يبنيّة يا موسم ورد..يالدافية لحد الشمس

يالمايمر بيچ البرد..

موهيچي خلّصتي الدفو!

شخلّيتي للحور العين ؟

برحيّة يالطولج رطَب..وعيونچ ولاية كحل

هور ومواويل وگصب

بحجولچ يغنّي الوطن من تمشين....

غيم الله بخدودچ مطر..يالعافية الماتنشره

مخلوقة من ماي وگمر

زفة عصافير وشلب فوك الفِلِح تتبدين

ياام الحچاية التنعشگ..عندچ عِلِم باليستحي؟

ومترهدن بروحه الطبگ ؟

وانتي الهلال ابيتكم

ردتچ براسي تعيدين
.
#ميثاق_الهلالي

وهـذوله اهـل الگلـوب البـيض
حتـى ويـه الـفرح يبـجون
بـيهم للدمـع سـوله

#ميثاق_الهلالي