.
ياهو انت ؟ اجيب الروح يمك واذلها
عيوني من تطيح ما ادنك الها
.
.
.
.
#شعراء_وذواقين_الشعر_الشعبي
#سمير_صبيح
#ابو_تراب

.
اذا حبك أذية تعذب الروح
صدك انا راضي ب هالأذية
انا اشتاكيت ما ضل صبر بية
و اجيك اليوم مو باجر الجية
اجيلك ركض و واصل كبل الاقدام
واذا تعبن اقدامي امشي اعلى ادية
واذا حنيتلي وضاك الخلك بيك
احس بدنيتي ضاكت علية
واذا وحشة عليك تصير بالليل
علية الوحشة تبدي من المسية
.
.
.
.
#شعراء_وذاوقين_الشعر_الشعبي
#عادل_محسن
#ابو_تراب

.
تطبع مو طبع علمها تنسى الروح
ولا تحجي الصدك عودها تتعود
كافي تضل جسر خلي النهر ميزان
وشوف اعلى الجرف جم صوت يتبدد
للبگلبه مرض بس راح اكله بهاي
يكفيني فخر ما اقلد اتقلد
.
.
.
.
#شعراء_وذاوقين_الشعر_الشعبي
#سمير_صبيح
#ابو_تراب

.
طاحتلك الفركة موردة الخدود
وانا طاحتلي كلش دمعة العين
واشو طالع تخبل من الفراك
وانا طالع مخبل بالدرابين
كل هذا واكول مقصر وياك
وانا الباچي بچي يسواله شطين
وما تبچي واعذرك حقك بهاي
دمعك ما يعرف خدودك منين
.
.
.
.
#شعراء_وذاوقين_الشعر_الشعبي
#علي_نجم
#ابو_تراب

من مذكرات شاعر الحلقة ( الحادية عشر )


كلما وقع نظره على تلك الحسناء التي تشاركه مكان العمل
انبثق ذلك الفضول والرغبة الملحة في معرفة سبب رفضها لكل الذين نالو شرف محاولة في ان يكون احدهم كفؤ لها
ذات مرة مضت الكلمات بخطى حثيثه وبصوت ثابت يشوبه شئ من الخجل
هل يزعجك ان اسألك شئ ما ؟
اردف قائلا بابتسامة زائفة يحاول من خلالها ان يتظاهر بأنه غير مكترث اذا ما قالت لا
فقط اريد ان اعرف من هو الذي سيكون الحظ حليفه اذا ماتقدم لطلب يدك
اعطته بصيصا من الامل حينما ابتسمت فهو كان يمني النفس بحوار مستفيض لا يخلو من المشاعر الانسانية
اجابته وكأنها تهمس في سرها : حايرة
لم تكن تعرف سلفا ان هذه الكلمة ستكون ذات يوم عنوانا لاحدى اشهر الاغاني !
بينما كانت لفافة التبغ بين شفتيه تلفظ انفاسها الاخيرة انتهى من كتابة النص في خمسة دقائق فقط !!
من مذكرات الشاعر المرحوم كاظم عبد علي



حايره

حايرة والشوگ بين عيونچ
خايفة اتحبين ويلومنچ
ظالة بنص الدرب محتاره
متعرفين هذا العشگ و أسراره
والسهر ذبل سواد عيونچ
خايفة اتحبين ويلومنچ
خلينا نندل الطريق النمشيه
اوله واضح خلي نعرف تاليه
باقية بنص الدرب محتاره
متعرفين هذا العشگ و أسراره
والسهر ذبل سواد عيونچ
محتارة انتي وحيرتيني وياچ
لاعشت حزني ولا فرحت بملگاچ
ظالة بنص الدرب محتاره
متعرفين هذا العشك و أسراره
والسهر ذبل سواد عيونچ
خايفة اتحبين ويلومونچ
.
.
.
#شعراء_وذاوقين_الشعر_الشعبي
#كاظم_عبد_علي
#ابو_تراب

.
لو صار العشك للبيع
لا تعتب على الشراي
كثر اللوم على الباعة
انا الليلة الج يا روح
ل اكص جفج واعلكه برمح المداعة
الغفى بفي النخل يترجى تمرة تطيح
مو مثل التشلبه وجاب ب ذراعة
.
.
.
.
#شعراء_وذاوقين_الشعر_الشعبي
#الكاطع
#ابو_تراب

.
اكدر اوصلة بس انتوا روحولة
وباليعجبكم شتردون كولولة
واذا يذكر ايامي بوجه لا تضحكون
وعلى رجعتنا واهس لا تسوولة
كلولة الكبل فارس احلامك جان
شاعر ما يدور كلمة مكيولة
واضل لوحدي ولا هو ثاني يصير
الرهم وي غيري ما يكعد علية طولة
التركني احجي وي روحي شرايد احجي ويا
البقى بيناتنا بس ذمة مشكولة
تركني بدمعتي مبلل
يزعل عادي ما يزعل
انا ادري بحضنه مستعمل
ويريد ارجع واحن واشتاك معقولة
دكلولة الرسايل والصور عشيت بيها النار
وعلى دخانهن سويت تعلولة
.
.
.
.
#شعراء_وذاوقين_الشعر_الشعبي
#رائد_ابو_فتيان
#ابو_تراب

• .
سولف كول الك واهس تضل وياي
واذا ما الك واهس كول لا تخجل
ما اقبل احبك وانت ما مرتاح
وما ارتاح احبك وانت ما تقبل
فكر باليهمك المهم شتريد ؟
انا كل اليهمني المهم لا تزعل
بكيفك من اجيت وما جبرتك يوم
ما اجبرك بكيفك لو ردت ترحل
ما مليت منك اكدر ابقى وياك
بس المشكلة خاف انا راح انمل
.
.
.
.
#شعراء_وذاوقين_الشعر_الشعبي
#جبار_رشيد
#ابو_تراب

.
شكالولك علية وصار وجهك سيف ؟
وتعرفني التكتلك والحجي مصدكة
شجرة ومو ب أدية وتدري وكتك ريح
تحملني ذنب من طيحت ورگة
خلگ ساتر ولك سويت خلگي وياك
شكد موت وجثث ما ضيجت خلكة
مو من صالحك على الجرف تزرع عود
ما تدري اعلى ساعة يفيض ويغركة
ومن شفت الخناجر خذت دور السيف
كلت يا روحي صيري بهالوكت دركة
تسألني وتگلي شسوه وكتك بيك ؟
شسولفلك شكلك تكتل الحركة
ذبني ابير ب أيدة وكال اكلني الذيب
ورسم للذيب صورة وجثتي بحلكة
.
.
.
.
#شعراء_وذواقين_الشعر_الشعبي
#سمير_صبيح
#ابو_تراب

.
.
اندلة وجهك لا تقشمرني بقناع
المو حقيقي الورد ميصدكه الفراش
جنت حاضر من گبل من ارسموك
ما يضيع صورتك كثر الغواش
ليش تتنفس منو اليكدر يكول
هيج حبك غير قابل للنقاش
يفهم انكيدو ورفض ماء الخلود
لو شرب ما جان ابد لي هسة عاش
لهذا ما خليتني اوصل يم أديك
لان تعرف باجر تلفني بقماش
مدري ليش اتنفسك وانا ادري بيك
ملح وبماي الهجر من ايدي طاش
صواب حجيك يوكع بگلبي اكيد
حتى اذا ما منتبه وعيارة طاش
شوف امام يشور وشدني علية
كامت الوادم تصيح هذا راش
.
.
.
.
#شعراء_وذاوقين_الشعر_الشعبي
#ميثم_فالح
#ابو_تراب

.
جمالك ترى بحور العين ... يندار
ولجدامك فرشت الروح ... يندار
نذر عمري اعلى عمرك كون ... يندار
وشكو عندك علل تندار بية
.
.
.
.
#شعراء_وذاوقين_الشعر_الشعبي
#ناظم_الحاشي
#ابو_تراب

• .
وتصدكون اذا اكلكم ؟
صحيت من العشك فشلان
وجة يضحك گلب يبجي
مثل المنه والبي باكة يتعير اذا يحجي
ينطي الظهر للشدوا بحبل الاعدام
وبرية المسعد فرش روحه ونام
حتى الهوا مصلحجي
عليه عاصفة كالوا بس كلت نسمة
غبار بجامة وين الكاه اخط اسمة
طاح وشلته ... رد طاح وشبع بوسات
بوجة نظري عندي يعادل النعمة
وطحت دمعة اعلى خده من الزعل بالليل
ومسحني من الصبح جن مسحة الكلمة
عبرت عليه جنازة وما رفع جفة
عطر حسبالي ما ينتقل لو شموا
تربه بجامع وكل يوم اله شفة
نادم على الرجفه الجنت احسها ويا
مو فنجان شايب وارتعش جفة
.
.
.
.
#شعراء_وذاوقين_الشعر_الشعبي
#ولاء_الركابي
#ابو_تراب

.
يا الغاشني بنيك عبالي نورس كبل ما ادري بيك غراب
بيناتنا الغيرك ما حبك بكدي
امنيتة هم تختلف لا زاير وداعي الك ولا منطي لمجدي
واني اعلى مودك جنت
اتصدق بكل وكت من جنت ما عندي
مو كوة اعلمك وفى
تبقى انت تفكه حرب كل ساع وي جندي
.
.
.
.
#شعراء_وذاوقين_الشعر_الشعبي
#مصطفى_العقابي
#ابو_تراب

.
مثل الخدر ملكاه خلي من الاكيه
واصعد شواي شواي حتى استلذ بيه

ساعة اثنعش بالليل للفراك اعزاز
مثل الدوت بي نار من راسه للجاز

بالك تمد الزاد للموش اهل زاد
وجه الملح ينصان عند ابن الاجواد
.
.
.
.
#شعراء_وذاوقين_الشعر_الشعبي
#عدنان_البركي
#ابو_تراب

من مذكرات شاعر الحلقة ( الثانية عشر )

قصة قصيدة اليوم من اكثر القصائد المخلدة في تاريخ الشعر الشعبي العراقي كيف لا وان كاتب هذة القصيدة يعتبر احد كبار مثقفين العراق المبدعين الشاعر الكبير مظفر النواب
تبدأ القصة في عام ( ١٩٥٦ )عندما قرر الشاعر مظفر النواب ان يسافر الى مدينة البصرة في القطار ولسوء احواله المادية انذاك قطع تذكرة درجة ثالثة . كانت جالسه امامه امراة جميلة تبلغ من العمر اربعين عامآ .
بدء القطار رحلته وعند وصوله الى احدى القرى الريفية التي تسمى قرية ( ام الشامات ) دمعت عين هذة المراة فسألها الشاعر مظفر النواب عن سبب حزنها فاخبرته قصتها .
كانت المراة تحب ابن عمها وهو يحبها ومتفقين على الزواج فاشتهرت قصتهم في تلك القرية وبسبب العادات والتقاليد لم يوافقوا الاهل على زواجهم لانهم يعتبرون ان الحب ( شيئ معيبآ او غلط ) المهم اتفقت هي و حبيبها ان يذهبان الى بغداد ويتزوجان هناك وفعلآ حملت امتعتها وسافرت قبله الى بغداد منتظرة قدوم حبيبها الا انه لم يأتي وعرفت انه بعد كم شهر تزوج غيرها وهو الان سعيد في حياته الزوجية الجديدة .
هذة المراة لم تحصل حب حبيبها ولم تستطيع الرجوع الى اهلها بسبب هروبها الى بغداد .
كانت هذة القصة كفيله بانجاب نص غنائي متجدد وفعلآ بدء الشاعر الكبير مظفر النواب يكتب القصيدة المنشودة وهو في القطار لكنه لم يكملها الا في عام ( ١٩٥٨ )
وتعتبر قصيدة ( الريل وحمد ) من اجمل الاغاني المسجلة في تاريخ الغناء العراقي والعربي .

(( الريل وحمد ))


مرينا بيكم حمد
واحنا بقطار الليل
واسمعنا , دك اكهوه
وشمينة ريحة هيل
يا ريل صيح بقهر
صيحة عشك , ياريل

هودر هواهم ولك
حدر السنابل كطه

انه ارد الوك لحمد
مالوك انا لغيره

يجفلني برد الصبح
وتلجلج الديره

يا ريل بأول زغرته
لعبته طفيره
هودر هواهم ولك حدر السنابل كطه

مرينة بيكم حمد واحنة ابقطار الليل
واسمعنة , دك اكهوه وشمينة ريحة هيل
.
.
.
#شعراء_وذاوقين_الشعر_الشعبي
#مظفر_النواب
#ابو_تراب

.
امد طولي اعلى طولك وارد اشبكنك
حلاة البيك تاخذني لطواري الشوك بعيون الكمر وانت الكمر جنك
اخذني وياك مو منك
اخاف الغيم يندلني ويسولف للعطش عنك
اخذني عيون الحديثات غضن شوفهن وبروحي شافنك
الشرايع سولفني وكشخن بشرعي
وشمع كل ليلة من ينجاس يلتاف بستر شمعي
بجيت وفوك خد الكاع لكيت جفوفك السمرة
يلمن عافية دمعي
.
.
.
.
#شعراء_وذاوقين_الشعر_الشعبي
#صابرين_الكعبي
#ابو_تراب

.
كم خاب ضني بمن اهديته ثقتي
فاجبرتني على هجرانه التهم
كم صرت جسرآ لمن احببته
فمشى على ضلوعي وكم زلت به القدم
فداس قلبي وكان القلب منزله
فما وفائي لخل ما له قيم
لا اليأس ثوبي ولا الاحزان تكسرني
جرحي عنيد بلسع النار يلتأم
اشرب دموعك واجرع مرها عسل
يغزو الشموع حريقآ وهي تبتسم
.
.
.
.
#شعراء_وذاوقين_الشعر_الشعبي
#كريم_العراقي
#ابو_تراب

خلص وشل صبرهن ما بعد منهن
وضل ليلك طويل ولا عمر عدهن
ذابن والصبر نار اعلى راس الخيط
ما غزر ضواهن بالهوا تحطهن
.
.
.
.
#شعراء_وذاوقين_الشعر_الشعبي
#سمير_صبيح
#ابو_تراب

.
.
صوتك ندهني ومو حلم وفزيت من نومي وكلت
مو صدك ؟ لا يمكن صدك !
والروح وي صوتك مشت ناديت والخطوة ابعدت
والصوت وي مشي الجدم من ينلحك ما ينلحك
وعلى الاثر نمشي اعلى الاثر والشوق سابگنه سبك
يم بابك ويا حيرتي ؟ مدري شندهني وجابني
وحتى نسيت شلون على الباب من ادك
ضنيت ما اشوفك بعد
من شفت ضويات الدرب يطفونها شما تعتلك
ومن شفت شتلات الفرح مات الفرح وملثمة
والحزن صار سنين ياكل بالعرك
.
.
.
.
#شعراء_وذاوقين_الشعر_الشعبي
#جبار_رشيد
#ابو_تراب

• .
بعد ما ربك انطاك علية كمت تكبر !
يا ابو جنحان الكصار طير ان جان تكدر
ريشة انت بوسط ريح
بالك تهوى وتطيح
واخاف عليك تعثر
البشر ما يعلى بالمال ب أخلاقة يتعلى
ولا يتغير الحال ويدوس اعلى خلة
اصيل المعدن يدوم
لو يوصل للنجوم
واليضر الناس ينضر
اليتكبر على الناس هم دنياه تذله
يمر وكت العسر بي واصحابه تمله
ويعيش العمر خسران
ويضل كل يوم ندمان
وكل لحظة يتحير
بعد ما ربك انطاك علية كمت تكبر
.
.
.
.
#شعراء_وذاوقين_الشعر_الشعبي
#عادل_محسن
#ابو_تراب