.
راجع بس رجعته تموت المنشار
الرمح لو ما يرد بالحرب ما يكتل
بية الصوج ساويت الكطن بالصوف
الرماد وي الكحل من ينخبط يعزل
كالوا نازل وكتلهم الشلال
بي ميزة يعلي الماي من ينزل
هزن روسهن من اعتنيت الخيل
وحتى المو فرس من جيت ضل تصهل
الما خانك رسنها من ظهرها يطيح
ومن تغير بيها طرادها يفشل
انا من النهر حايگ شجم بساط
وخيم معدان من الماي كمت اغزل
اندك بابي وعرفته المنجل اعلى الباب
صحت اهلآ وفتحت الباب اله بسنبل
كضى عمرة النهر يمشي اعلى متن الطين
بنص خاصرته ساحك منه ما يجفل
.
.
.
.
#شعراء_وذواقين_الشعر_الشعبي
#علي_مطشر
#ابو_تراب

• .
حبيتها وهم قنعتها تحبني
الجانت كبل ما تقبل تصاحبني
بايگ گلبها المنها كل ساع انباك
وهسة انا ما اشتاگ هي التشتاگ
مفاركها بس ما تكدر تفاركني
تشتكي مني لصاحبتها الحلوة
وتكلها علميني شكله ويهوى
بالليل جانت باردة ب شتانه
بنص الغطى متلفلفه وسهرانه
وتكول لا واحد يجي ويسألني
ياهو المحيرني وشنو مسهرني
وبشوفتي تبرد گلبها العطاب
تانيني هي بحجة ترش الباب
وچي جنت منها هواي كل ساع انذل
شالع گلبها وهسة كل ساع ازعل
ازعل وهي التجي وتصالحني
حبيتها وهم قنعتها تحبني
.
.
.
.
#شعراء_وذواقين_الشعر_الشعبي
#حسين_العتابي
#ابو_تراب

.
ها كضت ها لا بعدها ها كضينه ها بعد بينه نفس
ها لكينه عيونه وها ما لكينه وها نسينه الشوف ها بان الخرس
ياهم احنا منين اجينه ل يا نهاية احنا ابتدينه
تضيع بين اشفافنه حروف السؤال
وتهنه وسط بيوت اهلنا ولا تصح جلمة تعال
وصاحت الوادم علينا مسودنين وشككينه ثيابنه
وصاحت الوادم ددلوا التايهين وتيهينه ابوابنه
مسودنين وتايهين
لا اخذنا الكاس قبلة ولا توضينه اعلى دين
وصار فكر البينه دهله لا هو ماي ولا هو طين
مسودنين
نبجي ما ندري عليمن نضحك وماندري ليش
ما درينه انبعنه يمتى وما درينه انبعنه بيش
مسودنين
.
.
.
.
#شعراء_وذاوقين_الشعر_الشعبي
#محمد_الغريب
#ابو_تراب

.
حالف اسوي وياك وحدة بوحدة
حالف اوصلك مرحلة المطلوب دم تحسدة
ذليتني بس انا الك والمثلي مو هسة ترى
بعدين يلا تفكدة
تشتاكلي من تغمض وما تغفى
من تكتب اسمي وتجي تنام بصفة
.
.
.
.
#شعراء_وذاوقين_الشعر_الشعبي
#احمد_عاشور
#ابو_تراب

من مذكرات شاعر ... الحلقة ( الرابعة عشر )

لا افهم لماذا كل هذا الحزن في الشعر العراقي ؟
هل انتم عاجزون عن كتابة مشاعر البهجة والسعادة ؟
كان مدير الاذاعة والتلفزيون يتحدث وكأنه يبوح بسر خطير , يزفر بين الحين والآخر ، و يتابع ببصره وجوه الشعراء الذين حضروا الاجتماع
ثم اردف قائلا : توصيات مجلس قيادة حزب البعث تقضي بأن تكون نبرة الاغاني من الان وصاعدا مليئة بالتفاؤل والفرح تزامنا مع فجر (ثورة تموز المجيدة )
كان كل الحاضرين ينصتون بترقب واهتمام كبير ٫ على عكس رجل يجلس اقصى الطاولة كان متجهما غير مكترث بما يدور من حوله تفوح منه رائحة الخمر ٫ غمغم مع نفسه بكلمات مبهمة ثم اقتطع جزء صغير من علبة السجائر خاصته وكتب :
يگولون غني بفرح واني الهموم اغناي
بهيمه ازرعوني ومشوا وعزوا عليه الماي

من مذكرات الشاعر المرحوم جبار الغزي

...........................................

يگولون غني بفرح واني الهموم اغناي
ابهيمه ازرعوني ومشوا وعزوا عليه الماي
نوبه انطفي ونوبه اشب
تايه بنص الدرب
تايه وخذني الهوى لا رايح ولا جاي
يگولون غني بفرح
دولاب فرني الوكت وخميت الولايات
الغربه صاروا هلي وخلاني الشمات
ومابين شوگ وصبر خلصن سنين العمر
يگولون غني بفرح
احرگ خطوط العتب وانثرها ويه الريح
واذكر محاچي العشگ يابو شعر تسريح
والعمر شمعه انطفت وكل السوالف گضت
يگولون غني بفرح
چنت انا اشوفك گمر وهلال من بعيد
ولمن وصلتك شفت حزنك بيوم العيد
وعرفت ظلمه العمر وياك يالماتمر
يگولون غني بفرح
وانا الهموم اغناي بهيمه ازرعوني ومشوا
وعزوا عليه الماي
يگولون غني بفرح
.
.
.
.
#شعراء_وذاوقين_الشعر_الشعبي
#جبار_الغزي
#ابو_تراب

.
عامان مرن قد اخفيت احساسي
على اهلي على صحبي على ناسي
اصير كبالهم اسكت وما يدرون
شنو هاي المصيبة الضامها براسي
تناديني جموع الناس يا ثملآ
وما بصروا نزول الخمر في كاسي
تاليها وعرفت الزين للموزين
وكلمن گلبه طيب يوكع بقاسي
مرت عليه من الايام اصعبها
بها ندمي وخذلاني و وسواسي
راح ومن وكت هالجفن ممغمضه
ولحد الان حاير بيمن اتوضى
اضم بصورته وخايف عليها تضيع
ومدري شلون ذب كلادة الفضه
من فاركني علمني المحبة حظوظ
مو كلمن وحبه كلمن وحظه
.
.
.
.

#شعراء_وذاوقين_الشعر_الشعبي
#مهند_العزاوي
#ابو_تراب

.
اول مرة احس بروحي خسران
قبل ما ماره علية الخساير
شنو ذنبي واكضي الليل سهران
ومكابل صورك والجكاير

.
.
.
.
#شعراء_وذواقين_الشعر_الشعبي
#حسين_الحبتري
#ابو_تراب

.
عندي الصداقة وطن مو سهر حد الصبح
وان جاني تعذرت رأسا شكل ذمتي
عديت ربعي الوفوا
بالخنصر وخلصوا
ضميت ادية وصحت يا بوية يا فشلتي
لا شلت ايدي بزعل لا فاجأت صاحبي
ادفعها كلت بالتي احسن وادك لافته
منا وهيجي بعد مو كل وجه يقترب ينشاف بمرايتي
.
.
.
.
#شعراء_وذواقين_الشعر_الشعبي
#علاء_الزبيدي
#ابو_تراب

.
الغابة ما تكضيها سله
وشجرة من تخسر ثمرها اتاني موسم ثاني جاي
شما غفت سدت حلمهم
كلها جدم السيل جاي
الخناجر ما ترد صدر اليهد وسلاحه جرحه البير كلما غمكت جرحه المساحي يزيد ماي
.
.
.
.
#شعراء_وذاوقين_الشعر_الشعبي
#الكاطع
#ابو_تراب

• .
يا حبيب لو ردت باجر تشيل
ما تصيرش بس نكول احنا ولوا
جنت احشم كل عمامي اعلى الرحيل
وما يهمني الي اجوا والما اجوا
يا حبيب لو جنت انت زعلان
جا زعلت اعلى الهوا لو زعلاك
وما يمر بريتي وهذا المچان
الي گبل ما اشم هوا اشتم هواك
وجفي لكطى لكاك بدروب الزمان
وكيفيت بين ضلعيني ازرعاك
الدنيا مدري شلون فرشتلي الشليل
وفرهديتك يوم عذالي التهوا
وانا جبت الغانمة وانا الدليل
وكورت واهل الهوا ما حصلوا
.
.
.
.
#شعراء_وذاوقين_الشعر_الشعبي
#صاحب_الضويري
#ابو_تراب

.
تعالوا الليلة وحشة لا تروحون
وحق العشرة ما شبعان منكم
ما مرتاح احسكم جاي تبجون
منو من بعدي كلكم محد الكم
ب ذراعي وجع بس مو وجع موت
مضت مدة علية ما شابكتكم
.
.
.
.
#شعراء_وذاوقين_الشعر_الشعبي
#يحيى_العلاق
#ابو_تراب

.
انا شكد جذبت على الناس اكلهم زين
اذا سألوا شلونك تزرك الشفه
قصة منتحر تعرفني كلها تريد
من يمي اليشبهك لو عبر صدفه
ام جندي بحرب موعد نزوله اليوم
واتأخر واجاها .... تخيل اللهفه
والله لو ترد هيج اطلع اتلكاك
انا المشتاكلك يا عيب يا عفه
صيف جفاك اجى ونشفن البيهن ماي
بس جفني المبلل جيتك تنشفه
.
.
.
.
#شعراء_وذاوقين_الشعر_الشعبي
#حسين_المرياني
#ابو_تراب

.
ما تعرف تحب ما جايسك شوك
كبل ما حاب ما عشت المشاعر ؟
يالمقيدني مثل الشجرة بالكاع
لا تمشي ولا تكدر تسافر
شفتك والتهيت بطولك الحار
ردت اندار كضتني الظفاير
غشيم وغرني كلش زبرج البيك
وانا انسان متهمه المظاهر
يزعجني الضجيج بعرس لو صار
ويعجبني الهدوء ال بالمكابر
.
.
.
.
#شعراء_وذاوقين_الشعر_الشعبي
#سيف_زبون
#ابو_تراب

.
مشتاقلك حيل وعلي بس جنك مضيعني
ركز بوجهي اذكرت
انا الجنت من تلتفت حتى الهوا يوجعني
انا الجزوني ربيعتي وحبك قرن رجعني
انا الكلتلك لو متت بجفوفك تشيعني
كالوا مشكك صورتي وجامعها ومكطعني
وكالوا بعز ذاك البرد من گلبك مطلعني
ينطيك گلبك احترك وعيونك يشوفني
البارحة بگلبك فتت بس محد استقبلني
البارحة من فرحتك
لو ميت كبالك نبي هم على الفراك تغني
يا نجمة حجزيلي سما وادني
يا نجمة انا بعازة كمر
يفهم سواد ال بالجفن
صفناتي حيل أذني
.
.
.
.
#شعراء_وذواقين_الشعر_الشعبي
#رفعت_الصافي
#ابو_تراب

.
مدري شجاني السنة والعام ما انام
طول الليل ما انام
اثاري السهر مدرسة العيون
وكثرن غياباتج يا الاحلام
.
.
.
.
#شعراء_وذواقين_الشعر_الشعبي
#الكاطع
#ابو_تراب

.
انا طبعي سما وصحباني الطيور
اذا اعطش واحس بروحي لچمات
ما ادنك واجيب من النهر ماي
اشرب ماي من عين الحمامات
البعض رسموني شارد وانا هديت
ورسموا روحهم ساتر حجابات
الساتر صح شهم ما ينطي الدخيل
بس شابع مغمه من الرصاصات
قبل طبت الحرب حاجوني بدموع
منريدك تطيح ونبجي حسرات
عفت سمعي بخوذهم وانا هديت
حتى اسمع اذا صارت صعوبات
بيها تصوبت حسبالي يبجون
كالوا ما وكع واكف حرامات
.
.
.
.
#شعراء_وذواقين_الشعر_الشعبي
#علي_الشمري
#ابو_تراب

• .
زعلانه كالوا لا تمرها بحلم
وگلولي دمعج ع الجفن ما عثر
اشتموا فراكج بية من سولفت
مريتي سيف وصار خلگي نحر
يضفرون وجهي وثنثر عزتي
وبعيوني تطفى وجوه كل البشر
شخليتي بية وصدري فارغ طلع
شعاف الندى من اثار فوك الصخر
دبريلي ملگة بروحي وحشة حضن
شكد ناس صغرت من فراغج كبر
.
.
.
.
#شعراء_وذاوقين_الشعر_الشعبي
#علي_رشم
#ابو_تراب

.
كلبوني على الصفاح وعلى البطن وعلى الظهر
كالوا نشبعك قهر
كلت اموت اعلى القهر
كالوا انت وين رايح ؟ ولك والجنة بعيدة !
وانت صارتلك جهنم مستقر
كلت اسافر ... ها تسافر ؟ يا سفر ؟!!
قبل لا انت تسافر جيب السنين العشتهن يا بشر
هاكم سنيني العشتهن قسموهن
قسموهن ما طلع بيهن شهر !
.
.
.
.
#شعراء_وذاوقين_الشعر_الشعبي
#عبدالحسين_الحلفي
#ابو_تراب

.
الف مبروك والباقي بحياتك
باجر راح تسمعهن سوية
تبجي احبابك وتفرح شماتك
ويزفونك واموت بفد مسية
دشوف شكد محبتك
يشيعوني وي زفتك
الجفن الابيض لبسته انا لغلاتك
والاسود لا تلبسه انت علية
يا الكتلي انا احبك موت واحسك تجري وي دمي
طلب عندي اذا مرخوص سمي ابنك مثل اسمي
ومن بسمه ينادونك
بأيامي يذكرونك
واذا احس روحي عايش وي ذاتك
تصير وداعتك سهلة المنية
.
.
.
.
#شعراء_وذاوقين_الشعر_الشعبي
#رائد_ابو_فتيان
#ابو_تراب

.
من جنت بالكاروك جابولي طاريك
ما اصرخ من الجوع جنت اصرخ اعليك

#حسين_العميدي

زين انت بالكاروك وتصيح اريدة
بطني امي وانا اعلية كاتب قصيدة

#حسام_الحمزاوي

.
.
.
.
#شعراء_وذاوقين_الشعر_الشعبي
#ابو_تراب