#الشيخ_وساره

#البارت السادس والعشرین

ساره : لبست اعله حذاء عندي ورقی عطر ولفیت وطلعت لکیته منضرني بالسیاره صعدت باوعتله رافع حاجبه تعودت عله هاي الحرکه اذا ما عجبه شي

جلال : شنو هاذ العطر سابحه بي یجیب التایه

ساره : عادي هو عطر اکید تطلع ریحته

جلال : والله دقیقه بس

ساره : اباوعله فتح جرار بالسیاره وطلع عطرا ونیتهه واضحه سبحني بي عصبت کتله شبیک خنکتني کافي اح اح اح فتحت الجامه ختنکت

جلال : هسه صار عطرج من عطري

ساره : قصدک هسه البنات ترکض تشمشم بیه

جلال : بتسم غیورا

ساره : هههاي ماتضحک ومشت السیاره شغل غنیه
(هوی ماکو هوی ) ویدندن ویاهه درت وجهي حته ما اضحک وصلنه للمعرض اول مانزلت من السیاره مشینه شوي وکف ودار واجهه لان باوع للحذاء وخزرني لان یطلع صوت بس اصبرلي دخلنه للمعرض الغرف تجنن بس عل عناد فریته فر ویاي یکول علیهه اکله ماعجبتني رحنه للثاني ونفس الحاله اباوعله خلص راح ینفجر وانه اذا باوعلي اسوي نفسي اباوع للسکف لان اذا اصد بعینه یمکن انذبح
بعدین شفت غرفه تجنن بس هم ردت اعاند بس قبل لا احجي هوا کال

جلال : خلص راح ناخذ هاي

ساره : بس انه مااریده ما عجبتني

جلال : مم والله بس عیونج ما تکول هیج ادري بیهه عجبتج یالله امشي واذ عجبج شي ثاني کولي

ساره : غندبت لٸیم جاي نطلع وجان اشوف غرف جهال مال بنات بقیت واکفه امکاني اباوعلهه

جلال : عجبتج

ساره : اي تجنن ملاک راح تحبهه جنت احجي ومامنتبهه لحد ما کال لابو المعرض راح ناخذ هاي هم

جلال : یالله امشي

ساره : طلعنه من المعرض وکفني یم مطعم راقي
ماشتهي لیش جبتني هنا

جلال : انه جعت یالله نزلي

ساره : حجزنه طاوله ونزلو الاکل یشهي

جلال : یالله اکلي

ساره : کتلک ما اشتهي حته الاکل راح تجبرني علیه
بقی ساکت ویباوعلي عیونه تحجي هواي شغلات اشوف بیهم التعب والحب والغضب وکلبي یضعف کدامهم بعدین رجع کمل اکله صدک مبین جوعان
شهاني منضرا اخذت قطعت بیتزا وشربت کولا باوعلي بتسم وبعدهه دفع الحساب واخذ سفري للبیت رجعنه العصر الجو یجنن فتحت الجامه واخذت نفس الهوا نقي یرد الروح

جلال :تریدین نوکف شوي

ساره : لا ماکو داعي اکید ملاک تنتضرنه هسه

جلال : شکلي انه الراح ابلش اغار من ملاک الراح تاخذج مني

ساره : اخذتني هیه صارت اهم شخص بحیاتي
اباوعله عصب وصار یسوق بسرعه خفت معقوله یغار منهه صدک وصلنه للبیت اجیت انزل سحب ایدي

جلال : اذا لبستي هیج حذاء بعد اکسر رجلج ماعندي مرا تتمایل بمشیتهه

ساره : نترت ایدي ودخلت للبیت بس رتاح کلبي لان عصبته وضوجته احسن خل اروح اشوف ملاکي ....

...............

مروا : وکفت اخلي المسات الاخیر لان راح اروح الحنه مال زهراء بت خال سما مقر الاعداء 😁 ولازم اضبط نفسي لبست فستان لون جویتي طویل کلوش بي یاخه من فوک نازله عل صدر بدون ردان کلش حلو وشعري رفعته وخصل نازله خطیت اعیوني ومکیاج خفیف وحذاء کعب جاي اخلي عطر ودخل صالح سویت نفسي مامهتمه ارتب بنفسي هو هم دخل بدون میباوع راح للکنتور طلع ملابسه من سد الباب یالله نتبه اباوعله بالمرایه بقی واکف ویباوعلي من فوک لجوا انه هم خباثه درت بطریقه مثل الممثلات کتله وهوا صافن ...انه جاهزه شوکت نمشي

صالح :هاا وین نمشي

مروا : غیر للحنه

صالح : نتبه هااا اي اي بس خل اسبح واغیر ملابسي واجي

مروا : ماشي درت اطلع عبایه اشو بعده واکف یراقب حرکاتي

صالح : احم مروا شنو راح ترحین هیج

مروا : بتسمت جنت منتضرا هاذ السٶال بس سویت نفسي ما فهمته درت کتله لا طبعا راح البس عبایه وشال واغطي وجهي

صالح : لا شرایج ترحین هیج طبعا راح تلبسن عبایه انه قصدي جوا راح تبقین هیج وهاذ الضیم کله طالع

مروا : حسیت بنتصار لان بده یعصب درت علیه کتله بنفس نبرتي البارده اي طبعا غیر الحفله بس نسوان بعدین کلهه راح تلبس هیج اصلن انه لبست طویل
ادري بیک ما تقبل البس قصیر

صالح : بعصبیه وماتدرین بیه ما اقبل زنودج تطلع ولا صدرج ولا شعرج ولا حته عطرج هذ المیت مرا کتلج لا تخلین منه بعدین شکو خاله مکیاج ما اعتقد اعیونج عایزه جم......😠شوفي مروا تخلین شال عله جتافج وتکعدین یم امي رکص ماکو ولا تختلطین بخوات المرحومه لایسولج سالفه انه لوما سما فلا اخلج توصلین وحضرتج طلعتي عروس الهن

مروا :اباوعله شلون یحجي بعصبیه نصدمت ما توقعته راح ینزعج لهل درجه بس فرحت شلون خایف علي منهن هزیت راسي ماشي طک بابا الکنتو نزیت ودخل للحمام یدردم بسرعه لفیت الشال وشال عله کتفي ولبست العبایه واخذت شي یغطي وجهي
ونزلت نتضرته یم خاله وجنان شوي ونزل عطرا سبقی والدشداشه ولاف الغ

ترا والسبحه بیده طالع یخبل😭 ما ما مااریده یروح احس دمي حترک من الغیرا صعدت بالسیاره مبوزه وهوا یباوعلي من المرایه وکل شوي یتنهد ویستغفر بس لا شیطان انه وما اعرف هههه و

...صالنه غطیت وجهي ولفیت العبا نزل ویانه لا یاربي بس لا راح یدخل للبیت وتشوف
ست فاطمه وتلطشله هٸ هٸ رحنه عله باب المطبخ طلعت النه الحجیه سلمنه علیهه سلم علیهه وبقی یسولف ویاهه شویه وجت فطومه ترکض ولطشت علیه بسلام والسوالف هاذ الجنت خایفه منه سلمت شکو واکف ما تروح اباوعله حترک دمي شلون یسولف ویضحک ویاهن وانه یمي مبوز ضلت اضرب رجلي بالکاع من الغیر شوي واجت سما خطیه شبکت علیه حسدتهه شلون حضنهه وباسهه اجن البنات سلمن علیه بعد خل یدخل للصاله ویکعد امکان العروس یاربي جنت اغلي وفوک هاذ الضیم اسمع وحده تتغزل بي وراي

زینب : خرب هاذ ابو سما یموت شوف الشخصیه اله بشده اویلي عل شیوخ اذوب حکه خالتهه فاطمه کاتله روحه شوفي عوز ما تحضنه ههههه بس یستاهل خرب شدعوا هیج حلو

مروا : احس روحي صدک شاطت وطلع الدخان من عیوني وبهاي الحضه باوعلي رفع حاجبه وبتسم لان یمکن کمت ارجف من الغیض بسیطه اله اردهه اللک
سلم وطلع اخیرا اخذت نفس اجتي سما حضنت علي حبیبتي کد مامشتاقتلهه نسیت زعلي منهه یمه انه دخلت للصاله والعیون رصاص علي کتله سما ارید انزع العبایه اخذتني الغرفت البنات وعرفتني علیهم من نزعت الشال والعبایه تفاجٸن فدیتني اخبل ههه

زینب : خرب سما ولج منین جابهه ابوج طلع مو بس هو حته ذوقه بالنسوان

مروا : هسه شنو اشکرج اکسرج لان تتغزلین بي

زینب : شهکت بس لا سمعتیني جو ترا سوري بس کلمه الحق توقال وعله شنو اتغارین یمعوده هوا العنده وحده بجمالج یباوع الوحد مثلي لو مثل هههه خلیني ساکته

مروا : هههههه اي سکتي احسن بس لیش ضالمه نفسج والله تخبلین ودمج عسل بس لاتتغزلن بعد

زینب :فدیتج حیاتي لا ابد لان واضح انو انتي غیورا

سما : جکد حلو شخصیت مروا جتماعیه بسرعه اندمجت ویه البنات وانه راح احاول اتعلم الثقه بالنفس منهه طلبت منهه وبالعل جانت سند الي شجعتني انو ما اخجل ولبست الفستان وجان یجنن
لون اسود قصیر ومن الخصر احزام ذهبي وردن تور وبي فتحه من الصدر والضهر ومروا سوتلي شعري کیرلي هوا اشکر خلیت مکیاج خفیف بناتي ومرطب ولبست حذاء احمر کعب لان انه قزمه طلعت اخبل

مروا : یمه فدیت شنو هل جمال الله یحرسج من العین

زینب : اي والله کسرتي علینه طالعه جنج باربي صاکه مثل ابوج اااخ سوري والله نسیت

مروا : ههههه وهاي کرصه حته ما تنسین بعد

سما : شکرا والله خجلتوني والله استحي انزل بعد

ورود : سما خلینه ناخذ سلفي

سما : اخذت صور انه ورود والبنات واصرت تاخذلي ابحدي جکد خجلوني حسسوني عروسه نزلنه جوا للحفله طبعا هبه راحت ویه زهراء للصالون من اجت کالبه خلقتهه کلاب حاطه مکیاج اکثر من زهراء الي جانت بسیطه طالعه کلش حلوا بالشت الحفله اباوع الخالتي وتقریبن الحفله کلهه عینهه عله مروا لان غریبه وما عاجبهن وجودهه وبقن یسمعنهه حجي وماما صارت ماکو اعز منهه بسوالفهن بس مروا فدیت الثقه ظاغطتهن وتسولف وتضحک ولا یمهه اما انه فالله ذب علي الانتقام هبه تباوعلي من ورا خشمهه وکل شویه تذبلهه حجایه مضغوطه لان البنات کلهن کللي طالعه حلوا حته خالاتي نعجبن بیه بس انه کلش خجلت ما متعوده عله لفت الانضار بس کلش تونست شغلن البنات الدیجي ورکصنه ویه زهراء واخذنه صور وزینب سحبت مروا ورکصت ویانه اباوع خاله فاطمه عیونهه طکت من الغیض لان النسوان نعجبت بمروا وبقو یحجون بیهه وبابا وهیه حسیتهه ترید تضغطهم المهم حسیت بالعطش وحتریت اختنکت بالستقبال رحت للمطبخ اشرب مي بارد شوي ودخلت وراي هبه اشو هاي کلبت عل لطافه

هبه : شنو سما تعبتي والله دوخه جوا

سما : اي ختنکت شویه اجیت اشرف مي

هبه اي والله وانه هم مم عندي فکرا شرایج نصعد عل سطح تعرفینه عالي ومحد راح یشوفنه وانه حابه اصور سناب فوک حبابه تعلي ویاي صوریني

سما : لا ما اکدر اترک الحفله ونتي تشوفین شلابسه
راح اصیحلج وحده من البنات اتساعدج

هبه : لا خلص اصلن انه کلت للبنات محد قبلن ملتهیات بس اضاهر انو انتي شایله بکلبج علي

سما : لا والله لیش اشیل علیج بس کتلج اف خلص ماشي بس لا نطول عل سطح

هبه : حبیبتي شکرا لا ابد بس کم صورا یالله امشي

سما : صعدنه شفت بالتعلاکه شال جبیر سحبته وخلیته علي صعدنه بعدنه عل درج کالت هبه

هبه : مم سما الضاهر الضوه مو مشتغل انتي صعدي وانه راح اشغل الاضاٸه واجي

سما : ماشي هیه نزلت تشغل الضوه وانه صعدت الهوا یرد الروح جان ظلمه بس اضویه البیوت مسویه اضاٸه خافته فمسویه جو حلو جاي استمتع بالجو وسمعت صوت وراي درت عبالي هبه بس نصدمت ...

.......

امیر : رجعت من الخفاره احس راسي مصطور البارحه ما نایم غیر ساعتي رجعت تقریبن الضهر للبیت ادور علیهه بعیوني ماهي حرکتني حرک بهاي الاسبوعین بت الاوادم افتر وراهه ابدي اضمهه بکلبي من العیون بس هم الحلو بیهه تسمع الکلام وما ختلطت وي والول

د جان کسرت راسهه دخلت الغرفتي سبحت ونمت حته بدون غده وقت التلفون عله موعد الحنه بس کعدت متاخر کعدت عل سریع لبست قاط لان حنت شباب مشطت ورشیت عطر اخذت تلفوني بس تفاجٸت جایتني رساٸل صور من ورود اختي فتحتهه جمدت بمکاني وکفت عیني بالطول احس دمي کام یغلي تمنیتهه بین ادیه ..... یمکن بقیت نص ساعه اکلب بالصور وانه اسب والعن وین تروح مني اخر شي حفضت الصور وطلعت من الغرفه صارت بوجهي هبه نازله من السطح متوترا

......شسوین فوك بهاي ملابسج درت وجهي عنهه

هبه : بتوتر هااا لا ماکو شي اصلن ما صعدت شنو انته رایح للحنه اشو متاخر

امیر : اي اخذتني نومه جنت تعبان یالله نزلي جوا وخذیلي طریق

هبه : ماشي بس عله فکرا لایکلك القاط

امیر : شکرا مشت کدامي درت ارید انزل وسمعت صوت شي وکع بالسطح ....شنو هاذ الصوت

هبه : بتوتر لا ما کو شي اکید بزونه یالله ننزل

امیر: ما هتمیت الحجیهه الحجیهه کلبي ما مرتاح سویت الدرج شبختین وضني طلع ابمحله .....

.........

ساره : نومت ملوکه بعد ماتعشینه بس جلال بعد ما ما رجعنه رجع طلع دخلت للحمام اسبح حته انام خلصت ولبست الروب وطلعت اجیب بجامه نسیتهه نزیت من شفته کدامي بس شکله مو طبیعي معصب نتبهت لیده لازم تلفوني بیده رفع راسه باوعلي بغضب

جلال : منو ولید

ساره : شنو وصل بیک الحد تفتش بتلفوني

جلال : ساره عوفج من هاذ الحجي وکلیلي منو ولید

ساره : خفت من نبرته بس سویت نفسي مو مهتمه رحت للکنتور وانه احجي کتله مو احد زمیل عادي
حسیت نخلع اذراعي من سحبني ودارني علیه سد الباب مال الکنتور بسرعه نزیت ولزکني بالکنتور

جلال : بنبرت غضب وصاك سنونه وهاذ الزمیل العادي منین جاب رقمج وهاذ الزمیل العادي لیش یتصل بیج بهاذ الوقت بصیاح احجي لاتضلین ساکته

ساره : جان یحجي بصیاح ویضرب عل باب مال الکنتور سدیت عیوني وذاناتي وجسمي بقی یرجف لان اعرفه من یعصب ما یتفاهم باوعت بعیونه اطلع شرار ..... راح احجي بس انته اهدء خل افهمك

جلال : هدیت احجي اسمعج بس انشالله یکون حجیج مقنع

ساره : شنو قصدك عله فکرا انه مو مثلك الف وادور وارجع وکانو ماصایر شي الخیانه مو من طبعي

جلال : سااااره

ساره : فزیت من صوتة نترت ایدي منه لان وجعني کتله ماعرف منو ولید ولا منطیته رقمي اسبوع الفات اخذت محاضرات الفاتتني من صدیقتي والبارحه تصلت وکالت انو همه مو الهه مالت ولد اسمه ولید ومحتاجهم انه کتلهه راح ادزهم بید السایق الج بس اضاهر اهي منطیته رقمي بس انته شلون عرفت اسمه اذا انه اصلن ماما مسجتله اووو ستغفر الله نسیت انو حضرتک حاط علي جواسیس بس ما توقعت حته عله اتصالاتي وهسه اذا عرفت التریده بعد عني اباوعله دنک غمض عیونه واخذ نفس الحمد الله هدء بس انه الاحس دمي فار من تصرفاته وکانو بس اهو اله الحق یحاسبني

..فتح عیونة ضل یباوعلي وهو رافع حاجبه وهاي الحرکه بالذات تسلب عقلي نزل بعیونه وضل یبلعم عزه نسیت شنو لابسه باوعت وین مرکز نضرا جان الروب مفتوح شویه وصدري طالع والاخ ماخذ راحته صحت وسدیت الروب فز فزه من الصوت طبعا جان مرکز .... کتله بعصبیه انته واحد ماتستحي

جلال : بتسم شکول علیج فصلتیني اوفف شیخلص هاذ الاسبوع

ساره : یحجي واکلني بضراته الوکحه وایده عله شعري دفعته عني وباوعتله .....تحلم

جلال : تنهد الله کریم شوفي ساره بعد ممنوع اطلبین من احد ملازم کلیلي وانه اجیبلي من الدکاترا

ساره : یحجي ویفتح بالمبایل طلع السیم کارت وکسرا ضوجني..... اف لهل درجه ماعندک ثقه بیه

جلال : انتي ثقتي مو بس اثق بیج

ساره : هه داٸما اعذارک اقبح من الذنب اخذت ملابسي ودخلت للحمام غیرت ملابسي وطلعت ما موجود نمت بفراشي او راح احاول انام مثل کل للیله.

........

سما : هھشام انته شسوي هنا انه ما جنت اعرف بیک هنا اسفه اجیت افوت صار کدامي احس جسمي کله کام یرجف کلبي ما جان مرتاح انه شلون امنت بیهه

هشام : لا سماوي انه الکلت ال هبه تصیحج ارید احجي ویاج بموضوع خاص

سما : جان یحجي وعیونه کلتني اکل وهاذ اکثر شي قاهرني انو واکفه کدامه بهذ الشکل لفیت الشال عدل عله رسي وغطیت صدري الحمد الله الدنیه ضلمه ...کتله بتوتر شنو موضوع خاص بعد عني ارید انزل احنه ما بینه کلام انه اکلت هیج اشوهاذ صار یتقدم علي وانه ارجع لیورا متت من الخوف شیرید یسوي

هشام : سما انه معجب بیج کلش کلشي بیج یعجبي احم قصدي انه ارید موافقتج حته اکل لمي تخطبج

سما : شهکت بس انه مارید اتزوج بعدني ادرس رجاٸن بعد عني لا یجي احد ویفهمنه غلط رجعت لورا لحد ما ضربت بالسیاج ماعرف شنو وکعت
وکف مقابیلي ونیته وصخه مثل نضراته

هشام : انتي لیش خافیه مني جاي اکلج انه معجب بیج انتي انتي سحرتیني بجمالج المختلف عن الکل

سما : ضلت ادموعي تصب مد ایده یرید یسحب الشال ..... اکسر ایدک اذا تلمسني یا عار

هشام : تٶ تٶ طلع عدج السان انه عار مو

سما : لزم الشال رعفت ایدي ماحس غیر انسحب من یاخته ونلطش بالکاع احس وکف کلبي من شفت امیر شلون یضربي حسیته فقد دخیلک یار

بي راح انفضح بقیت جامده بمکاني ودموعي تصب

امیر : تتعده عله عرضي یا کلب 👊

هشام : انه مامتعدي علیه هیه اجت برجلیهه الي

سما : هٸ شهکت صخام وشي والله بابا یذبحني

امیر : بصیاح انجب یا عار والله الیوم موتک عله ایدي باوع السما بعدهه واکفه وصرخ بعلو صوته شعدج واکفه امشي نزلي بسرعه یااااالله

سما: 😭😭😭امیر والله جذب نه ما......

امیر : صاک سنونه امشي من کدامي سما بسرعه یااااالله

سما : نزلت رکض وجسمي کله یرجف یاربي شراح اسوي اکید راح یموته لازم اتصرف بس اذا احد درا راح انفضح وکفت جوا یم الدرج وافرک بدي اجتي

هبه : رتاحیتي هسه بسببج راح یموت اخوي یا حقیرا اذا سواله شي ماتلمین اله نفسج

سما : حجت هیج وخلتني وصعدت نصدمت من کلامهه اذا انه حقیرا هیه شنو شیطان حته شیطان احسن منهه وفوکاهه تتهمني یارب دخیلك ساعدني شوي ونزل امیر ملابسه وشعرا مترب وایده کلهه دم تکول داخل معرکه کلهه کوم ونضراته الذبحني بیهه کوم یاریت میته وما متعرضه لهاذ الموقف لو شایفه هاي النضرات عیونه اطلع شرار وجسمه یرجف من الغضب وخاصه من شافني کدامه ومدیت ایدي کدامه بتوسل 🙏 وانه اشهک و ابجي ارید ابررله انو انه مالي ذنب بالي صار

.....امیر والله جذاب انه مستحیل اس.......قاطعهه 👋 (بطراك معدل فر راسهه فر 😁)

سما : ضربني طراک وفات الغرفته بدون ما یسمع تبریر واحد مني حسیت بوجع بس مو من اثر الضربه لا حسیت بوجع بروحي الدنست بهیج موقف علمني انو العالم مهما کانت وجوهه حلوا بس بداخلهه وحوش انکسر بیه شي وتعلمت درس ماراح انسا بحیاتي انو النیه الصافیه ماتنفع بهاي الدنیه الوصخه جنت محتاجه احد یوکف ویاي بهاي اللحضه یارت بابا یمي اکید جان صدکني واخذ حقي او حته ماما یمکن لو موجوده هدی ماتجرٸت تسوي بیه هیج
بس الله دزلي الراح یعوضني عن الثنین بجیت بحضنهه بحرکه جنت محتاجه هاي الانسانه بحیاتي

.........

مروا : الحفله جانت کلش حلوا صح جنت محاطه بالاعداء بس یمکن هاذ اجمل ما بلموضوع فوخت کلبي بیهن رغم الکلام والحجي السمعني یااا بس انه تجاهلتهن وکاني ما سمعت بلعکس سولفت وضحکت وحته رکصت حته ادقهن ولفتت انضار الکل بس نشالله صالح ما یدري بسالفت الرکص وسما حبیبتي طلعت مثل الملاک بس ما سلمت من الحقد مارتاحیت الهبه ناشبه ویاهه حسیته من کلامهه ویاهه وسما بریٸه مو کدهه المهم التهیت اسولف وي عمه واجن انسوان تعرفن بس لاحضت اختاء سما شفتهه من طلعت بس اشو ما رجعت وطولت صرت ادور عله هبه هم ماکو ستاذنت وکمت حته اشوفهه لان کلبي نغزني طلعت شفتهه بالمطبخ ماکو اجیت اصعد فوک اشوفهه بس قبل لا اصعد رفعت راسي و نصدمت من الشفته شلون امیر نزل من فوک وشکله مبین متعالك وشکل سما الیکسر الکلب یمه دخیلك یاربي اجیت اصعد الهه بس انتبهت الملابسي اففف خرب کلت خل یروح بس انصدمت وشهکت من صربهه بقوا وفات الغرفته وهیه تحاول تبررله شي
شلون یتجرء رکضت حضنتهه وهیه بقت تشهک وتبجي بحضني وتهلوس سحبتهه للغرفه احلول اهدیهه احس کلبي نعصر علیهه والله ما افوتهه اله

مروا : خلص حبیبتي کافي بجي فهمیني شصایر

سما : تحجي وتبجي مروا والله انه بریٸه انتي تعرفیني انه ما اسوي هیج فدوا مروا روحي کلیله هوا جذاب وانه ما صعدتله هٸ هٸ مروا والله هٸ

مروا :اهدي حبیبتي وفهمیني کلشي مافهمت منج فدوا فهمیني بهداوا

سما : حجیت المروا کل الي صار وانه جسمي یرجف من ذکرت السالفه ..مروا والله هاذ الصار صدکیني

مروا : الحقیرا مصدکتج حبیبتي وهاذ ما ینطي الحق یضربج کومي انه اعرف شلون اتفاهم ویااا

سما : مروا خلص حبابه مارید مشاکل اکثر

مروا : لاتتعلمین تسکتین عن حقج لبست العبایه والشال وسحبتهه من ایدهه وهیه ماتقبل انروحله دکیت الباب امشي منی فتحت الباب ودخلت وکفت کدامه سما تخلت وراي جان کاعد عل سریر وحاط راسه بین ادیه رفع راسه باوعلنه ورجع دنک

امیر : شکو

مروا : انته شلون تجرء تمد ایدک علیهه وانه تعرفهه کلش زین انو هیه مستحیل تسوي هیج انه ما اسمحلک تشکک باخلاقهه لو مهما تکون

امیر :کام وتقدم علیهه کال بعصبیه ومنو کالج انه ضربته لان اشک باخلاقه انه العرفه شنو بصیاح انه ضربهه بسبب غباٸهه تعرف مرا ثانیه تمیز الصح من الغلط ارید اصحیح انو موکلهه کلبهه ابیض برايٸه مثلهه انه ضوبتهه حته مرا ثانیه تعرف ادافع عن نفسهه مو تضل تبجي وتبین ضعیفه کدامه تخیلي ما لحکه جان شسوا بیهه هاذ الحقیر جان دمرهه فتهمتي

مرواكتفت: نصدمت من ردت فعله جان یحجي بقهر ویکسر کلشي کدامه وسما خطیه الیذبحه مایلکه قطرت دم بیهه من الخوف وبس تناشغ وتبجي وطبعا حقی ما الومه کلامه کله صحیح لازم تتعلم ادافع عن نفسهه ولاضرب من هاذ کله یحبهه وشافهه بهیج موقف بس رغم هاذ اشوف مو صح انو یضربهه حته ینبهه عله اخطاٸهه الصار ویاهه هاذ اکبر درس الهه جانت منتضرا الي یحسسهه بالامان بعد الخوف العاشته قبل لا یعاقبهه ویصحح اخطاٸهه تقدم علینه وهیه جلبت بیه مثل الغرکان المتعلق بقشه ختلت وراي

سما : مروا رجعني البی

تنه مارید ابقی هنا بعد

مروا : ماشي حبیبتي بس اهدي جان واکف وعینه علیهه کتله شک......مالحکت اکمل کلمتي اشو هاذ سحبهه من وراي وحضنهه نصدمت وستحیت

امیر : حضنهه وهی ترجف بیده وین رایحه هاذ بیتج هنا ویاشر عله کلبه والله لیتقربلج احسب الله ما خلقا والله کافي لا تبجین وانسي وهاذ الحقیر حسابه ویاي

سما : حسیت بحضنه بالامان بس ما نسیت ضربته الي کل الي کاله مایبرر هاذ الشي وعنده حق هاي الضربا صحتني من احلامي الوردیه بعدت عنه ورحت لزمت اید مروا ارید اخذ القوا منهه وکتله

....بصوت مبحوح شکرا لان انقذتني هاذ الجمیل ما راح انسی بحیاتي ولا راح انسه هاي الضربا العلمتني انو طیبت القلب غباء ولازم ابطل اتصرف عله نیاتي واتعلم الدهاء حته اعرف امیز الکلبه اسود من النضیف واعرف ادافع عن نفسي بس یکون بعلمک سواء انته اجیت او لا انه لو اعرف اذب روحي من فوك مستحیل اسمحله یلمسني ولا راح اسمح الاحد یتجاوز حدوده ویاي بعد الیوم وراح اعلم کلبي ما یتعلق باحد مهما یکون لان مایعرف الضربه منین تجي وتکسرا احجي ودموعي تصب درت عله مروا

......حبابه اتصلي ابابا وکلیله اي حجه ما ارید ابقٸ اهنا دقیقه بعد خذیني ویاج للبیت وباجر اجي احضر العرس وارجع ویاج حضنتهه وکمت ابجي هیه اماني

مروا : ماشي حبیبتي هسه اتصل جنت مصدومه بکلام سما بکد ما جنت فخورا بیهه صحیح لیش الکل الکل یعتبر طیبت القلب غباء وداٸما الانسان یتحاسب علیهه وهاي النقطه الجان غافل عنهه امیر واعتقد عرف غلطه واذا ما صححه اکید راح یخسر سما نقهرت بان علیه التاٸثر بکلامهه وکسرت کلبهه بسببه وشفت الحب والندم البعیونه وکانهه تترجاهه تسامحه یمکن الموقف جان اکبر من قدوت تحمله

امیر : حجه بهدوء عکس الغضب ولالم الیحس بي بعد ما سمع کلامهه مروا هاي السالفه راح تبقی بناتنه حته هبه وهاذ العار ماراح یجیبون سیرا وسما لازم تحضر العرس حته محد یشک بالموضع انه افضل تبقی اللیله هنا لان بهاي حالتهه اکید ابوهه راح یشک بالموضوع وراح تکبر السالفه ونتي تعرفین صالح

سما : لا مروا حبابه ارید ارجع للبیت والله اذا ترکتیني اموت حجیت هیج وسمعت شي کسر وراي

مروا : اهدي حبیبتي کلام صحیح ابوج اکید راح یلاحض ویشک بالموضوع بس انه راح اقنعه ابقی ویاج هنا

سما : اي عفیه لا ترکیني

مروا: بالکوا هدیت سما بس شلون راح اقنع صالح ابقی هنا یارب ساعدني اتصلت بي

صالح : الوو هلو مروا یا الله انه جاي اذا خلصتو

مروا : لا صالح بصراحه انه حابه ابقی هنا اللیله

صالح : بنزعاج السبب

مروا : لان مشتاقه السما ولمت البنات کلش حلوا و.....قاطعني

صالح : ماکو داعي تلمین حجج براحتج وباجر بعد العرس هم راح اودیج لهلج حته تاخذین راحتج وضلین جکد ما تردین ماراح اکلج تعاي واجبرج بیه

مروا : کال هیه وسد التلفون طاحت دمعتي وي اخر کلمه کالهه اضاهر انته المجبور بیه ما عرفت بذیج اللیله اواسي سما الي خلصت اللیل کله تبجي وترجف حته صخنت من الخوفه الصارت بیهه بس کلبي اطما علیهه انو هیه حبت الانسان الصح والاکدلي هاذ الشي لهفته وخوفه علیهه وانه اشوف اخیاله من جوا الباب شلون اللیل کله کل شوي یجي یسمع صوتهه لحد ما نامت طلعت طمنته یالله راح الغرفته لو اواسي نفسي الخلیتهه متاهه مااعرف نهایتهه وین احس روحي مضیعه شي لان جان حته لو بعید عني نفسه بالمکان الانه بي یکفیني ویحسسني بالامان....

........

ساره : انوم مجافیني اللیله وانه افکر شلون راح اکمل حیاتي ویا الحب ونهز والثقه هه مهزوزه من زمان عله شنو راح نبني علاقتنه عل تمللک لو عل تسلط حسیت الباب انفتح غمضت عیوني اتصنع النوم هاذ حاله کل لیله یجي اخر اللیل حته ما احس بي ویروح الفجر قبل لا اکعد هوا یعتقد انه نایمه وانه ارفض اعترف انو انه انتضرا کل لیله حته یجي یحضني یالله اکدر انام او حته اذا یحضن ملاك اهم شي هوا یمي وهاذ هوا اصعب عتراف الي انو بعد کل الي سوا ومستمر بجرحي کل یوم بس انه ما اکدر انام اله عله ریحته وبحضنه مثل الطفل المتعلق بریحت امه حسیت عله ادیه حاوطت خصري وانفاسه عله شعري وکانو یکلي یالله نامي کافي تفکرین وانه یمج وفکري بهمسات الغزل قبل النوم ..

...يتبع

عيوني من ابر التبيض اكو نوع مشهور بأكثر مراكز يستعملو اسمه ابر الجلوتاثيون

فتشوفين نتيجة..بس من تركي استعماله يرجع لون البشرة نفس ماكانت ..☹️💔
فبعد مادري اذا يسوي تصبغات

#ملوكه

حبي اذا هالسوادات هالات..فاستعملي يوميا قبل نوم كمادات من الشاي ورطبي بشرة واشربي ماي اهواي🌸


#ملوكه

ومنا نصائح عن الهالات🙃

#ملوكه

#رياضه_ودايت

🍇تعلمت حتى أكون رشيقة وذات جسد جميل إلتزم بشرطين
🍉 غذاء صحي 👈 طبيعي من غير إضافات أو تدخلات صناعية
🍉 نظام صحي 👈 تكون حياتي منظمة بوقت غذائي ونومي وإلتزامي بقوانين الرشاقة

🍇 2 🍇 تعلمت أن العناية بالكرش وجلسة الإقعاء من أهم أسباب بروز البطن ..
وبتحسين جلستي ومشيتي وتخفيفي من الإستلقاء ومراقبة كل ذلك سيتحسن قوامي بإذن الله .. فأنا من ملكات الرشاقة وأسلك سلوكهم 💗

🍇 3 🍇 تعلمت أن السهر ليلا من أسباب السمنة لأنه يؤدي 👈 للأكل ليلا
والجهاز الهضمي لا يعمل بفاعلية ليلا مما يؤدي 👈 للسمنة
فنومي ليلا سبب لرشاقتي❤️ والعكس صحيح
وإن لم أنام فلا أكل وقتها .. وإن أكلت فمن التمر والفواكة .. وإن أكلت الغير نافع فأسبقه بالطيبات وأكثر من شرب الماء بنفس نسبة الطعام..
🍃🌸🍃🌸🍃💓🍃🌸🍃

تعلمت أن لحالتي النفسية دور في رشاقتي وسمنتي ‼️
تعجبت من هذه المعلوم صراحة .. كانت جديدة علي ❤️
فتوتري وحزني يقودني إلى الأكل لأريح نفسي وهذا خاطئ لأنها 👈 تزيد الحالة النفسية سوءا ..
وتوتري يسبب إضطراب في الهرمونات فيبطئ عملية الأيض المسؤولة عن 👈حرق الدهون
وتوتري سبب لاضطرابات النوم التي تجعلني أسهر فاكل ليلا

والعكس صحيح فسعادتي سبب لرشاقتي ❤️
وأحصل عليها ب 👇
🍌كثرة تبسمي فتؤثر على هرمونات السعادة لدي وتنشط الأيض
🍌بفعلي للخير مهما كان فيجعلني أسعد و بالتالي أسرع حرق
🍌بصلاتي وقرائتي للقران وبري بوالدي 🍌بغذائي الطيب المحفز للسعادة كالعسل🍯 والرطب وغيرها من الطيبات
🍌بمشي وركضي لو لدقائق قليلة...

🍃🌸🍃🌸🍃💓🍃🌸🍃🌸


#اعـاده_توجيـــہ_لتنسون
#ملوكه
@stylegrils