.
من يزود بعينك شوية السهر
يجي ابالك تكعد تكلب الصور
وتلزم ألالبوم وتفتحه بهدوء
مثل ما تفتح الجنطة ال بالسفر
ورغم كل الفوضوية ال بالمكان
ابتسم تلكى التشابه بالبشر
العامل المشترك بين الغايبين
التقارب بالكتابه اعلى الشجر
بلا مخدة تخلي راسك فوك اديك
سكتتك كاسرها بشوية مطر
تغمض وتفرك عيونك لا تنام
نوم لا شابع ولا شابع سهر
ويا دموع من الضحك تنزل صدك
ويا گلوب نفتحت وضلت تدك
والدموع اليبست بترس القطار
كون كلها تطيح لمن تنشبك
.
.
.
.
#شعراء_وذاوقين_الشعر_الشعبي
#محمد_الشمري
#ابو_تراب

.
يمه ذول اهل القصر ما لعبوني
يمه من شافوني اجيت اتنادسوا واستغربوني
يمه ما سموني بأسمي وكالوا هذا ابن الفقير وشتموني
وكالوا هذا ابن الصريفة وعيروني
يمه جا هو الفقير شسوى من نچلة بعمرهم
يمه جا هي الصريفة شماخذه وخايف قصرهم
يمه كالوا لا تمر منا بعد بالك تشم ريحة وردنه
وكالوا بجدمك الحافي نخاف يترب عكدنه
يمه عدهم كلشي عدهم و احنا بس الماكو عدنه
.
.
.
.
#شعراء_وذاوقين_الشعر_الشعبي
#كاظم_خبط
#ابو_تراب

.
حرامينه كبل مو مثل اليبوكون
والغيرة كبل حتى بحرامينه
اخذلك مرة واحد راد بيت يبوك
چي جاعت عياله وضاكت بعينه
طب لبيت عالم كله خير البيت
ومحمل ذهب حتى بحياطينه
صدفه وشاف خبزة وشالها من الكاع
عض منها واكلها وصفك جفينه
انا غلام ابوي شلون ابوك البيت
وانا الزاد ضكته وشانت بعينه
.
.
.
.
#شعراء_وذاوقين_الشعر_الشعبي
#علي_الفريداوي
#ابو_تراب

.
عفتوني
اعله يا سجه
انشري و انباع و اتعثر
يكون بعودي ماكو سنين
خاطر ما انبت و اثمر
افه
اتبدل
حجيكم ليش
معقوله العمر أثر
هلي
خلوا الحجي مدثر
انه شبيدي
العمر ركضه
هلي لو بيدي ما اكبر
مثل حال العراق وياي
عشت وياكم بغربه
الماي الما تحظنه جروف
ما يندل بعد دربه
اهل روحي شبلاكم
مو ابنكم طاح
لو ما ينحظن صعبه
هلي
الماله عرف بالكاع
يضل ياهو اليجي ايشربه
.
.
.
.
#شعراء_وذواقين_الشعر_الشعبي
#احمد_العبيدي
#ابو_تراب

.
سأزور صديقي حسن الذي اوصاني ان اتسلل بعد منتصف الليل خلسه الى قبره وارى القبور تتلفت مذعوره حوله
وك حسن كف انينك اتعبت الموتى
سلم من غضبآ ينشق عن قبرك لا تلويه ريح
انت في قمته تقتص من راسك سكران تصيح
لم يرحني الموت لم يقرأ على قلبي السلام
وشرابك خشن الملمس يا حسون ادمى كبدك
انه يحفر في جرفك سواك حطاما
لا فرق اذن
كان حسن قبرآ فوق الارض ينفخ ناي وربابآ
صار حسن قبرآ تحت الارض ويسري في القبور
يسأل الاموات عن نفخة سور
فلقد هيئا للرب عتابآ
.
.
.
.
#شعراء_وذواقين_الشعر_الشعبي
#موفق_محمد
#ابو_تراب

.
الگلب سلمته بأيدة ... وارده منه
وحال الثكلى حالي ... وارده منه
اجتني بيوم صوغة ... وردة منه
طبت ما ضل بعد كل مرض بية
.
#شاكر_التميمي

انا الواضح والمبين ... ولا خاف
وانا الما رجفن اجتافي ... ولا خاف
وانا الما نقص وزني ... ولا خف
اختفيت وخفت خف وزن العلية

#رحيم_المالكي
.
.
.
#شعراء_وذواقين_الشعر_الشعبي
#رحيم_المالكي
#شاكر_التميمي
#ابو_تراب

.
وين جنتي ؟
و ليش متأخرة علية كل هالسنين
و ليش ما طيفج اجى وفزز صفنتي
قبل تسع سنين مريتي اعلى عيني وما وكفتي
ليش من كف العمر هسة ضهرتي
وين جنتي يا ملك شيطان وتلبس بجثتي
ويا دمع خسران يمثلم وجنتي
ويا ألم لف روحه سجينة بحسرتي
ليش من دك الجرس ما صارن عيونج فرصتي
ليش يا أول درس يفترض كنتي
وليش من عبرن محطاتي ركبتي
وليش فتحتي لمن ذبلت وردتي
والله لو عندي بخت جا لمج من سنين بختي
جان هسة دموع ماكو وخابصة العالم ضحكتي
وجان هسة همومي ميتة وعافية بوجنه فرحتي

.
.
.
.
#شعراء_وذاوقين_الشعر_الشعبي
#محمد_الغريب
#ابو_تراب

.
انا شكد جذبت على الناس اكلهم زين
اذا سألوا شلونك تزرك الشفه
قصة منتحر تعرفني كلها تريد
من يمي اليشبهك لو عبر صدفه
ام جندي بحرب موعد نزوله اليوم
واتأخر واجاها .... تخيل اللهفه
والله لو ترد هيج اطلع اتلكاك
انا المشتاكلك يا عيب يا عفه
صيف جفاك اجى ونشفن البيهن ماي
بس جفني المبلل جيتك تنشفه
.
.
.
.
#شعراء_وذاوقين_الشعر_الشعبي
#حسين_المرياني
#ابو_تراب

.
ماذا يعني لك الفرح ؟
الفرح ساعة ورسمها مسودن اعلى الكاع
.
متى يزورك القلق ؟
من احسب الدنيا احلام وانا ولا وشاله ليل
.
ماذا تعني لك العزلة ؟
دهر تنشد بگلبك ليش ما يسكت
.
كيف ترى الغد ؟
العمر مثل الحكومة يبوكك بسكته
.
علي عباس الغالبي ؟
هذا انا بس كون التعب ما يوصل لحيله
.
اين تجد نفسك ؟
بأخر صفنه من نثيه تعرف الشوك مو ؤنسة
.
كيف تقابل الصدق ؟
مو مليت اطشر بالصدك بوجوه ما تستاهل الجذبه
.
.
.
.
#شعراء_وذاوقين_الشعر_الشعبي
#عباس_الغالبي
#ابو_تراب

.
تذكر ولو ما عندك اي شي ينذكر
الله يا باب المدرسة شكد حلوة من جنت انتظر
حبيتك وما جنت اعرف اسمك شنو
كل الاعرفك عليك ابو عيون الخضر
.
.
.
.
#شعراء_وذاوقين_الشعر_الشعبي
#زيد_السومري
#ابو_تراب

.
اذا جدمي يتلولح لا تكول يطيح
مثل العنكبوت اتلولح من اغزل
ولجمتك لا تبين عود ما ملجوم
الحجول بفرح وبمكبره تهلهل
دشعل نار كبره يم فسيلة وشوف
جمار امها يسود قبل لا تشعل
سرج على النبح شدوا غير قله خيل
شو صدك بروحه ويمي ضل يصهل
المنجل بتر ذيلة وشاع صيته هلال
الوادم صدكت بس جذبه السنبل
وحيرني الجذع من شفته عد حطاب
طكاته اعلى طولة ودمه ما ينزل
ومو كلمن غرگ بالماي شفته يموت
الطوس تموت من حبوبها توشل
السفينة التايه بنص بحر لو تموز
تلكى شراعها من الفشلة متبلل
شكد اكره الخشبة الرافكت انور
بجثث خوانها من تخمد تعدل
.
.
.
.
#شعراء_وذاوقين_الشعر_الشعبي
#سعد_شميل
#ابو_تراب

.
العشتهن وحدي محد مار بيهن
لذالك لحد يسولف عليهن
انعم الله اعلى الايام شكشفت وجوة
صحيح أذني بس عاشت اديهن
.
.
.
.
#شعراء_وذاوقين_الشعر_الشعبي
#محمد_الطالقاني
#ابو_تراب

.
الما يعرفك ما يثمنك لا تروح
هنانه ضل بدار حقك مستچن
وهي مو شغلة مكابر لا تخاف
انت سر وهيبتك من تندفن
الوحشة حيل تلوكلك ضل بية ليل
حتى اسمعنك ونيني من ارد أون
بحركة الما تدري بي ميت عليك
اي بحركة ياس وي ( حن وانا احن )
ولا تحجي اليسوى والما يسوى بيك
الدمعة ما تسوى فلس برة الجفن
النثية اليموتها مو طلعان روح
تموت من يحجونها بطرف اللسن
.
.
.
.
#شعراء_وذاوقين_الشعر_الشعبي
#احمد_عاشور
#ابو_تراب

.
اثنين جانو الك وماكو بحياتك فقط
اني ونظر عينك..
وعينك درتها ورحت وﻻجني منك جنت
وبكل سهوله خسرت واحد من اثنينك!!
ومن رحت طاح الكلب وصحيته كوه وكعد وبأول حجاية انحجت!
عنك سأل وينك ..
ضنيت ساعه زعل ..وخلصن ايامي شكثر ساعة زعل ماكضت !
يازين من زينك..
وجم طيف الك ودعت حملته شوك وعتب وزتيته اجه لعينك..
وكل هذا باقي بأمل ﻻزم يجيب تعب ذيج السنين المضت مابينه وبينك..
وماايست ماتجي بس اني ﻻزم اجي ابحجة ارد دينك..
شديت عين الجرح وجبته واجيت اعتذر
يم باب سجينك
.
.
.
.
#شعراء_وذاوقين_الشعر_الشعبي
#جبار_رشيد
#ابو_تراب

.
شلونكم ؟
شلون لون المستحى البوجوهكم
مثل الاول ..؟ لو خبط مايه وتغير لونكم ؟
جنت اشوف الشمس تطلع مرتين
مرة من حضن السما
ومرة تطلع من اشوف وجوهكم
شلون حال الوفى بين عيونكم ؟
تربي لو عافت سججنه ؟
انا بعيوني اشك وما اشك بعيونكم
انا بگلبي اشك وما اشك بكلوبكم
.
.
.
.
القصيدة للشاعر #كاظم_الركابي
#شعراء_وذاوقين_الشعر_الشعبي
#ابو_تراب

.
بايعني برخص وحتى ما مهتم
ولا چني المفضلك على الهوا الينشم
هم اهل الفضل مزاتهم نكران
ياهو الرد سلام الكمر من سلم ؟
وانا كتلك اتعبلي شلون هيج نعيش
واحد مبني بينه وواحد مهدم
السيف الما يتعب روحه وكت الضيج
يرجع سالم وراعيه المثلم
زينات العمر يكضن بشينه يوم
لا تجبرني كوه بغيرك اتحلم
.
.
.
.
#شعراء_وذاوقين_الشعر_الشعبي
#علي_نافع
#ابو_تراب

.
بعد ما راح اشوفك وانت تدعيلي
ولا تتغزل بصوتي وتفاصيلي
ولا نسهر سوى لحد ما نخلص الليل
وتفز الصبح بالشوگ تحجيلي
هو الماخذك مو ما يحبك حيل
ليش شوية منك ما يبقيلي
.
.
.
.
#شعراء_وذاوقين_الشعر_الشعبي
#مهند_العزاوي
#ابو_تراب

.
انا معزب اموت بغير خطار
ولك خليتني من العوز افشل
انا المثلي شيخ اعلى الملاليح
مو تطلع خبزته من التوسل
اضل ليا وكت كاعد بالايجار ؟
وانت لتاج راسك طابو تعزل
اضل ليا وكت مثل الانابيب
من النفط بس دخان احصل
.
.
.
.
#شعراء_وذاوقين_الشعر_الشعبي
#حسام_الحمزاوي
#ابو_تراب

.
عن تجربة من انطيت رأيي وقراري
يلچمني كلمن جاب للخوة طاري
دكته ولد يعقوب هينه ارضى بيها
دكات اخوتي هواي فاقت عليها
.
.
.
.
#شعراء_وذاوقين_الشعر_الشعبي
#محمد_الحسني
#ابو_تراب

.
حط بالظهر سجين ويكلي شتكول ؟
كتله انت راعي البيت شتخلي مقبول
وعثرت بنص شمات ما ماشت الخيل
من فشلتي البروح كون البس الليل
خشبة و لفتني النار سوتني جمرة
هفوا علية عضاي خافني ابرة
.
.
.
.
#شعراء_وذواقين_الشعر_الشعبي
#مصطفى_العيساوي
#ابو_تراب