التغفه باحضانه تصاويرك
عليمن يعتبر روحه وحيد؟!

#ياسر_الانصاري

گـلتـلك
سـچّتي مـعلمه اعـلى الـغربه

والـمبـيوع ماهـمّـه شـبـعد دربـه
.
#ياسر_الانصاري

انه كل ليلة اودعك من جديد
انه كل ليلة يهد روحي الحنين
وابچي لعيونك
وتدريهن
بعد شنهو الجديد !

انه مدري شبية
هالايام
ماجاي اگدر انسه
چنت احس الدنيا تمشي
هسه كل شي يمرني نفسه

تعرف بروحك عشرتك مو طويله
ليش تاخذ گلبي مني
ليش من اتطشرت گدام عينك
چفك استثگل يلمني

هسه والايام جاي تمر بدونك
گلي شبچيهة وتطيب
چان ما خليتني اتأملك واضحك
چان گتلي ، الغريب اول وتالي يرد غريب
.
#ياسر_الانصاري

من كونك صدگ مترديني اهتم بيك

ليش تضوج لو طاري الورد جبته

من تلگاني واگف توگف بمكفاي

تتراهن علي لو راسي ما درته


#ياسر_فليح

من اشتاگلك
مايضل بالروح شي ينسمع
حتى النبض سكته

ضليت اناطر عمُـر ، طولك يجي بوكته

شيسكت المنغلب
بس دمعته تسكته

ولا تسأل شذكرك
مطرت وكل الحچي
الـ بالعين طلعته
.
#ياسر_الانصاري

وين الگاك
وابچيلك شكو بعيني

وين اتلمس چفوفك
واحطهن بيدك سنيني

والمك من على الدنيا
واگلك روحي تحلالك

يـ الغايب صدگ ما اخطر ابّالك ..

#ياسر_الأنصاري

شلمو بيك وتبديت من عيني ..!

الحزن ينده اصابيعي
وياخذهة لتصاويرك

شعندك نايم بدمعي اشتهيت ابچي لوجه غيرك
.
#ياسر_الانصاري

ساومتني بشوفي
وآنه عيوني نيـتـي
والبـتوت الـترگص بـچفـك اغنـيـتي ..
.
#ياسر_الانصاري

بالعيد اذكرك
واجي
يم بابك ابچيلك
الناس تفرح
وانه دموعي تغنيلك
يابو العيون التجي
بكل فرح توگفلي
وتعرف شكو بطيحتي
من دمعتي لضلي
المافاگد شعرّفة بالفاگد المثلي !
.
#ياسر_الانصاري

وأحچيلـك ..
احجيلـك وبالـك شارد
ومااگدر ازعل وانت بس هالواحـد
ضل هيج عايش بيه مالـك رداد
هي المحبـه تريد واحد بـارد
.
#ياسر_فليح

البـعد لو بـ المـسافة
الخطـوه مگـدورة ..

لو بـ الشـوف چــا فـضيتها بـ صـورة

#ياسر_فليح

يوم الماتجيها بطيف عيني الرايده تشوفك.
تجر خطوط بين نجوم ليلي وترسم طيوفك
شسوي اندم عليه بجفاك
متندم على البسمه
كلش مستحي بدونك
وجودي بغيبتك زحمه

#ياسر_فليح

.
مِن تشَتاگِلي احضِنْي …؟
حِد المِا اميز هِاي دگت گِلبُي لو گِلبگ !

#ياسر_فليح

نحنلكم
ياخر شوگ
ونستورح سوالفكم

نحنلكم
شوكت اچفوفنه جدايلكم

نحنلكم
لان كل ساع نقرأءه احنه برسايلكم

ندري فراگنه يخلكم

مجبورين عل ترحال
وبدون اعذار

ندري الصوج مو منكم

نحنلكم
.
#ياسر_سعدون
.

مِن تشتاگلي احضِني ..
حد ال...مااميز هاي
دگت گلبي لو گِلبگ !

#ياسر_فليح
.

امس
شفتك حنين مـعلگ اعلى البوب
شفتك تختل بعمري ذنب ، مايدري وين يتوب

هلبت بالدرب وألگة الوطن صدفة !
ويلمنه التعب
والخوف
والرجفة
ونتشابگ وابوس خشونته الترفة

ويدليني على عيوني خذاهن ياحزن مني
ويعيشني السنين الضامهن عني
ونمشي ثنينه تايه لگة تايه
واضل ابچيلة ويغني

واگلة الغربة ماتعرف تلم عاشگ
ولوما انت ما ننجبر ونفارگ
انت اول وطن مبيوگ فاتح حضنه للبايگ

واگله اغفة اعلى چفي ، وخل الوليك
تطيح انت ونعاوي امي تجي تشيلك
معلمنه
النهار نموتلك ، بالليل نبچيلك ..
.
#ياسر_الانصاري
.

باعتنه السنين
ومادرينه العمر وين يريد

بعيدين ودربنه شما نِـحِن يزيد ..
.
#ياسر_الانصاري
.
.

جـابـك اللـيل وحـدر حـزنـي غـفيت
ردت الـمك ، والهـوى سـابـگ چـفـوفي
ومـدري شنـهـو الثـگّـل عـيـوني وبچـيت . . .
.
#ياسر_الانصاري
.
.

أفز من يا گناطر
واشبَـهَـكْ يا ماي !!
وأصليلك صلاة الوحشة ، وانت وياي ..

گتلك عاذرك ، والطيف عذرة وياه
والدمعة الصدگ ، تنزل عناد وراي

إبچي گبالي ، حسسني عزيز الضاع
شسوي بدمعتك من تنزل بمگفاااي !
.
#ياسر_الانصاري
.