Раённае свята “Кожная пятніца – роднае, сваё!”
17 красавіка ўвесь Слонімскі раён далучыўся да рэспубліканскай акцыі “Кожная пятніца – роднае, сваё!” – у Слонімскім раённым цэнтры культуры адбылося раённае свята. Мерапрыемства накіравана на павышэнне культуры спажывання айчынных тавараў, папулярызацыю іх якасці, разнастайнасці беларускіх страў, прыгажосці роднай мовы.

У актавай зале Слонімскага раённага цэнтра дзяцей і моладзі адбыліся спаборніцтвы па шашках у праграме абласной спартакіяды па месцы жыхарства, у якіх прынялі ўдзел 13 каманд. У выніку вельмі ўпартай і напружанай барацьбы аднолькавую колькасць ачкоў – па 23 з 24-х магчымых – набралі каманды Гродна і Слонімскага раёна. Па дадатковых паказчыках слонімцы сталі пераможцамі спартакіяды, гродзенскія шашысты занялі другое месца. Бронзавым прызёрам стала каманда Іўеўскага раёна.
 У складзе каманды пераможцы гулялі Глеб Валадашчык (СШ № 10), Аляксандр Кірык (СШ № 8), Мікіта і Ульяна Зелянкоўскія (гімназія № 1),Настасся Бярцук (СШ № 5).
У асабістым заліку на сваіх дошках пераможцамі сталі Аляксандр Кірык, Ульяна Зелянкоўская і Настасся Бярцук, другія месцы на рахунку Глеба Валадашчыка і Мікіты Зелянкоўскага. 
Слонімскія шашысты атрымалі права на ўдзел у рэспубліканскай спартакіядзе, якая адбудзецца ў другой палове мая ў спорткомплексе “Раўбічы”.