مساجله #نعي
بين الشاعر مرتضى الغرباوي و الشاعر زين كريم
....................................................

#زين_كريم🌿

حته الشمس مومال أهلنه
تندار غفله أبلا محنه
ربعك عشيره وماكو ضنه
وگفتهم أعله الباب حنه
.
.
.
#مرتضى_الغرباوي🌿

دش حجرتك لا تلزم الباب
مو ربع ذوله حرورة صواب
دهرك كضيته امبسط اعتاب
حزنك عتيج البسلك انكاب
.
.
.
#زين_كريم🌿

ياضني دوم ابناسي خايب
تتلگه من ياهو المصايب ؟
جايبلي شيبي وموش شايب
كونك تخلصها گرایب
.
.
.
#مرتضى_الغرباوي🌿

ضنك مسرفن نيه زينه
وما اجت من ربعك حنينه
شراعك انطيته ليا سفينه
تغرك ومحد تبجي عينه
.
.
.
#زين_كريم🌿

تغرگ ابسهرك والتتن گیش
والموحنين اينام ويعيش
اسألهم أنه اعله الوفه أبيش ؟
يگلولي يعني شلون مثليش ؟
.
.
.
#مرتضى_الغرباوي 🌿

جا يالحنين تنام بردان
حدر القميص انترس دخان
سوك الوفه مفتحينه صحبان
تنباع كلك كون حليان
.
.
.
#زين_كريم🌿

تحلف عليهم مايبيعون
وتخبص الدنيا من يگبلون
تگضيها وياهم بماعون
تالي أعله موتانه يشتمون
.
.
.
#مرتضى_الغرباوي🌿

الميتين مو ذوله اليموتون
موتاك البموتك يشمتون
من ما تمرلهم يفرحون
من تذبل هدومك يعرسون
.
.
.
#زين_كريم🌿

ويلاه من صدعات گلبي
عثراتي ربعي بليل دربي
صبي ييمه الزاد صبي
بكيفك بعد وتشوف ربي
.
.
.
#مرتضى_الغرباوي🌿

ضم دمعتك ملكاك مريود
هو الكلب ممرود ممرود
دمعات عينك مال فرهود
كوم اشتري يرادن السود

بطاري ال#نعي

عمار التميمي يكول

يا مـن رجـت گـوه عـله لونـك
فشـلتـهه مـن مـا يشتـهونـك
ال ليـش يصـفـن بيـهه كـلـشي
ودهـه المـرايه تگـلك امـشي
وتگـوم مـن وجـهـك بـلا حيـل

مـر يـا ضـوه وشـك التـجـاعيـد
وفـرحـن عيـونـي المـگـاريـد
چـم جـيد حـزنـك بيه چـم جـيد

وحـدرك غـفن كـلهـن حمـامـات

وچـهك فـضي والكـلب بـردان
وخيـط البـروده الـ خـذك نعسان
حلـمان ،؟ ما ضـن بيـك حلـمان

تعـلم يـكلبي ع المــتاهـات

ابو العز الشمري / #نعي

المشكله عيونك هنه هنه !!
جا وين وديت المحنه ؟
وبسك تكول اليوجعنه
مااضل وجع ما جاس كلبي

علي مهدي /#نعي

بمسيلمان الشمس أدعي
ضاعت عيوني ورجع دمعي
بحباب كلبي الوكت كطعي
چا وينهم چا وين ربعي

فاضل حسن/ #نعي