ي شلون ادخلين علي ياحقيره
ضربني..راشدي رحت لميت ملابسي...واخذت اطفالي
-شوف سامي الهنا والبينا انتهى كرهتك
كرهت كلشي بيك اذا انت رجل ومن ظهر اب طالع
طلكني ولا ضل تجي وراي بعد ....ظحك وكال
روحي وانتي طالق طالق طالق.. والورقه باجر تجي
اي اني مزوج رحت للزياره...وهناك عقدت على وحده
تركته ورحت الاهلي وصلت بس امي كاعده وابوي
سولفتلهم...واني أبجي..كلي والدي هاي هيه
بعد بكيفج.تردين تطلكين..فرحت وكفو وياي
بس خفت من سامي لان يضل يلاحقني
مثل كل مره ويسكن الشارع الى ان ارجع اله
نمت اليل واني افكر شلون وكيف وخاف يجي
ويرجعني ..بس الحد الصبح مبين الحد الظهر
أجانا سامي وجايب شيخ يطلكني ..بوكتها فرحت
وكعد بلدوانيه..هو والشيخ والدي ودخلت يمهم
والشيخ حاول يرجعنا ..ومن هل كلام..
الحد ماصفينا على الطلاق..وطلقنا..وطلع سامي
واني حسيت تحررت من عنده...كلي انتظري
طلاق المحكمه فاهمه...؟


يتبع....

#مشاعر_مبعثره
الجزء الأخير
....نازك الحمراني..
حسيت أنو جرحت كيلان أتصل اراسل ميرد عليه
ردت إخبره عن خطيبته..لأن بلحظتها ضعفت وجرحته
بس بوكتها كثرت ألرسائل التهديد الي..أنو أتركه
وحده أدكلي أني أخت جيلي...أتركي
واحد يكلي اني والد كيلان ....أتركي
جانت رسالة والده تهديد..ورفض ألي
كلي أنتي مسلمه أحنا ملحدين كلنا...
بتالي تنجبرين تصيرين ملحده..أوتصير مشاكل كبيره
وأطفالج يربون ملحدين مثلنا ...أبتعدي من البدايه
لأن ممرغوب بيج بينا وبمجتنعنا الملحد..
كل رساله تجي تبينلي أني ممخطأه من تركته
بس كل لحظه أشتاقيت الكيلان والكلامه المكسر
الي أبد ماسامعه مثله..كلامه جان كله قوه الي
كل حرف يحجي أطاني دعم..أنو أقاتل لأجل نفسي
أنو انتصر على جرح أجاني..لكن بوجوده
وهسه هو مموجود يجوز خسرته..ويجوز الحظ
ويجوز جان ديني أهم شي بلحظته
.ماكنت أحط نفسي بأختبار ديني..
كرهة سامي لأن تعدى حدود الله...فكيف الي ينكر..الله
.......
ضغط النفسي بسب كيلان وبلحظتها
مشاكلي بلبيت كثرت وزادت...كل يوم عركه اصير
والدي يضرب أطفالي..رامي واطفاله يضربون
صرت تحت هل ضغط..بيومها تواجهت وي رامي..كتله
-لهنا وكافي مااسمحلك تضرب أطفالي
أني مااكد أسمح الروحي أغلط على أطفالك لأن احبهم
أي أحبهم على حبك...بس أنت لا ليش خويه
تذكر قبل لا تزوج من جنا أخوان نظحك سوه
نشاقه نكعد على صينيه وحده..نركض بلشارع سوه
طفولتنا اذكرها الى ان كبرنا شلون جنا حلوين
ليش خويه من زوجة لهسه صرت تكرهني
ليش من اطلكت صرت عدوتك...زوجته واكفه......كالت
-لج اتقصديني اشو متستحين موزين متحملينج
ومتحكلين جهال العركجي..ابني ركض يبجي
دخل والدي...على صياحنا ...كال
-اي والله جهالج دوخونا بويه واني كبرت
ماكو واحد يحمل البزر غير الأهل. موتونا جهالج
الله يموتهم ويخلصنا منهم ..
دخلت للغرفه كعدت على سجادتي أبجي..ردت فرج
أذا أشرد وين أروح أفلوس تعيين ماكو
من أطلكت من سامي جنت متعصبه أتنازلت عن النفقه
في سبيل بس أخلص جان ابالي عندي شهاده واتعين
أدمرت من فساد سامي..هسه فساد الحكومه.هم دمرني
كلشي انسد بوجهي..بيومها أدمن الكروب نزلت منشور
أطالب بلباغ عن صفحه تسرق الرجال..جانت صفحتي
أول دقيقه من نشر صفحتي. لبست عباتي
رحت للمحل مال مبايلات يمنا خليته يحذف صفحتي
حذفها نهائيآ رجعت للبيت وسويت صفحه جديده
فتحت ودخلت للكروب وافقو شفت المنشور
والكل كاتب تم التبليغ..ونزلو شكر للأعضاء
واني أظحك ميدرون أني حذفتها.
.أسبوع كيلان يله ضهر
وجان ينشر كيلان ضد الحب ضد المرض قد عدت
من خلال التعليقات..عرفت أنو جان يسهر بلبارات
وبسبب الشرب المكثف راكب دراجته ومسوي حادث
لمت نفسي حسيت أنو أني السبب.
.تمنيت أتكلم معاه
بس لا كافي البيه مكفيني..طلعت أسوي أكل لأطفالي
واسمعت أبوي ورامي يتكلمون جايبلي عريس
أزوج واذب أطفالي على سامي..
رحت الأمي وسولفت ألها..
دخل رامي وهو سمعني
غلط علي وتجادل وي امي أتعصب وضل يضرب بيه
واجى أبني دافعلي وضربه..كلي..تقبلين بلقسمه وتفكينا
تعبت منج من اطفالج
ماما تخربطت أخذتها للمضمد
ظغطها صاعد.. اطاها أبره ..
ورجعنا والدي يحملني مرض ماما
ضل يتكلم ويغلط علي..كلشي صار ضدي
ثاني يوم الصبح..طلعت اخذ شهد للمدرسه
ولازم أعبر الشارع فاتت سياره راقيه وعاليه..
وبيها ولد كاشخ بقيت صافنه..هذا كمال
أبن سامي صاير أحوال..حتى ماعبرني
وصلت للمدرسه..لكيت حماي رزاق منتظرني بسيارته
غلست مااريد احجي وياه..بس صاح الابني
وبوسه وركضت ملوك عليه شالها ويبوس بيه
بقيت اباوعله أشصار لو اخوي هيج حنين..
هو غير الخال حنين اني العكس ..
بيت سامي كلهم يحبون الاطفال..تقربت منه.. كلي
-ام شهد خويه جايج وترجاج متفشليني
سامي مريض كلش ......ماوكفنا على علته..
البارحه دخلت البيته صاير هوسه...
وهو لحيته وبس نايم كوه اخذته للطبيب
كال حاله نفسيه..والعمر بدا بيه يمشي
خويه أرجعيله وهو حلفلي أنتي يتغير
اني كل مره من زعلين ماارجعج بس هسه لا
الاجل اخوي لان وحده أبنه تركه بنته تركته
.زوجتها الي أزوجها طلكها
يريدج بس أنتي..
قنعي يروح للطبيب..لان بس يقيء
كليله ارجعلك حتى لو كذب ..كتله
-واني حسيت صاير شي لان صارله اكثر من شهر ماكو
ركبت السياره ورحت وي رزاق..البيت سامي
دخلت البيت ريحته تخنك وشفت سامي مدد عل قنفه
نفسه كوه يجره...
برغم البرد ملابس شي يستره
بس بنطلون كابوي كعدت أكباله بجيت عليه
هذا البشر شما يطغى المرض يوكعه ويذله
شهد وملوك حضنو ويبجون عليه هو شافهم
بجى بصوت عالي ....يثخب مشتاقلهم
وهو حاضنهم أنقهرت عليه
مهما يكون عشرت عمر اجى يمد أيده يحظني
بعدها تخربط وطاح رزاق ركض جابله ملابس
بدله واخذنا للطبيب..
تحاليل وفحص كال سوء تغذيه وفقر دم
يرادله أكل خاص أعتناء ليش هيج..
عباله أني بنته حجى عليه كلي
-انتي بنته من تزوجن تنسن أهلجن مدكولن
الاهل ربو.. وتعبو.. وسهر قلاها كل اسبوع امر....
اشوي وطلعنا رجعنا للبيت نظفت البيت ورتبته
رزاق حماي اسوك..البيت

فارغ مابي اكل
..طبختله غديته وطلعت
اخذت اطفالي بس منو رح يبقى يمه...كلي رزاق
-فكري ام شهد محد أله بس الله وانتي
اني ملتهي بيتي وبشغلي زوجتي مريضه كلش اداريها
امرله بس ساعه بوقت اليل
من وكت عرس بنته أتعارك وي اختنا
لان عازمه طليقته وتعرفين الباقي....كتله
-أفكر ركبت بلسياره..وصلني البيت أهلي..
نزلت شافتني أمي ورامي..دخلت للبيت...كلي رامي
-بعد مالج بقيه.. بلبيت جاي اشوهين سمعتنا
والدي راد يفهم..سولفله رامي وهو معصب
والدتي وابوي ورامي كلهم ضدي..
رجعت الغرفتي....
مالي خلك الكلشي لا للفيس ولا الكروب
أختنكت قرار صعب...شسوي
من اجيت الاهلي الهل الحظه تعذبت كل ساعه ودقيقه
ندموني على طلاكي سامي
قلاها سامي اغلب النهار بشغل
همه اهلي حرب اعصاب ليل ونهار حتى عل اكل
مرت الايام والسبوع اجى حماي رزاق واقربائهم وساده.وشيوخ يرجعوني. كتلهم اطوني مهله افكر
..
بيومها فتحت الفيس ورى أسبوعين..
دخلت كروب الأنكليزي..الكل يهني كيلان بخطوبته
جانت صورته تخبل لابس قاط رسمي لون بني
أعيونه الزرك كلها حزن حتى هالات سوده محاوطاته
بس بقيت صافنه على وسامته
جان الشيب الي مقدمة راسه كثران عن الكليه
مطيه جمال شبابي محاسه بي
خطيبته لابسه فستان(مني) قصير فوق الركبه
والصدر نصه طالع وفرحانه..
كاتب على صورته..
اهنىء نفسي التي تعيش وتموت بأذني فقط...
وصوره ثانيه كاتب أن تخذل فلحب مره حزن
لكن ان تخذل مره ثانيه من نفس الشخص هو قمة الألم

-الى من بعثرت مشاعري فوق صخرت قلبها
سأعيشها بعدها كما عشت قبلها

أتعودت على كيلان "أشتاقله واشتاق الكلامه
غزل الراقي...!! بس بعد لازم امحي من حياتي
.......
كعدت بجيت كل منك سامي كرهتني بزلم...بكل رجال
ماخلاني أوثق بأي شخص للعنت سامي بكلبي
خوافاني من جنس أدم
خوفاني من الحب اخ ياربي
........
فتحت الفون طلعت الشريحه كسرتها
..رجعت شريحتي القديمه..
جانت اكثر من مئة رساله خلال الثمن أشهر
مارف كلبي ولا حسيت بيهن أبد
مات كًلبي من سامي
بس سامي تذكرت مرضه واطفالي..
كثرت المشاكل مال أهلي
أتصلت على حماي رزاق..كتله خل يجي
أجى سامي. ورزاق واحد جبير..لبست عباتي
وكعدت يمهم..كتلهم رح أرجع الأجل الأطفال
مو الأجله لأن أبنكم دمرني..بس خل يطي وعد
يترك الشرب والنسوان..باوعلي..بنظرت اعتاب
اول مره خفت منه... لا يضربني
وتعجبتاحجي عليه ويسكت مو عوايده....
واني خزرته دنك
رجعتله وهو مثل كل مره يتلهف الي يحظني بشوق
بس اني كدامه تمثال جامد
بعثر مشاعر مثل ريش طاير بلهواء
صرت كل لمسه منه مااحسه
برغم حبه التقربي....بس مااحس

قصص بقية الابطال
كمال لساته على ذكرى تقى ميقبل يزوج
هجر والده للابد بسب مارجعله حبيبته..احسه أوفى من والده
رؤى عدها أبنيه ومرتاحه بزواجها ونست ابوها
وسامي رح يموت ويتمنى يشوف حفيدته
رامي وزوجته يعانون بسبب مراض بنتهم
رائد طلع للخارج يريد لجوء ولم الشمل
وزوجته ساميه متبهذله لأن من سنه استقر
ومادز عليها رائد...
طليقة سامي عايشه حياتها طول بعرض
حرمها سامي من اطفالها هي حرمته منهم وهم شباب
طبقت قانون العين بلعين
تقى ممرتاحه بزواجها وتحمل ليان سبب طلاقها
الاخت الجبيره اليان عايشه تأنيب الضمير
لأن اطفالها ميردوها
ام ليان تعاني من مرض القلب والض.غط والسكر
والد ليان بعده يعاني من انفصام الشخصيه
سهير زوجة رزاق مريضه بسبب سمنها...😁

هذا كلام البطله عن لسان البطله
بيوم لميت غراضي بدلت الجهال
واني وكعدت واذكرت أيام طلاكي شون عشتهن هنا
كل يوم امي وابوي للصبح يتمالخون وصياحهم
وامي ادك وتلطم واني كل ساعه الي رجفه بسبب لطمها
بس عند سامي صحيح يخوني كدام عيني
ويشرب يوميه
بس اني مابيدي حيله اوين اروح ذا اجر
واكعد اتبهذل وجهال اذا اخذهم وياي
بدون أبوهم مااكدر اتحمل لأن يحبو
مصرف يرادلي ايجار ومصاريف اطفالي
تعيينات ماكو كوم دورت
يعني اذا ماأرجع اله وين أعيش بيت اهلي...نار.وعذاب
فكرت اشوف نفسي اتبهذلت
يعني هسه حياتي اني روتيني اليومي
هو يطلع الصبح للشغل يجي يتغده وينام
يكعد يطلع للشغل يجي بليل بوجها ياخذ اغراضه ويطلع بطارمه يكعد يشرب ويسكر...جان قبل يخفف شربه بسفن
يعني كل قوطية شرب يخبط قوطية سفن هسه لا. صر يشرب
يبقى يتغزل بصديقته
واني موتت كلبي منه..مااغار
كلت خلي اعيش... واعيش جهالي
وهو شيريد ايسوي خلي ايسوي
بعد ميهمني وكاعده ومنتظره فرج الله
يااما يهدي ياامل يخلصني منه
وهسه حاليا شويه خفت مشاكله
حتى اني كمت اذا اريد اتعارك ويااا يتلافه المشكله
أسوالفه مال الشرب يوميه يعوفني وكدام عيني
اشوفه يحجي وي البنات
كذب عليه كلي اترك الشرب
وفعلا من رجعت ظل شهرين وتالي رجع للسوالفه
هسه متخوف مني خاف اهجره واتركه ميضرب ابد

وهم غلط مني ساكته ومتحمله طبعا هو باجر عيد ميلاده رح يصير 56 سنه هو مواليد 64 طبعا
واني مواليد 90
حاليأ دخلت دوره تجميل وفتحت مشروع صالون

.....الخاتمه..
الي أنذكر من حياتها مو البدايه.والي ختمته مو الن

هايه
القصه مااحاج اذكر عبرها انتم طلعوها من كل سطر

ولا تعاتبوها على كيلان لأن حتى لو حبها
يبقى أنسان ملحد يعني مشرك. اكثر من شارب الخمر
كيلان قبل أسبوعين تزوج واستقر

نتمنى الموفقيه لبطلتنا ليان ادري الخاتمه ماعجبتكم


التوفيق للجميع😘


النهايه.

باعي عيوني يوميا بليل اشويه دهني رجلين بأي زيت عندج..من زيت الزيتون او زيت جوز الهند..او زيت اللوز..الخ....لمدة ساعه وغسلي بس بالماي ونشفي

وهالنوب خلي فازلين ودهني كلش زين ولبسي جواريب اوحفايات او كيس ونامي.. يومين وتلكين رجلين ناعمة😍❤️..

ومن تكعدين من نوم..رطبيها بأي مرطب واذا عندج مرطب جليسرين ..قوامه كلش زين للايدين والرجلين فانصحج بي😇


#ملوكه

حبي عادي اي شي تكدرين تجمدي وتسوي مثل مكعبات ثلج☺️✨
عندج مثل ماي الورد او خيار مخلوط ، او عصير برتقال ، او عصير ليمون اذا بشرتج متتحس منه..او شاي اخضر ..اي شي يعجبج

كلهن بي فايدة..واذا انتي بشرتج جافة ..فأول ماتكعدين من نوم وتغسلين وجهج..ضروري ترطبين وكون باليوم اقل شي 3 مرات ترطبين

والجسم هم نفس حالة كون تاخذيله لوشن او مرطب للجسم..لان بشرة الجافة اذا تهمليها يكوم يكشر ويصير تجاعيد☹️💔..فلازم دايما ترطبين

#ملوكه

عيوني..اذا حاليا انتي دترضعين..فهالشي طبيعي الجسم كله يضعف
فمن تخلصين وقت الرضاعه بعد سنه سنتين اشويه اشويه جسمج يرجع طبيعي..🙃

ولاتنسين اللي عدهم اطفال صغار تحسين ميلحكون ودوم ملتهين هم بالبيت..وهمين بالجهال من تنظيفهم وغسلهم ..وكومه
فهالتعب هم ياثر عليج ويسبب ضعف وقلة شهية..فنظمي وقتج 🥰


#ملوكه

عمري هاي الدنيا..متدرين شيصير بيها وولد الحرام اهواي💔☹️..يجوز عل ساعه واحد اخترق حسابج وشاف صور مخزنات

فاحسلج بالسناب..حفظي صور بس بالجهاز
ونفس الحالة ببقية البرنامج من تلي وانستا وواتساب..الخ..أي صور لاتخزنون بيهن ..وخزنو بس بالاستديو أمن👍✨

#ملوكه

ان شاء الله حبايب بليل بعد اشويه. انزل عنهن وانزل عن توافقات بين الابراج🥰💜

#ملوكه

عمري..وزنج كلش طبيعي😕بالنسبة لطولج يعني مو سمينه انتي..بس يجوز هج يذبون حجي علمود يغثوج😅

واذا تريدين تضعفين وتصيرين رشيقة..كون تسوين وزنج 49 لا اقل منه ولااكثر..
اذا تسوين وزنج 45..فكلشش رح تصيرين ضعيفة لان طولج كصير بسع رح يبين ضعف...فسوي 49 افضلج ومناسب لطولج

واشون تحافظين عل وزنج..بعد ساعتين من الغدة..العبي رياضة كل تمارين سويهن ..ويوميا استمري وماي اشربي اهواي...فمارح تسمنين
واذا جبس ونساتل لاتكثرين اهواي يعني باليوم بس مرة وحده تاكلين منهن..مو 3مرات😂💔وهالنوب يتخزن دهون...فخلي اكلج طبيعي

وبالقصص😻اكيد مارح اقصر وياكم


#ملوكه

حبي كون تنظمين وقت الأكل حته تجوعين😇

يعني اذا كعدتي ب11 وتريدين تتريكين..ووقت غداج بعد ساعه او ساعتين
فكون تاكلين شي بسيط .مثل كعك او كيك صغيره وشاي
وبالغدة اكلي طبيعي..وعصريه كلشي لاتاكلين غير بس فواكه..وجم شريحة ليمون

فبالعشا..رح تجوعين و تاكلين طبيعي

اما اذا كعدتي من صبح من وكت..فكون تتريكين ريوك معتبر😂🌚من كيمر ودبس..الخ. .بس اذا كاعدة متاخرة فدشي بسيط

#ملوكه

ههههه..ان شاء الله حبيبي
اكيد رح اجيب فد قصة حلوة ومشوقة🥰🤍

#ملوكه