.
( ما جان للموعد فضل حبيتك من الصدفة )
من الفرح ارجف جنت
بس هسة لا من الوجع
صارت ب أيدي الرجفة
وصدكني متندم لان
حبيتك من الصدفة
تمنيت وجهك ما ضحك لمن صرت كدامي
يا حلم راح اتندمت خليتك وي احلامي
.
.
.
.
#شعراء_وذاوقين_الشعر_الشعبي
#حسين_السعيدي
#ابو_تراب

.
خل يروح كلمن مشتهي فراك
واتلكى الذي مشتهي الملكه
ادين هواي اكو تشتهي الشبكات
بس ياهو ال يستاهل تشبكه
التشبكه كون روحه التشبك عليك
وكون تطيح ادية ساعة الشبگه
ولو مو عيب يطلع ثوب موزين
بس عيب اليلبسه ما يشگه
يومية الك صاحب يا بذات
ويومية وي واحد الك دكه
جيره بفركه كلمن يمشي وياك
وبخيت ال يلكى فد جيره اعلى فركه
انت شما عليت انت ذاك انت
النخل مهما علا يخضع لعركه
وشنفع علوا النخل خل يعلى قاطات
اذا حتى الجهال تلوح عثكه
.
.
.
.
#شعراء_وذواقين_الشعر_الشعبي
#عبدالحسين_الحلفي
#ابو_تراب

.
رماد صاير واقبلت مرني تعال
حتى لو جيتك تصير الهوا
اسمي يوجعني يبعد حروفي كون
تمرني بستان وتخليني نوه
طيفك مغزر بالجفن
خلاني ادمن على السهر
كطعت عشرتنا بوكت
اتمنى بي كاطع مهر
.
.
.
.
#شعراء_وذواقين_الشعر_الشعبي
#مروان_العنزي
#ابو_تراب

.
لا تنشد علية وتكول ... شالحال ؟
انا بيا حال وانت جفاك ... شل حال
مدري شلون احلها وياك ؟... شالحل
بشاهد وبخت مطلوب الية

شمغطي جروح گلبي يطوف ... يرحاك
يمن طحنت بقايا الصبر ... يرحاك
شيتحمل دليلي روك ... ير حاك
وهن فزعن فرد فزعة علية
.
.
.
.
#شعراء_وذواقين_الشعر_الشعبي
#ابو_حيدر_البهادلي
#ابو_تراب

.
العشك عند الاغلبية كذوبه صار
والصدك كلش قليل وقايسة
عمي يا حب جاي تحجيلي انت بي
وداعتك ما بي درب ما دايسة
حب كبل طاهر وبي قدسية جان
وغير جف المستحى ما جايسة
وهسة حب هالوكت من اول كلام
بس يخابرها يكلها شلابسة
.
.
.
.
#شعراء_وذواقين_الشعر_الشعبي
#ساجد_المحنا
#ابو_تراب

.
امشي وراكم دمعة دمعة
تحجون انتم گلبي ينعى
كون الحجي يوكع واسمعة
جربها مرة ونام ملچوم
وشوف شثكلها عليك الهدوم
نباوع على وجوه الجزتنه
وما ندري عن ياهي متنه
ما ضل ولف يفزع بمتنه
اعزاز ونسونه بفاتحتنه
كون اليرد للبيت لو غاب
جفوف التحبه التفتح الباب
شبعداتكم بس هو الاغرب
ليش الدرب من يمكم اكرب
.
.
.
.
#شعراء_وذواقين_الشعر_الشعبي
#مثنى_كامل
#ابو_تراب

.
هي هيجي تبيع روحك للغريب
هي هيجي تعوفني وانا الحبيب
جنت اشيلك بين ايديه
وما گلت مره خطيه
جرحي اريده يطيب ما تقبل يطيب
اسأل انا عليك ما تسأل علي
انطيك ورده وانته جمره تحط بدي
لا ابد مو هيجي هيه
تعوفني والجرح بيه
وانا باصحراء وعلي تنگلب ذيب
هي هيج تبيع روحك للغريب
.
.
.
.
#شعراء_وذواقين_الشعر_الشعبي
#خضير_هادي
#ابو_تراب

.
ميت مو معرس وانا كاشخ بيك
كشخه جنازته من يموت المعدل
تابوتك بلم ومتون ناسك روج
و مو وزن الشعر وزن المدينة اختل
سهرنا شجم عمر ليلية نشرب موت
مليت السهر بس انت ما تنمل
مشينه جيوب فرغ و احنا متروسين
ما دنكنه عوز كبال المبهذل
.
.
.
.
#شعراء_وذواقين_الشعر_الشعبي
#احمد_الذهبي رثاء الى الشاعر
#جبار_رشيد
#ابو_تراب

.
كلش مختنك ما عندي موضوع
مواضيعي اعلى روحي سولفتهن
طاير واهسي وما احجي وياك
لان كلماتي توجع لو كلتهن
الشمس تطلع وتطلع روحي للموت
الشمس و الصبح كلهن زاعلتهن
الجكاير والسهر خلني ما اموت
بس ذني الثنين الصاحبتهن
وعلى يا لون جانن لا تسألون
اجذب لو حجيت ووصفتهن
الضحك والنوم والله وراحه البال
هذن من الطفولة ما شفتهن
ولان ما عندي ليل ينوم العين
عيوني بغير واحد نومتهن
تعبت من المشي وما طالع الباب
هذن رجلين روحي الحركتهن
افتر على الردتهن وين ما جان
ويفترن علية الما ردتهن
.
.
.
.
#شعراء_وذواقين_الشعر_الشعبي
#علي_الشمري
#ابو_تراب

.
أول مرة اكول لروحي هنيالي
من شفتج كعدتي بصفي وكبالي
من كلتيلي جا وينك
اريد اتغطى بسنينك
من عدها وعرفت الكمر مو عالي
ما ندري النحبهم ليش يرحون
بينه الصوج ؟ بيهم ؟ باليحسدون ؟
حلم مروا علينه
بوكتها شكد بجينه
ما ضلت بعد بوجوهنه عيون
حسبالي الرسايل تنقري بساع
اثاري تضل شهر مشمورة بالكاع
كوم اقرى الرسايل
شوف شبيها كايل
تعال تمنتك رصعات المتون
.
.
.
.
#شعراء_وذواقين_الشعر_الشعبي
#علي_البديري
#ابو_تراب

.
يمتى تعود ؟
مو كل الطيور الهاجرت يحمود
من ضكها الحزن ردت ل اهلها ردود
يا الطولك نهر وجروحك الجرفين
وعلى طول النهر يبقى الجرف ممدود
رد يحمود
عجزنا الصبر يحمود هاي سنين
وتانيناك وكفه وما كعدنه كعود
ولك حمود من البواجي طاحتنله عيون
ومن ثكل الدمع ما ضلت النا خدود
دلحك على البقايا تفرهدلنه هواي
ونخاف اعلى البقايا تصير هم فرهود
رد يحمود
تدور بالغرب على الجود رايح وين ؟!
وعدنا بكربلة مدفون راعي الجود
.
.
.
.
#شعراء_وذواقين_الشعر_الشعبي
#عباس_اللامي
#ابو_تراب

.
والله تعبني السهر يوم ارد انام
الشوارع فارغة وراسي ازدحام
احنا لو متخاربين احسنلي عاد
و لا علاقتنه تضل بس السلام
صدفة نتلاكة و غريبين و نروح
چنه ما نعرف بعض و الله حرام
فركتك يحملها چا گلبي الرجيچ ؟
و علي يريدلها صبر مالت امام

( مستعد لو رديت من الجاهلية
ذنوب العرب لليوم كلهن علية )
.
.
.
.
#شعراء_وذواقين_الشعر_الشعبي
#زيد_السومري
#ابو_تراب

.
الله يسامحك ادعيلك بهاي
وعليك من الندم ما ضل اصابيع
شريتك وكت محد جان شاريك
وبعتني برخص وكت المحد يبيع
يطيبن ها تكلي يطيبن شلون ؟
شنو ابالك بعد هم ضل مشاريع ؟
شتداوي وبية انا جروحك درابين
اذا ينزل دواك بينها يضيع
من الباب اجيتك جنت شاريك
وعاف هواي گلبي وگلبك اختار
صار سنين احبك مو عشك يوم
حتى انساك سكته ووجهي يندار
الك بالروح حسرة تكطع الروح
والك جرحي اعلى طولي من البعد صار
انا بنار هجرك مشتعل ماي !
ماي ومشتعل بيش انطفي بنار ؟
.
.
#شعراء_وذواقين_الشعر_الشعبي
#احمد_هندي
#ابو_تراب

.
تغطيت وبعدني الليلة بردان
لان مو انت يمي فراشي بارد
وينك يا دفو يا جمر الاحزان
احس بدمي على الشريان جامد
يا مهر الصبر ما كضك عنان
نسمع بس صهيلك وين شارد
كل ساعة وتعتني جفوف بطران
وانا جلد العلية قماشة بايد
.
.
.
.
#شعراء_وذاوقين_الشعر_الشعبي
#الكاطع
#ابو_تراب

.
هلا ياسالفه وماضن نملها
وعليك الگاع ماشالت نملها
هلا ياحاكم ومذنب
هلا يامجفي ومچلب
هلا ياعافيه وتسلب
هلا ياضاحك مغندب
هلا يابرحي ومرطب
هلا يميه مالت حب
هلا يلي من اشوفنه
الواهس بيش اوصفنه
يهودي وطاب للجنه
ضرر ماهيست منه
اثر ! ليل وشبگ چنه
كحايط سيد وحنه
هلا يحروفك بزندي
كذلتك والخلگ ضدي
غيرك والهلا شعندي
وغلاتك عيني مالافي نملها
منهد ذيچ الهلا المن غير جية
.
.
.
.
#شعراء_وذواقين_الشعر_الشعبي
#اياد_عبدالله
#ابو_تراب

.
ذبني اعلى الصدف عوف الواعيد
تعال اغرف الماي ال بالتجاعيد
شما اقلل رقم فركاكم يزود
اثاري فراكم مثل المواليد
عليك البيت حار اتوكه واقراه
واجيبه بنظرة الصياد اليصيد
تعال احكمني غيم ارد انعدم ماي
الكتل بالحب ابد ما بي شواهيد
تعال بحجة انت هلال شوال
باجر عيد روح الصايم تريد
تعال وصيد عصفورين بحجار
ثواب صيامنه وخرجية العيد

دكافي وحتى نارك عندي ما تنرد
وكلما جايني جاي احترك واسود
جبت كل عمري صدكي من الالف للياء
عشت منتظر خد ما عشت خد وخد
.
.
.
.
#شعراء_وذواقين_الشعر_الشعبي
#حسين_العميدي
#ابو_تراب

.
على العله ابد ما طحت بينه الذنب ؟ بالهوه ؟
من كلمن لوحدة تمشي الدقيقة عمر
ومثل السهم لو سوه
وكلشي شفت ما شفت
الساعة ما تستحي تغار من نلتقي
تمشي اسرع من الضوه
على العله هم ما طحت
هو العرك يرتوي ؟ مدري الجذع والورك
ماي انا مالي غرض ياهو الاخذ وارتوه
وبوجهي حطها الگلب
گلي انت بيك الذنب تحط بية جمرة وهوه ؟!!!
كتله قسمتي بعد ال تختاره بلسم الك
وتختاره يطلع جرح
وانا اختياري شطلع ؟
نفسه الجرح والدوه
.
.
.
.
#شعراء_وذاوقين_الشعر_الشعبي
#سمير_صبيح
#ابو_تراب

.
حبيتك كبل من شحوا الحبوك !
ومن كثرت احبابك نستك خلك ؟
تصعد للنجم مو بس ردتلك هاي
ردت انا النجم للكاع ينزلك
شح مايك علية وانت تعرفني شلون ؟
لو اموتن عطش عطشان ما اكلك
يا الما ميزت بين الورد والشوك
ما مجبور اجيبن ورد واشتلك
جفوف الزمتك لازم تحلك يوم
وهم ترجع والزمك وابد ما احلك !
شديتك نذر خيط بضريح امام
ما عندي بخت يرجعلك يفلك
.
.
.
.
#شعراء_وذاوقين_الشعر_الشعبي
#ناظم_الحاشي
#ابو_تراب

.
ما رهمت ويانا تكول ما اعيش
بمحكمة القدر طلكنه الافراح
طيور الخير هجن عافن البيت
وغراب الفكر بمچانهن صاح
مسودن بختنه وحضنه مشلول
ومن كثر الحزن منهم على الراح
على الجاهل كبل نتنكب انكاب
هسة يموت ابونه نكول يرتاح
مدام الموت ارحم لليموتون
دمشونا لعد كل احنه نرتاح
الفرج محد يعرفه شجم قفل بي
ابتلى بلوة الصبر من صار مفتاح
.
.
.
.
#شعراء_وذاوقين_الشعر_الشعبي
#جبار_رشيد
#ابو_تراب

.

.
بعدني شما علوا حدري
بعدني شما حجوا ادري
بعدني اكبر .... شما رادوا اطيح عيونهم تعثر
شما رادوا اغيب ابالهم افتر
وبعدني اكبر
بعدني شما خذوا مني افيض بمستحاي اكثر
ول شباطهم جيمت كيض وامان وبخت
ولميتهم مستحى
بخاجيتي حد ما دفوا وجروحهم هودت
وماشيتهم حس ضوة زتيتهم للصبح
حد ما شمسهم صحت
و وجوه صاروا لچن لولاي ما بينوا ولا روسهم شرعبت
يا هي يا طيبتي بشيباتي اطوشن جنت الكط وراهم فشل
من اجباهم وشلت
.
.
.
.
#شعراء_وذاوقين_الشعر_الشعبي
#قاسم_بخيت
#ابو_تراب