.
يمعودين محد حاس ب احساسي
يمعودين ما ناسي وكلت ناسي
وبراسي سوالف ما الهن رداد
على يا ساعة افرغ مخزن براسي
ابوي يخاف ربه وملتهي ب ربه
بس ما يدري ب ابنة شصاير بگلبه
لو كايلي بوية شبيك ما مرتاح
جا ما سولفت مالاتي على الغربه
وانا من العراق شعندي غير البيت
وبعد منا وغاد البيت ما اطبه
عليل وما طبت راح اكطع التدخين
كطعته وما طبت راح اكطع الركبه
ولو مطلوب دم وفيته وافتكيت
بس مطلوب عيشة وطلعة من البيت
ويكلك طبيبك قلل التدخين
وانت تقلل من الخوف على الباكيت
.
.
.
.
#شعراء_وذواقين_الشعر_الشعبي
#حسين_السلطاني
#ابو_تراب

.
جنت احبه وخاف اخسره وخاف اضيع
وجان هذا براسي ليلية الكلام
واطلع من الدين ويردني اليقين
واطلع من البيت ويردني الظلام
والشمس تطلع والف راسي واكوم
انا اذا ما روحي تطلع ما انام
.
.
.
.
#شعراء_وذاوقين_الشعر_الشعبي
#حسين_السلطاني
#ابو_تراب

.
تتكلب وما تغفى اذا ما ترتاح
وهو انت ما ترتاح اذا ما تغفى
و نفسك عزيزة وجذب ما تكتلها
والدنيا ما تستاهل تكملها
ما تسوى ترفع عينك بعين الناس
لو عينك بعين الله لو نزلها
لوما ضحكتك ياهو اليباوع بيك
هاي الحقيقة وياهو يتقبلها
جا مو شرط من تالي تعرفهم زين
مرات تاليتها من اولها
.
.
.
.
#شعراء_وذواقين_الشعر_الشعبي
#حسين_السلطاني
#ابو_تراب

‌.
حاله حال دموعي چان بعيني
وحالي حال الناس يحسبني ورضيت
على الأقل حاسبني ما ناسيني!
عود ردت ضهورنا بنفس الصليب
ليش عيسى بدينه واني بديني!
هسة بلا الـ گلبه ما ينطيه رچيچ
اني گلبي وعقلي ما ينطيني!
.
.
.
.
#شعراء_وذواقين_الشعر_الشعبي
#حسين_السلطاني
#فـطومۿہ

.
لاتعتذر مايلتم اليتشضه
بس البشر من يخسر الله يعوضه
والجايات هواي والدنيا بخير
والعاف واحد مثلي يا ول حظه
راجعت نفسك گبل لا ترفضني؟
مافكرت لو رحت شيعوضني؟
حتى القدر وياك مايلعب دور
من يمك تصحيني وتمرضني
والكاتبه الله يصير بس مو وياك
بحچايه عن الكاتبه الله تكضني
وحتى من اريد اتشاهداتعارضني
وتعرفني ماازعل حفظ حافظني
وراجع قرارك بيه لا تتسرع
لوهسة ترجع لو بعد لا ترجع
ماعندي واحد يلعب ورايح راد
بس النفس يدخل بكيفه ويطلع
وهالمرة مو موزين ميت صدگ
والگلب چذاب الگلب ليش يدگ
وعيونك الماشافن اشصار ودار
مابيه رفعة راس خلني مدنگ
مو نقص بس الوكت ماخذني هواي
مو سهلة تبدي من الصفر وتلحگ
مو سهلة هاي سنين لو يوم يهون
چا هية الايد الوحدة گوة تصفگ
.
.
.
.
#شعراء_وذاوقين_الشعر_الشعبي
#حسين_السلطاني
#نور

.
احبهم سكته بس ما راح اكلهم
لان ما تنعرف ردة فعلهم
قبلهم جربت ولهسة مكسور
شنو اليثبتلي مو نفس القبلهم
واذا بس بالتجارب نعرف الناس
يعني شلون اجرب الناس كلهم
.
.
.
#شعراء_وذواقين_الشعر_الشعبي
#حسين_السلطاني
#ابو_تراب

.
زعلانين خلانه بزعلنا
والتفكير بالرجعة كتلنا
بس ما دام اهلنا بنعمة و بخير
اذا ضكنه الوكت نرجع ل اهلنا
غلطانين من رحنا ورجعنا
طبينا بقينا بكل الگلوب
بس بگلبه طبينا وطلعنا
.
.
.
#شعراء_وذواقين_الشعر_الشعبي
#حسين_السلطاني
#ابو_تراب

.
لا تعتذر ما يلتم ال يتشضى
بس البشر من يخسر الله يعوضه
والجايات هواي والدنيا بخير
والعاف واحد مثلي يا ول حضه
.
.
#شعراء_وذاوقين_الشعر_الشعبي
#حسين_السلطاني
#ابو_تراب

.
جنت من تبتعد تتركني وحدي
كبل ما عندي غيرك هسة عندي
هسة الباب مفتوح
اذا ما عاجبك روح
مثل ما هذا حدك هذا حدي
.
.
#شعراء_وذاوقين_الشعر_الشعبي
#حسين_السلطاني
#ابو_تراب

.
متغير وناسيني
يمكن طرف ثالث دخل يخصمها بينه وبيني
ويكول افكدك لو غبت
بس وكتي ما يكفيني
جذاب ما يحجي الصدك
والله العظيم من احترك
يستنكف يطفيني
المن كضيت سنيني
وي شخص ما يعنيني
ردت اذب روحي من الجسر
بس وكفت امي بعيني
.
.
#شعراء_وذواقين_الشعر_الشعبي
#حسين_السلطاني
#ابو_تراب

خاف تسمع بية ميت
لا تكول الله يرحمه
.
.
#شعراء_وذواقين_الشعر_الشعبي
#حسين_السلطاني
#ابو_تراب

خل اكلك خاف ما عندك خبر
راد يوكف گلبي بس ربك ستر
ما مصدك عبرت وهسه انا زين
والله لو ما الله ما اطول شهر
.
.
#شعراء_وذواقين_الشعر_الشعبي
#حسين_السلطاني
#ابو_تراب

.
مدري شلون عايش مدري شمتاني
ياريت الله ياخذني كبل لا ياخذ اخواني
وبصدري سوالف ضاله بصدري
وافتر بالشوارع دايخ ومصدوم
لو صاروخ يوكع يمي ما ادري
.
.
#شعراء_وذواقين_الشعر_الشعبي
#حسين_السلطاني
#ابو_تراب

.
صح مادري منين ابدي بس راح ابدي
محد يخاف من الحياة بكدي
حاولت اوضح للبشر بس ما فاد
محد فهم بس الله يفهم قصدي

وهذا المرض لا شايفه ولا اعرفه
خنكه وصدع وذكريات و رجفه
والله اختنك والخنكه توصل للموت
بس محد يوديني للمستشفى
.
.
#شعراء_وذواقين_الشعر_الشعبي
#حسين_السلطاني
#ابو_تراب