمه واحس بنفس ابو قبضه براسي يتنفس برجفه ورجه راسه على راسي من وره وصام حلكي بيدي ومجتف اديه من وره مرجعني عليه كصته حسيت بيها رجاها على راسي من وره احس تعبان اكثر مني من ديسمع
وكمل الهودج

بس ابو قبضه جابك ليا ممنونه اديه.

وكمل كلام بايه قرانيه

يحجي برجفه بنبره صوته

كُتِبَ عَلَيْكُمُ الْقِصَاصُ فِي الْقَتْلَى الْحُرُّ بِالْحُرِّ وَالْعَبْدُ بِالْعَبْدِ وَالأُنثَى بِالأُنثَى فَمَنْ عُفِيَ لَهُ مِنْ أَخِيهِ شَيْءٌ فَاتِّبَاعٌ بِالْمَعْرُوفِ وَأَدَاء إِلَيْهِ بِإِحْسَانٍ ذَلِكَ تَخْفِيفٌ مِّن رَّبِّكُمْ وَرَحْمَةٌ

واني مااعفي ولارايد الرحمه رايد دم اخويه

وسمعت شطب صوت مثل الطلقه الخفيه نفس الصوت من انقتل دمام
هدات فكيت كل عيني رخيت واتنفس سريع

وابو قبضه نزل اديه شوي شوي عن وجهي وكعد عاالرازونه التفت من الشباك باوع ورجع نصه راسه ولزمه باديه
اني كلي رخيت وكفه مبيه بعد
يعني مات
يعني انقتل
يعني روحه تتعذب هسه واي مجال انه ينهدي ويروح للجنه. ماكو خلصو عمره يحوز جان انهدى جوز. جان انصلح.

كعدت بالكع راسن رفع راسه باوعلي ونصه
همست

احقر انسان انت
شون وثقت بيك. مو موو كتلي مااقتله

باوعلي ونصه راسه

اني كمت ارتعش حيل مدري شبيه

شطت وكلسا اريد اجي اباوع من الشباك ويدفعني

كمت اضرب بصدره وبطنه وهو يدفعني بهدوء ويغمض وارد ارجع علي

تعبت وكعت بالكع
يعني راح للنار يعني حي خيتعذب من ورايه

باوعلي رافع تك حاجبه جر نفس وكف واني اصطك جسمي

برد واسناني اصذكت مدري شصار بيه
تقرب من خطوه همس بتعب

مليكه رخي شو رفعي راسج
واني بديت انحل حيل حيل انحليت ورختزاعصابي صوته صدى صار وبديت اغمض ودموعي تجري

فكي عينج لت لتتتغمضين مليكه

وفقدت احساسي بكل شي

فتره مرت وحسيت روحي عركانه وجسمي يحكني حيل فكيت عيني بثكل الريحه تلعب النفس واني سابحه قبل الهوسه من فكيت عيني عرفت اني مجنت احلم

بدت تتوضح الصوره شوي شوي
فكيتها كلها ولمحته كاعد ضهره على حايط الشباك وممدد رجله. وصافح راسه يلوي بكدله شعره بصفحه اليمنى وكف لف من شافني فتحت

كام راسن جاب بطل مي وحبايه. تقرب
بلعي هاي
دفعتها بهدوء شفت روحي حيل محصوره اريد افوت حمام

وخررايده
وين

وخرت البطانيه وشعري منكوش متلفلف وصاعده اللفات لان. ممسرحته. من سبحت ولا وضفرته
كمت وكف ويايه
همست روح ماريد اشوف وجهك

وكف مشيت كم خطوه
دخت ماعدي ارتكاز ابد

مشه ورايه ديلزمني
مااا وخررر عمضت ولزمت راسي شبيه اني

ابتعدجر نفس

مشيت وكمت اميل بله ماحس على روحي

كال
حتو حتوكعين وصار بصفي لزمني
دفعته ولزمت الخايط
اوديج للحمام
مازيد وخر لتلزك بيه ريحتي تلعب ستين نفس كلتها بملل وكره

ابتسم ووكف كملت طريقي استند بااحايط حدما وصلت الحمام

طبيت داقفل الباب خله رجله راسن
لتقفليها خاف توكعين
معلللليك مني
وخر رجله وقفلتها كعدت عالطبله بالحمام لازمه راسي نزعت غسلت اباوع روحي مي مي غاديه ثللجت جريت دشدلشتي الغاسلتها البارحه شارتها عالهواءيه
ولبستها جانت دافيه
وطلعت نفس الخطوات جان كاعد على درج السطح اخر درجه يم الغرفه

وايده على خله

طبيت للغرفه سديتها
ورجع دفعها

روووح رووح لتصعد بعد

ورحت لفراشي شفته كالب المندر ومعدله لان منكع جان بعركي تمددت وتغطيت ارجف

وكف كدامي غمضت قوي

مادري شون كدرت اامن واثق بيك روح دااكره روحي

حر نفس وباوع للشباك ورجع
روح موخليته ارتاحيت روح يله ودموعي جرت. من ورايه حتى فرصه يروح بيها للحنه انسلبت منه

كعد قرفص كدام مندري يباوع من جوه. كصته همس

مليكه تقرين قران
اي نترت طبعا لعد مثلكم
جر نفس وغمض

عدكم كلام بالقران يكول وحده بوحده. الرجل بالرجل
يعني اذا انقتل رجل يناخذ ثار منه يقتل
كعدت عدل فازه بعصبيه
هوًمنو. الكلك مو انيييي بس صوجي اني صوجي جان يفترض مااامن بيك انت واحد مجرم

هز راسه ووكف مليكه هذا علاجج
ماريد تريد تخليني مثلك ابلع حبوب
جر نفس وغمض
هذا علاج سكر انتي من اثر عبطه نوير صار عدج سكر واذا متعالحي يبقى عدج ميروح
بلعت ريك وجريت عيني
٣ مرات باليوم قبل الاكل
حجاها وعيونه عالحبوب خلاها يم المندر بالكع
رفع عينه باوعلي ونصه

واني خانسه متلفلفه بالبطانيه تنهد

معلبج انتي بشغلي

غمضت قوي وابجي مسيطرت اعصابي منفرطه
ه تنهد ودار وجهه الصينيه هسه حصعدها حتى تاخذين علاجج وتاكلين
درت وجعي طيته ضهري جر نفس ونزل
صعد خله الصينيه يمي ونزل

واني كمت راسن اخذت العلاح والاكل ونمت—-
يتبع

#رقم_جديد
مريم السعدي
#بارت٢٧

احذر من البريء الهاديء قبل المتسلط ذو الصوت العالي

فذاك مفضوحه مشاعره وهذا يفكر بهدوء لايسمعه حتى هو

مليكه- فتره مرت عليه واني بس ساكته نزله جوه ماانزل بس مرجيه راسي عالشباك واباوع راخيه اعصابي نفسيتي للاكل انعدمت
يوم يومين ٣
خاله كم تصيحني واني اجاوب كوه تكولي نزلي تعاي اكلي واني ماجاوب
مره صعدتلي تنهد جنت دا احك بيدي دميتها واني شارده وهي تنك
مليكه. يمه شبيك ولج ايديج. يا مليكه شجاج
نترت
عوفيني بدون ماباوع لوجهه
اكليلج لكمه راح تموتين
ماريد همست وماريد اباوع بوجهه عافتني ونزلت تعبت مني واني من ارجف فد مره اكل تفاحه من الصندوك الصعده. ابو قبضه وي الصينيه لو اكل موزه
وابلع حبوبي
سبوع مر واني اشوفهم يشتغلون بهميه وكلسا رافع راسه ليفوك يباوعلي ويكمل شغل
نفس عملهم المعتاد هالمره سلاح مكسر لو معوج يعدلو يصلحو ياخذون الشغلات الزينه منه يخلوها بسلاح ثاني واني بس صافنه

اي تفكير براسي ماكو حتى عبادتي كد الصلاه بس راسي مااكدر اشيله. مرجيه راسي عالحايط واتفرج
الحمام بصف الشباك يباوعلي من الشخط ويحرك بركبته اتلمس منكاره من وره الشباك

سبوع كمل حسيت. الصبح. باب السطح انفتح ماجنت. نايمه جنت واعيه والضوه يشتغل مرجيه راسي عالحايط واتفرج عالفرع حتلو فارغ

صافنه واندفعت الباب بهدوء ملتفتت عليه عرفته هو

سوه
احمم وفات

واني. منداريت مرخيه روحي واباوع واتلمس منكار الطير

سمعت ورايه طكطكه شريط الحبوب شاله ورد رجعه
جر نفس وتقرب حسيته ورايه

كال

شونج

مجاوبته ولا انداريت عليه
ليش متاكلين

غمضت همس

علاجج ميصير تاخذي بله اكل

تنهدت فكيت عيني ميل راسه يشوفني وين اباوع شاف الطير ورد وكف مد ايده جر حنكي غمضت مرخيه. مايعه روحي صفن بوجعي عاكد حاجبه نزل ايده ولزم ايدي رفعه وخر الردن تنهد ويباوع للشخوط اللي. مملخه اديه بيها
هاي شنو
همست تحكني
فكيت عيني يباوع باستغراب جر نفس وهدني

افتر بالغرفه ورجع وكف كدامي كال بهدوء

يوجعج شي

مجاوبته

تقرب مد ايده يدغني كشيت جسمي رجع ايده كلها ومباوعت بوجهه

هاي شوي لفات تكه مشاوي تحبيها انتي

التفتت باوعت بعيونه بتعب بلع ريك ودار وجهه بارتباك عالشباك
مشه كم خطوه جاب الماعون بي اربع لفات قرب وحده مااخذت

رجعها خلاها عالرازونه يمي وبصفها بطل لبن باوعت عالاكل الدخان يطلع منه والريحه ضل واكف شوي ومشه وصل للباب

وتذكرت التصوير همست

ديصوروكم

وكف ورد تمشى كم خطوه كبالي صار
منو

مجاوبت
منو مليكه
ماعرفه همست بلا موبالاه

شوكت احجي كالها بتوسل

والله ماعرفه الصبحيه نوبات المح بالسطوح كلتها وماباوعله عيوني عالشباك ومرجيه راسي

تنهد وعافني وراح
بس انسدت باب السطح اخذت اللفات اكلتهن كلهن محسيت على روحي وشربت اللبن

كدرت انام براحه هاليوم
ومرت الايام عاديه. حيل الحمد لله خلصت علاجي وكمت مااتخربط بس بعدني كئيبه ومالي واهس شي وابو قبضه ماعاد صعد
——-

احمد- كملت بيت الحجي ورتبت التصليح وطلعت عالبيت مال حيرانه وهم اشتغلته وهم كلي اخذ راحتك بس ذاك خدمته جانت سبع نجوم

على عد دقايق فاكهه و حلويات عصاير ولفات وصواني تروح وتجي كملته بيومين هم. ورجعت لشغلي. الاسطه ميدري كل العرفه انه اني جنت بالزياره

الفلوس خليتها بسترتي. وماانزعها بس من انام والفها جوايه مثل المخده. وانام

يومين مرت واني تزورني باحلامي
ست نور حتى اسمها نغمه. نورر على نور

كمت اصفن اشرد بخيالي واتخيل تبادلني بنضره بابتسامه احسها حنينننه للاخير ردت اي حجه اروح بيها لذيج المنطقه

خابرت ابو صادق كتله
عمي اي احد يحتاج كهربائي بنه اني موجود
ممنونك عمي تدلل

وراحت ايام جتي ايام توني مكمل شغل دك تلفوني ابو صادق رديت
الو
ها يابه شونك احمد،هله عمي هله بيك
بيك اكثر عمي رادو كهربائي لان الكهربائي الجبته اني لاعب لعب ببيوت الجوارين
اي عمي تومر شوكت تريد اجي
تعال باجر الصبح لان بيتين ابني وتفاهم انت وياهم
ممنون منك عمي ابو صادق
لا ابني هذا عملك وانت انسان نادر
مشمور سديته منه

وكمت سبحت وتحضرت هدومي لباجر والليل كله اكول بلكن المحها هيج وحدي وحدي اتخيلها حتى ماخليها تحس

طلع الصبح وبدلت بهدومي الجديد ه ورحت للمنطقه

لابو صادق جان مبدل ديطلع واخذني وداني عاللي يريد اسوي كهربائه
وراح كعدت اشوف الميزانيه صايره خرطي وايرات ملفلفه مكومه ومحشوره ومسوين غيرها حارين من غير نقطه والنقطه ممتحمله. هيج لود يوووو لاعبين طوبه حكيت لحيتي ابتسم باوعت لابو البيت

عمي هاي صايره هوسه

على كيفك برااحتك اريد تسو يها لوز
باوعت للحايط اكو وايرات دفت محروكه ومخلين ضاهري معلكي تعلك رجال جبير بالعمر خطيه منويسويله
باوعتله
عمي ابلش تفليش واعدل وارد ابني شتكول

ابني اني جايبك الك وهاي شغلتك نغجفس مرتبت بيت ابو جنال وبيت ابو صادق رحمه لا الله سويها لان بس اني والحجيه هنا وصراحه اخاف لايشتعل البيت ومحد

يحس
لاعمي انشاء الله ماكو الا الخير زين اني محتاج كم شغله
اي كول شتريد هسه ادز على ابو الانشائيه
ماشي عددتله وهو يكتب واني اتفرج وافتر خطيه زوجته مره جبيره كوه تمشي وكلسا تجيب كهوه لو جاي لو عصير
خاله ارتاحي والله متريك وجاي ماريد اتعبج
لايمه شوي ترطب ريكك
رحمه الله والديج

وجابو الغراض وبلشت من ساعه٨ لل٨ بليل حتى تصليحات كملت بس غديت جنازه الرجال حضر الغده بس مقبلت اكل عاد لفها شجسفري ونطاها الي وي الفلوس ضل يتعامل اخرتها كتله شتنطيني نعم الله. بس منصفني ومنصف تعبي اخذتها. وغلست خطيه رجال جبير

عت بطريق الرجعه رد دك هو الرجال الشايب واني بالكيه. رديت
ها عمي خوماكو شي خوالكهرباء ماطكت
لايابه كلش زين الشغل بس جيراني ارمله خطيه كالت بلكن يحي يشوف كهرباؤنا

كلبي انكمش بس كال ارمله بلعت ريك. وحجيت
ااي عمي باحر من الصبح اجي

ماشي سده مني وكلبي وجعني
ميت مره رحت وجيت لبو الانشائيه وافوت من يم بيتها بلكن المح. اي شي يتحرك ماكو صنطه حتى الباب مزنجله من فوك

نطيت عذر للاسطه. ومعذرني كلي باجر متطلع رديت اتصلت بالرجال كتله. كال لعد على عكبه كتله صار

كملت شغل السيارات وشمقصر سويت. الاسطه جان يراقب ساكت. وثاني يوم كدرت احصل وكت العصريه اروح كلت اطلع حجه اشوفها مداصدك بعد دزت عليه وراح اشوفها
اطلع حجه اشوف الكهرباء واكولهم باحر من الصبح اجيكم
باوعت لروحي بالمرايه مال ورشه اكثر من مره الاسطه توقع عدي موعد وتركني لان مقصرت وركبت كيات وصلت تقريب ال٨ هناك

دكيت للشايب كلي ماشي وصلت لبيته فكلي الباب خطيه واجه ويايه واني كل خطوه كلبي يتلهف. بس كون ماانسى روحي بنعس عينها

كون روحي تضل ثابته ومتخدر ببياض وجنتها

وصلنا وطلع نفسه بيت
ست نور دك الجرس الحجي مره مرتين مفتحتها

باوعتله كال
موهاي وحيده تخاف تفتح باب من تغورب الدنيا

بلعت ريك وعيوني عالباب بس ردت اسمع احد يفتح الباب الداخلي وسمعت والله

منوو

اني اني ست نور اني حجي معين

جيتك عمو

شلت رجل. وحطيت رجل بارتباك تمشي وكلبي يدك سريع. وسمعت صوت الزلج. والقفاله. واحد ثنين.

وفتحتها الباب صرت بوجهه طبيعتي من اصفن عبالك اخزر واني دااسحب وجهه بطابعه روحي
صفنت عليه ركعت خطوه ليوره
حجابها البيحي التلبيس يوصل لبطنها ودشداشه فضفاضه.
الحجي كلها
يابه هذا احمد الكهربائي

واني صافن عليها هزت راسها سامته وتباوعلي باستغراب كالت بصوت كلش ناصي يوصوص صوتها
مو عمو امين كال باجر الصبح واني اخذت اجازه من وره الموعد وودنيا ليل عمي

ميخالف بنتي اني ويا بس يشوفها. للكهرباء حتى يشوف باحر شيبلش
خوش كالتها وباوعت لداخل البيت
اا تفضل عمو

طب الحجي وطبيت وراه بقت الباب مفتوحه كلها مشت ورانا
واني الاغبر التفتت عليها مرتين باوعتلي و نصت كالت.
عمي هاي بالطرمه موجوه
وعافتنا وراحت وتباوعلي بغضب. نداريت مرتبك. فكيت الميزانيه هم صايره خبيطه راسي مديجمع فركت وجهي وباوعت للحجي. عمي هاي باجر اجي من الصبح بلغ الست اترخص اني

هله بيك يابه طلعت ورجعت اكل بروحي اكل واكول المره الجايه اصلح غلطي وماباوع ابد ابد سض

واتذمر خزره عيونها روحي تسيح وافز من يصيحون
يمك نازل
حدما وصلت للورشه لفيت راسي اريد انام مااكدر لهفه اللقاء سلبت راحتي بقيت اتكلب تالي كمت فحريه صليت وقريت قران واندعيت تكضي سلامات وماعرف شسوي بفرحه كلبي ولهفته بس كون اسيطر على روحي

الحمد لله من طلعت الشمس قبل السبعه طلعت ممتريك مكدرت بس شربت مي ومن الاسواق اخذت بسكت مالح خاف ادوخ. لان البارحه ممتعشي

اكلت كم قطعه والباقي خليته بجيبي

وصلت وكبل رجت لبيتها دكيت الجرص مرتين جانت ساعه سبعه وربع
فتحت الباب عيونها منفخه وختلت وره الباب رغم لابسه الحجاب. همست

بس ممكن دقيقه يجي الحجي

هزيت راسي ودرت وجهي وايدي بجيبي

شوي وشفت الرجال اجه طبينا وبديت اكص بالوايرات واشيل الجوزات كلهن مفحمه تكومت بالطرمه. انداريت شفت الرحال مو ورايه نزلت ردت بس اغسل وجهي لان متت عرك كعدت عالدجه بالطرمه جوه السقيفه بالضل وصافن عالكهرباء والوايرات وافكر سمعت ونه الباب دنجت همست
وينه عمو الحجي

همست
مادري انداريت ملكيته قدمت جاي واني مدنج اخذته واخذت الصينيه منها وبقت واكفه
عفيه هاي شمسوي
كالتها بقلق مباوعتلها بس كلبي اندار عليها

هسه اكمل واشيلهن لتخافين مابقي زبل

خاف متعرف شو كلها طلعتهن صلختها
هه صلختها شنو

التفتت عليها تباوع بقلق دارت وجهه مديت ايدي بجيبي. طلعت البسكت والجاي بيدي هي واكفه بارتباك من حركه رجلها تقلص اصابعها وتفكها واني مدنج

اا يمكن ممتريك مو

مردت رفعت راسي على كيف باوعتلها خجلت يمكن لان نستني همست
ساعه عشره

تلبكت
ااني توقعت متريك والله ممدخله عماله قبل ببيتي اسفه

لاعادي دااكل بسكت
لالا هسه اسوي هو اصلا البيض دينسلك

هزيت راسي واباوعلها

ورجعت باوعت للميزانيه
يعني هاي تكدر اليوم تخلصها
جريت نفس باوعت للميزانيه وباوعتلها
اليوم وباحر

تخلص
لالافدوه عدي دوام
هه شسوي يعني بكيفي قابل
اباوع للميزانيه واحجي بهدوء
مدري شبيه تخبلت وقدمتلها بسكت
تفضلي تاكلين

لا تسلم
بقيت ماد ايدي صافن على روحي وايدي المادها. عبالك صاحبي واقدملها من طاح حضك احمد. واتفاجا مدت ايدها الحلوه بيضه ومدبدبه همست
ماردك شكرا يله بينما يصير الريوك.

وطبت

كلبي راد يوكف كعدت وامسح بعرك كصتي
هي حاره لو اني وجيت
شبيه. حتخزه حنفضح لاداسيطر على روحي ولاجسمي كمت اتخيل واني اشتغل ايدها تلزم ايدي واتخيل دفو الاحساس

اني شبيه تخبلت عصبت من نفسي واجه الرجال الشايب
اعذرني عمي بس رحت تسوكت للحجيه ورديت

هجعل، راحتك عمي دااشتغل وطلعت الصينيه يمكن جانت تنتضر الرجال يجي

عفت الدرنفيس ونزعت الكفوف وتقدمت برزانه اخذت الصينيه
عاشت اديج. ست
بالعافيه ماما الف عافيه
ماما !!! ماما شنو هازه كاروكي احجي وي روحي مدنج مباوعتلها انواع الاجبان والبيض اكلت حدما شبعت وكمت عالشغل ركض ركض وباوعت للحجي
يابه هاي كملت الميزانيهوالوايرات بدلتهن لييي المطبخ هسه لازم الداخل اكمل مد وابدل دكم واصلح تحاحيها للست نور

اي خل اصيحها

طب دك باب المطبخ شوي وطلعت
ها عمو بشر

بنتي يكول --- باوعتلي واني صافن عالوايرات التفتت عليها كالت بنتره
هاي شمسوييي مفلش الحايطط

نترتها فززتني التفتت عليها شفت خزرتها وزتبرت وجهها.

اي لعد شنووو ضيقت عيني لعد شنو غير اطلح كله دفن كهرباءكم حجي شون سويتلك البيت
اي عمي نور نفسنا
عمو اني لو ادري بي تفليش فلا ادز علي يوم كامل يشتغل تالي بس هاي مسويها والنوب مفلش الحايط باوع باوع شون محفر

نترت هسه شون شسوي تخوصرت
صيحت. رافع تك حاحب متحملت مره تنتر بيه مدري من يمها متحملت ماعرف مروه وبلاويها ورقيه كرهتني بجنس حواء خلتني اتخبل اذا احد رفع صوته عليه حتى لو نور على نور
بقت تحجي بهدوء
يعني مومعقول هذا شغل هذا
واني جني وركبني شمرت الدرنفيس بالكع ولميت شكو زباله الحجي يهدي بيه
على ميفك عمي واني مارد خانس

هي نترت وشدعواك عصبي النوبه مقابل هو

مجاوبتها شلت جيس الزبل وذبيته ومسحت بالماسحه الوصاخه كالت
كهرباء شون تضل هيج البيت طافيه كهربائه مجاوبتها والرحال يهدي ست نورفدوه الولد يعرف شغله وامين ويتساهل حتى بسعره
واني منصيه لميت كل الترابه والكلك مال حايط غسلت ايدي مدنج. ببوري الخديقه ورحعت شعري واسمع الحجي يعتب عليها. وهي ساكته مشيت المي براسي ابعد الترابه كم مره وغسلت وجههي بس احس روحي افور نار صرت

مسحت حذاءي. بيدي ونضفت هدومي وانفض بيها

وكفت مديت ايدي للحجي تصافحت وياه،فيماللا عمي
وين ابني والكهرباء
خل تشوفلها واحد يخربط بيها براحته

شنو تعوف شغلك عالنصصص. نترت
التفتت عليها خزرتها باوعتلي وتلفتت يمنه ويسره ارتبكت عيونها وطلعت
من البيت
روحي ترجف من العصبيه. صعدت كيات وذبني ونزلت تمددت نمت راسن. شنو نار شنو اعصابي تلفت حتى غده مجابت خل تشوفلها واحد يخربطلها براحته
ورجعت لشغلي حمزه. كم مره اجه يكولي ارجع للبيت علساس رقيه متزوجه. واني ارفض ارتاحيت هنا عمي خلصان

ومكدرت اباوع بوجهه قاسم وامه بعد

سبوع مره ورد خابرني الحجي مرديت ابو صادق العم امين هم دك مرديت ماريد اروح وانهان

كم يوم ودك تلفوني جانت ساعه ٨ بالليل تونا معزلين
جان رقم غريب رديت
الو

الو سلام عليكم

بلعت ريكي صوتها هذا بقيت ساكت

الو
نعم
احمد مو
تفضلي
عرفتني
اي ست نور
ابني ممكن تجي باجر تكمل عملك مااتدخل بعد اني مااعرف وومشايفه ابد الكهرباء مدفونه تره فمن عمو امين كلي كلنا هيج وورحت لبيتهم شفت ترتيبك كلش ضجت وكتله خابره وانت مرديت
صح مرديت لان اعرف. ديكولي على بيتج . ومردت اجي بعد
واني هم مثل امك
غمضت
هاي خابرتك اعتذر وماتدخل بشغلك بعد ها تجي باجر

مادري نترت

لافدوه ماما تعال والله اني مره ووماكدر ادخل احد لبيتي خطيه ابو صادق تورط ويايه بس تحملني يصيبك اجرادري تعبك البيت قديم ووتعبان بس شسوي

اني عادي عدي مااتعب بالشغل بس مال مره تعلي صوتها مااتحمل تره عسى مامكمل كل الشغل اعوفه واطلع

لا كتلك اعتذر مصار شي هسه امك متصيح عليك
تنهدت ماشي

يعني تجي باجر حتى اخذ اجازه

اي اجي اخذي

خوش ممنونه منك امي الف رحمه على اهلك

هله بيج سديته وراها واباوع لرقمها وكلبي ينبض ومن اتذمر تكولي ماما ازيد حنان ماانقص

ثاني يوم من الصبح طلعت مكشخ نفس اللبس ومتعطر دكيت الباب انفتحت بيدي بقيت واكف دكيت الجرس عرفت مكطوع الواير
دكيت الباب عاد طلع ولد
يطلع بال٣٠ كال تفضل اعتذر. منك مسمعت
لاعادي

الكهربائي مو
امم بالضبط

تفضل ست نور بالمدرسه هسه تجي دتاخذ اجازه
ماشي
طبيت وياه طبيت للمطبخ واباوع للدكم كلها مطعمين عليها وحده من اللخ
باوعت للرجال وباوعت للكهرباء ليفوك الواير مال شمعه جاريله من البنكه انحولت

هاي شمسوين

ها هاي اني ههه والله مو من تطفه عدها شغله اجيها. اشيل منا والزك منا شسوي ماعدي مجال والله

الله يس

اعدك بس بله امر درج درج عدكم
درج اي والله يمكن ذاك اليوم شفتها تنضف بي دقيقه

وراح بقيت اباوع عالنضافه والترتيب البسيط مال مطبخ. يللمع الكوشه مال قنفه عيون ناعسه بيها جنها عيونها جاب الولد الدرج جريت القنفه وخليته وصعدت

بديت افحص اباوع الولد عيونه بالساعه

يابه اذا عدك شغل روح
والله دوامي بعد نص ساعه ونور تاخرت هاي اجتي الحمد لله
طبت تمشي سريع ذبت حذائها واني عيوتي تترقبها من جوه ليجوه
همست السلام عليكم

عليكم السلام
اسفه تاخرت المديره تاخرت انتضرتها ها علاوي اخرتك مو

يله ميهم عايني خابرت امج كالت هسه يذبها اخوج
اي والله تعيش هاي يمكن وصلت

روح الله وياك.

احمد- جنت اراقب كلامهم واشتغل بس وجودها وترني حيل طلع. ابن رجلها وصلته وطبت مره جيره بالعمر كوه تمشي وهي ساندتها عالعكازه وتدردم
لج يمه بيعي البيت وتعاي عدنا متسمعين كلام. اخوج تضلين هيج

يمه سدي الموضوع هاي كلما تجيني هيج تسوين

اي لعد باقيه هنااا وحدج شنو الا تجيبينا حجايه. وياكلون راسنا اخوج يوميه احد يسمعه
محد يسمعه كذاب يسوي هيج علمود البيت ممكتفي تنازلتله عن بيت ابو

سكتت الام وطببتها جوه وطلعت

حانت لابسه جبه خضره. فاتح وحجاب مشجر مرتبه عليها حيل اني اباوع واشتغل كالت
ممتريك مو

مجاوبتها. متعلمين من جنت بننه من يسالون متريكين منرد معناه ممتريكين واذا كلما اي يعني تريكنا وجينا

همست دقايق واحضر الريوك

مجاوبت كمت اشتغل وهي بالمطبخ تروح وتجي وتطب وتطلع. تعبت كدما قاسم روحي نصين نص يستغل ونص يراقب حركتها الهاديه

ريحه الجاي طلعت وخلت صينيه جوه الدرج همست

تفضل اكل هسه وبعدين كمل شغلك

نزلت بهدوء علكت الغراض عالدرج باوعت لايدي وباوعتلها

بس اغسل
همست وجهه تعبان هاي كدامك مغسل

رحت وغسلت والتفتت عالصينبه كعدت اكلت وكمت كملت شغلي هي مموجوده

اخذتني الهميه بالشغل واي طكه تصير التفت اكول بلكن تفوت للمطبخ. كملت المطبخ وصحت

يياللله
ست نور
ماكو رد
ست نور. عليت صوتي
كالت
جيت جيت طلعت من داخل غرفه من الغرف. ومشت سريع عيونها توها كاعده من النوم

صح النومه ههه
شفتها ضاجت دارت وجهه محتاج شي
نترت
اي كملت المطبخ بقيه البيت الحجي شو مااجه

مكدر تعال هذا الهول تفضل
سحلت الدرج وكمت اشتغل بقت كاعده تتفرج عالشغل واني التعيت احر الوايرات الدفن واكص وابدلها وارجعها بمكان القديمه وارجع اصب عليهن دااشتغل والهول صنطه توقعت طلعت

همست تسال
من قرب صوتها
شمكمل انت

فزيت وتحرك الدرج ردت اوكع ولزمته ثبتت وكفتي
اسفه فززتك
لا هه معبالي انتي هنا
لا باقيه خاف تحتاج شي
باوعت بعينها بياضها شكد صاافي ومن نهايه عينها توسع رهيب والنوبه ناعسيه صفنت ونسيت الاتفاقيات التفقتها وي نفسي ببلعه ريكي دارت عينها

صعدت راسي اكمل شغل
ممكمل خريج متوسطه
شعجب شنو مالك واهس

ههه شفتيلج واحد ماله واهس وهو من الاول متوسط للثالث الاول عالمدرسه

حجيتها واني اخبط بخبطه الصب عيوني ليفوك

لعد ليش تركت حرامات

ضروف
دومنا نخليها على شماعه الضروف. ونبريء نفسنا
هزيت راسي وعيوني فوك كالت

حرامات تضيع شبابك وتروح شهادتك تفرح اهلك اقلها
ههه مابقو اهل يفرحون ست نور

سكتت شوي وريحتني خليتي استغل لتفكين جروح بهذا صوتك اللي يشل حركتي

ورجعت حجت

انت متزوج

هههه لا طبعا كلتها وكملت شغل

وليش طبعا لعد زين هيج تطلع بله ريوك اذا ماعدك اهل يصيرولك عزوه
جريت نفس ونزلت من الدرج ابتعدت هي
كملت؟
لا هل تنشف الصبه داكمل الصبغ. فد ساعه بينما ابدل الدكم
اصبلك جاي
مجاوبت

راحت صبت وجابت وياها كيك كعدت بالكع متربع. وشربته واملت القطعه وهي كاعده عالقنفه تباوع عالوصاخه مال كع مال تفليش الحايط
لتخافين المها

لا عادي بس خاف متلحك اليوم

طابق الفوك متصله ميزانيته بالجوه
لا ماريد الفوك هوًمنو صاعد
لا ميصير. حتلو مرتبطا ت الميزانيتين كلتها وكملت اخر دكمه
صعدت اكمل وتلفتت

تريد شي
ااجان اكو بطل مي هنا
ها ذبيته وصخ
لا مو وصخ بس الخارج مالته وصخ الداخل تضيف بس لان الزمه وايدي مال شغل اوصخه

هسه اجيبلك غيره
سكتت
مو داسالك ليش مترد كول اي لو لا

والله من جنت صغير واشتغل بالبناء متعلم هيج
راحت جابت وجتي
ليش من شوكت اشتغلت بالبناء
والله من عمري١٦ سنه حبيت اعتمد على روحي وتنهدت وكفت واباوع للحايط واساوي بي كالت

اي وبعدين
ههه باوعتلها شنوه البعدين

اعتمدت على نفسك سويتلك شي
تنهدت لا مسويت شي كلشي مسويت بقبت اباوع بعينها رفعت تك حاجب كالت
شفت هذا الحبيت اوضحه دراستك لو معتمد عليها مثل متكول معتند على نفسي حان وصلت حان هسه انت موضف محترم مو عامل بناء وتعبك اضعاف اضعاف نزلت من الدرج عاكد حاجبي
ليش وشبي عامل البناء ست نور وضحيلي اكثر

موقصدي شي بس تعب وهوسه شبابك يضيع
ست نور انتي متعرفين الضروف المريت بيها شنو

كلنا عدنا ضروف بس السبع اللي يواشك بين ضروفه ودراسته

انتي احد دازج عليه خزرتها ونترت
انتي نعرفين المريت

بي شنوو حتى تحجييين. ماتت امج وانتي بصف ثالث متوسط وانهد حيل ابوج واختنكتي من البيت كله وهجيتي وعفتي ابوج بمحنته.

لووو انسجنتي ضللم خمس سنين من عمررج راحت وبيها ابوج مات بانفجار واختج مراهقه. ضايعه متعرفيها وييين لو عدج. بيت عم انذال اذو اختج وخانوًامانه ابوووج لو عدج عم طايح صبغ نايم براسج خلاج تباتين بالورشه بنننص الجريديه والدهنننن
جانت فاكه كل عينها صافنه. تبلع ريك بكل. شغله اكولله عليها وتهز راسه تحاول تهديني بس بعد انفكيت سكتتلهاهواي
كلتها وشمرت المالج متحملت جريت غراضي من الرازونه موبايلي محفضتي وتيشرتي وبنطروني وطلعت ببدله العمل من البيت لحكتني
بس دقيقه احمد وين رايح
ولا درتلها بال احتركت حرك. وعفت البيت وطلعت انغثيت مغثه ميعلم بيها الا الله

بعدني مواصل وابو صادق دك عليه رديت راسن عيب من الرجال
ها عمي
ها هه هايابه شنو كالو زعلت
عمي خاطر الله كلبي خلصان اني بيا حال

ميخالف يابه امسحها بيه ست نور ترى متعرف ضروفك
واني شعليه هي شعليها مني
يابه سهله دتعال باجر الصبح ونتفاهم
ماريد عمي فدوه رحتلك كلبي مايحمل مغثه

لا لخاطري اني كلبك طيب انت تهون عليك حرمه كهرباءماكو بيتها كمل شغلك اقلها واخذ. وارديتك وروح

استغفر الله ربي واتوب اليه اشوف عمي منا لباجر
خوش يله وليدي اخذ راحتك
فيماللا سديته بس نار غادي كاعده تلوم بيه ليش اطلع حجه بالضروف وانتي ياهو مالتج

خرب حضي اي والله النوب خرطتلها قصه حياتي

يومين مضت مكدرت اروح ويخابر ابو صادق اتعذر منه اكوله الاسطه ميقبل

هي مخابرت بعد ولااني الانتضررفونها شلتها فد نوب من راسي وقنعت روحي نوبات واحد يعجبه شي حد الموت ويتصدم بي مو نفس توقعه.
خليل تخرج ملازم اول صار بالجيش حمزه حجالي عنه ورقيه تزوجت عمي راجح رجع لشغله بباب الشرجي يبيع مواد بناء جص وسمنت وهالسوالف باحدى السكلات

اما اسينات فاخليها هي التحجي
اسينات- بعد زواج رقيه مااخفي راحتي كمت انزل واصعد براحتي خاله مروه دوم بيت اخوها واني انزل ادرس جوه عالتبريد لان فوك حاره
ابراهيم نوبات موجود ونوبات لا من موجود اداري بعيني بس هو ميحبني دوم ينتر بيه لو يضوج من احجي حجايه زايده يعوج حلكه واني لضوج اتركه

بس قبل ليطلب انفذ

هدومه وكويها واكله ونوبات جايات

كلها عليه وحمزه من يجي اتدلل بجاله.شكو نساتل طلعات يطلعني ولو بسيطه ولو للسوك بس كلش اتونس وياه
وبدت معاناتي
خاله مروه كامت تضغط عليه بالشغل
اني رايحه لبيت اخويه البيت من فوك ليجوه اريد يلمع

واني عوبه راسن اكول صار

اخلص من عصبيتها
ومرت الايام مره واني انضف غرفتها شفت عليه الذهب مفتوحه سديتها ورجعتها لمكانها وكملت شغل
واجه حمزه لليل واشتغل الصياح
لجج اسيناتت صخيمممه
نعم خاله بابا طلع من الغرفه راسن نتر هاي شكووو
بنتك عيني بنتك شايله وصله ذهب مني بعددتربايه امها
ابويه مقبل ورزلها وهي تلعلع

ابراهيم الحقير كال
اي هي طبت لغرفتج نضفتها وطلعت
ونزله حمزه تلازم وياه وعياط وصياح وابراهيم ضربه كونه اكبر منه حمزه نصه اباوع وجهه صار احمر وكمز على ابراهيم كطعه

واني متت بجي وخوف
خاله مروه تدعي وتصيح. الله يشيلج وكعتي بين ولدي مثل مليكه

ونزل ابويه يصيح ويعيط ويفاكك ولاحمزه اليهد ولا ابراهيم. اخر شي حجه حمزه بصياح
ابراهيم الاخذها زين لو مزين ابررراهييم الماخذها موديها لحبيبته
وابتعدوابراهيمً كمز عليه يريد يضربه
وبابا كعد عالدرج لازم راسه وخاله مروه تفاكك بينهم
تدمو ثنينهم وطب ابراهيم للغرفه وقفل الباب
وحمزه صعد يمسح بردنه ويصيح
واني متت بجي
نتر
عليش تعوين لللج علليش والقران اذا بعد نزلتي نضفتي جوه احركه البيت
اي اي والله ماتضف بس على ميفك خشمك بي دم
مسحه بردنه وعاكد الحاخب صاك سن بسن
ورحع ديريد ينزل ولزمته ابجي ابويه صاح
يااابه بس كافي مااكدر بعد عوفه عوووفه وانجب ابقى فوك
خاله مروه خنست عبالك صدكت حمزه
صعد حمزه طب بهولنا وركع الباب وحده
—-
يتبع