بعدني احلم .......
وبعد بيه خلگ للیل اذا مره الگمر نسم.
واذا گالو نساك وراح !!!!!
الجرح من ينسي يلتم.
وبعد بيه اسبگ للنده مفرع وامد چفي
واگله ارتاح
هذا انه الك قداح
#بعدني_احلم



#حمدان_عبدالحسين

من ذکرتك !!!
شجره ميته ....
وبيت مهجور ودرب كلش قديم


#حمدان_عبدالحسين

زت شكو ابالك ملامح واصحه من ذاك الوسن
لاتچد.....
الماي چد وصار غیمه وهاي تاليته مزن

#حمدان_عبدالحسين

تمرجح عاد...
فوگ امن الضلع کترین
واغفه اعله الچتف مو غاد
وزت هموم البروحك وبديهن
وچومهن. علیه ارتاح
تعبك للگلب سباح
وناغیلي اتلگاني اسمعنك بمجرى الدم
واگعدلك وانه مهندم
وحط اسمي بمواويلك وغنيني
هلبت رده بسنيني
يوشالة نبع شذره
الضحك وياك شيگدره
البچي بجفاك شيگدره
یلیلو مزغرف بنمنم
یا دهلة نده مسلهم
يالوحه من اريد ارسم

#حمدان_عبدالحسين

اشلون ابقه
والمحطات الطفتهن خلن براسي قطار اتدفعه ريح
وتاهت الضحكه بدرب مامنه رجعه اشما اصيح
وماتت السچه القديمه ونبت العاگول هرشه بهل❤️ المكان
اتواكل وصده گفاهه وسولف الزنجار بيها بكل مكان
وکلت من الحرگه غفله وجرحي ماطاب انلچم
وگام یبدي يواكح اكثر لمن چود بالالم

#حمدان_عبدالحسين

اسگي روحك
يخضر شما يبس عودك
شما يمر ليل اعله وجهك
فجرك إمن ايدك يگودك

#حمدان_عبدالحسين

وفي الامس دار ألحديث بيني وبين ألنجوم

لأنها کانت اقرب منك إلي.......

#حمدان_عبدالحسين