هيه وماما بس ماگعدت بقيت
واگفه اشرلي اگعدي هزيت چتفي مااا
طبگ حواجبه وگال اگعديي بصوت ناصي
ماااااً
ضاج حيل واجه يمشي عليه شفته بسرعه رحت گعدت
يمهن اشرلي بسيطه بأيده وطلع
تغديت ولميت المطبخ ويه شموسه الي اگدر عليه اسوي
بهالاثناء طبت علينه ام صادق وياهه ولد شاب
سلمنه عليهه وهوه بقه بره صاحتله ماتدخل يمه محد غريب
فات وسلمت عليه شمس اضاهر اخوو عيسى التفتلي وسلم
ورديت السلام

يباوعلي من فوگ ليجوه ومبتسم بقت شمس تسولف ويه عمته
وهوه عينه عليه
دخلت ام صادق جوه تقرب مني وگال شلونكم جاوبته الحمدلله تمام
ان شاء الله ممحتاجه شي ؟؟ لا تسلم كلما اريد اوخر يسأل سؤال
مااحس اله صگر فوگ راسنه وعيونه تجدح نار
عشگ .... جاوبته هااا
فوتي جووه
بدون ولا كلمه دخلت ركضض بغرفه بيبي...

يتبع..

#عــشٰــگ_الـشــيـخ

#البارت الثاني عشر

ركضت لغرفه بيبي وگعدت يمه
ها ولچ شمالچ وجهج اصفر
بيبي صگر شافني واگفه ويه ابن عمو ابوصادق وعاط بيه
ياهوومنهم ؟؟

ماعرف بيبي بس الولد سلم عليه واني جاوبته وصگر حيل معصب
لاتخافين ابقي هناا وشحده يوصلچ
شويه واجه فتح الباب وفات سده وراه زحفت وگعدت بصف
بيبي

وتالي وياج ؟اظل يوميه عايد نفس الاسطوانه
صگر والله الولد سلم عليه وجاوبته وبسس
وبسس لاااا زعطوط گدامچ ماسمعت كلشي
يعني شسوي هوه بقه يسألني وگلت عيب اعوفه وامشي
هاا عييب بس موعيب تبقين واگفه وياا دگ سوالف
لاموعييب لان هوه بحسبه اخويه
عشگ گالهه بصوت عالي مبين عليه معصب حيل

گالتله بيبي ولك صاير ماتحترم واذا سلمت عله الولد
چا موعيب ماتسلم عليه شيگول ماتعرف الاصول

جدة لوو واحد غير محمد چان گلت يي والله عــًّيب وفشله
ماتسلم عليه بس محمد لااا

زين ليش غير افتهم كولشي عندك بعصبيه وصياح

ماكو داعي تعرفين ليش وتبقين هنا لحدماينگلع والله لوماايدج
چان تصرفت غير تصرف وياچ
طلع وسد الباب حيل

اووف شفتي بيبي هسه اني شمسويه وشمعرفني بعلاقته ويه هذه الولد شنو
ماعنده سلوب ولاتفاهم كولشي عصبيه وصياح

ميخالف ياايمه غير يغار عليج ...تحملي ولاتراددين حته لا يأذيچ
بقيت گاعده يم بيبي اباوع عله التلفزيون
وره شكم ساعه اجتي شمس وگالت راحوو تعاي اطلعي
طلعت وعيوني تدوره بلبيت من يعصب ينگلب وحشش
زين وتالي ابقه هيج عايشه برعب منه خررب
شمس صگر وين ؟؟

طلع وره عمتي ومحمد بره ومادخل
صارت الصلاه وشفته داخل من بره وبيده علاليگ
دخل گال السلام عليكم ...وعليكم السلام
خله العلاليگ عله المائده وصاح لشمس حته تعزلهن
گتله اني اعزلهن هسه ...گال ارجعي مكانچ احسلج
واصلا شجاي تسوين ؟؟؟

ذوالفقار راد چااي وشمس مشغوله
طبگ حواجبه وهوه يباوعلي وچنه ماقابل بس ماگدر يحچي
بقه بلمطبخ يگلب بتلفونه خدر الچاي ودخل ذوالفقار
صبيتله وانطيته الگلاص .....وگال شلون صارت ايدچ
يبوووووو ذوالفقار استر علينه

الحمدلله احسن
شووكت تفتحين الخياطات ؟؟
گال الدكتور عشر ايام يعني بعد ٦ ايام
يي زين بس كون محافضه عليهه حته لايرجع يخيط من جديد
يي مجاي اسوي شي وبعد مادري
احچي وياا وگلبي يدگ وعيني عله صگر صح عينه بلتلفون
بس احسه ضاج حيلل

طلع ذوالفقار ودخلت شمس تعزل المسواگ
كمت اشيل العلاليك واخليهن اله عله السنگ حته تغسل
وتخلي بلثلاجه
وهوه نفس الوگفه ...

شمس : شبيج
عشق: ماكووو شي
شمس: علينه ؟؟
عشق:صگر ضايج من الضهر لان حجيت ويه محمد
شمس: عادي شويه ويرجع لمزاجه
عشق:مااضن والله انوب ذوالفقار چملهه اووف اخوچ دمرني
شمس: قصدچ الحب دمرچ
عشق: يووو شوف هاي ياحب انتي يمعوده
گامت تظحك وبهالاثناء دخل عيسى وسلم وردينه السلام
گعدوو هوه وصگر عله المائده وصبيتلهم چاي

عيسى: شلوون صارت ايدچ خويه
عشق: الحمدلله احسن
عيسى: ديري بالج عليهه حت تطيب بسرعه ومابيج غيرالعافيه
عشق:ان شاء الله تسلم
يباوع لشمس ويبتسم وهيه هم وصگر بعده ملتهي بتلفونه
خبلني شنو هلموظوع المهم الجاي يسولف بيه
شفته حجه ويه عيسى وعيسى جاوبه وگله بعدين عود يصير خير

طلعت من المطبخ وطلع ورايه وگال حضريلي ملابس اريد اسبح
صعدت وحضرتله ملابس ودخل يسبح وعاف تلفونه
گام يدك فتره وسكت
انوب گامت تجي رسائل صار عندي فضول گمت وباوعت
وشفت رساله والأسم زهراء وكاتبه حبيبي ظل بالي ليش متجاوب
حبيبي ؟؟ منو هاي
يمه سچينه دخلت بگلبي
رجعت جاوبت والله مشتاقتلك متجي اليوم اشوفك
هاي منو معقوله زوجته ؟؟ وشتريد جايه هسه
سمعت صوت الباب انفتح رجعت ركض لمكاني
طلع ولبس ملابسه واني گاعده عله الچربايه سويت نفسي اباوع
لايدي
بس اعصابي صارت ناررر منو هاي زهراء
معقوله صارله ساعه مدنگ بلتلفون يحجي وياهه
گال ايدچ توجعج ؟؟
بقيت اباوعله خاف اكول ايي ويكول من الحركه ومتسمعين الكلام
وخاف اكول لا هسه يكول لعد ليش تلعبين بيهه

مو احچي ويااج ؟

هاا ! لا بس تحكني شويه عود گلت افتح اللفاف
اجه گعد يمي واخذ ايدي بيده وفتح اللفاف وگال مابيه شي
بس اضاهر تريد تطيب ..گومي جيبي العصاره
گمت اجيبه والعلاج چان بلجراره الي تلفونه صگر عليه
اخذت العصار وچان يدگ التلفون وهم زهراء
گال جيبي وياچ شلته والتفتت عليه گال منو. ؟؟

گتله زهراء !! بقه يباوعلي بصدمه سويت نفسي ماشفت
وانطيته التلفون بسس نار اشتعلت جوايه
كعدت وهوه التهه بلتلفون فتحت العصارة اخذهه مني
وخله عله الجرح وگام يمشي اصبعه عله جروحي
اوووف الوجع البيدي صار كوله بگلبي يصگر
بهالاثناء التلفون ماسكت ابدد كل شويه يدگ
خلص ايدي اخذ التلفون طفاه عام وخلاه بجيبه وراح يمشط
ماتحملت ابقه يمه واذا بقيت ابچي طفرت من مكاني بسرعه
وطلعت وصلت للدرج صاح ورايه عشگ ؟؟ شبيچ
گتله مابيه اجه لزمني راد يديرني عليه بس ماخليته يشوف وجهي
اذا اباوع بوجه ابچي

مواحاچيج شبيچ ؟؟
مابيه صگر عوفني الله يخليك سحبت ايدي منه ونزلت
ودموعي گامن يطفرن وحدهن
شفت شمس بوجهي تفاجأة و

گالت شبيچ ؟؟

انفجرت بلبچي بالزايد اخذتني ودخلنه للصاله وسدت الباب
گالت خوفتيني شصاير
شمس زهراء منو ؟؟
بقت تباوعلي مصدرمه ماحچت شي
زوجه صگر مووو ؟

هزت راسه بأي مسحت دموعي وگتله من شوكت هاجرته
گالت صارله اكثر من سنه وصگر حاول وياهه بس هيه
ماقبلت ترجع ومانعرف اصلا شنو سبب زعلته
بس ليش تسألين سولفتله عله الصار وشلون صگر صارله شكم يوم
هيج يعاملني اكيد بسببه
زين هسه انتي ليش تبجين ؟؟
ماعرف شمس ؟؟ احس عقلي مابقه براسي وگلبي
يوجعني حيل بدون وعي من شفتهه اتصلت عفت الغرفه وطلعت

حضنتني وگالت وغلاتچ صگر شاله من باله بعد
ومستحيل يفكر يرجعهه بعد ماسوت وياه هيج وبعدين
حته لورجعهه تبقين معززه مكرمه ومكانتج بگلوبنه وبگلب صگر غير
سمعت صوته وهوه نازل من فوگ وگف اباب الصاله وگاله
بعدهه ايدج توجعج گتله لا خف الوجع
طالع تردين شي ؟؟ لا سلامتك
احاچي ودايره وجهي خاف يشوف عيوني مورمه من البجي
شمس اشرتله اطلع وهوه راح
گالت دكومي صلي وذكري الله ويصير خير
توضيت وصليت يم بيبي .... وشمس سوت العشه
احس مالي نفس اكل بس مجبوره وبالي يجيب ويودي
خلصنه العشه وكعدنه اني وياهه بلصاله گالت هسه اجي
صعدت ونزلت بيده علبه مكياج
وج شنو هذه ؟

هذه الج شويه نلعب بلكي يتغير مزاجج
صح مالي خلگ بس ماردت افشلهه خلتلي مكياج بس خفيف
وخطت عيني وطلعت كولش حلووه انوب كوت شعري بالكاويه
ونزلته عله طوله

دخلت ماما شافتني وصلت على محمد وگالت وين صگر
يجي يشوف
اووف ماما شذكرتيني مو نسيت ؟؟؟؟
بقينه كاعدين نسولف اني وياها وشمس نسيت الموظوع
والتهيت وياهن
صارت ب٩ ونص وراحت ماما ترتاح شمس گالت راح اجيب
حبشكلات صار فتره مسهرانين
وعافت تلفونه يمي
مدنگه اگلب بتلفونه وشعري عله عيني ...يعني مااشوف الباب
سمعت صوته گال رفعي راسچ رگبتچ راح تنكسر
رفعت راسي هذه صوت صگر
صارت عيني بعينه ،،،،، بقه يباوعلي من فوگ ليجوه
ومبتسم يباوع لايدي وگال بعدهه مفتوحه
كتله انتظرتك تجي وتسويهه ...گال گومي يلا
دخلت شمس وگالتله خليه گاعده شويه صار هواي مكاعدين
دخل هوه گعد وخلت شمس الحبشكلات
گعد يمي بس منطيته ضهري وجهي عله شمس
تأشرلي انداري عليه واني اهز راسي بلا استحيت شو
راد حب مديت ايدي حته انطيه گال عوفي اني اجي اخذ
تقرب عليه حييل وصارت رجله يم رجلي گمت اشتم عطره ويه
النفسس ..اووف يصگر والله لعبت بحالي لعب
خلص الفلم ساعه ١١ گال يلا گومي اسويلچ ايدج اريد انام
گتله ماشي صعد قبلي
وشمس گالت الله عليچ تحملي لخاطري خليج قويه
لتخسرين من البدايه محد راح يتضرر غيرج
صعدت ولگيته گاعد وفاتح دگم القميص ...والبنطرون
عززه
وبيده العلاج گال ساعه يلا تصعدين
اجيت گعدت گباله وعقمهه ولفهه ...عفته وگمت گال وين
گتله اروح لشمس تظفرلي شعري جرني من ايدي وكعدني
گعدي اني اضفره
تعرف ؟؟
لعد شعبالچ
شلون تعلمت ..
من گتله هيج لونه اختلف احساسي يگولي چنت تضفر شعرهه
انداريت وانطيته ضهري
لم شعري بايده واصابيعه تتلمس رگبتي جسمي كزبر من لمسته
بقه يلعب بيه وبحجه يلمه احس بيه يجيبه منا ويخلي هنا
ماحچيت وياا بس الابتسامه انرسمت عله وجهي تلقائيا
ضفره وگال وين القراصه
گتل ماعندي زغيره بس چبيره
يلا خلي هيج المهم ملموم ....گمت حته اشرب علاجي
وسمعت تلفونه دلگ باوعتله هاي اكيد هيه
شربت العلاج والتفتت شفته واگف يسد بلدگم

طالع ؟؟

اممممم

شغل؟؟

لا بسس شغله يم جماعه شويه وارجع

يم جماعه لو يم زهراء .....
سد القميص وباوع لنفسه بلمرايه وانوب التفت عليه وگال
مااتأخر .موتنامين وغمزلي مشيت للكنتور وگتله من حرگه گلبي
تأخرت او لا هلشي يخصك فتحت الكنتور
هااا والله

يي والله

اصلا انته يوميه جاي وقت متأخر مايوم عرفت منين جاي ولوين طالع
ليش اليوم گتلي ...احجي ويا بعصبيه بس متوقعه يجيني
راجدي يوكعني
ماحچه ولا كلمه اخذ تلفونه وطلع
جريت حسره وتالي يعني ...طلعت من الكنتور
دشداشه سوده قصيره وربع ردن ودلعه كولششش والضهر هم دلع
وبالاطراف مالته نقشه فضيه تصميمه يخبل
لان گلت مراح يجي اكييد وجه الصبح لو يجي لولا
خليت راسي ومعبالي راح انام بس بسبب المسكنات خدرت
وغفيت مادري بنفسي .......
فزيت عله حركه يمي عله الچربايه فتحت تك عين شفته هوه
اضاهر هستوه رجع نازع ملابسه واجه تمدد
انتبهلي وگال گعدتچ هزيت راسي بلا
وعيني گوه فاتحته باوعت للساعه ب٢ وربع حيييل بعد وكت
غمضت عيني وره شويه فتحت لگيته لازم التلفوون
استغفرالله تالي وياه ؟؟
درت وجهي ونمت عله صفحتي وانطيته ضهري
غمضت عيني وتذكرت ضهري كوله طالع عززه
بس ماگدر اندار عليه بعد واشوفه لازم التلفون يراسله
ابقه بلاحركه احسن وهسه اكييد اغفه
ماحس اله اصبعه صار يمشي عله طوول ضهري
گطعت النفس وجسمي تقلص ....
ابتعدت عنه شويه واحسه تقرب عليه باوعت اني بطرف
الچربايه وين اروح بعد ...بقه يتقرب لحد ماصار صدره عله
ضهري بدون وعي گمت من مكاني ونزلت بلگاع
بقه يباوعلي مصددوم حقه اني اصلا مصدومه من نفسي

ليش گمتي ؟؟؟
ماحچيت بس بق

يت اباوعله
ضوجتج ؟؟
هزيت راسي بأي شفت بعينه نضره خيبه امل بس ماگدر يحچي
دار وجهه ونام عله ذيج الجهه
بقيت واگفه بمكاني ليش هيچ سويت اكيد هذه الشي
راح يكبر المسافه بيناتنه ؟؟ بس موبيدي ماحبيته يلمسني
تقربه مني خلي جسمي ينفر منه ....
رجعت المكاني وتمددت كل شويه عيني تصير عليه
ابدد ماتحرك بس مبين گاعد اووف ياربي اني شسويت
بس والله موبيدي هلشي ماهو سهل عليه يتقرب رجال مني
بعد كول السنين الي تعودت بيهن عله زوجي صعب
ماعرف شلون ذني البنات عدهن عادي تكون علاقه ويه اكثر من
رجال وتتقبل هذه الشي
گعدت عله طرف الچربايه وكتله ..صگر
اندار عليه وجاوب هاا ...زعلت ..لا ليش
اكييد ...نام عله ضهر وخله ايده عله عيونه وكال هيج هامج زعلي

ياربي خاف اكول ايي وياخذ راحته وخاف اكوله لا ويفهمني غلط

ايي ؟ رفع ايده وباوعلي گال لعد ليش من لمستج ابتعدتي
ماعرف شلون اشرحلك هذه الشي ..بس تقربك مني ازعجني
مو لان ضجت منك بسس احساس غريب صعب تفسيره

ولا يهمج لتشيلين هم اكيد بمرور الوقت تتعودين عله وجودي يمج
يلا تعاي نامي

رفعت الغطه وتمددت ...هوه رجع خله ايده عله عيونه ونام

يتبع....

حبايبي بالنسبة اللي ديستفسرون عل دعم انستا

اول شي اهواي دتشوفون يكولون اللي يريد تمويل واصعد حسابه.. يدز فلان رصيد واموله بمشتركين عراقين وحقيقي

فهالحجي..كله جذب💔🤦‍♀..ماكو حقيقي. هاي اسمه رشق يعني اللي ديضيفولج كلهم وهمين واجانب..بس واحد واثنين حقيقي..
يعني اللي يصعد حسابه بهالطريقه مجرد رقم ديصعد وبس ..ماكو لاتفاعل ولاشي😑

فاشون تصعدون حساباتكم؛؛ لو تسوون تبادل..يعني فلان حساب طاك ..اتبادلي وياه
او تسوين وتشتركين كروبات تبادل .وكل يوم تتبادلون
او انتي تابعين بيجات وحسابات طاكه مال مشاهير..تابعين 20 شخص باليوم لفترة متقطعه حته لاتنحظرون..وثاني يوم تلغونه وهم تابعونهم مرة لوخ

واهم شي ترتبون الحساب وهايلات والحالة
فاذا تستمرورن يوميا بهالطرق.. ف رح تشوفين حسابج يصعد😍❤️

#ملوكه

ههههه..عيوني طبعا بيوم وليلة..متشوفين فرق

يعني اكو جسم بسع يبين ورة اسبوع واكو يبين ورة شهر واكو ورة 6 اشهر ..بعد حسب كل جسم
فعليمن تاكلين جم يوم وتعوفيهن😕..استمري عليه يوميا حليب وموز هم تحصلين فائده وفيتامينات وهم تسمنين

ومو بس هج..عندج جوز ودبس وراشي هذيني يسمن..وكل يوم اكلي تمن او ثريد😅💔 ..
سوي واهس لنفسج بالاكل
اشويه اشويه جسمج يخزنهن وبعد فدمرة كلهن يطلعهن هالسمن..فلاتستعجلين🙃

ومشيهيات ومسمنات..هذيني طبعا مابيهن اي فائده غير بس نفخ والاضرار..فابقو عل طبيعي وينرادلكم صبر🥰


#ملوكه

ان شاء الله حبيبي اقدمها فد ساعه او ساعتين
....ويارب كل التوفيق الج والنجاح باعلى المراتب😻💓

#ملوكه

حبي هذيني الحبوب من حرارة الجسم او من شيرة☹️🤦‍♀ ..فعادي كل فترة يطلع ويروح..

واذا مستعجله وتريدي يروح بسع..سوي ماسك من الشوفان والنشة واشويه ليمون اخلطيهن وخلي عل هالمنطقة ربع ساعه وغسلي
3 ايام تخلين منه..ف رح يبيس الحبوب☺️

#ملوكه

يي عيوني الليمون كلش زين للتفتيح ومن تضيفله ملح واشويه صودا
ف رح يقشر الجلد ميت وسواد..كوله يوكع

وكون تستمرين منا لمن يخف لون🥰✨

#ملوكه

عيوني رووس سود..كل اسبوع يطلعن ماكو شي يزيله للابد😑💔

تتراكم من دهون الوجه ..فكون بالاسبوع مرة تقشيرين
وتسوي ماسك بياض بيض بللاسبوع مرتين

هاي كل اسبوع كرري هالعنايه✨

#ملوكه

حبي اهواي اكو تونرات بالبشرة جافة
🙃🌹عندج مثل نتروجينا وaveda و lush Roma و mario badescu وorigins..الخ

#ملوكه

حياتي❤️

هههه..مو اهواي فد 25 بارت😅ويخلص
طبعا اني داقوي صبركم..

باجر عكبه من تتزوجن وتريدين تشترين فد حاجه..وابو جاسم😂🌚 اجأله فد يومين او اسبوع..فشتسوين تضلين تنكين عل راسه وتخبلي حته ينتحر🤦‍♀

فينرادلج صبر ..ونفس حالة بالقصه اصبرن وتوصلجن كل تفاصيل🥰

#ملوكه

👨🏻👩🏻┊♪̠❥ 🦋💜🦋♪̠❥┊👩🏻👨🏻

كثرة الخلافات وطول فترتها تسبب الابتعاد بينكما وهذا غير محبب في العلاقـه الزوجيه لإنكما خلقتما لبعض...

لتنهي الخلاف بإسرع وقت ما عليكِ سوى قول عبارة سحرية مؤلفة من 5 كلمات فقط لزوجكِ وهي:

❤️حبيبي قد تكون على حق❤️

نعم❗️ لن تصدقي ما وقع هذه العبارة على الشريك فهذه الكلمات البسيطة ستنقذك من أكبر خلاف مع الزوج‼️ كذلك كما يمكن أن يستخدم الرجل هذه العبارة لإنهاء الخلاف مع زوجته.

👈🏻 فإن الخطوة الأساسية التي تساعد أي زوجين على التخلّص من المشكلات التي قد تعترض طريقهما هي التنازل، التضحية والتخلص من الكبرياء.

هذه المبادرات تعبر عن الحب الصادق والحقيقي أما العناد فقد يقتل شعلة الحب بين الزوجين ويؤدي إلى تدهور العلاقة..💔

👌🏻 بالتالي ننصح الزوجين بتفهم بعضهما والتنازل قليلاً بهدف إيجاد الحلول المناسبة للطرفين..❣️

👨🏻👩🏻┊♪̠❥ 🦋💜🦋♪̠❥



#اعـاده_توجيـــہ_لتنسون
#ملوكه
@stylegrils