اكتفيت بنفسي مو ناسي
واذا حسيت اريد انسان يسمعني
اسولف يم المرايا واهز راسي
.
.
#شعراء_وذواقين_الشعر_الشعبي
#سجاد_صباح
#ابو_تراب

.
تمنيتج مثل ما اريد ضني و زاعلت ضني
تمنيتج هدم بالروح و يحير اليجي يبني
شفتج يا حمامة محجله بجرحين
بالدم ريش متحني
و منو يسمع غنى الخرسان ؟
منو يدري بگلبهم شايب يغني !
تمنيتج الية و كبل هذا الحين
بس شالفايدة وشارب طلع ل أبني !
تمنيتج مثل ظهري جسر محني
جسر ينكطع بية يذبني فوك الماي
و المي يبتعد عني
و اطيح بكاع لا كاعج ولا كاعي
و لا بيها اثر منج و لا بيها اثر مني
تمنيتج مغاره كيف بيها انزع جلد حزني
من بعدج و اتوب الروح
جانت كاولية و وين ما يردونها تغني
.
.
#شعراء_وذواقين_الشعر_الشعبي
#الكاطع
#ابو_تراب

شفت النجم عالي وذكرتك
يالجنت ليل شكد سهرتك !
شمعة و الصبح خلصت عشرتك
ذبيتني وما تدري بية
كاع وسما انطبكن علية
چيلة عدوة حجاية خطية
رديتلك بس موش كلي
كصبه بشمس مكسور ضلي
والشافني حسباله اصلي
وك يا سرداب الي تبعته
هالشيب هذا منين جبته
راسي وگلبي ابيض صبغته
.
.
#شعراء_وذواقين_الشعر_الشعبي
#احمد_الذهبي
#ابو_تراب

.
امل عندي برجعتك باقي وشلت بير
بصحراء وعطش وضنوني رحاله
افزع يا نهر ؟ عاشر وشحة ماي
وكع بين الخيم بس نار تبراله
ما ينشبع منك نعي بثالث يوم
الدمع لو ما رحيلك ما اتدناله
.
.
#شعراء_وذواقين_الشعر_الشعبي
#نور_اللامي
#ابو_تراب

گراب يصير گلبي و كلمتك سيف
واتحمل وجع بس صفي نيتك
گلت : ماريد اشوفك گتلك : تهون
ابد مامر بعد من باب بيتك
اجيت بكل صلافه وجاي مغتاض
تحاسبني لأن بالطيف اجيتك
.
.
#شعراء_وذواقين_الشعر_الشعبي
#منقول
#ابو_تراب

.
ياهو البقى ما خرب ؟
يا گلبي امشنا بعد مو الاولية العرب
مشابكنه ذاك انتهى
من بعيد امس سلموا مثل اليشوف الكبب
ملاحظهم اتغيروا وحسيت واحد اكو
لمن شفت خرخشة صارت بطن الكصب
من اهلي خذوني بذر
وردوني ل اهلي حطب
.
.
#شعراء_وذواقين_الشعر_الشعبي
#سعد_شميل
#ابو_تراب

كون ندري بالعتاب يفيد بيهم عاتبينه
وكون يسوون البچي
جا ب اثنعش ناضر بچينه
غافلونا
وباكوا العشرة غفل من بين ادينه
وباكوا من ايدي العمر
سنتين وبودهم رضينه
تالي نزعوا شوكنه من گلوبهم
وكالوا وعوض عنكم لكينه
.
.
#شعراء_وذواقين_الشعر_الشعبي
#الكاطع
#ابو_تراب

.
عنت علية شوفتك واصبرت
بس ما صبر گلبي وصرخ راح اطك
جاباني الك واذعنت
جيتك بليلة شتا ظلمة ومطرها رشك
وشبعده صار الدرب خوف ورعيد وثلج
وجفوف ادية زرك
ابابك طحت ها كمت
ضميت ادية وردت ع الباب بالروح ادك
بس كالوا المن تدك ؟
كلمن مشى لحالته
واحد سكن بالغرب واحد سكن بالشرك
.
.
#شعراء_وذواقين_الشعر_الشعبي
#الكاطع
#ابو_تراب

ياهو مثلي يغار اذا شافوك اموت
وروحه تطلع لو تمر لحظة غياب
وياهو مثلي يحبك وانت بعيد
وضامك بعيونه من عين الشباب
انت كلي هم شفت مثلي حبيب
يصفن اعلى عيونك وينسى العتاب ؟
.
.
#شعراء_وذواقين_الشعر_الشعبي
#حسن_مهدود
#ابو_تراب

رمح فراكهم بالگلب ... طرشان
حرب وضعونهم لبعيد ... طرشان
اصيح محترك يم ناس ... طرشان
غديت رماد يلا فزعوا لية
.
.
#شعراء_وذواقين_الشعر_الشعبي
#منقول
#ابو_تراب

مو بس انت
كبلك كاسرتني الناس
كبلك خاسر وعاذر
بذاكرتي شكثر وادم مراية بسوك
كل ساع تعثر عيوني بوجه عابر
مو بس انت
بس انت الوحيد المادري شكاسر
.
.
#شعراء_وذواقين_الشعر_الشعبي
#صفاء_الصمت
#ابو_تراب

بين الصور والليل والراح
اتگلب اعلى فراش ذباح
كلشي بغرفتي يصيح صياح
ما مرة نمت الليل مرتاح
.
.
#شعراء_وذواقين_الشعر_الشعبي
#منقول
#ابو_تراب

صباح الخير وشلونك ؟
وي هنيالة الفتح عينة
ويلاكي عيونه بعيونك
.
.
#شعراء_وذواقين_الشعر_الشعبي
#منقول
#ابو_تراب

.
لا يا طبيبي توهمت
والجرح ما شخصته
من كال انا احتاج الدوة ؟
دخذ الدوة الوصفته
مو هذا جرح ال بالجلد
بية جرح ما شفته
رافكني وربينه سوى
لا عافني ولا عفته
.
.
#شعراء_وذواقين_الشعر_الشعبي
#الكاطع
#ابو_تراب

بزفتها كل كراه مني اخذ حيفه
حتى الدريول كام يمشي اعلى كيفه
.
.
#شعراء_وذواقين_الشعر_الشعبي
#حيدر_عبدالامير
#ابو_تراب

.
نمت وبحلمي اشوفن ... موته يمي
وجماعة هاي فترة ... مو تيومي
اوصيكم لكبري ... مو تجي امي
لحدي يضيك من تنعى علية
.
.
#شعراء_وذواقين_الشعر_الشعبي
#يوسف_الساري
#ابو_تراب

حيل شوية ضل وعيون تعبانه
مخليهن للمتانه
من تلكى محطة وكاع كلها كطوف
جان الينتظر انه
.
.
#شعراء_وذواقين_الشعر_الشعبي
#احمد_نصير
#ابو_تراب

وين التج ولا ضل حايط بدنياي ما مهدوم
.
.
#شعراء_وذواقين_الشعر_الشعبي
#منقول
#ابو_تراب

.
ليش ما كلتي من الاول ابتعد وانساني
وليش ما كلتي من الاول لا تدك بيباني
ليش من بعد الحنين
وقصة كتبتها السنين
جاية تكوليلي انسى في حياتي شخص ثاني
.
.
#شعراء_وذواقين_الشعر_الشعبي
#عزيز_الرسام
#ابو_تراب

اريدك انساك  اتمنى انام الليل
واكعد ما الك ذكرى
لو ادري ولا حبيت بيني وبينك الزهرة
عشكت عيونك الحلوات
وانا وياك ما حاجي
حبيتك على الفطرة
كل ضني انت تبقى وياي
وسفه وهانت العشرة
.
.
#شعراء_وذواقين_الشعر_الشعبي
#حسن_مهدود
#ابو_تراب