حيد الي مخليني اكمل طريقي وامشي

لا مواني عندك مره ثانيه وعندك طفل جاي
هههه اذا طلع هذه ابني
شنوو ؟؟
هيج
لا شكلت .. شقصدك؟؟؟
اخخخخخخ خليني ساكت
خليك ساكت واني رايحه ...مشيت بسرعه وتزحلكت الكاع مبلله
لزمني من ايدي ..اسم الله شبيج
وخر مني
ههههههه يابه ياعنادج ولج ردتي توكعين
معليك بيه اوكع انكسر
هههههههههه اخخ يـا ‌ لسانج
رفعت راسي وكتله شبيه ؟؟
تقرب مني وكال اذا الزمه . مااعوفه

جرني وحظني من وره وگال حبيبتي كافي عاد والله بعد ماتحمل زعلج
اذيتج وجرحتج ادري بس موبيدي
ذبت بين اديه وكلبي استسلم اله ...بس بـعدني مقهوره منه
دفعته وكتله ...وين جان عقلك من سويت هيج بيه مشيت
وجان يجرني ويشيلني
عزززززا شدسوي
اظاهر انتي متجين بلعيني واغاتي
ههههه دنزلني
ماانزلج
نزلني لا واحد ايشوفنه
خليهم ايشوفونه شمسوين
وذا شافتنه زهراء
طرزز بزهراء ..حبيبتي اهم من كل الدنيا
مانزلنه وبقه شايلني وصعد بيه فوك للغرفه دفع الباب برجله ودخلني
يلا نزلني

يتبع.....

#عــشٰــگ_الـشــيـخ

#البارت الثامن عشر

اليــوم برد الهــوى
بــ العظــم صاير يــدگ

بــردان بــس يـا بــرد
ارجــف محــنه وعــشگ

#عشك-الشيخ

نزلني وقفل الباب ...خفت منه ليسوي شي مثل ذيج المره
شافني خايفه گال لتخافين ..مستحيل بعد اجبرج عله شي انتي مارايدته

بس ذيج المرة جبرتني
اوف لاتذكريني ..خليني انسه

بس اني ماراح انسه ..قسوتك ولمساتك وشكلك بذيج الساعه
گمتي تخافين مني ؟؟

حييل ...بعد ماچنت اماني صرت سبب خوفي
اسـٰـف ادري هلكلمه ماتفيد بعد بس ماعندي غيرهه ماتدرين شگد احبچ

چذاب لو تحبني متسوي بيه هيچ
حقچ والله بس مو بيدي انتي دستي ابطني بكلامج انه مو رجال يعشگ ؟؟

ضعفت گدام نبره صوته الهادءه وبچيت ..رجال غصبن عليه وعله الكل
بس اذيتني حيل

تقرب مني وبصوت ناصي گال ..اووف ولچ لاتبچين تذبحيني
بدموعچ والله ...لچ انتي النفس لهنا ويأشر عله صدره
انتي صرتي روحي ماتدرين عشگچ شسوه بيه ...والله ثم والله
شايل هموم عله گلبي بس هوه يعلم بيه... من تضيج بيه
اتذكرچ واتذكر عطرج وخدودج ذن... وتلمس خدي

سولفلي خلي اشاركك همك خليني احس بحبك من تحچيلي عله اسرارك
اخخخخخ ...ماريد اشغل بالچ وياي

بس انته هيچ جاي تبعدني عنك
بلعكس بهيج وقت احسج جاي تتقربين الي اكثر واحسج الوحيده
الي تكدر تريحني
مد ايده عله خصري وحاوطني ....سحبني عله كيف لصدره
وايده الثانيه عله خدي يباوعلي مثل واحد سكران
وانفاسه صارت عاليه ...مره يركز عله شفايفي مره يركز بعيوني
ومره يجر نفس قووي من رگبتي
احس جسمه يرجف وايده ترجف ...وكلبه يدك اسرع من كلبي

جسمي خدر بين ايده ....احساسي ويا غير ....
تقرب واخذ شفايفي بين شفايفه واني ستسلمت اله
سحب دشداشتي من جوه فزيت وابتعدت عنه ماعرف ليش
هوه بقه صافن يباوعلي بصدمه ماعرفت شحچي وابرر موقفي

رجع هوه ابتسم وگال بعدچ خايفه مني ؟
يلا هم حقچ ..السويته مو شويه باسني براسي وگال تصبحين عله خير
وطلع تمنيت اركض واحضنه واگوله اوكف لتروح تاخذ روحي وياك
بس تطلع بس لساني مانطق شي
كعدت عله الجربايه وبعده جسمي خدران من الي صار
اول مره احس ويا بهيج احساس ..اصلا اول مره بحياتي احس هيج
كلما اريد اغفه ارجع اتذكر لمساته لو عندي تلفون جان هسه خابرته يجي

امداني ليش هيج سويت
ماعرف شلون طلع الصبح ونزلت واني احس راسي شكبره
من التفكير بصكر ... صرت مثل المراهقه الي تحب اول مره
انزل وافرك بعيوني يحرگني من النعاس رفعت راسي شفته
واكف باب بيبي مقابيل الدرج يشرب جاي يباوعلي مبتسم
وكفت كباله ...وكتله صباحوو
صباحوو ليش لا
لازم متريگ وتشرب چاي
لا والله ...مااشتهي
ليشش
راسي يوجعني
ليشش مريض
اييي..حيل

لاصدك والله شبيك
والله مالي خلگ شويه ومنايم
وليش منايم
متعرفين ليش يعني
لا مااعرف ...عفته ومشيت لزمني ..هااا
سويلي وياچ ريوگ
هههههه ماشي
اروح فدوه للظحكه
عفته ورحت للمطبخ اووف يصگر گلبت احوالي
سويت ريوك وجانو كلهم متريكين كعدنه بس اني ويا عله الصينيه
ماعافني بس يتحارش مرة ياخذ الصمونه من ايدي
مره يشرب من الكلاص مالتي مره يجر الصينيه خبلني
سوالفه تخليني اظحك وكلبي يدك من جديد
...صار الضهر وهوه كاعد بلصاله
دخلت اخلي غراض عله الميز جرني من ايدي وكعدني يمه
شبيك
مابيه شي
ليش جريتني
هيج
عبالي عندك سالفه گمت عله حيلي رجع سحبني
صگر شبيك يمعود
خليج كاعده
طبعا يحجي ويايه وعينه بتلفونه وشكله ضايج ...
بقيت شويه ونسحبت وهوه مندمج يراسل منو ماعرف ؟؟
صعد فوك نزل مبدل وطلع لليل وهوه ماكوو
واكفه اغسل مواعين العشه انفتح الباب ودخل ذوالفقار

السلام عليكم
وعلييكم اهلا سفره سعيده
هههههه اشكرج ..شلونج
الحمدالله وانته
اني بخير اذا انتي بخير
عساك دوم بخير
جووعان ماكوو شي ينوكل
ايي هسه احضرلك صينيه
والله ياريت اسبح وابدل واجي
دخل جوه واسمعه سلم عليهم وصعد صح صكر محذرني
بس هايه مو وظعيه قابل اطرد الولد وبعدين هوه ممتعدي حدوده وياي
واذا عله السوالف كولنه نسولف ونحجي
حضرتله صينيه وره شويه هوه اجه سابح وبيده علبه مغلفه حلوه
مد ايده اليه
هاي شنو
هاي الج
شنو هيه
ههه دخذيه بالاول
غير اعرف شنو
يعني مومبينه هديه
اليه
ايي

شنو المناسبه
بدون مناسبه شفته وعجبتني وكلت اجيبه الج ميصير
ذوالفقار انته شجاي تسوي
شمسوي جبتلج هديه وعله فكره كل مره اشتري لامي وشمس هدايه
يعني مو بس انتي لا تخافين
اأسَـٍّــفِْةَ ماكدر اقبله منك
اهووو هسه مدكليلي شجايبلج سبيكه ذهب هديه بسيطه تنفعج
بعدين
ليش هيه شنو
هههههه دخذيه وفتحيه لعد ليش اسمه هديه
اخذته منه بتردد

هاي شنوو عيني

من سمعت الصوت جمدت بمكاني التفتت زهراء واكفه وتباوعلنه
عزه العزاني هاي شجابهه هسه
الشغله مطوره هدايه وحبنجيات
ذوالفقار عيب عليج زهراء شنو هلحجي
ليش شحجيت اني وجوهكم هيه التحجي
سحب ذوالفقار الهديه من ايدي ..اذا عله هاي فجبته لحبيبتي
وكلت اشوفه لعشك
زهراء ..امممم حبيبتك وتباوعلي مبتسمه بخباثه
ياربي هسه

وكته اجتي
اخذ الصينيه وطلع وبقيت اني حايره بزماني ماعرف شسوي

زهرءا تره لاعبالج سوالفج تعبر عليه
سوالفيش عيني ..سلامات
زهراء دور البريئه هذه مو عليه ...اني مو صكر ولاا ...ذوالفقار
عافتني وطلعت بقيت الطم هاي شلون ورطه شدخله هسه
حظي جابه عليه بهاي الساعه
عفت كولشي وصعدت فوك وبقيت الوب اذا عرف صكر يجنزني هنا
وهوه مانعني من الوكفة ويه ذوالفقار
جسمي يرجف ماسيطرت عله نفسي لأن من كلام زهراء حسيته

تعرف الي يصير بيناتنه اني وياه ياربي دخيلك عديهه عله خير
طلعت ثوب نوم قصير وصلوخ ردت اسوي شي
التهي حته اطرد الافكار والوهواس من راسي
وفوكاه روب مالته فتحت شعري خليت مكياج خفيف وكعدت ع
التلفزيون اباوع واكل باظافيري من التوتر
شويه ندكت الباب يمه رحت بيهه اندك مره لاخ ماكدر اكوم افتحه
فتحته وايدي ترجف عاط بييه وين جنتي ودخل جوه
شبيك شكوو
ساعه صار ادك بلباب
وليش تصيح

يعني شتردين اسوي
هسه غير نعرف شبيك
مابيه حضريلي الحمام
اليوم تسبح هنا
ايي عندج اعتراض
لا بس اگول شعجب
والله عجبني ...
امرك عجيب
شگلتي
ماگلت شي ..بس ليش معصب
ممعصب ..حضري الحمام يلا متردين روحي الله وياج
لابله
ايي والله
ضوجني بكلامه سحبت دشداشه ولبست فتحت الباب ردت اطلع سحبني
وييين
مو كلت ميعجبج اطلعي
يعني ماعجبج كلامي
ايي ماعجبني ...جاي تصيح وتحجي غير افهم شبيك
ههههه دتعاي فوتي
مااا
ولج فوتي طلعيلي ملابس اريد اسبح
دخلت وطلعت ملابسه وفات سبح وطلع كعد ينشف بشعره
واني واكفه عله الميز رفع راسه وكال
شو بعدج لابسه حسب ماتذكر جنتي لابسه غير شي من أجًْـْـْـْيـًـًت

وهسه شتريد
ههههه ماريد عمي اسفين
دك تلفونه عاف المنشفه واخذه يتراسل
صگر شصاير
ماكو شي
عليه ..كولشي مكتوب عله وجهك
ههههه هاا شمكتوب بله اقريلي
كعدت يمه ... صكر شصاير وياك ليش هيج متوتر
ماصاير كلبي انتي ليظل بالج
شلون ميظل بالي واني اشوف حبيبي هيج تعبان وضايج
حبيبج ... بعدج تحبيني
ليش تريدني اكرهك
عاف التلفون وتقرب مني وگال بعد بعد خبليني اكثر خليني انجن بيج
صكر عوف الشقه واحچيلي شكوو
اخخخ يعشگ شحچيلج هيه سالفه ابالي صارله فتره دوختني
لوو بس اكظ خيط منه چان نحلت

هسه شفتهمت اني ؟؟
ههههههه دعوفيه تولي وتعاي يمي شويه
مااجي
تجين لو اجي اني
لا تجي ولا أجيك ...عفته وكمت
وين رايحه
مارايحه هنا
دنزعي هااي ما اختنكتي
لاا اصلا الدنيا بارده
ايي صدك بارده ليش مافارشه الغرفه لهسه وصعديلج صوبه من جوه
ماريده
باوعلي بطرف عينه هز ايده ذب التلفون وطلع
شويه واجه شايل زوليه زغيره

هاي شنو
زوليه
المن جايبه
نتغطه بيه غير نفرشهه
شمرهه بلگاع وگال تعاي ساعديني نفرشهه
أجًْـْـْـْيـًت ولزمته وياا من الاطراف وفرشناهه رفعنه الجربايه
شويه احتريت واني لابسه مال النوم والروب جوه الدشداشه
هوه تمدد عله الجربايه ورجع يكتب
شفته ملتهي فرصه ابدل انداريت للكنتور ونزعت الدشداشه
وعدلت نفسي التفتت شفته يباوعلي

عززا
ههههه وليش هلعزا
ليش تباوع
لعد اغمض عيني صايره كدامي وتبدل وتريدني مااباوع
هههه المفروض متباوع
وليش بله مرتي وحلالي اذا عله حلالي مااباوع عله شني چا
تعاي هنا

مااا
تعاي ولج
مااجي
هاا مو اجي اني اجرج
شتريد
ماريد... تعاي نامي يمي شويه
ماريد انام وبعدين انته شكوو جاي هنا مو كل يوم تنام هناك
استغفر الله لازم تخربين المزاج
ياااا مزاج
هههههههه ولج تعاي
تقربت منه شويه شويه وهوه عينه عليه من فوك ليجوه
سحبني ونومني بحضنه صار وجه مقابيل وجهه

ليش تشلعين گلبي
مااشلع كلبك بسس اني ماريد انام
ومنوكلج نامي خلينه كاعدين شويه نسولف نتعرف
ههههههه نتعرف ليش لا
شوكت عيد ميلادج
٧/١١ وانته
٦/٦
حلووو نسويلك حفله السنه الجايه
لا ...السنه الجايه نسوي عيدميلادج ويه عيد زواجنه
بعدك تذكر يايوم زواجنه
شلون لعد ..اكو واحد ينسه يوم ارتباطه بحبيبه
بس بذاك الوقت انته جنت متحبني
منوو يكول
مبين لان حته مجنت شايفني
عوفج من الماضي خليج بلحاضر المهم هسه احبج واموت عليج
واني هم ...
اه صــــــدك
وداعه رموشك
ههههههه رموشي شنو
هههه رموشك حلوات وطوال
بس انتي احله ...عيونج تموت وخدودج تفاح وشفايفچ اخخ يشفايفچ
شبيهن
مابيهن شي تذكرين اول مره بستج
ههههههه شلون لعد ماانسه غير متت خجل
وهسه
هسه شنو
بعدج تخجلين مني
شوويه
لاا ماريد خجل الغيهه هاي الشويه
مو بيدي هذه شي يمشي ويه الدم الخجل والمستحه وتبقه انته رجال واني مرة

خووش لعد اني اعلمج شلون تنسين المستحه منا وهيج
شلوون
رفع راسه وباسني وحضني حيل وهمس يم اذاني .
شوكت ترحميني ...اخخخ كلشي بيه يريدج
رفعت اديه وحاوطت رگبته وگتله ....اني هم

مشاعر اول مره احس بيه بذيج اليله وياا
اول مره احس نفسي متزوجه فعلا رجال ...بكل حركه بكل لمسه
خلاني احس بنفسي انثى ....همساته وبوساته العنيفه والرقيقه
دمرتني ...الى ان
بعدين سحبني ونمت عله ايده ...نعست حيلل وبأيده الثانيه
يلعب بشعري ...بين النايمه والكاعده اسمعه يكول
اووف شكد احبهه

غفيت بعد ماحسيت بشي الصبح يلا فتحت عيني
واحنه نفس وضعيتنه ...ماكدرت الزم نفسي وظحكت
حس بيه هوه وابتسم ورجع نام
كمت للحمام سبحت ومشطت وطلعت بهدوء ماريده يكعد
بس انداريت صارت بوجهي زهراء

بسم الله
لييش عيني شايفه جني
ايي والله
هااا
لا حياتي بس خوفتيني
ليشش المثلچ هم يخاف يستحي
هاا زهراء خير شكوو
منين يجي الخير وانتي ورانه رجلي وين
رجلج وين شنوو زعطوط هوه ودورين عليه وبعدين تره موبس رجلج وحدج
اهوو لدوخيني شو وخري دفعتني وفاتت
بيهه الحيل كله فتحت الضوه وصاحت صكرر هوه رفع راسه
وكوه فاتح عيونة
هااا
شعندك هنا
خرب دروحي يمعوده عبالي عندج شي
اباوع عليه من شافته بلا ملابس تخبلت
بقت تتجادل ويا عفتهم ونزلت زهراء وكل عشيرته متهمني
صباح الخير ماما
صباح الخير يبعد امج
صباحوو شموسه
صباحوو عيني ليش لا وغمزتلي
هههه شكوو
لاماكوو يحلوو
وجان تنزل زهراء من فوك تهرول
ياا يمه عله كيفج الجاهل ابطنج
ماجاوبت ماما واجتي عليه اسمعي لج انتي اضاهر نسيتي روحج
ونسيتي شلون اجيتي هنا

شمس خير اللهم اگعلوو خير
زهراء شمس انتي لتدخلين شغلي ويا هاي

هي انتي احترمي ويا هاي شنوو مو شفتيني ساكتتلج
زهراء اي اي طلعي ع الحقيقه خلي يعرفونج
باوعت لشمس وكتله هاي شتحجي

انيي اعلمج ياحقيره ...اذا نسيتي انتي شنو فاني اذكرج بسيطه
اني مو بت امي اذا ماعلمت هاي الگ**** مكانه شنو

شمس صخام صخمج عله هاي الحجايه احترمي روحج لج
زهراء ايي انتي وياهه نفس الشي تتشابهن
شمس شنو قصدج لجج

يااا يما شجاجن من الصبح صددك جذب

زهرااااء ..صاح بيه صكر بصوت من شافته سكتت وخلت ايده عله بطنه
عود متوجعه وكامت تتبجبج واحنه بقينه صافنين

حبيبي اني تعبانه ولبارحه مانمت دقيقه من الوجع وانتي ولاهامك
اذا تعبانه صعدي فوكك واذا تردين واحد يداريج هسه اوديج لاهلج
ايي حته تاخذ راحتك وياا هاي الس***
لجج زهرااااااء ...لزمي لسانج لا والخلقج انسه انتي حامل
نزلن دموعه عشره عشره وصعدت ركض

صاح عشك
هااا
صعدي خليلي ملابسس
ااي هسه
صعدت ركض صار يخوف ولا هوه نفسه البارحه جان ويايه
دخل سبح وطلع وهوه ضايج
حبيبي راح اسوي ريوگ
الف عافيه بس اني ماريد
ليشششش
ماشتهي
لعد اني هم ماريد
لا روحي معليج بيه

تقدمت عليه وخليت اديه عله صدره لا ماروح واذا متريد
انته هم اني ماريد
مو كتلج مااشتهي. وعيونج
لخاطري ...مالي خاطر
باسني بخدي ...يلا امشي
نزلنه وخليت ايدي بايده وهوه عصر ايدي حيييل
طبيت سويت الريوگ وماما تحجي ويا تريد تعرف شبيهه زهراء
خليت الصينيه ياكل هوه بس ضايج شدعي عليج يازهراء
خربتي كل فرحتنه
صعد بدل وصعدت وراه شويه وطلع بقيت ارتب بلغرفه
وانضف بيهه
نزلت جوه ولكيت ام صادق وابنه محمد
اهوووو هذوله شعدهم هنا
سلمت عليهه وطلعت كبل ماريد ابقه يم هذه الحقير
نزلت زهراء وبقت تسولف وياهم وماما بلسوك عندي احساس جيتهم
زهراء السبب بيهه

#عــشٰــگ_الـشــيـخ

#البارت التاسع عشر

خلصت الشغل وسويت الغده وجتي ماما من لسوك وهمه
ع نفس الكعده الله يستر منهم
عزلنه المسواك اني وشمس وراحت ماما كعدت يمهم
صارت الصلاه وكامت ام صادق تتوضه وبدت تذب سمومهه

ام صادق ..ديري بالج زهراء عله ابنج تره هذه يسوه الدنيا والبيها
زهراء ...ايي عمه ادري هذه ابن الغالي صكر حبيبي

ام صادق ايي يمه بجاه هذه الاذان كون صكر مايشوف غيرج
ويشوف العگارب المسمومهً عله حقيقته ويعرف قيمتج
زهراء... اووف امين عمه

سويت نفسي ماسمعت شي
كمت ردت اشيل الزبل اشمرهه انشك الجيس وكع جان دكول
اييي حظ الخايسات كاعد ..مدري منين يجن ويصيرن نسوان الشيوخ

خررب راح اموته خبلتني هسه هيه منو يمه
راحن للاستقبال ههفف شلون اثنين سبحان الله نفس الطينه
بقيت اغسل المواعين وجان يجي الزكه الثانيه محمد

هلاوو بنت العم
اهلا محمد
شلوونج ان شاء الله بخير
الحمدلله
ايي بعد امورج احوالج
بخير....ماريد اجاوبه وهوه لزگ
يكولون هالايام امورج مطوره
ياامور
ههههههه مادري انتي اعرف مني
شتقصد
ماقصدي شي بس هدايه وسوالف وظحك وغرف وحدكم

ياكلب ياحقير هااي اكيد زهراء كايلتله عرفت مراح تعديهه ع خير
رجعت لشغلي وسكتت منه لان كلامه يستفز
بقه يسولف واني ساكته انوب گعد عله القنفه عبالي راح يطلع
وچان يجي صگر ماعرف ليش حظي دوم يجيب صكر بلوقت الغلط

طب والأبتسامه عله وجهه تجنن وكال السلام عليكم بس من شاف محمد
انگلب وجهه من خوفي حته مارديت السلام
ومحمد بكل وقاحه كام وسلم عليه ولا عبالك
هوه خزرني وأشرلي صعدي فووك خلصت البيدي بسرعه وركضت
حته قفلت الباب خاف محمد يجي
بقه جووه شويه وصعدد دگ الباب قوي ركضت فتحته
بعده مداخل عاط بيه
الف مره كايلج محمد من يجي لا تعتبين الجووه
والله مادري بيه راح يجي نزلت الصبح وشفته
يعني جاي من الصبح وانتي باقيه جوه
يعني شسوي
ماتسوين شي تصعدين وتقفلين بابج وتسكتين نسيتي شسوه ذيج المره
نسيتي ايدج
لا مانسيت بس هاي مو حاله ذوالفقار لازم مااوكف يمه محمد لازم
مااخلي يشوفني وبعدين هوه من الصبح كاعد بلصاله يم امه وزهراء

وزهراء شسوي كاعده يمهم ؟؟
مادري روح أسالهه
هوه هم ماگال لا طلع وگال قفلي الباب نزل جوه صخام اني شحچيت انووب
كلت اكيد راح يسوي شي بقيت اتسمع بس ماصار الحمدلله عدت ع خير
صعد وكال طلعيلي ملابس بسرعه
انطيته دشداشه راح توضه واجه يصلي يبو حته الصلاه ناسيته
توضيت وصليت وراه خلصت بس هوه بقه كاعد صافن

حبيبي
هاا يا روح حبيبچ
شبيك
مابيه شي ....تنهد وكال عشك لاتزعلين مني من امنعج منهم انه زلمه
وانه زلمه اعرف سوالف الزلم
يعني شنو قصدك ؟؟
يعني اعرف الزلمه ونضرته ومن يحط عينه عله وحده ماريد
اكلج اخوي وابن عمي عيونهم عليج وتطلع مني موحلوه
بس اتچفي الششر وابتعدي عنهم لخاطري

صاار حبيبي الضابط اوامرك تتنفذ بلحرف
ابتسم وگال يروحلچ فدوه الضابط هوه والدوله
هااا ...صددك
ايي صدك لعد شنو مايغله شي عله عشگي
لم السجاده وكام وجرني ويا ...تمدد وكال تعاي يمي
نمت بحضنه بقه يشتم بيه ويبوس براسي ...بقربه احس املك الدنيا
تحركت شويه
وين ؟؟
اروح احضر الغده
چاا احنه شحچينه
حبيبي شموسه وحده خطيه منو يساعدهه
ماعليچ شمس تعرف كلش زين ..وتفهم وتدري بقيتچ هنا لسبب
زين اجيبلك غده
هيه هسسه تصعدلنه صينيه
عززا تصعدلنه صينيه شنوو عرسان
ايي عرسان نسيتي اليوم صباحيتنه
ههههههه عرسان مع وقف التنفيذ
ههههههه عفيه دتعاي ..عوفي الغده خلينه نعرس من جديد
هـهههههه كافي اسكت
ليش يابه ؟؟
دتخجلني هيج
هم رجعنه لشغله الخجل مو كلنه نبطلهه ياحبيبتي
مو انته سوالفك
شبيه سوالفي غير مريتي وادللهه
هسه ماعرفت مريتك لوحبيبتك
مريتي وحبيبتي وام وليدي
رفعت راسي اباوعله شنو قصده
ظحك وكال هاا جنج ماتردين تصيرين ام وليدي
يعني انته تريد طفل ؟؟
چا ليش اكو رجال مايريد يصير اب
بس انته راح يصير عندك طفل من زهراء
عووفج من ذاك انه اريد منج يصير ...عندي طفل منج بووويه
جا غير احرك الدنيا
صدك ؟؟
وعيونج ذن ولد من حبيبتي احله هديه من ربي هاي
واذا بنيه ؟؟
بنيه !! بعد احسن تشبهج و مثل خدودج التفاح وتكبر وتدلل عليه
وتصيحلي بابا واكله هاا يبعد ابوج واهله

من تزوجت صكر لليوم ابد ماخطر ابالي يصير عندي طفل منه
شغله الاطفال ناسيته نهائيا بس بهاي اللحضه وهوه يسولف
واني اشوف اللهفه بعينه ماخليت دعاء مادعيته حته يصير عندي طفل
منه واشووف فرحته ..ياااربي تترس بطني طفل من صكرر
ويصير ثمره حبنه 😍

وين صفنتي
هاا مصافنه بس جاي افكر
بيش تفكرين
اكوول خاف تجيك بنيه وبعد تنساني ومتحبني مثل هسه
ههههههه هاا بدينه الغيره
ايي طبعا اغار شعندي غيرك احبل اجيب
ههههههه خرب عرضج دتعاي يمي خلينه نحاول نجيب واحد وحده
ههههه ...يعني متريد غده
ولج عوفي الغده شخبصتينه بيه اليوم اريد اتغده بيچ
بلحضه صرت مثل الطفل جوه ايده ...
وره شويه اندگ الباب واني بلحمام ..اسمع صوت شمس
انطت صينيه الغده و

ماعرف شحچتله من طلعت شفت وجهه
مگلوب حته من اكل ضايج وسرحان ...مكتوب عليه اشوف وره
كل ساعه رومانسيه ساعه نكد وغم
خلصنه غده اخذت الصينيه ونزلت دخلته للمطبخ
شفت شموسه مخبوصه خطيه شنو ذنبه رغم هيه مقبلت بس اصريت
ابقه وياهه
خلصنه وصعدت فوگ وشفت محمد وزهراء واگفين يم باب
غرفته مدريي شيسولفون ...بس يشوفه صگر هنا الله يستر منهم
جاي افتح الباب وادخل چان يصوفر محمد تلقائيا التفت اليه
غمزبعينه وابتسم ...عزه بعينه الميستحي
بسرعت فتحت الباب ودخلت لگيت صگر نايم وايده عله عينه
رتبت نفسي واجيت تمددت يمه وجان يدك تلفونه اني فزيت من مكاني
وهوه فز من نومه
اتصال ماعرف من منوو جاوب بس شكله جان منتظر اللاتصال هذه
لبس ع السريع وطلع استغربت امره بس كلت يجوز شغله بلدوام
تمددت شويه ولعصر نزلت .......
صار بوجهي ذوالفقار وراد غده دخلت اسويله بلمطبخ اجه كعد يمي
بس ماحچه شي .... خلصت وخليت الصيني يمه رفع راسه وكال
الشغله الكتلج عليه راح اخليه الج فوووك
ياشغله ؟؟
الجبته وماكدرتي تاخذينه
يعني ماكوو داعي تكلف نفسك
راح نرجع لنفس الاسطوانه وارجع اكلج عادي امي وشمس نفس الشي
ماشي شكرا
عفته وطلعت صارت ام صادق بوجهي تخوزر بيه سلامات ،،
عفته ورحت اشوف بيبي اذا محتاجه شي
لليل وام صادق موجوده صار عندي قرحه بسببه

كاعدين عله التلفزيون وجان دكول
اكول خيه ام صگر ...ماتخلينه ياچر نروح لام سلام بته جايبه نوصله

ايي خيه نروح شجابت الله يكومه بلسلامه
جابت وليد وتعاي شوفي شلون فرحانين بيهه
ياا خطيه يتربه بعزهم ويخليه ضخر لابو
ايي ان شاء الله يوم الزهراء وتجيب اوليد لصگر يفرح بيه
يخيه كلشي من الله نعمه المهم تمام الخلقه وسلامه امه
نطت زهراء عمه جا انه هم اروح وياجن
ياايمه وين تروحين وانتي حبله
خليه تروح ياخيه تغير جوو شكوو بيه
والله يايمه اذا تردين رأيي لاترحين افضل
لاعمه خليني اطلع اشم هوه
بكيفج يمه
شويه وكامت راحت افتكينه منهه ...صارت٩ وصكر ماكوو
صعدت فووك واخذت تلفون شمس اتصلت عليه رن
الووو
الوو هاحبيبي
هاا ياروح حبيبج ...
وين انته
ليش شصاير
مصاير شي بس ظل بالي عليك
هههه جاهل ويظل بالج عليه
لا حبيبي حشاك موقصدي
لا چاا گولي اشتاقيتي
تريد الصدك ايي وحيييل
ههههههه اي دكولي هيچ وانه اجيج زحوف
هههههه هاا والله
وداعتچ ...
لعد موبس مشتاقه وگلبي طگ عليك واريدك هسسه
اويلي يااابه تريد تخبلني هسه جايج ركض
هههههه لا مو ركض مو لهدرجه عله راحتك بس شويه استعجل
جاي والله بلطريق
ماشي منتظرتك
سديت الخط ورجعت للغرفه بدلت وحضرت نفسي سبحان مغير الاحوال
چنت اتراجف منه هسه بس اريد يجي
حته شغلت اغاني بلتلفزيون وانطربت وياهن
شويه ودك الباب ركضت فتحته
اني اجيت
ياهلا ...ههههه
دخل ودفع الباب واخذني لحضنه وگال اروح فدوه لهظحكه
امممم. بس الظحكه
ههههه للظحكه وصاحبه الظحكه اخخخ شسويتي بيه
دفعته ورحت امشي شسويت ؟؟ كاعده وساكته
جرني لحظنه وكال هيه المشكله مامسويه شي لو تسوين شلون
يغمزلي وعظ شفته

هههههههه كافي روح
هوه راح اروح
هاااا وين
يم الاخت
ليششش
شنو ليش حبيبي ...لبارحه جنت يمج
لا بله يعني بس يوم واحد متكدر تتحمل بعدهه
صار يومين مارايح يمه ...تدرين لولا
اممم روح اشتاقيتله حقك
وخرت منه ورحت كعدت اجه اخذ ايدي وكعدني بحضنه
يبوس بخدي ....تغارين ؟؟
يعني شتريدني اسوي مثلا من اشوفك تروح بحضن وحده غيري
هلكد تحبيني
اهووو صگر مو كت شقاك روح ضوجتني
شلون اروح وانتي ضايجه مني
عادي هسه انام وبلكي مااكعد بعد
لج شهلحچي ..احجي عدل اذا ماتكعدين بعد منو الي اني
عندك زهراء
هسه لتخليني اسبه يازهراء اكله احبج افهمي احبج يعني لازهراء
ولا عشره مثله يكدرن ياخذني منج
منو يگول ؟؟
اني اكول خليج ورايه وثقي بيه وماراح تحصلين مني غير الحـب والدلال

سكتت ماحاچيته احس بروحي احترگ من جوه اخخ مادريت الغيره هيج تسوي

شوو ساكته
شتريد اگول يعني
لدگولين ...بس لتضوجين مني ماكدر اروح يمه وبالي هنا
لتصيرين انتي هم عليه

حضننته .. اوووف موبيدي والله
وهوه هم حضني ..شكول اني لعد انام يمه وعقلي وكلبي وروحي هنا يمج
اتحملي وصبري تالي تفرج وداعتج

رفعت راسي يعني شنو
هههههه يابويه مايعبر عليج شي ماكو شي بس لتشلعين كلبي بدلالج

مااشي روح بس الصبح قبل لتروح مر عليه
قبل لدكولين اني امرو شلون اطلع ومااشوف هلتفاح
وعضني من خدي
اخخخخخ صكر
يروحلج فددوه صكر
كام وراح واخذ روحي وياا
بقيت واكفه بلباب يمشي ويتلفت عليه ويشمرلي بوسات
اووووي فديته ياربي شلون حنام
دخلت وكعدت وجان يندك الباب عبالي هوه فرحت وركضت فتحته
وطلع ذوالفقار بقيت جامده لا حجاب وبلروب صفنت بوجهه
هوه ماباوع دار وجهه عاد ختلت وره الباب

هااا ذوالفقار ؟؟

اأسَـٍّف موقصدي
لا اصلا اني الغلطانه بس عبالي صكر رجع
ليش هوه مو هنا
لا راح لزهراء
باوع للغرفه ذيج وهز ايده
رايد شي
ابوي جاب حلويات وكال صعدهن لصكر وكلت اكيد يمج
لا راح هناك
دهاج اخذيهن انتي اوله بيهن
مديت ايد

ي واخذتهن ...شكرا تعبناك
تعبج راحه
التفت راد يروح وجان نشوف زهراء جايه من الحمام وعينه علينه
بسرعه دخلت وسديت الباب خرب حظي
بقيت من قهري اكل حلويات لحد ما نشحطت مدري شلون نمت
الصبح نايمه واحسه يبوس بيه اريد اكوم احضنه بس النعاس
مسيطر عليه لحد ماراح من كعدت وره ساعه تندمت حيل ونقهرت
ماودعته
نزلت جوه واني مخنوگه اريد اشوفه التهيت بلشغل
اجتي ام صادق حته يرحن يواصلن المره
طلعن بقيت اني وشمس جوه وبيبي بغرفته
وكفت اسوي غده ....نزل ذوالفقار جان نايم وسوتله شمس ريوك
خلصت الغده وصعدت انضف غرفتي
دك الباب هوه كتله تفضل فات وبيده الهديه

عرفت ماراح تفوتين للغرفه وتاخذينه ...هاج اخذيه
مديت ايدي واخذته ...ولو مجان اكو داعي بس شكرا
العفوو تستاهلين اكثر ....محتاجه شي بعد
لاسلامتك ...
اكوو قناه حلووه مال طوبه صكر دائما يطلعه وين الريمونت
انطيته اله بقه يتفرج هوه واني انضف
بقه تقريبا نص ساعه شويه طلع وظميت الهديه بنص ملابسي
ماردت افتحه يجوز اشمره بلزباله اصلا اذا شافهه صكر
اروح بيهه طلعت وراه وشفت زهراء باب غرفته تهز بايده
هاي شوووكت رجعت ..

#يتبع....

عمري تدللين💋..عادي بأي وكت اذا ردتي شي ومحتارة فان شاء الله اني والبنات مايقصرن بارائهن😍

#ملوكه

حبيبي اني الاشوق😻✨وفدوة الج

#ملوكه

عيوني اذا لتجاعيد بالاسبوع مرتين خل تستعمل ماسك بياض بيض رح يشد بشرتها

وخل تستعمل يوميا قبل نوم..سيروم فيتامين سي لو هايدرولينك اسد...هذيني اثنينهن زينات لنضارة الوجه والترطيب وي الاستمرار يصفي بشرة..
ولاتخلي وتطلع بالشمس لان مرات يتفاعل ..فخل استعمالها بس بليل🌚🌺

#ملوكه

عمري فدووة😍 الج

وكل الهلا بسوريا واهلها❤️🙈 منورينا

#ملوكه

هههه...😅لا حبي مايطلع حبوب بالعكس هو يزيله رووس سود ويصفي بشرة ويشدها
استعملي بس بياض ..جربي ورح تشوفين نتيجة..
اني مكدر بدونه كل اسبوع استعمله🙃✨

#ملوكه

عيوني احسن زيوت لتثخين الشعر زيت الخروع وزيت الزيتون الاصلي☺️

☆وطريقة استعمال حمام زيتي:

تقسيمن الشعر ل4-5 أجزاء..
وتدلكين دلك كل جزء بالايد المدهونة بالزيت..من الفروة.. لنهاية الشعر
ومن تكملين غطي الشعر بكيس بلاستيكي،وهالنوب تسشوري بهوة حار
وتعوفي نص ساعه وتغسلي بالشامبو🌚🌺

#ملوكه