واذم فركاك
وانشغ نشغت المحروك
لولاكه بدرب جمره
.
#شجن_الربيعي

سمارك ..؟
يربي للحنطه( يبز التين)

شاماتك ضريح اطوف بيه العين

انجفي وتسلهم ضنوني

واضيع اسمي لون بلدرب صادفتك..!

واتيهه اجدامي وعرك شوك

من اضوك الافا المن شفتك،.!

من اغثك طيش

واتعمد تحومر غيظ

موبلكيف زعلتك ..!

ويلبروحي غصب عفتك...؟!
.
#شجن_الربيعي
.

ابوگ اسمك حرز لشفاي

وألولي لصورتك بلليل

اخاف تجيسك الفزه
.
#شجن_الربيعي

البردي بساجيتنه توهدن بمايه

والنعناع من يغتر يدور جفوف جنايه

بلغبشه تطر شمسي

وشوفن طولك كبالي نهر مالاحته جفوفي.!

يهلبت تختل بسدي واضمک شيبه بزلوفي

يهلبت والوكاحه تلوگ ويـ الگيض

وتطر زيچ مشحوفي
.
#شجن_الربيعي

ضمني بسالفة ذرعان
شما يگرب اليل اشا
يعطر اول رغيف اسمر
ضحك عشريني بيك الگا

#شجن_الربيعي

شامتك فختايه تغفه بوطن خدك
صوتك ايسافر بروحي خدر والطيش ندك!
لهفتک
عكدة الحاجب غيض عينك
زعلتك حنيت جفوفك اعنادك
شما طفح بيك الغضب ليليه اغفه انه علـ زندك
انت يسمر
انت اودك!"

#شجن_الربيعي